काठमाडौँ । नेपाल प्रिमियर लिग (एनपिएल) मा पोखरा एभेन्जर्सले लगातार चौथो हार बेहोरेको छ । शुक्रबार कीर्तिपुरस्थित त्रिवि क्रिकेट मैदानमा भएको खेलमा पोखरा चितवन राइनोजसँग ३० रनले पराजित भएको हो ।
चार खेल खेलिसक्दा पनि पोखराले जितको खाता खोल्न सकेको छैन । चितवनले भने चार खेलबाट दोस्रो जित निकाल्दै पाँच अंकसहित अंकतालिकाको तेस्रो स्थानमा उक्लिएको छ ।
चितवनले दिएको १५२ रनको लक्ष्य पछ्याएको पोखरा १९ ओभरमा १२१ रनमै समेटियो । पोखराका लागि अर्जुन कुमालले सर्वाधिक ४५ रन बनाए । अन्य ब्याटरले उल्लेखनीय प्रदर्शन गर्न सकेनन् ।
पोखरालाई सस्तैमा समेट्ने क्रममा चितवनका रिजन ढकालले चार रन खर्चेर चार विकेट लिए । कमल ऐरीले तीन विकेट लिँदा ड्यान मोस्ले, मौसम ढकाल र कुशल मल्लले समान एक विकेट लिए ।
यसअघि टस जितेर फिल्डिङ रोजेको पोखराविरुद्ध पहिले ब्याटिङ गरेको चितवनले निर्धारित २० ओभरमा ६ विकेट गुमाएर १५१ रन बनाएको थियो ।
चितवनका लागि कप्तान सिकन्दर राजाले ३७ र रवि बोपाराले ३५ रन बनाए। उनीहरूले पाँचौँ विकेटका लागि ६० रनको साझेदारी गर्दै टोलीको इनिङ्स सम्हालेका थिए । त्यसअघि अर्जुन साउदले ३१ र डेविड मलानले २८ रनको योगदान दिएका थिए ।
पोखराका लागि कुशल भुर्तेल, विपिन खत्री र चामिका करुनारत्नेले समान दुई विकेट लिए ।
यसअघि पहिलो खेलमा विराटनगर किङ्सलाई आठ विकेटले हराएको चितवनले वर्षाका कारण लुम्बिनी लाइन्ससँग अंक बाँडेको थियो भने सुदूरपश्चिम रोयल्ससँग पाँच विकेटले पराजित भएको थियो ।
चार खेलमा लगातार हार बेहोरेको पोखरा भने चितवनसँगै सुदूरपश्चिम रोयल्स, जनकपुर बोल्ट्स र लुम्बिनी लायन्ससँग पराजित भएको छ । अंकतालिकामा सात अंकसहित लुम्बिनी शीर्ष र छ अंकसहित सुदूरपश्चिम दोस्रो स्थानमा छन् ।
चितवन । जिल्ला भूमि समस्या समाधान समिति चितवनका आयोजना एवं रत्ननगर–१२ वडा कार्यालयको समन्वयमा रत्ननगर–१२ का १७ भूमिहीन परिवारलाई जग्गाधनी पुर्जा वितरण गरिएको छ । जसमा एक भूमिहीन दलित, चार भूमिहीन सुकुमबासी र १२ अव्यवस्थित परिवार रहेका छन् ।
कार्यक्रममा चितवनका प्रमुख जिल्ला अधिकारी गणेश अर्याल, रत्ननगर नगरपालिकाका मेयर प्रलाद सापकोटा, उपमेयर यादवप्रसाद पाठक, रत्ननगर–१२ का वडाध्यक्ष सुन्दरमणि सुवेदीलगायतले भूमिहीन परिवारलाई जग्गाधनी पुर्जा वितरण गरेका हुन् । कार्यक्रममा विभिन्न राजनीतिक दलका नगरसभापति, अध्यक्ष एवं जनप्रतिनिधिहरको सहभागिता रहेको थियो ।
विगत लामो समयदेखि आफ्नो नाममा जग्गाको स्वामित्व नपाएका स्थानीयले जग्गाधनी पुर्जा प्राप्त गरेसँगै उनीहरू कानुनीरूपमा जग्गाधनी बन्न सफल भएको प्रजिअ अर्यालले बताए ।
सरकारले भूमिहीन दलित, भूमिहीन सुकुमबासी तथा अव्यवस्थित बसोबासीको समस्या समाधानलाई उच्च प्राथमिकतामा राखेको भूमि व्यवस्था, सहकारी, सङ्घीय मामिला तथा सामान्य प्रशासनमन्त्री प्रतिभा रावलको सचिवालयले जनाएको छ ।
भूमिहीन दलित, भूमिहीन सुकुमबासी र अव्यवस्थित बसोबासीको समस्या दीर्घकालीनरूपमा समाधान गर्दै उनीहरूलाई कानुनीरूपमा जग्गाधनी बनाउने सरकारको लक्ष्यअनुसार लालपुर्जा वितरणलाई थप प्रभावकारीरूपमा अघि बढाइएको सचिवालयको भनाइ छ ।
चितवन । राष्ट्रिय स्वतन्त्र पार्टी (रास्वपा) का सभापति रवि लामिछानेले निर्वाचनबाट प्राप्त जनसमर्थनपछि पार्टीका नेता-कार्यकर्तामा दम्भ र अहंकार बढेको भन्दै सार्वजनिक रूपमै असन्तुष्टि जनाएका छन्।
उनले जनताले दिएको विश्वासलाई अधिकारको दुरुपयोग गर्ने माध्यम नबनाउन र राजनीतिक व्यवहार तत्काल सुधार्न पार्टीपंक्तिलाई सचेत गराएका छन् ।
शुक्रबार चितवनमा आयोजित पार्टीको कार्यक्रममा बोल्दै लामिछानेले निर्वाचनमा ठूलो सफलता हासिल गरे पनि त्यसअनुसारको जिम्मेवारी र राजनीतिक चरित्र प्रदर्शन गर्न नसकिएको स्वीकार गरे । पार्टीका नेता–कार्यकर्तामा जनताप्रतिको सम्मान र जबाफदेहिताको भावना कमजोर हुँदै गएको उनको टिप्पणी थियो ।
‘जनताले १८२ सिट दिए, हाम्रो भुईँमा खुट्टा छैन, मात्तिएका छौँ, टुप्पिएका छौँ,’ लामिछानेले भने, ‘माथिदेखि तलसम्म हामी यति मात्तिएका छौँ, हामी यति चढेका छौँ, हामीले मान्छेलाई मान्छे गनेका छैनौँ ।’ उनले निर्वाचन जितेकै आधारमा आफूलाई अरूभन्दा माथि ठान्ने प्रवृत्ति त्याग्नुपर्ने बताए ।
पार्टीको राजनीतिक प्रभाव बढेको भन्दै प्रहरी र प्रशासनमाथि दबाब सिर्जना नगर्न पनि उनले निर्देशन दिए। विगतमा पार्टीका नेता–कार्यकर्ताले प्रशासनिक तथा राजनीतिक रूपमा दुःख पाएको स्मरण गर्दै उनले अहिले त्यही व्यवहार दोहोर्याएर प्रतिशोध लिन खोज्नु गलत हुने स्पष्ट पारे ।
यसअघि आफ्ना कार्यकर्तामाथि मुद्दा लगाइएको, व्यवसायीलाई अनुगमनका नाममा दुःख दिइएको र राजनीतिक गतिविधिमा अवरोध पुर्याइएको लामिछानेको दाबी थियो। तर विगतमा भएका भनिएका त्यस्ता घटनाको बदला लिन अहिले राज्य संयन्त्रको दुरुपयोग गर्न नहुनेमा उनले जोड दिए ।
प्रहरी–प्रशासनमा पहुँच भएको भन्दै राजनीतिक प्रभाव देखाउने प्रवृत्तिले पार्टीलाई सही दिशामा नलैजाने उनको भनाइ थियो । निर्वाचनको सफलता स्थायी शक्ति वा विशेषाधिकार नभएको उल्लेख गर्दै उनले जनतासँगको सम्बन्ध र व्यवहारलाई प्राथमिकता दिन आग्रह गरे ।
लामिछानेले पार्टीको कामकारबाहीमाथि हुने सार्वजनिक आलोचना स्वीकार गर्न पनि नेता–कार्यकर्तालाई आग्रह गरे । राजनीतिक विश्लेषक, सञ्चारमाध्यम तथा समाजले पार्टीको व्यवहारमाथि टिप्पणी गर्दा आक्रोशित हुनुको सट्टा त्यसलाई सुधारको अवसरका रूपमा लिनुपर्ने उनले बताए ।
‘समाजले हामीलाई ऐना देखाएको छ। आफ्नो अनुहार देखाएपछि ऐना देखाउनेतिर झम्टिने त्यो राजनीतिक चरित्र होइन,’ उनले भने । पार्टीभित्र देखिएका कमजोरीका लागि अन्य राजनीतिक दल, विश्लेषक वा सञ्चारमाध्यमलाई दोष दिनुभन्दा स्वयं नेतृत्व र कार्यकर्ताले जिम्मेवारी लिनुपर्ने उनको भनाइ थियो।
रास्वपाले स्थापनाको छोटो अवधिमै ठूलो राजनीतिक सफलता प्राप्त गरे पनि संगठनात्मक विकास र राजनीतिक प्रशिक्षणका कतिपय चरण पूरा गर्न बाँकी रहेको लामिछानेले स्वीकार गरे।
उनले पार्टीको अवस्थालाई विद्यार्थीको शैक्षिक यात्रासँग तुलना गर्दै जनताले रास्वपालाई एकैपटक आठ कक्षामा भर्ना गरिदिएको उदाहरण प्रस्तुत गरे। तर अघिल्ला कक्षामा सिक्नुपर्ने विषय नपढी अर्को कक्षामा पुग्न नसकिने भन्दै उनले राजनीतिक प्रशिक्षण, अनुशासन र संगठनात्मक संस्कार विकास गर्न आवश्यक रहेको बताए।
उनले पार्टीको उद्देश्य एउटा निर्वाचन जितेर अर्को निर्वाचनको तयारी गर्नु मात्रै नभएको उल्लेख गर्दै दीर्घकालीन राजनीतिक जिम्मेवारी निर्वाह गर्न नेता-कार्यकर्ताले आफूलाई परिमार्जन गर्नुपर्नेमा जोड दिए।
लामिछानेले जनताबाट प्राप्त अभिमतले पार्टीको जिम्मेवारी बढाएको उल्लेख गर्दै सत्ता र शक्तिको प्रभावभन्दा नागरिकप्रतिको सम्मान, संयम र उत्तरदायी व्यवहारलाई प्राथमिकतामा राख्न आग्रह गरे।
चितवन । राष्ट्रिय स्वतन्त्र पार्टी (रास्वपा) का सभापति रवि लामिछानेले नारायणी नदीको कटानबाट बजार क्षेत्रको सुरक्षाका लागि तत्काल र दीर्घकालीन योजना बनाएर अघि बढ्ने बताएका छन् ।
नारायणी नदी किनारको क्षतिको अनुगमन तथा निरीक्षणपछि आज उद्योग वाणिज्य संघ चितवनमा आयोजित सरोकारवालासँगको छलफलमा सभापति लामिछानेले नागरिकको ज्यान, बजारको अस्तित्व, ऐतिहासिक महत्व र व्यवसायीको सम्पत्ति जोगाउनु अहिलेको प्रमुख प्राथमिकता भएको बताए।
उनले बजार क्षेत्रमा देखिएको जोखिमबारे उद्योग वाणिज्य संघले जानकारी गराएलगत्तै आफूले सम्बन्धित सबै निकायलाई तत्काल जानकारी गराएको र आवश्यक अध्ययन तथा योजना निर्माणका लागि टोली परिचालन गरिएको बताए । उक्त टोलीले काम अघि बढाइसकेको उल्लेख गर्दै उनले आगामी दिनमा पनि यसलाई निरन्तरता दिने प्रतिबद्धता जनाए ।
सभापति लामिछानेले तत्काल गर्नुपर्ने काम र दीर्घकालीन समाधानका उपाय दुवैलाई ध्यानमा राखेर योजना बनाउनुपर्नेमा जोड दिए। प्राविधिक अध्ययनका आधारमा भविष्यमा बजार क्षेत्र स्थानान्तरण गर्नुपर्ने अवस्था आउन सक्ने सम्भावनासमेत औँल्याउँदै उनले त्यस्तो अवस्था आए सबै सरोकारवाला एकमत भएर निर्णय प्रक्रियामा सहभागी हुनुपर्ने बताए ।
“जनता जोगाउनका लागि बजेट दोस्रो कुरा हो । जनतालाई कसरी जोगाउन सकिन्छ भन्ने पहिलो प्राथमिकता हो”, उनले भने, “नागरिकको जिउ, बजारको इतिहास र त्यहाँका व्यवसायीको सम्पत्ति जोगाउन तत्काल के गर्न सकिन्छ र दीर्घकालीन रूपमा के गर्नुपर्छ भन्ने विषयमा स्पष्ट योजना आवश्यक छ ।”
आफ्नो निर्वाचन क्षेत्र भएकै कारण चितवनलाई विशेष प्राथमिकता दिनुपर्ने मान्यता आफूले नराखेको स्पष्ट पार्दै लामिछानेले देशका विभिन्न क्षेत्रमा बाढीपहिरोले पुर्याएको क्षति र आवश्यकताका आधारमा राज्यले स्रोतसाधन परिचालन गर्नुपर्ने बताए। कर्णाली, सुदूरपश्चिम र मधेसलगायतका क्षेत्रमा पनि बाढीबाट प्रभावित नागरिकको समस्या उत्तिकै महत्त्वपूर्ण रहेको उनको भनाइ थियो ।
सभापति लामिछानेले चितवनको समस्या पनि अन्य प्रभावित क्षेत्रसरह आवश्यकताका आधारमा सम्बोधन हुने बताउँदै तत्काल आवश्यक पर्ने कामको अध्ययन लगभग तयार भइसकेको जानकारी दिए। अध्ययनबाट पहिचान भएका योजनाका लागि स्रोत सुनिश्चित गर्न आफूले आवश्यक पहल गर्ने प्रतिबद्धता व्यक्त गर्दै उनले सरोकारवालालाई आश्वस्त रहन आग्रह गरे ।
छलफलका क्रममा सभापति लामिछानेले नारायणी नदीको कटान तथा डुबानबाट बजार क्षेत्रमा परेको जोखिमबारे समयमै जानकारी गराएर अध्ययन टोली परिचालन गर्न सहयोग पुर्याएको भन्दै उद्योग वाणिज्य संघ चितवनलाई धन्यवादसमेत दिए । छलफलअघि लामिछानेले नारायणी नदीले कटान गरेको क्षेत्रको स्थलगत निरीक्षण गरेका थिए ।
छलफलका क्रममा उद्योग वाणिज्य संघ चितवनका अध्यक्ष चिरञ्जीवी सुवेदीले नदी कटानको समस्यालाई गम्भीरतापूर्वक लिएर समाधानका उपाय खोज्न सुरूदेखि नै सभापति लामिछानेले पहल गर्दै आएको बताए । उनले नदी कटानको समस्या दीर्घकालीन रूपमा समाधान हुनेगरी आवश्यक योजना बनाउन उनीसँग आग्रह गरे ।
चितवन । पाठ्यपुस्तकमा पढेका तथा युट्युबलगायतका माध्यममा देखेका विषयलाई व्यवहारमा उतार्दै विद्यार्थीले तयार पारेका सिर्जनात्मक आविष्कार र प्रविधिमा आधारित परियोजना कार्यले अङ्कुरम् एकेडेमीको शैक्षिक प्रदर्शनीलाई आकर्षक बनाएका छन् ।
सामाजिक शिक्षा, विज्ञान तथा गणित विषयकेन्द्रित शैक्षिक प्रदर्शनी मेला–२०८३ मा विद्यार्थीले तयार पारेका दर्जनौँ सामग्री प्रदर्शन गरिएका थिए । विद्यालयको वार्षिक शैक्षिक क्यालेन्डर तथा अतिरिक्त क्रियाकलापअन्तर्गत आयोजित प्रदर्शनीको शुक्रबार अभिभावक, सञ्चारकर्मी तथा आमन्त्रित अतिथिहरूले अवलोकन गरेका थिए ।
प्रदर्शनीमा विद्यार्थीका सिर्जनात्मक सोच, प्राविधिक सीप र व्यावहारिक ज्ञान झल्काउने ‘लाइट कन्ट्रोल सिस्टम’, बाढीको पूर्वसूचना प्रणाली, होम अटोमेसन, ग्यास लिकेज डिटेक्टर, हाइड्रोपोनिक गार्डेनिङ, विभिन्न एप तथा कम्प्युटर गेमहरू मुख्य आकर्षण बनेका थिए ।
प्रदर्शनीमा सबैभन्दा बढी चासो पाएकोमध्ये एक थियो बाढीको पूर्वसूचना प्रणाली । स्थानीय सामग्री र प्रविधिको प्रयोग गरी अश्लेषा आचार्य र विभूति अधिकारीको समूहले तयार पारेको उक्त प्रणालीले भोटेकोशीमा आएको आकस्मिक बाढीको जोखिमलाई सचित्र प्रदर्शन गर्दै प्रविधिमार्फत कसरी पहिचान र न्यूनीकरण गर्न सकिन्छ भन्ने देखाएको थियो । नदीमा पानीको सतह बढेपछि साइरन बज्ने र मोबाइलमा सूचना प्राप्त हुने व्यवस्था गरिएको उक्त नमुनाले अवलोकनकर्तालाई आकर्षित गरेको थियो ।
त्यस्तै, विद्यार्थीले विकास गरेका एप तथा कम्प्युटर गेमले पनि प्रदर्शनीमा छुट्टै रौनक थपेका थिए । माध्यमिक तहका विद्यार्थीले तयार पारेको ‘स्क्क्रयाच’ गेममा अवलोकनकर्ताले विशेष रुचि देखाएका थिए । गेम खेलाएर विद्यार्थीले केही रकमसमेत सङ्कलन गरेका थिए । विद्यार्थीको प्राविधिक सिर्जनशीलता र प्रविधिप्रतिको रुचि प्रशंसनीय रहेको शिक्षक सन्दीप चौधरीले बताए ।
गणितलाई कठिन विषयका रूपमा नभई रमाइलो र व्यावहारिक सिकाइका रूपमा प्रस्तुत गर्न अनम्याथ स्कुलसँगको सहकार्यमा गणितीय अन्तरक्रियासमेत आयोजना गरिएको थियो । त्यस क्रममा विद्यार्थीले प्रतिशत गणना तथा भिन्नसम्बन्धी विभिन्न विधि खेल र अभ्यासमार्फत सिकेका थिए । बालबालिकासँगै अभिभावकले पनि गणितीय गतिविधिमा सहभागी भएर सिकाइलाई थप रोचक बनाएका थिए ।
विद्यार्थीले तयार पारेको ‘हाइड्रोपोनिक गार्डेनिङ’ परियोजनाले पनि अभिभावकको ध्यान खिचेको थियो । माटोको प्रयोगबिना वा न्यून प्रयोगमा खेती गर्न सकिने यस विधिबारे विद्यार्थीले जानकारी दिँदै यसलाई सहज, टिकाउ र व्यावसायिकरूपमा लाभदायक बनाउन सकिने बताए । खाद्यान्न उत्पादनका साथै घर तथा कार्यालय सजावटमा समेत यसको प्रयोग गर्न सकिने उनीहरूको भनाइ थियो ।
घरबाहिरैबाट घरभित्रका विद्युतीय उपकरण नियन्त्रण गर्न सकिने ‘होम अटोमेसन सिस्टम’, भान्सामा ग्यास चुहावट भए–नभएको पत्ता लगाउने ‘ग्यास लिकेज डिटेक्टर’ र सौर्य ऊर्जा प्रणालीले पनि अवलोकनकर्ताको ध्यान आकर्षित गरेका थिए । विद्यार्थीले आफ्नै सीप र कल्पनाशक्तिको प्रयोगबाट दैनिक जीवनलाई सहज र सुरक्षित बनाउने प्रविधि विकास गर्न सक्ने उदाहरण यी परियोजनाले प्रस्तुत गरेका थिए ।
प्रदर्शनीमा विज्ञान र प्रविधिसँगै सामाजिक तथा सांस्कृतिक पक्षलाई पनि उत्तिकै महत्त्व दिइएको थियो । सामाजिक शिक्षाअन्तर्गत विभिन्न जातजातिका मौलिक भेषभूषा, परम्परागत परिकार, लाखेनाच र पुराना सिक्काहरू प्रदर्शन गरिएका थिए । नेपाली समाजको सांस्कृतिक विविधता र मौलिक पहिचान झल्काउने सामग्रीमा अभिभावकको विशेष चासो रहेको शिक्षक अर्जुन ओझाले जानकारी दिए ।
तिहारको सांस्कृतिक उल्लासलाई समेत प्रदर्शनीसँग जोड्दै रङ्गोली प्रतियोगिता आयोजना गरिएको थियो । प्रतियोगितामा प्रियल कोइराला, प्रिसा न्यौपाने, स्मृति श्रेष्ठ, दिपाली खतिवडा, आयुषा कुँवर र रीभा गुरुङको समूह उत्कृष्ट घोषित भएको थियो ।
यसैबीच, कक्षा ११ र १२ का विद्यार्थी सम्मिलित विद्यालयको ‘बिजनेस क्लब’ले तिहारलक्षित विभिन्न सामग्री उत्पादन गरी बिक्रीवितरण गरेको थियो । विद्यार्थीले आफ्नै सीप र मेहनतबाट तयार पारेका सामग्रीमध्ये मैनबत्तीको बिक्रीबाट राम्रो आम्दानी भएको क्लबकी अध्यक्ष युनिला खनियाँले जानकारी दिइन् । उत्पादन लागत कटाएर प्राप्त हुने नाफा कुनै अनाथालयलाई सहयोग गर्ने योजना रहेको उनले बताइन् ।
प्रदर्शनीले विद्यार्थीलाई किताबी ज्ञानमा मात्र सीमित नराखी अनुसन्धान, प्रयोग, सिर्जना, सहकार्य र उद्यमशीलतासँग जोड्ने प्रयास गरेको थियो । विज्ञान र प्रविधिदेखि गणित, सामाजिक चेतना तथा व्यावसायिक सीपसम्मका गतिविधिले विद्यार्थीको बहुआयामिक प्रतिभा उजागर गर्नुका साथै सिकाइलाई जीवनोपयोगी बनाउने सन्देश दिएको सहायक प्रधानाध्यापक प्रमोद थपलियाले जानकारी दिए ।
भरतपुर । भरतपुर–२७ राधाकृष्ण सामुदायिक वनअन्तर्गत बेथरी खोलाको छेउमा बाघको आक्रमणबाट एक पुरुषको मृत्यु भएको छ ।
निउरो टिप्न गएका स्थानीय ४६ वर्षीय भीम महतोको बाघको आक्रमणबाट मृत्यु भएको प्रहरीले जनाएको छ । मंगलबार दिउँसो करिब २ बजे भीम आफ्ना चार जना साथीहरूसँग वनमा निउरो टिप्न गएका थिए । निउरो टिप्ने क्रममा महतोलाई बाघले आक्रमण गरी लगेको उनका साथीहरूले बताएपछि खोजी सुरु भएको चितवन प्रहरीले जनाएको छ ।
बुधबार बिहानैदेखि महतोको खोजी भएको थियो । नेपाल प्रहरी, चितवन राष्ट्रिय निकुञ्ज, नेपाली सेना, स्थानीय बासिन्दा तथा वनका कर्मचारीको समन्वयमा महतोको खोजी कार्य सरू भएको थियो ।
बुधबार बिहान १०ः५५ बजे चितवन राष्ट्रिय निकुञ्ज क्षेत्रमा महतोको शव फेला परेको प्रहरीले जनाएको छ । शव फेला परेको स्थान नजिकै रहेको बाघलाई डार्ट गरी निकुञ्जले नियन्त्रणमा लिएको छ । घटनाबारे थप अनुसन्धान भइरहेको सम्बन्धित निकायले जनाएको छ ।
भरतपुर । इच्छाकामना गाउँपालिका–६ स्थित जलबिरे झरनानजिक कार दुर्घटना हुँदा एक भारतीय नागरिकको मृत्यु भएको छ ।
दुर्घटनामा कार चालक भारतको पश्चिम बंगालस्थित कालिम्पोङ निवासी ४१ वर्षीय सायन्तन गायेनको मृत्यु भएको हो । कारमा चालक एक्लै सवार भएका प्रहरीले जनाएको छ ।
बुधबार दिउँसो करिब २ः३० बजे भारतको पश्चिम बंगाल राज्यको नम्बर प्लेट भएको डब्लुबी ०२ एपी ३४५८ नम्बरको कार अनियन्त्रित भई जलबिरे झरना नजिकैको खोलामा खसेको थियो । मृतकको साथबाट फेला परेको राहदानीका आधारमा उनको पहिचान खुलेको प्रहरीले जनाएको छ ।
राप्ती । दुर्लभ एकसिङ्गे गैँडाको अस्थिपञ्जर भेटिएको छ । राप्ती नगरपालिका–१ दमस्थानी मध्यवर्ती सामुदायिक वनमा अस्थिपञ्जर भेटिएको हो ।
चितवन राष्ट्रिय निकुञ्जका सूचना अधिकारी गणेश तिवारीका अनुसार झन्डै छ महिनाअघि मरेको गैँडाको खाग, खुरसहित अस्थिपञ्जर भेटिएको हो । गैँडा कालगतिले मरेको अनुमान गरिएको छ । तिवारीले खाग र खुर सुरक्षित रहेकाले गैँडा कालगतिले मरेको बताए ।
पछिल्लो गणनाअनुसार यस निकुञ्ज र मध्यवर्ती क्षेत्रमा ६९४ बयस्क गैँडा रहेका छन् । देशभरमा यो संख्या ७५२ छ । सङ्ख्या बढी भएकाले प्राकृतिक कारणले गैँडाको मृत्युदर धेरै हुने गरेको छ ।
भरतपुर । आउँदै गरेको तिहार, छठलगायतका चाडपर्वलाई सुरक्षित बनाउन जिल्ला प्रहरी कार्यालय चितवनले सक्रियता बढाएको छ ।
जिल्ला प्रहरी कार्यालय चितवनका प्रमुख तथा प्रहरी उपरीक्षक रामेश्वर पौडेलका अनुसार तिहार, छठलगायतका पर्वहरुमा नागरिकले सुरक्षित महसुुस हुने गरी सुरक्षा व्यवस्था कडा गरिएको छ । उनका अनुसार तिहारमा विस्फोट गरिने विस्फोटक पदार्थ बरामद गर्नेदेखि जुवातासलाई नियन्त्रण गर्नेसम्मको काममा चितवन प्रहरी सक्रिय भएको छ ।
चितवन प्रहरीले सक्रियता बढाएसँगै विभिन्न स्थानबाट ६ लाख बढी मूल्यको पटकाजन्य विस्फोटक पदार्थ बरामद भएको हो । पटका बिक्रीवितरणमा संलग्न भएका दुई जना भारतीय नागरिकलाई चितवन प्रहरीले पक्राउ गरेको छ । पक्राउ पर्नेमा भारत मोतिहारी घर भई हाल कालिका–६, हरिहरटोल बस्ने वर्ष ४१ को सञ्जय साह तेली र मोतिहारी नै घर भएका हाल भरतपुर–३, बाह्रघरे बस्ने वर्ष २९ का राज जैसवाल भन्ने कन्हैया कुमारलाई पक्राउ गरेको चितवन प्रहरीले जनाएको छ ।
झिरझिरे, खुर्सानी, चक्र, रकेटलगायतका पटकाजन्य विस्फोटक पदार्थ प्रहरीले बरामद गरेको जिल्ला प्रहरी कार्यालयका सूचना अधिकारी चन्द्रभूषण यादवले बताए । उनका अनुसार ८० हजार ३७२ पिसको पटाका बरामद भएको हो । यसको बजार मूल्य ६ लाख २३ हजार ४६५ रूपैयाँ हुन आउँछ । यस्तै, प्रहरीले १ लाख ७२ हजार ३ सय नेपाली रूपैयाँसमेत बरामद गरेको छ ।
यसैगरी, चितवनमा लङ्गुरबुर्जा खेल्नेक्रम बढेपछि प्रहरीले नियन्त्रण अभियान नै सञ्चालन गरेको छ । जिल्ला प्रहरी कार्यालय चितवन र मातहतका प्रहरी इकाइले चाडपर्वलाई लक्षित गरी सञ्चालन गरेको अभियानमा हालसम्म दुई हजार ३३३ वटा गोटी, ५३६ वटा पाल र ४०८ वटा बाल्टिन नियन्त्रणमा लिएको जनाएको छ ।
जिल्ला प्रहरी कार्यालयका प्रमुख प्रहरी उपरीक्षक (एसपी) रामेश्वर पौडेलका अनुसार लङ्गुरबुर्जा खेलिरहेको अवस्थामा दर्जनौँ जनालाई नियन्त्रणमा लिएर उनीहरूलाई एक रात प्रहरी नियन्त्रणमा राखेर सम्झाइबुझाइ गरी अबदेखि नखेल्ने प्रतिबद्धतासहित कागज गराएर अभिभावकको जिम्मा लगाइएको छ ।
लङ्गुरबुर्जामा जित–हार हुने भएकाले यसलाई जुवाकै एक स्वरुप मानिन्छ । चितवनमा लङ्गुरबुर्जालगायतका जुवाका कारण विगतमा झैझगडा हुने र खुकुरी हानाहानसम्मका घटना हुने गरेको पाइएको थियो ।
चितवन । भूमि व्यवस्था, सहकारी, सङ्घीय मामिला तथा सामान्य प्रशासनमन्त्री प्रतिभा रावलले चितवनलाई देशकै नमुना जिल्ला बनाइने बताएकी छन् ।
उनले भूमिहीन दलित, सुकुमबासी तथा अव्यवस्थित बसोबासीको समस्या समाधान गरी चितवनलाई देशकै नमुना जिल्ला बनाइने बताएकी हुन् ।
जिल्ला प्रशासन कार्यालय, चितवनमा भूमिसम्बन्धी समस्या तथा सुकुमवासी व्यवस्थापनका क्षेत्रमा भइरहेका कामको प्रगति विवरण र समस्याबारे आयोजित छलफल कार्यक्रममा मन्त्री रावलले भनिन्, ‘सबै ठाउँमा समस्या समाधान गर्न हामी तत्पर छौँ । म सबै जिल्लामा पनि जान्छु, तर चितवन विशेष हो । चितवन जिल्लामा भूमिहीन सुकुमबासी र अव्यवस्थित बसोबासीको समस्या समाधान अरू जिल्लाका लागि नमुना हुनुपर्छ भन्ने मेरो मान्यता छ ।’
उनले कामको सुरुवात भइसकेको बताउँदै अब दोस्रो फेज अर्थात् तीव्र गति दिने चरणमा लैजाने बताइन् । उनले थपिन्, ‘चितवनमा इच्छाकामना गाउँपालिकालगायत अन्य क्षेत्रको तयारी देख्दा खुसी लागेको छ, तर यतिले मात्र पर्याप्त हुँदैन ।’
मन्त्री रावलले कानुनी जटिलता अध्यादेशमार्फत सम्बोधन भइसकेको उल्लेख गर्दै प्रशासनिक तथा प्राविधिक काममा ढिलाइ नगर्न निर्देशन दिए । उनले भनिन्, ‘हाम्रो प्राथमिकता भनेको भूमिहीन दलित र सुकुमबासी नै हुन् । यसलाई व्यवस्थित गर्दै लैजान राजनीतिक र प्रशासनिकरूपमा के–कस्ता गाँठाहरू फुकाउनुपर्छ, त्यसका लागि म आफैँ स्थानीय तहमै पुगेर सहजीकरण गर्न तयार छु ।’
‘काम रोकिनु भएन, सङ्घको तर्फबाट आवश्यक समन्वय र सहयोगका लागि हामी तयार छौँ । चितवनका प्रमुख जिल्ला अधिकारी र स्थानीय तहका प्रतिनिधि यस विषयमा सक्रिय हुनुहुन्छ । त्यसैले चितवनलाई छिटोभन्दा छिटो सुकुम्बासीमुक्त घोषणा गर्ने गरी काम अघि बढाऔँ’, उनले भनिन् ।
कार्यक्रममा राज्य व्यवस्था तथा सुशासन समितिका सभापति एवं चितवन क्षेत्र नं १ का सांसद हरि ढकाल, सांसद् प्रभा ढकाल र समिना मियाँलगायतको सहभागिता थियो ।
सो अवसरमा भूमि समस्या समाधान आयोगका अधिकारी, स्थानीय तहका प्रमुख प्रशासकीय अधिकृत तथा अन्य सरोकारवालाले सुकुमबासी समस्या समाधानका क्रममा भोग्नुपरेका व्यावहारिक, प्राविधिक तथा राजनीतिक कठिनाइबारे मन्त्री रावलसमक्ष जानकारी गराएका थिए ।
राप्ती । राप्ती नगरपालिका वडा नं–५, चौकीडाँडास्थित भित्री सडकखण्डमा तरकारी बोक्ने बोलेरो गाडी दुर्घटना हुँदा २२ जना घाइते भएका छन् ।
राप्तीको १३ नं वडाबाट भण्डारातर्फ आउँदै गरेको ग ३ च ५२२५ नम्बरको बोलेरो गाडी अचानक अनियन्त्रित भई पल्टिँदा २२ जना घाइते भएको इलाका प्रहरी कार्यालय, भण्डाराका प्रहरी निरीक्षक राजन पौडेलले जानकारी दिए ।
प्रहरीका अनुसार बोलेरोमा सवार घाइतेहरुलाई उद्धार गरी उपचारको लागि अस्पताल पुरानो मेडिकल कलेज (सिएमएस) भरतपुरमा पठाइएको र बलेरो चालक राप्ती–१३ बस्ने २६ वर्षीय रोशन प्रजा र बोलेरो गाडी इप्रका भण्डाराले नियन्त्रणमा लिएको छ ।
दुर्घटनामा घाइते हुनेहरुमा राप्ती–१३ बस्ने १० वर्षीया आशिका प्रजा, १२ वर्षीय भीषण प्रजा, १३ वर्षीया झरना प्रजा, ३५ वर्षीय सन्तोष प्रजा, ६ वर्षीया निरुता प्रजा, २९ वर्षीया माया प्रजा, उनकी ११ महिनाकी छोरी इशा प्रजा, १५ वर्षीया ममता प्रजा, १० वर्षीया प्राप्ति प्रजा, ३० वर्षीया सनिता प्रजा रहेका छन् ।
यस्तै, राप्ती–१३ बस्ने २५ वर्षीया यानीमाया प्रजा, १९ वर्षीया अस्मिता प्रजा, २ वर्षीय रियन प्रजा, ८ वर्षीय समीर प्रजा, ७ वर्षीय अविरल प्रजा, ९ वर्षीय सुशान्त प्रजा, ६ वर्षीय जेम्स प्रजा, २५ वर्षीया कमला प्रजा, ११ वर्षीय सञ्जय प्रजा, १६ वर्षीय सुमन प्रजा, १८ वर्षीय अन्जन प्रजा र कालिका नगरपालिका वडा नं–१२ बस्ने २४ वर्षीय विशाल मगर घाइते भएका छन् ।
प्रहरीका अनुसार पुरानो मेडिकल कलेजमा उपचाररत घाइतेमध्ये ८ जना डिस्चार्ज भएका छन् ।
चितवन । जिल्ला निर्वाचन कार्यालयले तीन हजार ३६२ मतदाताको नाम मतदाता सूचीबाट हटाएको छ । मतदाता नामावली अध्यावधिक कार्यक्रमअन्तर्गत दोहोरो दर्ता भएका, मृत्यु भएका, नागरिकता परित्याग गरेका मतदाताहरुको नामावली हटाइएको हो ।
यसरी हटाइनेमा दोहोरो दर्ता भएका एक हजार ९४३ जनाको हटाइएको हो । आयोगको प्रणालीबाट जाँच गर्दा दोहोरो कायम भएको भेटिएका उनीहरुको नाम हटाइएको हो । कार्यालयका प्रमुख भीमसेन कार्कीका अनुसार भदौ १२ गते सम्म मृत्यु दर्ता गरेका एक हजार ३८० जना र नागरिकता परित्याग गरेका ३९ जनाको समेत मतदाता नामावलीबाट नाम हटाइएको हो ।
मृत्यु भएकाहरुको सम्बन्धित वडा कार्यालय र मृतकका परिवारले कार्यालयमा दर्ता गरेको मृत्यु प्रमाणपत्रका आधारमा नाम हटाइएको हो । नागरिकता परित्याग गर्नेहरुको जिल्ला प्रशासन कार्यालयबाट प्राप्त विवरणका आधारमा हटाइएको उनले बताए ।
गत फागुनमा भएको प्रतिनिधिसभा निर्वाचन जिल्लामा चार लाख ४२ हजार ८२ मतदाता रहेका थिए । फागुन २१ गतेको मतदानपछि १३ हजार १३४ जना मतदाता थपिएका छन् ।
चितवन । चितवन मेडिकल कलेज (सिएमसी) शिक्षण अस्पतालले दसैँ बिदामा पनि विशेषज्ञ चिकित्सकसहितको उपचार सेवा सञ्चालन गर्ने भएको छ ।
अस्पतालले कात्तिक २ देखि ५ गतेसम्म चार दिन आकस्मिक कक्षबाट सबै प्रकारका सेवा उपलब्ध गराउने प्रतिबद्धता व्यक्त गरेको छ । अस्पतालका निर्देशक प्रा.डा. गोपेन्द्र देवले बडादसैँको विशेष दिनका रुपमा लिइने अष्टमीदेखि एकादशीसम्मका चार दिन पनि बिरामीले सेवा पाउन सकुन् भनी सेवा सञ्चालन गर्न लागेको जानकारी दिए । उनका अनुसार उक्त अवधिमा रेडियोलोजी, प्रयोगशाला तथा अन्तरङ्ग सेवा पनि नियमित सञ्चालन हुनेछन् ।
डा देवले भने, ‘दसैँका समयमा पनि चितवन मेडिकल कलेजले आफ्नो सेवालाई निरन्तरता दिनेछ । हामी सकेसम्म सबै स्वस्थ रहनुहोस् भन्ने चाहन्छौँ । तर बिरामी हुनुभयो वा कुनै स्वास्थ्य समस्या देखियो भने अस्पताल आउनुहोला, सेवा दिन तयार छौँ ।’
चाडपर्वका समयमा हुनसक्ने दुर्घटनाका घाइते, हृदयाघात, खाना अपच तथा झाडापखालालगायतका समस्या बढी देखिन सक्ने भएकाले विशेषज्ञ चिकित्सकसहित आकस्मिक कक्षबाटै उपचार सेवा दिने व्यवस्था गरिएको उनले स्पष्ट गरे ।
अस्पतालका प्रमुख कार्यकारी अधिकृत प्रताप देवकोटाले दसैँ बिदाका समयमा अस्पताल बन्द हुने आशङ्काले बिरामी अन्योलमा पर्नसक्ने भएकाले सेवा सञ्चालनबारे जानकारी गराउनु आवश्यक रहेको बताए । अन्य कतिपय अस्पतालमा नियमित सेवा बन्द वा सीमित हुने भएकाले बिरामीलाई असहज नहोस् भन्ने उद्देश्यले आकस्मिक कक्षलाई थप चुस्त बनाइएको उनले जानकारी दिए ।
उनले भने, ‘आकस्मिक कक्षमा थप डेस्क राखेर ओपिडी सेवा लिनुपर्ने बिरामीलाई पनि सेवा दिने गरी तयारी गरेका छौँ ।’ पुराना रोग भएका बिरामीलाई नियमित परामर्श आवश्यक पर्नसक्ने र आकस्मिक स्वास्थ्य समस्या जुनसुकै समयमा पनि उत्पन्न हुनसक्ने भएकाले अस्पतालले सेवा सञ्चालनलाई प्राथमिकता दिएको उनको भनाइ छ ।
चितवन । राइनो क्लब, नारायणगढले यही कात्तिक १४ मा ‘राइनो दौड प्रतियोगिता–२०८३’ आयोजना गर्ने भएको छ ।
पाँच किलोमिटर दूरीको दौड गैँडाकोटस्थित जयश्री पुलबाट सुरु भई नारायणगढको लीलाचोकमा पुगेर समापन हुने प्रतियोगिताका संयोजक महेश प्रधानले बताए ।
उनका अनुसार प्रतियोगितामा महिला तथा पुरुष दुवै विधामा प्रतिस्पर्धा हुनेछ । दुवै विधाका विजेतालाई समान पुरस्कार प्रदान गरिने उनको भनाइ छ । प्रतियोगितामा प्रथम हुनेले रु। १५ हजार, द्वितीय हुनेले रु। १० हजार र तृतीय हुनेले रु। पाँच हजार नगद पुरस्कारसहित ट्रफी र प्रमाणपत्र प्राप्त गरिने छ ।
त्यसैगरी, निर्धारित ३० मिनेटभित्र पाँच किलोमिटर दौड पूरा गर्ने सबै धावकलाई फिनिसर प्रमाणपत्र प्रदान गरिने प्रधानले बताए । ५० वर्षभन्दा माथिका भेट्रान धावकलाई समेत विशेष सम्मान गरिने प्रतियोगिताका सह–संयोजक रोहित श्रेष्ठले जानकारी दिए । प्रतियोगितामा सहभागी हुन १८ वर्ष उमेर पूरा भएका नेपाली नागरिकले नाम दर्ता गर्न सक्ने छन् । दर्ता शुल्क २०० रुपैयाँ तोकिएको छ ।
प्रतियोगिताका सल्लाहकार राजु श्रेष्ठले राइनो क्लबले विगतमा नारायणगढ तथा आसपासका क्षेत्रमा दौडलगायत विभिन्न खेलकुद गतिविधि सञ्चालन गर्दै आएको बताए । २०३७ सालदेखि सञ्चालन हुँदै आएको दौड प्रतियोगिताले विभिन्न कारणले निरन्तरता पाउन नसकेपछि यस वर्षदेखि पुनः सञ्चालन गर्न लागिएको उनको भनाइ छ ।
चितवन । चितवन राष्ट्रिय निकुञ्जले चाडपर्वलक्षित गर्दै सुरक्षा रणनीति तयार गरेको छ । रणनीतिअनुसार निकुञ्ज प्रशासन र निकुञ्ज सुरक्षार्थ खटिएको नेपाली सेना गरी एक हजार २०० बढी जनशक्ति परिचालन गरिने छ ।
निकुञ्जका सूचना अधिकारी अविनाश थापामगरका अनुसार चाडपर्वमा अपरिचित व्यक्तिहरुको चहलपहल बढी हुने हुँदा चोरी सिकारी हुन सक्ने भएकाले सुरक्षा रणनीतिका साथ उच्च सतर्कता अपनाइएको हो । उनले भने, ‘अहिले संवेदनशील क्षेत्रहरुमा ३५ ‘स्पाई क्यामेरा’ जडान गरेर सुरक्षा दिइएको छ ।’ चोरी सिकारीका हिसाबले जोखिम रहेका क्षेत्रहरुमा स्पाई क्यामेरासहित क्याम्पिङ एन्ड एम्बुसिङ लगायतका कामहरु गरिने उनले जानकारी दिए ।
सूचना अधिकारी मगरका अनुसार विगतमा हुने गरेका नियमित गस्तीसहित स्वीपिङ, पट्रोलिङ्, साइकल गस्ती, मोटरसाइकल गस्ती, बोट, गाडी र हात्तीबाट गस्ती गरिने छ । चार्डपर्वको समयमा निकुञ्ज आसपासमा बसोबास गर्ने स्थानीय पर्व मनाउन लाग्ने भएकाले चोरी सिकारीका बढी संवेदनशील मानिन्छ । संवेदनशील क्षेत्रहरुमा ‘लिङ्क पट्रोलिङ’ लगायतका कामहरु भइरहेको छ । चुरे क्षेत्रमा समेत चोरी सिकारी हुन सक्ने भएकाले सो क्षेत्रलाई समेत मध्यनजर गर्दै सुरक्षा व्यवस्था मिलाइएको छ ।
निकुञ्ज क्षेत्रभित्र ५७ स्थायी पोस्ट र ३ अस्थायी पोस्टहरुबाट सुरक्षा दिने काम भइरहेको छ । यसलाई अझै चुस्त बनाउँदै स्थानीयसँगको साझेदारीमा निकुञ्ज सुरक्षा गरिने छ । शंकास्पद स्थानहरुमा तालिम प्राप्त कुकुर (स्निफर डग) मार्फत निगरानी गरिने छ । आवश्यकताअनुसार अन्य सुरक्षा निकायसँग समेत समन्वय गरेर निकुन्ज क्षेत्रमा रहेका बस्तीहरुमा समेत तदारुपता बढाइएको उनले जानकारी दिए ।
रत्ननगर । रत्ननगर वाङ्मय प्रतिष्ठानको आयोजनामा विजयादशमीको शुभकामना आदान प्रदान, कृति विमोचन तथा रचना वाचन कार्यक्रम रत्ननगर नगरपालिकाको सभाहलमा सम्पन्न भएको छ । कार्यक्रममा लक्ष्मण अर्यालको निबन्धसङ्ग्रह ‘अन्तर्नाद’ र सुरेशचन्द्र आचार्यको जीवनीपरक कृति ‘ज्ञानदीप‘ विमोचन गरिएको थियो ।
रत्ननगर वाङ्मय प्रतिष्ठानका अध्यक्ष रामबाबु घिमिरे, नगरप्रमुख प्रलाद सापकोटा, प्रमुख प्रशासकीय अधिकृत प्रकाश खनाल, कृतिकारद्वय लक्ष्मण अर्याल, सुरेशचन्द्र आचार्यलगायतले एकैसाथ दुवै कृतिको विमोचन गरिएको हो । दुवै कृति रत्ननगर वाङ्मय प्रतिष्ठानले प्रकाशित गरेको सदस्य सचिव विश्वनाथ खनालले जानकारी दिए ।
सदस्य सचिव खनालले सञ्चालन तथा अशोक भुसालले सहजीकरण गरेको कार्यक्रममा नगरप्रमुख प्रलाद सापकोटाले विजयादशमीको शुभकामना व्यक्त गर्दै रत्ननगरमा स्थापना गरिएको रत्ननगर वाङ्मय प्रतिष्ठानले साहित्यको श्रीवृद्धिमा खेलेको भूमिका सराहनीय रहेको बताए ।
कार्यक्रममा प्रा.डा. एकनारायण पौडेल र खैरहनी वाङ्मय प्रतिष्ठानका अध्यक्ष प्रा. चेतराज रेग्मीले कृतिबारे विश्लेषणात्मक टिप्पणी गरेका थिए ।
कार्यक्रममा चितवन साहित्य परिषद अध्यक्ष जगन्नाथ पण्डित, तत्कालीन रत्ननगर नगरउन्मुख गाविसका अध्यक्ष एवम् परिकल्पनाकार निजानन्द मल्ल, धनराज गिरी, कृतिकार लक्ष्मण अर्याल, कतिकार सुरेशचन्द्र आचार्य, रत्ननगर–१ का वडाध्यक्ष एवं नगर प्रवक्ता कुलप्रसाद सापकोटा, रत्ननगर–३ का वडाध्यक्ष एवं सामाजिक विकास समितिका संयोजक सोहेन्द्रराज खरेल, पठन संस्कृतिका अभियान्ता उदय अधिकारी, साहित्यकार तथा समालोचक प्रा. कपिल अज्ञात, प्रमुख प्रशासकीय अधिकृत प्रकाश खनाल, शिक्षाविद् तथा समालोचक रमाकान्त सापकोटा, राजेन्द्र घायल, अनिता अर्याल, करुणा उदासी कृष्ण, गीता लामिछाने, प्रकाश ढकाललगायतले आआफ्ना रचना वाचन तथा शुभकामना मन्तव्य व्यक्त गरेका थिए ।
कार्यक्रमको समापन गर्दै रत्ननगर वाङ्मय प्रतिष्ठानका अध्यक्ष रामबाबु घिमिरेले सनातन धर्मले आस्तिकहरुको पनि अस्तित्वको सम्मान गर्ने भएकाले विजयादशमीको विशेष महत्त्व रहँदै आएको बताए । उनले भने, ‘सत्यमाथि असत्यको विजय’ हुने भनेको हामीभित्र हुने दानवीय प्रवृत्ति हटाउनु हो । सबैले आआफ्ना दानवीय प्रवृत्ति हटाउन सके सत्यमाथि असत्यको विजय हुन्छ ।’
उनले दुवै कृतिकारलाई बधाई दिँदै आगामी दिनमा निरन्तर लेखनीको कामना गरे । उनले दुवै लेखकप्रति आफू अत्यन्त प्रभावित भएको बताए । कार्यक्रममा करिब २०० जना साहित्यकार तथा साहित्य अनुरागीहरुको सहभागिता रहेको थियो ।
चितवन । बडादसैँको अवसरमा चितवनमा ३० करोड रुपैयाँभन्दा बढीको खसी–बोकाको व्यापार हुने व्यवसायीले जनाएका छन् । यो पर्वमा खसी, बोका, राँगा, बङ्गुर र कुखुराको बलि दिने गरिन्छ ।
दसैँको सुरूआतसँगै जिल्लामा खसी, बोकाको मासुको व्यापार वढेको छ । मासु व्यवसायी संघ चितवनका अध्यक्ष गणेशप्रसाद कँडेलका अनुसार यो वर्षको दसैँमा मात्र व्यावसायिक रुपमा १५ हजार बढी खसी काटिने छ । अध्यक्ष कँडेलका अनुसार दसैँमा मात्रै ३० करोड रुपैयाँको कारोबार हुने अनुमान गरिएको छ ।
जिल्लामा रहेका एक हजार बढी मासु पसलमध्ये १५० वटा खसी मात्र काट्ने मासु पसल रहेका छन् । अन्यमा कुखुरा र खसीसँगै काट्ने गरिएको उनले जानकारी दिए । यो तथ्याङ्कमा दसैँका लागि घरमै उत्पादन गरी घरमै खपत भएका खसीबोकालाई जोडिएको छैन ।
गत वर्षको दसैँमा १० हजार बढी खसी–च्याङ्ग्रा बिक्री भएको थियो । यस पटक बिक्री बढ्ने देखिएको उहाँले बताउनुभयो । १५ हजारसम्म खसी–च्याङ्ग्रा (बनाएर वा जिउँदो) बिक्री हुने अनुमान गरिएको उनले बताए । कँडेलका अनुसार १५ हजार खसी–च्याङ्ग्रा बिक्री भएको खण्डमा रु ३० करोडको कारोबार हुन्छ ।
विगत पाँच वर्षदेखि चितवनका मासु व्यवसायीले दसैँमा भारतीय खसीबोका आयात गरेका छैनन् । चितवनमा सञ्चालनमा आएका सहकारीहरुले खसीबोका उत्पादन गर्न थालेपछि भारतबाट खसीबोका नझिकाइएको अध्यक्ष कँडेलले बताउनुभयो । उहाँका अनुसार यसपटक चितवनका खसीहरु कठमाडौँ पठाइएको छ ।
चितवनमा गोरखा, धादिङ, नवलपरासी, तनहुँलगायत जिल्लाहरुबाट खसी आउने गरेको उनले जानकारी दिए । जिउँदो खसीको मूल्य रु ७०० भन्दा माथि पर्ने गर्दछ । तयारी प्रतिकिलो रु एक हजार दुई सयमा खसीको मासु चितवनको बजारमा बिक्री भइरहेको छ ।
कुखुराको मासु भने खासै दसैँमा बिक्री नहुने उनको भनाइ छ । उनका अनुसार रु चार करोड हाराहारीको कुखुराको मासु बिक्री हुने अनुमान गरिएको छ । गत वर्षको तुलनामा दसैँका लागि चितवनमा च्याङ्ग्रा मागभन्दा बढी आएको छ । पहिला मुस्ताङबाट मात्र च्याङ्ग्रा आउने चितवनमा यसपटक जुम्ला, बझाङ, डोल्पाबाट पनि चितवनको बजारमा च्याङ्ग्रा आइरहेको छ ।
यस वर्षको दसैँमा चितवनमा तीन हजारभन्दा बढी च्याङ्ग्रा आएको उनले बताए । जसका कारण व्यापार वढ्ने आकलन छ । यसअघिका दसैँमा फूलपातीबाट मासुको व्यापार बढ्ने भए पनि यस वर्ष घटस्थापनाबाटै बढेकाले खपत बढ्ने अनुमान गरिएको उनको भनाइ छ ।
काठमाडौँ । आश्विन शुक्ल अष्टमीका दिनमा मनाइने महाअष्टमी पर्व आज नेपालीहरुले बडादसैँका रुपमा दुर्गा भवानीको विशेष पूजा आराधना गरी भव्यरुपमा मनाउँदैछन् ।
बडादसैँको आठौं दिन आज महाकाली, महालक्ष्मी र महासरस्वतीको विशेष पूजा आराधना गरिन्छ । महाअष्टमीको दिन दुर्गा भवानीलाई शक्तिशाली बनाउने दिन भएकाले यसको विशेष महत्त्व रहेको विभिन्न वैदिक सनातन परम्पराका ग्रन्थमा उल्लेख गरिएको छ । आजको दिन शास्त्रसम्मतरुपमा दशैँघर, कोतलगायत राज्यका विभिन्न शक्तिपीठमा पशु बली दिई दुर्गा भवानीको विशेष पूजा गरिन्छ । दुर्गा सप्तशती, श्रीमद्देवीभागवत र देवी स्तोत्र पाठ गरिन्छ ।
विवेकशील र अविवेकशील प्राणी दुवैले मोक्ष प्राप्तिको चाहना गर्ने हुनाले देवमन्दिर र यज्ञ यज्ञादिमा विधिपूर्वक बली दिनाले ती पशुले मोक्ष प्राप्त गर्ने कुरा शास्त्रमा वर्णन गरिएको धर्मशास्त्रविद् प्राडा रामचन्द्र गौतम बताउँछन् । ‘सात्त्विक, राजस र तामस तीन किसिमका पूजाको वर्णन शास्त्रमा गरिएको छ, सात्त्विक जल, चन्दन, र अक्षता लगायत षोडशोपचारले गरिने पूजा हो, सात्विक र पशुबली सहितको पूजालाई राजस पूजा भनिन्छ, राजसका साथै मदिरा पनि चढाएर गरिने पूजालाई तामस पूजा भनी शास्त्रमा परिभाषित गरिएकाले पशुबली पनि शास्त्रीय हो’, उनले भने ।
ब्राह्मणका लागि भने पशुबली बर्जित गरिएको छ । आसुरी प्रवृत्तिको नाश गर्न देवीलाई शक्तिशाली बनाई पशुको मुक्तिका लागि पनि पशुबलीको महत्व रहेको धर्मशास्त्रविदहरुको भनाई छ । दुर्गा सप्तशती चण्डीको आठौं अध्यायमा पनि यस सम्बन्धी चर्चा भएकाले पशुबलीलाई अशास्त्रीय भन्न नमिल्ने डा गौतम बताउँछन् । ‘राज्य सञ्चालकले त प्रभु शक्ति, मन्त्र शक्ति र उत्साह शक्तिका लागि पशुबली विधिपूर्वक दिनैपर्छ भन्ने शास्त्रीय वचन छ’, उनले भने । यी तीनवटा शक्ति दुर्गा भवानीबाटमात्र प्राप्त गर्न सकिन्छ । यसैकारण आजको दिन विधिपूर्वक पशुबली दिइने गरिएको हो ।
आजैका दिन राति कालरात्रीका रुपमा पशुबलीको विधि र पूजा आरधनासहित मनाउने गरिन्छ । कालरात्रीको पूजा विधि र सङ्कल्प समेत छुट्टै हुने भएकाले यसको विशेष महत्त्व छ । ब्राह्मणले भने कालरात्री पूजा पनि गर्न नपर्ने विधान छ ।
आजका दिन उपत्यकाभित्रका शक्तिपीठहरु गुह्येश्वरी, मैतीदेवी, कालिकास्थान, भद्रकाली, नक्साल भगवती, शोभा भगवती, विजेश्वरी, इन्द्रायणी, रक्तकाली, वज्रयोगिनी, सङ्कटा, बज्रवाराही, दक्षिणकाली, चामुण्डा, सुन्दरीमाई, भाटभटेनी, बगलामुखी लगायत मन्दिरहरुमा पनि बलीसहित पूजा आजा गर्नेहरुको बिहानैदेखि भीड लाग्ने गर्छ ।
यसैगरी उपत्यका बाहिरका धादिङको कालिका भगवती, गोरखाको मनकामना, पर्साको गहवामाई, सप्तरीको छिन्नमस्ता भगवती, धनुषाको राजदेवी, डढेलधुराको उग्रतारा, काभ्रेपलाञ्चोकको चण्डेश्वरी, नाला भगवती र पलाञ्चोक भगवती, सिन्धुपाल्चोकको पाल्चोक भगवती, दोलखाको कालीञ्चोक भगवती, ताप्लेजुङको पाथीभरालगायतका शक्तिपीठहरुमा पनि बलीसहित पूजा आराधना गर्ने श्रद्धालु भक्तजनहरुको घुँइचो लाग्दछ ।
आजको दिन कलपूर्जा, हातहतियार र यातायातका साधनलाई विशेषरुपमा सरसफाइ गरी देवी स्थापना गरिएको स्थानमा राखी पशुबलीसहित पूजा आजा गर्ने गरिन्छ । यी साधनलाई देवीको शस्त्र अस्त्रका रुपमा मानी पूजा गर्ने गरिएको हो ।
देवीका शस्त्र अस्त्रसहित चतुरङ्गिणी सेनाको पनि आह्वान गरी पूजा गर्ने गरिन्छ । पशुबली नचढाउनेहरुले भने आज पूजा कोठामा आआफ्नो कुल परम्परा अनुसार काँक्रो, घिरौंला, कुभिण्डो, मूला र नरिवल आदि बली चढाई पूजा आजा गर्ने गर्दछन् ।
महाअष्टमीका दिन राती हनुमानढोकाको दसैँघरमा राज्यका तर्फबाट ५४ बोका र ५४ राँगाको बलिसहित कालरात्री पूजा गरिन्छ ।
भरतपुर । भरतपुर–१, पशुपति मन्दिरपछाडि नारायणी नदीकिनारमा खुट्टा धुनेक्रममा चिप्लिएर आमाछोरा नदीमा बेपत्ता भएका छन् ।
खैरहनी नगरपालिका–१ घर भई हाल भरतपुर–१२, मुनालचोकमा बस्दै आएकी ३२ वर्षीया सिर्जना शर्मा र उनका ६ वर्षीय छोरा प्रसिद्ध पौडेल बेपत्ता भएका हुन् । उनकी ११ वर्षीया छोरी प्रसिद्धि पौडेललाई प्रहरीले उद्धार गरेको जिल्ला प्रहरी कार्यालय चितवनले जनाएको छ । प्रसिद्धिको अवस्था सामान्य छ ।
नदीमा छोरा चिप्लिएर लडेपछि आमा बचाउन जानेक्रममा दुवै बेपत्ता भएको हुनसक्ने अनुमान गरिएको छ ।
वडा प्रहरी कार्यालय नारायणगढले विपद् उद्धार टोलीसँग समन्वय गरेर छोरी प्रसिद्धिलाई उद्धार गरेको हो । बेपत्ता सिर्जना र उनका छोरा प्रसिद्धको खोजी कार्य जारी रहेको प्रहरीले जनाएको छ ।
भरतपुर । नेपाली कांग्रेसको १५औँ महाधिवेशनमा कांग्रेसको केन्द्रीय सदस्यमा ६ जना निर्वाचित भएका छन् । चितवन जिल्ला सचिव तथा महाधिवेशन प्रतिनिधि ध्रुवराज पोखरेलका अनुसार चितवन जिल्लाबाट प्रतिनिधित्व गरी उमेदवार बनेका ६ जना नेता अब केन्द्रीय सदस्य बनेका छन् ।
विशेष महाधिवेशनबाट केन्द्रीय सदस्य बनेका जितनारायण श्रेष्ठले अहिलेको १५औँ महाधिवेशनमा पुनः केन्द्रीय सदस्यमा जितेका हुन् । श्रेष्ठ मतगणनाको क्रममा धेरै मत ल्याउनेमा अग्रपङ्क्तिको पाँचौँ नम्बरमा थिए । कालिका नगरपालिका–९ निवासी श्रेष्ठ चितवन कांग्रेसका पूर्वजिल्ला सभापति हुन् । श्रेष्ठले खुलातर्फ केन्द्रीय सदस्यमा उमेदवारी दर्ता गरेका थिए ।
२०७९ सालमा भएको चितवन क्षेत्र नम्बर २ को प्रतिनिधिसभा उपनिर्वाचनमा उनी सत्ता गठबन्धनतर्फबाट साझा उम्मेदवार बनेका थिए । उनी दुई पटकसम्म चितवन जिल्लामा नेपाल विद्यार्थी संघको अध्यक्ष भइसकेका युवा नेता हुन् ।
जिल्ला सहसचिव गोपाल दरैका अनुसार निलकण्ठ रिजाल र शान्ति परियार पनि केन्द्रीय सदस्यमा निर्वाचित भएका छन् । केन्द्रीय सदस्यको मतगणना अझै जारी रहेको छ । यसअघि जनजाति क्लस्टर खुलाबाट उमेदवारी दर्ता गरेका टेकप्रसाद गुरूङ केन्द्रीय सदस्यमा निर्वाचित भएका छन् । गुरूङ चितवनका पुराना नेता मानिन्छन् । उनी नेपाली कांग्रेसको चितवन जिल्ला पूर्वसभापति हुन् । गत फागुनमा भएको संघीय निर्वाचनमा गुरूङ चितवन क्षेत्र नं ३ बाट उमेदवार बनेका थिए । यसअघि नै नेपाली कांग्रेसको केन्द्रीय सदस्य भइसकेका गुरूङ २०२२ सालदेखि राजनीतिमा सक्रिय छन् ।
गुरूङ विसं २०३२ सालमा नेपाली कांग्रेसको चितवन जिल्ला कार्यसमिति सदस्य बनेका थिए । तीनपटक जिल्ला पञ्चायतको सभापतिसमेत भइसकेका गुरूङले ५६ वर्षअघि वडाध्यक्षको चुनाव जितेका थिए । अर्का केन्द्रीय सदस्यमा निर्वाचित भएका अमृत गुरूङ पनि जनजाति क्लस्टरबाट उमेदवार बनेका थिए । भरतपुर–२५ निवासी गुरूङ युवा उमेदवार थिए । तरूण दल चितवनका उपाध्यक्षसमेत रहेका उनी चितवन क्षेत्र ३ बाट महाधिवेशन प्रतिनिधि बनेका थिए ।
यस्तै, जनजाति महिलाबाट उमेदवारी दर्ता गरेकी गीता गुरूङ पनि केन्द्रीय सदस्यमा निर्वाचित भएकी छन् । भरतपुर–२६ निवासी गुरूङ बागमती प्रदेशकी सांसद् हुन् ।
चितवन । निर्माण क्षेत्रको प्रवर्द्धन, घरजग्गा कारोबारलाई चलायमान बनाउने तथा स्वदेशमै लगानी र व्यवसायका अवसर सिर्जना गर्ने उद्देश्यले चितवनमा दोस्रो ‘बिल्ड नेपाल एक्स्पो–२०२६’ आयोजना हुने भएको छ । भिग्रुप इभेन्ट्स र एसवन होम्सको आयोजनामा आगामी मङ्सिर २५ देखि २७ गतेसम्म (डिसेम्बर ११ देखि १३, २०२६) भरतपुरस्थित चितवन उद्योग संघको एक्स्पो सेन्टरमा एक्स्पो सञ्चालन हुनेछ ।
बिहीबार आयोजित पत्रकार सम्मेलनमा एक्स्पो संयोजक विपिन कँडेलले पछिल्लो समय आर्थिक मन्दी, युवाको विदेश पलायन तथा लगानीमैत्री वातावरणको अभावलगायतका कारण घरजग्गा कारोबार सुस्ताएको बताए । निर्माण क्षेत्रको सम्भावनालाई उपयोग गर्दै आर्थिक गतिविधि बढाउने र घरजग्गा व्यवसायलाई पुनः गति दिने लक्ष्यसहित एक्स्पो आयोजना गर्न लागिएको उनले जानकारी दिए ।
तीन दिनसम्म सञ्चालन हुने एक्स्पोमा देशभरका घरजग्गा व्यवसायी, निर्माण कम्पनी तथा निर्माण सामग्रीसम्बन्धी प्रदर्शकका करिब ६० वटा स्टल रहनेछन् । आयोजकले एक्स्पोमा करिब २५ हजार अवलोकनकर्ता सहभागी हुने अपेक्षा गरेको छ। प्रदर्शकका लागि स्टल बुकिङसमेत सुरू भइसकेको आयोजकले जनाएको छ। एक्स्पोमा सहभागी हुन सर्वसाधारणका लागि निःशुल्क प्रवेशको व्यवस्था गरिएको छ ।
एक्स्पोमा घरजग्गा खरिदकर्ता र बिक्रेताबीच प्रत्यक्ष भेटघाट तथा अन्तर्क्रियाको अवसर प्रदान गरिनेछ । साथै, निर्माण कम्पनी, निर्माण सामग्रीका उत्पादक तथा बिक्रेता, घरजग्गा व्यवसायी, इन्जिनियर, सरकारी निकायका प्रतिनिधि, विज्ञ र उपभोक्तालाई एउटै मञ्चमा ल्याएर परामर्श, अभिमुखीकरण तथा छलफल कार्यक्रम सञ्चालन गरिनेछ ।
घर निर्माण अधिकांश मानिसका लागि जीवनकै महत्त्वपूर्ण निर्णयमध्ये एक भए पनि पर्याप्त जानकारीको अभावमा लागत र समय बढ्ने तथा निर्माणको गुणस्तरमा समस्या आउन सक्ने आयोजकको भनाइ छ ।
यसलाई ध्यानमा राख्दै एक्स्पोमा आधुनिक निर्माण सामग्री, घरको डिजाइन, निर्माण प्रविधि, सरकारी मापदण्ड तथा सुरक्षित आवाससम्बन्धी जानकारी उपलब्ध गराइनेछ । घर निर्माण गर्न चाहने सर्वसाधारणले विभिन्न सामग्री, प्रविधि र सेवाबारे जानकारी लिएर आफ्नो आवश्यकता र बजेटअनुसार उपयुक्त विकल्प छनोट गर्न सक्ने अपेक्षा गरिएको छ ।
पछिल्ला वर्षमा विभिन्न स्थानमा भएका बाढीपहिरोलगायत प्राकृतिक विपद्ले सुरक्षित आवासको आवश्यकतालाई थप उजागर गरेको छ। यस्तो अवस्थामा सुरक्षित, गुणस्तरीय र किफायती आवास निर्माणबारे जानकारी दिन एक्स्पो उपयोगी हुने आयोजकको विश्वास छ।
एक्स्पोले निर्माण क्षेत्रसँग सम्बन्धित व्यवसायीलाई आफ्ना उत्पादन तथा सेवा प्रवर्द्धन गर्ने अवसर प्रदान गर्नेछ । त्यस्तै, निर्माण सामग्रीका उत्पादक, निर्माण कम्पनी तथा घरजग्गा व्यवसायीबीच व्यावसायिक सम्बन्ध विस्तार गर्न पनि सहयोग पुग्ने अपेक्षा गरिएको छ ।
देशभित्रै उपलब्ध सम्भावना र अवसरलाई उजागर गर्दै युवालाई स्वदेशमै उद्यम तथा व्यवसाय गर्न प्रोत्साहित गर्नु एक्स्पोको अर्को उद्देश्य रहेको आयोजकले जनाएको छ ।
चितवनको भौगोलिक अवस्थिति र निर्माण क्षेत्रमा रहेको सम्भावनालाई उपयोग गर्दै घरजग्गा कारोबार विस्तार गर्न तथा आर्थिक गतिविधि बढाउन एक्स्पोले महत्त्वपूर्ण भूमिका खेल्ने आयोजकको अपेक्षा छ ।
निर्माण कम्पनी, निर्माण सामग्री उत्पादक, घरजग्गा व्यवसायी, इन्जिनियर, विद्यार्थी, उपभोक्ता तथा सर्वसाधारणले एक्स्पोबाट लाभ लिन सक्नेछन् । सरकारी निकाय, निजी क्षेत्र, निर्माण व्यवसायी र सर्वसाधारणबीच सहकार्य बढाउँदै सुरक्षित, गुणस्तरीय र किफायती आवास निर्माणलाई प्रोत्साहन गर्ने आयोजकले जनाएको छ ।
आयोजकका अनुसार एक्स्पोले निर्माण क्षेत्रको विकास, घरजग्गा व्यवसायको प्रवर्द्धन तथा देशभित्रै आर्थिक अवसर सिर्जना गर्न योगदान पुर्याउने अपेक्षा गरिएको छ ।
कार्यक्रममा चितवन उद्योग संघका अध्यक्ष मदन घिमिरेले चितवनमा पर्वका रुपमा आयोजना हुने ‘बिल्ड नेपाल एक्स्पो–२०२६’ का लागि चितवन उद्योग संघले हातेमालो गर्दै सहजीकरण गर्न तयार रहेको बताए ।
माडी । राष्ट्रिय परीक्षा बोर्डद्वारा सञ्चालित यसवर्षको कक्षा १२ को परीक्षामा उत्कृष्ट नतिजा हासिल गर्न योगदान पुर्याउने भरतपुरस्थित अङ्कुरम् एकेडेमीका विषयगत शिक्षकहरु सम्मानित भएका छन् । शतप्रतिशत विद्यार्थी उत्तीर्ण गराउन तथा ‘ए प्लस’ ग्रेड हासिल गर्ने विद्यार्थीको सङ्ख्या उल्लेख्य बनाउन भूमिका निर्वाह गरेका शिक्षकहरूलाई एक कार्यक्रमबीच सम्मान गरिएको हो ।
माडी–६, स्याउलीबासस्थित हिमचुली नेचर फार्मस्टेमा आयोजित कार्यक्रममा माडी–६ का वडाध्यक्ष तथा नगरपालिकाको सामाजिक विकास समिति संयोजक दीपेन्द्र पौडेलले उत्कृष्ट नतिजाका लागि योगदान पुर्याउने शिक्षकहरूलाई सम्मान गरेका हुन् । वडाध्यक्ष पौडेल र विद्यालयका कार्यकारी निर्देशक युवराज पौडेलले संयुक्तरूपमा शिक्षकहरूलाई खादा तथा प्रमाणपत्र प्रदान गर्दै सम्मान गरेका हुन् ।
कार्यक्रमलाई सम्बोधन गर्दै वडाध्यक्ष पौडेलले विद्यार्थीको शैक्षिक सफलता कुनै एक पक्षको प्रयासबाट मात्र सम्भव नहुने बताए । विद्यार्थीको मेहनत, अभिभावकको सहयोग, शिक्षकको समर्पण र विद्यालयको प्रभावकारी व्यवस्थापनबीचको समन्वयले नै उत्कृष्ट नतिजा हासिल गर्न सकिने उनको भनाइ थियो । उत्कृष्ट नतिजाका लागि निरन्तर मेहनत र जिम्मेवारीपूर्वक शिक्षण कार्यमा संलग्न शिक्षकहरूलाई उनले बधाई तथा शुभकामना व्यक्त गरे ।
वडाध्यक्ष पौडेलले सम्मानित शिक्षकहरूलाई आगामी दिनमा अझ प्रभावकारी शिक्षण अभ्यास अपनाउँदै शैक्षिक उपलब्धिको स्तर थप उकास्न उनले आग्रह गरे । युवा शिक्षकहरूको ऊर्जा, लगनशीलता र प्रतिबद्धताले विद्यालयको शैक्षिक गुणस्तर अभिवृद्धिमा महत्त्वपूर्ण योगदान पुर्याउने विश्वाससमेते व्यक्त गरे ।
सम्मानित हुने शिक्षकहरूमा सोनु अर्याल, सुम एन. खनाल, ई. तेज अर्याल, विज्ञान शर्मा, रवि पौडेल, दिनेश घिमिरे, सरोज दवाडी, सङ्कल्पजङ्ग राणा, सोनियासिंह ठकुरी र रोशन चौधरीलगायत रहेका छन् । उत्कृष्ट नतिजामा योगदान पुर्याउने शिक्षकहरूको सम्मानले उनीहरूलाई थप प्रेरित गर्नुका साथै आगामी दिनमा गुणस्तरीय शिक्षाका लागि अझ जिम्मेवार र प्रतिबद्ध भएर काम गर्न प्रोत्साहन मिल्ने अपेक्षा गरिएको छ ।
यसवर्षको कक्षा १२ को परीक्षामा अङ्कुरम् एकेडेमीबाट ११५ जना विद्यार्थी सहभागी भएका थिए । नियमित परीक्षामा ९७.५ प्रतिशत विद्यार्थी उत्तीर्ण भएका थिए भने मौका परीक्षासमेतको नतिजा समेट्दा विद्यालयका शतप्रतिशत विद्यार्थी उत्तीर्ण हुन सफल भएका हुन् । नियमित परीक्षामा उच्च उत्तीर्ण प्रतिशत हासिल हुनुका साथै ‘ए प्लस’ ग्रेड प्राप्त गर्ने विद्यार्थीको सङख्या उल्लेख्य हुनुले विद्यालयको शैक्षिक उपलब्धिलाई थप मजबुत बनाएको र जिल्लामै यसवर्षको नतिजामा विद्यालय उत्कृष्ट भएको प्राचार्य सुमन पौडेलले जानकारी दिए ।
भरतपुर । पाँच दशकभन्दा बढी समयपछि परिमार्जन हुन लागेको शिक्षा ऐनसँगै पाठ्यक्रमसमेत समयसापेक्ष बनाउनुपर्नेमा सरोकारवालाहरूले जोड दिएका छन् ।
सोमबार शिक्षा मन्त्रालयको साझेदारीमा भरतपुरस्थित अङ्कुरम् एकेडेमीमा आयोजित शिक्षा संवाद–२ अन्तर्गत ‘शिक्षाका सरोकारवालाहरूसँग बागमती प्रदेशस्तरीय छलफल कार्यक्रम’का सहभागीहरूले शिक्षा ऐन विद्यार्थीकेन्द्रित, व्यावहारिक र गुणस्तरीय हुनुपर्ने बताएका हुन् ।
कार्यक्रममा शिक्षक, विद्यार्थी, अभिभावक, सामुदायिक तथा संस्थागत विद्यालयका प्रधानाध्यापक, विद्यालय सञ्चालक र प्याब्सन, एन–प्याब्सन, हिसान, अपेन, मन्टेश्वरी एसोसिएसनलगायतका संस्थाका प्रतिनिधिहरूले शिक्षा ऐन संशोधनका विषयमा धारणा राखेका थिए ।
विधेयक मस्यौदा समितिका संयोजक शैलेन्द्र झाले तीनै तहका सरकारबीच नीतिगत तादम्यता कायम गर्नुपर्ने बताए । उनका अनुसार प्रत्यक्ष तथा अनलाइन माध्यमबाट करिब ३५ हजार र डेढ लाख सुझाव प्राप्त भएका छन् । ती सुझावको सूक्ष्म अध्ययन गरी मस्यौदामा समावेश गरिने उनले बताए । संशोधित ऐनले विगतका अनुभव, वर्तमानका आवश्यकता र भविष्यका चुनौतीलाई सम्बोधन गर्ने विश्वास व्यक्त गर्दै उनले समुदायबाट प्राप्त सुझावसमेत समेटिने बताए ।
विज्ञहरुबीचको प्यानल छलफलमा शिक्षामन्त्रीका राजनीतिक सल्लाहकार सरोज गौतमले कार्यक्रममा उठेका महत्त्वपूर्ण विषयलाई मस्यौदामा समावेश गरी संसद्मा पेस गरिने बताए । शिक्षा विकास तथा समन्वय इकाइ, चितवनका प्रमुख कृष्णचन्द्र पोखरेलले सङ्घीय र स्थानीय शिक्षा नीतिबीच समन्वय आवश्यक रहेको बताए ।
वरिष्ठ शिक्षाविद् प्रा.डा. कपिलदेव सुवेदीले ८० प्रतिशत विद्यार्थी ‘होल्ड’ गर्ने सामुदायिक विद्यालयले अहिले ६८ प्रतिशतमात्र ‘होल्ड’ गरिरहेको परिप्रेक्ष्यमा विद्यार्थीको आकर्षण घट्दै जानु सार्वजनिक नीतिको असफलतासँग सम्बन्धित रहेको उल्लेख गर्दै शिक्षाको गुणस्तर सुधारका लागि शिक्षामा लगानी बढाउनुपर्ने बताए ।
प्याब्सनका केन्द्रीय महासचिव आर.बी. कटुवालले कक्षा ८ देखि १२ सम्मको शिक्षालाई सीप, संस्कृति र प्रविधिमैत्री बनाउनुपर्ने तथा नेपाललाई शैक्षिक केन्द्रका रूपमा विकास गर्न ऐनमै आवश्यक व्यवस्था गर्नुपर्ने बताए । हिसानका केन्द्रीय महासचिव रामहरि सिलवालले विद्यालयलाई स्वायत्तता दिँदै नैतिकवान् र आत्मनिर्भर विद्यार्थी उत्पादनमा ध्यान दिनुपर्ने बताए । एन–प्याब्सनका केन्द्रीय महासचिव प्रकाश खड्काले आधारभूत तहमा नैतिक शिक्षा, भूगोल र पूर्वीय सभ्यतासँगै पश्चिमी संस्कृतिको समुचित अध्ययन समेट्नुपर्ने बताए ।
विद्यार्थी प्रतिनिधि एन्जल न्यौपानेले आफूले भविष्यमा आवश्यक पर्ने शैक्षिक अवसर र पाठ्यक्रमबारे कक्षा ११ मा भर्ना भएको चार महिनापछि थाहा पाएको बताउँदै शैक्षिक परामर्शको आवश्यकता औँल्याइन् । ‘मेरो बुबाले ४० वर्षअघि पढेको कुरा अहिले मैले पढिरहेको छु’, उनले भनिन्, ‘शिक्षा ऐन संशोधन हुँदै गर्दा पाठ्यक्रम पनि भविष्यका लागि उपयोगी बनाउनुपर्छ ।’
अर्का विद्यार्थी दिग्विजय कुँवरले मूल्याङ्कनन प्रणालीमा व्यावहारिक पक्ष कमजोर रहेको बताए भने आयुष्मा तिवारीले कम्प्युटर र एकाउन्टजस्ता विषयलाई पूर्णतः व्यावहारिक बनाउनुपर्ने धारणा राखिन् । संस्कार रिमालले दुईदिने बिदाले सिकाइमा असर पार्ने भन्दै पाठ्यक्रम परिमार्जन वा अन्य बिदा कटौती गर्नुपर्ने बताए । छात्रा सजिना खड्काले विद्यालय तहमा नैतिक शिक्षाको आवश्यकता औँल्याइन् भने कुशल पौडेलले सिकाइभन्दा ग्रेडमा बढी ध्यान दिइने प्रवृत्तिले शिक्षाको प्रभावकारिता घटाएको बताए ।
अभिभावक संघ चितवनका अध्यक्ष सूर्यकान्त न्यौपानेले नीतिगत कमजोरी, स्थानीय सरकार र नगर शिक्षाबीचको असमझदारी, विद्यालय तथा अभिभावकबीच समन्वयको अभाव र कमजोर अनुगमनलाई शिक्षाका प्रमुख समस्याका रूपमा औँल्याए । अभिभावक सम्पदा रिमालले पाठ्यक्रममा अन्तर्राष्ट्रिय अनुभव समेटिनुपर्ने र विद्यार्थीलाई दैनिक जीवनमा आवश्यक पर्ने व्यावहारिक सीप सिकाउनुपर्ने बताइन् । उनले बौद्धिक क्षमतासँगै भावनात्मक बुद्धिमत्ताको विकासमा जोड दिइन् ।
यस्तै, अभिभावक देवीप्रसाद पौडेलले श्रम र सीपको सम्मान गर्ने शिक्षा आवश्यक रहेको बताए । पाठ्यक्रममा स्थानीय सफलताका कथालाई समेट्नुपर्ने उनको सुझाव थियो । अर्की अभिभावक डा. रमा पौडेलले मन्टेश्वरीदेखि विश्वविद्यालयसम्मका शैक्षिक तह र प्रणालीबीच तादम्यता हुनुपर्ने बताइन् ।
सामुदायिक विद्यालयका शिक्षक पूर्ण पुरीले तीनै तहका सरकारका फरकफरक नीतिले शिक्षक व्यवस्थापनमा समस्या सिर्जना भएको बताए । संस्थागत विद्यालयका शिक्षक कपिल लामिछानेले विद्यालयले प्रदान गर्ने सुविधाअनुसार शुल्क लिन पाउनुपर्ने धारणा राखे । शिक्षक शिक्षाराज अधिकारीले ऐन निर्माणसँगै कार्यान्वयन प्रभावकारी बनाउनुपर्ने र शैक्षिक क्यालेन्डरमा एकरूपता हुनुपर्ने बताए । यसैगरी, सन्दर्भ खनालले सरोकारवालाबाट प्राप्त सुझाव ऐनको मस्यौदामा समेटिनुपर्नेमा जोड दिए ।
सामुदायिक विद्यालय महासंघ नेपाल, भरतपुरका अध्यक्ष सुदीप सुवेदीले परिमार्जित ऐनले कर्णाली तथा चेपाङ समुदायका बालबालिकाका शैक्षिक समस्या सम्बोधन गर्नुपर्ने बताए । सीमान्तकृत समुदायका बालबालिकालाई शिक्षाको पहुँचमा ल्याउन प्रत्येक प्रदेशमा आवासीय विद्यालय सञ्चालन गर्नुपर्ने र प्रधानाध्यापकलाई आवश्यक प्रशासनिक अधिकार दिनुपर्ने उनको सुझाव थियो ।
विद्यालय सञ्चालक प्रेम रिमालले निजी विद्यालयका विद्यार्थीलाई उच्च शिक्षाका प्रवेश परीक्षामा समान अवसर सुनिश्चित गर्नुपर्ने बताए । राज्यले निजी विद्यालयबाट उत्तीर्ण गरिब विद्यार्थीहरूलाई गर्ने विभेद बन्द हुनुपर्ने उनको भनाइ थियो । अर्का विद्यालय सञ्चालक टंक त्रिपाठीले ऐन दीर्घकालीन सोचका साथ निर्माण गर्नुपर्ने र विद्यार्थीलाई कक्षा १२ पछि पनि नेपालमै अध्ययन तथा रोजगारीको अवसर उपलब्ध गराउनुपर्ने धारणा राखे ।
प्याब्सन बागमती प्रदेश उपसभापति इन्दिरा कार्कीको अध्यक्षतामा सम्पन्न कार्यक्रमको सञ्चालन दयानिधि अर्यालले गरेका थिए । पवित्रबहादुर गौतमले सहजीकरण गरेको कार्यक्रममा प्याब्सन चितवनका अध्यक्ष मदन पुरीले स्वागत मन्तव्य राखेका थिए भने अङ्कुरम् एकेडेमीका कार्यकारी निर्देशक युवराज पौडेलले प्यानलिस्टहरूलाई मायाको चिनो प्रदान गरेका थिए । 
भरतपुर । पोषणयुक्त खाद्यवस्तुका रूपमा रहेको अण्डा मानव स्वास्थ्यका लागि अत्यावश्यक रहेकाले यसको उत्पादनसँगै उपभोग पनि बढाउनुपर्नेमा सरोकारवालाले जोड दिएका छन् । अण्डा मानव शरीरका लागि आवश्यक पर्ने महत्त्वपूर्ण तत्त्व भएकाले यसको महत्त्वबारे सचेतना अभिवृद्धि गरी उत्पादन र उपभोग दुवै बढाउन आवश्यक रहेको उनीहरूको भनाइ थियो ।
विश्व अण्डा दिवसको अवसरमा नेपाल लेयर्स कुखुरापालक संघद्वारा भरतपुरमा आयोजित बहस कार्यक्रममा सरकारी तथा निजी क्षेत्रका प्रतिनिधि, स्वास्थ्यकर्मी, पोषणविद् र कृषि क्षेत्रका सरोकारवालाले अण्डाको उत्पादन र खपत बढाउन संयुक्त प्रयास आवश्यक रहेको बताएका हुन् ।
कार्यक्रममा संघका केन्द्रीय अध्यक्ष विनोद पोखरेलले सरकारले आवश्यक सहयोग र सहजीकरण गरेमा अण्डाको उत्पादन वृद्धि गर्न सकिने बताए । उनका अनुसार अण्डा उपभोग बढाउन किसान र व्यवसायीले लामो समयदेखि आग्रह गर्दै आए पनि त्यससम्बन्धी वैज्ञानिक जानकारी आम नागरिकसम्म पुर्याउने कार्य सरकारी निकायबाट प्रभावकारीरूपमा हुन सकेको छैन । उनले अण्डाको बजार मूल्य लागतअनुसार हुन थालेपछि किसानको आकर्षण बढ्दै गएको उल्लेख गर्दै यसले थप कृषकलाई व्यवसायमा प्रवेश गर्न प्रेरित गर्ने बताए ।
अध्यक्ष पोखरेलले भारतबाट भन्सार छलेर आउने अण्डा गत वैशाखदेखि रोकिएपछि स्वदेशी किसानले राहत महसुस गरेको बताए । विद्यालयका विद्यार्थीलाई दिवा खाजामा नियमितरूपमा अण्डा उपलब्ध गराउने सरकारी कार्यक्रम ल्याइए किसानको तर्फबाट प्रतिअण्डा पाँच रुपैयाँ छूट दिन तयार रहेको उनको भनाइ थियो ।
उनका अनुसार हाल नेपालमा दैनिक करिब ३८ लाख अण्डा उत्पादन भइरहेको छ । कोभिड–१९ महामारीअघि दैनिक ६५ देखि ७० लाख अण्डा उत्पादन हुने अवस्था पुनः कायम गर्ने लक्ष्यसहित किसानलाई संगठित गर्ने काम भइरहेको उनले बताए । चार वर्षअघि करिब १२० जना ठूला लेयर्स किसान रहेकोमा अहिले संख्या बढेर १८० पुगेको छ । अण्डाको बजार मूल्य हाल प्रतिक्यारेट (३० वटा) करिब ६ सय रुपैयाँ पुगेको छ । व्यवसायीका अनुसार एउटा अण्डाको उत्पादन लागत १९ रुपैयाँ १२ पैसा पर्छ ।
वरिष्ठ फिजिसियन डा. भोजराज अधिकारीले अण्डा केवल प्रोटिनको स्रोत मात्र नभई शरीरको वृद्धि, विकास तथा समग्र स्वास्थ्यका लागि आवश्यक विभिन्न पोषक त¤वको महत्त्वपूर्ण स्रोत भएको बताए । उनले एउटा अण्डामा करिब ६ ग्राम उच्च गुणस्तरको प्रोटिनका साथै भिटामिन ए, बी समूह, डी, ई, फोलेट, फस्फोरस, सेलेनियम र जिंकजस्ता तत्त्व पाइने जानकारी दिए । अण्डाको पहेँलो भागसमेत स्वास्थ्यका लागि लाभदायक हुने उल्लेख गर्दै बालबालिकालाई दुई वर्षको उमेरपछि नियमित रूपमा अण्डा खुवाउन सकिने उनले बताए ।
युसेक अमेरिकन सोयका कन्ट्री मार्केट लिड डा. अशेष भट्टराईले निजी र सरकारी क्षेत्रबीचको सहकार्यबाट मात्र अण्डाको उत्पादन र बजार विस्तार सम्भव हुने बताए । उनले अण्डाका पोषणसम्बन्धी गुणबारे सही जानकारी जनसमुदायसम्म पुर्याउनुपर्ने आवश्यकता औँल्याए ।
कार्यक्रममा पोषण विज्ञ डा. दिनेश गौतमले नेपालमा अण्डा खपत अझै न्यून रहेको तथ्यांक प्रस्तुत गरे । उनका अनुसार विश्वमा प्रतिव्यक्ति वार्षिक औसत १८५ अण्डा खपत हुने गरेको छ भने एसियामा यो संख्या १८७ छ । दक्षिण एसियामा प्रतिव्यक्ति वार्षिक ८७ अण्डा खपत हुने गरेको छ । नेपालमा भने प्रतिव्यक्ति वार्षिक ६९ अण्डा मात्रै खपत हुन्छ। सन् २०१५ मा यो संख्या ६० रहेकोमा हाल बढेर ६९ पुगेको छ। यद्यपि विश्व औसतको तुलनामा नेपाल अझै धेरै पछाडि रहेको उनले बताए ।
कृषि, वन तथा वातावरण मन्त्रालयका सहसचिव डा. रामानन्द तिवारीले उत्पादन वृद्धिमात्र पर्याप्त नभई अण्डाको उपभोग विस्तार पनि उत्तिकै आवश्यक रहेको बताए । सरकारले कृषकलाई प्रोत्साहन गर्ने उद्देश्यले कृषि ऐन ल्याउने तयारी गरिरहेको जानकारी दिँदै उनले छात्रवृत्ति, यातायात छुट तथा कृषि ढुवानीका लागि विशेष सुविधाजस्ता व्यवस्था समेटिने बताए । उनका अनुसार यस्ता नीतिले कृषि पेशालाई थप सम्मानित र आकर्षक बनाउने अपेक्षा गरिएको छ ।
भरतपुर । चितवनको शहीदचोकबाट करिब ५० मिटर पश्चिम, एभरेष्ट बैंकनजिकै आतिफ आई केयर सेन्टरले दोस्रो शाखा सञ्चालनमा ल्याएको छ । दसै, तिहारर छड पर्वलाई लक्षित गर्दै सोमबारदेखि दोस्रो शाखा सञ्चालनमा ल्याइएको सेन्टरका सञ्चालक इन्ताफ आलमले जानकारी दिए ।
व्यावसायिक उद्देश्यसँगै सेवामूलक भावनालाई प्राथमिकता दिँदै सेन्टर विस्तार गरिएको सञ्चालक आलमले बताए । नयाँ शाखाको शुभारम्भको अवसरमा दसैँ, तिहार तथा छठ पर्वसम्म आमनागरिकलाई २० प्रतिशत र विद्यार्थीलाई ३० प्रतिशत छूट प्रदान गरिने उनले भने ।
केयर सेन्टरले व्यावसायिक सेवासँगै सामाजिक उत्तरदायित्वलाई पनि प्राथमिकता दिएको छ । यसअन्तर्गत प्रत्येक वर्ष दुई जना अतिविपन्न नागरिकलाई निःशुल्क आँखा जाँच सेवा उपलब्ध गराउने योजना बनाएको छ । उनका अनुसार सम्बन्धित व्यक्तिको सिफारिस र आवश्यक प्रमाणका आधारमा निःशुल्क आँखा जाँच गरिनेछ भने आवश्यक परेमा चश्मासमेत उपलब्ध गराइनेछ ।
स्थानीय नागरिक तथा विद्यार्थीलाई सहज, सुलभ र सहुलियतपूर्ण आँखा जाँच सेवा उपलब्ध गराउने उद्देश्यसहित नयाँ शाखा सञ्चालनमा ल्याइएको सेन्टरले जनाएको छ । चाडपर्वको अवसरमा प्रदान गरिने छूटले सर्वसाधारणलाई आँखा जाँच तथा आवश्यक सेवा लिन थप सहज हुने अपेक्षा गरिएको छ ।
पाँच वर्षअघि हङकङ बजारबाट सेवा सुरू गरेको आतिफ आई केयर सेन्टरले सेवा विस्तार गर्ने क्रममा दोस्रो शाखा सञ्चालनमा ल्याएको हो ।
रत्ननगर । रत्ननगर–१६ वडा कार्यालय र पिठुवा स्वास्थ्यचौकीको आयोजनामा सुत्केरी आमा तथा नवजात शिशुलाई पौष्टिक आहार वितरण गरिएको छ ।
स्वास्थ्य संस्थामा नियमित गर्भवती जाँच तथा सुत्केरी जाँच गराउने आमाहरूलाई लक्षित गरी नौनी, अण्डा, मह, दाल, गेडागुडी तथा सरसफाइका सामग्री वितरण गरिएको पिठुवा स्वास्थ्यचौकीका प्रमुख नरहरि श्याम शर्माले जानकारी दिए ।
कार्यक्रममा वडाध्यक्ष हेमराज थापाले गर्भवती तथा सुत्केरी आमाको स्वास्थ्य र पोषणमा सुधार ल्याउनुका साथै आमा र शिशुको स्वास्थ्य सुरक्षालाई प्राथमिकता दिन यस्तो कार्यक्रम सञ्चालन गरिएको बताए ।
उनले नियमित स्वास्थ्य जाँच गराउने बानीको विकास गर्दै आमा तथा नवजात शिशुको स्वास्थ्यप्रति सचेतना बढाउन वडाले आगामी दिनमा पनि यस्ता कार्यक्रमलाई निरन्तरता दिने प्रतिबद्धता व्यक्त गरे ।
कार्यक्रममा सुत्केरी अवस्थाको समयमा पोषणयुक्त आहारको महत्त्वबारे सिनियर अनमी निरीक्षक गीता रायमाझीले जानकारी गराएकी थिइन् । कार्यक्रममा वडा सदस्यहरु ज्ञानेन्द्र रेग्मी, चिजकुमार श्रेष्ठ, सरिता गुरूङ, वडा सचिव प्रमिला आचार्य, पिठुवा स्वास्थ्यचौकीका जनस्वास्थ्य निरीक्षक रोशन श्रेष्ठ लगायतको सहभागिता रहेको थियो ।
रत्ननगर । मोटरसाइकल संस्कृतिको प्रवर्द्धन, विभिन्न राइडर्स क्लबबीच आपसी भाइचारा अभिवृद्धि गर्ने तथा सौराहाको स्थानीय पर्यटनलाई थप चलायमान बनाउने उद्दश्यले माइलस्टोन इन्फिल्डर्स मोटरसाइकल क्लबले सौराहा राइडर्स क्लब भोल्युम–१ आयोजना गर्ने भएको छ ।
मुलुकका विभिन्न स्थानबाट मोटरसाइकलप्रेमी तथा राइडर्स क्लबका सद्स्यहरुलाई एकै ठाउँमा जोड्ने लक्ष्य राखिएको यस कार्यक्रमले सौराहालाई वन्यजन्तु पर्यटनका लागि मात्र नभई सामुदायिक भेटघाटमार्फत साहसिक पर्यटनलाई एकै ठाउँमा जोड्न मद्दत पुग्ने विश्वास गरिएको छ ।
कार्यक्रमले स्थानीय पर्यटन, होमस्टे र पुरातन कला–संस्कृतिको जगेर्नामा स्थानीयको भूमिका कति प्रभावकारी हुन सक्छ भनेर देखाउनेछ । कार्यक्रमले साहसिक पर्यटनको प्रवर्द्धन गर्नुका साथै स्थानीय कला–संंस्कृति र आतिथ्यतालाई थप उजागर गर्ने बताउँदै क्लबका संस्थापक अध्यक्ष कौशल सुवेदीले स्थानीय व्यवसायी र समुदायसँग थप विश्वसनिय सम्बन्ध स्थापित हुने उल्लेख गरे ।
कार्यक्रम यही असोज २९ र ३० गते दुई दिनसम्म इडेन जङ्गल रिसोर्ट, सौराहामा हुनेछ । सौराहा राइडर्स क्लब भोल्युम–१ मा सहभागी हुनका लागि राइडरहरुले सौराहा राइडर्स क्लबको अफिसियल नम्बर ९८६०८४१५३३ मा सम्पर्क गर्न सक्नेछन् ।
काठमाडौँ । नेपाल दूरसञ्चार प्राधिकरणले इन्टरनेट सेवाको शुल्क वृद्धि नभएको स्पष्ट पार्दै स्वीकृत दरभन्दा बढी शुल्क लिने तथा उपभोक्तालाई मर्कापर्ने गरी अनधिकृतरूपमा सेवा सञ्चालन गर्ने प्रदायकमाथि कारबाही गर्ने चेतावनी दिएको छ ।
इन्टरनेट सेवाको शुल्क बढेको भन्दै विभिन्न सञ्चारमाध्यममा प्रकाशित समाचारप्रति ध्यानाकर्षण भएको जनाउँदै प्राधिकरणले हालै इन्टरनेट तथा इमेल सेवा प्रदायकबाट शुल्क वृद्धि गर्ने कुनै प्रस्ताव प्राप्त नभएको र आफूले पनि शुल्क बढाउन स्वीकृति नदिएको स्पष्ट पारेको हो ।
प्राधिकरणले दूरसञ्चार सेवा प्रदायकले सेवा उपलब्ध गराएबापत लिने शुल्क उचित र मनासिब हुनुपर्ने उल्लेख गरेको छ । प्राधिकरणले तोकेको निर्देशिकाबमोजिम शुल्क निर्धारण गरी लागू हुने मितिसमेत उल्लेख गरेर कम्तीमा तीन महिनाअघि स्वीकृतिका लागि पेस गर्नुपर्ने प्रावधान स्मरण गराएको छ ।
प्राधिकरणबाट स्वीकृत शुल्क दर सार्वजनिक रूपमा प्रकाशन गर्नुपर्ने, स्वीकृत दरभन्दा बढी शुल्क लिन, पूर्वस्वीकृतिबिना शुल्क वृद्धि गर्न तथा उपभोक्तालाई मर्का पर्ने गरी अनधिकृतरूपमा सेवा सञ्चालन गर्न नपाइने वैधानिक व्यवस्थाबारे सचेत गराउँदै प्राधिकरणले नियमविपरीत गतिविधि गरेमा दूरसञ्चार ऐन तथा नियमावलीबमोजिम सेवा प्रदायकमाथि कारबाही गरिने चेतावनी दिएको छ ।
भरतपुर । चितवनका स्थानीय पालिकास्तरीय एकदिने ‘प्रिभेन्ट टिबी टु इन्ड टिबी’ परियोजनाको समीक्षा तथा अभिमुखीकरण कार्यक्रम इच्छाकामना–२, मायाटारमा बिहीबार सम्पन्न भएको छ ।
ब्रिटेन नेपाल मेडिकल ट्रस्ट युके, रोटरी इन्टरनेसनल एवम् रोटरी क्लब अफ मिड टाउन काठमाडौँको आर्थिक सहयोग तथा विराट नेपाल मेडिकल ट्रस्ट र जिल्ला जनस्वास्थ्य कार्यालय चितवनको सहयोग, समन्वय र सहकार्यमा सुसुप्त क्षयरोगको अवस्था र चितवनमा सम्पन्न भएका कार्यक्रमबारे समीक्षा गरिएको हो ।
जनस्वास्थ्य कार्यालय चितवनका कार्यालय प्रमुख निर्मल घिमिरेको अध्यक्षतामा भएको कार्यक्रमको सञ्चालन तथा सहजीकरण गर्दै जनस्वास्थ्य कार्यालय चितवनका क्षयरोग कार्यक्रम फोकल पर्सन जयराम दुवाडीले चितवनमा आर्थिक वर्ष २०८२–०८३ मा सर्ने खालको सक्रिय क्षयरोग लागेका बिरामीको संख्या एक हजार १२५ रहेको जानकारी दिए ।
कार्यक्रममा कार्यपत्र प्रस्तुत गर्दै क्षयरोग कार्यक्रम फोकल पर्सन दुवाडीले सक्रिय क्षयरोग लागेका बिरामीको घरपरिवारका पाँच वर्षमाथिका दुई हजार ४९७ जना सदस्यहरुको छालाको जाँच (मन्टु टेस्ट) गरी सुसुप्त क्षयरोग भए–नभएको यकिन गरिएको थियो । जसमध्ये एक हजार २७ जनामा सुसुप्त क्षयरोगको किटाणु रहेको पाइएको थियो ।
सक्रिय क्षयरोग लागेका बिरामीको सम्पर्कमा रहने परिवारका सदस्यहरुलाई समेत टिबी सर्न सक्ने सम्भावना हुने भएकाले मन्टु टेस्ट गरिएको उनले बताए । सुसुप्त क्षयरोगको किटाणु देखिएका एक हजार २७ जनामध्ये चितवनमा ८९७ जनाले औषधि सेवन गरी ‘प्रिभेन्ट टिबी टु इन्ड टिबी’ अर्थात् टिबी रोग अन्त्य गर्नका लागि रोगको निवारण गरिएको थियो । उनका अनुसार सक्रिय क्षयरोगीले ६ महिनासम्म औषधि सेवन गर्नुपर्छ भने सुसुप्त क्षयरोगको लागि हप्ताको एकदिन १२ हप्तासम्म औषधि खानुपर्छ ।
‘प्रिभेन्ट टिबी टु इन्ड टिबी’ परियोजनाको बारेमा प्रकाश पार्दै विराट नेपाल मेडिकल ट्रस्टका कार्यक्रम प्रबन्धक रामनारायण पण्डितले विसं २०८२ साउनदेखि हालसम्म परियोजनामार्फत तीन हजार ६५ जनालाई सुसुप्त क्षयरोगका बारेमा सचेतनामूलक जानकारी दिइएको, १९१ जना स्वास्थ्यकर्मी तथा सामुदायिक महिला स्वास्थ्य स्वयंसेविकाहरुको मन्टु टेस्ट गरिएको र ८९७ जना सुसुप्त क्षयरोगको किटाणु देखिएकाहरुको एक्स–रे गरिएको जानकारी दिए ।
कार्यक्रममा सहजीकरण गर्दै कार्यक्रम प्रबन्धक पण्डितले चितवनका सातवटै पालिकामा गरिएका सुसुप्त क्षयरोग परीक्षणबारे जानकारी दिए । उनका अनुसार भरतपुर महानगरपालिकामा ९०० जनाको मन्टु टेस्ट गरिएकामा ४३६ जनामा सुसुप्त क्षयरोगका किटाणु देखिएको थियो । यस्तै, राप्ती नगरपालिकामा ३६५ जनाको परीक्षण गरिएकामा १४८, कालिका नगरपालिकामा २६४ जनाको परीक्षणमा १२१, खैरहनी नगरपालिकामा २९० जनामा ११९, रत्ननगर नगरपालिकामा ३४५ जनामा ७३, इच्छाकामना गाउँपालिकामा १२५ जनामा ६९ र माडी नगरपालिकामा २०८ जनाको मन्टु टेस्ट गरिएकामा ६१ जनामा सुसुप्त क्षयरोगका बिरामी फेला परेका थिए ।
सुसुप्त क्षयरोगको किटाणु देखिएका बिरामीमध्ये भरतपुरमा ३२९, राप्तीमा १४२, कालिकामा ११५, खैरहनीमा ११६, रत्ननगरमा ६५, इच्छाकामनामा ६९, माडीमा ६१ जनाले औषधि सेवन गरी रोग निदान गरेको पण्डितले जानकारी दिए ।
कार्यक्रममा जनस्वास्थ्य कार्यालय चितवनका कार्यालय प्रमुख निर्मल घिमिरेले टिबी रोग अन्त्य गर्नका लागि सुसुप्त अवस्थामा रहेका क्षयरोगको निदान गर्न जरूरी रहेको बताउँदै विभिन्न संस्थाको सहयोगमा विराट नेपाल मेडिकल ट्रस्टले ‘प्रिभेन्ट टिबी टु इन्ड टिबी’ परियोजनामा खेलेको भूमिका सराहनीय रहेको बताए । कार्यक्रममा सहभागीका तर्फबाट खैरहनी नगरपालिकाका स्वास्थ्य शाखा प्रमुख भोजराज खनालले मन्तव्य राखेका थिए ।
समीक्षा कार्यक्रममा चितवनका सातवटै स्थानीय पालिकाका स्वास्थ्य शाखा प्रमुख, क्षयरोग फोकल पर्सन, जनस्वास्थ्य कार्यालय चितवनका कर्मचारी एवम् बिएनएमटी नेपालका कर्मचारीहरुको सहभागिता रहेको थियो ।
सो अवसरमा सम्बन्धित पालिकाका स्वास्थ्य शाखा प्रमुख र क्षयरोग फोकल पर्सनहरुले आआफ्ना पालिकामा क्षयरोग अन्त्यका लागि भइरहेका पहल तथा परियोजनाले आगामी दिनमा गर्नुपर्ने कार्यक्रमका बारेमा सुझाव प्रस्तुत गरेका थिए ।
भरतपुर । इच्छाकामना गाउँपालिका वडा नं–७, सिमलढापस्थित भित्री सडक खण्डमा आइतबार बेलुकी बुलेट मोटरसाइकल दुर्घटनामा एक जनाको मृत्यु भएको छ भने अर्का एक जना घाइते भएका छन् ।
सिमलढापबाट भरतपुरतर्फ आउँदै गरेको बागमती प्रदेश ०६–००५ प १६१० नम्बरको बुलेट मोटरसाइकल अनियन्त्रित भई सडक छेउमा रहेको रुखमा ठोक्किँदा भरतपुर–११ बस्ने २९ वर्षीय देवेन्द्र थापाको मृत्यु भएको हो । दुर्घटनामा स्याङ्जाको वालिङ नगरपालिका वडा नं–८ घर भई हाल भरतपुर–११ बस्ने २८ वर्षीय सागर थापा सामान्य घाइते भएका छन् ।
दुवै घाइतेलाई उपचारका लागि नयाँ मेडिकल कलेज (सिएमसी), भरतपुर ल्याइएकोमा गम्भीर घाइते थापालाई ८ः०५ बजे डाक्टरले मृत घोषणा गरेका थिए ।
प्रहरीले मोटरसाइकल चालक सागर थापालाई सिएमसीबाट नियन्त्रणमा लिई जिल्ला प्रहरी कार्यालयमा ल्याई थप अनुसन्धान कार्य भइरहेको जनाएको छ । मृतकको शव भरतपुर अस्पतालमा पोस्ट मार्टमका लागि पठाइएको प्रहरीले जनाएको छ ।
काठमाडौँ । नेपाली कांग्रेसका सभापति गगनकुमार थापाले नागरिकका प्रश्न, असहमति र विचारका लागि खुलामञ्च आवश्यक रहेको बताएका छन् ।
कांग्रेसको १५औँ महाधिवेशनको उद्घाटन समारोहलाई आइतबार खुलामञ्चमा सम्बोधन गर्दै सभापति थापाले जनताका जिज्ञासा र प्रश्नको छलफलका लागि मुलुकलाई खुलामञ्च आवश्यक रहेको बताएका हुन् ।
“दस वर्षपछि खुलामञ्च खुलेको छ, यो काठमाडौँको एउटा चौर मात्रै होइन, नेपाली राजनीतिक आन्दोलनमा खुलामञ्चले महत्त्वपूर्ण भूमिका निर्वाह गरेको छ, यहीँबाट धेरै राजनीतिक दल तथा नेताले आफ्नो राजनीतिक यात्रा अगाडि बढाएका छन्”, सभापति थापाले भने ।
सभापति थापाले जननायक बिपी कोइराला, गणेशमान सिंह र गिरिजाप्रसाद कोइरालालेसमेत यही खुलामञ्चबाट ऐतिहासिक राजनीतिक घटनासम्बन्धी भाषण गरेको स्मरण गर्दै खुलामञ्चले फरक विचार तथा मतभेदलाई एउटै ठाउँमा ल्याएर संवाद गर्ने अवसर दिएको उल्लेख गर ।
“खुलामञ्चले मतभेदलाई एकैठाउँमा राख्न सहयोग गर्छ”, सभापति थापाले भने । उनले फरक मत राख्ने, नेतृत्वलाई प्रश्न गर्ने र आलोचना गर्ने अधिकारलाई पार्टीभित्रै संस्थागत गर्नुपर्ने बताए । फरक प्रसङ्गमा सभापति थापाले सत्ता र नेतृत्वमा उही अनुहार दोहोरिरहने प्रवृत्तिले नेपालको राजनीति ‘म्युजिकल चियर’ जस्तो बनेको बताए । उक्त प्रवृत्तिले सबै राजनीतिक दल र नेता एउटै हुन्, सबै खराब छन् भन्ने सन्देश जनतामा गएको तथा त्यसकै परिणाम गत भदौ २३ र २४ गतेको घटना घटेको उनको धारणा थियो ।
सभापति थापाले प्रधानमन्त्री बनेका व्यक्ति फेरि प्रधानमन्त्री बन्न खोज्ने, नेता बनेका व्यक्ति फेरि नेतृत्वमा दोहोरिरहने र मन्त्री बनेका व्यक्ति पनि पटकपटक सत्तामा जाने प्रवृत्तिले जनतामा राजनीतिप्रति वितृष्णा बढाएको उल्लेख गरे ।
‘विगतका कमजोरीको समीक्षा गर्दै अगाडि बढ्छौँ’
सभापति थापाले विशेष महाधिवेशनपछि कांग्रेस निर्वाचनमा गएको तर परिणाम आफ्नो पक्षमा आउन नसकेको बताए । कांग्रेसले यसअघि पनि विभिन्न निर्वाचनमा हार र जीत व्यहोर्दै आएको उल्लेख गर्दै उनले अहिले पार्टी नयाँ महाधिवेशनको चरणमा प्रवेश गरेको बताए ।
“विशेष महाधिवेशनपछि चुनावमा गयौँ, तर हाम्रो पक्षमा परिणाम आएन, कांग्रेसले धेरै चुनावमा हार्ने र जित्ने गरेको छ, अब नयाँ महाधिवेशनमा होमिएका छौँ”, सभापति थापाले भने ।
सभापति थापाले १५औँ महाधिवेशनलाई विगतका कमजोरीको समीक्षा गर्दै कांग्रेसलाई नयाँ राजनीतिक यात्रामा अघि बढाउने अवसरका रूपमा लिनुपर्ने बताए । जनतामा बढेको राजनीतिक वितृष्णा र दलहरूप्रतिको अविश्वास चिर्न कांग्रेसले आफ्नो नेतृत्व, व्यवहार र राजनीतिक कार्यशैलीमा परिवर्तन गर्नुपर्ने उनको भनाइ थियो ।
सभापति थापाले लोकतन्त्र र जनतालाई प्रत्यक्ष सेवा तथा परिणामसँग जोड्ने पुलको काम कांग्रेसले गर्नुपर्ने बताए । मुलुकमा लामो राजनीतिक सङ्घर्ष र परिवर्तन भए पनि रोजगारी सिर्जना, युवा पलायन रोक्ने र जनताको जीवनस्तर सुधार्ने विषयमा अब सबै राजनीतिक दल मिलेर गम्भीर समीक्षा गर्नुपर्ने उहाँको भनाइ थियो ।
सभापति थापाले मुलुकले लामो समय राजनीतिक सङ्घर्ष र सङ्क्रमण व्यहोरे पनि त्यसको प्रतिफल जनताको दैनिक जीवनमा पर्याप्त रूपमा पुग्न नसकेको उल्लेख गर्दै यसका कारण सबै राजनीतिक दलले मिलेर खोज्नुपर्ने बताउनुभयो । राजनीतिक परिवर्तनसँगै आर्थिक र सामाजिक रूपान्तरणलाई पनि सँगसँगै अघि बढाउनुपर्ने उनको भनाइ थियो ।
“यो विषय हामी सबै मिलेर खोज्नुपर्छ, हामी महाधिवेशनमा यही कुरा ‘डेलिभरी’ दिनका लागि के गर्ने, कांग्रेस कस्तो बनाउने भनेर मन्थन गर्नेछौँ”, सभापति थापाले भने ,
कांग्रेसले अब लोकतन्त्रको कुरा मात्रै नगरी जनतालाई परिणाम दिने राजनीतिक शक्तिका रूपमा आफूलाई स्थापित गर्नुपर्ने सभापति थापाले बताए । लोकतान्त्रिक व्यवस्था र जनताको अपेक्षाबीचको दूरी घटाउने जिम्मेवारी कांग्रेसले लिनुपर्ने उनको भनाइ थियो ।
“डेमोक्रेसी र डेलिभरीको पुलको काम कांग्रेसले गर्छ, पुराना र नयाँ पुस्तालाई जोड्ने काम कांग्रेसले गर्छ, यही सङ्कल्प गर्छ”, सभापति थापाले भने ।
‘कांग्रेस कमजोर हुँदा लोकतन्त्र र जनताबीचको विश्वासमा असर पर्छ’
सभापति थापाले कांग्रेस कमजोर वा निष्क्रिय हुँदा लोकतान्त्रिक व्यवस्था र जनताबीचको विश्वासमा असर पर्नसक्ने बताए । कांग्रेसले आफूलाई जनताको आवश्यकता र अपेक्षासँग जोडेर अघि बढाउनुपर्ने उनको भनाइ थियो ।
“आजको दिनमा नेपाली कांग्रेस बन्द भयो भने के हुन्छ भन्ने कुरा जनताले सोच्नुपर्ने बनाउने काम गर्नुपर्छ, पुल ढल्यो भने विश्वास ढल्छ, त्यो विश्वासका लागि कांग्रेसले काम गर्नुपर्ने छ”, सभापति थापाले भने ।
कांग्रेसले आफ्नो राजनीतिक सिद्धान्त र मूल्यमा स्पष्ट भएर अघि बढ्नुपर्ने सभापति थापाले बताए । तत्कालको राजनीतिक लाभका लागि सिद्धान्तसँग सम्झौता गर्ने प्रवृत्तिबाट पार्टी टाढा रहनुपर्ने उनको भनाइ थियो । आर्थिक विकास र रोजगारी सिर्जनाका लागि निजी क्षेत्र तथा उद्योगी व्यवसायीको भूमिकालाई सम्मान गर्नुपर्ने उनले बताए ।
सभापति थापाले निर्वाचन आउने र जाने भए पनि त्यसको महत्त्वलाई बेवास्ता गर्न नहुने बताए । निर्वाचनको परिणाम महत्वपूर्ण भए पनि तत्कालको चुनावी लाभभन्दा दीर्घकालीनरूपमा देश र जनताको हितमा काम गर्ने राजनीतिक संस्कार आवश्यक रहेको उनले उल्लेख गरे् ।
सभापति थापाले १५औँ महाधिवेशनलाई कांग्रेसको नेतृत्व परिवर्तन गर्ने मात्रै नभई पार्टीको आगामी राजनीतिक दिशा, नीति र जनतालाई परिणाम दिने क्षमताबारे गम्भीर मन्थन गर्ने अवसरका रूपमा अघि बढाउने बताए । उनले कांग्रेसका केही साथीहरू पार्टीबाट बाहिरिएको उल्लेख गर्दै उनीहरूलाई कांग्रेस छाडेको हो कि होइन भन्ने विषयमा पनि अब स्पष्ट उत्तर दिनुपर्ने बताए । उनले पार्टीभित्र रहेका सबैलाई समेट्ने र बाहिरिएका नेताहरूका सम्बन्धमा पनि स्पष्ट धारणा बनाइने बताए ।
सभापति थापाले बदलिएको कांग्रेसले देश पनि बदल्न सक्छ भन्ने विश्वासका साथ १५औँ महाधिवेशनबाट नयाँ ऊर्जा र सङ्कल्प लिएर बाहिरिनुपर्ने बताए । उनले देशको पछिल्लो अवस्थालाई हेर्दा उत्सवका रूपमा मात्रै महाधिवेशन गर्न आफूहरूलाई सहज नभएको बताए ।
“रसुवाको भोटेकोशीमा गएको बाढीका कारण हजारौँ नागरिक हामीमाझ हुनुहुन्न । यो महाधिवेशन गर्न मन थिएन । तर, संविधान र कानुनको परिधिका कारण गर्न बाध्य भयौँ”, सभापति थापाले भने ।
काठमाडौँ । राष्ट्रिय स्वतन्त्र पार्टीका सभापति रवि लामिछानेले लोकतन्त्रका मूल्य र मान्यताबाट नडगमगाउने अडान व्यक्त गरेका छन् ।
नेपाली कांग्रेसको १५औँ महाधिवेशनको उद्घाटन समारोहमा शुभकामना मन्तव्य व्यक्त गर्दै सभापति लामिछानेले लोकतान्त्रिक मूल्य र मान्यतालाई अझ सुदृढ र संस्थागत बनाउने पक्षमा पार्टी रहेको स्पष्ट गरे ।
उनले भने, “तपाईंहरूमाझ पूर्ण विश्वाससहित भन्न चाहन्छु, हामी लोकतन्त्रका मूल्य र मान्यताबाट डगमगाउनेवाला छैनौँ । यससँग सम्बन्धित संस्थालाई अझ बलियो बनाएर नेपाली जनताको त्याग, बलिदान र तपस्याबाट प्राप्त परिवर्तनको रक्षा गर्ने क्रममा अग्रपङ्क्तिमा उभिनेछौँ ।”
सभापति लामिछानेले लोकतन्त्रलाई निर्वाचनका माध्यमबाट मात्रै समृद्ध बनाउनसक्ने बताए । राजनीतिक आस्था र विश्वास अलग हुनसक्ने भए पनि सरकारको नियत सही भएको उनको भनाइ छ ।
“सरकारको नियत सही छ । कुनै निर्णय विवादमा पर्न सक्लान्, कुनै निर्णय खराब हुन सक्लान्, हामी सच्याउँछौँ”, उनले भने, “तर लोकतन्त्रप्रतिको हाम्रो प्रतिबद्धता, त्यसमा दायाँबायाँ हुँदैन, त्यसलाई डगमगाउन दिँदैनौँ । म यहाँहरूलाई विश्वस्त हुनका निम्ति अनुरोध गर्न चाहन्छु”, सभापति लामिछानेले भने ।
“म यहाँहरूलाई विश्वस्त हुनका लागि अनुरोध गर्न चाहन्छु । मैले त्यतिखेर संसद्मै भनेको थिएँ कि दुई ठूला राजनीतिक दलविना कुनै कारण, विनाकुनै सङ्कट, विनाकुनै उद्देश्य एक ठाउँमा आउँदा त्यसले सङ्कट पैदा गर्छ भनेर ।” उनले विगतलाई स्मरण गर्दै भने, “अहिले त्यो सत्य सावित भएको छ, त्यसले हामीलाई जन्मायो । म तपाईंहरूलाई फेरि पनि विनम्रतापूर्वक अनुरोध गर्न चाहन्छु । लोकतन्त्रको यति धेरै दुहाइ पनि नदिनुहोस् कि लोकतन्त्रको सबै रक्षा हामीले नै गछौँ भनेर, पूरै ठेक्कापट्टा लिने काम नगर्नुहोस् ।”
इतिहासलाई साक्षी राखेर इतिहास बदल्ने प्रेरणासहित सरकार गठन गरेको स्पष्ट गर्दै पार्टी सभापति लामिछानेले लोकतन्त्रमाथि मुलुकमा अहिले कुनै पनि प्रकारको खतरा नभएकाले ढुक्क हुन सबैसँग अनुरोध गरे ।
लोकतन्त्रमाथि कहीँकतैबाट खतरा देखिए त्यसको प्रतिवाद नेपाली जनताले गरी लोकतन्त्र जोगाउने स्पष्ट गर्दै सभापति लामिछानेले देश र जनताका पक्षमा रचनात्मक सहयोग गरी नेपाली जनताको विश्वास जितेर आगामी चुनावमार्फत सरकारमा आउन बाटो रहेको बताए ।
नेपालको लोकतान्त्रिक आन्दोलनमा नेपाली कांग्रेसको भूमिका महत्त्वपूर्ण रहेको चर्चा गर्दै उनले देशको सबैभन्दा पुरानो पार्टी कांग्रेसको महाधिवेशन सफलताको कामना गरे ।
चितवन । चितवनमा विद्युतीय सवारी साधनसम्बन्धी सचेतनामूलक कार्यक्रम गरिएको छ । चितवन अटोमोबाइल डिलर एसोसियसन (काडा)ले शनिबार व्यवसायी तथा सेवाग्राहीलाई विद्युती गाडी प्रयोगसम्बन्धी जानकारी दिएको हो ।
पछिल्लो समय विद्युतीय सवारीसाधनमा नकारात्मक हल्ला फैलिएपछि व्यवसायी तथा सेवाग्राहीलाई यसको गुणस्तर तथा विशेषताको विषयमा जानकारी दिनको लागि कार्यक्रमको आयोजना गरिएको आयोजकले जनाएको छ ।
कार्यक्रममा चितवनका प्रमुख जिल्ला अधिकारी गणेशप्रसाद अर्यालले विद्युतीय गाडी संसारका व्यक्तिले स्वीकार गरेको बताउँदै यसलाई ठीक कि बेठिक भन्ने विषय नभएको बताए । सवारी दुर्घटना मानवीय तथा तथा भौतिक कारणले पनि हुने भएकाले सवारीसाधनलाई मात्र दोष दिन नहुने उनको भनाइ थियो ।
‘इभी गाडी खराब कि नखराब भन्ने विषय यो अनावश्यक कुरा हो’, उनले भने, ‘संसारका व्यक्तिले स्वीकार गरेको वस्तु ठीक कि व्यक्ति भन्ने होइन ।’ सन् २०२४ मा दक्षिण कोरियामा रोकिराखेको विद्युतीय गाडीमा आगलागी भएको उदाहरण दिँदै प्रमुख जिल्ला अधिकारी अर्यालले त्यहाँ विद्युतीय सवारीसाधन विस्तार भइरहेको बताए ।
चितवनमा केही समयअगाडि विद्युतीय कारमा आगलागी भएको थियो । त्यस विषयलाई लिएर यस गाडीको विश्वसनियतामाथि प्रश्न उठेको थियो । तर, विद्युतीय सवारीसाधनको कारण मात्र आगोलागी नभएको प्रशिक्षक रवीन पौडेलले जानकारी दिए । विद्युती सवारीसाधन प्रयोग गर्दा विद्युतको भोल्टेजलगायतका विषयमा ख्याल गर्नुपर्ने उनले बताए । विद्युतीय सवारीसाधनका धेरै फिचरहरु रहेको भन्दै यसबारे ज्ञान लिएर सवारी चलाउनुपर्ने उनको भनाइ थियो । नेपालमा अधिकांश दुर्घटना चालकको लापरबाहीका कारण भएको उनको भनाइ छ ।
कार्यक्रममा चितवन उद्योग वाणिज्य संघका अध्यक्ष चिरञ्जीवी सुवेदी, वरिष्ठ उपाध्यक्ष राजेन्द्र ओली, जिल्ला प्रहरी कार्यालय चितवनका प्रहरी प्रमुख रामेश्वर पौडेल, जिल्ला ट्राफिक प्रहरी कार्यालय चितवनका विष्णु थापालगायतको उपस्थिति रहेको थियो ।
चितवन । मस्तिष्क पक्षाघातको लागि अभिभावक स्वावलम्बन समूह, भरतपुर–२६, ज्योतिनगरको आयोजनामा मस्तिष्क पक्षाघातप्रभावित बालबालिकाका अभिभावकहरूका लागि प्रेरणादायी मोटिभेसन तथा सम्मान गरिएको छ । १५औँ विश्व मस्तिष्क पक्षाघात दिवसको अवसरमा सो कार्यक्रम आयोजना गरिएको हो ।
कार्यक्रममा मस्तिष्क पक्षाघातप्रभावित बालबालिकाको हेरचाह, पालनपोषण तथा उनीहरूको सर्वाङ्गीण विकासमा अभिभावकले निर्वाह गर्नुपर्ने भूमिका, चुनौती र सम्भावनाका विषयमा छलफल गरिएको थियो ।
साथै, बालबालिकाको हेरचाहमा निरन्तर समर्पित अभिभावकहरूको मनोबल उच्च बनाउने, उनीहरूमा आत्मविश्वास अभिवृद्धि गर्ने तथा स्वावलम्बी जीवनयापनका लागि प्रेरित गर्ने उद्देश्यले कार्यक्रम आयोजना गरिएको हो ।
संस्थाका अध्यक्ष लक्ष्मीकान्त घिमिरेको सभापतित्वमा सम्पन्न कार्यक्रममा भरतपुर महानगरपालिका–२६ का वडाध्यक्ष ज्ञानप्रसाद खनाल प्रमुखअतिथि रहेका थिए । यस्तै, ‘तिमीसँग आन्विका अभियान’का अध्यक्ष दिनेश प्रधानलगायत अन्य विभिन्न पदका महानुभावहरु विशिष्टअतिथिका रूपमा सहभागी थिए । कार्यक्रममा मस्तिष्क पक्षाघातप्रभावित बालबालिकाका अभिभावक, सामाजिक व्यक्तित्व तथा सरोकारवालाहरूको सहभागिता रहेको थियो ।
कार्यक्रममा अभिभावकहरूलाई सकारात्मक सोच, धैर्यता, आत्मविश्वास र पारिवारिक सहयोगको मह¤वबारे प्रेरित गर्दै मस्तिष्क पक्षाघात प्रभावित बालबालिकालाई माया, स्याहार र उचित अवसर प्रदान गर्नुपर्नेमा जोड दिइएको थियो । यस्ता बालबालिकाको क्षमता पहिचान गरी उनीहरूलाई समाजको मूलधारमा समेट्न परिवार, समुदाय र राज्य सबैको सहकार्य आवश्यक रहेको विषयसमेत उठाइएको थियो ।
मस्तिष्क पक्षाघातप्रभावित बालबालिकाको हेरचाहमा दिनरात खटिने अभिभावकहरूको योगदानको कदर गर्दै ३० जना अभिभावकहरुलाई सम्मानसमेत गरिएको थियो । अभिभावकहरूले भोग्दै आएका सामाजिक, आर्थिक तथा पारिवारिक चुनौतीलाई सम्बोधन गर्न सहयोगी वातावरण निर्माण गर्नुपर्नेमा सहभागीहरूले जोड दिएका थिए ।
कार्यक्रमले मस्तिष्क पक्षाघात प्रभावित बालबालिका र उनीहरूका अभिभावकप्रति समाजमा सकारात्मक सोचको विकास गर्नुका साथै अभिभावकहरूबीच आपसी सहयोग, अनुभव आदानप्रदान र एकताको भावना अभिवृद्धि गर्ने अपेक्षा गरिएको छ ।
मस्तिष्क पक्षाघात प्रभावित बालबालिका र उनीहरूका परिवारको जीवन सहज बनाउन सचेतना, सहयोग र सम्मानका कार्यक्रमलाई निरन्तरता दिनुपर्नेमा जोड दिँदै कार्यक्रम सम्पन्न भएको थियो ।
चितवन । नेपाल नेत्रज्योति संघ चितवनको २६औँ जिल्ला सभा चितवनका सभापति जयराम श्रेष्ठको अध्यक्षतामा एवं नेपाल नेत्रज्योति संघका केन्द्रीय उपाध्यक्ष तथा बागमती प्रदेश सभापति ऋषिराम पौडेलको विशेष आतिथ्यतामा सम्पन्न भएको छ ।
नेपाल नेत्रज्योति संघ चितवनका सचिव केशवप्रसाद अधिकारीले सञ्चालन गरेको कार्यक्रम विशेषअतिथि पौडेलले दीप प्रज्वलन गरी उद्घाटन गरेका हुन् । उपसभापति तेजेन्द्रबहादुर खड्काले अस्पताल र कार्यक्रमको बारेमा जानकारी दिँदै स्वागत मन्तव्य राखेका थिए ।
कार्यक्रममा बोल्दै विशेषअतिथि पौडेलले नेपाल नेत्रज्योति संघ नितान्त सामाजिक संस्था भएको हुँदा सामाजिक भावनाले काम गर्न आवश्यक रहेको बताए । नेपाल नेत्रज्योति संघ चितवनद्वारा सञ्चालित भरतपुर आँखा अस्पताल एक उदाहारणीय र सफल कार्यक्रम भएको उनको भनाइ थियो ।
भरतपुर आँखा अस्पतालले मुलुका मध्य भागमा पर्ने तीनवटा प्रदेशमा आँखाको स्वास्थ्यसेवा दिँदै आएको बताउँदै आगामी दिनमा अझ सेवा विस्तारको आवश्यकता औँल्याए । त्यसको लागि नेपाल नेत्रज्योति संघ केन्द्रीय समिति र बागमती प्रदेश समिति आवश्यक सहयोग र सहजीकरणको लागि तयार रहेको प्रतिबद्धता व्यक्त गरे ।
यसैगरी कार्यक्रमका सम्मानित व्यक्तित्व तथा विशेषअतिथि ईश्वरपुर नगरपालिका सर्लाहीका प्रमुख मनोज आचार्यले ईश्वरपुर आँखा उपचार केन्द्रमा डाक्टरको सेवा, आवास र पिउने पानीको व्यवस्था मिलाउने प्रतिबद्धता व्यक्त गरे । ईश्वरपुर आँखा उपचार केन्द्रले हालसम्म २५ हजारभन्दा बढी बिरामीलाई सेवा दिएको उनले जानकारी दिए ।
कार्यक्रममा भरतपुर आँखा अस्पतालको प्रगति प्रतिवेदनसमेत लोकार्पण गरिएको थियो । कार्यक्रममा नेपाल नेत्रज्योति संघ चितवनका सचिव केशवप्रसाद अधिकारीले प्रगति प्रतिवेदन र कोषाध्यक्ष सिद्धार्थलाल चुकेले आर्थिक प्रतिवेदन प्रस्तुत गरेका थिए ।
कार्यक्रममा नेपाल नेत्रज्योति संघ चितवनका महेन्द्रलाल प्रधान, पूर्वसभापति वामदेव खनाल, भरतपुर–१० का वडाध्यक्ष परमेश्वर खनाल, नेपाल नेत्रज्योति संघ नवलपुरका सभापति होमनाथ जैसी, नेपाल नेत्रज्योति संघ चितवनका आजीवन सदस्य भोजराज कौडेल, तोयानाथ भट्टराईलगायतले शुभकामना मन्तव्य व्यक्त गरेका थिए ।
चितवन । चितवनमा कृषि वैज्ञानिकसहित प्राविधिकबीच समन्वय गोष्ठी सञ्चालन गरिएको छ । कृषि विकास कार्यालय चितवनले कृषि बालीमा लाग्ने रोगको पहिचान र समाधान गर्ने उद्देश्यले गोष्ठीको आयोजना गरेको हो ।
संघ, प्रदेश र स्थानीय तहमा कार्यरत कृषि अधिकृत, नार्कमा कार्यरत कृषि वैज्ञानिक र अध्ययन संस्थानमा कार्यरत प्राध्यापकहरुको सहभागितामा गोष्ठीको आयोजना गरिएको कृषि कार्यालय चितवनका प्रमुख झलकनाथ कँडेलले जानकारी दिए ।
कार्यक्रममा चितवनका सातवटा पालिकाका कृषि शाखाका प्रमुख तथा प्रतिनिधिले आफ्नो पालिकाबाट भएका कामका साथै संक्षिप्त प्रगति, नवीन कार्य र फिल्डस्तरमा देखा परेका समस्या र चुनौतीका विषयमा प्रस्तुतीकरण दिएका थिए ।
उनीहरुले अहिले चितवनमा धान बालीमा देखिएको समस्या र बिषादी प्रयोगका बारेमा आफ्नो धारणा राखेका थिए । साथै संघ, प्रदेश र पालिकाबाट हुने कार्यक्रमहरुमा दोहोरोपना हटाउन समन्वयात्मक भूमिका खेल्नुपर्ने उनीहरुको भनाइ थियो ।
यस्तै, राष्ट्रिय मकैबाली अनुसन्धान केन्द्रकी वैज्ञानिक डा. सरस्वती न्यौपानेले वर्षे धानबालीमा देखा परेका विभिन्न किसिमका रोग तथा कीराहरुको प्रकोप, सूक्ष्म खाद्यतत्त्वको कमी, खाद्यतत्त्वको अधिक न्यून प्रयोगलगायतका समस्याहरुको पहिचान एवं एकीकृत व्यवस्थापन विधि र वैज्ञानिक शुक्रबहादुर गुरूङले नार्कबाट विकसित भएका नवीनतम कृषि प्रविधि तथा नयाँ जातहरुसम्बन्धी प्रविधि हस्तान्तरण तथा वरिष्ठ बाली संरक्षण अधिकृत देवराज अधिकारीले लहरे तथा बालीमा कीराको व्यवस्थापन विधिका विषयमा प्रशिक्षण दिएका थिए ।
कृषि अर्थविज्ञ निर्मल पौडेलले सहजीकरण गरेको कार्यक्रममा बाली संरक्षण अधिकृत गीता केसीले चितवनमा धान रोगमा देखिएका समस्याका विषयमा आफ्नो प्रस्तुतीकरण दिएको थियो । कार्यक्रम कार्यालय प्रमुख झलकनाथ कँडेलको अध्यक्षतामा सञ्चालन भएको थियो ।
चितवन । चितवनका हिरासत कक्ष र कारागारहरुमा कैदीबन्दीहरुको मानवअधिकारको अवस्था सन्तोषजनक रहेको पाइएको छ ।
चितवन जिल्ला अदालत बार एसोसियसन मानवअधिकार समितिले तयार पारेको प्रतिवेदनमा पछिल्लो वर्ष कैदीबन्दीलाई न्यूनतम मानवअधिकारको प्रत्याभूति दिलाइएको उल्लेख छ । मावनअधिकार समितिका सचिव अधिवक्ता पासाङ तामाङले कैदीबन्दीसँग अन्तक्र्रिया, सरोकारवाला निकायसँग छलफल गरी प्रतिवेदन तयार पारिएकोमा मानवअधिकारको अवस्था सन्तोषजनक पाइएको बताए । उनले स्वास्थ्यको हकमा केही सुधार गर्नुपर्ने औँल्याए ।
१० महिना लगाएर तयार पारिएको प्रतिवेदन चितवनका प्रमुख जिल्ला अधिकारी गणेश अर्यालले सार्वजनिक गरेका थिए । प्रमुख जिल्ला अधिकारी अर्यालले सीमित स्रोतसाधनको भरमा न्यूनतम मानवअधिकारलाई ख्याल राखेर व्यवस्थापन गरिएको बताए ।
उनले देशको अवस्था हेरेर मानवअधिकारलाई जोड्नुपर्ने भन्दै स्वीजरल्यान्डलाई हेरेर नेपालमा मानवअधिकार खोजेर पाउन नसकिने बताए । उनले चितवनमा मानवअधिकारको अवस्था सन्तुलित नै रहेको बताए ।
राष्ट्रिय मानवअधिकार आयोग बागमती प्रदेशका प्रमुख चन्द्रकान्त चापागाईंले यो प्रतिवेदन अझै गहिराईमा लेख्नुपर्ने सुझाव दिए । क्षमताभन्दा बढी कैदीबन्दी राख्नुपर्ने देशभर नै समस्या रहेको भन्दै सुरक्षालाई केन्द्रमा राखेर मानव अधिकारको प्रत्याभुति दिलाउनुपर्नेमा जोड दिए ।
मानवअधिकार समितिका संयोजक नुनराज सिलवालले चितवनमा सबै प्रहरी कार्यालयका हिरासत कक्ष र जिल्ला कारागारमा पुगेर प्रतिवेदन तयार पारिएको बताए ।
कार्यक्रममा नेपाल बार एशोसियसनका केन्द्रीय सदस्य एवं वरिष्ठ अधिवक्ता राजकुमार श्रेष्ठ, चितवन बारकी अध्यक्ष फूलमाया रानाभाटले प्रतिवेदनबारे चर्चा गरेका थिए भने मानवअधिकार समितिका सह–संयोजक विष्णुप्रसाद अर्यालले स्वागत मन्तव्य गरेका थिए ।
चितवन । भोटेकोशी बाढीले बगाएर चितवन ल्याएका शव नारायणी नदीकिनारबाट भरतपुर अस्पतालसम्म ल्याउने र परीक्षणपछि व्यवस्थापन गर्न देवघाटसम्म पुर्याउने एम्बुलेन्स चालकलाई सम्मान गरिएको छ ।
संयुक्त एम्बुलेन्स चालक संघ नेपाल (ट्रेड युनियन संघ) जिल्ला शाखा चितवनले आज यहाँ आयोजना गरेको पाँचौँ साधारण सभा तथा अधिवेशनको अवसरमा चालकलाई सम्मान गरिएको हो । सो अवसरमा ६५ जना चालकलाई सम्मान गरिएको थियो ।
उनीहरूलाई सम्मान गर्दै प्रमुख जिल्ला अधिकारी गणेश अर्यालले विपद्मा एम्बुलेन्स चालकले निर्वाह गरेको भूमिका प्रशंसनीय रहेको बताए । उनले भने, ‘शव उठाउन हामीले नेतृत्व गर्नुपर्नेमा अघिअघि एम्बुलेन्स चालक र हामी पछिपछि भयौँ ।’ विपद्मा गरिने यस्ता कार्यको राज्य पक्षबाट मूल्याङ्कन हुनुपर्ने उनले बताए ।
संघका केन्द्रीय अध्यक्ष नवराज लामिछानेले चालकहरूले नदीमा शव उठाउने, एम्बुलेन्समा राख्ने र झार्नेसम्मका काम गरेका बताए । उनले भने, ‘तीन–चार दिनदेखि गन्हाइरहेका शव कुनै अप्ठ्यारो महसुस नगरी हामीले बोक्यौँ ।’ कतिपय शव राख्ने ठाउँको अभावमा लामो समय एम्बुलेन्समा राख्नुपरेको उनले बताए ।
सो अवसरमा जिल्ला प्रहरी कार्यालय चितवनका प्रमुख प्रहरी उपरीक्षक रामेश्वर पौडेलले विपद्मा चालकहरूले निर्वाह गरेको भूमिका प्रशंसनीय रहेको बताए । कार्यक्रममा चितवन मेडिकल कलेजका प्रमुख कार्यकारी निर्देशक प्रताप देवकोटा, भरतपुर अस्पतालका साइदिप घिमिरे, संघका जिल्ला अध्यक्ष कल्याण लामा, सचिव मिलन श्रेष्ठ, नेपाल ब्लड डोनर्स एसोसिएसनका अध्यक्ष अर्जुन अधिकारीलगायतले आआफ्नो धारणा राखेका थिए ।
यसैबीच, अधिवेशनले कल्याण लामाको अध्यक्षतामा २९ सदस्यीय नयाँ कार्यसमिति चयन गरेको छ । भोटेकोशी बाढीको समयमा चितवनसहित धादिङ, नवलपरासी, तनहुँ, कास्की, नुवाकोटका एम्बुलेन्सले शव व्यवस्थापनमा खटिएका थिए । चितवनमा १३५ वटा एम्बुलेन्स संघमा आबद्ध थिए । भोटेकोशी बाढीका सबैभन्दा बढी ३६९ वटा शव चितवनमा फेला परेका थिए ।
नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व) दाउन्नेमा शनिबार बिहान भएको यात्रुवाहक बस दुर्घटनामा मृत्यु भएका छ जनाकै सनाखत भएको छ ।
जिल्ला प्रहरी कार्यालय नवलपरासी (बर्दघाट–सुस्तापूर्व)का अनुसार १८ जना यात्रु लिएर नेपालगञ्जबाट काठमाडौँतर्फ जाँदै गरेको प्रदेश–३–०१–००६ ख १५५३ नम्बरको यात्रुवाहक बस शनिबार बिहान विनयी त्रिवेणी गाउँपालिका–२ दाउन्नेस्थित एसमोडमा पल्टिएको थियो । दुर्घटनामा अन्य १२ जना यात्रु घाइते भएका जिल्ला प्रहरी कार्यालयका सूचना अधिकारी एवं प्रहरी नायब उपरीक्षक अनिल पण्डितले जानकारी दिए ।
पण्डितका अनुसार दुर्घटनामा परी बसका चालक बाँकेको खजुरा गाउँपालिका–२ का ३६ वर्षीय सुरेश बिसी, कोहलपुर नगरपालिका–३ का ३२ वर्षीय दीपेन्द्र केसी, कोहलपुर–१० का ५५ वर्षीय एकेन्द्रराज रेग्मी, नेपालगञ्ज उपमहानगरपालिका–७ का २२ वर्षीय कृष कनौजिया, जाजरकोटको भेरिगङ्गा नगरपालिका–३ का ५० वर्षीय निर्जुङ गुरुङ र बाजुराको स्वामीकार्तिक गाउँपालिकाका ६५ वर्षीय नरेन्द्रराज गिरीको मृत्यु भएको हो ।
दुर्घटनामा परी घाइते भएका १२ जना यात्रुमध्ये मध्यविन्दु प्रादेशिक अस्पताल डण्डामा प्रारम्भिक स्वास्थ्य उपचारपश्चात् आठ जनालाई थप उपचारका लागि चितवनको भरतपुरस्थित चितवन मेडिकल कलेज शिक्षण अस्पताल पठाइएको प्रहरी नायब उपरीक्षक पण्डितले मध्यविन्दु प्रादेशिक अस्पतालले जनाएको बताए ।
अस्पतालद्वारा दिउँसो जारी विज्ञप्तिअनुसार अन्य चार जना घाइतेको भने मध्यविन्दु अस्पतालमा भर्ना गरी उपचार तथा स्वास्थ्य निगरानीमा राखिएको छ । अस्पतालमा भर्ना भएका बिरामीको आवश्यक उपचार तथा स्वास्थ्य निगरानी चिकित्सक तथा स्वास्थ्यकर्मीको प्रत्यक्ष निगरानीमा निरन्तर भइरहेको भन्दै थप विशेषज्ञ उपचार आवश्यक देखिएका बिरामीलाई आवश्यकताअनुसार सम्बन्धित स्वास्थ्य संस्थामा पठाइएको अस्पतालले जनाएको छ ।
– कमल के.सी.
भरतपुर । सरकारले घोषणा गरेको निःशुल्क शिक्षा अभियान सरकारी प्रयासले मात्र सम्भव नहुने तथ्यमाथि जोड दिइएको छ । मङ्गलबार अङ्कुरम् एकेडेमीमा आयोजित ‘शैक्षिक गुणस्तर अभिवृद्धिका लागि सामुदायिक तथा संस्थागत विद्यालयका प्रधानाध्यापकहरूको अन्तक्र्रिया तथा छलफल कार्यक्रम’मा सो कुरा बताइएको हो ।
कार्यक्रमलाई सम्बोधन गर्दै प्रमुखअतिथिसमेत रहेका शिक्षा तथा खेलकुद मन्त्रालयका सहसचिव शिवकुमार सापकोटाले सरकारको एकल प्रयासले मात्र निःशुल्क शिक्षा कार्यान्वयन सम्भव नहुने बताए । उनले सामुदायिक विद्यालयलाई जवाफदेही बनाउन मन्त्रालय क्रियाशील रहेको र त्यसका लागि शिक्षा ऐन निर्माण गर्न मन्त्रालय लागिरहेको बताए ।
शिक्षा ऐनभित्र कतिपय बुँदा सच्याउनुपर्ने आवश्यकता रहेको बताउँदै उनले भने, ‘हेड सर र सञ्चालन समिति अध्यक्षलाई अधिकार दियो भने बेचेर खाइदिन्छन् भन्ने अविश्वास कानुनमै छ, त्यसलाई हटाउनुपर्छ ।’
‘धेरै सामुदायिक विद्यालयहरूसँग जग्गाजमिन र मासिक भाडा आउने सटरहरू छन्,’ उनले भने, ‘देशैभर त्यसको लगत सङ्कलन गरेर सरकारको तर्फबाट कति लगानी बढाउनुपर्छ त्यसको तथ्याङ्क निकाल्नुपर्छ, त्यसपछि निःशुल्क शिक्षाको कार्यान्वयनमा अघि बढ्नुपर्छ ।’ निःशुल्क शिक्षा कार्यान्वयनका लागि सरकारको अनुदानमा मात्रै भर नपरी वैकल्पिक स्रोतहरूको खोजी गरिनुपर्ने उनको भनाइ थियो ।
उनले चितवनमा अङ्कुरम् एकेडेमीजस्तो विद्यालयलाई यो मोडलमा चलाइँदा यहाँका प्रिन्सिपल सुमन पौडेल ‘सही ठाउँमा सही व्यक्ति’ भएको टिप्पणी गर्दै सामुदायिक विद्यालयहरूले पनि यसको सिको गर्नुपर्नेमा जोड दिए ।
सामुदायिक विद्यालयको तर्फबाट विद्यालयको त्रिवर्षीय प्रगति प्रतिवेदन पेस गर्दै कठार मावि खैरहनीका प्रधानाध्यापक अर्जुनप्रसाद सिलवालले २०८० देखि २०८२ सम्म विद्यालयले गरेको शैक्षणिक प्रगति पेस गरेका थिए । ‘विद्यालय रुपान्तरण र शैक्षिक गुणस्तर अभिवृद्धिमा प्रभावकारी व्यवस्थापन योजनाबद्ध शिक्षण र नतिजामुखी सिकाइ अभ्यास’सम्बन्धी प्रस्तुतीकरण गर्दै उनले शैक्षिक सुधारका चार आधार ‘समय व्यवस्थापन, योजनाबद्ध शिक्षण, नतिजा विश्लेषण र अभिभावकसँगको सहकार्य’ पेस गरेका थिए ।
यस्तै, संस्थागत विद्यालयका तर्फबाट अङ्कुरम् एकेडेमीका प्रधानाध्यापक सुमन पौडेलले ‘भविष्यको शिक्षा’बारे प्रस्तुतीकरणको प्रदर्शन गरेका थिए । प्रस्तुतिका क्रममा उनले भने, ‘यी तस्बिरहरू हाम्रा उपलब्धि प्रदर्शन गर्ने माध्यम मात्र होइनन् बरु हाम्रा बालबालिकालाई भविष्यका लागि आवश्यक ज्ञान, सीप र अनुभव प्रदान गर्ने हाम्रो निरन्तर प्रयासका प्रतिबिम्ब हुन् ।’
उनले सन् २०३५ का लागि आवश्यक जनशक्तिलाई लक्षित गरी विद्यालयमा विभिन्न प्रख्यात संस्थाहरूसँग सहकार्य गरी कार्यक्रमहरू सञ्चालन गरेको बताए । उनले सामाजिक उत्तरदायित्वअन्तर्गत स्थानीय विद्यालयहरूलाई समेत सहभागी बनाई विभिन्न कार्यक्रमहरू सञ्चालन गर्दै आएको जानकारी दिए ।
शिक्षा विकास तथा समन्वय इकाइ चितवको आयोजना तथा अङ्कुरम् एकेडेमीको सहकार्यमा आयोजित कार्यक्रममा कार्यालयका शाखा अधिकृत दीपेन्द्रकुमार श्रेष्ठले विसं २०८२ देखि २०८२ सम्मको कक्षा ८ र एसइई तथा कक्षा १२ को नतिजाको विश्लेषणात्मक प्रस्तुति पेस गरेका थिए ।
उनले जिल्लामा संघ सरकार र प्रदेश सरकारद्वारा विशेष सहयोग प्राप्त आठवटा सामुदायिक विद्यालय नमुना विद्यालयमा सञ्चालनमा रहेको जानकारी दिँदै जिल्लाका सबै विद्यालय नमुना विद्यालय हुनुपर्ने बताए ।
जिल्लाका कक्षा १० सम्म सञ्चालित सामुदायिक तथा संस्थागत विद्यालयका प्रधानाध्यापकहरू जिल्लाका स्थानीय तहका शिक्षा शाखा प्रमुखहरू सहभागी कार्यक्रम इकाइ प्रमुख कृष्णचन्द्र पोख्रेलको अध्यक्षता, शाखा अधिकृत मेनका अर्यालको स्वागत तथा शाखा अधिकृत कृष्णप्रसाद पौडेलले सञ्चालन गरेको कार्यक्रममा शिक्षाविद् महेन्द्र पौड्यालसमेत मन्तव्य राखेका थिए ।
रत्ननगर । रत्ननगर नगरपालिका स्वास्थ्य शाखाको आयोजनामा भदौ महिनाको मासिक समीक्षा तथा प्रगति विवरणबारे बिहीबार छलफल तथा अन्तर्क्रिया कार्यक्रम सम्पन्न भएको छ ।
निमित्त प्रमुख प्रशासकीय अधिकृत नगर शिक्षा अधिकारी नारायणप्रसाद वाग्लेको प्रमुख आतिथ्यता रहेको कार्यक्रममा १६ वटै वडाका आधारभूत स्वास्थ्यकेन्द्र प्रमुख तथा स्वास्थ्यचौकी प्रमुखहरुले आआफ्नो वडामा भए/गरेका स्वास्थ्यसम्बन्धी अद्यावधिक विवरण प्रस्तुत गरेका थिए ।
सो अवसरमा सामाजिक विकास समितिका संयोजक सोहेन्द्रराज खरेलले स्वास्थ्यसम्बन्धी प्रगति विवरण समयमै अद्यावधिक गर्न र नगरवासीलाई उत्कृष्ट सेवा प्रवाह गर्न स्वास्थ्यकर्मीहरुलाई सुझाव दिए । उनले स्वास्थ्यकर्मी साथीहरुको लगाव, क्षमता र अनुभवका कारण स्वास्थ्य क्षेत्रमा रत्ननगरको नतिजा राम्रो रहेको र आगामी दिनमा पनि आपसी सहयोग र राय लिई स्वास्थ्यसेवाका सूचकहरु अद्यावधिक गर्न आग्रह गरे ।
स्वास्थ्य शाखा प्रमुख एवं जनस्वास्थ्य अधिकृत माधवप्रसाद पौडेलले स्वास्थ्यकर्मीहरुले प्रस्तुत गरेको प्रगति विवरणबारे समीक्षा गर्दै कमीकमजोरी सुधार गरी अगाडि बढ्न सबै स्वास्थ्यकर्मीहरुमा आग्रह गरे ।
उनले आर्थिक वर्ष २०८२/०८३ को पालिकास्तरीय स्वास्थ्य कार्यक्रमको वार्षिक समीक्षा गोष्ठीको मूल्याङ्कनअनुसार बछौली स्वास्थ्यचौकी स्वास्थ्यसम्बन्धी कार्यक्रमहरुको कार्यान्वयनमा उत्कृष्ट प्रदर्शन गर्दै प्रथम भएको घोषणा गरे । सो अवसरमा बछौली स्वास्थ्यचौकीका इन्चार्ज केशवबाबु पौडेललाई सम्मानपत्र प्रदान गरिएको थियो ।
सो अवसरमा जनस्वास्थ्य कार्यालय चितवनका तथ्याङ्क अधिकृत इन्द्रमणि भण्डारीले विभिन्न सूचकका आधारमा रत्ननगर अब्बल रहेको र केही प्वाइन्टका आधारमा मात्रै उत्कृष्ट हुन नसकेको बताए । उनले आगामी दिनमा अझै उत्कृष्ट स्वास्थ्यसेवा गर्न सुझाव दिए । यस्तै, मासिक समीक्षाको विश्लेषण गर्दै स्वास्थ्यकर्मीहरुलाई आपसी सहयोग र समन्वय गरी रजिस्टरमा विवरण अद्यावधिक गर्न सुझाव दिए । उनले स्वास्थ्यकर्मीहरुले प्रस्तुत गरेको प्रगति विवरणमाथि समीक्षा गर्दै आवश्यक सहजीकरण गरेका थिए ।
स्वास्थ्य शाखाकी नर्सिङ इन्चार्ज अम्बिका पौडेलले सञ्चालन गरेको कार्यक्रममा कार्यपालिका सदस्य बबिताकुमारी चौधरी, बछौली स्वास्थ्यचौकी इन्चार्ज केशवबाबु पौडेललगायतले मन्तव्य राखेका थिए ।
चितवन । भरतपुर–२, क्षेत्रपुरस्थित सिद्धि विनायक बचत तथा ऋण सहकारी संस्था लिमिटेडको १९औँ वार्षिक साधारण सभा बुधबार भरतपुरस्थित चित्रावती लिजर सेन्टरमा सम्पन्न भएको छ ।
साधारण सभाले संस्थाको आगामी कार्यदिशा, वित्तीय अनुशासन र सदस्यकेन्द्रित सेवा प्रवाहलाई थप प्रभावकारी बनाउनेमा जोड दिएको छ ।
संस्थाका अध्यक्ष थिरप्रसाद धितालको सभापतित्व एवम् जिल्ला सहकारी संघ लिमिटेड, चितवनका अध्यक्ष शरदकुमार बर्तौलाको प्रमुख आतिथ्यतामा साधारण सभा सम्पन्न भएको हो ।
कार्यक्रममा बोल्दै प्रमुखअतिथि बर्तौलाले सहकारी संस्थाहरूले पारदर्शीरूपमा सदस्यको हितलाई केन्द्रमा राखेर काम गर्नुपर्ने बताए । उनले सिद्धि विनायक सहकारीले स्थानीयस्तरमा पुर्याएको आर्थिक योगदानको प्रशंसा गर्दै आगामी दिनमा अझ सुरक्षित र व्यवस्थितरूपमा बचत तथा ऋण परिचालनमा ध्यान दिनुपर्नेमा जोड दिए ।
संस्थाका अध्यक्ष धितालले सदस्यहरूको विश्वास, सहभागिता र सहकार्यका आधारमा सिद्धि विनायक सहकारीलाई थप सुदृढ बनाउँदै लैजाने बताए ।
सहकारीको दिगो विकासका लागि सदस्यको आर्थिक हितसँगै संस्थागत सुशासन, पारदर्शिता र उत्तरदायित्वलाई अझ प्रभावकारी बनाउनुपर्नेमा उनले जोड दिए । उनले सदस्यहरूको आवश्यकता र अपेक्षाअनुसार सेवा विस्तार गर्दै सहकारीलाई थप व्यवस्थित, सुरक्षित र सदस्यकेन्द्रित बनाउने प्रतिबद्धता व्यक्त गरे ।
साधारण सभामा संस्थाका सचिव जयराम पाण्डेले वार्षिक प्रगति प्रतिवेदन तथा कोषाध्यक्ष रामप्रसाद घिमिरेले आर्थिक प्रतिवेदन प्रस्तुत गरेका थिए । उपाध्यक्ष मुकुन्दप्रसाद गौतमले स्वागत मन्तव्य दिएका थिए ।
कार्यक्रममा उत्कृष्ट बचतकर्ता, असल ऋणी, महिला बचतकर्ता, असल बाल बचत तथा उत्कृष्ट कर्मचारीलाई सम्मानित गरिएको थियो ।
कार्यक्रममा सहकारीका संस्थापक अध्यक्ष तथा सल्लाहकार शालिकराम घिमिरे, कानुनी सल्लाहकार वरिष्ठ अधिवक्ता जगन्नाथ भण्डारी तथा सल्लाहकार भगवती पाण्डेलगायतको विशेष उपस्थिति रहेको थियो ।
यस्तै, साधारण सभामा लेखा तथा सुपरीवेक्षण समिति संयोजक विनोद पौडेल, उपाध्यक्ष मुकुन्दप्रसाद गौतम, सचिव जयराम पाण्डे, कोषाध्यक्ष रामप्रसाद घिमिरे, सहसचिव संगीता गौतम तथा सञ्चालक समिति सदस्यहरू इन्दिरा पन्त लामिछाने, शम्भु अधिकारी, कृष्णप्रसाद सिलवाल, सीता सापकोटा, नवराज अर्याल, हरिप्रसाद रिमाल, व्यवस्थापक विकास पौडेल तथा शेयर सदस्यहरूको सहभागिता रहेको थियो ।
विसं २०६५ सालमा स्थापित सो संस्थामा हाल २ हजार १२१ सदस्य रहेका छन् ।
भरतपुर । नेपाली कांग्रेस भरतपुर महानगरको सभापतिमा बुद्धिकान्त न्यौपाने निर्वाचित भएका छन् ।
बुधबार भएको निर्वाचनको परिणामअनुसार १२३२ मत खसेको थियो । न्यौपानेले ६६० मत ल्याएर विजयी भएका हुन् । उनका निकटतम प्रतिष्पर्धी ज्योतिप्रसाद कँडेलले ४१३ मत ल्याए भने अर्का प्रतिष्पर्धी कृष्णविलास अधिकारीले १५९ मत ल्याए ।
उपसभापतिमा मित्रनिधि तिवारी बिजयी भएका छन् । उनले ७१५ मत ल्याए । उनका प्रतिष्पर्धी रेशमबहादुर देउजाले ४७७ मत ल्याए । सचिवमा युवा उमेदवार सुमित पराजुलीले ७८१ मत ल्याएर विजयी भएका छन् । उनका प्रतिष्पर्धी रामजी पौडेलले ४३६ मत ल्याए ।
अधिवेशनबाट महिलातर्फको उपाध्यक्षमा कल्पना पौडेल खड्का र सहसचिवमा देउबहादुर थापा निर्विरोध निर्वाचित भएका छन् । त्यस्तै, ४३ जना कार्यसमिति सदस्य पनि निर्विरोध निर्वाचित भएको मतदान अधिकृत रामेश्वर पौडेलले जानकारी दिए ।
राप्ती । नेपाली कांग्रेसको १५औँ महाधिवेशनअन्तर्गत राप्ती नगरपालिकाको नगर अधिवेशनले सर्वसम्मत नेतृत्व चयन गरेको छ ।
नगर सभापतिका आकांक्षीहरूबीच सहमति जुटाउन निवर्तमान नगर सभापति देवेन्द्र लामाले गरेको पहलपछि चूडाप्रसाद सिलवाल (भीमसेन) नगर सभापतिमा सर्वसम्मत चयन भएका हुन् ।
सिलवाल यसअघि कांग्रेस राप्ती–८ का वडा सभापति थिए । नगर सभापतिका आकांक्षीहरूबीच प्रतिस्पर्धाको अवस्था देखिएपछि लामाले सहमति र एकताका लागि पहल गरेका थिए ।
चितवनका सात स्थानीय तहमध्ये राप्तीमा नगर सभापति सर्वसम्मत चयन हुनुलाई कांग्रेसभित्रको आन्तरिक एकताको प्रयासका रूपमा लिइएको छ । लामाले आफ्नो कार्यकालमा पनि पार्टीभित्र सहमति र समन्वयमा जोड दिँदै आएका थिए ।
कालिका । नेपाली कांग्रेसको १५औँ महाधिवेशनअन्तर्गत चितवन क्षेत्र नं २ मा पर्ने कालिका नगरपालिकाको नगर अधिवेशनबाट रमेशजङ्ग थापा नगर सभापतिमा विजयी भएका छन् ।
नगर सभापति पदका लागि भएको निर्वाचनमा कुल २८४ मत खसेको थियो । प्राप्त मत परिणामअनुसार रमेशजङ्ग थापाले १९३ मत प्राप्त गर्दै विजयी भएका हुन् । उनका प्रतिस्पर्धी आत्माराम बास्तोलाले ७६ मत प्राप्त गरेका छन् ।
मत परिणाम सार्वजनिक भएसँगै थापा नेपाली कांग्रेस कालिका नगर कार्यसमितिको नयाँ सभापतिमा निर्वाचित भएका हुन् ।
खैरहनी । नेपाली कांग्रेस खैरहनी नगरसभापतिमा शंकर कँडेल विजयी भएका छन् । नगर सभापतिका लागि भएको निर्वाचनमा कँडेलले १९९ मत प्राप्त गर्दै विजयी भएका हुन् । उनका प्रतिस्पर्धी अनुप अधिकारीले १७६ मत प्राप्त गरे ।
यसैगरी, नगर उपसभापति (खुला) मा चन्द्रकान्त छत्कुली १९४ मत प्राप्त गर्दै विजयी भएका छन् । उनका प्रतिस्पर्धी दीपकप्रसाद खरेलले १७४ मत प्राप्त गरे ।
महिला उपसभापतिमा मिरा चौधरीले २३१ मत प्राप्त गर्दै विजयी हुँदा रेनुका चौधरीले १४१ मत प्राप्त गरिन् ।
नगर सचिवमा उज्ज्वल बर्तौता १८७ मतसहित विजयी भएका छन् । उनका प्रतिस्पर्धी नवराज न्यौपाने (हिमाल)ले १७७ मत प्राप्त गरे ।
यस्तै, सहसचिवमा विक्रम चौधरी २०४ मतसहित विजयी भएका छन् । उनका प्रतिस्पर्धी दीपक नहर्कीले १६५ मत प्राप्त गरे ।
रत्ननगर । नेपाली कांग्रेस रत्ननगरको नगर सभापतिमा युवा नेता उमेश गिरी विजयी भएका छन् ।
पार्टीको १५औँ महाधिवेशनअन्तर्गत बुधबार सम्पन्न निर्वाचनमा रामहरि न्यौपानेलाई पराजित गर्दै गिरी नगर सभापतिका निर्वाचित भएका हुन् । गिरीले जितका लागि २९५ मत प्राप्त गर्दा न्यौपाने १९४ पाए ।
यस्तै, उपसभापतिमा हरि लामिछाने ३१९ प्राप्त गरी विजयी भएका छन् । उनका प्रतिद्वन्द्वी नारायण महतोले १८३ मत प्राप्त गरेका छन् ।
महिला उपसभापतिमा सरस्वती चालिसे २६८ मतका साथ विजयी भएकी छन् । उनकी निकटतम् प्रतिद्वन्द्वी रिता काप्रीले २२५ मत प्राप्त गरिन् । सचिवमा सुरेशजङ्ग पाण्डे २५६ मतका साथ विजयी हुँदा निकटतम प्रतिद्वन्द्वी सुवर्ण घिमिरेले २४५ मत पाएका छन् ।
सहसचिवमा मिलनकुमार क्षेत्री २६९ मतका साथ विजयी भएका छन् । उनका निकटतम प्रतिद्वन्द्वी पुरुषोत्तम लामिछानेले २३० मत प्राप्त गरेका छन् ।
चितवन । बागमती प्रदेशका स्वास्थ्य तथा सामाजिक विकासमन्त्री गिरबहादुर तामाङ (ज्ञानजंग लामा)ले मंगलबार भरतपुर आँखा अस्पतालको अनुगमन गरेका छन् ।
अनुगमनका क्रममा मन्त्री तामाङले त्यहाँ उपचाररत बिरामीसँग भलाकुसारी गरेका थिए । पर्साको ठोरीमा सञ्चालित आँखा अस्पतालमा उपचारका लागि आएका भारतीय बिरामी थप उपचारका लागि भरतपुर आएकाबारे उनले चासो लिएका थिए । ठोरीमा मोतियाबिन्दु र आँखामा पलाएका मासुको शल्यक्रिया बाहेकका शल्यक्रियाका लागि थप उपचारका लागि भरतपुर आउने गर्दछन् । उनीहरुले मन्त्री तामाङसँग कुरा गर्दै आफूहरु आँखाको उपचार गर्न नेपाल आउने गरेका बताए । अस्पतालको सेवा राम्रो भएको उनीहरुको प्रतिक्रिया थियो ।
नेपाल नेत्रज्योति संघ चितवनले सञ्चालन गरेका आँखा अस्पताल र उपचार केन्द्र गरी २५ स्थानबाट सेवा दिँदै आएको छ । वार्षिक १३ हजारको हाराहारीमा भारतीय बिरामी भरतपुर आँखा अस्पताल र त्यस मातहतका केन्द्रमा उपचारका लागि आउने गरेका छन् ।
मन्त्री तामाङले अस्पताल निरीक्षणपछि नेपाली मात्र नभएर भारतीय बिरामीको उपचार केन्द्र बनेकामा प्रसन्नता व्यक्त गरे । बागमती प्रदेश सरकार र आँखा अस्पतालसँग सहकार्य गरेर आँखा उपचारमा लाग्नुपर्नेमा उनको जोड थियो । अस्पताल सञ्चालन भइरहेको जग्गा भरतपुर अस्पतालको नाममा भएकामा यसलाई सहजीकरण गरेर आँखा अस्पतालको नाममा हाल्न आफूले पहल गर्ने मन्त्री तामाङले बताए ।
हाल आँखा अस्पताल सञ्चालनमा रहेको जग्गा सङ्घीय सरकारले मन्त्रिपरिषदबाट आँखा अस्पताललाई उपलब्ध गराउने निर्णय भए पनि लालपूर्जा आँखा अस्पतालले पाएको छैन । मन्त्री तामाङले आँखा उपचारमा सामुदायीक क्षेत्रबाट भएको योगदान प्रशंसनीय रहेको बताए ।
सो अवसरमा आँखा अस्पताल व्यवस्थापन समितिका अध्यक्ष जयराम श्रेष्ठले चितवन र छिमेकी जिल्लाहरुमा आँखा उपचारमा योगदान पुर्याउँदै आएको मन्त्री तामाङलाई जानकारी दिए । सरकारी, गैरसरकारी र निजी क्षेत्रको सहयोगमा अस्पतालले आमनागरिकलाई सेवा दिन सकेको उनको भनाइ छ । हरेक वर्ष तीन लाखभन्दा बढी आँखाका बिरामीलाई सेवा दिने गरेको उनले जानकारी दिए ।
नेपाल नेत्रज्योति संघ चितवनका उपसभापति तेजेन्द्र खड्का, सचिव केशव अधिकारी, वरिष्ठ अस्पताल प्रशासक दयाशङ्कर चौधरीलेलगायतले अस्पतालका बारेमा मन्त्री तामाङलाई जानकारी गराएका हुन् ।
भरतपुर । भरतपुरस्थित अङ्कुरम् एकेडेमीमा सञ्चालित त्रिदिवसीय अङ्कुरम्–मोडल युनाइटेड नेसन्स (एएमयुएन)को तेस्रो संस्करण सोमबार विभिन्न छवटा सङ्कल्प पारित गर्दै सम्पन्न भएको छ । संयुक्त राष्ट्रसंघका छवटा कमिटीमा अध्ययन, अनुसन्धान र छलफलपछि ती सङ्कल्प पारित भएका हुन् ।
कार्यक्रम समापनलाई सम्बोधन गर्दै प्रमुखअतिथि तथा भरतपुर–७ का वडाध्यक्ष राजेन्द्रमणि काफ्लेले भोलिका नेतृत्वदायी नागरिक उत्पादन गर्न यस्ता कार्यक्रम प्रभावकारी हुने बताए । उनले स्वास्थ्य, शिक्षा, वातावरण संरक्षण र जलवायु परिवर्तनजस्ता समय सान्दर्भिक विषय समेटेर लगातार तीन वर्षदेखि गरिएको तीनवटै संस्करण फलदायी भएको बताए ।
संयुक्त राष्ट्रसंघीय वातारण कार्यक्रम (युएनइपी)अन्तर्गत ‘सुरक्षित भविष्यका लागि जलवायु उत्थानशीलता’, विश्व स्वास्थ्य सङ्गठनअन्तर्गत ‘वाधाविहीन स्वास्थ्यसेवाको पहुँच’, संयुक्त राष्ट्रसंघीय सुरक्षा परिषद्अन्तर्गत ‘सुरक्षित वर्तमान ः स्थिर भविष्य’, मानवअधिकार परिषद्अन्तर्गत ‘सुरक्षित भविष्यका लागि नागरिक गरिमा’ विषयहरू समेटिएका थिए । मानवअधिकार परिषद्ले अनगानिस्तानमा भइरहेको नीतिगत हिंसा तथा मानवअधिकार उल्लङ्घनको विषयमा केन्द्रित रहेको थियो ।
यस्तै, संयुक्त राष्ट्रसंघीय बालकोषअन्तर्गत ‘कृत्रिम बुद्धिमत्ताको युगमा अनलाइन शोषणविरुद्ध विश्वव्यापी बाल संरक्षण संयन्त्र’लाई सुदृढ बनाउने, युनेस्कोअन्तर्गत ‘वाधाविहीन शिक्षा प्राप्ति’को विषयलाई प्राथमिकताका साथ उठाइएको छ । जसअन्तर्गत ‘द्वन्द्व र सङ्कटमा उदीयमान प्रविधिमार्फत शिक्षाको अधिकार सुरक्षा’ गर्ने विषयहरू उठान गरिएको छ ।
छवटा समितिबाट पारित भएका एजेन्डाहरु
त्रिदिवसीय कार्यक्रममा विभिन्न देशका प्रतिनिधिहरूले विविध विषयको प्रतिनिधित्व गरेका थिए । छवटा समितिमध्ये संयुक्त राष्ट्र संघ सुरक्षा परिषद्ले ‘उदीयमान रणनीतिक क्षेत्रहरूमा मह¤वपूर्ण पूर्वाधारको सुरक्षाः अन्तर्राष्ट्रिय शान्ति र सुरक्षामा रहेका खतराहरूको सम्बोधन’ विषयक सङ्कल्प पारित भएको छ ।
यस्तै, संयुक्त राष्ट्रसंघीय वातावरण कार्यक्रमअन्तर्गत ‘एल निनो’ र ‘ला निनो’सँग सम्बन्धित चरम मौसमी घटनाविरुद्ध विश्वव्यापी जलवायु उत्थानशीलता सुदृढ गर्ने कार्यसूचीलाई सम्बोधन गर्ने सङ्कल्प पारित गरिएको छ । एमुन च्याप्टर ३.० का महासचिव प्रमोद थपलियाले ‘वर्षा, पानीको उपलब्धता, बाढी, खडेरी, कृषि तथा जोखिममा रहेका समुदायहरूमा ‘एल निनो’ र ‘ला निनो’को बारम्बार पर्ने प्रभावहरूलाई स्वीकार गर्दै मौसमसम्बन्धी निगरानी, पूर्व–सूचना प्रणाली, प्राविधिक सहयोग र क्षमता अभिवृद्धिमा जोड दिने सङ्कल्प पारित गरिएको बताए ।
यसैगरी, संयुक्त राष्ट्रसंघको अर्को संगठन युनेस्कोअन्तर्गत ‘उदीयमान प्रविधिहरूका माध्यमबाट द्वन्द्व र सङ्कटको अवस्थामा शिक्षाको अधिकारको संरक्षण’ गर्ने सङ्कल्प पारित भएको उपमहासचिव रीताकुमारी उपाध्यायले बताइन् । यसअन्तर्गत सशस्त्र द्वन्द्व र सङ्कटका कारण शिक्षामा पर्ने अवरोधलाई स्वीकार गर्दै, शिक्षाको निरन्तरता कायम राख्न तथा गुणस्तरीय शिक्षामा पहुँच सुदृढ गर्न उदीयमान प्रविधिहरूको सम्भावनालाई आत्मसात् गरिएको उनले जानकारी दिइन् ।
यस्तै, संयुक्त राष्ट्रसंघीय बाल कोषअन्तर्गत कृत्रिम बुद्धिमत्ता (एआई)को युगमा अनलाइन शोषण विरुद्ध विश्वव्यापी बाल संरक्षण संयन्त्रहरूलाई सुदृढ पार्ने सङ्कल्प पारित भएको छ ।
यसैगरी, विश्व स्वास्थ्य संगठनअन्तर्गतको ‘चिकित्सासम्बन्धी नवीन आविष्कारहरूमा असमान पहुँचका कारण सिर्जित विश्वव्यापी स्वास्थ्य असमानताहरूको रोकथाम’ विषयक कार्यसूचीमा अध्ययन, अनुसन्धान र छलफल गरी खोप, रोग निदान विधि, उपचार पद्धति, चिकित्सा उपकरण र अन्य अत्यावश्यक स्वास्थ्य प्रविधिहरूमा पहुँचसम्बन्धी विद्यमान असमानताहरूलाई सम्बोधन गरी विशेषतः यस्ता असमानताले विकासोन्मुख देशहरू, ग्रामीण समुदायहरू र जोखिममा रहेका जनसमुदायलाई प्रभावित पार्ने तथ्यमाथि जोड दिइएको छ ।
यस्ता असमानताविरुद्ध अन्तर्राष्ट्रिय सहयोग, किफायती चिकित्सा प्रविधिहरूमा समान पहुँच, प्रविधि हस्तान्तरण, क्षेत्रीय उत्पादन, सुदृढ स्वास्थ्य पूर्वाधारलगायतका विषयमा गहन छलफल गरी पारित गरिएको छ ।
यसैगरी, संयुक्त राष्ट्रसंघीय मानवअधिकार परिषद्अन्तर्गत ‘अफगानिस्तानमा व्याप्त प्रणालीगत हिंसा र मानव अधिकार उल्लङ्घनको सम्बोधन’ विषयमा छलफल भएको थियो ।
कार्यक्रमका सल्लाहकार एवं विद्यालयका प्रधानाध्यापक सुमन पौडेलले ‘एएमयुएन’ विद्यार्थीको प्रतिभा प्रस्फुटन, नेतृत्व विकास र कूटनीतिक सीप अभिवृद्धिको प्रभावकारी मञ्च भएको बताए । उनका अनुसार कार्यक्रमले सहभागीलाई विश्वव्यापी समस्याबारे बुझ्न, तिनका कारण पहिचान गर्न र सम्भावित समाधान प्रस्तुत गर्न अवसर दिन्छ । ‘एएमयूएनले विद्यार्थीलाई आफ्नो विचार आत्मविश्वासका साथ प्रस्तुत गर्न र प्रतिभा प्रदर्शन गर्न प्रेरित गर्छ’, उनले भने ।
कार्यक्रमका महासचिव सहप्राचार्य प्रमोद थपलियाले भविष्यका नेतृत्व उत्पादन गर्न सहयोग गर्ने यो कार्यक्रममार्फत् सहभागीहरुले सामाजिकीकरणको मह¤व बोध गरेको, ‘डिवेट’ गर्ने कला सिकेको र सहभागीहरुमा समालोचनात्मक चिन्तनको विकास भएको र सहभागीहरुमा कुटनीतिक सीपको विकास भएको बताए ।
कार्यक्रममा चितवन, नवलपरासी र काठमाडौँका विद्यालयहरूबाट २१६ जना विद्यार्थीहरूको सहभागिता रहेको र सहभागी विद्यार्थीहरूले विश्वव्यापी समस्याका बारेमा आफूहरूले गरेको अनुसन्धानका आधारमा सामूहिक छलफलमार्फत समाधनसमेत सुझाएको उपमहासचिव उपाध्यायले जानकारी दिइन् । विद्यालयका आवासीय निर्देशक नइम चौधरीले स्वागत गरेको समापन कार्यक्रमको सञ्चालन तेजस्वी पन्त, ओजस्वी न्यूरे र अनुष्का भण्डारीले गरेका थिए ।
भरतपुर । तेस्रो संस्करणको ‘अङकुरम्–मोडल युनाइटेड नेसन्स’ कार्यक्रम शनिबारदेखि भरतपुर–७, कृष्णपुरस्थित अङकुरम् एकेडेमीमा सुरू भएको छ । तीन दिनसम्म सञ्चालन हुने कार्यक्रम आगामी सोमबार सम्पन्न हुनेछ ।
कार्यक्रमका प्रमुखअतिथि नवलपुर–१ का प्रतिनिधिसभा सदस्य राजन गौतमले विपद्बाट प्रभावित बालबालिकालाई शिक्षासँग जोडिराख्न अनलाइन माध्यम उपयोगी हुने बताए । स्वास्थ्य, शिक्षा र सुरक्षाको जिम्मेवारी राज्यले प्रभावकारीरूपमा निर्वाह गर्नुपर्नेमा जोड दिँदै उनले इन्टरनेटलाई सही ढङ्गले प्रयोग गर्न विद्यार्थीलाई आग्रह गरे । ‘इन्टरनेट समुद्र हो, जहाँ कीरा पनि पाइन्छ, हीरा पनि छ, कीरा टिप्ने कि हीरा टिप्ने, त्यो तपाईंहरूको हातमा छ’, उनले भने ।
यस्तै, आदर्श गृहकी अध्यक्ष तथा नेपाल महिला संघकी केन्द्रीय अध्यक्ष मीना खरेलले डिजिटल हिंसा बढ्दो चुनौतीका रूपमा देखिएको बताइन् । अनलाइन माध्यमबाट बालबालिका बेचबिखन तथा यौन हिंसाजस्ता जोखिम बढिरहेको उल्लेख गर्दै उनले विद्यालय तहदेखि नै डिजिटल साक्षरतालाई प्राथमिकता दिनुपर्ने बताइन् । प्रविधि आजका बालबालिकाको हातमै पुगेकाले यसको सुरक्षित र सिर्जनात्मक प्रयोग गर्न उनले आग्रह गरिन् ।
डेजी इङ्ग्लिस स्कुलका प्राचार्य प्रेम रिमालले मोडल युनाइटेड नेसन्सले भविष्यको नेतृत्व विकासमा योगदान पुर्याउने बताए । नेपालका विभिन्न भूगोल, समुदाय र समस्याबारे विद्यार्थीले बुझ्नुपर्नेमा जोड दिँदै उनले कार्यक्रमलाई थप समावेशी बनाउनुपर्ने धारणा राखे । उनले आठ अर्ब जनसंख्या भएको विश्वमा लाखौँ महिला तथा बालबालिकाले मान्छे भेट्न नसकेको बताए । उनले कुनै पनि कानुन आममानिसको हितविरुद्ध भएमा त्यसको विरोध गर्नुपर्नेमा जोड दिए ।
सेवानिवृत्त मेजर शैलजा श्रेष्ठ (केसी)ले अन्तर्राष्ट्रिय शान्ति तथा सुरक्षासँगै साइबर सुरक्षा अहिलेको मह¤वपूर्ण चुनौती भएको बताइन् । साइबर आक्रमणबाट अस्पताल, विद्युत् आपूर्ति प्रणाली तथा शिक्षण संस्थाका प्रणाली प्रभावित हुन सक्ने उल्लेख गर्दै उनले बलियो साइबर प्रतिरक्षा र विपद् प्रतिकार्य प्रणाली आवश्यक रहेको औँल्याइन् ।
चितवन मेडिकल कलेजका मुटुरोग विशेषज्ञ प्रा.डा. अनिल आचार्यले विकसित तथा विकासशील देशबीच स्वास्थ्य सेवाको पहुँचमा ठूलो अन्तर रहेको बताए । विकसित देशमा अत्याधुनिक प्रविधि तथा विशेषज्ञ सेवा सहज भए पनि नेपालजस्ता देशमा आधारभूत स्वास्थ्य सेवासमेत चुनौतीपूर्ण रहेको उनको भनाइ थियो । पेटेन्ट अधिकार तथा उच्च लागतका कारण अत्याधुनिक स्वास्थ्य प्रविधि र औषधि विकासशील देशमा ढिलो पुग्ने गरेको उनले सुनाए ।
यसैगरी, बेटर चितवनका संस्थापक अध्यक्ष सागर कार्कीले ‘एल निनो’ र ‘ला निनो’का कारण हुने अत्यधिक गर्मी, जाडो तथा परिवर्तनशील वर्षाले मानव जीवनमा पार्ने प्रभावबारे चर्चा गरे । यस्ता जलवायुजन्य घटनाले खाद्यान्न अभाव, स्वास्थ्य जोखिम, बाढी, खडेरीलगायतका समस्या निम्त्याउन सक्ने उनले बताए ।
यस्तै, पत्रकार विवेक पोखरेलले सामाजिक सञ्जाल समाचारको प्रमुख स्रोत बन्दै जाँदा पत्रकारितासामु नयाँ चुनौती थपिएको बताए । सामाजिक सञ्जालमा मात्रै निर्भर हुँदा गलत तथा भ्रमपूर्ण सूचना फैलिने जोखिम बढेको उनको भनाइ थियो । विगतमा पत्रकारले सूचनाको पुष्टि गरेरमात्र समाचार प्रकाशन तथा प्रसारण गर्ने गरेको उल्लेख गर्दै उनले अहिले घटनाभन्दा ‘भाइरल कन्टेन्ट’लाई प्राथमिकता दिने प्रवृत्ति बढेको बताए ।
कार्यक्रमका सल्लाहकार एवम् अङकुरम् एकेडेमीका प्राचार्य सुमन पौडेलको सभापतित्व तथा स्वागत मन्तव्यबाट सुरू भएको कार्यक्रमको सञ्चालन ओजस्वी न्यूरे, तेजश्वी पन्त र अनुस्का भण्डारीले गरेका थिए । कार्यक्रममा छवटै समितिका उपसभापतिहरूले समेत आआफ्ना भनाइ राखेका थिए ।
चितवन, नवलपुरलगायतका १२ विद्यालयका २१६ विद्यार्थी सहभागी कार्यक्रममा संयुक्त राष्ट्रसङ्घीय अभ्यासमार्फत् अन्तर्राष्ट्रिय सम्बन्ध, कूटनीति, नेतृत्व, सार्वजनिक वक्तृत्व तथा समसामयिक विश्वका विविध विषयमा अध्ययन, अनुसन्धान र छलफल गरिने छ । छवटा समितिमार्फत् छलफलपछि विभिन्न प्रस्ताव तथा सङ्कल्प पारित गरिने आयोजकले जनाएको छ ।
चितवन । चितवन राष्ट्रिय निकुञ्जको बीसहजारी तालनजिकै मृत अवस्थामा भेटिएको रोनाल्डो हात्ती करेन्ट लागेर मृत्यु भएको खुलेको छ । चितवन राष्ट्रिय निकुञ्जका सूचना अधिकारी अविनास थापामगरका अनुसार नेपाली सेनाको ब्यारेकमा लगेको विद्युतको तारबाट करेन्ट प्रवाह हुँदा घटनास्थलमै हात्तीको मृत्यु भएको हो ।
‘आर्मीको वरण्डाभार पोस्टमा करिब १७ फिटमाथिबाट विद्युतको कालो तार लागिएको थियो । त्यो तारलाई हात्तीले खाँदा करेन्ट लागको देखिन्छ’, सूचना अधिकारी थापामगरले भने, ‘कालो तार हात्तीको मुखमा नै थियो ।’ उनका अनुसार हात्ती सडकमा नै मरेको अवस्थामा फेला परेको हो । हात्ती शुक्रबार राति मरेको उनको अनुमान छ । हात्ती मरेको स्थानबाट आर्मीको सुरक्षा पोष्ट सात सय मिटर टाढा रहेको छ ।
जङ्गली भाले हात्ती रोनाल्डो प्रजननका लागि उपयुक्त थियो । निकुञ्ज प्रशासनका अनुसार सौराहामा रहेको हात्तीसारमा मात्र उसका ३३ वटा बच्चा छन् । ५३ वर्षको रोनाल्डोका अझै ६ वटा हात्ती गर्भवती छन् । उसले २२ जनाको ज्यानसमेत लिएको थियो । यद्यपि पछिल्लो वर्ष रोनाल्डो शान्त थियो । सौराहाको हात्ती सार उसकै कब्जामा रहेको थियो । अन्य जङ्गली भाले हात्तीलाई उसले आउन रोक लगाएको थियो । केही सातादेखि भने उसको स्थान ओगट्दै गोविन्दे हात्ती सौराहामा रहेको छ ।
यद्यपि गोविन्दे हात्ती रोनाल्डो जत्तिको प्रजननका लागि उपयुक्त नभएको हात्ती प्रजनन् केन्द्रका मनपुरण महत्तोले बताए । उनका अनुसार रोनाल्डो २४ वर्षदेखि निकुञ्जमा देखिँदैछ । हात्ती प्रजनन केन्द्र स्थापना भएपछि ७१ वटा बच्चा जन्मिएका छन् । त्यसमध्ये रोनाल्डोका मात्रै ३३ वटा रहेको उनले बताए । ‘अरु हात्तीले यति धेरै प्रजनन् कठिन कठिन छ’, उनले भने ‘अहिले आएको गोविन्देले सक्दैन ।’
चितवन । चितवन राष्ट्रिय निकुञ्जको मध्यवर्ती क्षेत्रअन्तर्गत बरन्डाभार क्षेत्रमा जङ्गली हात्ती ‘रोनाल्डो’ मृत अवस्थामा फेला परेको छ ।
निकुञ्जअन्तर्गत बीसहजारी तालनजिकैको घोलमा हात्ती मृत अवस्थामा फेला परेको हो । प्रारम्भिक अनुसन्धानअनुसार मृत फेला परेको हात्ती चर्चित जङ्गली हात्ती ‘रोनाल्डो’ भएको निकुञ्ज प्रशासनले जनाएको छ ।
घटनाको थप अनुसन्धान तथा विस्तृत विवरण सङ्कलनका लागि निकुञ्जको प्राविधिक एवम् संरक्षण टोली घटनास्थलतर्फ गइसकेको छ ।
रोनाल्डो विगत लामो समयदेखि सौराहास्थित सरकारी हात्तीसार आसपासका क्षेत्रमा आउने–जाने गर्दथ्यो । यसअघि सो हात्तीको आक्रमणबाट करिब दुई दर्जन मानिसले ज्यान गुमाइसकेको निकुञ्जको तथ्याङ्कमा उल्लेख छ ।
हात्तीको मृत्युको वास्तविक कारण भने निकुञ्जको टोलीले घटनास्थलको निरीक्षण तथा आवश्यक परीक्षणपछि मात्रै खुल्ने जनाइएको छ ।
चितवन । भरतपुर–७, कृष्णपुरस्थित अङ्कुरम् एकेडेमीमा तेस्रो संस्करणको त्रिदिवसीय ‘अङ्कुरम् नमुना संयुक्त राष्ट्रसंघ कार्यक्रम’ आयोजना हुने भएको छ ।
संयुक्त राष्ट्रसंघमा उठ्ने विभिन्न विषयवस्तुबारे विद्यार्थीलाई अध्ययन तथा अनुसन्धान गर्न उत्प्रेरित गर्ने उद्देश्यले असोज ३ गते शनिबारदेखि असोज ५ गतेसम्म कार्यक्रम आयोजना गर्न लागिएको हो । कार्यक्रमबारे एकेडेमीले शुक्रबार पत्रकार सम्मेलनमार्फत जानकारी दिएको हो ।
कार्यक्रममा चितवन र नवलपुरका १२ विद्यालयका २०० विद्यार्थी सहभागी हुने कार्यक्रम रहेको विद्यालयका प्रिन्सिपल मुन एड्भाइजर सुमन पौडेलले जानकारी दिए । उनका अनुसार संयुक्त राष्ट्रसंघमा उठ्ने विभिन्न छवटा कमिटीको प्रतिनिधित्व गर्दै विद्यार्थीहरुले अध्ययन, अनुसन्धान तथा बहस गर्नेछन् । यस्ता नयाँ प्रकृतिका कार्यक्रमले विद्यार्थीको रचनात्मक क्षमता विकास गर्नुका साथै उनीहरूको सर्वाङ्गीण विकासमा टेवा पुग्ने अपेक्षा गरिएको एड्भाइजर पौडेलले बताए ।
कार्यक्रममा संयुक्त राष्ट्रसंघ सुरक्षा परिषद्अन्तर्गत ‘उदीयमान रणनीतिक क्षेत्रमा महत्त्वपूर्ण पूर्वाधारको सुरक्षा : अन्तर्राष्ट्रिय शान्ति र सुरक्षामाथिका खतराको सम्बोधन’ विषयमा छलफल हुनेछ । त्यस्तै, मानवअधिकार परिषद्अन्तर्गत ‘अफगानिस्तानमा विद्यमान प्रणालीगत हिंसा तथा मानवअधिकार उल्लङ्घनको सम्बोधन’ विषयमा विद्यार्थीले बहस गर्नेछन् ।
संयुक्त राष्ट्रसंघीय वातावरण कार्यक्रम (युएनइपी) अन्तर्गत ‘एल निनो र ला निनासँग सम्बन्धित चरम मौसमी घटनाविरुद्ध विश्वव्यापी जलवायु लचिलोपनको सुदृढीकरण’को विषयमा पनि छलफल हुनेछ । संयुक्त राष्ट्रसंघीय शैक्षिक, वैज्ञानिक तथा सांस्कृतिक संगठन (युनेस्को) अन्तर्गत ‘उदीयमान प्रविधिमार्फत द्वन्द्व र सङ्कटको अवस्थामा शिक्षाको अधिकारको संरक्षण’ विषय कार्यक्रममा समेटिएको छ । यसैगरी, विश्व स्वास्थ्य संगठन (डब्ल्युएचओ)अन्तर्गत ‘चिकित्सा क्षेत्रमा भएका नवीन आविष्कारमा असमान पहुँचका कारण सिर्जित विश्वव्यापी स्वास्थ्य असमानताको रोकथाम’को सवालमा विद्यार्थीहरुले आआफ्ना धारणा प्रस्तुत गर्नेछन् ।
यसैगरी संयुक्त राष्ट्रसंघीय बालकोष (युनिसेफ)अन्तर्गत ‘कृत्रिम बुद्धिमत्ताको युगमा अनलाइन शोषणविरुद्ध बालबालिकाको सुरक्षा संयन्त्रको सुदृढीकरण’ विषयमा पनि बहस हुनेछ । छवटै विषयमा कमिटीका सभापति, उपसभापति तथा प्रतिनिधिले अध्ययन, अनुसन्धान र छलफल गर्ने कार्यक्रम रहेको महासचिव रिताकुमारी उपाध्यायले जानकारी दिइन् ।
नवलपुर–१ का प्रतिनिधिसभा सदस्य राजन गौतमको प्रमुख आतिथ्यतामा हुने उद्घाटन कार्यक्रममा आदर्श गृहकी संस्थापक एवम् नेपाल महिला संघकी केन्द्रीय अध्यक्ष मीनाकुमारी खरेल, चितवन मेडिकल कलेजका मुटुरोग विशेषज्ञ प्रा.डा.अनिल आचार्य, सेवा निवृत्त मेजर शैलजा श्रेष्ठ केसी, डेजी इङ्ग्लिस स्कुलका प्रिन्सिपल प्रेम रिमाल, बेटर चितवनका संस्थापक अध्यक्ष सागर कार्कीलगायतको विशिष्ट आतिथ्यता रहने बताइएको छ । 
चितवन । भरतपुर महानगरपालिकाले सम्झौताअनुसार निर्माण कार्य सम्पन्न नगरेको भन्दै यहाँका २६ जना निर्माण व्यवसायीलाई स्पष्टीकरण सोधेको छ ।
महानगरपालिकाले मंगलबार सार्वजनिक सूचना जारी गर्दै चित्त बुझ्दो जवाफ नदिए कारबाही प्रक्रिया अगाडि बढाइने बताएको छ ।
भरतपुर महानगरपालिकाका डिभिजनल इन्जिनियर सन्तोष आचार्यले निर्धारित समयभित्र निर्माण कार्य सम्पन्न गर्न ठोस प्रयास नगरेका तथा पटकपटक लिखित र मौखिकरूपमा आग्रह गर्दासमेत बेवास्ता गरेका निर्माण कम्पनीलाई सातदिने स्पष्टीकरण सोधिएको बताए ।
तोकिएको अवधिभित्र स्पष्टीकरण पेस नगरेमा, निर्माण कार्यलाई निरन्तर तीव्रता नदिएमा वा मनासिव कारण पेस हुन नआएमा सम्झौताबमोजिम कारबाही प्रक्रिया अगाडि बढाइने आचार्यको भनाइ छ ।
आचार्यका अनुसार लामो समयसम्म निर्माण कार्य सम्पन्न गर्नेतर्फ पहल तथा चासो नदेखाउँदा सम्बन्धित योजना सम्पन्न हुन नसकेको तथा कतिपय योजना अलपत्र अवस्थामा रहेका छन् ।
सार्वजनिक खरिद ऐन, २०६३, सार्वजनिक खरिद नियमावली, २०६४ तथा ठेक्का सम्झौताको शर्तबमोजिम कारबाही प्रक्रिया अगाडि बढाउन लागिएको उहाँले जानकारी दिए ।
महानगरपालिकाले ठेक्का सम्झौता तोड्ने, कार्यसम्पादन जमानत जफत गर्ने, कालोसूचीमा राख्न सिफारिस गर्ने, हर्जाना असुल गर्ने तथा बाँकी निर्माण कार्यको मूल्याङ्कन गरी ठेक्का सम्झौताबमोजिम सरकारी बाँकीसरह असुलउपर गर्नेलगायत कारबाही गर्न सक्नेछ ।
उनले काम नगर्ने परिस्थिति आएका ठेक्का रद्द गरी पुनः बोलपत्र आाह्न गर्ने जानकारी दिए । निर्माण व्यवसायी सङ्घ चितवनका महासचिव पुस्कर अधिकारीले सरकारले बजेटमा मूल्य समायोजन गर्ने भनेको भए पनि सोअनुरुप काम नहुँदा निर्माण व्यवसायीले काम गर्न नसकेको बताए ।
उनले ठेक्का लिँदाको समयको भन्दा अहिले मूल्य दोब्बरसम्म बढेको बताए । रु ८० प्रतिकिलो पाउने बिटुमिन रु १६० सम्म पुगेको र पाउन कठिन भएको, प्रतिलिटर रु १३८ पर्ने डिजल बढेर रु २२४ सम्म पुगेको गुनासो गरे ।
कालिका । कालिका नगरपालिकाले आफ्नै कार्यालयबाट ‘स्मार्ट कार्ड’ चालक अनुमतिपत्र (लाइसेन्स) वितरण सेवा सुरू गरेको छ ।
यातायात व्यवस्था कार्यालय भरतपुरसँगको सहकार्यमा नगरपालिकाले सेवाग्राहीलाई आफ्नै भवनबाट सवारी चालक अनुमतिपत्र वितरण गर्ने व्यवस्था मिलाएको नगरप्रमुख विनोद रेग्मीले बताए । यातायात व्यवस्था विभागबाट छपाइ भई आएका सवारी चालक अनुमतिपत्र (स्मार्ट कार्ड) नगरपालिकामार्फत नै वितरण गर्न थालिएको हो ।
उनले अब कालिका नगरवासीले स्मार्ट कार्ड लाइसेन्स लिन भरतपुरसम्म आउनुपर्ने बाध्यता अन्त्य भएको बताए । उनले नगरवासीलाई सरकारी सेवा लिन सदरमुकाम भरतपुरसम्म जानुपर्ने अवस्था अन्त्य गरी स्थानीय तहमै सेवा उपलब्ध गराउने नगरपालिकाको लक्ष्य रहेको बताए । उनले यातायात व्यवस्था कार्यालयसँग भएको सम्झौताअनुसार नगरपालिकाबाट स्मार्ट कार्ड चालक अनुमतिपत्र वितरण सेवा सुरू गरिएको जानकारी दिए ।
उनले भने, “सरकारी सेवा सकेसम्म नगरपालिकाबाटै उपलब्ध गराउने हाम्रो लक्ष्य हो । मालपोत र नापीसम्बन्धी सेवा नगरपालिकाबाटै भइरहेको छ । प्यान नम्बर र श्रम स्वीकृतिसम्बन्धी सेवा अगाडि बढाइएको छ । राष्ट्रिय परिचयपत्रका लागि फोटो खिच्नेलगायत सेवा पनि नगरपालिकाबाटै उपलब्ध गराउने तयारीमा छौँ ।’
यातायात व्यवस्था कार्यालय चितवनका कार्यालय प्रमुख अमृत अधिकारीले कालिका नगरपालिकासँग भएको सम्झौताअनुसार हाल स्मार्ट कार्ड चालक अनुमतिपत्र वितरण सेवा मात्र सुरू गरिएको बताए । जिल्लामा स्थानीय तहसँगको सहकार्यमा यस प्रकारको सेवा सुरू गर्ने कालिका नगरपालिका पहिलो भएको उनले जानकारी दिए ।
उनका अनुसार यातायात व्यवस्था विभागबाट छपाइ भएर आएका स्मार्ट कार्ड चालक अनुमतिपत्र नगरपालिकामार्फत सम्बन्धित सेवाग्राहीलाई वितरण गरिनेछ । यसबाट स्मार्ट कार्ड लिन भरतपुर आउनुपर्ने सेवाग्राहीलाई सहज हुने उनले बताए ।
यातायात व्यवस्था कार्यालयबाट हाल नयाँ चालक अनुमतिपत्र तथा वर्ग थपका लागि लिइने ट्रायलसम्बन्धी काम स्थगित रहेको उहाँले जानकारी दिए । चालक अनुमतिपत्र लिन तथा नवीकरण गर्न आवश्यक प्रक्रिया अनलाइनबाट गर्न सकिने व्यवस्था रहेको उनले बताए । चालक अनुमतिपत्र लिन तथा नवीकरण गर्न अनलाइनमार्फत फाराम भर्न र शुल्क भुक्तानी गर्न सकिन्छ । राष्ट्रिय परिचयपत्र तथा नागरिक एपमा रहेको क्युआर स्क्यान गरी फाराम भर्न सकिने व्यवस्था रहेको उनले बताए ।
भरतपुर । चितवनको भरतपुरमा रहेको आरम्भ कलेजले स्नातक तह पहिलो सेमेस्टरको नतिजामा उत्कृष्ट प्रदर्शन गर्दै लगातार चौथोपटक जिल्ला प्रथम (चितवन टपर) बन्न सफल भएको छ । कलेजका विद्यार्थीहरूले बिएचएम र बिआइटिएम दुवै सङ्कायमा उत्कृष्ट जिपिए हासिल गर्दै यो सफलता दर्ता गराएका हुन् ।
सार्वजनिक नतिजाअनुसार बिएचएम सङ्कायमा ३.९२ जिपिए र बिआइटिएम सङ्कायमा ३.९५ जिपिए ल्याएर आरम्भ कलेजका विद्यार्थीहरू जिल्लामै सर्वोत्कृष्ट बनेका हुन् । साथै, कलेजकी छात्रा सुहानाले ३.९५ जिपिएका साथ देशभरिकै कुल नतिजामा नेपाल पाँचौँ स्थान हासिल गर्न सफल भएकी छन् ।
कलेजको चौथो ब्याचको अभिमुखीकरण (ओरियन्टेसन) कार्यक्रमका अवसरमा बोल्दै आरम्भ कलेजका प्राचार्य सुरज शिवाकोटीले विद्यार्थीहरूको यो अभूतपूर्व सफलताप्रति गौरवान्वित हुँदै खुसी व्यक्त गरे ।
‘हाम्रा भाइबहिनीहरूले निरन्तर मेहनत गरेर कलेजलाई चौथोपटक चितवन टपर बनाएका छन् । जिल्ला टपर मात्र नभई नेपालभरिमै पाँचौँ स्थान हासिल गर्नु सिङ्गो चितवनवासीकै लागि गौरवको विषय हो’, प्राचार्य शिवाकोटीले भने, ‘चितवनलाई कर्मथलो बनाएर राष्ट्रिय तथा अन्तर्राष्ट्रियस्तरमा अब्बल ठहरिने जुन सपना हाम्रा विद्यार्थीहरूले देखेका थिए, त्यो आज साकार हुँदै गएको छ ।’
उच्च शिक्षाका लागि काठमाडौँ वा विदेश नै धाउनुपर्ने बाध्यतालाई यो नतिजाले चिरेको प्राचार्य शिवाकोटीको भनाइ छ । उनले थपे, ‘गुणस्तरीय शिक्षा (क्वालिटी एजुकेसन) का लागि अब चितवन छोडेर काठमाडौँ वा विदेश गइराख्नु पर्दैन भन्ने कुरा हाम्रा विद्यार्थीहरूले साबित गरिदिएका छन् । आरम्भ कलेजले शिक्षाको त्यो गुणस्तर र मानक (स्ट्यान्डर्ड) चितवनमै स्थापित गरेको छ ।’
चौथो ब्याचमा भर्ना भएका नयाँ विद्यार्थीहरूलाई स्वागत गर्दै उनले अग्रजहरूले कायम गरेको उत्कृष्टताको यात्रालाई निरन्तरता दिँदै आफ्ना सपनाहरू साकार पार्न प्रेरणा र शुभकामना व्यक्त गरे ।
भरतपुर । चितवनको नारायणी नदीकिनारमा सञ्चालन हुँदै आएको नियमित रक्तदान कार्यक्रममार्फत एक हजार पिन्ट रगत सङ्कलन भएको छ ।
‘मानवताका लागि रगत अभियान’ नारासहित वल्र्ड ब्लड डोनर्स अर्गनाइजेसन (विश्व रक्तदाता सङ्गठन) चितवन शाखाले सञ्चालन गर्दै आएको सो अभियानले निरन्तर रक्तदानलाई प्रोत्साहन दिँदै आएको छ । शनिबार साँझसम्ममा एक हजार पिन्ट रगत सङ्कलन गरिएको विश्व रक्तदाता सङ्गठन चितवन शाखाका अध्यक्ष राजेन्द्रप्रसाद पौडेलले जानकारी दिए ।
‘हामी निरन्तर नारायणी किनारमा अपराह्न ५ः०० बजेदेखि राति ८ः०० बजेसम्म रक्तदान कार्यक्रम गर्दै आइरहेका छौँ, यसले रगत दिनुपर्छ भन्ने मानसिकता बढाउन सहयोग पुगेको छ, रगत पनि उत्तिकै सङ्कलन भइरहेको छ’, अध्यक्ष पोडेलले भने । यस कार्यक्रमको प्राविधिक सहयोग नेपाल रेडक्रस सोसाइटी, प्रादेशिक रक्तसञ्चार केन्द्र, भरतपुरले गर्दै आएको छ । यस्तै, अभियानलाई सफल बनाउन चितवन मेडिकल कलेज ब्लड बैंकले पनि साथ दिँदै आइरहेको छ ।
रक्तदान गर्ने सम्पूर्ण रक्तदाता तथा कार्यक्रम व्यवस्थापनमा सहयोग गर्ने सबैप्रति आयोजकले धन्यवाद व्यक्त गरेको छ । एक थोपा रगत कसैका लागि अमूल्य जीवन बन्न सक्ने भन्दै स्वस्थ नागरिकलाई नियमितरूपमा रक्तदान अभियानमा सहभागी हुन वल्र्ड ब्लड डोनर्स अर्गनाइजेशनले आग्रह गरेको छ ।
विश्व रक्तदाता सङ्गठनका संस्थापक अर्जुन अधिकारीले नियमितरूपमा सञ्चालन हुने यस अभियानबाट संकलित रगतले उपचाररत बिरामीहरूको जीवन बचाउन मह¤वपूर्ण योगदान पुगेको बताए । उनले यो अभियान काठमाडौँ, चितवन, नवलपुर, वीरगञ्जमा सुरू गरिएको बताए ।
भरतपुर । चितवन स्थायी ठेगाना भई रसुवा बाढीमा हराउने ११ जनाको नाम प्रहरीले सार्वजनिक गरेको छ ।
हराउनेहरुमा भरतपुर–५, तोरीखेतका महेश नेपाली (४०), भरतपुर–१६ फूर्तिचोकका विकाशबाबु अधिकारी (४०), खैरहनी–६, पर्साका रिकेशकुमार श्रेष्ठ (३१), माडी–६, कल्याणपुरका कृष्णराज अर्याल (७०), राप्ती–८, खरखुरेका योगबहादुर खड्का (५१), भरतपुर–२३, जगतपुरका केशवराज चालिसे (४१), भरतपुर–५, छमुखेका सुगम सिलवाल (२३) रहेका छन् ।
यस्तै रत्नननगर–१२, सालघारीका रोहित सुनार (१४), रत्ननगर–२, टाँडीका अर्जुनकान्त थपलिया (४६), माडी–८, फर्कटाकी सुमित्रा भण्डारी थापा (३५) र भरतपुर–७, कृष्णपुरका विक्रम उपाध्याय (३६) रहेको जिल्ला प्रहरी कार्यालय चितवनले जनाएको छ ।
खैरहनी । खैरहनीमा रहेको ग्लो साइन एकाडेमीले भोटेकोशी बाढीप्रभावितको सहयोगार्थ राहत सङ्कलन गरेको छ । बाढीपहिरोका कारण प्रभावित भएका परिवारलाई राहत पुर्याउने उद्देश्यले विद्यार्थीहरू स्वयम् अग्रसर भई ७४ हजार ८८० रुपैयाँ सङ्कलन गरेका थिए । सो रकम बिहीबार नै प्रधानमन्त्री दैवी प्रकोप उद्धार कोषका जम्मा गरिएको छ ।
यसैगरी, ग्लो साइनका विद्यालय प्रशासन र शिक्षकहरुबाट एक लाख ८ हजार ६२५ रुपैयाँ सङ्कलन भएको छ । विद्यार्थीहरुबाट सङ्कलित रकम प्रधानमन्त्री दैवी प्रकोप उद्धार कोषमा जम्मा गरिएको र शिक्षक तथा विद्यालय प्रशासनबाट सङ्कलित रकम प्याब्सन चितवनमार्फत् प्रधानमन्त्री दैवी प्रकोप उद्धार कोषमा जम्मा गरिने विद्यालयका प्रधानाध्यापक टेकराज अधिकारीले जानकारी दिए ।
विपद्को बेला विद्यार्थीहरू स्वयम् सक्रिय हुँदै आफनो खाजा खर्च र आफ्नो बचतबाट मानवीय संवेदनाअनुसार सहयोग गर्ने कार्य उदाहरणीय भएको प्रधानाध्यापक अधिकारीले बताए ।
चितवन । दुग्ध किसानको बक्यौता भुक्तानी र उत्पादनको ठूलो मात्रा मौज्दातसहित वित्तीय सङ्कटबीच लामो समयदेखि गुज्रिरहेको दुग्ध विकास संस्थान (डिडिसी) ले दैनिक एक लाख ५० हजार लिटर दूध सङ्कलन गर्ने लक्ष्य लिएको छ ।
संस्थालने दूध लिएबापतको रकम किसानलाई नियमित रुपमा भुक्तानी दिने व्यवस्था सुनिश्चित गरी दुग्ध सङ्कलन तथा दुग्धजन्य पदार्थको बिक्री केन्द्र विस्तार गरेर दैनिक एक लाख ५० हजार लिटर सङ्कलन गर्ने मह¤वाकाङ्क्षी लक्ष्य लिएको हो । किसानबाट दैनिक ६५ हजार लिटर दूध खरिद गर्दै आएको संस्थानले अब थप ८५ हजार लिटर वृद्धि गर्ने लक्ष्य लिएको बताएको छ ।
संस्थानका महाप्रबन्धक डा. शरणकुमार पाण्डेले नियमित भुक्तानी व्यवस्थासहित दुग्ध किसानलाई विश्वासमा लिएर उत्पादन तथा बिक्रीवितरणका दृष्टिले उपयुक्त स्थानको पहिचान गरी देशव्यापीरूपमा सञ्जाल विस्तार गरी लक्ष्य हासिल गर्ने योजना रहेको बताए ।
देशका प्रधानमन्त्रीसहित नेपाल सरकारबाट डिडिसीको बजार प्रवद्र्धनमा अमूल्य योगदान भएकामा गर्व गर्दै महाप्रबन्धक डा. पाण्डेले भने, ‘सम्माननीय प्रधानमन्त्रीले खुलेरै डिडिसीको महत्त्वसहित प्रचार गर्नुभएको छ । यसबाट हामी थप उत्साहित भएका छौँ । अहिले परिस्थिति अनुकूल भएकाले स्पष्ट लक्ष्य–योजनासहित परिणाम देखिनेगरी काम गर्नुपर्ने दायित्व थपिएको छ । सरकार र आमउपभोक्ताको अपेक्षाअनुसार गुणस्तरीय उत्पादनसहित डिडिसीलाई आर्थिकरूपले सबल बनाउने छौँ ।’
सहकारी संयन्त्रमार्फत सीमित स्थानमा मात्र दूध सङ्कलन हुँदै आएको र किसानले समयमै दूधको मूल्य नपाएको अवस्थालाई सम्बोधन गर्ने पक्षमा संस्थान रहेको स्पष्ट गर्दै पाण्डेले भने, ‘दूध उत्पादनका हिसाबले सम्भावना भएका स्थानमा आवश्यक पूर्वाधारको व्यवस्था गरी सङ्कलन केन्द्र विस्तार गर्नेछौँ । यसअघिको बक्यौता छिट्टै फरफारक गरी नियमित रुपमा भुक्तानीको व्यवस्था सुनिश्चित गरी किसानको विश्वास जित्नेछौँ । मात्रात्मक एवं गुणात्मक दृष्टिले दूधको सङ्कलन, उत्पादन तथा बिक्रीवितरणमा जोड दिई लक्ष्य पूरा गर्नेछौँ ।’
संस्थाले किसानको बक्यौता घटाउनुका साथै दूध सङ्कलन तथा बिक्रीदर बढेको भन्दै पछिल्ला दिनमा दुग्धजन्य वस्तुको मौज्दात घटाएको र नयाँ बजारसहित निर्यातका सम्भावना खोज्न थालेको उहाँले बताउनुभयो । आफूले गत वैशाख १८ गते जिम्मेवारी सम्हाल्दा संस्थानसँग करिब ६०० टन धुलो दूध (मिल्क पाउडर), ५०० टन बटर र १० टन पनिर मौज्दात रहेको जानकारी दिँदै त्यसलाई बजारीकरण गरेर मौज्दात घटाइएको उनले बताए । महाप्रबन्धक डा पाण्डेले भने, ‘चार महिनाअघि किसानलाई करिब रु ७२ करोड भुक्तानी दिन बाँकी थियो, डिडिसीका कुनै पनि उत्पादन अन्तर्राष्ट्रिय बजारमा निर्यात हुने अवस्था थिएन । तर, अहिले बक्यौता रु २० करोडमा झरेको छ र उत्पादित वस्तु विदेशमा बिक्रीवितरण भइरहेको छ, यसबाट अपेक्षा गरिएअनुसारको परिणाम दिन सकिन्छ भन्ने विश्वास लिएको छु ।’
यसैगरी, करिब ६०० धुलो दूधको मौज्दात घटेर करिब १२० टनमा झरेको, ५०० टन हाराहारीमा रहेको बटरको मौज्दात १२५ टन बाँकी रहेको र पछिल्लो तीन महिना १५ दिनभित्र संस्थानले करिब रु ७० करोड भुक्तानी गरिसकेको डा. पाण्डेले जानकारी दिए ।
डिडिसीले नियमित रूपमा दूध खरिद गरिरहेकाले भुक्तानी बाँकी रहने रकमलाई क्रमशः व्यवस्थापन गर्दै लैजाने उनको भनाइ छ । आफू महाप्रबन्धक हुँदा आठ महिनाको भुक्तानी बाँकी रहेकामा अहिले दुई महिनाको मात्र बाँकी रहेको उनले जानकारी दिए । उनले भने, ‘अब मासिक र त्यसपछि १५ दिनमा किसानलाई भुक्तानी दिने गरी काम गर्दैछौँ ।’
संस्थानले बजार विस्तारलाई पनि प्राथमिकतामा राखेर काम गर्दै आएको छ । काठमाडौँमा यसअघि ‘डेडिकेटेड’ बिक्री काउन्टर नभएको भन्दै उनले अहिले डिडिसीका मात्रै १५ वटा डेडिकेटेड काउन्टर सञ्चालनमा ल्याइएको बताए । यसअघि दैनिक रु ५० देखि ६० लाख हाराहारीको कारोबार हुने गरेकामा अहिले करिब रु एक करोडको कारोबार हुन थालेको छ । दूध बिक्रीमा वृद्धि भएको उनले बताए ।
काठमाडौँमा दैनिक दूध बिक्री करिब ६० हजार लिटरबाट बढेर अहिले ७२ हजार लिटर पुगेको छ । त्यस्तै, दैनिक दूध सङ्कलन ५० हजार लिटर हाराहारीबाट बढेर ६५ हजार लिटर पुगेको छ ।
हाल दूध उत्पादनको तुलनामा औपचारिक बजारमा खपत कम हुने अवस्था रहेको छ । चाडपर्व तथा गर्मी मौसममा घरमै दूध, दही, खीरलगायतका परिकारमा बढी प्रयोग हुने भएकाले औपचारिक बजारमा दूधको खपत घट्ने गरेको उनको भनाइ छ ।
संस्थानले आन्तरिक बजारसँगै अन्तर्रारष्ट्रिय बजारमा पनि आफ्नो उपस्थिति विस्तार गर्न थालेको भन्दै उनले खाडी मुलुकमा घ्यू निर्यात सुरू भइसकेको बताए । हालै ५०० किलो घ्यु दुबईमा निर्यात गरिएको र वार्षिक ५० हजार किलो घ्यु निर्यात गर्ने सम्झौता भएको महाप्रबन्धक पाण्डेले जानकारी दिए ।
उनका अनुसार चिज र पेडाको समेत माग विदेशबाट आउन थालेको छ । दक्षिण कोरिया, मलेसिया र जापानमा डिडीसीका उत्पादन निर्यातका लागि छलफल भइरहेको पाण्डेले जानकारी दिए ।
उनले भने, ‘बजारको मागअनुसार नयाँ उत्पादन थप गर्ने तयारीमा हामी लागेका छौँ ।’ हाल संस्थाले करिब २० प्रकारका उत्पादन गर्दै आएकामा ‘स्लाइस चिज’ लगायतका उत्पादन बजारमा ल्याउने तयारी भइरहेको छ ।
बजारमा यस्ता चिजको माग उच्च भए पनि हाल निजी क्षेत्र वा विदेशबाट आयात हुँदै आएको पाण्डेले बताए । मोफसलमा उत्पादन र बजार विस्तार गर्ने रणनीतिअन्तर्गत पोखरामा उत्पादन गर्ने गरी सम्झौताको प्रक्रिया अघि बढाइएको छ । संस्थाको मुख्य समस्या कर्मचारी सङ्ख्या बढी हुनु र दूध सङ्कलन तथा बजारबीच उचित तालमेल नहुनु रहेकाले यसलाई व्यवस्थापन गर्दै अघि बढेको उनले बताए । डिडिसीमा करिब ८०० कर्मचारीहरु छन् ।
डिडिसीमा हाल करिब एक अर्ब २६ करोड रुपैयाँ ऋण रहेको भन्दै उनले आगामी एक वर्ष छ महिनाभित्र ऋण तिर्ने लक्ष्यसहित काम अघि बढाएको बताए । डा. पाण्डेका अनुसार पछिल्लो अवधिमा मात्रै डिडिसीले करिब रु तीन करोड ऋण तिरेको छ । खर्च नियन्त्रण र वित्तीय अनुशासनमा सुधार ल्याउँदै संस्थालाई क्रमशःआत्मनिर्भर बनाउने योजना रहेको उनको भनाइ छ ।
चितवन । चिकित्सकहरुले बाढीपहिरोपछि आँखामा समस्या हुनसक्ने जनाउँदै सावधानीका लागि अनुरोध गरेका छन् ।
नेपाल नेत्रज्योति संघ चितवनद्वारा सञ्चालित भरतपुर आँखा अस्पतालकी मेडिकल निर्देशक डा. पुष्पा गिरी श्रेष्ठ दूषित पानीले आँखा रातो हुने, सुन्निने, पिप जम्ने, चिलाउने, चोटपटक लाग्ने, दृष्टि धमिलो हुनेजस्ता सङ्क्रमणको जोखिम उच्च हुने बताउँछिन् । अहिले भोटेकोशीको बाढीपछि रसुवा, नुवाकोट, धादिङलगायतका बासिन्दा प्रभावित भएको जनाउँदै आँखाको सुरक्षामा ख्याल गर्न उनको सुझाव छ ।
उनी भन्छिन्, ‘आँखामा कुनै समस्या देखिएमा तुरुन्तै परीक्षण गर्नुपर्छ ।’ सकेसम्म आँखालाई दूषित पानी र वातावरणबाट जोगाउनुपर्ने जनाउँदै उनले सम्भव नभए तत्काल सफा गरेर समस्या देखिएमा परीक्षण गर्नुपर्ने बताइन् ।
यसैबीच, भरतपुर आँखा अस्पतालले बाढी प्रभावित नागरिकलाई निःशुल्क आँखा उपचार सेवा दिएको छ । अस्पतालका अध्यक्ष एवम् संघका सभापति जयराम श्रेष्ठले संघद्वारा सञ्चालित आँखा अस्पतालमा प्रभावितलाई निःशुल्क सेवा दिइएको बताए ।
अस्पतालको धादिङको सल्यानटार, बेनीघाट, चितवनको कुरिनटार, तनहुँको आँबुखैरहनीमा उपचार केन्द्र रहेको छ । भरतपुर आँखा अस्पतालमा आएर सेवा लिनसक्ने उनले बताए ।
सभापति श्रेष्ठले प्रभावित क्षेत्रमा शिविरको आवश्यकता भएमा एकल वा अन्य संघसंस्थासँग साझेदारीमा शिविरमार्फत निःशुल्क सेवा दिइने बताए ।
चितवन । रसुवाको भोटेकोशी नदीमा आएको भीषण बाढीपछि सम्पर्कविहीन भएका आफ्ना सन्तान र आफन्तको खोजतलासमा रहेका परिवार अहिले डिएनए परीक्षणमार्फत भए पनि शव पहिचान हुने आशामा छन् ।
भरतपुर–१० स्थित चितवन उद्योग संघको परिसरमा बाढीमा हराइरहेका व्यक्तिका आफन्तहरूको डिएनए नमुना (रगत) सङ्कलन कार्य जारी छ । जिल्ला प्रहरी कार्यालय चितवन, बागमती प्रदेश जनस्वास्थ्य प्रयोगशाला भक्तपुर (सेवा इकाइ चितवन) र जनस्वास्थ्य कार्यालय चितवनको संयुक्त आयोजनामा हराएका आफन्तबाट रगतको नमुना सङ्कलन भइरहेको छ ।
बारा कलैयाका भगवान् शर्मा भोटेकोशीको बाढीपछि छोरा हराएपछि सम्भावित स्थानमा खोजी गर्दै भौँतारिरहेका छन् । छोराको कुनै पत्तो नपाएपछि डिएनए परीक्षण गराएमा पहिचान हुनसक्छ कि भन्ने थाहा पाएर उनी नागरिकताको फोटोकपी र आफ्नो फोटोसहित चितवन आइपुगेका छन् ।
डिएनए नमुना दिए पनि उनको मन अझै ढुक्क हुन सकेको छैन । यदि शव नै रहेछ भने पनि पहिचान त होला भनेर उनले डिएनए नमुना त दिए, तर उनको मनमा अझै पनि छोरा जीवितै भेटिने आशा भने बाँकी नै छ ।
यस्तै, बर्दियाका रामबहादुर थारू पनि हराइरहेका छोराको खोजीमा एक सातादेखि चितवनमा छन् । आफ्ना छोरासहित १६ जना साथीहरू बाढीमा हराएको बताउने थारूले धेरै शव हेरे पनि छोरालाई भेट्टाउन सकेनन् । ‘सासको आश मरे पनि लास भए पनि भेटिन्छ कि भनेर डिएनएमिल्छ कि भनेर रगत दिएको हुँ’, उनी आफ्नो पीडा पोख्छन् ।
थारूलाई अझै पनि छोराहरू हराएकै स्थानमा पुगेर खोज्ने इच्छा छ । छोराले काम गर्ने कम्पनी काठमाडौँमा रहेको र कम्पनीसँग सल्लाह गरेर त्यहाँ जाने तयारीमा रहेको उनले बताए । कम्पनीले पनि खोजीमा सहयोग गरिरहेको जनाउँदै उनले कम्पनीले घटनास्थलसम्म जाने व्यवस्था मिलाइदिए हुन्थ्यो भन्ने चाहना व्यक्त गरे ।
जनस्वास्थ्य कार्यालय चितवनका प्रमुख निर्मल घिमिरेका अनुसार बाढी प्रभावित क्षेत्रबाट उद्धार गरिएका पहिचान नभएका शवबाट डिएनए नमुना निकालिएको छ । उनले यहाँ आफन्तबाट सङ्कलन गरिएको नमुना र शवको डिएनए मिलान गराउनका लागि रगत सङ्कलन भइरहेको जानकारी दिए । यहाँ सङ्कलित नमुना परीक्षणका लागि विधि विज्ञान प्रयोगशालामा पठाइने उनले बताए ।
नेपाल प्रहरी विधि विज्ञान प्रयोगशालाका प्रहरी निरीक्षक सन्देशकुमार पोखरेलले हराइरहेका व्यक्तिको पहिचानका लागि शवबाट मुख्य रूपमा दाँत र हड्डीका नमुना सङ्कलन गरिएको र त्यसको नमुनाबाट डिएनए प्रोफाइल तयार गरी आफन्तको डिएनएसँग सफ्टवेयरमार्फत म्याचिङ गराइने बताए ।
उनले भने, ‘पहिलो प्राथमिकतामा बुबाआमा वा छोराछोरी (पहिलो तहका आफन्त)को डिएनए नमुना आवश्यक पर्छ । यदि पहिलो तहका आफन्त उपलब्ध नभए दाजुभाइ वा दिदीबहिनीको नमुना प्रयोग गरेर पनि परीक्षण गर्न सकिन्छ ।’
नेपाल प्रहरीले पहिचान नभएका र बेवारिसे अवस्थामा रहेका शवलाई आफन्तजनको जिम्मा लगाउन स्वदेश तथा विदेशमा रहेका मृतकका परिवारलाई डिएनए नमुना उपलब्ध गराउन आग्रह गरेको छ । स्वदेशमा रहेका परिवारका लागिस् चितवन बाहिर रहेका आफन्तले आफ्नो पायकपर्ने जिल्ला प्रहरी कार्यालय वा नेपाल प्रहरी अस्पताल महाराजगञ्जको प्याथोलोजी ल्याबमा दुईप्रति पासपोर्ट साइजको फोटोसहित सम्पर्क गरी ताजा रगतको नमुना दिन सक्नेछन् ।
विदेशमा रहेका आफन्तका लागि विदेशमा रहेका पहिलो तहका नातेदारले सम्बन्धित देशस्थित नेपाली दूतावास, कूटनीतिक नियोग वा बसोबास गरिरहेकै देशमा डिएनए प्रोफाइल तयार गरी सोको ‘सफ्ट कपी’ नेपाल प्रहरीको आधिकारिक इमेलमा पठाउन सकिने छ ।
राप्ती । राप्तीको शिखर सामुदायिक वन उपभोक्ता समूह र रियल गोर्खा युवा क्लबको संयुक्त आयोजनामा जिल्लास्तरीय खुल्ला नकआउट भलिबल प्रतियोगिता तथा प्रथम चैते दसैँ मेला एवम् बृहत् सांस्कृतिक कार्यक्रम सञ्चालन हुने भएको छ ।
चैत दसैँको अवसर पारेर यही चैत १४ गतेदेखि १८ गतेसम्म सञ्चालन हुने सो कार्यक्रम राप्ती–५, शिखरबस्तीस्थित नागदह खेल मैदानमा सञ्चालन हुनेछ ।
भलिबल प्रतियोगिता जिल्लास्तरीय नकआउट प्रणालीमा सञ्चालन गरिने छ । प्रतियोगितामा जिल्लाभित्रका विभिन्न टिमहरूको सहभागिता रहने खेल संयोजक तथा रियल गोर्खा युथ क्लबका सल्लाहकार अविनाश पुनमगरले जानकारी दिए । प्रतियोगितामा राप्ती–५ र राप्ती–९ का भेट्रान टोलीहरूको सहभागिता रहने छ भने प्रत्येक टिमले बाहिरी जिल्लाबाट बढीमा तीन जना खेलाडी समावेश गर्न पाउने व्यवस्था गरिएको छ ।
प्रतियोगितामा प्रथम पुरस्कार ८० हजार रुपैयाँ, द्वितीय पुरस्कार ४० हजार रुपैयाँ र तृतीय पुरस्कार २० हजार रुपैयाँ निर्धारण गरिएको छ । सहभागी हुन चाहने टिमका लागि दर्ता शुल्क ४ हजार रुपैयाँ तोकिएको छ । साथै, कार्यक्रममा पन्जा लडाइँ खेल पनि समावेश गरिने संयोजक सूर्य मोक्तानले जानकारी दिए ।
यसैबीच, प्रथम चैते दसैँ मेलाको अवसर पारेर स्थानीय तथा राष्ट्रिय कलाकारहरूको सहभागितामा बृहत् सांस्कृतिक कार्यक्रम पनि सञ्चालन गरिने छ । कार्यक्रममा नृत्य, गीत, झाँकीलगायतका विविध सांस्कृतिक प्रस्तुति प्रस्तुत गरिने कार्यक्रम संयोजक तथा क्लबका अध्यक्ष समीप तामाङले जानकारी दिए ।
कार्यक्रमलाई व्यवस्थित, सुरक्षित र सफल बनाउन आवश्यक सम्पूर्ण तयारी पूरा भइसकेको शिखर सामुदायिक वन उपभोक्ता समूहका अध्यक्ष सन्देश घलानले जानकारी दिए । पाँच दिनसम्म सञ्चालन हुने उक्त कार्यक्रममा करिब ७ लाख रुपैयाँ खर्च हुने अनुमान गरिएको छ भने करिब ४० हजार दर्शकले अवलोकन गर्ने अपेक्षा गरिएको छ ।
रत्ननगर । रत्ननगर नगरपालिकाको बुधबार सम्पन्न १८औँ नगरसभाले आर्थिक वर्ष २०८२/०८३ मा विनियोजित योजना तथा कार्यक्रमहरुको वडागत, शाखागत र विषयगत समितिको चालू वार्षिक बजेट संशोधन, रकमान्तर एवम् शीर्षकान्तर गर्ने प्रस्ताव पारित भएको छ ।
जेनजी आन्दोलनका क्रममा भदौ २३ र २४ गते भएको तोडफोड र आगजनीका कारण क्षति भएका नगरका दुई प्रशासनिक भवनको पुनर्निर्माण भइसकेको छ भने १६ वटै वडा कार्यालयको पुनर्निर्माणको काम जारी छ ।
बजेट तथा योजना तर्जुमा समितिका संयोजक नगर उपप्रमुख यादवप्रसाद पाठकले वडा बजेट रकमान्तर तथा शीर्षकान्तरसम्बन्धी प्रस्ताव सर्वसम्मतले पारित भएको बताए ।
सभाले उपप्रमुख पाठकले प्रस्तुत गरेको रत्ननगर नगरपालिकाको विनियोजन ऐन, २०८२ को दोस्रो संशोधन तथा आव २०८२/०८३ को वार्षिक बजेट संशोधन रकमान्तर एवम् शीर्षकान्तर गर्ने प्रस्ताव पारित गरेको हो । यस्तै आर्थिक ऐन, २०८२ को पहिलो संशोेधन पनि सर्वसम्मत पारित गरिएको छ । यस्तै, न्यायिक समितिको प्रतिवेदन र अनुगमन समितिको प्रतिवेदन पनि सर्वसम्मत पारित गरिएको छ ।
लेखा समितिका संयोजक सूर्यबहादुर तामाङले प्रस्तुत गरेको नगरस्तरीय लेखा समितिको प्रतिवेदन पनि पारित भएको छ । यसैगरी, सुशासन समितिकी कार्यवाहक संयोजक शारदा न्यौपानेले प्रस्तुत गरेको नगरस्तरीय विकास तथा सुशासन समितिको प्रतिवेदन सर्वसम्मत पारित भएको छ ।
यस्तै, विधायन समितिका संयोजक वीरेन्द्र महतोले प्रस्तुत गरेको नगरस्तरीय विधान समितिको प्रतिवेदन सर्वसम्मत पारित भएको छ । कानुन निर्माण सहजीकरण समितिका संयोजक वीरेन्द्र चौधरीले प्रस्तुत गरेको नगरका कानुनहरुको अभिलेख प्रमाणीकरण प्रस्ताव पनि पारित भएको छ । संयोजक महतोले नगर कार्यपालिकाबाट हालसम्म पारित भएका ८४ वटा कार्यविधि, नियमावली, निर्देशिका, ऐन तथा कानुनहरु प्रस्तुत गरेकोमा नगरसभाले सर्वसम्मत पारित गरेको हो ।
यस्तै, सामाजिक विकास समितिका संयोजक सोहेन्द्रराज खरेलले प्रस्तुत गरेको रत्ननगर नगरपालिकाको प्रशासकीय कार्यविधि, २०८२ सर्वसम्मत पारित भएको छ ।
सभाध्यक्ष नगरप्रमुख प्रलाद सापकोटाले प्रस्तुत गरेको आर्थिक वर्ष २०८२ साउनदेखि फागुन मसान्तसम्म भएका नगर कार्यपालिका बैठकको नीतिगत निर्णयहरु अनुमोदनसम्बन्धी प्रतिवेदन सर्वसम्मत पारित भएको छ ।
सभामा बोल्दै नगरप्रमुख सापकोटाले रत्ननगर नगरपालिकाको सीमित बजेटका बाबजुत पनि पारदर्शी ढङ्गले बजेट विनियोजन गरेको बताउँदै नगरलाई नमुना बनाउने सपना अझै जीवितै रहेको बताए । उनले स्वास्थ्य र शिक्षालाई प्राथमिकतामा राखेर आफूहरुले काम गर्दै आएको र यस अवधिमा आधारभूत शिक्षा निःशुल्क गरिएको र विसं २०८३ को असारमा बजेट विनियोजन गरी सामुदायिक विद्यालयमा कक्षा १२ सम्म निःशुल्क शिक्षा घोषणा गर्ने योजना रहेको बताए ।
नगरप्रमुख सापकोटाले कुनै पनि नगरवासी स्वास्थ्यसेवाबाट विमुख हुन नपरोस् भनेर बकुलहर रत्ननगर अस्पताल र भरतपुर अस्पतालमा विपन्न उपचार कोष स्थापना गरिएको स्मरण गर्दै नगरवासीमात्रै नभई कार्यविधिअनुरुप पूर्वी चितवनका अन्य तीन पालिकाका जुनसुकै विपन्नको हकमा पनि एक हजार रूपैयाँदेखि २५ हजार रूपैयाँसम्म उपचार सेवा लिन सकिने गरी कोष स्थापना गरिएको बताए । स्वास्थ्य बिमा बन्द हुन लागेको सन्दर्भमा यो सुविधाले नगरवासी लाभान्वित हुने विश्वास उनले व्यक्त गरे ।
प्रशासन शाखाकी प्रमुख सविता अर्यालले स्वागत मन्तव्य राखेको नगरसभामा प्रमुख प्रशासकीय अधिकृत प्रकाश खनालले धन्यवाद मन्तव्य ज्ञापन गर्दै रकमान्तर एवम् शीर्षकान्तर बजेट, वडाको ठेक्का प्रक्रिया, फोहोर सङ्कलनको शुल्कलगायतका सन्दर्भमा उठेका सवालको जवाफ दिएका थिए । सभामा जनप्रतिनिधिहरु, विषयगत शाखा प्रमुखहरु, वडा सचिवहरु तथा कर्मचारीहरुको सहभागिता रहेको थियो । सो अवसरमा नगरपालिकाबाट अवकाशप्राप्त सचिवहरु एवम् सरूवा भई अन्य पालिकामा गएका कर्मचारीहरुलाई सम्मानसहित बिदाइ गरिएको थियो ।
रत्ननगर । रत्ननगर नगरपालिका–९ निपनीमा डिजेल बोकेको ट्याङकरले साइकलसहित चार सवारी साधनलाई ठक्कर दिएको छ । सोमबार दिउँसो तीन मोटरसाइकल र एक साइकललाई ट्याङ्करले ठक्कर दिएको चितवन प्रहरीले जनाएको छ ।
ट्याङ्करले स्कुटरलाई ठक्कर दिँदा एक महिलाको मृत्यु भएको छ । मृत्यु हुनेमा भरतपुर महानगरपालिका–७ का अन्दाजी ३५ वर्षीया मीना रेग्मी रहेकी छन् । उनी स्कुटरको पछाडि बसेकी थिइन् ।
जिल्ला प्रहरी कार्यालयका प्रहरी निरीक्षक दीपक रिजालका अनुसार खैरहनीबाट भरतपुरतर्फ आउँदै गरेको लु २ ख २८९४ नम्बरको ट्याङकरले भित्री सडकबाट निस्किँदै गरेको ना ५५ प ८०७७ नम्बरको स्कुटरलाई ठक्कर दिएको थियो । ठक्करबाट स्कुटर चालक भरतपुर महानगरपालिका–७ का ५३ वर्षका पूर्ण सापकोटा सकुशल रहेका प्रहरी निरीक्षक रिजालले जानकारी दिए ।
ट्याङ्करले सडकछेउमा रोकिराखेको ना ६५ प ७८८३ र ना ५५ प ८०८३ नम्बरको मोटरसाइकललाई पनि ठक्कर दिएर क्षति पुर्याएको छ । ट्याङ्करले एउटा साइकललाई समेत ठक्कर दिएको थियो साइकल पनि रोकेर राखिएको थियो । ट्याङ्कर चालक राप्ती नगरपालिका–७ का २४ वर्षीय सुजन तामाङलाई प्रहरीले नियन्त्रणमा लिएको छ ।
भरतपुर । भरतपुर–७ कृष्णपुरस्थित अङ्कुरम् एकेडेमीमा शनिबार दुई सत्रमा अभिभावक विशेष प्रशिक्षण कार्यक्रम सम्पन्न भएको छ ।
बालबालिकालाई आत्मविश्वासी, सहनशील र खुसी बनाउँदै उनीहरूको भावनात्मक तथा व्यावहारिक आवश्यकताहरू बुझ्न सक्ने अभिभावक तयार गर्ने उद्देश्यले विद्यालयले सो कार्यक्रम आयोजना गरेको हो । पछिल्लो समय बालबालिकाको मानसिक स्वास्थ्य, व्यवहार र अभिभावक–बालबालिका सम्बन्धलाई सुदृढ बनाउने विषयबारे बढ्दो चासोलाई मध्यनजर गरीे कार्यक्रम सञ्चालन गरिएको विद्यालयले जनाएको छ ।
प्रख्यात न्युरो–लिङ्ग्विस्टिक प्रोग्रामिङ (एनएलपी) प्रशिक्षक जोश बी. निरौलाले प्रशिक्षण दिएको कार्यक्रम दुई चरणमा गरिएको थियो । पहिलो चरणको कार्यक्रममा अङ्कुरम् एकेडेमीमा अध्ययनरत विद्यार्थीका अभिभावकहरू सहभागी भएका थिए भने दोस्रो चरणको कार्यक्रममा छिमेकी विद्यालयहरूमा अध्ययनरत विद्यार्थीका इच्छुक अभिभावकहरूलाई सहभागी गराइएको थियो । आफ्नो सामाजिक उत्तरदायित्वलाई समुदायसम्म पुर्याउन दोस्रो चरणमा प्रशिक्षण गरिएको विद्यालयले जनाएको छ ।
विद्यालयका प्राचार्य सुमन पौडेलका अनुसार न्युरो–लिङ्ग्विस्टिक प्रोग्रामिङ ‘मानव सोच, भाषा र व्यवहारबीचको अन्तरसम्बन्ध बुझ्ने एक प्रभावकारी मनोवैज्ञानिक तथा व्यवहारिक विधि हो, जसले व्यक्तिको सोचाइ र व्यवहारलाई सकारात्मक दिशामा परिवर्तन गर्न’ सहयोग पुर्याउँछ । प्राचार्य पौडेलले अभिभावकले आफ्ना बालबालिकासँग गर्ने दैनिक व्यवहार, बोलचाल र प्रतिक्रिया नै उनीहरूको व्यक्तित्व विकासमा महत्त्वपूर्ण हुने बताए ।
प्रशिक्षणका क्रममा अभिभावकहरूले बालबालिकासँग प्रभावकारीरूपमा संवाद गर्ने तरिका, उनीहरूको भावना बुझ्ने सीप, विश्वास र सम्मानमा आधारित सम्बन्ध निर्माण गर्ने उपाय तथा सकारात्मक अनुशासनका अभ्यासहरूबारे व्यावहारिक ज्ञान हासिल गरेका थिए । वास्तविक जीवनका उदाहरणहरू प्रस्तुत गर्दै प्रशिक्षक निरौलाले अभिभावकहरूलाई दैनिक जीवनमा लागू गर्न सकिने सरल तर प्रभावकारी विधिहरू सिकाएका थिए ।
कार्यक्रम अन्तर्क्रियात्मक शैलीमा सञ्चालन गरिएको थियो, जसमा अभिभावकहरूले खुलेर आफ्ना जिज्ञासा र अनुभवहरू ‘सेयर’ गरेका थिए । उनीहरूले उठाएका विभिन्न प्रश्नहरूको प्रशिक्षक निरौलाले व्यावहारिक र सान्दर्भिक जवाफ दिएका थिए जसले कार्यक्रमलाई प्रभावकारी, रोचक र सहभागितामूलक बनाएको थियो ।
चितवनको एकमात्र ‘क’ वर्गको विद्यालय अङ्कुरम् एकेडेमीले बालबालिकाको सर्वाङ्गीण विकाससँगै अभिभावकीय शिक्षा र सचेतनामा जोड दिँदै यस्ता कार्यक्रमहरू निरन्तर सञ्चालन गर्दै आएको छ । विद्यालयकी निर्देशक सरला पौडेलले अभिभावक र विद्यालयबीचको सहकार्य बलियो भएमात्र बालबालिकाको समग्र विकास सम्भव हुने बताइन् ।
कार्यक्रमको उद्देश्यबारे प्रकाश पार्दै विद्यालयका आवासीय निर्देशक नइम चौधरीले सहभागीहरूलाई स्वागत गरेका थिए भने कार्यक्रम उनकै सभापतित्वमा सम्पन्न भएको थियो । प्रशिक्षणमा सहभागी अभिभावकहरूले कार्यक्रम उपयोगी, प्रेरणादायी र व्यावहारिक भएको प्रतिक्रिया दिएका थिए ।
देवघाट । विसं २००६ सालमा स्थापना भएको भर्जन कालिकामाईको मन्दिर निर्माण गरिएको छ । देवघाट–५ स्थित पिपलटारमा भर्जन कालिकामाई मन्दिर संरक्षण समितिले करिब सवा करोडको लगानीमा मन्दिर निर्माण गरेको हो । सिमसार क्षेत्रमा पर्ने स्थानमा २००६ साल मङ्सिरको धान्यपूर्णिमाको दिन धनबहादुर झिमाल नामका झाँक्रीले पूजा गरेर सुरू गरेको मन्दिर त्यतिबेला खरले बारेर स्थापना गरिएको थियो ।
२०४२ सालमा फलेकको छानोमा स्तरोन्नति गरिएको मन्दिर २०५२ सालमा आएर सिर्जना युवा क्लबको पहलमा ढुङ्गाको गारोमाथि जस्ताको छानो हालेको सानो मन्दिरलाई यसपटक ठूलो लगानीमा व्यवस्थितरुपमा निर्माण गरिएको मन्दिर संरक्षण समितिले जनाएको छ । २०७९ सालमा तत्कालीन राष्ट्रिय सभाकी सदस्य भगवती न्यौपानेमार्फत शिलान्यास गरिएको मन्दिर तीन वर्षमा निर्माण सम्पन्न भएको हो ।
मन्दिरको शिलान्यास भइसकेपछि बजेट अभावका कारण विभिन्न क्षेत्रमा चन्दा सङ्कलन गर्ने र केही सरकारी बजेटको व्यवस्थापनमा मन्दिर निर्माण गरिएको मन्दिरका अध्यक्ष केशवचन्द्र न्यौपानेले जानकारी दिए । तीन करोड ७६ लाख रूपैयाँ लागतमा डिपिआर तयार भएको मन्दिरमा हालसम्म देवघाट गाउँपालिकाको १३ लाख, देवघाट क्षेत्र विकास समितिबाट दुई लाख रूपैयाँसहित सवा करोड रूपैयाँ रकममा मन्दिरको स्वरुप स्थापना गरिएको उनले बताए ।
मन्दिरमा राख्नका लागि करिब दुई लाख ११ हजार रूपैयाँ मूल्यबराबरको १११.३०० किलो तौलबराबरको घण्टा राखिएको छ । उक्त घण्टाको लागि पनि दाताको खोजी भइरहेको समितिले जनाएको छ । ‘हाम्रो दाबीअनुसार तनहुँ जिल्लामै सबैभन्दा ठूलो घण्टा हामीले ल्याएका छौँ’, उनले भने, ‘यति ठूलो तौलबराबरको घण्टा अरु मन्दिरमा देखेका छैनौँ ।’
‘हामीले माघेसङ्क्रान्ति मेला र बालाचतुर्दशीको समयमा मेला स्थलमा कक्ष राखेर रकम सङ्कलन ग¥यौँ’, अध्यक्ष न्यौपानेले भने, ‘अझै पनि थुप्रै संरचना निर्माण गर्नुछ, त्यसका लागि बजेटको खोजी भइरहेको छ ।’ हरेक वर्ष चैत्र शुक्ल प्रतिपदाको दिनदेखि पूर्णिमासम्म विशेष मेला लाग्ने मन्दिरलाई धार्मिक तीर्थस्थलको रुपमा विकास गर्ने लक्ष्य लिइएको उनले बताए ।
मन्दिरको गुरूयोजनाअनुसार आगामी दिनमा धर्मशालासँगै सचिवालय, ढुङ्गेधारासँगै अमृत जलकुण्ड, भक्तजन स्नानका लागि स्नान गर्ने जलकुण्ड तथा जैविक विविधता संरक्षणका लागि पानी पोखरी र पुष्प वाटिका निर्माण गर्नुपर्ने छ ।
‘यस मन्दिर क्षेत्रलाई नेपालकै एकमात्र मणिदीप क्षेत्रको रुपमा विकास गर्ने लक्ष्य लिएका छौँ’, उनले भने, ‘तर यी सबै लक्ष्य पूरा गर्नका लागि ठूलो बजेट आवश्यक पर्ने हुँदा आउँदो वैशाख ५ देखि १३ गतेसम्म विराट् ज्ञानमहायज्ञ देवीभागवत आयोजना गर्ने तयारी गरेका छौँ ।’ मन्दिरको स्वरुप निर्माण गरिसकिएको हुँदा यही चैत ६ देखि १३ गतेसम्म दैनिक देवीपाठ तथा आरती गरिने अध्यक्ष न्यौपानेले बताए ।
देवघाट गाउँपालिकाका अध्यक्ष तिलबहादुर थापामगरले देवघाट क्षेत्रको परिचयलाई थप विकसित गर्ने काम भएको बताए । बीचमा केही समय सेलाए पनि फेरि मन्दिर समितिमार्फत संरक्षण र प्रवद्र्धन गर्दै भर्जन कालिकामाई मन्दिरको प्रचारप्रसारसँगै भौतिक विकास हुन थालेको उनले बताए । ‘मुलुकको विकासक्रमसँगै मन्दिरले पनि मुहार फेरेको छ’, उनले भने, ‘गाउँपालिकाको आर्थिक सामथ्र्य नहुँदानहुँदै पनि देशविदेशमा रहेका नेपालीको सहयोगले एउटा अभियान सफल भएको छ ।’
पालिकाले पनि सामथ्र्यले भ्याएसम्म सहयोग गर्दै आएको उनले बताए । मन्दिर नै मन्दिरको पालिकाको रुपमा विकास हुँदै आएको देवघाट क्षेत्रमा भएका यस्ता प्रकृतिका विकासबाट समग्र नेपालको धार्मिक पर्यापर्यटन क्षेत्रमा ठूलो टेवा पुग्ने विश्वास लिइएको छ । देवघाटधामसम्म आउने धार्मिक पर्यटकलाई मन्दिरसम्म ल्याउने वातावरण यहाँका स्थानीयले पनि गर्नुपर्ने अध्यक्ष मगरले सुझाव दिए ।
रत्ननगर । युवा नेतृत्व तथा व्यक्तित्व विकासमा सक्रिय सामाजिक संस्था रत्ननगर जेसीजले यसवर्ष पनि ‘सामूहिक व्रतबन्ध’ कार्यक्रम आयोजना गर्ने भएको छ ।
जेसीजले बिहीबार पत्रकार सम्मेलनको आयोजना गरी यही चैत १३ गते रत्ननगर वडा नं–२ स्थित शिवालय मन्दिरमा सामूहिक व्रतबन्ध कार्यक्रम सञ्चालन गर्न लागिएको जानकारी दिएको हो ।
रत्ननगर जेसीज वर्ष २०२६ का अध्यक्ष सविन मानन्धरका अनुसार सन् १९९९ मा स्थापना भएको यो संस्थाले आफ्नो सामाजिक उत्तरदायित्वअन्तर्गत विगतका वर्षहरुमा जस्तै यसवर्ष पनि परम्परा तथा संस्कारको जगेर्ना गर्ने उद्देश्यले यो कार्यक्रमलाई निरन्तरता दिएको छ ।
कार्यक्रम संयोजक सचितराज जोशीले हालसम्म ११ जना वटुकहरुले नाम दर्ता गराइसकेको बताउँदै नाम दर्ताको अन्तिम मिति चैत १० गतेसम्म रहेको जानकारी दिए ।
उनले कार्यक्रमका लागि दर्ता शुल्क ५ हजार ९ सय ९९ रूपैयाँ तोकिएको र सो शुल्कमा वटुकलाई आवश्यक सम्पूर्ण सामग्री उपलब्ध गराइने बताए । साथै, सहभागी वटुकका १० देखि १५ जना पाहुनाका लागि निःशुल्क भोजन तथा प्रसादको व्यवस्थासमेत गरिएको उनले बताए ।
कार्यक्रमलाई सफल बनाउन विभिन्न व्यक्ति तथा संघसंस्थाहरुको सहयोग रहने आयोजकले जनाएको छ । रत्ननगर जेसीज र रत्ननगर जुनियर जेसीजको संयुक्त आयोजनामा हुने यो कार्यक्रमले व्रतबन्धजस्तो खर्चिलो संस्कारलाई मितव्ययी बनाउन सहयोग पुग्ने अपेक्षा गरिएको छ । व्रतबन्धसँगै सामूहिकरुपमा मीत लगाउने कार्यक्रम पनि गरिने आयोजकले बताएका छन् ।
पत्रकार सम्मेलनमा पूर्वअध्यक्षहरु अमितकुमार गुप्ता, नरहरि पुरी, रत्ननगर जुनियर जेसीजका पूर्वअध्यक्ष सन्दर्भ खनाल, हालका अध्यक्ष सगुन रेग्मीलगायतको उपस्थिति रहेको थियो ।
रत्ननगर । रत्ननगर नगरपालिकाले ७५ दिनको लोकसेवा तयारी कक्षा सुरू गरेको छ । नगरप्रमुख प्रलाद सापकोटाले तयारी कक्षाको उद्घाटन गरेका छन् । खैरहनीस्थित लोकसेवा सारथि प्रालिको सहजीकरणमा हुने तयारी कक्षामा खरिदार चौथो र पाँचौँ तहको प्रथम, द्वितीय र तृतीय पत्र पढाइ हुनेछ ।
युवाहरुलाई निजामती सेवामा रोजगारीको अवसर सिर्जना गर्न नगरपालिकाले लोकसेवा तयारी कक्षा सुरू गरेको नगरप्रमुख सापकोटाले बताए । तयारी कक्षामा १६ वटा वडाका ५७ जना सहभागी छन् । नगरपालिकाले अहिलेसम्म नगरभित्रका २५० जना युवाहरुलाई लोकसेवा तयारी कक्षा प्रदान गरेकोमा १४ जनाले खरिदारमा नाम निकालेको छन् ।
प्रमुख प्रशासकीय अधिकृत प्रकाश खनालले कडा मिहिनेतले सफलता हात पर्ने बताए । लोकसेवा सारथि प्रालिका प्रमुख महेश घिमिरेले स्थानीय सरकारसँग सहकार्य गरेर लोकसेवा तयारी कक्षा सञ्चालन गरिरहेको बताए ।
बारिस्ता सीप विकास तालिम सुरू
गरिबी निवारणका लागि लघुउद्यम विकास कार्यक्रम (मेड्पा)अन्तर्गत रत्ननगरमा एकमहिने बारिस्ता सीप विकास तालिम सुरू भएको छ । रत्ननगर नगरपालिकाले आयोजना गरेको तालिममा ४० जनाको सहभागिता रहेको छ ।
वडा नं–१० को सभाहलमा भएको यस तालिमको पनि मेयर सापकोटाले उद्घाटन गरेका छन् । बिनाधितो, बिनाव्याज ऋण प्रदान गर्ने उद्देश्यले रत्ननगर नगरपालिकाले मेयरसँग उद्यमशीलता विकास कार्यक्रम सञ्चालन गरिरहेको उनले बताए ।
सपना कफी रिसर्च एण्ड ट्रेनिङ सेन्टरको सहजीकरण रहेको तालिममा लोकनाथ शर्मा र सुदीप भट्टराईले ५० वटाभन्दा बढी कफीका बेभरेज बनाउन सिकाउने छन् । वडा नं–१० का वडाध्यक्ष कलाधर पौडेलको अध्यक्षतामा उद्घाटन कार्यक्रम भएको थियो ।
काठमाडौँ । समानुपातिक निर्वाचन प्रणालीतर्फ हालसम्म कुल एक करोड छ लाख २२ हजार ६७९ मतगणना भएको छ ।
निर्वाचन आयोगले उपलब्ध गराएको अद्यावधिक विवरणअनुसार मङ्गलबार बेलुकी ९ः१० बजेसम्मको विवरणअनुसार, राष्ट्रिय स्वतन्त्र पार्टी (रास्वपा)ले सबैभन्दा बढी अर्थात् ५० लाख ८८ हजार ०७८ मत प्राप्त गरेको छ । प्रतिशतका हिसाबले रास्वपाले ४७.८९ प्रतिशत मत प्राप्त गरेको छ ।
यस्तै, नेपाली कांग्रेसले १७ लाख २६ हजार ८६३, नेकपा (एमाले)ले १४ लाख ३८ हजार २०३, नेपाली कम्युनिष्ट पार्टी (नेकपा)ले सात लाख ८९ हजार ४३५, श्रम संस्कृति पार्टीले तीन लाख ७२ हजार ३९२, राष्ट्रिय प्रजातन्त्र पार्टी (राप्रपा)ले तीन लाख २७ हजार ९६२ मत प्राप्त गरेको छ ।
यस्तै, जनता समाजवादी पार्टी (जसपा) नेपालले एक लाख ७३ हजार ९३९, राष्ट्रिय परिवर्तन पार्टीले एक लाख ६८ हजार ४८५ र जनमत पार्टीले ७८ हजार ५८६ मत प्राप्त गरेको छ । तीन संयुक्त पार्टीको ६१ हजार १४१ र अन्य साना पार्टीको ५० हजार भन्दा कम आएको छ । मतगणना अन्तिम चरणमा पुगेको छ ।
चितवन । यही फागुन २१ गते सम्पन्न प्रतिनिधिसभा सदस्य निर्वाचनमा जिल्लामा नेपाली कांग्रेस र नेकपा (एमाले)का नेतासहित ५७ जनाको जमानत जफत भएको छ । जिल्लाका तीन निर्वाचन क्षेत्रमा उम्मेदवारी दिएका उनीहरूको जमानत जफत भएको हो ।
जिल्ला निर्वाचन कार्यालयका अनुसार चितवन १ मा १५ जनाको, चितवन २ र ३ मा २१–२१ जनाको जमानत जफत भएको हो । कार्यालयका सूचना अधिकारी नेत्रराज श्रेष्ठका अनुसार आफ्नो निर्वाचन क्षेत्रमा खसेको सदर मतको १० प्रतिशत मत नपाएका उम्मेदवारहरूको जमानत जफत भएको हो ।
उनका अनुसार क्षेत्र नं १ मा १८ जना, क्षेत्र नं २ र ३ मा २३–२३ जनाले प्रतिनिधिसभाका लागि उम्मेदवारी दर्ता गराएका थिए । क्षेत्र नं १ मा रास्वपा, नेपाली कांग्रेस र एमालेका उम्मेदवारबाहेक अन्य सबैको जमानत जफत भएको छ । सो क्षेत्रमा ९६ हजार १५४ मत खसेको थियो । ९१ हजार ८९९ मत सदर भएको थियो ।
चितवन २ मा राष्ट्रिय स्वतन्त्र पार्टी र नेपाली कांग्रेसका उम्मेदवारबाहेक अन्य सबैको जमानत जफत भएको उनले जानकारी दिए । उनका अनुसार सो क्षेत्रमा ८७ हजार २२१ मत खसेको थियो । यसमा ८४ हजार २३२ मत सदर भएको थियो । यस्तै, क्षेत्र नं ३ मा राष्ट्रिय स्वतन्त्र पार्टी र नेपाली कम्युनिष्ट पार्टीबाहेक अन्य दल र स्वतन्त्र उम्मेदवारको जमानत जफत भएको छ । सो क्षेत्रमा एक लाख ५३ मत खसेको थियो । समग्र जिल्लामा दुई लाख ८३ हजार ४२८ मत खसेको उनले जानकारी दिए ।
जिल्लामा समानुपातिकतर्फको मतगणनासमेत अन्तिम चरणमा पुर्याइएको छ । चितवन २ र ३ को समानुपातिकतर्फको मतगणना सम्पन्न भएको छ भने क्षेत्र नं १ को अन्तिम अवस्थामा पुगेको सूचना अधिकारी श्रेष्ठले बताए ।
चितवन । राष्ट्रिय स्वतन्त्र पार्टी (रास्वपा) का उम्मेदवार सोविता गौतम चितवन–३ बाट ५९ हजार २७७ मतसहित प्रतिनिधिसभा सदस्य पदमा निर्वाचित भएकी छन् ।
उनका निकटतम प्रतिस्पर्धी नेकपाकी उम्मेदवार रेनु दाहालले २० हजार ६१५ मत ल्याएकी छन् । सोविता ३८ हजार ६६२ मतान्तरले निर्वाचित भएकी हुन् ।
चितवन(३ मा कांग्रेसका टेकप्रसाद गुरूङको ८ हजार ३४४, एमालेका शंकर थपलियाको ५ हजार ४ र राप्रपाका उम्मेदवार रहेका दीपक थापा मगरको एक हजार २२६ मत आएको् छ । चितवन–३ मा एक लाख ५३ मत खसेको थियो ।
चितवन । चितवन क्षेत्र नं २ बाट राष्ट्रिय स्वतन्त्र पार्टीका सभापति रवि लामिछाने विजयी भएका छन् । उनले ५४ हजार ४०२ मत प्राप्त गरे । नेपाली कांग्रेसकी उम्मेदवार मीनाकुमारी खरेलले १४ हजार ५६४ मत प्राप्त गरेकी छन् ।
यस्तै, नेकपा (एमाले)का अस्मिन घिमिरेले छ हजार ९९२ मत प्राप्त गर्दा नेपाली कम्युनिस्ट पार्टीका प्रताप गुरूङले चार हजार ४६९ मत प्राप्त गरेको मुख्य निर्वाचन अधिकृत केदारनाथ पौडेलले जानकारी दिए ।
लामिछानेले यसअघि विसं २०८० मा भएको उपनिर्वाचनमा ५४ हजार १७६ मत प्राप्त गरेका थिए । यस्तै, सो समयमा नेपाली कांग्रेसका उम्मेदवारले ११ हजार २१४ मत र एमालेका उम्मेदवारले १० हजार ९३६ मत प्राप्त गरेका थिए ।
यस निर्वाचन क्षेत्रमा कूल एक लाख ३७ हजार १५२ मतदाता भएकामा मत ८७ हजार २२१ खसेको थियो । यस निर्वाचन क्षेत्रमा विभिन्न राजनीतिक दल र स्वतन्त्रसमेत गरी जम्मा २३ जना प्रत्यासी थिए ।
खैरहनी । चितवन क्षेत्र नम्बर १ बाट राष्ट्रिय स्वतन्त्र पार्टी (रास्वपा)का उम्मेदवार हरि ढकाल भारी मतान्तरसहित प्रतिनिधिसभा सदस्यमा निर्वाचित भएका छन् ।
निर्वाचन अधिकृतको कार्यालयका अनुसार ढकालले ५८ हजार २०८ मत प्राप्त गरेका छन् । उनका निकटतम प्रतिस्पर्धी नेपाली कांग्रेसका राजेन्द्रप्रसाद बुर्लाकोटीले १३ हजार ३३ मत प्राप्त गरेका छन् । ढकालले बुर्लाकोटीभन्दा ४५ हजार १७५ मतान्तरले विजयी भएका हुन् ।
यस्तै, अन्य उम्मेदवारमध्ये नेकपा (एमाले)का दावादोर्जे लामाले १० हजार ८९९ मत प्राप्त गरेका छन् भने नेकपाका कृष्णराज पन्तले ४ हजार ८१ मत ल्याएका छन् । राष्ट्रिय प्रजातन्त्र पार्टी (राप्रपा)का बलराम शर्माले २ हजार ३०२ मत प्राप्त गरेका छन् । यस क्षेत्रमा कुल ९६ हजार १५४ मत खसेको थियो ।
भरतपुर । बिहीबार सम्पन्न भएको प्रतिनिधिसभा निर्वाचन–२०८२ मा चितवनमा ६४ प्रतिशतभन्दा धेरै मत खसेको छ । चितवनको तीन क्षेत्रमा गरी कुल २ लाख ८३ हजार ४ सय २८ अर्थात् ६४.१२ प्रतिशत मत खसेको हो ।
जिल्लास्थित निर्वाचन कार्यालयले निकालेको तथ्याङ्कअनुसार ४ लाख ४४ हजार २ सय ८२ मतदाता रहेका थिए । जसमा तीनवटै क्षेत्रमा गरी १ लाख ५१ हजार १ सय ३५ महिला र १ लाख ३२ हजार २ सय ९३ पुरुष मतदाताले मतदान गरेका हुन् । दुई जना अन्य लैङ्गिक समूहका मतदाता भए पनि उनीहरूले मतदान नगरेको जानकारी निर्वाचन कार्यालयले दिएको छ ।
जिल्लामा खसेको मतदानका आधारमा हेर्दा सबैभन्दा धेरै निर्वाचन क्षेत्र नम्बर ३ मा खसेको छ । जसमा कुल ६४.४६ प्रतिशत मत खसेको हो । यो क्षेत्रमा जिल्लाभरमा नै बढी मतदाता पनि रहेका छन् ।
त्यसैगरी निर्वाचन क्षेत्र नम्बर १ मा ६४.२६ प्रतिशत र निर्वाचन क्षेत्र नम्बर २ मा सबैभन्दा कम ६३.५९ प्रतिशत मत खसेको हो । महिला र पुरुषको मतदाता तथ्याङ्क हेर्दा महिला मतदाता ६७.२५ प्रतिशत र पुरुष मतदातामध्ये ६०.८९ प्रतिशतले मतदान गरेको देखिएको छ । यो मतसंख्यामा करिब ७ प्रतिशत महिला मतदाताको मत बढी खसेको हो ।
चितवनमा माडी इच्छाकामना लगायतका भौगोलिकरूपमा मतगणना स्थलबाट टाढा रहेका मतदान स्थलबाट मतपेटिका आइपुगेपछि मतगणना गर्ने तयारी गरिएको छ । चितवनका मुख्य निर्वाचन अधिकृत केदारनाथ पौडेलले मतपेटिका आइपुगेपछि सर्वदलीय सहमतिअनुसार मतगणना सुरू गर्ने जानकारी दिए ।
काठमाडौँ । निर्वाचन आयोगले प्रतिनिधिसभा सदस्य निर्वाचनका लागि सम्पूर्ण तयारी पुरा भएको जनाएको छ । आयोगका अनुसार आवश्यक मतपत्र, मतपेटिका तथा अन्य निर्वाचन सामग्री सबै मतदान केन्द्रमा पुर्याइसकिएको छ । सुरक्षालगायतका प्रबन्ध पनि मिलाइसकेको आयोगले जनाएको छ ।
आयोगका कार्यवाहक प्रमुख निर्वाचन आयुक्तलगायतका पदाधिकारीले बुधबार पत्रकार सम्मेलन गरेर संवैधानिक दायित्व अनुसार आयोग स्वतन्त्र, निष्पक्ष, पारदर्शी तथा विश्वसनीय निर्वाचनको दायित्व पूरा गर्न क्रियाशील रहेको स्मरण गराउँदै तयारी पूरा भएको जनाएको हो ।
सो पत्रकार सम्मेलनमा कार्यवाहक प्रमुख आयुक्त भण्डारीले यसअघि परेका उजुरीबाहेक हालसम्म अन्य उम्मेदवारहरुको अयोग्यताको विषयमा कुनै उजुरी नपरेको र छानबिनको क्रममा नरहेको स्पष्ट पारे ।
गणना सुरु भएको २४ घन्टाभित्र परिणाम दिने तयारी
आयोगले मतगणना सुरु भएको २४ घन्टाभित्र प्रत्यक्षतर्फको मत परिणाम दिने गरी गणना गराउन प्रबन्ध गरेको जनाएको छ । त्यसलगत्तै समानुपातिकतर्फको मतगणना हुने जनाइएको छ । दुर्गम पहाडी जिल्लाका ६१ स्थानबाट नेपाली सेनाको हेलिकोप्टरमार्फत मतपेटिका संकलन गरिने र अन्य स्थानको गाडीबाट संकलन गरिने आयोगका सचिव कृष्णबहादुर राउतले जानकारी दिए ।
मतपत्र र मतपेटिकाको सुरक्षा र संकलन विगतमाझैँ एकीकृत सुरक्षा योजनाबमोजिम हुने भएकाले मतपेटिका सुरक्षित हुने आयोगको भनाइ छ । कार्यवाहक प्रमुख आयुक्त भण्डारीले भने, ”मतपेटिका संकलन पहिलेदेखिकै व्यवस्था अनुसार हुने हो । नेपाली सेनाले छुट्टै संकलन गर्ने होइन । मतपेटिका किञ्चित साटफेर हुँदैन । यसका शङ्का गरिरहनु पर्दैन ।’’
कतिपय जिल्लामा उम्मेदवारहरुसमेत पैसा र मादक पदार्थ बोकेर मतदाता प्रभावित गर्न हिँडेको आशङ्कामा पक्राउ परेका छन् । कार्यवाहक प्रमुख आयुक्त भण्डारीले यस्ता गविविधिमा आयोगले शुन्य सहनशीलतानको नीति लिएको स्पष्ट पारे ।
यस निर्वाचनामा पहिलो हुने निर्वाचित हुने (प्रत्यक्ष) निर्वाचन प्रणाली (प्रत्यक्ष)तर्फ ६१ वटा निर्वाचन चिह्नमा ६५ वटा राजनीतिक दल प्रतिस्पधामा छन् । प्रत्यक्षतर्फ तीन हजार १७ पुरुष, ३८८ महिला र एक अन्य गरी तीन हजार ४०६ उम्मेदवार मैदानमा छन् ।
त्यसैगरी सामानुपातिक निर्वाचन प्रणालीतर्फ एक हजार ३६३ पुरुष र एक हजार ७७२ महिला गरी तीन हजार १३५ उम्मेदवार छन् । प्रत्यक्षतर्फ १६५ निर्वाचन क्षेत्र र समानुपातिकतर्फ ११० स्थानका लागि निर्वाचन हुने छन् । यसपटकको निर्वाचनमा ९६ लाख ६३ हजार ३५८ पुरुष, ९२ लाख ४० हजार १३१ महिला र २०० अन्य गरी एक करोड ८९ लाख तीन हजार ६८९ मतदाता कायम छन् । एक लाख ८६ हजार १४२ अस्थायी मतदाता रहेका छन् ।
भरतपुर । चितवन क्षेत्र नं २ मा नेपाली कांग्रेसका तर्फबाट प्रतिनिधिसभा सदस्य उमेदवार मीना खरेलले पछिल्लो समय जेनजी युवाहरूको साथ पाएकी छ्न् । उमेदवार खरेललाई जिताउन विभिन्न देशमा रोजगारी र अध्ययनका शिलशिलामा रहेका युवाहरू स्वदेश फर्किएर चुनावी माहोलमा साथ दिएका हुन् ।
युथ कांग्रेस नेपाल चितवनको आयोजनामा भएको नयाँ पुस्ता–नेपाली कांग्रेस सहकार्य र साझेदारी कार्यक्रममा जेनजी युवाहरु सामेल भएका थिए । उनीहरुले खरेललाई निर्वाचनमा महिलाको सहभागिता, चुनावी एजेन्डा, भावी योजनाका विषयमा प्रश्न र जिज्ञासा राखेका थिए ।
खरेलले युवाहरुले राखेका प्रश्नहरुको जवाफ दिँदै आजको दिनमा जस्तै भोलिका दिनहरुमा पनि इमानदारितापूर्वक काम गर्ने प्रतिबद्धता व्यक्त गरेकी छन् ।
खरेलले विगतमा गरेका सामाजिक कार्यको उच्च प्रशंसा गर्दै चितवन २ का लागि मीना खरेल आवश्यक रहेको भन्दै युवाहरु अमेरिका, अस्ट्रेलिया, क्यानडा, जापान, युके, स्पेनलगायतका देशहरुबाट आएका हुन् । चुनाव नजिकिँदै जाँदा विदेशबाट फर्किएका युवाहरू सक्रियरूपमा प्रचार–प्रसार र घरदैलो अभियानमा समेत जुटेका छन् ।
विदेशमा बस्दा पनि सामाजिक सञ्जालमार्फत अभियानमा साथ दिँदै आएका युवाहरू अहिले प्रत्यक्षरूपमा मैदानमा उत्रिएका हुन् । ‘देशका लागि केही गर्ने नेतृत्व चाहियो भन्ने सोचले हामी फर्किएका हौँ’, एक युवा समर्थक दिनेश सापकोटाले भने, ‘हामी परिवर्तनका लागि मतदान मात्र होइन, सक्रिय अभियानमा पनि सहभागी भएका छौँ ।’
उनले भने, मीना दिदीको नाम बिकाउनुपर्ने नाम होइन, उहाँ आफैँमा ब्रान्ड हो, दिदीले हिजोको दिनमा गरेको कर्मका कारण उहाँलाई हामीले साथ दिएका हौँ । हामीले साथ दिँदै गर्दा मिना दिदीले गलत गर्नुभयो भने हामी प्रश्न पनि गर्छौं ।’
उनले थपे, ‘उहाँले असहाय, गरिब, दुःखीको क्षेत्रमा लामो समय काम गर्नुभयो, उहाँको कर्मलाई मैले नजिकबाट हेरेको छु । त्यसैले मैले उहाँलाई थोरै भए पनि सहयोग गर्नुपर्छ भनेर आज उहाँलाई जिताउने अभियानमा लागेको छु ।’
यस्तै, अर्का युवा भन्छन्, ‘समाजमा उत्कृष्ट सेवा दिएकी खरेललाई जिताउन आफू विदेशबाट आएको र मीना दिदीलाई मत हालिएन भने अन्याय हुन्छ ।’
उमेदवार मीना खरेलले जेन्जी युवा, महिला, ज्येष्ठ नागरिकको अपार साथ र माया पाएको बताइन् । ‘आफ्नो निर्वाचन क्षेत्रबाट जिताएको प्रतिनिधि जिताइसकेपछि त्यो क्षेत्रको प्रतिनिधिविहीन नहोस् । प्रतिनिधिले त्यहाँ पूर्ण कार्यकाल काम गरोस् भन्ने उद्देश्यले आफ्नो सवालहरू जस्ताको तस्तै कानुन निर्माण गर्ने ठाउँमा राख्न सकियोस् आर्थिक समृद्धिको दृष्टिकोणले आफ्नो प्रतिनिधिले विकास गरोस् भन्ने मनसायले मतदाताहरुले यसपटक परिवर्तन खोजिराख्नु भएको छ’, उनले भनिन्, ।
‘म कर्ममा विश्वास गर्ने मान्छे हुँ । कर्मशील मान्छे हुँ । त्यसैले उहाँहरुले प्रत्यक्ष मैले गरेको कामहरू देखेर दिदी निर्वाचनमा उठ्नुभएको छ, उहाँलाई हामीले जिताउनुपर्छ भनेर स्वतस्फुर्त रुपमा आउनुभएको छ, म निकै खुसी छु’, उनले भनिन् ।
युवाको विश्वासलाई आफ्नो सबैभन्दा ठूलो शक्ति बताउँदै रोजगारी सिर्जना, उद्यमशीलता प्रवद्र्धन र पारदर्शी शासन प्रणालीलाई प्राथमिकतामा राख्ने प्रतिबद्धता दोहोर्याएकी छन् ।
उनले भनिन्, ‘विभिन्न परिस्थिति र बाध्यताले विदेश गएका हाम्रा युवाहरुलाई आफ्नै देशको माया छ । असल नेतृत्वले निर्वाचन जितोस् र असल नेतृत्व बनोस् भन्ने उहाँहरुको चाहना छ, त्यसैले युवाको ऊर्जा र विचार नै देश विकासको आधार हो, जेनजी पुस्ताको चाहना र अपेक्षालाई नीतिगत तहसम्म पुर्याउने प्रतिबद्धता लिएको छु ।’
खैरहनी । नेपाली कांग्रेस क्षेत्र नं १ का प्रतिनिधिसभा सदस्य उमेदवार राजेन्द्रप्रसाद बुर्लाकोटीले ‘बदल्यौँ कांग्रेस : बदल्छौँ देश’ भन्ने संकल्पका साथ कांग्रेस चुनावी अभियानमा होमिएको बताउँदै आफूलाई मतदाताको साथ सहयोग रहेको बताएका छन् ।
निर्वाचनलक्षित घरदैलो एवम् मतदाता भेटघाटमा व्यस्त रहेका उमेदवार बुर्लाकोटीले देशमा भ्रष्टाचार अन्त्य गरी सुशासन स्थापना गर्ने जेनजी युवाहरुको भावना सम्बोधन गर्न नयाँ युगको पार्टीको रुपमा रुपान्तरिक कांग्रेसका उमेदवारलाई जिताउन जरूरी रहेको बताएका छन् ।
पछिल्लो समय उनको पक्षमा जनमत बढ्दै गएको छ । खैरहनीमा हरेक दिन युवा तथा जेनजीहरु पार्टी प्रवेश गर्ने लहर नै चलेको छ । जेनजी युवाहरुले समाजसेवामा योगदान दिएका बुर्लाकोटीलाई जिताउन आफूहरु पार्टी प्रवेश गरेको जनाएका छन् । विभिन्न पार्टीमा आवद्ध भएका युवा तथा पहिलोपटक मतदान गर्न लागेका जेनजीहरुले समूह नै बनाएर पार्टी प्रवेश गरेका हुन् ।
उमेदवार बुर्लाकोटी भन्छन्, ‘रत्ननगरमा भएको युवा भेलादेखि अहिलेसम्म पार्टी गर्नेको संख्या दुई हजार भन्दा बढी रहेको छ । जुन गाउँमा पुग्यो त्यही गाउँमा समूहगत रुपमा नै राजेन्द्र बुर्लाकोटीलाई जिताउनुपर्छ भनेर पार्टी प्रवेश गर्नुहुन्छ । पार्टी प्रवेश गर्नेको लहरले पनि मैले चुनाव जित्ने आशा लिएको छु ।’
कांग्रेसका नेता–कार्यकर्ताहरुले गाउँबस्तीमा पुगेर चुनावी अभियान तीव्र बनाएकोमा उनले आभाार व्यक्त गर्दै भन्छन्, ‘मलाई सबैले तन, मन र धन लगाएर सहयोग गर्नुभएको छ । अब आआफ्नो परिवारको भोट सम्हाल्दै आफ्ना उमेदवारलाई जिताउन लाग्नुहोला । तपाईंहरु दृढ संकल्पका साथ लाग्नु भएको छ । कांग्रेस सभापति गगन थापा प्रधानमन्त्री बन्ने बाटो अब टाढा छैन ।’
आफू कसैप्रति गालीगलौज र प्रचारबाजीमा नलागेको बताउँदै उनले भोट भीडले होइन, गाउँ बस्तीका मतदाताबाट आउने विश्वास व्यक्त गरे ।
आफूले ५० वर्षदेखि यही क्षेत्रमा जनताको दुःख–सुखमा काम गर्दै आएको बताउँदै पार्टीले अन्तिमचोटि सम्मान गरेको र यसपटक विपक्षी पार्टीको पनि साथ र समर्थन रहेकाले आफ्नो जीत सुनिश्चित रहेको उनको भनाइ थियो ।
यस्तै, निर्वाचन संयोजक किरणभूषण ओलीले क्षेत्र नं १ मा आफ्ना जनप्रतिनिधिले गरेका विकासका कामहरु हेरेर पनि कांग्रेस उमेदवार बुर्लाकोटीलाई जनताले मत दिने विश्वास व्यक्त गरेका छन् । उनले भने, ‘स्वच्छ छवि बोकेका हाम्रा उमेदवार राजेन्द्रप्रसाद बुर्लाकोटी आफ्नो जीवनमा कुनै काण्डमा मुछिनु भएको छैन । सामाजिक र राजनीतिक योगदान दिएर जनतालाई ठूलो गुन लगाउनुभएको छ । उहाँलाई मतदाताले न्याय गर्नुहुनेछ ।
चितवन । रत्ननगर–४ स्थित बुद्धज्योति इङ्ग्लिस स्कुलको आयोजनामा एकदिने निःशुल्क स्वास्थ्य जाँच शिविर सम्पन्न भएको छ ।
विद्यालयको आफ्नै प्राङ्गणमा सञ्चालन गरिएको उक्त शिविरमा पाइल्स, फिसर, फिस्टुला तथा गुप्तरोगसम्बन्धी विभिन्न समस्याहरूको विशेषज्ञद्वारा निःशुल्क जाँच गरिएको थियो। स्थानीय सर्वसाधारणलाई लक्षित गरी आयोजना गरिएको शिविरमा उल्लेख्य सहभागिता रहेको थियो ।
विद्यालयका प्राचार्य वैकुण्ठ मरहठ्ठाका अनुसार, यस प्रकारका कार्यक्रमले स्वास्थ्य सचेतना अभिवृद्धि गर्नुका साथै रोगको प्रारम्भिक अवस्थामै पहिचान गर्न महत्त्वपूर्ण सहयोग पुग्ने विश्वास गरिएको छ।
उक्त शिविर एन्जल फाउन्डेसन, उर्लाबारी (मोरङ)को प्राविधिक सहयोगमा सञ्चालन गरिएको हो। शिविरमा १२ जना स्वास्थ्यकर्मीको सहभागिता रहेको थियो, जसमा चिकित्सक डा. मनीषकुमार यादव, सिनियर काउन्सिलर अस्मिता शर्मा, फार्मेसियन अशोक ताजपुरिया, ल्याब असिस्टेन्ट पूजा राजवंशी, सिनियर ल्याब असिस्टेन्ट अनुपा राई, बजार व्यवस्थापक कृष्ण बडु तथा सुदीक्षा निरौला र नर्सिङकर्मी सीमा चौधरी लगायतको उपस्थिति थियो ।
शिविरमा ल्याब परीक्षणअन्तर्गत एचआइभी, हेपाटाइटिस, सिफिलिस तथा अन्य यौनरोगसम्बन्धी परीक्षण गरिएको थियो । साथै, रगत परीक्षण, सुगर तथा रक्तचाप जाँच समेत गरिएको थियो । परीक्षणपछि सेवाग्राहीलाई तत्कालै रिपोर्ट प्रदान गरिएको थियो ।
त्यसैगरी मलद्वारसम्बन्धी रोग, पाइल्स, फिसर र फिस्टुलाको जाँच गरी आवश्यक औषधिसमेत निःशुल्क वितरण गरिएको आयोजकले जनाएको छ। आफ्नै स्थानमा विशेषज्ञसहितको गुणस्तरीय सेवा पाएको भन्दै सेवाग्राहीहरू उत्साहित देखिएका थिए ।
विसं २०७९ सालमा स्थापना भएको एन्जल फाउन्डेसनले स्वास्थ्य, शिक्षा तथा सामाजिक क्षेत्रमा विभिन्न कार्यक्रम सञ्चालन गर्दै आएको छ । संस्थाले साना किसान, सहकारी, बैंक तथा शैक्षिक संस्थासँग समन्वय गर्दै देशका विभिन्न जिल्लामा निःशुल्क स्वास्थ्य शिविर सञ्चालन गर्दै आएको शिविर प्रमुख प्रकाश राजवंशीले जानकारी दिए।
हाल उक्त संस्थाले चितवनको रत्ननगरमा शिविर सञ्चालन गरेको हो । पूर्वी चितवनमा मात्रै दुई हजारभन्दा बढी सेवाग्राहीलाई सफल उपचार सेवा प्रदान गरिसकेको र पछिल्लो समय सेवाग्राहीको रोजाइमा पर्न थालेको डा अस्मिता ओलीले बताइन् । 
भरतपुर । प्रतिनिधिसभा सदस्य निर्वाचन नजिकिँदै जाँदा उमेदवार मीनाकुमारी खरेलको घरदैलो अभियान उत्साहजनक बन्दै गएको छ । खरेल प्रत्यक्षरूपमा मतदाताको घर, गाउँ–टोल, बजार तथा विभिन्न कार्यक्रमहरूमा निरन्तर सक्रिय रहेकी छन् । घरदैलो अभियानमा खरेल जहाँ पुग्छिन्, त्यहीँ स्थानीय बासिन्दाहरूको अथाह माया, आत्मीय स्वागत र समर्थन पाउँदै आएकी छन् ।
उनले विगतमा लामो समय समाजमा गरेका काम र समाजलाई पुर्याएको योगदानका कारण मतदाताबाट यति धेरै साथ, माया, हौसला र आशिर्वाद पाइराखेकी छन् । खरेल निर्वाचनमा सहभागी भएदेखि नै दिनरात नभनी खटिएर चितवन क्षेत्र नं २ का विभिन्न ठाउँहरुमा मतदाता भेट्न पुगिरहेकी छन् ।
सोही क्रममा बिहीबार इच्छाकामना गाउँपालिकाको मुग्लिन बजार, केबलकार बजार, भरतपुर–२९ स्थित सिमलताल, भतेरीलगायतका ठाउँहरुमा पुगेकी थिइन् । सो कार्यक्रममा हजारौँको संख्यामा मतदाताहरुको उपस्थिति रहेको थियो ।
उनको अभियानमा महिला, युवा तथा ज्येष्ठ नागरिकहरूको उल्लेखनीय सहभागिता देखिएको छ । स्थानीय बासिन्दाहरू भन्छन्, ‘उहाँ हाम्रो सुख–दुःखमा साथ दिनुहुन्छ, त्यसैले हामी उहाँलाई साथ दिन तयार छौँ ।’ यही आत्मीय सम्बन्धका कारण धेरैले उनलाई ‘जनताको उमेदवार’का रूपमा चिन्ने गरेका छन् ।
घरदैलो अभियानका क्रममा एक मतदाताले भावुक हुँदै भनिन्, ‘मीना दिदीलाई मैले लामो समयदेखि देख्दै र बुझ्दै आएकी छु । उहाँ देवीसरह हो, चितवनको छोरी हो, सबैको आमा हो, उहाँजस्तो छोरी जोसुकै हुँदैनन् । गरिब, दुःखी, असहायको सहयोग र संरक्षणका लागि पनि उहाँको जीत हुन आवश्यक छ । त्यसैले हामी उहाँलाई सहयोग गर्छौं र बहुमतका साथ जिताउँछौँ ।’
खरेलले मतदाताबाट पाएको माया, साथ र समर्थनले आफू भावुक बनेको बताइन् । उनले भनिन्, ‘मैले कल्पनासमेत नगरेका व्यक्तिहरुको उपस्थितिले मलाई थप हौसला मिलेको छ, यही माया, विश्वास र साथले अब हाम्रो जीत सुनिश्चित भएको महसुस गरेको छु । तपाईंहरूले राख्नुभएको भरोसालाई कामबाट प्रमाणित गर्ने प्रतिबद्धता पनि व्यक्त गर्दछु ।’
राजनीतिलाई सेवा र जिम्मेवारीको रूपमा लिँदै आएकी खरेलले विकासका काममा सबै पक्षसँग सहकार्य गर्ने बताएकी छन् । ‘म पदका लागि होइन, परिवर्तनका लागि उठेकी हुँ’, उनले भनिन् । निर्वाचनको मिति नजिकिँदै गर्दा उनको अभियान तीव्र बन्दै गएको छ भने उनको अभियानमा उत्साह थपिएको छ ।
खैरहनी । खैरहनी नगरपालिका वडा नं–९, सिमल टाँडीचोकस्थित पूर्व–पश्चिम महेन्द्र राजमार्गमा बिहीबार बिहान १ः२० बजे बसको ठक्करबाट एक महिलाको मृत्यु भएको छ ।
काठमाडौँबाट धनुषातर्फ जादै गरेको प्रदेश १–०२–००१ ख ९०११ नम्बरको बसमा सवार धनुषा नगरपालिका वडा नं–२ बस्ने ५२ वर्षीया सिकिलदेवी पूर्वे गाडी रोकेर शौचालय जान झरेको अवस्थामा बागमती प्रदेश ०१–००६ ख ५२१७ नम्बरको अर्को बसले ठक्कर दिँदा गम्भीर घाइते भएकी थिइन् ।
दुर्घटनामा गम्भीर घाइते भई पुरानो मेडिकल कलेज, भरतपुरमा उपचारका क्रममा बिहीबार बिहान १ः३७ बजे डाक्टरले मृत घोषणा गरेका थिए । ठक्कर दिने बस र चालक इलाका प्रहरी कार्यालय भण्डाराको नियन्त्रणमा रहेको प्रहरीले जनाएको छ ।
भरतपुर । भरतपुर महानगरपालिका वडा नं–२५, छहारी चोकमा बोलेरोको ठक्करबाट साइकलयात्री गम्भीर घाइते भएका छन् ।
अमृत चोकबाट चनौलीतर्फ आउँदै गरेको बागमती प्रदेश ०३–००१ च १०७७ नम्बरको बोलेरोको ठक्करबाट साइकलयात्री भरतपुर–२० बस्ने ६५ वर्षीय रामकुमार श्रेष्ठ गम्भीर घाइते भएका हुन् ।
टाउकोमा चोट लागेका घाइते श्रेष्ठको नयाँ मेडिकल कलेज, भरतपुरमा उपचार भइरहेको र बोलेरो तथा चालक नियन्त्रणमा रहेको प्रहरीले जनाएको छ ।
खैरहनी । नेपाली कांग्रेसबाट चितवन क्षेत्र नं १ का प्रतिनिधिसभा उमेदवार राजेन्द्रप्रसाद बुर्लाकोटीको घरदैलो, ¥याली तथा मतदाता भेटघाट तीव्र बनेको छ ।
बुधबार खैरहनी–३, कठारलगायतका क्षेत्रमा घरदैलो र र्यालीमा पुगेका बुर्लाकोटीले ‘बदल्यौँ कांग्रेस : बदल्छौँ देश’ भन्ने संकल्पका साथ कांग्रेस चुनावी अभियानमा होमिएको बताउँदै कांग्रेसका सबै शक्तिहरु आफ्ना उमेदवार जिताउन लाग्नुपर्नेमा जोड दिए ।
उमेदवार बुर्लाकोटीले देशमा भ्रष्टाचार अन्त्य गरी सुशासन स्थापना गर्ने जेनजी युवाहरुको भावना सम्बोधन गर्न नयाँ युगको पार्टीको रुपमा रुपान्तरिक कांग्रेसका उमेदवारलाई जिताउन जरूरी रहेको बताए ।
उनले अहिलेको निर्वाचनमा महिला शक्ति नै निर्णायक हुने भएकाले महिलाहरु एकजुट भएर अगाडि बढ्ने हो भने कांग्रेसलाई जित्नका लागि कसैले रोक्न नसक्ने ठोकुवा गरे । उनले भने, ‘यसपटक मलाई जिताएर पठाउनुहोस् । पूर्वी चितवनमा विकासको लहर आउने छ । र, यस क्षेत्रका जनताको मुहारमा खुसी छाउने छ ।’
यस्तै, निर्वाचन संयोजक किरणभूषण ओलीले भने, ‘मतदाताहरु विवेकशील हुनुहुन्छ । उहाँहरु हल्लाको पछाडि लाग्नु हुन्न त्यो मलाई थाहा छ । सामाजिक सञ्जालमा आएका अनावश्यक प्रचारबाजी र भ्रमपूर्ण सामग्रीको पछाडि लाग्ने फुर्सद कसैलाई छैन ।’
बुर्लाकोटीको चुनावी अभियानमा जिल्ला कार्यसमितिका पदाधिकारीदेखि विभिन्न भूमिकामा रहेका नेता, कार्यकर्ताहरुको सहभागिता रहँदै आएको छ । उनीहरुले क्षेत्र नं १ को विकास र जनताको समस्या समाधान गर्न राजेन्द्र बुर्लाकोटीलाई अधिक मतसहित विजयी गराउनुपर्नेमा जोड दिँदै आएका छन् ।
भरतपुर । प्रतिनिधिसभा निर्वाचन नजिकिँदै जाँदा चितवन क्षेत्र नम्बर २ मा चुनावी माहोल तातिँदै गएको छ । निर्वाचन आउन अब एकसाता मात्र बाँकी रहँदा नेपाली कांग्रेसकी उमेदवार मीनाकुमारी खरेलले आफ्नो चुनावी अभियानलाई तीव्रता दिएकी छन् । घरदैलो, कोणसभा तथा भेटघाट कार्यक्रममार्फत उनी मतदातासम्म पुगिरहेकी छन् ।
बुधबार भरतपुर महानगरपालिका–४ मा सम्पन्न घरदैलो कार्यक्रममा उल्लेख्य जनसहभागिता देखिएको थियो । नेता–कार्यकर्ता तथा स्थानीय समर्थकहरूको उल्लेख्य उपस्थिति रहेको सो कार्यक्रममा खरेलप्रति देखिएको उत्साहले क्षेत्रको चुनावी समीकरण थप रोचक बनेको छ । भरतपुर–४ स्वयम् खरेलको बसोबास क्षेत्रसमेत भएकाले आफ्नै वडामा उनले पाएको समर्थनलाई विशेषरूपमा हेरिएको छ ।
भरतपुर–४ धर्मचोकमा आयोजित कोणसभालाई सम्बोधन गर्दै खरेलले आफ्नै वडाबाट पाएको माया, साथ र समर्थनले आफू भावुक बनेको बताइन् । उनले भनिन्, ‘मैले कल्पनासमेत नगरेका धेरै मान्छेहरू आजको घरदैलो र कोणसभामा उपस्थित भएर मलाई हौसला दिनुभयो । यही माया, विश्वास र साथले अब हाम्रो जीत सुनिश्चित भएको महसुस गरेको छु । तपाईँहरूले राख्नुभएको भरोसालाई कामबाट प्रमाणित गर्ने प्रतिबद्धता व्यक्त गर्दछु । हृदयदेखि धन्यवाद ।’
उनको चुनावी अभियानमा समर्थन जनाउन पूर्व डिआइजी रमेश खरेल, नेपाली कांग्रेसका केन्द्रीय सदस्य जीतनारायण श्रेष्ठ, प्रदेश सभा सदस्य उत्तम जोशी तथा चितवन जिल्ला पार्टी सभापति राजेश्वर खनाललगायतका नेताहरूको उपस्थिति रहेको थियो ।
कार्यक्रममा बोल्दै रमेश खरेलले मीना खरेललाई आदर्श समाजसेवी नेतृको रूपमा चित्रण गर्दै चितवन–२ का मतदाताले ऐतिहासिक अवसर पाएको उल्लेख गरे । उनले भने, ‘लामो समयदेखि असहाय, पीडित महिला तथा बालबालिकाको आवाज बनेकी मीना खरेलजस्तो उमेदवार पाउनु चितवन–२ मात्र होइन, सिङ्गो राष्ट्रकै लागि गर्वको विषय हो । यो लडाइँ कुनै लोकप्रियताको होइन, सत्य र असत्यबीचको सङ्घर्ष हो । यसमा चितवन–२ का जनता चुक्नु हुँदैन ।’
उनले खरेलले करिब चार दशकदेखि समाजसेवाको क्षेत्रमा निरन्तर योगदान दिँदै आएको उल्लेख गर्दै अब त्यो अनुभव र प्रतिबद्धता संघीय संसद्मार्फत् राष्ट्रनिर्माणमा प्रयोग हुने विश्वास व्यक्त गरे । ‘यस क्षेत्रलाई जीवन समर्पित गरेकी नेतृलाई भोट नदिनु भनेको चितवन र यहाँका पीडित समुदायको अपमान गर्नु हो’, उनले भने, ‘हामी ढुक्क छौँ, यसपटक चितवन–२ का मतदाताले सम्मानसहित भोट दिएर उहाँलाई विजयी गराउनुहुनेछ ।’
घरदैलो कार्यक्रमकै क्रममा भरतपुर–४ स्थित लक्ष्मिनारायण मन्दिर परिसरमा समर्थकहरूले खरेललाई फूलमालासहित भजनकीर्तन गरेर स्वागत गरेका थिए । स्थानीय महिलाहरू र युवाहरूको सहभागितामा गरिएको स्वागत कार्यक्रमले चुनावी माहोललाई थप उत्साहपूर्ण बनाएको थियो । आफ्नै क्षेत्रकी निष्ठावान् र कर्मशील व्यक्तित्व उमेदवार पाएको उल्लेख गर्दै स्थानीय बासिन्दाहरूले यसपटकको मतदानमा कुनै पार्टीभन्दा माथि उठेर मीना खरेललाई नै मत दिने बताएका छन् ।
भरतपुर । देश अहिले निर्वाचनमय बनेको छ । राजनीतिक दलहरु आ–आफ्ना उमेदवारलाई जिताउन घरदैलो तथा कोणसभालाई तीव्रता दिएका छन । मतदाता फकाउन उमेदवारहरु आफ्ना प्रतिबद्धता, प्रतिज्ञापत्र, वाचापत्रसहित हरेक मतदाताको घर पुगिरहेका छन । यसैक्रममा चितवनमा पनि निर्वाचनको सरगर्मी ह्वात्तै बढेको छ ।
सर्वाधिक चर्चित चितवनको क्षेत्र नं ३ मा पनि उमेदवार मतदाता फकाउन व्यस्त छन् । उनीहरुले आफूले जित्ने दाबी पनि गर्दै आएका छन । चितवन क्षेत्र नम्बर ३ का कांग्रेसका पुराना तथा पाका उमेदवार टेकप्रसाद गुरूङले पनि घरदैलो कार्यक्रमलाई तीव्रता दिइरहेका छन् । उनी आफू चितवनको आदिवासी, जनजाति रहेको र चितवनको विकास र राजनीतिमा पांँच दशक योगदान पु¥याएकोले आफूले चुनाव जित्ने दाबी गरेका छन् । ‘म मेरो लोकतान्त्रिक कांग्रेस पार्टी पुरानो र जिम्मेवारी पार्टी हो, म जीतको नजिक पुगिसकेको छु । केवल नतिजामात्र आउन बांँकी छ’, गुरूङले भने ।
विगत एक दशकदेखि चितवनमा नेपाली कांग्रेसका कार्यकर्ता तथा समर्थकले भोट हाल्न नपाएको बताउंँदै यसपटक कांग्रेसका भोट खेर नगए आफ्नो जीतलाई कसैले नरोक्ने गुरूङको भनाइ छ । पछिल्लो समय सामाजिक सञ्जाल र भीडको आधारमा चुनाव जित्ने आधार नरहेको बताउंँदै गुरूङले आफ्नो घरदैलोको क्रममा पाएको अपार माया र साथ सहयोग नै चुनाव जित्ने विश्वासिलो आधार रहेको बताए ।
‘अहिले देश जलाउने र देश बनाउनेबीचको प्रतिस्पर्धा हो’, उनले भने, ‘यसपटक मतदाताले आफ्नो विवेकले आफ्नै भविष्य निर्माण गर्नुछ ।’ घरदैलोको क्रममा आफू माडीदेखि मेघौलीसम्म, हरेक मतदाताको ओतदेखि खेतसम्म पुगेको बताउंँदै हरेकको समस्या नजिकैबाट नियालेको उनले बताए ।
‘मैले यस क्षेत्रको हरेक नागरिकको समस्या नजिकबाट नियालेको छु । मलाई पनि उहांँहरुले राम्रोसंँग चिन्नु भएको छ’, उनले भने, ‘मैले जितेर आएमा यो क्षेत्रको कृषि, पर्यटन, विकास, रोजगारी नै मेरो पहिलो प्राथमिकता रहनेछ ।’
खैरहनी । खैरहनी नगरपालिका वडा नं–१, तरकारी चोकस्थित पूर्व–पश्चिम महेन्द्र राजमार्गमा बुधबार बिहान २ः३० बजे बसको ठक्करबाट अर्को बसका सहचालक घाइते भएका छन् ।
पश्चिमबाट पूर्वतर्फ जाँदै गरेको ना ८ ख ८१८० नम्बरको बसका सहचालक काभ्रेको दोलालघाट बस्ने ३५ वर्षीय विक्रम माझीलाई विपरीत दिशाबाट आउँदै गरेको प्रदेश १–०५–००१ ख ०१०३ नम्बरको बसले ठक्कर दिएको हो ।
घाइते माझीको बकुलहर रत्ननगर अस्पताल, टाँडीमा उपचार भइरहेको र उपचारमा बस चालक भुपेन्द्र चौधरी संलग्न रहेका छन् । ठक्कर दिने बस र बस चालक जिल्ला प्रहरी कार्यालय चितवनको नियन्त्रणमा रहेको प्रहरीले जनाएको छ ।
चितवन । पृथ्वी राजमार्गको मुग्लिन–मलेखु सडकखण्डमा हुने दुर्घटनाका घाइतेको उपचार भरतपुर ल्याउन सहज र छिटो हुने देखिन्छ । नारायणगढ–मुग्लिन सडक सहज भएकाले दूरीका हिसाबले काठमाडौँभन्दा भरतपुर छिटो ल्याउन सकिन्छ ।
भरतपुरमा रहेको सङ्घीय अस्पताल भरतपुर अस्पतालले ट्रमा सेन्टर सञ्चालन गरेको छ । यससँगै यहाँका दुई मेडिकल कलेज र साना अस्पतालहरू समेत दुर्घटनाका घाइतेको उपचार गर्न सक्षम छन् । भरतपुर अस्पतालमा मात्र २० जना अर्थोपेडिक सर्जन र २१ जना जनरल सर्जन रहेका छन् । अस्पतालका मेडिकल सुपरिटेन्डेन्ट प्रा डा कृष्णप्रसाद पौडेलका अनुसार सिटी स्क्यान, एमआरआईलगायतका उपकरणमा कमी छैन ।
यससँगै मुटु, नसालगायतका जटिल उपचार यहाँ हुन्छ । यस्तै ट्रमाको धेरै उपचार गर्ने चितवन मेडिकल कलेज र कलेज अफ मेडिकल साइन्सेसले पनि दुर्घटनाका घाइतेको उपचारका लागि आवश्यक उपकरण र जनशक्ति तयारी अवस्थामा राखेका छन् । समयमा उपचार हुँदा घाइते बचाउन सक्ने चिकित्सकहरू बताउँछन् ।
चितवन मेडिकल कलेजका निर्देशकसमेत रहनुभएका आकस्मिक विभाग प्रमुख प्रा डा दयाराम लम्साल दुर्घटनाको एक घण्टाभित्रको समयलाई ‘गोल्डेन आवर’ भन्ने गरिएको भन्दै उनले जतिसक्दो छिटो घाइते अस्पताल पुर्याउन सकेमा बचाउन सकिने सम्भावना बढी हुने बताउँछन् । उनले भने, “दूरी र सुविधाका हिसाबले जहाँ नजिक हुन्छ, त्यहाँ घाइते पठाउनुपर्छ ।” पछिल्ला दिनहरूमा एम्बुलेन्समा स्वास्थ्यकर्मी राखेर उपचार गर्दै अस्पताल पुर्याउनुपर्ने मान्यता रहेको उनको भनाइ छ ।
भरतपुर अस्पतालका मेडिकल सुपरिटेन्डेन्ट प्रा डा पौडेल मोफसल मनोविज्ञानका कारणले पनि घाइतेहरू काठमाडौँ पठाइने भन्दै उनले त्यहाँको जति सुविधा भरतपुर अस्पतालमा रहेको बताउँछन् । मुग्लिन–मलेखु सडकका घाइते काठमाडौँ पठाउँदा उकालो र अप्ठ्यारो सडक पार गर्दै लामो दूरी तय गर्नुपर्छ भने भरतपुर आउँदा छोटो दूरी र सहज सडक पर्दछ ।
घाइतेहरूको उद्धारपछि स्थानीय अस्पताल पुग्ने र त्यहाँबाट काठमाडौँ पठाइने गरिन्छ । धादिङका सहायक प्रमुख जिल्ला अधिकारी मोहनप्रसाद न्यौपाने एक पक्षले उद्धारको काम गर्छ भने अर्को पक्षले व्यवस्थापन गर्दैगर्दा यो विषयमा ध्यान नपुगेको बताउँछन् ।
विगत लामो समयदेखि धादिङमा रहेर पत्रकारिता गर्दै आएका पोषनाथ अधिकारी पहिले नारायणगढ–मुग्लिन सडकखण्ड अप्ठ्यारो भएकाले घाइते काठमाडौँ पठाउने गरिएकामा अहिले पनि त्यसै गरिँदै आएको बताउँछन् । उनको भनाइमा घाइते भइसकेपछि नजिकको अस्पतालमा लैजाने गरिन्छ । यसरी लैजाँदा मुलेखु र गजुरीका अस्पतालहरूमा घाइते पुग्छन् । त्यहाँबाट काठमाडौँ दूरी छोटिँदै गएपछि सहज मानेर पनि त्यतै जाने गरेको उनको भनाइ छ ।
रत्ननगर । प्रतिनिधिसभा सदस्य निर्वाचन नजिकिएसँगै चितवन क्षेत्र नं १ का कांग्रेस उमेदवार राजेन्द्रप्रसाद बुर्लाकोटीले घरदैलो प्रचारप्रसार र चुनावी र्यालीलाई तीव्रता दिएका छन् ।
उमेदवार बुर्लाकोटीले मङ्गलबार समर्थक कार्यकर्ताको साथमा नाचगान गर्दै रत्ननगर–१ र ३ मा चुनावी र्याली गरेका छन् । उनलाई सघाउन जिल्ला सभापति राजेश्वर खनाल, उपसभापति राजीव न्यौपाने, राष्ट्रिय सभा सदस्य गीता देवकोटा, रत्ननगर नगरपालिकाका कांग्रेस जनप्रतिनिधिलगायत नेताकार्यकर्ता सहभागी रहेका थिए ।
घरदैलोका क्रममा फागुन २१ गते रुख चिह्नमा मतदान गर्न निम्तोपत्र वितरण गर्दै उमेदवार बुर्लाकोटीले परिवारको मत कतै पनि खेर नजाने मतदान गर्न आग्रह गरे । उनले भने, ‘तपाईंहरु कोही पनि हल्लाहल्ला र भ्रमको पछि नलाग्नुहोस् । तपाईंले रोजेको उमेदवारले तपाईंहरुकै हितमा काम गर्छ । प्रत्यक्षमा मलाई र समानुपातिकमा कांग्रेसलाई भोट लिनुहोस् । भोट खेर जाँदैन । म तपाईंहरुको मतको सम्मान गर्नेछु ।’
बिहानदेखि बेलुकीसम्म उनी घरदैलोमा व्यस्त भइरहेका छन् । उनलाई महिला, युवा र जेनजी युवाले साथ र सहयोग गरिरहेका छन् । चितवन क्षेत्र नं १ का निर्वाचन परिचालन समितिका संयोजक किरणभूषणसिंह ओली भन्छन्, ‘हाम्रो उमेदवारले यसपालि हार्ने छूट छँदै छैन । गाउँ–टोल, सहर–बस्ती जहाँतहीँ राजेन्द्र बुर्लाकोटीलाई मतदान गर्न जनता आतूर देखिएका छन् । उहाँको स्वच्छ छवि, राजनीतिक र सामाजिक योगदानले नै यो लहर आएको हो । हामी निकै उत्साहित छौँ ।’
घरदैलोका क्रममा भेटिएका वृद्धवृद्धाले राजेन्द्र बुर्लाकोटी र कांग्रेसका पक्षमा मतदान गर्ने प्रतिबद्धता व्यक्त गरेका छन् । उनीहरुले उमेदवार बुर्लाकोटीलाई आशीर्वाद दिँदै जितको शुभकामना व्यक्त गरेका छन् ।
यसपटकको चुनावमा महिला दिदीबहिनीको सक्रियता निकै बढेको छ । केन्द्रीय सहमहामन्त्री डिला सङ्ग्रौलासहित महिला नेतृहरु उमेदवार बुर्लाकोटीको चुनावी कार्यक्रममा लागेका छन् । उमेदवार बुर्लाकोटी भन्छन्, ‘महिला शक्ति एक हुने हो भने चुनाव जित्न मलाई कुनै समस्या छैन । हरेक महिला दिदीबहिनीहरुले आआफ्नो घर र छिमेकको मत संरक्षण गरिदिनुहोला ।’
चुनावी कार्यक्रममा कांग्रेस चितवनका सभापति राजेश्वर खनालले विशेष महाधिवेशपछि कांग्रेस नै नयाँ पार्टी रहेको र कांग्रेसले भिजन–१० मा आधारित प्रतिज्ञापत्रमा आफ्नो दृष्टिकोण सार्वजनिक गरिसकेको बताउँदै मतदाता झुक्किनुपर्ने कारण नरहेको प्रष्ट पारे ।
उनले भने, ‘हाम्रा उमेदवार राजेन्द्र बुर्लाकोटीमा यस क्षेत्रको समस्या समाधान गर्ने हुटहुटी छ । उहाँलाई अत्यधिक मत दिएर जिताऔँ ।’ उनले चुनावको समयमा मात्रै जनताको घरदैलोमा भेटिने उमेदवारलाई होइन, जनताको दुःखसुखमा सधैँ साथ दिने उमेदवार मतदाताले रोज्नुपर्नेमा जोड दिए ।
चितवन । नेपाली कांग्रेसका सहमहामन्त्री बहादुरसिंह लामाले निर्वाचनको समयमा हुने गठबन्धनको अन्त्य काङ्ग्रेसले गरेको बताएका छन् ।
नेपाली कांग्रेस चितवन क्षेत्र नम्बर ३ प्रचारप्रसार समिति महिला विभागले आयोजना गरेको बृहत् महिला भेलालाई सम्बोधन गर्दै उनले निर्वाचनको समयमा हुने गठबन्धनको अन्त्य गर्न विशेष महाधिवेशन सफल भएको बताएका हुन् ।
कांग्रेसले १६५ क्षेत्रमा नै मनोनयन दर्ता गरेको बताउँदै उनले अब काँग्रेसका नेता कार्यकर्ताहरुले नराम्रो मान्ने समय गएको बताए । उनले भने, ‘अब हामी सबै मिलेर कांग्रेसका उमेदवारहरुलाई विजयी गराउन आवश्यक छ ।’
कांग्रेसका उमेदवार विजयी गराउन महिलाहरुको भूमिका महत्त्वपूर्ण रहेको बताए । कांग्रेस रुपान्तरण भएर आएको बताउँदै उनले यही सन्देश आम मतदातामा पु¥याउन सके प्रभावकारी बन्ने बताए । उनले थपे, ‘हरेक आन्दोलनको महत्त्वपूर्ण हिस्सा लिएको महिलाहरुले अब नवीन कांग्रेसलाई मतदान गरी विजयी गराउन आग्रह गर्दछु ।’
आफू बागमती प्रदेशको आन्तरिक मामिल हुँदा यस क्षेत्रका जनताको मागअनुसार रङ्गशाला निर्माणमा प्रदेश सरकारले ठूलो सहयोग गरेको बताउँदै कांग्रेसले आफूले गरेका कामहरुको प्रचारप्रसार गर्न आवश्यक रहेको बताए ।
अहिले सबैले विकासका नारा दिएका छन् भन्दै उनले भने, ‘कांग्रेसको नेतृत्वमा भएको बिकासको जससमेत अरुले लिन खोज्दैछन् ।’ कार्यक्रममा चितवन क्षेत्र नम्बर ३ का प्रतिनिधिसभा सदस्य उमेदवार टेकप्रसाद गुरूङले अहिलेको समयमा देशको रक्षाका लागि कांग्रेसका उमेदवारहरुले जित्न आवश्यक रहेको बताए ।
विनास र विकास पक्षको लडाइँ अहिलेको निर्वाचन भएको बताउँदै उनले विकासको पक्षधर कांग्रेसलाई विजयी गराउन सबै तह र तप्काका नेताहरु लाग्न आवश्यक रहेको बताए । कांग्रेसका उमेदवारलाई विजयी गराउन महिलाहरुको महत्त्वपूर्ण योगदान रहने बताउँदै उनले आगामी निर्वाचनमा आफू विजयी भएर गए महिलाका हकअधिकारका कुरामा जोड दिने बताए ।
कार्यक्रममा नेपाली कांग्रेस चितवनका सभापति राजेश्वर खनाल, क्षेत्रीय सभापति लालबहादुर दवाडी, पूर्वकेन्द्रीय सदस्य दिनेश कोइराला, संविधानसभा सदस्यहरु रामकृष्ण घिमिरे, विष्णुमाया परियारलगायतले नेपाली कांग्रेस चितवन क्षेत्र नम्बर ३ ले बाह्र वर्षपछि रुख चिह्नमा मतदान गर्न पाएको भन्दै सबैको मेहनतले निर्वाचनमा जित निकाल्न सकिने बताए । अवसरवादीहरुको झुण्डले देशलाई दुर्घटना बनाउन सक्ने भन्दै उनीहरुले यसबाट सबै सजग रहन आग्रह गरे ।
महिला परिचालन समितिकी संयोजक इन्दिरा कँडेलको अध्यक्षतामा सम्पन्न कार्यक्रममा भरतपुर महानगरपालिका महिला प्रतिनिधिहरुको उपस्थिति रहेको थियो । यससँगै क्षेत्र नम्बर ३ का विभिन्न वडाहरुमा घरदैलो कार्यक्रम गरिएको छ । घरदैलोसँगै मत माग्ने काममा कांग्रेस नेता तथा कार्यकर्ताहरु लागि परेका छन् ।
चितवन । चितवनको कालिका नगरपालिकामा भएको मीना खरेलको घरदैलो अभियानमा जनसागर उर्लिएको छ । प्रतिनिधिसभा निर्वाचन नजिकिँदै जाँदा नेपाली कांग्रेस चितवन क्षेत्र नम्बर २ की कांग्रेस उमेदवार खरेलले घरदैलो अभियानलाई तीव्र बनाएकी छन् । सोही क्रममा मङ्गलबार कालिकामा भएको घरदैलो अभियानमा व्यापक संख्यामा जनसहभागिता देखिएको छ ।
कालिकाको ८, ९, १० र ११ वडामा गरिएको घरदैलो कार्यक्रममा स्थानीय बासिन्दाको उर्लिदो जनसागरले अभियानलाई थप ऊर्जा दिएको थियो । घरदैलो अभियानमा उत्साहजन उपस्थितिले त्यहाँको माहोलले आमसभाको झल्को दिएको थियो ।
समर्थकहरूले बिहानैदेखि लामो लाइनमा बसी बाजागाजासहित नाचगान गरी हजारौंको संख्यामा सडकमै रुख चिह्नको रङ्गोली बनाएर मीना खरेललाई भव्य स्वागत गरेका थिए । यतिबेला खरेलप्रति देखिएको समर्थन र कांग्रेस कार्यकर्ताहरूको उत्साहले चुनावी सरगर्मी थप चुलिएको छ । घरदैलो अभियानमा यतिबेला कांग्रेसमा छुट्टै उत्साह र उमङ्ग छाएको छ ।
खरेल आफ्ना एजेण्डा लिएर निरन्तर मतदाताको घरदैलोमा सक्रिय भएकी छन् । उनले चितवन–२ का विभिन्न वडा, विभिन्न टोल, विभिन्न गाउँ र घरघर पुगेर मतदातासँग प्रत्यक्ष संवाद गरिरहेकी छन् । घरदैलोको अभियानमा स्थानियबासीहरुले महिला स्वास्थ्य, शिक्षा, रोजगारी र अधिकारका विषयमा निरन्तर आवाज उठाउँदै आएकी नेतृका रूपमा खरेललाई प्रस्तुत गर्दै महिलाको प्रतिनिधित्व सुदृढ बनाउन आफूलाई विजयी गराउन आवश्यक रहेको बताएकी छन् ।
उमेदवार खरेलले आफू सधैँ महिला, बालबालिका, विपन्न तथा सीमान्तकृत समुदायको पक्षमा काम गर्दै आएको उल्लेख गर्दै जनताको विश्वासलाई सधैं सम्मान गर्ने प्रतिबद्धता व्यक्त गरिन् ।
‘नागरिकको आवाज संसदमा मजबुत रूपमा उठाउन, कानुन निर्माण गर्न मैले उमेदवारी दिएकी हुँ’, उनले भनिन् । ‘मतदाताहरूबाट यति धेरै माया र साथ पाएको छु । यही माया र साथले गर्दा नै मैले विजयी भएको अनुभूतिसमेत गरेकी छु’, खरेलले भनिन्, ‘जनताको विश्वास नै मेरो शक्ति हो, कालिकाको समग्र विकासका लागि म प्रतिबद्ध छु ।’
चितवन । चितवन क्षेत्र नं २ का लागि नेपाली कांग्रेसका तर्फबाट प्रतिनिधिसभा सदस्य उमेदवार मीना खरेलले आफ्नो जीवन सधैँभरि समाजका लागि सुम्पिएको बताउँदै अबको बाँकी यात्रा देश र जनताको लागि समर्पित गर्नका लागि चुनावी प्रतिस्पर्धामा आएको स्पष्ट पारेकी छन् ।
उमेदवार खरेलले सोमबार चितवनका पत्रकारहरसँग भेटघाटका क्रममा अबको जीवन देश र जनताका लागि समर्पित गर्न चाहेको बताएकी हुन् । उनले भनिन्, ‘अहिलेसम्म असहायको लागि काम गरेँ, अब देश र जनाको लागि समर्पित भएर काम गर्न चाहन्छु ।’
अहिले देशको विषम परिस्थितिमा जनताको घरदैलोमा पुग्नसक्ने एकमात्र उमेदवार आफू भएको भन्दै उनले जनताका प्रतिनिधि भेट्न चुनाव कुर्नुपनै अवस्था आउन नदिने विश्वास व्यक्त गरिन् ।
नेपाल प्रेस युनियन चितवनका अध्यक्ष अनिल ढकालको अध्यक्षतामा सम्पन्न कार्यक्रममा पत्रकारहरुको प्रश्नमा जवाफ दिँदै उनले भनिन्, ‘अब जनताले आफ्नो प्रतिनिधि खोज्दै हिँड्नुपर्ने अवस्था आउने छैन ।’ उनले थपिन्, ‘समाजको काममा नथाकेको म अब देशको काममा थाक्छु भन्ने लाग्दैन ।’
अहिले आफना मुद्दाहरु जनताको भावनाअनुसार रहेकाले आफू र सिंङ्गो कांग्रेस जनताको जनजीविकाका लागि सधैँ लाग्ने उनले बताइन् । बदलिएको कांग्रेस अब जनतामाझ बदलिएर आएको भन्दै उनले आफ्नो प्रतिस्पर्धी कोही नरहेको बताइन् ।
अहिले कांग्रेसको नेतृत्व गरेका गगनकुमार थापा आफैँमा युवा पुस्ताको भावनाअनुसार नेता चल्ने भएकाले सबै एकजुट भएर विजयी गराउन आग्रह गरिन् ।
सो अवसरमा नेपाली कांग्रेसका केन्द्रीय सदस्य जीतनारायण श्रेष्ठले कांग्रेस अहिले नयाँ नेतृत्व र नयाँ नीतिका साथ आएकाले सबै एक भएर कांग्रेसका उमेदवारलाई जिताउन आग्रह गरे ।
चितवन । एक्सपर्ट एजुकेसन एण्ड भिजा सर्भिसेज चितवनले आज फागुन ११ गते सोमबार शैक्षिक मेला ‘एक्सपर्ट एज’ आयोजना गर्दैछ ।
भरतपुर–१०, स्थित एक्सपर्ट बेस क्याम्पमा हुने उक्त मेलामा अष्ट्रेलिया, क्यानडा, युके, युएसए र न्युजिल्याण्डका ५० भन्दा बढी युनिभर्सिटी तथा कलेजका प्रतिनिधिबाट विद्यार्थीले जानकारी लिन सक्नेछन् । मेला बिहान १०ः०० बजेदेखि दिउँसो ३ः०० बजेसम्म चल्ने छ ।
युनिभर्सिटी तथा कलेजबाट प्रतिनिधि नै उपस्थित हुने भएकोले विद्यार्थीले आधिकारिक र भरपर्दो जानकारी लिन सक्ने एक्सपर्ट चितवनका प्रबन्ध निर्देशक डिल्लीराम अधिकारीले जानकारी दिए । ब्याचलर्स, मास्टर्स तथा रिसर्च लेभलका विभिन्न प्रोग्राममा पढ्न विदेश जान चाहने विद्यार्थीका लागि मेला फलदायी हुने उनले बताए ।
उच्च शिक्षाका लागि विदेश जान चाहने विद्यार्थी अन्यौलमा परेका छन् भने त्यसलाई मेटाउन यो मेला निकै फलदायी हुने एक्सपर्ट चितवनका अपरेसन म्यानेजर किरण पौडेलले बताए ।
मेलामा आउने विद्यार्थीका लागि हात खाली नजाने उपहार योजना पनि एक्सपर्टले अघि सारेको छ । मेलामा उपस्थित भएकै आधारमा हरेक विद्यार्थीले आइएलटिएस वा पिटिई पढ्न चाहेमा एघार सय एघार रुपैयाँ छुट पाउने छन् भने पिटिईका लागि ४ वटा मकटेस्ट निःशुल्क पाउने छन् । त्यस्तै आइएलटिएस परीक्षा शुल्कमा विशेष छुट पनि दिइने छ । त्यस्तै राइनो क्रुजसिपको टिकेट, क्याफेको डिस्काउन्ट भौचर, स्केटिङ टिकेट तथा एक्सपर्टको लोगो अङ्कित विभिन्न उपहार पनि दिइने एक्सपर्टका बिजनेस डेभलपमेन्ट म्यानेजर विनोदबाबु रिजालले जानकारी दिए ।
एक्सपर्टले २२ वर्षदेखि शैक्षिक परामर्शको क्षेत्रमा काम गर्दै आइरहेको छ । यहाँबाट अष्ट्रेलिया, क्यानडा, युके, युएसए र न्युजिल्याण्डका विश्वविख्यात युनिभर्सिटी तथा कलेजमा अध्ययन गर्न जानका लागि शैक्षिक परामर्श प्रदान गरिन्छ । साथै एक्सपर्ट चितवनमा भाषा परीक्षाहरू आइइएलटिएस, पिटिई र स्याट तयारी कक्षा पनि सञ्चालन भइरहेका छन् ।
भरतपुर । निर्वाचन नजिकिएसँगै चुनावी उमेदवारहरुको प्रचारप्रसार कार्यक्रम पनि तीव्ररुपमा भइरहेको छ । नेपालकै चर्चाको केन्द्र बनेको चितवन–२ मा पनि आगामी निर्वाचनको तयारीसँगै नेपाली कांग्रेसकी उमेदवार मीना खरेलको प्रचार अभियान पनि निकै सशक्त र प्रभावशाली बनेको छ ।
आइतबार भरतपुर–१ मा भएको घरदैलो कार्यक्रम सम्पन्न भएको छ । खरेलको पक्षमा बढ्दो समर्थन देखिएको छ । कार्यक्रममा उत्साहजनक रुपमा कांग्रेसका नेता–कार्यकर्ता र खरेलका समर्थकहरुको उल्लेखनीय उपस्थिति रहेको थियो ।
भरतपुर–१ बजार क्षेत्रको रूपमा परिचित छ र यहाँका मतदाताहरूको संख्या पनि ठूलो छ। घरदैलो कार्यक्रमका क्रममा मीना खरेललाई मतदाताहरूले खुलेर समर्थन जनाएका छन् । महिलाका अधिकार र बालबालिकाको हकमा ४० वर्षदेखि निरन्तर काम गर्दै आएकी खरेललाई जनताले सम्मानका साथ स्वागत गरेका थिए । खादा र फूलमालाले उनलाई स्वागत गरिएको थियो । नेपाली कांग्रेसका नेताहरूले खरेललाई सामाजिक अभियन्ता र काम गर्ने उपयुक्त उमेदवारको रूपमा प्रस्तुत गर्दै भनेका छन्, ‘यसपटक जनताको विश्वास जित्ने उमेदवार मीना खरेल नै हुन्।’
यसैबीच, भरतपुर–१ का मुस्लिम समुदायले पनि मीना खरेलको पक्षमा खुलेर समर्थन गरेका छन् । उनीहरूले भने, ‘हामीलाई सधैँ मीना दिदीबाट सहयोग प्राप्त भएको छ र यसपटक हामी कुनै पार्टीको पक्षमा नभई आफैँले उहाँलाई समर्थन गर्नेछौँ ।’ खरेलको कार्यशैलीलाई धर्मनिरपेक्ष र समुदायको भेदभाव नगर्ने र अगाडि पनि समाजका हितमा नै काम गर्ने आफूहरु ढुक्क भएको बताए । उनीहरूले खरेललाई आफ्ना मस्जिद बोलाएर स्वागतसमेत गरेका छन् । यसपटक कुनै पार्टी समुदायलाई नभई आफूहरुको भोट खरेललाई दिने प्रतिबद्धता व्यक्त गरेका छन् ।
महिला मतदाताहरूले पनि खरेललाई पूर्ण विश्वासका साथ समर्थन गरेका छन् । उनीहरूले भने, ‘हामी आफ्ना परिवारका सबै सदस्यसँग मिलेर मीना खरेललाई मतदान गर्ने छौँ, किनकि उहाँ महिलाका अधिकारको पक्षमा सधैँ सक्रिय रहनुहुन्छ र हामी सबैका लागि समान अधिकारको पक्षधर हुनुहुन्छ ।’ युवा मतदाताहरूले पनि मीना खरेलको पक्षमा आफ्नो आवाज उठाउँदै भनेका छन्, ‘हामी यो पटक कुनै पार्टी र सोसियल मिडियाको पछाडि नभई काम गर्ने उमेदवारलाई समर्थन गर्नेछौँ । समाजिक मुद्दामा प्रतिबद्ध उमेदवार खरेललाई मात्र हाम्रो भोट दिनेछौँ ।’
कयौँ दिनदेखि लगातार घरदैलोमा खटिएकी नेतृ खरेलले आफू आजसम्म पनि थकान महसुस नगरेको बताइन् । अझ मतदाताहरुको आफूप्रतिको यो समर्थन र विश्वास देखेर थप ऊर्जा मिलेको उनले बताइन् ।
यसरी, मीना खरेलको अभियानमा जनताको समर्थन र विश्वास बढ्दो छ । उनका समर्थकहरूले अझै बलियो विश्वासका साथ भनेका छन् कि यसपटक मीना खरेलको जीत निश्चित छ । भरतपुर–१ मा रहेका विभिन्न समुदायका जनताले खरेललाई आफैँले गरेको काम र सङ्घर्षको कारण विश्वास गर्न थालेका छन् । त्यसैले, खरेलको जीत सुनिश्चित हुने सम्भावना बढ्दै गएको छ र यो अभियान अझ उत्साह र दृढताका साथ अघि बढिरहेको छ । जनताको विश्वास र समर्थनलाई ध्यानमा राख्दै खरेलले चुनावी प्रतिस्पर्धामा आफ्नो विजयको सम्भावना अझ सशक्त बनाइरहेकी छन् ।
–केशव भट्टराई
रत्ननगर । प्रतिनिधिसभा सदस्य निर्वाचनको मिति नजिकिएसँगै चितवन क्षेत्र नं १ मा कांग्रेसका तर्फबाट चुनावी प्रतिस्पर्धामा होमिएका उमेदवार राजेन्द्रप्रसाद बुर्लाकोटी प्रचारप्रसारमा व्यस्त छन् । रत्ननगर–११ र १२ मा घरदैलोमा पुगेका बुर्लाकोटीले वृद्धवृद्धाबाट आशीर्वाद थाप्दै यसपटक आफूले हार्ने छूट नभएकोले यस क्षेत्रको आमूल परिवर्तनका लागि जिताउन आग्रह गरे ।
उनले घरदैलोमा पुगेका अन्य नेताकार्यकर्तालाई भने, ‘तपाईंहरुले राजेन्द्र बुर्लाकोटीका लागि होइन, बदलिएको कांग्रेसका लागि मत माग्नुहोला । बदलिएको कांग्रेसले नै देश बदल्छ । त्यसका लागि युवानेता पार्टी सभापति गगनकुमार थापालाई प्रधानमन्त्री बनाउन हरेक क्षेत्रबाट कांग्रेसलाई विजयी गराउनुपर्छ ।’
उनी सकभर आफैँ उपस्थित भएर मतदाताको मन जित्ने प्रयास गरिरहेका छन् । उनी खेतबारीमा काम गरिरहेका किसान, तरकारी बारी, मठमन्दिर, विभिन्न उत्सव मनाइरहेकादेखि काजकिरिया बसेका मतदातासम्म पुग्न भ्याएका छन् । उनले कांग्रेसले भर्खरै सार्वजनिक गरेको भिजन–१० मा आधारित प्रतिज्ञापत्रबारे मतदातालाई बुझाउने प्रयास गरिरहेका छन् ।
पूर्वी चितवन खास गरी क्षेत्र नं १ विकासमा पछाडि परेको भन्दै आफू निर्वाचित भएमा मतदाताका अपेक्षा पूरा गर्ने प्रतिबद्धता उनले व्यक्त गरेका छन् । यहाँको भौगोलिक अवस्थाबारे नजिकबाट बुझेका र मतदाताका आशा र अपेक्षा महसुस गरेका उनले कृषि, पर्यटन, पूर्वाधार, मानव–वन्यजन्तु द्वन्द्व र भूमिहीनको समस्या समाधानका लागि यसपटक आफूलाई मत दिन आग्रह गरेका छन् ।
उनी भन्छन्, ‘म महिला, युवा, जेनजीका मुद्दाहरु सदनमा उठाउन सक्छु र सोहीबमोजिम बजेट ल्याएर यस क्षेत्रको परिवर्तन गर्न सक्छु ।’ आफू निर्वाचित भएपछि मतको सम्मान गर्ने र जनमतअनुरुप कामकारबाहीअगाडि बढाउने प्रतिबद्धता व्यक्त गरेका छन् ।
उनी भन्छन्, ‘म यही क्षेत्रमा आफ्नो अमूल्य समय खर्च गरिसकेको छु । जनताको दुःख–सुखमा सहयात्रा गरिरहेको छु । सुशासन मेरो पहिलो लक्ष्य हो । मलाई पैसा कमाउनु छैन । परिवार पाल्नु पनि छैन । र, व्यक्तिगत अभीप्सा पनि केही छैन । मलाई अन्तिमपटक मौका दिनुहोस् । भोटको गुन म विकास र समृद्धिमार्फत तिर्छु ।’
उनी तडकभडक र भीडयुक्त प्रचारशैलीमा विश्वास गर्दैनन् । सरल, शान्त र कूटनीतिक शैलीबाट मतदाताको विश्वास जित्न सकिन्छ भन्ने उनले बुझेका छन् । उनी भन्छन्, ‘मलाई तिलस्मी कुरा गर्न आउँदैन । पूरा गर्न नसक्ने एजेन्डा मेरो छैन । कसैलाई गाली गर्ने स्वाभाव पनि मेरो होइन । म जे बोल्छु त्यो गर्छु र जे गर्छु त्यो मात्र बोल्ने गर्छु ।’
मतदातालाई अन्योलमा पारेर होइन आफ्नो स्पष्ट मार्गचित्र प्रस्तुत गर्दै वृद्धवृद्धा, महिला, आदिवासी, जनजाति, युवा, जेनजी पुस्ताको मन जित्दै आएका बुर्लाकोटीले मतदाता भेट्दा आफू निकै उत्साहित रहेको बताएका छन् । भन्छन्, ‘चुनाव जित्ने सङ्केत मैले देखिसकेको छु । अहिले समाजमा माहोल पनि बुर्लाकोटीलाई यसपटक हेरौँ भन्ने छ । म सबै मतदाताप्रति निकै आशावादी छु ।’
क्षेत्रीय सभापति एवम् निर्वाचन परिचालन समितिका संयोजक किरणभूषण सिंह ओलीले आफ्नो अमूल्य मत खेर नफाल्न मतदातालाई आग्रह गर्दै स्वच्छ छवि भएका राजेन्द्र बुर्लाकोटीको पक्षमा मतदान गर्न कन्जुस्याइँ गर्न नहुने बताए ।
भरतपुर । फागुन २१ गते हुने प्रतिनिधिसभा निर्वाचनलाई लक्षित गर्दै चितवनमा क्षेत्रीय महिला भेला सम्पन्न भएको छ । निर्वाचनलाई लक्षित गर्दै चितवन निर्वाचन क्षेत्र नम्बर २ की उमेदवार मीना खरेललाई विजयी गराउने उद्देश्यका साथ क्षेत्रीय महिला भेला सम्पन्न भएको हो ।
भेलामा वक्ताहरूले निर्वाचनमा महिलाको सक्रिय र निर्णायक भूमिका आवश्यक रहेको जोड दिएका थिए । उनीहरूले मीना खरेललाई विकासप्रेमी, जनमुखी तथा सक्षम उमेदवारका रूपमा प्रस्तुत गर्दै आगामी निर्वाचनमा भारी मतले विजयी गराउन सबैलाई एकजुट भएर लाग्न आह्वान् गरे । उनीहरूले चितवन–२ को समग्र विकास, महिला सशक्तिकरण, शिक्षा, स्वास्थ्य तथा रोजगारी सिर्जनाका मुद्दालाई प्राथमिकतामा राखेर घरदैलो अभियानलाई तीव्रता दिने प्रतिबद्धता व्यक्त गरे ।
यस्तै, कार्यक्रममा नेपाली कांग्रेसकी केन्द्रीय सहमहामन्त्री डा. डिला सङ्ग्रौलाले चितवन क्षेत्र नं २ मा मीना खरेललाई अत्याधिक मतका साथ विजय गराउन आवश्यक रहेको बताइन् । ‘मीना दिदी महिला बालबालिकाको मात्रै आमा होइनन्, उनी समग्र देशको आमा हुन् । त्यसैले पनि चितवन २ मा मीना खरेललाई अत्यधिक मतका साथ विजय गराउन आवश्यक छ’, उनले भनिन्, ‘देशको चाबी खोल्नका समाजसेवी मीना खरेलले जित्नु आवश्यक छ ।’
यतिबेला कांग्रेसमा छुट्टै उत्साह र उमङ्ग छाएको छ । लामो समयपछि रुखमा भोट हाल्न पाउनु त्यसमा पनि मीना खरेललाई भोट हाल्न पाउने भएकाले पनि चितवन–२ मा छुट्टै रौनक छाएको छ । उनले भनिन्, ‘कांग्रेसको विकल्प कांग्रेस, लोकतन्त्रको विकल्प लोकतन्त्र, भएकाले देशको विकास गर्ने नै कांग्रेसले हो यसका लागि मीना खरेलजस्तो पात्र आवश्यक छ ।’ ‘उनी कांग्रेसले मात्रै नभएर युवा, महिला, बालबालिका, जेष्ठ नागरिक सबैले रुचाएकी पात्र हुन् । मीनाले हार्नु भनेको चितवनले मात्रै हार्ने होइन सम्पूर्ण देशले नै हार्ने हो । त्यसैले हामी अब एकजुट भएर लाग्नुपर्छ’, उनले भनिन् ।
उमेदवार खरेलले महिला शक्तिको साथ र विश्वास नै आफ्नो मुख्य आधार रहेको बताउँदै जनताको अपेक्षा पूरा गर्ने गरी काम गर्ने प्रतिबद्धता जनाइन् । उनले निर्वाचनलाई लोकतन्त्रको पर्वका रूपमा लिँदै शान्तिपूर्ण र सभ्य वातावरणमा मतदान सम्पन्न गराउन सबैलाई आग्रह गरिन् । भेलामा विभिन्न राजनीतिक दलका महिला नेतृ तथा कार्यकर्ताहरूको उल्लेखनीय सहभागिता रहेको थियो ।
भरतपुर । भरतपुर–७, कृष्णपुरमा रहेको अङ्कुरम् एकेडेमीले चितवन र नवलपुरका ५२ वटा पूर्वप्राथमिक विद्यालय (प्रिस्कुल) का ११० जना शिक्षक/शिक्षिकाहरूलाई प्रारम्भिक बालविकास तथा मन्टेश्वरी तालिम प्रदान गरेको छ । विद्यालयले ‘जीवनभरको सिकाइका लागि बलियो आधार निर्माणका लागि गुणस्तरीय प्रारम्भिक बालशिक्षा’ विषयक एकदिने तालिम दिइएको हो ।
पूर्वप्राथमिक विद्यालयका शिक्षकहरूलाई बालकेन्द्रित शिक्षण विधि बुझ्न, व्यवस्थित वातावरण निर्माण गर्न सक्षम बनाउन, मन्टेश्वरी सामग्रीको प्रभावकारी प्रयोग गर्न, बालअवलोकन र मूल्याङ्कन सीप विकास गर्न तथा बालबालिकाको सामाजिक तथा भावनात्मक विकासमा सहयोग गर्न सक्षम बनाउने उद्देश्यले तालिमको आयोजना गरिएको हो । पूर्वप्राथमिक विद्यालयकेन्द्रित कार्यक्रममा पाँचवटा माध्यमिक विद्यालयको पूर्वप्राथमिक तहमा अध्यापनरत शिक्षक सहभागी थिए ।
सिकाइ फाउन्डेसनकी अध्यक्ष, काठमाडौँ युनिभर्सिटी स्कुल अफ एजुकेसनकी लेक्चरर तथा चाइल्डहुड एजुकेसन इन्टरनेसन, वासिङ्टन डिसीसँग आबद्ध प्रशिक्षक डा. मीनाक्षी दाहाल मुख्य प्रशिक्षक रहेको तालिममा विभिन्न प्रयोगात्मक विधिको प्रयोग गरी प्रशिक्षण प्रदान गरिएको थियो ।
प्रशिक्षक डा. दाहालले ‘सुरक्षित–सुखद र बालकेन्द्रित सिकाइ निर्माण’, ‘बालबालिकाको सामाजिक–भावनात्मक र संज्ञानात्मक विकासमा सहयोग’, ‘समावेशी अभ्यासः विविधखाले सिकारुहरूलाई सहयोग’ र ‘सिकाइलाई देखिने बनाउन बालबालिकाको सिकाइको मूल्याङ्कन’ विषयमा प्रशिक्षण दिएकी थिइन् ।
बालबालिकाको शैक्षिक, सामाजिक, भावनात्मक र शारीरिक तथा समग्र विकासमा जोड दिँदै बाल्यकाल नै विकासको सबैभन्दा मह¤वपूर्ण चरण भएकाले यस अवधिमा उचित मार्गदर्शनको अपरिहार्यतालाई मनन गरी बालबालिकालाई भविष्यको असल नागरिक बनाउन आवश्यक शिक्षण प्रणालीका बारेमा तालिममा छलफल गरिएको विद्यालयकी निर्देशक सरला पौडेलले जानकारी दिइन् ।
विद्यालयका आवासीय निर्देशक नइम चौधरीले स्वागत तथा कार्यक्रमको लक्ष्यमाथि प्रकाश पार्दै सहभागीहरुलाई ऊर्जा प्रदान र सामूहिकताको महत्वबारे जानकारी गराएको कार्यक्रममा धन्यवाद मन्तव्य शिक्षिका प्रमिला खातीले गरेकी थिइन् । कार्यक्रममा विद्यालयका प्राचार्य सुमन पौडेलले विद्यालयको विगत, वर्तमान र भविष्यका योजनाबारे बोलेका थिए ।
रत्ननगर । नेपाली कांग्रेस चितवन–काठमाडौँ सम्पर्क समितिको आयोजनामा ‘सुशासन र युवा’ विषयक अन्तर्क्रिया कांग्रेस क्षेत्रीय कार्यसमिति खैरहनीमा सम्पन्न भएको छ । कार्यक्रममा कांग्रेसले प्रतिज्ञापत्रमा उल्लेख गरेबमोजिम चितवनको समग्र पूर्वाधार विकास र सुशासन कायम गर्न युवाको भूमिकाबारे दुई महत्त्वपूर्ण कार्यपत्र प्रस्तुत गरिएका थिए ।
कार्यक्रममा नेपाल इन्जिनियर्स एसोसिएसनका अध्यक्ष ई. सुवासचन्द्र बरालले चितवनको पूर्वाधार विकासको वर्तमान अवस्था र आगामी कार्यदिशाबारे ‘समुन्नतिको सेतु : चितवनको पूर्वाधार विकास अवधारणा’ विषयमा कार्यपत्र प्रस्तुत गर्दै चितवनलाई पर्यटन (सौराहा, मेघौली), कृषि तथा कृषिमा आधारित उद्योग (पोल्ट्री उत्पादन), उद्योग तथा व्यापार, र शिक्षा तथा स्वास्थ्य क्षेत्रको प्रमुख केन्द्रका रूपमा व्याख्या गरे ।
उनले सडक अव्यवस्था र ढिलाइ, बाढी र खडेरीको समस्या र अव्यवस्थित सहरीकरण चितवनका प्रमुख चुनौती रहेको कार्यपत्रमा औँल्याए । यस्तै, पूर्वाधार पुनर्संरचना र समाधानका लागि कार्यपत्रमार्फत् सडक सञ्जालको विस्तार (पूर्व–पश्चिम राजमार्ग विस्तार, भरतपुर चक्रपथ), मुग्लिन–नारायणगढ खण्डको उत्थानशील व्यवस्थापन र जलस्रोतको उचित व्यवस्थापन गर्नुपर्ने प्रस्ताव गरिएको छ ।
यसैगरी, नदीकिनार विकासका सन्दर्भमा बाढी नियन्त्रण र पर्यटन प्रवर्द्धनका लागि सौराहा–लोथर करिडोर, कयर खोला करिडोरजस्ता नदीकिनारमा इको–पार्कसहितका दिगो संरचना निर्माण गर्ने अवधारणा प्रस्तुत गरिएको थियो ।
नेपाली कांग्रेसको प्रतिज्ञापत्रमा उल्लेख भएबमोजिम नारायणी नदी आसपासको क्षेत्रलाई ‘ग्रेटर चितवन’ नमुना सहरका रूपमा विकास गर्ने र तटबन्धलाई वैकल्पिक सडकको रूपमा प्रयोग गर्ने योजनालाई पनि जोड दिइएको छ ।
यस्तै, शिक्षाविद् तथा ज्ञान व्यवस्थापन विज्ञ डा. कृष्णप्रसाद पौडेलले ‘सुशासन र युवा’ विषयमा प्रस्तुतीकरण दिए । उनले सुशासनको प्रत्याभूति गराउन र राष्ट्रनिर्माणमा युवाको अर्थपूर्ण सहभागिताबारे प्रकाश पारे ।
नेपालको कुल जनसङ्ख्याको ४२ दशमलव ५६ प्रतिशत युवा भए पनि उनीहरू बेरोजगारी, सीप अभाव र वैदेशिक पलायनजस्ता गम्भीर चुनौतीहरूको सामना गरिरहेको भन्दै डा. पौडेलले युवाको वर्तमान अवस्थाबारे कार्यपत्रमा उल्लेख गरेका छन् ।
नेपालमा प्रशासनिक ढिलासुस्ती, भ्रष्टाचार, राजनीतिक हस्तक्षेप र पारदर्शिताको अभाव सुशासन कायम गर्ने बाटोका मुख्य व्यवधानहरु भएको औँल्याउँदै डा. पौडेलले सुशासनमा युवाको भूमिकाबारे प्रकाश पारेका थिए ।
सार्वजनिक खर्च र सेवा प्रवाहमा निगरानी बढाउने र सूचनाको अधिकार प्रयोग गर्ने, भ्रष्टाचारविरुद्ध शून्य सहनशीलताको अभियान चलाउने र दबाब सिर्जना गर्ने, खुला डाटा र इ–गभर्नेन्सजस्ता प्रविधिको प्रवद्र्धन गर्ने, प्रमाणमा आधारित नीति निर्माणमा अनुसन्धान र सुझावमार्फत योगदान पुर्याउने काम युवाले गर्नुपर्ने उनले कार्यपत्रमा उल्लेख गरेका छन् ।
डा. पौडेलले २०४६ सालसम्म त्याग र निष्ठामा आधारित रहेको राजनीति २०५१ पछि पेसा र व्यवसायमा परिणत भएको बताए । उनले राजनीतिलाई पुनः सेवाभावमा फर्काउन युवाहरू सहभागी मात्र नभई परिवर्तनको नेतृत्वकर्ता बन्नुपर्ने कुरामा जोड दिए ।
अन्तर्क्रिया कार्यक्रमले चितवनको भौतिक पूर्वाधार विकासलाई सुशासन र युवा नेतृत्वको सशक्तिकरणसँग जोडेर अगाडि बढ्नुपर्ने निष्कर्ष निकालेको विपद् न्यूनीकरण विज्ञ मनबहादुर थापाले बताए ।
चितवन–काठमाडौँ सम्पर्क समितिका सभापति ऋषिश्वर थपलियाले सहजीकरण गरेको कार्यक्रममा नेपाली कांग्रेसका क्षेत्रीय सभापति एवम् निर्वाचन परिचालन समितिका संयोजक किरणभूषण सिंह ओलीले कांग्रेसले घोषणा गरेको भिजन–१० अवधारणा मतदातालाई बुझाउन जरूरी रहेको बताए । कांग्रेस मतदाताको घरदैलोमा पुग्दा वा मतदाता भेट्दा कांग्रेसका एजेन्डाहरु प्रष्टसँग राख्नसमेत नेताकार्यकर्ताहरुलाई आग्रह गरे ।
चितवन । आसन्न प्रतिनिधिसभा निर्वाचनमा आफ्नो समुदायको उमेदवार पाउँदा पश्चिम चितवनका गुरूङ समुदायहरु उत्साहित भएका छन् । आफ्नो समुदायको उमेदवार पाएसँगै गुरुङ समुदायमा उत्साह बढेको हो ।
शुक्रबार पश्चिम चितवनको ज्योतिनगरमा आयोजना गरिएको कार्यक्रममा बोल्ने वक्ताहरुले लामो समयपछि प्रतिनिधिसभा निर्वाचनमा आफ्नो समुदायको उमेदवार पाएको भन्दै खुसी व्यक्त गरेका हुन् । विश्वज्योति जुनेली आमा समाजको अगुवाइमा आयोजित कार्यक्रममा बोल्ने गुरुङ अगुवाहरुले आफ्नो समुदायको उमेदवार पाउँदा सबै एकजुट भएर लाग्न आह्वान् गरेका थिए ।
समाजका अध्यक्ष श्रीमाया गुरुङको अध्यक्षतामा सम्पन्न कार्यक्रममा बोल्दै स्थानीय दलबहादुर गुरुङले राजनैतिक दल भन्दा फरक तवरले आफ्नो समुदायलाई हेर्न जरूरी रहेको बताए । उनले भने, ‘हामीले विगत लामो समयदेखि प्रतिनिधिसभा निर्वाचनमा आफ्नो समुदायको उमेदवार पाएका थिएनौँ । अहिले अनुभवी राजनीतिज्ञ टेकप्रसाद गुरुङलाई पाएका छौँ सबै एकजुट भएर जिताउन आवश्यक छ ।’
गुरुङ समुदायमा देखिएको उत्साहले अब केही परिवर्तन हुने प्रदेश सभा सदस्य गीता गुरुङले बताइन् । उनले भनिन्, ‘अब हाम्रो समुदायसँगै यस क्षेत्रका जनताको भविष्य बदलिने छ ।’ समाज परिवर्तनका लागि राजनैतिक दलभित्र पनि समानुपातिक प्रतिनिधित्व आवश्यक रहेको भन्दै उनले गुरुङ समुदायको बाहुल्यता रहेको यस क्षेत्रमा राम्रो उमेदवार छान्न आग्रह गरिन् ।
कार्यक्रममा बोल्दै नेपाली कांग्रेसबाट प्रतिनिधिसभा सदस्य उमेदवार टेकप्रसाद गुरुङले नेपाली समाजमा देखिएका हरेक राजनैतिक घटनाको साक्षी रहँदै आएको भन्दै यसपटक यही समाजको समस्या समाधान गर्न आफूलाई विजयी गराउन आग्रह गरे ।
राजनीति कुनै सम्प्रदायका लागि नभई देश विकासका लागि भएकाले यस समुदायसँगै देशको विकासमा आफ्नो अतुलनीय योगदान रहने उनले बताए । पश्चिम चितवनको विकासका लागि आफूले कांग्रेसको राजनीतिमार्फत पु¥याएको सहयोगको मूल्याङ्कन गर्न रुख चिह्नमा मतदान गर्न आवश्यक रहेको उनले बताए ।
भरतपुर । अघिल्ला वर्षहरूमा झैँ यस वर्ष पनि आरम्भ कलेज पुनः चितवन प्रथम एवं चितवन द्वितीय हुँदै उत्कृष्ट नतिजा प्रदर्शन गर्न सफल भएको छ ।
शैक्षिक हबको रुपमा विकासित हुँदै गरेको चितवन जिल्लाको भरतपुरमा रहेको आरम्भ कलेजले स्थापनाको छोटो समयमा नै उत्कृष्ट नतिजा ल्याएर आफूलाई अब्बल कलेज साबित गरिरहेको छ । आरम्भ कलेजको बिएचएम (ब्याचलर अफ होटल म्यानेजमेन्ट) र बिआइटिएम (ब्याचलर अफ इन्फर्मेसन टेक्नोलोजी म्यानेजमेन्ट)तर्फ सेकेन्ड सेमेस्टर ९ब्याच २०२४० का तीन जना विद्यार्थीले उत्कृष्ट नतिजा ल्याउन सफल भएका छन् ।
आरम्भ कलेजले बिआइटिएमतर्फ चितवन जिल्ला प्रथम र जिल्ला द्वितीय तथा बिएचएमतर्फ जिल्ला द्वितीय स्थान हासिल गरेको छ । बिआइटिएमकी छात्रा सेजल खड्गी ३.८४ एसजिपिए ल्याई चितवन टपर हुन सफल भएकी छन् भने छात्र सौरभ पौडेल ३.७६ एसजिपिए ल्याएर चितवन सेकेन्ड टपर भएका छन् । यसैगरी, बिएचएमका छात्र सबिन श्रेष्ठ ३.८३ एसजिपिए ल्याएर चितवन सेकेन्ड टपर भएका छन् । कलेजका प्राचार्य सुरज शिवाकोटीले आरम्भ कलेज यसअघि त्रिविको बिएचएमतर्फ नेपाल पाँचौँ, नेपाल चौथो हुँदै नेपाल तेस्रो बन्न सफल भएको जानकारी दिए ।
त्रिभुवन विश्वविद्यालयबाट सम्बन्धन प्राप्त यस कलेजले व्यवस्थापन संकायतर्फ ब्याचलर अफ इन्फरमेसन टेक्नोलोजी म्यानेजमेन्ट (बिआइटिएम) र ब्याचलर अफ होटेल म्यानेजमेन्ट (बिएचएम) को पढाई सञ्चालन गरेको छ । गत वर्ष बिएचएमको पहिलो सेमेस्टरकोे परीक्षामा सबिन श्रेष्ठ ३.९८ एसजिपिएसहित चितवन जिल्ला प्रथम र त्रिवि तेस्रो भएका थिए । बिआइटिएमकी छात्रा सेजल खड्की अघिल्लो वर्ष पनि ३।८४ एसजिपिएसहित जिल्ला प्रथम भएकी थिइन् ।
कलेज स्थापनाको वर्ष पहिलो सेमेस्टरको परीक्षामा बिएचएमकी छात्रा ङवाङ बम्जन तामाङ ३।९२ एसजिपिए ल्याएर नेपाल पाँचौँ र चितवन प्रथम भएकी थिइन् । दोस्रो सेमेस्टरको परीक्षामा पनि उनले ३।९४ ल्याई नेपाल चौथो र चितवन दोस्रो भएकी थिइन् ।
उत्कृष्ट विद्यार्थीहरूको पहिलो रोजाई आरम्भ कलेज, अबको यात्रा गोल्डमेडलतिर
स्थापनाकालदेखिनै फरक शैली एवं उद्देश्यका कारण विद्यार्थी एवं अभिभावकको भर्ना एवं चासो प्रक्रिया हेर्दाखेरि पहिलो रोजाई आरम्भ भइरहेको देखिन्छ । चारवर्षे स्नातक तहको पाठ्यक्रममा आधारित बिएचएम र बिआइटिएम विषयमा वर्षका दुई सेमेस्टरका दरले कुल आठ सेमेस्टर पढाई हुने प्राचार्य शिवाकोटीले जानकारी दिए ।
माध्यमिक शिक्षा परीक्षा (एसइई) मा कम्तीमा डी ग्रेड (एक दशमलव आठ जिपिए) ल्याएका विद्यार्थीले १२ कक्षा सकेपछि सिम्याट परीक्षा उत्तीर्ण गरेर यस कलेजमा सहजै भर्ना हुन पाउने उनले बताए । कलेज स्थापनादेखि अहिलेसम्मको नतिजाले आफूहरु निकै उत्साहित भएको र अबको यात्रा आफ्ना विद्यार्थीलाई त्रिवि प्रथम बनाएर स्वर्णपदक दिलाउने रहेको प्राचार्य शिवाकोटीले बताए ।
उनले बिएचएमको अन्तिम वर्षका दुई वटा सेमेस्टरमा इन्टर्नसीपको व्यवस्था गरिएको र त्यस्तो इन्टर्नसीपका लागि अमेरिकामा ४३ वटा पाँचतारे होटेलसँग सहकार्य गरिरहेको कम्पनीसँग सहकार्य गरिरहेको नेपाली कम्पनीसँग आरम्भले सम्झौता गरिसकेको प्राचार्य शिवाकोटीले जानकारी दिए ।
आरम्भ कलेजको बिएचएमका विभागीय प्रमुख दीपेन्द्र सुवेदी कलेजले क्रमशः नतिजामा सुधार गर्दै त्रिवि प्रथम हुने दिशामा अगाडि बढिरहेको बताए । उनले अहिलेको नतिजाको क्रमलाई हेर्दा भावी दिनमा सहजै त्रिवि प्रथम हुने सम्भावना रहेको दाबी गरे ।
कलेजको बिआइटिएमका विभागीय प्रमुख झविलाल भुसालले कलेज स्थापनाको वर्ष, गत वर्ष र यस वर्ष बिआइटीएमका विद्यार्थीले जिल्ला प्रथम भएकाले भावी दिनमा त्रिविकै उच्च स्थानमा नतिजा ल्याउन सक्ने प्रशस्त सम्भावना रहेको बताए । उनले आरम्भ कलेजमा बिआइटीएमतर्फ त्रिविको पाठ्यक्रमका अतिरिक्त आर्टिफिसियल इन्टिेलिजेन्सी, साइबर सेक्युरिटी, मेसिन लर्निङलगायत विषयमा पढाइ भइरहेको विभागीय प्रमुख भुसालले जानकारी दिए ।
शैक्षिक नेतृत्व लिँदै आरम्भ कलेज
आरम्भ कलेजले त्रिभुवन विश्वविद्यालयबाट बिएचएमतर्फ ६६ र बिआइएमतर्फ ६६ गरी कुल १३२ जना विद्यार्थी पढाउन अनुमति पाएको छ । देशको मध्यभागमा रहेको चितवनको केन्द्र भरतपुरमा २०८० साल भदौ महिनाबाट आरम्भ कलेजले आफ्नो सेवा आरम्भ गरेको थियो । भरतपुर महानगरपालिका वडा नम्बर ११, नहरचोक नजिकै रहेको आरम्भ कलेजको स्थापना चितवनका पाँच र काठमाडौँका पाँच जना शिक्षाप्रेमीले २०७९ सालमा गरेका हुन् । कलेजको व्यवस्थापन र संचालनमा संलग्न व्यक्तिहरु दुई दशकभन्दा बढी शैक्षिक क्षेत्रमा काम गरिसकेका अनुभवी छन् । शिक्षकहरु पनि अनुभवी र ऊर्जावान छन् ।
व्यवस्थापन संकाय अन्तर्गतका बिआइटिएम र बिएचएम शैक्षिक कार्यक्रमले प्रविधि र होटल व्यवस्थापनमा विद्यार्थीहरुलाई पूर्णरुपमा योग्य, सक्षम र सफल तुल्याउने प्राचार्य शिवाकोटी बताउँछन् । उनले भने, ‘व्यावहारिक, सैद्धान्तिक र समयसापेक्ष अन्तर्राष्ट्रिय स्तरको सीप प्रक्षेपण गराई यस क्षेत्रका उद्योगहरुका लागि एक प्रमुख विकल्प बनाउने हुँदा यस संस्थाको समाजमा अलग पहिचान हुने र यसले चितवनको शैक्षिक नेतृत्व लिने कुरामा समेत हामी विश्वस्त छौँ ।’
उत्कृष्ट नतिजा, सन्तुष्ट अभिभावक
आरम्भ कलेजको परिचयलाई कलेजमा अध्ययनरत विद्यार्थीको उत्कृष्ट नतिजाले अझ फराकिलो बनाएको छ । आरम्भको यो स्तरको शैक्षिक प्राप्तिले अभिभावक पनि सन्तुष्ट छन् ।
आरम्भ कलेज सुरू भएकै वर्ष बिएचएम पहिलो सेमेस्टरको परीक्षामा कलेजकी छात्रा ङवाङ बम्जन तामाङले जिपिए ३।९२ ल्याएर जिल्ला टप गरिन् । देशैभरिमा उनले पाँचौँ स्थान हासिल गरिन् । यो प्राप्तिले आरम्भलाई उचाइमा पुर्याउने काम गरेको प्रिन्सिपल शिवाकोटी बताउँछन् ।
बिएचएम पहिलो सेमेस्टरमा आरम्भकी नेबिका मैनालीले जिपिए ३।९१ ल्याएर जिल्लामा दोस्रो स्थान हासिल गरिन् । उनकै ब्याचका ओजस्वी आचार्यले जिपिए ३।८१, अंगीता अधिकारीले जिपिए ३।७८, सन्ध्या गोलेले जिपिए ३।७५ र अर्सिया बानुले जिपिए ३।६९ ल्याएका छन् । यो नतिजाबाट अभिभावकहरू खुसी भएका छन् ।
सुविधासम्पन्न भवन
दस हजार वर्गफुटमा फैलिएको पाँचतले आरम्भ कलेजका सबै कक्षाकोठा पूर्ण वातानुकुलित छन् । दस हजार वर्गफुटकै अर्को भवन छ । कलेजमा सेमिनार हल, ल्याब र पुस्तकालय छन् । फुटसल, बास्केटबल र स्वीमिङ पुल निर्माणको योजना रहेको प्राचार्य शिवाकोटीले जानकारी दिए । इन्टर्नसिपका लागि स्थानीय र अन्तर्राष्ट्रिय तहमा पहल भइरहेको उनले बताए । उनले भने, ‘पढ्दै कमाउँदै भन्ने कलेजको लक्ष्य छ । अहिलेको समय सूचना प्रविधिसहितको व्यवस्थापनको हो । त्यसैले विद्यार्थीहरुसामु आरम्भ कलेज एउटा अवसरका रुपमा आएको छ ।’
आरम्भ कलेज संचालक समितिका अध्यक्ष सुरेन्द्र सुवेदी काठमाडौँ मोडल कलेजका प्राचार्यसमेत हुन् । आरम्भ कलेजले विद्यार्थीहरुलाई मनोवृत्ति, सीप र ज्ञानको सम्मिश्रणबाट शिक्षा दिने उनको दाबी छ । चितवनमा उच्चशिक्षा लिन चाहनेलाई काठमाडौँ वा विदेश जान नपरोस् भन्ने उद्देश्यले भरतपुरमा कलेज संचालनमा ल्याइएको अध्यक्ष सुवेदीले बताए । कलेजले शैक्षिक, नैतिक पक्षसँगै अतिरिक्त क्रियाकलाप अन्तर्गत विद्यार्थीहरुको बौद्धिक र शारीरिक विकासका लागि खेलकुद, साहित्य र सिर्जनात्मक कार्यक्रमहरु अगाडि सारेको उनले जानकारी दिए ।
सहकार्यमा जोड
आरम्भ कलेजले वडा, गाउँपालिका वा नगरपालिका वा महानगरपालिकासँगको सहकार्यमा जोड दिँदै छात्रवृत्तिको व्यवस्था गरेको छ । स्थानीय निकायले तोकेको छात्रवृत्तिलाई पूर्णरुपमा लागू गरिएको कलेजले जनाएको छ । स्वदेशमा नै प्रभावकारी शिक्षासँगै स्वरोजगारमा जोड दिन कलेज प्रतिबद्ध रहेको प्राचार्य शिवाकोटी बताउँछन् । कलेजले अभिभावकहरुसमक्ष पुगी सन्तानलाई विदेश पढ्न पठाउँदा हुने मानसिक तनावविरुद्ध परामर्श दिँदै आएको उनले बताए । कलेजले बिएचएम र बिआइएममा अध्ययनरत विद्यार्थीका लागि विशिष्टीकृत ल्याबको व्यवस्था गरेको एवं विद्यार्थीहरुलाई विषयगत तालिम तथा प्रशिक्षण दिँदै आएको कलेजले जनाएको छ ।
चितवन जिल्ला स्वास्थ्य तथा पर्यटनको हब बन्दै गइरहेको सन्दर्भमा अबका दिनमा यसलाई शैक्षिक हबका रुपमा विकास गरिनु पर्ने सोचका साथ आरम्भ कलेजले सरोकारवाला रोजगारदाता संघसंस्थाहरुसँग साझेदारी कायम गर्दै आएको छ । हालसम्म आरम्भ कलेजले आइडिया स्टुडियो, लिड एक्स नेपाल, फोर्थ भ्याली कन्साइज र रोबोटिक एसोसिएसन अफ नेपालसँग साझेदारी गरिएको प्राचार्य शिवाकोटीले जानकारी दिए । ‘आरम्भ कलेजले चितवनलाई आइटी हब र पर्यटकीय हब बनाउने कुरामा सहयोग पुर्याइरहेको छ’ उनले भने ।
फरक शिक्षा प्रणाली
वातानुकुलित कक्षामा रहेका विद्यार्थीलाई डिजिटल बोर्डमा पाठ्यसामग्री प्रस्तुत गरेर पढाउँदै आएको आरम्भ कलेजले टाढाबाट आउने विद्यार्थीलाई मध्यनजर गर्दै बसको व्यवस्था मिलाएको छ । बिहानको समयमा पढाई संचालन गरिने भएकोले दिउँसो काम गर्न चाहने विद्यार्थीहरुलाई आयआर्जनको लागि विषयगत संघसंस्थाहरुमा जोड्ने प्रयत्नस्वरुप ‘पढ्दै कमाउँदै’ भन्ने नारा तय गरिएको कलेजले जनाएको छ ।
कलेजमा आरम्भ इन्नोभेसन हब संचालनमा आएको छ, जहाँ विद्यार्थीहरुले १३ वटा समूह गठन गरी पढाइलाई बल पुग्ने विभिन्न कार्यक्रम गर्दै आएका छन् । विगतका दिनमा आरम्भ आइडिया स्टेसन अन्तर्गत सेफ सन्तोष साहलाई आरम्भ कलेजको ब्राण्ड एम्बेस्डर घोषणा गरी एकदिने कार्यक्रम गरिएको थियो । आरम्भ इन्टरप्रेनर्स फोरम अन्तर्गत चितवन उद्योग संघसँगको सहकार्यमा ‘क्रिएटिङ स्टार्टअप कल्चर’ विषयक कार्यक्रम गरिएको थियो ।
भरतपुर । चितवन क्षेत्र नम्बर ३ बाट तारा चिन्ह लिएर उम्मेदवारी दिएकी रेनु दाहालले आफूले जितेपछि चितवनलाई देशकै राजधानी बनाउने अठोट व्यक्त गरेकी छन् । आज नेपाली कम्युनिस्ट पार्टी चितवन क्षेत्र नम्बर ३ ले भरतपुर ९ को धारेचोकमा आयोजना गरेको विविध सांस्कृतिक कार्यक्रममा बोल्दै उनले उक्त प्रतिबद्धता व्यक्त गरेकी हुन्।
सो अवसरमा दाहालले आफूले जितेपछि चितवनलाई आर्थिक विकासको केन्द्र, रोजगारीको अवसरको स्थल र व्यापारिक केन्द्र बनाउने अठोट समेत व्यक्त गरेकी छन् । आफू भरतपुर महानगरमा नौ वर्षसम्म मेयरको रुपमा काम गर्दा ठुलठुला विकास निर्माणका परियोजनाहरू सम्पन्न गरेको र बाँकी अधुरा योजनाहरू पनि जनताले जिताएर पठाएपछि सङ्घीय संसदबाटै बजेट विनियोजन गरी पूरा गर्ने प्रतिबद्धता पनि व्यक्त गरिन् ।
भरतपुर महानगरमा मेयर हुँदा भरतपुरमा ६ लेन सडक निर्माण, सिटीहल निर्माण, एक हजार ८८ किलोमिटर सडक कालोपत्रे लगायतका थुप्रै विकास निर्माणका कामहरू सम्पन्न गरेको चर्चा गर्दै रेनु दाहालले अधुरा रहेका योजना पूरा गर्ने वचनबद्धता व्यक्त गरिन् ।
आफ्नै कार्यकालमा भरतपुर एयरपोर्टको विस्तार, टर्मिनल भवन निर्माण ,नारायणी नदीमा सिक्नेचर ब्रिज, गौतम बुद्ध अन्तर्राष्ट्रिय रङ्गशाला निर्माणका कार्य अगाडि बढेको चर्चा गर्दै विकासप्रेमी नेत्री रेनुले भनिन् बाँकी काम पूरा गर्न मेरो उम्मेदवारी हो, चितवनलाई अझै गुन लगाउन बाँकी छ र जनतालाई अझै न्याय दिनुपर्नेछ ।
बजार क्षेत्रको ढललाई दीर्घकालीन समाधान गर्न आफ्नै कार्यकालमा डिपिआर र इआइए पूरा भएको बताउँदै तारा चिन्ह लिएर क्षेत्र नम्बर ३ बाट उम्मेदवार बनेकी रेनु दाहालले जनताले जिताएर पठाएमा ३ अर्बको ढल निकासको परियोजना पूरा गर्ने प्रतिबद्धतासमेत व्यक्त गरेकी छन् । महानगर प्रमुख हुँदा पनि जनताको सुख दुःखको साथी भएर काम गरेको चर्चा गर्दै रेनुले अब पनि जनताको सेवक भएर काम गर्ने अठोट व्यक्त गरेकी छन्।
कार्यक्रममा नेपाली कम्युनिस्ट पार्टीका केन्द्रीय सदस्य चित्रबहादुर श्रेष्ठले पनि मन्तव्य व्यक्त गरेका थिए । कार्यक्रममा कलाकार भूमिका गिरी, सरिता गुरुङ, पवित्रा यात्री र नवीन खड्का लगायतका राष्ट्रिय तथा स्थानीय कलाकारहरूले विविध सांस्कृतिक प्रस्तुति दिएका थिए । कलाकारले गुन्जाएको गीत संगीतमा रेनु दाहालसँगै स्थानीय जनताहरू पनि छमछमी नाचेका थिए ।
चितवन । फागुन २१ गते हुने प्रतिनिधिसभा निर्वाचन नजिकिँदै जाँदा देशैभर चुनावी माहोल तातिरहेको छ। उम्मेदवारहरूलाई मतदाताहरुको घर-घरमा पुगेर भोट माग्न भ्याईनभ्याई छ। निर्वाचन नजिकिँदै जाँदा चितवन क्षेत्र २ राष्ट्रिय राजनीतिको केन्द्रबिन्दु बनेको छ। यस क्षेत्रमा राष्ट्रिय स्वतन्त्र पार्टीका सभापति रवि लामिछाने र नेपाली कांग्रेसकी उम्मेदवार मिना खरेल बीच कडा प्रतिस्पर्धा देखिएको छ।
विगत निर्वाचनमा उल्लेखनीय मतसहित विजयी भएका लामिछाने यसपटक आफ्नो प्रभाव कायम राख्ने दाउमा छन् भने कांग्रेस नेतृ खरेलले संगठनात्मक बल, पुरानो जनाधार र स्थानीय सक्रियताका आधारमा बलियो चुनौती प्रस्तुत गरिरहेकी छ्न् ।
दुवै उम्मेदवारले घरदैलो अभियानलाई तीव्र बनाएका छन्। टोल–टोलमा पुगेर मतदातासँग प्रत्यक्ष संवाद गर्ने, स्थानीय मुद्दा सुन्ने र समाधानको प्रतिबद्धता जनाउने क्रम बढिरहेको छ। लामिछानेले सुशासन, पारदर्शिता र नयाँ राजनीतिक संस्कारलाई आफ्नो मुख्य एजेन्डा बनाएका छन्। उनले तर्क छ—“राजनीतिमा पुरानो अभ्यास तोड्दै परिणाममुखी काम गर्नुपर्छ।”
यता खरेलले भने कांग्रेसको दीर्घकालीन संगठन, अनुभव र विकासको निरन्तरतालाई प्राथमिकता दिँदै मत मागिरहेकी छ्न् । उनले स्वास्थ्य, शिक्षा, सडक पूर्वाधार र महिला सशक्तीकरणलाई आफ्नो प्रमुख एजेन्डा बनाएकी छ्न् ।
लामिछानेमाथि सहजै जीत हात पार्ने मीनाको दाबी छ ।आफू नयाँ र स्थानीय स्तरमा भिजेको उम्मेदवार भन्दै खरेल चितवन २ का मतदाताले आफूलाई जिताउनेमा ढुक्क देखिएकी छन् । उनले भनिन्, ‘मतान्तर मात्रै घटाउने होइन, यो पटक नेपाली कांग्रेससँग रिसाएका मतदाता, शुभेच्छुक पनि हामी स्थानीय उम्मेदवारलाई जिताउँछौँ भन्नेमा पुगिसक्नुभएको छ । त्यसैले मैले जित्ने निश्चित छ ।’
खरेल चितवनमा नै जन्मिएर ४० वर्षयता निरन्तर चितवनमा यौन हिंसा नियन्त्रण सञ्जाल नै बनाएर हिंसा प्रभावित महिला र बालबालिकाको न्यायको अगुवाइ पनि गरिरहेकी छन् ।आफू चितवन २ को २८ वटै वडाका क्षेत्रका समस्यासँग जानकार रहेको उनी बताउँछिन् । शिक्षा, स्वास्थ्य तथा सामाजिक सुरक्षा अहिलेको मूल आवश्यकता भएको भन्दै उनले भनिन्, ‘दुई पटकसम्म निर्वाचन जितेका सांसदबाट अलिकति पनि विकास बजेट नपरेकोमा स्थानीय दुःखी छन् । म संसदमा कानून बनाउने मात्रै होइन स्थानीय विकास आवश्यकता पूरा गर्न समन्वयकारी भूमिका पनि खेल्न सक्छु ।’
उनले नेपाली कांग्रेसका क्रियाशील सदस्य मात्रै नभएर यसअघि निष्क्रिय रहेका सदस्य पनि आफ्नो उम्मेदवारीपछि पुनःजागृत भएको दाबी गरिन्। आफ्नै चुनाव चिन्हमा मत हाल्न सक्ने वातावरण भएका कारण पनि मतान्तर कम गराएर जित्न सहयोग गर्ने मीनाको तर्क छ । चितवन २ मा जितेका उम्मेदवार रवि लामिछानेले यसअघि नागरिकसँग भएका अपेक्षा र उत्साहलाई सम्बोधन गर्न नसकेको उनको टिप्पणी छ। अधिकांश नेता(कार्यकर्ता आ(आफ्नो पार्टीमा फर्किएको कारण पनि आफू जित्ने दाबी उनको छ।
कांग्रेस नेताहरूका अनुसार यसपटक पार्टीभित्र देखिएको एकताले पनि मीना खरेलको मत बढ्ने अनुमान गरिएको छ । ‘पार्टीभित्र एकता देखिएको छ। यसपटक सबै क्षेत्रमा रुखमै भोट हाल्न पाउने स्थिति बनेको छ,उम्मेदवार खरेल त चितवन–२ को नतिजा नै उल्ट्याउने दाबी गर्छिन् ।
‘जेनजी युवाहरूको भावना सम्बोधन गर्ने पार्टी कांग्रेस हो । भावी प्रधानमन्त्री गगन थापाले परिवर्तन भएको सन्देश दिइसक्नुभएको छ,’ खरेलले भनिन्, ‘म आफैँले पनि विगतमा गरेका कामहरू जनताले देख्नुभएको छ। मैले जित्ने पक्का छ ।’
स्थानीय मतदाताबीच उत्साह र चासो दुवै देखिएको छ। मतदाताले नयाँ राजनीतिक शक्ति र फरक शैलीको नेतृत्वलाई प्राथमिकता दिनुपर्ने धारणा राखेका छन् ।
मिना खरेलले वर्षौंदेखि अनाथका लागि आमा, पीडित र दुःखीका लागि भरोसायोग्य सहारा, समाज रुपान्तरणको दृढ र अनुकरणीय खम्बाको रूपमा परिचित समाजसेवामा आफ्नो जीवन समर्पित गर्दै आएकी छन् । शिक्षा, स्वास्थ्य, विपन्न सहयोग र सामाजिक न्यायका क्षेत्रमा उनले पुर्याएको योगदानका कारण चितवनवासीको मनमा विशेष स्थान बनाउन सफल भएकी छन्।
समाजका लागि निस्वार्थ भावले समर्पित जीवन बिताएकी यस्ती उम्मेदवारलाई मतदानमार्फत सम्मान गर्ने अठोटका साथ चितवनका मतदाता उत्साहपूर्वक जुटिरहेका छन्। “सेवा, समर्पण र परिवर्तन”को स्पष्ट दृष्टिकोण बोकेकी मिना खरेललाई विजयी गराई चितवनलाई सकारात्मक दिशामा अघि बढाउने दृढ संकल्प जनतामा देखिएको छ।
दुई पटकसम्म चितवन २ बाट निर्वाचित भएका रवि लामिछानेको विकल्पमा मतदाताले भने यसपाली मिना खरेललाई लिएका छन्। एक स्थानिय मतदाता भन्छिन्, जनताको हरेक दुःख सुखमा साथ दिने जनतालाई परेको समस्याको समाधान गर्न सक्ने चितवनको छोरी, स्थानीय उम्मेदवार मिना खरेल हो। हामीले उहाँलाई नै जिताउनुपर्छ । लोकप्रियता होइन, वास्तविक योगदान दिने पात्र नै चितवन २ का लागि मिना दिदी हो ।
त्यसकारण पनि यसपाली जनताहरुले स्थानीय नेतालाई चुन्ने निर्णय गरेका छन्। जसमा मतदाता स्थानीय उम्मेदवारलाई जिताउने तरखरमा छन्। उनिहरु भन्छ्न्, विगतमा हामीले घन्टी घन्टी भन्दै रवि लामिछानेलाई भोट हाल्यो तर सो क्षेत्रको कुनै पनि विकास भएको छैन । निमुखा, गरिब, सुकुम्बासी भएको बस्तीमा परेका समस्याको समाधान हुन सकेको छैन ।
खैरहनी । नेपाली कांग्रेसका केन्द्रीय सदस्य जीतनारायाण श्रेष्ठले चितवनको १ नम्बर क्षेत्र कांग्रेसको गढका रुपमा स्थापित गर्नेगरी लाग्न थारु समुदायलाई आग्रह गरेका छन् ।
नेपाल थारु संघ चितवन क्षेत्र नं १ ले आयोजना गरेको बृहत् थारु भेला तथा उमेदवार भेटघाट कार्यक्रममा बोल्दै उनले थारु र कांग्रेसको सम्बन्ध पुरानो रहेको भन्दै चितवनमा थारु अगुवाले कांग्रेसको नेतृत्व गरिसकेको र मेयर र सांसद् बन्न सक्ने थुप्रै महिला र युवाहरु रहेकाले बदलिएको कांग्रेसले सम्बोधन गर्ने बताए ।
बदलिएको कांग्रेसले वडादेखि सांसद्सम्म थारु समुदायलाई अवसर प्रदान गर्ने बताउँदै यसपटक राजेन्द्रप्रसाद बुर्लाकोटीलाई चुनाव जिताउन आग्रह गरे ।
चितवन १ का प्रतिनिधिसभा सदस्य उमेदवार राजेन्द्रप्रसाद बुर्लाकोटीले आफू सदनमा गएपछि निःशुल्क औषधि उपचारको ग्यारेन्टी गर्ने बताए । कांग्रेसले ‘भिजन टेन’ नारामा आधारित प्रतिज्ञापत्र सार्वजनिक गरेको बताउँदै कांग्रेसले नै देशलाई समृद्धिको दिशामा लैजाने विश्वास व्यक्त गरे ।
सम्मानित भएर बाँच्न पाउने नेपाल, सपना देख्न सक्ने नेपाल, सम्पत्ति र रोजगारी सृजनालाई प्रोत्साहन गर्ने नेपाल, पेटभरि खुवाउने, देशलाई चिनाउने किसानको नेपाल, ओखती र ओत दिने नेपाल, छोराछोरी पढाउन आर्थिक भार नपर्ने नेपाल, बेथिति र हैरानीमुक्त विधिको शासन भएको नेपाल, मौलिकतामा गर्व गर्ने आधुनिक नेपाल, विश्वले सम्मान गर्ने स्वाभिमानी नेपाल र समुन्नतिमा लम्किने नेपाल निर्माणका लागि कांग्रेसलाई जिताउनुपर्ने उनको भनाइ थियो ।
कार्यक्रममा वरिष्ठ थारु नेता राजेन्द्रकुमार चौधरी, चन्द्रविक्रम चौधरी, कार्यक्रमका सभापति मनोज चौधरी, थारु महिला नेतृ चन्द्राकुमारी चौधरी, बबिताकुमारी चौधरी, जोखा चौधरी, टिकेन्द्र चौधरीलगायतले थारु संघ र समग्र थारु समुदायले कांग्रेस उमेदवार राजेन्द्र बुर्लाकोटीलाई विजयी गराउने प्रतिबद्धता व्यक्त गरे ।
काठमाडौँ । आइसिसी टी-२० विश्वकप २०२६ अन्तर्गत आफ्नो चौथो खेलमा नेपालले स्कटल्याण्डलाई पराजित गरेको छ ।
भारतको मुम्बईस्थित वानखेडे स्टेडियममा आज भएको खेलमा नेपालले स्कटल्याण्डलाई सात विकेटले पराजित गरेको हो । नेपालले विश्वकपमा १२ वर्षपछि जित हासिल गरेको हो । यसअघि सन् २०१४ मा बङलादेशमा भएको विश्वकपमा नेपालले हङकङ र अफगानिस्तानलाई पराजित गरेको थियो ।
स्कटल्याण्डले जितका लागि दिएको १७१ रनको लक्ष्य पछ्याएको नेपालले १९.२ ओभरमा ३ विकेट गुमाएर पूरा ग¥यो । नेपालको जितमा दीपेन्द्र सिंह ऐरीले अर्धशतक प्रहार गरे । उनले २३ बलमा ४ चौका र ३ छक्का प्रहार गर्दै अविजित ५० रन जोडे । त्यस्तै गुल्सन झाले अविजित २४ रन जोडे ।
ओपनर कुशल भुर्तेलले ३५ बलमा १ चौका र ४ छक्काको मद्दतमा ४३ रन बनाए भने ओपनर आसिफ शेखले २७ बलमा २ छक्का प्रहार गर्दै ३३ रन बनाए । कप्तान रोहित पौडेलले १६ रन जोडे ।
बलिङमा स्कटल्याण्डका माइकल लिस्कले तीन विकेट लिए । टस हारेर पहिला ब्याटिङको निम्तो पाएको स्कटल्याण्डले निर्धारित २० ओभरमा सात विकेट गुमाउँदै १७० रनको योगफल बनाएको थियो ।
स्कटल्याण्डका लागि ओपनर माइकल जोन्सले अर्धशतक प्रहार गरे । उनले ४५ बलमा आठ चौका र ३ छक्काको सहयोगमा ७१ रनको योगदान दिए । जर्ज मुन्सेले २७ र ब्राण्डन म्याकमुलेनले २५ रन जोडे ।
बलिङतर्फ नेपालका सोमपाल कामीले ३ विकेट लिए भने नन्दन यादवले २ विकेट लिए । रोहित पौडेल र कुशल भुर्तेलले समान १/१ विकेट झारेका थिए ।
चितवन । फागुन २१ गते हुने प्रतिनिधिसभा निर्वाचन नजिकिँदै जाँदा नेपाली कांग्रेस चितवन क्षेत्र नम्बर २ की उम्मेदवार मीना खरेलको पक्षमा माहोल तातेको छ । भरतपुर महानगरपालिका–७ मा भएको घरदैलो अभियानमा मीना खरेलको पक्षमा बढ्दो जनसमर्थन देखिएसँगै नेपाली कांग्रेसका कार्यकर्ताहरू उत्साहित देखिएका छन्।
बिपीको योगदानको स्मरण गर्दै क्यान्सर अस्पतालमा बिपीको सालिकमा माल्यार्पण गर्दै भरतपुर–७ मा भएको घरदैलो अभियानमा मीना खरेलप्रति देखिएको समर्थन र कांग्रेस कार्यकर्ताहरूको उत्साहले चुनावी सरगर्मी थप चुलिएको छ। घरदैलो अभियानमा यतिबेला कांग्रेसमा छुट्टै उत्साह र उमङ्ग छाएको छ ।
फागुन २१ को निर्वाचनको लागि निर्धारित औपचारिक प्रचारप्रसारको अवधि हिजो सोमबारबाट सुरु भएको छ । तर, पनि खरेलले आफ्ना एजेण्डा लिएर मतदाताको घरदैलोमा जाने क्रम यसअघि पनि भइरहेको थियो । उनले चितवन क्षेत्र नं २ अन्तर्गतका विभिन्न वडा, विभिन्न टोल, विभिन्न गाउँ र घरघर पुगेर मतदातासँग प्रत्यक्ष संवाद गरिरहेकी छन्।
घरदैलोको अभियानमा स्थानियबासीहरुले महिला स्वास्थ्य, शिक्षा, रोजगारी र अधिकारका विषयमा निरन्तर आवाज उठाउँदै आएकी नेतृका रूपमा खरेललाई प्रस्तुत गर्दै महिलाको प्रतिनिधित्व सुदृढ बनाउन उनको विजय आवश्यक रहेको बताएका छन् । स्थानीय बासिन्दाहरूले पनि यसपटक विकासमुखी एजेन्डालाई प्राथमिकता दिने बताएका छन्। “वडाको समग्र विकास र सुशासन हाम्रो मुख्य चाहना हो,” एक स्थानीय मतदाताले प्रतिक्रिया दिए ।
उम्मेदवार मीनाकुमारी खरेलले आफू सधैँ महिला, बालबालिका, विपन्न तथा सीमान्तकृत समुदायको पक्षमा काम गर्दै आएको उल्लेख गर्दै जनताको विश्वासलाई सधैं सम्मान गर्ने प्रतिबद्धता व्यक्त गरिन् ।
नागरिकको आवाज संसदमा मजबुत रूपमा उठाउन, कानुन निर्मार्ण गर्न मैले उम्मेद्वारी दिएकी हुँ उनले भनिन्। मतदाताहरूबाट यति धेरै माया र साथ पाएको छु। यही माया र साथले गर्दा नै मैले विजयी भएको अनुभूतिसमेत गरेकी छु। खरेलले भनिन्।
भरतपुर । फागुन २१ गते हुने प्रतिनिधिसभा निर्वाचन नजिकिँदै जाँदा चितवनको ३ नम्बरमा क्षेत्रमा ताराको पक्षमा माहोल देखिएको छ ।
भरतपुर महानगरकी निवर्तमान प्रमुखसमेत रहेकी रेनु दाहाल नेपाली कम्युनिस्ट पार्टीको तर्फबाट तारा चिह्न लिएर चुनावी मैदानमा छन् । यही क्षेत्रमा रास्वपाकी सोविता गौतम, नेपाली कांग्रेसका टेकप्रसाद गुरुङ प्रतिद्वन्द्वी छन् । त्यसो त यही क्षेत्रमा अघिल्लो निर्वाचनमा जितेको राप्रपाबाट दीपक थापा र नेकपा एमालेबाट शंकर थपलियाको पनि उमेदवारी छ ।
फागुन २१ को निर्वाचनको लागि निर्धारित औपचारिक प्रचारप्रसारको अवधि सोमबारबाट सुरु भएको छ । तर, पनि उमेदवारहरु आफ्ना एजेन्डा लिएर मतदाताको घरदैलोमा जाने क्रम यस अघि पनि भइरहेको थियो ।
गाउँ–गाउँ पुगेर मतदातासँग प्रत्यक्ष संवाद गरिरहेकी तारा चिह्नबाहक उमेदवार रेनु दाहाल आफू महानगर प्रमुख हुँदा गरेको विकास निर्माणको काम जस्तै संघीय संसद् भएपछि निभाउनुपर्ने भूमिकामा कत्ति पनि कमी हुन नदिने प्रतिबद्धता जनाउँदै आएकी छन् ।
भरतपुर महानगरको सडक सञ्जाल, निकुञ्ज किनारको बस्तीमा गरिएको मेसजाली फाउन्डेसन लगायत नारायणी नदी तटबन्धजस्ता ठूला योजना पार्न र ती योजनाको काम सम्पन्न गर्ने विषयमा उनले गरेको पहलकदमीको खुलेर प्रसंसा पाएकी छन् । उनले पनि महानगर प्रमुखमा रहँदा आफुले आमनागरिक र आफ्नो टिमबाट पाएको सहयोग र समर्थन आगामी दिनमा पनि रहने विश्वास व्यक्त गर्दै तारा चिह्नमा मत मागेकी छन् ।
यो निर्वाचन क्षेत्रमा भरतपुर महानगरपालिकाका १९ र माडी नगरपालिकाका नौ गरि २८ वडाहरु छन् । कुनै पनि वडा नछुटाउने गरी घरदैलो अभियान तय गरिएको रेनु दाहालको चुनावी सचिवालयले जनाएको छ ।
मतदातामाझ हाइहाइ पाइरहेकी दाहालले मतदातामाझ आफूले महानगरको नौवर्षेे नेतृत्व र निभाएको भूमिकालाई भोट बैंकको रुपमा प्रयोग गरेकी छन् । हुन पनि महानगरको जिम्मेवारीमा गरेको कामले उनी चितवन मात्र नभएर देशविदेशमा समेत हाइहाई कमाइसकेकी छन् । विकासवादी मेयरको पदवी पाएकी छन् ।
उनी चुनावमा आफ्नो जीत हुनेमा पूर्ण आशावादी छन् तर पनि भन्छिन, ‘हिजो म महानगर प्रमुख हुँदा कार्यकारी भूमिकामा थिंए । अबको चुनाव पछि हारे पनि जिते पनि मेरो भूमिका भनेको कार्यकारी भन्दा पनि आम नेपालीको हितमा ऐन नियम कानुन बनाउने र त्यसको कार्यान्वयनमा सहयोगी भूमिका निर्वाह गर्ने हो । म तपाईंहरुको हितको लागि जुनसुकै बेला तयार छु ।’
जिल्लाको बस्तुस्थितिबारे आफू नयाँ र नौलो अनुहार नभएको बताउँदै उनले भनिन्, ‘यहाँका समस्या भनेको निकुञ्ज पीडितको स्थायी समाधान, सुकुमबासीलाई लालपुर्जा, प्राविधिक शिक्षाजस्ता विषयले मह¤व राख्छ । कृषि, पर्यटन र शिक्षाका मुद्दालाई पनि कम आकलन गर्न मिल्दैन ।’
देशको समृद्धिसँग जोडिएको शिक्षा, स्वास्थ्य र रोजगारीका विषय देशभरकै समस्या हुन् । निकुञ्ज ऐनको कारण चितवनको विकास र निकासमा परेको समस्या समाधानको लागि ऐनमा संसोधन आवश्यक रहेको उनले बताइन् । यी र यस्ता समस्यामा नीतिगत तहमै निर्णय हुनुुपर्ने उनको जोड छ । त्यसका लागि आफूले तत्कालीन र दीर्घकालीन योजना बनाएर अगाडि बढ्ने उनले बताइन् ।
चितवन । अन्तरराष्ट्रिय बाल क्यान्सर दिवसका अवसरमा बिपी कोइराला मोमोरियल क्यान्सर अस्पतालले बालबालिकासँग चेतनामूलक एवं सिर्जनात्मक कार्यक्रम गरी मनाएको छ । अस्पतालले बालबालिका र उनीहरुको अभिभावकलाई बाल क्यान्सरको बारेमा जानकारी गराएको हो ।
अस्पतालका उपनिर्देशक डा उमेश नेपालका अनुसार अस्पतालले तीन दिनसम्म विभिन्न कार्यक्रम गरेर बाल क्यान्सर दिवस मनाएको हो । कार्यक्रम अन्तर्गत महिला सामुदायिक स्वास्थ्य स्वयंसेविकालाई बाल क्यान्सरसम्बन्धी तालिम, अभिभावकसँग समस्या र समाधानका विकल्प विषयक छलफल र बालबालिकाको विशेष समारोह गरी बाल क्यान्सर दिवस मनाइएको हो ।
सो अवसरमा चित्रकला प्रतियोगितासमेत गरिएका थियो । अस्पतालको वार्डमा रहेका बालबालिकालाई मास्क, सेनिटाईजर, कापी कलम, रङ्, प्रोटिनयुक्त खाना र पानीका बोतल जस्ता सामग्री वितरण गरिएको थियो । कार्यक्रममा अस्पतालमा उपचाररत बालक प्रेश्टा श्रेष्ठ र उनका अभिभावकले अस्पतालमा आफ्नो उपचार र भोगाइका बारेमा बोलेका थिए ।
सो अवसरमा अस्पतालका वरिष्ठ कन्सल्टेन्ट पिड्यिाट्रिक हेमाटो अङ्कोलोजिस्ट डा कृष्णसागर शर्माले समायमानै रोग पहिचान भए उपचारबाट धेरै रोग निको पार्न सकिने बताए । उनले भने, “समायमानै सचेत भएर उपयुक्त उपचार गर्न सके रोग निको पार्न सकिन्छ ।”
चितवन। विश्वशान्तिका लागि पदयात्राको क्रममा यहाँ आइपुगेको बौद्ध भिक्षु (भन्ते)हरुको टोली लुम्बिनीतर्फ लागेको छ।
आइतबार ४ः४५ बजे भरतपुरको महाबौद्ध गुम्बा तीनखोले आइपुगेको २५ जना भिक्षुको टोली आज बिहान नारायणगढको पुलचोक हुँदै गैँडाकोटको बाटोबाट लुम्बिनीतर्फ लागेको हो।
थाइल्यान्डबाट सुरू गरेको यात्रा ५२ दिनपछि आइतबार चितवन आइपुगेको थियो। आज ५३ औँ दिनमा यहाँबाट लुम्बिनीतर्फ लागेको हो। बौद्ध धर्म सेवा समिति तिनखोलेले उहाँहरुलाई आइतबार स्वागत गरी गुम्बामा राखेको थियो। समितिका अध्यक्ष दलबहादुर गुरुङ्का अनुसार आज बिहान उनीहरुलाई बिदाइ गरिएको हो।
गुरुङका अनुसार थाइल्यान्डबाट भारतको आसाम, त्रिपुरा हुँदै नेपालको लुम्बिनीसम्मको यात्रामा टोली यहाँ आइपुगेको हो। यात्राको संयोजन गरिरहेका भिक्षु मेधङ करेस्थ स्थवीरका अनुसार ‘शान्तिका लागि धम्म यात्रा, भगवान् गौतमबुद्धको जन्मस्थल लुम्बिनीसम्म’ भन्ने नारासहित भन्तेको टोली नेपाल यात्रामा आएको हो।
विश्व यात्रामा निस्किएका पाँच समूहमध्ये एउटा समूह नेपाल आइपुगेको उहाँले जानकारी दिए। विश्वमा विभिन्न कारणले हुँदै आएको हत्या, हिंसा तथा आपराधिक गतिविधि रोक्नका लागि शान्तिको कामनासहित उहाँहरु यात्रामा निस्किएका हुन्। उनले भने, “भन्तेहरुले यतिका दिनसम्म बडो कष्टपूर्ण यात्रा गरिरहनुभएको छ। हामी प्राणी जगत्कै हितका लागि उहाँहरुले कठोर यात्रा गरिरहनुभएको छ। यसबाट शान्ति, अहिंसा र नैतिक जीवनको सन्देश फैलाउन मद्दत पुग्छ।”
नेपाल प्रवेश गरेको सातौँ दिनमा चितवन आइपुगेको टोलीले नेपालमा मात्रै लुम्बिनीसम्मको ३१९ किलोमिटर पदयात्रा तय गर्नेछ। नेपाल भित्रिएको १५औँ दिनअर्थात् २२ फेब्रुअरीसम्म हुने यात्राका लागि बाटोमा पर्ने गुम्बा तथा बौद्ध विहारहरुसँगको समन्वयमा ठाउँ–ठाउँमा भेटघाट तथा विश्राम गर्दै आएका छन्।
एकदिनमा करिब ३५ किलोमिटर यात्रा तय गर्दै आएका उनीहरुलाई चितवनको बसाइमा महाबौद्ध गुम्बाले व्यवस्था गरेको थियो। समितिका अध्यक्ष गुरुङ्ले विश्व यात्रामा निस्किएका भन्तेहरुलाई ऐतिहासिक गुम्बामा स्वागत गर्न पाउँदा गुम्बा परिवार असाध्यै खुसी भएको बताए।
थाइल्यान्डबाट करिब पाँच हजार किलोमिटर यात्रामा निस्किएका भन्तेहरुलाई चितवनवासी शुभेच्छुकहरुले भरतपुरको गोन्द्राङबाट स्वागत गरेर गुम्बासम्म पैदलयात्रासँगै गरेका थिए। यहाँबाट पुलचोकसम्म आज पुर्याएका हुन्।
गण्डकी । कास्की जिल्ला अदालतले राष्ट्रिय स्वतन्त्र पार्टीका सभापति रवि लामिछानेविरुद्धको सङ्गठित अपराध र सम्पत्ति शुद्धीकरण मुद्दामा तत्काल कुनै प्रक्रिया अगाडि नबढाउने भएको छ ।
जिल्ला सरकारी वकिल कार्यालयले लामिछानेविरुद्धको सङ्गठित अपराध र सम्पत्ति शुद्धीकरण मुद्दा फिर्ताका लागि अदालतमा दिएको निवेदनमाथि सोमबार भएको सुनुवाइपछि अदालतले उक्त मुद्दा तत्काललाई ‘होल्ड’ गर्ने आदेश गरेको अदालतका स्रेस्तेदार राजन खनालले जानकारी दिए ।
महान्यायाधिवक्ताको कार्यालयले लामिछानेविरूद्धको सङ्गठित अपराध र सम्पत्ति शुद्धीकरण मुद्दा फिर्ता लिने निर्णय गरेपछि जिल्ला सरकारी वकिल कार्यालयले उक्त मुद्दा फिर्ताका लागि जिल्ला अदालतमा निवेदन दिएको थियो । जिल्ला न्यायाधीश नितिश राईको इजलासले महान्यायाधिवक्ताको कार्यालयको उक्त निर्णयका विषयमा सर्वोच्च अदालतमा पनि रिट परेकाले सर्वोच्च अदालतबाट आउने आदेशपछि मात्र जिल्ला अदालतले आवश्यक प्रक्रिया अगाडि बढाउने निर्णय गरेको हो ।
“मुद्दा फिर्ता गर्ने वा नगर्ने भन्ने आदेश भएको होइन, यो विषयमा सर्वोच्चमा पनि रिट परेकाले सर्वोच्चको आदेश नआउञ्जेलसम्म होल्डमा राख्ने कुनै प्रक्रिया अगाडि नबढाउने आदेश भएको हो”, स्रेस्तेदार खनालले भने ।
पोखराको सूर्यदर्शन सहकारी ठगी प्रकरणमा लामिछानेविरुद्ध सहकारी ठगीसँगै सङ्गठित अपराध र सम्पत्ति शुद्धीकरणको मुद्दा पनि थियो ।
महान्यायाधिवक्ता कार्यालयले गत पुस ३० गते लामिछाने प्रतिवादी रहेको सहकारी ठगी मुद्दा यथावत राख्दै सङ्गठित अपराध र सम्पत्ति शुद्धीकरण मुद्दा फिर्ता लिने निर्णय गरेको थियो ।
भरतपुर । भरतपुर महानगरका निवर्तमान प्रमुख रेनु दाहालको पक्षमा चितवन क्षेत्र नं ३ मा जनसमर्थन बढ्दै गएको देखिएको छ ।
आगामी फागुन २१ गते हुने प्रतिनिधिसभा सदस्य निर्वाचनका लागि उमेदवार बनेकी दाहाल सोमबार भरतपुर–१६ मा घरदैलो अभियानमा सहभागी हुँदा स्थानीयवासीको उल्लेख्य उपस्थितिसहित स्वागत पाएकी हुन् ।
दुई कार्यकालसम्म भरतपुर महानगरपालिकाको नेतृत्व सम्हालेकी दाहालले संघीय राजनीतिमा प्रवेश गर्ने उद्देश्यसहित उमेदवारी दिएको बताएकी छन् । जेनजी आन्दोलनका कारण निर्वाचनको मिति अगाडि सारिँदा दोस्रो कार्यकाल पूरा हुन करिब १५ महिना बाँकी रहँदै उनले प्रमुख पदबाट राजीनामा दिएकी थिइन् । ‘निर्वाचन समयअगावै घोषणा भएपछि राजीनामा दिनुपर्ने अवस्था सिर्जना भयो’, दाहालले भनिन् ।
घरदैलो अभियानका क्रममा मतदाताबाट सकारात्मक प्रतिक्रिया पाएको उल्लेख गर्दै उनले महानगर प्रमुखका रूपमा कार्यरत रहँदा सबैलाई समान व्यवहार गर्दै विकास निर्माणका काम अघि बढाएको दाबी गरिन् । ‘कसले के भन्यो भन्ने भन्दा पनि कहाँ कति काम गर्नुपर्छ भन्ने कुरामा केन्द्रित रहेँ’, उनले भनिन्, ‘विकासका काममा कहिल्यै पक्षपात गरिनँ ।’
उनले स्थानीय तहमा हासिल अनुभवलाई संघीय संसद्मा नीति निर्माण तहमा उपयोग गर्ने प्रतिबद्धता व्यक्त गरिन् । चितवनको समग्र विकासका लागि अझ प्रभावकारी भूमिका निर्वाह गर्ने अवसर दिन मतदातासँग आग्रहसमेत गरिन् ।
भरतपुर । प्रतिनिधिसभा सदस्य निर्वाचन–२०८२ लाई लक्षित गर्दै नेपाली कांग्रेस चितवन क्षेत्र नम्बर–२ ले चुनावी अभियानलाई औपचारिकरूपमा तीव्र बनाएको छ । सोमबार केन्द्रीय उपसभापति पुष्पा भुसालद्वारा क्षेत्रीय प्रचार–प्रसार समितिको कार्यालयको उद्घाटन गरिएको हो । कार्यालय उद्घाटनसँगै पार्टीले औपचारिकरूपमा घरदैलो कार्यक्रमको पनि शुभारम्भ गरेको छ ।
उद्घाटनपछि आयोजित सभालाई सम्बोधन गर्दै उपसभापति भुसालले नेपाली कांग्रेस सधैँ परिवर्तन, लोकतन्त्र र जनअधिकारको पक्षमा अग्रणी शक्ति रहेको बताइन् । उनले २००७ सालमा राणाशासन अन्त्य गरी प्रजातन्त्र स्थापना, २०४६ सालमा बहुदलीय व्यवस्था पुनस्र्थापना तथा २०६३ सालको जनआन्दोलनपछि राजतन्त्र अन्त्य गर्दै लोकतान्त्रिक गणतन्त्र संस्थागत गर्न कांग्रेसले ऐतिहासिक नेतृत्व गरेको उल्लेख गरिन् ।
‘देशमा जब–जब परिवर्तनको आवश्यकता परेको छ, नेपाली कांग्रेस अगाडि उभिएको छ । अहिले पनि राजनीतिक स्थायित्व, सुशासन र विकासका लागि कांग्रेस नै विश्वसनीय विकल्प हो’, उनले भनिन् ।
भुसालले क्षेत्र नम्बर–२ बाट प्रतिनिधिसभा सदस्य उम्मेदवार मीनाकुमारी खरेल स्वच्छ छवि, कुनै विवाद वा मुद्दामा नमुछिएकी तथा सामाजिक सेवामा निरन्तर सक्रिय महिला नेतृ भएको उल्लेख गरिन् । ‘यदि योग्य, इमानदार र जनताको पक्षमा उभिने नेतृत्वलाई विजयी गराइयो भने बारम्बारको अस्थिरता र चुनावी झन्झटबाट मुक्ति मिल्छ’, उनले भनिन् ।
महिला स्वास्थ्य, शिक्षा, रोजगारी र अधिकारका विषयमा निरन्तर आवाज उठाउँदै आएकी नेतृका रूपमा खरेललाई प्रस्तुत गर्दै उनले महिलाको प्रतिनिधित्व सुदृढ बनाउन उनको विजय आवश्यक रहेको बताइन् । ‘क्षेत्र नम्बर–२ बाट मीनाकुमारी खरेललाई विजयी गराउनु आजको आवश्यकता हो भन्नेमा म पूर्ण विश्वास व्यक्त गर्दछु’, उनले थपिन् ।
कार्यक्रममा बोल्दै चितवन सभापति राजेश्वर खनाल, केन्द्रीय सदस्य जितनारायण श्रेष्ठ, गरिबी निवारण तथा सहकारी मन्त्री बिनु रायमाझी पौडेल, प्रदेश सभा सदस्य उत्तम जोशी तथा महानगर प्रमुख चित्रसेन अधिकारीलगायतका नेताहरूले कांग्रेसलाई विजयी गराउन सबै नेता–कार्यकर्ता एकताबद्ध भएर घरदैलो अभियानमा सक्रिय हुनुपर्नेमा जोड दिए ।
उमेदवार खरेलले आफू सधैँ महिला, बालबालिका, विपन्न तथा सीमान्तकृत समुदायको पक्षमा काम गर्दै आएको उल्लेख गर्दै जनताको विश्वासलाई सधैँ सम्मान गर्ने प्रतिबद्धता व्यक्त गरिन् । ‘नागरिकको आवाज संसदमा मजबुतरूपमा उठाउन, कानुन निर्माण गर्न मैले उमेदवारी दिएकी हुँ’, उनले भनिन् ।
नवलपुर । नवलपुरको गैँडाकोटमा जारी पाँचौँ गैँडाकोट मेयर कप राष्ट्रिय टी–ट्वान्टी क्रिकेट प्रतियोगिताअन्तर्गत सोमबार सेमिफाइनलका खेल सम्पन्न भएका छन् । गैँडाकोट–९ स्थित नवजागरण खेलकुद मैदानमा भएको सेमिफाइनल प्रतिस्पर्धाबाट लुम्बिनी प्रदेश र मधेश प्रदेशको टिम फाइनल प्रवेश गरेका छन् ।
सोमबार भएको पहिलो सेमिफाइनल खेलमा आयोजक गैँडाकोट मेयर्स ११ लाई ४४ रनले पराजित गर्दै लुम्बिनी प्रदेशले फाइनलमा आफ्नो यात्रा सुरक्षित गरेको हो । टस हारेर ब्याटिङको निम्ता पाएको लुम्बिनीले निर्धारित २० ओभरमा आठ विकेट गुमाउँदै १८१ रन बनायो । लुम्बिनीले दिएको १८२ रनको लक्ष्यसहित जवाफी व्याटिङमा उत्रिएको गैँडाकोट मेयर्स ११ ले १९ दशमलव पाँच ओभरमा सबै विकेट गुमाउँदै १३७ रन मात्रै बनाउन सफल भयो ।
लुम्बिनीको जितका लागि कप्तान देव खनालले अर्धशतकीय पारी खेले । उनले ५० बलमा ६ छक्का र पाँच चौकाको मद्दतले ७४ रनको योगफल तयार पारे । त्यस्तै, प्रज्वल थापाले १९ बलमा तीन छक्का र दुई चौकासहित ३८, सम्राट भुसालले २३ बलमा एक छक्का र तीन चौकासहित २७ तथा दीपेश रोक्काले १० बलमा एक छक्का र एक चौकासहित १५ रनको योगदान दिँदा अन्य ब्याटरहरुले दोहोरो अङ्क जोड्न सकेनन् ।
बलिङतर्फ मेयर्स ११ का बलर चन्द्रकान्त पौडेलले चार ओभरमा २० रन खर्चिदै लुम्बिनीको चार विकेट लिए पनि टिमलाई हारबाट जोगाउन सकेनन् । त्यस्तै, गौतम केसीले तीन तथा अपराजित पौडेलले एक विकेट लिए ।
गैँडाकोट मेयर्स ११ का लागि दीपक बोहोराले ४० बलमा एक छक्का र चार चौकासहित ४४ रनको योगफल तयार पारे । त्यस्तै, हरि चौहानले ३४ बलमा तीन छक्का र चार चौकासहित ४२, कप्तान गौरव विश्वकर्माले १२ रन बनाउँदा अन्य व्याटरले दोहोरो अङ्को योगफल तयार पार्न सकेनन् । प्रतियोगितामा व्याटिङमा उत्रिएका मेयर्स ११ का सन्नी विक, आरिफ खान, चन्द्र्कान्त पौडेल र अपराजित पौडेलले खाता नै नखोली पेबिलोन फर्किए ।
मेयर्स ११ लाई पाखा लगाउने क्रममा लुम्बिनीका सलाउद्दिन खानले चार ओभर बलिङ गर्दै १९ रन खर्चिएर पाँच विकेट लिन सफल भए । त्यस्तै, वीरबहादुर घर्ती मगरले ३ दशमलव पाँच ओभर बलिङ गर्दै २३ रन खर्चिएर चार विकेट लिँदा कृष्ण कार्कीले एक विकेट लिए ।
सोमबार नै भएको दोस्रो सेमिफाइनल खेलमा सुदूरपश्चिम प्रदेशविरुद्ध मधेश प्रदेश तीन विकेटले जित निकाल्दै फाइनल प्रवेश गरेको छ । सुदूरपश्चिम प्रदेशले दिएको १५३ रनको चुनौती मधेसले १८ दशमलव दुई ओभर खेल्दै सात विकेटको क्षतिमा पूरा गर्न सफल भयो । यसअघि टस जितेर ब्याटिङ रोजेको सुदूरपश्चिम प्रदेशले २० ओभर खेल्दै ९ विकेटको क्षतिमा १५२ रन बनाएको थियो ।
मधेश प्रदेशको जितका लागि पवन सर्राफले अविजित रहँदै अर्धशतकीय पारी खेले । उनले ३४ बलमा पाँच छक्का र एक चौकाको मद्दतले ५१ रनको योगफल तयार पारे । त्यस्तै मयन यादवले २७ बलमा तीन छक्का र दुई चौकासहित ३८, कप्तान अनिलकुमार शाहले १४ बलमा तीन छक्का र तीन चौकासहित ३३, अविशेख तिवारीले १२ बलमा १० रन बनाउँदा अन्य ब्याटरहरुले दोहोरो अङ्क जोड्न सकेनन् ।
मधेशका अविशेक कार्की, मोहमद आदिल आलम, हरिशङ्कर साह अङ्कविहीन रहँदै पेबिलोन फर्किए । बलिङतर्फ सुदूरपश्चिमका कैलाश ऐरले तीन एवम् मिलन बोहोरा, सौर्य श्रेष्ठ र लोकेन्द्र चन्दले एक÷एक विकेट लिएका थिए ।
सुरुवाती व्याटिङमा उत्रिएको सुदूरपश्चिम प्रदेशका कप्तान किरन ठगुन्नाले २३ बलमा एक छक्का र चार चौकासहित ३४ रनको योगफल तयार पारे । त्यस्तै, रोशन साउदले २५ बलमा दुई छक्का र दुई चौकासहित २९, दीपक टमटाले २४ बलमा दुई छक्का र दुई चौकासहित २७, टेक रावतले १० बलमा एक छक्का र दुई चौकासहित २० रनको योगफल तयार पारे । लोकेन्द्र चन्द र कैलाश ऐरले १०÷१० रन बनाउँदा अन्य ब्याटरले दोहोरो अङ्कको योगफल तयार पार्न सकेनन् ।
बलिङतर्फ रञ्जित कुमारले चार तथा अविशेख तिवारीले तीन विकेट लिए । प्रतियोगिताको उपाधिका लागि मङ्गलबार बिहान मधेश प्रदेश र लुम्बिनी प्रदेश आमनेसामने हुने भएका छन् ।
जिल्लाकै ठूलो धन राशिको पाँचौँ गैँडाकोट टी–ट्वान्टी राष्ट्रिय क्रिकेट प्रतियोगितामा सात प्रदेशबाट सातवटा तथा आयोजक एक गरी आठवटा टिमको सहभागिता थियो ।
प्रतियोगिताको विजेताले उपाधिसहित तीन लाख तथा उपविजेताले दुई लाख रुपैयाँ पुरस्कार पाउनेछन् । प्रतियोगिता आयोजक संस्था नवजागरण ग्रामीण विकास केन्द्र्रका अध्यक्ष रामचन्द्र सापकोटाका अनुसार प्रतियोगिताको म्यान अफ द सिरिजले २५ हजार रुपैयाँ तथा उत्कृष्ट ब्याटर, बलर, फिल्डर एवम् किपरले १५ हजार रुपैयाँका दरले पुरस्कार पाउने छन् ।
त्यस्तै, बेस्ट क्याच अफ द टुर्नामेन्टले १० हजार एवम् प्रत्येक खेलको म्यान अफ द म्याचले पाँच हजार रुपैयाँ र नवप्रतिभा खेलाडीलाई विशेष प्रोत्साहन पुरस्कार प्रदान गरिने सापकोटाको भनाइ छ ।
नवलपुर । नवलपुरको गैँडाकोटमा जारी पाँचौँ गैँडाकोट मेयर कप राष्ट्रिय टी–ट्वान्टी क्रिकेट प्रतियोगितामा सुदूरपश्चिम प्रदेशले सेमीफाइनल यात्रा तयार गरेको छ ।
आइतबार भएको खेलमा सुदूरपश्चिमले कोशी प्रदेशलाई ६१ रनले हराउँदै सेमीफाइनल प्रवेश गरेको हो । टस जितेर बलिङ रोजेको सुदूरपश्चिमले निर्धारित २० ओभर खेल्दै ६ विकेटको क्षतिमा १६० रनको योगफल तयार पारेको थियो । १६१ रनको विजय लक्ष्यसहित जवाफी व्याटिङमा उत्रिएको कोशी प्रदेशले १९ दशमलव १ ओभर खेल्दै १० विकेटको क्षतिमा ९९ रन मात्रै बनाउन सफल भयो ।
सुदूरपश्चिमको सेमीफाइनल यात्राका लागि आशिष तिरुवाले ४७ रनको योगदान दिए । तिरुवाले २८ बलमा चार छक्का र तीन चौका प्रहार गर्दै टिमका लागि अघिल्लो यात्राको ढोका खोल्न महत्त्वपूर्ण भूमिका खेले । सुदूरपश्चिमका लागि टेक रावतले २४ बलमा दुई छक्का र तीन चौका सहित ३८, कप्तान किरन ठगुन्नाले २४ बलमा अविजित रहँदै दुई छक्का र एक चौकासहित २८, लोकेन्द्र चन्दले २५ बलमा तीन चौकासहित २० रनको योगदान दिए ।
यस खेलमा कोशी प्रदेशका ज्ञानेन्द्र श्रेष्ठले दुई तथा श्रवन किस्कु, रोहन शाह, कृतिक कमातले एक/एक विकेट लिन सफल भए ।
जवाफी व्याटिङमा उत्रिएको कोशी प्रदेशका लागि कृतिक कमातले १७ बलमा एक छक्का र एक चौकासहित १९, गौरव कटवालले २५ बलमा एक छक्का र एक चौकासहित १८ रनको योगफल तयार पारे । त्यस्तै, कप्तान शाकिब हकले १९ बलमा १६, भूपाल दङ्गालले १८ बलमा १३ को योगदान दिँदा अन्य ब्याटरहरुले दोहोरो अङ्क जोड्न सकेनन् ।
कोशीलाई सस्तैमा समेट्ने क्रममा सुदूरपश्चिमका कैलाश ऐर, सौर्य श्रेष्ठ र लोकेन्द्र चन्दले दुई÷दुई विकेट लिए । आजको खेलमा सुदूरपश्चिमका आशिष तिरुवा म्यान अफ दी म्याच घोषित भए । सुदूरपश्चिम प्रदेशले उपाधि भिडन्तमा स्थान सुरक्षित पार्न सोमबार मधेश प्रदेशसँग सेमीफाइनल खेल्नेछ ।
जिल्लाकै ठूलो धन राशिको राष्ट्रिय टी–ट्वान्टी क्रिकेट प्रतियोगितामा सात प्रदेशबाट सात वटा तथा आयोजक एक गरी आठ वटा टिमको सहभागिता रहेको छ ।
प्रतियोगिताको विजेताले उपाधिसहित तीन लाख तथा उपविजेताले दुई लाख रुपैयाँ पुरस्कार पाउनेछन् । प्रतियोगिता आयोजक संस्था नवजागरण ग्रामीण विकास केन्द्रका अध्यक्ष रामचन्द्र सापकोटाका अनुसार प्रतियोगिताको म्यान अफ दी सिरिजले २५ हजार रुपैयाँ तथा उत्कृष्ट ब्याटर, बलर, फिल्डर एवम् किपरले १५ हजार रुपैयाँका दरले पुरस्कार पाउने छन् ।
त्यस्तै, बेस्ट क्याच अफ दी टुर्नामेन्टले १० हजार एवम् प्रत्येक खेलको म्यान अफ दी म्याचले पाँच हजार रुपैयाँ र नव प्रतिभा खेलाडीलाई विशेष प्रोत्साहन पुरस्कार प्रदान गरिने सापकोटाको भनाइ छ ।
भरतपुर । चितवनका सहकारीपीडितहरूले आफ्नो बचत रकम फिर्ताका लागि पहल गरिदिन माग गर्दै चितवन–२ बाट नेपाली कांग्रेसकी उमेदवार मीना खरेललाई ज्ञापनपत्र बुझाएका छन् । पीडितहरुले एक कार्यक्रमबीच खरेललाई १३ बुँदे माग पेस गरेका छन् ।
विभिन्न सहकारी संस्थामा जम्मा गरेको रकम लामो समयदेखि फिर्ता नपाएको गुनासो गर्दै तत्काल प्रभावकारी पहल गरिदिन पीडितहरूले आग्रह गरेका छन् । सहकारी व्यवस्थापन तथा नियमनको कमजोरीले हजारौँ सर्वसाधारण मारमा परेको उनीहरूले जनाएका छन् ।
ज्ञापनपत्र बुझाउँदै सहकारीपीडित संघर्ष समितिका संयोजक शालिग्राम दुवाडीले बचत रकम फिर्ता नपाउँदा आफूहरू पीडामा रहेको बताए । ‘हामीले जीवनभरको कमाइ सहकारीमा राख्यौँ । तर, अहिले आफ्नो रकम फिर्ता नपाएर आर्थिक तथा मानसिक पीडामा छौँ’, दुवाडी भन्छन्, ‘हाम्रो रकम सुरक्षितरूपमा फिर्ता गराउन सम्बन्धित निकायसँग पहल गरिदिन अनुरोध गर्दछौँ ।’
उमेदवार खरेलले पीडितहरूको मागप्रति गम्भीर ध्यानाकर्षण भएको बताइन् । समस्या समाधानका लागि आफू प्रतिबद्ध रहेको उनको भनाइ छ । सहकारी क्षेत्रको समस्या समाधान गर्न आवश्यक कानुनी तथा नीतिगत पहलका लागि सम्बन्धित निकायसँग समन्वय गर्ने उनले बताइन् ।
चितवनमा पछिल्लो समय केही सहकारी संस्थामा देखिएको अनियमितताका कारण बचतकर्ताहरू आन्दोलित हुँदै आएका छन् । पीडितहरूले छिटो छानबिन गरी दोषीमाथि कारबाही र बचत रकम फिर्ताको सुनिश्चितता गर्न माग गरेका छन् । सो कार्यक्रममा कांग्रेसका जिल्ला सभापति राजेश्वर खनाल, केन्द्रीय सदस्य जीतनारायण श्रेष्ठ, भरतपुर–१० का जनप्रतिनिधि स्थानीय र सहकारी पीडितहरूको उपस्थिति रहेको थियो ।
रत्ननगर । माधवपुर मठमन्दिर तथा धार्मिक संघ–संस्था समन्वय समिति, रत्ननगर–१५, माधवपुर, चितवनको आयोजनामा सम्पन्न ‘राष्ट्रिय भजन तथा शङ्खवादन प्रतियोगिता–२०८२’ को आय–व्यय विवरण सार्वजनिक गरिएको छ । गत माघ २४ गते सम्पन्न कार्यक्रमको शनिबार आयोजित पत्रकार सम्मेलनमार्फत कार्यक्रमको आम्दानी तथा खर्च विवरण सार्वजनिक गरिएको हो ।
समितिका अनुसार कार्यक्रममा कुल ६ लाख ९१ हजार रुपैयाँ नगद सहयोग सङ्कलन भएको छ भने कार्यक्रम सञ्चालनका लागि ५ लाख ८९ हजार रुपैयाँ खर्च भएको जानकारी दिइएको छ । आयोजकका अनुसार प्रतियोगिता सम्पन्न गर्न विभिन्न व्यक्ति, संघ–संस्था तथा सहयोगीहरूबाट महत्त्वपूर्ण सहयोग प्राप्त भएको थियो ।
पत्रकार सम्मेलनमा रत्ननगर–१५ का वडाध्यक्ष आशिक तामाङ प्रमुखअतिथि रहेका थिए । कार्यक्रममा वडा सदस्यहरू इमप्रसाद पन्त, लीकादेवी पोखरेल, रुकमाया परियार लगायतको उपस्थिति रहेको थियो । सो अवसरमा कार्यक्रम सफल बनाउन सहयोग गर्ने व्यक्ति तथा संघ–संस्थालाई प्रशंसापत्रसहित सम्मान गरिएको थियो ।
समितिका अध्यक्ष मुक्तिप्रसाद लामिछानेको सभापतित्वमा सम्पन्न कार्यक्रममा मूल आयोजक समिति सदस्य भूबहादुर गुरूङले स्वागत मन्तव्य राखेका थिए भने समिति सल्लाहकार कृष्ण पन्तले कार्यक्रम सञ्चालन गरेका थिए ।
यसअघि माधवपुर खेलकुद विकास समितिको खेलमैदानमा सम्पन्न उक्त प्रतियोगितामा भजनतर्फ ७ जिल्लाका १८ समूहको उल्लेखनीय सहभागिता रहेको थियो भने शङ्खवादनतर्फ विभिन्न जिल्लाबाट २१ जना प्रतियोगी सहभागी भएका थिए । कार्यक्रमले धार्मिक, सांस्कृतिक तथा सामाजिक सद्भाव अभिवृद्धिमा महत्त्वपूर्ण योगदान पुर्याएको आयोजक समितिको विश्वास छ ।
भरतपुर । भरतपुर–४ स्थित होली भिजन पब्लिक स्कुलको आयोजना तथा चितवन स्मार्ट स्काउटको सहकार्यमा चौथो स्मार्ट स्काउट नमन क्याम्प सञ्चालन हुने भएको छ ।
‘अनुशासित अभ्यास, शक्तिशाली भविष्य’ भन्ने मूल नारासहित आयोजना हुन लागेको उक्त क्याम्प यही फागुन ६ देखि ८ गतेसम्म सञ्चालन गरिने विद्यालयले जनाएको छ ।
विद्यालयका अनुसार क्याम्पमा चितवन र आसपासका जिल्लाभित्रका विद्यालयका स्काउट विद्यार्थीहरूको उल्लेख्य सहभागिता रहनेछ । सहभागीहरूलाई स्काउटसम्बन्धी व्यावहारिक ज्ञान, अनुशासन, नेतृत्व विकास तथा टोलीमा काम गर्ने सीप अभिवृद्धि गराउने उद्देश्य राखिएको छ ।
क्याम्प अवधिभर गाँठो सम्बन्धी ज्ञान, मार्चपास, नृत्य प्रतियोगिता, टनेल तथा चिम्नीजस्ता साहसिक गतिविधि, टायर वाल, टार्गेट टच, क्याटरपिलर रेस, इनभिजिबल मेज लगायतका विभिन्न खेल तथा अभ्यास सञ्चालन गरिने छ । साथै, क्याम्प फायर, सांस्कृतिक प्रस्तुति र टोलीगत प्रतिस्पर्धाले कार्यक्रमलाई थप आकर्षक बनाउने आयोजकको भनाइ छ ।
क्याम्पको नेतृत्व शिवप्रसाद बराल (क्याम्प चिफ)ले गर्नेछन् भने ईश्वर गुरूङ (क्याम्प निर्देशक), दुर्गा थापा (क्याम्प संयोजक) र प्रेमन ढकाल (सह–संयोजक) लगायतको टिमले व्यवस्थापन गर्नेछन् । त्यस्तै, शैलजा अधिकारी, अभिषेक क्षेत्री, सागर सापकोटा, कुशल न्यौपाने, धीरज राउत कुर्मी, निरजला श्रेष्ठ र रुपेश थपलियालगायतले विभिन्न जिम्मेवारी सम्हाल्नेछन् ।
आयोजकका अनुसार क्याम्पमा सहभागी हुन प्रतिस्काउट एक हजार ६०० रुपैयाँ शुल्क तोकिएको छ, जसमा खाना तथा आवश्यक व्यवस्थाहरू समावेश गरिने छ । सहभागी विद्यार्थीहरूले स्काउट पोसाकसहित आवश्यक व्यक्तिगत सामग्री अनिवार्यरूपमा ल्याउनुपर्ने जनाइएको छ ।
उक्त क्याम्पले विद्यार्थीहरूमा आत्मविश्वास, नेतृत्व क्षमता तथा सामाजिक उत्तरदायित्व विकासमा महत्त्वपूर्ण योगदान पुर्याउने विश्वास आयोजकले लिएको छ ।
भरतपुर । नेपाल पत्रकार महासंघ चितवनका अध्यक्ष बसन्त पराजुलीद्वारा लिखित उपन्यास ‘बखान’माथि भरतपुरको आँपटारीमा समीक्षा गरिएको छ ।
नेपाली लेखक संघ चितवनले विशेषगरी विद्यार्थीहरुलाई लक्षित गरी आयोजना गरेको सो कार्यक्रमका वक्ताहरुले बखान उपन्यास इतिहासको साक्षी भएको बताए । उनीहरुले उपन्यासले चितवनको पुरानो समाज प्रस्तुत गरेको टिप्पणी गरेका थिए ।
स्मल हेभन स्कुलका विद्यार्थी असीम सिलवालले कृतिमाथि समीक्षा गर्दै उपन्यासले सहकारी अभियन्ता एवम् समाज सुधारक बखानसिंह गुरूङको जीवनी उपन्यासमा पढ्न पाइएको सुनाए । उनले भने, ‘चितवनको इतिहास झल्काउन यो पुस्तक सफल भएको छ ।’
कार्यक्रममा बोल्दै विद्यार्थी विनिशा दवाडीले बखान पुस्तक बखानसिंह गुरूङको जीवनी मात्रै नभएर चितवनको बस्ती विकासको रुपरेखा देखाउने दस्तावेज भएको बताइन् । ‘उपन्यासले चितवनको इतिहास बोल्छ । समाज बोल्छ’, उनले भनिन् ।
साहित्यकार सुरेन्द्र अस्तफलले चितवनको बस्ती विकासदेखि सहकारी यात्राको विषयमा यस पुस्तकले समेटेको बताए । उनले भने, ‘यस पुस्तकले चितवनको इतिहास समेटेको छ ।’ चितवनमा बस्ती विकाससँगै नेपालमा विसं २००७ सालदेखि विसं २०४० सालसम्मका आन्दोलन र भएका उपलब्धिका विषयलाई समेटिएको उनले जनाए ।
सो अवसरमा पत्रकार सरिता पौडेलले चितवनका लागि यो कृति एतिहासिक कृति भएको बताइन् । सो अवसरमा स्मल हेभन स्कुलका प्रधानाध्यापक विमल क्षेत्रीले पुस्तकलाई स्थानीय पाठ्यक्रममा समावेश गरेर चितवनको बारेमा विद्यार्थी वर्गमा समेत ज्ञान दिन आवश्यक रहेको बताए ।
नेपाली लेखक संघकी अध्यक्ष शान्ति शर्माले चितवनको बारेमा गरिएको अध्ययनका कारण यो उपन्यास सार्थक भएको बताईन् । यस पुस्तकले साधारण विषयवस्तुलाई समेत गहन तवरले व्याख्य गरिएको उनले बताइन् ।
कार्यक्रममा लेखक पराजुलीले यो पुस्तक चितवनको इतिहास भएको बताए । उनले कक्षा १० देखि कक्षा १२ सम्म नेपाली र अङ्ग्रेजी विषयमा परीक्षामा समेत कृति समीक्षा आउने हुँदा विद्यार्थीहरुलाई यसमा यस्ता कर्यक्रमले सहज हुने बताए ।
रत्ननगर । नेपाली कांग्रेस चितवन क्षेत्र नं १ अन्तर्गत प्रतिनिधिसभा निर्वाचनका लागि रत्ननगर–१० मा निर्वाचन परिचालन सम्पर्क कार्यालय स्थापना गरिएको छ ।
कांग्रेस रत्ननगरका पूर्व नगरसभापति रुपनराज घिमिरेले स्वागत मन्तव्य राखेको कार्यक्रममा चितवन १ बाट कांग्रेसका प्रतिनिधिसभा सदस्य उमेदवार राजेन्द्रप्रसाद बुर्लाकोटीले यस क्षेत्रबाट प्रदेश र प्रतिनिधिसभामा कांग्रेसको नेतृत्व नरहेका कारण विकासमा पछाडि परेको बताउँदै आफूले यस क्षेत्रको समस्या नजिकबाट बुझेकाले कसैले पनि भोट दिएर पछुताउनु नपर्ने बताए ।
जेनजी आन्दोलनपछि बदलिएको नयाँ पार्टी कांग्रेस रहेकोले महिला, युवा, जेनजीलगायत सबैको माग पूरा गर्नका लागि कांग्रेसका उमेदवारलाई जिताउन आवश्यक रहेको बताए ।
वर्तमान कांग्रेसका सभापति गगनकुमार थापाले नौ महिनाको छोटो कार्यकालमा ल्याएको स्वास्थ्य बिमाको अवधारणा अहिले बन्द हुने अवस्थामा पुगेको बताउँदै स्वास्थ्य बिमालाई सत् प्रतिशतले लाभ लिने गरी कार्यान्वयन गर्नका लागि गगनकुमार थापाको नेतृत्व आवश्यक रहेकाले भोट दायाबाया नगरी रुख चिह्नमा हाल्नका लागि मतदातालाई बुझाउनुपर्ने उनको भनाइ थियो ।
नेपाली कांग्रेस जेनजीले उठाएको मागप्रति प्रतिबद्ध रहेको उल्लेख गर्दै देशमा सुशासन ल्याउन र भ्रष्टाचार र बेथिति अन्त्य गर्नका लागि एकबद्ध भएर चुनावमा होमिएको बताए । उनले भने, ‘मलाई भ्रष्टाचार गर्नु छैन । पैसा कमाउने लालसा पनि छैन । ५० वर्ष सामाजिक सेवामा लागेँ । अब यस क्षेत्रको सांसद् बनेर विकास र जनताको सेवा गर्नेछु ।’
कार्यक्रममा कांग्रेस नगरका नगरसभापति एवम् रत्ननगर नगरपालिकाका नगरप्रमुख प्रलाद सापकोटाले आफूले स्थानीय सरकारको नेतृत्व गरिरहँदा सयौँ योजना पेस गरे पनि प्रदेश र केन्द्रबाट बजेट नपरेको बताउँदै सीमित बजेटका बाबजुत पनि रत्ननगरमा विकासका नमुना कामहरु सम्पन्न गरेको बताए । कांग्रेसका जनप्रतिनिधिले गरेका कामलाई हेरेर भोटमा बदल्नुपर्नेमा जोड दिए ।
समाजसेवा र निष्ठाको राजनीति गर्दै आएका राजेन्द्रप्रसाद बुर्लाकोटीलाई यस क्षेत्रले प्रतिनिधिसभा सदस्य उमेदवारका रुपमा पाउनु गौरवको विषय भएको भन्दै उनले कांग्रेसले अत्यधिक मतसहित विजयी गराउनुपर्नेमा जोड दिए ।
कांग्रेस रत्ननगर–१० का वडासभापति एवम् वडाध्यक्ष कलाधर पौडेलले आफ्ना उमेदवारलाई जिताउन सबैको साथ र सहयोग आवश्यक हुने बताउँदै आफूले वडाको विकासमा गरेको योगदान हेरेर पनि यसपटक कांग्रेसले पुरानो साख फर्काउने विश्वास व्यक्त गरे ।
रत्ननगर । बकुलहर रत्ननगर अस्पतालको आयोजनामा नसर्ने रोगहरुको स्क्रिनिङसम्बन्धी प्रयोगशाला जाँच शिविर इलाका प्रहरी कार्यालय रत्ननगर परिसरमा सम्पन्न भएको छ ।
शिविरमा इलाका प्रहरी कार्यालय रत्ननगर र मातहतका प्रहरी गरी ९२ जना, थुनुवा १८ जना र निर्वाचन प्रहरी २०० जना गरी कुल ३१० जनाले प्रयोगशाला जाँच गराएका थिए ।
मधुमेह परीक्षण गराएका २३३ जना पुरूषमध्ये ३२ जना र ७७ महिलामध्ये ८ जनामा मधुमेहको लक्षण देखिएको थियो । यस्तै, पिसाबबाट मिर्गौलासम्बन्धी स्क्रिनिङमा २३३ पुरूषमध्ये ४ जना र ७७ महिलामध्ये ८ जनामा एल्बुमिन लिकेज भएको पाइएको सिअहेव अधिकृत नारायणप्रसाद ढुङ्गानाले जानकारी दिए ।
शिविरमा बकुलहर रत्ननगर अस्पतालका मेडिकल सुपरिन्टेन्डेन्ट डा. अङ्कुर पौडेल, प्रयोगशालाका टेक्निकल सुपरभाइजर सुरज अधिकारी, सिअहेव अधिकृत नारायणप्रसाद ढुङ्गानालगायत हेल्थ असिस्टेन्टका विद्यार्थीहरु र ल्याब टेक्निसियनका विद्यार्थीहरुले सेवा दिएका थिए ।
भरतपुर । महिलाको हक, अधिकार, सशक्तीकरण तथा असहाय बालबालिकाको संरक्षण र पुनर्स्थापनामा साढे तीन दशकअघिदेखि समर्पित समाजसेवी मीना खरेल चितवन–२ बाट कांग्रेसको तर्फबाट निर्वाचनमा होमिएकी छन् । खरेल चुनाव नजिकिएसँगै घरदैलो अभियान, पार्टीका नेताहरूसँग अन्तर्क्रिया तथा छलफल कार्यक्रमहरुमा व्यस्त भएकी छन् ।
मङ्गलबार आयोजित क्रियाशील भेलामा कांग्रेस प्रदेश सभा सदस्य उत्तम जोशीले हजारौँ टुहुरा बालबालिकाको आमा बनेर महिला हिंसामा परेका महिलाहरूलाई न्याय दिलाएर धेरै महिलाहरूलाई पुनस्र्थापना गरी सहयोग गरेकी मीना खरेल समाजमा स्थापित नाम भएको बताए ।
मीना खरेल एक व्यक्तित्व मात्र नभई समाज रूपान्तरणको अभियान रहेको भन्दै उनले भने, ‘महिलाको अधिकारका लागि निरन्तर आवाज उठाउनु र हजारौँ असहाय बालबालिकाको जीवनमा आमाको भूमिका निभाउनु सामान्य कुरा होइन । यस्तो व्यक्तित्व, चितवन–२ ले उमेदवारका रुपमा पाउनु गर्वको विषय हो ।’
खरेल विगत २५ वर्षदेखि महिला हिंसा, महिलाका समस्याविरुद्ध सक्रियरूपमा काम गर्दै अभिभावकविहीन, बेसहारा तथा जोखिममा परेका बालबालिकाका लागि शिक्षा, स्वास्थ्य र संरक्षणमा उल्लेखनीय योगदान पु¥याउँदै आएकी नेतृ हुन् । सडकमा जीवन बिताउन बाध्य बालबालिकालाई सुरक्षित आश्रय, विद्यालय भर्ना, आवश्यक उपचार तथा अभिभावकत्व प्रदान गर्दै उनले हजारौँ बालबालिकाको भविष्य उज्यालो बनाएकी छन् । यही कारण उनी आज धेरै बालबालिकाको ‘आमा’ बनेकी छन् ।
उनले भने, ‘निजी सम्पत्ति प्रयोग गरेर हजारौँ असाहय बालबालिकाको आमा बन्दै शिक्षा, स्वास्थ्य, महिलाको हकहितका निमित्त जुन आवाज लिएर उहाँ अगाडि बढ्नुभएको छ अब समग्र देशवासीको आवाज बन्नका लागि उहाँ निर्वाचनमा होमिँदै हुनुहुन्छ त्यसका लागि पनि सबैले उहाँलाई मतदान गरी जिताउन आवश्यक छ ।’
सामाजिक कामसँगै पर्यटकीय गतिविधि, विकास निर्माणका गतिविधि, शिक्षा, स्वास्थ्य, खानेपानी व्यवस्थालगायत भोलिको दिनमा दुःखसुखका सारथि बन्नका लागि मीना खरेललाई जिताउनु आवश्यक रहेको उनले बताए ।
‘चितवन क्षेत्र नम्बर २ को विकास निर्माणका लागि उहाँले कटिबद्ध काम गर्नुहुन्छ भन्नेमा हामी विश्वस्त छौँ’, उनले भने, ‘कांग्रेसले उमेदवार बनाएको मीना खरेल अन्य उमेदवारभन्दा उत्कृष्ट रहेको भन्दै प्रत्येक टोल, वडा र गाउँबस्तीबाट अब रुखमा भोट हाल्ने दिन आएको छ ।’
उनले भपे, ‘यतिबेला कांग्रेस एकजुट, जोशिलो, उर्जाशील, ऊर्जावान् भएको छ । यो ऊर्जा फागुन २१ गतेसम्म निरन्तरता दिनुपर्छ । मीना खरेललाई मत दिएर कोही पनि पछुताउन पर्दैन ।’
हाल युवा, जेनजीका मागहरू पनि अब कांग्रेसले पूरा गर्ने बताउँदै उनले यतिबेला काग्रेस आफू पनि बदलिएर देश बदल्छु भन्ने नाराका साथ आएको बताए ।
‘कांग्रेसले कानुन निर्माण गर्छ, देशको शासकीय स्वरूप परिवर्तन गर्छ, जेनजी युवाहरूको माग परिवर्तन गर्छ, देश परिवर्तन गर्छ’, उनले भने, ‘यसपटक सबैले कांग्रेसका उमेदवारलाई भोट हाल्न म सबैलाई अनुरोध गर्न चाहन्छु ।’
चितवन । चितवनका तीन नगरपालिका समेटिएको क्षेत्र नम्बर १ मा महिला मतदाताको सङ्ख्या आधाभन्दा बढी छ । यहाँ उम्मेदवार हुने महिलाको सङ्ख्या भने निकै कम रहेको छ ।
पूर्वी चितवनको रत्ननगर, खैरहनी र राप्ती नगरपालिका समेटिएको यस क्षेत्रमा एक लाख ४९ हजार ६२१ मतदाता रहेका छन् । तीमध्ये ५० दशमलव ७० प्रतिशत अर्थात् ७५ हजार ८६० महिला मतदाता रहेका छन् । पुरुषको सङ्ख्या ७३ हजार ७६१ रहेको छ । यो ४९ दशमलव ३० प्रतिशत हो ।
महिला मतदाताको सङ्ख्या बढी भए पनि १८ जना प्रतिनिधिसभा सदस्य निर्वाचनका लागि उम्मेदवार भए पनि दुई जना मात्र महिला रहेका छन् । ती साना दलका हुन् ।
राष्ट्रिय जनमोर्चाले सीतादेवी क्षेत्री र नेश्नलरिपब्लिक नेपालले ईश्वरी गुरूङलाई उम्मेदवार बनाएको छ । यसअघि निर्वाचन जितेका ठूला दलले महिला उम्मेदवार दिन सकेका छैनन् । यस क्षेत्रबाट १५ राजनीतिक दलका उम्मेदवार छन् भने स्वतन्त्र तीन जना रहेको निर्वाचन अधिकृतको कार्यालयले जनाएको छ ।
यस क्षेत्रका मतदातामध्ये ५० प्रतिशत खश आर्य रहेका छन् । ३३ दशमलव ३३ प्रतिशत आदिवासी जनजाति छन् भने निर्वाचन आयोगको तथ्याङ्कअनुसार थारु, दलित र मधेशी ५ दशमलव ५६ प्रतिशतका दरले रहेका छन् ।
यस क्षेत्रमा ५६ वटा मतदानस्थलमा १६८ वटा मतदान केन्द्र रहेका छन् । यस क्षेत्रको राप्ती नगरपालिकाको केही भूभाग पहाडी क्षेत्रमा पर्दछ भने बाँकी समथर क्षेत्र पर्दछ ।
चितवन । नेपाली कांग्रेसका उपसभापति विश्वप्रकाश शर्माले कसैलाई गाली नगरी एकढिक्का भएर निर्वाचनमा लाग्न नेता कार्यकर्तालाई आग्रह गरेका छन् ।
कांग्रेस चितवनले सोमबार सिएमटी रिसोर्ट भरतपुरमा आयोजना गरेको कार्यक्रममा उनले आफ्नो कुरा प्रष्टरूपमा राख्न अरुलाई कुनै पनि हिसाबले लाञ्छित नगर्न आग्रह गरेका हुन् ।
उपसभापति शर्माले भने, “हामीले कसैलाई गाली नगरौँ । आफ्ना कुरा जनतालाई बुझाऔँ, निर्वाचनमा एकढिक्का भएर पार्टीलाई जिताउन लागौँ । हाम्रो इतिहास र सभ्यताको ख्याल गर्दै चुनावमा लागौँ ।”
उनले पार्टीभित्र भएको विशेष महाधिवेशनले मैलो पखालेको भन्दै देश बदल्ने सङ्कल्पसहित गुटरहित मानसिकता चुनावमा होमिएको सन्देश दिन पनि निर्देशन दिए ।
“पार्टीले फागुन २१ लक्षित गर्दै २१ दिने अभियान सञ्चालन गर्न लागेको छ । अभियानका क्रममा जिल्ला, प्रदेश र केन्द्रले खटाएका नेताबाहेक अन्य नेताहरू आफ्नै वडामा २१ दिन खटिन स्पष्ट निर्देशन छ”, उपसभापति शर्माले भने, “अभियानका क्रममा आफ्नो वडामा सक्रिय भएर काम गरौँ । आफ्नो वडा छाडेर अर्काको वडामा जानु आवश्यक छैन । आफ्नै क्षेत्रमा पार्टी र देश बदल्न कांग्रेसले लिएको नीति घर–घरमा पुर्याऔँ ।”
कार्यक्रममा केन्द्रीय सदस्य जीतनारायण श्रेष्ठले पार्टीले हाल देशभर ७५ प्रतिशत हाराहारी युवा र नयाँ उम्मेदवार लिएर चुनावमा गएको उल्लेख सबैलाई जिताउने गरी खट्न आग्रह गरे ।
कांग्रेस चितवनका सभापति राजेश्वर खनालको अध्यक्षतामा भएको कार्यक्रममा चितवन प्रतिनिधिसभा क्षेत्र नं १ का उम्मेदवार राजेन्द्र बुर्लाकोटी, क्षेत्र नं २ का उम्मेदवार मीनाकुमारी खरेल र क्षेत्र नं ३ का उम्मेदवार टेकप्रसाद गुरूङले आगामी निर्वाचनमा कांग्रेसका उम्मेदवारलाई विजयी गराउन सबै नेता तथा कार्यकर्ता एक भएर लाग्नुपर्नेमा जोड दिए ।
कांग्रेसले गरेका कामबारे जानकारी गराउँदै सबैलाई गोलबद्ध गर्न र मतदाता जोड्ने अभियान सञ्चालन गर्न आवश्यक रहेको उनीहरूको भनाइ थियो ।
रत्ननगर । नेपाली कांग्रेस क्षेत्र नं १ निर्वाचन परिचालन समितिको आयोजनामा महिला भेला एवम् उमेदवार भेटघाट कार्यक्रम रत्ननगरमा सम्पन्न भएको छ ।
कार्यक्रममा प्रतिनिधिसभा सदस्य उमेदवार राजेन्द्रप्रसाद बुर्लाकोटीले ‘बदल्यौँ कांग्रेस : बदल्छौँ देश’ भन्ने संकल्पका साथ कांग्रेस चुनावी अभियानमा होमिएको बताउँदै अबको चुनावमा सय पार गगन थापाको नेतृत्वमा सरकार भन्ने नाराका साथ कांग्रेसका सबै शक्तिहरु आफ्ना उमेदवार जिताउन लाग्नुपर्ने बताए ।
उमेदवार बुर्लाकोटीले देशमा भ्रष्टाचार अन्त्य गरी सुशासन स्थापना गर्ने जेनजी युवाहरुको भावना सम्बोधन गर्न नयाँ युगको पार्टीको रुपमा रुपान्तरिक कांग्रेसका उमेदवारलाई जिताउन जरूरी रहेको बताए ।
उनले अहिलेको निर्वाचनमा महिला शक्ति नै निर्णायक हुने भएकाले महिलाहरु एकजुट भएर अगाडि बढ्ने हो भने कांग्रेसलाई जित्नका लागि कसैले रोक्न नसक्ने ठोकुवा गरे । उनले भने, ‘यसपटक मलाई जिताएर पठाउनुहोस् । चितवनका तीनवटै क्षेत्रबाट महिला उमेदवार बनाउने जिम्मा मेरो भयो ।’
कार्यक्रममा कांग्रेस रत्ननगर सभापति प्रलाद सापकोटाले चितवन क्षेत्र नं १ मा ४२ वडा रहेकामा स्थानीय तहको निर्वाचनमा २१ जना महिला उमेदवार बनाउने प्रतिबद्धता व्यक्त गरे । उनले भने, ‘हरेक क्षेत्रमा नेतृत्व गर्न सक्ने महिला यस क्षेत्रमा हुनुहुन्छ । तपाईंहरु अगाडि बढ्नुहोस् ५० प्रतिशत उमेदवार महिलाकै हुनेछ ।’
उनले कांग्रेसका महिला नेतृहरुलाई चुनावी अभियानमा लाग्न आग्रह गर्दै उनले भने, ‘तपाईंहरुले आफ्नो परिवारको भोट सम्हाल्दै गाउँ–टोलमा पुगेर आफ्ना उमेदवारका पक्षमा भोट माग्नुहोस् । तपाईंहरु दृढ सङ्कल्पका साथ लाग्नुभयो भने राजेन्द्र बुर्लाकोटी सांसद् र सभापति गगन थापा प्रधानमन्त्री बन्नुहुनेछ ।’
आफूले मेयरका रुपमा रत्ननगर नगरपालिकामा वार्षिक ३५०० विपन्न नागरिकका लागि स्वास्थ्य बिमा, असहाय विपन्न उपचारकोष स्थापना, ब्लड बैंक, स्थापना क्यान्सरका बिरामीलाई स्थानीय सरकारबाट २५ हजार दिने निर्णय, उद्यमशील कार्यक्रमजस्ता थुप्रै जनमुखी काम गरेको बताउँदै उनले भने, ‘अन्य जनप्रतिनिधिले गरेका जनमुखी कामको आधारमा पनि जनताले कांग्रेसलाई भोट हाल्ने वातावरण तयार छ । स्वास्थ्य बिमाको अवधारणा ल्याउने पनि गगन थापा नै हो । यस विषयमा मतदातालाई बुझाउन जरूरी छ ।’
कार्यक्रममा निर्वाचन संयोजक किरणभूषण ओलीले भने, ‘अनावश्यक प्रचारबाजी र सामाजिक सञ्जालमा आएका भ्रमपूर्ण सामग्रीको पछाडि नलाग्नुहोस् । विदेशमा हाम्रा पनि दाजुभाइ र दिदीबहिनी छन्, उहाँहरुले पनि हाम्रा बाआमालाई आफ्ना उमेदवारका पक्षमा भोट हाल्न भनिरहनुभएको छ । कसैसँग नडराउनुहोस्, प्रत्यक्ष र समानुपातिकमा हाम्रै उमेदवारका पक्षमा भोट माग्नुहोस् । जित टाढा छैन ।’
कार्यक्रममा राष्ट्रिय सभा सदस्य गीता देवकोटा, कांग्रेस नेतृ सावित्रीदेवी चौधरी, भागीरथी चौधरी, निता ढकाललगायतले क्षेत्र नं १ को विकास र जनताको समस्या समाधान गर्न राजेन्द्र बुर्लाकोटीलाई अधिक मतसहित विजयी गराउनुपर्नेमा उनले जोड दिए ।
नेपाली कांग्रेस रत्ननगरका सचिव अनिता अर्यालले कार्यक्रमको सञ्चालन गरेकी थिइन् ।
रत्ननगर । रत्ननगर नगरपालिका वडा नं–१, नगरपालिका चोकमा आइतबार बिहान ००ः५५ बजे मोटरसाइकल सडकको डिभाइडरमा ठोक्किँदा एक युवक गम्भीर घाइते भएका छन् ।
पूर्व–पश्चिम सडकखण्डमा टाँडीबाट भरतपुरतर्फ जाँदै गरेको ना १७ प ७९० नम्बरको मोटरसाइकल सडकको डिभाइडरमा ठोक्किँदा चालक खैरहनी–१०, जीवनपुर बस्ने ३० वर्षीय जितेन्द्र चौधरी गम्भीर घाइते भएका हुन् ।
निजको नयाँ मेडिकल कलेज (सिएमसी) भरतपुरमा उपचार भइरहेको इलाका प्रहरी कार्यालय रत्ननगरले जनाएको छ ।
रत्ननगर । नेपाली कम्युनिस्ट पार्टीको रत्ननगर–१ स्थित चुनावी सम्पर्क कार्यालय बकुलहर चोकमा उद्घाटन गरिएको छ । कार्यालयको उद्घाटन प्रदेश सभा सदस्य कृष्ण खनालले गरेका हुन् ।
उद्घाटन कार्यक्रममा चितवन–१ का उमेदवार डा. कृष्णराज पन्तको विशेष उपस्थिति रहेको थियो । कार्यक्रममा बोल्दै प्रदेश सभा सदस्य खनालले नेपाली कम्युनिस्ट पार्टी विकास, सुशासन र जनउत्तरदायी राजनीतिमा प्रतिबद्ध पार्टी भएको उल्लेख गर्दै आगामी चुनावमा जनताको विश्वास जित्ने गरी अघि बढ्न कार्यकर्तालाई आग्रह गरे ।
उमेदवार डा. पन्तले क्षेत्रको समग्र विकास, शिक्षा, स्वास्थ्य, पूर्वाधार र रोजगारी सिर्जनालाई आफ्नो प्रमुख एजेण्डा बनाएको बताए । उनले जनताको घरदैलोमै पुगेर समस्या सुन्ने र समाधान खोज्ने अभियानलाई तीव्र बनाइने पनि जानकारी दिए ।
उद्घाटन कार्यक्रममा पार्टीका स्थानीय नेता, कार्यकर्ता तथा समर्थकहरूको उपस्थिति रहेको थियो ।
रत्ननगर । पूर्वी चितवनको रत्ननगर नगरपालिका–१५ स्थित माधवपुरमा नेपाली लोक भजन तथा संस्कृति संरक्षणका लागि भजन तथा शङ्ख ध्वनि प्रतियोगिता आयोजना गरिएको छ ।
माधवपुर मठमन्दिर तथा धार्मिक संघसंस्था समन्वय समिति रत्ननगर–१५ द्वारा आयोजित प्रतियोगिताको उद्घाटन नगरप्रमुख प्रलाद सापकोटाले गरेका हुन् ।
कार्यक्रमको उद्घाटन गर्दै नगरप्रमुख सापकोटाले युवा पुस्ताले बिर्सिँदै गएको नेपाली लोकभजन संस्कृतिको संरक्षण तथा जगेर्ना गर्न प्रतियोगिता महत्त्वपूर्ण हुने बताए । उनले भने, ‘हाम्रा संस्कृति र मूल्य–मान्यताहरुको संरक्षण गरिनुपर्दछ । नेपाली लोकभजन संस्कृतिको ऐतिहासिक महत्त्व रहेकाले यसको संरक्षणका लागि रत्ननगर नगरपालिका गम्भीरतापूर्वक लाग्ने प्रतिबद्धता व्यक्त गर्दछु ।’
यस्तै, नगर उपप्रमुख यादवप्रसाद पाठकले पछिल्लो समय पश्चिमा प्रभावका कारण हाम्रा लोकसंस्कृतिमाथि प्रहार हुन थालेको बताउँदै नेपाली समाजको आस्था, आध्यात्मिक चेतना र सांस्कृतिक पहिचानलाई पुनर्जागरण गर्नका लागि यस्ता कार्यक्रम फलदायी हुने बताए ।
नेपाली संस्कृति संरक्षणका लागि माधवपुर मठमन्दिर तथा धार्मिक संघसंस्था समन्वय समिति रत्ननगर–१५ ले गरेको जमर्कोप्रति सहाराना व्यक्त गर्दै रत्ननगर–१५ का वडाध्यक्ष आशिक तामाङले वडा कार्यालयबाट १ लाख ५० हजार सहयोग गरिएको जानकारी दिए ।
माधवपुर क्षेत्रलाई भक्तिमय सांस्कृतिक केन्द्रका रूपमा स्थापित गर्ने योजना रहेको समितिका सचिव पुरुषोत्तम कट्टेलले बताए । माधवपुर खेलकुद विकास समितिको खेलकुद मैदानमा हुने प्रतियोगितालाई भव्य बनाउन ५०५ सदस्यीय मूल आयोजक समिति गठनसमेत गरिएको छ । देशभरका भजन समूह तथा शङ्ख वादकहरूको उल्लेखनीय सहभागिता रहने बताइएको छ ।
प्रतियोगितामा एक समूहमा अधिकतम २० जना सहभागी हुन सक्नेछन् । समूहगत पोसाक अनिवार्य गरिएको छ । भजन प्रस्तुति अवधि १० मिनेटको हुने आयोजकले जनाएको छ ।
भजन प्रतियोगितामा प्रथम हुने समूहलाई ४० हजार, द्वितीयलाई ३० हजार, तृतीयलाई २० हजार र सान्त्वना पुरस्कारस्वरूप १० हजार रुपैयाँ प्रदान गरिने छ । त्यसैगरी शंख ध्वनि प्रतियोगितातर्फ प्रथम, द्वितीय र तृतीय हुने वादकहरूलाई क्रमशः ५ हजार, ३ हजार र २ हजार रुपैयाँ नगद पुरस्कार दिइने छ ।
कार्यक्रम व्यवस्थापनका लागि कुल करिब ५ लाख रुपैयाँ खर्च हुने अनुमान गरिएको छ । प्रतियोगिताको निर्णायक मण्डलमा गीतकार तथा सङ्गीतकार अर्जुन पोख्रेल र लोकप्रिय गायिका बबिता बानियाँ रहेकी छन् ।
चितवन । चितवनमा तीन वर्षपछि ‘नेपथ्य’ ब्यान्डको प्रस्तुति हेर्न पाइने भएको छ । सन् १९९० मा स्थापना भई नेपाली लोक–रक ब्यान्डको फराकिलो परिचय बनाएको नेपथ्यले नेपाल डायरिज प्रालिको आयोजनामा नारायणगढको क्याम्पाचौरमा साङ्गीतिक प्रस्तुति दिन लागेको हो ।
नेपालको लोकप्रिय ब्यान्ड नेपथ्य साङ्गीतिक कार्यक्रममार्फत देश दौडाहामा रहेको बेला नारायणगढमा पनि कार्यक्रम गर्ने तयारी गरिएको हो । यही माघ २७ गते नारायणगढस्थित क्याम्पाचौरमा हुने कार्यक्रम चितवनमा तीन वर्षपछि फर्किएको हो ।
साँझ सबा ६ बजेदेखि सुरू हुने कार्यक्रमबाट दर्शकले सङ्गीतमय साँझको अनुभूति गर्न सक्ने नेपाल डायरिजका निर्देशक विनेश थापाले बताए । कार्यक्रम अवलोकन गर्नका लागि करिब आठ हजार दर्शक सहभागी हुने अनुमान गरिएको छ ।
कार्यक्रमका लागि भिआइपी ३०००, रेगुलर १५०० र विद्यार्थी १००० दरका टिकटको व्यवस्था गरिएको छ । विद्यार्थीलाई लक्षित गर्दै सहुलियत दरका अर्ली बर्ड टिकटसहित रेगुलर र भिआइपी टिकट उपलब्ध गराइएको छ । सहुलियत दरका अर्ली बर्ड टिकटको कोटा सीमित रहेको र अन्य टिकटहरु पनि सीमित सङ्ख्यामा बिक्रीमा रहेको आयोजकले जानकारी दिएको छ ।
यसक्रममा चितवनका विभिन्न ठाउँमा क्याम्पेन सञ्चालन गरी त्यसबाट प्राप्त प्रतिक्रियाले नेपथ्यसँग पुनः भेट हुन दर्शक उत्साहित देखिएको नेपाल डायरिजका निर्देशक थापाले जानकारी दिए ।
उनका अनुसार चितवनसँगै नवलपरासी, बर्दघाट (सुस्तापूर्व तथा पश्चिम), तनहुँ, मकवानपुरलगायत आसपासका जिल्लाबाट पनि दर्शकको सहभागिता रहने अपेक्षा गरिएको छ । नेपथ्यको सङ्गीत सबै उमेर समूहका स्रोता, दर्शकले रूचाउने भएकाले दर्शक पनि सबै उमेर समूहका रहने आयोजकले जनाएको छ ।
चितवन । चितवनमा अनुमति लिएर राखिएका ११ हतियार मात्रै स्थानीय प्रशासनलाई फिर्ता गरिएको छ । आगामी फागुन २१ गते हुने प्रतिनिधिसभा निर्वाचनलाई लक्षित गर्दै स्थानीय प्रशासनले हतियार बुझाउन आग्रह गरे पनि अनुमति लिएका हतियार अपेक्षाकृत रुपमा बुझाइएको छैन ।
चितवनका प्रमुख जिल्ला अधिकारी गणेश अर्यालका अनुसार जिल्लामा १४१ जनाले हतियार राख्न अनुमति लिएका छन् ।
स्थानीय प्रशासनले प्रतिनिधिसभा सदस्य निर्वाचनलाई निष्पक्ष, स्वच्छ, शान्तिपूर्ण र विश्वसनीय बनाउन अनुमति लिएर राखिएका हतियार बुझाउन गत माघ ६ गते सूचना प्रकाशित गरेको थियो । पन्ध्र दिनभित्र हतियार बुझाउन भनिए पनि सो अवधि सकिँदासमेत सम्पूर्ण हतियार फिर्ता गरिएको छैन ।
“हतियार राख्ने अनुमति लिएर जिल्ला बाहिर राखिएको पनि हुन सक्छ, अन्य जिल्लामा बुझाइएको तथ्याङ्क आउने क्रम जारी छ”, प्रजिअ अर्यालले भने । उनका अनुसार बैंकिङ क्षेत्रमा रहेका हतियार बैंकको सुरक्षाका लागि राखिने हुँदा ती हतियार फिर्ता गर्नुपर्दैन । अन्यको हकमा अनुमति लिएर राखिएका हतियार निर्वाचनको समयमा फिर्ता गरी निर्वाचनपछि पुनः लिन मिल्ने व्यवस्था मिलाइएको उनले जानकारी दिए ।
चितवन । भरतपुर महानगरपालिका–२ स्थित नेपाली कांग्रेसको पार्टी कार्यालय एक समारोहबीच उद्घाटन गरिएको छ ।
जेनजी आन्दोलनका क्रममा आगजनीबाट ध्वस्त पारिएको उक्त कार्यालय पुनर्निर्माण सम्पन्न भएपछि पुनः सञ्चालनमा ल्याइएको हो । कार्यालयको उद्घाटन नेपाली कांग्रेसकी नेतृ एवम् प्रतिनिधिसभा निर्वाचनका लागि चितवन क्षेत्र नम्बर २ की उमेदवार मीना खरेलले गरेकी हुन् ।
चितवन क्षेत्र नम्बर २ मा निर्वाचन नजिकिँदै गर्दा पार्टी संगठनलाई थप सशक्त र सक्रिय बनाउने उद्देश्यसहित कार्यालय पुनः सञ्चालनमा ल्याइएको नेताहरूले बताएका छन् । उद्घाटन समारोहलाई सम्बोधन गर्दै भरतपुर–२ का वडाध्यक्ष मनोज रानाभाटले आगामी निर्वाचनलाई लक्षित गर्दै सबै क्रियाशील सदस्यहरू एकजुट भएर लाग्नुपर्नेमा जोड दिँदै नेतृ मीना खरेललाई अत्याधिक मतका साथ विजयी गराउने विश्वास व्यक्त गरे ।
पार्टी कार्यालय उद्घाटनसँगै चुनावी गतिविधि थप सक्रिय बनाउने र जनतासँग प्रत्यक्ष संवादलाई तीव्रता दिने खरेलले बताइन् । नेतृ खरेलले मतदाता, शुभेच्छुक तथा कार्यकर्ताहरूको साथ, सहयोग र विश्वासप्रति आभार व्यक्त गर्दै जनताको सेवा र विकासका कामलाई अझ प्रभावकारी ढङ्गले अगाडि बढाउने प्रतिबद्धता व्यक्त गरिन् ।
कार्यक्रममा नेपाली कांग्रेसका वरिष्ठ नेताहरूको उपस्थिति रहेको थियो भने वडा नम्बर २ का क्रियाशील सदस्य तथा स्थानीय कार्यकर्ताहरू सहभागी थिए ।
चितवन । लोकप्रिय नेपाली कलाकार थुमन शर्मा र मिनु गैरेको स्वरमा तयार भएको नयाँ गीत ‘मायाको असर’ सार्वजनिक भएको छ । नेपाली सङ्गीतप्रेमीहरूका लागि विशेष आकर्षण बनेको यो गीतले प्रेमको मिठास र जीवनका सुखद भावनाहरूलाई समेट्दै दर्शक–स्रोतालाई भावनात्मकरूपमा मन्त्रमुग्ध बनाउने लक्ष्य राखेको छ ।
यस गीतको शब्द रचना सफल गीतकार शिवराज गौतमले गरेका छन् भने सङ्गीत आफैँले तयार पारेका छन् । गीतको सङ्गीत संयोजन रुविन मगरले गरेका छन् भने मिक्सिङ र मास्टेरिङचाहिँ किशोर थापाले गरेका हुन् । आधुनिक प्रविधिको प्रयोग गर्दै उत्कृष्ट ध्वनि गुणस्तर सुनिश्चित गरिएको छ ।
गीतसँगै सार्वजनिक भएको भिडियो पनि अत्यन्तै आकर्षक बनेको छ । भिडियोका निर्देशक प्रकाश धिताल हुन् र भिडियोमा उनको आफ्नै कन्सेप्ट प्रयोग गरिएको छ । भिडियोमा मुख्य कलाकारको रूपमा प्रवीन डी।सी। र अनिता गिरी प्रस्तुत छन् ।
भिडियोको सिनेमाटोग्राफी सुविन गोदरले गरेका छन् भने सम्पादन राकेश दाहालले गरेका छन् । मेकअप आर्टिस्टको रूपमा सीमा मगर र प्रोडक्सन म्यानेजरको भूमिकामा सुर्य ओलीले आफ्नो योगदान दिएका छन् ।
भिडियोमा दुई प्रेमीको कथालाई प्रस्तुत गरिएको छ, जो विद्यालयको प्रमोसनपछि अझ नजिकिँदै प्रेममा झुमिरहेका छन् । यसरी उनीहरूको माया र मिलनको यात्रा दर्शक–स्रोतालाई अत्यन्तै मन छुने रूपमा देखाइएको छ ।
रत्ननगर । रत्ननगर–१, बकुलहरमा रहेको हिमालयन इङ्ग्लिस सेकेन्डरी स्कुलको आयोजनामा शुक्रबार पूर्वी चितवन विद्यालयस्तरीय गायन तारा प्रतियोगिता–२०८२ सम्पन्न भएको छ ।
प्रतियोगितामा १८ विद्यालयका २८ प्रतियोगीले सहभागिता जनाएका थिए । जसमा मदरल्यान्ड एकाडेमी, खैरहनीका छात्रा काव्य लामा प्रथम, स्काइराइडर सेकेन्डरी इङ्ग्लिस बोर्डिङ स्कुल, रत्ननगरका छात्रा अन्वेषा पाठक द्वितीय, सैनिक आवासीय महाविद्यालय, खैरहनीका छात्रा अग्रता थपलिया तृतीय, एकता शिशु निकेतन, रत्ननगरका छात्र प्रियम ढकाल र सिद्धिविनायक सेकेन्डरी स्कुल, कालिकाका छात्रा स्मिता पोखरेलले सान्त्वना स्थान हासिल गरेका छन् ।
विजयी विद्यार्थीहरुलाई नगदसहित ट्रफी र प्रमाणपत्र एवम् पाँच विद्यालयलाई ट्रफी र प्रमाणपत्र प्रदान गरिएको थियो । सो अवसरमा सहभागी विद्यालय र प्रतियोगीलाई प्रमाणपत्र प्रदान गरिएको थियो ।
प्रतियोगितामा प्रकाश परियार, प्रकाश चर्मकार र ईश्वर दुवाडीले निर्णायकको भूमिका निर्वाह गरेका थिए । प्रतियोगीमध्ये दोस्रो चरणमा प्रवेश गरेका १० प्रतियोगीमध्येबाट विजेता छनोट गरिएको हो ।
स्कुलका प्राचार्य नरेन्द्रप्रसाद बेल्वासेको अध्यक्षता एवम् नगरप्रमुख प्रलाद सापकोटाको प्रमुख आतिथ्यतामा सम्पन्न कार्यक्रममा रत्ननगर–१ का कार्यवाहक वडाध्यक्ष गिरिराज लम्साल, शिक्षक अभिभावक संघका अध्यक्ष गोपालप्रसाद पौडेल, स्कुलका निर्देशक हरि शर्मा आचार्य, सह-प्राचार्य उमेशजङ्ग कुँवर र नवराज गिरीको विशिष्ट आतिथ्यता रहेको थियो ।
कार्यक्रमका संयोजक शिक्षक रवीन्द्र शर्मा चालिसेले स्वागत मन्तव्य व्यक्त गरेका थिए । कार्यक्रममा स्कुलका तर्फबाट विभिन्न छात्रछात्राहरुले नृत्य तथा गीत प्रस्तुत गरी मनोरञ्जन प्रदान गरेका थिए ।
रत्ननगर । रत्ननगर नगरपालिकाद्वारा आयोजित सातौँ राष्ट्रपति रनिङशिल्ड प्रतियोगिता–२०८२ मा श्री आधारभूत विद्यालय बेल्सीबाट पदक विजेता खेलाडीलाई एक समारोहबीच विद्यालय व्यवस्थापन समितिले सम्मान गरेको छ ।
तीन हजार मिटर छात्रा दौडमा स्वर्ण र पन्ध्र सय मिटर छात्रा दौडमा कास्य पदक बिजेता कक्षा ६ मा अध्ययनरत शिरीषा तामाङलाई विद्यालयले पाँच हजार रुपैयाँ नगदसहित सम्मान गरेको हो । यस्तै, रत्ननगर–१० का राजेन्द्रप्रसाद कट्टेलबाट दुई हजार, विद्यालय व्यवस्थापन समितिका अध्यक्ष रामहरि शर्मा खनालले पाँच सय र सदस्य विमला सुवेदीले पाँच सय रुपैयाँ प्रदान गरेका थिए ।
रत्ननगर नगरपालिकाका सामाजिक विकास समितिका संयोजक एवम् रत्ननगर–३ का वडाध्यक्ष सोहेन्द्रराज खरेल, व्यवस्थापन समितिका अध्यक्ष रामहरि खनाल, प्रधानाध्यापक रामचन्द्र महतो र शिक्षकहरुले संयुक्तरूपमा सम्मान गरेका हुन् ।
रत्ननगर । राजेन्द्रप्रसाद बुर्लाकोटी नेपाली राजनीतिमा समाजसेवा, सङ्घर्ष र योगदान बोकेका व्यक्तित्व हुन् । विसं २०१६ भदौ १२ गते चितवनको काउलेमा कृषक परिवारमा जन्मिएर जीवनका हरेक कठिनाइलाई आत्मसात् गर्दै आफ्नै पौरखबाट सफल उद्यमी बन्न सफल उनी इमानदार, शालीन, सादगी र सरल स्वभावका जनप्रिय नेता हुन् । चितवन क्षेत्र नम्बर १ का जनताको आवश्यकता, समस्या र सम्भावनालाई नजिकबाट बुझेका उनी परिपक्व नेताका रुपमा स्थापित भएका छन् ।
विसं २०३२ सालदेखि नेपाली कांग्रेसको सदस्यता ग्रहण गरेका उनी ५० वर्षदेखि निरन्तर पार्टीमा सक्रिय रहँदै आएका छन् । विसं २०५० देखि पाँचपटक महासमिति सदस्य र छपटक महाधिवेशन प्रतिनिधि भइसकेका उनी विभिन्न राजनीतिक परिवर्तनका साक्षी र प्रजातान्त्रिक योद्धा हुन् । उनी पञ्चायती व्यवस्थादेखि लोकतान्त्रिक परिवर्तनसम्मको राजनीतिक यात्रामा विचलित नभईकन सधैँ परिवर्तन, न्याय र समानताको पक्षमा आफ्नो स्पष्ट अडान राख्दै समाजवादउन्मुख रूपान्तरणका लागि निरन्तर क्रियाशील रहे । सत्ता र पदभन्दा माथि रहेर जनताको सेवामा समर्पित रहनु उनको राजनीतिक प्रतिबद्धताको प्रमाण हो ।
उनी भाषणमा मात्रै सीमित रहने नेता होइनन्, शिक्षा, स्वास्थ्य, कृषि, रोजगारी, उद्यमशीलता र पूर्वाधार विकासमार्फत समाजको समग्र उन्नतिका लागि अहोरात्र खटिएर जनताको दुःखपीडा र समस्यामा सारथि बनेका जनप्रिय नेता हुन् ।
पाँच दशक समाजसेवामा तल्लीन रहेका उनले राप्ती–८ मा स्वास्थचौकी बनाउनुपर्छ भनेर भूमिदान गरे । साना सहरी खानेपानी विकास आयोजनाको संस्थापक अध्यक्ष रहेर गाउँलेलाई शुद्ध पिउनेपानी खुवाए । थारु समुदायमा समान शैक्षिक पहुँचको लागि कठार माविको भवन निर्माण गर्न पहलकदमी लिँदै आर्थिक सहयोग गरे । खुरखुरे–ठकुरी भञ्ज्याङ सडक निर्माणमा पहलकदमी लिए । विभिन्न मठ–मन्दिर, विद्यालय–कलेज, स्वास्थ्यचौकी–अस्पतालको उन्नयनमा सक्रिय योगदान दिँदै आर्थिक सहयोग गरे । जनजातिका धर्म–संस्कृतिको जर्गेना गर्ने काममा समेत उनले भूमिका खेलेका छन् ।
उनी दीनदुःखीको सहारा बन्दै सामाजिक कार्यमा प्रतिबद्ध भई खटिएका योद्धा हुन् । राजनीतिक सेवाको पद धारण नगरी पनि जनता र समाजकै लागि काम गर्दै आएका इमानदार र दूरदृष्टि भएका नेता यतिबेला चितवन क्षेत्र नं १ ले खोजिरहेको छ । जनतालाई सपनाको खेती गर्ने र तिलस्मी आश्वासनका पोका बाँडेर होइन, लोकतन्त्रको विकास, समाजवादउन्मुख समृद्ध नेपाल र चितवनको उज्ज्वल भविष्यका लागि कांग्रेसले उनलाई उमेदवार बनाएको छ । बोलेर होइन काम गरेर परिणाम देखाउने नेतृत्व आज जनताले खोजिरहेका छन् । जनताको त्यही आशा, भरोसा र विश्वासलाई पूरा गर्ने सामर्थ्य उनमा छ ।
जेनजी विद्रोहपश्चात् रुपान्तरित कांग्रेसले ‘बदलियो कांग्रेस : बदल्छौँ देश’ भन्ने नाराका साथ नयाँ भिजनका साथ अगाडि बढिरहेको सन्दर्भमा समाज बदल्ने सोच बोकेर उनी जनताको सेवा गर्न आतुर छन् ।
उनी स्टन्टबाजी गर्दैनन् । छलकपट र वैरभाव उनको चरित्र होइन । चटक देखाउने, भ्रम फैलाउने र सस्तो लोकप्रियता कमाउने लोभ उनमा छैन । कांग्रेसको जिउँदो इतिहास बोकेका उनी परिचालित व्यक्ति होइनन्, स्वचालित, स्थापित र परिपक्व नेता हुन् । जिम्मेवारीलाई बोझ होइन कर्तव्य ठान्ने पूर्वी चितवनका धरोहर राजेन्द्रप्रसाद बुर्लाकोटी तेस्रोपटक चुनावी परीक्षणमा होमिएका छन् ।
चितवन क्षेत्र १ का जनतामाझ विश्वासिलो र जिम्मेवार नेताका रूपमा स्थापित भइसकेका उनलाई यसपटक हार्ने छूट छैन । र, मतदाताले मनमस्तिष्कबाट उनको योगदानको मूल्याङ्कन गर्ने समय आएको छ । किसानका छोरा, जो किसानकै समस्या नजिकबाट महसुस गर्न सक्छन्, उनलाई अत्यधिक मतका साथ विजयी गराउन कुनै कन्जुस्याइँ गर्नुपर्दैन ।
भरतपुर । नेपाली कांग्रेस चितवन क्षेत्र नं ३ ले घरदैलो कार्यक्रम गरिरहेको छ । मङ्गलबार भरतपुर–२५ को घरदैलो सकिएपछि भरतपुर–२४ को घरदैलो सुरू भएको छ । चितवन क्षेत्र नं ३ का कांग्रेस उमेदवार टेकप्रसाद गुरूङले बदलिएको कांग्रेसले जेनजी युवाले उठाएको मुद्दा बोकेर चुनावमा आएको बताए । आइतबार उनले भरतपुर–१३ मा मतदाता भेटघाट कार्यक्रम गरेका थिए ।
नेपाली कांग्रेसको मूल्य र सिद्धान्तअनुसार दलित, जनजाति र सबै समुदायका साथीहरुसँग संवाद गर्दै उनीहरुको सुख–दुःख, समस्या र आवश्यकतालाई सम्बोधन गर्दै आवाज संसद्सम्म पु¥याउने एवं विकास र समृद्धिको मार्गमा साथ दिने वाचा गरेको उनले बताए ।
लोकतन्त्र, विचार, सिद्धान्त र स्थानीयका मुद्दालाई राम्रोसँग बुझेका कारण उनको पक्षमा जनलहर बढेको नेपाली कांग्रेसको दाबी छ । पार्टीका सबै शुभचिन्तक र मतदाताको मन जित्न सक्ने ठानेर नै कांग्रेसले आफूलाई मैदानमा पठाएको उनले बताए । ‘जनप्रतिनिधि हुँदै आएको पुरानो अनुभव र पार्टीमा अहिलेसम्म पनि सक्रिय नै रहेका कारण सबैको भावना बुझेको हुँदा मतदाताको मन पनि जित्छु भन्ने आशा छ’, उमेदवार गुरूङले भने ।
विगतमा पार्टीको राम्रो आधार मानिएको हाल चितवन–३ अन्तर्गतको क्षेत्रमा पुरानो विरासत फर्काउने जिम्मेवारी पुराना नेताको काँधमा सुम्पिएको उनी बताउँछन् । ‘बदल्यौँ कांग्रेस, बदल्छौँ देश’ भन्ने मूल नाराका साथ एकताबद्ध भएर कांग्रेसका साथीभाइ लागेकाले आफू विजेता हुने उनले बताए ।
उनले लोकतन्त्रको सुदृढीकरण, विकास निर्माण तथा जनताको पक्षमा काम गर्ने प्रतिबद्धतासमेत व्यक्त गरे । घरदैलो कार्यक्रममा मतदाता उत्साहित भएको भन्दै उमेदवार गुरूङले वृद्धवृद्धा, महिला र जेनजी युवाहरुबाट सकारात्मक प्रतिक्रिया आएको बताए । घरदैलोमा किसान, युवा, संघसंस्था, शिक्षक र महिलाहरुले स्थानीयस्तरमा गर्नुपर्ने विकास, पूर्वाधार, कृषि, पर्यटन, शिक्षा, स्वास्थ्यलगायतका समस्या राखेको उनले बताए ।
चितवन–३ मा संविधान जारी भएपछि पहिलोपटक कांग्रेसले उमेदवार उठाएको छ । भरतपुर महानगरपालिकाको निर्वाचनमा तत्कालीन माओवादी केन्द्रसँग दुईपटक नै गठबन्धन गरेर कांग्रेसले मेयर उठाएन । २०७४ को प्रतिनिधिसभा निर्वाचनमा राष्ट्रिय प्रजातन्त्र पार्टी (राप्रपा) र २०७९ को निर्वाचनमा तत्कालीन माओवादी केन्द्रका उमेदवारलाई समर्थन गर्यो ।
यो क्षेत्रमा राष्ट्रिय स्वतन्त्र पार्टी (रास्वपा)बाट सोविता गौतम, नेपाल कम्युनिस्ट पार्टी (नेकपा)बाट रेनु दाहाल र नेकपा एमालेबाट शंकर थपलिय प्रतिस्पर्धामा छन् ।
चितवन । चितवन क्षेत्र नम्बर २ की उम्मेदवार मीना खरेलले नेतृत्वलाई पद, हैसियत वा शक्ति प्रदर्शनसँग नभई जिम्मेवारी, सेवा र कर्मसँग जोडेर बुझ्नुपर्ने धारणा राखेकी छन् ।
चुनावी अभियानका क्रममा विभिन्न स्थानमा आयोजित भेला तथा अन्तर्क्रिया कार्यक्रममा बोल्दै उनले भनिन्, नेतृत्व पद होइन, जिम्मेवारी हो, हैसियत होइन, कर्म हो ।’
कांग्रेस चितवनले यतिबेला चुनावी अभियानलाई मध्यनजर गर्दै चितवन क्षेत्र नम्बर २ का विभिन्न वडा, टोल, गाउँपालिकाहरुमा क्रियाशील भेला तथा अन्तर्क्रिया कार्यक्रम आयोजना गरिरहेको छ ।
सोही कार्यक्रमअन्तर्गत कालिका नगरपालिकाको भेलामा उनले नेतृत्व भनेको अधिकारको प्रयोग गरेर आफूमाथि उभिनुमात्रै नभएर जनताको भरोसालाई सम्मान गर्दै उनीहरूसँगै हिँड्नु भएको बताएकी छन् । यस्तै उनले जनताले विश्वास गरेर दिएको जिम्मेवारीलाई सेवा गर्ने अवसरका रूपमा लिनुपर्ने बताउँदै, त्यो सेवा गर्न आफू तयार भएको उनको भनाइ छ ।
उनी भन्छिन्– राजनीतिमा इमानदारी र पारदर्शिताबिना परिवर्तन सम्भव नहुने उल्लेख गर्दै “जनताको समस्या बुझ्ने, उनीहरूको आवाज सुन्ने र समाधानका लागि निरन्तर लाग्ने प्रतिबद्धता नै नेतृत्वको असली परिचय हो ।” लामो समय राजनीतिकसँगै सामाजिक कार्यमा सक्रिय रहँदै आएको हुनाले आफूले चुनाव जित्दै गर्दै सबै नागरिकलाई समेटेर काम गर्ने बताइन् ।
‘म निरन्तर जनताको दुःख सुखमा साथ दिएर अगाडि बढ्न चाहन्छु । यसपटक जनताले सही नेतृत्व छान्ने बेला हो, उहाँहरुले सही नेतृत्व र सही पाटीलाई अमूल्य मतदान गर्नुहुन्छ त्यसमा म विश्वस्त छु’, उनले भनिन् ।
यस्तै, खरेलले चितवन–२ मा शिक्षा, स्वास्थ्य, रोजगारी, कृषि भौतिक पूर्वाधारको विकासलाई प्राथमिकतामा राखेर काम गर्ने बताउँदै महिला तथा बालबालिकासँग सम्बन्धित मुद्दाहरूलाई संसदमा प्रभावकारी र सशक्तरूपमा उठाउने प्रतिबद्धता व्यक्त गरिन् ।
रत्ननगर । रत्ननगर–१, बकुलहरमा कांग्रेस चितवन क्षेत्र नं १ ले सम्पर्क कार्यालय स्थापना गरेको छ ।
सो अवसरमा प्रमुखअतिथि राष्ट्रिय सभा सदस्य गीता देवकोटाले चितवन १ का कांग्रेस उमेदवार राजेन्द्रप्रसाद बुर्लाकोटी आफू पदमा नरहँदा पनि जनताकै सेवामा समर्पित रहेको र दुईपटक पराजित भइसक्दा पनि बिचलित नभईकन पार्टीलाई योगदान दिएको भन्दै यसपटक हार्ने छूट नभएको बताइन् ।
उनले भनिन्, ‘सरल, शालिन स्वभावका उहाँले समाजमा गरेको योगदानकै कारण यतिबेला मतदाताको रोजाइमा हुनुहुन्छ । उहाँको प्रतिस्पर्धी उहाँ आफैँ मात्र हो । कांग्रेसका जनप्रतिनिधिहरुले गरेका जनमुखी कामको मूल्याङ्कन गरेर उहाँलाई भारी मतका साथ जिताउन लागौँ ।’
उमेदवार बुर्लाकोटीले जेनजी आन्दोलनपछि रुपान्तरित भएको पार्टी कांग्रेस भएको र कांग्रेसले १६५ वटै क्षेत्रमा कुनै पनि दाग नलागेका उमेदवार उठाएको भन्दै बहुमत आउने गरी कांग्रेसलाई जिताउन आग्रह गरे ।
उनले भने, ‘मलाई व्यक्तिगतरूपमा कसैले चिन्नु पर्दैन । कांग्रेसलाई चिने पुग्छ । कांग्रेसको चुनाव चिह्न रुखलाई चिने पुग्छ । मत बदर नहुने गरी रुखमा मतदान गरी गगन थापालाई प्रधानमन्त्री बनाउन लाग्नुहोस् ।’
क्षेत्रीय समितिबाट सम्पर्क कार्यालयमा खटाइएका प्रतिनिधि ओम डल्लाकोटीले निर्वाचनमा महिलाको भूमिका बढी हुने भएकाले आफ्नो घरपरिवार, टोलछिमेक र वडामा मत खेर नजाने गरी मतदातालाई सिकाउन आवश्यक रहेको बताए । कांग्रेसको जिम्मेवारीमा रहेका हरेकले आआफ्नो भूमिका निर्वाह गरी मत संरक्षण गर्न र आफ्ना उमेदवारलाई जिताउन हरसम्भव प्रयास गर्न आग्रह गरे ।
कार्यक्रममा कांग्रेसका पुराना नेता हरिलाल सुवेदी, नेमराज पौडेल, त्रिलोलन रिजाल, बाबुराम गौतम, भागीरथी चौधरीलगायतले मन्तव्य व्यक्त गरेका थिए ।
रत्ननगर–१ कांग्रेस वडा सभापति एवम् वडाध्यक्ष कुलप्रसाद सापकोटाले वडावासीलाई निःशुल्क खानेपानी, पूर्वाधार विकास, शैक्षिक विकासलगायतका कामको मूल्याङ्कनका आधारमा पनि कांग्रेस उमेदवारका पक्षमा मत आउने अपेक्षा रहेको बताउँदै आफू उमेदवार रहँदा जत्तिकै मेहनत गर्ने प्रतिबद्धता व्यक्त गरे ।
दमौली । नेपाली कांग्रेसको तर्फबाट प्रतिनिधिसभा सदस्य निर्वाचनका लागि तनहुँ क्षेत्र नं १ का उमेदवार गोविन्द भट्टराईले नयाँ दलका नेताले छरेको भ्रममा नपर्न आग्रह गरेका छन् ।
नयाँ राजनीतिक दलका नेताहरुले भ्रम छरेर मतदातालाई झुक्याउने काम गरिरहेको भन्दै उनले स्टन्टबाजी र चटकेहरुको फैलाएको भ्रममा नपर्न आग्रह गरेका हुन् ।
नेपाली कांग्रेस १ नम्बर वडा कार्यसमितिद्वारा आयोजित चुनावी कार्यक्रमलाई सम्बोधन गर्दै उनले भने, ‘नयाँ भनिएका राजनीतिक दलहरुसमेत पटक—पटक निर्वाचनमा लडिसकेको हुँदा अब नयाँ र पुरानो भन्ने भाष्य नरहेको बताए । आफू पदमा नरहँदासमेत तनहुँ क्षेत्र नं १ को विकासका लागि मरिमेटेर लागी परेको र निर्वाचित भएपछि पनि यहाँका समस्या र विकासका लागि अझै प्रतिबद्ध भएर लाग्ने उनको भनाइ थियो ।
तनहुँमा भएका अधिकांश विकास निर्माण कांग्रेसको अगुवाईमा भएको भन्दै उनले मतदाताले यसपटक कांग्रेसलाई नै भोट दिन आग्रह गरेका थिए ।
वडा कार्यसमितिका सभापति दिलबहादुर दरैको सभापतित्वमा भएको कार्यक्रममा केन्द्रीय सदस्य प्रकाश पन्त, वडा कार्यसमितिका उपसभापति सोमराज सिग्देललगायतले बोलेका थिए । भेलामा सहभागीहरुले विभिन्न किसिमका सुझाव दिएका थिए ।
गोरखा । गोरखा क्षेत्र नं २ मा चुनावी सरगर्मी ह्वात्तै बढेको छ । प्रतिनिधिसभा सदस्य निर्वाचनका लागि कांग्रेस उमेदवार प्रकाशचन्द्र दवाडीको पक्षमा जनलहर बढेको छ ।
अजिरकोट गाउँपालिका वडा नं–४ सिमजुङ (झ्यावाँ) निवासी प्रकाशचन्द्र दवाडी गोरखाको राजनीतिमा चिरपरिचित नाम हो । उनी गोरखा क्षेत्र नं २ को भूगोल मतदातामाझ परिचित उमेदवार हुन् । व्यवसायसँगै समाजसेवा हुँदै राजनीतिमा उदाएका दवाडी गण्डकी प्रदेशका पूर्वसांसद् हुन् ।
दवाडीले गोरखा क्षेत्र नं २ का विभिन्न आमा समूह, युवा क्लब, विद्यार्थीलाई छात्रवृत्ति, गरिब तथा विपन्न नागरिक सहयोगलगायतका सामाजिक उत्तरदायित्वका थुप्रै काम गर्दै आएका छन् ।
प्रदेश सांसद् हुँदा उनले सांसदबापत पाउने तलबभत्ता र सेवा–सुविधा आफ्नै क्षेत्रको सामाजिक काममा लगाउँदै आएका थिए । गण्डकी प्रदेशमा बलियो पहुँच बनाएका दवाडीले गोरखा क्षेत्र नं २ मा मोटरबाटो निर्माण, सिँचाइ, पर्यटन, कृषिलगायतलाई मुख्य प्राथमिकतामा राखेर सयौँ योजना पार्न सफल भएका थिए ।
दवाडीले गोरखाको विकासमा गरेको लोभलाग्दो कामको कदर गर्दै कांग्रेसले आगामी फागुन २१ गते हुने प्रतिनिधिसभा निर्वाचनमा बलियो दाबेदारका रुपमा प्रस्तुत गरेको छ । क्षेत्रको भूगोल चिनेका र विकासप्रेमी छवि बनाएका दवाडीका पक्षमा गोरखावासी रहेका छन् ।
भूगोल चिनेका र स्थानीय समस्या नियालेका उनले गोरखा २ मा घरदैलोका क्रममा मतदाताहरु उत्साहित भएको र आफूलाई मतदान गर्न आतुर रहेको प्रतिक्रिया पाएको बताएका छन् । अन्य उमेदवारहरुले स्टन्टबाजी र चटक देखाउँदै गर्दा उनी शालिन तरिकाले मतदाताका गुनासो सुन्न व्यस्त देखिएका छन् ।
विभिन्न गाउँबस्तीका मतदाताहरु भन्छन्, ‘हामीलाई यहाँको समस्या नजिकबाट बुझेको र यही क्षेत्रमा काम गर्दै आएको नेता चाहिएको हो । प्रकाशचन्द्र दवाडी हाम्रो मनमा बस्न सफल हुनुभएको छ । उहाँलाई भारी मतसहित जिताउन हामी प्रतिबद्ध छौँ ।’
राप्ती । राष्ट्रिय प्रजातन्त्र पार्टी चितवन क्षेत्र नम्बर १ का प्रतिनिधिसभा सदस्यका उमेदवार बलराम खनाल घरदैलो कार्यक्रममा व्यस्त भएका छन् ।
उमेदवार खनाल घरदैलोमा पुगेर जनतासँग प्रत्यक्ष संवाद गर्न व्यस्त भएका हुन् । सोमबार राप्ती–५ मा घरदैलो गर्दै उमेदवार खनालले मतदातासँग भेटघाट गर्दै जनताका गुनासा र समस्याहरु सङ्कलन गरिरहेका छन् ।
घर–घरमा पुगेर मतदाताको गुनासो, सुझाव र अपेक्षा सुन्दै उनले राष्ट्रियता, परम्परा र सुशासनलाई केन्द्रमा राखेर आफ्ना राजनीतिक प्रतिबद्धता प्रस्तुत गरेका छन् ।
उनको यस अभियानले स्थानीयस्तरमा उत्साह बढाएको छ । राष्ट्र, राष्ट्रियता र जनताको पीरमर्का बुझ्ने पार्टी राप्रपा भएको भन्दै उनले स्वाधीनताको रक्षा र संवैधानिक राजसंस्थासहितको सनातन हिन्दु राष्ट्र निर्माण गर्ने लक्ष्यका साथ आफू मैदानमा उत्रिएको उनले बताए ।
मुलुकलाई विभिन्न स्वार्थ समूहको क्रियास्थल बन्नबाट रोक्न राप्रपालाई जिताउन जरूरी रहेको उनको भनाइ छ ।
भरतपुर । चितवन क्षेत्र नम्बर २ मा आउँदो फागुन २१ गते हुने प्रतिनिधिसभा सदस्य निर्वाचन नजिकिँदै जाँदा चुनावी माहोल तातेको छ ।
दल तथा उमेदवारहरू जनतामाझ आफ्ना एजेन्डा प्रस्तुत गरिरहेका बेला नेपाली कांग्रेसकी उमेदवार मीनाकुमारी खरेल सामाजिक सेवा र महिला अधिकारका सवालमा गरेको योगदानका कारण मतदाताको रोजाइमा पर्न थालेकी छन् ।
खरेल लामो समयदेखि महिलाहरूको हकहित र न्यायका लागि निरन्तर सक्रिय रहँदै आएकी हुन् । घरेलु हिंसा, विभेद र अन्यायमा परेका महिलाहरूको उद्धार, कानुनी सहयोग र पुनस्र्थापनाका लागि उनले प्रत्यक्ष रूपमा काम गरेकी छन् । पीडित महिलाहरूलाई आत्मनिर्भर बनाउने अभियानमा उनको भूमिका उल्लेखनीय मानिन्छ ।
यस्तै, असहाय तथा टुहुरा बालबालिकालाई संरक्षण, पालनपोषण र शिक्षाको अवसर दिलाउँदै सक्षम नागरिक बनाउने काममा पनि उनी समर्पित रहँदै आएकी छन् । धेरैका लागि उनी नेतृभन्दा पनि अभिभावक र भरोसायोग्य सहाराको रूपमा चिनिन्छिन् ।
राजनीतिक पदभन्दा बढी सामाजिक उत्तरदायित्वलाई प्राथमिकता दिँदै आएकी खरेलले आफ्नो जीवन नै सेवा र समर्पणमा खर्चिएकी छन् । शिक्षा, स्वास्थ्य, महिला सशक्तीकरण र रोजगारीलाई मुख्य एजेन्डा बनाएर उनी अहिले मतदातामाझ पुगेकी छन् ।
कांग्रेसको महासमिति सदस्यसमेत रहेकी खरेल सङ्गठन निर्माण र जनसम्पर्कमा उत्तिकै सक्रिय छन् । स्थानीय समस्या र विकासका आवश्यकता नजिकबाट बुझेकी उनको अनुभवले उनलाई व्यावहारिक र जनमुखी उमेदवारका रूपमा स्थापित गरेको छ ।
स्थानीय बासिन्दाहरू भन्छन्, ‘मीनाकुमारी खरेल नेतृ मात्र होइनन्, सङ्कटमा साथ दिने संरक्षक हुन् ।’ यही विश्वास र जनसमर्थनका कारण चितवन क्षेत्र नम्बर २ मा उनको उमेदवारी दिनप्रतिदिन थप सशक्त बन्दै गइरहेको छ ।
चितवन क्षेत्र नम्बर २ का विभिन्न स्थानहरूमा भइरहेका क्रियाशील भेला तथा मतदाता भेटघाट कार्यक्रमहरूमा उल्लेख्य जनसहभागिता देखिएको छ । मतदाताहरूले खरेललाई आगामी निर्वाचनमा सफलताको शुभकामना दिँदै, विगत ३५ वर्षदेखि यस क्षेत्रका लागि पु¥याएको योगदानको कदर गर्दै जितको विश्वास व्यक्त गरेका छन् ।
रत्ननगर । आगामी प्रतिनिधिसभा निर्वाचनका लागि चितवन क्षेत्र नं १ मा प्रगतिशील लोकतान्त्रिक पार्टीले जेनजी उमेदवार विकास कामी ‘स्नेही’लाई अघि सारेको छ ।
युवा राजनीतिक नेता तथा सामाजिक अभियन्ताका रूपमा परिचित कामीले ‘मिसन चितवन–१ : ४० दिने विजय सङ्कल्प’नामक रणनीतिक चुनावी कार्ययोजना सार्वजनिक गर्दै नयाँ पुस्ताको नेतृत्व र जनमुखी विकासको एजेन्डा प्रस्तुत गरेका छन् ।
चितवन क्षेत्र नं १ का रत्ननगर, खैरहनी र राप्ती नगरपालिकालाई केन्द्रमा राखी तयार गरिएको यस योजनाले भौगोलिक केन्द्रलक्षित मतदाता र कार्यक्षेत्रअनुसार रणनीति तय गरेको छ ।
सहरी इन्जिन र युवामैत्री मतदातालाई लक्षित रत्ननगर, जातीय र कृषि मत निर्णायक मानिने खैरहनी तथा विकास र सिँचाइका मुद्दा प्रमुख रहेको राप्ती नगरपालिकामा फरक–फरक अभियान सञ्चालन गरिने बताइएको छ ।
योजनाअनुसार घरदैलो, साना बैठक, डिजिटल प्रचार, प्रभावशाली व्यक्तिको सार्वजनिक समर्थन र विपक्षी भ्रमको तत्काल खण्डन मुख्य रणनीति हुन् । युवालाई डिजिटल अभियानको अग्रपङ्क्तिमा राख्दै टिकटक, फेसबुक लाइभ र तथ्यमा आधारित सन्देश प्रवाह गरिने छ । अन्तिम चरणमा स्वयम्सेवक तालिम, ‘गो टु होम’ अभियान र मतदान दिन मतदाता परिचालनलाई प्राथमिकता दिइएको छ ।
विकास कामीको राजनीतिक एजेन्डा भूमिहीन बसोबासीलाई लालपुर्जा वितरण, किसानका लागि वडास्तरमा मल बैंक स्थापना, युवाका लागि स्थानीय रोजगारी र उद्यमका अवसर सिर्जनाजस्ता व्यावहारिक समाधानमा केन्द्रित छ । इमानदार नेतृत्व, पारदर्शी शासन र श्रमिक वर्गलाई प्रत्यक्ष लाभ पुग्ने नीतिको पक्षमा उभिएका उनी सामाजिक न्याय, युवा सशक्तीकरण र दिगो विकासप्रति प्रतिबद्ध छन् ।
नयाँ पुस्ताको विश्वास जित्ने उद्देश्यसहित अघि बढेको यस अभियानले चितवन–१ मा वैकल्पिक र जिम्मेवार नेतृत्वको बहसलाई थप बलियो बनाउने अपेक्षा गरिएको छ ।
राप्ती । आगामी निर्वाचनलाई लक्षित गर्दै कांग्रेस चितवन क्षेत्र नं १ ले घरदैलो कार्यक्रम सुरू गरेको छ ।
सोमबार राप्ती–८ र राप्ती–७ का मतदातासँग भेटघाट गर्दै चितवन १ का कांग्रेस उमेदवार राजेन्द्रप्रसाद बुर्लाकोटीले बदलिएको कांग्रेसले जेनजी युवाले उठाएको मुद्दा बोकेर चुनावमा आएको बताए ।
उनले लोकतन्त्रको सुदृढीकरण, विकास निर्माण तथा जनताको पक्षमा काम गर्ने प्रतिबद्धता व्यक्त गरे । घरदैलोका क्रममा मतदाता उत्साहित भएको बताउँदै उनले वृद्धवृद्धा, महिला र जेनजी युवाहरुबाट सकारात्मक प्रतिक्रिया आएको बताए ।
‘घरदैलो कार्यक्रममा म जहाँ पुगेँ त्यहाँ राजेन्द्र बुर्लाकोटीलाई भोट दिनुपर्छ भन्ने माहोल पाएँ’, उनले भने, ‘थुप्रै आमाबुबाहरुले शिरमा हात राखेर आर्शीवाद दिनुभएको छ । विगतमा गरेको समाजसेवा र मानवीय सेवाका कारण मतदान गर्ने विश्वास व्यक्त गर्नुभएको छ ।’
घरदैलोमा किसान, युवा, संघसंस्था, शिक्षक र महिलाहरुले स्थानीयस्तरमा गर्नुपर्ने विकास, पूर्वाधार, कृषि, पर्यटन, शिक्षा, स्वास्थ्यलगायतका समस्या राखेका थिए ।
व्यक्तिगत आकाङ्क्षा र लोभ नभएका र पाँच दशकदेखि आफूले सकेको योगदान गर्दै आएका राजेन्द्रप्रसाद बुर्लाकोटीको पक्षमा खुलेरै मतदाता देखिएको बताउँदै निर्वाचन परिचालन मूलसमितिका संयोजक किरणभूषण सिंह ओलीले ‘लोकतन्त्र, विचार, सिद्धान्त र स्थानीयका मुद्दालाई राम्रोसँग बुझेका उमेदवार बुर्लाकोटीको पक्षमा जनलहर बढेको बताए ।
उनले भने, ‘जनता भोट हाल्न आतुर छन् । हाम्रा उमेदवार शालिन ढङ्गले प्रस्तुत हुनुभएको छ । ‘बदल्यौँ कांग्रेस : बदल्छौँ देश’ भन्ने मूल नाराका साथ एकताबद्ध भएर कांग्रेसका साथीभाइ लागेका छौँ । हामी सफल हुन्छौँ ।’
चितवन । आगामी फागुन २१ गते हुने प्रतिनिधिसभा सदस्य निर्वाचनअन्तर्गत चितवन क्षेत्र नम्बर २ यतिबेला देशकै चासोको केन्द्र बनेको छ । यस क्षेत्रमा राष्ट्रिय स्वतन्त्र पार्टीका सभापति रवि लामिछाने र नेपाली कांग्रेसकी नेत्री तथा सामाजिक अभियन्ता मीना कुमारी खरेलबीच तीव्र प्रतिस्पर्धा हुँदैछ । तर, चुनावी माहोलसँगै यतिबेला क्षेत्र नम्बर २ मा सबैभन्दा बढी चर्चा भने खरेलको सामाजिक योगदान र जनआधारको भइरहेको छ ।
१५ वर्षको किशोरावस्थादेखि नै सामाजिक कार्यमा होमिएकी खरेलले आफ्नो जीवनका झन्डै ३५ वर्ष असहाय महिला, हिंसापीडित महिला र टुहुरा बालबालिकाको संरक्षण, शिक्षा र पुनर्स्थापनामा समर्पित गर्दै आएकी छन् ।
महिलाको हकअधिकार, सम्मान र आत्मनिर्भरता सुनिश्चित गर्न उनले निरन्तर आवाज उठाउँदै विभिन्न सामाजिक अभियान सञ्चालन गरेकी छन् । स्थानीयस्तरमा सङ्कट पर्दा सबैभन्दा पहिले पुग्ने अनुहारका रूपमा उनको छुट्टै पहिचान बनेको छ ।
चितवन २ कै स्थानीय बासिन्दा भएकाले गाउँ–टोलका समस्या प्रत्यक्ष बुझ्ने, जनताको दुःख–सुखमा साथ दिने र सधैँ उपलब्ध रहने नेतृका रूपमा मतदाताले उनलाई ‘आफ्नै मान्छे’को रूपमा लिने गरेका छन् । यही कारण खरेलप्रति महिला, युवा र अभिभावक वर्गको समर्थन बढ्दो देखिएको छ।
यतिबेला नेपाली कांग्रेसले ‘बदल्यौँ कांग्रेस, बदल्छौँ देश’ भन्ने नारासहित अभियानलाई तीव्र बनाइरहेको छ । सोही नारासँगै खरेलको घरदैलो कार्यक्रम र जनसम्पर्क अभियानले थप गति लिएको छ । स्थानीयका अनुसार उनको लामो सामाजिक सेवा, विश्वासिलो छवि र बलियो जनसम्पर्कका कारण यसपटक चितवन २ मा मीना खरेलको जित्ने सम्भावना उच्च देखिएको छ ।
यस्तै, अघिल्लो निर्वाचनमा यही क्षेत्रबाट विजयी भएका रवि लामिछाने पनि आफ्नो राजनीतिक एजेन्डासहित मैदानमा छन् । राष्ट्रिय प्रभाव बोकेका लामिछाने र स्थानीय समाजसेवाबाट उदाएकी खरेलबीचको प्रतिस्पर्धा हुने देखिन्छ । यसपटकको निर्वाचनले चितवन २ का मतदाताले कस्तो नेतृत्व रोज्छन् भन्ने विषयमा सबैको ध्यानकेन्द्रित भएको छ ।
रत्ननगर । नेपाली कांग्रेसले चितवन क्षेत्र नं १ मा घरदैलो कार्यक्रम सुरू गरेको छ । प्रतिनिधिसभा उमेदवार राजेन्द्रप्रसाद बुर्लाकोटी गाउँटोलमा पुग्दा मतदाताहरु उत्साहित देखिएका छन् ।
आठ दशक इतिहास बोकेको लोकतान्त्रिक पार्टी जेनजी विद्रोहपश्चात् रुपान्तरित भई नयाँ दृष्टिकोणका साथ जनताको माझमा पुग्दा वृद्धवृद्धा, महिला र युवाहरु उत्साहित देखिएको र समाजसेवामार्फत जनताको दुःखसुखमा जोडिएका स्वच्छ र स्पष्ट छविका राजेन्द्रप्रसाद बुर्लाकोटीको पक्षमा जनलहर बढेको निर्वाचन परिचालक मूल समितिका संयोजक किरणभूषण सिंह ओली बताउँछन् ।
राष्ट्र र संविधानको रक्षाका लागि यसपटक नेपाली कांग्रेसलाई मतदान गर्न चितवन १ का जनता उत्सुक रहेको उनको भनाइ छ । उमेदवार बुर्लाकोटी घरदैलोमा पुग्दा वृद्धवृद्धाहरुले आर्शीवाद दिँदै ५० वर्ष राजनीति र समाजसेवामा जीवन सपर्पित गरेका बुर्लाकोटीलाई यसपटक जिताउने प्रतिबद्धता गरेका थिए ।
उमेदवार बुर्लाकोटी भन्छन्, ‘यसपटक मतदातामा उत्साही छन् । गाउँबस्तीमा पुग्दा धेरै आमाबुबाले आर्शीवाद दिनुभयो । जेनजी युवाहरुले तपाईंले यस क्षेत्रको परिवर्तन गर्न सक्नुहुन्छ भनेर विश्वास गरेका छन् । महिला दिदीबहिनीमा रौनक छाएको छ । म निकै उत्साहित भएको छु ।’
कांग्रेस क्षेत्र नं १ ले राप्ती नगरपालिकाबाट औपचारिक घरदैलो कार्यक्रम थालनी गर्ने जनाएको छ । संयोजक ओलीका अनुसार, माघ १९ गते राप्ती–८ मा बिहान ११ः०० बजे र राप्ती–७ मा दिउँसो २ः०० बजे घरदैलो कार्यक्रम हुनेछ ।
रत्ननगर । नेपाल चस्मा व्यवसायी संघ चितवनको आठौँ साधारण सभा तथा पारिवारिक वनभोज कार्यक्रम रत्ननगरस्थित टिकौली इको पार्कमा सम्पन्न भएको छ ।
साधारण सभाले भगवती घिमिरेको अध्यक्षतामा नयाँ कार्यसमिति चयन गरिएको छ । संस्थाको निवर्तमान अध्यक्षमा भाष्करचन्द्र न्यौपाने, उपाध्यक्षमा रामशरण अर्याल, सचिवमा शान्ता कँडेल, कोषाध्यक्षमा सरस्वती अर्याल न्यौपाने चयन भएका छन् ।
यस्तै, सदस्यहरुमा सुवोध पौडेल, सरोज पौडेल, विनोद अधिकारी, इन्दिरा चापागाईं, सुस्मिता थापा, सुनिल कुँवर र जितेन्द्र श्रेष्ठ रहेका छन् । यस्तै, कानुनी सल्लाहकारमा महेशचन्द्र न्यौपाने, सल्लाहकारहरुमा हरि घिमिरे, रमेश घिमिरे र विनोद पाण्डे रहेका छन् ।
संस्थापक अध्यक्ष प्रकाश पौडेलको प्रमुख आतिथ्यतामा सम्पन्न कार्यक्रममा नेपाल नेत्र सहायक (ओए)का केन्द्रीय अध्यक्ष एवम् भरतपुर आँखा अस्पतालका सूचना अधिकारी रमेश घिमिरे, भरतपुर आँखा अस्पतालका ओपिडी इन्चार्ज नेत्र अधिकृत विनोद पाण्डेलगायतले चस्मा व्यवसायमा एकता कायम राख्दै सबैलाई समेटेर अगाडि लैजाने प्रतिबद्धता व्यक्त गरे ।
२०७४ सालमा स्थापित नेपाल चस्मा व्यवसायी संघ चितवनमा आबद्ध २५ वटा चस्मा पसलले आजीवन सदस्यता लिएका छन् । संस्थाले व्यवसायीहरुको हकहित एवम् सामाजिक उत्तरदायित्वअन्तर्गत विभिन्न सामाजिक कार्यहरु पनि गर्दै आइरहेको कार्यसमिति सदस्य एवम् नमस्ते चस्मा घर सौराहाचोकका सुनिल कुँवरले जानकारी दिए ।
चितवन । आगामी निर्वाचनलाई लक्षित गर्दै कांग्रेस चितवनको क्रियाशील भेला तथा अन्तर्क्रिया कार्यक्रम सम्पन्न भएको छ । क्षेत्रीय कार्यसमिति क्षेत्र नं २ को आयोजनामा विभिन्न वडाहरुमा क्रियाशील भेला तथा अन्तर्क्रिया कार्यक्रम सम्पन्न भएको हो ।
माघ १३ गते भरतपुरको वडा नम्बर १ रामनगर, वडा नं २ क्षेत्रपुर, १४ गते वडा नं १० क्षेत्रीय सचिवालय, वडा नं ११ र वडा नं १२ पार्टी कार्यालयमा भेला सम्पन्न भएको हो ।
यस्तै, १५ गते भरतपुरको वडा नं ३, ४, ५ मा भेला सम्पन्न गरिएको छ भने १६ गते भरतपुर–७ कृष्णपुर, इच्छाकामना गाउँपालिकाका २, ३, ४, ५ र ६ वडामा भेला सम्पन्न गरिएको हो ।
भेलाले आसन्न प्रतिनिधिसभा निर्वाचनमा नेपाली कांग्रेसका उमेदवार मीनाकुमारी खरेललाई विजय गराउन सबै एकजुट भएर लाग्ने निर्णय गरेको छ ।
यस्तै, आगामी दिनमा सञ्चालन गरिने चुनावी कार्यक्रम, प्रचार–प्रसार रणनीति तथा घरदैलो अभियानका विषयमा समेत छलफल भएको हो ।
सो कार्यक्रममा बोल्दै चितवन क्षेत्र नं २ का कांग्रेस उमेदवार मीना खरेलले लोकतन्त्रको सुदृढीकरण, विकास निर्माण तथा जनताको पक्षमा काम गर्ने प्रतिबद्धता व्यक्त गर्दै आगामी निर्वाचनमा एकजुट भएर लाग्न सबैलाई आग्रह गरिन्।
उनले निर्वाचन जित्नका लागि पार्टीभित्र एकता, सक्रियता अपरिहार्य हुन्छ । यतिबेला कांग्रेस परिवर्तन भइसकेको छ, कांग्रेसमा भोट हाल्न जनता आतुर छन् । त्यसैले सबै एकजुट भएर लागौँ चुनाव अवश्य जितिन्छ ।
उक्त भेला तथा अन्तर्क्रिया कार्यक्रममा जिल्ला पार्टी सभापति राजेश्वर खनाल, केन्द्रीय सदस्य जीतनारायण श्रेष्ठ, पूर्वसभापति विकास कोइराला, पार्टीका नेता मिलनबाबु श्रेष्ठ, ऋषिराज पाण्डे, मनोज रानाभाट, महिला सङ्घका अध्यक्ष पार्वती शाह ठकुरी, बागमती प्रदेश सभा सदस्य माया श्रेष्ठ, प्रदेश सभा सदस्य उत्तम जोशी, पालिका अध्यक्ष, वडाध्यक्षलगायत पार्टीका क्रियाशील नेता-कार्यकर्ता, भातृ तथा शुभेच्छुक संघसंस्थाका पदाधिकारी एवं सदस्यहरूको उल्लेखनीय उपस्थिति रहेको थियो ।
रत्ननगर । नेपाली कांग्रेस क्षेत्र नं १ का प्रतिनिधिसभा सदस्य उमेदवार राजेन्द्रप्रसाद बुर्लाकोटीले ‘बदल्यौँ कांग्रेस : बदल्छौँ देश’ भन्ने संकल्पका साथ कांग्रेस चुनावी अभियानमा होमिएको बताएका छन् ।
नेपाली कांग्रेस नगरकार्यसमितिको आयोजनामा निर्वाचनलक्षित युवा भेटघाट कार्यक्रममा मनतव्य राख्दै उमेदवार बुर्लाकोटीले देशमा भ्रष्टाचार अन्त्य गरी सुशासन स्थापना गर्ने जेनजी युवाहरुको भावना सम्बोधन गर्न नयाँ युगको पार्टीको रुपमा रुपान्तरित कांग्रेसका उमेदवारलाई जिताउन जरूरी रहेको बताए ।
कांग्रेसका नेता–कार्यकर्ताहरुलाई चुनावी अभियानमा लाग्न आग्रह गर्दै उनले भने, ‘तपाईंहरुले आफ्नो परिवारको भोट सम्हाल्दै गाउँ–टोलमा पुगेर आफ्ना उमेदवारका पक्षमा भोट माग्नुहोस् । तपाईंहरु दृढ संकल्पका साथ लाग्नुभयो भने सभापति गगन थापा प्रधानमन्त्री बन्नुहुनेछ ।’
उनले भने, ‘कसैलाई गालीगलौज नगर्नुहोस् । भीडले भोट आउने होइन, भोट गाउँबस्तीमा छ । कुनाकाप्चामा छ । मतदातासमक्ष पुग्नुहोस् ।’
आफूले ५० वर्षदेखि यही क्षेत्रमा जनताको दुःखसुखमा काम गर्दै आएको बताउँदै पार्टीले अन्तिमचोटि सम्मान गरेको र यसपटक विपक्षी पार्टीको पनि साथ र समर्थन रहेकाले आफ्नो जीत सुनिश्चित भइसकेको र अब घोषणा गर्नमात्र बाँकी रहेको उनको भनाइ थियो ।
कार्यक्रममा निर्वाचन संयोजक किरणभूषण ओलीले क्षेत्र नं १ मा आफ्ना जनप्रतिनिधिले गरेका विकासका कामहरु हेरेर पनि कांग्रेस उमेदवार बुर्लाकोटीलाई जनताले मत दिने विश्वास व्यक्त गरे । उनले भने, ‘तपाईंहरु तन, मन र धनका साथ संयमतापूर्वक समय दिएर स्वच्छ छवि बोकेका आफ्ना उमेदवारलाई जिताउन लाग्नुहोस् ।’
यस्तै, नेपाली कांग्रेस रत्ननगर नगरसभापति प्रलाद सापकोटाले राजेन्द्र बुर्लाकोटी आफ्नो जीवनमा कुनै काण्डमा नमुछिएको स्वच्छ छविका नेता भएको बताए । उमेदवार बुर्लाकोटीले सामाजिक र राजनीतिक योगदान दिएका र आफ्नै बलबुतामा सङ्घर्ष गर्दै व्यावसायिकरूपमा अगाडि बढेको उल्लेख गर्दै यसपटक हार्ने छूट नभएको बताउँदै सबैले आआफ्नो ठाउँबाट लागी पर्न आग्रह गरे ।
प्रदेश १ (ख) का सभापति गोविन्द गौतमले देशव्यापीरुपमा कांग्रेसका पक्षमा लहर छाएको बताउँदै ८० वर्षको इतिहास बोकेको कांग्रेस रुपान्तरणसँगै नयाँ दृष्टिकोण लिएर आएकाले तरुण र युवाहरुले मतभेद बिर्सेर चुनावी अभियानमा लाग्न आग्रह गरे । क्षेत्र नं १ को विकास र जनताको समस्या समाधान गर्न राजेन्द्र बुर्लाकोटीलाई अधिक मतसहित विजयी गराउनुपर्नेमा उनले जोड दिए ।
सो अवसरमा बागमती प्रदेशबाट राष्ट्रिय सभा सदस्यमा विजयी भएकी नेतृ गीता देवकोटालाई सम्मान गरिएको थियो । सो अवसरमा उनले लोकतन्त्र र संविधानको संरक्षणमा आफू लागी पर्ने बताइन् ।
नेपाली कांग्रेस रत्ननगरका सचिव अनिता अर्यालले सञ्चालन गरेको कार्यक्रममा नगरउपसभापति कमलनाथ अधिकारीले स्वागत मन्तव्य राखेका थिए । कार्यक्रममा युवा सुजन क्षेत्रीको सक्रियतामा रत्ननगरका विभिन्न वडाबाट ६ दर्जन बढी युवा तथा जेनजी युवाहरु पार्टी प्रवेश गरेका थिए ।
चितवन । अँध्यारोमा हराउँदै गएका नाबालिकाको जीवनमा आशाको उज्यालो भर्ने अभियन्ता हुन्, समाजसेवी मीनाकुमारी खरेल ।
१२ वर्षीया एक नाबालिका उषा (नाम परिवर्तन) आँखाभरि आँसु लिएर पहिलोपटक मीनाकुमारी खरेलको सामु पुगेकी थिइन् । उनी बोल्न सक्ने अवस्थामा थिइनन् ।
मनभित्र थुप्रिएका पीडा, डर र अपमानका अनुभूति आँसु बनेर बगिरहेका थिए । उमेरले सानी भए पनि उनले भोगेको पीडा शब्दमा बयान गर्न नसकिने खालको थियो । समाजको चिसो व्यवहार, डर, लज्जा र एक्लोपनले उनको बाल मनमा गहिरा घाउहरूले भरिएको थियो ।
त्यही कठिन क्षणमा उनले पहिलोपटक मीनाकुमारी खरेललाई भेटिन त्यसपछि आफूलाई सुरक्षित महसुस गरिन् । मीनाकुमारी खरेलले न त उनलाई प्रश्नको कठघरामा उभ्याइन्, न दोषी ठहर गरिन् । बरु ध्यानपूर्वक सुनेर सहानुभूति व्यक्त गरिन् । र, ‘तिमी गलत होइनौ’ भन्ने आत्मविश्वास दिलाइन् ।
आमाजस्तै बनेर काँपिरहेको हात समात्दै दिएको त्यो भरोसाले नाबालिकाको जीवनमा निर्णायक मोड ल्यायो । भत्किँदै गएको बालापनमा फेरि आत्मबल पलायो, फेरि बाँच्ने इच्छा जाग्यो । उचित संरक्षण, साथ र मार्गदर्शन पाएपछि उनको जीवनले नयाँ दिशा पायो । अहिले उनी आफ्नो जीवनमा सफल भइसकेकी छन् र नयाँ अध्याय सुरू गरिसकेकी छन् । अहिले तिनै बालिका परिपक्व भइसकेकी छन् । उनी भावुक हुँदै भन्छिन्, ‘मीना दिदी नहुनुभएको भए आज म यो संसारमै हुन्नथेँ ।’
यो कथा एउटी नाबालिकाको पीडाको कथा मात्र होइन; यो त्यो हातको कथा हो, जसले एक बेसहारा बालिकालाई उद्धार गरी सुरक्षित र सुधारिएको जीवनतर्फ डो¥यायो । यही मानवीय संवेदना, साहस र निरन्तर सामाजिक प्रतिबद्धताका कारण आज मीनाकुमारी खरेल हजारौँ महिला, बेसहारा र टुहुरा बालबालिकाको आशा, भरोसा र संरक्षणको प्रतीक बनेकी छन् ।
बालअधिकार, महिला सशक्तीकरण र पीडित संरक्षणका क्षेत्रमा उनको योगदान समाजका लागि प्रेरणादायी बनेको छ । अँध्यारोमा हराउँदै गरेका बालजीवनहरूका लागि उनी आज उज्यालो दीप बनेर उभिएकी छन् ।
उनी सानैदेखि राजनीतिलाई बुझेर सामाजिक कार्यमा सक्रिय रहँदै आएकी पात्र हुन् । हाल उनी नेपाली कांग्रेसको तर्फबाट चितवन क्षेत्र नम्बर २ को उमेदवार बनेकी छन् । उनले लामो समयदेखि समाजमा गरेको योगदानका कारण सबैको मन मुटुमा बस्न सफल भएकी छन् ।
चितवन । चितवन निर्वाचन क्षेत्र नम्बर १ का दुई उमेदवारले कांग्रेस र एमालेमध्ये एक पार्टीले चुनाव जित्ने बताएका छन् ।
सहिद दिवसको अवसरमा जनआदर्श बहुमुखी क्याम्पसमा आयोजित कार्यक्रममा नेपाली कांग्रे्रेसका उमेदवार राजेन्द्रप्रसाद बुर्लाकोटी र नेकपा एमालेका उमेदवार दावादोर्जे लामाले दुई पार्टीमध्ये एकले चुनाव जित्नुपर्ने बताएका हुन् । एउटै मञ्चबाट चुनावी सौदार्हता देखाउँदै जीत–हार जे भए पनि एकअर्कामा सौहार्द सम्बन्ध नटुट्नेसमेत उनीहरुले बताए ।
सहिद बलराम कँडेलको सालिकमा माल्यार्पण गर्न दुवै उमेदवार सहभागी भएका थिए । नेपाली कांग्रेसका उमेदवार राजेन्द्रप्रसाद बुर्लाकोटीले निर्वाचनको मैदानमा दुवै आए पनि एकअर्काबीच राम्रो सम्बन्ध भएको बताए । उनले जीत–हार जस्तो परिणाम आए पनि दावादोर्जे लामासँगको सम्बन्ध नबिग्रिने र स्थानीयस्तरमा मिलेर काम गर्ने बताए ।
नेकपा एमालेका उमेदवार दावादोर्जे लामाले पनि आफूहरू स्वस्थ प्रतिस्पर्धा गर्ने बताए । ६ महिनाअघि नै आफूहरुबीच चुनाव लड्नुपर्ने अवस्था आउन सक्ने भन्दै दुई जनाले गरेको चर्चा सम्झिँदै लामाले भने, ‘तपाईंको वचन पूरा भो । उहाँले जित्नुभयो भने पनि फूलमाला लगाएर मजाले स्वीकार गर्छु, जनताले मलाई जिताए भने उहाँले त्यही गर्नुहुन्छ । हामी मिलेर अगाडि बढ्छौँ, प्रतिस्पर्धा गर्छौँ ।’
उनीहरू दुवै जनाले आफ्नो उमेदवारी लोकतन्त्र जोगाउने अभियानको लागि भएको भन्दै एकढिका भएर लोकतन्त्र जोगाउन र स्थानीय विकास, नीति निर्माणमा लाग्ने दाबीसमेत गरे ।
सहिद बलराम कँडेलका जेठा दाजु गोविन्द कँडेलको अध्यक्षतामा भएको कार्यक्रममा नेकपा एमाले केन्द्रीय सदस्य जेएन थपलिया प्रमुखअतिथि र अर्का केन्द्रीय सदस्य प्रभा बराल विशिष्टअतिथि रहेका थिए ।
क्ेन्द्रीय सदस्य थपलियाले सहिदको सपना पूरा गर्न पुरानो पार्टीबाट मात्र सम्भव रहेको उल्लेख गर्दै नयाँ भनिएकाहरुले लोकतन्त्र, गणतन्त्र धरापमा पार्ने र देश विदेशीको जालोमा पार्ने बताए । ‘त्यो षड्यन्त्रलाई कांग्रेस–एमाले एक ठाउँमा उभिन आवश्यक छ’, थपलियाले भने, ‘सिंहदरबार, सर्वोच्च अदालत जलाउनेले देश कुन अवस्थामा पु¥याऊलान् यसमा जनता सचेत बन्नुपर्छ ।’
भरतपुर । भरतपुर महानगरपालिका वडा नं–२९, घुमाउनेस्थित मुग्लिन–नारायणगढ सडकखण्डमा शुक्रबार बिहान ३ः१० बजेको समयमा बस दुर्घटना हुँदा ३८ जना घाइते भएका छन् ।
दाङबाट काठमाडौँतर्फ जाँदै गरेको लुम्बिनी प्रदेश ०२–००१ ख ०४६० नम्बरको बस आफैँ अनियन्त्रित भई सडकमा पल्टिँदा बसमा सवार यात्रु ३८ जना घाइते भएका हुन् । ट्राफिक प्रहरी कार्यालय चितवनका इन्स्पेक्टर अनिल थापाका अनुसार बस आफैँ अनियन्त्रित भएर सडकमा पल्टिएको थियो ।
दुर्घटनामा घाइतेहरुको चितवन मेडिकल कलेज (सिएमसी) भरतपुर, पुरानो मेडिकल कलेज (सिएमएस) भरतपुर, मौलाकालिका अस्पताल भरतपुर र जनता केयर अस्पताल मुग्लिनमा उपचार भइरहेको जिल्ला प्रहरी कार्यालय चितवनले जनाएको छ ।
नयाँ मेडिकल कलेज भरतपुरमा उपचाररत घाइतेहरुमा दाङको लमही नगरपालिका–१ बस्ने ३३ वर्षीय गणेश चौधरी, २१ वर्षीया रुपा चौधरी, राप्ती गाउँपालिका–५ बस्ने २४ वर्षीया माधुरी चौधरी र सहचालक राप्ती गाउँपालिका मसुरिया बस्ने २१ वर्षीय दिनेश चौधरी रहेका छन् ।
यस्तै, पुरानो मेडिकल कलेज भरतपुरमा उपचाररत घाइतेहरुमा दाङको गढवा गाउँपालिका–३ बस्ने ३१ वर्षीया सीमा चौधरी, गढवा गाउँपालिका–५ बस्ने १८ वर्षीय अभिषेक चौधरी, २१ वर्षीय सम्राट चौधरी, घोराही–१८ बस्ने ३६ वर्षीय शालिग्राम खत्री क्षेत्री, दाङको शान्तिनगर गाउँपालिका–२ बस्ने ६९ वर्षीय शालिग्राम शर्मा, ३७ वर्षीया माया चौधरी, लमही नगरपालिका–२ बस्ने ३२ वर्षीय निर्मल चौधरी, लमही नगरपालिका–२ बस्ने ३१ वर्षीया गीता चौधरी, १९ वर्षीय आवास चौधरी, ३२ वर्षीय राजु चौधरी, दाङको गढवा गाउँपालिका–२ बस्ने ३२ वर्षीय लिखुराम चौधरी, दाङको घोराही–१८ बस्ने ३१ वर्षीय बाबुराम थापा र ४० वर्षीय शुभराम वाग्ले रहेका छन् ।
यस्तै, मौलाकालिका अस्पताल भरतपुरमा उपचाररत घाइतेहरुमा सल्यानको छत्रेश्वरी–५ बस्ने १८ वर्षीया लीला कवर मगर, २१ वर्षीय रमेश कवर मगर, दाङको गढवा–२ बस्ने २७ वर्षीया मीना चौधरी, ३० वर्षीय विष्णु चौधरी, २२ वर्षीया सन्ध्या बफ्रेल, लमही नगरपालिका–२ बस्ने २१ वर्षीय प्रकाश चौधरी, दाङको घोराही–१६ बस्ने ६० वर्षीय फणेन्द्र पछाई, दाङको नारायणपुर बस्ने ६० वर्षीया उमा गौतम, घोराही बस्ने ४१ वर्षीया शान्ति हमाल, १० वर्षीया प्रमिशा हमाल, रोल्पाको होलेरी बस्ने ५० वर्षीय विष्णु बस्नेत, नुवाकोटको पञ्चकन्या–६ बस्ने ४० वर्षीया सुनिता तामाङ, ४२ वर्षीय सुकमान तामाङ, ४५ वर्षीय बुद्धिबहादुर तामाङ र २० वर्षीय सन्देश तामाङ रहेका छन् ।
यसैगरी, जनता केयर अस्पताल, मुग्लिनमा उपचाररत घाइतेहरुमा रोल्पाको रुन्टीगढी गाउँपालिका–९ का वडाध्यक्ष ३५ वर्षीय चेतलाल खत्री, दाङको घोराही–१७ बस्ने २४ वर्षीय दिनेश चौधरी, दाङको घोराही–१० बस्ने २९ वर्षीय चक्र सिंह, दाङको गढवा–२ बस्ने २६ वर्षीय श्रीराम चौधरी र बस चालक दाङका ३४ वर्षीय सुभाष ओली र बस चालक (दुर्घटनाको समयमा चलाउने) दाङको लमही–२ बस्ने वर्ष २६ वर्षीय विपीन चौधरी रहेका छन् ।
चितवन । जिल्ला प्रहरी कार्यालय चितवनले रत्ननगर नगरपालिका–४ निवासी ६३ वर्षीया सुकमाया देवी तामाङको हत्याका आरोपी पक्राउ गरी सार्वजनिक गरेको छ । तामाङको गत पुस २६ गते आफ्नै घरमा हातखुट्टा र मुखमा कपडाले बाँधी हत्या गरिएको थियो ।
हत्यामा संलग्न भएको आरोपमा प्रहरीले पाँच जनालाई पक्राउ गरी आज पत्रकार सम्मेलन गरी सार्वजनिक गरेको हो । जिल्ला प्रहरी कार्यालय चितवनका सूचना अधिकारी प्रहरी नायब उपरीक्षक रविन्द्र खनालका अनुसार पक्राउपर्नेमा बारा, जीतपुर सिमारा उपमहानगरपालिका–२२ घर भई रत्ननगर नगरपालिका–१० बस्ने ४६ वर्षीय मोटे र विजय भनिने शुक्रबहादुर भोलन, सोही ठाउँमा घर भई हाल ललितपुर महानगरपालिका–१० च्यासल बस्ने ४२ वर्षीय सूर्यमान वाइबा, धादिङ थाक्रे गाउँपालिका–५ का ३२ वर्षीय बुद्धिमान लामा छन् ।
यस्तै, स्याङ्जा बिरुवा गाउँपालिका–८ पेल्का स्थायी घर भई हाल रत्ननगर नगरपालिका–४ बस्ने ३१ वर्षीय कौबहादुर गुरूङ र मकवानपुर थाहा नगरपालिका–१२ घर भई हाल काठमाडौँ थानकोट बस्ने ४७ वर्षीय हिराबहादुर स्याङ्तान रहेका छन् ।
उनीहरुलाई रत्ननगर नगरपालिका, नवलपरासी (बर्दघाट, सुस्तापूर्व), इच्छाकामना गाउँपालिकाको फिस्लिङ र थानकोटबाट पक्राउ गरिएको प्रहरीको भनाइ छ ।
जिल्ला प्रहरी कार्यालय चितवनका प्रमुख प्रहरी उपरीक्षक गोविन्द पुरीले केही समयअघि तामाङको घरमा भाडामा बस्दै आएका भोलानसहितको योजनामा हत्या गरिएको बताए । पक्राउ परेकाहरुको साथबाट ना २५ प ६९६५ नम्बरको पल्सर मोटरसाइकल, बागमती प्रदेश ०१–००२ ज ७९८५ नम्बरको ट्याक्सी, मृतकको मोबाइल, पर्स र सात थान मोबाइल बरामद् गरिएको छ ।
तामाङको घरबाट दुई तोला ५० लालको सुनको सिक्रीसहितको काँडावाला माडवरी एक थान, एक तोला २५ लालाको सुनको बाला, ५० लालको सुनको औँठी, एक तोलाको सुनको जन्तर, मोती माला, मोबाइल दुई थान र रु एक लाख गरी रु १५ लाख ३६ हजार ७०० बराबरको नगद लुटपाट गरिएको प्रहरीको प्रारम्भिक अनुमान छ ।
पक्राउ परेका सबैलाई कर्तव्य ज्यान र चोरी तथा डाँकासम्बन्धी कसुरमा मुद्दा दायर गरिएको पुरीले जानकारी दिए । इलाका प्रहरी कार्यालय रत्ननगरका प्रमुख प्रहरी नायब उपरीक्षक सुभाष भट्ट नेतृत्वको अनुसन्धान टोलीले दुई साता लगाएर अनुसन्धान गरी दोषी पहिचान गरेर निजहरुलाई पक्राउ गरी सार्वजनिक गरेको हो ।
भरतपुर । प्रगतिशील पत्रकारहरुको साझा संस्था प्रेस सेन्टर नेपालले चितवनसहित देशैभर विभिन्न कार्यक्रम गरिएको आफ्नो २२ औँ स्थापना दिवस भव्यरूपमा मनाएको छ । क्रान्तिकारी पत्रकारका अग्रज एवम् प्रेस सेन्टर नेपालका केन्द्रीय सदस्य अजिता अधिकारीको प्रमुख आतिथ्यतामा चितवनमा दीप प्रज्वलन गर्दै स्थापना दिवस मनाएको हो ।
प्रेस सेन्टर नेपाल जिल्ला कार्यसमिति चितवन र भरतपुर महानगर कमिटीले संयुक्तरूपमा दीप प्रज्वलन कार्यक्रमको आयोजना गरी मनाएको जिल्ला उपाध्यक्ष एवम् कार्यक्रम संयोजक नवीनबाबु मरहट्ठाले जानकारी दिए ।
कार्यक्रममा बोल्दै प्रमुखअतिथि केन्द्रीय सदस्य अजिता अधिकारीले प्रेस सेन्टर श्रमजीवीहरुको सङ्गठन बन्न सफल भएको बताउँदै सधैँ सत्य, तथ्य र जनताको आवाजलाई प्राथमिकतामा राखेर काम गर्न अनुरोध गरिन् । प्रेस सेन्टरले भष्ट्राचारविरोधी अभियानलाई पनि कलमको माध्यमबाट खबरदारी गर्दै जनपक्षीय पत्रकारितामार्फत देशको समृद्धि र सामाजिक न्यायका सधैँ अग्र स्थानमा रहेको बताइन् ।
कार्यक्रममा पत्रकार महासंघ चितवनका उपाध्यक्ष दीपेन्द्र अधिकारीले श्रमजीवी पत्रकारहरुको हकहित र सुरक्षाका लागि सेन्टरसँगको सहकार्य थप सशक्त बनाउने बताए ।
कार्यक्रममा प्रेस सेन्टर चितवनका अध्यक्ष राजेन्द्र आचार्यले विगत २२ वर्षको इतिहास बोकेको प्रेस सेन्टरको चितवन समिति जनपक्षीय पत्रकारिताको बलियो माध्यमका रूपमा अगाडि बढिरहेको बताए । सत्य, तथ्य र निष्पक्षतामा आधारित रहेर नागरिकका हकअधिकार र न्यायका लागि आफूहरु सधैँ अग्र स्थानमा लडिरहेको उनको भनाइ छ ।
‘नेपालको लोकतान्त्रिक आन्दोलन र सामाजिक रूपान्तरणमा प्रेस सेन्टरको महत्त्वपूर्ण भूमिका रहेको छ अध्यक्ष आचार्यले भने, ‘अबको समयमा प्रेस सेन्टरले तथ्यपरक रिपोर्टिङ गर्दै राष्ट्रनिर्माण र समानतामूलक समाज निर्माणमा ठोस योगदान पुर्याउनुपर्ने आवश्यकता छ ।’
जिल्ला उपाध्यक्ष तथा कार्यक्रम संयोजक नवीनबाबु मरहट्ठाले स्वागत मन्तव्य व्यक्त गरेको कार्यक्रम भरतपुर महानगर कमिटीका उपाध्यक्ष रवि अधिकारीले सञ्चालन गरेका थिए ।
रत्ननगर । आसन्न प्रतिनिधिसभा सदस्यको निर्वाचनका लागि प्रचारप्रसारका लागि राष्ट्रिय प्रजातन्त्र पार्टीले सम्पर्क कार्यालय स्थापना गर्दै घरदैलो अभियान सुरू गरेको छ ।
सो अवसरमा प्रमुखअतिथि राप्रपा जिल्ला अध्यक्ष रुद्रप्रसाद ढकालले राष्ट्रिय सम्पदा र अखण्डतामाथि बढ्दो आक्रमणप्रति राप्रपाको ध्यानाकर्षण भएको बताउँदै राष्ट्रिय जनावर गाईको दर्शन मात्र गर्दा पनि पुण्य प्राप्त हुने देशमा समाजलाई भड्काउने अभिव्यक्ति दिने उमेदवारविरुद्ध निर्वाचन अयोगले कारबाही गर्नुपर्ने बताए ।
आफ्नो पार्टीले हिन्दुराष्ट्र कायम हुनुपर्ने पक्षमा वकालत गर्दै आएको परिप्रेक्ष्यमा पश्चिमा संस्कृतिको प्रभाव र दबाबमा हिन्दु सनातन धर्ममाथि भएको प्रहार क्षम्य नहुने बताए । आफ्नो पार्टीले ‘अपराधको राजनीति र राजनीतिमा अपराधिकरण’ गर्न नहुनेतर्फ सचेत रहेको भन्दै निर्वाचनमा यस्ता विकृत मानसिकता बोकेका व्यक्तिहरुलाई मतदाताले चिन्न सक्नुपर्ने बताए ।
राप्रपाका क्षेत्र नं १ का उमेदवार बलराम खनालले संसद् भवनमा आफ्नो गाउँको समस्या राख्दा कार्यान्वयन नहुनुको कारण बुझेर समस्या समाधानका लागि आफूले उमेदवारी दिएको बताउँदै संवैधानिक हिन्दु अधिराज्यसहितको राजसंस्था स्थापनाका लागि राप्रपाका उमेदवारहरुलाई जिताउनुपर्ने बताए ।
उनले घरदैलो अभियानका क्रममा आफूलाई क्षेत्र नं १ का जनताले सद्भावपूर्वक मतदान गर्ने प्रतिबद्धता व्यक्त गरेको भन्दै यसपटक राष्ट्रवादी शक्तिलाई जनताले जिताउने जिकिर गरे ।
राप्रपा रत्ननगर–१५ का अध्यक्ष प्रितम पाण्डेको अध्यक्षतामा सम्पन्न कार्यक्रममा राप्रपा नगरअध्यक्ष सन्तोष लामाले भने, ‘म लामाको छोरा भएर पनि हिन्दुराष्ट्र कायम हुनुपर्छ भनिरहेका छु, राष्ट्र बचाउन अब हिन्दु अधिराज्यसहितको राजसंस्था स्थापनाको विकल्प छैन, यो कुरा देशलाई माया गर्ने स्वाभिमानी नेपालीहरुले मनन गर्नुपर्छ ।’
उनले थपे, ‘तीन दशक बढी समय समाजसेवामा समर्पित भई स्वच्छ छवि बोकेर हिँड्नुभएका हाम्रा उमेदवार बलराम खनाल चुनाव जितेर कतै भाग्नुहुन्न । जनताका समस्या नजिकबाट बुझेर काम गर्ने हुटहुटीमा हुनुहुन्छ । उहाँलाई यसपटक क्षेत्र नं १ का जनताले पक्कै न्याय गर्ने आशा लिएको छु ।’
राप्ती । राप्ती नगरपालिकामा मानव बेचबिखन तथा ओसारपोसार न्यूनीकरणसम्बन्धी नगरभित्रका सरोकारवाला र विद्यालयहरुबीच समन्वयात्मक छलफल गरिएको छ ।
थ्री एन्जल्स नेपाल, चितवन शाखाको आयोजनामा भएको कार्यक्रममा राप्ती नगरपालिका र मनहरी गाउँपालिकाभित्रका जनप्रतिनिधि, सामुदायिक विद्यालयका प्रधानाध्यापक, स्थानीय संघसंस्थाका प्रतिनिधिहरुबीच छलफल भएको हो ।
थ्री एन्जल्स नेपालका एसइओ विवेक ढकालको अध्यक्षता सम्पन्न कार्यक्रममा बोल्दै प्रमुखअतिथि बागमती प्रदेश सभा सदस्य जेएन थपलियाले मानव बेचबिखन तथा ओसारपसारजस्तो जघन्य अपराध जरैदेखि निर्मूल पार्न गाउँ, टोल, समाज, स्थानीय तह र सिङ्गो राज्य नै एक भएर लाग्नुपर्नेमा जोड दिए ।
राप्ती–२, गड्यौलीमा आयोजित कार्यक्रममा राप्ती–२ का वडाध्यक्ष श्यामसुन्दर उप्रेती, राप्ती–३ का वडाध्यक्ष शिवकान्त ओली, मनहरी गाउँपालिका वडा नं–७ का वडा सदस्य नवराज सुवेदी, श्री राष्ट्रिय रोटरी माध्यमिक विद्यालय राप्तीका सहायक प्रधानाध्यापक साधुराम रिजाल, बुद्धशान्ति माध्यमिक विद्यालयका प्रधानाध्यापक नमराज अधिकारीलगायतको उपस्थिति रहेको थियो ।
कार्यक्रममा अस्थायी प्रहरी पोस्ट लोथरका प्रमुख गोपीबहादुर ब्लोनले मानव बेचबिखन तथा ओसारपसार न्यूनीकरणमा सबैको हातेमालो र सहकार्य हुन जरूरी रहेको बताए । उनले आफ्नो टोल, छरछिमेकमा त्यस्ता शङ्कास्पद गतिविधि कहीँकतै भटिएमा तुरुन्त प्रहरी कार्यालय वा वडामा खबर गर्नसमेत अनुरोध गरे ।
कार्यक्रममा उपस्थित राज्यका निकाय, स्थानीय तह, सुरक्षा निकाय तथा नागरिक समाजका प्रतिनिधिहरुले मानव बेचबिखन तथा ओसारपसार न्यूनीकरणका लागि सदैव लागी पर्ने भन्दै सङ्कल्प पत्रमा हस्ताक्षरसहित संयुक्तरूपमा साझा प्रतिबद्धता व्यक्त गरे ।
सो प्रतिबद्धतासँगै महिला, किशोरी तथा बालबालिकाको गरिमा, सुरक्षा र अधिकार संरक्षणका लागि नीति कार्यान्वयन, समन्वय, पीडितकेन्द्रित संरक्षण र दिगो पुनःस्थापनामा सबै पक्षको संयुक्त भूमिकाको अपरिहार्यता रहेको साथै परिणाममुखी र जवाफदेही सहकार्य हुनेमा विश्वास लिइएको छ ।
‘उद्धार, रोकथाम र पुनस्र्थापनाको माध्यमबाट मानव बेचविखनको अन्त्य गरौँ’ भन्ने मूल उद्देश्य लिई स्थापना भएको सो संस्थाले मानव बेचबिखनविरुद्ध विगतदेखि नै जनचेतनामूलक विविध कार्यक्रम गर्दै आएको छ ।
थ्री एन्जल्स नेपालकी एएफटी म्यानेजर ममिला गुरूङले सहजीकरण गरेको कार्यक्रम थ्री एन्जल्स नेपाल, चितवन शाखाका अध्यक्ष सुनिता सिलवालले सञ्चालन गरेकी थिइन् ।
चितवन । आगामी फागुन २१ गते हुने प्रतिनिधिसभा सदस्य निर्वाचनमा जिल्लामा दुई हजार ७६६ जना निर्वाचन प्रहरी (म्यादी) खटाइने भएको छ । निर्वाचन प्रहरीमा भर्ना हुन तीन हजार ३५० जनाले आवेदन दिएका छन् ।
जिल्ला प्रहरी कार्यालयका प्रहरी प्रवक्ता एवं प्रहरी नायब उपरीक्षक रवीन्द्र खनालका अनुसार लिखित र अन्तर्वार्ता परीक्षामार्फत वैकल्पिकसहित दुई हजार ९४० जनाको नाम प्रकाशित गरिएको हो । एक सय ७४ जनाको नाम वैकल्पिकमा राखिएको छ । उनीहरूलाई यही माघ १८ गतेदेखि तालिम प्रदान गरी कार्यक्षेत्रमा खटाइने उनले जानकारी दिए ।
उनका अनुसार निर्वाचनमा नेपाल प्रहरीतर्फ दुई हजार ४४१ र सशस्त्र प्रहरी बल नेपालतर्फ ३२५ जना निर्वाचनमा खटिने छन् । जिल्ला प्रहरी कार्यालयसहित इलाका प्रहरी कार्यालय टाँडी, इलाका प्रहरी कार्यालय गीतानगर, इलाका प्रहरी कार्यालय भण्डारा, इलाका प्रहरी कार्यालय खैरहनी, इलाका प्रहरी कार्यालय चनौली, इलाका प्रहरी कार्यालय माडी, इलाका प्रहरी कार्यालय मुग्लिन, इलाका प्रहरी कार्यालय जुटपानी र वडा प्रहरी कार्यालय नारायणगढमा निर्वाचन प्रहरीलाई तालिम दिने व्यवस्था मिलाइएको छ ।
माघ २५ गतेदेखि निर्वाचन प्रहरी कार्यक्षेत्रमा खटिने छन् । नेपाल प्रहरी र सशस्त्र प्रहरी बल ९एपिएफ०को मातहतमा निर्वाचन प्रहरी परिचालन हुनेछन् । एक महिनासम्म काम गरेर २५ फागुनमा निर्वाचन प्रहरीलाई बिदाइ गरिने छ ।
चितवन । चितवनमा रहेका दलहरूले चुनावी प्रचारको पूर्वतयारीका कामहरू धमाधम गरिरहेका छन् । कार्यकर्ता भेटघाट, समिति निर्माण, आर्थिक सङ्कलनलगायत काममा दल र उम्मेदवारहरू लागेका हुन् ।
नेपाली कांग्रेस चितवनका सभापति राजेश्वर खनालले जिल्लाका तीनवटै निर्वाचन क्षेत्रमा निर्वाचन परिचालन समिति बनाइएको बताए । उनले जिल्लामा एउटा, प्रत्येक निर्वाचन क्षेत्र र वडा तहमा समेत निर्वाचन परिचालन समिति बनाएर प्रचारप्रसारको तयारी थालिएको बताए । उनले भने, “सबै खाले आन्तरिक तयारीमा लागेका छौँ, आन्तरिक तयारी पूरा गरेर प्रचारमा लाग्छौँ ।”
विशेष महाधिवेशनसँगै कांग्रेसहरू एक भएर निर्वाचनमा परिचालित भएको भन्दै उनले विगतको जस्तो गुटगत समस्या कांग्रेसमा अहिले नरहेको बताए ।
नेकपा (एमाले) का जिल्ला अध्यक्ष कमल पाठकले जिल्लास्तरीय, क्षेत्रस्तरीय, वडास्तरमा निर्वाचन परिचालन, स्वयंसेवक, आर्थिक सङ्कलन समिति बनाइसकिएको बताए । घोषणापत्र र प्रतिबद्धतापत्र बनाउने काम भइरहेको जानकारी दिँदै उनले भने, “क्षेत्रगत समस्या पहिचान गरी तीन वटै क्षेत्रका छुट्टाछुट्टै प्रतिबद्धतापत्र बनाउने काम भइरहेको छ ।” कार्यालय सञ्चालनका लागि तयारी गरिएको उनको भनाइ छ ।
नेपाली कम्युनिस्ट पार्टीका केन्द्रीय सदस्य घनश्याम दाहालले जिल्लाका तीनवटै क्षेत्रका उम्मेदवारहरूले कार्यकर्ता भेटघाट कार्यक्रम थालेको बताए । तीनवटै निर्वाचन क्षेत्रका सम्पर्क कार्यालय खुलेको, उम्मेदवारका प्रतिबद्धतापत्र छाप्ने तयारी गरिएको र जिल्ला, क्षेत्र र वडा तहमा निर्वाचन परिचालनका लागि विभिन्न समिति बनेको उहाँको भनाइ छ । धेरै पार्टीहरू मिलेर नेपाली कम्युनिस्ट पार्टी बनेको भए पनि सबै सङ्गठित भएर थप ऊर्जाका साथ प्रचार अभियानमा जुटेको उनले बताए ।
राष्ट्रिय स्वतन्त्र पार्टी (रास्वपा)का केन्द्रीय सदस्य राजन गौतमले पार्टीका उम्मेदवारले कार्यकर्तालाई भेटघाट गर्ने काम गरिरहेको बताए । स्थानीय र राष्ट्रिय मुद्दाहरूको पहिचान गरी त्यसलाई सम्बोधन गर्नेगरी घोषणापत्र बनाउने काम भइरहेको उनको भनाइ छ ।
क्षेत्रीयस्तरमा भएका समस्याहरूलाई घोषणापत्रमा समावेश गर्न त्यहाँका कार्यकर्तासँग घनिभूत छलफल गरी काम गरिएको गौतम बताउँछन् । क्षेत्र नं १ र ३ मा प्रचार समिति बनाइसकिएको भन्दै उनले क्षेत्र नं २ मा पार्टी सभापतिसँग परामर्श गरेर मात्रै समिति बनाइने भएकाले बाँकी रहेको बताए ।
तीनवटै क्षेत्रमा प्रचार कार्यालय खोल्ने तयारी गरिएको छ । यसअघि दुईवटा क्षेत्र चुनाव जितेको रास्वपाले यसपटक तीनवटै क्षेत्र जित्ने गरी तयारी गरिरहेको गौतमको दाबी छ । तीन वटा क्षेत्र रहेको चितवनमा यसअघि दुई वटा क्षेत्र रास्वपा र एउटा क्षेत्रमा राप्रपाले जित हात पारेका थिए ।
जिल्ला निर्वाचन कार्यालय चितवनका अनुसार यही फागुन २१ गते हुने निर्वाचनमा जिल्लाका तीन वटा निर्वाचन क्षेत्रमा चार लाख ४२ हजार ८२ जना मतदाता रहेका छन् । जसमा दुई लाख १७ हजार ३१४ जना पुरुष र दुई लाख २४ हजार ७६६ जना महिला एवं दुई जना तेस्रो लिङ्गी रहेका छन् । उनीहरूले १६२ वटास्थल र ४९४ वटा केन्द्रबाट ती मतदाताले मतदान गर्नेछन् । निर्वाचन कार्यालय चितवनका प्रमुख भीमशेन कार्कीले प्रतिनिधिसभा निर्वाचन २०७९ को निर्वाचनको तुलनामा यस वर्ष हुने प्रतिनिधिसभा निर्वाचनमा ३३ हजार ७४० जना नयाँ मतदाता थपिएका छन् भने ३४ वटा मतदान केन्द्र थप भएको बताए ।
क्षेत्र नम्बर १ मा एक लाख ४९ हजार ६२१ जना मतदाता रहेका छन् । जसमा ७६ हजार ७६१ जना पुरुष र ७५ हजार ८६० जना महिला रहेका छन् । यस क्षेत्रमा ५६ वटा मतदानस्थल र १६८ वटा मतदान केन्द्र रहेका छन् ।
यस्तै, क्षेत्र नम्बर २ मा एक लाख ३७ हजार १५२ जना मतदाता रहेका छन् । तीमध्ये ६७ हजार ८५७ पुरुष र ६९ हजार २९४ महिला एवम् एक जना तेस्रो लिङ्गी रहेका छन् । यहाँ ४८ वटा स्थल र १५२ वटा केन्द्रबाट ती मतदाताले मतदान गर्ने छन् । क्षेत्र नम्बर ३ मा एक लाख ५५ हजार ३०९ जना मतदाता रहेको जिल्ला निर्वाचन कार्यालय चितवनले जनाएको छ । तीमध्ये ७५ हजार ६९६ जना पुरुष र ७९ हजार ६१२ जना महिला एवं एक जना तेस्रो लिङ्गी रहेका छन् । उनीहरूले ६३ वटा स्थल र १७४ वटा केन्द्रबाट मतदान गर्ने छन् ।
चितवन । नेपाली कांग्रेसको तर्फबाट चितवन क्षेत्र नम्बर २ बाट उमेदवारी दिएकी मीना खरेलले आफ्नो उमेदवारी नै सम्पूर्ण महिलाहरुको उमेदवारी भएको बताएकी छन् । उनले महिलाहरूको उत्साहजनक समर्थन, साथले आफ्नो जीत भएको अनुभव गराएको बताइन् ।
नेतृ खरेल विगत करिब ३६ वर्षदेखि चितवनका ग्रामीण तथा सहरी क्षेत्रमा महिला तथा बालबालिकाको पक्षमा सामाजिक अभियन्ताका रूपमा सक्रिय रहदै आएकी छन् । महिलामाथि हुने अन्याय, हिंसा, अत्याचार तथा विभेदका घटनामा साथ दिँदै अनाथ तथा टुहुरा बालबालिकाका लागि निरन्तर काम गर्दै आएकी खरेलको यही सामाजिक योगदानको पृष्ठभूमिबाट उनी अहिले राजनीतिमा अग्रसर भएकी हुन् ।
खरेलले बाल्यकालदेखि नै राजनीतिलाई बुझ्दै सामाजिक कार्यलाई आफ्नो जीवनको निरन्तर यात्राकारूपमा अगाडि बढाएको भन्दै पार्टीले आफ्नो कामको मूल्याङ्कन गरेर निर्वाचनका लागि टिकट दिएकोमा आभार व्यक्त गरिन् । उनले यो उम्मेदवारी व्यक्तिगत नभई समग्र चितवन क्षेत्र नम्बर २ का महिलाहरूको प्रतिनिधित्व गर्ने उम्मेदवारी भएको उल्लेख गरेकी छ्न् ।
खरेलले क्षेत्र नम्बर २ का महिलाहरू, पार्टीमा आबद्ध महिला कार्यकर्ताहरू तथा स्वतन्त्ररूपमा क्रियाशील महिलाहरूको समर्थनले आफूलाई जीतको अनुभूति गराएको बताइन् । विजयी भएर सरकारमा पुगेपछि महिला तथा बालबालिकासँग सम्बन्धित मुद्दाहरू संसदमा सशक्तरूपमा उठाउने प्रतिबद्धता पनि उनले व्यक्त गरिन् ।
विजयपछि चितवन २ को पहिचानलाई राष्ट्रियस्तरमा मजबुत बनाउँदै महिला तथा बालबालिकाका अधिकार सुनिश्चित गर्ने कानुन निर्माणमा सक्रिय भूमिका खेल्ने विश्वाससमेत खरेलले व्यक्त गरिन् । महिलाहरूको ठूलो उपस्थिति र उत्साह देखेर आफू गौरवान्वित भएको बताउँदै उनले रुख चिह्नमा मतदान गरी विजयी गराउन मतदातासँग अपिलसमेत गरेकी छ्न् ।
–केशव भट्टराई
रत्ननगर । नेताहरुले चुनावी प्रतिस्पर्धाका लागि टिकटको आकाङ्क्षा राख्नु अनौठो कुरा होइन । तर, जसले टिकट पाए पनि एकजुट भएर टिकट पाएका उमेदवारलाई सहयोग गर्नु असल राजनीतिक संस्कार हो ।
चितवन क्षेत्र नं १ मा कांग्रेसका दर्जन बढी आकाङ्क्षीले उमेदवार बन्ने चाहना राखेका थिए । जसमध्ये तीन जनाको नाम बढी चर्चामा रहेको थियो– राजेन्द्रप्रसाद बुर्लाकोटी, इन्द्रकमल बुढाथोकी र वासुदेव ढुङ्गाना ।
तीनैजना चितवन–१ का लोकप्रिय कांग्रेस नेता हुन् । बुर्लाकोटी पाँच दशक अनुभव बोकेका र समाजसेवी व्यक्तित्व हुन् । यस्तै, चार दशक बढी राजनीतिमा योगदान दिएका इन्द्रकमल बुढाथोकी र वासुदेव ढुङ्गाना चिरपरिचित राजनीतिकर्मी हुन् ।
विद्यार्थी राजनीतिबाट आफ्नो छवि बनाएका बुढाथोकी युवामाझ लोकप्रिय छन् भने विभिन्न सामाजिक संघसंस्थामा योगदान दिएका ढुङ्गाना पर्यटन व्यवसायी पनि हुन् ।
जेनजी आन्दोलनपछि परिवर्तित समयमा बदलिएको कांग्रेस प्रतिनिधिसभा निर्वाचनमा होमिन लागेको छ । यसबीचमा तीन आकाङ्क्षीमध्ये अन्तिम समयमा टिकट पाउन सफल भएका हुन्, बुर्लाकोटी । उमेदवार मनोनयनपत्र दर्ताको समय सकिन केहीबेर बाँकी रहँदा कांग्रेसबाट बुर्लाकोटीले मनोनयन दर्ता गराएका हुन् । मनोनयन दर्ताकै लाइनमा थिए, दुई नेता बुढाथोकी र ढुङ्गाना ।
बुर्लाकोटी कांग्रेसबाट तेस्रोपटक चुनाव लड्दै गर्दा टिकट पाउन वञ्चित दुई आकाङ्क्षीले असहयोग पो गर्ने हुन् कि ? थोरै संशय कांग्रेसजनमा पर्नु अस्वाभाविक थिएन । प्रतिकूल अवस्थाका बीच दुई आकाङ्क्षीबाट कस्तो प्रतिक्रिया आउला, त्यो प्रतीक्षाको विषय थियो ।
यही क्रममा ढुङ्गानाले फेसबुकमा लेखे– ‘हार्दिक बधाई छ, राजेन्द्र दाइ । सम्पूर्ण सामर्थ्यका साथ मैदानमा हामी तपाईंसँगै खट्ने छौँ ।’ यसबाट के प्रस्ट हुन्छ भने टिकटमा प्रतिस्पर्धा भए पनि आफ्नो उमेदवारलाई सम्पूर्ण सामर्थ्यका साथ सहयोग गर्छु भन्ने भाव व्यक्त गरिनु लोकतान्त्रिक संस्कार हो । र, लोकतन्त्रको विशिष्ट परम्परा ।
अर्का प्रत्याशी बुढाथोकीले पनि फेसबुकमा लेखेका छन्, ‘समय, परिस्थिति जे भए पनि चितवन क्षेत्र नं १ मा प्रतिनिधिसभा सदस्य राजेन्द्रप्रसाद बुर्लाकोटीलाई जिताउनका लागि दिलोज्यान दिएर लाग्ने छु र सबैलाई सहयोग गर्न अनुरोध पनि गर्दछु ।’
बुढाथोकीले फेरि अर्को स्टाटस लेख्दै भनेका छन्, ‘टिकटमा प्रतिस्पर्धा आफ्नो ठाउँमा छ । टिकट नपाउँदासम्म लडियो, अब त्यो लडाइँलाई बिर्सेर नेपाली कांग्रेस क्षेत्र नं १ मा राजेन्द्रप्रसाद बुर्लाकोटीलाई अत्यधिक मतले जिताउनुछ । सबैजना आफ्नो ठाउँबाट लागौँ र कांग्रेसलाई जिताऔँ । जय नेपाल !’
तीनैजना नेता हातमा हात मिलाएर चुनावी अभियानमा जुटेका छन् । चितवन क्षेत्र नं १ का क्षेत्रीय सभापति किरणभूषण ओली भन्छन्, ‘कांग्रेसभित्र प्रतिस्पर्धा हुन्छ । र, कांग्रेसभित्रै सहयोगको प्रतिबद्धता पनि हुन्छ । रुपान्तरणसहित चुनावी मैदानमा आएको कांग्रेस लोकतान्त्रिक पार्टी हो । र, हाम्रा साथीहरुमा लोकतान्त्रिक संस्कार छ ।’
उनले क्षेत्र नं १ मा कांग्रेसले पुरानो साख फर्काउने गरी परिपक्व र सामाजिक व्यक्तित्व राजेन्द्र बुर्लाकोटीलाई नयाँ उत्साहका साथ मैदानमा उतारेको बताए ।
भरतपुर । नेपाली कांग्रेस चितवन क्षेत्र नम्बर २ का उमेदवार मीना खरेलले चुनावी अभियान सुरू गरेकी छन् । भरतपुरको लङ्कूस्थित उनको घरबाट सुरू भएको चुनावी अभियानमा राजनितिक दलका विभिन्न महिलाहरुले उनको घरमै पुगेर स्वागत गरेका हुन् ।
कार्यक्रममा जिल्ला, प्रदेश, क्षेत्र, वडा, टोललगायत सबै तहका महिलाहरूको उत्साहजनक सहभागिता रहेको थियो । जसमा उनीहरुले खरेललाई आशीर्वाद दिँदै जितको शुभकामना व्यक्त गरे । चितवन क्षेत्र नम्बर २ का लगभग सबै क्षेत्रबाट महिलाहरूको उल्लेख्य उपस्थिति रहेको यस कार्यक्रममा माहोल उत्साहपूर्ण बनेको थियो ।
यस्तै, मीना खरेलले आफ्नै निवासमा आएर महिला दिदीबहिनी, आमाबुवाहरुबाट आशीर्वाद पाएको भन्दै खुसी व्यक्त गरिन् । उनले महिलाहरूको उत्साहजनक उपस्थितिले आफ्नो जीत भएको अनुभव गराएको बताइन् ।
उनी भन्छिन्, बालमस्तिष्कदेखि राजनीतिक चेत भोगेर राजनीतिक बुझाइलाई समाजसेवाको पाटोबाट निरन्तर महिला बालबालिकाको सेवामा खटिरहेँ । त्यसको मूल्याङ्कन गर्दै पार्टीले दिएको टिकट, मेरो उमेदवारीमा पार्टीका साथी र पार्टीमा आबद्ध नभएका अन्य स्वतन्त्र महिलाहरु मीनाको उमेदवारी हाम्रो उमेदवारी हो भन्नुभएको छ । जसले गर्दा समग्र महिलाको प्रतिनिधित्व गर्दै कानुन निर्माण गर्ने ठाउँमा पुगेर समाजको सेवा र विकासमा हिजोजसरी भोलिका दिनहरूमा पनि निरन्तरता दिन चाहन्छु ।’
संविधानले ३३५ महिलाको व्यवस्था गरे पनि हाल पार्टीका तर्फबाट ११ प्रतिशत मात्रै महिला उमेदवार भएकाले निर्वाचनमा होमिन लागेका महिला उमेदवारहरूलाई जिताउनुपर्ने चुनौती पनि रहेको उनको भनाइ थियो ।
खरेलले चितवन क्षेत्र नम्बर–२ मा आफ्नो प्रतिस्पर्धी अरू कोही नभई आफू स्वयम् भएको दाबी गर्दै यस क्षेत्रका मतदातामध्ये ५० प्रतिशतभन्दा बढी महिलाहरू रहेको कारण चितवनका महिलाहरूले आफूलाई मतदान गर्ने पूर्ण विश्वास व्यक्त गरिन् । महिलाहरूको न्यायका लागि सधैँ अग्रपङ्क्तिमा रहने बताउँदै उनले यस क्षेत्रबाट विजयी भएमा महिलामाथि हुने अन्याय, हिंसा र विभेदका मुद्दा संसद्मा सशक्तरूपमा उठान गर्ने बताइन् ।
विजयपश्चात् चितवन क्षेत्र नम्बर २ को पहिचान मजबुत बनाउँदै राष्ट्रियस्तरमै महिला तथा बालबालिकाका अधिकार सुनिश्चित गर्ने कानुन निर्माणमा सक्रिय भूमिका खेल्ने प्रतिबद्धता जनाउँदै खरेलले आफ्नो व्यावहारिक अनुभव र विगतको कामका आधारमा आफू जिम्मेवारी वहन गर्न पूर्णरूपमा सक्षम रहेको बताइन् ।
–केशव भट्टराई
रत्ननगर । सङ्घर्ष, उद्यम र समाजसेवा क्षेत्रमा अग्रणी नाम हो– गीता देवकोटा । दर्जनौँ सामाजिक संघसंस्थामा रहेर कुशल नेतृत्व गरिसकेकी उनी महिला नेतृका रुपमा उनले राजनीतिक क्षेत्रमा पनि उत्तिकै योगदान दिएकी छन् । कांग्रेस महासमिति सदस्य रहेकी देवकोटा बागमती प्रदेशबाट राष्ट्रिय सभामा विजयी भएकी छन् । मौरीपालन पेसालाई अँगाल्दै नेपाली कांग्रेसको राजनीतिलाई अगाडि बढाएकी देवकोटा चितवनकी सफल नेतृ हुन् ।
कांग्रेसले बागमती प्रदेशतर्फ नेतृ देवकोटालाई एकमात्र उमेदवार बनाएको थियो । आइतबार सम्पन्न राष्ट्रिय सभा निर्वाचनमा देवकोटाले बागमती प्रदेश सभा सदस्य किरण थापा प्रस्तावक र रत्ननगर नगरपालिकाका नगरप्रमुख प्रलाद सापकोटाको समर्थनमा मनोनयन दर्ता गराएकी थिइन् ।
देवकोटाको जीवन–सङ्घर्ष
विसं २०२८ सालमा रत्ननगर–१२, जमुनापुरमा जन्मिएकी गीता रत्ननगर–१४, डुम्रीचोक निवासी विलभद्र देवकोटासँग वैवाहिक बन्धनमा बाँधिइन् । पहिलो सन्तानको रुपमा विगेश देवकोटालाई जन्म दिएको छोटो समयमै टिकौली जङ्गलमा भएको मोटरसाइकल दुर्घटनामा परी श्रीमान्को निधन भयो । उनका श्रीमान् विलभद्र नेपाल वायुसेवा निगममा कार्यरत थिए ।
आफ्नो जीवनमा अकल्पनीय बज्रपात परेपछि गीताले दुधेबालकको पालनपोषण गर्दै एकल महिलाका रुपमा सङ्घर्ष गरिन् ।
कहालीलाग्दो विगतलाई आशामा परिणत गर्दै उनी राजनीति र समाजसेवासँगै उद्यमशीलतासँग जोडिइन् । सुरूवातमा दुई घार मौरीबाट उद्यम सुरू गरेकी उनले व्यवसायबाट कसरी मनग्य आम्दानी गर्न सकिन्छ भन्नेमा आफ्नो सम्पूर्ण ध्यानकेन्द्रित गरिन् । फलस्वरुप, व्यवसाय सुरू गरेको पाँच वर्षभित्रै ५० घार मौरी हुँदै २०० घारसम्म मौरीपालन गर्न सफल भइन् ।
तत्कालीन समयमा मौरी र मह उत्पादनसँगै अघि बढाउन धेरै कठिन अवस्था थियो । मौरी चरन क्षेत्रको अभाव, मौरीजन्य उपजको बजारीकरण हुन नसकेको अवस्थामा मौरी चरनको लागि स्थानान्तरण गरी बाहिरी जिल्ला जानुपर्ने अवस्थामा एकल महिलालाई हेर्ने दृष्टिकोण र लैङ्गिक विभेद समाजमा चर्को रुपमा थियो । जस्तोसुकै अवस्थामा पनि बिचलित नभईकन उनी अगाडि बढ्दै गइन् ।
विसं २०५५ सालमा नेपाल मौरीपालक महासंघ स्थापना भएपछि सदस्यमा आवद्ध भइन् । उनी संस्थाले दिएको जिम्मेवारी वहन गर्दै २०६१ सालदेखि केन्द्रीय महासंघको उपाध्यक्ष रहेर काम गर्दै आएकी छन् । मौरीपालन व्यवसायले नै उनलाई नेतृत्व तहसम्म पुर्याएको हो । छोराको लालन–पालन, शिक्षा–दीक्षादेखि उच्च शिक्षा अध्ययनका लागि विदेश र परिवारको सम्पूर्ण खर्च यही व्यवसायले नै धानेको छ ।
अहिले उनले ‘गीता वी फर्म’मार्फत कन्चन मह उत्पादन गरी स्वदेश र विदेशमा समेत निर्यात गर्दै आएकी छन् । २० वर्षको कलिलो उमेरमै श्रीमान् गुमाउनुपरेको पीडा र सन्तान हुर्काउनुको सङ्घर्ष कम्ती चुनौतीपूर्ण थिएन । तर, जस्तोसुकै कठिन परिस्थितिमा पनि आफूलाई बिचलित नहुन सल्लाह सुझाव दिने र सहयोग गर्ने अभिभावक, सामाजिक व्यक्तित्व, राजनीतिककर्मी तथा व्यावसायिक साथीहरुप्रति उनले आभार प्रकट गरेकी छन् ।
सामाजिक संघसंस्थामा आवद्धता
विसं २०५९ सालमा सृजनशील बचत तथा ऋण सहकारी संस्थाको संस्थापक अध्यक्ष रहेकी उनले ९ वर्षसम्म चार कार्यकाल पूरा गरिन् । संस्थालाई उचाइमा पुर्याउन उनको महत्त्वपूर्ण भूमिका निर्वाह गरिन् । यस्तै, उनले दीपज्योति महिला उत्थान संस्था पिठुवामा २०५७ सालदेखि १० वर्षसम्म तीन कार्यकाल अध्यक्षका रुपमा कार्य गरिन् । महिला सशक्तिकरणका लागि एकल महिला र आवाजविहीनको आवाज बनेर उनले उल्लेख्य योगदान गरिन् ।
नेपाल रेडक्रस सोसाइटी जुटपानीको कार्यसमिति सदस्य रहेकी उनी हाल नेरेसो पिठुवामा कोषाध्यक्षको जिम्मेवारीमा छन् । रेडक्रसमार्फत मानवीय कार्य, उद्धार, राहत र रक्तदानमार्फत उनले समाजमा उल्लेख्य भूमिका खेलेकी छन् ।
यस्तै, गणेश मन्दिर व्यवस्थापन समिति पिठुवामा दुई कार्यकाल अध्यक्ष रहेकी उनले द्वारिकादास माविको अध्यक्षको जिम्मेवारी पूरा गरिसकेकी छन् । रत्ननगर–१४ को वडा सदस्य रहेकी उनी एकल महिला नगरस्तरीय समन्वय समितिको अध्यक्ष रहेर एकल महिलालाई संगठित गर्दै उनीहरुको हकअधिकार र समस्या निराकरण गर्दै आएकी छन् ।
–केशव भट्टराई
सौराहा । क्षयरोगको रोकथाममार्फत क्षयरोग अन्त्य गर्ने परियोजनाको समीक्षा र योजना कार्यशाला पर्यटकीय नगरी सौराहामा सम्पन्न भएको छ ।
कार्यक्रममा राष्ट्रिय क्षयरोग नियन्त्रण केन्द्रका निर्देशक डा भुवन पौडेलले सरकारको महत्त्वाकाङ्क्षी लक्ष्यअनुरुप सुषुप्त क्षयरोगको परीक्षण, स्क्रिनिङ र प्रभावकारी उपचारमार्फत सन् २०३५ सम्ममा क्षयरोगीको संख्या ३५०० भन्दा कम र सन् २०५० सम्ममा ५० भन्दा कम गरी लक्ष्य हासिल हुनेगरी काम गर्न आवश्यक रहेको बताए ।
सुषुप्त क्षयरोगको निदान र उपचारका लागि पाइलट प्रोजेक्टका रुपमा चितवन र प्युठान जिल्लामा विराट नेपाल मेडिकल ट्रस्ट (बिएनएमटी नेपाल) र रोटरी क्लब अफ काठमाडौँ मिड टाउनले आर्थिक सहयोग गर्दै आएको बताउँदै आगामी दिनमा स्थानीय तह र प्रदेशहरुबीच समन्वय गरी क्षयरोग नियन्त्रणका लागि बजेट बढाएर ७७वटै जिल्लामा कार्यक्रम अगाडि बढाउनुपर्नेमा जोड दिए ।
मेडिकल सिटीका रुपमा विकास भइरहेको चितवनमा ड्रग रेसिस्टेन्ट (डिआर) टिबी सेन्टर स्थापनाका लागि आफूले सक्रिय भूमिका खेल्ने प्रतिबद्धता उनले जनाए ।
राष्ट्रिय क्षयरोग नियन्त्रण केन्द्रका वरिष्ठ छातीरोग विशेषज्ञ डा नवीन प्रकाश शाहले क्षयरोगको उपचार गरेर मात्र नहुने भन्दै पाँच वर्षमाथिको निवारक उपचार गर्नका लागि लगानी बढाउनुपर्नेमा जोड दिए ।
डा। शाहले नेपालमा आर्थिक वर्ष २०८१–०८२ मा कुल ६७ हजार क्षयरोगी पत्ता लगाउनुपर्नेमा ३९ हजार १५१ जना अर्थात् ६० प्रतिशत मात्र उपचारको दायरामा आएको र डिआर टिबीका २४०० बिरामी पत्ता लाग्नुपर्नेमा ६२५ जना अर्थात् २५ प्रतिशत मात्र पत्ता लागेकोले क्षयरोग नियन्त्रणमा चुनौती बढेको बताए । यस्तै, सुषुप्त अवस्थामा रहेको ल्याटिन टिबीका ४५ प्रतिशत बिरामी लुकेर रहेकाले उनीहरुको खोजी गरी उपचार गर्नुपर्ने उनको भनाइ थियो ।
स्वास्थ्य कार्यालय चितवनका प्रमुख निर्मल घिमिरेले क्षयरोग अन्त्य गर्ने लक्ष्य हासिल गर्न चाँडो निदान गर्ने, उपचार गर्ने र सुषुप्त अवस्थामै रोकथामका कार्यक्रम गर्न आवश्यक रहेको बताए । स्वास्थ्य कार्यालय चितवनले सङ्क्रमित व्यक्तिको परिवारलाई लक्षित गरी स्क्रिनिङ कार्यक्रम गर्दै आएको जानकारी दिए । योजना कार्यशालाबाट प्राप्त सुझावअनुरुप कार्यान्वयनमा लाग्न र चितवनमा डिआर टिबी सेन्टर स्थापनाका लागि पनि आवश्यक पहल गरिदिन राष्ट्रिय क्षयरोग नियन्त्रण केन्द्रका निर्देशकसँग आग्रह गरे ।
चितवनमा लागू भएको क्षयरोगको रोकथाममार्फत क्षयरोग अन्त्य गर्ने परियोजनाको विषयमा कार्यपत्र प्रस्तुत गर्दै जनस्वास्थ्य कार्यालय चितवनका टिबी फोकल पर्सन जयराम दुवाडीले चितवनमा १२९ वटा स्वास्थ्य संस्था, १०७ वटा डट्स सेन्टर र तीनवटा डिआर सबसेन्टरमार्फत टिबीको उपचार भइरहेको बताए ।
उनका अनुसार चितवनमा आर्थिक वर्ष २०८१–०८२ मा १०८९ जना सक्रिय क्षयरोगी दर्ता रहेका छन् । जसमा भरतपुर महानगरमा ५७०, रत्ननगर नगरपालिकामा १३४, राप्ती नगरपालिकामा १०६, खैरहनी नगरपालिकामा १०२, कालिका नगरपालिकामा ९१, माडी नगरपालिकामा ४८ र इच्छाकामना गाउँपालिकामा ३८ जना रहेका छन् । चितवनमा तीन प्रकारका क्षयरोगीले उपचार गराइरहेकामध्ये पिबिसी केसका ५९९, पिसिजी केसका २७१ र इपिसी केसका २१९जना रहेको टिबी फोकल पर्सन दुवाडीले जानकारी दिए ।
कार्यक्रममा बिएनएमटी नेपालका प्रबन्ध निर्देशक रघु धितालले क्षयरोगको रोकथाम गर्ने लक्ष्यअनुसार उच्च जोखिममा रहेका ल्याटिन टिबीका १५०० जनालाई थ्रिएचपी औषधि, यातायात खर्चसहित उपचार गराउँदै आएको बताए ।
कार्यक्रममा प्युठानमा लागू भएको क्षयरोगको रोकथाममार्फत क्षयरोग अन्त्य गर्ने परियोजनाको विषयमा स्वास्थ्य कार्यालय प्युठानका प्रमुख नरेश श्रेष्ठले कार्यपत्र प्रस्तुत गरेका थिए ।
कार्यक्रममा प्रदेश स्वास्थ्य निर्देशनालय दाङका जनस्वास्थ्य प्रशासक डा अच्यूत शर्मा, स्वास्थ्य मन्त्रालय बागमतीका योजना, मूल्याङ्कन तथा अनुगमन शाखा प्रमुख कपिल तिम्सिना, बकुलहर रत्ननगर अस्पतालका टिबी फोकल पर्सन डा शशांककुमार सिंह, शिवनगर स्वास्थ्यचौकी इन्चार्ज भानुशङ्कर पौडेल, खैरहनी नगरअस्पतालका डा। सरिता गौतम बर्तौैला, टिबी फोकल पर्सन पिताम्बर पन्त, मङ्गलपुर स्वास्थ्यचौकीका सरिता तिवारी, कविलास स्वास्थ्यचौकीका अशोककुमार भुजेल, भण्डारा नगरअस्पतालका डा काजोल पाण्डे, रोटरी क्लब अफ काठमाडौँ मिड टाउनका पूर्वअध्यक्ष फोकल पर्सन पारस राणालगायतले आआफ्ना रायसुझाव व्यक्त गरेका थिए ।
कार्यक्रममा क्षयरोगको औषधि सेवनपश्चात् स्वास्थ्यलाभ गरेका अभियन्ताहरुले आआफ्ना अनुभव सुनाएका थिए ।
गैँडाकोट । नवलपुरको गैँडाकोट–२ स्थित नारायणी नदीकिनारमा सञ्चालन भएको चौथो गैँडाकोट महोत्सव–२०८२ सकिएको छ । करिब दुई लाख दर्शकले महोत्सव अवलोकन गर्दा २० करोड बढीको कारोबार भएको जनाइएको छ ।
महोत्सव आयोजक संस्था जिल्ला उद्योग वाणिज्य संघ गैँडाकोटका महासचिव एवम् महोत्सव सचिवालय संयोजक तेजनारायण पाण्डेले आर्थिक मन्दीका कारण महोत्सवमा अपेक्षित कारोबार नभए पनि महोत्सव सफल भएको दाबी गरे ।
“हामीले २५ करोडको कारोबार हुने अनुमान गरेका थियौँ”, उनले भने, “आर्थिक मन्दीका कारण करिब २० करोडको कारोबार भएको प्रारम्भिक तथ्याङ्क निकालेका छौँ ।” यद्यपि, गैँडाकोटमा आयोजना भएको महोत्सवले जिल्लाको आर्थिक क्षेत्रलाई चलायमान बनाउन सघाएको पाण्डेले बताए ।
पुस २५ देखि सुरू भएको महोत्सव शनिबार १६औँ दिनमा समापन गरिएको हो । महोत्सवले जिल्लामा उत्पादन भएका कृषि तथा औद्योगिक उत्पादनको प्रवद्र्धन र बजारीकरणमा सघाएको संघका वरिष्ठ उपाध्यक्ष एवम् महोत्सव मूल संयोजक छवि कँडेलले बताए ।
“कृषि तथा उद्योगको क्षेत्रमा नवलपुर गण्डकी प्रदेशकै अग्रणी जिल्लाको रुपमा रहेको छ”, कँडेलले भने, “यस महोत्सवले यहाँको कृषि उपजलाई प्रवद्र्धन गर्न सघाउँदै कृषक र उद्यमीहरुको हौसला वृद्धि गरेको हामीलाई महसुस भएको छ ।”
महोत्सवका क्रममा कृषि उत्पादनलाई प्रवद्र्धन गर्ने उद्देश्यले कृषकले उत्पादन गरेका बन्दा, गाजर, मुला, काउली, ब्रोकाउली, भेडेखुर्सानीसहितका कृषि उपजहरुको निःशुल्क प्रवद्र्धन गर्दै प्रदर्शनी गरिएको संघका अध्यक्ष एवम् महोत्सवका संरक्षक दीपक सापकोटाले बताए ।
महोत्सवमा औद्योगिक उत्पादनसँगै अटो, रेस्टुरेन्ट, घरायसी र उपभोग्य वस्तु गरी २५० स्टल तथा बाल उद्यान र जलपरी शो राखिएको उनले बताए । महोत्सवमा स्थानीय अदुवाको जामलाई प्रवद्र्धन गर्ने गरी प्रदर्शनीमा राखिएको भन्दै यसले नवलपुरको उत्पादनको पहिचान बनाउन मद्दत पुगेको उनले बताए ।
महोत्सव उद्घाटनका दिन आयोजित शोभायात्रामा सहभागीमध्ये उत्कृष्ट १७ समूहलाई समापनका क्रममा शनिबार पुरस्कृत गरिएको महोत्सवका प्रचारप्रसार उपसमिति संयोजक शालिकराम सापकोटाले जानकारी दिए ।
विभिन्न धार्मिक, शैक्षिक, सामाजिक संघसंस्था तथा खेलकुद, सामुदायिक वनलगायत पालिकामा क्रियाशील ३५० भन्दा बढी समूहको सहभागिता रहेको शोभायात्रामा सहभागीमध्ये १४ जनालाई सान्त्वना पुरस्कार तथा तीन समूहलाई पहिलो, दोस्रो र तेस्रो गरी पुरस्कृत गरिएको उनले बताए ।
महोत्सव अवधिभर सांस्कृतिक कार्यक्रमअन्तर्गत स्थानीय कला र संस्कृतिको जगेर्ना र प्रवर्द्धन गर्ने उद्देश्यले राष्ट्रिय भजन प्रतियोगिता आयोजना गरिएको थियो ।
महोत्सव समापनका क्रममा गैँडाकोट नगरपालिका प्रमुख मदनभक्त अधिकारीले महोत्सवले गैँडाकोटको मात्रै नभई समग्र जिल्लाको धार्मिक, पर्यटकीय गतिविधि बढाएको बताए । स्थानीयस्तरमा हुने महोत्सवले स्थानीय उत्पादनको बजारीकरण गर्दै रोजगारी र उत्पादन वृद्धिमा सघाउ पु¥याउने अधिकारीको भनाइ थियो ।
महोत्सवमा हरेक दिन ख्यातिप्राप्त राष्ट्रिय तथा स्थानीय कलाकारहरुले साङ्गीतिक प्रस्तति राखेका थिए ।
खैरहनी । नेपाली कांग्रेस क्षेत्रीय कार्यसमिति क्षेत्र नं १ को आयोजनामा शनिबार निर्वाचनकेन्द्रित विशेष भेला आयोजना गरिएको छ ।
भेलालाई सम्बोधन गर्दै कांग्रेसका केन्द्रीय सदस्य जीतनारायण श्रेष्ठले बदलिँदो परिवेशसँगै रुपान्तरणसहित देश बदल्ने संकल्प बोकेर कांग्रेस चुनावी मैदानमा होमिएको बताए । जनताको भरोसाको पार्टी बनेर देशको समुन्नतिका लागि सभापति गगनकुमार थापालाई प्रधानमन्त्रीका रुपमा अगाडि सारेर कांग्रेस एकढिक्का भएर अगाडि बढेको उनको भनाइ थियो ।
उनले नयाँ परिवर्तनसँगै पुरानो अनुभव भएका राजेन्द्रप्रसाद बुर्लाकोटीलाई क्षेत्र नं १ को उमेदवार बनाएर अगाडि बढेको र उनले यस क्षेत्रका मतदाताको आशा र अपे्क्षा पूरा गर्नेमा आफू विश्वस्त रहेको बताए ।
कांग्रेस चितवनका सभापति राजेश्वर खनालले युगअनुरुप कांग्रेसमा रुपान्तरण भएको र सिंगो पार्टी अझै मजबुत भएर आफ्ना उमेदवारलाई जिताउन अगाडि बढेको बताए । दशकौँसम्म कांग्रेसमा रहेर इमानको राजनीति गरेका र सामाजिक क्षेत्रमा योगदान गरेका बुर्लाकोटीलाई क्षेत्र नं १ का मतदाताले न्याय गर्ने विश्वास व्यक्त गर्दै बधाई तथा शुभकामना दिए ।
कांग्रेसका उमेदवार राजेन्द्रप्रसाद बुर्लाकोटीले ‘बदल्यौँ कांग्रेस, बदल्छौँ देश’ भन्ने नाराका साथ कांग्रेस चुनावमा होमिएको र स्थानीयका समस्यादेखि, विद्यार्थी, युवा–तरुण, किसान र जेनजीका समस्या निराकरणका लागि भावी प्रधानमन्त्री गगन थापाको नेतृत्वमा कांग्रेस सरकारमा जानुपर्ने बताए । देशलाई समृद्धिको दिशामा लैजान कांग्रेसका उमेदवारलाई जिताउनुपर्ने उनले बताए ।
आफूलाई पार्टीले उच्च मूल्याङ्कन गरेर मैदानमा उतारेको बताउँदै आफूले जनताको भोट खेर जाने अवस्था आउन नदिन्ने बताए । उनले भने, मलाई पैसा कमाउनु छैन । ५० वर्षदेखि सामाजिक क्षेत्रमा योगदान दिँदै आएको मान्छे हुँ । मलाई कुनै पनि लोभ छैन ।’
कांग्रेस धादिङका सभापति एवम् पूर्वमन्त्री रामनाथ अधिकारीले राजेन्द्रप्रसाद बुर्लाकोटी आफ्नो मित्र एवम् राजनीतिक सहयात्री रहेको बताउँदै राजनीतिमा परिपक्व र समाजसेवामा प्रतिबद्ध रहेका बुर्लाकोटीलाई क्षेत्र नं १ का मतदाताले यसपटक न्याय गर्ने बताए । कुनै लोभ, मोह र व्यक्तिगत महत्त्वाकाङ्क्षा नभएका यस्ता व्यक्तिलाई विजयी गराउनु लोकतन्त्रकै जीत हुने उनको भनाइ थियो ।
क्षेत्र नं १ का क्षेत्रीय सभापति एवम् निर्वाचन परिचालन मूल समितिका संयोजक किरणभूषण ओलीको सभापतित्वमा सम्पन्न भेलामा कांग्रेस नेता एवम् पूर्वमन्त्री शेषनाथ अधिकारीले सचेत मतदाताले सुधारिएको कांग्रेसका उमेदवारहरुलाई मतदान गरी विजयी गराउनेमा आफू आशावादी रहेको बताए ।
क्षेत्रीय सचिव उमेश गिरीले सञ्चालन गरेको कार्यक्रममा जेनजी युवा नवीन थापाले परिवर्तनलाई आत्मसात् गरेको कांग्रेसका उमेदवारलाई जिताउन युवाको साथ र समर्थन रहने प्रतिबद्धता जनाए ।
चितवन । अरुण सञ्चार सहकारी संस्था लिमिटेडद्वारा सञ्चालित रेडियो अर्पण १०४.५ मेगाहर्जको अध्यक्षमा यमन भूषाल चयन भएका छन् ।
चौथो अधिवेशनबाट ९ जनाको कार्यसमिति र ३ जनाको लेखा समिति निर्विरोधरूपमा चयन भएको निर्वाचन संयोजक मेघनाथ पौडेलले जानकारी दिए ।
अधिवेशनबाट उपाध्यक्षमा मोहदत्त पौडेल (सुरज), सचिवमा शिवराज दुवाडी (माधव), कोषाध्यक्षमा ध्रुवराज लामिछाने र सदस्यमा क्रमशः महेश पाण्डे, सुरेश भूषाल, रमाकान्त पौडेल, दुर्गाप्रसाद घिमिरे र विष्णुहरि आचार्य निर्विरोधरूपमा चयन भएका हुन् ।
यस्तै, लेखा समिति संयोजकमा रामचन्द्र देवकोटा सदस्यमा क्रमशः विष्णु श्रेष्ठ र डिल्लिराम रखाल सर्वसम्मत चयन भएका छन् ।
रत्ननगर । रत्ननगरको टिकौली चौरमा आयोजना गरिएको रत्ननगर महोत्सवको १३औँ संस्करण बुधबार सम्पन्न भएको छ । रत्ननगर उद्योग वाणिज्य संघको आयोजना तथा रत्ननगर नगरपालिका संरक्षक रहेको सो महोत्सव पौष २५ गतेबाट सुरू भएको थियो । १३ दिन सञ्चालन भएको उक्त महोत्सव ४ लाख ५० हजारले अवलोकन गरेको र २६ करोडको कारोबार भएको संघका कोषाध्यक्ष विनोद घिमिरेले जानकारी दिए ।
यसपटकको महोत्सवमा रामजानकी मन्दिरको मूल गेट निर्माण गरिएको थियो । महोत्सव अवलोकन गर्न आएका अधिकांशले रामजानकी गेटमा फोटो र भिडियो खिचेका छन् । महोत्सवअन्तर्गत गरिएको मह उत्सव उत्पादन र बजारीकरणको हिसाबले कोसेढुङ्गा साबित भएको छ ।
कार्यक्रममा जिल्ला समन्वय समितिका प्रमुख नारायणप्रसाद अधिकारीले रत्ननगर महोत्सवले जिल्लाको कृषि, पर्यटन, उद्योग, स्थानीय उत्पादनको बजारीकरण तथा उत्पादक र उपभोक्ताबीच प्रत्यक्ष सम्पर्क सेतुको काम गर्न सफल भएको बताए । मुलुक विषम परिस्थितिमा गुज्रिरहेको बेला आयोजना गरिएको महोत्सव सफल हुनु नै सबैभन्दा ठूलो कुरा रहेको भन्दै उनले यसले जिल्लाको आर्थिक विकासमा सहयोग पुगेको बताए । कार्यक्रममा प्रमुख जिल्ला अधिकारी गणेश अर्याल र एसपी गोविन्द पुरीको विशेष आतिथ्यता रहेको थियो ।
संघका अध्यक्ष शंकर गिरीले रत्ननगर महोत्सवको १३औँ संस्करण अहिलेसम्मकै उत्कृष्ट भएको दाबी गरे । ‘जिल्लाको आर्थिक विकासमा महोत्सवले महŒवपूर्ण भूमिका खेलेको हामीले महसुुस गरेका छौँ’, उनले भने, ‘यसको प्रभाव बिस्तारै देखिँदै जाने छ ।’ महोत्सवअन्तर्गत आयोजना गरिएको कृषि उत्पादन र बजारीकरण तथा युवा रोजगारसम्बन्धी कार्यशालाले एक खालको मार्गचित्र तयार भएको उनले बताए ।
नेपाल उद्योग वाणिज्य महासंघका केन्द्रीय सदस्य अनिलकृष्ण श्रेष्ठले निजी क्षेत्रले आयोजना गर्ने महोत्सव आर्थिक विकासको मेरूदण्ड रहेको भन्दै सरकारले उद्योग वाणिज्य संघको सिफारिसमा मात्र अन्य संघसंस्थामा महोत्सव आयोजनाको सिफारिस दिनुपर्ने बताए । संघका वरिष्ठ उपाध्यक्ष निराजन खनालले महोत्सवप्रतिको जनआकर्षणले आफूहरुलाई उत्साहित बनाएको भन्दै अनुमान गरेको भन्दा बढीले अवलोकन र लक्ष्यभन्दा बढी कारोबार भएको बताए ।
समापन कार्यक्रममा महोत्सवमा सहयोग गर्ने विभिन्न संघसंस्थालाई कदरपत्र, प्रतियोगितामा सहभागीलाई पुरस्कार, स्टेरिङ कमिटीलाई कदरपत्र तथा लोकगायक नेत्रजी पन्तलाई सम्मान गरिएको थियो । महोत्सवअन्तर्गत भजन, शङ्खध्वनि, महिला कबड्डी तथा अन्तरविद्यालयस्तरीय नृत्य प्रतियोगिता गरिएको थियो । बाल उद्यानमा जलपरीसँगै बालबालिकालाई लक्षित गरी काश्मीर भ्याली निर्माण गरिएको थियो । पर्यटन प्रवद्र्धनतर्फ खगरी खोलामा मोटरबोट सञ्चालन गरिएको थियो । महोत्सवमा राष्ट्रिय तथा अन्तर्राष्ट्रियस्तरका करिब ५०० स्टलहरु रहेका थिए ।
महोत्सवअन्तर्गत पौष २९ देखि माघ ४ सम्म सौराहा चोकस्थित बसपार्कमा ‘छैटौँ रत्ननगर सांस्कृतिक खाना महोत्सव’ आयोजना गरिएको थियो । कृषि क्षेत्रलाई विशेष प्राथमिकता दिँदै बृहत् कृषि प्रविधि प्रदर्शनीमा केरा, माछा, च्याउ, दुग्धजन्य पदार्थ, पोल्ट्री, मह र रैथाने बालीको प्रदर्शन तथा बजारीकरणलाई महोत्सवले प्राथमिकतामा राखेको थियो । संघका महासचिव उपेन्द्र शर्मा आचार्यले सञ्चालन गरेका थिए ।
गैँडाकोट । नवलपुरको गैँडाकोटस्थित नारायणी नदीकिनारमा जारी चौथो गैँडाकोट महोत्सवको माहोल रचना रिमालले तताएकी छन् ।
बुधबार साँझ महोत्सवको सांस्कृतिक कार्यक्रमको मञ्चमा प्रवेश गरेकी रिमालले महोत्सवको माहोल तताएकी हुन् । रचना स्टेज चढ्दा छरिएर रहेका दर्शकहरु उनको आवाजपछि मञ्चअगाडि जम्मा भएर उनलाई साथ दिएका थिए । ‘फोटो फिरिममा’ बोलको गीत गाएर सांस्कृतिक प्रस्तुति सुरु गरेकी रिमालले आफ्ना चर्चित गीतहरुबाट दर्शकलाई मनोरञ्जन दिएकी महोत्सवको सांस्कृतिक कार्यक्रम संयोजक किशोर लम्सालले जानकारी दिए ।
बुधबार महोत्सवमा रचना रिमालसँगै चर्चित लोकदोहोरी गायक प्रजापति पराजुली, उमादेवी खनाल, जादुगर बलराम सरकार, वन्दना विश्वकर्मालगायतको प्रस्तुति रहेको लम्सालले बताए । यस्तै, विभिन्न स्थानीय कलाकारहरुले समेत आफ्नो प्रस्तुति राखेका लम्सालले जानकारी दिए । उनका अनुसार बिहीबार महोत्सवमा चर्चित कलाकार पशुपति शर्मा, दुर्गा सापकोटा, सुष्मा शाही ठकुरीसहित स्थानीय कलाकारहरुको समेत प्रस्तुति रहने लम्सालले बताए ।
बुधबार करिब नौ हजार दर्शकले महोत्सवको अवलोकन गरेका महोत्सव आयोजक संस्था जिल्ला उद्योग वाणिज्य संघ गैँडाकोटका वरिष्ठ सदस्य एवम् महोत्सव प्रचारप्रसार उपसमिति संयोजक शालिकराम सापकोटाले जानकारी दिए । उनका अनुसार बुधबारसम्म करिब एक लाख ८० हजार दर्शकले महोत्सवको अवलोकन गरेका छन् । पुस २५ गते सुरु भएको महोत्सव माघ १० गतेसम्म जारी रहने भन्दै सापकोटाले महोत्सवको दुई लाख बढी दर्शकले अवलोकन गर्ने बताए ।
कृषि प्रदर्शनी, व्यापारिक स्टल, रेस्टुरेन्ट तथा बालउद्यानसहित २५० बढी स्टल रहेको महोत्सवमा २५ करोड रुपैयाँभन्दा बढीको आर्थिक कारोबार हुने अनुमान गरिएको सापकोटाले बताए ।
गैँडाकोट । चौथो गैँडाकोट महोत्सव २०८२ मा सोमबार १९ हजार दर्शकले अवलोकन गरेका छन् । नवलपुरको गैँडाकोट–२ स्थित नारायणी नदीकिनारमा जारी महोत्सवको एकैदिन १९ हजार हजार बढी दर्शकले अवलोकन गरेका जनाइएको छ ।
महोत्सव आयोजक संस्था जिल्ला उद्योग वाणिज्य संघ गैँडाकोटका वरिष्ठ सदस्य एवम् महोत्सव प्रचारप्रसार उपसमिति संयोजक शालिकराम सापकोटाका अनुसार स्थानीय उत्पादनसँगै स्थानीय कला र संस्कृतिको संरक्षण र प्रवद्र्धनका लागि महोत्सव आयोजना गरिएको हो ।
सोमबार पनि महोत्सवमा दर्शकको उल्लेख्य सहभागिता रहेको भन्दै उनले महोत्सवमा नवलपुरबाट मात्रै नभई चितवन र तनहुँसहित अन्य क्षेत्रबाटसमेत दर्शकहरु आएका जानकारी दिए । माघ १० गतेसम्म सञ्चालन हुने महोत्सवमा ओपेरा हाउस, जलपरी शो, मुस्ताङको चौरीले समेत दर्शकहरुको मन खिचेको सापकोटाले बताए ।
महोत्सवमा कृषि प्रदर्शनी, अटो, रेस्टुरेन्ट, व्यापारिक गरी २५० स्टल तथा बालउद्यान रहेका सापकोटाको भनाइ छ । महोत्सवले स्थानीय कृषि र उत्पादनलाई बजारीकरणमा सघाउने विश्वास लिइएको उनले बताए ।
संघका अध्यक्ष एवम् महोत्सवका संरक्षक दीपक कँडेलले स्थानीय कृषि र उत्पादनको प्रवद्र्धन एवम् बजारीकरण गर्ने उद्देश्यले महोत्सव आयोजना गरिएको बताए । महोत्सवमा दुई लाख दर्शकले अवलोकन गर्ने तथा २५ करोड रुपैयाँ बढीको कारोबार हुने अनुमान गरिएको सापकोटाको भनाइ छ । महोत्सव अवलोकनका लागि १०० रुपैयाँको टिकटको व्यवस्था गरिएको छ ।
विद्यार्थीका लागि ७० रुपैयाँको टिकटको व्यवस्था गरिएको भन्दै सापकोटाले ज्येष्ठ नागरिक, अशक्त र अपाङ्ग एवम् शैक्षिक संस्थाबाट संस्थागत रुपमा सहभागी भएका विद्यार्थीहरुलाई महोत्सवस्थलमा निःशुल्क प्रवेशको व्यवस्था गरिएको बताए ।
यसैबीच, महोत्सवको सांस्कृतिक कार्यक्रमअन्तर्गत सोमबार चर्चित गायक राजनराज शिवाकोटीसहितका कलाकारहरुले प्रस्तुति राखेका थिए । महोत्सवका सांस्कृतिक कार्यक्रम संयोजक किशोर लम्सालका अनुसार महोत्सवअन्तर्गत सोमबार चर्चित राष्ट्रिय तथा स्थानीय कलाकारहरुको प्रस्तुति रहेको थियो । यस्तै, नन्दु परियार, टीकासरा राना, सरिता गुरूङ श्रेष्ठलगायतले प्रस्तुति राखेका लम्सालले जानकारी दिए ।
मङ्गलबार महोत्सवको मुख्य आकर्षणको रुपमा चर्चित गायिका शान्तिश्री परियारलगायतका कलाकारको प्रस्तुति रहने लम्सालले बताए । मंगलबार महोत्सवमा शान्तिश्रीसँगै सिर्जना खत्री हाउडे माया, सीमा थापामगर, दामोदर बस्याल एवम् अन्य स्थानीय कलाकारहरुको प्रस्तुति रहने लम्सालले जानकारी दिए ।
रत्ननगर । पूर्वी चितवनको रत्ननगरस्थित टिकौली चौरमा जारी रत्ननगर महोत्सवको १३औँ संस्करणको १० दिनसम्म आइपुग्दा तीनलाखले महोत्सव अवलोकन गरेका छन् ।
रत्ननगर उद्योग वाणिज्य संघको आयोजनामा पौष २५ गतेबाट सुरु भएको उक्त महोत्सवअन्तर्गत माघ १ गते एकैदिन ४५ हजारले अवलोकन गरेका थिए । माघ २ गतेसम्म दुई लाखले अवलोकन गरेको सो महोत्सवमा तीन दिनमा एक लाखले अवलोकन गरेका हुन् ।
माघ २ गते ४० हजार, ३ गते ३० हजार र ४ गते ३० हजारले महोत्सव अवलोकन गरेको संघका अध्यक्ष शङ्कर गिरीले जानकारी दिए । संघका कोषाध्यक्ष विनोद घिमिरेले महोत्सव अवलोकनकर्ताको संख्या बढ्दै जाँदा टिकट बिक्री पनि अपेक्षाकृत नै रहेको बताए ।
महोत्सव अवलोकन गर्न आएका मानिसहरुले रामजानकी मन्दिर आकृतिको भव्य गेट हेर्ने, फोटो तथा भिडियो खिच्ने गरेका छन् । महोत्सव प्रवेश गरेका अवलोकनकर्ताको रोजाइमा विभिन्न जनजातिको घर, कृषि परिसर र सांस्कृतिक कार्यक्रम रोजाइमा पर्ने गरेको छ ।
महोत्सव परिसरमाख महको उत्पादन, गुणस्तर र बजारीकरणलाई प्रवर्द्धन गर्न छुट्टै परिसर निर्माण गरिएको छ । कृषि, पर्यटन, कला–संस्कृति र व्यापारलाई विशेष जोड दिँदै समग्र चितवनको आर्थिक गतिविधिलाई चलायमान बनाउने उद्देश्य राखिएको छ ।
विगत दुई दशकदेखि हरेक दुई वर्षमा आयोजना हुँदै आएको यस महोत्सवको १३औँ संस्करणको चार लाखभन्दा बढी दर्शक अवलोकन गर्ने र २५ करोड बढीको कारोबार हुने अनुमान गरिएको संघका बरिष्ठ उपाध्यक्ष निराजन खनालले बताए । पर्यटन प्रवर्द्धनतर्फ खगरी खोलामा मोटरबोट सञ्चालन गरिएको छ ।
महोत्सवमा राष्ट्रिय तथा अन्तर्राष्ट्रियस्तरका करिब ५०० स्टलहरू रहेका छन् । कृषि क्षेत्रलाई विशेष प्राथमिकता दिँदै बृहत् कृषि प्रविधि प्रदर्शनीमा केरा, माछा, च्याउ, दुग्धजन्य पदार्थ, पोल्ट्री, मह र रैथाने बालीको प्रदर्शन तथा बजारीकरणलाई महोत्सवले प्राथमिकतामा राखिएको छ । रत्ननगर नगरपालिका संरक्षक रहेको सो महोत्सव माघ ६ गतेसम्म चल्ने छ ।
चितवन उद्योग वाणिज्य संघको टोलीलाई स्वागत
यसैबीच, रत्ननगर उद्योग वाणिज्य संघले महोत्सव परिसरमै चितवन उद्योग वाणिज्य संघका चिरञ्जीवी सुवेदी नेतृत्वको नवनिर्वाचित टोलीलाई स्वागत गर्दै बधाई ज्ञापन गरेको छ ।
पूर्वअर्थमन्त्री सुरेन्द्र पाण्डेको प्रमुख आतिथ्यतामा संघका अध्यक्ष शङ्कर गिरी र नेपाल उद्योग वाणिज्य महासंघका केन्द्रीय सदस्य अनिलकृष्ण श्रेष्ठले स्वागत गरेका हुन् ।
सो अवसरमा पूर्वअर्थमन्त्री पाण्डेले लगानी सुरक्षाको लागि राज्य जिम्मेवार हुनुपर्ने बताए । सरकारको पैसाले देश नबन्ने भन्दै उनले मुलुक निर्माणको लागि नयाँ उपायको खोजी गर्नुपर्ने बताए । कार्यक्रममा रत्ननगर उवासंघका अध्यक्ष गिरी र चितवन उवासंघका अध्यक्ष सुवेदीले व्यवसायी सुरक्षा तथा उद्यमशीलता विकासमा दुई संघबीच सहकार्य गरेर अगाडि बढ्ने प्रतिबद्धता जनाएका थिए ।
संघका महासचिव उपेन्द्र शर्मा आचार्यले सञ्चालन गरेको कार्यक्रममा नेपाल उद्योग वाणिज्य महासंघका केन्द्रीय सदस्य अनिलकृष्ण श्रेष्ठले धन्यवाद मन्तव्य राखेका थिए ।
रत्ननगर । बन्जारा–बन्जाडे समाज नेपालको केन्द्रीय अध्यक्षमा गीता बन्जारा चयन भएकी छन् । रत्ननगरमा सम्पन्न समाजको सातौँ केन्द्रीय साधारण सभा तथा अधिवेशनले बन्जाराको नेतृत्वमा १९ सदस्यीय नयाँ समिति चयन गरेको हो । सर्वसम्मत निर्वाचित समितिको वरिष्ठ उपाध्यक्षमा तारा बन्जाडे, उपाध्यक्षमा केशव बन्जारा र प्रदीप बन्जारा, महासचिवमा दीपेन्द्र बन्जारा, सचिवमा हिरालाल बन्जारा, कोषाध्यक्षमा राजकुमार बन्जारा चयन भएका छन् ।
त्यस्तै, केन्द्रीय सदस्यमा निर्मल बन्जारा, बसन्तराज बन्जारा, नन्दलाल बन्जारा, भीमा केसी बन्जारा, खुस्बी भण्डारी बन्जाडे, राजकुमार बन्जारा, रामहरि बन्जारा, मनोहर बन्जारा र सुशीला बन्जाडे चयन भएका छन् । अधिवेशनमै नवनिर्वाचित अध्यक्ष गीता तिमिल्सेना बन्जारा, अर्जुन बन्जारा र जगतबहादुर बन्जारालाई केन्द्रीय सदस्यमा मनोनीत गरिएको थियो ।
नवनिर्वाचित केन्द्रीय समितिलाई निर्वाचन समितिका संयोजक डा. मणिराम बन्जाडेले पद तथा गोपनीयताको शपथग्रहण तथा प्रमाणपत्र हस्तान्तरण गरेका थिए । सो अवसरमा नवनिर्वाचित अध्यक्ष गीता तिमिल्सेना बन्जाराले समाजको संस्थागत विकास गरी बन्जारा–बन्जाडे समाजलाई देशभर चिनाउने गरी काम गर्ने प्रतिबद्धता जनाइन् । भाइचाराको सम्बन्ध स्थापित गर्दै कुल तथा वंशको रक्षाका लागि बिचलित नभई काम गर्ने उनको भनाइ छ ।
बन्जारा–बन्जाडे समाज चितवन र मकवानपुर जिल्ला कार्यसमितिको व्यवस्थापनमा रत्ननगर वडा नं–१०, सौराहा चोकस्थित शान्ति भिलेज रिसोर्टमा साधारण सभा तथा अधिवेशन गरिएको हो । भीमसेन थापा गाउँपालिका अध्यक्ष लोकनाथ बन्जारा र रत्ननगर नगरपालिकाका प्रवक्ता कुलप्रसाद सापकोटा विशिष्ट अतिथि रहेको सो उद्घाटन कार्यक्रममा समाजको विकासमा योगदान गरेका २४ जना ज्येष्ठ नागरिक र एसइईमा उत्कृष्ट अङ्क ल्याउने प्रेयङ्का बन्जारालाई सम्मान गरिएको चितवन जिल्ला अध्यक्ष रमेश बन्जाराले जानकारी दिए ।
साधारण सभा तथा अधिवेशनमा देशभरबाट २०० प्रतिनिधि सहभागी थिए । निर्वाचन समितिको संयोजकमा डा. बन्जाडेसहित सदस्यमा शिज बन्जारा र प्रलाद केसी बन्जारा रहेका थिए ।
काठमाडौँ । निर्वाचन आयोग नेपालले गगनकुमार थापा नेतृत्वको नेपाली कांग्रेसलाई आधिकारिकता दिएको छ ।
आयोगको शुक्रबार बसेको बैठकले विशेष महाधिवेशनलाई कानुन र विधानसम्मत भएको जनाउँदै विशेष महाधिवेशनबाट चयन भएका पदाधिकारीहरूको विवरण अद्यावधिक गर्ने निर्णय गरेको आयोगले जनाएको छ ।
हालै सम्पन्न विशेष महाधिवेशनबाट निर्वाचित कांग्रेसका उपसभापति विश्वप्रकाश शर्माले विधि र प्रक्रियाका आधारमा निर्वाचन आयोगले आफूहरूको पक्षमा निर्णय गरेको बताए ।
आयोगको उक्त निर्णयपछि कांग्रेस निवर्तमान कार्यवाहक सभापति पूर्णबहादर खड्काले आयोगको निर्णय आफूहरूको लागि मान्य नहुने भन्दै अदालत जाने प्रतिक्रिया दिए ।
यो निर्णयसँगै नेपाली कांग्रेसको चुनाव चिह्न रुख र चारतारे झण्डासहित आधिकारिक कांग्रेसको सभापति थापा बनेका छन् ।
आयोगले ४० प्रतिशत महाधिवेशन प्रतिनिधिले महाधिवेशन माग गर्न पाउने र त्यो मागअनुसार महाधिवेशन आयोजना गर्नुपर्ने बाध्यात्मक व्यवस्था, विधानत महाधिवेशन प्रतिनिधि नै सर्वोच्च प्रतिनिधि र विशेष महाधिवेशन माग गरेको विषयमा कसैको विमति देखिएन भन्ने आधारमा थापा नेतृत्वको कांग्रेसलाई आधिकारिकता दिएको जनाएको छ ।
चितवन । नेपाली कम्युनिस्ट पार्टी (नेकपा)का संयोजक एवम् पूर्वप्रधानमन्त्री पुष्पकमल दाहाल ‘प्रचण्ड’ले आगामी फागुन २१ गते तय भएको प्रतिनिधिसभा निर्वाचन तोकिएकै समयमा हुने बताएका छन् ।
भरतपुर महानगरपालिकाको प्रशासकीय भवनको शुक्रबार उद्घाटन गर्दै संयोजक दाहालले निर्वाचनको विकल्प नरहेको बताए । उनले भने, “संविधानसभाको पहिलो निर्वाचनको समयमा पनि अघिल्लो दिनसम्म पनि चुनाव हुन्छ र भन्ने देशैभरि हल्ला थियो । तर, चुनाव भयो ।”
राजनीतिक दल र जनता अघि बढीसकेकाले अब पनि चुनाव हुन्छ कि हुँदैन भनेर अन्योलतामा नबस्न संयोजक दाहालले आग्रह गरे । निर्वाचनको अर्को विकल्प नरहेको उल्लेख गर्दै उनले निर्धारित समयमा निष्पक्ष रुपमा निर्वाचन गराउन सबै लाग्नुपर्नेमा जोड दिए ।
फरक प्रसङ्गमा संयोजक दाहालले नेपाली कांग्रेसको विशेष महाधिवेशनपछि निर्वाचन के होला भन्ने प्रश्न जनतामा उठेको बताए । उनले भने “ठूलो पार्टी विभाजन हुनु राम्रो होइन् । सुखद समाचार होइन् । तर यसले निर्वाचनमा कुनै असर पर्दैन ।”
भरतपुर महानगरपालिकाले समानुपातिक रुपमा गरेको विकासका कारण यो महानगर देशको नमुना बन्न सकेको संयोजक दाहालले बताए । यहाँ भौतिक पूर्वाधार, शिक्षा, स्वास्थ्य, रोजगारसँगै विभिन्न सांस्कृतिक समुदायको विकासमा समानुपातिक रुपमा गरिएको योगदानले नै यो सम्भव भएको उनको भनाइ थियो ।
सो अवसरमा महानगर प्रमुख रेनु दाहालले रु ५३ करोड ३२ लाखको लागतमा भवन निर्माण गरिएको जानकारी दिए । भवन निर्माण गर्न २०७९ साउन १८ गते निर्माण कम्पनी शर्मा–सगरमाथा–सगुन जेभीसँग सम्झौता भएको थियो ।
भवन बनाउन सङ्घीय सरकारको रु २१ करोड ५८ लाख, वाग्मती प्रदेश सरकारको रु १९ करोड ८९ लाख तथा महानगरपालिकाको रु ४ करोड ५० लाख रकम खर्च भएको छ । सात कट्ठा जग्गामा ६ तले भवन निर्माण गरिएको हो ।
रत्ननगर । पूर्वी चितवनको रत्ननगर–३, शान्तिचोकमा रहेको शान्तिज्योति तेक्वान्दो डोजाङको आयोजनामा शान्तिज्योति खुल्ला आमन्त्रण जिल्लास्तरीय तेक्वान्दो प्रतियोगिता सुरू भएको छ ।
शान्तिज्योति युवा क्लबका अध्यक्ष अशोक भुसालको अध्यक्षता एवम् रत्ननगर नगरपालिकाका नगरप्रमुख प्रलाद सापकोटाको प्रमुख आतिथ्यतामा भएको समुद्घाटन कार्यक्रममा बोल्दै नगरप्रमुख सापकोटाले खेलले शरीरमा सकारात्मक ऊर्जाको सञ्चार हुने बताउँदै शान्तिज्योति तेक्वान्दोले गरेका कार्यको प्रशंसा गर्दै नगर सधैँ खेल र खेलाडीको प्रवर्द्धनमा तयार रहेको बताए ।
कार्यक्रममा रत्ननगर–३ का वडाध्यक्ष सोहेन्द्रराज खरेल, शहीद स्मृति बहुमुखी क्यामपसका अध्यक्ष उत्तम आचार्य, प्रशिक्षक रोशन खान, राम थापा, सिंहबहादुर लामा, नेपाल तेक्वान्दो संघका केन्द्रीय सदस्य गोपाल श्रेष्ठ, जिल्ला तेक्वान्दो संघ चितवनका अध्यक्ष शैलेश श्रेष्ठ, रत्ननगर–३ का वडा सदस्य शिव खनाल, कार्यक्रमको आर्थिक संयोजक सुजन थापा, समाजसेवी उमेश गिरी, बलराम खनाललगायतको उपस्थिति रहेको थियो ।
यही माघ २ र ३ गते शहीद स्मृति बहुमुखी क्याम्पसको प्राङ्गणमा हुने प्रतियोगितामा चितवन, नवलपुर र धादिङका ७०० बढी खेलाडीहरुको सहभागिता रहेको कार्यक्रम संयोजक सुरेश अधिकारीले बताए ।
रत्ननगर नगरपालिका संरक्षक र रत्ननगर–३ वडा कार्यालय विशेष सहयोगी रहेको उक्त प्रतियोगितामा प्रथम हुने टोलीले १५ हजार रुपैयाँ दोस्रो हुने टोलीले १० हजार रुपैयाँ र तेस्रो हुने टोलीले ५ हजार रुपैयाँ प्राप्त गर्ने सहसंयोजक विष्णु अर्यालले बताए ।
चितवन जिल्ला तेक्वान्दो संघका जिल्ला अध्यक्ष शैलेश श्रेष्ठले आफू नेतृत्वमा आएसँगै जिल्लाको विभिन्न डोजाङसँग सहकार्य गर्ने उद्देश्यअनुरुप शान्तिज्योति तेक्वान्दो डोजाङसँगको सहकार्यमा प्रतियोगिता आयोजना गरिएको र आगामी दिनमा जिल्लाका अन्य डोजाङसँग सहकार्य गर्दै कार्यक्रम आयोजना गर्ने बताए ।
प्रतियोगिताको एजुकेसन पार्टनरमा शहीद स्मृति बहुमुखी क्याम्पस, हस्पिटालिटी पार्टनरमा होटल भिस्टा चितवन र मिडिया पार्टनरमा विप्स मिडिया रहेको नेपाल तेक्वान्दो जिल्ला कार्यसमिति सदस्य अभिषेक गौतमले बताए ।
चितवन । केही महिनाअघि अमेरिकन आमाछोरी भरतपुरको होटल ग्लोबल परिसरमा बसिरहेका थिए । एक दिन छाडा छोडिएको भुस्याहा एउटा कुकुर उनीहरू नजिकै पुग्यो ।
पाहुनालाई कुकुरले टोक्ला भनेर सुरक्षा गार्ड दगुर्दै त्यहाँ आइपुगे। हतारिँदै चोट लाग्ने गरी कुकुरलाई लखेटे । त्यो देखेर ती आमाछोरीलाई निकै नरमाइलो लाग्यो । दुवैका आँखा रसाए । उनीहरूले भगाइसकेको कुकुर खोज्न सुरक्षा गार्डलाई आग्रह गरे ।
सोही अनुरोधअनुसार सुरक्षा गार्डले भागेको कुकुर खोजेर ल्याइदिए । आमाछोरीले कुकुरलाई सुमसुम्याउँदै माया गरे । माया मात्रै गरेनन्, सोही कुकुरलाई आफ्नो देश अमेरिका लैजाने निधो गरे ।
ती विदेशी पाहुनालाई व्यवस्थापनमा सहयोग पुर्याएका विनोद ढकालले उक्त कुकुर यसै साता अमेरिका पुगेको बताए । उनका अनुसार, अमेरिकी नागरिक ५० वर्षीया चन्दा रेनेग्रेगर र उनकी १६ वर्षीया छोरी म्याडिसनले लखेटिएको कुकुरलाई प्रक्रिया मिलाएर अमेरिका लगेका हुन् ।
ढकालले भने, ‘कुकुरलाई पिट्दा रोएका ती आमाछोरीले अमेरिका लैजान्छौँ भनेपछि सबै प्रक्रिया पुर्याएर पठाएको हुँ । गत आइतबार त्यहाँ पुगेको खबर पाउँदा निकै खुसी लागेको छ ।’
गत जुनमा उनीहरू यहाँ आएका थिए । दुई साता सोही होटलमा बस्ने क्रममा यो घटना भएको थियो । ढकालका अनुसार त्यतिबेला दुवै जना पूर्वनिर्धारित कार्यसूचीका कारण कुकुर रेखदेखका लागि एक जना व्यक्तिलाई जिम्मा लगाएर गए । उनले भने, ‘पशु चिकित्सकको परामर्शमा नियमित स्वास्थ्य परीक्षण गर्दै कुकुरलाई राखियो । पछि फिट टू फ्लाइटको अनुमति र पेट पासपोर्ट बनाएर कतार एयरलाइन्समार्फत कुकुरलाई पठाइयो । उक्त कुकुर अमेरिकाको कोलोराडोमा पुगेको छ।’
कुकुर अमेरिका पुर्याउने सबै प्रक्रिया पूरा गर्दा अमेरिकन आमाछोरीले १० हजार अमेरिकन डलरभन्दा बढी खर्च गरेको ढकालले सुनाए । ‘मानिसलाई जनावरको माया कतिसम्म हुँदोरहेछ भन्ने उनीहरूबाट थाहा पाएँ । अमेरिका पुगेपछि दुई दिन क्वारेन्टिनमा राखेको खबर र स्वास्थ्य परीक्षण गरेर बाहिर हिँडाइएको तस्बिर र भिडियो पठाएपछि म पनि ढुक्क भएको छु,’ ढकालले भने ।
रत्ननगर । पूर्वी चितवनको रत्ननगरस्थित टिकौली चौरमा जारी रत्ननगर महोत्सवको १३औँ संस्करणमा बिहीबार दर्शकको भीड देखिएको छ ।
रत्ननगर उद्योग वाणिज्य संघको आयोजनामा पौष २५ गतेबाट सुरू भएको उक्त महोत्सवको बिहीबार मात्र ४५ हजार बढीले अवलोकन गरेको संघका अध्यक्ष शंकर गिरीले जानकारी दिए ।
महोत्सवको सातौँ दिनसम्म आइपुग्दा करिब दुई लाख दर्शकले महोत्सव अवलोकन गरेको उनको दाबी छ । संघका कोषाध्यक्ष विनोद घिमिरेले बिहीबार माघेसङ्क्रान्ति परेकाले महोत्सवमा उत्सहाजनक उपस्थिति देखिएको भन्दै आगामी दिनमा अवलोकनकर्ताको संख्या अझै बढ्ने दाबी गरे ।
महोत्सव अवलोकन गर्न आएका मानिसहरुले रामजानकी मन्दिर आकृतिको भव्य गेट हेर्ने, फोटो तथा भिडियो खिच्ने गरेका छन् । महोत्सव प्रवेश गरेका अवलोकनकर्ताहरुको रोजाइमा विभिन्न जनजातीको घर, कृषि परिसर र सांस्कृतिक कार्यक्रम रोजाइमा पर्ने गरेको छ ।
यसपटकको महोत्सवमा मह उत्सव, रोजगारी मेला र जलपरी अवलोकन मुख्य आर्कषणको रुपमा रहेको छ । महोत्सव परिसरमाझ महको उत्पादन, गुणस्तर र बजारीकरणलाई प्रवर्द्धन गर्न छुट्टै परिसर निर्माण गरिएको छ । कृषि, पर्यटन, कला–संस्कृति र व्यापारलाई विशेष जोड दिँदै समग्र चितवनको आर्थिक गतिविधिलाई चलायमान बनाउने उद्देश्य राखिएको छ ।
विगत दुई दशकदेखि हरेक दुई वर्षमा आयोजना हुँदै आएको यस महोत्सवको १३औँ संस्करणको चार लाखभन्दा बढी दर्शक अवलोकन गर्ने र २५ करोडभन्दा माथिको कारोबार हुने अनुमान गरिएको संघका वरिष्ठ उपाध्यक्ष निराजन खनालले बताए । पर्यटन प्रवर्द्धनतर्फ खगरी खोलामा मोटरबोट सञ्चालन गरिएको छ ।
महोत्सवमा राष्ट्रिय तथा अन्तर्राष्ट्रियस्तरका करिब ५०० स्टलहरू रहेका छन् । कृषि क्षेत्रलाई विशेष प्राथमिकता दिँदै बृहत् कृषि प्रविधि प्रदर्शनीमा केरा, माछा, च्याउ, दुग्धजन्य पदार्थ, पोल्ट्री, मह र रैथाने बालीको प्रदर्शन तथा बजारीकरणलाई महोत्सवले प्राथमिकतामा राखिएको छ ।
रत्ननगर नगरपालिका संरक्षक रहेको उक्त महोत्सव माघ ६ गते सम्म चल्ने छ । यता महोत्सवअन्तर्गत रत्ननगर वडा नं–१ सौराहाचोकमा चिकेन एण्ड एग फुड फेस्टिबल जारी रहेको छ ।
कुखुराको मासु र अण्डा तथा स्थानीय विभिन्न जातजातिको खानाको प्रवर्द्धनको लागि फुड फेस्टिबल आयोजना गरिएको संघका पूर्वअध्यक्ष ज्ञानबहादुर विसुरालले बताए । फेष्टिबल माघ ३ गतेसम्म चल्ने छ । साँझ ५ बजेबाट सुरू हुने फेस्टिबलमा राष्ट्रिय तथा स्थानीय कलाकारहरुको प्रस्तुति रहेको छ ।
कालिका । खैरहनी र कालिका नगरपालिकामा सीमान्तकृत महिलाहरूको आर्थिक सशक्तीकरणका लागि मौसमी तथा बेमौसमी तरकारी खेती सम्बन्धी तालिम सम्पन्न भएको छ । खैरहनी–३, बुद्धशान्ति टोलमा सम्पन्न तालिम नेपाल दलित महिला उत्थान संघ (एडवान)ले सञ्चालन गरेको थियो ।
एडवानकी कार्यवाहक अध्यक्ष पम्फा परियार गुरुङको अध्यक्षता एवम् खैरहनी नगरपालिकाका नगरप्रमुख शशिकुमार खनियाको प्रमुख आतिथ्यतामा सम्पन्न भएको हो ।
कावा अध्यक्ष गुरुङले कार्यक्रममा सहभागीहरुलाई महिलाको जीवनस्तर सुधारका लागि सीप, पहुँच र अवसर आवश्यक रहेको बताइन् । उनले तालिमले महिलालाई आत्मनिर्भर बन्न र परिवारको आर्थिक अवस्था सुधार्न सहयोग पुग्ने विश्वास व्यक्त गरिन् ।
नगरप्रमुख शशिकुमार खनियाले नगरपालिकाले विभिन्न तालिमलाई निरन्तरता दिँदै सीमान्तकृत समुदायको विकासमा जोड दिएको बताए । उपप्रमुख कविता उप्रेतीले महिलाहरुले तालिममा सिकेका सीप व्यवहारमा उतार्न सकेमात्र आर्थिक अवसर सिर्जना हुने र समुदायमा सकारात्मक परिवर्तन आउने बताइन् ।
तालिममा सहभागीका तर्फबाट सन्जु तमाङले प्रतिवेदन प्रस्तुत गरेकि थिइन् । यस्तै, स्वागत मन्तव्य महिला समूहकी सचिव चन्द्रा सुनारले राखेकी थिइन् । एडवानकी सामाजिक परिचालिका सुनिता दराईले तालिम सफलतापूर्वक सम्पन्न भएको जानकारी दिँदै महिला समूहलाई १२ हजार ५०० रुपैयाँबराबरको बीउपुँजी हस्तान्तरण गरिएको बताइन् ।
यसैगरी, कालिका–७, जागरण महिला समूहका सीमान्तकृत महिलाहरूका लागि सञ्चालन गरिएको तालिमको समापन गरिएको छ ।
तालिममा एडवानकी कार्यवाहक अध्यक्ष पम्फा परियार गुरुङको अध्यक्षतामा भएको कार्यक्रममा उपप्रमुख तामाङले महिलाहरू आर्थिकरूपमा सक्षम भएमात्र परिवार र समाज सशक्त बन्ने बताइ्न । तालिममा सिकेका सीप व्यवहारमा उतार्नुपर्नेमा उनले जोड दिइन् ।
यस्तै, वडाध्यक्ष कमलराज मोक्तानले वडाभित्रका सीमान्तकृत महिलाहरूलाई उत्पादनमूलक कार्यमा जोड्नु स्थानीय सरकारको प्राथमिकता भएको बताए । यस्ता तालिमहरूले महिलाको आयआर्जन बढाउन सहयोग पुग्ने उनको भनाइ थियो ।
कार्यक्रममा सामाजिक तथा सूचना शाखा अधिकृत प्रकाशचन्द्र पौडेल, प्रशिक्षक शिवप्रसाद पौडेल, एडवान उपाध्यक्ष तीर्थकुमारी विक, महिला समूह अध्यक्ष सुनमाया रुम्बा र सचिव रमिता महाजुलगायतले बोलेका थिए ।
एडवानकी सामाजिक परिचालिका कमला पन्थीले तालिम सफलतापूर्वक सम्पन्न भएको जानकारी दिँदै महिला समूहलाई १२ हजार ५०० रुपैयाँबराबरको बीउपुँजी हस्तान्तरण गरिएको बताइन् ।
रत्ननगर । पूर्वी चितवनको रत्ननगरस्थित टिकौलीचौरमा जारी रत्ननगर महोत्सवको १३औँ संस्करणको छैठौँ दिन बुधबारसम्म आइपुग्दा एक लाख ५५ हजारले महोत्सवको अवलोकन गरेका छन् ।
पौष २५ गतेबाट सुरु भएको महोत्सव ३० गतेसम्म आइपुग्दा अवलोकनकर्ताको संख्या दिनप्रतिदिन बढ्दै गएको छ । संघका कोषाध्यक्ष विनोद घिमिरेले टिकट बिक्रीको संख्या अपेक्षाकृत रहेको र महोत्सव अवलोकनकर्ताको संख्या बढ्दै गएको बताए ।
संघका अध्यक्ष शङ्कर गिरीले माघ १ गतेबाट महोत्सवमा अवलोकनकर्ताको संख्या झनै बढ्ने दाबी गरे । ‘माघ १ गतेबाट अवलोकनकर्ताको संख्या थेग्नै नसक्नेगरी बढ्ने अनुमान गरेका छौँ’, उनले भने, ‘त्यसका लागि सुरक्षा व्यवस्था मजबुत बनाएका छौँ ।’
महोत्सव अवलोकन गर्न आएका मानिसहरुले रामजानकी मन्दिर आकृतिको भव्य गेट हेर्ने, फोटो तथा भिडियो खिच्ने गरेका छन् । महोत्सव प्रवेश गरेका अवलोकनकर्ताहरुको रोजाइमा विभिन्न जनजातिको घर, कृषि परिसर र सांस्कृतिक कार्यक्रम रोजाइमा पर्ने गरेको छ ।
यसैबीच, रत्ननगर महोत्सवअन्तर्गत बुधबार आयोजना गरिएको भविष्यको खेतीपातीको चुनौती र अवसर तथा गीर गाई प्रवद्र्धनसम्बन्धी अन्तक्र्रिया कार्यक्रममा कृषि विज्ञ र अनुभवी किसानहरुले सरकारको असहयोगका कारण अनेक प्रयत्न गर्दा पनि अर्गानिक उत्पादनलाई अगाडि बढाउन मुस्किल भएको बताएका छन् ।
रत्ननगर उद्योग वाणिज्य संघले आयोजना गरेको उक्त कार्यक्रममा भविष्यको खेतीपातीका अभियन्ता डा. कृष्णप्रसाद पौडेलले खानाका लागि खेतीपाती, भविष्यको खेतीपातीको चुनौती र अवसरका विषयमा कार्यपत्र तथा अनुभवी पशुपालक किसान लक्ष्मण घिमिरेले नेपालका गीर गाईपालनको सम्भावना र चुनौतीको विषयमा कार्यपत्र प्रस्तुत गरेका थिए ।
डा. पौडेलको कार्यपत्रमाथि बोल्दै बागमती प्रदेशका पूर्वमन्त्री विजय सुवेदीले पैसा कमाउने नाममा रैथाने तथा अर्गानिक खेतीतर्फ किसानको ध्यान जान नसकेको बताएका थिए । व्यावसायिक खेती गर्ने नाममा बिहान–बेलुका हातमुख जोर्ने खानाको उत्पादनप्रति बेवास्ता हुने गरेको भन्दै उक्त कार्यले भविष्यमा सङ्कट पैदा हुने उनले बताए ।
सोही कार्यपत्रमाथि बोल्दै कृषि विज्ञ शारदा शर्मा पौडेलले अर्गानिक उत्पादनको प्रमाणीकरण र बजारीकरणको समस्या रहेको बताइन् । अर्गानिक उत्पादनलाई बिहान–बेलुका हातमुख जोर्ने माध्यम बनाउनुपर्ने भन्दै उनले अन्नबालीमा विषादीको प्रयोगले माटो जर्जर बनेको उल्लेख गरिन् ।
गीर गाईपालन सुरू गरेका खैरहनीका घिमिरेले नेपालमा गीर गाईको संख्या ५० को हाराहारीमा रहेको उल्लेख गर्दै चितवनमा ९ वटा मात्र रहेको जानकारी दिए । तराईमा गीर गाईपालनको सम्भावना उच्च रहेको भन्दै उनले यहाँको हावापानीमा गीर गाई सजिलै हुर्कन सक्ने बताए । अनुभवी किसान हरि अधिकारीले खाद्यबालीमा रासायनिक मलको प्रयोगले माटोको उर्वराशक्ति शून्यमा झरिसकेको बताए । ‘रासायनिक मलको प्रयोगले माटो बिग्रियो’, उनले भने, ‘सुधार गर्न राज्य गम्भीर देखिएन ।’
कार्यक्रममा स्वागत मन्तव्य राख्दै संघका वरिष्ठ उपाध्यक्ष निराजन खनालले रत्ननगर महोत्सवमा रैथाने बाली र पशुपालन विकासका लागि प्रवद्र्धनात्मक कार्यक्रम गरिएको बताए । संघका पूर्वअध्यक्ष तथा गोष्ठी तथा सेमिनार व्यवस्थापन समितिका संयोजक राजेन्द्रकुमार श्रेष्ठले रत्ननगर महोत्सवमा कृषि र पशुपालनको व्यावसायिक विकास तथा बजारीकरणको पाटोलाई प्राथमिकताका साथ अगाडि बढाएको भन्दै यसपटक महको उत्पादन र बजारीकरण, रैथाने बालीको संरक्षण र गीर गाईपालनलाई स्थापित गर्ने गरी कार्यक्रम आयोजना गरिएको बताए ।
रत्ननगर नगरपालिकाका कृषि विकास अधिकृत प्रविन लामाले चितवनको तरकारीखेतीमा ६० प्रतिशत बढी विषादीको प्रयोग हुँदै आएको भन्दै न्यूनीकरणमा नलागे सङ्कट उत्पन्न हुने बताए ।
कार्यक्रममा पूर्वमन्त्री केशवलाल श्रेष्ठ, किसान हरिप्रसाद पौडेल, विजय अर्याललगायतले मन्तव्य राखेका थिए । महोत्सवको गोष्ठी तथा सेमिनार व्यवस्थापन समितिका संयोजक श्रेष्ठको अध्यक्षतामा भएको कार्यक्रममा जिल्ला समन्वय समितिका प्रमुख नारायण अधिकारी, रत्ननगरका संस्थापक मेयर नारायण वन, समाजसेवी बलराम खनाललगायतको उपस्थिति थियो ।
रत्ननगर । रत्ननगर नगरपालिका स्वास्थ्य शाखाको आयोजनामा रत्ननगर–१४, डुम्रीचोकस्थित नगर स्वास्थ्यकेन्द्रमा एआई प्रविधिबाट निःशुल्क छातीको एक्स–रे परीक्षण शिविर सम्पन्न भएको छ ।
नगर स्वास्थ्यकेन्द्र डुम्रीचोकका इन्चार्ज भेषकुमारी न्यौपानेका अनुसार कुल २२६ जनाको छातीको एक्स–रे परीक्षण गरिएकोमा दुई जनामा पिसिडी केस (छातीको क्षयरोग) पत्ता लागेको छ । यस्तै, एक्स–रेमा नदेखिएका शंकास्पद १० जनाको खकार सङ्कलन गरी थप जाँचका लागि बकुलहर रत्ननगर अस्पतालमा ‘जिन एक्सपर्ट’ परीक्षणका लागि पठाइएको उनले जानकारी दिइन् ।
रत्ननगर–१४ का वडाध्यक्ष एवम् नगर स्वास्थ्यकेन्द्र व्यवस्थापन समितिका अध्यक्ष होमनाथ रानाभाटले छातीको एक्स–रे परीक्षण परी कार्यक्रमको उद्घाटन गरेका हुन् । सो अवसरमा वडाध्यक्ष रानाभाटले सकभर रोग लाग्न नदिनेतर्फ हरेक व्यक्ति सचेत हुनुपर्ने र रोग लागेमा पनि उपचार गरे पूर्णरुपमा निको हुने भएकाले क्षयरोगका शंकास्पद व्यक्तिले परीक्षण गर्नुपर्नेमा जोड दिए ।
उनले क्षयरोग लागेका बिरामीहरुका लागि वडा र कार्यपालिकाको तर्फबाट पौष्टिक आहार उपलब्ध गराउने प्रतिबद्धतासमेत व्यक्त गरे ।
कार्यक्रममा स्वागत मन्तव्य व्यक्त गर्दै स्वास्थ्य शाखा प्रमुख माधवप्रसाद पौडेलले क्षयरोग लाग्दैमा डराउनु नपर्ने र छ महिना नियमित औषधि सेवन गरेमा पूर्णरुपमा निको हुने बताए । रत्ननगर नगरपालिकाले सम्भावित जोखिमको क्षेत्रहरु पहिचान गरी रत्ननगर–१४ मा एआई प्रविधिबाट निःशुल्क छातीको एक्स–रे गरी क्षयरोगको स्क्रिनिङ शिविर सञ्चालन गरिएको जानकारी दिए ।
जनस्वास्थ्य अधिकृत पौडलले क्षयरोग सरुवा रोग भएकाले हरेक व्यक्ति आफू सुरक्षित हुनुपर्ने बताए । भीडभाड बढी हुने स्थानमा सामाजिक दूरी कायम राख्दै क्षयरोग, कोभिडजस्ता सरुवा रोगबाट बच्न उनले सचेत गराए ।
कार्यक्रममा प्रमुखअतिथि सामाजिक विकास समितिका संयोजक एवम् रत्ननगर–३ का वडाध्यक्ष सोहेन्द्रराज खरेलले एआई प्रविधिको माध्यमबाट एक्स–रे गर्दा फोक्सोको अवस्था, श्वासप्रश्वासको अवस्था, धूँवा–धूलोको असर र मुटुको आकारबारे थाहा पाइने भएकाले यो प्रविधि निकै प्रभावकारी रहेको बताए । उनले उपचारबाट क्षयरोग निको हुने भएकाले कसैले पनि रोग लुकाउन नहुने बताए ।
रत्ननगर । रत्ननगर–९ वडा कार्यालयको आयोजनामा आधारभूत स्वास्थ्यकेन्द्र मोहनामा गर्भवती, सुत्केरी तथा क्षयरोगीहरुलाई पौष्टिक आहार वितरण गरिएको छ ।
स्वास्थ्यकेन्द्रमा नियमित सेवा लिनेमध्येबाट ६२ जना गर्भवती, सुत्केरी तथा क्षयरोगीहरुलाई पौष्टिक आहार वितरण गरिएको आधारभूत स्वास्थ्यकेन्द्र मोहनाका प्रमुख विदुर बस्ताकोटीले जानकारी दिए ।
उनका अनुसार १४ जना क्षयरोगका, एक जना कुष्ठरोगका र अन्य गर्भवती तथा सुत्केरी महिलालाई पौष्टिक आहार वितरण गरिएको हो । चामल, दाल, तेल, अण्डा/घिउ, केराउ, चना, नुन, नुहाउने र लुगाधुने साबुन गरी जनही तीन हजार रुपैयाँबराबरको सामग्री वितरण गरिएको उनले बताए ।
रत्ननगर–९ का वडाध्यक्ष अनन्त अधिकारीको अध्यक्षतामा भएको कार्यक्रममा प्रमुखअतिथि रत्ननगर नगरपालिकाका प्रमुख प्रशासकीय अधिकृत प्रकाश खनालले वडा कार्यालयले साङ्केतिकरूपमा स्वास्थ्य सचेतनाका लागि पोषण र सरसफाइ सामग्री वितरण गरेको बताए । रत्ननगरले आठपटक गर्भवती परीक्षण र ९८ प्रकारका औषधि निःशुल्क वितरण गर्दै आएको र तीन सरकारी अस्पतालमा ७५ लाखबराबरको मेडिकल कोष खडा गरी नागरिकलाई स्वास्थ्यसेवा प्रदान गर्दै आइरहेको जानकारी दिए ।
सो अवसरमा स्वास्थ्य शाखा प्रमुख माधवप्रसाद पौडेलले पोषण शारीरिक वृत्तिविकासका लागि महत्त्वपूर्ण रहेकोले गर्भवती अवस्थादेखि नै पोषणयुक्त खानेकुरा खानुपर्ने बताए । सुनौलो हजार दिनसम्म बच्चाको तौल परीक्षण गरी कुपोषण हुनबाट जोगाउनसमेत गर्भवती तथा सुत्केरी महिलाहरुलाई आग्रह गरे ।
वडाध्यक्ष अनन्त अधिकारीले स्वास्थ्यकेन्द्रमा नियमित परीक्षण गर्ने गर्भवती तथा सुत्केरी महिलाका लागि वडा कार्यालयले हरेकवर्ष पौष्टिक आहार वितरण गर्दै आएको बताए । वडामा भविष्यका कर्णाधारहरु स्वस्थ जन्मिओस् र वडावासीले नियमित सेवा लिन सकून् भनेर स्वास्थ्य शिविरका कार्यक्रमहरु सञ्चालन गरिँदै आएको उनले बताए । उनले भने, ‘अब कसैले पनि रोग पालेर बस्नुपर्दैन । उपचारको अभावमा कोही मर्नुपर्दैन । वडावासीको स्वास्थ्य सरोकारका विषयमा हामी अत्यन्त संवेदनशील छौँ ।’
वडा सचिव सूर्यप्रसाद ढुङ्गानाले सञ्चालन गरेको कार्यक्रममा वडा सदस्य कमानसिङ चौधरीले स्वागत मन्तव्य राखेका थिए । कार्यक्रममा वडा सदस्य लेखबहादुर तामाङ, सबिता चौधरी, सुष्मा खड्काथोकी, मोहना माविका प्रधानाध्यापक दयाराम ढकाल, समाजसेवी रामचन्द्र पौडेल, मणिप्रकाश खतिवडा, स्वास्थ्यकर्मीहरुलगायतको उपस्थिति रहेको थियो ।
भरतपुर । सात वर्षअघि सुरू गरिएको भरतपुर चक्रपथको उद्घाटन भएको छ । भरतपुर महानगरपालिकाका विभिन्न वडाहरू जोड्ने सडक ‘भरतपुर चक्रपथ’ (एनएच–७७) उद्घाटन गरिएको हो । महानगर प्रमुख रेनु दाहाल र उपप्रमुख चित्रसेन अधिकारीले भरतपुर–९ स्थित गोन्द्राङको जिरो किलोमिटरबाट चक्रपथको उद्घाटन गरिएको हो ।
स्थानीय सरकार गठनपछि गौरवको आयोजनाका रूपमा अघि बढाइएको ८८ दशमलव छ किलोमिटर लामो चक्रपथ निर्माण कार्य विभिन्न चरणमा सम्पन्न हुँदै आएको थियो । उक्त सडकको अधिकांश खण्डमा काम सम्पन्न भइसकेको छ । केही स्थानमा कालोपत्र तथा अलाइनमेन्ट मिलाउने काम बाँकी रहेको छ ।
उद्घाटन कार्यक्रममा महानगर प्रमुख दाहालले स्थानीय तह आएपछि भरतपुरमा उल्लेखनीय विकास कार्य भएको बताइन् । उनले भनिन्, ‘महानगरपालिकाको गौरवको प्राथमिकता प्राप्त योजनाका रूपमा हामीले यसलाई अघि बढाएका हौँ, देशकै सबैभन्दा लामो महानगरस्तरीय ‘रिङरोड’ अहिले राष्ट्रिय राजमार्ग (एनएच)का रूपमा विकास भएको छ ।’ केन्द्रीय सडकका रूपमा सूचीकृत भएसँगै अब यस सडकलाई केन्द्र सरकारले समेत प्राथमिकतामा राखेर हेर्ने उनले बताइन् ।
अरबौँ रुपैयाँको लगानीमा संघीय, प्रदेश र स्थानीय सरकारको सहकार्यमा यो सडक निर्माण गरिएको हो । सडक पूर्ण रूपमा पक्की भइसकेको छ, कतिपय स्थानमा व्यवस्थापनका काम बाँकी रहेको छ । ‘जहाँ जसरी सम्भव हुन्छ, त्यसैअनुसार निर्माण गरिएको छ, जनतालाई मर्का पर्नेगरी बाटो विस्तार गरिएको छैन’, दाहालले थपिन् ।
सडकको मापदण्ड ३० मिटर कायम गर्ने महानगरपालिकाको निर्णय रहेको र वडाबाट आएका सुझावका आधारमा छलफल गरी व्यावहारिक ढङ्गले काम अघि बढाइएको उनले बताइन् । आगामी दिनमा यस सडकलाई स्तरोन्नति गरी दुई लेनमा विस्तार गर्ने प्रतिबद्धता व्यक्त गर्दै प्रमुख दाहालले भरतपुरमा भौतिक विकासले फड्को मारेको उल्लेख गरिन् । अब सामाजिक विकास र रोजगारी सिर्जनालाई महानगरले प्राथमिकतामा राख्ने बताइन् ।
कार्यक्रममा नगर उपप्रमुख चित्रसेन अधिकारीले भरतपुरको समग्र विकासमा चक्रपथले महत्त्वपूर्ण भूमिका खेल्ने बताए । उनले भौतिक र सामाजिक विकासलाई सँगसँगै अघि बढाउन महानगरपालिका निरन्तर लागिपरेको जानकारी दिए ।
संघीय, प्रदेश र स्थानीय तहको लगानीमा निर्माण भएको रिङरोडको शिलान्यास २०७५ असार २९ गते तत्कालीन प्रधानमन्त्री पुष्पकमल दाहाल ‘प्रचण्ड’ले नारायणगढको पुलचोकमा गरेका थिए । महानगरपालिकाका इन्जिनियर साकार लामाका अनुसार चक्रपथ सुरू भएको सात वर्षमा अधिकांश स्थानमा कालोपत्र सम्पन्न भएको छ भने केही खण्डमा ‘अलाइनमेन्ट’ स्पष्ट नभएकाले काम बाँकी रहेको छ ।
चक्रपथका केही भाग राष्ट्रिय राजमार्गसँग समेत जोडिने उनले बताए । चक्रपथको एउटा खण्ड नारायणगढको पुलचोकबाट नारायणी नदीतर्फ गोलाघाटसम्म पुग्छ । उद्घाटन भएको अर्को खण्ड गोन्द्राङबाट जंगलको किनारैकिनार पटिहानी–जगतपुर हुँदै पुनः गोलाघाटमै जोडिन्छ ।
यसैबीच, भरतपुर महानगरको केन्द्र भाग हुँदै विभिन्न वडा भएर बग्ने ३० दशमलव दुई किलोमिटर लामो केरुङ्गा खोलाको सौन्दर्यीकरण कार्यअन्तर्गत भरतपुर–९ र १२ मा सम्पन्न भएका कामको पनि उद्घ्घाटन गरिएको छ । महानगर प्रमुख दाहाल र उपप्रमुख अधिकारीले उक्त कार्यको संयुक्त रूपमा उद्घाटन गरिएको हो ।
प्रमुख दाहालले महानगर क्षेत्रभित्र बग्ने खोलालाई चरणबद्ध रूपमा सौन्दर्यीकरण गर्ने काम थालिएको बताइन् । उनले केरुङ्गा खोला महानगरको गौरवको आयोजनाका रूपमा अघि बढाइएको उल्लेख गर्दै भौतिक विकाससँगै सौन्दर्यीकरण र वातावरणीय सुधारका कामलाई पनि प्राथमिकता दिइएको बताइन्
पुङ्गी खोला र केरुङ्गा खोलालाई सौन्दर्यीकरण गरी पर्यटकीय गन्तव्यका रूपमा विकास गर्ने काम सुरू भइसकेको उनले जानकारी दिइन् । उपप्रमुख अधिकारीले महानगरको भित्री भागमा बग्ने खोलालाई व्यवस्थित गर्नु महानगरको दायित्व भएको बताए । खोलालाई व्यवस्थित गर्दै करिडोरका रूपमा विकास गर्दा वातावरणीय सन्तुलनमा समेत सकारात्मक प्रभाव पर्ने उनले उल्लेख गरे ।
भरतपुर । भरतपुर–३, कमलनगरमा मुख्य कार्यालय रही महानगरका विभिन्न वडामा शाखा कार्यालय रहेको जनता कृषि सहकारी संस्थाले आफ्नो नवौँ साधारण सभा सम्पन्न गरेको छ ।
संस्थाले नारायणगढमा १५ सय बढी सदस्यहरुका बीचमा आफ्नो साधारण सभा सहकारीको मुख्य कार्यालयको सभाहलमा सम्पन्न गरेको हो ।
संस्थाका अध्यक्ष क्या. हुमनाथ ढकालको अध्यक्षता एवम् भरतपुर महानगरपालिकाका रोजगार प्रवद्र्धन शाखाकी उपप्रमुख रोजी केसीको प्रमुख आतिथ्यतामा कार्यक्रम सम्पन्न भएको थियो ।
असल ऋणीहरु र असल बचतकर्ताहरुलाई सम्मान गरिएको थियो । कार्यक्रमको सञ्चालन राजन पौडेलले गरेका थिए ।
खैरहनी । खैरहनीको खिचरा महोत्सव स्थलमा पुग्दा एउटा पर्खालले धेरै दर्शकलाई केही बेर रोक्छ । रङ–रेखाले सजिएको त्यो पर्खाल कुनै साधारण ‘वाल’ पेन्टिङ होइन, त्यो थारु समुदायको इतिहास, संस्कृति र जीवनशैली बोलिरहेको क्यानभास हो । चितवनको राप्ती नगरपालिका–६, बेल्डियाकी कलाकार सोमिना चौधरीले त्यो क्यानभासमा वास्तविकता भरेकी हुन् ।
विगत केही वर्षदेखि रङ पेन्टिङ कलामार्फत चितवनको पहिचान उजागर गर्दै आएकी चौधरीका लागि आर्ट केवल पेसामात्रै होइन, आत्मा र संस्कृतिसँग जोडिएको अभियान हो । पुस २९ गतेदेखि सुरू भएको खिचरा महोत्सवको पर्खालमा पेन्टिङ गर्दै भेटिएकी उनले भनिन्, “थारु समुदायको आफ्नै संस्कृति र संस्कार छन् । ती बिस्तारै हराउँदै गइरहेका छन् । त्यसलाई जोगाउन आर्ट प्रभावकारी माध्यम हो ।”
ललितकला क्याम्पसबाट आर्टमा स्नातक गरेकी सोमिना अहिले यहाँका विद्यालयमा आर्ट विषय अध्यापन गर्दै आएकी छन् । साथै आफ्नै आर्ट स्टुडियोमार्फत व्यावसायिकरुपमा पनि सक्रिय छिन् । चार–पाँच वर्षदेखि स्केच, वाटरकलरलगायत विभिन्न मिडियममा कला सिकाउने काम गर्दै आएकी उनका विद्यार्थीलाई कला प्रेम र सृजनात्मकता सिक्न प्रेरणा मिल्छ ।
चितवनको राप्ती नगरपालिका–६, बेल्डियाकी कलाकार सोमिना चौधरीले खिचरा महोत्सवको थारु आर्ट ग्यालरीका लागि कोरेका चित्रले थारु जीवनशैली स्पष्ट देखाउँछन् । काठको गाडा, परम्परागत खानेकुराका पोका, अन्न भण्डारण गर्ने तरिका र हरियाली खेतमा फुलेको तोरीले पहेँलो रङ चढेको दृश्य यी सबै चित्रले वास्तविक चितवनको झल्को दिन्छ । उनी भन्छिन्, “पहिला हाम्रो समुदायमा अन्न कसरी भण्डारण गरिन्थ्यो, घरायसी सामान कस्ता हुन्थे, त्यो पुस्तान्तरण हुन जरूरी छ । चित्रकलाले त्यो कथा सजिलै बताउन सक्छ ।”
सानैदेखि पेन्टिङप्रति रूचि राखेकी चौधरीले पढाइसँगै व्यावसायिकरुपमा आर्ट अघि बढाउने निर्णय गरिन् । क्याम्पस पढ्दाखेरि आफ्नै गाउँ–ठाउँ र संस्कृतिको झल्को दिने चित्र बनाउने सोच उनमा थियो । आज उनका चित्रहरु महोत्सवका पर्खालमा मात्र होइन, धेरैको मनमा पनि कोरिन थालेका छन् ।
“आर्ट भनेको प्यासन हो”, उनले भनिन्, “यो जबर्जस्ती सिकिने कुरा होइन, भित्रैबाट आउनुपर्छ ।” यही सोचका साथ उनी अहिले अन्य इच्छुकलाई पनि आर्टसम्बन्धी सीप सिकाउँदै आएकी छन् । सोमिनाले साना बालबालिकादेखि व्यावसायिकरुपमा आर्ट गर्न चाहनेलाई परामर्श दिँदै आएकी छन् । केही महिनादेखि आफ्नै खैरहनी–८ मा रहेको स्टुडियोमार्फत व्यावसायिकरुपमा आर्ट गर्दै आएकी उनका कलाकृतिको माग बढ्दो छ ।
चौधरीले भनिन्, “खिचरा महोत्सव थारु समुदायको पर्व हो । महोत्सवमा थारु संस्कृति झल्काउने काम गर्न पाउँदा गर्व लागेको छ, किनभने म पनि थारु हुँ ।”
सोमिनाका अनुसार आर्टको मूल्य केवल पैसामा होइन, यसको मूल्य भाव, इतिहास र महत्त्वमा निहित हुन्छ । खैरहनीको महोत्सव स्थलको त्यो पर्खाल अहिले केवल रङले सजिएको छैन, त्यहाँ थारु पहिचान बोलिरहेको छ । सोमिनाको कलामा केवल कलामात्रै होइन थारु संस्कृति र माया पनि समेटिएको छ, जसले दर्शकका मनमा गहिरो छाप छोड्छ ।
रत्ननगर । रत्ननगरस्थित टिकौली चौरमा जारी रत्ननगर महोत्सवको १३औँ संस्करणअन्तर्गत मङ्गगलबारदेखि चिकेन एण्ड एग फुड फेस्टिबल सुरू भएको छ । रत्ननगर उद्योग वाणिज्य संघको आयोजनामा रत्ननगर वडा नं–१, सौराहा चोकस्थित बसपार्कमा फेस्टिबल सुरू गरिएको हो ।
संघका अध्यक्ष शंकर गिरीको अध्यक्षतामा भएको कार्यक्रममा बागमती प्रदेश कृषि तथा पशुपक्षी विकास मन्त्रालयका निमित्त सचिव सुशील केसीले फेस्टिबलको उद्घाटन गरेका थिए ।
सो अवसरमा केसीले पोल्ट्री क्षेत्रमा सरकारको लगानी न्यून रहेको बताए । पोल्ट्री विकास बोर्ड गठनमा सरकार चुकेको भन्दै उनले लगानी पनि नगर्ने र पोल्ट्री क्षेत्रको समग्र विकासका लागि किसानहरुबाट माग भएको पोल्ट्री विकास बोर्ड गठनमा समेत सरकार गम्भीर हुन नसकेको बताए । नीतिगत सुधार र पोल्ट्री क्षेत्रलाई लयमा लैजान पोल्ट्री विकास बोर्ड आवश्यक रहेको भन्दै उनले यसका लागि आफूले पहल गर्ने बताए ।
संघका अध्यक्ष गिरीले टिकौलीमा महोत्सव चलिरहँदा टाँडी बजारलाई पनि चलायमान गराउन तथा कुखुराको मासु र अण्डाको प्रवद्र्धनका लागि फेस्टिबल आयोजना गरिएको बताए । फेस्टिबलमा विभिन्न जातजातिका खानाको परिकारसमेत प्रवद्र्धनका लागि परम्परागत तथा रैथाने खानाका परिकारका स्टलहरुसमेत राखिएको उनले बताए ।
संघका पूर्वअध्यक्ष तथा फेस्टिबल संयोजक ज्ञानबहादुर विसुरालले कुखुराको मासु र अण्डाको खपत बढाउन उपभोक्ताहरुलाई गुणस्तरीय उत्पादन उपभोगका लागि मासु र अण्डाको विशेष परिकार तथा जनजातिका परिकारसहित फेस्टिबल आयोजना गरिएको बताए । फेस्टिबलमा १५ वटा खानाका स्टलहरु रहेका छन् । साँझ पाँच बजेदेखि राति १० बजेसम्म सञ्चालन हुने खाना महोत्सवमा राष्ट्रिय तथा स्थानीय कलाकारहरुको समेत प्रस्तुति रहने संयोजक विसुरालले बताए ।
संघका महासचिव उपेन्द्र शर्मा आचार्यले सञ्चालन गरेको उद्घाटन कार्यक्रममा राष्ट्रिय पशुपक्षी स्रोत व्यवस्थापन तथा प्रवद्र्धन कार्यालय हेटौँडाकी पशु विकास अधिकृत डा. सुस्मिता भट्टराई, जिल्ला पशुसेवा कार्यालयका प्रमुख डा. प्रभात न्यौपानेलगायतले मन्तव्य राखेका थिए ।
उद्घाटन कार्यक्रममा नेपाल उद्योग वाणिज्य महासंघका केन्द्रीय सदस्य अनिलकृष्ण श्रेष्ठ, नेपाल कुखुरा व्यवसायी मञ्चका अध्यक्ष रघुनाथ भट्ट, रत्ननगर उवासंघका वरिष्ठ उपाध्यक्ष निराजन खनाललगायतको उपस्थिति थियो ।
फेस्टिबलको प्रवर्द्धकमा पशुसेवा विभाग, राष्ट्रिय पशुपक्षी स्रोत व्यवस्थापन तथा प्रवद्र्धन कार्यालय, बागमती प्रदेश, पशुपक्षी विकास मन्त्रालय, पशुसेवा कार्यालय, प्रायोजकमा नेपाल कुखुरा व्यवसायी मञ्च, चितवन र सहप्रायोजकमा याक ब्रुअरीको बाह्सिङ्गे, हिमालयन डिष्ट्रिलरी रहेका छन् ।
उता, संघको आयोजना र रत्ननगर नगरपालिका संरक्षक रहेको रत्ननगर महोत्सवको पाँचौँ दिनसम्म आइपुग्दा अवलोकनकर्ताहरुको संख्या बढ्दै गएको छ । महोत्सव अवलोकन गर्न आएका मानिसहरुले रामजानकी मन्दिर आकृतिको भव्य गेट हेर्ने, फोटो तथा भिडियो खिच्ने गरेका छन् । महोत्सव प्रवेश गरेका अवलोकनकर्ताहरुको रोजाइमा विभिन्न जनजातिका घर, कृषि परिसर र सांस्कृतिक कार्यक्रम रोजाइमा पर्ने गरेको छ ।
कृषि क्षेत्रलाई विशेष प्राथमिकता दिँदै बृहत् कृषि प्रविधि प्रदर्शनीमा केरा, माछा, च्याउ, दुग्धजन्य पदार्थ, पोल्ट्री, मह र रैथाने बालीको प्रदर्शन तथा बजारीकरणलाई महोत्सवले प्राथमिकतामा राखेको छ ।
गैँडाकोट । नवलपुरको गैँडाकोटस्थित नारायणी नदीकिनारमा जारी चौथो गैँडाकोट महोत्सवको मङ्गलबार १५ हजार बढी दर्शकले अवलोकन गरेका छन् । महोत्सवका प्रचारप्रसार उपसमिति संयोजक शालिकराम सापकोटाका अनुसार महोत्सवमा मङ्गलबार साँझ दर्शकको अत्यधिक भीड रहेको थियो ।
पुस २५ देखि सुरु भएको महोत्सवमा अवलोकनकर्ताहरुको आकर्षण बढ्दै गएको सापकोटाले बताए । अर्जुन सापकोटा जिल्लाकै कलाकार एवम् समकालीन साङ्गीतिक क्षेत्रमा सर्वाधिक रुचाइएका कलाकार भएकाले पनि महोत्सवमा धेरै दर्शकहरु आएका उनले बताए । महोत्सवमा ओपेरा हाउस, जलपरी, मुस्ताङको चौरीले समेत दर्शकहरुको मन खिचेको सापकोटाले बताए ।
सांस्कृतिक कार्यक्रममा अर्जुन सापकोटासहित सपना रोक्का र भरत क्षेत्रीसहित स्थानीय कलाकारहरुको समेत प्रस्तुति रहेको महोत्सवका सांस्कृतिक संयोजक किशोर लम्सालले जानकारी दिए । लम्सालका अनुसार भजन प्रतियोगिता जारी रहेको छ । स्थानीय कला र संस्कृतिको संरक्षण र जगेर्ना गर्ने उद्देश्यले भजन प्रतियोगिता सञ्चालन गरिएको लम्सालको भनाइ छ ।
महोत्सवको सांस्कृतिक कार्यक्रमअन्तर्गत बुधबार चर्चित गायिका प्रीति आलेसहितका कलाकारहरु आउने लम्सालले बताए । लम्सालका अनुसार बुधबार प्रीति आले, वृन्दा परियार, शङ्कर क्षेत्री, निलम ढुङ्गाना, दिपेन थापाको प्रस्तुति रहनेछ ।
स्थानीय कृषि र स्थानीय उत्पादनको प्रवद्र्धन र बजारीकरण गर्ने उद्देश्यले आयोजना गरिएको महोत्सव माघ १० गतेसम्म सञ्चालन हुनेछ । महोत्सवमा दुई लाख दर्शकले अवलोकन गर्ने तथा २५ करोड रुपैयाँ भन्दा बढीको कारोबार हुने आयोजकको अनुमान रहेको छ ।
महोत्सव अवलोकनका लागि १०० रुपैयाँको टिकटको व्यवस्था गरिएको छ । विद्यार्थीका लागि ७० रुपैयाँको टिकटको व्यवस्था गरिएको छ । आयोजक जिल्ला उद्योग वाणिज्य संघ गैँडाकोटले ज्येष्ठ नागरिक, अशक्त र अपाङ्ग एवम् शैक्षिक संस्थाबाट संस्थागत रुपमा सहभागी भएका विद्यार्थीहरुलाई महोत्सवस्थलमा निःशुल्क प्रवेशको व्यवस्था गरेको छ ।
गैँडाकोट । नवलपुरको गैँडाकोटस्थित नारायणी नदीकिनारमा सञ्चालित चौथो गैँडाकोट महोत्सवको ५० हजार दर्शकले अवलोकन गरेका छन् । पुस २५ देखि सोमबारसम्म ५० हजारभन्दा बढी दर्शकले महोत्सव अवलोकन गरेका महोत्सवको प्रचारप्रसार उपसमिति संयोजक शालिकराम सापकोटाले जानकारी दिए ।
महोत्सव अवलोकनका लागि आउने दर्शकको संख्या उल्लेख्य रहेको भन्दै सापकोटाले सोमबारमात्रै सात हजारभन्दा बढी दर्शकले महोत्सव अवलोकन गरेका बताए । माघ १० गतेसम्म सञ्चालन हुने महोत्सवमा जलपरी, ओपेरा हाउस मुख्य आकर्षणको रुपमा रहेको उनको भनाइ छ । महोत्सवमा कृषि परिसर, व्यापारिक स्टल, अटो, बाल उद्यान तथा रेस्टुरेन्ट रहेका छन् ।
करिब २५० स्टल रहेको महोत्सवमा दुई लाख बढी दर्शकले अवलोकन गर्ने अपेक्षा गरिएको महोत्सवको सचिवालय संयोजक तेजनारायण पाण्डेले बताए । पाण्डेका अनुसार महोत्सवमा करिब २५ करोड रुपैयाँबराबरको कारोबार हुनेछ । महोत्सव अवलोकनका लागि १०० रुपैयाँ मूल्यको टिकट तथा विद्यार्थीका लागि ७० रुपैयाँ टिकटको व्यवस्था गरिएको छ ।
ज्येष्ठ नागरिक तथा अपाङ्गता भएका विद्यार्थीलाई निःशुल्क प्रवेशको व्यवस्था गरिएको उल्लेख गर्दै पाण्डेले शैक्षिक संस्थाबाट संस्थागतरुपमा सहभागी हुने विद्यार्थीहरुलाई समेत निःशुल्क प्रवेश दिइने बताए । महोत्सव परिसरलाई सुरक्षित पार्नका लागि आन्तरिक र बाह्य सुरक्षाकर्मी तथा सिसिटिभी क्यामेराबाट निगरानी गरिएको पाण्डेले बताए ।
यसैबीच, महोत्सवको सांस्कृतिक कार्यक्रमअन्तर्गत सोमबार चर्चित कलाकारहरु हिमाल सागर, शिव हमाल, श्यामकला भण्डारी तथा दीपक खड्काले प्रस्तति राखेका छन् । महोत्सवको सांस्कृतिक कार्यक्रम संयोजक किशोर लम्सालका अनुसार उनीहरुले सोमबार दर्शकलाई सांस्कृतिक प्रस्तुति दिएर भरपूर महोत्सव दिएका थिए । त्यस्तै, शिव हमाल र श्यामकला भण्डारीले प्रत्यक्ष दोहोरी गाएर दर्शकलाई मनोरञ्जन दिएका लम्सालको भनाइ छ ।
महोत्सवमा स्थानीय कला र संस्कृति प्रवद्र्धन गर्न सोमबारसमेत भजन प्रतियोगिता जारी रहेको छ । विभिन्न भजन समूहले प्रस्तुति राखेका भन्दै लम्सालले भजन प्रतियोगिताम जम्मा १८ समूह सहभागी रहेका जानकारी दिए । भजन प्रतियोगितामा पहिलो हुने समूहलाई महोत्सव समापनका दिन पुरस्कार प्रदान गरिने लम्सालले जानकारी दिए ।
रत्ननगर । वाल्मीकि साहित्य सदन रत्ननगरको आयोजनामा रत्ननगर वाङ्मय प्रतिष्ठानद्वारा प्रकाशित कृति ‘अभिशप्त समय’को विमोचन गरिएको छ ।
वाल्मीकि साहित्य सदनका अध्यक्ष रामबाबु घिमिरेको सभापतित्व एवम् भरतपुर प्रज्ञाप्रतिष्ठानका अध्यक्ष इन्द्रप्रसाद रेग्मीको प्रमुख आतिथ्यतामा भएको कार्यक्रममा समालोचक प्रा. कपिल अज्ञात र केशवराज आमोदीले विमोचित कृतिको समालोचना गरेका थिए ।
कार्यक्रममा रत्ननगर–३ का वडाध्यक्ष सोहेन्द्रराज खरेल, रत्ननगर–५ का वडाध्यक्ष बालकृष्ण चापागाईं, रत्ननगर–१५ का वडाध्यक्ष आशिक तामाङ, समालोचक उदय अधिकारी, धनराज गिरी, भवानी अधिकारी, पूर्वनगरप्रमुख नारायण वन, ज्वाला वन, गोपालराज कर्माचार्य, लीला दाहाल, दुर्गा घिमिरेलगायतले मन्तव्य तथा कविता वाचन गरेका थिए ।
सो अवसरमा कविका बाबुआमा कमल शर्मा भुसाल र लक्ष्मी भुसाललाई सम्मान गरिएको थियो । तिलकराज शर्माले स्वागत मन्तव्य राखेको कार्यक्रमको सञ्चालन राजेन्द्र घायलले गरेका थिए । समसामयिक घटनालाई समेटेर कवि भुसालले अभिशप्त समयमा ९७ वटा कविता सङ्कलन गरेका छन् ।
रत्ननगर । रत्ननगर वाङ्मय प्रतिष्ठानको द्वितीय स्थापना दिवसको अवसरमा रत्ननगर नगरपालिकाको सभाहलमा १४२औँ लेखनाथ जयन्तीको सन्दर्भमा काव्यिक विवेचना, स्रष्टा सम्मान एवम् कृति विमोचन गरिएको छ ।
सो अवसरमा चितवन साहित्य परिषद्का पूर्वअध्यक्ष केदारनाथ खनाल, प्रा. अपिल अज्ञात, प्रा. चेतराज रेग्मी, समालोचक उदय अधिकारी र लक्ष्मण अर्यालले कविशिरोमणि लेखनाथ पौड्यालले नेपाली साहित्यमा दिएको योगदानको विवेचना गरेका थिए । उनीहरुले सम्मानित नियात्रा सर्जक जीवा लामिछानेको व्यक्तित्व र कृतित्वमाथि प्रकाश पार्दै उनमा ‘व्यापार, यात्रा, लेखन र समाजसेवा’जस्ता चार आयाम रहेको भन्दै ‘नेपालकै रत्न’का रुपमा चर्चा गरेका थिए ।
सो अवसरमा ‘अक्षत अन्टार्कटिका’ नियात्राका लेखक लामिछानेलाई ३० हजार रुपैयाँ राशिको ‘सारस्वत रत्न पुरस्कार–२०८१’ बाट सम्मानित गरिएको छ । सो अवसरमा कविडाँडा साहित्य समाजका अध्यक्ष एलबी क्षेत्री, धनराज गिरी, राजेन्द्र घायल, रत्ननगर नगरपालिकाका प्रमुख प्रशासकीय अधिकृत प्रकाश खनाल, पूर्व नगरप्रमुख नारायण वन, भरतपुर अस्पतालका मेसु प्राडा कृष्णप्रसाद पौडेललगायतले सम्मानित स्रष्टाप्रति शुभकामना तथा रचना वाचन गरेका थिए ।
कार्यक्रममा सम्मानित स्रष्टा जीवा लामिछानेले कविशिरोमणि लेखनाथ पौड्यालको कृति बाल्यकालमा पढेको स्मरण गर्दै उनका सिर्जनाबाट ‘व्यङ्ग्य, विद्रोह, चिन्ता र दर्शन’ पाइने उल्लेख गरे । उनले कविशिरोमणि लेखनाथ र रसियन लेखक लियो टल्सटोय एउटैजस्तै लाग्ने गरेको सुनाए ।
उनले आफूले लेखेका तीनवटा कृतिमध्ये ‘अक्षत अन्टार्कटिका’ बाल्यकालदेखिकै कौलुहलता भएको बताए । एउटा रहस्यको सिङ्गो महादेश जहाँ मानव बस्ती नभएको, १८०० मिटर हिउँले ढाकेको, त्यहाँको जलचर दोहन भइरहेको सन्दर्भमा अन्टार्कटिकालाई अक्षत रहन दिनुपर्छ भन्ने सोचले सन् २०२४ जनवरी १३ देखि २४ तारिखसम्मको यात्राका अनुभव सङ्गालेर आफूले पुस्तक तयार गरेको उनले बताए ।
रत्ननगर वाङ्मय प्रतिष्ठानले आफूलाई सम्मानित गरेकोमा आभार प्रकट गर्दै उनले पुरस्कार रकममा दुई लाख थप गरी वाल्मीकि साहित्य सदनको अक्षयकोषमा जम्मा गर्ने प्रतिबद्धता जनाए । यस्तै, चितवन साहित्य परिषद्का लागि पनि आफ्नी आमाको नामबाट ५० हजार रुपैयाँको अक्षयकोष घोषणा गर्दै सो रकमबाट महिला स्रष्टालाई सम्मान गर्ने बताए ।
प्रतिष्ठानका अध्यक्ष रामबाबु घिमिरेको अध्यक्षतामा सम्पन्न कार्यक्रममा प्रमुखअतिथि नगरउपप्रमुख यादवप्रसाद पाठकले आफू असल बनेर अरुलाई असल बनाउने कार्यमा स्रष्टाहरुले आफ्नो रचनामार्फत सन्देश प्रवाह गर्नुपर्नेमा जोड दिए ।
सो अवसरमा स्व. कल्पना अधिकारीको लकडाउन कवितासङ्ग्रह विमोचन गरिएको थियो । कोरोना सङ्क्रमणको महामारी बढेपछि लकडाउनको कालखण्डमा अधिकारीले ५४ कविता रचना गरेकी थिइन् । कवितासङ्ग्रह प्रकाशित गर्ने चाहना हुँदाहुँदै क्यान्सरका कारण उनको निधन भएपछि उनकै सहकर्मी लक्ष्मी पाण्डेको सक्रियतामा रत्ननगर वाङ्मय प्रतिष्ठानले सो कृति प्रकाशन गरी विमोचन गरेको हो ।
कार्यक्रमको सञ्चालन तथा सहजीकरण प्रतिष्ठानका सदस्य सचिव विश्वनाथ खनालले गरेका थिए ।
गैँडाकोट । नवलपुरको गैँडाकोटस्थित नारायणी नदीकिनारमा सञ्चालित चौथो गैँडाकोट महोत्सवमा कलाकार समीक्षा अधिकारीलाई दर्शकले साथ दिएका छन् । आइतबार साँझ महोत्सवको स्टेज उक्लिएकी समीक्षालाई दर्शकहरुले करिब एक घन्टा साथ दिए ।
साँझमा नारायणीको चिसो बढ्दै जाँदा स्टेजमा उक्लिएकी समीक्षाका गीतले दर्शकलाई भरपूर मनोरञ्जन प्रदान ग¥यो । उनले आफ्ना चर्चित गीतहरुद्वारा दर्शकहरुलाई मनोरञ्जन प्रदान गरेकी थिइन् । छड्के गलबन्दी, दुस्मन हेरेको हेर्यै, बिजुली बालेर लगायतका गीत गाएर समीक्षाले मनोरञ्जन दिएकी महोत्सवको सांस्कृतिक कार्यक्रम संयोजक किशोर लम्सालले जानकारी दिए ।
लम्सालका अनुसार आइतबार महोत्सवमा समीक्षासँगै सरिता गुरूङ तथा आरसी पौडेल र दीपक खड्काले प्रस्तुति राखेका थिए । त्यसैगरी, महोत्सवमा भजन प्रतियोगितासमेत सुरू भएको छ । महोत्सवको प्रचारप्रसार उपसमिति संयोजक शालिकराम सापकोटाका अनुसार स्थानीय कला र संस्कृतिको संरक्षण र प्रवद्र्धन गर्ने उद्देश्यले आयोजना गरिएको भजन प्रतियोगितामा १८ वटा भजन समूहको सहभागिता रहेको छ ।
गैँडाकोट महोत्सवमा आइतबार १० हजार बढी दर्शकहरुले अवलोकन गरेका छन् । महोत्सवको प्रचारप्रसार उपसमिति संयोजक शालिकराम सापकोटाका अनुसार आइतबार सार्वजनिक बिदाको दिन परेकाले महोत्सवस्थलमा दर्शकहरुको उपस्थिति राम्रो देखिएको हो ।
महोत्सव सुरू भएको तेस्रो दिनमै १० हजार दर्शकले अवलोकन गर्नु सकारात्मक पक्ष भएको सापकोटाले बताए । आगामी दिनमा दर्शकहरुको संख्या अझै बढ्दै जाने सापकोटाले बताए । महोत्सवमा २५० व्यावसायिक स्टलसँगै जलपरी, फिस टनेल, ओपेरा हाउस, कृषि उपज प्रदर्शनी, मुस्ताङको याक राखिएको सापकोटाले जानकारी दिए ।
महोत्सव आयोजक संस्था जिल्ला उद्योग वाणिज्य संघ गैँडाकोट नवलपुरका महासचिव एवम् महोत्सवको सचिवालय संयोजक तेजनारायण पाण्डेले महोत्सवको सुरक्षा व्यवस्था कडा पारिएको बताए । महोत्सव स्थलमा नेपाल प्रहरी, सशस्त्र प्रहरी बल, निजी सुरक्षाकर्मी तथा सिसीटिभी क्यामेराबाट निगरानी भइरहेको पाण्डेको भनाइ छ ।
माघ १० गतेसम्म सञ्चालन हुने महोत्सवमा अवलोकनका लागि दुई लाख भन्दा बढी दर्शक आउने भन्दै पाण्डेले महोत्सवमा २५ करोड रुपैयाँबराबरको आर्थिक कारोबार हुने अपेक्षा गरिएको बताए ।
महोत्सव अवलोकनका लागि १०० रुपैयाँको टिकटको व्यवस्था गरिएको छ । विद्यार्थीका लागि ७० रुपैयाँको टिकटको व्यवस्था गरिएको महोत्सव मूल संयोजक एवम् संघका वरिष्ठ उपाध्यक्ष छवि कँडेलले जानकारी दिए । कँडेलका अनुसार ज्येष्ठ नागरिक, अशक्त र अपाङ्ग एवम् शैक्षिक संस्थाबाट संस्थागतरुपमा सहभागी भएका विद्यार्थीहरुलाई निःशुल्क प्रवेशको व्यवस्था गरिएको छ ।
रत्ननगर । पूर्वी चितवनको रत्ननगरस्थित टिकौली चौरमा जारी रत्ननगर महोसत्सवको १३औँ संस्करणमा अवलोकनकर्ताको संख्या बढ्दै गएको छ ।
रत्ननगर उद्योग वाणिज्य संघको आयोजनामा सुरू भएको महोत्सवको तेस्रो दिनसम्म आइपुग्न दिनप्रतिदिन अवलोकनकर्ताहरुको संख्या बढ्दै गएको संघका अध्यक्ष शङ्कर गिरीले बताए । महोत्सव अवलोकन गर्न आएका मानिसहरुले रामजानकी मन्दिर आकृतिको भव्य गेट हेर्ने, फोटो तथा भिडियो खिच्ने गरेका छन् ।
महोत्सव प्रवेश गरेका अवलोकनकर्ताहरुको रोजाइमा विभिन्न जनजातिको घर, कृषि परिसर र सांस्कृतिक कार्यक्रम रोजाइमा पर्ने गरेको छ । आइतबार चर्चित गायिक रचना रिमालसहितका कलाकारको प्रस्तुतिमा दर्शकले मनोरञ्जन लिएका थिए ।
सोमबार पछिल्लो समय चर्चित गायक अर्जुन सापकोटासहित राष्ट्रिय तथा स्थानीय कलाकारहरुको प्रस्तुति रहने सांस्कृतिक कार्यक्रम संयोजक प्रकाशमणि सापकोटाले जानकारी दिए ।
यसपटकको महोत्सवमा मह उत्सव, रोजगारी मेला र जलपरी अवलोकन मुख्य आर्कषणको रुपमा रहेको छ । महोत्सव परिसरमा महको उत्पादन, गुणस्तर र बजारीकरणलाई प्रर्वद्धन गर्न छुट्टै परिसर निर्माण गरिएको छ । युवाहरूलाई स्वदेशमै रोजगारीको अवसर पहिचान गर्न आयोजना गरिएको रोजगार मेला–२०८२ ले रोजगार खोज्ने युवा र रोजगारदाताबीच सेतुको काम गर्ने गिरीले बताए ।
कृषि, पर्यटन, कला–संस्कृति र व्यापारलाई विशेष जोड दिँदै समग्र चितवनको आर्थिक गतिविधिलाई चलायमान बनाउने उद्देश्य राखिएको संघका वरिष्ठ उपाध्यक्ष निराजन खनालले बताए ।
विगत दुई दशकदेखि हरेक दुई वर्षमा आयोजना हुँदै आएको यस महोत्सवको १३औँ संस्करणको चार लाखभन्दा बढी दर्शक अवलोकन गर्ने र २५ करोडभन्दा माथिको कारोबार हुने अनुमान गरिएको खनालले बताए ।
पर्यटन प्रर्वद्धनतर्फ खगेरी खोलामा मोटरबोट तथा सामुदायिक वनहरुमा जीप सफारी सञ्चालन गरिएको छ । महोत्सवमा अल्लो र गाजाको बोटबाट बनेका कपडाका स्टलहरुसमेत रहेका छन् ।
महोत्सवमा राष्ट्रिय तथा अन्तर्राष्ट्रियस्तरका करिब ५०० स्टलहरू रहेका छन् । महोत्सव महोत्सवअन्तर्गत पौष २९ देखि माघ ३ सम्म सौराहाचोकस्थित बसपार्कमा छैटौँ चिकेन एन्ड एग रत्ननगर सांस्कृतिक खाना महोत्सव–२०८२ आयोजना गरिएको संघका पूर्वअध्यक्ष एवम् संयोजक ज्ञानबहादुर विसुरालले बताए ।
कृषि क्षेत्रलाई विशेष प्राथमिकता दिँदै बृहत् कृषि प्रविधि प्रदर्शनीमा केरा, माछा, च्याउ, दुग्धजन्य पदार्थ, पोल्ट्री, मह र रैथाने बालीको प्रदर्शन तथा बजारीकरणलाई महोत्सवले प्राथमिकतामा राखेको संघका महासचिव उपेन्द्र शर्मा आचार्यले बताए ।
खैरहनी । थारू संस्कृतिको संरक्षण र प्रवर्द्धन गर्ने उद्देश्यले यही पौष २९ गतेदेखि ११ औँ खिचरा महोत्सव–२०८२ आयोजना गर्न लागिएको छ ।
थारू कल्याणकारिणी सभा क्षेत्र नं ७ को आयोजनामा पूर्वी चितवनको खैरहनी नगरपालिका–५, गौचरनमा आगामी माघ १० गतेसम्म सञ्चालन हुने महोत्सवको तयारीलाई तीव्र पारिएको आयोजकले जनाएको छ ।
माघी पर्वको अवसर पारेर थारू समुदायको सांस्कृतिक, वेषभूषा, भाषा–साहित्य, कला–संस्कृति एवम् थारू खानाका परिकारको संरक्षण र प्रवर्द्धन गर्ने उद्देश्यले महोत्सव आयोजना गरिएको हो । विसं २०७० सालदेखि हरेक वर्ष माघ १ गते पर्ने खिचरा पर्वको अवसरमा खिचरा महोत्सव हुँदै आएको छ ।
महोत्सव मूल समारोह समितिका संयोजक कृष्णलाल चौधरीका अनुसार महोत्सव सम्पन्न गर्न ३५१ सदस्यीय मूल आयोजक समिति र १५ विभिन्न उपसमिति गठन गरिएको छ ।
‘राष्ट्रिय एकता र विविधता हाम्रो सान, बहुजाति, भाषा, संस्कृति नेपालको पहिचान’ भन्ने मूल नाराका साथ आयोजना गर्न लागिएको महोत्सवमा १५० स्टल रहनेछन् ।
त्यसमध्ये थारु जातिलगायत विभिन्न जातिका खानाका परिकारहरु बिक्री वितरणका लागि २४ वटा स्टल रहने चौधरीले जानकारी दिए । महोत्सवमा थारु आर्ट ग्यालरी, बौद्धनाथ गुम्बा तथा ओपेरा हाउस निर्माणसमेत गरिने छ ।
महोत्सवलाई चितवनवासी थारू समुदायले मात्र नभई सम्पूर्ण जातजातिले गर्वका रुपमा लिने गरेको चौधरीले बताए । महोत्सवमा उद्योग, व्यापार, कृषि तथा पर्यटनको प्रवर्द्धन, स्थानीय कला संस्कृतिको प्रवर्द्धन, स्थानीयस्तरमा उत्पादित वस्तुको प्रवर्द्धन एवम् शैक्षिक, वित्तीय संस्था र विभिन्न संघसंस्थाका स्टलहरु रहनेछन् ।
माघ १ गतेबाहेक हरेक दिन दिउँसो १ः०० बजेसम्म निःशुल्क प्रवेशको व्यवस्थासमेत आयोजकले मिलाएको छ । त्यसपश्चात् प्रवेश शुल्क १०० रुपैयाँ तोकिएको छ । ज्येष्ठ नागरिक र अपाङ्गता भएका व्यक्तिलाई निःशुल्क प्रवेश टिकटको व्यवस्था रहेको छ भने विद्यार्थीका लागि ७० रुपैयाँ शुल्क तोकिएको छ ।
रत्ननगर । पूर्वी चितवनको रत्ननगरमा दोस्रो मह उत्सव सुरू भएको छ । राष्ट्रिय कृषि आधुनिकीकरण कार्यक्रम, कार्यक्रम कार्यान्वयन इकाइ चितवनको आयोजनामा रत्ननगरको टिकौली चौरमा जारी रत्ननगर महोत्सव परिसरमा मह उत्सव सुरू भएको हो ।
महको गुणस्तरीयताको प्रचारप्रसार र बजारीकरण गर्ने उद्देश्यले आयोजना गरिएको उत्सवको जिल्ला समन्वय समिति चितवनका प्रमुख नारायणप्रसाद अधिकारीले मह चाखेर उद्घाटन गरेका हुन् । सो अवसरमा समन्वय प्रमुख अधिकारीले महोत्सवभित्र किसानको उत्पादनलाई बजारीकरण गर्न उत्सव राखेकोमा खुसी व्यक्त गरे । उनले स्वदेशी उत्पादनलाई प्राथमिकता दिनुपर्ने भन्दै सरकारले यस्ता मेला महोत्सवलाई प्राथमिकतामा राख्नुपर्ने बताए । ‘चितवनमा महको उत्पादन राम्रो छ,’ उनले भने, ‘यस्ता मेला महोत्सवले उपभोक्तासम्म किसानको उत्पादन पुर्याउन महत्त्वपूर्ण भूमिका खेल्दछ ।’
राष्ट्रिय कृषि आधुनिकीकरण कार्यक्रमले अघिल्लो वर्ष सौराहाको हात्ती महोत्सवमा प्रथम मह उत्सवको आयोजना गरेको थियो । त्यो कार्यक्रम प्रभावकारी भएपछि चितवनको रत्ननगर महोत्सवमा मह उत्सवको आयोजना गरिएको कार्यालय प्रमुख महेश रेग्मीले जानकारी दिए ।
मह उत्सव माघ २ गतेसम्म चल्नेछ । रेग्मीका अनुसार महोत्सव स्थलमा १० वटा बिक्री कक्ष राखिएको छ । उनले परिसरमा आउनेहरुलाई महको महत्त्व दर्शाउँदै निःशुल्क मह चखाइने बताए । ‘हाम्रो उद्देश्य महको गुणस्तरीयता र बिक्री वितरणका लागि बजारीकरण गर्नु हो,’ मह उत्सवको उद्देश्य बताउँदै रेग्मीले भने, ‘यहाँबाट विदेशी नागरिकसहित देशभरका नागरिकले मह चाखेर जानुभएको छ ।’
बजारमा नक्कली मह आएको अवस्थामा महको गुणस्तरबारे उपभोक्तालाई जानकारीसमेत गराउने उद्देश्य राखिएको उनको भनाइ छ । मह उत्सवमा मह चाखेर मह चिन्ने प्रतियोगिता, महको महत्त्व र मौरीसम्बन्धी जनचेतनामूलक समेटिएको हाजिरीजवाफ प्रतियोगितासमेत आयोजना गरिएको छ । मह चाखेर महको प्रकार पत्ता लगाउनेलाई मह उपहार प्रदानसमेत गरिने छ ।
चितवनमा उत्पादन भएको महको गुणस्तरसमेत राम्रो रहेको मौरी विकास केन्द्र भण्डाराका प्रमुख सुजन अम्गाईंले जानकारी दिए । कार्यालयले मौरीजोनअन्तर्गतका मौरीपालक उद्यमी किसानका उत्पादन प्रवर्द्धन गर्ने उद्देश्यले बजारीकरण, ‘प्याकेजिङ लेबलिङ’मा सहयोग गर्दै आएको छ । आर्थिक वर्ष २०७५/०७६ देखि चितवनमा मौरीजोन स्थापना भएको हो । चितवनमा वार्षिक करिब साढे छ टन मह उत्पादन हुँदै आएको छ ।
रत्ननगर । रत्ननगर महोत्सवअन्तर्गत पूर्वी चितवनस्तरीय शंखनाद प्रतियोगितामा कलात्मक शंखनाद गर्दै राप्ती–४ का भगवान आचार्य विजेता भएका छन् । उपविजेतामा राप्ती–४ कै विश्वामित्र आचार्य तथा रत्ननगर–१० का मुकुन्द शर्मा पौडेलले सान्त्वना स्थान प्राप्त गरेका छन् ।
महोत्सवमा सांस्कृतिक कार्यक्रमको सुरूवात शंखनादबाट गरिएको हो । शंखनाद प्रतियोगिताका निर्णायक संयोजक एवम् रत्ननगर उवासंघका कार्यसमिति सदस्य वेदप्रसाद आचार्य, राष्ट्रिय लोकभजन चुड्का संरक्षण प्रतिष्ठान चितवन शाखाका अध्यक्ष टीकाराम लामिछाने तथा सञ्चारकर्मी रामु आचार्य निर्णायक सदस्य रहेको सो कार्यक्रम कला तथा संस्कृति प्रवर्द्धन समिति संयोजक प्रकाशमणि सापकोटाको सभापतित्वमा भएको हो ।
निर्णायक संयोजक वेदप्रसाद आचार्यले शंखनाद गर्नुको महत्त्वबारे प्रकाश पार्दै शंखध्वनि पृथ्वीमा गुञ्जिएको प्रथम शब्दध्वनि भएको जसबाट ॐ को शब्द निस्किएको र यसलाई भगवान् विष्णुको प्रतीकका रुपमा लिने गरिएको धार्मिक मान्यता रहेको बताउँदै शंखको महत्त्व धार्मिक, सांस्कृतिक र वैज्ञानिक तीनै दृष्टिकोणबाट धेरै ठूलो रहेको बताए ।
शंखनादको बहुआयामिक महत्त्वलाई बुझाउन रत्ननगर महोत्सवको १२ औँ संस्करणदेखि शंखनाद कार्यक्रम गर्दै दोस्रो संस्करण गरिएको रत्ननगर महोत्सव–२०८२ का मूल समिति संयोजक शङ्कर गिरीले बताए ।
चितवन । चितवनको पुरानो सदरमुकाम उपरदाङगढीमा रहेको गढीमा कोतघर निर्माण गरी सङ्ग्रहालयका रूपमा विकास गरिएको छ । कोतघरमा तोपसहितको हातहतियार राखेर सङ्ग्रहालयका रूपमा विकास गरिएको हो ।
नेपाली सेनाले सङ्ग्रहालय निर्माणका लागि ऐतिहासिक हातहतियारहरू सहयोग गरेको छ । नेपाली सेनाको नयाँ सवुज गण भरतपुरका गणपति प्रमुख सेनानी दिनेश लामाका अनुसार छ पाउण्डको तोप एक थान, किटको गोला पचास वटा, भरुवा बन्दुक दुई नाल, छालाको ढाल एक थान, तरबार दुई थान, खुकुरी छवटा र खुँडा एक थान सेनाले उपलब्ध गराएको छ ।
कोतघर भने इच्छाकामना गाउँपालिकाले रु एक करोड ८३ लाख खर्चेर निर्माण गरेको हो । सङ्ग्रहालयको व्यवस्थापन र रेखदेख इच्छाकामना गाउँपालिकाले गर्दै आएको छ ।
सेनवंशीय राजा मणिमुकुन्द सेनले निर्माण गरेको यो गढी शाहवंशीय राजा बेलाबहादुर शाहको नायवीमा यसको थप मर्मत गरिएको इतिहास छ । नेपाल एकीकरणका बेला बहादुर शाहका छोरा शत्रुभन्जन शाह यहाँ आएर सेनाको टुकडी राखेको इतिहासमा उल्लेख छ ।
इच्छाकामना गाउँपालिका–७ मा रहेको गढीमा पुराना हातहतियारहरू प्रदर्शनमा राखिएपछि पर्यटकका लागि थप आर्कषणको केन्द्र बनेको छ ।
सङ्ग्रहालय तथा कोतघरको इच्छाकमना गाउँपालिकाको आयोजनामा उद्घाटन गरिएको हो । कार्यक्रममा नेपाली सेनाका मध्यक्षेत्र पृतना हेडक्र्वाटर हेटौँडाका पृतनापति उपरथि विष्णुकुमार खड्काले उद्घाटन गरेका हुन् ।
उद्घाटन कार्यक्रममा पुरातत्व विभागका महानिर्देशक शौभाग्य प्रधानाङ्गले गढीको जीर्णोद्धार गर्दै कोतघर बनाउँदा मौलिकपन दिइएकाले पर्यटकका लागि आर्कषक केन्द्र बन्ने बताए । उनले यही गढीबाट अङ्ग्रेजका सेनालाई नेपाली सेनाले युद्धमा लखेट्न सफल भएको बताए । पुरातत्व विभागको स्वीकृतिमा परम्परागत कला, संस्कृति झल्किने गरी कोतघर निर्माण गरिएको उनको भनाइ छ ।
इच्छाकामना गाउँपालिकाका अध्यक्ष दानबहादुर गुरुङले पर्यटन प्रवर्द्धनका लागि गढीमा कोतघर निर्माण गरी सङ्ग्रहालयका रूपमा विकास गरिएको बताए । गढीसम्म पुग्ने सडकलाई थप व्यवस्थित गर्ने, स्थानीयले सञ्चालन गरेका घरबासलाई व्यवस्थित गर्दै पर्यटक आकर्षित गर्ने योजना आफूहरूको रहेको बताए । उनले भने, “चितवनको समथर भूभागमा गर्मी हुँदा यहाँ सिरक ओढेर सुत्न सकिन्छ, तल हुस्सुले ढाकेको समयमा यहाँ पहारिलो घाम ताप्दै आनन्द लिन सकिन्छ ।”
खण्डहर बन्दै गएको ऐतिहासिक थलो उपरदाङगढी संरक्षण गरेर थप पूर्वाधार निर्माण गरेपछि पर्यटकहरू बर्सेनि बढ्दै गएको बताउँदै उहाँले गढी बाहिर वनभोजस्थललगायत अन्य पर्यटकीय गतिविधि गर्न मिल्ने संरचना निर्माण गरिँदै लैजाने बताए ।
कार्यक्रममा जिल्ला समन्वय समिति चितवनका प्रमुख नारायणप्रसाद अधिकारी, इच्छाकामना गाउँपालिकाका उपाध्यक्ष माया सिलवाल, प्रमुख जिल्ला अधिकारी गणेश अर्याललगायतले उपरदाङगढीको पुरातात्त्विक र ऐतिहासिक महत्त्वबारेमा चर्चा गरेका थिए ।
यसअघि भरतपुरस्थित नेपाली सेनाको गणबाट तोपलाई वैद्धिक विधिपूर्वक पूजा गरी बाजागाजासहित उपरदाङगढी पुर्याइएको थियो । गढीमा पनि तोपलाई विधिपूर्वक पूजापाठ गरी कोतघरमा राखिएको हो ।
सेन राज्यकालदेखि विसं २०१४ सम्म यो गढी चितवन क्षेत्रको सरमुकाम थियो । विसं १९१९ मा सदरमुकाम झुवानी सारिएको थियो । तर गर्मीमा कङ्काली कोट सार्नुपर्दा औलो, जङ्गली जनावरको त्रासले सरदमुकाम पुनः उपरदाङगढीमा नै सारिएको बताइन्छ । औलो उन्मूलनपछि सदरमुकाम २०१४ सालमा भरतपुर सारियो ।
सेनकालीन यस गढीमा प्रधानसेनापति अभिमान सिंह बस्न्यातको नेतृत्वमा १८३४ साल ३ गते हमला भई (गोर्खा) नेपाल राज्यमा गाभिएको इतिहास रहेको गाउँपालिकाका प्रमुख प्रशासकीय अधिकृत चन्द्र बस्नेतले बताए ।
गैँडाकोट । नेपाल उद्योग वाणिज्य महासंघका अध्यक्ष चन्द्रप्रसाद ढकालले स्वदेशमै रोजगारी सिर्जना गर्ने आफूहरुको प्रयास रहेको बताएका छन् । नवलपुरको गैँडाकोटमा शुक्रबारदेखि सुरू भएको चौथो गैँडाकोट महोत्सवको उद्घाटन गर्दै अध्यक्ष ढकालले वैदेशिक रोजगारीमा जाने बाध्यता अन्त्य गर्न पहल गरिरहेको बताए ।
‘हाम्रो प्रयास कमसेकम यहीँ नै रोजगारी सिर्जना गरौँ र यो वैदेशिक रोजगारीमा जाने बाध्यतालाई अन्त्य गरौँ भन्ने हो’, उनले भने, ‘उद्योगी व्यवसायीले व्यक्तिगत फाइदाको लागि मात्रै नभई रोजगारी सिर्जना गर्न, राज्यलाई कर भुक्तानी गर्न र राष्ट्रको विकासका लागि काम गर्दै आएका छन् ।’
बूढा बाआमाको स्याहार सुसार गर्नुपर्ने बेलामा छोडेर विदेश जानुपर्ने नेपालीको बाध्यतालाई केही हदसम्म भए पनि कम गरौँ भन्ने उद्देश्यले आफूहरुले काम गरेको ढकालले बताए । युवाहरुलाई स्वेदशमै रोक्नका लागि निजी क्षेत्रलाई प्रवद्र्धन गर्दै राज्यले निर्माण गरेको नीति, निजी क्षेत्रलाई हेर्ने दृष्टिकोणमा समेत परिवर्तन ल्याउनुपर्ने ढकालले बताए ।
अहिले विभिन्न अवसरका लागि युवा पुस्ता देश बाहिर जाने गरेका उल्लेख गर्दै केही युवाहरु फर्किने गरेको भए पनि धेरै उतै पलायन हुने गरेको ढकालको भनाइ छ । विदेशमै बस्ने गरी जानेक्रम बढ्नु भनेको कहालीलाग्दो अवस्था भएको उनले बताए । ‘नेपालमा पर्याप्त सम्भावना भएर पनि हामीले प्रचारप्रसार गर्न नसक्दा फाइदा लिन सकेका छैनौँ’, उनले भने, ‘नेपालमा देवघाट, मुक्तिनाथ, लुम्बिनी, सगरमाथा रहेका छन्, यसको हामीले फाइदा लिनसक्नुपर्छ ।’
नेपालको धार्मिक, सांस्कृतिक र पर्यटकीय धरोहरलाई प्रवद्र्धन गर्नुपर्ने भन्दै उनले यसका लागि निजी क्षेत्र हरबखत तयार रहेको बताए । नेपाल उद्योग वाणिज्य महासंघले नवप्रवर्तनका लागि लगानी उपलब्ध गराउन १० अर्ब रुपैयाँबराबरको कम्पनी खडा गरेको उनले बताए । ‘महासंघले प्रवद्र्धन गरेको एनडिपी कम्पनीले लगानी जुटाउन सहयोग गर्दछ’, उनले भने, ‘आन्तरिक पुँजी परिचालन गरी सहकार्य गर्न हामी तयार छौँ ।’
महोत्सव उद्घाटनका क्रममा उद्योगी व्यवसायीहरुले राज्यको नीतिको कारण उद्योगी व्यवसायी मारमा परेका गुनासो गरेका छन् । कार्यक्रममा मुनाल फुड्सका सञ्चालक दीपक भट्टराईले युवालाई स्वदेशमै रोक्ने वातावरण बनाउन राज्यले नीति निर्माणमा ध्यान दिनुपर्ने बताए । साना उद्योगीलाई हेरेर नीति बनाएमा मुलुकमा उद्यमशीलता बढ्ने उनको भनाइ छ ।
राज्यको नीतिको कारण उद्योगी मारमा परेका उल्लेख गर्दै भट्टराईले राज्यको तीन ठाउँमा उद्योग दर्ता गर्नुपर्ने बाध्यता भएको उनले बताए । ‘उद्योग दर्तालाई सहज बनाउँदै अनलाइन प्रणालीमा जान सके अहिलेका युवाहरु स्वदेशमै रमाउन सक्छन्’ उनले भने, ‘आधुनिक प्रविधिमा दख्खल राख्ने युवाहरु काममा ढिलासुस्ती हुँदा कुरेर बस्न रुचाउँदैनन् र विदेश पलायन हुन्छन् ।’ युवालाई स्वदेशमै रोक्ने वातावरण बनाउन राज्य गम्भीर भएर लाग्नुपर्ने उनले बताए ।
आगामी माघ १० गतेसम्म नवलपुरको गैँडाकोट–२ स्थित नारायणी नदीकिनारमा सञ्चालन हुनेछ । महोत्सव आयोजक संस्था जिल्ला उद्योग वाणिज्य संघ गैँडाकोटका वरिष्ठ उपाध्यक्ष एवम् महोत्सव मूल समिति संयोजक छवि कँडेलले महोत्सवस्थलमा बाल उद्यान, कृषि परिसरलगायत जलपरी, फिस टनेल, ओपेरा हाउस विशेष आकर्षणको रुपमा निर्माण गरिएको जानकारी दिए ।
महोत्सव सचिवालय संयोजक एवम् संघका महासचिव तेजनारायण पाण्डेका अनुसार बिहान गैँडाकोट नगरपालिकाबाट महोत्सव परिसरसम्म बृहत् शोभायात्रा निकालिएको बताए । शोभायात्रामा विभिन्न धार्मिक संघसंस्था, विद्यालय, सामुदायिक वन, वित्तीय संस्था, खेलकुदका संघसंस्था तथा विभिन्न सामाजिक संघसंस्थाले आफ्नो पहिचान झल्किनेगरी झाँकीसहित शोभायात्रामा सहभागिता जनाएका थिए ।
संघका वरिष्ठ सदस्य एवम् महोत्सव प्रचारप्रसार समिति संयोजक शालिकराम सापकोटाले महोत्सवको प्रचारप्रसारका लागि सञ्चारमाध्यमबाट सूचना प्रवाहसँगै, राजमार्गका विभिन्न स्थानमा स्वागतद्वार तथा ‘ब्यानर’ एवम् ‘फ्लेक्स’ निर्माण गरी राखिएको बताए । यसपटकको महोत्सवले समग्र नवलपुरको पर्यटन क्षेत्रको विकास गर्दै आर्थिक क्षेत्रलाई चलायमान बनाउने उनले बताए ।
संघका अध्यक्ष एवम् महोत्सवका संरक्षक दीपक सापकोटाले किसानहरुले उत्पादन गरेको कृषिजन्य सामग्री महोत्सवस्थलमा निःशुल्क प्रदर्शनी र बिक्री गर्ने व्यवस्था मिलाइएकोे जानकारी दिए । ‘कृषिको प्रवद्र्धन गर्ने उद्देश्यले कृषकले उत्पादन गरेको कृषिउपजलाई महोत्सवमा निःशुल्क स्टल प्रदान गर्दैछौँ’, उनले भने, ‘यसले कृषकलाई कृषि पेसामा लाग्न प्रेरित गर्ने हाम्रो अपेक्षा छ ।’ काउली, मुला, गाजर, साग, बन्दालगायतका सामग्रीहरु कृषकले प्रदर्शनीमा राख्ने उनको भनाइ छ ।
कृषकले उत्पादन गरेका कृषिउपजलाई बजारीकरणमा सहयोग पु¥याउँदै पेसामा टिकाउका लागि उनीहरुको उत्पादन निःशुल्क प्रवद्र्धन गर्न लागिएको सापकोटाले बताए । दुई लाख बढी दर्शकले अवलोकन गर्ने अपेक्षा गरिएको महोत्सवमा रु २५ करोडभन्दा बढीको आर्थिक कारोबार हुने अनुमान गरिएको छ ।
महोत्सवलाई सुरक्षित पार्नका लागि आन्तरिक र बाह्य सुरक्षाकर्मी परिचालनसँगै सिसीटिभी क्यामेराबाट निगरानी, बिमा गरिएको आयोजकले जनाएको छ । त्यस्तै महोत्सव अवधिभर हरेकदिन स्थानीय तथा ख्यातिप्राप्त राष्ट्रिय कलाकारबाट विविध सांस्कृतिक कार्यक्रमहरु प्रस्तुत गरिने छ ।
रत्ननगर । पूर्वी चितवनको रत्ननगरस्थित टिकौली चौरमा रत्ननगर महोत्सवको १३औँ संस्करण सुरू भएको छ । रत्ननगर उद्योग वाणिज्य संघका अध्यक्ष शङ्कर गिरीको अध्यक्षतामा भएको कार्यक्रममा नेपाल उद्योग वाणिज्य महासंघका केन्द्रीय वरिष्ठ उपाध्यक्ष अन्जन श्रेष्ठले महोत्सवको उद्घाटन गरेका थिए ।
उद्घाटन कार्यक्रमलाई सम्बोधन गर्दै प्रमुखअतिथि श्रेष्ठले नेपालको अर्थतन्त्र चुनौतीपूर्ण अवस्थामा रहेको बताए । ‘मुलुकको अर्थतन्त्र चुनौतीपूर्ण अवस्थामा छ’, उनले भने, ‘यो अवस्थाको अन्त्यको लागि राज्यले निजी क्षेत्रलाई लगानीको वातावरण तयार गर्नुपर्छ ।’
मुलुकको अर्थतन्त्रको मह¤वपूर्ण अङ्गको रुपमा रहेको निजी क्षेत्रलाई हेर्ने बुझ्ने र सोच्ने दृष्टिकोणमा परिर्वतन हुन जरूरी रहेको उनले बताए । नेपालको निजी क्षेत्र र अर्थतन्त्र किन पछाडि धकेलियो भन्ने विषयलाई मनन् गरी अर्थतन्त्र बलियो बनाउन निजीक्षेत्रमैत्री नीति निर्माण गर्नुपर्ने उनको भनाइ छ । उनले लगानी सुरक्षाको सुनिश्चितता गर्न सरकारसँग मागसमेत गरेका छन् ।
रत्ननगर उद्योग वाणिज्य संघको आयोजना तथा रत्ननगर नगरपालिका संरक्षक रहेको यसपटकको महोत्सवमा रामजानकी मन्दिर आकृतिको भव्य गेट निर्माण, जनजाति समुदायको सुन्दर गाउँ, बेरोजगारी समस्या निराकरण गर्न रोजगार मेलालगायतका विषयहरुलाई अगाडि बढाइएको संघका अध्यक्ष गिरीले बताए ।
कार्यक्रममा रत्ननगर नगरपालिकाका उपमेयर यादवप्रसाद पाठकले रत्ननगर महोत्सवलाई स्थानीय सरकारले संरक्षकत्व प्रदान गर्दै आएको भन्दै किसानले अनुभूति गर्ने गरी स्थानीय उत्पादनको प्रवद्र्धन र बजारीकरणमा ध्यान दिन आग्रह गरे । महोत्सव रमाइलोमा मात्र सीमित हुन नहुने भन्दै उद्देश्य प्राप्तिमा गतिविधि सञ्चालन गर्नुपर्नेमा उनले जोड दिए ।
कार्यक्रममा प्रदेश सभा सांसद् जेएन थपलिया, कृष्णप्रसाद खनाल, जिल्ला समन्वय समितिका प्रमुख नारायणप्रसाद अधिकारी, नेपाली कांग्रेसका जिल्ला सभापति राजेश्वर खनाल, एमालेका जिल्ला अध्यक्ष कमलराज पाठक, नेपाली कम्युनिस्ट पार्टीकी जिल्ला सहइन्चार्ज कञ्चन खनाल, रास्वपाकी जिल्ला उपसभापति प्रभा ढकाल, राप्रपाका जिल्ला उपाध्यक्ष पिताम्बर आचार्य, नेपाल उद्योग वाणिज्य महासंघका उपाध्यक्ष सुरजकृष्ण वैद्य, नेपाल उद्योग वाणिज्य महासंघ लुम्बिनी प्रदेश समिति अध्यक्ष कृष्ण शर्मा, बागमती प्रदेश समितिका अध्यक्ष दिलसुन्दर श्रेष्ठ, महासंघका केन्द्रीय सदस्य अनिलकृष्ण श्रेष्ठलगायतले मन्तव्य राखेका थिए ।
संघका महासचिव उपेन्द्र शर्मा आचार्यले सञ्चालन गरेको कार्यक्रममा संघका वरिष्ठ उपाध्यक्ष निराजन खनालले महोत्सवको विगत, यसले अर्थतन्त्र र कृषि प्रवद्र्धनमा खेल्दै आएको भूमिकाको विषयमा मन्तव्य राखेका थिए । महोत्सव उद्घाटनअघि बिहान रत्ननगरमा भव्य शोभायात्रा निकालिएको थियो । नेपाल माविको खेलमैदानबाट सुरू भएको शोभायात्रामा १२५ वटा संघसंस्था रहभागी भएको शोभायात्रा व्यवस्थापन समितिकी संयोजक लक्ष्मी श्रेष्ठ कर्माचार्यले जानकारी दिइन् ।
पौष ६ गतेसम्म चल्ने महोत्सवमा महको उत्पादन र बजारीकरणलाई प्राथमिकता दिइएको छ । उक्त महोत्सवमा महको उत्पादन र प्रर्बद्धनको लागि छुट्टै परिसर निर्माण गरिएको छ । आर्थिक विकास र कृषिलाई जोड दिइएको उक्त महोत्सवमा किसानले उत्पादन गरेको महको मह¤व, त्यसबाट हुने फाइदा र बजारको सम्भावनाको विषयलाई प्राथमिकतामा राखिएको कृषि प्रवद्र्धन समितिका संयोजक रघुनाथ भट्टले जानकारी दिए ।
कृषि, पर्यटन, कला–संस्कृति र व्यापारलाई विशेष जोड दिँदै समग्र चितवनको आर्थिक गतिविधिलाई चलायमान बनाउने उद्देश्य राखिएको संघका उपाध्यक्ष रामशरण नेपालले बताए । यसपटक महोत्सवको चार लाखभन्दा बढी दर्शक अबलोकन गर्ने र २५ करोडभन्दा माथिको कारोबार हुने अनुमान गरिएको आर्थिक समितिका संयोजक अनिलकृष्ण श्रेष्ठले बताए ।
महोत्सवमा रामजानकी मन्दिर आकृतिको गेट निर्माण, जनजाति समुदायको सुन्दर गाउँ, रोजगार मेला आकर्षक हुने महोत्सव मूल समारोह समितिका संयोजक तथा संघका अध्यक्ष शंकर गिरीले बताए । महोत्सवले समग्र चितवनको आर्थिक गतिविधिलाई चलायमान बनाउने संघका वरिष्ठ उपाध्यक्ष निराजन खनालले बताए ।
महोत्सवअन्तर्गत भजन, शङ्खध्वनि, महिला कबड्डी तथा अन्तरविद्यालयस्तरीय नृत्य प्रतियोगिता हुने छ । बाल उद्यानमा जलपरीसँगै बालबालिकालाई लक्षित गरी काश्मीर भ्याली निर्माण गरिँदै छ । पर्यटन प्रवद्र्धनतर्फ खगरी खोलामा मोटरबोट तथा सामुदायिक वनहरुमा जिप सफारी सञ्चालन गरिने छ । करिब ५०० स्टल रहने यस महोत्सवमा रैथाने बालीको संरक्षण र प्रवद्र्धनका कार्यक्रम सञ्चालन गरिने संघका महासचिव उपेन्द्र शर्मा आचार्यले बताए ।
महोत्सवअन्तर्गत पौष २९ देखि माघ ४ सम्म सौराहा चोकस्थित बसपार्कमा ‘छैटौँ रत्ननगर सांस्कृतिक खाना महोत्सव’ गरिने संघका पूर्वअध्यक्ष एवम् संयोजक ज्ञानबहादुर विसुरालले बताए ।
रत्ननगर । पूर्वी चितवनको रत्ननगरस्थित टिकौली चौरमा पौष २५ गतेबाट सुरू हुने रत्ननगर महोत्सवको सम्पूर्ण तयारी पूरा भएको छ ।
रत्ननगर उद्योग वाणिज्य संघको आयोजना तथा रत्ननगर नगरपालिका संरक्षक रहेको उक्त महोत्सवको नेपाल उद्योग वाणिज्य महासंघका अध्यक्ष चन्द्रप्रसाद ढकालले उद्घाटन गर्नेछन् । महोत्सव उद्घाटनपूर्व बिहान रत्ननगरमा भव्य शोभायात्रा निकालिने छ ।
नेपाल माविको खेलमैदानबाट सुरू हुने शोभायात्रामा १२५ वटा संघसंस्था रहभागी हुनेछन् । आयोजक संघले बिहीबार पत्रकार सम्मेलनको आयोजना गरी महोत्सवको सम्पूर्ण तयारी पूरा भएको जानकारी दिएको छ ।
महोत्सवमा यसवर्ष महको उत्पादन र बजारीकरणलाई प्राथमिकता दिइएको छ । १३औँ संस्करणको उक्त महोत्सवमा महको उत्पादन र प्रवर्द्धनको लागि छुट्टै परिसर निर्माण गरिएको छ । आर्थिक विकास र कृषिलाई जोड दिइएको उक्त महोत्सवमा किसानले उत्पादन गरेको महको महत्त्व, त्यसबाट हुने फाइदा र बजारको सम्भावनाको विषयलाई प्राथमिकतामा राखिएको छ ।
यसपटकको महोत्सवमा रामजानकी मन्दिर आकृतिको भब्य गेट निर्माण, जनजाती समुदायको सुन्दर गाउँ, बेरोजगार समस्या निराकरण गर्न रोजगार मेला लगायतका विषयहरुलाई अगाडि बढाइएको महोत्सव मूल समारोह समितिका संयोजक तथा संघका अध्यक्ष शङ्कर गिरीले बताए ।
कृषि, पर्यटन, कला–संस्कृति र व्यापारलाई विशेष जोड दिँदै समग्र चितवनको आर्थिक गतिविधिलाई चलायमान बनाउने उद्देश्य राखिएको संघका वरिष्ठ उपाध्यक्ष निराजन खनालले बताए । विगत दुई दशकदेखि हरेक दुई वर्षमा आयोजना हुँदै आएको यस महोत्सवको १३औँ संस्करणको चार लाखभन्दा बढी दर्शक अवलोकन गर्ने र २५ करोडभन्दा माथिको कारोबार हुने अनुमान गरिएको खनालले बताए ।
महोत्सवअन्तर्गत भजन, शंखध्वनि, महिला कबड्डी तथा अन्तरविद्यालयस्तरीय नृत्य प्रतियोगिता हुनेछ । वालउद्यानमा जलपरीसँगै बालबालिकालाई लक्षित गरी कस्मिर भ्याली निर्माण गरिँदैछ । पर्यटन प्रवर्द्धनतर्फ खगरी खोलामा मोटरबोट तथा सामुदायिक वनहरुमा जिप सफारी सञ्चालन गरिने छ । महोत्सवमा अल्लो र गाजाको बोटबाट बनेका कपडाका स्टलहरुसमेत रहनेछन् ।
महोत्सवमा राष्ट्रिय तथा अन्तर्राष्ट्रियस्तरका करिब ५०० स्टलहरू रहनेछन् । महोत्सवमा उद्योग, व्यापार, कृषि उत्पादन, स्थानीय कला–संस्कृति र पर्यटकीय सामग्रीको प्रदर्शनी तथा ‘बिर्सनु हुन्न बाजेबज्यैको स्वाद, जोगाऔँ रैथाने संस्कृति र परम्परागत याद’ भन्ने नारासहित रैथाने बालीको संरक्षण र प्रर्वद्धनका कार्यक्रम सञ्चालन गरिने संघका महासचिव उपेन्द्र शर्मा आचार्यले बताए ।
महोत्सवअन्तर्गत पौष २९ देखि माघ ४ सम्म सौराहाचोकस्थित बसपार्कमा ‘छैटौँ रत्ननगर सांस्कृतिक खाना महोत्सव’ आयोजना गरिएको छ । टाँडी बजारलाई चलायमान गराउन र स्थानीय खानाका परिकारको प्रवर्द्धनको लागि खाना महोत्सव आयोजना गरिएको संघका पूर्वअध्यक्ष एवम संयोजक ज्ञानबहादुर विसुरालले बताए ।
कृषि क्षेत्रलाई विशेष प्राथमिकता दिँदै बृहत् कृषि प्रविधि प्रदर्शनीमा केरा, माछा, च्याउ, दुग्धजन्य पदार्थ, पोल्ट्री, मह र रैथाने बालीको प्रदर्शन तथा बजारीकरणलाई महोत्सवले प्राथमिकतामा राखेको कृषि प्रर्वद्धन समितिका संयोजक रघुनाथ भट्टले जानकारी दिए ।
रत्ननगरमा आयोजना हुने १३औँ रत्ननगर महोत्सवमा दैनिक रक्तदान कार्यक्रम हुने भएको छ । समग्र चितवनको गौरव र गरिमामय प्रस्तुति रत्ननगर महोत्सव यही पौष २५ गतेदेखि माघ ६ गतेसम्म टिकौली चौरमा हुँदैछ ।
रत्ननगर । पूर्वी चितवनको रत्ननगरस्थित टिकौली चौरमा पौष २५ गतेबाट सुरू हुने रत्ननगर महोत्सवमा महको उत्पादन र बजारीकरणलाई प्राथमिकता दिइएको छ ।
१३औँ संस्करणको उक्त महोत्सवमा महको उत्पादन र प्रवर्द्धनको लागि छुट्टै परिसर निर्माण गरिएको छ । आर्थिक विकास र कृषिलाई जोड दिइएको उक्त महोत्सवमा किसानले उत्पादन गरेको महको महत्व, त्यसबाट हुने फाइदा र बजारको सम्भावनाको विषयलाई प्राथमिकतामा राखिएको कृषि प्रवर्द्धन समितिका संयोजक रघुनाथ भट्टले जानकारी दिए ।
यस पटकको महोत्सवमा रामजानकी मन्दिर आकृतिको भव्य गेट निर्माण, जनजाती समुदायको सुन्दर गाउँ, बेरोजगार समस्या निराकरण गर्न रोजगार मेला लगायतका विषयहरुलाई अगाडि बढाइएको आयोजक रत्ननगर उद्योग बाणिज्य संघका अध्यक्ष शंकर गिरीले बताए ।
रत्ननगर उद्योग वाणिज्य संघको आयोजना तथा रत्ननगर नगरपालिका संरक्षक रहेको उक्त महोत्सवको नेपाल उद्योग वाणिज्य महासंघका अध्यक्ष चन्द्रप्रसाद ढकालले उद्घाटन गर्नेछन् । कृषि, पर्यटन, कला–संस्कृति र व्यापारलाई विशेष जोड दिँदै समग्र चितवनको आर्थिक गतिविधिलाई चलायमान बनाउने उद्देश्य राखिएको संघका वरिष्ठ उपाध्यक्ष निराजन खनालले बताए ।
विगत दुई दशकदेखि हरेक दुई वर्षमा आयोजना हुँदै आएको यस महोत्सवको १३औँ संस्करणको चार लाखभन्दा बढी दर्शक अवलोकन गर्ने र २५ करोडभन्दा माथिको कारोबार हुने अनुमान गरिएको खनालले बताए । महोत्सवअन्तर्गत भजन, शंखध्वनी, महिला कबड्डी तथा अन्तरविद्यालयस्तरीय नृत्य प्रतियोगिता हुनेछ । वालउद्यानमा जनपरीसँगै बालबालिकालाई लक्षित गरी कस्मिर भ्याली निर्माण गरिँदैछ ।
पर्यटन प्रवर्द्धन तर्फ खगरी खोलामा मोटरबोट तथा सामुदायिक वनहरुमा जिप सफारी सञ्चालन गरिने छ । महोत्सवमा अल्लो र गाजाको बोटबाट बनेका कपडाका स्टलहरु समेत रहने छन् । महोत्सवमा राष्ट्रिय तथा अन्तर्राष्ट्रियस्तरका करिब ५०० स्टलहरू रहनेछन ।
महोत्सवमा उद्योग, व्यापार, कृषि उत्पादन, स्थानीय कला–संस्कृति र पर्यटकीय सामग्रीको प्रदर्शनी तथा ‘बिर्सनु हुन्न बाजेबजैको स्वाद, जोगाऔँ रैथाने संस्कृति र परम्परागत याद’ भन्ने नारासहित रैथाने बालीको संरक्षण र प्रवर्द्धनका कार्यक्रम सञ्चालन गरिने संघका महासचिव उपेन्द्र शर्मा आचार्यले बताए । महोत्सव महोत्सवअन्तर्गत पौष २९ देखि माघ ४ सम्म सौराहाचोकस्थित बसपार्कमा ‘छैटौँ रत्ननगर सांस्कृतिक खाना महोत्सव’ आयोजना गरिएको छ ।
टाँडी बजारलाई चलायमान गराउन र स्थानीय खानाका परिकारको प्रर्बद्धनको लागि खाना महोत्सव आयोजना गरिएको संघका पूर्वअध्यक्ष एवम संयोजक ज्ञानबहादुर विसुरालले बताए । कृषि क्षेत्रलाई विशेष प्राथमिकता दिँदै बृहत् कृषि प्रविधि प्रदर्शनीमा केरा, माछा, च्याउ, दुग्धजन्य पदार्थ, पोल्ट्री, मह र रैथाने बालीको प्रदर्शन तथा बजारीकरणलाई महोत्सवले प्राथमिकतामा राखेको कृषि प्रर्वद्धन समितिका संयोजक रघुनाथ भट्टले जानकारी दिए ।
रत्ननगरमा आयोजना हुने १३औँ रत्ननगर महोत्सवमा दैनिक रक्तदान कार्यक्रम हुने भएको छ। समग्र चितवनको गौरव र गरिमामय प्रस्तुति रत्ननगर महोत्सव यही पौष २५ गतेदेखि माघ ६ गतेसम्म टिकौली चौरमा हुँदैछ ।
रत्ननगर । पौष २५ गतेबाट सुरू हुने रत्ननगर महोत्सवको १३औँ संस्करणको मुख्य आकर्षण रामजानकी मन्दिरको आकृति रहने भएको छ । रत्ननगर उद्योग वाणिज्य संघको आयोजना तथा रत्ननगर नगरपालिका संरक्षक रहेको उक्त महोत्सव आउन तीन दिनमात्रै बाँकी रहँदा ९० प्रतिशत काम सकिएको संघले जनाएको छ ।
यसपटकको महोत्सवमा मह उत्सव, रोजगार मेला र रामजानकी मन्दिरको झल्को दिने गेट र जलपरी मुख्य आकर्षणको रुपमा रहेको संघका अध्यक्ष शंकर गिरीले बताए । महोत्सव परिसरमा महको उत्पादन, गुणस्तर र बजारीकरणलाई प्रवद्र्धन गर्न छुट्टै परिसर निर्माण गरिएको छ ।
युवाहरुलाई स्वदेशमै रोजगारीको अवसर पहिचान गर्न आयोजना गरिएको रोजगार मेला–२०८२ ले रोजगार खोज्ने युवा र रोजगारदाताबीच सेतुको काम गर्ने गिरीले बताए । महोत्सवको प्रवेशद्वारमा पहिलोपटक जनकपुरको रामजानकी मन्दिरको आकृतिसहितको गेट निर्माणको काम भइरहेको छ ।
कृषि, पर्यटन, कला–संस्कृति र व्यापारलाई विशेष जोड दिँदै समग्र चितवनको आर्थिक गतिविधिलाई चलायमान बनाउने उद्देश्य राखिएको संघका वरिष्ठ उपाध्यक्ष निराजन खनालले बताए । विगत दुई दशकदेखि हरेक दुई वर्षमा आयोजना हुँदै आएको यस महोत्सवको १३औँ संस्करणको चार लाखभन्दा बढी दर्शकले अवलोकन गर्ने र २५ करोडभन्दा माथिको कारोबार हुने अनुमान गरिएको उनले बताए ।
महोत्सवमा राष्ट्रिय तथा अन्तर्राष्ट्रियस्तरका करिब ५०० स्टलहरु रहने छन् । महोत्सवमा उद्योग, व्यापार, कृषि उत्पादन, स्थानीय कला–संस्कृति र पर्यटकीय सामग्रीको प्रदर्शनी तथा महोत्सव स्थलमा थारु, मगर, गुरूङ, दराई, माझी, तामाङ र कुमाल जातिका परम्परागत सांस्कृतिक घरहरु बनाइएका छन् ।
‘बिर्सनु हुन्न बाजेबजैको स्वाद, जोगाऔँ रैथाने संस्कृति र परम्परागत याद’ भन्ने नारासहित रैथाने बालीको संरक्षण र प्रवद्र्धनका कार्यक्रम सञ्चालन गरिने संघका महासचिव उपेन्द्र शर्मा आचार्यले बताए ।
महोत्सवअन्तर्गत पौष २९ देखि माघ ४ सम्म सौराहा चोकस्थित बसपार्कमा ‘छैटौँ रत्ननगर सांस्कृतिक खाना महोत्सव’ आयोजना गरिएको छ । टाँडी बजारलाई चलायमान गराउन र स्थानीय खानाका परिकारको प्रवद्र्धनका लागि खाना महोत्सव आयोजना गरिएको संघका पूर्वअध्यक्ष एवम् संयोजक ज्ञानबहादुर विसुरालले बताए ।
कृषि क्षेत्रलाई विशेष प्राथमिकता दिँदै बृहत् कृषि प्रविधि प्रदर्शनीमा केरा, माछा, च्याउ, दुग्धजन्य पदार्थ, पोल्ट्री, मह र रैथाने बालीको प्रदर्शन तथा बजारीकरणलाई महोत्सवले प्राथमिकतामा राखेको छ । महिलाहरु, फरक क्षमता भएका व्यक्ति र स्थानीय कृषकका उत्पादनलाई निःशुल्क स्टल उपलब्ध गराइने छ भने कृषि तथा पशुपालनसम्बन्धी कार्यशाला र गोष्ठीहरु सञ्चालन हुनेछन् । उद्घाटनका दिन विभिन्न संघसंस्थाको सहभागितामा बाजा र झाँकीसहितको शोभायात्रा निकालिने छ ।
समग्र चितवनको गौरव र गरिमामय प्रस्तुति रत्ननगर महोत्सव यही पौष २५ गतेदेखि माघ ६ गतेसम्म टिकौली चौरमा हुँदैछ ।
रत्ननगर । पूर्वी चितवनको रत्ननगरस्थित टिकौली चौरमा यही पुस २५ गतेदेखि सुरू हुन लागेको रत्ननगर महोत्सवको १३ औँ संस्करणमा हरेक दिन रक्तदान कार्यक्रम आयोजना गरिने भएको छ ।
रगत अभावको समस्या समाधान गर्न र रक्तदानसम्बन्धी जनचेतना फैलाउन ब्लड डोनर्स सोसाइटी रत्ननगर कमिटीले महोत्सव अवधिभर महोत्सव परिसरमा रक्तदान कार्यक्रम सञ्चालन गर्न लागेको हो ।
उक्त कार्यक्रम २६ पुसदेखि माघ ५ गतेसम्म टिकौली चौरमा सञ्चालन हुने कमिटीका संस्थापक अध्यक्ष रमेश नेपालले जानकारी दिए । उनले भने, “रगत आफूलाई चाहिँदा मात्र होइन, अरुलाई पनि दिने बानीको विकास गर्नुपर्छ । यस कार्यक्रममार्फत चितवनका नागरिकलाई रगत दिन उत्प्रेरित गर्ने उद्देश्य राखिएको छ ।”
सोसाइटीका केन्द्रीय अध्यक्ष अर्जुन अधिकारीले रत्ननगर समितिले महोत्सवस्थलमा यस किसिमको रचनात्मक काम गर्न लागेकामा प्रशंसा व्यक्त गर्दै भने, “युवाहरू नियमितरूपमा रक्तदान गर्न उत्प्रेरित हुनुपर्छ । हरेक तीन महिनामा रक्तदान गर्दा स्वास्थ्यमा पनि लाभ पुग्छ, तर युवाहरुमा जनचेतना जगाउन आवश्यक छ ।”
उनले आगामी माघ १७ र १८ गते नवलपुरमा रक्तदान कार्यक्रम आयोजना गरी रक्तदान महोत्सवको रूपमा मनाउँदै एक हजार आठ पिन्ट रगत सङ्कलन गर्ने उद्देश्य राखिएको बताए । गत वर्ष भरतपुरमा आयोजित रक्तदान महोत्सवमा एक हजार ७०० पिन्ट रगत सङ्कलन गरिएको थियो ।
रक्तदान कार्यक्रमका लागि प्रादेशीक रक्तसञ्चार केन्द्र भरतपुरको प्राविधिक सहयोग रहनेछ भने महोत्सव आयोजक संस्था रत्ननगर उद्योग वाणिज्य संघ र रत्ननगर नगरपालिकाले सहकार्य गर्ने आयोजकले जनाएको छ ।
रत्ननगर महोत्सव विगत दुई दशकदेखि हरेक दुई वर्षमा आयोजना हुँदै आएको छ । यस १३औँ संस्करणमा चार लाखभन्दा बढी दर्शक अवलोकन गर्ने र २५ करोडभन्दा माथिको कारोबार हुने अनुमान गरिएको छ । महोत्सवमा राष्ट्रिय तथा अन्तर्राष्ट्रियस्तरका करिब ५०० स्टल रहने आयोजकले जनाएको छ ।
रत्ननगर । पौष २५ गतेबाट सुरू हुने रत्ननगर महोत्सवको १३औँ संस्करणको मुख्य आकर्षण रामजानकी मन्दिरको आकृति रहने भएको छ । रत्ननगर उद्योग वाणिज्य संघको आयोजना तथा रत्ननगर नगरपालिका संरक्षक रहेको उक्त महोत्सव आउन ६ दिनमात्रै बाँकी रहँदा ८५ प्रतिशत काम सकिएको संघले जनाएको छ ।
यसपटकको महोत्सवमा मह उत्सव, रोजगार मेला र रामजानकी मन्दिरको झल्को दिने गेट र जलपरी मुख्य आकर्षणको रुपमा रहेको संघका अध्यक्ष शंकर गिरीले बताए । महोत्सव परिसरमा महको उत्पादन, गुणस्तर र बजारीकरणलाई प्रवद्र्धन गर्न छुट्टै परिसर निर्माण गरिएको छ ।
युवाहरुलाई स्वदेशमै रोजगारीको अवसर पहिचान गर्न आयोजना गरिएको रोजगार मेला–२०८२ ले रोजगार खोज्ने युवा र रोजगारदाताबीच सेतुको काम गर्ने गिरीले बताए । महोत्सवको प्रवेशद्वारमा पहिलोपटक जनकपुरको रामजानकी मन्दिरको आकृतिसहितको गेट निर्माणको काम भइरहेको छ ।
कृषि, पर्यटन, कला–संस्कृति र व्यापारलाई विशेष जोड दिँदै समग्र चितवनको आर्थिक गतिविधिलाई चलायमान बनाउने उद्देश्य राखिएको संघका वरिष्ठ उपाध्यक्ष निराजन खनालले बताए । विगत दुई दशकदेखि हरेक दुई वर्षमा आयोजना हुँदै आएको यस महोत्सवको १३औँ संस्करणको चार लाखभन्दा बढी दर्शकले अवलोकन गर्ने र २५ करोडभन्दा माथिको कारोबार हुने अनुमान गरिएको उनले बताए ।
महोत्सवमा राष्ट्रिय तथा अन्तर्राष्ट्रियस्तरका करिब ५०० स्टलहरु रहने छन् । महोत्सवमा उद्योग, व्यापार, कृषि उत्पादन, स्थानीय कला–संस्कृति र पर्यटकीय सामग्रीको प्रदर्शनी तथा महोत्सव स्थलमा थारु, मगर, गुरूङ, दराई, माझी, तामाङ र कुमाल जातिका परम्परागत सांस्कृतिक घरहरु बनाइएका छन् ।
‘बिर्सनु हुन्न बाजेबजैको स्वाद, जोगाऔँ रैथाने संस्कृति र परम्परागत याद’ भन्ने नारासहित रैथाने बालीको संरक्षण र प्रवद्र्धनका कार्यक्रम सञ्चालन गरिने संघका महासचिव उपेन्द्र शर्मा आचार्यले बताए ।
महोत्सवअन्तर्गत पौष २९ देखि माघ ४ सम्म सौराहा चोकस्थित बसपार्कमा ‘छैटौँ रत्ननगर सांस्कृतिक खाना महोत्सव’ आयोजना गरिएको छ । टाँडी बजारलाई चलायमान गराउन र स्थानीय खानाका परिकारको प्रवद्र्धनका लागि खाना महोत्सव आयोजना गरिएको संघका पूर्वअध्यक्ष एवम् संयोजक ज्ञानबहादुर विसुरालले बताए ।
कृषि क्षेत्रलाई विशेष प्राथमिकता दिँदै बृहत् कृषि प्रविधि प्रदर्शनीमा केरा, माछा, च्याउ, दुग्धजन्य पदार्थ, पोल्ट्री, मह र रैथाने बालीको प्रदर्शन तथा बजारीकरणलाई महोत्सवले प्राथमिकतामा राखेको छ । महिलाहरु, फरक क्षमता भएका व्यक्ति र स्थानीय कृषकका उत्पादनलाई निःशुल्क स्टल उपलब्ध गराइने छ भने कृषि तथा पशुपालनसम्बन्धी कार्यशाला र गोष्ठीहरु सञ्चालन हुनेछन् । उद्घाटनका दिन विभिन्न संघसंस्थाको सहभागितामा बाजा र झाँकीसहितको शोभायात्रा निकालिने छ ।
रत्ननगरमा आयोजना हुने १३औँ रत्ननगर महोत्सवमा दैनिक रक्तदान कार्यक्रम हुने भएको छ । ब्लड डोनर्स सोसाइटी रत्ननगरले महोत्सव अवधिभर हरेक दिन रक्तदान कार्यक्रम गर्ने भएको हो । सोसाइटीका अध्यक्ष रमेश नेपालका अनुसार पछिल्लो समय अस्पतालहरुमा रगतको अभाव बढ्दै गएकाले यो कार्यक्रमले त्यसको पूर्ति गर्न मह¤वपूर्ण भूमिका खेल्ने अपेक्षा गरिएको छ । “रक्तदान जीवनदान हो भन्ने सन्देश प्रवाह गर्दै महोत्सव अवधिभर दैनिकरुपमा रक्तदान शिविर सञ्चालन गर्न लागेका हौँ”, अध्यक्ष नेपालले बताए ।
समग्र चितवनको गौरव र गरिमामय प्रस्तुति रत्ननगर महोत्सव यही पौष २५ गतेदेखि माघ ६ गतेसम्म टिकौली चौरमा हुँदैछ ।
रत्ननगर । प्रथम जननिर्वाचित प्रधानमन्त्री विपी कोइरालाको सम्झनामा बिहीबार रत्ननगरमा ५०औँ राष्ट्रिय एकता तथा मेलमिलाप दिवस मनाइएको छ ।
नेपाली कांग्रेस प्रदेश सभा क्षेत्रीय कार्यसमिति क्षेत्र नं १ प्रदेश ‘ख’ चितवनद्वारा आयोजित ‘वर्तमान राष्ट्रिय राजनीति र राष्ट्रिय मेलमिलाप नीतिको सान्दर्भिकता’ विषयक एकदिने गोष्ठीमा वक्ताहरुले वर्तमान समयमा विपीको मेलमिलाप नीति अत्यन्तै सान्दर्भिक रहेको चर्चा गरे ।
कांग्रेस चितवनका नेता रामकृष्ण घिमिरेले कांग्रेसका संस्थापक विपीले भारतमा निर्वासनमा कष्टपूर्ण, कठिन र संघर्षयुक्त जीवन बिताएर फर्किएको दिन २०३३ पुस १६ गतेलाई नेपाली कांग्रेसले राष्ट्रिय मेलमिलाप दिवसका रुपमा मनाउँदै आएको स्मरण गरे । उनले भने, ‘यो दिवस नेपाल र नेपालीका लागि महत्त्वपूर्ण छ । किनभने, विपीले आठवटा मृत्युदण्डका मुद्दा खेपिरहेका भए पनि राष्ट्रियताको पक्षमा जीवन अर्पण गर्न तयार भई स्वदेश फर्किएका थिए, तत्कालीन राजनीतिक अवस्थामा विपीको त्यो साहसिक निर्णय थियो ।’
यस्तै, अर्का नेता शेषनाथ अधिकारीले राष्ट्र र राष्ट्रियता जोगाउनका लागि विपीले मेलमिलापको नीति लिएको बताए । भारतमा निर्वासनको समयमा सिक्किम भारतमा विलय भएको घटनालाई नजिकबाट नियालेका विपीले राष्ट्रियता जोगाउनकै लागि एकता र मेलमिलापको नीति अंगालेको उनले बताए ।
कांग्रेस चितवनका पूर्वसभापति जीतनारायण श्रेष्ठले देशको सार्वभौमसत्ता संरक्षणका लागि ज्यानको बाजी थापेर विपी, गणेशमान सिंह, शैलजा आचार्यलगायतका नेता स्वदेश फर्किएको चर्चा गर्दै वर्तमान अवस्थामा राष्ट्रिय राजनीति र राष्ट्रिय मेलमिलाप नीतिको सान्दर्भिकता झनै बढेर गएको बताए ।
यस्तै, बागमती प्रदेश सभा सदस्य उत्तम जोशीले आजको लोकतन्त्रसहितको नेपाल विपी कोइरालाको जोखिमको परिणाम भएको बताउँदै मुलुकलाई अफ्ठयारो परेको वर्तमान समयमा पनि विपीको मेलमिलापको नीति अत्यन्त सान्दर्भिक रहेको बताए ।
यस्तै, कांग्रेसका जिल्ला सभापति राजेश्वर खनालले मुलुकको राजनीतिक दृष्टिकोण र बदलिँदो विश्व राजनीतिका कारण मुलुक निर्माणका लागि राष्ट्रिय एकताको आवश्यकता अहिले पनि उत्तिकै रहेको बताए । उनले थपे, ‘प्रजातन्त्रको स्थापना र संरक्षणमा आजीवन सङ्घर्ष गरेका विपी कोइरालाले प्रजातन्त्र र आर्थिक उन्नतिका लागि समाजवादका नाममा अघि सारेको दृष्टिकोण अहिले पनि उत्तिकै सान्दर्भिक छ ।’
राष्ट्रियता, प्रजातन्त्र र आर्थिक समृद्धि ‘राष्ट्रिय एकता तथा मेलमिलाप’बाट मात्रै सुनिश्चित हुन सक्छ भन्ने उनको सोचलाई सबैले आत्मसात् गर्नु आवश्यक रहेको उनले बताए । राष्ट्रिय एकता सम्पूर्ण नेपाली जनताको सामूहिक प्रयासबाट हुने अभियान र कार्यले मात्र स्थापित हुने र यस्तो सामूहिक अभियानले नेपाली जनताको भावनात्मक एकताको संस्थागत आधार पनि तयार पार्ने उनको भनाइ थियो ।
कांग्रेस नेतृ सुशीला उप्रेतीले हाल देशले विभिन्न नाममा राजनीतिक निकास खोजिरहेको सन्दर्भमा विपीको मेलमिलापको नीतिको उपयोगले सार्थक परिणाम सिर्जना गर्न सक्ने सम्भावना रहेको उनले बताइन् ।
नेपाली कांग्रेस प्रदेश सभा क्षेत्रीय कार्यसमिति क्षेत्र नं १ प्रदेश ‘ख’ चितवनका सभापति गोविन्द गौतमको सभापतित्वमा सम्पन्न गोष्ठीको सञ्चालन देवेन्द्र भुजेलले गरेका थिए ।
रत्ननगर । रत्ननगर–९, चितवनमा रहेको कपरखोरी बालुवाटार विपद् जोखिम न्यूनीकरण समाजको आठौँ वार्षिक साधारण सभा विविध कार्यक्रमका साथ सम्पन्न भएको छ ।
समाजका अध्यक्ष रामचन्द्र पौडेलको सभापतित्व एवम् रत्ननगर–९ का वडाध्यक्ष अनन्त अधिकारीको प्रमुख आतिथ्यतामा सम्पन्न कार्यक्रममा अध्यक्ष पौडेलले संस्थाको वार्षिक प्रगति प्रतिवेदन तथा भावी कार्ययोजना प्रस्तुत गरेका थिए ।
कार्यक्रमका प्रमुखअतिथि वडाध्यक्ष अधिकारीले कपरखोरी बालुवाटार विपद् जोखिम न्यूनीकरण समाजले समुदायमा आधारित विपद् व्यवस्थापन, तटबन्ध निर्माण, स्वास्थ्य शिविर, जनचेतना अभिवृद्धिलगायतका कार्यक्रम गर्दै आएको जानकारी दिँदै सामाजिक क्षेत्रमा यस संस्थाले गरेको योगदान उदाहरणीय रहेको बताए ।
वडा सचिव सूर्यप्रसाद ढुङगानाले सञ्चालन गरेको कार्यक्रममा संस्थाका सल्लहकारहरु मणिप्रकाश खतिवडा, बलराम बगाले, कपरखोरी माविका प्रधानाध्यापक डा. विष्णु कट्टेल, मोहना माविका प्रधानाध्यापक दयाराम ढुङ्गाना, वडा सदस्यहरु कमानसिं चौधरी, लेखनाथ तामाङ, सुष्मा खड्काथोकी, रत्ननगर–९ स्थित नगर स्वास्थ्यकेन्द्र प्रमुख विदुर बस्ताकोटी, रत्नप्रिय क्लबका अध्यक्ष वसन्त रानालगायतको आतिथ्यता रहेको थियो । सो अवसरमा रत्ननगर–९ का ८० वर्षमाथिका ज्येष्ठ नागरिकहरुलाई न्यानो सिरक वितरण गरिएको थियो ।
यस्तै, संस्थाले आयोजना गरेको निःशुल्क स्वास्थ्य शिविर तथा औषधि वितरण कार्यक्रममा ८५ जनाको स्वास्थ्य परीक्षण गरिएको थियो । शिविरमा सहभागी सेवाग्राहीका लागि औषधिसमेत निःशुल्क वितरण गरिएको थियो ।
बकुलहर रत्ननगर अस्पतालको प्राविधिक सहयोग रहेको स्वास्थ्य शिविरमा अस्पतालका कन्सल्टेन्ट फिजिसियन डा. शशांककुमार सिंहको नेतृत्वमा डा. एन्जिला श्रेष्ठ, डा. अनुपमा घिमिरे, सिअहेव अधिकृत नारायणप्रसाद ढुङ्गाना नारायणप्रसाद ढुङ्गाना, विशाल सिलवाल र सुष्मिता पाण्डे संलग्न रहेका थिए ।
रत्ननगर । यही पौष २५ गतेदेखि माघ ६ गतेसम्म टिकौली चौरमा १३औँ संस्करणको रत्ननगर महोत्सव आयोजना हुने भएको छ । ‘रत्ननगर महोत्सव हाम्रो पहिचान, कृषि र पर्यटन प्रवर्द्धन हाम्रो अभियान’ भन्ने नाराका साथ हुन लागेको महोत्सवलाई भव्य बनाउन तयारी तीव्र पारिएको छ ।
रत्ननगर महोत्सवको तयारी र उद्देश्यका बारेमा जानकारी दिने उद्देश्यले आयोजित पत्रकार सम्मेलनमा संघका अध्यक्ष शंकर गिरीले यसपटकको महोत्सवमा मह, रोजगार मेलालाई प्राथमिकता दिँदै नौलो कार्यक्रमको रुपमा रामजानकी मन्दिरको झल्को दिने गरी गेट निर्माण गरिएको बताए ।
महोत्सवमा विशेष आकर्षणका रुपमा दोस्रो चितवन मह उत्सव आयोजना गरिँदै छ । त्यसका लागि महको उत्पादन, गुणस्तर र बजारीकरणलाई प्रवद्र्धन गर्न छुट्टै परिसर निर्माण गरिने यो उत्सवका कारण मौरीपालन र महजन्य उत्पादनलाई प्रोत्साहन मिल्ने अध्यक्ष गिरीले बताए । यसैगरी, युवाहरुलाई स्वदेशमै रोजगारीको अवसर पहिचान गर्न रोजगार मेला–२०८२ पनि सञ्चालन हुनेछ, जसले रोजगार खोज्ने युवा र रोजगारदाताबीच सेतुको काम गर्ने उनले जानकारी दिए ।
महोत्सवको प्रवेशद्वारमा पहिलोपटक जनकपुरको रामजानकी मन्दिरको आकृतिसहितको भव्य गेट निर्माण गरिने भएको छ । कृषि, पर्यटन, कला–संस्कृति र व्यापारलाई विशेष जोड दिँदै समग्र चितवनको आर्थिक गतिविधिलाई चलायमान बनाउने उद्देश्य राखिएको संघका वरिष्ठ उपाध्यक्ष निराजन खनालले बताए ।
विगत दुई दशकदेखि हरेक दुई वर्षमा आयोजना हुँदै आएको यस महोत्सवको १३औँ संस्करणको चार लाखभन्दा बढी दर्शकले अवलोकन गर्ने र २५ करोडभन्दा माथिको कारोबार हुने अनुमान गरिएको उनले बताए । महोत्सवमा राष्ट्रिय तथा अन्तर्राष्ट्रियस्तरका करिब ४५० स्टलहरु रहने छन् । महोत्सवमा उद्योग, व्यापार, कृषि उत्पादन, स्थानीय कला–संस्कृति र पर्यटकीय सामग्रीको प्रदर्शनी तथा महोत्सव स्थलमा थारु, मगर, गुरूङ, दराई, माझी, तामाङ र कुमाल जातिका परम्परागत सांस्कृतिक घरहरु बनाइएका छन् ।
यसपटक रैथाने बालीको संरक्षण र प्रवद्र्धनका कार्यक्रम सञ्चालन गरिने संघका महासचिव उपेन्द्र शर्मा आचार्यले बताए । महोत्सवमा बालबालिकाका लागि फन पार्क, विभिन्न जातीय खाना र परिकारसहितको ‘छैटौँ रत्ननगर सांस्कृतिक खाना महोत्सव’ पौष २९ देखि माघ ४ सम्म सौराहा चोक, बसपार्कमा गरिने छ । टाँडी बजारलाई चलायमान गराउन र स्थानीय खानाका परिकारको प्रवद्र्धनका लागि खाना महोत्सव आयोजना गरिएको संघका पूर्वअध्यक्ष एवम् संयोजक ज्ञानबहादुर विसुरालले बताए ।
कृषि क्षेत्रलाई विशेष प्राथमिकता दिँदै बृहत् कृषि प्रविधि प्रदर्शनीमा केरा, माछा, च्याउ, दुग्धजन्य पदार्थ, पोल्ट्री, मह र रैथाने बालीको प्रदर्शन तथा बजारीकरणलाई महोत्सवले प्राथमिकतामा राखेको छ ।
कार्यक्रममा नेपाल उद्योग वाणिज्य महासंघका केन्द्रीय सदस्य अनिलकृष्ण श्रेष्ठले बेरोजगारी न्यूनीकरण गर्दै रोजगारी सिर्जना गर्न निजी क्षेत्रले गरेको योगदानलाई राज्यले भुल्न नहुने बताए । उनले ८७ प्रतिशत रोजगारी सिर्जना गरेको निजी क्षेत्रको लगानी सुरक्षामा राज्य जिम्मेवार हुनुपर्ने बताए ।
भरतपुर । इलाका प्रहरी कार्यालय जुटपानीबाट खटिएको प्रहरी टोलीले जेनजी आन्दोलनका क्रममा फरार गैँडा मुद्दामा १० वर्ष कैद ठहर भएका एक कैदीलाई पक्राउ गरेको छ ।
जेनजी आन्दोलनका क्रममा फरार रहेका कालिका–९ बस्ने ३६ वर्षीय तारा चेपाङलाई लुकिछिपी बसेको सूचनाका आधारमा खटिएको प्रहरी टोलीले शनिबार राति ११ः५० बजेको समयमा कालिका–९, शेरबासबाट नियन्त्रणमा लिएको हो । निज चेपाङलाई आइतबार कैद भुक्तान प्रयोजनको लागि जिल्ला कारागार भरतपुर पठाइएको प्रहरीले जनाएको छ ।
निज चेपाङ गैँडा मारी खाग बिक्री गरेको मुद्दामा २०७७ माघ ५ गतेदेखि थुनामा रहेका थिए । चितवन जिल्ला अदालतले २०८० फागुन १० गते १० वर्ष कैद सजाय सुनाएको थियो ।
उनी कैदबापत २०८७ माघ ४ गतेसम्म थुनामा रहनुपर्नेमा गत भदौ २४ गते जिल्ला कारागारबाट भागेको जिल्ला प्रहरी कार्यालय चितवनका सूचना अधिकारी प्रहरी नायब उपरीक्षक रवीन्द्र खनालले जानकारी दिए ।
चितवन । नेपाल रेडक्रस सोसाइटी चितवन जिल्ला कार्यसमितिका मन्त्री स्व. राममणि खनालको १३औँ पुण्यतिथिको अवसरमा बृहत् रक्तदान तथा दीप प्रज्वलन कार्यक्रम गरिएको छ ।
कार्यक्रम नेपाल रेडक्रस सोसाइटी नारायणगढ उपशाखाका सभापति कृपाकुमारी राजभण्डारीको सभापतित्वमा र भरतपुर महानगरपालिका उपप्रमुख चित्रसेन अधिकारीको प्रमुख आतिथ्यतामा सम्पन्न भएको हो।
कार्यक्रममा सभापति, प्रमुखअतिथि, नेपाल रेडक्रस चितवन जिल्ला कार्यसमितिका उपसभापति रत्नप्रसाद सापकोटा, सभापति हरिप्रसाद पौडेल, भरतपुर महानगरपालिका उपप्रमुख एवं प्रमुखअतिथि चित्रसेन अधिकारी, सभापति कृपाकुमारी राजभण्डारीले शोक मन्तव्य राख्दै मौनधारण र पुष्प गुच्छा अर्पण गरी रक्तदान कार्यक्रमको शुभारम्भ गरेका थिए। यस्तै, आइतबार साँझ दीप प्रज्ज्वलन गरिएको थियो ।
कार्यक्रममा नेरेसो चितवन जिल्ला कार्यसमिति, मातहतका ४१ वटा उपशाखा र विद्यालयस्तरका सर्कलहरुको समेत उपस्थिति रहेको थियो।
वक्ताहरूले स्व. राममणि खनाललाई सामाजिक क्षेत्रमा होनाहार व्यक्ति र रेडक्रसमार्फत सेवा पुर्याउने तथा शैक्षिक र सामाजिक क्षेत्रमा सक्रिय र परिचित व्यक्तित्व भएको भन्दै सम्झना गरेका थिए ।
सौराहा । चितवनको पर्यटकीय नगरी सौराहामा जारी १९औँ चितवन हात्ती तथा पर्यटन महोत्सवको आइतबार अन्तिम दिन हात्ती पूजा तथा हात्तीलाई वनभोज खुवाएर समापन गरिँदैछ । महोत्सवले अवलोकन गर्न आउने पाहुनाले पछिल्ला दुई दिन सौराहाका होटल पूर्ण रूपमा भरिभराउ भएका छन् भने पर्यटकीय क्षेत्र निकै चहलपहल बनेको छ ।
महोत्सव अवधिभर हात्ती सुन्दरी प्रतियोगिता, डुङ्गा दौड प्रतियोगिता, पेनाल्टी सुटआउटलगायत विभिन्न मनोरञ्जनात्मक गतिविधि सम्पन्न भएका छन् । साथै स्वदेशी तथा विदेशी पर्यटकको मागलाई ध्यानमा राख्दै विश्वप्रसिद्ध हात्ती पोलोको झल्को पनि शनिबार महोत्सवस्थल बाघमारा चौरमा प्रस्तुत गरिएको थियो ।
महोत्सवका संयोजक गुणराज थपलियाका अनुसार हात्ती पोलोका केही सामग्री उपलब्ध भएकाले पर्यटकहरूको माग र उत्साह बढाउन खेलको झल्को प्रस्तुत गरिएको हो । “खेल पूर्ण रूपमा सञ्चालन हुन नसके पनि यसको झल्को देखाउँदा दर्शक तथा पर्यटक निकै उत्साहित भए”, उनले भने ।
संयोजक थपलियाले महोत्सवको अन्तिम दिन आज हात्ती पूजन गरिने जानकारी दिँदै हात्तीलाई भगवान्का रूपमा मानी पूजा गर्न लागिएको बताए । साथै आज हात्तीका लागि विशेष वनभोजको आयोजना गरिएको छ । “यसपटक हात्तीको वनभोज बफेट शैलीमा हुनेछ । हात्तीलाई मनपर्ने परिकारहरू राखिनेछन्, जसबाट हात्तीले आफूलाई मन लागेको जति खान पाउनेछन् । यसले हात्तीलाई रमाइलो महसुस गराउँछ”, उनले भने ।
हात्तीमाथि यातना गरिएको भन्ने आरोपप्रति प्रतिक्रिया दिँदै उनले हात्ती पनि पीडा र खुसी महसुस गर्ने संवेदनशील जीव भएको उल्लेख गरे । “हात्तीलाई कसरी पीडा हुन्छ र कसरी खुसी हुन्छ भन्ने कुरा हामीलाई राम्रोसँग थाहा छ । महोत्सवमा हामीले कुनै पनि प्रकारका यातनाजन्य गतिविधि गरेका छैनौँ”, उनले स्पष्ट पारे ।
सौराहास्थित बाघमारा चौरमा आयोजित महोत्सवमा रत्ननगर नगरपालिका संरक्षक तथा युनाइटेड हात्ती सञ्चालन सहकारी संस्था लिमिटेड सहआयोजकका रूपमा रहेको छ । महोत्सवका विभिन्न गतिविधिमा सरकारी तथा निजी क्षेत्रका गरी करिब ८० वटा हात्ती सहभागी भएका छन् । आयोजक संस्थाले हरेक वर्ष यही समयमा महोत्सव आयोजना गर्दै आएको छ ।
काठमाडौँ । राष्ट्रिय स्वतन्त्र पार्टी (रास्वपा) र काठमाडौँ महानगरपालिकाका प्रमुख बालेन्द्र शाहबीच विभिन्न विषयमा सात बुँदे सहमति भएको छ ।
प्रमुख शाहले सामाजिक सञ्जालमार्फत सहमतिमा हस्ताक्षर गर्दै गरेको तस्बिर सार्वजनिक गर्दै शुभप्रभात लेखेका छन् । उनीहरूबीच आइतबार बिहान सहमति भएको हो । सहमतिमा सभापति लामिछाने र प्रमुख शाहले हस्ताक्षर गरेका छन् ।
सार्वजनिक विवरणअनुसार नवयुवाले भ्रष्टाचार र कुशासनविरुद्ध गरेको आन्दोलनको अपनत्व लिई घाइते तथा सहिद परिवारका मागको यथोचित सम्बोधन गर्ने सहमतिमा उल्लेख गरिएको छ ।
यस्तै, पार्टीको केन्द्रीय सभापति रवि लामिछाने रहने र आसन्न प्रतिनिधिसभाको निर्वाचनपछि संसदीय दलको नेता तथा भावी प्रधानमन्त्रीको उम्मेदवार बालेन्द्र शाह हुने सहमति भएको छ ।
त्यसैगरी, सहमतिपछि स्थापित हुने राजनीतिक दल, चुनाव चिह्न र पार्टी कार्यालय नाम राष्ट्रिय स्वतन्त्र पार्टीको नै हुनेछ । पार्टीको सङ्गठनात्मक संरचनामा युवालाई सहभागी गराउनेलगायतका विषय समावेश गरिएका छन् ।
यस्तो छ– बृहत् एकतासम्बन्धी सहमति :
रत्ननगर । नेपाल जनप्रशासन संघ (पान) को २६औँ साधारण सभाका अवसरमा रत्ननगर नगरपालिकाका प्रशासन शाखा प्रमुख वरिष्ठ अधिकृत सविता अर्याललाई ‘पान उत्कृष्ट राष्ट्रसेवक सम्मान’ प्रदान गरिएको छ ।
प्रशासन तथा संगठन व्यवस्थापन र सूचनाको हकअधिकारको कार्यान्वयनमा उल्लेख्य कार्य गरेबापत देशभरिका कर्मचारीहरुमध्ये उत्कृष्ट कर्मचारीका रुपमा अर्याललाई २५ हजार राशिको नगद पुरस्कारसहित ‘पान उत्कृष्ट राष्ट्रसेवक सम्मान’ प्रदान गरिएको हो ।
संघीय मामिला तथा सामान्यमन्त्री रामेश्वरप्रसाद खनालले सो सम्मान गरेका हुन् । यस्तै, पान सचिवालयमा कार्यरत कार्यकारी प्रमुख जमुना दङ्गाललाई ३० हजार रुपैयाँको नगद पुरस्कारसहित सम्मान गरिएको थियो । सो अवसरमा पुरस्कारको अक्षयकोष खडा गर्न योगदान गर्ने नेपाल सरकारका पूर्वसचिवहरू कृष्णहरि बाँस्कोटा र विद्याधर मल्लिकलाई पनि सम्मान गरिएको थियो ।
नेपाल जनप्रशासन संघ (पान) को २६औँ साधारण सभा तथा ‘युवा आकाङ्क्षा अनुसारको सुशासन’ विषयक २१औँ राष्ट्रिय सम्मेलनका अवसरमा शनिबार आयोजित कार्यक्रममा मन्त्री खनालले जनताको हितलाई केन्द्रमा राखेर सार्वजनिक सेवा प्रवाहमार्फत सुशासन कायम गर्न कर्मचारी तथा सरोकार भएका सबैलाई आग्रह गरेका थिए ।
अर्थमन्त्रीसमेत रहेका खनालले कर्मचारीतन्त्रले आफ्नो स्वार्थभन्दा देशको स्वार्थलाई माथि राखेर परिणाममूलक काममा लाग्नुपर्नेमा जोड दिए । उनले राजनीतिक नेतृत्व तथा प्रशासनमा इमानदारिता र व्यावसायिकता कायम भएका युवाद्वारा सुशासन र सुधार सम्भव रहेको धारणा राखे ।
सम्मेलनमा नेपालको समसामयिक राजनीतिक, सामाजिक र प्रशासनिक सन्दर्भमा युवाको बढ्दो असन्तुष्टि, सक्रियता र सुशासनसम्बन्धी अपेक्षामाथि छलफल गरिएको थियो । नेपालमा जेनजीपुस्ताको सक्रियता, असन्तुष्टि र वैचारिक हस्तक्षेप नयाँ चरणमा प्रवेश गरेकाले यसलाई लोकतान्त्रिक चेतना र शासन सुधारको मागका रूपमा बुझ्नुपर्नेमा जोड दिइएको छ ।
छलफलपश्चात् लोकतान्त्रिक चेतना र शासन सुधारका पक्षमा युवापुस्ताको माग र चेतावनीका रूपमा जेनजी आन्दोलन भएको व्याख्या गर्दै शासन प्रणालीभित्रका संरचनागत कमजोरी, भ्रष्टाचार, बेरोजगारी, अवसरको असमान वितरण अन्त्य गर्नेलगायत ११ बुँदे सुझावसहितको अवधारणा जारी गरिएको छ ।
पारित प्रस्तावमा शासकीय वैधता बहुमत र संख्यामा मात्र नभई सारभूत र अर्थपूर्ण सहभागिता र समन्यायिक शासकीय लाभांश वितरणमा खोजिनुपर्ने, सुशासन कार्यान्वयन राष्ट्रिय प्राथमिकतामा पर्नुपर्ने, युवामैत्री शासन प्रणाली र युवाको अर्थपूर्ण सहभागिता सुनिश्चित गरिनुपर्ने, युवा आकाङ्क्षाको यथार्थपरक व्यवस्थापन र सम्बोधन हुनुपर्ने, तीव्र आर्थिक वृद्धिसहित देशभित्रै रोजगारी, उद्यमशीलता र युवा रोजगारी सिर्जनामा तत्काल प्रभावकारी कदम चालिनुपर्नेलगायत रहेका छन् ।
भ्रष्टाचारविरुद्ध शून्य सहनशीलता व्यवहारमा उतार्नुपर्ने, सार्वजनिक प्रशासनलाई डिजिटल, पारदर्शी र जवाफदेही बनाउन नवप्रशासनिक संरचना र काम सुधार गरिनुपर्ने, शान्तिपूर्ण नागरिक अभिव्यक्ति सुनिश्चित गर्दै संवाद र सहकार्यको संस्कृति प्रवद्र्धन गरिनुपर्ने, समावेशी र सामजिक न्यायमा आधारित शासन प्रणाली कायम गरिनुपर्ने, राज्य–समाज–नागरिकबीच नयाँ सामाजिक सम्झौता निर्माण गरिनुपर्ने, राजनीतिक स्थायित्वका लागि तोकिएको मितिमा निष्पक्ष, शान्तिपूर्ण र भयरहित वातावरणमा प्रतिनिधिसभाको निर्वाचन गर्नुपर्नेलगायत सुझाव दिइएको छ ।
रत्ननगर । पञ्चकन्या माध्यमिक विद्यालय जयमंगलामा शिक्षक विद्यार्थी पुनर्मिलन कार्यक्रम गरिएको छ ।
विसं २०२४ सालदेखि २०३० सम्मका पञ्चकन्या राप्रावि, निमावि र माविका तत्कालीन शिक्षक तथा विद्यार्थीबीच पुनर्मिलन भएको हो ।
रत्ननगर–१४ स्थित गुरू लेखनाथ कट्टेलको निवासमा आयोजित कार्यक्रममा विष्णुप्रसाद अर्याल, डिल्लीराम घिमिरे (कपिल), तीर्थराज न्यौपाने, भीष्मराज न्यौपाने, त्रिलोचन निर्मल पौडेल, हरिहर अधिकारी, सूर्यप्रसाद भट्टराई, गोपीप्रसाद अधिकारी, डा. विजयराज न्यौपाने, रामहरि आचार्यलगायतको सहभागिता रहेको थियो ।
कार्यक्रममा पञ्चकन्या माविमा अध्ययन गरेका पूर्वशिक्षक तथा विद्यार्थीहरुले विभिन्न भूमिकामा रहेर समाजमा गर्दै आएको योगदानबारे चर्चा गर्नुका साथै आगामी दिनमा गर्न सकिने गतिविधिका बारेमा छलफल गरिएको पूर्वशिक्षक तीर्थराज न्यौपानेले जानकारी दिए ।
भरतपुर । चितवन उद्योग वाणिज्य संघको ५९औँ साधारण सभा तथा अधिवेशनअन्तर्गत नयाँ नेतृत्वका लागि चिरञ्जीवी सुवेदी र शिरीष पन्तले आआफ्नो प्यानलसहित चुनावी मैदानमा होमिएका छन् । संस्थापन समूहबाट हालका वरिष्ठ उपाध्यक्ष चिरञ्जीवी सुवेदी र संस्थापनबाहिरबाट निवर्तमान उपाध्यक्ष शिरीष पन्तको समूह चुनावी मैदानमा उत्रिएका हुन् । दुवै समूहले पदाधिकारीमा टुङ्गो लगाएका छन् ।
चिरञ्जीवी सुवेदीको समूहले हालका उपाध्यक्षहरुलाई नै एक तह माथि उठाउने प्रयास गरेको छ । जसअनुसार वरिष्ठ उपाध्यक्षमा राजेन्द्र ओली, उपाध्यक्षहरुमा अशोक अधिकारी, नारायण प्रधान र राजन पियाको टुङ्गो लागिसकेको छ । ओली, अधिकारी र प्रधान अघिल्लो अधिवेशनमा चुनाव जितेर आएका पदाधिकारी हुन् भने हाल संस्थापन समूहभित्रबाट उमेदवार बनेका राजन पिया भने अघिल्लो निर्वाचनमा हालका वरिष्ठ उपाध्यक्ष चिरञ्जीवी सुवेदीसँग वरिष्ठ उपाध्यक्षमा चुनाव हारेका व्यक्ति हुन् ।
शिरीष पन्त समूहमा वरिष्ठ उपाध्यक्षमा वरिष्ठ उपाध्यक्षमा लोकबहादुर रानाभाट, उपाध्यक्षहरुमा शङ्करप्रसाद घिमिरे, जनक पौडेल र गुणराज पौडेलले उमेदवारी दिएका छन् ।
शनिबार संघ परिसरमा उमेदवारी घोषणा गर्दै अध्यक्ष पदका उमेदवार शिरीष पन्तले आफ्नो समूहको उमेदवारी व्यक्तिगत पदका लागि नभई व्यवसायीको हकहित, क्षमता विकास, पारदर्शिता, जवाफदेहिता, संस्थागत सुधार तथा नयाँ व्यावसायिक अवसरको खोजीका लागि भएको बताए ।
हरेक दुई–दुई वर्षमा हुने अधिवेशनमा यसपटकको निर्वाचन निकै रोचक हुने देखिएको छ । संस्थापन पक्षले सुवेदी नेतृत्वको समूहलाई अनुभवी मान्दै आएको छ भने पन्त समूहले कार्यक्षमताको आधारमा युवापुस्ताले पनि नेतृत्व सम्हाल्न सक्छ भन्ने स्पष्ट सन्देश दिने प्रयास गरेको छ । संघमा हालसम्मको नेतृत्व हेर्ने हो भने केही अधिवेशनबाहेक प्रायः सबैजसो अधिवेशनमा संस्थापन समूह नै अगाडि आएको देखिन्छ ।
आफूलाई संस्थापन समूह मान्नेहरुले पनि पालोअनुसार नेतृत्वमा जानुपर्ने विषय उठाउँदै आएको देखिन्छ । तर, यसपटक संस्थापनभन्दा बाहिरबाट निर्वाचनमा होमिएका शिरीष पन्त भने आफूलाई संस्थापनबाहिरको भन्ने विषय स्वीकार गरेका छैनन् । २० वर्षदेखि संघको सदस्यता लिएर नवीकरण गर्दै आएकाले आफूहरु संस्थापनभन्दा बाहिरको नरहेको उनको भनाइ छ । संघले तोकेको शुल्क बुझाएर सदस्यता लिने र नवीकरण गरेपछि आफूहरु पनि संस्थाभन्दा बाहिरका सदस्य नभएको उनले जिकिर गरे ।
पन्त समूहले जिल्लाका स्थानीय उत्पादनलाई प्रवद्र्धन गर्नका लागि ‘मेड इन चितवन’को अवधारणा बनाइ प्रचारप्रसार गरिने, भित्री बजारहरुमा व्यवसायीको सल्लाह, सुझावको आधारमा यातायातमा प्रणाली लागू गराउन पहल गरिने योजनासमेत अघि सारेको छ ।
अध्यक्ष पदका उमेदवार चिरञ्जीवी सुवेदी समूहले मङ्गलबार दियालो फुडल्यान्डमा पदाधिकारीसहित सामूहिक उमेदवारी घोषणा गरेको थियो ।
यस्तै, पन्त समूहले पनि आइतबार पदाधिकारीसहित उद्योग वाणिज्य संघको हलमा उमेदवारी घोषणा गरेको हो । संघले यही मङ्सिर १९ गतेदेखि २१ गतेसम्म नयाँ नेतृत्वका लागि अधिवेशनको मिति तोकेको छ । सोहीअनुसार उमेदवारहरु व्यवसायीसमक्ष आआफ्नो पक्षमा मत माग्न र आफ्ना प्रतिबद्धता सार्वजनिक गर्दै घरदैलो अभियानमा व्यस्त छन् ।
रत्ननगर । रत्ननगर नगरपालिका महिला, बालबालिका तथा ज्येष्ठ नागरिक शाखाको आयोजनामा पाँचौँ राष्ट्रिय ज्येष्ठ नागरिक दिवसको अवसरमा सचेतनामूलक अभिमुखीकरण तथा असल सन्तति सम्मान कार्यक्रम सम्पन्न भएको छ ।
‘हाम्रो साझा अभियान : ज्येष्ठ नागरिकप्रति श्रद्धा र सम्मान’ भन्ने नाराका साथ सुरू गरिएको सो कार्यक्रमको उद्घाटन गर्दै नगरप्रमुख प्रलाद सापकोटाले हरेक घरपरिवार र समाजले इतिहास बोकेका ज्येष्ठ नागरिकको सघैँ सम्मान गर्न आवश्यक रहेको बताए ।
उनले भने, ‘जसले आफ्ना अभिभावकप्रति आफूले गर्नुपर्ने कर्तव्य बिर्सन्छ, उसले देश र समाजका लागि कुनै योगदान गर्न सक्दैन ।’ आफ्ना अभिभावकप्रति स्याहारसुसार र पालनपोषण गर्ने उदाहरणीय सन्ततिलाई सम्मान गर्न पाउँदा खुसी लागेको उनले सुनाए ।
नगरस्तरीय ज्येष्ठ नागरिक समन्वय समिति रत्ननगरका अध्यक्ष छविलाल घिमिरेको अध्यक्षतामा भएको कार्यक्रममा २२ जना असल सन्ततिलाई जनही तीन हजार रुपैयाँसहित प्रमाणपत्र र फूलमालाले सम्मान गरिएको थियो ।
सम्मानित हुनेहरुमा सीताराम तिमल्सिना, प्रेमकुमारी रानाभाट, किशुन/रीताकुमारी चौधरी, अर्जुन भट्ट/सावित्री लामिछाने, राजुराम/सुनिता चौधरी, शिवराज/मीरा आचार्य, धनराज/केशिया राउत, झलक/रिकिशा ढकाल, हस्तनारायण/सीता श्रेष्ठ, रोशन/नम्रता पाण्डे, पार्वती पौडेल, कृष्णकुमार डल्लाकोटी, सुनिता ढकाल पगेनी, होमबहादुर/फूलमाया गुरूङ, मोतिलाल/गंगादेवी भट्टराई, हरिप्रसाद/सीता अधिकारी, ऋषिराम सिलवाल/प्रमिला अधिकारी, मुकुन्द/अमला रिजाल, लेखनाथ/सीता घिमिरे, वीरबहादुर/रीता गुरूङ, सम्झना कुँवर र रुपनारायण चौधरी रहेका छन् ।
महिला विकास अधिकृत दीपा घिमिरेले सञ्ञ्चालन गरेको कार्यक्रममा सामाजिक विकास समितिका संयोजक सोहेन्द्रराज खरेलले स्वागत तथा प्रमुख प्रशासकीय अधिकृत प्रकाश खनाललगायतले मन्तव्य व्यक्त गरेका थिए ।
कार्यक्रममा रत्ननगर–१ क वडाध्यक्ष एवम् नगरप्रवक्ता कुलप्रसाद सापकोटा, रत्ननगर–५ का वडाध्यक्ष बालकृष्ण चापागाईं, रत्ननगर–६ का वडाध्यक्ष किरण महतो, रत्ननगर–८ का वडाध्यक्ष कृष्ण चौधरी, रत्ननगर–१६ का वडाध्यक्ष हेमराज थापा, कार्यपालिका सदस्यहरु सानु भण्डारी, यशोधा अधिकारी पौडेल, चन्द्रकला पनेरु, लक्षित वर्ग कार्यक्रम व्यवस्थापन समितिका सदस्य सम्झना लामिछाने, जमुना सुवेदीलगायतको उपस्थिति रहेको थियो ।
सोही अवसरमा ज्येष्ठ नागरिकका लागि कानुनी सचेतनासम्बन्धी अभिमुखीकरण सञ्चालन गरिएको थियो । अभिमुखीकरण कार्यक्रमको सहजीकरण अधिवक्ता बलराम पौडेलले गरेका थिए । कार्यक्रममा रत्ननगरका १६ वटै वडाका करिब २०० जना ज्येष्ठ नागरिकको सहभागिता रहेको थियो ।
सौराहा । बागमती प्रदेशका मुख्यमन्त्री इन्द्रबहादुर बानियाँले पर्यटन प्रवर्द्धनसँगै प्राणी संरक्षण गर्नुपर्नेमा जोड दिएका छन् ।
चितवनको सौराहामा १९ औँ चितवन हात्ती तथा पर्यटन महोत्सव–२०८२ उद्घाटन गर्दै उनले हात्तीलाई हाम्रो साथी भएको स्मरण गराए । विश्वमा घट्दै गएको हात्तीको संरक्षण अब मानवको जिम्मेवारी भएको र प्रदेश सरकार यसमा प्रतिबद्ध रहेको बताए ।
उनले भने, “मानिसले आफ्ना छोराछोरीलाई जस्तै हात्तीलाई सीप सिकाएको छ । पशुप्रति अन्याय नभएको र संरक्षणमै जोड दिइएको छ ।” बानियाँले हात्ती संरक्षणको जिम्मेवारी अब मानिसकै काँधमा रहेको बताए । जमिन, जङ्गल र जलको संरक्षण गर्दै प्राणीको रक्षा गर्नु मानव सभ्यताको सुन्दर पक्ष भएको उनको भनाइ थियो ।
भविष्यमा हात्तीपालन र संरक्षण गर्ने व्यवसायीलाई सहुलियतपूर्ण कर्जा उपलब्ध गराउने तयारी प्रदेश सरकारले गरिरहेको उनले जानकारी दिए । उनका अनुसार, महोत्सवका कारण पर्यटकको संख्या ३० देखि ३५ प्रतिशतसम्म वृद्धि भएको छ । विसं २०५५ देखि सुरू भएको यस महोत्सवले जिल्लाको पर्यटन प्रवर्द्धनमा उल्लेखनीय योगदान पु¥याएको मुख्यमन्त्री बानियाँको धारणा थियो ।
बागमती प्रदेश सरकारका संस्कृति तथा पर्यटनमन्त्री सूर्य श्रेष्ठले व्यवसायीहरुको समस्या समाधानमा सरकार प्रतिबद्ध रहेको बताए ।
कार्यक्रममा बोल्दै बागमती प्रदेश श्रम रोजगार तथा यातायात मन्त्री जयराम थापाले चितवनको पर्यटन सफल बनाउन सबैलाई आग्रह गर्दै मेला महोत्सवले पर्यटन प्रवर्द्धनमा सहयोग पुग्ने धारणा राखे ।
पर्यटन तथा सस्कृति मन्त्रालयका सचिव दीपेन्द्र सुवेदीले हात्ती महोत्सवलाई प्रदेश सरकारले प्राथमिकतामा राखेको बताए । कार्यक्रममा बोल्दै नेपाल पर्यटन बोर्डका कार्यकारी अधिकृत दीपकराज जोशीले महोत्सवले सस्कृति र पर्यटनलाई अगाडि बढाउन सहयोग पुगेको बताए ।
महोत्सवमा हात्तीसग सम्बन्धित गतिविधिहरु सञ्चालन गरिएको छ । महोत्सव मूल समारोह समितिका संयोजक गुणराज थपलियाले हात्ती महोत्सव सफल बनाउन आग्रह गर्दै सौराहासहित चितवनको पर्यटन प्रबद्धनको लागि महोत्सव आयोजना गरिएको बताए ।
चितवन राष्ट्रिय निकुञ्जका प्रमुख संरक्षण अधिकृत गणेश पन्तले वन्यजन्तु र पर्यटनमैत्री महोत्सव भएको भन्दै हात्तीहरुलाई एकीकृत वासस्थानको माग उठिरहेको र कानुन बनाएरै घरमा पालिएका हात्तीलाई घाँस खान पाउने व्यवस्था भएको बताए ।
सौराहाको बाघमारा चौरमा १९औँ संस्करणको हात्ती महोत्सव सुरू भएको हो । क्षेत्रीय होटल संघ चितवनको आयोजनामा सौराहासहित चितवनको पर्यटन प्रवर्द्धनका लागि हरेक वर्ष यहाँ हात्ती महोत्सव हुँदै आएको छ । रत्ननगर नगरपालिका संरक्षक र युनाइटेड हात्ती सञ्चालन सहकारी संस्था लिमिटेड सहआयोजक रहेका छन् ।
महोत्सवअन्तर्गत हात्तीको पेनाल्टी सुटआउट, हात्तीको शृङ्गार प्रतियोगिता, हात्ती वनभोज, हात्तीको स्वास्थ्य शिविर, हात्तीको दिनचर्याबारे जानकारी तथा हात्तीको पूजा गर्ने कार्यक्रम रहने आयोजकले जनाएको छ । उक्त गतिविधिमा सरकारी र निजी गरी ८० वटा हात्ती सहभागी छन् ।
भरतपुर । चितवन पोष्ट दैनिकको २९औँ वार्षिकोत्सवको अवसरमा संस्थालाई विगतदेखि वर्तमानसम्म योगदान दिएका तीन दर्जन बढी पत्रकारहरु सम्मानित भएका छन् ।
चितवन पोष्ट मिडिया प्रालिका अध्यक्ष दीपक आचार्यको अध्यक्षता एवम् राष्ट्रिय सभा अध्यक्ष नारायणप्रसाद दाहालको प्रमुख आतिथ्यतामा भएको कार्यक्रममा संस्थालाई विभिन्न समयमा योगदान गरेका व्यक्तिहरुलाई सम्मानित गरिएको हो ।
कार्यक्रममा दीर्घसेवा गरेबापत चितवन पोष्टका सहसम्पादक केशव भट्टराई, संवाददाताहरु किशोर खनाल र होमनाथ सापकोटालाई सम्मान गरिएको थियो । यस्तै, उत्कृष्ट कर्मचारीको रुपमा पत्रकार रामशरण गैरे सम्मानित भए ।
२५ वर्षदेखि निरन्तर विज्ञापन दिने हरेराम हरेकृष्ण सुनचाँदी पसललाई सम्मान गरिएको थियो । यस्तै, दुई दशकदेखि पत्रिका वितरण गर्दै आएका वितरक प्रमुख केशव भट्ट र यादव गिरीलाई कार्यक्रममा सम्मान गरिएको थियो ।
चितवन पोष्ट दैनिकमा काम गरेर योगदान पु¥याउने करिब २५ जना बढीलाई सम्मान गरिएको थियो । सम्मानित हुनेमा बबिलाल तामाङ, यतिराज सापकोटा, सुमित्रा सापकोटा, वसन्त पराजुली, रमेशकुमार पौडल, सूर्यप्रकाश कँडेल, कृष्ण कँडेल, कुलप्रसाद काफ्ले, विनोदबाबु रिजाल, जीवलाल पौडेललगायत रहेका छन् ।
कार्यक्रममा राष्ट्रिय सभा अध्यक्ष नारायणप्रसाद दाहालले देश विकासमा चितवन पोष्ट राष्ट्रिय दैनिकले ठूलो योगदान पु¥याएको बताए । अध्यक्ष दाहालले स्थानीय क्षेत्रको विकासममा मात्र नभएर चितवन पोष्टले देश विकासमै योगदान दिएको बताए ।
यस्तै, चितवन उद्योग संघका अध्यक्ष मदन घिमिरे, अग्रज साहित्यकार रेशम विरही, चितवन जिल्ला बार एसोसिएसनकी अध्यक्ष फूलमाया रानाभाट, नेपाल पत्रकार महासंघ चितवनका अध्यक्ष वसन्त पराजुली, पत्रकार महासंघ चितवनकी उपाध्यक्ष शान्ता अधिकारी, फोनिज केन्द्रका सचिव सन्दीपकुमार श्रेष्ठलगायतले मन्तव्य राखेका थिए ।
चितवन पोष्ट दैनिकका समाचार प्रमुख दीपेन्द्र अधिकारीले स्वागत मन्तव्य राखेको कार्यक्रममा संवाददाता तुलमान गुरूङले सञ्चालन गरेका थिए ।
भरतपुर । यही पुस ११ गतेदेखि दोस्रो इच्छाकामना सुन्तला महोत्सव तथा फुड फेस्टिवल–२०८२ हुने भएको छ । चितवन उद्योग संघ इच्छाकामना समिति र होटल व्यवसायी संघ इच्छाकामना एकाइ समितिको संयुक्त आयोजनामा महोत्सव गर्न लागिएको हो ।
पुस १५ गतेसम्म सञ्चालन हुने महोत्सवले आन्तरिक तथा बाह्य पर्यटकलाई आकर्षण गर्ने टेवा पुग्ने विश्वासका साथ कार्यक्रमको आयोजना गरिएको आयोजकको भनाइ छ । आयोजक समितिले सोमबार पत्रकार सम्मेलन गरी महोत्सवका बारेमा जानकारी दिएको छ । प्रदर्शनीमा ५० भन्दा बढी स्टल रहने चितवन उद्योग संघ इच्छाकामना समितिका अध्यक्ष रामहरि कँडेलले जानकारी दिए ।
उनका अनुसार महोत्सवमा इच्छाकामनाका १०० जना सुन्तला उत्पादन गर्ने किसानले आफ्नो उत्पादनको प्रत्यक्ष लाभ लिनेछन् । स्थानीय कला, संस्कृति र परम्पराको संरक्षण तथा संवद्र्धन हुने तथा स्थानीयस्तरमा आपसी भाइचारा र व्यावसायिक सञ्जाल निर्माण हुन गई सम्बन्ध विस्तार हुने लक्ष्य लिइएको छ ।
इच्छाकामना गाउँपालिकाका अध्यक्ष दानबहादुर गुरूङले सुन्तला उत्पादनबाट वार्षिक यस क्षेत्रका जनताले नौ करोडदेखि १० करोड रूपैयाँको कारोबार गर्ने गरेको बताए । पछिल्लो समय केही बगैँचा नष्ट भएका कारण उत्पादनमा गिरावट आएको देखिएको उनले जानकरी दिए ।
सुन्तलाका बगैँचा जोगाउन र नयाँ क्षेत्र विस्तार गर्न प्रत्येक वर्ष बीउबाट उत्पादन गरिएको सुन्तलाका बिरुवा वितरण गरिँदै आइएको छ । नयाँ प्रविधियुक्त सामग्रीको वितरण, टिपाइ, गोडमेल, गोठेमल तथा सिँचाइ व्यवस्थापनमा आवश्यक सहयोग गाउँपालिकाले गर्दै आएको उनले बताए ।
गाउँपालिकामा विभिन्न प्रकारका पर्यटकलाई आकर्षित गर्न सक्ने सम्भावना बोकेको क्षेत्र भएकाले यसको प्रचारप्रसारका लागि महोत्सव आयोजना गरिएको उनले बताए । धार्मिकस्थल तथा प्राकृतिक रूपमा मनमोहक स्थान यहाँ रहेका छन् । त्यसले आन्तरिक तथा बाह्य पर्यटन प्रवर्द्धन गर्न मद्दत पुर्याउन सक्ने उनले विश्वास व्यक्त गरे । मुग्लिन बजार क्षेत्रमा हुने महोत्सवले स्थानीय उत्पादनलाई प्रवर्द्धन गर्न सहयोग पुग्ने उनले बताए ।
काठमाडौँ । जापानिज इन्सेफ्लाइटिसको सङ्क्रमणबाट यस वर्ष ३५ जनाको मृत्यु भएको छ । स्वास्थ्यसेवा विभाग परिवार कल्याण महाशाखाअन्तर्गतको बाल स्वास्थ्य तथा खोप शाखाका प्रमुख डा. अभियान गौतमका अनुसार १७९ जना जनामा जापानिज इन्सेफ्लाइटिसको सङ्क्रमण भएको थियो ।
यस वर्ष जापानिज इन्सेफ्लाइटिसका एक हजार ७३९ शङ्कास्पद बिरामीको परीक्षण गरिएको उनले बताए । जापानिज इन्सेफ्लाइटिस् सङ्क्रमण एकपटक भएपछि अर्कोपटक नभए पनि शङ्कास्पद बिरामीलाई भने अर्कोपटक जापानिज इन्सेफ्लाइटिस् हुन सक्ने उनको भनाइ छ ।
गत वर्ष सन् २०२४ मा २५ जना जापानिज इन्सेफ्लाइटिसबाट मृत्युु भएका थिए । उनले बर्सेनि जापानिज इन्सेफ्लाइटिसबाट मृत्युु हुनेको संख्या बढ्दै गएको बताए । गत वर्ष जापानिज इन्सेफ्लाइटिस् सङ्क्रमण ८६ जना देखिएको थियो । सन् २०१४ मा चार जना, सन् २०१७ मा एक जना र सन् २०२३ मा सात जना जापानिज इन्सेफ्लाइटिसबाट मृत्युु भएका थिए ।
डा. गौतमका अनुसार यस वर्ष तीन वर्षदेखि ८९ वर्षसम्मका मानिसलाई जापानिज इन्सेफ्लाइटिस् देखिएको थियो । जापानिज इन्सेफ्लाइटिसबाट २८ जिल्ला उच्च जोखिममा छन् ।
मृत्यु हुने अधिकांश ४० वर्षमाथिका छन् । उनले मृत्यु भएकामध्ये नौ प्रतिशतले खोप लगाएको तथा अन्यले खोप नलगाएको पाइएको बताए । गौतमले चिसो बढेकोले अब भने जापानिज इन्सेफ्लाइटिस् सङ्क्रमण कम हुने बताए ।
यो रोग विशेषगरी साउनदेखि कात्तिकसम्म बढी देखिन्छ । नेपालमा ८२ प्रतिशत बालबालिकालाई जापानिज इन्सेफ्लाइटिसविरुद्धको खोप लगाइएको छ ।
जापानिज इन्सेफ्लाइटिस् ‘क्युलेक्स’ प्रजातिको लामखुट्टेको टोकाइबाट सर्ने एक प्रकारको गम्भीर रोग हो । यो लामखुट्टे साँझपख तथा झिसमिसे बिहानीको समयमा बढी सक्रिय हुने गर्दछ । धानबाली, दलदल र पानी जम्ने स्थान लामखुट्टेको लागि प्रजनन स्थल बन्ने हुनाले यस्ता क्षेत्रमा सङ्क्रमणको जोखिम बढी हुन्छ । नेपालमा सन् १९७८ मा पहिलोपटक रुपन्देही जिल्लामा जापानिज इन्सेफ्लाइटिस् देखिएको थियो । रासस
चितवन । भरतपुर महानगरपालिकाले महानगर क्षेत्रमा सिसी क्यामेरा जडानको काम सुरू गरेको छ । महानगरका २०० भन्दा बढी स्थानमा क्यामेरा जडानको काम सुरू गरिएको हो ।
महानगरपालिका प्रमुख रेनु दाहालले क्यामेरा जडानको कामको एक समारोहबीच शुभारम्भ गरिन् । महानगरपालिका २९ वडाका मुख्य–मुख्य चोकमा क्यामेरा जडानको काम सुरू गरिएको छ । नेपाल टेलिकम र जिल्ला प्रहरी कार्यालयसँगको सहकार्यमा क्यामेरा जडानको काम सुरू गरिएको छ ।
महानगरपालिकाका सिनियर डिभिजनल इन्जिनियर सन्तोष आचार्यका अनुसार २९ वटै वडाका २०० भन्दा बढी स्थानमा ४१८ क्यामेरा जडान गर्न लागिएको छ । चार अटोमेटिक नम्बर प्लेट रिकोनाइजेसन (एएनपिआर)सहित ४१८ उच्च क्षमताका भिएमएससहितका क्यामेरा जडान गर्न लागिएको छ । सिनजी आइटी सोलुसन प्रालिले रु पाँच करोड ५८ लाख २० हजार ६४९ को लागतमा क्यामेरा जडानको काम गर्दैछ ।
उद्घाटन गर्दै महानगर प्रमुख दाहालले आधुनिक सहर बनाउने अभियानअन्तर्गत सिसी क्यामेरा जडानको काम सुरू गरिएको बताइन् । सुरक्षित र भयरहित तवरले जनता बाँच्न पाउनुपर्ने भन्दै यो योजना अघि बढाइएको उनको भनाइ छ । उनले भनिन्, “सिसी क्यामेरा जडानसँगै सुरक्षित सहरको सपना सहाकार भएको छ ।”
महानगरपालिकाले २०६ किलोमिटर सडकमा स्मार्ट सडक बत्ती जडानको काम गरिएको उनले बताइन् । एकानब्बे वटा चोकमा हाइमास्ट लाइट जडान गरिएको छ । यस्तै महानगरका छवटा चोकमा ट्राफिक लाइट जडान गर्ने योजना पनि कार्यान्वयनमा ल्याउन लागिएको उनले जानकारी दिइन् । ती सबै क्यामेराको ‘कन्ट्रोल रुम’ जिल्ला प्रहरी कार्यालयमा रहने छ ।
सो अवसरमा महानगरपालिका उपप्रमुख चित्रसेन अधिकारीले समाजमा हुने हरेक घटनालाई निगरानी गर्दै सुरक्षाको प्रत्याभूति दिलाउन महानगरपालिकाले क्यामेरा जडान गरेको बताए । यो योजनाले जनता सुरक्षित भएको महसुस गर्ने उनको भनाइ छ । सो अवसरम महानगरपालिकाका प्रमुख प्रशासकीय अधिकृत लक्ष्मिप्रसाद पौडेलले जडान गरिएका क्यामेराको संरक्षण गर्न आवश्यक रहेको बताए ।
नेपाल टेलिकमको फाइबरमार्फत सिसी क्यामेरा सञ्चालन गरिने छ । महानगरपालिकाले नेपाल टेलिकामसँग सम्झौता गरेर काम अघि बढाएको हो । नेपाल टेलिकम भरतपुरका प्रमुख राकेश चौधरीले सार्वजनिक बिदाको दिनसमेत मर्मतको काम नरोकेर कामलाई अघि बढाइएको बताए । सो अवसरमा जिल्ला प्रहरी कार्यालयका प्रमुख प्रहरी उपरीक्षक गोविन्द पुरीले क्यामेराको प्रभावकारी कार्यान्वयनको पक्षमा आफूहरू लाग्ने बताए ।
भरतपुर । ऊर्जा तथा जलस्रोतमन्त्री कुलमान घिसिङले उज्यालो नेपाल पार्टी कोही कसैप्रति दूराग्रह बोकेर नहिँड्ने बताएका छन् । शनिबार पार्टीको जिल्लास्तरीय भेलालाई सम्बोधन गर्दै मन्त्री घिसिङले आफूहरुमाथि जस्तोसुकै आरोप आए पनि त्यसको प्रतिवादमा उत्रिनुको अर्थ नरहेको बताएका हुन् ।
‘हामी कसैले लगाएको आरोपको खण्डन गर्दैनौँ । किनकि आरोप लाग्छ, दुई महिनापछि त्यो आरोप सत्य हो कि आरोप मात्रै हो भन्ने कुरा पुष्टि भइहाल्छ,’ उनले भने, ‘त्यसकारण हामीले काम गरेर देखाउने हो । जनतालाई डेरिभरी दिने हो, बोल्ने होइन ।’
देश बदल्नको लागि सामाजिक काम या अभियान चलाएर मात्रै नहुने हुँदा दलमार्फत नै राजनीतिमा होमिएको पनि उनले बताए । ‘म नेपाल विद्युत प्राधिकरणको कार्यकारी निर्देशकबाट हटाइएपछि अब मैले के गर्ने त ? कि त घरमै बस्नुपर्यो । कि त धार्मिक संस्थामा जोडिएर काम गर्न पर्यो । कि त अरु सामाजिक संघसंस्थामा बसेर काम गर्नुपर्यो,’ उनले भने, ‘ती संस्थामा बसेर देशमा ठोस परिवर्तन गर्न सकिँदैन भनेर राजनीतिमा लागेँ ।’
विद्युत प्राधिकरणको कार्यकारी निर्देशकबाट हटाइएपछि देश दौडाहामा निस्किँदा पाएको प्रतिकिृयाका आधारमा पनि राजनीतिमा आउन सहज भएको उनले बताए । ‘धेरैले धेरैथरी प्रतिकृया दिनुभयो । त्यसैलाई आत्मसात गर्दै राजनीतिमा आएको हुँ,’ उनले भने, ‘धेरैजसोले राजनीतिमा आउनुपर्छ भन्ने सल्लाह दिनुभयो । केहीले चाहिँ राजनीति फोहोरी खेल हो तपाइँजस्तो मान्छे राजनीतिमा आउनु हुन्न भन्नु भएको थियो । तर, देश बदल्नको लागि नीतिगत तहमै पुग्नुपर्ने देखिएकोले मैले राजनैतिक बाटो समातेको हुँ ।’
जनस्तरको काम गर्न अथवा जनतालाई डेलिभरीसहितको सुविधा दिनको लागि कानुनीरुपमै बलियो हुनुपर्ने उनले बताए । ‘किसानले धान उत्पादन गर्छ । तर, मूल्य नपाएर गोदाममै थन्किएको छ । यता हामी भने बाहिरी मुलुकबाट आएको चामल किनेर खान बाध्य छौँ,’ उनले भने, ‘हो, यस्तो अवस्था आउन नदिनको लागि हामी कानुनी रुपमै बलियो हुन जरुरी छ । जबकि कुनै पनि किसानको धान बिक्री नहुँदा बिचौलियालाई आधा मूल्यमा बेच्न नपरोस् ।’
चितवन जिल्लालाई देशको ७७ जिल्लाभन्दा पनि पछिको जिल्ला मानिएको हुँदा चितवनको विकासमा हुनुपर्ने काम अझै बाँकी रहेको मन्त्री घिसिङको भनाइ छ । कृषि, उद्योग, व्यापार हरेक दृष्टिमा चितवन अगाडि रहेको हुँदा चितवनलई देशको प्रमुख शहरको रुपमा विकास गर्न आवश्यक रहेको उनको भनाइ छ । त्यसकारण चितवन जिल्लालाई नमुना जिल्लाको रुपमा विकास गर्न आवश्यक रहेको उनले बताए ।
यसैगरी, उज्यालो नेपाल पार्टीकी नेतृ रीमा विश्वकर्माले नेकपा एमालेका अध्यक्ष केपी ओलीको पछिल्लो अभिव्यक्तिप्रति आपत्ति जनाएकी छिन् । एमाले नेतृत्वमाथि कसैले छुने आँट गरे देश ठप्प पार्ने एमाले अध्यक्ष ओलीको अभिव्यक्तिप्रति केन्द्रित हुँदै उनले भनिन्, ‘के देश उहाँको कुटी हो र ठप्प पार्न र खोल्नलाई ?’ देश कसैको कुटी नभएको भन्दै जबर्जस्ती बन्द गराउने चेतावनी अस्वीकार्य भएको उनको भनाइ छ ।
संविधानको कुरा गर्ने एमालेले नै संविधानको पालना नगरे नागरिकता र उत्तरदायित्वमाथि प्रश्न उठ्ने उनले बताइन् । ओलीको अभिव्यक्तिले मानवीय संवेदना भड्काउनुका साथै देश र समाजलाई गलत दिशामा लैजाने भएकोले यस्ता अभिव्यक्ति दिनबाट सचेत हुन पनि उनले आग्रह गरिन् ।
रत्ननगर । रत्ननगर नगरपालिकाका मेयर प्रलाद सापकोटाले तीन महिनाको सेवासुविधाबापतको रकमबाट राष्ट्रिय आधारभूत विद्यालय जमुनापुरका विद्यार्थीलाई ट्रयाकसुट र शैक्षिक सामग्री सहयोग गरेका छन् ।
विद्यालय परिसरमा आयोजित कार्यक्रममा मेयर सापकोटासहितका जनप्रतिनिधिहरुले उक्त सामग्री विद्यार्थीहरुलाई हस्तान्तरण गरेका थिए । सामग्री हस्तान्तरण गर्दै मेयर सापकोटाले भने, “मेयर हुनुअघिदेखि नै म समाजसेवामा लागिपरेको व्यक्ति हुँ, मेयर भएपछि यो जिम्मेवारीले मलाई अझ बढी अवसर दिएको छ । नगरपालिकाबाट मैले प्राप्त गर्ने तलबभत्ता पूर्णरुपमा समाजसेवामा खर्च गर्दै आएको छु । यो रकमबाट मैले व्यक्तिगत खर्च गरेको छैन, बरू आवश्यकता परेका ठाउँमा सहयोग पु¥याएको छु ।”
उनले पछिल्लो समय आफ्नो विषयमा केही व्यक्तिबाट नकारात्मक टिप्पणी र आलोचना भएको प्रसङ्ग पनि उठाए । उनले भने, “केही व्यक्तिहरुले मेरो कामका बारेमा नराम्रो टिप्पणी गरेका छन् । तर, यस्ता कुराले मलाई कुनै असर गर्दैन, बरू यस्ता टिप्पणीले मलाई अझ बढी ऊर्जा दिन्छ । म समाजसेवामा निरन्तर लागिरहन्छु र यो क्रम कहिल्यै रोकिँदैन, मेरो उद्देश्य केवल नगरवासीको हित र विकास हो ।”
कार्यक्रममा मेयर सापकोटाले आगामी शिक्षानीतिबारे पनि मह¤वपूर्ण जानकारी दिए । “हामी २०८३ सालदेखि कक्षा १२ सम्म निःशुल्क शिक्षा लागू गर्ने तयारीमा जुटेका छौँ । यो नगरपालिकाको ठूलो उपलब्धि हुनेछ र हाम्रा बालबालिकाको भविष्य उज्यालो बनाउन मद्दत पुग्नेछ”, उनले भने ।
विद्यालयका प्रधानाध्यापक झलकबहादुर अधिकारीले मेयर सापकोटाको सहयोगप्रति धन्यवाद व्यक्त गरे । उनले विद्यालयमा हाल १२६ जना विद्यार्थी अध्ययनरत रहेको जानकारी दिँदै भौतिक पूर्वाधारको सुधारका लागि नगरपालिकाको ध्यानाकर्षण गराए ।
कार्यक्रममा नगर प्रवक्ता तथा वडा नम्बर–१ का वडाध्यक्ष कुलप्रसाद सापकोटा, वडा नम्बर–३ का वडाध्यक्ष सोहेन्द्रराज खरेल, वडा नम्बर–४ का रामकुमार चौधरी, वडा नम्बर–६ का किरण महतो, वडा नम्बर–१० का कलाधर पौडेल, वडा नम्बर–८ का कृष्ण चौधरी, वडा नम्बर–९ का अनन्त अधिकारी र वडा नम्बर–१२ का सुन्दरमणि सुवेदीलगायतका जनप्रतिनिधिहरुको उपस्थिति थियो ।
कार्यक्रमको सञ्चालन अनिता अर्यालले गरेकी थिइन् भने कार्यपालिका सदस्य चन्द्रकला पनेरुले स्वागत मन्तव्य राखेकी थिइन् । विद्यालय व्यवस्थापन समितिका कार्यवाहक अध्यक्ष डकबहादुर गुरूङको सभापतित्वमा कार्यक्रम सम्पन्न भएको थियो ।
नारायणगढ । राष्ट्रिय स्वतन्त्र पार्टी (रास्वपा)का सभापति रवि लामिछानेले वर्तमान परिस्थितिमा निर्वाचनको विकल्प नरहेको बताएका छन् ।
कारागारबाट रिहा भएपछि चितवनको भरतपुरस्थित चौबिसकोठीमा आफ्ना कार्यकर्ता र शुभेच्छुकलाई सम्बोधन गर्दै उनले जेनजीले देखाएको सपना पूरा गर्न निर्वाचनको विकल्प नरहेको बताएका हुन् । उनले नवपुस्ताका मागको सम्बोधन र निर्वाचन सम्पन्न गर्न दृढ रूपमा उभिने प्रतिबद्धता व्यक्त गरे ।
सभापति लामिछानेले भने, “निर्वाचनअघि जेनजी आन्दोलनको बलमा बनेको सरकारले उनीहरूका सपना पूरा गर्ने हिम्मत र क्षमता देखाओस् । रास्वपा जेनजीका माग पूरा गर्न र निर्वाचन सम्पन्न गर्ने हकमा सरकारसँग सधैँ खडा हुनेछ ।”
उनले सुशासनका सवालमा सरकार दृढतापूर्वक उभिनुपर्नेमा जोड दिए । सभापति लामिछानेले भने, “मेरो व्यक्तिगत माग केही छैन । जेनजीले जेका लागि बलिदानी दिएका थिए त्यो पूरा गर्न सरकार अडिग रहोस्, त्यसमा हामी साथ दिन्छौँ । सुशासनका भाइ–बहिनीले बगाएको रगत, तिनका परिवारको सपनाबारे सरकारले कुनै कसर बाँकी नराखोस् ।”
देश जटिल परिस्थितिमा उभिएकाले सबैले संयमित भएर काम गर्नुपर्नेमा जोड दिँदै उनले आवेग वा उत्तेजनामा काम गरेर केही हासिल नहुने धारणा राखे । सभापति लामिछानेले प्रतिशोधपूर्ण राजनीति आफूबाट नहुने र सधैँ लोकतन्त्रमा विश्वास गर्दै जिम्मेवार भएर अघि बढ्ने प्रतिबद्धता व्यक्त गरे ।
चितवन । गत भदौ २३ र २४ गते भएको जेनजी प्रदर्शनका क्रममा घाइते भएका सात जनाको वर्गीकरणका लागि सिफारिस गरिएको छ । यस जिल्लामा रहेका १४२ घाइतेमध्ये उनीहरुको वर्गीकरण गरी केन्द्रमा सिफारिस गरिएको हो ।
जिल्ला प्रशासन कार्यालयका सहायक प्रमुख जिल्ला अधिकारी चूडामणि शर्मा गौतमका अनुसार घाइतेमध्ये अहिलेसम्म १७ जनाले परिचयपत्र बनाएका छन् । तीमध्ये सात जनाको जिल्लामा निर्णय गरेर वर्गीकरणका लागि पठाइएको हो ।
वर्गीकरण गरिएकामा अधिकांश मध्यम र सामान्य घाइते रहेका छन् । जेनजी प्रदर्शनका क्रममा भएका घाइतेको वर्गीकरणसम्बन्धी कार्यविधिका आधारमा केन्द्रमा प्राविधिक समिति रहेको छ भने जिल्लामा जिल्लास्तरीय वर्गीकरण सहजीकरण समितिले घाइतेको वर्गीकरण गर्ने गर्दछ ।
प्रमुख जिल्ला अधिकारीको अध्यक्षतामा आठ सदस्यीय समन्वय समिति रहेको छ । समितिमा सङ्घीय अस्पतालको प्रमुख मेडिकल सुपरीटेन्डेन्ट, दुई जना चिकित्सक, जनस्वास्थ्य प्रमुख, प्रहरी अधिकारी र जिल्ला प्रशासन कार्यालयका अधिकृत रहने व्यवस्था छ । समितिले जिल्लामा वर्गीकरण गरेर केन्द्रमा पठाउने गरेको छ ।
केन्द्रको प्राविधिक टोलीले पुनः हेरेर स्वास्थ्य मन्त्रालय हुँदै मन्त्रिपरिषद्मा पेस गर्नेछ । अतिगम्भीर, गम्भीर, मध्यम र सामान्य गरी चार चरणमा वर्गीकरण गरिने गौतमले जानकारी दिए । उनका अनुसार घाइतेमध्ये अतिगम्भीर, गम्भीर र मध्यम घाइतेलाई अवस्थाअनुसार जीवननिर्वाह भत्ता राज्यले व्यवस्था गरेको छ ।
जिल्लामा भएको प्रदर्शनका क्रममा घाइते भएकाको परिचयपत्र बनाएसँगै उनीहरुलाई सुरुआती समयमा रु २० हजारसम्म उपचार खर्च दिने व्यवस्था रहेको छ । परिचय पत्र अन्य जिल्लाका स्थायी बासिन्दा भएकाको हकमा सो जिल्लाबाट नलिएको प्रमाणसहित निवेदन दिनसमेत उनले आग्रह गरे । परिचयपत्र वितरण र वर्गीकरणको काम भइरहेकाले प्रदर्शनका क्रममा भएका घाइतेलाई स्थानीय प्रशासनमा सम्पर्कमा आउनसमेत प्रशासनले आग्रह गरेको छ ।
चितवन । चितवनको इतिहास, बस्ती विकास र प्रजातान्त्रिक आन्दोलनमा योगदान पुर्याएका व्यक्तित्व बखानसिंह गुरूङलाई केन्द्रमा राखेर लेखिएको ‘बखान’ उपन्यासमाथि समुदायस्तरबाट औपचारिक चर्चा–परिचर्चा सुरू भएको छ । स्थानीय तहको पहलमा पहिलोपटक किताबमाथि सार्वजनिक बहस थालिएको हो ।
भरतपुर महानगरपालिका वडा नं–२५ को प्रवर्द्धनमा शुक्रबार पश्चिम चितवनको शुक्रनगरमा ‘बखान’ उपन्यासमाथि परिचर्चा सम्पन्न भएको छ । थारु पत्रकार संघ चितवन र सुधापुञ्ज साहित्य समितिको सहकार्यमा आयोजना गरिएको कार्यक्रममा उपन्यासले चितवनको बस्ती विकास, पर्यटन प्रवर्द्धन तथा प्रजातन्त्र प्राप्तिमा बखानसिंह गुरूङले खेलेको ऐतिहासिक भूमिकालाई सशक्तरूपमा उजागर गरेको निष्कर्ष निकालिएको छ ।
उपन्यासमाथि समीक्षात्मक धारणा राख्दै डा. सञ्जय महतोले चितवनको बस्ती विकासदेखि आदिवासी थारु समुदायको संस्कृति र जीवनशैलीलाई उपन्यासमा सन्तुलित र सजीव ‘सेटिङ’का साथ प्रस्तुत गरिएको बताए । उनले राप्ती दून परियोजनामार्फत बखानसिंह गुरूङले बाँझो जमिनलाई उर्बर बनाउन खेलेको भूमिकालाई उपन्यासले सुन्दर ढङ्गले चित्रण गरेको उल्लेख गरे ।
“यो उपन्यास धेरै हिसाबले सबल छ । सहकारी र कृषिलाई जोडेर आजको विकसित चितवन कसरी निर्माण भयो भन्ने विषयको ऐतिहासिक पृष्ठभूमि प्रभावकारीरूपमा उठान गरिएको छ,” डा. महतोले भने, “इतिहासको चर्चा गर्दा थारु समुदायका मिथकहरूमा थप अध्ययन आवश्यक देखिन्छ।
त्यस्तै, कविडाँडा साहित्य समाजका अध्यक्ष एलबी क्षेत्रीले समुदायस्तरमै पुगेर गरिएको यो समीक्षा ‘रोबर्टियन शैली’को गहिरो अप्रेसनजस्तै भएको टिप्पणी गरे । लेखकले इतिहासलाई समाजसँग जोड्दै पुनः ऐतिहासिकरण गर्न सफल भएको उनको धारणा थियो । लामो समयसम्म ओझेलमा परेका प्रजातन्त्र सेनानी बखानसिंह गुरूङको योगदानलाई आख्यानमार्फत दस्तावेजीकरण गर्नु उपन्यासको ठूलो उपलब्धि भएको उनले बताए ।
अब ‘बखान’जस्ता कृतिहरू पाठ्यक्रममै समावेश गर्नुपर्छ भन्ने बहस उठ्न थालेको छ। इतिहास बिर्सिएर वर्तमानमा बाँच्न नसकिने भन्दै स्थानीय समुदायले नयाँ पुस्ताले यो पुस्तक पढेमा धेरै आयाममा ज्ञान आर्जन गर्न सक्ने प्रतिक्रिया दिए ।
कार्यक्रमका अवसरमा ‘बखान’ उपन्यासका लेखक वसन्त पराजुलीलाई सम्मानसमेत गरिएको थियो । भरतपुर–२५ का वडाध्यक्ष छविलाल सापकोटाले स्थानीय भावना र इतिहास समेटिएको पुस्तकबारे स्थानीयस्तरमै छलफल आवश्यक ठानी कार्यक्रम आयोजना गरिएको जानकारी दिए ।
यसैबीच, सोही अवसरमा वडाभित्रका ज्येष्ठ नागरिकहरुलाई सम्मानसमेत गरिएको थियो ।
बुटवल । राष्ट्रिय स्वतन्त्र पार्टी (रास्वपा)का सभापति रवि लामिछानेलाई उच्च अदालत तुलसीपुर, बुटवल इजलासले बैंक जमानत स्वीकार गरी रिहा गर्न आदेश दिएको छ ।
बुटवलस्थित सुप्रिम सहकारीको रकम ठगी मुद्दामा पुर्पक्षका लागि थुनामा रहेका पूर्वउपप्रधान तथा गृहमन्त्री लामिछानेलाई बिहीबार रिहा गर्न आदेश भएको हो ।
उच्च अदालत तुलसीपुर बुटवल इजलासका न्यायाधीश वासुदेव आचार्य र तेजनारायण पौडेलको इजलासले अदालतबाट अन्तिम फैसला हुँदा ठहरेबमोजिम हुने नै हुँदा बिगोका हकमा थप दायित्व सृजना गरेमा र तिर्न बुझाउन मञ्जुर भए सो को कागज गरी प्रतिवादी रवी लामिछानेलाई सुप्रिम सहकारीको रकम ठगी मुद्दाको रोहबाट थुनामुक्त गर्नु भनी आदेश भएको अदालतका सूचना अधिकारी रामबहादुर कुँवरले जानकारी दिए ।
सहकारीको रकम अपचलन मुद्दामा पुर्पक्षका लागि थुनामा रहेका लामिछानेले आफू कार्यरत रहेको संस्थामा सुप्रिम सहकारीबाट रकम प्रवाह भएको बिगोमध्ये दामासाहीले हुने बिगो बैंक ग्यारेन्टी राखी मुलुकी फौजदारी कार्यविधि संहिता, २०७४ को दफा ७१ अनुसार बैंक ग्यारेन्टी लिई मुद्दाको पुर्पक्ष गरी पाउँ भनी माग गरेका थिए ।
सोही मागअनुसार लामिछानेले बचतकर्ताको बिगो प्राप्त गर्ने सुनिश्चितता गरेको देखिएकाले बचतकर्ता तथा लगानीकर्ताको रकम सुनिश्चितता नै पहिलो प्राथमिकता हुने ठहर गरी बैंक जमानत स्वीकार गरी मुद्दाको कारबाही अगाडि बढाउन आदेश गरिएको सूचना अधिकारी कुँवरले जानकारी दिए ।
यसरी सुरू रुपन्देही जिल्ला अदालतले विसं २०८१ माघ १३ मा सुरु थुनछेकको क्रममा माग गरेको धरौटी रकम दफा ६८ अनुसार स्वीकार गरी प्रतिवादीले निवेदन साथ पेस गरेको बैंक जमानत (ग्यारेन्टी) दुई करोड ७४ लाख ८४ हजार रुपैयाँ बिगोका हक सुरक्षित गर्ने भनी आदेशमा भनिएको छ ।
काठमाडौँ । नेपाल कम्युनिस्ट पार्टी (एमाले)को अध्यक्षमा केपी शर्मा ओली विजयी भएका छन् । उनले आफ्ना प्रतिद्वन्द्वी ईश्वर पोखरेललाई भारी मतले पराजित गरेका छन् ।
केन्द्रीय निर्वाचन आयोगका अनुसार नेता ओलीले एक हजार ६६३ मत प्राप्त गरेका छन् । उनका प्रत्यासी पोखरेलले पाँच सय ६४ मत प्राप्त गरे ।
यसैगरी, महासचिवमा शङ्कर पोखरेल एक हजार २२८ मतका साथ विजयी भएका छन् भने उनको प्रतिस्पर्धी सुरेन्द्रप्रसाद पाण्डेले ९९९ मत प्राप्त गरेका छन् ।
यस्तै, उपाध्यक्षमा पृथ्वीसुब्बा गुरूङले १७३७ मत, विष्णुप्रसाद पौडेलले १६७५ मत, रामबहादुर थापाले १५१६ मत, गोकर्णराज विष्टले १३६८ मत र रघुजी पन्त १२५८ मतका साथ विजयी भएका छन् ।
यसैगरी, उपमहासचिवमा लेखराज भट्टले १४५२ मत, रघुवीर महासेठले १३६८ मत र योगेश भट्टराई १३४८ मतका साथ विजयी भए ।
यस्तै, सचिवमा महेश बस्नेतले १५४४ मत, छविलाल विश्वकर्माले १५०६ मत, पद्माकुमारी अर्यालले १५३० मत , शेरधन राईले १५०३ मत, हिक्मतकुमार कार्कीले १३३७ मत, खगराज अधिकारीले १३३१ मत, यमलाल कँडेलले ११८५ मत, राजन भट्टराईले ११८१ मत र भानुभक्त ढकाल ११०८ मतका साथ विजयी भए ।
ओलीको सङ्घर्षपूर्ण राजनीतिक यात्रा :
एमालेका नवनिर्वाचित अध्यक्ष केपी शर्मा ओली मुलुकको राजनीतिक क्षेत्रमा एक जुझारु, सङ्घर्षशील एवम् जेलनेल भोगेको नेताका रुपमा स्थापित छन् । यसैगरी अध्ययनशील, निर्णयमा अडिग र आफूलाई विश्वास गर्ने नेता, कार्यकर्ता र शुभेच्छुकलाई साथ–सहयोगसहित यथाशक्य संरक्षण गर्न कन्जुस्याइँ नगर्ने नेताका रुपमा चिनिन्छन् ।
एमाले पार्टीको यसअघि दुई कार्यकाल नेतृत्व गरिसकेका नेता ओली काठमाडौँमा सम्पन्न ११ औँ महाधिवेशनमा प्रतिस्पर्धी ईश्वर पोखरेलभन्दा १०९९ मत बढी प्राप्त गरी तेस्रो कार्यकालका लागि अध्यक्ष पदमा निर्वाचित भए ।
झापा विद्रोहमा नेतृत्वदायी भूमिका निर्वाह गर्दै जेलनेलसहित अनेकौँ आरोहअवरोह झेलेर मुलुकको राजनीतिक केन्द्रमा रहन सफल अध्यक्ष ओलीले तीनपटक देशको नेतृत्व गरिसकेका छन् ।
पछिल्लो पटक २०८१ असार ३१ मा नेपाली कांग्रेससँगको सहकार्यमा चौथो पटकका लागि मुलुकको प्रधानमन्त्रीको जिम्मेवारी सम्हालिसकेका ओलीले गत भदौ २३ र २४ गतेको जेनजी आन्दोलनपछि प्रधानमन्त्रीबाट राजीनामा दिएका थिए ।
गत मङ्सिर २७ गतेदेखि काठमाडौँमा सुरू भएको ११औँ महाधिवेसनमा पार्टीभित्र पुस्तान्तरण र हस्तान्तरणको आवाज उठे पनि देश र प्रदेशबाट छानिएर आएका महाविेशन प्रतिनिधिहरूले पुनः ओलीलाई नै नेतृत्वको जिम्मेवारी सुम्पेका छन् । विघटित प्रतिनिधिसभामा दोस्रो ठूलो दलका रुपमा रहेको एमालेलाई विशेषगरी जेन्जी आन्दोलनपछि मुलुकमा विकसित राजनीतिक घटना, परिघटनाबीच नेतृत्व गर्ने चुनौती ओलीसमक्ष रहेको छ ।
अध्यक्ष ओली विसं २०७१ साउन १ गते काठमाडौँमा सम्पन्न पार्टीको नवौँ राष्ट्रिय महाधिवेशनमा पहिलोपटक अध्यक्षमा निर्वाचित भएका थिए । यसैगरी २०७८ मङ्सिर दोस्रो साता चितवनको सौराहामा सम्पन्न दसौँ राष्ट्रिय महाधिवेशनबाट उनी अध्यक्ष भएका थिए ।
समृद्धि, विकास र राष्ट्रियताका पक्षमा स्पष्ट अडान राख्ने नेताका रुपमा छवि कमाएका अध्यक्ष ओली आत्मविश्वाससहित हठी नेताका रुपमा चिनिन्छन् ।
नेपालको वर्तमान संविधान जारी भएसँगै २०७२ असोज २४ गते अध्यक्ष ओली पहिलोपटक मुलुकको प्रधानमन्त्री बनेका थिए । यसैगरी, तत्कालीन नेपाल कम्युनिस्ट पार्टी (माओवादी केन्द्र)को समर्थनमा २०७४ फागुन ३ गते झन्डै दुई तिहाइ बहुमतसहित उनी दोस्रोपटक सरकारको नेतृत्वमा पुगेका थिए ।
विसं २०७५ जेठ ३ मा एमाले र तत्कालीन माओवादी केन्द्रको एकतापछि पहिलो वरियताको अध्यक्ष भएका उनी पार्टीभित्रको विवाद तथा विभाजनबीच संसद् विघटन गर्ने उनको निर्णय सर्वोच्च अदालतबाट बदर भएपछि सरकारबाट बर्हिगमन भएका थिए ।
निम्नमध्यम् वर्गीय परिवारमा बुबा मोहनप्रसाद र आमा मधुमायाका सुपुत्र पूर्वप्रधानमन्त्री ओली लोकतन्त्रका लागि लामो सङ्घर्ष, जेलनेल, पटक–पटक कठोर यातना भोग्ने नेता हुन् । पूर्वी पहाडी जिल्ला तेह्रथुमको आठराईस्थित इवा गाउँको साधारण किसान परिवारमा २००८ साल फागुन ११ मा जन्मिएका ओली चार वर्षको उमेरमै मातृस्नेहबाट विमुख हुन पुगेका थिए । हजुरआमा रमादेवी ओलीको पालनपोषणमा हुर्किएका ओली आफ्नो बाल्यकालमा पढाइका साथै ग्रामीण किसान परिवारमा गरिने सबै काम गरेको अहिले पनि स्मरण गर्ने गर्छन् ।
तेह्रथुम छोडेर २०२० सालमा उनको परिवार झापा बसाइँ सर्यो । झापाको सामाजिक, सांस्कृतिक, शैक्षिक तथा आर्थिक परिवेशमा अन्तरघुलित हुँदै जिज्ञासु स्वभावका ओलीले किशोर अवस्थामै समाजभित्र हुने असमानता, विभेद र पक्षपातलगायतका प्रश्नहरूको उत्तर खोज्नतिर केन्द्रित भए ।
अध्यक्ष ओलीको राजनीतिक उदय झापा आन्दोलनको सिर्जना र कठोर भूमिगत सङ्घर्षबाट भएको हो । राजतन्त्रात्मक पञ्चायती शासन व्यवस्थाको विरोधसहित देशभक्ति, लोकतन्त्र, समानता, सामाजिक न्याय, भेदभावरहित समाज र जनजागरणका पक्षमा भएका आन्दोलनमा सदैव उनी नेतृत्वदायी भूमिकामा छन् ।
अध्यक्ष ओलीले लोकतान्त्रिक संरचनाहरूको सबलीकरण, राष्ट्रिय स्वाधीनताको रक्षा, लोकतन्त्रको मूल्यमान्यताप्रति प्रतिबद्धता, उग्रता र भड्काउहरुबाट समाजको रक्षा र जनताको जीवनमा सुखशान्तिका लागि अविचलितरूपमा अग्रणी भूमिका निर्वाह गर्दै आएका छन् । ‘समृद्ध नेपाल, सुखी नेपाली’को राष्ट्रिय आकाङ्क्षा पूरा गर्ने सङ्कल्पलाई काँधमा बोकेर मुलुक र जनताको सेवाका लागि सरकारको नेतृत्वमा रहँदा र नरहँदा पनि अहोरात्र खट्ने अध्यक्ष ओली कुशल वक्ता, तार्किक र अध्ययनशील नेतासमेत हुन् ।
पन्ध्र वर्षको किशोर उमेरमा २०२३ सालमा उहाँ रामनाथ दाहालको अगुवाइमा रहेको मार्क्सवादी अध्ययन दलमा सामेल भएका थिए । नेता दाहालसहित पाँच योद्धालाई तत्कालीन पञ्चायती सरकारले जेल सार्ने बहानामा सुखानीको जङ्गलमा गोली हानी हत्या गरेको थियो ।
मार्क्सवादी अध्ययन दलमा सामेल भएको दुई वर्षमै पूर्णकालीन राजनीतिमा जोडिएर २०२६ माघमा उनले नेपाल कम्युनिस्ट पार्टीको सदस्यता लिएका थिए । कम्प्युनिस्ट आन्दोलनमा होमिएका ओली २०२६ सालमा पहिलोपटक पञ्चायती सरकारको गिरफ्तारीमा परेका थिए ।
पञ्चायती व्यवस्थाको विरोधका क्रममा नेता ओलीलगायत झापा आन्दोलनका क्रान्तिकारीहरू २०३० सालमा पक्राउ पर्नुभएको थियो । त्यसपछि चार वर्ष गोलघरको यातनासहित १४ वर्ष लामो कठोर कारावास जीवन ओलीले बिताएका छन् ।
अध्यक्ष ओली जेलमा रहँदा २०३५ साल पुस ११ मा गठित नेपाल कम्युनिस् पार्टी (माले)को संस्थापक र २०४४ साल असार ११ गते जेलबाट रिहा भएपछि सोही वर्षको पुस २ मा बसेको नेकपा (माले)को केन्द्रीय कमिटी बैठकबाट उनी केन्द्रीय सदस्य भए । यसैगरी पञ्चायती व्यवस्थाविरुद्धको आन्दोलन परिचालकका लागि लुम्बिनी अञ्चल इन्चार्जको जिम्मेवारी सम्हाले ।
नेकपा (माले)समेतको नेतृत्वमा सञ्चालित जनआन्दोलनले निरङ्कुश पञ्चायती व्यवस्था पराजित भएपछि २०४७ जेठ १ गते नेता ओली पार्टीको युवा संस्था प्रजातान्त्रिक राष्ट्रिय युवा सङ्घ, नेपालको संस्थापक अध्यक्ष भए ।
नेपालको कम्युनिस्ट आन्दोलनलाई एकीकरण र विस्तार गर्ने क्रममा २०४७ पुस २२ गते नेकपा (माले) र नेकपा (मार्क्सवादी)बीच पार्टी एकीकरण भएर नेकपा (एमाले) बन्यो र एकीकृत पार्टीमा ओली केन्द्रीय सदस्य भए ।
बहुदलीय व्यवस्थाको स्थापनापछि २०४८ सालमा भएको पहिलो आमनिर्वाचनमा झापा निर्वाचन क्षेत्र नं–६ बाट प्रतिनिधिसभाको सदस्यमा निर्वाचित ओली २०५१ सालमा भएको मध्यावधि निर्वाचनमा झापा क्षेत्र नं–२ बाट प्रतिनिधिसभा सदस्य भए । यसैबीच, पार्टी जिम्मेवारीका क्रममा पोलिटब्युरो सदस्यसहित विदेश विभाग, प्रचार विभाग र संसदीय विभाग प्रमुखको जिम्मेवारी उनले सम्हाले । पछि उनी उपप्रधानमन्त्री र परराष्ट्र पनि बने ।
बहुदलीय व्यवस्थाको पुनः स्थापनापछि २०५१ सालमा मनमोहन अधिकारीको नेतृत्वमा गठन भएको प्रथम जननिर्वाचित कम्युनिस्ट सरकारमा उनी पहिलोपटक मुलुकको गृहमन्त्री भए । रासस
रत्ननगर । रत्ननगर नगरपालिका वडा नं–१, बकुलहर चोकस्थित पूर्व–पश्चिम राजमार्गमा इभी भ्यानको ठक्करबाट स्कुटर चालक महिला गम्भीर घाइते भएकी छन् ।
वीरगन्जबाट भरतपुरतर्फ जाँदै गरेको मधेश प्रदेश ०३–००१ ज ५२२ नम्बरको इभी भ्यानले कृष्णमन्दिरबाट टाँडीतर्फ आउँदै गरेको बागमती प्रदेश ०६–००२ प ३८१६ नम्बरको स्कुटरलाई ठक्कर दिँदा स्कुटर चालक रत्ननगर–११ बस्ने ३० वर्षीया रोशनी तामाङ गम्भीर घाइते भएकी हुन् ।
गम्भीर घाइते महिलाको पुरानो मेडिकल कलेज भरतपुरमा उपचार भइरहेको र दुवै सवारीसाधन र इभी भ्यान चालक नियन्त्रणमा रहेको प्रहरीले जनाएको छ ।
भरतपुर । विद्यार्थीको गणितीय क्षमता अभिवृद्धि गर्ने उद्देश्यले ‘जुनियर म्याथ च्यालेन्ज १.०’ प्रतियोगिता आयोजना गरिएको छ ।
प्राथमिक तहका बालबालिकामा गणितप्रतिको रुचि बढाउने, तार्किक सोचको विकास गर्ने तथा स्वस्थ प्रतिस्पर्धाको भावना जागृत गराउँदै विद्यार्थीमा समस्या समाधान गर्ने क्षमता अभिवृद्धि गर्ने उद्देश्यले आयोजित सो प्रतियोगितामा चितवनका विभिन्न स्कुलका २५ समूहको सहभागिता रहेको थियो ।
भरतपुर–७, कृष्णपुरस्थित अङ्कुरम् एकेडेमीको आयोजनामा सम्पन्न प्रतियोगिताको मुख्य उद्देश्य विद्यार्थीहरूमा समस्या समाधान गर्ने सीपको विकास गराउनु रहेको विद्यालयको गणित विभागका हेड अफ डिपार्टमेन्ट विनोद अधिकारीले जानकारी दिए ।
उनले भने, ‘सहभागी विद्यार्थीको स्तरअनुसार प्रश्नहरू तयार पारिएको थियो, जुन प्रश्नले प्रतियोगीलाई सोच्न, विश्लेषण गर्न र समाधान खोज्न प्रेरित गर्यो ।’ प्राथमिक तहका गणितीय अवधारणाहरूलाई विद्यार्थीले व्यावहारिक र सिर्जनात्मक तरिकाले बुझ्न सकून् भन्ने उद्देश्यले प्रश्नहरु तयार पारिएको उनले बताए ।
प्रतियोगितामा वाल्मीकि शिक्षा सदनका रिदम सापकोटा र प्रिसा अधिकारीको टिम पहिलो, डन एकेडेमीका विधान दुवाडी र स्मारिका डल्लाकोटीको टिम दोस्रो र स्मल हेभन मोडल स्कुल आँपटारीका स्वर्णिमा पन्त र रिजन गाहामगरको टिमले तेस्रो स्थान हासिल गरे । पहिलो, दोस्रो र तेस्रो हुने टिमले क्रमशः नगद सात हजार ५००, पाँच हजार र तीन हजार रुपैयाँ तथा मेडल र प्रमाणपत्र पाए ।
कार्यक्रममा निर्णायकको भूमिका निर्वाह गरेका गणित शिक्षक माधव पोखरेलका अनुसार प्राथमिक तहको कार्यक्रमले विद्यार्थीहरूमा स्वस्थ प्रतिस्पर्धात्मक भावना र सामूहिक भावना विकास गर्न महत्त्वपूर्ण भूमिका खेलेको बताए । प्रतिस्पर्धाबाट विद्यार्थीहरूले नियमको पालना गर्न, एकापसमा सदासयता दर्शाउन, सफलतामा खुसी हुन र असफलतामा धैर्य गर्न सिकेको उनले बताए ।
यसले बालबालिकामा सकारात्मक सोच र आत्मविश्वास बढाउन सहयोग पुर्याएको तहप्रमुख अर्जुन जी शर्माले जानकारी दिए । प्रतिस्पर्धाबाट विद्यार्थीमा आत्मअनुशासन, समय व्यवस्थापन तथा आत्ममूल्याङ्कनजस्ता जीवनोपयोगी सीपको विकास गर्न सहयोग पुगेको उनले बताए । सीमित समयमै प्रश्न समाधान गर्नुपर्ने नियमका कारण विद्यार्थीहरूमा समयको सदुपयोग गर्ने सीपको विकास भएको उनको भनाइ थियो ।
इच्छाकामना । इच्छाकामना गाउँपालिका वडा नं–४, रमाइलो डाँडामा काठमाडौँबाट चितवन आउँदै गरेको यात्रुवाहक बस सडकमा रोकिराखेको ट्रकपछाडि ठोक्किँदा पाँच जना घाइते भएका छन् ।
ना६ख ६९६० नम्बरको बसले सोही स्थानमा रोकिराखेको ना६ख ३३५३ नम्बरको ट्रकलाई पछाडिबाट ठक्कर दिँदा बसमा सवार पाँच जना घाइते भएका हुन् ।
घाइते हुनेहरुमा मकवानपुरको बकैया–६ बस्ने २७ वर्षीय सन्तबहादुर तामाङ, २९ वर्षीय विजय बम्जम, भारतको मोतिहारी बस्ने ३० वर्षीय अख्तर अली, ११ वर्षीय अयसन अली र काठमाडौँ थली बस्ने ३७ वर्षीय गोपाल माझी रहेका छन् ।
चार जनाको मुग्लिनस्थित स्थानीय मेडिकलमा र गोपाल माझीको पुरानो मेडिकल कलेज भरतपुरमा उपचार भइरहेको छ । दुवै सवारीसाधन र चालक प्रहरी चौकी इच्छाकामनाको नियन्त्रणमा रहेको प्रहरीले जनाएको छ ।
रत्ननगर । रत्ननगर नगरपालिका वडा नं–९, गणेश चोकस्थित पूर्व–पश्चिम राजमार्गमा मोटरसाइकलले साइकलयात्रीलाई ठक्कर दिँदा दुई जना घाइते भएका छन् ।
भरतपुरबाट टाँडीतर्फ आउँदै गरेको प्रदेश ३–०३–००१ प ५२१६ नम्बरको मोटरसाइकलको ठक्करबाट साइकलयात्री गोरखा घर भई हाल रत्ननगर–९ बस्ने ३४ वर्षीय यमबहादुर चेपाङ र मोटरसाइकलपछाडि सवार खैरहनी–८ बस्ने २२ वर्षीया सुप्रिया क्षेत्री घाइते भएका हुन् ।
दुवै घाइतेको पुरानो मेडिकल कलेज, भरतपुरमा उपचार भइरहेको र मोटरसाइकल चालक रत्ननगर–३ बस्ने ४९ वर्षीय विक्रम चौधरी जिल्ला प्रहरी कार्यालय चितवनको नियन्त्रणमा रहेको प्रहरीले जनाएको छ ।
भरतपुर । भरतपुर महानगरपालिका वडा नं–८, प्रतिभा टोलमा मोटरसाइकलको ठक्करबाट बालक घाइते भएका छन् ।
पारिजात चोकबाट बौद्ध चोकतर्फ आउँदै गरेको प्रदेश ३–०३–००१ प ९७०० नम्बरको मोटरसाइकलको ठक्कबराट रौतहटको विजयपुर–१ घर भई हाल भरतपुर–८ मा मजदुरी गरी बस्ने राजाराम मुखियाको छोरा ८ वर्षीय छोरा कृष्ण मुखिया घाइते भएका हुन् ।
घाइते बालक र मोटरसाइकल चालक भरतपुर–६ बस्ने २६ वर्षीय विदुर रेग्मीको को भरतपुर अस्पतालमा उपचार भइरहेको प्रहरीले जनाएको छ ।
रत्ननगर । रत्ननगरको टिकौली चौरमा हुने रत्ननगर महोत्सवको तयारी तीव्र पारिएको छ । रत्ननगर उद्योग वाणिज्य संघको आयोजनामा पुस २५ गतेबाट महोत्सव सुरू हुँदैछ । महोत्सवको आन्तरिक तथा स्टल निर्माणको कामलाई तीव्र पारिएको संघका अध्यक्ष तथा मूल व्यवस्थापन समितिका संयोजक शंकर गिरीले जानकारी दिए ।
यो महोत्सवको १३औँ संस्करण हो । रत्ननगर नगरपालिका संरक्षक रहेको सो महोत्सव जिल्लाकै गौरव र गरिमामय प्रस्तुतिका रुपमा हरेक दुई/दुई वर्षमा आयोजना हुँदै आएको छ । महोत्सवमा जिल्लाको आर्थिक विकासका लागि स्थानीय उत्पादनलाई जोड दिँदै आएको संघका अध्यक्ष गिरीले बताए ।
महोत्सवले स्थानीय कला–संस्कृति तथा परम्परागत खानाको प्रवर्द्धन तथा कृषि क्षेत्रको विकासमा मह¤वपूर्ण योगदान दिँदै आएको छ । महोत्सव सम्पन्न गर्न संघका अध्यक्ष गिरी संयोजक रहेको मूल व्यवस्थापन समिति र ३७ वटा उपसमिति बनाइएको छ । महोत्सवमा ४५० वटा स्टलहरु रहने छन् ।
जेनजी आन्दोलनका कारण सुस्ताएको आर्थिक क्षेत्रलाई महोत्सवले चलायमान गराउने संघका अध्यक्ष गिरीले बताए । ‘आर्थिक मन्दी र त्यसलगत्तै भएको जेनजी आन्दोलनका कारण जिल्लाको आर्थिक क्षेत्र तहसनहस रहेको छ’, उनले भने, ‘रत्ननगरमा हुने महोत्सवले जिल्लाको आर्थिक गतिविधिलाई पुनर्जीवित गर्ने छ ।’ उनले महोत्सवले समग्र जिल्लाको आर्थिक विकाससँगै पर्यटन प्रवर्द्धनमा समेत टेवा पुग्ने विश्वास व्यक्त गरे ।
महोत्सवमा कृषि परिसर, अटो परिसर, महिला हस्तकला परिसर तथा व्यापारिक स्टलहरु रहने संघका वरिष्ठ उपाध्यक्ष तथा मेला व्यवस्थापन समितिका संयोजक निराजन खनालले बताए । महोत्सवलाई भव्य बनाउन सुझबुझका साथ तयारी तीव्र पारिएको उनले बताए ।
स्थानीयस्तरमा उत्पादित ताजा तरकारी, फलफूल, दुग्धजन्य पदार्थ, पोल्ट्रीलगायत कृषि व्यवसायसँग सम्बन्धित विभिन्न सेवा, प्रविधि तथा मल, बीउबिजन महोत्सवमा प्रदर्शनको व्यवस्था गरिने छ । यसपटकको महोत्सवमा महको उत्पादन र बजारीकरणलाई प्राथमिकता दिने तयारी गरिएको छ । महोत्सवले सौराहाको पर्यटन प्रवर्द्धनमा समेत टेवा पुग्ने विश्वास गरिएको संघका महासचिव उपेन्द्र शर्मा आचार्यले जानकारी दिए ।
महोत्सवअन्तर्गत परम्परागत खानाको प्रवर्द्धनका लागि फुड फेस्टिबलसमेत आयोजना गरिने छ । फुड फेस्टिबल सौराहा चोक र टाँडी चोकको बीचमा रहेको रत्ननगर बसपार्कमा पुस २९ गतेदेखि माघ ३ गतेसम्म हुने संघका पूर्वअध्यक्ष तथा फेस्टिबलका संयोजक ज्ञानबहादुर विसुरालले बताए ।
टिकौलीमा महोत्सव सञ्चालन हुँदा टाँडी बजारमा चहलपहल कम हुने भएकाले बजारको प्रवर्द्धनका लागि फुड फेस्टिबल आयोजना गरिएको हो । फेस्टिबलमा स्थानीय तथा परम्परागत खानाका परिकारहरु पस्किने उनले बताए ।
चितवन । चितवन राष्ट्रिय निकुञ्जको हात्ती प्रजनन तथा तालिम केन्द्र खोरसोरमा जन्मिएका दुई हात्तीका छावालाई चितवनवासीले बिदाइ गरेका छन् । सोमबार सौराहामा बिदाइ कार्यक्रमको आयोजना गरिएको थियो ।
प्रमुख जिल्ला अधिकारी गणेश अर्याल, चितवन राष्ट्रिय निकुञ्जका प्रमुख संरक्षण अधिकृत डा. गणेश पन्त, रत्ननगर नगरपालिकाका प्रमुख प्रलाद सापकोटासहित संरक्षणकर्मीहरुले माला, अबिर लगाएर फलफूल खुवाएर हात्तीको बिदाइ गरे । हात्तीलाई भैरहवा पठाइएको छ भने पुस २ गते गौतमबुद्ध अन्तरराष्ट्रिय विमानस्थलबाट कार्गो विमानमार्फत कतार पठाइने छ ।
विदेश पठाउन लागिएका हात्तीमा सात वर्षको रुद्रकली र छ वर्षको खगेन्द्रप्रसाद रहेका छन् । हात्तीसँगै माउतेहरू रुद्रकलीका बुद्धिलाल श्रेष्ठ र खगेन्द्रका पचुखाँ चौधरी एवम् पशु स्वास्थ्य प्राविधिक दिनेश ढकालसमेत कतार जाने कार्यक्रम रहेको छ । निकुञ्जका प्रमुख संरक्षण अधिकृत डा. पन्तका अनुसार दुवै जनाले कतारमा हात्तीको स्याहारसुसारका विषयमा त्यहाँका माउतेलाई तालिम दिएर फर्कने छन् ।
नेपाल सरकार मन्त्रिपरिषद्को विसं २०८१ कात्तिक २ गतेको निर्णयअनुसार हात्तीलाई कतार पठाउन लागिएको हो । कतारमा नेपालको वातावरण अनुकूलित हुनेगरी प्राविधिकहरु गएर अध्ययन गरेपछि हात्ती पठाउन लागिएको उनले जानकारी दिए ।
यी दुई हात्ती जन्मिएदेखि स्याहारसुसार गर्दै आएका हात्ती प्रजनन केन्द्र खोरसोरका प्रमुख मनिपुरण चौधरी अहिले हात्ती विदेश पठाउन भनेपछि नरमाइलो महसुस भएको बताउँछन् । उनले भने, “सुत्केरी हुँदादेखि स्याहारसुसार गरेर, तालिम गराएर निकुञ्ज पोष्टमा पठाइएको हो । माया लाग्छ । विदेश पठाउँदा नरमाइलो महसुस भइरहेको छ”, उनले भने, “माथिको आदेशअनुसार पठाउनुप¥यो । जे होस् राम्रो होस् भन्ने आफ्नो चाहना रहेको छ ।”
रुद्रकलीका माउते बुद्धिलाल श्रेष्ठले पनि विगत चार वर्षदेखि स्याहार हात्ती अर्को देश पठाउन लाग्दा दुःख लागेको बताए । यहाँबाट बिदाइ गरिएका हात्तीलाई ट्रकमा राखेर भैरहवा विमानस्थल पु¥याइने छ । भैरहवामा एक कार्यक्रमको आयोजना गरी कतार दुतावासलाई हस्तान्तरण गरिने जनाइएको छ । कतारको दोहास्थित अलखोर पार्ककको चिडियाखानामा राख्नका लागि यी हात्ती पठाउन लागिएको हात्ती प्रजनन केन्द्रका प्रमुख चौधरीले जानकारी दिए ।
यसअघि नेपालले विभिन्न मित्र राष्ट्रलाई एक सिङ्गे गैँडा, हात्तीलगायत वन्यजन्तु उपहारस्वरूप प्रदान गर्दै आएको छ । दुई देशबीचको सम्बन्ध बलियो बनाउन र नेपालको जैविक विविधताको महत्त्व अन्तरराष्ट्रियस्तरमा परिचित गर्न वन्यजन्तु उपहार दिँदै आइएको छ । पन्तका अनुसार पहिलोपटक नेपालले हात्ती उपहारस्वरुप अन्य देशमा पठाउन लागेको हो ।
विसं २०४४ मा भारतबाट १६, म्यानमार दुई र थाइल्यान्डबाट दुई गरी २० वटा हात्तीबाट स्थापना गरिएको हात्ती प्रजनन केन्द्रले हालसम्म ६८ हात्तीलाई जन्म दिइसकेको छ । यहाँ ६१ वटालाई तालिम दिइएको केन्द्रले जनाएको छ । यहाँ जन्मिएकामध्ये छ वटाको मृत्यु भएको छ ।
नेपालमा हाल सरकारी तवरबाट पालिएका १०५ वटा हात्ती रहेका छन्, जसमध्ये चितवनमा ५८ वटा रहेका निकुञ्ज प्रशासनले जनाएको छ । यस्तै, नेपालमा निजी क्षेत्रबाट पालिएका ७३ वटा हात्ती छन् भने जङ्गली हात्ती ४०० भन्दा बढी भएको अनुमान गरिएको छ ।
यसअघि नेपालले सन् १९८५ देखि हालसम्म विभिन्न देशलाई २६ वटा गैँडा, १० वटा घडियाल गोही, एक ब्वाँसो र दुई चितुवा उपहार दिइसकेको तथ्याङ्क छ । तत्कालीन राष्ट्रपति विद्यादेवी भण्डारीको कतार भ्रमणका क्रममा विसं २०७५ मा नेपालले कतारलाई हात्ती उपहार दिने प्रतिबद्धता जनाएको थियो । सोही आधारमा कतार सरकारको कूटनीनिक निकायबाट माग भएअनुसार प्रक्रिया अघि बढाएर हात्ती पठाउन लागिएको हो ।
कालिका । कालिका नगरपालिका वडा नं–५ मा महिलालाई लक्षितगरी सञ्चालित सातदिने मौसमी तथा बेमौसमी तरकारी खेतीसम्बन्धी तालिम सम्पन्न भएको छ । सीमान्तकृत महिलाहरूको जीविकोपार्जन सुधार तथा आर्थिक सशक्तीकरण गर्ने उद्देश्यले तालिम सञ्चालन गरिएको हो ।
सीमान्तकृत महिलाहरूको जीविकोपार्जन तथा आर्थिक सुधार परियोजनाअन्तर्गत करुणा ट्रस्ट युकेको आर्थिक तथा प्राविधिक सहयोग, कालिका नगरपालिकाको समन्वय तथा नेपाल दलित महिला उत्थान संघ (एड्वान) को आयोजनामा तालिम दिइएको हो । एड्वानले कालिका नगरपालिकाभित्र विभिन्न चरणमा महिलामुखी कार्यक्रम सञ्चालन गर्दै आएको छ ।
तालिम समापन कार्यक्रमका प्रमुखअतिथि कालिका–५ का वडाध्यक्ष दीपकबहादुर भट्टराईले महिलालाई आत्मनिर्भर बनाउने यस्ता सीपमूलक तालिम प्रभावकारी हुने बताउँदै महिलाहरुले सिकेका सीपलाई व्यवहारमा उतार्न आग्रह गरे । उनले वडा कार्यालयबाट पनि आवश्यक सहयोग रहने प्रतिबद्धतासमेत व्यक्त गरे ।
एड्वानकी उपाध्यक्ष तीर्थकुमारी विकले सीमान्तकृत महिलाको आर्थिक सशक्तीकरण गर्नु नै संस्थाको मुख्य लक्ष्य रहेको बताउँदै तालिमले महिलालाई उद्यमशील बनाउने विश्वास व्यक्त गरिन् ।
कालिका नगरपालिकाका अधिकृत प्रकाशचन्द्र पौडेलले स्थानीय सरकारले उत्पादनमुखी तथा महिलामैत्री कार्यक्रमलाई प्राथमिकतामा राखेको उल्लेख गर्दै कृषिमार्फत आत्मनिर्भरता बढाउने कार्यमा नगरपालिकाको साथ र सहयोग रहने बताए ।
सहजकर्ता कमला पन्थीका अनुसार तालिममा मौसमी तथा बेमौसमी तरकारी, लहरेबाली खेतीसम्बन्धी व्यावहारिक ज्ञान प्रदान गरिएको थियो । तालिममा प्रशिक्षक शिवराज पौडेल, कालिका नगरपालिकाका कृषि अधिकृत सन्तोष न्यौपाने, कार्यक्रम निर्देशक कमलबाबु परियार, एडवानका पूर्वी सेक्टर सहजकर्ता सुनिता दराईलगायतको उपस्थिति रहेको थियो ।
तालिमपश्चात् महिला उद्यमी समूहलाई बीउ पुँजीस्वरूप १२ हजार ५०० रुपैयाँ हस्तान्तरण गरिएको थियो ।
भरतपुर । होटल व्यवसायी संघ चितवनको अध्यक्ष ऋषिकेश अर्याल चयन भएका छन् । संघको शनिबार भएको २९औँ साधारण सभा तथा १४औँ अधिवेशनबाट अर्यालको नेतृत्वमा १७ सदस्यीय नयाँ कार्यसमिति सर्वसम्मत चयन भएको हो ।
वरिष्ठ उपाध्यक्षमा यज्ञबहादुर कार्की, उपाध्यक्षमा रामबहादुर गुरुङ, सावित्री घिमिरे, विकास गुरुङ, महासचिवमा कृष्णकुमार महतो, सचिवमा सन्देश चापागाई, कोषाध्यक्षमा पुजन कोइराला र सह कोषाध्यक्षमा अर्जुन लामिछाने चयन भएका छन् ।
कार्यसमिति सदस्यहरुमा गंगा पराजुली, पिण्डराज केसी, नारायण जर्गा मगर, गनबहादुर श्रेष्ठ, लोकनाथ कँडेल (कृष्णपुर इकाइ), छविलाल चापागाई (भरतपुर इकाइ), ललिता श्रेष्ठ (माडी इकाइ), अर्जुन श्रेष्ठ (इच्छाकामना इकाइ), नविन कँडेल (नारायणगढ बजार इकाइ) चयन भएका छन् । नयाँ कार्यसमितिको पद हस्तान्तरण आगामी पुस २ गते हुने भएको छ ।
त्यसअघि, संघका निवर्तमान अध्यक्ष लोकनाथ भट्ट (कृष्ण)को अध्यक्षतामा भएको कार्यक्रममा भरतपुर महानगरपालिका प्रमुख रेनु दाहाल प्रमुखअतिथि रहेकी थिइन् ।
चितवन । नेपाली कांग्रेस चितवनले प्रतिनिधिसभा निर्वाचनका लागि चितवनका तीनवटै निर्वाचन क्षेत्रबाट प्रत्यक्ष र समानुपातिकतर्फका उमेदवारहरुको सिफारिस गरेको छ ।
चितवन क्षेत्र नं–१, २ र ३ बाट प्राप्त सिफारिसलाई अनुमोदन गर्दै रायसहित केन्द्रीय समितिमा उमेदवारको सूची सिफारिस गरिएको नेपाली कांग्रेस चितवनका सचिव ध्रुव पोखरेलले जानकारी दिए । यस्तै, राष्ट्रिय सभातर्फ पनि कांग्रेस चितवनले उमेदवारहरु सिफारिस गरेको छ ।
चितवन क्षेत्र नं–१ बाट प्रतिनिधिसभा प्रत्यक्षतर्फ १२ जनाको नाम सिफारिस गरिएको छ । जसमा राजेन्द्रप्रसाद बुर्लाकोटी, इन्द्रकमल बुढाथोकी, उत्तम आचार्य, कुमार कार्की, वासुदेव ढुङ्गाना, कृष्णप्रसाद सुवेदी, सुवासचन्द्र बराल, भरतप्रसाद खनाल, गोविन्द गौतम, दीवाकर अर्याल, ऋषिश्वर थपलिया र महिला कोटामा गीता देवकोटा रहेका छन् ।
यस्तै, समानुपातिकतर्फ ६ जनाको नाम अगाडि सारिएको छ । जसमा सुशीला उप्रेती, शेरबहादुर परियार, गोपाल गिरी, बुद्धिसेन चौधरी, शोभा अर्याल र लीलाभक्त उप्रेती रहेका छन् । राष्ट्रिय सभा सदस्यतर्फ मानबहादुर थापा र भीमप्रसाद थपलियाको नाम सिफारिस गरिएको छ ।
चितवन क्षेत्र नं–२ बाट प्रतिनिधिसभा प्रत्यक्षतर्फ १० जनाको नाम सिफारिस गरिएको छ । जसमा जिल्ला सभापति राजेश्वर खनाल, देवेन्द्र गुरूङ, राजन कार्की, जीतनारायण श्रेष्ठ, विपेन्द्र रामुदामु (विपीन), गीताकुमारी गुरूङ, कैलाश कोइराला, भूपतिदास सापकोटा, मीनाकुमारी खरेल र विनोद ढकाल रहेका छन् ।
यसैगरी, प्रतिनिधिसभा समानुपातिकतर्फ १६ जनाको नाम सिफारिस गरिएको छ । जसमा उमेश श्रेष्ठ, गौरीकुमारी श्रेष्ठ, डिलबहादुर नेपाली, देवकी गौतम, पार्वती शाह ठकुरी, इन्द्रमाया लामा, मिलनबाबु श्रेष्ठ, एलिजा अधिकारी, सुमित्रा अधिकारी, राजकुमार गुरूङ, कमलराज आचार्य, डोलराज रेग्मी, महेश बानियाँ र सूर्यप्रसाद श्रेष्ठ रहेका छन् । यस्तै, राष्ट्रिय सभातर्फ केशवराज कँडेल, शान्ति परियार, लक्ष्मी लामिछाने र ऋषिराज पाण्डेको नाम सिफारिस गरिएको छ ।
यस्तै, चितवन क्षेत्र नं–३ बाट प्रतिनिधिसभा प्रत्यक्षतर्फ १३ जनाको नाम सिफारिस गरिएको छ । जसमा दिनेश कोइराला, अन्जनी श्रेष्ठ, लालबहादुर दवाडी, विजयराज शर्मा भुसाल, साजनकुमार महतो, बेलबहादुर गुरूङ, कैलाश कोइराला, भरत गुरूङ, पूर्णबहादुर गुरूङ, रामप्रसाद अधिकारी, सूर्य ढकाल, तारानाथ पौडेल र भरतप्रसाद सापकोटा रहेका छन् ।
यसैगरी, प्रतिनिधिसभा समानुपातिकतर्फ १७ जनाको नाम सिफारिस गरिएको छ । जसमा उमेश श्रेष्ठ, सबिता बराल, विष्णुमाया परियार, तारा गुरूङ, कमला रानाभाट, रेशम दराई, कृष्णबहादुर भुजेल, उमेशचन्द्र पौडेल, लक्ष्मीकान्त दवाडी, हरिचन्द्र महतो, दलबहादुर गुरूङ, अन्जना लामिछाने भण्डारी, वीरबहादुर लोहनी (विश्वकर्मा), राजकुमार तामाङ, दीपक लामा, मीनबहादुर विश्वकर्मा र अनिता गैरे घिमिरे रहेका छन् ।
यस्तै, राष्ट्रिय सभा सदस्यतर्फ टेकप्रसाद गुरूङ, चन्द्रध्वज गुरूङ, रामकृष्ण घिमिरे, तोपमानसिं गुरूङ, कृष्णबहादुर घले, कर्णबहादुर गुरूङ र शिवनारायण गुरौको नाम सिफारिस गरिएको कांग्रेस जिल्ला सभापति राजेश्वर खनालले जानकारी दिए ।
रत्ननगर । रत्ननगर जेसीजको २७औँ वार्षिक साधारण सभा तथा २६ औँ शाखा अधिवेशनले वर्ष–२०२६ का लागि अध्यक्षमा सविन मानन्धर निर्वाचित भएका छन् । उनी निकटतम प्रतिस्पर्धी सुरेशजङ्ग पाण्डेसँग १ मत बढीले विजयी भएका हुन् ।
यस्तै, कार्यकारणी उपाध्यक्षमा सचितराज जोशी र रोशन काप्री निर्वाचित भएका छन् । उनीहरुका निकटतम प्रतिस्पर्धी रामप्रसाद शर्मा र ज्योतिप्रसाद भट्ट रहेका थिए । यसैगरी, उपाध्यक्षमा अन्जना जोशी, सौगात रिजाल, शौरभ दुवाडी र सुवास पोख्रेल सर्वसम्मत चयन भएका छन् ।
बाँकी रहेका पदाधिकारीहरु महासचिव, कोषाध्यक्षलगायतका मनोनित पदमा पदस्थापन तथा पद हस्तान्तरका दिन मनोनयन गरिने शाखा अध्यक्ष बाबुराम परियारले जानकारी दिए । युवामा नेतृत्व, व्यक्तित्व र उद्यमशीलता सीप विकासको लागि अहम् भूमिका खेल्दै आएको रत्ननगर जेसीजले सन् १९९९ देखि रत्ननगरलगायत पूर्वी चितवनमा १८ देखि ४० वर्ष उमेर समूहका युवामा नेतृत्व विकासको लागि कार्य गर्दै आइरहेको छ ।
नवनिर्वाचित अध्यक्ष मानन्धरले आफ्नो कार्यकालमा युवाको नेतृत्व, व्यक्तित्व र उद्यमशीलता सीप विकासको लागि आफ्नो तर्फबाट सक्दो पहल गर्ने प्रतिबद्धता जनाएका छन् ।
चितवन । उद्योग वाणिज्य संघ चितवनको आगामी नेतृत्वका लागि चुनावी सरगर्मी बढेको छ । आगामी पुस २१ गते हुन लागेको संघको ५९औँ साधारण सभा तथा अधिवेशनका सन्दर्भमा नयाँ नेतृत्वको लागि चिरञ्जीवी सुवेदी र शिरिष पन्तले अध्यक्षमा उमेदवारी घोषणा गरेका छन् । संघको वर्तमान वरिष्ठ उपाध्यक्ष सुवेदी र युवा व्यवसायी पन्त आमने–सामने भएका हुन् ।
उवासंघ चितवनमा कसले बाजी मार्ला भन्ने चासो उद्योगी–व्यवसायीमा बढेको छ । दुवै प्रत्याशीले आआफ्नो घोषणापत्रसमेत सार्वजनिक गरिसकेका छन् । पन्त यसअघि संघको वर्तमान अध्यक्ष सुमनकुमार श्रेष्ठसँग पराजित भएका थिए ।
अध्यक्षमा उमेदवारी दिने घोषणा गरेका सुवेदीले चितवनको व्यावसायिक उत्थानका लागि एउटा नयाँ ऊर्जा, परिणाममुखी नेतृत्व र सुदृढ संस्थागत संरचना निर्माण गर्ने संकल्प लिएको बताएका छन् ।
संस्थाको गरिमालाई उच्च राख्दै चितवनको व्यावसायिक भविष्य सुनिश्चित गर्न संघको अध्यक्षमा आफ्नो उमेदवारी रहने उनको भनाइ छ । उनले भने, ‘मेरो नेतृत्वमा संघ अझ गतिशील, हरेक व्यवसायीको पीडामा मलहम लगाउने र नीतिगत तहमा सशक्त पैरवी गर्ने संस्था बन्ने विश्वास लिएको छु ।’
विसं २०६० सालदेखि संघमा आबद्ध रहेका सुवेदी कार्यसमिति सदस्य, तृतीय उपाध्यक्ष, द्वितय उपाध्यक्ष, प्रथम उपाध्यक्ष हुँदै हाल वरिष्ठ उपाध्यक्ष छन् । संस्थाको वित्तीय अनुशासन र पारदर्शिताका लागि आफू संघको प्रथम उपाध्यक्ष हुँदा संघको मासिक आम्दानी–खर्चलाई कार्यसमितिबाट अनिवार्य रूपमा अनुमोदन गर्नुपर्ने व्यवस्था मिलाएको उनले दाबी गरेका छन् ।
यस्तै, अध्यक्षका अर्का प्रत्यासी पन्तले आफ्नो उमेदवारी व्यक्तिगत महत्त्वाकाङ्क्षा नभई सबै व्यवसायीको साझा आवाज भएको बताउँदै थकित बजारको पीडा सुन्न र समाधान खोज्न आफूमा साहस रहेको बताएका छन् । उनले भने, ‘म केवल पदको लागि होइन, नयाँ सोच, सशक्त युवा नेतृत्व र पारदर्शी नेतृत्वको लागि व्यवसायीको विश्वास माग्न चाहन्छु ।’
आफू नेतृत्वमा आएपछि संघको पदाधिकारीमा कम्तीमा एक जना महिला व्यवसायीको प्रतिनिधित्व अनिवार्य गर्ने उनको भनाइ छ । बजार व्यवस्थापन सुधार, डिजिटल सदस्य सेवा, व्यवसायी सुरक्षा सुनिश्चितता र स्थानीय उत्पादन प्रवर्द्धन आफ्नो मुख्य प्राथमिकतामा रहेको उनले बताए ।
यस्तै, कृषि, शिक्षा, स्वास्थ्य, पर्यटन र आइटीजस्ता क्षेत्रलाई जोड्दै व्यवसाय र समाज दुवैलाई सशक्त बनाउने लक्ष्य लिएको उनको भनाइ छ । जिल्लाका व्यवसायीको पसिना र लगानीले चितवनको अर्थतन्त्र धानेको जिकिर गर्दै उनले विगत केही वर्षयता बजारहरु अव्यवस्थित र असन्तुलित हुँदै गएकोले यसलाई व्यवस्थित र सन्तुलित बनाउन आफूले अध्यक्ष पदमा उमेदवारी घोषणा गरेको बताए ।
काठमाडौँ । लुम्बिनी लायन्स दोस्रो संस्करणको नेपाल प्रिमियर लिग (एनपिएल) को फाइनलमा पुगेको छ । बिहीबार सम्पन्न दोस्रो क्वालिफायरमा विराटनगर किङ्सलाई ४० रनले पराजित गरेर लुम्बिनीले उपाधि भिडन्त पक्का गरेको हो । लुम्बिनीले अब फाइनलमा शनिबार सुदूरपश्चिम रोयल्ससँग खेल्ने छ ।
कीर्तिपुरस्थित त्रिवि क्रिकेट मैदानमा टस हारेर पहिला ब्याटिङको निम्तो पाएको लुम्बिनी लायन्सले निर्धारित २० ओभरमा आठ विकेट गुमाउँदै एक सय ३४ रन बनायो ।
१३५ रनको लक्ष्य पछ्याएको विराटनगरले १७ दशमलव ४ ओभरमा सबै विकेट गुमाउँदै ९४ रन मात्र बनाउन सक्यो । विराटनगरका लागि साम हेजल्टले सर्वाधिक ३४ रन बनाए । यस्तै, नरेन भट्टले २१ रन बनाए । बलिङतर्फ लुम्बिनीका लागि तिलक भण्डारीले तीन, रूबेन ट्रम्पलम्यान, अभिशेष गौतम र जेजे स्मीथले दुई–दुई विकेट लिए ।
त्यसअघि पहिला ब्याटिङ गर्ने क्रममा लुम्बिनिका लागि डार्सी सर्टले सर्वाधिक ४५ रनको योगदान दिएका थिए । उनले ४१ बल खेल्दै तीन चौका र एक छक्का प्रहार गरेका थिए । त्यसैगरी कप्तान रोहितकुमार पौडेलले ३० बलमा दुई चौका र दुई छक्काको मद्दतमा ३४ रन बनाए । यस्तै निशोसन डिक्वेलाले २२ बलमा चार चौका प्रहार गर्दै २९ रन जोडे । रुबेल ट्रम्पलम्यानले अविजित ११ रन बनाए ।
बलिङतर्फ विराटनगरका सुवास भण्डारी र प्रशित जिसिले समान तीन–तीन तथा कप्तान सन्दीप लामिछानेले दुई विकेट लिए । एनपिएलको फाइनल खेल शनिबार हुनेछ ।
रत्ननगर । रत्ननगर–१६, पिठुवाअन्तर्गत पर्ने पिठुवा प्रहरी चौकीको बुधबार एक समारोहबीच उद्घाटन गरिएको छ । सो अस्थायी प्रहरी पोस्टको रत्ननगर नगरपालिकाका नगरप्रमुख प्रलाद सापकोटा, रत्ननगर १६ का वडाध्यक्ष हेमराज थापा र इलाका प्रहरी कार्यालय रत्ननगरका प्रहरी निरीक्षक सोभनविक्रम राणाले एकैसाथ उद्घाटन गरेका छन् ।
भदौ २४ गते जेनजी आन्दोलनका क्रममा आगजनी र तोडफोड भएपछि सो चौकी पूर्णरूपमा क्षतिग्रस्त भएको थियो । गोपाल श्रीमलको संयोजकत्वमा पुरुषोत्तम लामिछाने, लालबहादुर लामा, मधु बोगटी र रश्मी काप्री सदस्य रहेको भवन निर्माण समिति गठन गरी चौकी पुनर्निर्माण गरिएको हो ।
प्रहरी चौकी भवन पुनर्निर्माणका लागि विभिन्न संघसंस्था र स्थानीय व्यक्तिहरूले आवश्यक सामग्री तथा आर्थिक सहयोग गरेका थिए । कुल ८ लाख २१ हजार रुपैयाँको लागतमा निमाृण भएको सो भवनमध्ये ४ लाख ६५ हजार रुपैयाँ स्थानीयवासीकै सहयोगमा सङ्कलित रकमबाट जुटाइएको वडाध्यक्ष हेमराज थापाले जानकारी दिए ।
भवनमा आवश्यक पर्ने जिप्सन रोटरी क्लब अफ रत्ननगरले उपलब्ध गराएको थियो भने छानाका लागि आवश्यक पर्ने जस्तापाता कुन्हा इन्टरनेसनल अर्गेनिक फर्टिलाइजर म्यानुफ्याक्चरिङ इन्डस्ट्री प्रालिले उपलब्ध गराएको थियो ।
प्रहरी चौकी भवन उद्घाटन कार्यक्रममा नगरप्रमुख प्रलाद सापकोटा, रत्ननगर–१४ का वडाध्यक्ष होमनाथ रानाभाट, रत्ननगर–१५ का वडाध्यक्ष आशिक तामाङ, भवन निर्माण समितिका संयोजक गोपाल श्रीमल, इलाका प्रहरी कार्यालय रत्ननगरका प्रहरी निरीक्षक सोभनविक्रम राणालगायतले मन्तव्य व्यक्त गरेका थिए । सो क्रममा उनीहरुले राज्यको सम्पत्ति आगजनी र तोडफोड गर्नेहरुले जवाफ दिनुपर्ने बताएका थिए ।
कार्यक्रममा जनप्रतिनिधि, समाजसेवी, सहयोगी दाता, विभिन्न संघसंस्थाका प्रमुख एवम् प्रतिनिधि, पिठुवा प्रहरी चौकीका प्रहरी कर्मचारीलगायत वडावासीको सहभागिता रहेको थियो । 
चितवन । चितवनको खैरहनीका एक युवकले १३ वर्षीया बालिकालाई फेसबुकमार्फत प्रेममा फसाएर बलात्कार गरेको अभियोगमा एक युवक जेलको फन्दामा परेका छन् ।
चितवन जिल्ला अदालतका जिल्ला न्यायाधीश यदुराज शर्माको इजलासले बालिकालाई जबरजस्ती करणी (बलात्कार) गरेको अभियोगमा खैरहनी घर भई कालिकास्थित मामाघर बस्दै आएका २२ वर्षीय पुरुषलाई पुर्पक्षका लागि थुनामा पठाएको छ । प्रतिवादी विराज गुरूङलाई बुधबार पुर्पक्षका लागि थुनामा पठाउन आदेश दिएको हो ।
चितवनको खैरहनी नगरपालिका घर भई कालिका नगरपालिकास्थित मामाघरमा बस्दै आएका गुरूङले १२ वर्ष १० महिना १३ दिनकी बालिकालाई ललाईफकाई गरी प्रेमजालमा पारेर बलात्कार गरेको आरोप छ । मामाघरमा बसेर ट्याक्टर चलाउने काम गर्दै आएका गुरूङ र पीडित बालिका करिब छ महिनाअगाडि फेसकुमा साथी बनेका थिए । फेसबुकमा साथी बनेर म्यासेन्जरमार्फत कुराकानी गर्न थालेका उनीहरुबीच माया बसेको थियो ।
गत कात्तिक २६ गते पीडित बालिका र प्रतिवादी गुरूङबिच भेटघाट भएको थियो । त्यस दिन बालिकालाई आफ्नै मामाघर लगेर गुरुङले बलात्कार गरेको प्रहरी अनुसन्धानबाट खुलेको छ । त्यस रात उनीहरुबिच कतै घुम्न जाने सल्लाह भएको र भोलिपल्ट पाल्पाको रामपुर घुम्न गएको सरकारी वकिलको कार्यालयले अदालतमा दायर गरेको अभियोजनपत्रमा उल्लेख छ ।
बालिकाकी आमाले पटकपटक फोन गरेपछि उनीहरु सोही दिन फर्किएका थिए । रामपुरबाट फर्किएकी बालिकाले आफूलाई युवकले बलात्कार गरेको बताएपछि बालिकाकी आमाले गुरुङविरुद्ध प्रहरीमा जाहेरी दिएकी थिइन् । प्रहरीले प्रतिवादी गुरूङलाई काात्तिक २९ गते जुटपानीबाट पक्राउ गरेको थियो ।
‘स्वास्थ्य परीक्षण प्रतिवेदनमा पनि बालिकालाई जबरजस्ती करणी गरेको पुष्टि भएपछि मङ्गलबार अदालतमा मुद्दा दर्ता गरेका हौँ’, सरकारी वकिलको कार्यालयका जिल्ला न्यायाधिवक्ता रवि न्यौपानेले भने । प्रतिवादी गुरूङले मुलुकी अपराध संहिता २०७४ को उपदफा ९१० र ९२० बमोजिमको कसुर गरेको देखिएकाले सोही दफाको ३ ९क० को खण्ड ९क० बमोजिम जरिवाना समेत गर्न माग गरिएको छ ।
बलात्कारका घटनामा वृद्धि
पछिल्लो समय सामाजिक सञ्जालको दुरुपयोगबाट बालबालिकाहरुमाथि अपराध हुने क्रम बढ्दो छ । धेरैजसो बालबालिकाहरु सामाजिक सञ्जालमार्फत विभिन्न अपराधको सिकार भएका छन् । लैङ्गिक हिंसा विरुद्धको १६ दिने अभियान सञ्चालन भएको अवधिमा सरकारी वकिलको कार्यालयले जबरजस्ती करणीका दुई वटा मुद्दा अदालतमा दर्ता गरेको छ । यसअघि मङ्सिर १६ गते बालकले बालिकालाई जबरजस्ती करणी गरेको मुद्दा अदातलमा दर्ता भएको थियो ।
चितवनमा एकै महिनामा तीनदेखि चार वटासम्म बलात्कारका मुद्दा अदालतमा पुग्ने गर्छन् । यसपालिको लैङ्गिक हिंसाविरुद्धको १६ दिने अभियानको राष्ट्रिय नारा नै ‘प्रविधिको सही प्रयोग गरौँ : लैङ्गिक हिंसा अन्त्य गरौँ’ भन्ने रहेको छ । यो अभियान बुधबारदेखि सकिएको छ ।
सामाजिक सञ्जालमार्फत हुने हिंसा भयावह रहेको जिल्ला न्यायाधिवक्ता न्यौपाने बताउँछन् । अष्ट्रेलियाले हालै मात्र १६ वर्षमुनिका बालबालिकालाई सामाजिक सञ्जाल प्रयोगमा प्रतिबन्ध लगाएको छ ।#कुलप्रसाद काफ्ले/किरणपुञ्ज
काठमाडौँ । लुम्बिनी लायन्स नेपाल प्रिमियर लिग (एनपिएल)को दोस्रो क्वालिफायरमा प्रवेश गरेको छ ।
कीर्तिपुरस्थित त्रिवि क्रिकेट रङ्गशालामा आज सम्पन्न इलिमिनेटर खेलमा काठमाडौँ गोर्खाजलाई चार विकेटले हराउँदै लुम्बिनी क्वालिफायरमा प्रवेश गरेको हो । काठमाडौँ भने बाहिरिएको छ । जितका लागि पाएको ११२ रनको लक्ष्य लुम्बिनीले १७।४ ओभरमा ६ विकेटको क्षतिमा भेट्टायो । जसमा डार्सी सर्टले सर्वाधिक ३३ रनको योगदान गरे । काठमाडौँका सन्तोष यादवले दुई विकेट लिए ।
यसअघि टस जितेर पहिला ब्याटिङ रोजेको काठमाडौँले १९ दशमलव एक ओभरमा सबै विकेट गुमाउँदै १११ रनमा समेटियो । काठमाडौँका लागि सन्तोष यादवले सर्वाधिक २३ रनको योगदान दिए । उनले १७ बलमा एक छक्काको सहयोगमा २३ रन जोडेका हुन् ।
त्यसैगरी, जोन सिमसन र मोहमद आदिल आलमले समान १८र१८ रन जोडे भने भीम सार्कीले १४ रन बनाए । कप्तान करण केसी नौ रनमा आउट भए ।
काठमाडौँलाई सस्तैमा समेट्ने क्रममा लुम्बिनीका शेर मल्ल र कप्तान रोहित पौडेलले समान तीनरतीन विकेट लिए । यस्तै ट्रम्पलम्यानले दुई विकेट लिए भने अभिशेष गौतमले एक विकेट झारे ।
लुम्बिनीले अब विराटनगर किंग्ससँग दोस्रो क्वालिफायरमा प्रतिस्पर्धा गर्नेछ । दोस्रो क्वालिफायरको विजेताले फाइनलमा मङ्सिर २७ गते सुदूरपश्चिम रोयल्ससँग खेल्नेछ ।
रत्ननगर । रत्ननगर नगरपालिकाले ‘प्रविधिको सही प्रयोग गरौँ : लैङ्गिक हिंसा अन्त्य गरौँ’ भन्ने राष्ट्रिय नाराका साथ सञ्चालित लैङ्गिक हिंसाविरुद्धको १६ दिने अभियानको बुधबार औपचारिकरूपमा समापन गरेको छ ।
अभियानको अन्तिम दिन नगरपालिकाको महिला, बालबालिका तथा ज्येष्ठ नागरिक शाखाको आयोजनामा सचेतनामूलक प्रस्तुतीकरण एवम् अन्तक्र्रिया कार्यक्रम गरी समापन गरिएको हो ।
अभियानको समापन समारोहमा बोल्दै कार्यक्रमका सहभागीहरूले हिंसा नगर्ने, हिंसा नसहने र हिंसा भएको देखेमा त्यसको सशक्त प्रतिवाद गर्ने सामूहिक प्रतिबद्धता व्यक्त गरेका छन् । सो अवसरमा सम्पूर्ण सहभागीहरुले प्रतिबद्धतापत्रमा हस्ताक्षरसमेत गरेका थिए ।
कार्यक्रममा वरिष्ठ जनस्वास्थ्यविज्ञ डा. अरुणा उप्रेतीले विशेष प्रशिक्षण दिएकी थिइन् । उनले समाजमा विद्यमान लैङ्गिक हिंसाका स्वरुपहरू, यसले पार्ने मानसिक तथा शारीरिक असर र न्यूनीकरणका उपायहरूका बारेमा प्रस्तुतीकरण दिएकी थिइन् । उनले प्रविधिको दुरुपयोगबाट सिर्जित हिंसा र त्यसबाट बच्ने उपायहरुबारे पनि प्रशिक्षण दिइन् ।
रत्ननगर नगरपालिका लक्षितवर्ग व्यवस्थापन समितिका संयोजक बबिताकुमारी चौधरीको सभापतित्वमा सम्पन्न कार्यक्रममा रत्ननगर नगरपालिकाका नगरप्रमुख प्रलाद सापकोटा प्रमुखअतिथि रहेका थिए । सो अवसरमा उनले सबै प्रकारका हिंसा अन्त्य गर्न प्रतिबद्धता जनाउँदै हिंसा सह्य नहुने बताए ।
कार्यक्रममा प्रमुख प्रशासकीय अधिकृत प्रकाश खनाल, रत्ननगरका १६ वटै वडाका वडाध्यक्षहरू, कार्यपालिका सदस्यहरू, विभिन्न शाखाका शाखा अधिकृत तथा कर्मचारीहरूको उपस्थिति रहेको थियो । त्यस्तै, सरोकारवाला संघसंस्थाका प्रमुख तथा प्रतिनिधिहरू, टोल विकास संस्थाका प्रतिनिधिहरू र इलाका प्रहरी कार्यालय रत्ननगर टाँडीका प्रहरी निरीक्षक सोभनविक्रम राणासहितको प्रहरी टोलीको पनि सहभागिता रहेको थियो ।
कार्यक्रममा लक्षितवर्ग छनोट समितिका संयोजक यशोदा अधिकारी पौडेलले स्वागत मन्तव्य राख्दै उपस्थित सबैलाई स्वागत गरेका थिए । कार्यक्रमको सहजीकरण तथा सञ्चालन रत्ननगर नगरपालिका महिला, बालबालिका तथा ज्येष्ठ नागरिक शाखा प्रमुख दीपा घिमिरेले गरेकी थिइन् ।
रत्ननगर नगरपालिकाले लैङ्गिक हिंसाविरुद्धको १६ दिने अभियानअन्तर्गत विभिन्न सचेतनामूलक कार्यक्रमहरू सञ्चालन गरेको थियो ।
रत्ननगर । नेपाली कांग्रेस क्षेत्रीय कार्यसमिति, चितवन क्षेत्र नं–१ ले आगामी संघीय निर्वाचन (प्रत्यक्ष तथा समानुपातिक) र राष्ट्रिय सभा सदस्य पदका लागि उमेदवारहरूको नाम सिफारिस गरेको छ ।
क्षेत्र नं–१ का प्रवक्ता राजन अधिकारीका अनुसार, पार्टीको विधान र केन्द्र्र तथा प्रदेश कार्यसमितिको निर्देशनबमोजिम मङ्सिर २३ गते बसेको बैठकले विभिन्न पदका लागि आकाङ्क्षी उम्मेदवारहरूको नामावली सर्वसम्मतरूपमा माथिल्लो निकायमा पठाएको हो ।
प्रवक्ता अधिकारीले दिएको जानकारीअनुसार, संघीय निर्वाचनको प्रत्यक्षतर्फ (पुरुष) ११ जनाको नाम सिफारिस गरिएको छ । जसमा महासमिति सदस्य राजेन्द्र प्रसाद बुर्लाकोटी, कांग्रेस क्षेत्रीय सभापतिका प्रत्यासी इन्द्रकमल बुढाथोकी, महासमिति सदस्य उत्तम आचार्य, बागमती प्रदेश कार्यसमिति सदस्य कुमार कार्की, महासमिति सदस्य वासुदेव ढुङ्गाना, पूर्वमहासमिति सदस्य कृष्णप्रसाद सुवेदी, प्रदेश अधिवेशन प्रतिनिधि सुवासचन्द्र बराल, पूर्वमहाधिवेशन प्रतिनिधि भरतप्र्रसाद खनाल, प्रदेश सभा क्षेत्रीय सभापति (ख) गोविन्द गौतम, महाधिवेशन प्रतिनिधि दीवाकर अर्याल र कांग्रेस चितवन–काठमाडौँ सम्पर्क समितिका सभापति ऋषिश्वर थपलिया रहेका छन् ।
यस्तै, संघीय निर्वाचन प्रत्यक्षतर्फ महिला कोटामा महासमिति सदस्य गीता देवकोटाको नाम सिफारिस गरिएको छ । समानुपातिकतर्फ भने ६ जनाको नाम अगाडि सारिएको छ । जसमा महासमिति सदस्य सुशीला उप्रेती, महाधिवेशन प्रतिनिधि शेरबहादुर परियार, नेपाल प्रजातन्त्र सेनानी संघका केन्द्रीय महामन्त्री गोपाल गिरी, क्षेत्रीय सदस्य बुद्धिसेन चौधरी, नेपाल महिला संघ जिल्ला सदस्य शोभा अर्याल र कांग्रेस पूर्वजिल्ला उपसभापति लीलाभक्त उप्रेती रहेका छन् ।
यसैगरी, राष्ट्रिय सभा सदस्यतर्फ दुई जनाको नाम सिफारिस भएको छ । जसमा पेसागत एवम् बुद्धिजीवी केन्द्रीय विभाग सदस्य मानबहादुर थापा र पूर्वमहासमिति सदस्य भीमप्रसाद थपलिया रहेका छन् । क्षेत्रीय सभापति किरणभूषणसिंह ओलीद्वारा हस्ताक्षरित पत्रमा सिफारिस गरिएका सम्पूर्ण नामहरू समान प्राथमिकता र समान हैसियतमा राखी केन्द्रमा पठाइएको व्यहोरा उल्लेख गरिएको छ ।
चितवन । लागूऔषध खैरो हिरोइनसहित आठ जनालाई प्रहरीले पक्राउ गरेको छ । मङ्गलबार साँझ ४ः०० बजे पक्राउ परेका उनीहरूलाई जिल्ला प्रहरी कार्यालय आज साँझ सार्वजनिक गरेको हो ।
पक्राउ पर्नेमा पर्साको वीरगञ्ज महानगरपालिका–३२ टेडा घर भई हाल जिल्ला चितवन भरतपुर महानगरपालिका–१० डेरा गरी बस्ने १९ वर्षीय अनवर अंसारी, २० वर्षीय रहिफुल्ला मिया ठकुराई, २० वर्षीय प्रवेज अंसारी, भरतपुर महानगरपालिका–४ का २१ वर्षीय सरोज तामाङ, वडा नं १७ का २४ वर्षीय बसन नेपाली, वडा नं २१ पार्वतीपुर बस्ने ३२ वर्षीय मनोज विक र ३६ वर्षीय भीमबहादुर तामाङ रहेका छन् ।
यस्तै, पर्सा वीरगञ्ज महानगरपालिका–१ छप्कैया बस्ने २३ वर्षीया आइषा खातुन पनि पक्राउ परेका छन् । उनीहरूका साथबाट १४२ दशमलव ६८ ग्राम खैरो हिरोइन पक्राउ गरिएको छ ।
पक्राउ परेका सबैलाई लागूऔषधसम्बन्धी कसुरमा मुद्दा दर्ता गरिएको जिल्ला प्रहरी कार्यालय चितवनका सूचना अधिकारी रवीन्द्र खनालले जानकारी दिए ।
चितवन । ‘आँखा चिम्म गरी सपनाको दुनियाँमा हराउनु पर्दैन, आफू सध्य छौँ भने कोहीसँग डराउनु पर्दैन’, जेनजी आन्दोलनका अगुवा अधिराज यादवले यो श्लोक वाचन गर्दा हलमा परर ताली बज्यो ।
जिल्ला प्रशासन कार्यालय चितवनको आयोजना तथा भ्रष्टाचारविरुद्धको अभियान चितवन एवम् भ्रष्टाचारविरुद्ध नागरिक निगरानी संस्था, भ्रष्टाचारविरुद्ध जागरण अभियानले संयोजन कार्यक्रममा यादवले भ्रष्टाचारविरुद्ध सबैजना एकै ठाउँमा आउनुपर्नेमा जोड दिए ।
भ्रष्टाचारविरुद्ध अन्तर्राष्ट्रिय दिवसका अवसरमा आयोजित सुशासन र सदाचार प्रवद्र्धनमा प्रतिबद्धता कार्यक्रममा उनले देशमा भ्रष्टाचार नियन्त्रण गर्न चाहने हो भने सुरूआत आफैँबाट गर्न आवश्यक रहेको बर्ताए । उनले भने, “राजनैतिक दलदेखि सरकारी कार्यालयसम्म र घरदेखि सहरसम्म जताततै भ्रष्टाचारको गन्धले गन्हाएको छ । यसलाई सुधार गर्न लाग्नुपर्छ ।” युवा पुस्ताले यो कुरा बुझेको बताउँदै उनले अहिलेको समयमा पनि भ्रष्टाचार नियन्त्रण गर्न नसके कहिल्यै नहुने बताए ।
जेनजी अगुवा आयुष पौडेलले सार्वजनिक खरिद ऐनलाई परिमार्जन गर्दै सरकारी सेवाहरु प्रविधिमैत्री बनाउन सके भ्रष्टाचार नियन्त्रणमा सहयोग पुग्ने धारणा राखे । गत भदौ २३ र २४ गते भएको प्रदर्शन भ्रष्टाचारविरुद्ध मात्रै नभएर अब युवा जागे है भन्ने सन्देश भएको बताए ।
हरेक स्थानमा जनताको सहभागितालाई आत्मसात् गर्दै अघि बढ्न सके भ्रष्टाचार नियन्त्रण गर्न सकिने उनको भनाइ थियो । दलहरुले गरेका राजनैतिक नियुक्तिदेखि कर्मचारीहरुको कमिसनसम्म भ्रष्टाचारको जालो मौलाएको बताउँदै उनले यसलाई रोक्न सबै आ–आफ्नो ठाउँबाट लाग्न जरुरी रहेको बताए ।
जेनजी समूहका चितवन संयोजक आशीष सापकोटाले भ्रष्टाचार नियन्त्रणका लागि नागरिक समाजदेखि सबै एक हुन जरुरी रहेको बताए । अहिले देशमा केही परिवर्तन हुन्छ कि भन्ने आभाष भएको भन्दै उनले जनताको खबरदारीले नै देश बन्ने बताए । युवा पुस्ताको चाहनाअनुसार शासकहरु अघि नबढ्दा आफूहरु आन्दोलित बन्न बाध्य भएको उनको भनाइ छ ।
कार्यक्रममा जिल्ला समन्वय समिति चितवनका प्रमुख नारायणप्रसाद अधिकारीले भ्रष्टाचार न्यूनीकरणका लागि युवा पुस्ताको भावनाअनुसार अघि बढ्न आवश्यक रहेको बताए । उनले भने, “सबैले जिम्मेवारी लिएर भ्रष्टाचार नियन्त्रणमा लाग्नुपर्छ ।” युवा पुस्ताहरु यसमा चनाखो हुन आवश्यक रहेको उनको भनाइ थियो ।
सो अवसरमा बोल्ने वक्ताहरुले राजनैतिक दलका नेता एवं राज्य संयन्त्र चलाउने कर्मचारीहरु आफूबाट सुधार गर्दै जाँदा भ्रष्टाचार निवारण गर्न सहयोग पुग्ने बताए ।
त्यस अगसरमा संविधानसभा सदस्य विष्णुमाया परियार, भ्रष्टाचारविरुद्धको अभियान चितवनका संयोजक भीमबहादुर श्रेष्ठ, नेपाली कांग्रेस चितवनका सभापति राजेश्वर खनाल, रास्वपा चितवनका सभापति कृष्णप्रसाद भुषाल, नेपाल पत्रकार महासंघ चितवन शाखाका अध्यक्ष वसन्त पराजुलीलगायतले भ्रष्टाचार घर–घरबाट हटाउन आवश्यक रहेको बताए ।
काठमाडौँ । नेपाल प्रिमियर लिग (एनपिएल) जारी सिजन–२ मा सुदूरपश्चिम रोयल्स फाइनलमा प्रवेश गरेको छ ।
मङ्गलबार सम्पन्न पहिलो ‘क्वालिफायर’ खेलमा विराटनगर किङ्ग्सलाई ७७ रनले पराजित गर्दै सुदूरपश्चिम फाइनलमा पुगेको हो । पराजित विराटनगरले भने ‘इलिमिनेटर’ खेल्ने मौका पाउनेछ ।
सुदूरपश्चिमले दिएको १५६ रनको लक्ष्य पछ्याएको विराटनगर १४ दशमलव एक ओभरमा ७८ रनमा अलआउट भयो । जसमा फाफ डु प्लेसिसले सर्वाधिक ३६ रन जोडे पनि हार टार्न सकेनन् । सुदूरपश्चिमका स्कट कुगेलेइन, अभिनाश बोहरा र हर्मित सिंहले दुई/दुई विकेट लिए ।
यसअघि कीर्तिपुरस्थित त्रिवि अन्तर्राष्ट्रिय क्रिकेट रङ्गशालामा टस हारेर पहिला ब्याटिङको निम्तो पाएको सुदूरपश्चिमले निर्धारित २० ओभरमा सात विकेट गुमाउँदै एक सय ५५ रनको योगफल बनायो । सुदूरपश्चिमको लागि विनोद भण्डारीले सर्वाधिक ६३ रनको योगदान दिए । उनले ५२ बलमा तीन चौका र दुई छक्काको मद्दतमा ६३ रन बनाएका हुन् । यस्तै, आसिफ शेख र शेरडोन ज्याकसनले समान २०/२० रन जोडे । यसैगरी हरमित सिङले १४ रन बनाए भने इसान पाण्डेले १३ रन जोडे ।
यता बलिङतर्फ विराटनगरका प्रतिश जिसी र मार्सेन्ट दिलाङले समान दुई/दुई विकेट लिए भने सूर्य तामाङ र साम हेजलेटले समान एक/एक विकेट लिए ।
भरतपुर । अण्डाको मूल्य फेरि बढेको छ । देशभरका पोल्ट्री फार्महरुको मूल्यलाई आधार मानेर समर्थन मूल्य जारी गर्दै आएको नेपाल लेयर्स कुखुरा पालक संघले मंगलबारदेखि लागू हुनेगरी नयाँ मूल्य कायम गरेको छ ।
ठूलो (एक्सएल) अण्डा प्रतिक्रेट (३० को) रु ५८०, ठूलो अण्डा रु ५६५ र मिडिएम रु ५५० पुगेको छ । यसअघि गएको साउनमा हालसम्मकै सबैभन्दा बढी ठूलो अण्डाको प्रतिक्रेट रु ५६० पुगेको थियो । क्रमशः मूल्य घटेर रु ४०० मा झरेको थियो ।
संघका अध्यक्ष विनोद पोखरेलका अनुसार यसअघिको मूल्यभन्दा प्रतिक्रेट रु २० ले बढेको हो । उनका अनुसार भारतीय अण्डा सीमाबाट अवैध रूपमा छिर्न रोकिएपछि नेपाली अण्डाले लागत मूल्य पाएको हो । भारतमा भएको निर्वाचनका कारण सिमानामा कडाइ र त्यहाँको अण्डाको खपतसँगै मूल्य बढेपछि अवैध रूपमा अण्डा नेपाल भित्रन नपाएको उनले बताए ।
संघका सल्लाहकार त्रिलोचन कँडेलका अनुसार भारतमा समेत अण्डाको मूल्य बढेको छ । भारतमा नै राम्रो मूल्य पाएपछि अवैध रूपमा नेपाल अण्डा आउन कम भएको उनले बताए । अण्डाको लागत मूल्य नेपालमा प्रतिगोटा रु १६ दशमलव ५७ पर्न आउँछ । अहिलेको दरमा अण्डा बिक्री गर्दा नेपालका किसानले नाफा पाएको उनले बताए ।
पोल्ट्री व्यवसायी मञ्चका पूर्वअध्यक्ष एवं संघको अण्डाको बजारीकरण अभियानमा लागि रहनुभएका राजेन्द्र लामिछाने जाडो महिनामा अण्डाको खपत बढ्ने बताए । उनको भनाइमा जाडोमा चिसोबाट जोगिनका लागि अण्डा खानुपर्छ भन्ने जनचेतना जगाउन सकेका कारण पनि माग बढेको हो ।
अहिले नेपालमा दैनिक ४० लाख गोटा हाराहारी अण्डा उत्पादन हुने गरेको अनुमान छ । अण्डाको मूल्य नपाएपछि साना किसान विस्थापित भएका छन् भने बैंकिङ ऋण लिएर किसानहरुले ठूलो संख्यामा कुखुरा पाल्दा माग धान्न सकेको छ ।
काठमाडौँ । सडक निर्माणमा अपेक्षित प्रगति नभएपछि सरकारले नागढुङ्गा–नौबिसे मलेखु सडकखण्ड आंशिकरुपमा बन्द गरेर प्रक्रिया अगाडि बढाउने भएको छ ।
भौतिक पूर्वाधार तथा यातायात मन्त्रालयले सरोकारवाला सबैलाई केही दिन पहिले आमन्त्रण गरी समस्या समाधान गर्ने प्रतिबद्धता जनाएको थियो । निर्माण व्यवसायी र सम्बन्धित आयोजनाले सवारीसाधन निरन्तर आवतजावत हुँदा सडक निर्माणले गति लिन नसकेको बताएका थिए ।
ट्राफिक व्यवस्थापन गरी सडक निर्माणलाई गति दिने लक्ष्यका साथ यही मङ्सिर २४ गतेदेखि आगामी पुस १ गतेसम्म दैनिक पाँच घन्टा सडक बन्द गर्ने निर्णय गरिएको छ । जिल्ला प्रशासन कार्यालय काठमाडौँ र धादिङले संयुक्त रुपमा सडक बन्द हुने सूचना प्रकाशित गरेको छ ।
त्रिभुवन राजपथको नागढुङ्गा नौबिसे सडकखण्ड कालोपत्र गरी स्तरोन्नति सम्पन्न हुने चरणमा छ । सोही क्रममा उक्त सडकको काठमाडौँ जिल्ला भित्र पर्ने नागढुङ्गा पिप्लामोड खण्ड कालोपत्र उच्च प्राथमिकताका राखिएको छ । सो सडकखण्ड अन्यत्र भन्दा साँघुरो भएको र कालोपत्रका लागि एकै पटकमा धेरै गह्रौँ उपकरण तथा ढुवानीका साधन परिचालन गर्नुपर्ने हुन्छ । यसैगरी धादिङको गल्छी–गजुरी खण्ड पनि साँघुरो र जोखिमपूर्ण रहेकाले पोखरेभिर क्षेत्रमा सडक चौडा गर्नुपर्ने आयोजनाले जनाएको छ ।
सूचना अनुसार नागढुङ्गा देखि पिप्लामोडसम्म र पोखरेभिर क्षेत्रमा यही मङ्सिर २४ गतेदेखि आगामी पुस १ गतेसम्म बिहान १०ः३० बजेदेखि अपराह्न ३ः३० बजेसम्म सडक आवागमन बन्द हुनेछ । सो समयमा वैकल्पिक सडक प्रयोग गरिदिन तथा आफ्नो यात्रा समयलाई सो समय भन्दा अगाडी वा पछाडी व्यवस्थापन गर्न सूचनामा आग्रह गरिएको छ ।
सो समयमा काठमाडौँबाट नौबिसेतर्फ जाने सवारी साधन नागढुङ्गा चेकपोस्टमा रोकिनेछ । सूचनामा अत्यावश्यकीय प्रकृतिका एम्बुलेन्स, सुरक्षा निकायका सवारी साधन, दमकल, शव वाहन जस्ता सवारीसाधनको आवागमन ट्राफिक प्रहरीबाट सहजीकरण हुने जनाइएको छ ।
मुग्लिङबाट काठमाडौँतर्फ जाने सवारीसाधन खानीखोला (नौबिसे), जुंगेखोला (थाक्रे), गल्छी–गजुरी खण्डको लागि गल्छी, बैरेनी र मासटारमा रोकिनेछ । साना तथा मझौला सवारीसाधनले अत्यावश्यक अवस्थामा वैकल्पिक मार्ग प्रयोग गर्न सक्नेछन् । सूचनाअनुसार सीतापाइला भीमढुङ्गा,रामकोट धार्के सडक, सामाखुसी टोखा–छहरे सडक वैकल्पिक रुपमा प्रयोग गर्न सकिने छ ।
रोकिएका सबै सवारीसाधनलाई अपराह्न ३ः३० बजेपछि मात्र छाडिने सूचनामा उल्लेख छ ।
चितवन । स्वास्थ्य तथा जनसंख्यामन्त्री डा. सुधा शर्मा गौतमले सरकारले एसइई परीक्षापछिको नर्सिङ पढाइ (पिसिएल) लाई निरन्तरता दिने तयारी गरेको बताएकी छन् ।
भरतपुर अस्पतालको ट्रमासेन्टर तथा कम्पाउन्डिङ फार्मेसीको उद्घाटन गर्दै उनले अहिले अस्पतालमा आवश्यक स्टाफ नर्सको संख्या कम भएकाले पिसिएल नर्सिङ कार्यक्रम सञ्चालन गर्नेगरी तयारी थालिएको बताइन् ।
मन्त्री गौतमले भनिन्, “ठूला मेडिकल कलेज र आफ्नै अस्पताल भएका कलेजहरूलाई एसइई पछिको नर्सिङ पढाइको अनुमति दिनेगरी काम गरिरहेका छौँ ।” अध्यादेशमार्फत एउटा बुँदा थपेर भए पनि पढाइ सुरु गर्ने योजनामा सरकार र मन्त्रालय रहेको उनले उल्लेख गरिन् । अहिले मन्त्रालयले विषयगत रूपमा सात वटा विषयमा सुधार गर्नेगरी काम गरेको उनले बताइन् ।
मन्त्री गौतमले सेवातर्फ मानसिक स्वास्थ्य, श्रमिक स्वास्थ्य, महिला स्वास्थ्य र बालबालिका स्वास्थ्यमा केन्द्रित गरिएको जानकारी दिइन् । सुधारका क्षेत्रमा स्वास्थ्य बिमा सुधार, औषधिमा गुणस्तरीयता र खरिद प्रक्रियालाई सहजीकरण गर्दै भ्रष्टाचारमुक्त बनाउने गरी काम भइरहेको उनले बताइन् ।
मन्त्री गौतमले भनिन्, “हामीले प्रतिवेदन तयार पारी कार्ययोजना बनाइरहेका छौँ । शीघ्र यसको नतिजा आउने छ ।” उनले आफ्नो सरकारी जागिरको सुरुवाती अस्पताल भरतपुर अस्पतालमा भएको स्मरण गर्दै यहाँको प्रगतिले आफू सन्तुष्ट रहेको बताए ।
सो अवसरमा बागमती प्रदेशका पूर्वस्वास्थ्यमन्त्री एवम् प्रदेशसभा सदस्य उत्तम जोशीले स्वास्थ्य क्षेत्रको सुधारका लागि नीतिगत सुधार गर्दै अघि बढ्नुपर्ने आवश्यकता औँल्याए । उनले भनिन्, “सरकारी अस्पताल सुधार गर्नुछ भने नीतिगत रूपमा नै सुधार गर्न आवश्यक छ ।”
भरतपुर अस्पताल विकास समितिका अध्यक्ष राजु पौडेलको अध्यक्षतामा सम्पन्न कार्यक्रममा अस्पतालका प्रमुख मेडिकल सुपरिटेन्डेन्ट प्राडा कृष्णप्रसाद पौडेलले अस्पतालमा भएका सुविधा र अस्पतालको समस्याका बारेमा जानकारी दिएका थिए ।
ट्रमासेन्टर निर्माणका लागि रु ११ करोड खर्च भएको जनाउँदै समितिका अध्यक्ष पौडेलले उपकरणका लागि रु दुई करोड ५० लाख खर्च भएको उल्लेख गरे । उनका अनुसार सेन्टर अहिले १५ श्ययाबाट सुरु गरिएको छ भने आगामी दिनमा ५० शैय्या पु¥याउने लक्ष्य राखिएको छ ।
मलेखु । पृथ्वी राजमार्गअन्तर्गत धादिङको धुनिबेँसी नगरपालिका–६ चालिसेमा भएको दुर्घटनामा चितवनको स्कुल बसमा सवार २५ सहित ३५ जना घाइते भएका छन् ।
सात वटा सवारीसाधन आपसमा ठोक्किएर भएको दुर्घटनामा चार वटा सवारीसाधनका ३५ जना घाइते भएका हुन् । दुर्घटनामा परेका सबैको स्थानीय अस्पताल र काठमाडौँका विभिन्न अस्पतालमा उपचार भइरहेको जिल्ला प्रहरी कार्यालय धादिङका प्रहरी नायब उपरीक्षक प्रकाश दाहालले जानकारी दिए ।
काठमाडौँबाट गजुरी जाँदै गरेको बागमती प्रदेश ००१ क ००११ नम्बरको (चितवनको कालिका–६ , श्रीमावि रेडक्रसमार्ग) स्कुल बस, एनएल ०१ बिए ४६५४ नम्बरको गाडी (डिब्बा), ना ४ ख ७१५ नम्बरको ट्रक, लु ९५ प ३०७ नम्बरको मोटरसाइकल, जिजे ०३ ए के ३२३१ नम्बरको बस र काठमाडौँ जाँदै गरेको ग १ ख ८५५१ नम्बरको बस, बा १ प ९१७ नम्बरको पर्यटक बस दुर्घटनामा परेको थिए ।
घाइते हुनेमा अधिकांश स्कुल बसमा सवार विद्यार्थी रहेका छन् । चितवनको स्कुल बसमा सवार २५ जना, गोरखाबाट काठमाडौँतर्फ जाँदै गरेको बसमा सवार आठ जना, मोटरसाइकलमा सवार एक जना र डिब्बा गाडीमा सवार एक जना घाइते भएका जिल्ला प्रहरी कार्यालयले जनाएको छ ।
रत्ननगर । पूर्वी चितवनको प्रतिष्ठित शैक्षिक संस्था न्यू क्यापिटल कलेज, रत्ननगरमा भूतपूर्व विद्यार्थीहरूको साझा संगठन न्यू क्यापिटल कलेज एल्मुनाई एसोसिएसनको तदर्थ समिति गठन गरिएको छ ।
कलेजको पहिलो ब्याच २०५७ का भूतपूर्व विद्यार्थी प्रल्हाद पन्तको अध्यक्षता एवम् कलेजका प्राचार्य भूपेन्द्र धितालको प्रमुख आतिथ्यतामा बसेको संयुक्त बैठकले सात सदस्यीय तदर्थ समिति गठन गरेको छ ।
एसोसिएसनको अध्यक्षमा प्रल्हाद पन्त, उपाध्यक्षमा रञ्जिता पण्डित र सचिवमा ई. केशव चालिसे चयन भएका छन् । यस्तै सदस्यहरूमा ई. सरोज पौडेल, सपना पाण्डे, प्रवीन बर्तौला र समीर चालिसे रहेका छन् ।
कार्यक्रममा कलेजका उपप्राचार्य ठाकुरप्रसाद पनेरु, डा. सञ्जयकुमार शाह, डा. ताराप्रसाद ढुङ्गाना र कलेजका भूतपूर्व विद्यार्थी डा. देवेन्द्र आचार्यको विशेष उपस्थिति रहेको थियो ।
कार्यक्रमलाई सम्बोधन गर्दै प्राचार्य धितालले नवगठित एल्मुनाई एसोसिएसनले कलेज र पूर्वविद्यार्थीको सम्बन्धलाई अझ मजबुत बनाउने, सहकार्यका नयाँ मार्गहरू खोल्ने तथा शैक्षिक गुणस्तर अभिवृद्धिमा महत्त्वपूर्ण योगदान पु¥याउने विश्वास व्यक्त गरे । उनले सम्पूर्ण भूतपूर्व विद्यार्थीलाई संगठनमा आबद्ध हुन आह्वान् गरे ।
नवगठित एल्मुनाई एसोसिएसनका अध्यक्ष पल्हाद पन्तले एल्मुनाइ एसोसिएसनको संरचना विस्तार, सदस्यता खुला गर्ने तथा विधान निर्माणको कामलाई पूर्णता दिई छिट्टै रचनात्मक र सिर्जनात्मक गतिविधिलाई अगाडि बढाउने प्रतिबद्धता व्यक्त गरे ।
काठमाडौँ । नेपाल प्रिमियर लिग (एनपिएल)को आजको खेलमा पोखरा एभेन्जर्सले एडम रोसिङटनको अर्धशतकको सहयोगमा चितवन राइनोजलाई आठ विकेटले पराजित गरेको छ ।
कीर्तिपुरस्थित त्रिभुवन विश्वविद्यालय अन्तरराष्ट्रिय क्रिकेट मैदानमा एक सय २१ रनको सामान्य लक्ष्य पोखराले १९ दशमलव ४ ओभरमा दुई विकेट गमाउँदै पूरा गर्यो ।
पोखराको जीतमा रोसिङटनले ४८ बल खेल्ने क्रममा पाँच छक्का र चार चौकाको सहयोगमा ६५ रन बनाए । प्रतियोगितामा पहिलो पटक अवसर पाएका अर्जुन कुमालले अविजित ४३ रन जोडे । उनले ५३ बल खेल्दै एक छक्का र दुई चौका प्रहार गरे ।
पहिले ब्याटिङ गरेको चितवनले निर्धारित २० ओभरमा ६ विकेटको क्षतिमा १२० रन मात्रै बनाउन सक्यो । चितवनका लागि देव खनालले सर्वाधिक ३५ र अल्पेश रामजानीले अविजित ३३ रन बनाए । पोखराका धनन्जय लक्षनले ३ विकेट लिए ।
लिग चरणको अन्तिम खेल आइतबार दिउँसो ३ः३० बजे जनकपुर बोल्ट्स र कर्णाली याक्सबीच हुनेछ ।
चितवन । नेपाली चलचित्र ‘अभिमन्यु : च्याप्टर–१’ नेपालभर प्रदर्शन भएको छ । तराईको पृष्ठभूमिमा तयार गरिएको उक्त चलचित्रमा सामाजिक सन्देशसहित मनोरञ्जनात्मक कथा प्रस्तुत गरिएको निर्माता विनोद पौडेलले बताए ।
उनले भने, “हामीले एउटा सन्देशमूलक कथालाई चलचित्रको शैलीमा रोमाञ्चक बनाएर प्रस्तुत गरेका छौँ । यसले मनोरञ्जन र सन्देश दुवै दिन्छ भन्ने हाम्रो विश्वास छ । नियमितरुपमा बनिरहेका चलचित्रभन्दा फरक बनाउने कोसिस गरेका छौँ ।”
निर्माता पौडेलसहितका समूहले निर्माण गरेको ‘पूर्णबहादुरको सारङ्गी’ले नेपालमा ऐतिहासिक व्यापार गर्न सफल भएको थियो । यो उनले निर्माण गरेको दोस्रो चलचित्र हो । अब्बल अभिनेताका रुपमा परिचित कामेश्वर चौरसियाले कलाकारिता सुरू गरेको झन्डै सत्र वर्षपछि यही चलचित्रमा मुख्य भूमिकामा देखिएका छन् ।
“मैले यही क्षणको प्रतीक्षा गरिरहेको थिएँ । यो समयका लागि मैले धेरै मेहनत गरेको छु । मधेशको कथामा बनेको चलचित्र भएकाले निर्माण पक्षले मलाई रोज्नु स्वाभाविक हो । यो मेरो सङ्घर्षको फल हो र मैले पात्रलाई जीवन्त बनाउन सकेको प्रयत्न गरेको छु”, अभिनेता चौरासियाले भने ।
अभिनय यात्रामा पहिलोपटक आफूले कथालाई अगाडि बढाउने अवसर पाउँदा बाल्यकालमै कलाकारिता गर्ने सपना पूरा भएको महसुस गरेको अभिनेता चौरासियाले बताए ।
उक्त चलचित्रमा उनीसँगै किरण श्रेष्ठ, सरिता गिरी, गौमाया गुरूङ, लक्ष्मी बर्देबा, शिशिर वाङ्देल, प्रकाश दाहाल र सुष्मा निरौलालगायत कलाकारले अभिनय गरेका छन् । चलचित्रमा सुशान्त गौतमले निर्देशन, मुकेश खनालले लेखन, शरद महतोले छायाङ्कन र मदन घिमिरेले सम्पादन गरेका छन् ।
काठमाडौँ । राजधानीमा जारी दोस्रो संस्करणको नेपाल प्रिमियर लिग (एनपिएल)मा आजको पहिलो खेलमा विराटनगर किंग्सले सुदूरपश्चिम रोयल्सलाई छ विकेटले पराजित गरेको छ ।
जितका लागि पाएको १४८ रनको लक्ष्य विराटनगरले ११ दशमलव पाँच ओभरमा चार विकेट गुमाएर भेट्टायो । जसमा साम हिजलेट र फाफ डु प्लेसिसले अर्धशतकीय पारी खेले । साम ५१ र फाफ ५० रनमा आउट भए । सुदूरपश्चिमका अविनाश बोहराले दुई र हर्मित सिंहले एक विकेट हात पारे ।
यसअघि त्रिभुवन विश्वविद्यालय अन्तरराष्ट्रिय क्रिकेट रङ्गशाला कीर्तिपुरमा टस हारेर पहिला ब्याटिङ गरेको सुदूरपश्चिमले निर्धारित २० ओभरमा पाँच विकेटको क्षतिमा १४७ रन बनायो । जसमा आरिफ शेखले सर्वाधिक अविजित ४५ र इशान पाण्डेले ३८ रन जोडे ।
विराटनगरका कप्तान सन्दीप लामिछानेले तीन र प्रतिश जिसीले दुई विकेट हात पारे । आजको जितले विराटनगरले पहिलो क्वालिफायरमा सुदूरपश्चिमसँगको भेट पक्का गरेको छ । सुदूरपश्चिम यसअघि नै क्वालिफायर पुगिसकेको थियो । इलिमिलेटरमा काठमाडौं र लुम्बिनी खेल्नेछन् । अहिले ३ः३० बजे चितवन राइनोज र पोखरा एभेञ्जर्स प्रतिस्पर्धा गर्नेछन् ।
रत्ननगर । २२औँ राष्ट्रिय महिला सामुदायिक स्वास्थ्य स्वयंसेविका दिवस २०८२ को अवसरमा रत्ननगर नगरपालिकाका तीन उत्कृष्ट स्वयंसेविका सम्मानित भएका छन् ।
‘स्वस्थ समुदायको निर्माण, महिला सामुदायिक स्वास्थ्य स्वयंसेविकाको योगदान’ भन्ने नाराका साथ रत्ननगर नगरपालिकाको आयोजना एवम् जनस्वास्थ्य कार्यालय चितवनको समन्वयमा भएको कार्यक्रममा रत्ननगर–३ का दिलमाया विष्ट, रत्ननगर–५ का अर्चना दुवाडी र रत्ननगर–१६ का अनुराधा सुवेदी सम्मानित भएका हुन् ।
उनीहरुलाई आन्तरिक प्रतिस्पर्धा तथा कार्यसम्पादन मूल्याङ्कनका आधारमा पुरस्कृत गरिएको स्वास्थ्य शाखा प्रमुख माधवप्रसाद पौडेलले जानकारी दिए । उनीहरुलाई जनही तीन हजार रुपैयाँ र प्रमाणपत्रद्वारा उपप्रमुख यादवप्रसाद पाठक र जनस्वास्थ्य कार्यालय चितवनका प्रमुख निर्मल घिमिरेले सम्मान गरेका हुन् ।
यस्तै, लामो समयदेखि स्वयंसेविका रहेर योगदान गर्ने रत्ननगर–७ का बिनाकुमारी थारुलाई जनही एक लाख रुपैयाँसहित बिदाइ गरिएको छ । थारु ६० वर्ष उमेर पुगेका कारण स्वतः अवकाश भएकी हुन् । उनलाई बागमती प्रदेश सरकार स्वास्थ्य मन्त्रालयमार्फत प्रदान गरिएको २० हजार रुपैयाँ जनस्वास्थ्य कार्यालय चितवनले हस्तान्तरण छ ।
यसैगरी, रत्ननगरका १६ वटै वडामा योगदान गर्दै आएका ६० जना महिला सामुदायिक स्वयंसेविकालाई पनि सम्मान गरिएको छ । उनीहरुलाई बागमती प्रदेश सरकार, स्वास्थ्य मन्त्रालयमार्फत जनही छ हजारका दरले सम्मान गरिएको हो ।
स्वयंसेविकाहरुलाई सम्मान गर्दै नगर उपप्रमुख यादवप्रसाद पाठकले समुदायमा जनचेतना फैलाउँदै सामाजिक कार्यमा अग्रसर हुने स्वयंसेविकाहरु साच्चै सम्मानको हकदार रहेको बताए । उनले भने, ‘सबै मानिसलाई समाजले सम्झँदैन, जसले राम्रो काम गरेको हुन्छ त्यसैलाई सम्झिन्छ ।’ त्यसैले हरेक स्वयंसेविकाहरुले समाजले सम्झने गरी काम गर्न उनले आग्रह गरे । उनले समाजमा नकारात्मक विषयले बढी प्राथमिकता पाउने गरेकोले त्यसलाई चिर्न आवश्यक रहेको बताए ।
सामाजिक विकास समितिका संयोजक सोहेन्द्रराज खरेलले समुदायमा रहेर निरन्तर योगदान गर्दै आएका सबै स्वयंसेविकाहरु उत्तिकै सम्मानको हकदार रहेको बताउँदै यसपटक ६० जनामध्ये तीन जनालाई छनोट गरिएको बताए । स्वयंसेविकाहरुले समुदायमा गरेको योगदान कहिल्यै नबिर्सने र अझै उत्कृष्ट कार्य गर्न पुरस्कारले हौसला मिल्ने उनको भनाइ थियो ।
स्वास्थ्य शाखा प्रमुख माधवप्रसाद पौडेलले स्वागत मन्तव्य राख्दै स्वयंसेविकाको योगदानकै कारण सरकारले निर्धारण गरेको लक्ष्य हासिल गर्न सहयोग पुग्ने बताए । नगरवासीको स्वास्थ्य क्षेत्रमा सुधार ल्याउन र मातृमृत्युदर, बालमृत्युदरमा कमी ल्याउन पनि स्वयंसेविकाको योगदान अतुलनीय रहेको बताउँदै उनले नगरको स्वास्थ क्षेत्रको मेरुदण्डका रुपमा रहेका स्वयम्सेविकाहरु साँच्चै सम्मानको हकदार रहेको चर्चा गरे ।
कार्यक्रमको सञ्चालन गर्दै स्वास्थ्य शाखाका सहसंयोजक वासुदेव सापकोटाले स्वास्थ्य उपचारबाट कोही पनि वन्चित हुनु नपरोस् भन्नाका लागि रत्ननगर नगरपालिकाले बकुलहर रत्ननगर अस्पताल र भरतपुर अस्पतालमा विपन्न उपचार सहायता कोष स्थापना गरेको बताए । अस्पतालमा स्थापित कोषमार्फत नगरवासी मात्र नभई पूर्वी चितवनका चार पालिकाका जुनसुकै विपन्न नगरवासीले एक हजार रुपैयाँदेखि २५ हजार रुपैयाँसम्म निःशुल्क उपचार सेवा लिनसक्ने जानकारी दिए ।
यसैगरी, रत्ननगर नगरपालिकाले विपी मेमोरियल क्यान्सर अस्पतालमा क्यान्सरको उपचारका लागि २५ हजार रुपैयाँ प्रदान गर्दै आएको र रक्तसञ्चार युनिट रत्ननगरमा पनि निःशुल्क ल्याब टेस्टको प्रबन्ध मिलाइएको उनले जानकारी दिए ।
कार्यक्रममा कार्यपालिका सदस्य बबिताकुमारी चौधरी, सानु भण्डारी बस्नेत, डा. विवेक मालाकार, नर्सिङ अधिकृत अम्बिका पौडेल, जनस्वास्थ्य निरीक्षक दीपेन्द्र विक, स्वास्थ्यचौकी तथा आधारभूत स्वास्थ्यकेन्द्र प्रमुख तथा स्वास्थ्यकर्मीहरुको सहभागिता रहेको थियो ।
काठमाडौँ । राजधानीमा जारी दोस्रो संस्करणको नेपाल प्रिमियर लिग (एनपिएल)मा लुम्बिनी लायन्स प्लेअफमा पुग्ने अन्तिम टोली बनेको छ । आजको खेलमा लुम्बिनीले जनकपुर बोल्ट्सलाई चार विकेटले हराउँदै प्लेअफमा पुगेको हो ।
लुम्बिनी प्लेअफ पुग्दा जनकपुर, पोखरा एभेन्जर्स र चितवन राइनोज एक खेलअगावै खेलबाट बाहिरिएका छन् । यसअघि सुदूरपश्चिम रोयल्स, काठमाडौँ गोर्खाज र विराटनगर किङ्स प्लेअफमा सुरक्षित भइसकेका छन् ।
आजको खेलमा जनकपुरले दिएको १३३ रनको लक्ष्य लुम्बिनीले १९ दशमलव पाँच ओभरमा छ विकेटको क्षतिमा भेट्टाएको छ । लुम्बिनीका कप्तान रोहित पौडेलले सर्वाधिक ३४ रन हिर्काएका छन् । बलिङमा जनकपुरका सङ्गीथ कुरेले तीन विकेट लिए ।
यसअघि त्रिभुवन विश्वविद्यालय अन्तरराष्ट्रिय क्रिकेट रङ्गशाला कीर्तिपुरमा टस जितेर पहिला ब्याटिङ गरेकामा जनकपुरले निर्धारित २० ओभरमा छ विकेटको क्षतिमा १३२ रन बनाएको थियो । जनकपुरका लागि सङ्गीथ कुरेले सर्वाधिक ४५, मयन यादवले २७, आशिफ शेखले २० रनको योगदान गरेका छन् । लुम्बिनीका कप्तान पौडेल र शेर मल्लले समान दुई, दुई विकेट झारे ।
काठमाडौँ । नेपाल प्रिमियर लिग (एनपिएल)को आजको खेलमा जित निकाल्दै सुदूरपश्चिम रोयल्सले आफ्नो अपराजित यात्रा कायमै राखेको छ ।
कीर्तिपुरस्थित त्रिभुवन विश्वविद्यालय अन्तरराष्ट्रिय क्रिकेट मैदानमा चितवन राइनोजलाई ४९ रनले पराजित गर्दै छ खेलमा सबैमा जीत निकाल्दै १२ अङ्क जोडेको छ ।
जीतका लागि १७० रनको लक्ष्य पछ्याएको चितवन राइनोज १७ दशमलव एक ओभरमा १२० रनमा अलआउट भयो । ‘प्लेअफ’मा पुग्न जीतको खोजीमा रहेको चितवनका ब्याटर चल्न सकेनन् । उसका लागि रवि बोपाराले २९, देव खनालले २८ रन बनाए । साथै अर्जुन साउँदले १६ र कुशल मल्लले १५ रनको योगदान दिए । अन्य ब्याटरले दोहोरो अङ्कमा रन बनाउन सकेनन् ।
सुदूरपश्चिमको जीतमा पुनित मेहराले तीन विकेट लिए भने दीपेन्द्रसिंह ऐरी, हिक्मत महरा, अभिनाश बोहरा र इशान पाण्डेले एक÷एक विकेट लिए । तीन जना ब्याटर रनआउट भए ।
त्यसअघि पहिले ब्याटिङ गरेको सुदूरपश्चिमले ओपनर क्रिस लिनको शानदार अर्धशतकमा २० ओभरमा चार विकेटको क्षतिमा १६९ रन बनाएको थियो ।
सुदूरपश्चिमका लागि लिनले रिटायर्ट हर्ट हुनुअघि ७५ रन बनाए । ५६ बल खेल्ने क्रममा उनले तीन छक्का र पाँच चौका प्रहार गरे । ओपनर बिनोद भण्डारीले २१ रनको योगदान दिए ।
इशान पाण्डेले एक रन मात्रै बनाए भने पुनित मेहराले १३ र हर्मित सिंहले एक रन मात्रै बनाउन सके । आरिफ शेख र दीपेन्द्रसिंह ऐरीले समान २४/२४ रन बनाए ।
चितवनका लागि सैफ जाइबले दुई विकेट लिए भने जर्ज स्क्रिमस र रञ्जित कुमारले एक/एक विकेट लिए ।
काठमाडौँ । राजधानी काठमाडौँमा जारी दोस्रो संस्करणको नेपाल प्रिमियर लिग (एनपिएल)मा काठमाडौँ गोर्खाज प्लेअफमा पुग्ने दोस्रो टोली बनेको छ । यसअघि सुदूरपश्चिम रोयल्स प्लेअफमा पुगिसकेको छ । बिहीबारको खेलमा काठमाडौँले पोखरा एभेन्जर्सलाई १३ रनले हराउँदै प्लेअफमा स्थान सुरक्षित गरेको हो ।
काठमाडौँले प्रस्तुत गरेको १६६ रनको लक्ष्य पछ्याएको पोखरा २० ओभरमा १५२ रनमा अलआउट भयो । पोखराका ऋषि धवनले सर्वाधिक ५४ रन हिर्काए पनि जितका लागि पर्याप्त हुन सकेन । बलिङमा काठमाडौँका शाहब आलमले ह्याट्रिकसहित छ विकेट लिए ।
यसअघि त्रिभुवन विश्वविद्यालय अन्तरराष्ट्रिय क्रिकेट रङ्गशाला कीर्तिपुरमा टस हारेर पहिला ब्याटिङ गरेको काठमाडौँले निर्धारित २० ओभरमा आठ विकेटको क्षतिमा १६५ रन बनाएको थियो । काठमाडौँका बेन चाल्र्सवर्थ र भीम सार्कीले अर्धशतकीय पारी खेले । बेन ६४ र भीम ५५ रनमा आउट भए ।
पोखराका धनञ्जय लक्षनले चार, कप्तान कुशल भुर्तेलले दुई विकेट हात पारे । यो जितसँगै काठमाडौँ १० अङ्कसहित प्लेअफमा पुग्दा पोखराले छ खेलबाट चार अङ्क जोडेको छ । पोखराले अब एक खेल खेल्न बाँकी छ ।
रत्ननगर । रत्ननगर नगरपालिकाको आयोजना एवम् रत्ननगर वाङ्मय प्रतिष्ठानको संयोजनमा ‘पूर्वी चितवनमा उच्च शिक्षाकोे वर्तमान अवस्था र आवश्यकता’ विषयक अन्तर्क्रिया गरिएको छ ।
कार्यक्रममा प्रमुखअतिथि त्रिभुवन विश्वविद्यालयका पूर्वउपकुलपति डा. तीर्थराज खनियाँले विश्वविद्यालयभन्दा ठूलो प्राज्ञिक संस्था अन्य कुनै नरहेकाले मुलुकको समग्र विकासका निम्ति विश्वविद्यालयको आवश्यकता अनिवार्य रहेको उल्लेख गरे । पूर्वी चितवन धेरै दृष्टिले पछाडि परेको उल्लेख गर्दै गुणस्तरीय शिक्षासहितको जनशक्ति उत्पादनका लागि विश्वविद्यालय स्थापना जरूरी रहेको उनले बताए ।
उनले पूर्वी चितवनको शैक्षिक उन्नयनका लागि गुणराज पाठकको योगदान स्मरणीय रहेको उल्लेख गर्दै पूर्वी चितवनमा दक्ष जनशक्ति उत्पादन गर्ने विश्वविद्यालयको स्थापनाका लागि सबैको प्रयत्न आवश्यक रहेको बताए ।
यस्तै, सप्तगण्डकी बहुमुखी क्याम्पसका डा. कपिलदेव सुवेदीले पूर्वी चितवनमा थुप्रै शैक्षिक प्रतिष्ठानहरु स्थापना भए पनि मानवीय क्षमताको विकास हुन नसकेको र उत्पादित जनशक्ति बजारमा बिक्ने अवस्था नरहेको भन्दै प्रविधिमैत्री शिक्षालाई अगाडि बढाउन आवश्यक रहेको बताए । उनले बकुलहर रत्ननगर अस्पतालमा मेडिसिन र नर्सिङ मोडलमा उच्च शिक्षा सञ्चालन गर्न सकिए पूर्वी चितवनका चार पालिकाका विद्यार्थीहरु अन्यत्र धाउन नपर्ने बताए ।
यस्तै, शिक्षाविद् रमाकान्त सापकोटाले हरेक मानिस अवसरको खोजीमा रहने र राम्रो अवसर पाउँदा विश्वका जुनसुकै ठाउँमा आफ्नो क्षमता प्रदर्शन गर्न सक्ने बताउँदै उच्च शिक्षाका लागि बिदेसिनेहरु ‘विदेश पलायन’ भन्ने शब्द सुन्नै नचाहने उल्लेख गरे । अहिले एआई प्रविधिको जमानामा शैक्षिक प्रगति हासिल गर्न कुनै सिमानाले नरोक्ने जिकिर गर्दै देशभित्रै राम्रो प्रणालीको विकास र अवसर पाए बिदेसिएका जनशक्ति पनि स्वदेशमै फर्किएर पेसा गर्न तयार रहेको उनले बताए ।
देशमा २४ वटा विश्वविद्यालय सञ्चालनमा रहे पनि ७८ प्रतिशत विद्यार्थी त्रिभुवन विश्वविद्यालयमै अध्ययन गरिरहेको बताउँदै उनले शैक्षिक कारखाना बढी खुले पनि ग्राहक घटेका कारण अन्य विश्वविद्यालय चल्न नसकेको बताए ।
चितवनबाट ६५ हजारको संख्यामा विद्यार्थीहरु उच्च शिक्षाका लागि विदेशमा पढ्न र कमाउन गएको उल्लेख गर्दै उनले विद्यार्थीहरु नै पढ्न आएनन् भने विश्वविद्यालय स्थापना गर्नुको औचित्य नहुने बताए । उनले रामपुर कृषि विश्वविद्यालयले विद्यार्थी भर्ना नै नगरेको दृष्टान्त पेस गर्दै प्रविधिसँगै दक्ष जनशक्ति उत्पादन हुने खालको उच्च शिक्षा सञ्चालनका लागि सबैको ध्यान जानुपर्ने बताए ।
रत्ननगर नगरपालिकाका पूर्वनगरप्रमुख नारायण वनले पूर्वी चितवनमा इन्जिनियरिङ कलेज चलाउने प्रयास सार्थक हुन नसकेको बताए । उनले भने, ‘नगरपालिकाले बाघदेवी विद्यालय भएको ठाउँमा इन्जिनियरिङ कलेज सञ्चालन गर्न पोखरा विश्वविद्यालयसँग सम्झौता गरेको थियो । रत्ननगरमै प्राविधिक शिक्षा पढ्न पाउने भएपछि धेरै विद्यार्थी उत्साहित भएका थिए । तर, जति प्रयत्न गरे पनि प्रयास सफल हुन सकेन ।’ स्थानीय सरकारले लगानी गर्ने प्रतिबद्धता व्यक्त गरे पनि पोखरा विश्वविद्यालयलाई यहाँ ल्याउन नसकिएको तीतो अनुभव उनले पोखे ।
रत्ननगर नगरपालिकाका नगरप्रमुख प्रलाद सापकोटाले शिक्षा र स्वास्थ्यमा विकास गर्न नसकिएसम्म भौतिकरुपमा जति नै विकास भए पनि त्यसले उपलब्धि हासिल नगर्ने बताए । उनले बैरिया माविमा प्राविधिक शिक्षा सञ्चालन गरे पनि विद्यार्थीको रूचि नहुँदा कार्यक्रम बन्द गर्नु परेको बताए । सौराहाका कारण बछौली माविमा होटल म्यानेजमेन्ट मात्र सञ्चालन गर्न सकिएको उनले बताए ।
उनले यो शैक्षिक वर्षमा सामुदायिक विद्यालयको आधारभूत तहमा निःशुल्क शिक्षा लागू गरिएको र २०८३ को पहिलो शैक्षिक सत्रदेखि कक्षा १२ सम्म निःशुल्क शिक्षा सञ्चालनका लागि अध्ययन गरी जनशक्ति र बजेटको योजना बनाइरहेको बताए ।
उनले बकुलहर रत्ननगर प्रादेशिक अस्पतालमा दैनिक १२ सयको संख्यामा सेवाग्राही उपचारका लागि आउने गरेको, तर आर्थिक स्रोत नभएका कारण मेडिसिन र नर्सिङ कलेज सञ्चालन गर्न नसकिएको बताए । दक्ष जनशक्ति उत्पादनका लागि सो अस्पतालमा अपुग जग्गा खरिद गरी कलेज सञ्चालन गर्न धनधान्याचल महायज्ञ सञ्चालन गर्नेतर्फ नगरपालिका अघि बढेको उनले बताए ।
रत्ननगर वाङ्मय प्रतिष्ठानका अध्यक्ष रामबाबु घिमिरेले कार्यक्रमको औचित्यबारे प्रकाश पारेको कार्यक्रमको सञ्चालन डा. चेतराज रेग्मीले गरेका थिए ।
कार्यक्रममा वीरेन्द्र बहुमुखी क्याम्पसका पूर्वक्याम्पसप्रमुख एलबी क्षेत्री, श्यामजी अतिथि, धनराज गिरी, दुर्गा पुरी, गोकर्ण मल्ल, तिलकराज शर्मा, डिलबहादुर बोगटी, विष्णु पौडेल, नेमराज पौडेल, रुपनराज घिमिरे, खेमप्रसाद उप्रेती, अर्जुन पौडेल, बालकृष्ण चापागाईंं, सुन्दरमणि सुवेदी, सोहेन्द्रराज खरेल, केशवराज आमोदीलगायतले आआफ्ना भनाइ राखेका थिए ।
चितवन । शिक्षकलाई आधुनिक उपकरण र प्रविधि प्रयोग गरी शिक्षण पद्धति सुधार गर्न सक्षम बनाउने उद्देश्यले अङ्कुरम् एकेडेमीमा तीनदिने ‘डिजिटल पेडागोजी एक्सलेन्स प्रोग्राम’ सुरू भएको छ ।
कक्षाकोठाको सिकाइ प्रक्रियालाई डिजिटल प्रविधिबाट थप प्रभावकारी, सहभागितामूलक र सहज बनाउन विद्यार्थीकेन्द्रित शिक्षणविधि अपनाइ आलोचनात्मक सोच, सिर्जनशीलता र सहकार्यजस्ता सीपहरूको विकास गर्न सहयोग पुर्याउन भरतपुर–७, कृष्णपुरस्थित अङ्कुरम् एकेडेमी र काठमाडौँ युनिभर्सिटीको संयुक्त आयोजनामा सो तालिम सुरू भएको हो ।
तालिमले प्रशिक्षार्थीहरूलाई डिजिटल शिक्षण पद्दतिमा सुधार ल्याउने, कृत्रिम बुद्धिमत्तामा आधारित ‘टुल’हरुको प्रयोगबारे सिकाइने, काठमाडौँ युनिभर्सिटीको प्रमाणिक शिक्षणविधिको अनुभव गर्न सकिने र कक्षाकोठमा शिक्षक–विद्यार्थीको संलग्नतामा सुधार ल्याउने प्राचार्य सुमन पौडेलले जानकारी दिए ।
काठमाडौँ युनिभर्सिटी स्कुल अफ एजुकेसनका डीन शेषकान्त पङ्गेनी र काठमाडौँ युनिभर्सिटी डिपार्टमेन्ट अफ स्टीम एजुकेसनका लेक्चरर प्रतीतराज गिरीले तालिम प्रदान गर्ने कार्यक्रममा अङ्कुरम् एकेडेमीसहित चितवन र नवलपुरका विभिन्न विद्यालयका ६७ जना प्रिन्सिपल तथा शिक्षकहरूको सहभागिता रहेको छ ।
प्रशिक्षणले डिजिटल पेडागोजीको मूल्याङ्कन, आधार र संलग्नताबारे जानकारी दिने, रणनीतिक विश्लेषणअन्तर्गत राष्ट्रिय नीति र अन्तर्राष्ट्रिय मापदण्डबारे जानकारी दिने, कोल्याबोरेटिभ क्लाउडको गुगल डक्स, गुगल स्लाइड र गुगल फर्मको प्रभावकारी प्रयोग गर्न सिकाउनुका साथै च्याटजिपिटी, जेमिनी, डिपसिक तथा कोपाइलटको प्रयोगबारे प्रशिक्षार्थीलाई गहिरो ज्ञान दिने, एआई फर क्रिएसन : म्याजिक स्कुल एआईअन्तरगत लेसन प्लान जेनरेटर तथा रुब्रिक जेनेरेटरबारे जानकारी र प्रभावकारी प्रयोगबारे प्रशिक्षार्थीलाई दक्ष बनाउने लक्ष्य राखिएको छ ।
विद्यालय सञ्चालक समिति अध्यक्ष आनन्दबहादुर चन्दको अध्यक्षतामा उद्घाटित प्रशिक्षण कार्यक्रममा प्राचार्य सुमन पौडेलले स्वागत मन्तव्य राखेका थिए भने विद्यालयका आवासीय निर्देशक नइम चौधरीले धन्यवाद ज्ञापन गरेका थिए । पहिलो र दोस्रो दिनको प्रशिक्षण अङ्कुरम् एकेडेमीको बहुउद्देश्यीय सभा हलमा र तेस्रो दिनको प्रशिक्षण सौराहास्थित ल्यान्डमार्क फरेस्ट पार्कमा आवासीय सुविधासहित सञ्चालन हुनेछ ।
भरतपुर । भरतपुर महानगरपालिका वडा नं–१, ठिमुरास्थित भित्रि सडकखण्डमा मोटरसाइकल अनियन्त्रित भई दुर्घटना हुँदा काका-भतिजी घाइते भएका छन् ।
ना २८ प ४२६१ नम्बरको मोटरसाइकल दुर्घटनामा चालक भरतपुर–१ बस्ने ३८ वर्षीय सोमबहादुर चेपाङ र निजका भतिजी ३ वर्षीया सोनाठी चेपाङ घाइते भएका हुन् ।
दुवै घाइतेको भरतपुर अस्पतालमा उपचार भइरहेको र बालिकाको अवस्था गम्भीर रहेको प्रहरीले जनाएको छ ।
राप्ती । राप्ती नगरपालिका वडा नं–१०, खाम्टारमा मोटरसाइकलको ठक्करबाट एक बालिका घाइते भएकी छन् ।
बा ४८ प २८८७ नम्बरको मोटरसाइकलको ठक्करबाट राप्ती–१० बस्ने कृष्णबहादुर विकका ४ वर्षीया छोरी प्रशंसा विक घाइते भएकी हुन् । घाइते बालिकाको नयाँ मेडिकल कलेज भरतपुरमा उपचार भइरहेको र उपचारमा घाइतेका बुबा संलग्न रहेको प्रहरीले जनाएको छ ।
इलाका प्रहरी कार्यालय भण्डाराका अनुसार ठक्कर दिने मोटरसाइकल र चालक राप्ती–१०, धारापानी बस्ने २४ वर्षीय सुजन चेपाङलाई नियन्त्रणमा लिइएको छ ।
रत्ननगर । रत्ननगर नगरपालिकाको आयोजनामा मङ्गलबार नगरस्तरीय मेलमिलाप समितिको पद हस्तान्तरण कार्यक्रम सम्पन्न भएको छ ।
समितिको अध्यक्षमा अनिता अर्याल, सचिवमा सङ्गीता खनाल र कोषाध्यक्षमा सम्झना कोइराला चयन भएका छन् । यस्तै, सदस्यहरूमा ईश्वरी सिंखडा थापा, ध्रुवप्रसाद लामिछाने, बाबुराम गौतम, रञ्जना ढकाल सापकोटा, सुजता विष्ट र सीतादेवी शर्मा चयन भएका छन् ।
नवगठित समितिका पदाधिकारीलाई निवर्तमान मेलमिलाप समिति अध्यक्ष भूपेन्द्र अधिकारीले पदसहित माइन्युट हस्तान्तरण गरे । सो अवसरमा उनले आफ्नो दुई वर्षे कार्यकालको अनुभव सुनाउँदै मेलमिलाप समितिमा दर्ता भएका एक सयमध्ये ९२ वटा मुद्दा मेलमिलापमार्फत् टुङ्गो लगाइएको बताए । मेलमिलापमार्फत् दुवै पक्षको जीत हुने भएकाले कसैलाई पनि अन्याय भएको अनुभूति नहुने बताए ।
नगर उपप्रमुख एवम् न्यायिक समिति संयोजक यादवप्रसाद पाठकको अध्यक्षतामा भएको कार्यक्रममा प्रमुखअतिथि नगरप्रमुख प्रलाद सापकोटाले मेलमिलाप समितिमा रहनेहरु निष्पक्ष हुनुपर्नेमा जोड दिँदै आफूनिकटको दल र आफ्नो नजिकको मान्छे भनेर हेर्न नहुनेतर्फ सचेत गराउँदै अघिल्लो समितिले गरेको कामको खुलेर प्रशंसा गरे ।
न्यायिक समितिका सदस्य यशोदा अधिकारी पौडेलले स्वागत तथा कानुन शाखाका अधिकृत अस्मिता काफ्ले सञ्चालन गरेको कार्यक्रममा वडाध्यक्षहरुका तर्फबाट रत्ननगर–५ का बालकृष्ण बालकृष्ण चापागाईं र प्रमुख प्रशासकीय अधिकृत प्रकाश खनालले शुभकामना मनतव्य व्यक्त गरेका थिए ।
कार्यक्रममा अध्यक्ष अनिता अर्यालले नवगठित मेलमिलाप समिति र वडा संयोजकहरुबाट छिटोछरितोरुपमा दुवै पक्षको जीत हुनेगरी मेलमिलापलाई प्रभावकारी बनाउने प्रतिबद्धता व्यक्त गर्दै अघिल्लो समितिप्रति आभार प्रकट गरिन् ।
यसैबीच, नगरका १६ वटै वडाका मेलमिलाप संयोजकहरूलाई जिम्मेवारी तोकिएको छ । रत्ननगर–१ देखि १६ सम्मका मेलमिलाप वडा संयोजकहरुमा ईश्वरी आचार्य, मानबहादुर रानाभाट, विपीनराज खनाल, लक्ष्मी चौधरी, श्रीराम चौधरी, माला दाहाल, द्रौपदी महतो, पदमप्रसाद वाग्ले, मणिप्रकाश खतिवडा, एकबहादुर जिसी, कमला पाठक, भरत पाण्डे, टोमराज भट्टराई, प्रल्हाद आचार्य, कोपिला कट्टेल पौडेल र दिलबहादुर थापा रहेका छन् ।
कार्यक्रममा नगरप्रवक्ता कुलप्रसाद सापकोटा, महिला बालबालिका तथा ज्येष्ठ नागरिक शाखा प्रमुख दीपा घिमिरे, पूर्वनगर मेलमिलाप समितिका अध्यक्ष पार्वती न्यौपाने, कार्यपालिका सदस्य देवेन्द्र भुलेजलगायत जनप्रतिनिधिहरुको उपस्थिति रहेको थियो ।
खैरहनी । खैरहनी नगरपालिका वडा नं–१, तरकारी चोकस्थित पूर्व–पश्चिम राजमार्गमा ट्रकको ठक्करबाट मोटरसाइकलमा सवार तीन जना घाइते भएका छन् ।
पूर्वबाट पश्चिमतर्फ जाँदै गरेको बा १ क ८४३१ नम्बरको ग्यास बोक्ने ट्रकको ठक्करबाट ना ६२ प ७२९६ नम्बरको मोटरसाइकल चालक राप्ती–६ बस्ने २२ वर्षीय आलोक चौधरी, सोही ठाउँ बस्ने १७ वर्षीय रिदम चौधरी र २६ वर्षीय प्रवेश चौधरी घाइते भएका हुन् ।
तीनै जना घाइतेको बकुलहर रत्ननगर अस्पताल, टाँडीमा उपचारपश्चात् सेन्टल अस्पताल भरतपुरमा थप उपचार भइरहेको र दुर्घटना गराइ फरार ट्रक चालक राप्ती–५ बस्ने ३८ वर्षीय राम तामाङ इलाका प्रहरी कार्यालय खैरहनीको नियन्त्रणमा रहेको प्रहरीले जनाएको छ ।
राप्ती । राप्ती नगरपालिका वडा नं–७, वीरेन्द्रनगरस्थित पूर्व–पश्चिम राजमार्गमा कारको ठक्करबाट गम्भीर घाइते भएका पैदलयात्री वृद्धको उपचारका क्रममा मृत्यु भएको छ ।
यही मङ्सिर १ गते बेलुकी ७ः०५ बजे भण्डाराबाट खैरहनीतर्फ जाँदै गरेको बा ४ च २२५७ नम्बरको कारले पैदलयात्री राप्ती–८, वीरेन्द्रनगर बस्ने ६२ वर्षीय अरुणराज अर्याल गम्भीर घाइते भएका थिए ।
घाइते अर्यालको नयाँ मेडिकल कलेज भरतपुरमा उपचार भइरहेकोमा मङ्सिर १५ गते बिहान ११ः१० बजे मृत्यु भएको हो । कार चालक सम्पर्कमा रहेको प्रहरीले जनाएको छ ।
चितवन । देशको पूर्व–पश्चिम जोड्ने प्रमुख व्यापारिक नाका नारायणगढस्थित नारायणी नदीमाथि आधुनिक प्रविधियुक्त केबल–स्टेड ‘आइकोनिक पुल’ निर्माण सुरू भएको छ । चितवनको नारायणगढ र नवलपुरको गैँडाकोट जोड्ने हालको पुलसँगै नयाँ पुल निर्माण सुरू गरिएको हो ।
सडक डिभिजन कार्यालय भरतपुरका प्रमुख इन्जिनियर नारायणप्रसाद लामिछानेका अनुसार निर्माणाधीन पुलको काम निरन्तर अघि बढिरहेको छ । पुलको निर्माण डिजाइन एन्ड बिल्ड प्रणालीअन्तर्गत भइरहेको छ । निर्माण कम्पनी तुँदी कन्स्ट्रक्सन प्रालिले एक महिनादेखि फिल्डमा काम सुरू गरिसकेको छ । विसं २०८० जेठ १९ गते ठेक्का सम्झौतापछि निर्माण कम्पनीले पुलको अन्तिम डिजाइन तयार गरी प्रमाणीकरण गराइसकेको प्रमुख लामिछानेले बताए ।
उनले भने, “निर्माण व्यवसायीले समयमै डिजाइन पूरा गरी प्रमाणीकरण पनि भइसकेको छ, सोही आधारमा अहिले जग खन्ने र फाउन्डेसन निर्माण अघि बढाइएको छ ।” लामिछानेका अनुसार यो पुल केबल–स्टेड शैलीको आधुनिक संरचना हो । पुलको मुख्य टावरबाट तानिएका ठूला स्टील केबलहरूले पुललाई थाम्ने भएकाले यो संरचना बलियो, सुरक्षित, सौन्दर्यपूर्ण र पहिचानमूलक हुने बताइएको छ । हाल नदीमा डाइभर्सन निर्माण गरी पुलको फाउन्डेसन निर्माण गर्नुपर्ने स्थानहरूमा आवश्यक स्पेस तयार गर्ने काम भइरहेको छ ।
उक्त आयोजनाका व्यवस्थापक इन्जिनियर मञ्जिल मिश्रका अनुसार बर्खा सुरू हुनुअघि नै फाउन्डेसनको काम सक्नेगरी काम भइरहेको छ । प्रारम्भिक चरणमा टेस्ट पाइल पनि अघि बढिरहेको छ । चालु आर्थिक वर्षभित्र फाउन्डेसन तथा पाइलिङ सम्पन्न गर्ने लक्ष्य राखिएको छ । पुल निर्माणको अवधि चार वर्ष भए पनि हाल डेढ वर्ष जति समय बाँकी छ । हाल निर्माणको म्याद थपको प्रक्रिया पनि अघि बढिसकेको जानकारी उनले दिए ।
इन्जिनियर मिश्रका अनुसार ‘सिग्नेचर’ पुलमा नदीतर्फ दुई र दायाँबायाँ गरी चारवटा पिलर रहनेछन् । नारायणगढतर्फ दुई महिनाभित्र पाइलिङ सकेर गैँडाकोटतर्फ अर्को महिनादेखि सुरू गरिने छ । यस वर्ष फाउन्डेसन तथा केही सब–स्ट्रक्चरका कामहरू सुरू गरिने मिश्रको भनाइ छ । सडक विभागले पुल निर्माणका लागि सन् २०२३ मा ठेक्का लगाएको थियो । नारायणी नदीमा रहेको अहिलेको पुलको समानान्तर निर्माण गरिँदै गरेको नयाँ पुलको लम्बाइ ४२० मिटर र चौडाइ १२ मिटर हुनेछ ।
आइकोनिक केबल–स्टेड पुलअन्तर्गत आर्चब्रिज, केबल नेटवर्किङ आर्च, सस्पेन्सनलगायतका संरचनात्मक प्रविधिहरू समावेश हुनेछन् । पुल एक अर्ब ६८ करोड रुपैयाँको लागतमा निर्माण हुनेछ । नयाँ पुलको आयु कम्तीमा १०० वर्ष रहने बताइएको छ । हाल रहेको पुल विसं २०३८ मा निर्माण भएको हो र यसको आयु ७० वर्ष तोकिएको थियो ।
चितवन । पर्यटकीय नगरी सौराहामा पर्यटन प्रवर्द्धनका लागि हरेक वर्ष हुँदै आएको हात्ती तथा पर्यटन महोत्सव यस वर्ष आगामी पुस ११ गतेदेखि १३ गतेसम्म हुने भएको छ । क्षेत्रीय होटल संघ नेपाल चितवनको आयोजना तथा युनाइटेड हात्ती सञ्चालन सहकारी संस्थाको सहआयोजनामा महोत्सव गर्न लागिएको हो ।
विसं २०५५ देखि सुरू भएको चितवन हात्ती तथा पर्यटन महोत्सवमा यस वर्ष हात्तीको शृङ्गार प्रतियोगिता, हात्तीको वनभोज, हात्तीको स्वास्थ्य शिविर, हात्तीको दिनचर्याबारे जानकारी दिनेलगायत कार्यक्रम गरिने आयोजकले जनाएको छ ।
महोत्सव संयोजक गुणराज थपलियाका अनुसार पालिकास्तरीय डुङ्गा दौड प्रतियोगिता, हात्तीमैत्री प्रतियोगिताहरू, सफारी टुरिजम प्रवर्द्धनका लागि पाहुनालाई हात्ती, जिप तथा डुङ्गा सफारी गराइने छ । महोत्सवमा ८० वटा हात्तीलाई सहभागी गराइने उनले जानकारी दिए ।
चितवनको पर्यटन, सम्भावना र चुनौतीसम्बन्धी अन्तर्क्रिया, विभिन्न प्रतियोगितालगायत कार्यक्रमहरु गरिने संयोजक थपलियाले बताउनुभयो । उहाँका अनुसार चित्रकला प्रतियोगिता, मानव वन्यजन्तु सहअस्तित्व, पर्यापर्यटन र संरक्षणमा हात्तीको महत्वसम्बन्धी विद्यालयस्तरीय वक्तृत्वकला प्रतियोगिता, हात्तीको महत्त्वबारे संरक्षकर्मी, वातावरणविद्, पूर्वसंरक्षण अधिकृतहरूको सन्देशमूलक सामग्री प्रदर्शन गरिने छ ।
महोत्सवले २५ देखि ३० प्रतिशत पर्यटकको आगमनमा वृद्धि हुने अनुमान आयोजकले गरेको छ । संयोजक थपलियाका अनुसार यस अवधिमा आएका पाहुनाका लागि क्षेत्रीय होटल संघ र रेवान सौराहामा आबद्ध सदस्यहरूले होटल तथा रेस्टुरेन्टमा आवास र खानामा १० प्रतिशत छूट गर्ने सहमति भएको छ ।
महोत्सवमा २५ वटा विभिन्न सामग्रीसहितका स्टल (कक्ष) रहने क्षेत्रीय होटल संघका अध्यक्ष ओमप्रकाश पाण्डेले जानकारी दिए । सो अवधिमा २० हजार दर्शकले महोत्सव अवलोकन गर्ने अनुमान गरिएको उल्लेख गर्दै उनले जैविक विविधता तथा वन्यजन्तुको पर्यटकीय राजधानीका रूपमा रहेको चितवनमा सफारी पर्यटनको विकासका लागि हात्तीबिना कल्पना गर्न नसकिने धारणा राखे ।
चितवन राष्ट्रिय निकुञ्जको प्रमुख प्रवेशद्वार सौराहा हो । निकुञ्ज र मध्यवर्ती सामुदायिक वनमा घुम्न आउने पर्यटक यहाँका होटलमा बस्ने गर्दछन् । यो निकुञ्ज सफारीका लागि विश्वमा प्रख्यात मानिन्छ । कम पर्यटक आउने समयमा पर्यटकीय गतिविधि बढाउनका लागि हरेक वर्ष यो समयमा महोत्सव गर्ने गरिएको आयोजकले जनाएको छ । यसले पर्यटन प्रवर्द्धनका साथै रोजगारीका अवसर सृजना हुने अपेक्षा आयोजकको छ ।
काठमाडौँ । नेपाल प्रिमियर लिग (एनपिएल)अन्तर्गत आइतबार भएको खेलमा काठमाडौँ गोर्खाजले कर्णाली याक्सलाई पाँच विकेटले पराजित गरेको छ ।
जीतका लागि पाएको १५० रनको लक्ष्य काठमाडौँले १८ ओभरमा पाँच विकेट गुमाएर पूरा गर्यो । काठमाडौँको जितका लागि गेरहार्ड इरास्मसले अविजित ४३, जोन सिम्पसनले ४१, वेन चाल्सवर्थले ३४ रनको योगदान गरे । कर्णालीका नन्दन यादवले तीन, पवन सराफले एक विकेट लिए ।
यसअघि त्रिभुवन विश्वविद्यालय अन्तर्राष्ट्रिय क्रिकेट रङ्गशाला, कीर्तिपुरमा टस जितेर पहिला ब्याटिङ गरेको कर्णालीले निर्धारित २० ओभरमा सात विकेटको क्षतिमा १४९ रन बनायो । जसमा गुल्सन झाले सर्वाधिक ४९, पवन सराफले ३५, मार्क वाटले ३० रन जोडे ।
बलिङतर्फ काठमाडौँका राशिद खान सर्वाधिक दुई विकेट लिए । काठमाडौँ यो जीतसँगै आठ अङ्क जोड्दै ‘प्लेअफ’नजिक पुगेको छ । कर्णालीको भने यो चौथो हार हो ।
भरतपुर । विश्वभरका ७०० भन्दा बढी ह्याकर तथा क्लाउड सेक्युरिटी इन्जिनियर सहभागी रहेको प्रतिष्ठित ‘विच्ड क्लाउड सेक्युरिटी च्याम्पियनसिप’मा फोब्र्स कलेज चितवनका दुई प्रतिभाशाली विद्यार्थी रञ्जन मरासिनी र विदिशा सुवेदीले उत्कृष्ट सफलता हात पार्दै क्रमशः विश्वकै २२औँ र २९औँ स्थान हासिल गर्न सफल भएका छन् ।
क्लाउड सुरक्षामा आधारित यो एकवर्षे वैश्विक प्रतियोगिता एडब्लुएस, जिसिपी, कुबेरनेटेजजस्ता प्लेटफर्ममा पहिचान हुने वास्तविक सुरक्षा कमजोरीका आधारमा हरेक महिना नयाँ ‘क्याप्चर द फ्ल्याग (सिटिएफ)’ चुनौती प्रदान गर्ने अत्यन्त प्रतिस्पर्धात्मक कार्यक्रम हो । अहिले प्रतियोगिताको छैटौँ महिना चलिरहेको छ ।
२४ वर्षीय रञ्जन मरासिनी ‘नोब इनजेक्टेड’ नामबाट प्रतिस्पर्धा गर्दै आएका छन् । सुरूवातमा ७०औँ स्थानभन्दा तल रहे पनि अघिल्लो महिनामा सबैभन्दा कठिन मानिएको कुबेरनेटेज चुनौती सफलतापूर्वक समाधान गरेपछि उनी २२औँ स्थान प्राप्त गर्न सफल भए ।
यस्तै, विदिशा सुवेदीले पनि उत्कृष्ट क्षमताको प्रदर्शन गर्दै २९औँ स्थान हासिल गरेकी छन् । हिमालबराबर चुनौतीपूर्ण मानिने क्लाउड सुरक्षा क्षेत्रमै महिला प्रतिस्पर्धीले यस्तो उपलब्धि हासिल गर्नु नेपालका लागि गर्वको विषय बनेको छ ।
सो प्रतियोगितामा नेपालबाट थोरै विद्यार्थीले विशेष निमन्त्रणा र छनोट प्रक्रियामार्फत् भाग लिन पाएका छन् । दुवै विद्यार्थीले फोब्र्स कलेज चितवनमा साइबर सिक्युरिटीमा अध्ययन गरेका हुन्, जहाँ उनीहरूले क्लाउड सुरक्षा, एथिकल ह्याकिङ, नेटवर्क डिफेन्सजस्ता विषयहरूमा शिक्षा प्राप्त गरेका छन् ।
प्रतियोगिता उत्कृष्ट प्रदर्शनकर्तालाई इजरायल र अमेरिकामा मुख्यालय रहेको विज्ड कम्पनीमा रोजगारीका अवसर, विश्वस्तरीय च्याम्पियनसिप बेल्ट तथा आकर्षक पुरस्कार प्रदान गर्नेछ । दुवैले आगामी चरणहरूमा अझ कडा प्रतिस्पर्धा गर्दै विश्वको शीर्ष १० भित्र पर्ने लक्ष्य राखेको बताएका छन् ।
फोब्र्स कलेज चितवनले दुवै विद्यार्थी रञ्जन मरासिनी र विदिशा सुवेदीलाई बधाई ज्ञापन गर्दै उनीहरूको उज्ज्वल करियरका लागि शुभकामना व्यक्त गरेको छ ।
खैरहनी । बिबिएस प्रथम वर्षको नतिजामा खैरहनी–८ मा रहेको इन्टरनेसनल कलेजकी छात्रा सन्जिला विश्वकर्मा नेपाल तेस्रो तथा चितवन प्रथम भएकी छन् ।
त्रिभुवन विश्वविद्यालयले मङ्गलबार प्रकाशित गरेको बिबिएस प्रथम वर्षको नियमिततर्फको नतिजाअनुसार चितवनबाट इन्टरनेसनल कलेजकी छात्रा सन्जिला विश्वकर्माले ७९ दशमलव २ प्रतिशत अङ्कसहित नेपालकै तेस्रो र चितवन प्रथम भएकी हुन् । गत साउन महिनामा त्रिभुवन विश्वविद्यालय, व्यवस्थापन सङ्कायद्वारा बिबिएस प्रथम वर्ष नियमिततर्फको परीक्षा सञ्चालन भएको थियो ।
पूर्वी चितवनको राप्ती–८, थ्री ग्रुप निवासी सन्जिलाले बिबिएस प्रथम वर्षको नतिजामा ७९ दशमलव २ प्रतिशत अङ्कसहित नेपालकै तेस्रो र चितवन प्रथम भएको इन्टरनेसनल कलेज, खैरहनीका कलेज प्रमुख भीष्मराज पाठकले दाबी गरे ।
विद्यार्थीहरुको निरन्तर मेहनत, प्राध्यापक तथा कलेज प्रशासनको अथक प्रयास र अभ्यासले गर्दा उत्कृष्ट नतिजा हासिल गर्न सफल भएको बताउँदै उनले कलेजको भौतिक पूर्वाधारसहितको आधुनिक प्रयोगशाला, आधुनिक डिजिटलाइज्ड कक्षाकोठा, योग्य तथा अनुभवी दक्ष जनशक्तिसहितको कक्षा सञ्चालनले गर्दा उत्कृष्ट नतिजा ल्याउन सफल भएको जिकिर गरे ।
उनका अनुसार यसै शैक्षिक सत्रमा कलेजबाट व्यवस्थापन सङ्कायतर्फ चितवन जिल्लामै पटक–पटक उत्कृष्ट नतिजासहित उच्च अङ्क प्राप्त गर्न सफल भएको र अघिल्लो महिना र अघिल्ला वर्षहरुमा समेत त्रिभुवन विश्वविद्यालयका विभिन्न सेमेस्टरको नतिजाहरुमा राष्ट्रिय स्तरमै दसौँ स्थान र चितवन प्रथमसमेत हुन सफल भएको छ ।
कलेजका प्रमुख पाठकले व्यवस्थापन सङ्कायका लागि कलेज उत्कृष्ट शैक्षिक गन्तव्य रहेको र दक्ष प्राध्यापकहरुको मह¤वपूर्ण भूमिकाले गर्दा कलेजका सम्पूर्ण कार्यक्रमहरु बिएचएम, बिआइएम, बिबिएस, एमबिएस र कक्षा १२ मा समेत उत्कृष्ट नतिजा ल्याइरहेको बताए ।
उनले कलेजले विद्यार्थीकेन्द्रित गुणस्तरीय शिक्षामा समर्पित रहेको उल्लेख गर्दै नयाँ सत्रका लागि अहिले व्यवस्थापन सङ्कायअन्तर्गत बिबिएस प्रथम वर्षमा धमाधम भर्ना खुलेको र कक्षा सञ्चालन भइरहेको जानकारी दिए । सो कलेजमा व्यवस्थापन सङ्कायअन्तर्गत कक्षा ११ देखि स्नातकोत्तर तह (एमबिएस) सम्म पूर्ण डिजिटल प्रणालीमा पढाइ हुँदै आइरहेको छ ।
रत्ननगर । रत्ननगर–१, बकुलहरमा रहेको अर्पण बचत तथा ऋण सहकारी संस्था लिमिटेडको १६ औँ वार्षिक साधारण सभा एक समारोहबीच सम्पन्न भएको छ ।
अर्पण बचत तथा ऋण सहकारी संस्थाका अध्यक्ष मोहदत्त पौडेल ‘सुरज’को अध्यक्षता एवम् संस्थाका सेयर सदस्य तथा रत्ननगर–१ का वडाध्यक्ष कुलप्रसाद सापकोटाको प्रमुख आतिथ्यतामा सम्पन्न कार्यक्रममा वडाध्यक्ष सापकोटाले अर्पण साकोसले वित्तीय अनुशासन कायम राख्दै सहकारीको साख जोगाएकोमा खुलेर प्रशंसा गरे ।
उनले सहकारीहरुले सेयर सदस्यहरुको विश्वास जितेर सहकारीको मर्मअनुसार अगाडि बढ्नुपर्नेमा उनले जोड दिए । सो अवसरमा निवर्तमान अध्यक्ष मेघनाथ पौडेल, पूर्वअध्यक्ष यमन भुसाललगायतले शुभकामना मन्तव्य व्यक्त गरेका थिए ।
साधारण सभाको अवसरमा बचततर्फ असल सेयर सदस्यका रुपमा रत्ननगर–१ का सरस्वती पौडेल, रत्ननगर–२ का अप्सरा श्रेष्ठलाई सम्मान गरिएको थियो । यस्तै, उत्कृष्ट कर्जा कारोबारतर्फ असल सेयर सदस्यका रुपमा खैरहनी–१ का सन्तोष थपलिया, रत्ननगर–८ का मीनाकुमारी केसी, रत्ननगर–९ का दीपा मैनाली थपलिया, खैरहनी–१३ का फिबी तामाङ, ज्येष्ठ सदस्य रत्ननगर–१ का ताराप्रसाद शर्मा, प्लस टुमा उत्कृष्ट स्थान हासिल गर्ने सेयर सदस्यका छोराछोरीबाट रत्ननगर–१० का मुक्तिनाथ ढकाल र अंकिता पौडेललाई सम्मान गरिएको थियो ।
संस्थाका उपाध्याय रामकुमार बजगाईंले स्वागत मन्तव्य राखेको कार्यक्रममा अध्यक्ष मोहदत्त पौडेलले वार्षिक कार्ययोजना, नीति तथा कार्यक्रम, सचिव महेश पाण्डेद्वारा प्रगति प्रतिवेदन, कोषाध्यक्ष टुकानाथ आचार्यले आर्थिक प्रतिवेदन र लेखा समिति सदस्य कृष्णप्रसाद आचार्यले लेखा सुपरीवेक्षण प्रतिवेदन प्रस्तुत गरेका थिए ।
रत्ननगर, खैरहनी र कालिका नगरपालिकामा कार्यक्षेत्र रहेको सो सहकारीमा करिब चार हजार सेयर सदस्य रहेका छन् । यस साकोसको रत्ननगर–१, बकुलहरमा मुख्य कार्यालय र खैरहनी–८ पर्सा बजारमा सेवाकेन्द्र रहेको छ ।
रत्ननगर । रत्ननगर-१. बकुलहरस्थित हिमालयन सेकेन्डरी इङ्ग्लिस बोर्डिङ स्कुलमा शनिबार शिक्षक अभिभावक संघको नयाँ कार्यसमिति चयन गरिएको छ ।
विद्यालय प्राङ्गणमा आयोजित अभिभावक भेला तथा अन्तर्क्रिया कार्यक्रममा आगामी तीनवर्षे कार्यकालका लागि गोपालप्रसाद पौडेलको अध्यक्षतामा शिक्षक अभिभावक संघ गठन गरिएको हो ।
संघको नयाँ समितिका सदस्यहरूमा तुलसी गिरी, विजय रिजाल, लेखनाथ पौडेल, ममता घिमिरे, शिला भुसाल, सरिता पौडेल र मनीषा मैनाली चयन भएका छन् । यस्तै, समितिको शिक्षक प्रतिनिधिमा कमला खनाल र सदस्य सचिवमा विद्यालयका प्राचार्य नरेन्द्रप्रसाद बेलबासे रहेका छन् ।
कार्यबाहक अध्यक्ष सरस्वती पौडेलको सभापतित्वमा सम्पन्न कार्यक्रममा सो स्कुलमा लामो समय शिक्षणसेवा गरी अवकाश प्राप्त सावित्री भट्टराई सुवेदी र विद्यालयका बस चालक विक्रम महतोलाई सम्मान गरिएको थियो ।
अभिभावक भेलामा विद्यालय व्यवस्थापन समितिका अध्यक्ष वीरेन्द्रकुमार चौधरी, निर्देशक हरि शर्मा आचार्य, सहप्राचार्यद्वय उमेश कुँवर र नवराज गिरीलगायत शिक्षक तथा अभिभावकहरुको सहभागिता रहेको थियो ।
कार्यक्रमका सञ्चालकसमेत रहेका स्कुलका प्राचार्य तथा संघका सदस्य सचिव नरेन्द्रप्रसाद बेलबासेले नयाँ कार्यसमितिका पदाधिकारीहरुबाट विद्यालयको शैक्षिक उन्नयन र मार्ग निर्देशमा महत्त्वपूर्ण भूमिका खेल्ने विश्वास व्यक्त गरे ।
भरतपुर । भरतपुर–७, कृष्णपुरस्थित अङ्कुरम एकेडेमीमा चितवन स्मार्ट स्काउट क्र्युको आयोजना तथा नेपाल रेडक्रस सोसाइटी चितवनको सहयोगमा प्राथमिक उपचार तथा सिपिआर तालिम सुरू भएको छ ।
आपत्कालीन अवस्थामा ज्यान बचाउने, चोटपटकलाई गम्भीर हुन नदिई उपचार सहज बनाउने तथा हृदयघात वा श्वास रोकिने अवस्थामा प्रभावकारीरुपमा ‘र्कार्डियोपल्मोनरी रिससिटेसन’(सिपिआर) विधि अपनाउन सक्षम बनाउने उद्देश्यले तालिम सुरू भएको हो । तालिममा अङ्कुरम एकेडेमी र चितवन स्मार्ट स्काउट क्र्युका २४ जना प्रशिक्षार्थीहरु सहभागी छन् ।
तालिममा चितवन स्काउटका पूर्वप्रमुख आयुक्त तथा नेपाल स्काउटका सहायक राष्ट्रिय प्रशिक्षक शिवप्रसाद बराल, नेपाल रेडक्रस सोसाइटी चितवनका तालिम संयोजक चीजकुमार आले, प्रशिक्षकद्वय शारदा पौडेल र नरबहादुर केसीले प्रशिक्षण सञ्चालन गरेका छन् ।
तीन दिनसम्म सञ्चालन हुने कार्यक्रम विद्यालयका आवासीय निर्देशक नइम चौधरीको प्रमुख आतिथ्यता, नेपाल स्काउटका सहायक राष्ट्रिय प्रशिक्षक शिवप्रसाद बरालको सभापतित्वमा उद्घाटन भएको हो । स्काउटर रोभर लिडर आकाश न्यौपानेले सञ्चालन गरेको उद्घाटन कार्यक्रममा स्वागत मन्तव्य रेन्जर निर्जला श्रेष्ठले गरेकी थिइन् भने प्रमुखअतिथि चौधरीले कार्यक्रमको सफलताको कामना गरेका थिए ।
तालिमले प्रशिक्षार्थीहरुलाई आकस्मिकरुपमा चोटपटक लाग्दा वा बिरामी पर्दा तात्कालिक र सही प्राथमिक उपचार दिन सक्षम बनाउने, दुर्घटना वा स्वास्थ्यसम्बन्धी आपत्कालीन अवस्थामा ज्यान बचाउने, दुर्घटनामा लागेको चोटलाई थप गम्भीर हुन नदिन र उपचार सहज बनाउन सहयोग पुर्याउने सीपको विकास गर्ने, जोखिम पहिचान, सुरक्षित ढङ्गले सहायता, र मद्दत माग्ने सही प्रक्रिया सिकाउने, हृदयघात वा श्वास रोकिने अवस्था आउँदा शीघ्र र प्रभावकारी सिपिआर विधि सिकाउने, एम्बुलेन्स वा चिकित्सक आइपुग्ने समयसम्मका लागि बिरामीको जीवन बाँच्ने सम्भावना बढाउनेलगायतका सीप सिकाउने विश्वास गरिएको छ ।
भरतपुर । भरतपुर महानगरपालिका वडा नं–४, नवदुर्गा चोकमा अटोको ठक्करबाट स्कुटरमा सवार दुई जना घाइते भएका छन् ।
नवदुर्गा चोकबाट क्यान्सर अस्पतालतर्फ जाँदै गरेको बागमती प्रदेश ०३०३ प १९० नम्बरको स्कुटरलाई पेन्सन क्याम्प चोकबाट नवदुर्गा चोकतर्फ आउँदै गरेको ना २ ह १०१० नम्बरको अटोले ठक्कर दिँदा दुर्घटना भएको हो ।
दुर्घटनामा स्कुटर चालक भरतपुर–४ बस्ने ६२ वर्षीय नारायण पौडेल र स्कुटरपछाडि सवार भरतपुर–१८ बस्ने ५२ वर्षीय राजकुमार परियार घाइते भएका हुन् ।
दुवै घाइतेलाई उपचारका लागि अस्पताल पठाइएको र अटो चालक भरतपुर–१८ बस्ने २७ वर्षीय धीरज तामाङलाई नियन्त्रणमा लिइएको अस्थायी प्रहरी पोस्ट कल्याणपुरले जनाएको छ ।
काठमाडौँ । नेपाल प्रिमियर लिग (एनपिएल)को आजको खेलमा विराटनगर किङ्ग्सले कर्णाली याक्सविरुद्ध तीन विकेटको रोमाञ्चक जीत निकालेको छ । विराटनगरका बसिर अहमदले उत्कृष्ट ब्याटिङ गर्दा एक समय असम्भव लागेको जीत सम्भव भएको हो ।
कर्णालीले प्रस्तुत गरेको १६१ रनको लक्ष्य पछ्याएको विराटनगरले १९ दशमलव ५ ओभरमा सात विकेटको क्षतिमा लक्ष्य पूरा गर्यो ।
विराटनगरको सुरुआत भने राम्रो रहेन । ओपनर लोकेस बमले ६ रन र जर्ज मुन्से शून्यमा आउट हुँदा दबाबमा परेको विराटनगरका लागि साम हेजलेटले १६ र साहिल पटेलले १९ रन मात्रै बनाए । त्यसपछि आएका अहमलले उत्कृष्ट ६२ रन बनाए । उनले ४३ बल खेल्ने क्रममा तीन छक्का र तीन चौका प्रहार गरे । विराटनगरका लागि नारायण जोशीले पनि २५ रनको महत्त्वपूर्ण योगदान दिए ।
विराटनगरसामु जितका लागि अन्तिम ओभरमा १० रन आवश्यक थियो । अहमदले पाँचौ बलमा छक्का प्रहार गर्दै विराटनगरको जीत सुनिश्चित गरे । १४औँ ओभरसम्म सुस्त गतिमा रन बनाएका विराटनगरले त्यसपछि भने गति बढाएको थियो । विराटनगरले अन्तिम पाँच ओभरमा दुई विकेट गुमाउँदै ७१ रन बनाएको थियो ।
कर्णालीका लागि सोमपाल कामी र गुलशन झाले दुई/दुई विकेट लिए भने पवन सरार्फ, नन्दन यादव र विलियम बोसिस्टोले एकरएक विकेट लिए ।
त्यसअघि पहिले ब्याटिङ गरेको कर्णालीले निर्धारित २० ओभरमा ३ विकेटको क्षतिमा १६० रन बनाएको थियो । उसका लागि प्रियान्क पञ्चालले सर्वाधिक ६३ तथा विलियम बोसिस्टोले अविजित ४८ रनको योगदान दिए । यी दुवै ब्याटरले दोस्रो विकेटका लागि ९६ रनको साझेदारी गरे ।
विराटनगरका लागि कप्तान सन्दीप लामिछाने र मर्चेन्ट डे लाङ्गेले १/१ विकेट लिए ।
भरतपुर । विद्यार्थीहरूको आत्मविश्वास अभिवृद्धि गरी उनीहरूको प्रतिभा पहिचान गर्न तथा प्रस्तुति कला र सञ्चार क्षमताको विकास गर्न आयोजित चौथो संस्करण मास्टर एन्ड मिस अङ्कुरम्–२०८२ शुक्रबार सम्पन्न भएको छ ।
‘मञ्च प्रदक्षिणा चरण, परिचयात्मक चरण, प्रतिभा प्रदर्शनी चरण र प्रश्नोत्तर चरण गरी चार चरणमा गरिएको स्पर्धाबाट उदयराज वाग्ले मास्टर अङ्कुरम्–२०२५ र श्रृद्धि कर्माचार्य मिस अङ्कुरम्–२०२५ घोषित भएका हुन् । मञ्च प्रदक्षिणा चरणबाट सहभागीको बहिर्गमन सुरू भएको थियो । विद्यालयभरिबाट प्रतियोगिताका लागि १५ जना छात्रा र १५ छात्र गरी ३० जनाले स्पर्धा गरेको प्रतियिोगिताको मञ्च प्रदक्षिणा (पहिलो चरण)बाट पाँच जना छात्रा र पाँच जना छात्र गरी १० जना बहिर्गमनमा परेका थिए भने परिचयात्मक चरणबाट चार जना छात्रा र चार जना छात्र बहिर्गमनमा परेका थिए ।
प्रतियोगिताको तेस्रो चरण ‘प्रतिभा प्रदर्शनी’बाट उत्कृष्टता प्रदर्शन गर्ने चार जना छात्राहरू आरुषा गुरूङ, श्रृद्धि कर्माचार्य, समृद्धि भण्डारी र ग्रीष्मा पाण्डे तथा छात्रहरू स्वर्णिम घिमिरे, अनन्त पोख्रेल, रिवाज तिवारी र उदयराज वाग्ले गरी आठ जना अन्तिम चरणका लागि छनोटमा परेका थिए ।
अन्तिम चरणमको स्पर्धामा उत्रिएका आठ जना छात्राछात्राहरूले निर्णायकले सोधेका प्रश्नको गहिकिलो उत्तर दिएका थिए । निर्णायकले सोधेको फेसबुकमा विद्यार्थी र शिक्षक साथी बन्न हुन्छ कि हुँदैन ? भन्ने प्रश्नमा एक सहभागीले साथी बन्नु हुँदैन, शिक्षकको गोपनियता र व्यक्तिगत जीवनको कदर गर्नुपर्छ भन्ने उत्तर दिएकी थिइन् ।
तहप्रमुखद्वय अर्जुज जी शर्मा र सुमन शेर्पा लामाले सहजीकरण गरेको कार्यक्रममा शिक्षक समीरचन्द्र कोइराला र शुभेक्षा गुरूङ एवम् कलाकार तथा शिक्षक सुमन गुरूङले निर्णायकको भूमिका निर्वाह गरेका थिए । तेस्रो संस्करणका विजेता आराध्या राउत र श्रीमन डल्लाकोटीले ताज तथा ढाका टोपी पहिराएका थिए । शिक्षक प्रमिला खातीले सञ्चालन गरेको कार्यक्रमको सभापतित्व विद्यालयका आवासीय निर्देशक नइम चौधरीको सभापतित्वमा सम्पन्न भएको थियो ।
रत्ननगर । रत्ननगर वडा नं–१३, जयमंगलास्थित श्रीराम मन्दिर तथा वैदिक प्रज्ञाप्रतिष्ठानमा गुरूकुलम् सञ्चालनका लागि यही मङ्सिर १९ गतेसम्म १९औँ धनधान्याचल एवं वार्षिक मुठीदान महोत्सव तथा मत्स्य महापुराण ज्ञानमहायज्ञ सुरू गरिएको छ । महायज्ञको प्रदेश सांसद् कृष्णप्रसाद खनालले उद्घाटन गरेका हुन् ।
महायज्ञ उद्घाटनपूर्व जयमंगलामा भव्य कलशयात्रा निकालिएको थियो । कलशयात्रामा स्थानीय टोल विकास संस्था, आमा समूह, सहकारी तथा अन्य विभिन्न संघसंस्थाका प्रतिनिधिहरु समूहगतरुपमा सहभागी भएका थिए ।
उद्घाटन कार्यक्रममा प्रदेश सांसद् खनालले संस्कृत शिक्षा प्रदान गर्ने गुरूकुलम र मन्दिरको भौतिक पूर्वाधार निर्माणमा प्रदेश सरकारको तर्फबाट सहयोग गर्ने बताए । धर्म–संस्कृतिको महत्त्व अहम् रहेको भन्दै उनले धर्म–संस्कृतिले समाजलाई अनुशासित बनाउने बताए ।
वैदिक सनातन धर्म, संस्कार र संस्कृतिको संरक्षण तथा गुरूकुलम सञ्चालनका लागि मुठीदान सङ्कलन गर्न महायज्ञ आयोजना गरिएको अध्यक्ष हरिबहादुर खड्काले बताए ।
श्रीराम मन्दिर तथा वैदिक प्रज्ञाप्रतिष्ठानका संरक्षक भेषराज दुवाडीले श्रीराम मन्दिर र गुरूकुलमलाई धार्मिक पर्यटकीय गन्तव्यको रुपमा स्थापित गर्नेगरी पूर्वाधार निर्माण गरिएको भन्दै गुरूकुलमलाई सरकारी सहयोगमा संस्कृत विश्वविद्यालयको रुपमा विकास गर्ने बताए । गुरूकुलमा हाल ७० जना बटुकहरुलाई संस्कृत शिक्षा प्रदान गरिएको छ ।
गुरूकुलमका प्राचार्य बैकुण्ठ अधिकारीले सञ्चालन गरेको उक्त कार्यक्रममा सचिव टोमराज भट्टराईले स्वागत मन्तव्यका क्रममा गुरूकुलम सञ्चालनका लागि वार्षिकरुपमा महायज्ञ आयोजना गर्दै आएको जानकारी दिए ।
अध्यक्ष हरिबहादुर खड्काको अध्यक्षतामा भएको कार्यक्रममा महायज्ञमा कथा वाचन गर्ने पण्डित नारायणप्रसाद पोखरेल, शान्तिकुञ्ज सामाजिक उद्यमी महिला सहकारी संस्थाकी अध्यक्ष निर्मला दंगाल, टोल विकास संस्थाकी अध्यक्ष लक्ष्मी भट्टलगायतले मन्तव्य व्यक्त गरेका थिए ।
रत्ननगर । रत्ननगर वडा नं–१, निपनीस्थित गायत्री हरिहर मन्दिर संरक्षण समितिको आयोजनामा यही मङ्सिर १४ गतेदेखि २१ गतेसम्म भविष्य महापुराण तथा धनधान्याचल ज्ञानमहायज्ञ हुने भएको छ ।
मन्दिरको भौतिक पूर्वाधार निर्माण, गुरूकुलम सञ्चालन तथा धर्मशाला निर्माणमा आर्थिक सङ्कलन गर्ने उद्देश्यले महायज्ञ आयोजना गरिएको हो । आयोजकले बिहीबार पत्रकार सम्मेलन गरी महायज्ञको उद्देश्य र तयारीका बारेमा जानकारी गराएको छ ।
२०२८ सालमा स्थापित हरिहर मन्दिर धार्मिक आस्थाको केन्द्रविन्दुको रुपमा स्थापित रहेको छ । गायत्री हरिहर मन्दिर संरक्षण समितिद्वारा सञ्चालित गायत्री हरिहर गुरूकुलमा हाल ११५ जना बटुकहरु अध्ययन गर्दै आएका छन् । हरिहर मन्दिरलाई धार्मिक पर्यटकीयस्थलको रुपमा विकास गर्न धर्मशाला निर्माण गरिएको छ ।
मन्दिर संरक्षण समितिका अध्यक्ष नीलकण्ठ शर्मा पौडेलले मन्दिरको सुन्दरता कायम राख्न, गुरूकुलम सञ्चालन र धर्मशाला निर्माणमा सहयोग सङ्कलन गर्न महायज्ञ आयोजना गरिएको बताए ।
महायज्ञ मूल समारोह समितिकी संयोजक सीतादेवी शर्माले वार्षिकरुपमा हुँदै आएको महायज्ञमा कथा श्रवण तथा आफूखुसी दान गर्न सकिने बताइन् ।
गुरूकुलम सञ्चालनका लागि मासिक ८ लाख तथा वार्षिक ९६ लाख रूपैयाँ खर्च हुँदै आएको छ । मासिक मुठीदान ५०० परिवारले गर्दै आएका छन् । शुभजन्मोत्सव, विवाह, व्रतबन्ध, पितृकर्म तथा ब्राह्मण भोजन सहयोग, वार्षिक अन्नदान, तीनै तहको सरकारी सहयोगबाट गुरूकुलम सञ्चालन हुँदै आएको गुरूकुलमका अध्यक्ष सोमप्रसाद भट्टले जानकारी दिए ।
धर्मशाला निर्माण समितिका संयोजक तथा मन्दिर संरक्षण समितिका वरिष्ठ उपाध्यक्ष शंकर गिरीले हरिहर मन्दिरलाई धार्मिक पर्यटकीय गन्तव्यको रुपमा स्थापित गर्न धर्मशाला निर्माण गरिएको बताए । धर्मशाला निर्माणको काम ६० प्रतिशत सम्पन्न भइसकेको भन्दै अहिलेसम्म तीनै तहको सरकारबाट ५ करोड र मन्दिरको ३ करोड गरी ८ करोड लगानी भइसकेको उनले बताए ।
८ करोडको लगानीमा पाँचतले आयमूलक भवन, तीनतले आवासीय भवन र दुईतले धर्मशाला भवन निर्माण अन्तिम चरणमा पुगेको निर्माण समितिका संयोजक गिरीले बताए । मन्दिर संरक्षण समितिका निवर्तमान अध्यक्ष नेमराज शर्मा पौडेलले मन्दिर, गुरूकुलम र धर्मशालालाई गरेको सहयोग खेर नजाने बताए ।
रत्ननगर । रत्ननगर नगरपालिका वडा नं–१५ मा बिहीबारदेखि ६० दिने लोकसेवा तयारी कक्षा सुरू भएको छ । वडाध्यक्ष आशिक तामाङको अध्यक्षतामा भएको कार्यक्रममा रत्ननगर नगरपालिकाका प्रमुख प्रशासकीय अधिकृत प्रकाश खनालले तयारी कक्षाको उद्घाटन गरेका थिए । लोकसेवा सारथि प्रालि खैरहनीको सहजीकरणमा सुरू भएको कक्षामा २४ जना सहभागी छन् ।
वडा कार्यालयले युवाहरुलाई सरकारी सेवामा अवसर प्रदान गर्ने उद्देश्यले विगत चार वर्षदेखि लोकसेवा तयारी कक्षा चलाउँदै आएको छ । तयारी कक्षामा लोकसेवा परीक्षाका लागि आवश्यक पर्ने किताब निःशुल्करुपमा प्रदान गरिन्छ ।
प्रमुखअतिथि प्रमुख प्रशासकीय अधिकृत खनालले लोकसेवा परीक्षा पास गर्नु चानचुने विषय नभएको भन्दै सफलता हासिल गर्न पुस्तक अध्ययनसँगै अतिरिक्त ज्ञानसमेत आवश्यक पर्ने बताए । स्थानीय सरकारले युवाहरुलाई सरकारी सेवामा जागिरे होऊन् भनेर आयोजना गरेको लोकसेवा तयारी कक्षा नवीनतम काम भएको भन्दै उनले यसलाई अवसरको रुपमा लिएर जीवनरेखा सहज बनाउनेतर्फ केन्द्रित हुन प्रशिक्षार्थीहरुलाई आग्रह गरे ।
वडा नं–५ का वडाध्यक्ष बालकृष्ण चापागाईंले वडा कार्यालयले लोकसेवा तयारी कक्षा सञ्चालन गर्दा प्रशिक्षार्थी नपाउने समस्या रहेको हुँदा यसको जड खोज्नुपर्ने भन्दै सरकारी सेवा गरेर देशमै बस्ने युवाहरुको चाहनामा कमी आएको आफूले पाएको बताए ।
लोकसेवा सारथि प्रालिका सञ्चालक महेश घिमिरेले स्थानीय सरकारसँग सहकार्य गरी चितवनमा लोकसेवा तयारी कक्षा सञ्चालन गरिरहेको बताए । चितवनमा अहिलेसम्म करिब ७ हजार युवालाई लोकसेवाको तयारी कक्षा दिएको भन्दै तीमध्ये झन्डै तीन हजार ५०० जनाले नाम निकाल्न सफल भएको उनले जानकारी दिए ।
वडाध्यक्ष तामाङले वडा कार्यालयले हरेक वर्ष लोकसेवा तयारी कक्षा सञ्चालन गर्दै आएका र अहिलेसम्म करिब १२० जना युवालाई लोकसेवा तयारी कक्षामा सहभागी गराइसकेको जानकारी दिए ।
तालिम, गोष्ठी र भ्रमण गर्दा रमाउने समाजले युवा स्वरोजगार कार्यक्रम सञ्चालन गर्दा विरोध गर्ने परिपाटीको अन्त्य हुनुपर्ने भन्दै उनले कालान्तरसम्म लोकसेवा तयारी कक्षा सञ्चालन गर्ने बताए । वडा सदस्य रूममाया परियारले स्वागत मन्तव्य राखेको उक्त कार्यक्रम इमप्रसाद पन्तले सञ्चालन गरेका थिए ।
काठमाडौँ । संयुक्त अरब इमिरेट्स (युएई)मा जारी एसिसी यु–१९ प्रिमियर कपमा नेपालले हङकङलाई ११९ रनले पराजित गरेको छ । जारी प्रतियोगितामा नेपालको यो दोस्रो जीत हो ।
जीतका लागि २७१ रनको चुनौती पछ्याएको हङकङ ४०.५ ओभरमा १५१ रनमा समेटियो । उसका कप्तान शिभ मथुरले सर्वाधिक ३० रन बनाए । बलिङमा नेपालीका अप्रजित पौडेलले ४, कप्तान अशोक धामीले ३ विकेट लिए ।
यसअघि अजमान मैदानमा टस जितेर ब्याटिङ गरेको नेपालले निर्धारित ५० ओभरमा ७ विकेटको क्षतिमा २७० रन बनाएको थियो । कप्तान अशोक धामीले अर्धशतकीय पारी खेल्दै सर्वाधिक ७३ रनको योगदान गरे । यस्तै दर्श सोनारले अविजित ४५, दिलसाद अलिले ३६ रन जोडे । हङ्कङका अभिमन्यु गणेशन र डेनियल नक्साले २/२ विकेट हात पारे । आजको खेलमा नेपालका कप्तान धामी प्लेयर अफ द म्याचसमेत चुनिए ।
नेपालले यसअघि पहिलो खेलमा नेपालले साउदी अरेबियालाई ८ विकेटले पराजित गरेकोे थियो । १४ टोलीबीच चार समूहमा जारी प्रतियोगिताका प्रत्येक समूहका शीर्ष टोलीले सेमिफाइनल खेल्नेछन् । जसमध्ये पहिलो, दोस्रो र तेस्रो स्थानमा पुग्ने तीन टोली एसिया कपका लागि छनोट हुनेछन् ।
काठमाडौँ । राजधानीमा जारी दोस्रो संस्करणको नेपाल प्रिमियर लिग (एनपिएल) क्रिकेटमा साबिक विजेता जनकपुर बोल्ट्स लगातार तीन खेलमा पराजित भएको छ । जनकपुर बोल्ट्स आजको खेलमा पोखरा एभेन्जर्ससँग २५ रनले पराजित भएको हो ।
कीर्तिपुरस्थित त्रिवि अन्तर्राष्ट्रिय क्रिकेट मैदानमा टस जितेर पहिला ब्याटिङ गरेको पोखराले २० ओभरमा ६ विकेटको क्षतिमा १५५ रन बनायो । एक सय ५६ रनको विजयी लक्ष्य पछ्याउने क्रममा जनकपुर बोल्ट्सले नौ विकेटको क्षतिमा एक सय ३० रन मात्र बनाउन सक्यो ।
जनकपुरका लागि वायने पर्नेलले अर्धशतकीय पारी खेले । उनले ३८ बल खेल्ने क्रममा चार छक्का र दुई चौका प्रहार गरे । यस्तै सञ्जय कृष्णमूर्तिले २५ तथा माज सदाकतले २० रन बनाए । बलिङतर्फ पोखराका विपिन खत्रीले चार, सुमित बर्माले दुई तथा कुशल भुर्तेल र जिम्मी निसमले एक एक लिए ।
यसअघि पोखराका लागि सुमित बर्माले अर्धशतकीय पारी खेलेका थिए । उनले २९ बल खेल्ने क्रममा चार छक्का र दुई चौकाको मद्दतमा अविजित ५० रन बनाए । यस्तै दिनेश खरेलले ३८, तृतराज दासले २९ तथा एडम रोसिङ्ग्टनले २४ रन बनाए ।
बलिङतर्फ जनकपुरका लागि सञ्जय कृष्णमूर्तिले तीन तथा कप्तान अनिल साह र ललितनारायण राजवंशीले एक–एक विकेट लिए । यसअघि जनकपुर काठमान्डू गोर्खाजसँग पाँच विकेट तथा विराटनगर किङ्ग्ससँग नौ विकेटले पराजित भएको थियो ।
पोखरा पहिलो खेलमा विराटनगरसँग ५३ रनले तथा दोस्रो खेलमा सुदूरपश्चिम रोयल्ससँग १८ रनले पराजित भएको थियो । यसअघि आजै सम्पन्न भएको पहिलो खेलमा सुदूरपश्चिम रोयल्सले लुम्बिनी लायन्सलाई सात विकेटले परारिजत गरेको थियो ।
एनपिएलमा शुक्रबार पहिलो खेल चितवन राइनोज र काठमान्डू गोर्खाजबीच बिहान ११ः४५ बजे तथा दोस्रो खेल कर्णाली याक्स र विराटनगर किङ्ग्सबीच अपराह्न ४ः०० बजे सुरू हुनेछ ।
काठमाडौँ । राजधानीमा जारी दोस्रो संस्करणको नेपाल प्रिमियर लिग (एनपिएल) क्रिकेटको आजको खेलमा जित हासिल गरेसँगै साबिक उपविजेता सुदूरपश्चिम रोयल्स प्लेअफ नजिक पुगेको छ । सुदूरपश्चिमले लुम्बिनी लायन्समाथि सात विकेटको जित निकाल्दै लगातार चौथो जित दर्ता गराएको हो ।
लुम्बिनीद्वारा जितका लागि पाएको १४४ रनको लक्ष्य सुदूरपश्चिमले १८ दशमलव दुई ओभरमा तीन विकेटको क्षतिमा पूरा गर्यो । आजको खेलमा सुदूरपश्चिमका ओपनर ब्याटर विनोद भण्डारीले अर्धशतकीय पारी खेल्दै अविजित ६९ र आरिफ शेखले ३७ रन जोडे । सुदूरपश्चिमले ३९ रन जोड्दा दुई विकेट गुमाउँदा विनोद र शेखले ९९ रनको साझेदारी गर्दै जित दिलाएका हुन् । विनोद प्लेयर अफ द म्याचसमेत चुनिएका छन् ।
यसअघि त्रिवि अन्तर्राष्ट्रिय क्रिकेट रङ्गशाला कीर्तिपुरमा टस हारेर पहिला ब्याटिङ गरेको लुम्बिनीले १९ दशमलव चार ओभरमा १४३ रनमा अलआउट भयो । जसमा कप्तान रोहित पौडेलले सर्वाधिक ३५ र दिलिप नाथले ३१ रनको योगदान गरे । बलिङतर्फ सुदूरपश्चिमका अभिनाश बोहराले तीन, हर्मित सिंहले तीन, हेमन्त धामीले दुई विकेट झारे ।
दिपेन्द्रसिंह ऐरीको कप्तानीमा रहेको सुदूरपश्चिम लगातार चौथो जित निकालेर आठ अङ्कका साथ शीर्ष स्थानमा छ । रोहितकुमार पौडेलको कप्तानीमा रहेको लुम्बिनीले भने चारमध्ये एक खेल मात्रै जितेको छ । दुई अङ्क जोडेको लुम्बिनी अङ्क तालिकाको छैटौँ स्थानमा छ । प्लेअफमा पुग्न बाँकी रहेका तीन खेल जित्नैपर्ने दबाब लुम्बिनीलाई बढेको छ ।
चितवन । जापानमा दक्ष कामदार भएर काम गर्न चाहने युवाहरूलाई लक्षित गर्दै हानासाकिया टेक्निकल भोकेसनल एन्ड ल्याङ्वेज इन्स्टिच्युट प्रालि भरतपुर–३, कमलनगरमा सञ्चालनमा आएको छ ।
२०८० मा स्थापित यस संस्थाले जापानी भाषा तथा विशेष सीपमूलक तालिममार्फत जापान रोजगारीमा युवाको पहुँच बढाउने उद्देश्य राखेको छ ।
इन्स्टिच्युटले जापानी भाषाका एन५, एन४ र एन३ स्तरका कक्षासँगै जापानमा दक्ष कामदारका रूपमा जान आवश्यक ‘स्पेसिफाइड स्किल्ड वर्कर’ तालिम सञ्चालन गर्दै आएको छ ।
नर्सिङ केयर, कन्स्ट्रक्सन, ड्राइभिङ (ट्रक/ट्याक्सी), बिल्डिङ क्लिनिङ, इन्डस्ट्रियल प्रोडक्ट म्यानुफ्याक्चरिङ, अटोमोबाइल मेकानिक्स, एकोमोडेसन (होटेल÷रिसोर्ट), कृषि, खाद्य तथा पेय पदार्थ उत्पादन, फुड सर्भिस (रेस्टुरेन्ट)सहित विभिन्न क्षेत्रमा विशेष तालिम प्रदान गरिन्छ ।
जापानको ‘ब्लु स्काई जापान कर्पोरेसन’सँग आवद्ध इन्स्टिच्युटले जापानिज फाउन्डेसन टेस्ट (जेएफटी) र स्किल टेस्ट उत्तीर्ण गरेका विद्यार्थीलाई रोजगारी खोज्न सहयोग गर्दै आएको छ । चितवन, नवलपरासी, लमजुङ, तनहुँ र मकवानपुरका १०० भन्दा बढी विद्यार्थी यस संस्थामार्फत भाषा र सीप सिकेर जापान रोजगारी यात्रा सफल बनाइसकेका छन् ।
नेपालभर जेएफटी उत्तीर्ण दर २७.२ प्रतिशत रहेको अवस्थामा हानासाकिया इन्स्टिच्युटको उत्तीर्ण दर ८० प्रतिशत पुगेको संस्थाले जनाएको छ । जापानी शिक्षकसमेत संलग्न कक्षा दैनिक बिहान १०ः०० बजेदेखि दिउँसो ४ः०० बजेसम्म, गरी ६ घन्टाको समयावधिमा सञ्चालन हुन्छ ।
संस्थाले अहिले ‘जनवरी सेसन’का लागि भर्ना खुला गरेको जनाएको छ । सीमित सिट भएकाले इच्छुक विद्यार्थीलाई शीघ्र आवेदन दिन आग्रह गरिएको छ ।
चितवन । गत असोज २१ गते बिहान ५ः१० बजे चौबिसकोठी–रामपुर सडकखण्डअन्तर्गत भरतपुर–४, सृष्टिचोकमा मर्निङवाक गरिरहेका ६० वर्षीय कृष्णप्रसाद कँडेललाई ठक्कर दिई फरार मोटरसाइकलका चालकलाई प्रहरीले काठमाडौँबाट नियन्त्रणमा लिएको छ ।
तत्काल नम्बर नखुलेको मोटरसाइकलको ठक्करबाट कँडेल गम्भीर घाइते भएका थिए । दुर्घटनापश्चात् मोटरसाइकलसहित चालक फरार भएका थिए ।
सो घटना सम्बन्धमा जिल्ला प्रहरी कार्यालय चितवनले अनुसन्धान सुरू गर्दै सयौँ सिसिटिभी फुटेज र दर्जनौँ मोटरसाइकलको विष्लेषण गरी फरार आरोपीको पहिचान गरेको हो । सो अनुसन्धानबाट भदौ २१ गतेको घटनामा प्रयोग भएको ना ३७ प ८५३० नम्बरको मोटरसाइकल र चालक गोरखा नगरपालिका वडा नं–१३ बस्ने २७ वर्षीय सुनिल गुरूङ रहेको पत्ता लागेको थियो ।
प्रहरी टोलीले काठमाडौँ, बौद्धमा लुकिछिपी बसिरहेका सुनिल गुरूङलाई मोटरसाइकलसहित मङ्सिर ९ गते नियन्त्रणमा लिएको हो । उनलाई चितवन जिल्ला अदालतमा सवारीसाधन अङ्गभङ्गसम्बन्धी कसुरमा पेस गरी ७ दिन म्याद थप गरी अनुसन्धान जारी राखिएको छ ।
जिल्ला प्रहरी कार्यालय चितवनले घटनापछि तदारुकताका साथ अनुसन्धान गरी फरार चालकलाई पक्राउ गरिएको सूचना अधिकारी प्रहरी नायब उपरीक्षक रवीन्द्र खनालले जानकारी दिए ।
कालिका । कालिका नगरपालिका वडा नं–१०, सिद्धिस्थित तीनदोभानमा पक्की पुल निर्माणका लागि बुधबार एक समारोहबीच शिलान्यास गरिएको छ ।
कालिका नगरपालिकाका नगरप्रमुख विनोद रेग्मीले चार करोड ३८ लाख ६७ हजारको लगानीमा निर्माण हुने उक्त पुलको शिलान्यास गरेका हुन् ।
कार्यक्रममा नगरप्रमुख रेग्मीले सीमान्तकृत चेपाङ समुदायको दैनिकी परिवर्तन र जीवनस्तर उकास्न कयर खोलाको मुहानमा पुल निर्माण सुरू गरिएको बताए । उनले भने, ‘नगरवासीको सुरक्षा दायित्व स्थानीय सरकारको हो । तीनदोभानमा बर्सेनि खोलाले बगाएर मान्छे मर्न थालेपछि नगरपालिकाको आफ्नै लगानीमा पुल निर्माण सुरू गरेका हौँ ।’
उनले गुणस्तरमा ध्यान दिँदै पुल समयमै उद्घाटन गर्नेगरी निर्माण गर्न निर्माण कम्पनीलाई निर्देशन दिए ।
कयर खोलाको मुहान तीनदोभानमा पुल नहुँदा बर्खायाममा विद्यार्थीलाई विद्यालय आउन, बिरामीलाई अस्पताल लैजान र चेपाङले उत्पादन गरेका सामग्रीहरु बजारसम्म ल्याउन समस्या हुँदै आएको थियो । पुल सञ्चालनमा आएपछि वडा नं–१० अन्तर्गत पर्ने नान्दार, पाइमाराङ, देउजर, छेरवाङ, वाकताल, जिङलाव र वडा नं–११ अन्तर्गतको चेउराङका चेपाङ समुदायको जीवनशैली परिवर्तन हुने विश्वास लिइएको छ ।
पुल बनेपछि सोही सडकबाट इच्छाकामनाको चौकीडाँडा, हात्तीवाङ हुँदै मवाखोलास्थित राजमार्गसम्म पुग्न पनि सहज हुने कालिका–१० का वडाध्यक्ष नरजंग प्रजाले बताए । उनले पुल सञ्चालनमा आएपछि चेपाङ अकालमै मर्नु नपर्ने बताए ।
नगरपालिकाका भौतिक पूर्वाधार शाखा प्रमुख इन्जिनियर किशोर खतिवडाका अनुसार विसं २०८२ असार १७ मा सम्झौता भई निर्माण कम्पनीले साउन १ गतेबाट काम सुरू गरेको जानकारी दिए । २०८३ पुस ३० गतेसम्म निर्माण सम्पन्न गर्ने लक्ष्य लिइएको आइसिसी ब्रिज पुलको लम्बाइ ४० मिटर, चौडाइ ८ मिटर र उचाइ ७ मिटर हुने प्रमुख इन्जिनियर खतिवडाले जानकारी दिए ।
काठमाडौँ । सन् २०२६ मा हुने आइसिसी टी-२० विश्वकपको खेल तालिका सार्वजनिक भएको छ । अन्तर्राष्ट्रिय क्रिकेट परिषद् (आइसिसी)ले सहभागी २० टोलीलाई चार समूहमा विभाजन गर्दै खेल तालिका सार्वजनिक गरेको हो ।
भारत र श्रीलङ्कामा हुने आइसिसी टी-२० विश्वकप आगामी फेब्रुअरी ७ देखि मार्च ८ सम्म सञ्चालन हुनेछ । सार्वजनिक तालिकाअनुसार नेपाल समूह ‘सी’ मा रहेको छ । नेपालका सबै खेल भारतको मुम्बईमा राखिएका छन् । नेपालको समूहमा वेस्ट इन्डिज, इङ्ल्यान्ड, बङ्गलादेश र इटाली छन् । वेस्ट इन्डिज र इङ्ल्यान्ड दुवै दुई-दुई पटकका विश्वविजेतासमेत हुन् ।
नेपालको पहिलो खेल आगमी फेब्रुअरी ८ तारिखमा मुम्बईस्थित वान्खडे रङ्गशालामा इङ्ग्ल्यान्डसँग हुनेछ । यस्तै नेपालको दोस्रो खेल फेब्रुअरी १२ मा इटाली, तेस्रो फेब्रुअरी १५ मा वेस्ट इन्डिज र चौथो फेब्रुअरी १७ मा बङ्गलादेशसँग हुने नेपाल क्रिकेट सङ्घ (क्यान)ले जनाएको छ ।
क्यानका अध्यक्ष चतुरबहादुर चन्दले केही साताअघि आइसिसी अध्यक्ष जय शाहलाई भारतको नयाँदिल्लीमा भेटेर नेपालका खेलहरू भारतमा राखिदिन आग्रहसमेत गरेका थिए । उक्त आग्रहलाई स्वीकार गर्दै नेपालका सबै खेल भारतमा राखिएका अध्यक्ष चन्दले बताए ।
योसँगै नेपाल तेस्रोपटक विश्वकपमा सहभागी हुँदैछ । यसअघि नेपालले सन् २०१४ र २०२४ मा विश्वकप खेलेको थियो ।
चितवन । जेनजी आन्दोलनका क्रममा जिल्लाका विभिन्न क्षेत्रमा तोडफोड, आगजनी र लुटपाट गर्ने ४३ जनालाई पक्राउ गरी कारबाही गरिएको छ । जिल्ला प्रहरी कार्यालय चितवनले उजुरीका आधारमा उनीहरूलाई पक्राउ गरेको हो ।
जिल्ला प्रहरी कार्यालयका सूचना अधिकारी एवं प्रहरी नायब उपरीक्षक रवीन्द्र खनालका अनुसार पक्राउ परेकाहरूलाई आपराधिक उपद्रव, चोरी, अभद्र व्यवहार र लागू औषध मुद्दामा कारबाही गरिएको छ । पक्राउ परेकालाई म्याद थप गरेर अनुसन्धान गरी कसुरअनुसारको कारबाही गरिएको उनले बताए ।
आन्दोलनका क्रममा सरकारी कार्यालय, निजी घर र व्यावसायिक प्रतिष्ठानहरूमा आगजनी, तोडफोड तथा लुटपाट भएको थियो । आन्दोलनमा घुसपैठ गर्नेहरूलाई कानुनी दायरामा ल्याउने क्रममा पक्राउ गरिएको उनले जानकारी दिए ।
आन्दोलनका क्रममा जिल्लाका ७९ वटा सार्वजनिक संरचना, १६ वटा निजी आवास तथा व्यावसायिक प्रतिष्ठान र तीनवटा पार्टी कार्यालयमा तोडफोड, आगजनी तथा लुटपाट भएको जिल्ला प्रशासन कार्यालय चितवनको तथ्याङ्कमा उल्लेख छ ।
काठमाडौँ । नेपाल प्रिमियर लिग (एनपिएल)मा अपराजित विराटनगर किङ्ग्सको यात्रामा चितवन राइनोजले ब्रेक लगाएको छ ।
लगातार तीन खेल जितेको विराटनगर बुधबार चौथो खेलमा चितवनसँग ४८ रनले पराजित भयो । जीतका लागि पाएको १७५ रनको लक्ष्य पछ्याएको विराटनगर १६.५ ओभरमा १२६ रनमा समेटियो । जसमा मर्चेन्ट डे लाङले सर्वाधिक ३९, प्रतिश जिसीले ३० रन जोडे पनि हार टार्न सकेनन् । चितवनका रञ्जित कुमारले ५, कमलसिंह ऐरीले २ विकेट लिए ।
यसअघि, त्रिवि अन्तर्राष्ट्रिय क्रिकेट रङ्गशाला, कीर्तिपुरमा टस हारेर पहिला ब्याटिङ गरेको चितवनले निर्धारित २० ओभरमा ५ विकेटको क्षतिमा १७४ रन बनायो । जसमा रवि बोपराले अर्धशतक हिर्काउँदै ६५, सैफ अली जैवले ३२ र देव खनालले २८, कप्तान कुशल मल्लले अविजित २० रनको योगदान गरे ।
विराटनगरका कप्तान सन्दीप लामिछानेले २, मर्चेन्ट डे लाङले २, शुभम रञ्जनेले १ विकेट लिए ।
गैँडाकोट । आगामी पुस २५ गतेदेखि पूर्वी नवलपरासीको गैँडाकोटमा चौथो संस्करणको गैँडाकोट महोत्सव आयोजना हुने भएको छ । उद्योग वाणिज्य संघ गैँडाकोटको आयोजनामा नारायणी नदीकिनारमा हुने महोत्सव पुस २५ गतेदेखि माघ १० गतेसम्म सञ्चालन हुने पत्रकार सम्मेलनमा जानकारी गराइएको हो ।
माघ १० गतेसम्म सञ्चालन हुने महोत्सवको तयारीलाई तीव्र बनाइएको गैँडाकोट महोत्सवका संयोजक मेघराज कँडेलले जानकारी दिए । उनका अनुसार महोत्सवमा स्थानीय उत्पादनलाई प्रमुख स्थान दिइएको छ । यसले स्थानीय बजारमा सीधा आर्थिक गतिविध बढाउन महत्त्वपूर्ण भूमिका रहने उनले बताए । महोत्सवमा २५० व्यावसायिक स्टल रहनेछन् ।
महोत्सवबाट करिब दुई लाख दर्शकले अवलोकन गर्ने र करिब २५ करोड रूपैयाँभन्दा बढीको आर्थिक कारोबार हुने अपेक्षा गरिएको उनले बताए । अटोमोबाइल, बैंक तथा वित्तीय संस्था, मोबाइल–इलेक्ट्रोनिक्स, निर्माण सामग्री, हस्तकला, कृषि तथा जडीबुटी, पर्यटन, तयारी पोसाक, जुत्ता–चप्पलदेखि दैनिक उपभोग्य वस्तुसम्मका सामग्री प्रदर्शनमा राखिने छन् ।
कार्यक्रममा प्रमुखअतिथि उद्योग वाणिज्य संघ गण्डकी प्रदेशका अध्यक्ष अमृत भट्टचनले जेनजी आन्दोलनपछि निजी क्षेत्रमा परेको प्रभावलाई पुनःउत्थान गर्न महोत्सवले विशेष भूमिका खेल्ने अपेक्षा लिइएको बताए । जेनजी आन्दोलनमा निजी क्षेत्रमा भएको तोडफोड र आगजनीका कारण उद्योगी–व्यवसायीको मनोबल माथि उठ्न नसकेको र लगानीको वातावरण नभएको बताउँदै आन्दोलनमा घुसपैठ गरी निजी क्षेत्रमाथि आक्रमण गर्नेहरुलाई कारबाही गर्नुपर्ने बताए ।
गण्डकी प्रदेशको समग्र विकास सम्भावनाको प्रतीकका रुपमा गैँडाकोट महोत्सव रहेको बताउँदै विगतका तीन संस्करण आफ्नै नेतृत्वमा सम्पन्न भएको र चौथो संस्करणलाई पनि सफल र परिणाममुखी बनाउन सबैको उत्तिकै भूमिका रहने बताए । चुनौतीका बाबजुत पनि महोत्सव आयोजना गरिएको भन्दै सञ्चारमाध्यमले गाउँबस्ती र जनजनसम्म सूचना पुर्याएर सहयोग गर्न आग्रह गरे ।
महोत्सवमा सांस्कृतिक तथा साङ्गीतिक क्षेत्र, बालउद्यान तथा मनोरञ्जन क्षेत्र र खानपान क्षेत्र रहनेछन् । महोत्सवमा प्रत्येक दिन राष्ट्रिय स्तरका कलाकारहरुको उपस्थिति रहने बताइएको छ ।
महोत्सवको प्रवेशद्वारलाई कलात्मक शैलीमा निर्माण गर्ने तयारी गरिएको छ । सुरक्षाका लागि सुरक्षाकर्मीसँगै महोत्सव परिसरभित्र सिसिटिभीमार्फत निगरानी गरिने आयोजकले जनाएको छ ।
रत्ननगर । पूर्वी चितवनको कालिका नगरपालिकामा आयोजना गरिएको अन्तरजिल्लास्तरीय दोस्रो मेयर कप ब्याडमिन्टन प्रतियोगिताको उपाधि रत्ननगरका केवल न्यौपाने र आयुष गुरूङले जितेका छन् ।
कालिका नगरपालिकाको सहयोगमा कालिका कभर्ड हल स्थापना समितिले आयोजना गरेको प्रतियोगिताको फाइनलमा भरतपुरका विधान गुरूङ र अमन दराईको जोडीलाई सोझो सेटमा पराजित गर्दै न्यौपाने र गुरूङको जोडीले उपाधि जितेको हो ।
बी डिभिजनको उपाधिका लागि रत्ननगरस्थित पूर्वी चितवन स्पोर्ट्स क्लबको प्रतिनिधित्व गर्दै न्यौपाने र गुरूङ तथा भरतपुरस्थित उत्सव इन्टरप्राइजेजको प्रतिनिधित्व गर्दै गुरूङ र दराईको जोडीले उपाधिका लागि फाइनल प्रतिस्पर्धा गरेका थिए । त्यस्तै, प्रतियोगिताअन्तर्गत धादिङका लक्ष्मण मल्ल ठकुरी र आकाश गुरूङ तथा भरतपुरका शिव खड्का र सागर शर्माको टिम तृतीय भएका छन् ।
कालिका कभर्ड हलमै सञ्चालित पूर्वी चितवनस्तरीय सी डिभिजन प्रतियोगिताको उपाधि कालिका कभर्ड हल ब्याडमिन्टन व्यवस्थापन समितिका साइमन गुरूङ र मदन गुरूङको जोडीले जितेको छ । उक्त प्रतियोगितामा अष्ठ पाख्रिन र राजु तामाङको जोडी उपविजेता बन्यो । त्यस्तै, प्रतियोगितामा कालिका कभर्ड हल ब्याडमिन्टन व्यवस्थापन समितिका फणीन्द्र लामिछाने र बुद्धि अधिकारी तथा रामचन्द्र गिरी र डेकबहादुर वाइबाको जोडी तृतीय भएका छन् ।
बी डिभिजनतर्फ ३२ टिम र सी डिभिजनतर्फ २८ टिमले प्रतिस्पर्धा गरेका थिए । प्रतियोगितामा बी डिभिजनतर्फ प्रथम, द्वितीय र तृतीयले क्रमशः ४० हजार, २० हजार र १२ हजार तथा सी डिभिजनतर्फ प्रथम, द्वितीय र तृतीयले क्रमशः २० हजार, १२ हजार र ८ हजार नगद पुरस्कारसहित शिल्ड, मेडल र प्रमाणपत्र प्राप्त गरेको कालिका कभर्ड हल ब्याडमिन्टन व्यवस्थापन समितिका अध्यक्ष फणीन्द्र लामिछानेले जानकारी दिए ।
खेलका विजेताहरुलाई कालिका नगरपालिकाका नगरप्रमुख विनोद रेग्मी, नगरका प्रवक्ता तथा वडा नं–२ का वडा अध्यक्ष लक्ष्मण पौडेल, वडा नं–३ का वडा अध्यक्ष वीरेन्द्र तामाङले पुरस्कारसहित प्रमाणपत्र वितरण गरेका थिए ।
अध्यक्ष लामिछानेको अध्यक्षतामा भएको समापन कार्यक्रम सचिव बुद्धि अधिकारीले सञ्चालन गरेका थिए । कालिकामा हरेक वर्ष अन्तरजिल्लास्तरीय ब्याडमिन्टन प्रतियोगिता हुँदै आएको छ ।
काठमाडौँ । फागुन २१ गते तोकिएको प्रतिनिधि सभा निर्वाचनका लागि निर्वाचन आयोगमा ८० दल दर्ता भएका छन् ।
आयोगका सूचना अधिकारी सुमन घिमिरेका अनुसार मंगलबार साँझसम्म ८० वटा राजनीतिक दलले दल दर्ताको निवेदन पेस गरेका छन् । प्रतिनिधि सभा सदस्य निर्वाचन प्रयोजनका लागि मङ्सिर १ देखि १० गतेसम्म समय तोकेको छ ।
उनका अनुसार मङ्सिर १ गते १२ वटा, २ गते पाँच, ३ गते आठ, ४ गते आठ, ५ गते सात, ७ गते १६, ८ गते आठ र ९ गते १६ वटा राजनीतिक दल दर्ता भएका छन् ।
बुधबारसम्म दल दर्ताको समय रहेकाले यो सङ्ख्या थप बढ्ने आँकलन गरिएको छ ।
काठमाडौँ । काठमाडौँ गोर्खाजले नेपाल प्रिमियर लिग (एनपिएल) दोस्रो संस्करणमा दोस्रो जीत हात पारेको छ ।
मंगलबार कीर्तिपुरस्थित टियु अन्तर्राष्ट्रिय क्रिकेट स्टेडियममा भएको खेलमा काठमाडौँले लुम्बिनी लायन्सलाई २२ रनले पराजित गरेको हो ।
चार खेल खेलिसकेको काठमाडौँले दोस्रो जितपछि ४ अंक जोडेर तेस्रो स्थानमा छ । पहिलो खेलमा जनकपुर बोल्ट्सलाई पराजित गरेपछि काठमाडौँ सुदूरपश्चिम रोयल्स र विराटनगर किंग्ससँग लगातार पराजित भएको थियो ।
लुम्बिनीको भने यो लगातार दोस्रो हार हो । पहिलो खेलमा चितवन राइनोजलाई हराएको लुम्बिनी दोस्रो खेलमा कर्णाली याक्ससँग पराजित भएको थियो ।
काठमाडौँले दिएको १५९ रनको लक्ष्य पछ्याएको लुम्बिनीले १९.१ ओभरमा सबै विकेट गुमाएर १३५ रनमै अलआउट भयो ।
लुम्बिनीका लागि शेर मल्लले सर्वाधिक २७ र दिलीप नाथले २५ रन बनाए पनि पर्याप्त भएन ।
बलिङमा काठमाडौँका मिलिन्द कुमार र जेरार्ड एरासमसले दुईरदुई तथा कप्तान करण केसी, शाहव आलम, सन्तोष यादव र रासिद खानले समान विकेट लिए ।
काठमाडौँ । कप्तान दीपेन्द्र सिंह ऐरीको अलराउन्डर प्रदर्शनमा सुदूरपश्चिम रोयल्सले राजधानीमा जारी नेपाल प्रिमियर लिग (एनपिएल)मा सोमबार कर्णाली याक्सविरुद्ध जीत निकालेको छ ।
कीर्तिपुरस्थित त्रिभुवन विश्वविद्यालय अन्तरराष्ट्रिय क्रिकेट मैदानमा सुदूरपश्चिमले दिएको १४० रनको मध्यम लक्ष्य पछ्याएको कर्णाली याक्स १९ दशमलव दुई ओभरमा ९४ रनमा अलआउट भयो । सुदूरपश्चिमको जीतमा कप्तान ऐरी ब्याटिङ र बलिङ दुवैमा चम्किए । उनले ब्याटिङ गर्दै ३९ रन बनाए भने बलिङतर्फ चार विकेट लिए ।
कर्णालीका लागि पवन सराफले सर्वाधिक २७ बनाए भने मार्क वाटले १७, कप्तान सोमपाल कामीले १४, गुल्शन झाले १३ रन बताए । अन्य ब्याटरले दोहोरो अङ्कमा रन बनाउन सकेनन् ।
सुदूरपश्चिमका लागि कप्तान ऐरीले चार विकेट लिए भने हर्मित सिंह र अभिनास बोहराले समान दुई÷दुर्य विकेट लिए ।
त्यसअघि टस हारेर पहिला ब्याटिङ गरेको सुदूरपश्चिमले निर्धारित २० ओभरमा नौ विकेटको क्षतिमा १३९ रन बनाएको थियो । उसका लागि कप्तान ऐरीले सर्वाधिक ३९ रन बनाए भने आरिफ शेखले २७ रन जोडे ।
कर्णालीका लागि कप्तान कामीले तीन विकेट लिँदा ३, नन्दन यादवले दुई विकेट लिएका थिए ।
राप्ती । थ्री एन्जल नेपालको आयोजनामा पूर्वी चितवनको राप्ती–१, लोथरमा मानव बेचबिखनविरुद्धको जनचेतनामूलक कार्यक्रम गरिएको छ ।
कार्यक्रमका प्रमुखअतिथि अस्थायी प्रहरी चेक पोस्ट राप्तीका प्रमुख गोपिबहादुर ब्लोनले मानव बेचबिखन ओसारपसार न्यूनीकरण गर्न तीनै तहका सरकार गम्भीर रुपमा लाग्नुपर्नेमा जोड दिए । उनले यस्ता जघन्य अपराध दिनहुँ मौलाउँदै जानुमा लैङ्गिक हिंसा पनि प्रमुख कारण रहेकाले समाजमा समयमै सचेतना अपनाउन नसकिए ठूलो असर गर्ने बताए ।
कार्यक्रमका अतिथि लोथर टोल विकास संस्थाका अध्यक्ष होमबहादुर रुम्बा, समाजसेवी डम्बरबहादुर ढुङ्गाना, ट्राफिक प्रहरी बलराम थापामगरलगायतका वक्ताहरुले समाजमा देखापर्ने कुनै पनि आपराधिक गतिविधिबारे समाजलाई सजग बनाउँदै सोको न्यूनीकरणका लागि प्रहरीसँग निरन्तर सम्पर्कमा रहने प्रतिबद्धता व्यक्त गरे ।
राप्ती नगरपालिकाका महिला, यातायात व्यवसायी र होटल व्यवसायीका प्रतिनिधिहरु सहभागी रहेको कार्यक्रममा प्रमुखअतिथि ब्लोनले मानव बेचबिखन तथा ओसारपसारले निम्त्याउने जोखिम, रोकथामका उपाय तथा कानुनी व्यवस्थाबारे प्रशिक्षण दिएका थिए ।
परेवाश्वरी सामुदायिक वनका उपाध्यक्ष प्रेमबहादुर खुलालको अध्यक्षतमा सम्पन्न कार्यक्रमको सञ्चालन थ्री एन्जल नेपाल पूर्वी चितवनकी संयोजक सुनिता सिलवालले गरेकी थिइन् ।
काठमाडौँ । राजधानीमा जारी दोस्रो संस्करणको नेपाल प्रिमियर लिग (एनपिएल)मा कप्तान सन्दीप लामिछानेको उत्कृष्ट बलिङको मद्दतमा विराटनगर किङ्ग्स विजयी भएको छ । विराटनगर लगातार आफ्नो तेस्रो खेलमा विजयी भएको हो । आजको खेलमा विराटनगरले जनकपुर बोल्ट्सलाई नौ रनले हराएको हो ।
जितका लागि १३६ रनको लक्ष्य पछ्याएको जनकपुरले निर्धारित २० ओभरको खेलमा नौ विकेट गुमाएर एक सय २६ रन मात्रै बनाउन सक्यो । जनकपुरका लागि निकोल लेफ्टी इटनले ४१, लाहिरू मिलन्थाले २३, सञ्जय कृष्णमुर्तिले २० तथा आशिफ शेखले १३ रन बनाए ।
बलिङतर्फ विराटनगरका लागि कप्तान सन्दीप लामिछानेले ४ विकेट लिए । उनले चार ओभर बलिङ गर्ने क्रममा मात्र ११ रन खर्चिए । यस्तै सूर्य तामाङले दुई तथा मर्चेन्ट डे लाङले र शुभम रन्जनेले एक एक विकेट लिए ।
यसअघि त्रिवि अन्तरराष्ट्रिय क्रिकेट मैदान कीर्तिपुरमा टस हारेर पहिला ब्याटिङ गरेको विराटनगरले निर्धारित २० ओभरमा ७ विकेटको क्षतिमा १३५ रन बनायो । विराटनगरका लागि शुभम रन्जनेले सर्वाधिक ३७ रनको योगदान दिए । उनले २९ बल खेल्दै दुई छक्का र दुई चौका प्रहार गरे ।
यस्तै बसिर अहमदले ३५ बलमा तीन छक्काको मद्दतमा ३६ रन बनाए । प्रारम्भिक ब्याटर लोकेश बमले २६ बल खेल्ने क्रममा एक छक्का र दुई चौका हान्दै २८ रनको योगदान दिए । यस्तै मार्टिन गुप्टिलले १३ र जर्ज मुन्सेले १० रन बनाए । विराटनगरका दुई ब्याटर रनआउट भए ।
बलिङतर्फ जनकपुर बोल्टस्का रूपेश सिंह र सङ्गीथ कुरेले दुई दुई तथा आदित्य महताले एक विकेट लिए । यसअघि विराटनगरले पहिलो खेलमा पोखरा एभेन्जर्स र दोस्रो खेलमा काठमाडौँविरुद्ध जित दर्ज गरेको थियो । तेस्रो खेलमा जितेसँगै विराटनगर ६ अङ्कसहित शीर्ष स्थानमा पुगेको छ ।
चितवन । दुर्घटनामा परी निधन भएका समाजसेवी राममणि न्यौपानेको आइतबार देवघाटमा अन्त्येष्टि गरिएको छ । शनिबार राति उनी सवार बा १८ च ८९७३ नम्बरको को बोलेरो कालिका नगरपालिका–११ सिद्धिकल्याण चौरस्थित भित्री सडकमा दुर्घटना हुँदा उनको निधन भएको थियो ।
कङ्काली सामुदायिक वनका पूर्वअध्यक्ष एवं संरक्षण क्षेत्रमा क्रियाशील न्यौपाने आफैँले चलाएको बोलेरो सडकदेखि करिब १५० मिटर तल खसेको थियो । घाइते न्यौपानेको भरतपुर अस्पतालमा उपचारका क्रममा निधन भएको प्रहरीले जनाएको छ । ६२ वर्षीय न्यौपाने खैरहनी नगरपालिका–४ निवासी थिए । न्यौपानेको आइतबार तीर्थस्थल देवघाटमा हिन्दू परम्पराअनुसार दाहासंस्कार गरिएको छ । उनका श्रीमती, एक छोरा र एक छोरी छन् ।
नेपाली कांग्रेसका स्थानीय नेतासमेत रहेका न्यौपाने यसअघि प्रदेशसभा सदस्यमा वागी उमेदवार रहेका थिए । उनी रोटरी, रेड्क्रससँगै विभिन्न सामाजिक संघसंस्थामा क्रियाशील थिए । खैरहनी नगरपालिकालाई पर्यटकीय क्षेत्र बनाउन उनको महत्त्वपूर्ण योगदान रहेको छ ।
रत्ननगर । रत्ननगर नगरपालिकाको आर्थिक वर्ष २०८२/०८३ को प्रथम चौमासिक सार्वजनिक सुनुवाइ कार्यक्रम सम्पन्न भएको छ । चार महिनाको अवधिमा रत्ननगरमा भएका कार्यसम्पादन, मूल्याङ्कन, सुशासन तथा सेवा प्रवाहका विषयमा नगरवासीहरुको सुझावका आधारमा भावी योजना निर्माणका लागि सार्वजनिक सुनुवाइ गरिएको हो ।
नगरप्रमुख प्रलाद सापकोटाको अध्यक्षतामा भएको उक्त कार्यक्रममा प्रमुख प्रशासकीय अधिकृत प्रकाश खनालले नगरपालिकाबाट चार महिनाको अवधिमा भएको कार्यप्रगति प्रतिवेदन प्रस्तुत गरेका थिए । उनले जेनजी प्रदर्शनकारीको तोडफोड र आगजनीबाट ध्वस्त भएको नगरपालिकाको दुईवटा प्रशासनिक भवन र १६ वटै वडा कार्यालयको पुनर्निमाणका लागि विशेष नगरसभा आह्वान् गरी पुनर्निमाण तथा व्यवस्थापन कोष निर्माण गरिएको बताए । उनले नगरपालिकाले प्रशासनिक र वडा कार्यालय भवनको पुनर्निमार्णको काम थालनी गरिसकेको बताए ।
आर्थिक वर्ष २०८२/०८३ का लागि नगरपालिकाले एक अर्ब ४२ करोड रुपैयाँ विनियोजन गरेको थियो । कुल बजेटमध्ये चालू खर्चतर्फ ८७ करोड र पुँजीगततर्फ ५५ करोड रुपैयाँ विनियोजित गरिएकोमा विशेष नगरसभाले चालू खर्चतर्फ रहेको पाँच करोड रुपैयाँ पुँजीगत खर्चमा सारेर पुनर्निमाणको काम सुरू गरेको प्रमुख प्रशासकीय अधिकृत खनालले बताए ।
चालू आर्थिक वर्षको चार महिनामा साना ठूला गरी ६० वटा योजना निर्माणको लागि २४ करोडको ठेक्का भएको र ११ करोड रुपैयाँको योजनामा सम्झौतासमेत भइसकेको उनले जानकारी दिए । नगरवासीहरुले गौरव तथा ठूला योजना योजना अगाडि बढाउन जनप्रतिनिधिहरुलाई आग्रहसमेत गरेका छन् ।
सार्वजनिक सुनुवाइमा नगरवासीहरुले कृष्णसार स्थानान्तरण, वाटर किङ्डम, रतननगर हरियाली पार्क, सरसफाइ, लागूऔषध दुव्र्यसनी नियन्त्रण, विद्युत् आपूर्ति, फुटपाथ व्यवस्थापन, स्वास्थ्यसेवा, पर्यटकीय क्षेत्रमा पूर्वाधार निर्माण र शिक्षा र स्वास्थ्यमा प्रश्न, गुनासो र सुझाव दिएका थिए ।
कार्यक्रममा पत्रकार तथा लेखक फणिन्द्रप्रसाद लामिछाने, सामुदायिक सडक सुरक्षा मञ्चका अध्यक्ष चन्द्रकान्त ओझा, अगुवा युवा दीपक थापा, रत्ननगर खानेपानी रत्ननगर–३ वडा समितिका संयोजक शम्भुभक्त थपलिया, नेता रुद्र गुरूङ, सौराहाका व्यवसायी गोकर्ण गिरी, टोल विकास संस्थाका अध्यक्षहरु अम्बिका पुरी, लक्ष्मीधर शर्मा, लक्ष्मी पौडेल, वेदप्रसाद पाण्डे, युवाहरु किरण श्रेष्ठ, दीपक पुरी, चित्रसेन बाबा मन्दिर व्यवस्थापन समितिका अध्यक्ष आशाराम महतो, उद्यमशील महिला समूहकी अध्यक्ष गीता सिंखडालगायतले शिक्षा, स्वास्थ्य, खानेपानी, सरसफाइ, विकास निर्माण, सुशासन तथा लागूऔषध दुव्र्यसनी नियन्त्रण केन्द्रित प्रश्न, गुनासो र सुझाव प्रस्तुत गरेका थिए ।
नगरवासीको प्रश्नको जवाफ दिँदै नगरप्रमुख सापकोटाले रत्ननगरलाई विकासको हिसाबले उचाइमा लैजानेगरी काम गरेको भन्दै जेनजी आन्दोलनपछि उत्पन्न परिस्थितिले लक्ष्यसम्म पुग्न कठिनाइ हुने देखिएको बताए । शिक्षा र स्वास्थ्यलाई प्राथमिकतामा राखेर आफूले काम गरिरहेको भन्दै रत्ननगरसहित पूर्वी चितवनका चारवटै पालिकाका अतिविपन्नको उपचारको लागि बकुलहर रत्ननगर अस्पताल र भरतपुर सरकारी अस्पतालमा मेडिकल कोष स्थापना गरेको बताए ।
‘पैसाको अभावमा कोही पनि उपचार र शिक्षाबाट वन्चित हुनुपर्दैन’, उनले भने, ‘उपचार गर्न नसक्नेको उपचार र आर्थिक अभाव भएर पढ्न नसकेकालाई स्थानीय सरकारले शिक्षा प्रदान गर्छ ।’
यस्तै, उपप्रमुख यादवप्रसाद पाठकले सुकुमबासीलाई लालपुर्जा दिने विषय स्थानीय सरकारको क्षेत्राधिकारभित्र नपर्ने बताए । रत्ननगरमा विवरण संकलन र जग्गा नापजाँचको काम भइसकेको भन्दै अब सुकुमबासी समस्या सामधान आयोगले लालपूर्जा वितरण गर्ने मात्र काम बाँकी रहेको बताए ।
कार्यक्रममा बकुलहर रत्ननगर अस्पतालका मेसु डा. अङ्कुर पौडेल, नेपाल विद्युत् प्राधिकरण टाँडी वितरणकेन्द्रका प्रमुख राजेन्द्रकुमार चौधरी, इलाका प्रहरी कार्यालय रत्ननगरका प्रहरी निरीक्षक सोभनविक्रम राणाले विषयगतरुपमा आएका प्रश्नहरुको जवाफ दिएका थिए ।
प्रस्तुति मिडियाले सहजीकरण गरेको कार्यक्रममा वडाध्यक्ष, कार्यपालिका सदस्य, वडा सदस्य, टोल विकास संस्थाका प्रतिनिधि, महिला समूहका प्रतिनिधि, आमा समूहका प्रतिनिधि एवम् नगरवासीहरुको सहभागिता रहेको थियो ।
काठमाडौँ । यही मङ्सिर १ गतेदेखि सुरु भएको क्रिकेटको महाकुम्भ अर्थात् नेपाल प्रिमियर लिग (एनपिएल)अन्तर्गत आज ‘विश्राम दिन’ । जसअनुसार आज कुनै पनि खेलको तालिका छैन । कूल ३२ मध्ये आठ खेल भइसकेका छन् । विश्रामपछिको दिन अर्थात् सोमबारका लागि भने दुई खेल राखिएका छन् ।
प्रतियोगितामा हालसम्म सुदूरपश्चिम रोयल्स र विराटनगर किङ्ग्स अविजित छन् । दुई/दुई खेल खेलेका यी टोली चार/चार अङ्कसहित क्रमश: पहिलो र दोस्रो स्थानमा छन् । तीन खेलमा एक जीतसँगै दुई अङ्क बटुलेको काठमाडौँ गोर्खाज अङ्क तालिकाको तेस्रो स्थानमा छ ।
दुई/दुई खेल खेलेका लुम्बिनी लायन्स, चितवन राइनोज र कर्णाली याक्सले एक/एक खेलमा जीत दर्ता गर्दै क्रमशः चौथो, पाँचौँ र छैटौँ स्थानमा छन् । सातौँ स्थानमा रहेको जनकपुर बोल्ट्स एउटा मात्रै खेल खेलेको छ । जनकपुर अहिले अङ्कविहीन छ । अङ्क तालिकाको पुच्छारमा पोखरा एभेञ्जर्स छ । पोखराले दुवै खेलमा हार बेहोरेको छ ।
खेलाडीतर्फ मार्क वाटको प्रदर्शन उत्कृष्ट देखिएको छ । लुम्बिनी लायन्सविरुद्धको खेलमा विस्फोटक ब्याटिङ गर्दै कर्णालीलाई जीत दिलाएका उनले दुई वटा विकेट लिएका छन् भने दुई वटा क्याच लिएका छन् । कुशल भूर्तेलले पनि ब्याटिङ, बलिङ र फिल्डिङबाट राम्रो प्रदर्शन गरेका छन् । उनले दुई खेलमा ११२ रन बनाएका छन् भने एक विकेट लिएका छन् साथै दुई वटा क्याच आउट लिएका छन् । हर्मित सिंहले पनि ब्याटिङमार्फत ५७ रन बनाउँदै चार विकेट लिएका छन् ।
ब्याटिङमा विदेशी खेलाडी हावी
हालसम्म भएका आठ खेलमा ब्याटिङमा विदेशी खेलाडी हावी देखिएका छन् । सबैभन्दा बढी रन बनाउने शीर्ष १० ब्याटरमा सात जना विदेशी खेलाडी छन् । कर्णालीका लागि दुई खेल खेलेका स्कट्ल्याण्डका मार्क वाटले एक शतकसहित १३० रन बनाएका छन् । उनले लुम्बिनी लायन्सविरुद्धको खेलमा ११४ रन बनाएका थिए ।
इङ्ग्ल्याण्डका रवि बोपाराले दुई खेलमा दुई वटा अर्धशतकसहित ११८ रन बनाएका छन् भने नेपाली खेलाडी कुशल भूर्तेलले पनि दुई अर्धशतकसहित ११२ रन जोडेका छन् । भारतीय खेलाडी प्रियाङ्क पञ्चालले एक अर्धशतकसहित १०२ रन बनाएका छन् भने नेपाली खेलाडी रोहित पौडेलले ८८ रन बनाएका छन् । त्यसैगरी मार्टिन गुप्टिल र लोकेश बमले एक/एक अर्धशतकसहित समान ८६ रन जोडेका छन् । इङ्ग्ल्याण्डका बेन चाल्र्सवर्थले पनि समान ८६ रन नै बनाएका छन् ।
बलिङमा केसी अगाडि
हालसम्म सबैभन्दा बढी विकेट लिनेमा काठमाडौँ गोर्खाजका कप्तान करण केसी छन् । उनी एक्लैले छ विकेट लिएका छन् । उनले सुदूरपश्चिम रोयल्सविरुद्धको खेलमा चार विकेट लिएका थिए । सुदूरपश्चिमविरुद्ध चार ओभर बलिङ गरेका उनले सात दशमलव ५० को इकोनोमीमा ३० रन खर्चिएका थिए । केसीले हालसम्म सात दशमलव ८८ इकोनोमीमा रन खर्चिएका छन् ।
मिलिन्द कुमारले पाँच विकेट लिएका छन् । उनले जनकपुर बोल्ट्सविरुद्धको खेलमा तीन विकेट लिएका थिए । उक्त खेलमा चार ओभर बलिङ गर्ने क्रममा उनले तीन दशमलव ७५ को औसतमा १५ रन खर्चिए । हर्मित सिंह र मर्चेन्ट डे लांगेले हालसम्म समान चार/चार विकेट लिएका छन् । साथै रुवेन ट्रम्पप्लेमान, सन्दीप लामिछाने, स्कट लुगेलेजिन, सहाब आलम, सोमपाल कामी, हेमन्त धामी, शुभम रञ्जने, जिमी निशम, आकाश चन्दले समान तीन/तीन विकेट लिएका छन् ।
स्ट्राइक रेटमा जैब अब्बल
चितवनका सैफ जैब स्ट्राइक रेटमा अब्बल देखिएका छन् । यद्यपि उनले दुई खेलमा जम्मा ५३ रन बनाएका छन् । उनले २३० दशमलव ४२ को स्ट्राइक रेटमा रन बनाएका छन् । दुई सयभन्दा बढी स्ट्राइक रेट हुने खेलाडीमा हर्मित सिंह, जर्ज मुन्से, मार्क वाट छन् ।
आलमको किफायती बलिङ
किफायती बलिङ गर्नेमा भने नेपालका सहाब आलम अगाडि छन् । उनले प्रतिओभर चार दशमलव ७२ मात्रै दिएका छन् । उनले तीन खेलमा ११ ओभर बलिङ गरेका छन् । उनले औसतमा २२ रनमा एक विकेट लिएका छन् ।
हर्मित सिंहले पनि पाँच दशमलव ३७ इकोनोमीमा किफायती बलिङ गरेका छन् । दुई खेलमा आठ ओभर बलिङ गरेका उनले ४८ रन दिएर चार विकेट हात पारेका छन् ।
सन्दीप लामिछानेले पनि पाँच दशमलव ५० इकोनोमीमा बलिङ गरेका छन् । लामिछानेले दुई खेलमा आठ ओभर बलिङ गर्दै ४४ रन खर्चिएका छन् भने तीन विकेट हात पारेका छन् । सबैभन्दा बढी इकोनोमी हुनेमा डि आर्की सर्ट र म्याट टेलर छन् । दुवैले प्रतिओभर औसतमा १२ रन खर्चिएका छन् ।
५९ पटक क्याच आउट
आठ खेलमा ५९ पटक खेलाडीहरु क्याच आउट भएका छन् । यस अवधिमा कूल ४० जनाले क्याचमार्फत आउट गरेका छन् । सबैभन्दा बढी क्याच लिनेमा चार खेलाडी कुशल भूर्तेल, सन्दीप जोरा, स्कट लुगेलेजिन र मोहम्मद आदिल आलम छन् । यी खेलाडीले हालसम्म समान तीन/तीन वटा क्याच लिएका छन् ।
विराटनगरको उच्च स्कोर
एनपिएलको जारी संस्करणमा विराटनगर किङ्ग्सले सबैभन्दा बढी रन बनाएको छ । उसले पोखरा एभेञ्जर्सविरुद्धको खेलमा २० ओभरमा छ विकेटको क्षतिमा २२० रन बनाएको थियो । त्यस्तै सबैभन्दा बढी रन बनाउने दोस्रो स्थानमा सुदूरपश्चिम रोयल्स छन् । सुदूरपश्चिमले पोखराविरुद्ध १९३ रन बनाएको थियो ।
त्यसैगरी, कम स्कोर बनाउनेमा काठमाडौँ गोर्खाज छ । काठमाडौँ गोर्खाज सुदूरपश्चिम रोयल्सविरुद्ध लक्ष्य पछ्याउने क्रममा ११८ मा अलआउट भएको थियो ।
काठमाडौँ । नेपाल प्रिमियर लिग (एनपिएल)अन्तर्गत विराटनगर किंग्सले काठमाडौँ गोर्खाजलाई पराजित गरेको छ । शनिबार सम्पन्न खेलमा विराटनगरले काठमाडौँलाई ५ विकेटले पराजित गरेको हो ।
काठमाडौँले दिएको १३५ रनको लक्ष्य पछाएको विराटनगरले १७.१ ओभरमा ५ विकेट गुमाउँदै लक्ष्य पूरा गरेको हो । विराटनगरको जितमा जर्ज मुन्सीले सर्वाधिक ३६ रन बनाए भने मार्टिन गप्टिलले २५, नरेन भट्टले २४ रन बनाएका थिए ।
यस्तै, काठमाडौँका बलर सहाब आलमले २ विकेट लिए भने करण केसी, जेरार्ड इरासमस र सन्तोष यादवले एक/एक विकेट लिए ।
यसअघि पहिला ब्याटिङ गर्दै काठमाडौँका आदिल आलमले सर्वाधिक ४८ रन बनाए भने बेन चार्लेजवोर्थले ३२ र सन्तोष यादवले २६ रन बनाएका थिए ।
यो जीतसँगै विराटनगरले लगातार दोस्रो जीत हासिल गरेको छ भने काठमाडौँ गोर्खाजले तीन खेलमा दोस्रो हार बेहोरेको छ ।
काठमाडौँ । नेपाल प्रिमियर लिग (एनपिएल)को शनिबारको पहिलो खेलमा स्कटल्याण्डका मार्क वाटको बिस्फोटक ब्याटिङमा लुम्बिनी लायन्सविरुद्ध कर्णाली याक्सले नौ विकेटको शानदार जीत निकालेको छ ।
कीर्तिपुरस्थित त्रिभुवन विश्वविद्यालय क्रिकेट मैदानमा लुम्बिनी लायन्सले प्रस्तुत गरेको १५७ रनको लक्ष्य कर्णालीले १२ दशमलव २ ओभरमा एक विकेटको क्षतिमा लक्ष्य पूरा गरेको छ । कर्णालीको जीतमा वाटले शतक प्रहार गरे । उनी एनपिएलको जारी संस्करणमा शतक प्रहार गर्ने पहिलो खेलाडी बनेका छन् ।
वाटले ४४ बल खेल्ने क्रममा १२ छक्का र छ चौकाको सहयोगमा ११४ रन बनाए । २९ बलमा अर्धतक पूरा गरेका उनले थप ४१ बलमा शतक पूरा गरेका थिए ।
कर्णालीका ओपनर प्रियांक पञ्चाल १२ रनमा आउट भए भने विलियम वोसिस्टो २९ रनमा अविजित रहे । लुम्बिनीका लागि एक मात्रै विकेट शेर मल्लले लिए ।
त्यसअघि टस हारेर पहिले ब्याटिङ गरेको लुम्बिनीले निर्धारित २० ओभरमा आठ विकेटको क्षतिमा १५६ रन बनाएको थियो ।
लुम्बिनीका लागि कप्तान रोहित पौडेलले सर्वाधिक ४९ रन जोडे । यस्तै, रुबेन ट्रम्पलमान २९ रनमा अविजित रहे । जोहानिश जोनाथन स्मितले २३ रन तथा डी’आर्की शर्टले १९ रन बनाउँदा अन्य ब्याट्सम्यानले दोहोरो अङ्कमा रन बनाउन सकेनन् ।
बलिङतर्फ कर्णालीका नन्दन यादवले दुई विकेट लिए भने सोमपाल कामी, गुलशन झा, मार्क वाट, विपिन शर्मा र युवराज खत्रीले एक÷एक विकेट लिएका थिए ।
काठमाडौँ । प्रतिनिधिसभा सदस्यको निर्वाचन घोषणापछि आठ लाख ३७ हजार ९४ नयाँ मतदाता थपिएका छन् ।
निर्वाचन आयोगले सञ्चालन गरेको मतदाता नामावली दर्ता तथा अद्यावधिकका लागि थप गरेको समय गत मध्यरातिदेखि सकिएपछि नाम दर्ता गर्ने नयाँ मतदाताको विवरण सार्वजनिक भएको हो ।
फोटो तथा औँठाछापसहितको जैविक विवरण (बायोमेट्रिक्स)मार्फत तीन लाख ४४ लाख नौ सय १४ र राष्ट्रिय परिचयपत्रमार्फत चार लाख ९२ हजार एक सय ८० नयाँ मतदाता थपिएको आयोगका प्रवक्ता नारायणप्रसाद भट्टराईले जानकारी दिए ।
आयोगले राष्ट्रिय परिचयपत्रको विवरणका आधारमा मतदाता नामावलीमा नाम दर्ता गराउन मिल्ने गराएपछि अनलाइनबाट नाम दर्ता गराउनेको सङ्ख्या थप बढेको हो ।
प्रधानमन्त्री सुशीला कार्कीले पनि नयाँ मतदाताको सङ्ख्या समावेश गर्दै मतदाता नामावली सङ्कलन सकिएको सामाजिक सञ्जालमा उल्लेख गरेकी छन् । गत कात्तिक १६ गतेसम्म १८ वर्ष उमेर पूरा भएका मतदाताको सङ्ख्या एक करोड ८१ लाख ६८ हजार २३ रहेको थियो ।
यसअघि गत कात्तिक ३० गतेसम्मका लागि नामावली दर्ताको समय दिइएकामा नयाँ मतदाताको दर्ताको चाप र सरोकार भएका पक्षको आग्रहका आधारमा आयोगले यही मङ्सिर ५ गतेसम्मका लागि समय थपिएको थियो ।
नवलपुर । नवलपुरको गैँडाकोटस्थित मौलाकाली केबलकार शनिबारदेखि सञ्चालनमा आएको छ । गत भदौ २५ गतेदेखि बन्द रहेको केबलकारको सेवा दुई महिनाभन्दा लामो समयपछि पुनः सञ्चालनमा आएको हो ।
जेनजी आन्दोलनका क्रममा भदौ २४ गते तोडफोड र आगजनीका कारण केबलकारको बटम स्टेसनमा रहेका कार्यालय भवन, फर्निचरलगायत प्राविधिक उपकरणहरु क्षतिग्रस्त भएपछि केबलकारको सेवा बन्द गरिएको थियो । केबलकार निर्माता कम्पनी अस्ट्रियाको डोपलमायरबाट सामानसहितका प्राविधिकहरु आई केबलकार पुनर्निर्माण गरेका हुन् । पुनर्निर्माणपछि डोपलमायरका दक्ष प्राविधिक इन्जिनियरको टिमले लामो समय चेकजाँच सम्पन्न गरेपछि केबलकार सञ्चालन गरिएको स्टेसन म्यानेजर सुरज पौडेलले बताए ।
‘केबलकार सञ्चालनमा आएर करिब एक हप्तासम्म विभिन्न सूक्ष्म परीक्षणहरु गर्दा सम्पूर्ण रुपमा ठीक भएको पाइएपछि बल्ल हामीले आमसर्वसाधारणका लागि खुल्ला गरेका हौँ’, म्यानेजर पौडेलले भने, ‘सुरक्षा हाम्रो पहिलो प्राथमिकता हो, त्यसैले केबलकार चल्न थालेको एक हप्तासम्म धेरै सुरक्षा जाँचहरु गरेर बल्ल सञ्चालनमा ल्याएका छौँ ।’
पौडेलका अनुसार अब केबलकार पूर्ववत् तालिकाअनुसार बिहान ६ः०० बजेदेखि राति १०ः०० बजेसम्म सञ्चालन हुनेछ । केबलकारको सेवा अवरुद्ध हुँदा माथिल्लो स्टेसनमा रहेको इला रिसोर्टको सेवा पनि प्रभावित हुन पुगेको थियो । होटलको सेवा यथावत् नै भए पनि केबलकार नै नचलेपछि सेवाग्राही ग्राहकहरुको आगमन घटेको थियो ।
केबलकार सञ्चालनमा आएपछि होटलका सेवाग्राहीहरुलाई अझै उत्कृष्ट सेवा दिन सकिने इला रिसोर्ट तथा मौलाकाली केबलकारका महाप्रबन्धक अरबिन्द्र केसीले बताए । ‘यो अवधिमा पनि होटल त खुल्ला नै थियो तर पनि केबलकार नै नभएपछि सेवाग्राहीहरू निकै नै कम आउनुहुन्थ्यो’, केसीले भने, ‘केबलकार पुनः सञ्चालनमा आएसँगै होटलमा पनि धेरै सेवाग्राही आउने र आफूहरुले अझै गुणस्तरीय सेवा प्रदान हुनेछ ।’
केबलकारको सेवा अवरुद्ध हुँदा मौलाकालिका मन्दिरमा आउने भक्तजनको संख्यामा समेत उल्लेख्य गिरावट आएको थियो । केबलकार सञ्चालनमा आएपछि मन्दिरमा आउने भक्तजनको संख्यामा ३० प्रतिशतभन्दा बढीले वृद्धि भएकोमा पछिल्लो समय केबलकार नचल्दा मन्दिरमा भक्तजनको चहलपहल नै निकै कम देखिएको धार्मिकसेवा समिति मौलाकालिका मन्दिरका अध्यक्ष शालिकराम सापकोटाले बताए ।
‘मन्दिरमा धेरै भक्तजनहरु आउने दसैँ–तिहारको बेलामा पनि यसपालि भक्तजन धेरै आएनन्, अघिल्ला वर्षहरुको तुलनामा मन्दिरमा भेटी पनि निकै कम चढ्यो’, सापकोटाले भने । विसं २०८० साल वैशाखदेखि सञ्चालनमा आएको मौलाकाली केबलकारबाट करिब ६ लाख सेवाग्राहीले सेवा लिइसकेका छन् । केबलकार सञ्चालनमा आएपछि यस क्षेत्रको पर्यटन प्रवद्र्धनमा टेवा पुग्नुका साथै आर्थिकरुपमा पनि यसले मौलाकालिका मन्दिर, सामाजिक संघसंस्था तथा विभिन्न सरकारी निकायमा उल्लेख्य योगदान गरेको छ ।
कालिका । कालिका नगरपालिकाले नगरभित्रका उत्कृष्ट सामुदायिक तथा संस्थागत विद्यालय, उत्कृष्ट अङ्क हासिल गर्ने विद्यार्थी र राष्ट्रिय तथा अन्तर्राष्ट्रिय प्रतियोगितामा पदक जित्न सफल खेलाडीहरुलाई सम्मान गरेको छ ।
शिक्षाबाट नै समृद्ध कालिका बनाउने लक्ष्य पूरा गर्न सकिने बताउँदै नगरप्रमुख विनोद रेग्मीले नगरले शिक्षालाई प्राथमिकतामा राखेर काम गरिरहेको उल्लेख गरे । उनले उत्कृष्ट हासिल गर्ने विद्यार्थी र राम्रो नतिजा दिन सफल विद्यालयलाई सम्मान गरिँदा शैक्षिक विकासमा थप टेवा पुग्ने विश्वास व्यक्त गरे ।
कालिका नगरभित्रका सामुदायिक तथा संस्थागत विद्यालयमा उत्कृष्ट अङ्क ल्याउने सामुदायिक विद्यालयतर्फ ९ जना र संस्थागत विद्यालयतर्फ ६ जना गरी १५ जना विद्यार्थी, पाँचवटा विद्यालय र राष्ट्रिय तथा अन्तर्राष्ट्रिय प्रतियोगितामा पदक जित्न सफल नगरभित्रका ३१ जना खेलाडीलाई प्रमुखअतिथि जिल्ला समन्वय समितिका प्रमुख नारायणप्रसाद अधिकारी, नगरप्रमुख रेग्मी र उपप्रमुख विमला तामाङले जनही पाँच हजार रूपैयाँसहित सम्मान गरेका हुन् ।
कक्षा ८, १० र १२ को परीक्षामा सबैभन्दा बढी विद्यार्थी उत्तीर्ण दरका आधारमा भिमोदय नमुना मावि, सिराई सनराइज इङ्ग्लिस बोर्डिङ स्कुल, राष्ट्रिय मावि समिपुर, सिद्धिविनायक मावि र पृथ्वी माविलाई सम्मान गरिएको नगर शिक्षा अधिकारी चन्द्रा शर्माले जानकारी दिइन् । यस्तै, कालिका नगरपालिकामा समावेशी शिक्षा सञ्चालनका लागि सहकार्य गरेका ह्याण्डीक्याप इन्टरनेसनल, अटिजम केयर चितवन सोसाइटी, राष्ट्रिय बहिरा महासंघ र सेन्स इन्टरनेसनलाई समेत संस्थागतरुपमा सम्मान गरिएको उनको भनाइ छ ।
कार्यक्रममा संस्थापक मेयर खुमनारायण श्रेष्ठ, प्रमुख प्रशासकीय अधिकृत देवराज चौलागाईं, नगर प्रवक्ता लक्ष्मण पौडेल, सामाजिक विकास समितिका संयोजक मकरमान श्रेष्ठ, निवर्तमान वडाध्यक्ष कृष्णकुमार श्रेष्ठ, न्यू सगरमाथा बोर्डिङका प्राचार्य ईश्वर तिवारी, भीमोदय माविका प्राचार्य इन्द्रनाथ पौडेललगायतले मन्तव्य राखेका थिए ।
कालिकामा ३३ वटा समुदायिक र ११ वटा संस्थागत विद्यालयका १२ हजार ८०० विद्यार्थीहरु अध्ययन गर्दै आएका छन् ।
काठमाडौँ । राजधानीमा जारी नेपाल प्रिमियर लिग (एनपिएल)मा लुम्बिनी लायन्सले विजयी सुरूवात गरेको छ । लुम्बिनीले चितवन राइनोजलाई ६ विकेटले हराएको हो ।
जितका लागि पाएको १४३ रनको लक्ष्य लुम्बिनीले १८.३ ओभरमा ४ विकेटको क्षतिमा पूरा गर्यो । उसका लागि गुलबुद्धिन नैबले अविजित ४४ र कप्तान रोहितकुमार पौडेलले ३९ रन बनाए । बलिङतर्फ चितवनका रिजन ढकालले दुई तथा सोहेल तनविरले एक विकेट लिए ।
यसअघि त्रिवि अन्तराष्ट्रिय क्रिकेट मैदान कीर्तिपूरमा टस हारेर पहिला ब्याटिङ गरेको चितवनले निर्धारित २० ओभरको खेलम ७ विकेटको क्षतिमा १४२ रन बनायो ।
चितवनका लागि रवि बोपाराले ६६, कप्तान कुशल मल्लले २१, देव खनालले १४, दीपक बोहराले १०, सैफ जैबले १५ तथा अर्जुन साउदले अविजित १५ रन बनाए । बलिङतर्फ लुम्बिनीका रुबेल ट्रम्पलम्यानले तीन तथा अभिशेष गौतम र गुलबुद्धिन नैबले दुई/दुई विकेट लिए ।
काठमाडौँ । नेपाल प्रिमियर लिग (एनपिएल) क्रिकेट प्रतियोगितामा सुदूरपश्चिम रोयल्सले विजयी सुरूआत गरेको छ । सुदूरपश्चिमले काठमाडौँ गोर्खाजलाई २९ रनले पराजित गरेको छ ।
जितका लागि पाएको १४८ रनको लक्ष्य पछ्याएको काठमाडौँ १६ दशमलव ५ ओभरमा ११८ रनमा अलआउट भयो । काठमाडौँका आकाश त्रिपाठीले सर्वाधिक ३४,जोन सिम्पसोनले २४ रन जोडे पनि टोलीलाई जिताउन सकेनन् । सुदूरपश्चिमका लागि बलिङमा हर्मित सिंह, हेमन्त धामी र स्कट कुइगलेनले २÷२ विकेट हात पारे ।
यसअघि कीर्तिपुरस्थित त्रिवि अन्तरराष्ट्रिय रङ्गशालामा टस हारेर पहिला ब्याटिङको निम्तो पाएको सुदूरपश्चिमले निर्धारित २० ओभरको समाप्तिमा सबै विकेट गुमाउँदै १४७ रनको योगफल बनाएको हो ।
सुदूपश्चिमका लागि हर्मित सिंहले सर्वाधिक ५३ रनको योगदान दिए । उनले २० बलमा बलमै २ चौका र ६ छक्काको सहयोगमामा अर्धसतक बनाए ।
त्यसैगरी, कप्तान दीपेन्द्रसिंह ऐरीले ३० बलमा ३ चौका र १ छक्का प्रहार गर्दै ३९ रन बनाए । आसिफ शेखले २५ रन जोडे भने इसान पाण्डेले ११ रन जोड्दै आउट भए ।
बलिङतर्फ काठमाडौँका करण केसीले सर्वाधिक ४ विकेट लिँदा सन्नी पटेल, मिलिन्द कुमार र रासिद खानले समान दुई÷दुई विकेट लिए । जीतसँगै सुदूरपश्चिमले २ अङ्क जोडेको छ ।
चितवन । चितवनका विभिन्न अस्पतालमा उपचारका लागि आएका बिरामीमध्ये ३८६ जनामा स्क्रब टाइफसको सङ्क्रमण देखिएको छ । यही मङ्गलबारसम्म यहाँका अस्पतालमा उपचारका लागि आएका बिरामीमध्ये पाँच हजार ४५३ जनाको नमुना परीक्षणका क्रममा उनीहरूमा यो रोगको सङ्क्रमण देखिएको हो ।
जनस्वास्थ्य कार्यालय चितवनका किट नियन्त्रक राम केसीका अनुसार सङ्क्रमितमध्ये २९० जना चितवनका हुन भने ९६ जना चितवन बाहिरका रहेका छन् । चितवनका १९५ जना महिला र ९५ जना पुरुषमा यो रोगको सङ्क्रमण देखिएको हो । साउनयता अस्पतालमा उपचारका लागि आएकामध्ये यो रोगको सङ्क्रमण जिल्ला बाहिरका २४ जना पुरुष र ७२ जना महिलामा देखिएको छ ।
सङ्क्रमितमध्ये सबैभन्दा धेरै रत्ननगर नगरपालिकाका रहेका छन् । यस पालिकामा १०८ जनामा स्क्रब टाइफस देखिएको हो ।
यस्तै, खैरहनी नगरपालिकामा ६८ जना, राप्ती नगरपालिकामा ३७ जना, कालिका नगरपालिकामा ३६ जना, भरतपुर महानगरपालिकामा २९ जना, माडी नगरपालिकामा पाँच जना र इच्छाकामना गाउँपालिकामा सात जनामा यो रोग देखिएको कार्यालयले जनाएको छ ।
स्क्रब टाइफस रोग मुसाको कानमा वा अन्य जीवजन्तुमा हुने सङ्क्रमित किर्नाले मानिसलाई टोकेपछि सर्ने गर्दछ । स्क्रब टाइफसमा मानिसलाई उच्च ज्वरो आउने, आँखा रातो हुनु, खोकी, वान्ता, पेट दुखाइ र पखालाले सताउनु, श्वास फेर्न समस्या हुनु धेरै टाउको दुख्नु जोर्नी र मांसपेशी दुख्नु, बिमिरा देखिनु, टोकेको ठाउँमा कहिलेकाहीँ कालो दागजस्ता लक्षण देखिने गरेको उनले बताए ।
यस रोगबाट बच्न खेत, झाडी वा वनजङ्गलमा जाँदा लामो बाहुला भएको कपडा र उपयुक्त जुत्ता लगाउने र शरीरको खुला भागमा कीटनाशक मलमको प्रयोग गर्ने, घर वरिपरिका खेताबारीमा घाँस धेरै बढ्न नदिने र वातावरण सफा राख्ने, मुसा नियन्त्रणका लागि उपयुक्त किसिमको अन्न भण्डारण गर्नुपर्ने केसीले बताए ।
रत्ननगर । नेपाल लाइफ इनस्योरेन्स कम्पनी लिमिटेडअन्तर्गत पेसागत बिमा अभिकर्ता संघ नेपालको सौराहा–टाँडी शाखाको तेस्रो अधिवेशनले गोविन्दकृष्ण श्रेष्ठको अध्यक्षतामा १५ सदस्यीय कार्यसमिति चयन गरिएको छ ।
समितिको उपाध्यक्षमा विमला न्यौपाने, सचिवमा सविता अधिकारी, सहसचिवमा लक्ष्मी केसी, कोषाध्यक्षमा रमेश दुवाडी चयन भएका छन् ।
यस्तै, सदस्यहरुमा धनरजियाकुमारी चौधरी, मिनु श्रेष्ठ, राजकुमार श्रेष्ठ, ललिता घले, वेदप्रसाद पौडेल, कृष्णबहादुर नेपाली, हरिकुमार श्रेष्ठ, दिलकुमारी श्रेष्ठ, सृजनाकुमारी शर्मा र गीता पुरी चयन भएका छन् ।
पेसागत बिमा अभिकर्ता संघ नेपाल सौराहा–टाँडी शाखाका अध्यक्ष पार्वतीकुमारी भुसालको अध्यक्षता एवम् छाता संगठनका केन्द्रीय सहकोषाध्यक्ष दुर्गाकुमारी भट्टराईको प्रमुख आतिथ्यतामा सम्पन्न कार्यक्रम राजेन्द्रप्रसाद वाग्लेले सञ्चालन गरेका थिए ।
कार्यक्रममा विशिष्टअतिथि पेसागत बिमा अभिकर्ता संघका केन्द्रीय सदस्यद्वय कमलप्रसाद सुवेदी, शान्ता पाण्डे, अतिथि बागमती प्रदेश समितिका उपाध्यक्ष रामकृष्ण कार्की, सहसचिव प्रल्हाद अर्याल र नेपाल लाइफ इन्स्योरेन्स कम्पनी सौराहा–टाँडी शाखा प्रमुख सन्तकृपाल अग्रहरीले शुभकामना मन्तव्य व्यक्त गरेका थिए ।
कालिका । कालिका–३ मा रहेको आधारभूत विद्यालय वनकट्टाका १८७ जना विद्यार्थीलाई जुत्ता र मोजा वितरण गरिएको छ ।
विद्यालय व्यवस्थापन समितिका अध्यक्ष दिननाथ अर्यालको अध्यक्षता एवम् कालिका नगरपालिका वडा नं–३ का वडाध्यक्ष वीरेन्द्र तामाङको प्रमुख आतिथ्यतामा सम्पन्न कार्यक्रम हाम्रो सहयोग फाउन्डेसनको सहयोगमा आयोजना गरिएको थियो ।
कार्यक्रममा फाउन्डेसनका कार्यक्रम निर्देशक प्रभाष प्रधान, अध्यक्ष रामसिं मोक्तान, कोषाध्यक्ष बिर्सना फ्युवा र सचिव लक्षुमन फ्युवाको उपस्थिति रहेको थियो ।
प्रमुखअतिथि वडाध्यक्ष वीरेन्द्र तामाङले विद्यार्थीहरुको पाठनपाठनलाई सहज बनाउन सामाजिक संस्थाको सहयोग प्रशंसनीय रहेको बताउँदै आर्थिकरूपमा कमजोर विद्यार्थीहरुका लागि यस्ता सहयोगले सकारात्मक प्रभाव पार्ने बताए ।
विद्यालयका प्रधानाध्यापक भक्तबहादुर तामाङले फाउन्डेसन तथा सहयोगी हातहरूप्रति आभार व्यक्त गरे । कार्यक्रममा विद्यालयका सहायक प्रधानाध्यापक शेषकान्त खरेलले स्वागत मन्तव्य राखेका थिए ।
नवलपुर । गत भदौ २४ मा भएको जेनजी आन्दोलनका क्रममा तोडफोड र आगजनीबाट बन्द भएको मौलाकाली केबलकार पुनः सञ्चालनमा आएको छ । जेनजी आन्दोलनबाट क्षति पुगेर बन्द भएको केबलकारको दुई महिनापछि परीक्षण सञ्चालन सफल भएको हो ।
मौलाकाली केबलकार लिमिटेडका स्टेसन म्यानेजर सुरज पौडेलले प्राविधिक परीक्षण सफल भएपछि चाँडै नै केबलकार नियमित सञ्चालन गर्ने तयारी गरिएको बताए । केबलकारको अझै केही दिन प्राविधिक परीक्षण गर्ने र कुनै समस्या नआएमा केही दिनभित्रै सर्वसाधारणका लागि खुला गरिने उनको भनाइ छ ।
गैँडाकोट–१ मा रहेको ऐतिहासिक धार्मिकस्थल मौलाकालिका मन्दिरलाई लक्षित गरी गत वर्षको वैशाखबाट सञ्चालनमा आएको केबलकार जेनजी आन्दोलनका क्रममा आगजनी र तोडफोडपछि बन्द भएको थियो ।
“आगजनी र तोडफोडका क्रममा केबलकारको तल्लो स्टेसनमा क्षति पुगेको थियो”, उनले भने, “क्षतिग्रस्त उपकरणको विस्तृत परीक्षण तथा मर्मतका लागि केबलकार जडान गरिएको अस्ट्रियाको संस्थाबाट विशेष प्राविधिक टोली आएर एक सातासम्म परीक्षण गरेको थियो ।”
प्राविधिक परीक्षणपछि क्षतिग्रस्त उपकरणको कमजोरी पहिचान गरी आवश्यक मर्मतसम्भार गरेपछि केबलकार सञ्चालन गरिएको पौडेलले बताए । केबलकारको आन्तरिक परीक्षणपश्चात् सबै ‘सिस्टम’ले स्थिररुपमा काम गरिरहेको पुष्टि भएसँगै अब केही दिनभित्रै सर्वसाधारणका लागि औपचारिक सञ्चालन गर्ने तयारी गरिएको उनको भनाइ छ ।
“मर्मतपछि केबलकारको सम्पूर्ण प्रणाली प्राविधिकरुपमा सुरक्षित रहेको पुष्टि भएको छ”, उनले भने, “अब अन्तिम चरणका केही परीक्षण र निरीक्षणपछि पूर्ण क्षमतामा सञ्चालनमा आउन छ ।” मौलाकालिका मन्दिरका दर्शनार्थी तथा अपर स्टेसनमा रहेको होटलमा जाने यात्रुहरु ढुक्क भएर यात्रा गर्न सक्ने अवस्था भएपछि केबलकार नियमित सञ्चालनमा ल्याइने पौडेलले बताए ।
मौलाकाली केबलकार लिमिटेडका अध्यक्ष एवं नेपाल उद्योग वाणिज्य महासंघका अध्यक्ष चन्द्रप्रसाद ढकालले जेनजी आन्दोलनका क्रममा केबलकारमा भएको आगजनी र तोडफोडका कारण ठूलो क्षति पुगेको बताए । उनले आगजनी र तोडफोडबाट केबलकार संरचना तथा उपकरणमा करोडौँ रूपैयाँबराबरको क्षति पुगेको बताए । जेनजी आन्दोलनपछि केबलकार बन्द हुँदा मौलाकालिका मन्दिर आउने भक्तजनको संख्यामा कमी आएको जनाइएको छ ।
धार्मिक सेवा समिति मौलाकालिका मन्दिरका अध्यक्ष शालिकराम सापकोटाका अनुसार पछिल्लो समय मन्दिरमा भक्तजनको उपस्थिति न्यून रहेको छ । “केबलकार सञ्चालनमा रहेको समयसम्म मन्दिर आउने दर्शनार्थीहरु उल्लेख्यरुपमा देखिनुहुन्थ्यो”, उनले भने, “केबलकार बन्द भएकाले यसवर्ष दसैँको समयमा अपेक्षाकृतरुपमा भक्तजनको उपस्थिति देखिएन ।” अब केबलकार नियमितरुपमा सञ्चालनमा आएपछि मन्दिरमा दर्शन गर्न आउने भक्तजन बढ्ने अपेक्षा गरिएको सापकोटाले बताए ।
पछिल्लो समय यस मन्दिरमा धार्मिकसँगै प्रकृतिमा रमाउने पर्यटक आउने गरेका सापकोटाले बताए । “हिउँदका समयमा मन्दिरबाट बिहान मन्दिरमुनि बजार क्षेत्रमा हुस्सु (कुहिरो) र सूर्योदयको सुन्दर दृश्यावलोकन गर्न सकिन्छ”, उनले भने, “योसँगै उत्तरतर्फ तनहुँ र गोरखाका रमणीय पहाडसँगै हिमालसमेत अवलोकन गर्न सकिन्छ ।”
समुद्री सतहबाट ५६१ मिटर उचाइमा रहेको मौलाकालिका मन्दिर नारायणगढ बजारबाट पाँच किलोमिटर पश्चिम–उत्तरमा पर्छ ।
रत्ननगर । रत्ननगर–३, शान्तिचोकमा डेरा गरी बस्ने ढोकर महतोको उपचारका लागि आर्थिक सहयोगको अपिल गरिएको छ । श्रीमती भारती चौधरीले श्रीमान्को उपचारमा आर्थिक अभाव भएको भन्दै सहयोग गरिदिन आग्रह गरेकी हुन् । चौधरीले घरेलु कामदारका रुपमा आर्जन गरेको पैसाले परिवार पाल्दै आएकी छन् ।
श्रीमान् महतोको मुटुको शल्यक्रिया गरी भल्ब फेर्नुपर्ने डाक्टरहरुले बताएका छन् । छोराछोरीसमेत बौद्धिक अपाङ्गता रहेकाले परिवारको अन्य आम्दानीको स्रोत छैन । कमाएर परिवार पाल्ने श्रीमान्लाई रोग लागेपछि भारती बाध्य भएर घरेलु कामदारको रुपमा काम गरिरहेकी छन् ।
‘मैले गरेको कामबाट प्राप्त पैसा बिहान–बेलुका छाक टार्न ठिक्क हुन्छ’, उनले भनिन्, ‘श्रीमान्को उपचार गर्ने पैसा भएन, श्रीमान्को जीवनरक्षाका लागि तपाईं सम्पूर्णसँग सहयोगको आग्रह गर्दछु ।’ ६४ वर्षीय महतोले ज्यालादारी गरेर परिवार पाल्दै आएका थिए ।
ढोकरको मुटुको शल्यक्रिया गर्न ६ लाख रूपैयाँ लाग्ने र दुई लाख बिमाबाट तथा बाँकी रहेको चार लाख रूपैयाँ अभाव भएको उनकी श्रीमती चौधरीले बताइन् ।
शान्तिज्योति युवा समाजका अध्यक्ष अशोक भूषालले ढोकरको उपचारका लागि संस्थागतरुपमा सहयोग अभियान सुरू गरेको भन्दै उनको जीवनरक्षाका लागि सहयोग गरिदिन आग्रह गरेका छन् । दाताहरुबाट अहिलेसम्म ३० हजार रूपैयाँ सहयोग प्राप्त भएको भन्दै उनले थप सहयोग गरिदिन आग्रह गरे ।
ढोकरलाई सहयोग गर्न चाहने महानुभावले ग्लोबल आइएमई बैंक टाँडी शाखामा ढोकर महतोको नाममा रहेको खाता नं ०४२०७०१०००६७६० मा रकम जम्मा गर्ने व्यवस्था मिलाइएको छ ।
रत्ननगर । रत्ननगरस्थित टिकौली चौरमा हुने रत्ननगर महोत्सव–२०८२ को तयारी सुरू गरिएको छ । रत्ननगर उद्योग वाणिज्य संघको आयोजनामा पौष २५ गतेदेखि माघ ६ गतेसम्म रत्ननगर महोत्सवको १३औँ संस्करण हुँदैछ ।
रत्ननगर नगरपालिका संरक्षक रहेको सो महोत्सवलाई सफल बनाउन संघले मूल व्यवस्थापन समिति र विभिन्न उपसमिति निर्माण गरी तयारी सुरू गरेको हो । संघले स्टल बुकिङसमेत खुल्ला गरिसकेको छ ।
जिल्लाकै गौरव र गरिमामय प्रस्तुतिको रुपमा हरेक दुई/दुई वर्षमा आयोजना हुँदै आएको उक्त महोत्सवले आर्थिक विकास र स्थानीय उत्पादनलाई जोड दिँदै आएको छ ।
महोत्सवले स्थानीय कला–संस्कृति तथा परम्परागत खानाको प्रवर्द्धन तथा कृषि क्षेत्रको विकासमा महत्त्वपूर्ण योगदान दिँदै आएको छ । महोत्सव सम्पन्न गर्न संघका अध्यक्ष शंकर गिरी संयोजक रहेको मूल व्यवस्थापन समिति र ३७ वटा उपसमिति बनाइएको छ । महोत्सवमा ४५० वटा स्टलहरु रहने छन् ।
जेनजी आन्दोलनका कारण सुस्ताएको आर्थिक क्षेत्रलाई महोत्सवले चलायमान गराउने संघका अध्यक्ष गिरीले बताए । ‘आर्थिक मन्दी र त्यसलगत्तै भएको जेनजी आन्दोलनका कारण जिल्लाको आर्थिक क्षेत्र तहसनहस रहेको छ’, उनले भने, ‘रत्ननगरमा हुने महोत्सवले जिल्लाको आर्थिक गतिविधिलाई पुनर्जीवित गर्ने छ ।’ अध्यक्ष गिरीले महोत्सवले समग्र जिल्लाको आर्थिक विकाससँगै पर्यटन प्रवद्र्धनमा समेत टेवा पुग्ने विश्वास व्यक्त गरे ।
महोत्सवलाई भव्य बनाउन सुझबुझका साथ तयारी सुरू गरिएको संघका वरिष्ठ उपाध्यक्ष तथा मेला व्यवस्थापन समितिका संयोजक निराजन खनालले बताए ।
स्थानीयस्तरमा उत्पादित ताजा तरकारी, फलफूल, दुग्धजन्य पदार्थ, पोल्ट्रीलगायत कृषि व्यवसायसँग सम्बन्धित विभिन्न सेवा, प्रविधि तथा मल, बीउबिजन महोत्सवमा प्रदर्शनको व्यवस्था गरिने छ । महोत्सवअन्तर्गत परम्परागत खानाको प्रवद्र्धनका लागि खाना महोत्सवसमेत आयोजना गरिने छ ।
काठमाडौँ । राष्ट्रिय मानव अधिकार आयोगले देशको शान्ति सुरक्षामा असरपर्ने खालका अभिव्यक्ति र गतिविधि नगर्न सरकार, राजनीतिक दल, अभियन्ता र आमनागरिकलाई आग्रह गरेको छ ।
आयोगका प्रवक्ता डा टीकाराम पोखरेलले आज जारी गरेको प्रेस विज्ञप्तिमा अभिव्यक्ति स्वतन्त्रता र शान्ति सुरक्षाको सवालमा गम्भीर हुन आग्रह सबैलाई आग्रह गरिएको छ ।
“कोही कसैलाई पनि विचार र अभिव्यक्तिको कारणले मात्र पक्राउ गर्ने कार्यबाट मानव अधिकारको सम्मान र संरक्षण नहुने भएकाले त्यसतर्फ गम्भीर हुन आयोग नेपाल सरकारलाई निर्देशन गर्दछ” विज्ञप्तिमा भनिएको छ, “देशको शान्ति सुरक्षामा असरपर्ने खालका अभिव्यक्ति र गतिविधि नगर्न आयोग राजनीतिक दल, अभियन्ता र आमनागरिकलाई आग्रह गर्दछ ।”
अभियन्ता दुर्गा प्रसाइँलाई पक्राउ गरिएको घटनाको सम्बन्धमा राष्ट्रिय मानव अधिकार आयोगले अनुगमन गरेको र आजै आयोगको टोलीले जिल्ला प्रहरी परिसर भद्रकाली, काठमाडौँ पुगी दुर्गा प्रसाइँ र सम्बन्धित प्रहरी अधिकारीहरूसँग भेट गरी जानकारी लिएको बताइएको छ ।
आयोगले प्रसाईंलाई मंगलबार राति १२ः३० बजे निजको निवास सानो ठिमी, भक्तपुरबाट पक्राउ गरी जिल्ला प्रहरी परिसर काठमाडौँको हिरासतमा राखिएको, प्रहरी प्रतिवेदनअनुसार सार्वजनिक शान्तिसुरक्षा विरुद्धको अनुसन्धानका लागि पक्राउ गरिएको भनी निजलाई पक्राउ तथा थुनुवा पूर्जी दिइएको र निजको स्वास्थ्य अवस्था सामान्य रहेको आयोगलाई जानकारी प्राप्त भएको जनाएको छ ।
काठमाडौँ । नेपाल प्रिमियर लिग (एनपिएल) दोस्रो संस्करणको दोस्रो खेलमा रवि बोपाराको अर्धशतक मद्दतमा चितवन राइनोज विजयी भएको छ । चितवन राइनोजले कर्णाली याक्सलाई चार विकेटले पराजित गरेको हो ।
कीर्तिपुरस्थित त्रिवि अन्तरराष्ट्रिय क्रिकेट मैदानमा जारी खेलमा टस हारेर पहिला ब्याटिङको निम्तो पाएको कर्णालीले निर्धारित २० ओभरको खेलमा तीन विकेट गुमाउँदै १६६ रनको योगफल बनायो । एक सय ६७ रनको विजयी लक्ष्य चितवनले पाँच बल बााकी छँदै ६ विकेट गुमाउदै पूरा ग¥यो ।
चितवनको जितमा बोपाराले सर्वाधिक ५२ रनको योगदान दिए । उनले ३६ बलमा तीन चौका र तीन छक्का प्रहार गरे । त्यस्तै दिपक बोहोराले ३६ बलमा ६ चौका र एक छक्काको सहयोगमा ४२ रन बनाए । सइफ जइबले १६ बलमा दुई चौका र चार छक्का हान्दै ३८ तथा कप्तान कुशल मल्ले १५ बलमा दुई छक्काको मद्दतमा २० रन बनाए ।
बलिङततर्फ कर्णाली याक्सका लागि कप्तान सोमपाल कामीले दुई तथा उनिस सिंह, मार्क वाट र युवराज खत्रीले एक एक विकेट लिए ।
त्यसअघि कर्णाली याक्सका लागि ओपनर प्रियाङ्क पञ्चालले सर्वाधिक ९० रनको योगदान दिए । उनी शतक बनाउनबाट १० रनले चुके । पहिलोपटक एनपिएल खेलिरहेका पञ्चालले ४८ बलमा सात चौका र ६ छक्काको मद्दतमा सर्वाधिक ९० रन बनाएका हुन् । यस संस्करणमा अर्थशतक बनाउने उनी दोस्रो खेलाडी बनेका छन् ।
त्यसैगरी म्याक्स ओडाउडले ३० बलमा एक चौका हान्दै २० रन बनाए । मार्क वाटले २१ बलमा एक चौकाको मद्दतमा १६, पवन शर्राफले अविजित २७ तथा नाजिबुल्लाह जद्रानले अविजित चार रन बनाए ।
बलिङतर्फ चितवन राइनोजका सोहेल तानविर, सइफ जैब र रवि बोपराले एक/एक विकेट लिए । आजै खेलिने दोस्रो खेलमा विराटनगर किङ्स र पोखरा एभेन्जर्सबीच प्रतिस्पर्धा हुनेछ ।
काठमाडौँ । दोस्रो संस्करणको नेपाल प्रिमियर लिग (एनपिएल) आज दुई खेल भइरहेका छन् । चारवटै टोलीमा विदेशी खेलाडीको सहभागिताले र्कीतिपुरस्थित त्रिभुवन विश्वविद्यालयको अन्तरराष्ट्रिय क्रिकेट मैदान भित्र र बाहिर रहेका दर्शक खेल हेर्न उत्साहित भएका छन् ।
पहिलो खेल अहिले कर्णाली याक्स र चितवन राइनोजबीच भइरहेको छ । यस्तै आजै साँझ पोखरा एभेन्जर्स र विराटनगर किङ्ग्स खेल्नेछन् । दुवै खेलमा विश्व क्रिकेटमा नाम चलेका खेलाडी समावेश छन् । विदेशी खेलाडीसँग भएको अन्तरराष्ट्रिय स्तरको अनुभव नेपाली खेलाडीका लागि फाइदाजनक रहन्छ । पोखरा एभेन्जर्सले यसपटक विदेशी खेलाडीमा इङ्ल्यान्डका ड्यान डाउथवेटलाई समावेश गरेको छ । बलिङ र ब्याटिङ दुवैमा उनी उत्कृष्ट प्रदर्शनका लागि चिनिन्छन् ।
यस्तै पोखरा एभेन्जर्समा वेस्ट इन्डिजका रेमोन राइफर बलर समावेश छन् । यही टोलीमा इङ्ल्यान्डका एडम रोसिङ्टन ९विकेटकिपर–ब्याटर० छन् । इङ्ल्यान्डकै जेसन रोय पनि पोखरामै आवद्ध छन् । उनी टी–ट्वान्टी क्रिकेट विधाका आक्रामक ब्याटर हुन् । न्युजिल्यान्डका जिम्मी निसमले पनि यसपाली पोखराबाटै खेल्दैछन् । विश्व फ्रेन्चाइज क्रिकेटमा उनी पनि उम्दा अलराउन्डर हुन् ।
विराटनगर किङ्ग्समा पनि अनुभवले खारिएका विदेशी खेलाडीको उपस्थिति छ । विराटनगर किङ्ग्समा स्कटल्यान्डका जर्ज मुन्सी समावेश छन् । उनी बायाँहाते ब्याटर हुन् । मुन्सी ठूलठूला सट प्रहार गर्न माहिर छन् । विराटनगरमा रहेका न्युजिल्यान्डका मार्टिन गप्टिल विश्व क्रिकेटमा चिनिएका खेलाडी हुन् । मुख्यतया टी–ट्वान्टी क्रिकेटमो उनले उल्लेखनीय खेल प्रदर्शन गरेका छन् । भारतका शुभम रन्जन घरेलु क्रिकेटमा चम्किएका युवा ‘अलराउन्डर’ हुन् भने दक्षिण अफ्रिकाका मर्चन्ट डी लान्गे तेज बलर हुन् । दुवै जनाको उपस्थितिले विराटनगर किङ्ग्स बलियो टोली बनेको छ । दक्षिण अफ्रिकाका फाफ डू प्लेसिसले विश्व क्रिकेट राम्रा फिनिसरमध्येका एक हुन् । यस्तै, इङ्ल्यान्डका सामुएल डाली ह्याज्लेट मध्यमक्रमका ब्याटर हुन् । यसले पनि पोखरासँगको प्रतिस्पर्धा रोचक बनाउने देखिन्छ ।
कर्णाली याक्समा भारतका इमरान शेख समावेश छन् । उनी लामो पारी खेल्न सक्ने खुबी भएका खेलाडी हुन् । यस्तै अष्ट्रेलियाका विल बोसिस्टोले आफ्नो देशबाट यु–१९ को कप्तानी भूमिका निर्वाह गरिसकेका छन् भने उनी मध्यम क्रमका भरपर्दा खेलाडी हुन् । स्कटल्यान्डका मार्क वाट टी–२० क्रिकेटमा प्रभाव जमाएका खेलाडीका रुपमा चिनिन्छन् । म्याक्स ओडाउड नेदरल्यान्ड्सका प्रमुख प्रारम्भिक खेलाडी हुन् । उनी बढीभन्दा बढी रन बनाउने क्षमता भएका खेलाडी हुन् । अफगानिस्तानका नजिबुल्लाह जड्रान विस्फोटक ब्याटिङका लागि चिनिन्छन् । उनी मैदानमा लामा लामा सट प्रहार गर्न सक्ने खेलाडीका रुपमा दर्शकमाझ परिचित छन् । भारतका प्रियाङ्क पञ्चाल पनि उत्कृष्ट ब्याटर हुन् । यस्तै भारतका जय किसन कोल्सावाला विकेटकिपर–ब्याटर हुन् । उनी विश्वसनीय इनिङ एङ्करका रुपमा चिनिन्छन् ।
यस्तै चितवन राइनोजमा अनुभवी अलराउन्डर खेलाडी समावेश छन् । चितवनमा इङ््ल्यान्डका रवि बोपारा अलराउन्डर र प्रभावकारी खेलाडी हुन् । यस्तै पाकिस्तानका सोहेल तन्विर पनि चितवनमै समावेश छन् । उनी फास्ट बलर हुन् । उनको बलमा ब्याटरहरुले सितिमिति रन बटुल्न सक्दैनन् । बङ्गलादेशका साइफ जाइब लराउन्डर हुन् । मध्य क्रममा खेल्ने उनी आफ्नो टोलीको पारीलाई लामो समय मैदानमा टिकाउन सक्ने क्षमता भएका खेलाडी हुन् । इङ्ल्यान्डका डेभिड मलान विश्श्व टी–२० क्रिकेटका शीर्ष स्थानका ब्याटर हुन् । यस्तै भारतका अल्पेस रम्जानी युवा स्पिनर हुन् । दुवै जना चितवनमा समावेश खेलाडी हुन् । चितवन बलिङ र ब्याटिङ दुवैमा सन्तुलित टोली हो । त्यसैले कर्णालीविरुद्धको अहिले भइरहेको खेल निकै प्रतिस्पर्धात्मक हुने अपेक्षा गरिएको छ ।
काठमाडौँ । गत आर्थिक वर्ष २०८१/८२ सम्ममा तीन लाख ३० हजार ९१२ जना करदाताबाट रु दुई खर्ब ७५ अर्ब बक्यौता कर असुली हुन बाँकी देखिएको छ ।
सोमबार सार्वजनिक गरिएको आन्तरिक राजस्व विभागको वार्षिक प्रगति प्रतिवेदनअनुसार बक्यौता बाँकी रहेका करदाताबाट रु ९४ अर्ब ९५ करोड र प्रशासकीय पुनरावलोकनमा रहेका दुई हजार ९५ करदाताबाट रु एक खर्ब ८० अर्ब १० करोड बराबर असुली हुन बाँकी देखिएको हो ।
असुली हुन बाँकी कर बक्यौताको अवस्था हेर्दा आयकरतर्फ सबैभन्दा बढी एक लाख ९३ हजार ६२० करदाताबाट रु दुई खर्ब १९ अर्ब ११ करोड उठ्न बाँकी रहेको छ । मूल्य अभिवृद्धि करतर्फ एक लाख ३७ हजार २५३ करदाताबाट रु ४८ अर्ब ७० करोड, अन्तः शुल्कतर्फ ३६४ करदाताबाट रु चार अर्ब नौ करोड र अन्यतर्फ एक हजार ७७० करदाताबाट रु तीन अर्ब १५ करोड बराबर कर असुली हुन बाँकी छ ।
गत आर्थिक वर्षमा आन्तरिक राजस्व विभागले कर बक्यौता असुलीका लागि राखेको वार्षिक लक्ष्यको प्रगति पनि न्यून देखिएको छ । “बक्यौता सङ्कलनतर्फ आर्थिक वर्ष २०८१÷८२ मा आयकरतर्फ रु २२ अर्ब ७६ करोड लक्ष्य रहेकामा रु आठ अर्ब ७१ करोड असुल भई लक्ष्यको तुलनामा ३८ दशमलव २९ प्रतिशत प्रगति हासिल भएको छ”, वार्षिक प्रतिवेदनमा भनिएको छ ।
त्यसैगरी मूल्यअभिवृद्धि करतर्फ रु १६ अर्ब ३३ करोड बक्यौता उठाउने लक्ष्य रहेकामा ६३ दशमलव २८ प्रतिशत अर्थात् रू १० अर्ब ३३ करोड असुल भएको जनाइएको छ ।
गत आर्थिक वर्षमा बक्यौता समायोजनमा आयकरतर्फ रु २७ अर्ब ३८ करोड लक्ष्य रहेकोमा रु २१ अर्ब ३९ करोड प्रगति भई लक्ष्यको तुलनामा ७८ दशमलव एक प्रतिशत प्रगति भएको छ । त्यस्तै मूल्य अभिवृद्धिकरतर्फ रु १८ अर्ब १७ करोड लक्ष्य रहेकामा रु २२ अर्ब २९ करोड अर्थात् वार्षिक लक्ष्यको तुलनामा १२२ दशमलव ६३ प्रतिशत प्रगति भएको छ ।
काठमाडौँ । नेपाल प्रिमियर लिग (एनपिएल) सिजन–२ को उद्घाटन खेलमा काठमाण्डु गोखार्जले साबिक विजेता जनकपुर बोल्ट्सलाई ५ विकेटले पराजित गरेको छ । जनकपुरले दिएको १३१ रनको लक्ष्य पछ्याएको काठमाण्डुले १८ ओभरमा ५ विकेट गुमाएर पूरा गर्यो ।
काठमाण्डुका लागि वेन चाल्र्सवर्थले सर्वाधिक ४६ रन बनाए । आकाश त्रिपाठीले ३९, भीम सार्की ३, मिलिन्द कुमार १९, जोन सिम्पसोन १३ रनको योगदान दिए । मोहम्मद आदिल आलम ८ रनमा अविजित रहे ।
बलिङमा जनकपुरका किशोर महत्तो, अनिलकुमार शाह, ललित राजवंशी, जान निकोल लोफ्टी इन्टन र सञ्जय कृष्णमूर्तिले एक एक विकेट लिए ।
काठमाडौँ । सर्वोच्च अदालतमा प्रधानमन्त्री सुशीला कार्कीविरुद्ध अदालतको अवहेलनासम्बन्धी मुद्दा दर्ता भएको छ ।
राजदूत फिर्ता बोलाउने निर्णय तत्काल कार्यान्वयन नगर्न सर्वोच्च अदालतले दिएको आदेश पालना नगरेको उल्लेख गर्दै प्रधानमन्त्री कार्कीविरुद्ध अवहेलना मुद्दा दायर गरिएको हो । अधिवक्ता प्रेम सिलवालले दायर गरेको सो मुद्दाको सुनुवाइ यही मङ्सिर ७ गते हुनेगरी तोकिएको सर्वोच्च अदालतका प्रवक्ता अर्जुनप्रसाद कोइरालाले जानकारी दिए ।
वर्तमान सरकारले गत असोज ३० गते अघिल्लो सरकारको पालामा नियुक्त ११ देशका राजदूतलाई फिर्ता बोलाउने निर्णय गरेको थियो ।
यसअघि, सर्वोच्च अदालतका न्यायाधीशद्वय सारङ्गा सुवेदी र श्रीकान्त पौडेलको संयुक्त इजलासले राजदूत फिर्ता बोलाउने निर्णय तत्काल कार्यान्वयन नगरी यथास्थितिमा राख्न गत कात्तिक १६ गते अन्तरिम आदेश दिएको थियो ।
अदालतको आदेश आएकै भोलिपल्ट सरकारले राजदूत फिर्ता बोलाएर परराष्ट्र मन्त्रालयमा हाजिर हुन निर्देशन दिएको थियो । अदालतको सम्मान र कानुनी शासनका पक्षमा मुद्दा दायर गरेको अधिवक्ता सिलवालले जानकारी दिए ।
काठमाडौँ । आगामी फागुन २१ गते हुने प्रतिनिधिसभा सदस्य निर्वाचन प्रयोजनका लागि निर्वाचन आयोगमा पहिलो दिन नै दल दर्तामा उत्साह देखिएको छ ।
आयोगमा हालै एकताको घोषणा गरेको नेपाली कम्युनिष्ट पार्टी र एकता घोषणा गर्ने क्रममा रहेको प्रगतिशील लोकतान्त्रिक पार्टी (प्रलोपा)लगायत एक दर्जन राजनीतिक दलले पहिलो दिनमै आयोगसमक्ष दल दर्ताका लागि निवेदन पेस गरेका छन् ।
आयोगका प्रवक्ता नारायणप्रसाद भट्टराईले निर्वाचन कार्यतालिकाअनुसार आजदेखि यही मङ्सिर १० गतेसम्म प्रतिनिधिसभा सदस्य निर्वाचन प्रयोजनार्थ दल दर्ताको अवधि तोकिएकामा पहिलो दिनमै उत्साहजनक रूपमा दल दर्ता कार्य अगाडि बढेको बताए ।
आगामी निर्वाचनमा भाग लिने प्रयोजनका लागि दल दर्ताका गर्न आयोग परिसरमा राजनीतिक दलका नेता तथा कार्यकर्ताको बाक्लो जमघटले सबै राजनीतिक दल निर्वाचनमा भाग लिन आतुर रहेको देखिएको छ ।
आयोगका अनुसार आगामी निर्वाचनमा भाग लिन देश विकासका सन्ध्या खनाल, प्रगतिशील लोकतान्त्रिक पार्टी (प्रलोपा)का राजप्रसाद थपलिया, देशभक्त समाजका द्रोण अधिकारी, नेपाल लोकतान्त्रिक पार्टीका श्रवणकुमार चौधरी, नेपाल मजदुर किसान पार्टीका प्रेम सुवाल, राष्ट्रिय स्वतन्त्र पार्टी (रास्वपा)का लिमा अधिकारी र आमजनता पार्टीका रवीन्द्र सिंहले आज दल दर्ताका लागि निवेदन दिएका छन् ।
यस्तै, मङ्गोल नेसनल अर्गनाइजेसनका सन्तोष तामाङ, बहुजन शक्ति पार्टीका विश्वेन्द्र पासवान, नेपाल सद्भावना पार्टीका सरस्वतीकुमारी झा, नेपाली कम्युनिष्ट पार्टीका राजेन्द्रप्रसाद पाण्डे र नेपाल मानवतावादी पार्टीका मेघबहादुर कामीले आयोगसमक्ष दल दर्ताका लागि निवेदन पेस गरेका छन् ।
स्तै, आगामी माघ ११ गते हुने राष्ट्रियसभा सदस्य निर्वाचनका लागि आज नेपाल मजदुर किसान पार्टी, बहुजन शक्ति पार्टी र नेपाली कम्युनिष्ट पार्टीले दल दर्ताका लागि निवेदन पेस गरेको आयोगले जनाएको छ ।
काठमाडौँ । गृहमन्त्री ओमप्रकाश अर्यालले सोमबारदेखि खेल क्षेत्रको महोत्सवका रूपमा सुरू हुन लागेको दोस्रो संस्करणको नेपाल प्रिमियर क्रिकेट लिग (एनपिएल)को सुरक्षा प्रबन्ध र अन्तिम तयारीबारे ब्रिफिङ लिएका छन् ।
काठमाडौँका प्रमुख जिल्ला अधिकारी ईश्वरराज पौडेलसहित काठमाडौँ प्रहरी प्रमुख रमेश थापासँग गृहमन्त्री अर्यालले एनपिएलको सुरक्षा तयारीबारे जानकारी लिएका हुन् ।
गृहमन्त्रीको सचिवालयका अनुसार बैठकमा अर्यालले क्रिकेट अवधिभर सुरक्षा व्यवस्था चुस्त, दुरुस्त राख्न र कुनै पनि अवाञ्छित घटना हुन नदिन निर्देशन दिएका छन् । बैठकमा अर्यालले भने, ‘पहिलोपटक रात्रिकालीन समयमा क्रिकेट हुने भएको यसपालिको सुरक्षा व्यवस्था झनै मजबुद र दुरुस्त हुन जरूरी भएकाले सोहीअनुसार प्रबन्ध मिलाउन हुन निर्देशन गर्दछु ।’
क्यानले टिकट नपाएकाहरूले उद्घाटन खेल घरमै बसेर हेर्न आग्रह गरेको छ । क्यानका सचिव पारस खड्काले उद्घाटन खेलका सबै टिकट बिक्री भइसकेकाले घरमै बसेर हेर्न आग्रह गरेका छन् ।
मङ्सिर १ गतेदेखि २७ गतेसम्म हुने एनपिएलको दोस्रो संस्करणको तयारी पूरा भएको क्यानले जानकारी दिएको छ । एनपिएलका खेल स्टार स्पोर्ट्स र कान्तिपुर टिभीबाट प्रशारण हुनेछन् भने ओटिटी प्लेफर्ममा डिस होमको गो एपमा सःशुल्क प्रशारण हुँदैछ । क्यानले यसपटक एनपिएलका खेल युट्युबमा प्रशारण नहुने जनाएको छ ।
काठमाडौँ । निर्वाचन आयोगमा नयाँ दल दर्ता र पुराना दल खारेजीको क्रम जारी रहँदा आजसम्म १२२ दल कायम रहेका छन् ।
आयोगका प्रवक्ता नारायणप्रसाद भट्टराईका अनुसार निर्वाचन घोषणा भएको मिति गत भदौ २७ पछि सात नयाँ दल दर्ता र पुराना सात दल खारेज भई एक सय २२ राजनीतिक दल कायम रहेको जानकारी दिए । निर्वाचन आयोगले नयाँ दल दर्ताको निवेदन दिने आज अन्तिम दिनसम्म निवेदनको क्रम चलेकाले ती नयाँ आवेदनबारे आवश्यक कागजात हेरेर आयोगले चाँडै निर्णय गरी दल दर्ताको प्रमाणपत्र दिनेछ ।
अहिले आयोगमा २८ नयाँ दलको निवेदन विचाराधीन छ । आयोगको कार्यतालिका अनुसार आगामी मङ्सिर १ गतेदेखि १० गतेसम्म पुराना र नयाँ सबै दलले आशन्न प्रतिनिधिसभा सदस्य निर्वाचनका लागि बेग्लै दल दर्ता गर्नुपर्नेछ । यसका लागि आयोगले सूचना प्रकाशन गरिसकेको छ ।
हालै एकताबाट निर्मित नेपाली कम्युनिष्ट पार्टीलाई आयोगले दल दर्ताको प्रमाणपत्र प्रदान गरेपछि नेकपा ९माओवादी केन्द्र०, नेकपा ९एकीकृत समाजवादी० सहितका दलहरु समायोजित भई दलको सङ्ख्या घटेको हो ।
आयोगले नागरिकको चापलाई ध्यानमा राखेर मतदाता नामावली दर्ता र अद्यावधिकको कार्यको अवधि आजसम्म निर्धारण गरिएकामा थप गरेर आगामी मङ्सिर ५ गतेसम्मका लागि कायम राखेको छ ।
राष्ट्रिय परिचयपत्रको विवरणका आधारमा मतदाता नामावलीमा नाम दर्ता गराउन मिल्ने भएपछि अनलाइनबाट नाम दर्ता गराउनेको उच्च चाप देखिएको छ । आयोगले शनिबार यो कार्य जारी राखेको थियो ।
काठमाडौँ । अर्थमन्त्री रामेश्वरप्रसाद खनालले देशको समग्र आर्थिक क्षेत्र चलायमान बनाउनका लागि पुँजी बजार र सम्पत्ति (घरजग्गा) बजारलाई थप चलायमान बनाइन आवश्यक रहेको बताएका छन् ।
नेपाल चेम्बर अफ कमर्सले आयोजना गरेको ‘अर्थतन्त्रका समसामयिक विषयमा छलफल तथा संवाद’ कार्यक्रममा उनले आर्थिक गतिविधि विस्तारका लागि दुवै बजारको सक्रियता अनिवार्य भएको बताए ।
अर्थमन्त्री खनालका अनुसार घरजग्गा कारोबारमा देखिएका अवरोध हटाउन सरकारले अध्यादेशमार्फत कानुनमा आवश्यक परिवर्तन गर्न सक्ने विषयमा आन्तरिक छलफल भइरहेको छ । “घरजग्गा कारोबार सहज बनाउनका लागि अध्यादेशमार्फत केही व्यवस्था गर्ने वा सरकारले कार्यकारिणी अधिकार प्रयोग गरेर पनि सुधारका काम गर्न सक्छ”, उनले भने ।
मन्त्री खनालले निजी क्षेत्रका सबै माग पूरा गर्न सरकारले नसक्ने स्पष्ट पार्दै आपसी समन्वय र सहकार्य भने अत्यावश्यक रहेको बताए । “निजी क्षेत्रका सबै माग तत्काल पूरा गर्न नसकिएला, जबरजस्ती लागू गर्न खोजेर पनि हुँदैन, कार्यान्वयनमै गाह्रो हुन्छ । व्यावसायिक वातावरण बनाउने र उत्पादन रोजगारी बढाउने सवालमा भने निजी क्षेत्र र सरकार सँगसँगै जानुपर्छ । रोजगार सिर्जना, देशभित्रै व्यवसाय विस्तार र लगानी आकर्षण सरकारको अत्यन्तै प्राथमिकतामा छ”, उनको भनाइ थियो ।
गत भदौ २३ र २४ मा भएको ‘जेनजी’ प्रदर्शनले ५५ जिल्लाका ५१४ स्थानीय तहमा ठूलो क्षति पुर्याएको मन्त्री खनालले जानकारी दिए । निजी क्षेत्रमा मात्र करिब रु ३६ अर्ब बराबरको क्षतिको प्रारम्भिक अनुमान गरिएको छ । निजी र सार्वजनिक दुवै क्षेत्र मिलाएर रु ७८ अर्ब ५१ करोड बराबर क्षति पुगेको खनालले उल्लेख गरे । त्यसमध्ये निजी क्षेत्रको रु २३ अर्ब बराबरको बिमा दाबी प्रस्तुत भइसकेको र ४०० भन्दा बढी क्षति दाबीहरू भुक्तानी प्रक्रियामा रहेको उनको भनाइ छ ।
अर्थमन्त्री खनालले आर्थिक पुनरुत्थानका लागि सरकार र निजी क्षेत्रबीच विश्वास पुनःस्थापना महत्त्वपूर्ण रहेकोसमेत बताए । “रोजगारी बढाउने, उत्पादन बिस्तार गर्ने भूमिका सरकारको भन्दा निजी क्षेत्रको ठूलो छ । सरकार सहजीकरण र नियमनको भूमिकामा रहन्छ”, उनले भने ।
देशमा विश्वासको वातावरण निर्माण नहुँदासम्म आर्थिक गतिविधि तीव्रताका साथ अघि बढ्न नसक्ने उल्लेख गर्दै अर्थमन्त्री खनालले कारोबार खर्च घटाउन भन्सार प्रणालीमा सुधार थालिएको जानकारी दिए । उनले भन्सार जाँचपास कारोबार रकमको आधारमा गर्ने र मूल्याङ्कनमा प्रयोग हुँदै आएको सन्दर्भ मूल्य पुस्तिका खारेज गर्ने प्रतिबद्धता जनाए ।
यसैगरी उनले अवैध कारोबार, कालोबजारी, अत्यधिक मूल्यवृद्धि, एकाधिकार जस्ता गैरकानुनी क्रियाकलापमा संलग्न जो कोहीमाथि कडाइका साथ कारबाही हुने चेतावनी दिए । व्यवसायको लेखापरीक्षण जोखिम विश्लेषण र चुनौतीका आधारमा मात्र गर्ने व्यवस्था आवश्यक रहेको खनालको भनाइ थियो ।
करदाता सेवा कार्यालयको सङ्ख्या बढाउने विषय सरकारको प्राथमिकता रहेको र मूल्य अभिवृद्धि कर (भ्याट) मा बहुदर लागू गर्ने विषयमा भने सरकारले तत्काल प्रक्रिया अघि बढाउन नसक्ने उनको भनाइ छ । अर्थ मन्त्रालय र नेपाल राष्ट्र बैंकबीच चालू पुँजी मार्गदर्शन कार्यान्वयनलगायत विषयमा निरन्तर छलफल भइरहेको अर्थमन्त्री खनालले बताए । सरकारले मौद्रिक नीतिमार्फत पनि व्यवसाय र आर्थिक गतिविधिलाई सहज बनाउने गरी नीतिगत सहयोग गर्दै जाने उनले स्पष्ट पारे ।
सोही कार्यक्रममा नेपाल चेम्बर अफ कमर्सका अध्यक्ष कमलेशकुमार अग्रवालले उद्योगी व्यवसायीको मनोबल उकास्न र व्यवसायमैत्री वातावरण निर्माणका लागि सुरक्षाको प्रत्याभूति पहिलो आवश्यकता रहेको बताए । अनलाईनमार्फत कर भुक्तानी, भन्सार जाँचपासमा सहजतालगायतका विषयलाई सरकारले प्राथमिकतामा राख्नुपर्ने बताए । यस्तै, भन्सार दरलाई समायोजन गरी अधिकतम २५ प्रतिशत कायम गरिनुपर्ने र भ्यादमा बहुदर कायम गर्नुपर्ने चेम्बरको माग छ ।
आयकर ऐनलाई पुनर्लेखन गर्नुपर्ने, घर बहाल करमा तीन तहका सरकारबीच देखिएको अस्पष्टता हटाउनुपर्ने, नक्कली र झुट्टा बिलबिजक जारी गर्ने व्यापारीलाई कारबाही गर्नुपर्ने, ‘एसेट म्यानेजमेन्ट कम्पनी’ खोल्ने प्रक्रिया अविलम्ब अघि बढाउनुपर्ने, कर फर्छ्यौट आयोग गठन गरिनुपर्नेलगायतका माग चेम्बरले अर्थमन्त्री खनालसमक्ष राखेको छ ।
कार्यक्रममा चेम्बरका पूर्वअध्यक्ष राजेशकाजी श्रेष्ठले राजस्व अनुसन्धान विभाग खारेज गरिनुपर्ने, उपभोक्ताको क्रयशक्ति बढाउने, निजी क्षेत्रको व्यवसाय गर्ने वातावरण बनाउनुपर्ने, सीमा नाकाबाट हुने चोरी पैठारी र तस्करी रोकिनुपर्नेलगायत विषय उठाए ।
कालिका । जुटपानी गरिबी निवारण साना किसान कृषि सहकारी संस्था कालिका–६ खोलेसिमलको १८औँ वार्षिक साधारण सभामा उत्कृष्ट योगदानकर्ताहरू सम्मानित भएका छन् ।
समूहतर्फ कालिका–६ को शिवालय समूह, व्यक्तिगततर्फ कालिका–१ का रामप्रसाद देवकोटा र गोमाकुमारी श्रेष्ठ, पशुपालनतर्फ कालिका–१ का विकमाया थिङ, अगुवा कृषकतर्फ कालिका–१ का चन्द्रध्वज लामा, कर्मचारीतर्फ प्रबन्धक नारायण सुवेदी र सवारी चालक सुकराम महतो सम्मानित भएका हुन् ।
सम्मानित योगदानकर्ताहरूलाई सम्मानपत्र तथा खादा प्रदान गर्दै प्रमुखअतिथि रेग्मीले सहकारी र समुदायको विकासका लागि जनस्तरबाट प्राप्त योगदान अत्यन्त महत्त्वपूर्ण रहेको उल्लेख गरे । उनले उत्कृष्ट योगदान पुर्याउने समूह, व्यक्ति तथा कर्मचारीहरूलाई बधाई दिँदै भविष्यमा अझै समावेशी, पारदर्शी र किसानमुखी योजनाहरू अघि बढाउन आग्रह गरे ।
संस्थाका अध्यक्ष द्रोणाचार्य रेग्मीको सभापतित्वमा सम्पन्न सभामा सचिव गुणराज दवाडीले वार्षिक प्रतिवेदन तथा प्रबन्धक नारायण सुवेदीले आर्थिक तथा प्रगति प्रतिवेदन प्रस्तुत गरेका थिए । यस्तै, उपाध्यक्ष चेतबहादुर थापा, लेखा समिति सदस्य लक्ष्मीप्रसाद शर्मा र कोषाध्यक्ष अरुणा लामाले आआफ्नो प्रतिवेदन प्रस्तुत गरेका थिए ।
कार्यक्रममा कालिका–६ का अध्यक्ष टीकाराम रेग्मी, कालिका–१ का अध्यक्ष सन्तवीर स्याङ्दान, कालिका–७ का अध्यक्ष कमलराज मोक्तान, कालिका नगरपालिकाका सहकारी शाखा प्रमुख प्रकाशचन्द्र पौडेल र चतुर्मुखी सामुदायिक वनका अध्यक्ष हरिकुमार गुरूङले सहकारीले समुदायमा पु¥याउँदै आएको योगदान, कृषक सशक्तीकरण र आर्थिक उत्थानमा देखाएको सक्रिय भूमिकाको खुलेर प्रशंसा गरेका थिए ।
सभामा सहकारीको वार्षिक कारोबार, बचत तथा कर्जा कार्यक्रम, कृषककेन्द्रित सेवा, आयआर्जनका परियोजना र आगामी नीति तथा योजनासम्बन्धी विस्तृत छलफल गरिएको थियो ।
रत्ननगर । रत्ननगर–७, मैनाहामा कार्यालय रहेको संस्था प्रोजेक्ट नेस्ट फाउन्डेसन नेपालको चौथो वार्षिक साधारण सभा तथा तेस्रो अधिवेशनले झलक भट्टको अध्यक्षतामा नयाँ कार्यसमिति चयन गरेको छ ।
नयाँ कार्यसमितिको उपाध्यक्षमा किशोेर चौधरी, सचिवमा द्रौपदी महतो, कोषाध्यक्षमा धनराज महतो र सदस्यहरुमा पुरुषोत्तम दवाडी माया महतो र नमराज घिमिरे चयन भएका छन् ।
संस्थाका अध्यक्ष बालकृष्ण पाण्डेको सभापतित्व एवम् रत्ननगर–७ का वडा सदस्य सूर्यबहादुर तामाङको प्रमुख आतिथ्यतामा सम्पन्न साधारण सभामा ग्रीन सोसाइटी पब्लिक बोर्डिङ स्कुलका शिक्षक बबिता खतिवडा, शुभ शान्ति राष्ट्रिय आधारभूत विद्यालय कालिका–११ का प्रधानाध्यापक झलक भट्ट, द राइजिङ नेपाल टेक्निकल कलेजका प्रबन्ध निर्देशक गोविन्द खनाललगायतले शुभकामना मन्तव्य व्यक्त गरेका थिए ।
कार्यक्रममा वक्ताहरुले सामाजिक विकास, शिक्षा, स्वास्थ्य, दिगो कृषि तथा प्राविधिक शिक्षामा संस्थाले गर्दै आएको योगदानको उच्च प्रशंसा गरेका थिए ।
संस्थाका सदस्य पार्वती पाण्डेले स्वागत तथा व्यवस्थापक निरज रेग्मीले सञ्चालन गरेको कार्यक्रममा आर्थिक वर्ष २०८१/०८२ को प्रतिवेशन सचिव जमुना सापकोटाले प्रस्तुत गरेकी थिइन् । कार्यक्रममा फाउन्डेसनका बालबालिकाहरुले नृत्य, क्यारिकेचर र गीत प्रस्तुत गरेका थिए ।
भरतपुर । विज्ञहरूबाट उच्चारित शब्द कानमा ठोक्किन नपाउँदै प्रतिस्पर्धी विद्यार्थी त्यसको वर्णविन्यासअनुसार हिज्जे उच्चारण गरिहाल्थे । अर्को पटक फेरि नयाँ शब्द सोधिन्थ्यो, प्रतिस्पर्धी विद्यार्थीले त्यसको पर्यायवाची, विपरीतार्थी आदि शब्द फटाफट भनिहाल्थे । घरिघरि विद्यार्थी अलमलिन्थे र अर्को समूहलाई पास गरिदिन्थे । कतिबेला सबै समूहले सही उत्तर दिन्थे त कतिबेला कुनै समूहले पनि उत्तर मिलाउन सक्दैनथे ।
रेखाङ्कन गरिएका वाक्यभित्रका शब्दको शब्दवर्ग छुट्याउन लगाइँदा केही समय गमेर उत्तर दिन्थे विद्यार्थीहरु । चितवनको भरतपुरस्थित अङ्कुरम् एकेडेमीद्वारा पहिलोपटक आयोजना गरिएको जिल्लास्तरीय नेपाली हिज्जे प्रतियोगितामा उपस्थित अन्य शिक्षक प्रतिनिधि र आमन्त्रितहरू निकै शान्तपूर्वक बसेर विद्यार्थीको उत्तर दिने शैली हेरिरहेका हुन्थे ।
२९ वटा संस्थागत विद्यालयको सहभागिता रहेको प्रतियोगिताको हरेक विद्यालयबाट तीन जना विद्यार्थीको एउटा समूह रहेको थियो । अत्यन्तै कडा स्पर्धाबीच सम्पन्न प्रतियोगितामा रत्ननगरस्थित भानु मेमोरियल इङ्ग्सि बोर्डिङ स्कुलले पहिलो स्थान हासिल गरेको छ । पहिलो हुने समूहबाट सनम थापा, शुबश्री बराल र रचना खड्काले स्पर्धा गरेका थिए । पहिलो हुने विद्यालयले १० हजार नगद पुरस्कार र प्रमाणपत्र प्राप्त गरेको छ ।
त्यस्तै गोल्डेन फ्युचर इङ्ग्लिस स्कुलले दोस्रो हुँदै नगद पुरस्कार सात हजार र प्रमाणपत्र प्राप्त गरेको छ । यो समूहबाट आरती अधिकारी, शिवानी गुरुङ र सनम लामिछानेले प्रतिस्पर्धा गरेका थिए । त्यसैगरी, आयोजक अङ्कुरम् एकेडेमीका पल्लव अधिकारी, विनिशा घिमिरे र आराध्या बानियाँको समूहले तृतीय स्थान हासिल गरेको छ । तेस्रो हुने समूहले नगद पुरस्कार पाँच हजार र प्रमाण पत्र पाएको छ ।
प्रतियोगितामा वाल्मीकि शिक्षा सदनले नगद पुरस्कार तीन हजारसहित सान्त्वना स्थान सुरक्षित गरेको थियो । वाल्मीकिबाट ममता सापकोटा, अनामिका खत्री र सम्मान त्रिपाठीले स्पर्धा गरेका थिए । २९ वटै विद्यालयबाट कक्षा ७ देखि १० सम्मका विद्यार्थीले स्पर्धा गरेका थिए ।
नेपाली भाषालाई केन्द्रमा राखेर आयोजना गरिएको यस कार्यक्रमले निजी विद्यालयहरू नेपाली विषयमा कमजोर भएको बजार हल्ला निराधार भएको बताइएको थियो । भाषाको श्रृवृद्धिका लागि यस्ताखाले कार्यक्रम निरन्तर आयोजना हुनुपर्नेमा जोड दिइएको थियो ।
विद्यालयका आवासीय निर्देशक नइम चौधरीको सभापतित्वमा सम्पन्न कार्यक्रमको संयोजन नेपाली विभाग प्रमुख पदमप्रसाद भूर्तेलले गरेका थिए । कार्यक्रममा पोखरा फिस्टेल एकेडेमीका नेपाली शिक्षक एवं कवि प्रेमनारायण ढकाल मुख्य निर्णायक रहेको प्रतियोगितामा ग्लोरियस एकेडेमीका भरतबाबु ढकाल र आदर्श पब्लिक स्कुलका अमृत ढकाल निर्णायक रहेका थिए ।
चितवन । चितवन मेडिकल कलेज (सिएमसी) शिक्षण अस्पतालले रोबोटिक सर्जरी सेवा सुरू गरेको छ । मोफसलमा रहेर अत्याधुनिक सेवा भित्र्याउँदै आएको सिएमसीले नेपालमै दोस्रो रोबोटिक सर्जरी सेवा सुरू गरेको हो ।
रोबोटिक तथा युरो सर्जन डा प्रतीकमान सिंह गुरुङ, जिआइ सर्जनहरु डा विशाल आचार्य र डा रोहितकुमार मिश्रको नेतृत्वमा रोबोटिक सर्जरी सुरु गरिएको छ । अस्पतालमा हालसम्म १४ वटा रोबोटिक सर्जरी गरिसकिएको अस्पतालले जनाएको छ ।
रोबोटिक तथा युरो सर्जन डा गुरूङका अनुसार चिरेर गरिने शल्यक्रिया र दूरविन प्रविधिबाट गरिने शल्यक्रियाभन्दा रोबोटिक शल्यक्रिया धेरै आधुनिक र सटिक हुने गर्दछ । उनले भने, “रोबोटिक सर्जरी चिकित्सा विज्ञानको एउटा अत्याधुनिक प्रविधि हो ।” रोबोटले नै सबै शल्यक्रिया गर्ने नभई सर्जनले योजना बनाएर रोबोटको सहायता लिएर शल्यक्रिया गरिने उनको भनाइ छ ।
चिकित्सकले प्रत्यक्षरूपमा हातले नभई कम्प्युटरद्वारा नियन्त्रण हुने रोबोटिक हातहरूका माध्यमबाट शल्यक्रिया गरिने उहाँले स्पष्ट पार्नुभयो । परम्परागत प्रविधिको तुलनामा रोबोटिक प्रणाली प्रयोग गर्दा शल्यक्रियामा बिरामीको शारीरिक र मानसिक दुवै पक्षलाई ध्यानमा राखेर प्रभावकारी रुपमा संवेदनशील र जटिल उपचार गर्न सकिने डा गुरूङको भनाइ छ ।
न्यूनतम पीडा, कम रक्तश्राव, छोटो अस्पताल बसाइँ र छिटो निको हुने अवसर प्रदान गर्ने यस प्रविधिबाट विशेषगरी युरोलोजी, गाइनकोलोजी, कार्डियोथोरासिक र क्यान्सर सर्जरीमा प्रयोग उल्लेखनीय रूपमा बढी भएको डा गुरूङले बताए ।
रोबोटिक सर्जरीमा उपकरण अत्यन्त संवेदनशील र सूक्ष्म हुने जनाउँदै उनले भने, “यी उपकरणले मानव हातले गर्न नसक्ने अत्यधिक सुक्ष्म शल्यक्रिया गर्न सक्छन् ।” यसले गर्दा शल्यक्रियाको क्रममा शरीरको अन्य भागमा न्यूनतम क्षति पुग्छ र शल्यक्रियाको परिणाम अत्यन्तै विश्वासिलो तथा सुरक्षित हुने डा गुरुङको भनाइ छ ।
सानो प्वालमार्फत शल्यक्रिया गर्न सकिने, रक्तश्राव कम हुने, कम पीडा र छिटो निको हुने भएकाले पनि धेरै बिरामीको चाहना यही प्रविधि हुने उहाँको भनाइ छ । अन्य प्रविधिबाट असम्भव हुने शल्यक्रिया पनि यस प्रविधिबाट गर्न सकिने डा गुरूङको भनाइ छ ।
रोबोटिक शल्यक्रिया गर्दा बिरामीको सानो भागमा मात्र प्वाल पारिने भन्दै उनले यही कारणले गर्दा शरीरमा शल्यक्रिया गर्दाको दाग निकै सानो हुने बताए । उनले अन्य शल्यक्रियाको तुलनामा रोबोटिक शल्यक्रियामा बिरामी छिटो निको हुने बताए । उनले भने, “रोबोटिक शल्यक्रियामा एकदमै अत्याधुनिक कम्प्युटर प्रणाली भएका कारण गतिविधि एकदम छरितो हुन्छन्, त्यसैले गर्दा ठूलो ठूलो शल्यक्रियामा धेरै फाइदा हुन्छ ।”
रोबोटिक शल्यक्रिया गर्दा शुल्क केही महँगो पर्ने भए पनि अस्पताल बसाइ कम, समयको बचत, घाउ निको हुने दर उच्च र अन्य धेरै कारणले गर्दा समग्रमा बिरामीलाई फाइदा नै हुने डा गुरुङको भनाइ छ ।
मेडिकल कलेजका प्रमुख प्रशासक प्रताप देवकोटाले यहाँ भित्रिएको रोबोट माइक्रोपोर्ट कम्पनीले बनाएको ‘टुमाइ’ नामक रोबोटिक प्रणाली भएको बताए । उनले रु ३२ करोड लागतमा यो प्रविधि भित्र्याइएको जानकारी दिए । उनले भने, “यो प्रविधि चाइनामा निर्मित युरोपियन सेफ्टी ‘सर्टिफिकेशन’ पास गरेको छ, जसले यसको उच्च सुरक्षा मापदण्ड पुष्टि गर्दछ ।”
कालिका । दुर्गा आयुर्वेद औषधालय, कालिकाले आफ्नो २० औँ वार्षिकोत्सवको अवसरमा शुक्रबार कालिका नगरपालिकाको कलबचोकमा बृहत् निःशुल्क स्वास्थ्य शिविर सम्पन्न गरेको छ ।
स्थानीयवासीलाई लक्षित गरी सञ्चालन गरिएको शिविरमा आयुर्वेदिक स्वास्थ्य परीक्षण, परामर्श तथा निःशुल्क औषधि वितरण सेवा प्रदान गरिएको थियो ।
औषधालयका व्यवस्थापक दुर्गाराज भण्डारीको अध्यक्षता एवम् कालिका नगरपालिकाका प्रमुख विनोद रेग्मीको प्रमुख आतिथ्यतामा सम्पन्न कार्यक्रममा कालिका–५ का वडाध्यक्ष दीपकबहादुर भट्टराई, कालिका–६ का अध्यक्ष टीकाराम रेग्मी, कालिका–७ का कमलराज मोक्तानलगायतको आतिथ्यता रहेको थियो ।
कार्यक्रममा प्रमुखअतिथि प्रमुख विनोद रेग्मीले आयुर्वेदिक स्वास्थ्य सेवालाई अझ विस्तार गर्न यस्ता पहलहरू महत्त्वपूर्ण भएको बताए । उनले भने, ‘नगरपालिकाले स्वास्थ्य क्षेत्रमा सहयोगी हात बढाउने संस्थाहरूसँग सधैँ सहकार्य गर्नेछ । दुर्गा आयुर्वेद औषधालयले २० वर्षदेखि समुदायमा पुर्याउँदै आएको सेवाले जनस्वास्थ्यमा महत्त्वपूर्ण योगदान पुर्याएको छ ।’
शिविरमा आयुर्वेद विशेषज्ञ डा. बाबुराजा अमात्य, वरिष्ठ आयुर्वेद चिकित्सक डा. डा. रामकामेश्वर ठाकुर तथा विज्ञ डा. चन्द्रकान्त ज्ञवालीले रोग पहिचान, स्वास्थ्य परामर्श र आवश्यक उपचार साथै निःशुल्क औषधिसमेत वितरण गरेका थिए । शिविरमा २०२ जनाले औषधिसहित निःशुल्क सेवा लिएका थिए ।
कार्यक्रममा व्यवस्थापक दुर्गाराज भण्डारीले आगामी दिनमा समुदायमुखी सेवालाई अझै प्रभावकारी बनाउने प्रतिबद्धता जनाए । उनले भने, ‘स्थापनादेखि नै दुर्गा आयुर्वेद औषधालयले समुदायलाई प्राथमिकता दिएको छ । स्थानीयको विश्वास र साथकै कारण हामी २० वर्ष पूरा गरेर यहाँसम्म आएको हौँ । आगामी दिनमा पनि स्वास्थ्य सेवामुखी कार्यक्रमलाई निरन्तरता दिनेछौँ ।’
दुर्गा आयुर्वेद औषधालयले आयुर्वेदलाई अझै सहज र पहुँचयोग्य बनाउन आगामी वर्षहरूमा पनि यस्तै स्वास्थ्य कार्यक्रम सञ्चालन गर्ने जनाउँदै नियमितरुपमा मधुमेह परीक्षण निःशुल्क गरिएको जनाएको छ ।
रत्ननगर । रत्ननगर नगरपालिका वडा नं–१ ले वडावासीका लागि खानेपानीको न्यूनतम महसुल निःशुल्क गरेको छ । वडावासीले प्रयोग गरेको १० हजार लिटरसम्मको खानेपानीको शुल्क वडा कार्यालयले तिरिदिने भएको हो । त्यसका लागि वडा कार्यालयले रत्ननगर खानेपानी तथा सरसफाइ उपभोक्ता संस्थासँग सम्झौतासमेत गरेको छ ।
मङ्सिर १ गतेबाट वडावासीले खानेपानीको न्यूनतम शुल्क तिर्न नपर्ने र पानी प्रयोग गरेबापत लाग्ने शुल्क वडा कार्यालयले भुक्तानी गर्ने वडाध्यक्ष कुलप्रसाद सापकोटाले बताए । आर्थिक अभावका कारण पानीको शुल्क तिर्न नसक्ने अवस्था भएका परिवारलाई लक्षित गरी गरिएको निर्णयले समग्र वडावासीले समेत सुविधा पाएका छन् ।
उक्त सुविधा वडाभित्रका एक हजार ११० घरधुरीले प्राप्त गर्ने छन् । अहिलेसम्म वडाभित्रका करिब एक हजार घरधुरीले मात्र धारा जडान गरेको भन्दै वडाध्यक्ष सापकोटाले स्थानीय सरकारले प्रदान गरेको सेवासुविधा उपयोग र स्वच्छ पानीको प्रयोगका लागि बाँकी रहेका घरधुरीलाई धारा जडान गर्न आग्रह गरे ।
वडा कार्यालयले प्रदान गरेको छूट सुविधा ४ हजार ४४४ जनाले उपभोग गर्ने छन् । खानेपानीको न्यूनतम शुल्क भुक्तानीका लागि वडा कार्यालयले १० लाख रूपैया विनियोजन गरेको छ । समानीकरण अनुदान शीर्षकमा प्राप्त बजेट खानेपानीको न्यूनतम शुल्क भुक्तानीका लागि विनियोजन गरिएको वडाध्यक्ष सापकोटाले बताए । करिब चार महिनाअघि आफूले उक्त घोषणा गरेको र कार्यविधि बनाउँदा ढिलो भएको भन्दै उनले भने, ‘वडाध्यक्षले बोलेको कुरा गरेन भनेर विरोध पनि भयो, तर मैले गर्छु भनेको कुरा पूरा गरेको छु ।’
रत्ननगरमा १६ वटा वडाहरु रहेका छन् । वडा नं–१ ले पहिलोपटक खानेपानीको न्यूनतम शुल्क निःशुल्क गर्न सफल भएको छ । ‘विकास भनेको भौतिक पूर्वाधार निर्माण मात्र होइन’, वडाध्यक्ष सापकोटाले भने, ‘सुशासन र वडावासीको चाहना पूरा गर्नु पनि विकास हो ।’
चालू आर्थिक वर्षमा सो वडा कार्यालयले स्थानीय उत्पादनको बजारीकरणका लागि रात्रिकालीन बजार, अतिविपन्न १० घरधुरीलाई निःशुल्क धारा जडान, शौचालय निर्माणको सामग्री तथा सडकसहित पूर्वाधारमा दुई करोड विनियोजन गरेर काम सुरू गरेको छ ।
वडाभित्रका सबै सडकहरुलाई कालोपत्रे गर्ने योजनाका साथ बजेट विनियोजन गरिएको वडाध्यक्ष सापकोटाले बताए । ‘वडावासीहरु ग्राभेल हालेको सडकमा हिँड्न नपरोस् भनेर चालू आर्थिक वर्षभित्र सबै सडक कालोपत्रे गर्ने योजना छ’, उनले भने, ‘लक्ष्य प्राप्तिका लागि प्रयास गरिरहेको छु ।’
रत्ननगर । चितवनमा आयुर्वेद तथा वैकल्पिक चिकित्साप्रति जनविश्वास बढ्दै गएको पाइएको छ । रत्ननगरमा अवस्थित प्रदेशस्तरको आयुर्वेद तथा वैकल्पिक चिकिल्सालयमा उपचार गरेका सेवाग्राहीको संख्यालाई आधार मान्दा आयुर्वेद उपचार र यसको प्रभावकारिता बढ्दै गएको पाइएको हो ।
बुधबार आयोजना गरिएको आयुर्वेद सेवासम्बन्धी जिल्लास्तरीय समीक्षा गोष्ठीमा कार्यालय प्रमुख डा. कोपिला अधिकारीले प्रस्तुत गरेको प्रगति प्रतिवेदनमा उक्त चिकित्सालयबाट आर्थिक वर्ष २०८१/०८२ मा ७२ हजार ५५१ जना बिरामीले उपचार गराएको उल्लेख गरिएको छ । त्यसमध्ये नयाँ बिरामी ४६ हजार ९२९ छन् भने नियमित उपचार गराइरहेका २५ हजार ६२२ जना रहेको कार्यालय प्रमुख डा. अधिकारीले जानकारी दिइन् ।
आर्थिक वर्ष २०८०/०८१ मा ६३ हजार ४९४ जना र आर्थिक वर्ष २०७९/०८० मा ४९ हजार ५१३ जना बिरामीको उपचार गरिएको छ । आर्थिक वर्ष २०८०/०८१ मा भन्दा २०८१/०८२ मा झन्डै दस हजार बिरामीको संख्या वृद्धि भएको तथ्याङ्कले देखाएको छ । पछिल्लो तीन वर्षको तथ्याङ्कलाई हेर्दा आयुर्वेद तथा वैकल्पिक चिकित्साप्रति जनविश्वास बढ्दै गएको आफूहरुले महसुस गरेको डा. अधिकारीले बताइन् ।
२०८१/०८२ मा चिकित्सालयअन्तर्गतका चारवटा नागरिक आरोग्य केन्द्रबाट ११ हजार ५१५ जना, पूर्णकर्म (आयुर्वेद थेरापी)मा ५४ हनार ४९८, पञ्चकर्ममा ८० जना, शल्यसेवामा ६९३ जना, योगसेवामा ६ हजार २८८, ज्येष्ठ नागरिक स्वास्थ्य प्रवद्र्धन कार्यक्रमअन्तर्गत १० हजार ७९१, स्तनपायी आमालाई दुग्ध प्रवद्र्धन कार्यक्रमतर्फ १ हजार २७२ जनालाई औषधि वितरण गरिएको छ ।
त्यसैगरी, जीवनशैली प्रवद्र्धन तथा स्वच्छीकृत सेवातर्फ ७ हजार ९२० जना, अकुपञ्चर, कपिङ सेवातर्फ ५ हजार ७५१, ल्याब सेवा १० हजार ४१४, फिजियोथेरापी ५ हजार १३०, मुख्यमन्त्री जनता स्वास्थ्य कार्यक्रमतर्फ नसर्र्ने रोग ४६४, बाथ पुनर्स्थापना कार्यक्रमतर्फ ५० जनाले सेवा लिएको कार्यालय प्रमुख डा. अधिकारीले जानकारी दिइन् ।
२०८० सालमा बागमती प्रदेश सरकारले २५ शøयाको अस्पतालको रुपमा स्तरोन्नति गरेको उक्त चिकित्सालयमा विशेषज्ञ सेवाअन्तर्गत शल्यचिकित्सा, बालरोग र पञ्चकर्म सेवा सञ्चालनमा रहेका छन् । उक्त अस्पतालबाट अम्लपित्त, घुँडा खिइने समस्या, श्वासप्रश्वास, बालरोग, पायल्स, फिस्टुलालगायत मलद्वारमा हुने समस्या, उच्च रक्तचाप, मधुमेह, बाथरोग, युरिक एसिड, कम्मर दुख्ने समस्यालगायतका रोगहरुको उपचार गरिँदै आएको अस्पतालका डा. देवेन्द्र यादवले जानकारी दिए ।
अस्पताल व्यवस्थापन समितिका अध्यक्ष राजेन्द्रप्रसाद अधिकारीको अध्यक्षतामा भएको कार्यक्रममा आयुर्वेद औषधि उत्पादन केन्द्रका प्रमुख सुरेश महर्जनले केन्द्रले उत्पादन गरेका आयुर्वेद औषधि चितवनमा २० प्रतिशत र अन्य जिल्लामा ७ प्रतिशतका दरले उपलब्ध गराउँदै आएको बताए ।
जिल्ला जनस्वास्थ्य कार्यालय चितवनका प्रमुख निर्मल घिमिरेले आयुर्वेद चिकित्साप्रति बढ्दै गएको विश्वासलाई कायम राख्नुपर्नेमा जोड दिए । मेडिकल सिटीको रुपमा विकास भएको चितवनमा आयुर्वेद तथा वैकल्पिक चिकित्सालाई स्थापित गर्ने सानो प्रयासले सम्भव नरहेको उनले बताए ।
रत्ननगर वडा नं–१ का वडाध्यक्ष तथा नगर प्रवक्ता कुलप्रसाद सापकोटाले आयुर्वेद अस्पतालको स्थायित्वका लागि स्थानीय सरकारले सेवाको गुणस्तर विकासमा सहयोगीको भूमिका खेल्दै आएको भन्दै आयुर्वेद चिकित्सालाई विश्वासिलो बनाउन डाक्टर र स्वास्थ्यकर्मी टिमको प्रयास सामान्य नरहेको बताए ।
कार्यक्रमका प्रमुखअतिथि बागमती प्रदेश सांसद् कृष्णप्रसाद खनालले आयुर्वेद औषधि उत्पादन गर्ने जडीबुटीको गुणस्तर मापन गर्न प्रचलन नरहेको भन्दै नेपालमा उत्पादन भएका जडीबुटी भारत पठाउने र भारतबाट कमसल खालका जडीबुटीको आयात गर्ने काम बन्द हुनुपर्ने बताए ।
नेपालमा उत्पादन भएका गुणस्तरीय जडीबुटीले औषधि उत्पादन गर्न सकियो भने आयुर्वेद चिकित्साप्रति सोच्दै नसोचेको विश्वास बढ्ने उनको भनाइ छ । जसरी चल्छ चलिराख्छ भन्ने मानसिकता त्याग्नुपर्ने भन्दै उनले देशमा बढ्दै गएको राजनीतिक बेइमानीका कारण आयुर्वेद चिकित्सा क्षेत्रमा त्यसको असर परेको बताए ।
डा. देवेन्द्र यादवले सञ्चालन गरेको उद्घाटन कार्यक्रममा अस्पतालका पूर्वअध्यक्ष राजेन्द्रकुमार श्रेष्ठ, सञ्चालक समितिका वर्तमान सदस्य कमलीकान्त घिमिरेलगायतको उपस्थिति रहेको थियो ।
भरतपुर । बजेटको अभावमा गत वर्ष रोकिएको दुर्लभ एकसिङ्गे गैँडा गणना यस वर्ष आनुवंशिक (जेनेटिक) विधिबाट गर्ने तयारी गरिएको छ । राष्ट्रिय निकुञ्ज तथा वन्यजन्तु संरक्षण विभागले चार/चार वर्षमा गर्दै आएको गैँडा गणना गत वर्ष रोकिएको थियो ।
यस वर्ष बाघ गणनासमेत गर्ने तयारी छ । बाघ गणनापछि गैँडा गणनाको तयारी गरेको विभागले विगतको भन्दा फरक विधि प्रयोग गरेर गणना गर्ने तयारी गरेको हो ।
विभागको वन्यजन्तुको सर्वेक्षणसँग सम्बन्धित प्राविधिक समितिको बैठकले आनुवंशिक विधिबाट गैँडा गणना गर्न आवश्यक ‘प्रोटोकल’ बनाउने निर्णय गरिएको छ ।
समितिका संयोजक एवं विभागका वरिष्ठ इकोलोजिष्ट हरिभद्र आचार्यले केही दिनमा नै प्रोटोकल तयार गरी बैठक बसेर छलफल गरिने बताए । यो विधिबाट गैँडा गणना गर्दा वैज्ञानिक र दीर्घकालीन दृष्टिले उत्तम हुने उनको भनाइ छ । नेपालमा यो विधिबाट हिउँ चितुवाको मात्रै गणना गरिँदै आएको छ ।
भारतमा केही महिनाअघि हात्तीको यही विधिबाट गणना गरिएको जनाउँदै उनले विगतमा गणना गर्दै आएको विधिभन्दा कम खर्चिलो र सुरक्षित हुने बताए । विगतमा ब्लक छुट्याएर प्रत्यक्ष गणना विधि प्रयोग गरिँदै आएको थियो । यो विधिबाट गणना गर्दा निकै खर्चिलो हुने र जोखिमपूर्ण हुने गरेको छ ।
आचार्यका अनुसार सन् २०२१ मा गैँडा गणना गर्दा रू तीन करोड हाराहारी खर्च भएको थियो । सो क्रममा एक जना प्राविधिक हात्तीबाट लडेर गम्भीर घाइते भएका थिए । यसरी गणना गर्दा तीन साता समय लाग्ने गर्दछ । त्यसमा ठूलो सङ्ख्यामा हात्ती लगायतका सवारीसाधनसहित प्राविधिक जनशक्ति परिचालन गर्नुपर्ने हुन्छ ।
आचार्यले अहिलेसम्म प्रयोग गरिएको प्रत्यक्ष र ‘फोटो आइडी’ विधिबाट भन्दा आनुवंशिक विधिबाट गणना गर्दा वैज्ञानिक आधारमा सबैले मान्ने विधि भएकाले यसतर्फ विभागको ध्यान गएको बताए । अन्तिम टुङ्गो लगाउन बाँकी रहेको भन्दै उनले आनुवंशिक विधिबाट गणना गर्दा जनशक्ति परिचालन गरी गैँडाको गोबर (मल) सङ्कलन गरेर प्रयोगशालामा डिएनए परीक्षणबाट सङ्ख्या र लिङ्ग पहिचान गर्ने बताए ।
आउँदो पुसमा बाघ गणना गर्ने तयारी गरिएको छ । बाघ रहेका पर्सा, चितवन, बाँके, बर्दिया र शुक्लाफाँटा राष्ट्रिय निकुञ्जमा बाघ गणना गर्न लागिएको हो । बाघ गणनापछि गैँडा गणना गर्ने योजना रहेको छ । गत आर्थिक वर्षमा अन्तिम अवस्थामा दाताले सहयोग गर्न नसक्ने जनाएपछि रोकिएको गैँडा गणना यस वर्ष गर्न लागिएको हो । यस वर्ष राष्ट्रिय निकुञ्ज तथा वन्यजन्तु संरक्षण विभागले कार्यक्रममा केही बजेट विनियोजन गरेर गणना गर्न लागेको छ ।
बाघ भने हरेक चार–चार वर्षमा गणना गरिँदै आएको छ । सोहीअनुसार यस आर्थिक वर्षमा बाघ गणना गरिने छ । आचार्यका अनुसार पुस, माघ र फागुन गरी तीन महिना लगाएर बाघ गणना गर्न लागिएको हो । एकसिङ्गे गैँडा गणना चैतमा गर्ने गरी कार्यक्रम अघि बढाइएको छ ।
गैँडा चितवन राष्ट्रिय निकुञ्ज, पर्सा राष्ट्रिय निकुञ्ज, शुक्लाफाँटा राष्ट्रिय निकुञ्ज र कोशी टप्पु राष्ट्रिय निकुञ्जमा गणना गरिनेछ । यसअघि सन् २०२२ मा गरिएको बाघ गणनामा नेपालमा ३३५ बाघ रहेको तथ्याङ्क सार्वजनिक भएको थियो । सो गणनामा चितवनमा १२८, बर्दिया निकुञ्जमा १२५, बाँके निकुञ्जमा २५, पर्सामा ४१ र शुक्लाफाँटामा ३६ वटा बाघ रहेको तथ्याङ्क छ ।
सन् २०२१ मा गरिएको गैँडा गणनामा देशभरका राष्ट्रिय निकुञ्ज तथा संरक्षण क्षेत्रमा ७५२ गैँडा फेला परेका थिए । सन् १९६० को दशकमा गैँडाको संख्या घटेर करिब १०० को हाराहारीमा झरेको थियो । नेपालमा सन् १९५० को दशकमा ८०० गैँडा रहेको अनुमान छ । सन् २०२१ को गणनामा चितवन राष्ट्रिय निकुञ्जमा मात्रै ६९४, बर्दिया राष्ट्रिय निकुञ्जमा २९ गैँडाबाट बढेर ३८ र शुक्लाफाँटमा १८ पुगेको थियो ।
चितवन । नारायणी नदीकिनारमा जारी खेलकुद तथा बृहत् व्यापार महोत्सवमा कराँते प्रतियोगिता सम्पन्न भएको छ । महोत्सवस्थलमा आइतबार कराँते प्रतियोगिता सम्पन्न भएको हो ।
प्रतियोगितामा समूहतर्फ ब्रह्मपुर प्रथम भएको छ । उसले ६ स्वर्ण जितेको हो । यस्तै हिमालयन डोजो दुई स्वर्णसहित दोस्रो भएको छ । प्रतियोगितामा पुरुष ४० केजी तौल समूहमा ब्रम्हपुरका कुशल लोहनीले स्वर्ण जितेका छन् भने पर्साका गगन सेढाईले रजत तथा अंकुरमका नवनित वर्मा र विजयका विवेक महतोले कास्य जितेका छन् ।
यस्तै, पुरुष ४५ केजीमा ब्रम्हपुरका विजय थापा मगरले स्वर्ण जितेका छन् भने भरतपुरका लसिप सारु मगरले रजत जितेका छन् । विजयका रोशन सुनार र धर्मचोकका सविन विकले कास्य जितेका छन् । ५० केजीतर्फ हिमालयनका हेमन्त तामाङले स्वर्ण जितेका छन् । कालिकाका सनिश कुमालले रजत जित्दा ब्रम्हपुरका आशिष विक तथा विजयका अर्मान श्रेष्ठले कास्य जितेका छन् ।
५५ केजीमा ब्रम्हपुरका रामसिंह मोक्तानले स्वर्ण हात परेका छन् । कालिकाका अनुप उपरकोटीले रजत जित्दा विजयका अशोक कुमाल र आदर्शका सुबिन श्रेष्ठले कास्यमा चित्त बुझाएका छन् । यस्तै ६० केजीमा ब्रम्हपुरका अभिषेक कुमालले स्वर्ण, भंगरीका सुशान्त सापकोटाले रजत तथा कालिकाका मनीष सुनार र भरतपुरका सुन्दर थापा मगरले कास्य जितेका छन् ।
उता महिला ३५ केजीमा भरतपुरकी वर्षा लामाले स्वर्ण पदक जितेकी छन् । विजयकी श्रीया पौडेलले रजत जित्दा ग्रान्डीकी सोफिया तामाङ र अंकुरमकी सयन शर्माले कास्य जितेका छन् । ४० केजीतर्फ हिमालयनकी सिविका क्षेत्रीले स्वर्ण हात पारेकी छन् । पर्साकी टेनिशा पाण्डेले रजत जित्दा रत्ननगरकी अतिथि थापा मगर र मगनीकी समिक्षा चौधरीले कार्यमा चित्त बुझाए ।
४५ केजीमा ओमशान्तीकी अलिएस आलेले स्वर्ण पदक प्राप्त गर्दा रत्ननगरकी एस्मी गुरुङले रजत तथा निन्जाकी सिन्निमा राई र ब्रम्हपुरकी एलिना थापा मगरले कास्य प्राप्त गरे । ५० केजीमा ब्रम्हपुरकी नम्रता वाइवाले स्वर्ण पदक हात पारिन् । हिमायालनकी सुप्रिया पौडेलले रजत जितेकी छन् भने धर्मचोककी भाविका तामाङ र पर्साकी विकिसा महतोले कास्य हात पारे ।
यस्तै महिला ५५ केजीमा ब्रम्हपुरकी अस्मिता तामाङले स्वर्ण तथा विजयकी बिनिशा तामाङले रजत पदक हात पारिन् । यस्तै, भरतपुरकी मोक्षा भट्ट र पर्साकी अर्चना खुलालले कास्य जिते । पुरुषतर्फ ब्रह्मपुरका रामसिंह मोक्तान तथा महिलातर्फ भरतपुरकी वर्षा लामा उत्कृष्ट खेलाडी चुनिए ।
उनीहरुलाई समापन कार्यक्रमका प्रमुखअतिथि नेपाल कराँते महासंघ बागमती प्रदेश तथा कराँते संघ चितवनका अध्यक्ष गगन लामा, सभापति चितवन जिल्ला खेलकुद विकास समितिका अध्यक्ष राजन कार्कीलगायतले पुरस्कार वितरण गरेका थिए । मंसिर २ गतेसम्म हुने महोत्सवमा तेक्वान्दो, कबड्डी, ब्याडमिन्टन, सेपाकताक्रो, एथ्लेटिक्स, वुद्धिचाललगायतका खेलहरु पनि हुनेछन् ।
चितवन । संयुक्त एम्बुलेन्स चालक संघ नेपालले राख्दै आएको माग अझै सम्बोधन हुन सकेको छैन । संघले स्वास्थ्य ऐन, २०७५ संशोधन गर्नुपर्ने, स्वास्थ्य क्षेत्रले मात्र एम्बुलेन्स सञ्चालन गर्न पाउने व्यवस्था खारेज गर्नुपर्ने, हाल क, ख र ग वर्गमा रहेका एम्बुलेन्सलाई सहजै नवीकरण गर्न दिनुपर्नेलगायत माग राख्दै आएको छ ।
त्यसैगरी, एम्बुलेन्स चालकलाई स्वास्थ्य तालिमको व्यवस्था गर्नुपर्ने, सबै अस्पतालमा एम्बुलेन्स पार्किङको व्यवस्था हुनुपर्ने, सरकारले चालकलाई स्वास्थ्य सामग्री, एम्बुलेन्समा आवश्यक औषधि, चालकलाई सुरक्षा पोशाक व्यवस्था गर्नुपर्ने सङ्घको माग छ । देशभर छ हजार एम्बुलेन्स छन् । तीमध्ये ८० प्रतिशत ऐनका कारण नवीकरण हुन नसकेको सङ्घका अध्यक्ष नवराज लामिछानेले बताए ।
उनले भने, “यसअघिका सरकारले हाम्रो मागलाई बेवास्ता ग¥यो, अहिलेको सरकारले सम्बोधन गर्नेमा हामी ढुक्क छौँ ।” नागरिकको बलमा बनेको सरकार र स्वास्थ्य क्षेत्र बुझेका मन्त्रीबाट आफूहरुको माग सम्बोधन हुने लामिछानेको भनाइ छ । लामिछानेले केही दिनमै स्वास्थ्यमन्त्रीसमक्ष आफूहरुको माग राख्न लागिएको बताए ।
यसअघि आफ्नो माग पूरा गर्न आग्रह गर्दै सङ्घले स्वास्थ्यमन्त्रीसहित प्रमुख दललाई ध्यानाकर्षणपत्र बुझाएको थियो । ऐनका कारण स्वास्थ्य संस्थाबाहेक अन्यले नयाँ एम्बुलेन्स ल्याउन नपाउँदा गाउँबस्तीमा एम्बुलेन्सको अभाव भएको उनी बताउँछन् । उनले भने, “पहिलेका पुराना भए, नयाँ आउन सकेका छैनन्, यसले गाउँघरमा एम्बुलेन्स नपाइने समस्या बढ्दै गएको छ ।”
चितवन । पर्यटन प्रवर्द्धनका लागि चितवनको इच्छाकामना–५ मा अवस्थित प्रसिद्ध धार्मिकस्थल इच्छाकामना मन्दिर परिसरमा दुईदिने मेला लाग्ने भएको छ ।
मेलाका अवसरमा पर्यटन प्रवर्द्धनका लागि विविध सांस्कृतिक कार्यक्रम हुने मन्दिर संरक्षण समितिका अध्यक्ष रामप्रसाद बोहोराले जानकारी दिए । मेलामा राष्ट्रिय तथा स्थानीय विभिन्न विधाका कलाकारको प्रस्तुति पनि रहने उनले जानकारी दिए ।
इच्छाकामना मन्दिरमा हरेक वर्ष पञ्चमीका अवसरमा रातभर मेला लाग्ने र बिहान पूजाआजाका साथै बलि चढाइने परम्परा छ । केही वर्षदेखि इच्छाकामना गाउँपालिकाले मेलालाई भव्य रूपमा मनाउन सो दिन सार्वजनिक बिदासमेत दिँदै आएको छ ।
गोरखाको सहिद लखन गाउँपालिकाको प्रसिद्ध धार्मिकस्थल मनकामना मन्दिरको आमनेसामने उत्तरमा पर्ने यस मन्दिरमा पूजाआजा गरे इच्छाएको पूरा हुने तथा सन्तान नहुनेहरूका लागि सन्तान प्राप्ति हुने धार्मिक विश्वास छ । मनकामना देवीको सात दिदीबहिनीमध्ये इच्छाकामना एक बहिनी रहेको किंवदन्ती रहेको छ ।
इच्छाकामना मन्दिर धार्मिक पर्यटकीयस्थलको सम्भावना बोकेको स्थल हो । समुद्री सतहदेखि एक हजार ८०० मिटरको उचाइमा रहको मन्दिरको वरपर जङ्गलले ढाकेको छ । फागुन र चैतमा ढकमक्क फुलेका लालीगुराँसले वरिपरिको वातावरण रङ्गीन बन्छ । इच्छाकामनाबाट सफा मौसममा हिमाली शृङ्खला मनास्लु, गणेश र माछापुच्छेससम्म पनि देख्न सकिन्छ ।
मन्दिर पुनर्निर्माणसँगै खानेपानी, विद्युत सेवा र अन्य भौतिक पूर्वाधार निर्माणपछि यहाँ धार्मिक पर्यटकको आवागमन बढेको गाउँपालिका अध्यक्ष दानबहादुर गुरुङले बताए । पछिल्लो केही वर्षयता भारतीय पर्यटकसमेत मन्दिर दर्शनका लागि आउन थालेको अध्यक्ष गुरुङले बताए ।
फिस्लिङ–शक्तिखोर सडक र मुग्लिन–तामिन सडक प्रयोग गरेर पर्यटक मन्दिर पुग्ने गरेका छन् । यहाँ सार्वजनिक बिदा र शनिबारको दिन मन्दिर दर्शन गर्न र वनभोज खान आउने पर्यटकको घुइँचो लाग्ने गर्छ ।
चितवन । राष्ट्रिय स्वतन्त्र पार्टी (रास्वपा)को दुईदिने विस्तारित बैठक शनिबार राति सौराहामा सम्पन्न भएको छ । बैठकले आगामी फागुन २१ गतेका लागि घोषित प्रतिनिधिसभा सदस्य निर्वाचनाई स्वच्छ, निष्पक्ष र भयरहित बनाउने आधार तयारीका लागि दलहरूसहित सरकारलाई ध्यानाकर्षण गराउने निर्णय गरेको छ ।
निर्वाचन प्रक्रियामा सक्रिय सहभागी भई लोकतान्त्रिक अभ्यासलाई थप सुदृढ पार्न सम्पूर्ण राजनीतिक दलहरूलाई बैठकले आह्वानसमेत गरेको छ । बैठकले घोषित निर्वाचनको परिणाम देश र जनताको सर्वोपरी हित एवं पार्टीको पक्षमा हुनेगरी जनमत निर्माणमा लाग्न पार्टीका सम्पूर्ण संरचना, सदस्य एवं शुभेच्छुकलाई आग्रहसमेत गरेको छ ।
रास्वपा प्रवक्ता मनिष झाद्वारा जारी विज्ञप्तिमा भनिएको छ, “पार्टीले अगाडि सारेका दृष्टिकोण, एजेण्डा र उम्मेदवारको पक्षमा मतमार्फत जनविश्वास व्यक्त हुनेगरी प्रभावकारी योजना निर्माण एवं परिचालनमा केन्द्रित हुन पार्टी संरचना र पङ्क्तिलाई विशेष आग्रह गर्दछौँ ।”
जेनजी प्रदर्शनका क्रममा भएका घटनाको निष्पक्ष छानबिन गरी दोषीलाई कारबाही गर्न मागसमेत रास्वपाले गरेको छ । विज्ञप्तिमा आउँदा दिनमा राज्यका निकायमा जेनजी आन्दोलनको भावना र म्यान्डेटअनुसार उनीहरूको सहभागिता सुनिश्चित गर्न पनि माग गरिएको छ ।
रास्वपाको आन्तरिक लोकतन्त्रको सुदृढीकरण र समावेशितालाई थप व्यवस्थित र प्रोत्साहित गर्ने, पार्टी रुपान्तरणको पक्षमा व्यक्त भएका आवाज र प्रस्तावलाई विधि–प्रक्रियाअन्तर्गत नै सम्बोधन गर्ने तथा निर्णय प्रक्रियामा सबै तहका समिति र सदस्यहरूको सहभागिता सुनिश्चित गर्ने वातावरणलाई क्रमशः फराकिलो बनाउने निर्णय गरेको विज्ञप्तिमा जनाइएको छ ।
देशमा बलियो वैकल्पिक राजनीतिक शक्तिको निर्माणका लागि ध्रुवीकरण अपरिहार्य रहेकाले यसका लागि समान विचार भएका परिवर्तनकारी शक्तिहरूसँग संवाद, सहमति र सहकार्यमा जोड दिन केन्द्रीय समितिलाई विशेष आग्रह बैठकले गरेको छ ।
आगामी फागुन २१ गते प्रतिनिधिसभा सदस्यको निर्वाचन हुने भएकाले पूर्वघोषित मिति (फागुन ७–९)मा महाधिवेशन गर्न नसकिने वस्तुगत परिस्थिति महसुस गर्दै छ महिनाभित्र महाधिवेशन गर्नेगरी तालिका ल्याउन केन्द्रीय समितिलाई बैठकले आग्रह गरेको विज्ञप्तिमा उल्लेख छ ।
बैठकमा देशको पछिल्लो समग्र परिस्थिति, अप्रत्याशित रूपमा विकसित राजनीतिक घटनाक्रम, प्रतिनिधिसभा सदस्यको घोषित निर्वाचन, जनजीविकाका सवाल र पार्टीको आन्तरिक जीवन एवं तत्कालीन कार्यभारबारे छलफल भएको थियो ।
केन्द्रीय समितिका सदस्यसहित देशभरबाट आमन्त्रित पाँच सय १२ प्रतिनिधि सहभागी रहेको विस्तारित बैठकमा कार्यवाहक सभापति डिपी अर्यालले राजनीतिक प्रतिवेदन, उपसभापति डा स्वर्णिम वाग्लेले चुनावी बाचापत्रको अवधारणा, महामन्त्री कविन्द्र बुर्लाकोटीले साङ्गठनिक प्रतिवेदन, सहमहामन्त्री विपिनकुमार आचार्यले उम्मेदवार छनोट रुपरेखा र सचिवालय सदस्य दीपक बोहराले हस्ताक्षर अभियानसम्बन्धी प्रतिवेदन पेस गरेका थिए ।
ती प्रतिवेदनलाई समूहगत छलफल गरिएको थियो । विस्तारित बैठकमा केन्द्रीय सदस्य डा तोसिमा कार्की, केन्द्रीय सङ्गठन विभागका सचिव शङ्कर श्रेष्ठ तथा चितवन, झापा, रुपन्देही जिल्ला समितिले लिखित सुझाव पेस गरेको विज्ञप्तिमा जनाइएको छ ।
भरतपुर । भरतपुर महानगरपालिका वडा नं–१, पानीट्याङ्की ओरालोमा ट्रकमा ठोक्किएर स्कुटर चालक गम्भीर घाइते भएका छन् ।
रामनगरबाट नारायणगढतर्फ जाँदै गरेको लु २ ख ५५९१ नम्बरको खाली ट्रकको बायाँ साइडमा सोही दिशाबाट जाँदै गरेको ना २७ प ७८९९ नम्बरको स्कुटर ठोक्किँदा स्कुटर चालक भरतपुर–११ बस्ने ५४ वर्षीय हरिबहादुर आले टाउकोमा चोट लागी गम्भीर घाइते भएका हुन् ।
घाइतेको भरतपुर सरकारी अस्पतालमा उपचारपश्चात् थप उपचारका लागि नयाँ मेडिकल कलेज (सिएमसी), भरतपुरमा रिफर गरिएको र ट्रक चालक तनहुँको देवघाट–१ बस्ने ३७ वर्षीय बालकृष्ण थापा नियन्त्रणमा रहेको प्रहरीले जनाएको छ ।
भरतपुर । भरतपुर महानगरपालिका वडा नं–११, वरपीपल चोकमा मोटरसाइकलले साइकललाई ठक्कर दिँदा तीन जना घाइते भएका छन् ।
ना ५६ प ७६४७ नम्बरको मोटरसाइकलले साइकललाई ठक्कर दिँदा साइकलयात्री भरतपुर–११, कुमारी टोल बस्ने ६४ वर्षीय दिलबहादुर गुरुङ, मोटरसाइकल चालक भरतपुर–११ बस्ने २७ वर्षीय अमोद लामा र मोटरसाइकलपछाडि सवार सोही ठाउँ बस्ने १६ वर्षीय अश्विन लामा घाइते भएका हुन् ।
घाइतेहरुको भरतपुर सरकारी अस्पतालमा उपचार भइरहेको र दुवै सवारीसाधन नियन्त्रणमा रहेको प्रहरीले जनाएको छ ।
खैरहनी । खैरहनी नगरपालिका वडा नं–८, चैनपुर चोकस्थित पूर्व–पश्चिम राजमार्गमा कन्टेनर ट्रकको ठक्करबाट मोटरसाइकलमा सवार दुई जनाको मृत्यु भएको छ ।
पश्चिमबाट पूर्वतर्फ जाँदै गरेको मधेश प्रदेश ०३–००२ ख ०७९९ नम्बरको कन्टेनर ट्रकले विपरीत दिशाबाट आउँदै गरेको बागमती प्रदेश ०६–००५ प ७७६८ नम्बरको मोटरसाइकललाई ठक्कर दिँदा मोटरसाइकलमा सवार दुई जना गम्भीर घाइते भएका थिए ।
दुर्घटनामा मोटरसाइकल चालक राप्ती–७ बस्ने १९ वर्षीय श्रीराम कँडेल र मोटरसाइकलपछाडि सवार राप्ती–५ बस्ने २० वर्षीया बिमला तामाङको पुरानो मेडिकल कलेज (सिएमएस) भरतपुरमा उपचारका क्रममा मृत्यु भएको हो ।
ठक्कर दिने कन्टेनर, मोटरसाइकल र कन्टेनर चालक नियन्त्रणमा रहेको प्रहरीले जनाएको छ ।
चितवन । नारायणी नदीकिनारमा जारी प्रथम खेलकुद तथा बृहत् व्यापार महोत्सवमा शनिबार दर्शकको घुँइचो लागेको थियो । पाँचौँ दिन मात्रै ५० हजारभन्दा बढी दर्शकले महोत्सव अवलोकन गरेका छन् ।
आयोजक चितवन जिल्ला खेलकुद विकास समितिका अध्यक्ष राजन कार्कीका अनुसार शनिबार एकैदिन ५० हजार बढी टिकट बिक्री भएको छ । शनिबार अपेक्षा गरेभन्दा बढी दर्शकले महोत्सव अवलोकन गरेको उनले बताए । हालसम्म करिब एक लाख ५० हजार दर्शकले महोत्सवको अवलोकन गरेका छन् ।
यसैबीच, भरतपुर महानगरपालिका प्रमुख मेयर रेनु दाहालले पनि महोत्सव अवलोकन गरेकी छन् । मेयर दाहाल र उपमेयर चित्रसेन अधिकारीलगायतले महोत्सव अवलोकन गरेका हुन् । महोत्सवमा विशेष गरी लन्डन ब्रिज, दुवई सिटी, बुर्ज खलिफा, बुर्ज अल अरबलगायतले दर्शकहरुलाई आकर्षित गरेको छ ।
चर्चित लोक तथा दोहोरी गायिका प्रिती आलेले दर्शकहरुलाई मनोरन्जन प्रदान गरेकी थिइन् । गायिका प्रितीले आफ्ना चर्चित गीत गाउँदा दर्शकहरु झुमेका थिए । महोत्सवमा आज आइतबार चर्चित गायिका एन्जिला रेग्मी र नेपाल आइडल सिजन ६ की प्रतिस्पर्धी दर्शना गन्धारी आउने भएकी छन् ।
काठमाडौँ । हङकङमा जारी हङकङ इन्टरनेसनल सिक्सेस प्रतियोगिताअन्तर्गत शनिबार नेपालले भारतलाई ९२ रनले पराजित गरेको छ । जारी प्रतियोगितामा यो नेपालको पहिलो जित हो ।
जितका लागि नेपालले दिएको १३८ रनको लक्ष्य पछ्याएको भारत तीन ओभरमा अलआउट हुँदै ४५ रनमा समेटियो । उसका लागि भरत चिप्ली र प्रियांक पञ्चालले १२/१२ रन बनाए भने रोविन उथप्पाले पाँच तथा दिनेश कार्तिक र सहबाज नदिमले समान सात÷सात रन बनाए ।
नेपालका लागि रसिद खानले तीन विकेट लिए भने रुपेश सिंह र बसिर अहमदले समान दुईरदुई विकेट लिए ।
पहिले ब्याटिङ गरेको नेपालले निर्धारित छओभरमा कुनै पनि विकेट नगुमाइ १३७ रन बनाएको थियो । नेपालका लागि रसिद खानले ५५ रनको योगदान दिए भने सन्दीप जोराले ४७ र लोकश बमले ३१ रन बनाए ।
यसअघि आजै भएको समूह चरणको खेलमा नेपाल दक्षिण अफ्रिकासँग चार विकेट र श्रीलङ्कासँग तीन विकेटले पराजित भएको थियो । साथै, हिजो भएको खेलमा नेपाल अफगानिस्तानसँग पराजित भएको थियो ।
भरतपुर । भरतपुर–१ स्थित नारायणी नदीकिनारमा चितवन जिल्ला खेलकुद विकास समितिको आयोजनामा जारी महोत्सव परिसरमा महिला र पुरुष दुवैतर्फका फाइनल खेल सम्पन्न भएको छ ।
प्रतियोगितामा पुरुषतर्फको उपाधि मञ्जिल-मनीषको टिम भरतपुर–१८ ले जितेको छ । सन्दीप र अनिषको टिमको भलिबल ट्रेनिङ सेन्टरलाई हराउँदै उपाधि जितेको हो । फाइनल खेल मञ्जिल र मनीषको टिमले २–१ को सेटमा जित्यो ।
उता महिलातर्फको उपाधि जानकी स्कुलका आशिका र स्वीकृतिको टिमले जितेको छ । आशिका र स्वीकृतिको टिमले फाइनलमा जानकी स्कुलकै नितिशा र सीमाको टिमलाई पराजित गर्दै उपाधि रक्षा गरेको हो ।
आशिका र स्वीकृतिको टिमले फाइनलमा नितिशा र सीमाको जोडीलाई ३–० को सोझो सेटमा पराजित गरेको हो । विजेताहरुलाई मङ्सिर २ गते समापनको दिन पुरस्कार वितरण गरिने आयोजक चितवन जिल्ला खेलकुद विकास समितिका अध्यक्ष राजन कार्कीले जानकारी दिए ।
समितिका अध्यक्ष कार्कीको अध्यक्षतामा सम्पन्न भलिबलको समापन कार्यक्रमको प्रमुखअतिथिमा जिल्ला प्रहरी कार्यालयका प्रहरी प्रमुख एसपी गोविन्द पुरी रहेका थिए ।
महोत्सवमा भलिबल र कराँतेसँगै तेक्वान्दो, कबड्डी, ब्याडमिन्टन, सेपाकताक्रो, एथ्लेटिक्स, बुद्धिचाललगायतका खेलहरु पनि हुनेछन् । यस्तै, नेपाली खेलकुदमा योगदान गर्ने विभिन्न विधाका राष्ट्रिय तथा अन्तर्राष्ट्रिय खेलाडीहरुलाई महोत्सवकै दौरानमा सम्मान गरिने आयोजकले जनाएको छ ।
भरतपुर । लायन्स क्लब इन्टरनेसनल डिस्ट्रिक ३२५ आरले भरतपुर–३, चितवनमा एक समारोहबीच प्रशासकीय भवन शिलान्यास गरेको छ । लायन्स अन्तर्राष्ट्रियका पूर्वनिर्देशक बालकृष्ण बुर्लाकोटीको प्रमुख आतिथ्यता एवम् एलसिआइएफ एरिया लिडर राजन लम्सालको विशिष्ट आतिथ्यतामा शिलान्यास समारोह सम्पन्न भएको हो ।
नेपालमा १५ वटा लायन्सका डिस्ट्रिक क्रियाशील छन् । जसमध्ये आफ्नै प्रशासकीय भवनको शिलान्यास गर्ने डिस्ट्रिक ३२५ आर पहिलो हो । हाल यस डिस्ट्रिकमा १८७ वटा लायन्स क्लबका चार हजार ४१० जना लायन सदस्य आवद्ध छन् ।
भवन निर्माण समितिका संयोजक तथा पूर्वडिस्ट्रिक गर्भनर सिद्धार्थलाल चुकेले प्रशासकीय भवन करिब दुई करोड रुपैयाँको लागतमा १८ महिनाभित्र सम्पन्न गर्ने लक्ष्य राखिएको बताए । सो कार्यका लागि हालसम्म करिब ४५ लाख रुपैयाँ सङ्कलन भइसकेको र बाँकी रकम पनि चाँडै सङ्कलन हुने विश्वास व्यक्त गरे । प्रतिलायन सदस्य तीन हजार रुपैयाँका दरले सहयोग सङ्कलन गर्ने निर्णय गरिसकेको जानकारी गराउँदै लागत रकम उठाउने लक्ष्य पूरा गर्न कुनै समस्या नरहेको उनको भनाइ थियो ।
इन्जिनियर लायन उमेश ढकालका अनुसार भवनको पहिलो तला कार्यालय प्रयोजनको रुपमा रहनेछ भने दोस्रो तलामा दुईवटा हल रहनेगरी नक्सा तयार गरिएको छ । भवन एक कट्ठा (२० धुर) जग्गामा निर्माण हुनेछ, जसमा १० धुर जग्गा लायन सदस्यहरूले खरिद गरेका हुन् भने बाँकी १० धुर जग्गा लायन बालगोपाल चुके परिवारले प्रदान गरेको हो ।
संस्थागत सुदृढीकरणमा कोसेढुङ्गा साबित हुने अपेक्षा गरिएका उक्त भवन निर्माणमा आफूहरुको पनि सहभागिताका लागि प्रमुखअतिथि बुर्लाकोटी र विशिष्टअतिथि लम्सालले भवन निर्माणका लागि जनही ५५ हजार ५५५ रुपैयाँ प्रदान गरेका थिए ।
भवन शिलान्यास कार्यक्रममा पूर्वडिस्ट्रिक गर्भनरहरू, लायन तथा लियो सदस्यहरूको उल्लेखनीय सहभागिता रहेको थियो । कार्यक्रम डिस्ट्रिक गर्भनर लायन नवराज सापकोटाको सभापतित्वमा सम्पन्न भएको थियो ।
भरतपुर । नारायणी नदीकिनार नारायणगढमा जारी खेलकुद तथा बृहत् व्यापार महोत्सवमा रकहेड्स ब्यान्ड र सृजना खत्री हाउडे मायाले दर्शक झुमाएका छन् । शुक्रबार साँझ सम्पन्न सांस्कृतिक कार्यक्रममा रकहेड्स ब्यान्ड र सृजना खत्रीले प्रस्तुति दिएका थिए ।
यस्तै, युवा पुस्तामाझ निकै लोकप्रिय द रकहेड्स ब्यान्डको ‘भावना’, ‘हजार जन्म’, ‘सहारा’लगायतका चर्चित गीत गाउँदा दर्शक झुमेका थिए । यस्तै, ‘नौटङ्की माया’, ‘डबल माया’लगायतका चर्चित गीतहरु गाएर दर्शकहरुलाई मनोरञ्जन प्रदान गरेकी थिइन् । युवा पुस्तामाझ निकै लोकप्रिय द रकहेड्स ब्यान्ड आउने भएपछि दर्शकहरुको भीड लागेको थियो ।
लन्डन ब्रिजबाट भित्र प्रवेश गरेपछि दर्शकहरुले चितवनमा नै पहिलोपटक महोत्सव परिसरभित्रै दुबई सिटी, बुर्ज खलिफा, बुर्ज अल अरब, पेरिसको आइफिल टावरको अवलोकन गर्न पाउनेछन् । यसका लागि कुनै अतिरिक्त शुल्क नलाग्ने महोत्सव संयोजक विकल क्षेत्रीले बताए ।
महोत्सवमा भलिबल, कराँते, तेक्वान्दो, कबड्डी, ब्याडमिन्टन, सेपाकताक्रो, एथ्लेटिक्स, वुद्धिचाललगायतका खेलहरु खेलाइने छ ।
कालिका । थारछेन न्यूङने ल्हखाङ्ग गुम्बाको २१औँ साधारण सभा गुम्बाका अध्यक्ष धनबहादुर तामाङको अध्यक्षतामा सम्पन्न भएको छ । कार्यक्रममा वुद्धज्योति अनिपा संघका दिदीबहिनीहरू, धर्मप्रेमी, शान्तिप्रेमी तथा भक्तजनहरूको उल्लेखनीय उपस्थिति रहेको थियो । कार्यक्रममा गुम्बाका प्रमुख ढवाङ्ग लामा पेमा गुरुसहित अन्य लामाहरुको उपस्थिति रहेको थियो ।
सभामा प्रमुखअतिथि सन्तवीर स्याङदान रहेका थिए भने विशिष्टअतिथिमा लामा पेमा गुरु, नेपाल तामाङ घेदुङ कालिका नगर कार्यसमितिका अध्यक्ष पवित्रा लामा र जग्गादाता मिश्रीमाया लामा उपस्थित थिए ।
यस्तै, अतिथिहरूमा अर्जुन पाख्रिन, सुशीला मोक्तान, लालबहादुर ख्युल, निवर्तमान अध्यक्ष घन लामा, लाक्पा स्याङ्बो, दामछिक लामा, मर्मिन लामा, माणिक लामा, अरमित लामा, रुपेन्द्र स्याङ्दान, पत्रकार तिलक थापामगर, गडुवा खानेपानी संस्थाका अध्यक्ष रवि स्याङ्तानलगायतको उपस्थिति रहेको थियो ।
कार्यक्रममा वड़ाध्यक्ष स्याङ्दानले गुम्बालाई सहयोग गर्ने प्रतिबद्धता जनाउँदै गुम्बाको विकास, संरक्षण र धार्मिक गतिविधिहरूको प्रवद्र्धनका लागि सक्दो सहयोग गर्ने आश्वासन दिएका छन् ।
संस्थाका सचिव लेखनसिं स्याङ्तानले आयव्यय प्रस्तुत गरेका थिए भने जग्गादाता मिश्रीमाया लामालगायत २० हजार रुपैयाँभन्दा माथि सहयोग गर्नेहरुलाई दाताहरुलाई दोसल्ला ओढाएर सम्मान गरिएको थियो ।
संस्थाका महासचिव कमला तामाङले स्वागत मन्तव्य राखेका थिए भने कार्यक्रम सञ्चालन निवर्तमान सचिव रुपन स्याङ्तानले गरेका थिए । गुम्बाको धार्मिक, सांस्कृतिक तथा सामुदायिक एकता सुदृढ पार्न सहयोग पुर्याउने विश्वास आयोजकले व्यक्त गरेका थिए ।
रत्ननगर । रत्ननगर नगरपालिका वडा नं–५, मगर टोलस्थित भित्री सडकखण्डमा जङ्गल सफारी गाडी आफैँ अनियन्त्रित भई दुर्घटना हुँदा ११ जना घाइते भएका छन् । पर्यटकलाई जङ्गल सफारीका लागि जाँदै गरेको ना४च ९५७७ नम्बरको सफारी गाडी दुर्घटनामा परेको हो ।
दुर्घटनामा भरतपुर–११ बस्ने १८ वर्षीय प्रशान्त अधिकारी, ४० वर्षीया मान्ता अधिकारी, १८ वर्षीय सुमित बराल, १९ वर्षीय प्रवेश अधिकारी, काठमाडौँ–१० बस्ने ३५ वर्षीय महेन्द्र थिङ, ३२ वर्षीया रेनु गुरूङ, खैरहनी–१३ बस्ने ३० वर्षीय उज्ज्वल कार्की, इजरायल नागरिक २३ वर्षीया स्पीग्लर रोमी, २२ वर्षीया अख्यन्जी रक्हेल गार्डेन, २४ वर्षीय एलोन टमोर र २२ वर्षीया वेन ओचान गेया घाइते भएका हुन् ।
घाइतेहरुको नयाँ मेडिकल कलेज (सिएमसी) भरतपुरमा उपचारपश्चात् डिस्चार्च भएका छन् । सफारी गाडीसहित चालक रत्ननगर–७ बस्ने २३ वर्षीय दीपक पौडेल प्रहरी चौकी बछौलीको नियन्त्रणमा रहेको प्रहरीले जनाएको छ ।
भरतपुर । कारागार कार्यालय भरतपुरबाट भागेका वन्यजन्तु अपराधका १६ जना कैदीबन्दी हालसम्म फर्किएका छैनन् । तीमध्ये १२ जना दुर्लभ एकसिङ्गे गैँडा चोरीशिकारका मुख्य अभियुक्त हुन् । वन्यजन्तु अपराधका कैदीबन्दी कारागार नफर्किंदा गैँडासहित अन्य वन्यजन्तु संरक्षणमा चुनौती थपिएको छ ।
दुर्लभ एकसिङ्गे गैँडा मारी खाग बिक्री गर्ने व्यवसायका मुख्य अभियुक्तसमेत बाहिर रहँदा चितवन राष्ट्रिय निकुञ्ज प्रशासनले उच्च सतर्कता अपनाएको छ । निकुञ्जका प्रमुख संरक्षण अधिकृत डा गणेश पन्तले फरार भएकामध्ये केही कुख्यात तस्करका रूपमा कारागारमा राखिएको जानकारी दिए । उनका अनुसार ठूलो कान्छा एवं सागर प्रजा भनिने विन्दरसिंह प्रजा, रमेश खाती, आइतसिंह मोक्तान कुख्यात तस्करीमा लागेकाहरू नफर्किंदा संरक्षणमा चुनौती थपिएको हो ।
निकुञ्ज प्रशासन र सुरक्षा निकायले विसं २०७८ मा नियन्त्रणमा लिएका प्रजा कालिका नगरपालिका–११ का हुन् । त्यस्तै खाती हेटौँडा नगरपालिका–३ मकवानपुरका र मोक्तान राप्ती नगरपालिका–११ का हुन् । उनीहरूमध्ये प्रजा विसं २०७८ मा र मोक्तान र खाती विसं २०८० मा पक्राउ परेका संरक्षण अधिकृत डा पन्तले जनाउँदै तीनै जना अधिकतम सजाय १५ वर्ष कैदका लागि कारागार परेका उल्लेख गरे ।
अन्य फरार रहेकाहरू समेतबाट निकुञ्ज सुरक्षामा चुनौती थपिएको प्रशासनले जनाएको छ । सोहीअनुरुप निजहरूलाई पक्राउ गर्नका लागि सूचना सङ्कलन र सहजीकरणमा निकुञ्ज प्रशासन जुटेको छ भने सुरक्षा निकाय लागिरहेको डा पन्तले बताए ।
दुर्लभ एकसिङ्गे गैँडासहित वन्यजन्तु चोरीशिकारका मुख्य आरोपितहरूको सञ्जाल ठूलो हुने र फरार भएमा पक्राउ गर्न सास्ती हुने गर्दछ । राष्ट्रिय निकुञ्ज तथा वन्यजन्तु संरक्षण विभागका प्रवक्ता वेदकुमार ढकालले वन्यजन्तु अपराधका फरार कैदीबन्दी खोजीका लागि सम्बन्धित निकुञ्जले आवश्यक सहजीकरण गरिरहेका जनाउँदै सुरक्षा निकायको समन्वयमा निरन्तर खोजी भइरहेको बताए ।
यसैबीच, विभागको आन्तरिक रूपमा रहेको वन्यजन्तु अपराध नियन्त्रण सचिवालयको बैठक बिहीबार बस्दैछ । यससँगै केन्द्रीय वन्यजन्तु अपराध नियन्त्रण ब्यूरोको बैठक बस्ने तयारी गरिएको छ । विभागका महानिर्देशक संयोजक रहने उक्त ब्यूरोमा गृहसहित विभिन्न निकायका सहसचिवस्तरका अधिकारीहरू सदस्य रहने व्यवस्था छ ।
ढकालले राष्ट्रिय रूपमा वन्यजन्तु संरक्षणमा चुनौती थपिएको भन्दै सबै निकुञ्जलाई पत्राचार गरी वन्यजन्तु अपराधमा केकति कैदीबन्दी फर्किएका छैनन् तथ्याङ्क सङ्कलन गरेर पठाउन भनिएको जानकारी दिए ।
कारागार कार्यालय भरतपुरका प्रमुख रवीन्द्रप्रसाद ढुङ्गानाका अनुसार यहाँबाट भागेका ७४३ मध्ये अझै १३५ कैदीबन्दी फर्किएका छैनन् । तीमध्ये ११ जना भारतीय नागरिक रहेका जनाउँदै उनले वन्यजन्तु तस्करीमा ५३ जना कैदीबन्दी रहेका बताए । उनीहरूमध्ये ४६ जना दुर्लभ एकसिङ्गे गैँडाका आरोपी हुन् भने सात जना अन्य वन्यजन्तुसम्बन्धी अपराधका हुन् ।
रत्ननगर । रत्ननगर नगरपालिका स्वास्थ्य शाखाको आयोजनामा समग्र स्वास्थ्य कार्यक्रमको वार्षिक समीक्षा तथा प्रगति विवरणबारे बुधबार छलफल तथा अन्तर्क्रिया कार्यक्रम सम्पन्न भएको छ ।
कार्यक्रममा १६ वटै वडाका आधारभूत स्वास्थ्यकेन्द्र प्रमुख तथा स्वास्थ्यचौकी प्रमुखहरुले आआफ्नो वडामा आर्थिक वर्ष २०८१०८२ मा भए(गरेका स्वास्थ्यसम्बन्धी अद्यावधिक विवरण प्रस्तुत गरेका थिए ।
सो अवसरमा सामाजिक विकास समितिका संयोजक सोहेन्द्रराज खरेलले स्वास्थ्यसम्बन्धी प्रगति विवरण समयमै अद्यावधिक गर्न र नगरवासीलाई उत्कृष्ट सेवा प्रवाह गर्न स्वास्थ्यकर्मीहरुलाई सुझाव दिए । उनले स्वास्थ्यकर्मी साथीहरुको लगाव, क्षमता र अनुभवका कारण स्वास्थ्य क्षेत्रमा रत्ननगरको नतिजा राम्रो रहेको र आगामी दिनमा पनि आपसी सहयोग र राय लिई स्वास्थ्य सेवाका सूचकहरुको अद्यावधिक गर्न अनुरोध गरे ।
स्वास्थ्य शाखा प्रमुख एवम् जनस्वास्थ्य अधिकृत माधवप्रसाद पौडेलले स्वास्थ्यकर्मीहरुले प्रस्तुत गरेको प्रगति विवरणबारे समीक्षा गर्दै कमिकमजोरी सुधार गरी अगाडि बढ्न सबै स्वास्थ्यकर्मीहरुमा आग्रह गरे ।
सो अवसरमा जनस्वास्थ्य कार्यालय चितवनका प्रमुख निर्मल घिमिरेले स्वास्थ्यकर्मीहरुलाई आपसी सहयोग र समन्वय गरी रजिस्टरमा विवरण अद्यावधिक गर्न सुझाव दिए । उनले स्वास्थ्यकर्मीहरुले प्रस्तुत गरेको प्रगति विवरणमाथि समीक्षा गर्दै आवश्यकीय सहजीकरण गरेका थिए ।
कार्यक्रममा प्रमुख प्रशासकीय अधिकृत प्रकाश खनाल, स्वास्थ्य शाखाका सहसंयोजक वासुदेव सापकोटा, नर्सिङ इन्चार्ज अम्बिका पौडेल, स्वास्थ्य निरीक्षक दीपेन्द्र विक, बकुलहर रत्ननगर अस्पतालका सिअहेव अधिकृत नारायणप्रसाद ढुङ्गाना, बछौली स्वास्थ्यचौकी इन्चार्ज केशवबाबु पौडेल, पिठुवा स्वास्थ्यचौकी इन्चार्ज नरहरि श्याम शर्मा, पञ्चकन्या स्वास्थ्यचौकी इन्चार्ज नवराज पौडेल, आधारभूत स्वास्थ्यकेन्द्रका प्रमुखहरु लगायतको सहभागिता रहेको थियो ।
भरतपुर । नारायणी नदीकिनारमा जारी प्रथम खेलकुद तथा बृहत् व्यापार महोत्सवको मुख्य प्रवेशद्वारमा लन्डन ब्रिज निर्माण गरिएको छ । लन्डन ब्रिजको झल्को दिनेगरी प्रवेशद्वार नै लन्डन ब्रिजको प्रतिमा निर्माण गरिएको हो । यही लन्डन ब्रिज हुँदै दर्शकहरु महोत्सव परिसरभित्र प्रवेश गर्छन् । फरकपन दिनका लागि निर्माण गरिएको लन्डन ब्रिजले सुरूवाती दुई दिनमा नै दर्शकहरुलाई आकर्षित गरेको छ ।
महोत्सव अवलोकनका लागि जोकोही दर्शक लन्डन ब्रिजमा एकछिन अडिन्छन् । युवा पुस्ता हुन् वा वृद्धावृद्धा, कोही फोटो खिन्छन्, कोही सेल्फी लिन्छन् त कोही टिकटक भिडियो बनाउँछन् । दर्शकहरु लन्डन ब्रिजको प्रतिमामा रमाएका छन् । आयोजक चितवन जिल्ला खेलकुद विकास समितिका अध्यक्ष राजन कार्की लन्डन ब्रिजप्रति दर्शकहरुको आकर्षण देखिएको बताउँछन् । आगामी दिनमा यसले दर्शकहरुलाई थप आकर्षित गर्ने विश्वास आयोजकले लिएको छ ।
दर्शकहरुले लन्डन ब्रिज चढेर महोत्सव परिसरभित्रै दुबई सिटी, बुर्ज खलिफा, बुर्ज अल अरब, पेरिसको आइफिल टावरको अवलोकन गर्न पाउनेछन् । दुबई सिटी, बुर्ज खलिफा, बुर्ज अल अरब, पेरिसको आइफिल टावरको प्रतिमा भने निर्माणको क्रममा रहेको छ । तीन दिन लगातार वर्षा हुँदा काम प्रभावित भएको महोत्सव सहसंयोजक पाल्देन लामाले जानकारी दिए । यसका लागि कुनै अतिरिक्त शुल्क लाग्नेछैन । दर्शकहरुले महोत्सव परिसर प्रवेशका लागि काट्ने टिकटबाट नै लन्डन ब्रिजको प्रतिमा हुँदै दुबई सिटी, बुर्ज खलिफा, बुर्ज अल अरब, पेरिसको आइफिल टावर हेर्न पाउनेछन् ।
यसैबीच, महोत्सवमा बुधबार बिच भलिवल आयोजना भएको छ । महिला र पुरुष दुबैतर्फको खेल भएको थियो । मङ्सिर २ गतेसम्म चल्ने महोत्सवमा भलिवलसँगै कराँते, तेक्वान्दो, कबड्डी, ब्याडमिन्टन, सेपाकताक्रो, एथ्लेटिक्स, वुद्धिचाललगायतका खेलहरु पनि हुनेछन् ।
भरतपुर । भरतपुर महानगरपालिका वडा नं–१, रामनगरस्थित प्रदेश ट्राफिक कार्यालयअगाडि स्कुटरले पैदलयात्रीलाई ठक्कर दिँदा दुई जना घाइते भएका छन् ।
ठिमुराबाट आँपटारीतर्फ जाँदै गरेको ना ६४ प ५३९६ नम्बरको स्कुटरको ठक्करबाट पैदलयात्री भरतपुर–१ बस्ने ६० वर्षीया ईश्वरी श्रेष्ठ र स्कुटर चालक भरतपुर–२, क्षेत्रपुर बस्ने २१ वर्षीय विवेक परियार घाइते भएका हुन् ।
दुवै घाइतेको एलाइभ हस्पिटल भरतपुरमा उपचार भइरहेको र स्कुटर नियन्त्रणमा रहेको इलाका प्रहरी कार्यालय, रामनगरले जनाएको छ ।
रत्ननगर । रत्ननगर नगरपालिका स्वास्थ्य शाखाको आयोजनामा नगरपालिकाअन्तर्गत स्वास्थ्य संस्थाहरुको आर्थिक वर्ष २०८१/०८२ को क्षयरोग कार्यक्रमको कोहर्ट विश्लेषण तथा वार्षिक समीक्षा गरिएको छ । कार्यक्रममा पालिकामा भएका क्षयरोग नियन्त्रणका कार्य, उपलब्धि, चुनौती र आगामी योजनासम्बन्धी विषयमा विस्तृत छलफल गरिएको थियो ।
कार्यक्रममा रत्ननगर नगरपालिकाका स्वास्थ्य शाखा प्रमुख माधवप्रसाद पौडेलले क्षयरोग नियन्त्रणका कार्यक्रमहरूको औचित्यमाथि प्रकाश पार्दै सुमदायमा जनचेतना र उपचार पहुँच दुवै बढाउनुपर्नेमा जोड दिए । उनले भने, ‘क्षयरोग नियन्त्रण अब केवल स्वास्थ्यकर्मीको जिम्मेवारी होइन, समुदायको सहभागिता पनि आवश्यक छ ।’
उनले राष्ट्रिय रणनीतिक योजनाको मुख्य लक्ष्य क्षयरोगमुक्त नेपालको परिकल्पना गर्नु रहेको जानकारी दिँदै यसअन्तर्गत सन् २०३५ सम्ममा क्षयरोग महामारीको अन्त्य गर्ने र सन् २०५० सम्ममा यसलाई पूर्णरूपमा उन्मूलन गर्ने लक्ष्य राखिएको बताए ।
यस्तै, जनस्वास्थ्य कार्यालय चितवनका क्षयकुष्ट अधिकृत जयराम दुवाडीले सबैको साथ र सहयोगबाट क्षयरोगमुक्त अभियानलाई सार्थक बनाउन सकिने भएकाले क्षयरोगमुक्त अभियानमा गरिएका प्रतिबद्धताहरु कार्यान्वयन गर्नुपर्नेमा जोड दिए । उनले आर्थिक वर्ष २०८१/०८२ को वार्षिक समीक्षा गर्दै चितवनमा क्षयरोग नियन्त्रणको प्रगति र चुनौतीहरूबारे जानकारी गराएका थिए ।
उनका अनुसार, गत आर्थिक वर्षमा नयाँ बिरामीको पहिचान दरमा सुधार आएको छ भने उपचार सफलता दर पनि सन्तोषजनक रहेको छ । तर, पुनःसङ्क्रमणका केसहरू र औषधि उपचारका क्रममा अधुरो छोड्ने समस्या अझै चुनौतीका रुपमा रहेको बताए ।
रत्ननगर–३ का वडाध्यक्ष एवम् सामाजिक विकास समितिका संयोजक सोहेन्द्रराज खरेलको अध्यक्षतामा सम्पन्न कार्यक्रममा रत्ननगर नगरपालिकाका प्रमुख प्रशासकीय अधिकृत प्रकाश खनालले नेपाल सरकारले सन् २०३० भित्र क्षयरोग उन्मूलन गर्ने लक्ष्य लिएको जनाउँदै उक्त लक्ष्य हासिल गर्न नियमित कोहर्ट विश्लेषण र वार्षिक समीक्षा कार्यक्रम प्रभावकारी हुने बताए । उनले रत्ननगरका १६वटै स्वास्थ्य संस्थाको क्षयरोगको विवरण समयमै अद्यावधिक गराउनसमेत सचेत गराएका थिए ।
कार्यक्रममा क्षयरोग अभियानमा प्राविधिक सहयोग गर्दै आएको संस्था ‘जन्त्र’का संयोजक सन्दीप रावलले क्षयरोगको औषधि बिरामीको संख्याका आधारमा आउने भएकाले यकिन विवरण समयमै अद्यावधिक गर्न, छुटेका बिरामीको बारेमा तत्काल फलोअप गर्न र सबै सरकारी तथा निजी स्वास्थ्य संस्थासँग समन्वय गरी काम गर्न सुझाव दिए ।
कार्यक्रममा बकुलहर रत्ननगर अस्पतालका मेसु डा. मदन ज्ञवाली, सो अस्पतालका क्षयरोग फोकल पर्सन नारायण ढुङ्गाना, स्वास्थ्य शाखाका नर्सिङ अधिकृत अम्बिका पौडेल, जनस्वास्थ्य निरीक्षक दीपेन्द्र विक, १६ वटै वडाका स्वास्थ्य संस्थाका इन्चार्जलगायतको सहभागिता रहेको थियो ।
रत्ननगर । रत्ननगर नगरपालिकाको सोमबार भएको नगरसभाको विशेष अधिवेशनले जेनजी आन्दोलनका क्रममा भदौ २३ र २४ गते भएको तोडफोड र आगजनीका कारण क्षति भएका नगरका दुई प्रशासनिक भवन र १६ वटै वडा कार्यालयको पुनर्निर्माण तथा व्यवस्थापन कोष स्थापना गर्ने निर्णय सर्वसम्मत पारित गरेको छ ।
विशेष नगरसभाले १७औँ नगरसभाबाट विनियोजित योजना तथा कार्यक्रमहरुको वडागत, शाखागत र विषयगत समितिको चालू बजेट शीर्षकान्तर तथा रकमान्तर गरी पुनर्निर्माण तथा व्यवस्थापन गर्ने निर्णय सर्वसम्मत पारित गरेको हो ।
नगर उपप्रमुख यादवप्रसाद पाठकले हालको विषम परिस्थितिमा नगरका भवनहरु पुनर्निर्माणका साथै विकास निर्माणका कार्यहरुलाई द्रुतगतिमा अघि बढाउन ५ करोड ५७ लाख ६० हजार रूपैयाँ शीर्षकान्तर तथा रकमान्तर गर्न र केही शाखाको अतिआवश्यकीय योजना तथा कार्यक्रमहरुका लागि ५५ लाख २० हजार रूपैयाँ बजेट थप गर्न पेस गरेको प्रस्ताव सर्वसम्मतले पारित भएको छ ।
जेनजी आन्दोलनका कारण आगलागी र तोडफोडका कारण करिब २३ करोड रूपैयाँबराबरको क्षति पुगेको उनले जानकारी दिए । जसका कारण नगर तथा वडा कार्यालयबाट प्रदान गरिने सेवा प्रवाह, विकासका आकस्मिक कार्यलाई सहजरुपमा अघि बढाउन भवनहरु निर्माण तथा मर्मत, फर्निचर, मेसिनरी औजारलगायत खरिद गर्न चालू पुँजीबाट खर्च हुने गरी पुनर्निर्माण कोष स्थापना गर्न लागिएको उनले जानकारी दिए ।
उनका अनुसार शीर्षकान्तर गरिएको रकम क्षति भएका शाखा कार्यालयहरुको पुनर्स्थापना र जनही १० लाख रूपैयाँका दरले १६ वटै वडाको पुनर्निर्माणलगायतमा खर्च गरिने छ ।
नगरसभामा पूर्वाधार विकास समितिका संयोजक अनन्त अधिकारीले नगरपालिका, बागमती प्रदेश सरकार र संघीय सरकारको १६ करोड रूपैयाँको लागत साझेदारीमा निर्माणाधीन नगर गौरवको आयोजना रत्ननगर हरियाली पार्कको पहिलो चरणको निर्माण कार्य सम्पन्न भई खगेरी सिंचाइ आयोजनासँग जग्गा प्राप्तिको प्रक्रियामा रहेको जानकारी दिँदै दोस्रो चरणको ठेक्का प्रक्रिया सञ्चालन गर्ने प्रस्ताव पनि विशेष नगरसभाले पारित गरेको छ ।
सभाध्यक्ष नगरप्रमुख प्रलाद सापकोटाले विगत तीन वर्षको अविधिमा दर्बिलो साथ र सहयोग गर्ने नगरवासी, कर्मचारी तथा जनप्रतिनिधिप्रति आभार प्रकट गर्दै नगरलाई नमुना बनाउने सपना अझै जीवितै रहेको बताए । उनले स्वास्थ्य र शिक्षालाई प्राथमिकतामा राखेर आफूहरुले काम गर्दै आएको भन्दै यस अवधिमा आधारभूत शिक्षा निःशुल्क गरिएको र २०८३ मा कक्षा १२ सम्म निःशुल्क गर्ने योजना रहेको बताए ।
नगरप्रमुख सापकोटाले कुनै पनि नगरवासी स्वास्थ्यसेवाबाट विमुख हुन नपरोस् भनेर बकुलहर रत्ननगर अस्पताल र भरतपुर अस्पतालमा विपन्न उपचार कोष स्थापना गरिएको स्मरण गर्दै नगरवासीमात्रै नभई कार्यविधिअनुरुप पूर्वी चितवनका अन्य तीन पालिकाका जुनसुकै विपन्नको हकमा पनि एक हजार रूपैयाँदेखि २५ हजार रूपैयाँसम्म उपचार सेवा लिन सकिने गरी कोष स्थापना गरिएको बताए ।
आफू सुशासन प्रवद्र्धनमा निरन्तर लागिपरेको र नगरलाई भार पर्ने गरी कुनै पनि सेवासुविधा र सवारीसाधन प्रयोग नगरेको बताउँदै उनले नगरवासीको हितमा काम गर्दागर्दै पनि आएका आलोचना पुष्टि गर्नसमेत चुनौती दिए ।
नगरसभामा प्रमुख प्रशासकीय अधिकृत प्रकाश खनालले धन्यवाद मन्तव्य ज्ञापन गरेका थिए । सभामा जनप्रतिनिधिहरु, विषयगत शाखा प्रमुखहरु, वडा सचिवहरु तथा कर्मचारीहरुको सहभागिता रहेको थियो ।
चितवन । आयातित महलाई प्रमुख स्थान दिइ गरिएको निर्णय पुनर्विचार गर्न सोमबार चितवनका मौरीपालक किसानहरूले प्रमुख जिल्ला अधिकारी गणेश अर्यालमार्फत प्रधानमन्त्रीलाई ज्ञापनपत्र बुझाएका छन् ।
गत असोज २७ गते कृषि तथा पशुपन्छी मन्त्री डा मदनप्रसाद परियारको उपस्थिति र नेपाल मौरीपालक महासङ्घको समन्वयमा १० मेट्रिक टन तोरीको मह किन्ने र दोस्रो त्रैमासिक कोटा स्वरूप डाबर नेपालका लागि एक सय २५ मेट्रिक टन र पतञ्जली आयुर्वेदका लागि ४० मेट्रिक टन मह आयात अनुमति दिने निर्णय भएको थियो ।
उक्त निर्णयले देशभरका मौरीपालक किसानहरूको व्यवसायमा नकारात्मक असर पर्ने र निर्णय प्रक्रियामा केही सदस्यहरूको मात्र सहभागिता रहेको भन्दै किसानहरूले विरोध जनाएका हुन् ।
सो अवसरमा नेपाल मौरीपालक महासङ्घका निवर्तमान अध्यक्ष शिव पौडेलले महको उत्पादन र खपतको मुख्य समय असोजदेखि चैत्रसम्म हुने भएकाले सो अवधिमा विदेशी मह आयात गर्न दिने निर्णय नेपाली किसानको हितमा नभएको बताए । उनले सरकारलाई आयात प्रतिस्थापनका कार्यक्रम ल्याउने क्रममा घरेलु मह उत्पादनको बजारीकरणलाई नीतिगत रूपमा सहजीकरण गर्न आग्रह गरे । सरकारले सहयोग नगरे विदेशी बहुर्राष्ट्रिय कम्पनी र ठूला व्यवसायी–बिचौलियाले नेपाली मौरीपालक किसानलाई विस्थापित गर्ने खतरा रहेको उनको भनाइ थियो ।
नेपालमा वार्षिकरूपमा करिब एक हजार ५०० मेट्रिक टन तोरीको मह, दुई हजार मेट्रिक टन चिउरीको मह र अन्य पाँच सय मेट्रिक टन मह उत्पादन हुन्छ । विसं २०५१ देखि व्यावसायिक रूपमा मौरीपालन सुरु भएको नेपालमा हाल मेलिफेरा जातका करिब एक लाख ३० हजार र सेरेना जातका करिब एक लाख ७० हजार बढी मौरीका घार छन् । यसबाट मेलिफेराबाट वार्षिक करिब चार हजार मेट्रिक टन र सेरेनाबाट करिब एक हजार मेट्रिक टन मह उत्पादन हुने अनुमान छ ।
नेपालमा मेलिफेरा मौरीपालनमा करिब १२ हजार किसान र सेरेना मौरीपालनमा हजारौँ किसान व्यावसायिक रूपमा संलग्न छन् ।
रत्ननगर । इलाका प्रहरी कार्यालय रत्ननगर टाँडीको कार्यालय भवन सहयोग जुटाएर पुनर्निर्माण गरिएको छ । जेनजी आन्दोलनकारीको आगजनी र तोडफोडबाट पूर्णरुपमा क्षति भएको प्रहरी कार्यालय भवन पुनर्निर्माण गरिएको हो । रत्ननगर उद्योग वाणिज्य संघको अगुवाइमा करिब दुई महिनाको अवधिमा प्रहरी कार्यालय भवन मर्मत गरिएको हो ।
सोमबार अन्तक्र्रिया कार्यक्रमको आयोजना गरी संघले पुनर्निर्माण गरेको भवन इलाका प्रहरी कार्यालयलाई हस्तान्तरण गरेको छ । संघका वरिष्ठ उपाध्यक्ष निराजन खनाल संयोजक रहेको पुनर्निर्माण समितिले यहाँका उद्योगी व्यवसायी तथा सहयोग गर्न चाहनेहरुबाट निर्माण सामग्री जुटाएर प्रहरी कार्यालय भवन पुनर्निर्माण गरेको हो ।
इलाका प्रहरी कार्यालय भवन ध्वस्त भएपछि बछौली प्रहरी चौकीबाट सेवा प्रदान गरिँदै आएकोमा पुनर्निर्माण भएपछि सोमबारदेखि साबिककै भवनबाट सेवा सुरू गरिएको डिएसपी सुवास भट्टले जानकारी दिए । कार्यालय भवन पुनर्निर्माण गरिएको भए पनि कार्यालयलाई आवश्यक पर्ने फर्निचर, उपकरण, आवासका लागि चाहिने सामग्रीहरुको व्यवस्थापनको काम भने बाँकी नै रहेको उनको भनाइ छ ।
संघका अध्यक्ष शंकर गिरीको अध्यक्षतामा भएको कार्यक्रममा संघका कार्यसमितिका सदस्य रवि तिमिल्सिनाले प्रहरी कार्यालय भवन पुनर्निर्माणका लागि सहयोग गर्ने दाताहरुको नाम सार्वजनिक गरेका थिए ।
रत्ननगरका मेयर प्रलाद सापकोटा, प्रमुख जिल्ला अधिकारी गणेश अर्याल, जिल्ला प्रहरी कार्यालय प्रमुख एसपी गोविन्द पुरी, नेपाल उद्योग वाणिज्य महासंघका सदस्य अनिलकृष्ण श्रेष्ठसहितको उपस्थितिमा शान्ति सुरक्षासम्बन्धी अन्तक्र्रिया तथा भवन हस्तान्तरण कार्यक्रम गरिएको संघका अध्यक्ष गिरीले बताए । ‘शान्ति सुरक्षा कायम गर्न र समस्या पर्दा चाहिने पहिला प्रहरी हो’, उनले भने, ‘प्रहरीको भवन पुनर्निर्माण गर्ने दायित्व हामी सबैको थियो, हामीले दायित्व पूरा गर्ने अवसर पायौँ ।’
रत्ननगरका मेयर सापकोटाले नगर र नगरवासीको हितमा काम गर्दागर्दै पनि राष्ट्रिय राजनीतिलाई जोडेर स्थानीय सरकारमाथि आक्रमण गर्नु निन्दनीय रहेको बताए ।
प्रमुख जिल्ला अधिकारी अर्यालले जेनजी आन्दोलन मानवबाट सिर्जित विपत्ति रहेको भन्दै आत्मबल बलियो बनाएर उद्योग व्यवसाय सञ्चालन गर्नुपर्ने बताए । व्यावसायिक वातावरण तयार गर्न जिल्ला प्रशासन कार्यालय रहेको भन्दै उनले शान्ति सुरक्षा कायम गर्ने विषयमा राज्यको तर्फबाट कुनै कमी नहुने बताए ।
जिल्ला प्रहरी प्रमुख एसपी पुरीले सरकारी सम्पत्ति ध्वस्त गर्ने व्यक्तिहरुको प्रमाण सुरक्षित रहेको भन्दै अनुसन्धन गरी त्यस्ता व्यक्तिहरुलाई कानुनी दायरामा ल्याउने बताए ।
नेपाल उद्योग वाणिज्य महासंघका सदस्य श्रेष्ठले जेनजी आन्दोलनका कारण नेपालको औद्योगिक क्षेत्र धराशायी बन्ने खतरा बढेको बताए । परिवर्तनका नाममा भएको आन्दोलनले देशमा थप लगानी गर्ने वातावरण नरहेको भन्दै यसतर्फ राज्य जिम्मेवार बन्नुपर्नेमा उनले जोड दिए । संघका वरिष्ठ उपाध्यक्ष खनालले कार्यक्रम सञ्चालन गरेका थिए ।
भरतपुर । नारायणी नदीकिनारमा मङ्गलबारदेखि सुरू हुने खेलकुद तथा बृहत् व्यापार महोत्सवको तयारी पूरा भएको छ । आयोजक चितवन जिल्ला खेलकुद विकास समितिले तयारी पूरा भएको जनाएको छ ।
मङ्सिर २ गतेसम्म चल्ने महोत्सवको बागमती प्रदेशका मुख्यमन्त्री इन्द्रबहादुर बानियाँले बिहान ११ः०० बजे उद्घाटन गर्ने कार्यक्रम छ । त्यसअघि बिहान ९ः०० बजे झाँकीसहितको शोभा यात्रा निकालिने छ । महोत्सव परिसरबाट सुरू हुने शोभायात्रा लीलाचोक, पोखरा बसपार्क, क्षेत्रपुर, लायन्सचोक, शहीदचोक, पुलचोक हुँदै पुनः महोत्सव परिसरमा पुगेर समापन हुनेछ । महोत्सवमा निकालिने झाँकीमध्ये उत्कृष्ट तीन संस्थालाई क्रमशः ३० हजार, २० हजार र १० हजार रुपैयाँ पुरस्कार दिइने छ ।
यस्तै, उद्घाटनको अवसरमा विभिन्न खेलको डेमोन्स्ट्रेसन प्रस्तुत गरिने चितवन जिल्ला खेलकुद विकास समितिका अध्यक्ष राजन कार्कीले जानकारी दिए । कार्कीका अनुसार उद्घाटनमा कराँते, तेक्वान्दोलगायतका खेलाडी र प्रशिशकहरुले डेमो प्रस्तुत गर्नेछन् ।
महोत्सव परिसरमा व्यापारिक, कृषि, नेपाली उत्पादन, खाजा लगायतका लागि तीन सयभन्दा बढी स्टल निर्माण गरिएको छ । तीन दिनको लगातारको वर्षाले केही असर गरे पनि दुई सिफ्टमा गरेर काम गरिएको महोत्सव संयोजक विकल क्षेत्रीले बताए । महोत्सव परिसरभित्र प्रवेशका लागि लन्डन ब्रिज निर्माण गरिएको छ । दर्शकहरुले मुख्य प्रवेशद्धारमा टिकट लिएपछि लन्डन ब्रिज चढेरभित्र प्रवेश गर्नेछन् ।
लन्डन ब्रिजबाट भित्र प्रवेश गरेपछि दर्शकहरुले चितवनमा नै पहिलोपटक महोत्सव परिसरभित्रै दुबई सिटी, बुर्ज खलिफा, बुर्ज अल अरब, पेरिसको आइफिल टावरको अवलोकन गर्न पाउनेछन् । यसका लागि कुनै अतिरिक्त शुल्क नलाग्ने उनले बताए ।
महोत्सवमा बिच भलिबल, कराँते, तेक्वान्दो, कबड्डी, ब्याडमिन्टन, सेपाकताक्रो, एथ्लेटिक्स, वुद्धिचाललगायतका खेलहरु खेलाइने छ । यस्तै, नेपाली खेलकुदमा योगदान पु¥याएका विभिन्न विधाका राष्ट्रिय तथा अन्तर्राष्ट्रिय खेलाडीहरुलाई महोत्सवकै दौरान सम्मान गरिने आयोजकले जनाएको छ । महोत्सवका लागि एक सय रुपैयाँको टिकटको व्यवस्था गरिएको छ । विद्यार्थीलाई ७० रुपैयाँ र अपाङ्गता भएका तथा ज्येष्ठ नागरिकका लागि निःशुल्क प्रवेशको व्यवस्था गरिएको छ ।
भरतपुर । बहुप्रतीक्षित दोस्रो संस्करणको नेपाल प्रिमियर लिग (एनपिएल)को एजुकेसनल कन्सल्टेन्सी पार्टनरमा नेपालको अग्रणी शैक्षिक परामर्शदाता एक्सपर्ट एजुकेसन एन्ड भिसा सर्भिसेजले सहकार्य गरेको छ ।
नेपाल क्रिकेट संघ (क्यान) र एक्सपर्ट एजुकेसनबीच एनपिएलको आधिकारिक एजुकेसनल कन्सल्टेन्सी पार्टनर बन्ने सम्झौता पत्रमा हस्ताक्षर भएको हो । एक्सपर्टले प्रेस विज्ञप्तिमार्फत प्रायोजन सम्झौताबारे जानकारी गराएको हो ।
एक्सपर्ट एजुकेसनले अस्ट्रेलिया, बेलायत, क्यानडा, अमेरिका र न्युजिल्यान्डलगायत देशमा अध्ययन गर्न चाहने विद्यार्थीहरुलाई परामर्श दिँदै आइरहेको छ भने विश्वभरका २५ देशमा रहेका आफ्ना करिव ९० शाखामार्फत सेवा पु¥याउँदै आइरहेको छ ।
एक्सपर्ट एजुकेसन लामो समयदेखि विभिन्न तहका क्रिकेट प्रतियोगिताहरुमा संलग्न रहँदै आएको छ । यसअघि एक्सपर्टले कलेज प्रिमियर लिग, स्कुल प्रिमियर लिग, प्रधानमन्त्री कप, एभरेस्ट प्रिमियर लिग र जुनियर राष्ट्रिय खेलकुद च्याम्पियनसिपजस्ता प्रमुख प्रतियोगिताहरुलाई प्रायोजन गरिसकेको छ । अन्तर्राष्ट्रियस्तरमा पनि क्रिकेटलाई सहयोग गर्ने क्रममा एक्सपर्टले अस्ट्रेलियामा कम्युनिटी कप र एक्सपर्ट सगरमाथा लिग (मेलबर्न, अस्ट्रेलिया) मा सहकार्य गरेको छ भने नाइस नेपाली क्रिकेट क्लब ब्रिसवेनलाई समेत प्रायोजन गरेको छ । एक्सपर्ट एजुकेसनले पोखरा प्रिमियर लिगमा एक्सपर्ट धनगढी क्रिकेट टोलीको स्वामित्वसमेत ग्रहण गरेको थियो ।
यस्तै, एक्सपर्टले चितवनका विभिन्न खेलकुद कार्यक्रमहरुमा पनि सहकार्य गर्दै आइरहेको छ । भरतपुर मेयरकप अन्तर्विद्यालय क्रिकेट, विभिन्न फुटबल प्रतियोगिताहरुमा एक्सपर्टले प्रायोजन गर्दै आइरहेको छ ।
क्रिकेटसँगको सहकार्यलाई अझ मजबुत बनाउनका लागि नेपाली राष्ट्रिय क्रिकेट टोलीका पूर्वकप्तान तथा वर्तमान नेपाल क्रिकेट संघका सचिव, पारस खड्का, विगत सात वर्षदेखि एक्सपर्ट एजुकेसन एन्ड भिसा सर्भिसेजको ब्रान्ड एम्बेस्डरका रूपमा रहेका छन् । शैक्षिक परामर्शको क्षेत्रमा अग्रणी संस्था र नेपालको सबैभन्दा ठूलो घरेलु क्रिकेट प्रतियोगिताबीचको यो सहकार्यले नेपाल प्रिमियर लिगको गरिमा र स्तरलाई बढाउनुका साथै राष्ट्रका युवाहरुलाई खेलकुद र शिक्षा दुवै क्षेत्रमा प्रेरणा प्रदान गर्ने विश्वास गरिएको एक्सपर्टले जनाएको छ ।
रत्ननगर । रत्ननगर नगरपालिका वडा नं–१, सौराहा चोकमा मोटरसाइकल दुर्घटनामा दुई जना घाइते भएका छन् ।
सौराहाबाट सौराहा चोकतर्फ आउँदै गरेको बागमती प्रदेश ०३–००४ प २२०४ नम्बरको मोटरसाइकल सडक छेउमा रहेको ड्रममा ठोक्किएर दुर्घटना हुँदा मोटरसाइकल चालक कालिका–३ बस्ने २४ वर्षीय सानु चौधरी र मोटरसाइकलपछाडि सवार सोही ठाउँ बस्ने २२ वर्षीय विनायक महतो घाइते भएका हुन् ।
दुवै घाइतेको नयाँ मेडिकल कलेज (सिएमसी)मा उपचार भइरहेको इलाका प्रहरी कार्यालय रत्ननगरले जनाएको छ ।
कालिका । ग्रीन सोसाइटी नेपाल सौराहाको आयोजना एवम् कालिका नगरपालिका वडा नं–११ को सहआयोजनामा राष्ट्रिय माध्यमिक विद्यालय कालिका–११, मझवाङमा निःशुल्क स्वास्थ्य शिविर गरिएको छ ।
ग्रीन सोसाइटी नेपाल सौराहाका अध्यक्ष सिरिलाल परियारको अध्यक्षता एवम् कालिका नगरपालिकाका नगरप्रमुख विनोद रेग्मीको प्रमुख आतिथ्यतामा सम्पन्न शिविरमा नाक–कान–घाँटी, हाडजोर्नी तथा नसा, स्त्री तथा बालरोग, आँखा र जनरल फिजिसियन गरी २११ जना लाभान्वित भएका थिए । शिविरमा निःशुल्क औषधिसमेत वितरण गरिएको थियो ।
शिविरमा कलेज अफ मेडिकल साइन्सेस (सिएमएस) भरतपुरले विशेषज्ञ डाक्टरसहित प्राविधिक सहयोग गरेको थियो । यस्तै, लायन्स क्लब अफ चितवन सौराहा, ग्रीन सोसाइटी पब्लिक स्कुल र नेपाल हाइलाइफ डिरेक्ट जर्मनीले आर्थिक सहयोग गरेका थिए ।
कार्यक्रममा कालिका नगरपालिका वडा नं–११ क वडाध्यक्ष कृष्णबहादुर प्रजा, गैसस महासंघ चितवन शाखाका पूर्वअध्यक्ष केशव आचार्यलगायतको आतिथ्यता रहेको थियो । सोही अवसरमा विद्यालयलाई खेलकुद सामग्री प्रदान गरिएको थियो ।
भरतपुर । लायन्स क्लब अन्तर्राष्ट्रिय, डिस्ट्रिक ३२५ आर, क्लस्टर नं–३ को आयोजना एवम् होटल व्यवसायी संघ चितवनको सहकार्यमा शुक्रबार चौबीसकोठी चोक भरतपुरमा बृहत् रक्तदान कार्यक्रम सम्पन्न भएको छ ।
मानवताको सेवा र सामाजिक उत्तरदायित्वप्रति समर्पित “रक्तदान–जीवनदान” अभियानअन्तर्गत आयोजित सो कार्यक्रममा ३०७ जनाले स्वेच्छिकरूपमा रक्तदान गरेका हुन् ।
मेडिकल सिटीका रूपमा परिचित चितवनमा रगतको अभाव निरन्तर देखिँदै आएको अवस्थालाई मध्यनजर गर्दै यस कार्यक्रम आयोजना गरिएको हो । रगतको अभावमा देशका विभिन्न स्थानबाट उपचारका लागि चितवन आउने बिरामीहरूले रगत नपाएर उपचारमा समस्या भोग्दै आएका छन् । यस्तो संवेदनशील अवस्थालाई सम्बोधन गर्ने उद्देश्यले यो रक्तदान कार्यक्रम आयोजना गरिएको कार्यक्रम संयोजक एकराज बुर्लाकोटीले बताए । यस्ता कार्यक्रमले भरतपुर आसपासका अस्पतालहरूमा रगतको आपूर्तिमा सहयोग पुग्ने उनको विश्वास छ ।
डिस्ट्रिक गर्भनर लायन नवराज सापकोटा प्रमुखअतिथि रहेको कार्यक्रमको सभापतित्व क्लस्टर नं–३ का चिफ लायन अजामिन ढकालले गरेका थिए । सो कार्यक्रमका प्रथम भाइस डिस्ट्रिक गर्भनर लायन प्रभाकर पण्डित, द्वितीय भाइस डिस्ट्रिक गर्भनर लायन दीपेन्द्रप्रसाद खतिवडा, पूर्व डिस्ट्रिक गर्भनरहरू, साथै लायन्स तथा लियो सदस्यहरू, सामाजिक व्यक्तित्वहरू र शुभेच्छुकहरूको उल्लेखनीय उपस्थिति रहेको थियो ।
कार्यक्रमका प्रमुखअतिथि लायन नवराज सापकोटाले आफ्नो मन्तव्यमा मानवताको आवश्यकता पर्ने ठाउँमा यस्ता गर्विला र अर्थपूर्ण कार्यक्रमहरूले संस्थाको गौरव बढाउने बताउँदै आगामी दिनमा पनि यस्ता सेवामूलक कार्यहरू निरन्तर सञ्चालन गर्न सबै लायन र लियो सदस्यहरूलाई आह्वान् गरे । उनले लायन्स क्लबका हरेक क्रियाकलाप समाजमा सकारात्मक परिवर्तन ल्याउने प्रेरणाको स्रोत रहेको उल्लेख गरे ।
लायन्स क्लब अन्तर्राष्ट्रियले विगतदेखि नै शिक्षा, स्वास्थ्य, अन्धोपन निवारण, मधुमेह सचेतना, वातावरण संरक्षण, भोकमरी निवारण, स्वास्थ्य शिविर, विपद् व्यवस्थापनजस्ता क्षेत्रमा निरन्तर र सक्रिय योगदान गर्दै आइरहेको छ ।
यस्ता बृहत् रक्तदान कार्यक्रममा भएको उल्लेखनीय सहभागिताले चितवनमा स्वेच्छिक रक्तदानप्रति जनचेतना र सामाजिक उत्तरदायित्वबोध बढ्दै गएको लायनहरुले विश्वास लिएका छन् ।
भरतपुर । चितवनको भरतपुर महानगरपालिका वडा नं–९, टिकौली जङ्गलस्थित पूर्व–पश्चिम राजमार्गमा दुई यात्रुबाहक बस र ट्रक आपसमा ठोक्किँदा ३३ जना घाइते भएका छन् ।
बिहीबार राति करिब १ः०० बजेको समयमा रौतहटबाट काठमाडौँतर्फ गइरहेको प्रदेश–३–०३–००१ ख ०१२३ नम्बरको यात्रुबाहक बस अगाडि रोकिएको ना ६ ख ८१३ नम्बरको ट्रकको पछाडिबाट ठोक्किएको र सोही बसको पछाडिबाट जनकपुरबाट काठमाडौँतर्फ गइरहेको बा.प्र.०३–००१ ख ३९०२ नम्बरको अर्को बस ठोक्किँदा दुर्घटना भएको जिल्ला प्रहरी कार्यालय चितवनले जनाएको छ ।
दुर्घटनामा दुई बसका चालकसहित ३३ जना घाइते भएका छन् । घाइतेमध्ये आठ जनाको अवस्था मध्यम र बाँकी २५ जनाको सामान्य रहेको प्रहरीले जनाएको छ । घाइतेहरूलाई भरतपुरस्थित नयाँ मेडिकल कलेज, नेसनल सिटी अस्पताल र भरतपुर अस्पतालमा उपचार भइरहेको छ ।
घाइते हुनेहरूमध्ये धनुषा, रौतहट, महोत्तरी, उदयपुर लगायत जिल्लाका यात्रुहरू रहेका छन् । बस र ट्रकमा सवार भारतका मोतिहारीका केही नागरिक पनि घाइते भएका छन् ।
दुर्घटनामा घाइतेहरू उदयपुर त्रियुगा–१० का सार्थकबाबु क्षेत्री, धनुषा जनकपुर–१७ का सदाकत मियाँ, धनुषा जनकपुर–१७ का नरेन्द्र साह, रौतहट गौर–५ का मुकेशकुमार केसरी, जनकपुर–७ का समिर अन्सारी, महोत्तरी पिपरा–१ की गीतादेवी यादव, रौतहट राजदेवी–१ का कृष्णकुमार साह, जनकपुर–१ का बसन्त झा, जनकपुर–४ का मुकेशलाल कर्ण, अन्जु कर्ण, आरुष कर्ण, महोत्तरी पिपरा–१ का राम क्षेत्री, रौतहट राजदेवी–१ का अनिकेतकुमार साह, रौतहट वृन्दावन–३ का आरभ मिश्र र धनुषा लक्ष्मीनिया–४ की विधा चौधरीको नयाँ मेडिकल कलेजमा उपचार भइरहेको छ ।
यस्तै, नेसनल सिटी अस्पतालमा उपचाररत घाइतेहरूमा धनुषा जलेश्वर–५ का आदित्यकुमार सिंह, रेखा सिंह, अञ्जली सिंह, भारत मोतिहारीका सुनिल प्रसाद, सुभद्राकुमारी चौधरी, प्रिया जैसवाल, कृति जैसवाल, जनकपुर–८ का आलोककुमार राउत, रौतहट राजदेवी–२ का मोनुकुमार महतो, गौर–९ की गम्भीरादेवी ठाकुर, गरुडा–७ का विजय साह, उर्मिलाकुमारी साह र रौतहट वृन्दावन–३ की सुनितादेवी मिश्र रहेका छन् ।
यस्तै, भरतपुर अस्पतालमा उपचाररत घाइतेहरूमा रौतहट दुर्गावती–२ का राजकिशोर दास, राजु दास, भारत मोतिहारीका महमद साहेव, रौतहट माधवनारायण–५ का रोशीकुमार साह र धनुषा लक्ष्मीनिया–४ की दिव्या चौधरी रहेका छन् ।
दुर्घटनामा बा.प्र.०३–००१ ख ३९०२ नम्बरको बस चालक धनुषा शहीद नगरपालिका वडा न–४ का ४३ वर्षीय कृष्ण मण्डललाई प्रहरीले नियन्त्रणमा लिएको छ भने ट्रक चालक फरार रहेको प्रहरीले जनाएको छ ।
घटनास्थलमा जिल्ला ट्राफिक प्रहरी कार्यालय चितवन, इलाका प्रहरी कार्यालय टाँडी र गोन्द्राङ प्रहरी चौकीका टोली खटिएका थिए ।
चितवन । युवा व्यवसायी रामप्रसाद सिग्देलमाथि आक्रमण गर्ने तीन जनालाई प्रहरीले नियन्त्रणमा लिएको छ । उनीहरूलाई बिहीबार राति नियन्त्रणमा लिएको प्रहरीले जनाएको छ ।
जिल्ला प्रहरी कार्यालयका प्रहरी नायब उपरीक्षक रवीन्द्र खनालका अनुसार पक्राउ पर्नेमा भरतपुर महानगरपालिका–१० का २४ वर्षीय राजबहादुर कार्की, सोही स्थानका २४ वर्षीय प्रकाश तामाङ र वडा नं–१३ का २१ वर्षीय सनम सुनार रहेका छन् । उनीहरूलाई मुग्लिनबाट पक्राउ गरिएको उनले बताए ।
भरतपुरस्थित सिजी ल्याण्डमार्कमा रहेको पपुलर शैलुनका सञ्चालक सिग्देललाई अपरिचित समूहले बिहीबार अपराह्न आक्रमण गरेको थियो । काम सकेर घर फर्कने क्रममा उनलाई सिजी ल्याण्डमार्कको पार्किङमा तीन जनाको समूहमा आएकाहरूले आक्रमण गरेका प्रहरी नायब उपरीक्षक खनालले बताए ।
सिसी टिभी फुटेजमा उनीहरू सिजी ल्याण्डमार्कको प्रवेशद्धारमा कुरेर बसेका र सिग्देललाई त्यहाँ देख्नासाथ मोटरसाइकलको हेलमेट प्रयोग गरेर आक्रमण गरेका अनुसन्धानको क्रममा पत्ता लागेको प्रहरीले जनाएको छ । अक्रमणमा सिग्देलको हात र टाउकोमा चोट लागेको छ ।
खनालले भरतपुर अस्पतालमा उपचार भइरहेको जनाउँदै यसअघि उनीमाथि सोही ठाउँमा आक्रमण भएको बताए । पक्राउ परेकाहरूसँग घटनाका बारेमा सोधपुछ भइरहेको बताउँदै यसबारे थप अनुसन्धान जारी रहेको उनले जानकारी दिए ।
भरतपुर । भदौ २३ र २४ को घटनासम्बन्धी जाँचबुझ आयोगलाई सरोकारवालाले निष्पक्ष छानबिन र दोषी उपर कारबाहीको माग गरेका छन् ।
आयोगद्वारा आयोजित कार्यक्रममा राजनीतिक दलका प्रतिनिधि, घटनाका पीडित र सरकारी कार्यालय प्रमुखहरूले सो सुझाव दिएका हुन् । आयोगका प्रवक्ता विज्ञानराज शर्माले आयोगको निष्पक्षताको विषयमा कुनै शङ्का नगर्न आग्रह गरे । एक जनाले चाहेर केही नहुने भएकाले आयोग र पदाधिकारीले पूर्वाग्रही ढङ्गले काम नगर्ने प्रतिबद्धता जनाए । उनले भने, “आयोग स्पष्ट छ, हामी कुनै पनि आग्रह र पूर्वाग्रह लिएर छानबिन गर्दैनौँ ।”
निजी क्षेत्रको लगानी सुरक्षित कसरी गर्ने भन्ने विषयमासमेत आयोगले ध्यान दिने बताउँदै उनले यो घटना कसरी भयो र अब फेरि दोहोरिन नदिन के गर्ने भन्ने विषयमासमेत प्रतिवेदन तयार पार्ने बताए ।
प्रमुख जिल्ला अधिकारी गणेश अर्यालले जिल्लामा भदौ २३ र २४ गतेको आन्दोलनका कारण भएको क्षतिको विवरण सुनाउनु भएको थियो । जिल्लामा ६३ वटा सरकारी कार्यालय, ६ वटा स्थानीय तहका भवन, ७१ वटा वडा कार्यालय, ४१ निजी आवासमा क्षति पुगेको प्रजिअ अर्यालले जानकारी दिए ।
त्यसैगरी ३७ वटा चारपाङ्ग्रे सवारी, ८३ वटा दुई पाङ्ग्रे सवारी, रेडक्रसका दुईवटा एम्बुलेन्स जलाइएको छ । एक थान हतियार लुटिएकोमा प्रशासनले फिर्ता ल्याएको उनले बताए । अर्यालका अनुसार आन्दोलनका क्रममा लुटपाटमा संलग्न दुई जनाको आगोमा निसासिएर मृत्यु भएको छ । कारागारबाट भागेका ७४२ कैदी बन्दीमध्ये ६०५ जनालाई फिर्ता ल्याइ सकिएको उनले बताए । उनले आन्दोलनका नाममा भएको अपराधमा संलग्न ३२ जनालाई कारबाही गरिसकेको र अन्य केही नियन्त्रणमा रहेको जानकारी दिए ।
भरतपुर महानगरपालिकाकी प्रमुख रेनु दाहालले आयोगले निष्पक्ष ढङ्गले छानबिन गरी दोषीलाई कारबाही गर्नुपर्ने बताइन् । उनले भने, “अराजक भीड र आन्दोलनकारी छुट्याएर कारबाही गरिनुपर्छ ।”
भरतपुर । आगामीे पुसमा बाघ गणना गरिने भएको छ । पर्सा, चितवन, बाँके, बर्दिया र शुक्लाफाँटा राष्ट्रिय निकुञ्जमा बाघ गणना गर्न लागिएको हो ।
बाघ गणनापछि गैँडा गणना गर्ने योजना रहेको जनाइएको छ । गत आर्थिक वर्षमा अन्तिम अवस्थामा दाताले सहयोग गर्न नसक्ने जनाएपछि रोकिएको गैँडा गणना यस वर्ष गर्न लागिएको हो । यस वर्ष राष्ट्रिय निकुञ्ज तथा वन्यजन्तु संरक्षण विभागले बाघ गणनाका लागि बजेट विनियोजन गरेको छ ।
हरेक चार–चार वर्षमा बाघ गणना गरिँदै आएको छ । विभागका वरिष्ठ इकोलोजिष्ट हरिभद्र आचार्यका अनुसार पुस, माघ र फागुन गरी तीन महिना लगाएर बाघ गणना गर्न लागिएको हो । एकसिङ्गे गैँडा गणना चैत महिनामा गर्ने जनाइएको छ । गैँडा गणना गर्न तीन साता लाग्छ । निर्वाचन हुने भएकाले गैँडा गणनाका विषय भने अन्योल छ ।
गैँडा चितवन राष्ट्रिय निकुञ्ज, पर्सा राष्ट्रिय निकुञ्ज, शुक्लाफाँटा राष्ट्रिय निकुञ्ज र कोशी टप्पु राष्ट्रिय निकुञ्जमा गणना गरिनेछ । बाघ गणनाका लागि चालु आर्थिक वर्षमा विभागले रू १८ लाख विनियोजन गरेको छ । यसका लागि रू एक करोड ५० लाखभन्दा बढी खर्च हुने गर्दछ । गैँडा गणनाका लागि पनि विभागले रू १८ लाख नै विनियोजन गरेको छ । गैँडा गणना गर्न रू दुई करोड बढी खर्च लाग्ने गर्दछ । बाँकी रकमका लागि दाताहरुसँग सहयोग मागिने छ ।
यसअघि, सन् २०२२ मा गरिएको बाघ गणनामा नेपालमा ३३५ वटा बाघ रहेको तथ्याङ्क सार्वजनिक भएको थियो । सो गणनामा चितवनमा १२८, बर्दिया निकुञ्जमा १२५, बाँके निकुञ्जमा २५, पर्सामा ४१ र शुक्लाफाँटामा ३६ वटा बाघ भेटिएको थियो । चितवन राष्ट्रिय निकुञ्जका प्रमुख संरक्षण अधिकृत डा गणेश पन्तका अनुसार बाघ गणना गर्दा बाघ बढी ओहोरदोहोर गर्ने स्थानमा स्वचालित क्यामेराहरु राख्ने गरिन्छ । त्यो क्यामेराले बाघको फोटो खिच्ने गर्दछ । बाघहरुको फोटो हेरेर तिनीहरुको शरीरमा भएका पाटाका आधारमा संख्या छुट्याइनेछ । हरेक बाघको पाटा फरक–फरक हुने गर्दछन् ।
गैँडा गणना हात्तीमाथि चढेर प्रत्यक्ष अवलोकन गरी गर्ने गरिएको छ । यस पटक फरक विधि प्रयोग गर्ने विषयमा विभागले छलफल गरेको छ । नेपालमा सन् २००९, सन् २०१३, सन् २०१८ पनि बाघ गणना गरिएको थियो । सन् २००९ को गणनामा देशैभर १२१, सन् २०१३ मा १९८ र सन् २०१८ मा २३५ बाघ भेटिएका थिए ।
सन् २०२१ मा गरिएको गैँडा गणनामा देशभरका राष्ट्रिय निकुञ्ज तथा संरक्षण क्षेत्रमा ७५२ गैँडा फेला परेका थिए । सन् १९६० को दशकमा गैँडाको सङ्ख्या घटेर करिब एक सयको हाराहारीमा झरेको थियो । नेपालमा सन् १९५० को दशकमा ८०० वटा गैँडा रहेको अनुमान छ । सन् २०२१ को गणनामा चितवन राष्ट्रिय निकुञ्जमा मात्रै ६९४, बर्दिया राष्ट्रिय निकुञ्जमा २९ गैँडाबाट बढेर ३८, शुक्लाफाँटमा आठबाट बढेर १८ पुगेको थियो ।
काठमाडौँ । हाल देशका देशका विभिन्न भागमा पश्चिमी वायु र ‘मोन्था’ चक्रवातको आंशिक प्रभाव परेकाले विभिन्न स्थानमा वर्षा हुने सम्भावना रहेको जल तथा मौसम पूर्वानुमान महाशाखाले जनाएको छ ।
साथै देशमा पश्चिमी वायुको सक्रिय प्रभाव छ भने अरब सागरमा बनेको न्यून चापीय प्रणाली र बङ्गालको खाडीमा विकसित चक्रवात “मोन्था” को आंशिक प्रभाव परेको छ ।
महाशाखाका अनुसार कोशी, मधेश, बागमती, गण्डकी र लुम्बिनी प्रदेशसहितका पहाडी भू–भागमा आज दिउँसो अधिकांश समय बादल लाग्ने छ भने तराईका भू–भागमा सामान्य बदली रहनेछ । कोशी, मधेश र बागमती प्रदेशका धेरै स्थानहरूमा मध्यम वर्षा हुने सम्भावना छ । गण्डकी र लुम्बिनी प्रदेशका पहाडी तथा हिमाली क्षेत्रका केही स्थानमा वर्षा र हिमपातको सम्भावना छ ।
कर्णाली र सुदूरपश्चिम प्रदेशका केही स्थानमा हल्का वर्षा हुने विभागको पूर्वानुमान छ । महाशाखााले देशका उच्च पहाडी तथा हिमाली भू–भागका केही भागमा मध्यम हिमपात हुन सक्ने जनाएको छ । वर्षा र हिमपातको सम्भावना रहेका स्थानको यात्रा गर्ने तथा ती भेगका किसानलाई महाशाखाले सतर्कता अपनाउन पनि आग्रह गरेको छ ।
रत्ननगर । स्थानीय उत्पादनलाई प्राथमिकता दिँदै गुणस्तरीय अचार र सस उत्पादन गर्दै आएको रिजाल एग्रोले बजारमा आफ्नो छाप छोड्न सफल भएको छ ।
रत्ननगर ३ मा रहेको यसका उत्पादनहरु उपभोक्ताले रूचाएपछि मागमा उल्लेखनीय वृद्धि भएको छ । एग्रोका सञ्चालक सौरभ रिजालका अनुसार विशेषगरी अकबरे खुर्सानी, आँप र मिक्स अचारको माग धेरै बढेको छ, जसले कम्पनीको व्यवसायलाई नयाँ उचाइ दिइरहेको छ ।
२०७८ फागुनदेखि औपचारिकरुपमा सञ्चालनमा आएको रिजाल एग्रोले १५ प्रकारका विभिन्न स्वादका अचार उत्पादन गर्दै आएको छ । अकबरे, आँप, लप्सीलगायतका स्वादिष्ट अचारहरुका अलावा सस, भेनिगर, सोया सस र मायोनिज सस पनि उत्पादन गर्ने यो एग्रोले उपभोक्ताको स्वाद र स्वास्थ्यलाई ध्यानमा राखेर काम गरिरहेको छ । ‘हाम्रा उत्पादनहरुले उपभोक्ताको मन जित्न सफल भएका छन् । विशेषगरी अकबरे खुर्सानी, आँप र मिक्स अचारको माग अत्यधिक छ’, सञ्चालक रिजालले भने ।
एग्रोले स्थानीय किसानहरुको उत्पादनलाई प्राथमिकता दिँदै अचार र सस उत्पादन गर्दै आएको छ । चितवनका किसानहरुबाट टमाटरलगायतका कच्चा पदार्थ खरिद गरिरहेको र चितवनमा उपलब्ध नभएका कच्चा पदार्थ मात्र अन्य जिल्लाबाट ल्याइरहेका उनले बताए । यस्तै इलामबाट अकबरे खुर्सानी, रोल्पाबाट लसुन, सिरहा, लहान र सप्तरीबाट आँप, पनौतीबाट लप्सी तथा तनहुँबाट तामाजस्ता उत्पादनहरु ल्याउने गरेको उनले बताए ।
रिजाल एग्रोका उत्पादनहरु विर्तामोड, इलाम, मोरङ, सुनसरी, जनकपुर, बर्दिबास, उदयपुर, वीरगन्ज, सिमरा, हेटौँडा, चितवन, नवलपरासी, पोखरा, काठमाडौँ, रूकुम, सुर्खेत, चरिकोट, डडेल्धुरा, महेन्द्रनगर, भाटभटेनी, रत्ननगरको सेभ सुपरमार्केट तथा स्थानीय पसलहरुमा उपलब्ध छन् । यसबाहेक, दराजजस्ता अनलाइन प्लेटफर्महरुबाट पनि उत्पादनहरु बिक्री भइरहेका छन् ।
खाद्य प्रविधि तथा गुण नियन्त्रण कार्यालयबाट खाद्य उद्योगको अनुज्ञापत्र प्राप्त गरेको यो एग्रोले हरेक वर्ष ५० प्रतिशतभन्दा बढी कारोबार वृद्धि गरिरहेको छ । उत्पादनहरु २०० ग्रामदेखि ५ किलोग्रामसम्मका प्याकेजिङमा उपलब्ध छन्, जसको खुद्रा मूल्य ५० रूपैयाँदेखि एक हजार २०० रूपैयाँसम्म पर्छ । एग्रोले विशेषगरी होटल, रेस्टुरेन्ट तथा विवाह र व्रतबन्धमा क्याटरिङ गर्नेहरुका लागि लक्षित गरी ५ किलोग्रामसम्मको प्याकेजिङमा उत्पादन गरिरहेको छ । होटल तथा रेस्टुरेन्टलाई चाहिने सस, भिनेगर, सोया सस, मायोनिज ससजस्ता उत्पादनहरुको माग बढ्दै गएको र मागबमोजिम गुणस्तरीय उत्पादन गरिरहेको रिजालले बताए ।
रोजगारी सृजनामा पनि योगदान पु¥याउँदै आएको रिजाल एग्रोले स्थानीयस्तरमा १० जनाभन्दा बढीलाई रोजगारी प्रदान गरेको छ । अन्तर्राष्ट्रिय बजारमा पनि आफ्नो उपस्थिति विस्तार गर्दै यो एग्रोले हङ्कङ, अमेरिका र अस्ट्रेलियाजस्ता देशहरुमा उत्पादन निर्यात गर्दै आएको छ । ‘आगामी दिनमा अन्य देशहरुमा पनि निर्यात गर्न पहल गरिरहेका छौँ । यसले नेपाली उत्पादनलाई विश्वव्यापी बनाउन मद्दत गर्नेछ’, रिजालले भने ।
रत्ननगर । रत्ननगर नगरपालिका वडा नं–६, हात्ती चोकस्थित होटल पार्क सेन्चुरीमा काम गर्ने मजदुर मृत अवस्थामा फेला परेका छन् ।
रत्ननगर–६ बस्ने ४४ वर्षीय राम परियार खाना खाएर सुतेकोमा बुधबार बिहान ८ः०० बजे निजसँगै काम गर्ने साथी जीतबहादुर माझीले उठाउन जाँदा मृत भेटिएपछि प्रहरी चौकी बछौलीलाई जानकारी गराएका थिए ।
घटनास्थलको मुचुल्कापश्चात् शव भरतपुर अस्पतालमा पोस्ट मार्टमपछि आफन्तले बुझिलगेको प्रहरीले जनाएको छ ।
भरतपुर । भरतपुर महानगरपालिका वडा नं–७, बुद्ध चोकमा बलेरोको ठक्करबाट स्कुटर चालक घाइते भएका छन् ।
बा १३ च ६३७२ नम्बरको कुखुरा लोड गरेको बलेरोले ना ५३ प ३२४५ नम्बरको स्कुटर चालक भरतपुर–७ बस्ने ४५ वर्षीय पुष्कल बानियाँ घाइते भएका हुन् ।
घाइतेको भरतपुर अस्पतालमा उपचार भइरहेको छ भने दुवै सवारीसाधन र बलेरो चालक नियन्त्रणमा रहेको प्रहरीले जनाएको छ ।
काठमाडौँ । सर्वोच्च अदालतमा प्रतिनिधिसभा विघटनविरुद्ध परेका रिट निवेदनको सुनुवाइका क्रममा वरिष्ठ अधिवक्ता तथा अधिवक्ताहरूले प्रतिनिधिसभा विघटन र सरकार निर्माण प्रक्रिया संविधानसम्मत नभएको जिकिर गरेका छन् ।
प्रधानन्यायाधीश प्रकाशमान सिंह राउत, न्यायाधीशहरू सपना प्रधान मल्ल, कुमार रेग्मी, हरिप्रसाद फुँयाल र डा मनोजकुमार शर्माको संवैधानिक इजलासमा बहसका क्रममा डा सुरेन्द्र भण्डारीले पूर्वप्रधान न्यायाधीश सुशीला कार्की र सर्वोच्च अदालतका पूर्व न्यायाधीश अनिलकुमार सिन्हाको नियुक्ति संविधानविपरीत भएको धारणा राखे । उनले गत भदौ २३ गतेको घटना र २४ गते सिंहदरबार, सर्वोच्च अदालतलगायत संरचना जलाउने काम मानवताविरुद्धको अपराध सरह भएको हुँदा सत्यमा कसैलाई पनि छूट दिन नमिल्ने जिकिर गरे ।
नेपाल बार एसोसिएनका पूर्वअध्यक्ष गोपालकृष्ण घिमिरेले असंवैधानिक तरिकाले प्रतिनिधिसभाको विघटन भएको हुनाले निरन्तर सुनुवाइ गरेर प्रतिनिधिसभा पुनःस्थापना गर्नुपर्ने धारणा राखे । उनले निर्वाचन गर्ने कार्यसूची पाएको सरकारले दीर्घकालीन असरपार्ने राष्ट्रिय महत्त्वका काम गर्न रोक लगाउनुपर्ने बताए ।
वरिष्ठ अधिवक्ता टीकाराम भट्टराईले सरकार निर्माण प्रक्रिया र प्रतिनिधिसभा विघटन असंवैधानिक भएको धारणा राखे । उनले सरकारको नियुक्ति प्रक्रिया नै अवैध भएकाले त्यसको निरूपण नभइ निर्वाचन हुन नसक्ने धारणा राखे । अधिवक्ता खम्मबहादुर खातीले सरकारले संवैधानिक अधिकार प्राप्त गर्न सक्ने अवस्था नभएकाले दीर्घकालीन असरपर्ने कुनै पनि काम गर्न नदिन अन्तरिम आदेश गर्नुपर्ने माग गरे ।
उनले संविधानअनुसार धारा ७६ अनुसार राष्ट्रपतिलाई अधिकार नभएको र वैकल्पिक सरकारभन्दा पनि संविधान मुलुकमा छ कि छैन भन्ने गम्भीर सवाल रहेको बताए । रिट निवेदक डा प्रेमराज सिलवालले सरकार निर्माण प्रक्रिया र प्रतिनिधिसभा विघटन दुवै असंवैधानिक रहेको जिकिर गर्दै प्रतिनिधिसभा पुनःस्थापना गर्नुपर्ने माग गरे । उक्त विवादमा बहस जारी छ ।
काठमाडौँ । कात्तिक २१ गतेबाट प्रदर्शनमा आउन लागेको बहुप्रतीक्षित चलचित्र ‘मन बिनाको धन’को बुधबार राजधानीमा एक कार्यक्रमबीच ट्रेलर सार्वजनिक गरिएको छ ।
चलचित्रको ट्रेलरमा दर्जीको सडक बालकदेखि साङ्गीतिक सफलतासम्मको कथा देखाइएको छ । वर्तमान समाज मन अनि धनबीचको टकराव र अशोक दर्जी कसरी जिरोदेखिको हिरोको यात्रामा अगाडि बढेका छन् भन्ने विषयलाई भावनात्मक र सूक्ष्म ढङ्गले प्रस्तुत गरिएको छ ।
बाटोमा गीत गाउँदै माग्दै हिँडेका अशोक दर्जीलाई टंक बुढाथोकीले आफूसँग राखेर ‘मन बिनाको धन ठूलो कि धन बिनाको मन’मार्फत उनको जीवन नै परिवर्तन गरिदिएका छन् । अशोक हाल काठमाडौँमा कक्षा ९ मा अध्ययनरत छन् । अशोकको पेरिफेरीमा रहेर निर्माण गरिएको यस चलचित्रमा सामाजिक विषयवस्तुमा प्रस्तुत गरिएको छ ।
टंक बुढाथोकीको निर्माण तथा निर्देशन रहेको चलचित्र ‘मन बिनाको धन’को कथा बुढाथोकी आफैँले लेखेका हुन् भने पटकथा र संवाद शिवम् अधिकारीले लेखेका हुन् । टंक बुढाथोकी प्रोडक्सनको प्रस्तुतिमा फिल्मको निर्माण विष्णुमाया मैनालीले गरेकी हुन् भने कार्यकारी निर्मातामा सपना शर्मा रहेकी छन् ।
यस्तै, जिपी संग्रौला, विवेक नेपाल र विजया पाण्डे सहनिर्मातामा रहेका छन् । टीकाराम बुढाथोकी चलचित्रका क्रियटिभ निर्देशक हुन् । चलचित्र अशोक दर्जीसँगै सरोज खनाल, सन्तोष पन्त, रमा थपलिया, नीता ढुङ्गाना, भोला सापकोटा, बुद्धि तामाङ, रमेश विश्वकर्मा, रवीन्द्र झा, पार्वती अधिकारी, उत्सव सापकोटा, एआर बुढाथोकी, शंकर श्रेष्ठ, साम्राज्ञी थापा, बिना राउत, बाबु पराजुली, रक्षा श्रेष्ठ, प्रियंका झा, विनय अधिकारी, आर्यन पोखरेल, विजय डंगोल लगायतका कलाकारको अभिनय रहेको छ ।
फिल्ममा टंक बुढाथोकीको सङ्गीत, सौरभ लामाको छायाङ्कन, कविराज गहतराज र रामजी लामिछानेको कोरियोग्राफी, मित्र डि. गुरुङको सम्पादन र नवराज शर्माको मुख्य सहायक निर्देशन रहेको छ । चलचित्रलाई एप्पल इन्टरटेन्मेन्ट, रीच इन्टरटेन्मेन्ट र एफडी कम्पनीले वितरण गर्दैछ ।
काठमाडौं । नवनियुक्त दुई मन्त्रीहरुले आइतबार पद तथा गोपनियताको शपथ लिएका छन् ।
राष्ट्रपति रामचन्द्र पौडेलले राष्ट्रपति कार्यालय, शीतलनिवासमा आयोजित विशेष समारोहमा नवनियुक्त स्वास्थ्य तथा जनसङ्ख्यामन्त्री डा सुधा गौतम र युवा तथा खेलकुदमन्त्री बब्लु गुप्तालाई शपथ दिलाएका हुन् । यसअघि चार मन्त्रीले शपथ लिने भनिए पनि अन्तिम समयमा दुई जना मन्त्रीले मात्रै आज शपथ लिएका हुन् ।
डा गौतम स्वास्थ्य मन्त्रालयका पूर्वसचिव हुन् भने गुप्ता जेनजी आन्दोलनका अगुवा हुन् । प्रधानमन्त्री सुशीला कार्कीको सिफारिसमा उनीहरुलाई राष्ट्रपति पौडेलले नियुक्ति गरेका थिए ।
गत भदौ २७ गते गठित मौजुदा मन्त्रिपरिषद्को सङ्ख्या आइतबारको विस्तारसँगै १० पुगेको छ । यसअघि गत भदौ ३० र असोज ६ गते मन्त्रिपरिषद् विस्तार भएको थियो ।
शपथ ग्रहण समारोहमा उपराष्ट्रपति रामसहायप्रसाद यादव, प्रधानमन्त्री कार्की, प्रधानन्यायाधीश प्रकाशमानसिंह राउत, प्रतिनिधिसभाका सभामुख देवराज घिमिरे, मन्त्रीगण, प्रनिधिसभाका उपसभामुख इन्दिरा राना, संवैधानिक निकायका प्रमुख तथा पदाधिकारी, नेपाल सरकारका उच्चपदस्थ अधिकृत, सुरक्षा निकायका प्रमुख तथा अधिकारीलगायत उपस्थित थिए ।
भरतपुर । आराध्यदेव सूर्यको पूजाआजा गरी निष्ठापूर्वक मनाइने छठ पर्वको तयारी पूरा भएको छ । तराई मधेशलगायत देशका विभिन्न भूभागमा सुख र समृद्धिको कामनासहित यो पर्व विशेष रूपमा मनाइन्छ ।
विशेषगरी तराई मधेश क्षेत्रमा बस्ने हिन्दू धर्मावलम्बीले यसलाई महत्त्वका साथ मनाउने गर्दछन् । यो पर्व मधेस प्रदेशका आठवटै जिल्लामा अझ विशेष रूपमा मनाउने प्रचलन छ । यहाँ एक अर्कालाई सहयोग गर्दै नदी, नहर, तालतलैया, पोखरीलगायत जलाशय क्षेत्रमा छठको घाट निर्माण गरी यो पर्व मनाउने चलन छ ।
हिन्दू धार्मिक मान्यताअनुसार यो पर्व वर्षमा दुईपटक अर्थात् कात्तिक र चैत महिनामा निष्ठापूर्वक मनाइने गरेको छ । पण्डित सूर्यकान्त झाका अनुसार कार्तिक शुक्ल चतुदर्शीका दिन सुरू हुने सूर्य उपासनाको यस पर्वलाई तराई तथा मिथिलाञ्चल क्षेत्रमा छठी महापर्व पनि भनिन्छ ।
छठ पर्व चार दिनसम्म मनाउने गरिएको छ । पूजाको प्रथम दिन व्रतालुहरू नुहाई धुवाई शुद्ध भई पूजन सामग्री तयारीमा लाग्ने गर्छन् । यसदिन व्रत बस्नेले चोखो अरवा चामलको भात, चना तथा रहरको दाल तथा लौका वा फर्सीको तरकारी खाने गर्छन् । दोस्रो दिन व्रतालुहरूले खरना मनाउने गर्छन् । जसमा व्रतालु निर्जल रही बेलुका माटोको चुलोमा खिर, रोटी तथा पुरी पकाएर भगवान्लाई चढाएर त्यही प्रसाद खाने तथा आफन्तजनलाई प्रसाद खुआउने गर्छन् ।
त्यसपछि ३६ घण्टा लामो निर्जल र निराहार व्रत सुरु हुन्छ । त्यस अवधिमा व्रतालुहरू पानीसमेत नखाई सूर्यपूजा तथा उपासनामा रहन्छन् । यसै क्रममा अस्ताउँदो र उदाउँदो सूर्यलाई अघ्र्य दिएर पूजा गरिन्छ ।
हाल छट पर्व मनाउन रोजगारी तथा काम विशेषले घरबाहिर रहेका युवायुवती, केटाकेटी, वृद्धवृद्धा तथा आफन्तहरू आ–आफ्ना घरमा पुगेर खुसी साटासाट र आवश्यक सहयोग गरिरहेका छन् । छठ पर्वका लागि आवश्यक पूजा सामग्री किनमेल, घरआँगन लिपपोत, सजावट, बाटोघाटो सरसफाइलगायत काम धमाधम भइरहेको छन् ।
भरतपुर । चितवनका दुग्ध उत्पादक सहकारी सङ्घको छाता संस्था चितवन जिल्ला दुग्ध उत्पादक सहकारी सङ्घले आफैँले दूध प्रशोधन सुरू गरेको छ । सङ्घले रत्ननगर नगरपालिका–५, झुवानीमा गौरीधारा डेरी उद्योग भाडामा लिएर अस्थायी रुपमा दूध प्रशोधन सुरू गरेको जनाएको छ ।
सङ्घले स्थायी रुपमा दूध प्रशोधनका लागि भने भरतपुर महानगरपालिका–१५ फूलबारीमा पाँच कट्ठा जग्गासमेत खरिद भइसकेको जनाएको छ । उक्त जग्गामा उद्योग सञ्चालनका लागि बागमती प्रदेश सरकारबाट रु ५० लाख विनियोजन भइसकेको सङ्घका जिल्ला अध्यक्ष किशोर बगालेले जानकारी दिए ।
उनले भने, “अहिले अस्थायी रुपमा झुवानीमा दूध प्रशोधन सुरु भइसकेको छ, अहिले दूधका साथै घिउ, नौनी, पनिर, खुवा, दही, मोही उत्पादन सुरू भएको छ ।” उनका अनुसार हाल उक्त प्लान्टमा दैनिक एक हजार लिटर दूधसम्म प्रशोधन गर्न सकिन्छ ।
फूलबारीमा आफ्नै प्लान्ट स्थापना भएपछि भने दैनिक दुई हजार लिटरसम्म दूध प्रशोधन गर्न सकिने उनको भनाइ छ । भविष्यमा उद्योगको क्षमता बढाएर दैनिक १५ हजार लिटरसम्म दूध प्रशोधन गरिने सङ्घको लक्ष्य छ । “भविष्यमा आइसक्रिम, चकलेटलगायत पनि उत्पादन गर्ने लक्ष्यका साथ प्लान्ट स्थापना हुनेछ”, उनले भने ।
सङ्घका अनुसार जिल्लामा दैनिक तीन लाख ५० हजार लिटर दूध उत्पादन हुने गर्दछ । जसमध्ये एक लाख ५० हजार लिटर दूध बजारमा बिक्री हुँदै आएको छ । चितवनमा उत्पादन हुने दूध काठमाडौँ, पोखरा, हेटौँडालगायत सहरमा पुग्छ । जिल्लाका ११५ वटा सहकारीले दूध सङ्कलन हुने गर्दछ । ती सहकारीमा ४० हजारभन्दा बढी किसान आबद्ध छन् ।
भरतपुर । भरतपुर महानगरपालिकाको सहरी क्षेत्रमा सुरु गरिएको भूमिगत विद्युतीकरण हालसम्म ६५ प्रतिशत पूरा भएको छ । आगामी चार महिनाभित्र भूमिगत विद्युतीकरण गरिसक्ने उद्देश्यले छठपश्चात् कामलाई तीव्रता दिइएको हो ।
नेपाल विद्युत् प्राधिकरणको पोखरा–भरतपुर वितरण प्रणाली सुदृढीकरण आयोजनाले भूमिगत विद्युतीकरण गरिरहेको छ । अहिले ६५ प्रतिशत क्षेत्रमा तार बिछ्याइएको आयोजनाका प्रमुख इन्जिनियर आनन्द सुवेदीले जानकारी दिए । यो सकिएसँगै घरमा विद्युत् जोड्ने छौँ । “ठेकेदार कम्पनीले छठलगत्तै तीव्रता दिएमा भरतपुरतर्फको काम शीघ्र सकिनेछ ।”
यहाँको काम ७५ प्रतिशत पूरा भएको जनाउँदै इन्जिनियर सुवेदीले पाइप जडान, डिभाइस जडान, फाउन्डेसन निर्माणलगायत सकिएको बताए । उनका अनुसार भरतपुर र पोखराको काम सक्न समय थपगरी सन् २०२६ जुलाईसम्म पु¥याइएको छ । तेस्रोपटक असोज अन्तिमसाता समय थप गरिएको जनाउँदै उनले पोखरामा विद्युत् भूमिगतको काम ६० प्रतिशत पूरा भएको बताए ।
केन्द्रीय बस ट्रमिनलबाट गोन्द्राङसम्मको सडकमा पहिला ३३ केभिए लाइन मात्रै भूमिगत गर्ने भनिएकामा अहिले थपगरी ११ केभिए र ४०० भोल्टको लाइनलाई भूमिगत गर्न थालिएको आयोजनाका प्रमुख इन्जिनियर सुवेदीले जानकारी दिए ।
पछिल्लो सम्झौताअनुसार भरतपुर महानगरपालिकाभित्र लाइन जडानका लागि भरतपुर महानगरको मुख्य सहरी क्षेत्रमा भूमिगतमार्फत काम गर्दै लगिएको छ । आयोजना प्रमुख इञ्जिनियर सुवेदीका अनुसार महानगरभित्र विद्युतीय तार भूमिगत गर्न रु एक अर्ब ४० करोड लागत अनुमान गरिएको छ । सुरुआती समयमा रु एक अर्ब ३० करोड बजेट बिवनयोजन गरिएको थियो ।
निर्माणको ठेक्का भारतको टाटा प्रोजेक्ट लिमिटेडले पाएको थियो । सन् २०२१ अक्टोबरदेखि ठेक्का सम्झौता गरी काम सुरु गरिएको हो । ठेक्का सम्झौताअनुसार पहिलो चरणको समय सन् २०२४ को जनावरी २० मा सकिएसँगै पटकपटक म्याद थप गरेर कामलाई अघि बढाइएको आयोजना कार्यालयले जनाएको छ । एसियाली विकास बैंकको सहयोगमा प्राधिकरणले उक्त आयोजना अघि बढाएको हो ।
भरतपुर । चितवन जिल्ला कारागारबाट भागेका कैदीबन्दीमध्ये ११ भारतीय नागरिकसहित १३९ जना अझै फर्किएका छैनन् । उनीहरुसहित दुई बालबालिकासमेत सम्पर्कमा आएका छैनन् ।
यस कारागारबाट गत भदौ २५ गते चार नाबालकसहित ७४३ कैदीबन्दी भागेका थिए । तीमध्ये ५९१ जना यहाँ फर्किएका छन् भने नौ जना अन्य कारागारमा पुगेका छन् । उनीहरुसहित दुई बालबालिकासमेत सम्पर्कमा आएको कार्यालयका प्रमुख रवीन्द्र्रप्रसाद ढुङ्गानाले जानकारी दिए ।
यसअघि सम्पर्कमा आएकासमेत सम्पर्कविहीन भएका हुन । सम्पर्कविहीन भएकाहरुको सम्पर्क ठेगानासहित सम्बन्धित प्रहरी एकाइहरुमा पत्राचार गरिएको ढुङ्गानाले जानकारी दिए । यसरी सम्पर्कविहीन भएकाहरुमा धेरै लागुऔषध र जबरर्जस्ती करणीका रहेको उनले जानकारी दिए । फरार भएकामध्ये दुर्लभ एकसिङ्गे गैंँडा चोरी सिकारीसमेत रहेका छन् ।
कारागार कार्यालयले गत असोज २० गतेसम्म कारागार कार्यालयको सम्पर्कमा आउनका लागि आग्रह गरेको थियो । कारागारले तोकेको समयसम्म सम्पर्कमा नआएमा कारागार ऐन २०७९ र प्रचलित कानुनअनुसार कारबाही गरिने जनाएको थियो । फरार रहेका कैदीबन्दीलाई लुकाउने, आश्रय दिने गरेको पाइएमा आश्रय दिने व्यक्तिलाईसमेत कसुरदार ठानी कारबाही गरिने उनले बताए । अरु नवलपरासी (वर्दघाट–सुस्ता)पूर्वसहित अन्य जिल्लाका रहेका छन् ।
हाल फर्किएकामध्ये ६२ जनालाई प्रहरीले विभिन्न स्थानबाट पक्राउ गरी कारागारमा बुझाएको हो । जिल्ला प्रहरी कार्यालयका प्रमुख प्रहरी उपरीक्षक गोविन्द पुरीले सबै एकाइमार्फत फरार कैदीबन्दीको खोजी भइरहेको बताए् । उनले भने, “फरार व्यक्ति पक्राउ गर्न सबैको साथ र सहयोग आवश्यक छ ।”
चितवन । भरतपुरमा निर्माणाधीन गौतमबुद्ध अन्तरराष्ट्रिय क्रिकेट रङ्गशालाको काम ४० प्रतिशत सम्पन्न भएको छ । भरतपुर महानगरपालिकाले प्रदेश र सङ्घीय सरकारको सहयोगमा रङ्गशाला निर्माण गरेको हो ।
भरतपुर महानगरका इञ्जिनियर घनश्याम मिश्रका अनुसार हाल प्याराफिट र दुईवटै टावरको दोस्रो तलाको काम भइरहेको छ । प्याराफिट र टावरमा फर्मा र डण्डी बाँध्ने काम भइरहेको जनाउँदै उहाँले टावरको वाल निर्माण गर्ने कामसमेत भइरहेको बताए । उनका अनुसार टावर तीन तलाको हुनेछ ।
“प्यारापिटको पछाडिपट्टि कोठा निकाल्न ढलानको काम हुँदैछ । रङ्गशालामा चार वटा प्यारापिट र दुई वटा टावर रहेका छन्”, मिश्रले भने, “दैनिक १२२ जनाले काम गरिरहेका छन् । तिहार लागेसँगै मुस्लिम समुदायका २५.३० जनाले मात्र काम गर्नेछन् । छठपछि कामले तीव्रता पाउने छ ।” ठेक्का सम्झौताअनुसार यतिबेला ४८ प्रतिशत काम हुनुपर्नेमा सम्झौता गरेअनुरुप केही ढिलो भएको उनले बताए ।
धुर्मुस(सुन्तली फाउन्डेसनले काम गर्न नसकेपछि महानगरलाई उक्त परियोजना हस्तान्तरण गरिएको थियो । हिमालयन कालिञ्चोक बिबिआर जेभीले रङ्गशाला निर्माणको जिम्मा पाएको छ । विसं २०८३ पुस २२ गतेसम्ममा रङ्गशाला निर्माण सम्पन्न गर्नेगरी रु ७८ करोड ५० लाख ९१ हजार १८९ मा ठेक्का लगाइएको महानगरले जनाएको छ ।
पहिलो चरणको काम सम्पन्न भएपछि यहाँ अन्तर्राष्ट्रियस्तरका खेल आयोजना गर्न सकिनेछ । पहिलो चरणमा जम्मा १५ हजार जना दर्शक अट्ने प्यारापिट, दुई वटा भिआइपी टावर, मैदानसहित पाँच वटा पिच, ड्रेनेज (पानी निकास), रेलिङ, बाटो, पार्किङ क्षेत्र निर्माण गरिने महानगरका इञ्जिनियर मिश्रले जानकारी दिए । उनका अनुसार थप क्षमताका लागि दोस्रो चरणमा काम गरिनेछ ।
त्रिभुवन विश्वविद्यालयका नाममा रहेर कृषि तथा वनविज्ञान विश्वविद्यालयले उपयोग गरिरहेको २० बिघा १९ कठ्ठा जमिनमा रङ्गशाला निर्माण भइरहेको हो । यो भरतपुर महानगरपालिका–१५ मा पर्दछ । अन्तर्राष्ट्रियस्तरका खेल खेल्न मिल्नेगरी रङ्गशाला निर्माण भइरहेको हो ।
चितवन । नेपाल प्रहरी शिक्षालय भरतपुरबाट ३७७ जना प्रहरी सहायक निरीक्षक दीक्षित भएका छन् । प्रहरी सहायक निरीक्षक आधारभूत तालिम (२-१७९)औँ समूहलाई प्रहरी महानिरीक्षक चन्द्रकुबेर खापुङ्गले आज एक कार्यक्रमबीच दीक्षित गरेका हुन् ।
दीक्षान्त समारोहलाई सम्बोधन गर्दै उनले प्रहरी सङ्गठनको गरिमा बढाउँदै कर्तव्य निष्ठ भएर काम गर्न निर्देशन दिए । उनले भने, “सङ्गठनको गरिमालाई जोगाउँदै तालिममा सिकेका विषयलाई पालन गरी कर्तव्यमा लाग्न निर्देशन गर्दछु ।” जनतासँग प्रत्यक्ष काम गर्नुपर्ने भएकाले सङ्गठनप्रति इमान्दार हुँदै काम गर्नुपर्ने उनले बताए ।
प्रहरीको उपस्थिति र इमानदारिताले मात्र पनि आमनागरिकले सुरक्षाको प्रत्याभूति गर्ने भन्दै प्रहरी महानिरीक्षक खापुङ्गले प्रहरीको उपस्थितिलाई निश्चित समयको बसाइभन्दा पनि एक अवसरका रूपमा लिन आग्रह गरे । प्रहरीको कर्म र धर्म नै नागरिकको सेवा हो भन्दै उनले देशका दुई हजार ६६० वटा युनिटमार्फत अभिछिन्न सेवा दिँदै आएको प्रहरी समाजका हरेक घटनाको पहिलो जवाफदेही भएकाले सोहीअनुसार काम गर्न उनले आग्रहसमेत गरे ।
दीक्षान्त समारोहमा दीक्षित भएका विसं २०८१ मङ्सिर ७ गतेदेखि तालिममा सहभागी भएका थिए । ५३ जना महिलासहित ३७७ जना प्रहरी सहायक निरीक्षक दीक्षित भएका हुन् ।
कार्यक्रममा राष्ट्रिय प्रहरी प्रशिक्षण प्रतिष्ठानका निर्देशक प्रहरी नायब महानिरीक्षक दीपेन्द्र जिसी, शिक्षालयका समादेशक प्रहरी वरिष्ठ उपरीक्षक भूपेन्द्रबहादुर खत्री, प्रहरी नायब उपरीक्षक अर्जुन केसीलगायतले आ–आफ्नो धारणा राखेका थिए । दीक्षान्त समारोहमा दीक्षित भएका परिवारका सदस्यको उपस्थिति थियो ।
भरतपुर । भरतपुर महानगरपालिका वडा नं–२९, गाईघाटमा सातवटा सवारीसाधन एकापसमा ठोक्किँदा २१ जना घाइते भएका छन् ।
जिल्ला प्रहरी कार्यालय चितवनका प्रहरी नायब उपरीक्षक रवीन्द्र खनालका अनुसार शनिबार बिहान ७ः३० बजे उक्त दुर्घटना भएको हो । घाइतेहरूको चितवन मेडिकल कलेज, जनता केयर अस्पताल र नेसनल सिटी अस्पतालमा उपचार भइरहेको छ ।
मुग्लिनबाट नारायणगढतर्फ आउँदै गरेको ना८ख ६६२९ नम्बरको ट्रक र विपरीततर्फबाट जाँदै गरेको बा४ख ७४२० नम्बरको बस, बसको पछाडि ना ७ ख ९६०७ नम्बरको टेलर, टेलरपछाडि बागमती प्रदेश ०६–००१ ग ०४८४ नम्बरको इलेक्टिक माइक्रो, माइक्रोपछाडि ग २ ख १६२६ नम्बरको बस, बसपछाडि ना३च ३२५६ नम्बरको बलेरो र बलेरोपछाडि बिएबी ८४७० नम्बरको कार लहरैसँग ठोक्कएका हुन् ।
सवारी साधनहरू ठक्कर खाँदा घाइते भएकामध्ये १३ जनाको नेसनल सिटी अस्पतालमा, चार जना चितवन मेडिकल कलेज (सिएमसी)मा र चार जनाको जनता केयर अस्पतालमा उपचार भइरहेको प्रहरीले जनाएको छ ।
दुर्घटनास्थलमा जिप्रका चितवनबाट प्रहरी निरीक्षक लक्ष्मण केसीसहितको टोली खटिएको र थप विवरण आउन बाँकी रहेको प्रहरीले जनाएको छ ।
माडी । माडी नगरपालिका वडा नं–२, लौगाईस्थित कल्बटको ओराला मोटरसाइकल पल्टिँदा चालक घाइते भएका छन् ।
भरतपुरबाट इनारबरुवातर्फ जाँदै गरेको बा ८३ प ७४३२ नम्बरको मोटरसाइकलका चालक माडी–३, इनारबरुवा बस्ने ३८ वर्षीय विनोद अर्याल घाइते भएका हुन् ।
घाइतेको बघौडा अस्पतालमा उपचार भइरहेकोमा थप उपचारको लागि भरतपुर रिफर गरिएको र उपचारमा निजका बुबा संलग्न रहेको प्रहरीले जनाएको छ ।
रत्ननगर । रत्ननगर नगरपालिका वडा नं–१६, हात्तीगाडेस्थित भित्री सडकखण्डमा मोटरसाइकल दुर्घटनामा दुई जना घाइते भएका छन् ।
जुटपानीबाट दोबाटोतर्फ आउँदै गरेको बागमती प्रदेश ०३–००३ प ३३२९ नम्बरको मोटरसाइकल अनियन्त्रित भई दुर्घटना हुँदा मोटरसाइकल चालक खैरहनी–२ बस्ने ४७ वर्षीय रामलाल दराई र मोटरसाइकलपछाडि सवार सोही ठाउँ बस्ने ५३ वर्षीय केदार शिवाकोटी घाइते भएका हुन् ।
दुवै घाइतेको बकलहर रत्ननगर अस्पताल, टाँडीमा उपचार भइरहेको अस्थायी प्रहरी पोस्ट पिठुवाले जनाएको छ ।
रत्ननगर । रत्ननगर नगरपालिका वडा नं–१०, त्रिनेत्र पेट्रोल पम्पअगाडि पूर्व–पश्चिम राजमार्गमा बलेरोको ठक्करबाट मोटरसाइकल चालक गम्भीर घाइते भएका छन् ।
भरतपुरबाट टाँडीतर्फ आउँदै गरेको बा १५ च ८५४ नम्बरको बलेरोले विपरीत दिशातर्फ जाँदै गरेको ना ४४ प ३०९५ नम्बरको मोटरसाइकललाई ठक्कर दिँदा मोटरसाइकल चालक भरतपुर–२६ बस्ने ३१ वर्षीय सुशील रिमाल घाइते भएका हुन् ।
टाउको र अनुहारको भागमा चोट लागी गम्भीर घाइते रिमालको नयाँ मेडिकल कलेज (सिएमसी), भरतपुरमा उपचार भइरहेको र बलेरो चालक राप्ती–३ बस्ने २६ वर्षीय आकाश मुक्तान जिप्रका चितवनको नियन्त्रणमा रहेको प्रहरीले जनाएको छ ।
राप्ती । राप्ती नगरपालिका वडा नं–६, हर्दीस्थित पूर्व–पश्चिम राजमार्गमा मोटरसाइकलको ठक्करबाट घाइते साइकलयात्रीको मृत्यु भएको छ ।
असोज २१ गते भण्डारादेखि खुरखुरेमा मधेश प्रदेश ०३–०२६ प ७ नम्बरको मोटरसाइकलको ठक्करबाट खैरहनी–९ बस्ने ७५ वर्षीय रामेश्वर चौधरी घाइते भएका थिए । घाइते चौधरीको एलाइभ हस्पिटल भरतपुरमा उपचारपश्चात् घरमा लगिएकोमा असोज ३० गते राति ११ः०० बजेको समयमा मृत्यु भएको हो ।
मृतकको शव भरतपुर अस्पतालमा पोस्ट मार्टमपश्चात् मृतकका छोराले बुझिलगेको प्रहरीले जनाएको छ । सो दुर्घटनामा घाइते मोटरसाइकल चालक पर्साको वीरगन्ज महानगरपालिका वडा नं–१६ बस्ने २९ वर्षीय आयुष दुवेको एलाइभ हस्पिटलमा उपचार भइरहेको प्रहरीले जनाएको छ ।
काठमाडौँ । नेपालले सामोआलाई हराउँदै आइसिसी पुरुष टि–२० विश्वकप एसिया तथा इस्ट एसिया पेसिफिक छनोटको उपाधि जितेको छ । छनोट खेलमा नेपाल अपराजित रह्यो ।
ओमानको अल अमिरतस्थित ओमान क्रिकेट एकेडेमी टर्फ–१ मा शुक्रबार भएको अन्तिम खेलमा सामोआलाई १२४ रनले हराउँदै नेपाल प्रतियोगिताको च्याम्पियन बन्न सफल भएको हो ।
नेपालले जितको लागि दिएको २१२ रनको विशाल लक्ष्य पछ्याएको सामोआ निर्धारित २० ओभरमा सात विकेट गुमाएर ८७ रनमा समेटियो । उसका लागि सिन सोलियाले सर्वाधिक ४० रन बनाए ।
नेपालका लागि ललित राजवंशीले तीन विकेट लिए भने करण केसी, सन्दीप लामिछाने र रोहित पौडेलले समान एक–एक विकेट लिए । त्यसअघि टस हारेर पहिले ब्याटिङको निम्तो पाएको नेपालले निर्धारित २० ओभरमा चार विकेट गुमाएर दुई सय ११ रनको योगफल बनाएको थियो ।
नेपालको लागि आसिफ शेखले सर्वाधिक ६९ रनको योगदान दिए । उनले ४१ बलमा सात चौका र चार छक्का प्रहार गर्दै ६९ रनको योगदान दिएका हुन् । त्यसैगरी नेपालका अर्का खेलाडी दीपेन्द्रसिंह ऐरीले ५३ रन बनाए । उनले ३३ बलमा दुई चौका र चार छक्काको मद्दतमा ५३ रन जोडेका हुन् । लोकेश बमले ३९ रन जोड्दा कप्तान रोहित पौडेलले अविजित २१ रन बनाए । कुशल भुर्तेलले १७ रन जोडेर आउट भए ।
यता सामाओका लागि ड्यानियल बर्गेस, सौमानी टाई, ड्यारियस भिसर, नुह मिडले समान एक–एक विकेट लिए । यसअघि नेपालले समूह चरणमा कुवेत र जापानलाई हराएको थियो ।
त्यसैगरी नेपालले सुपर सिक्सको पहिलो खेलमै युएईमाथि एक रनको रोमाञ्चक जित निकालेको थियोभने दोस्रो खेलमा कतारविरुद्ध पाँच रनको जित निकालेको थियो । तेस्रो खेलमा नेपालले ओमानलाई ३८ रनले हराएको थियो ।
यस छनोट प्रतियोगिताबाट नेपाल, युएई र ओमानले आगामी वर्ष भारत र श्रीलङ्कामा संयुक्तरूपमा हुने टि–२० विश्वकपको टिकट काटिसकेका छन् । विश्वकप आगामी माघ २७ देखि फागुन २४ गतेसम्म हुँदैछ ।
भरतपुर । भरतपुर–१, देवघाटस्थित नारायणी नदीमा पौडी खेल्नेक्रममा डुबेर एक युवकको बेपत्ता भएका छन् ।
राप्ती–६ बाट शव लिई देवघाटमा मलामी आएका राप्ती–६ बस्ने २५ वर्षीय विजय चौधरी नारायणी नदीमा पौडी खेल्नेक्रममा डुबेर बेपत्ता भएको भनी निजका काका देवनारायण चौधरीले प्रहरी बिट देवघाटमा जानकारी गराएका हुन् ।
बिहीबार बेलुकी ५ः३० बजेको समयमा खोज तलासको लागि गएको प्रहरी टोली फिर्ता भएको र बेपत्ता भएका युवक हालसम्म फेला नपरेकोले खोजी कार्य भइरहेको प्रहरीले जनाएको छ ।
भरतपुर । भरतपुर–१०, वीरेन्द्र क्यापस चोकमा इभी गाडीको ठक्करबाट पैदलयात्री महिला घाइते भएकी छन् ।
बा–प्र–०६–००१ ज ०३२९ नम्बरको इभी गाडीले रोड क्रस गर्दै गरेकी भरतपुर–१०, मालपोत चोक बस्ने ५५ वर्षीया बालकुमारी श्रेष्ठ घाइते भएकी हुन् ।
टाउकोमा चोट लागी अवस्था गम्भीर रहेकी घाइतेको नयाँ मेडिकल कलेज भरतपुरमा उपचार भइरहेको र ठक्कर दिने गाडी र चालक जिप्रका चितवनको नियन्त्रणमा रहेको प्रहरीले जनाएको छ ।
भरतपुर । भरतपुर–३, शहीद चोकमा ट्रकको ठक्करबाट मोटरसाइकलमा सवार दुई जना घाइते भएका छन् ।
चौबीसकोठीबाट पुलचोकतर्फ आउँदै गरेको ना ६ ख ५७१० नम्बरको ट्रकले बेलचोकबाट शहीद चोकतर्फ आउँदै गरेको ना ३७ प ४३८३ नम्बरको मोटरसाइकललाई ठक्कर दिँदा मोटरसाइकल चालक भरतपुर–३, बाह्रघरे बस्ने ७२ वर्षीय राजेन्द्रप्रसाद शाह कलवार र सोही ठाउँ बस्ने १९ वर्षीया फरिदा खातुन घाइते भएका हुन् ।
घाइतेहरुको नयाँ मेडिकल कलेज भरतपुरमा उपचार भइरहेको र ट्रक चालकलाई वडा प्रहरी कार्यालय नारायणगढको नियन्त्रणमा रहेको प्रहरीले जनाएको छ ।
भरतपुर । पर्यटक बसले स्कुटरलाई ठक्कर दिँदा स्कुटर चालकको मृत्यु भएको छ ।
बिहीबार नारायणगढबाट मुग्लिनतर्फ जाँदै गरेको ग २० प ८५५९ नम्बरको स्कुटरलाई विपरीत दिशाबाट आउँदै गरेको बागमती प्रदेश ०१–००१ प १६८४ नम्बरको पर्यटक बसले ठक्कर दिँदा स्कुटर चालकको मृत्यु भएको हो ।
मृत्यु हुनेमा गोरखा साविक छोप्राक गाउँ विकास समिति वडा नम्बर २ बस्ने ४० वर्षीय दामोदर घिमिरे रहेको जिल्ला प्रहरी कार्यालय चितवनका प्रहरी नायब उपरीक्षक खनालले जानकारी दिए ।
घिमिरेको उपचारका क्रममा चितवन मेडिकल कलेजमा मृत्यु भएको हो । स्कुटरलाई ठक्कर दिने बस र चालकलाई प्रहरीले नियन्त्रणमा लिएको छ ।
रत्ननगर । रत्ननगर–१ मा रहेको सेभ सुपरमार्केटले आफ्ना ग्राहकहरूलाई लोयल्टी कार्डमार्फत जम्मा भएको अङ्कअनुसार सपिङ भौचर वितरण पुनः सुरू गरेको छ । विगत दुई वर्षदेखि रोकिएको यो योजना बिहीबारबाट पुनः सञ्चालनमा आएको सुपरमार्केटका अध्यक्ष सुमन घिमिरेले जानकारी दिए ।
अध्यक्ष घिमिरेका अनुसार ५०० रुपैयाँको खरिदमा १ अङ्क प्राप्त हुन्छ भने प्रत्येक अङ्कको मूल्य ५ रुपैयाँबराबर हुन्छ । यदि ग्राहकले १०० अङ्क जम्मा गरेमा ५०० रुपैयाँको सपिङ भौचर प्राप्त गर्नेछन् । सपिङ भौचर सेभ सुपरमार्केटको बकुलहर र सौराहा शाखामा प्रयोग गरी खाद्यान्नदेखि लत्ताकपडा, किचन र घरायसी सामान खरिद गर्न सकिने उनले बताए ।
‘लोयल्टी कार्ड योजनाले ग्राहकहरूसँगको सम्बन्धलाई थप प्रगाढ बनाउँछ’, उनले भने, ‘हामीले सुपरमार्केट स्थापनाकालदेखि नै यो योजना सञ्चालन गर्दै आएका छौँ ।’ सेभ सुपरमार्केटले स्थापनाको पहिलो वर्ष ३८५ ग्राहकलाई लोयल्टी कार्ड वितरण गरेको थियो र नियमितरूपमा भौचर वितरण गर्दै आएको थियो । तर, विविध कारणले दुई वर्षदेखि यो योजना रोकिएको थियो ।
अध्यक्ष घिमिरेले बुधबारदेखि नै १०० भन्दा बढी अङ्क जम्मा गरेका ग्राहकलाई भौचर वितरण सुरू गरिएको बताए । यसका लागि ग्राहकहरूलाई एसएमएस र फोनमार्फत सूचना दिएको छ । आर्थिक वर्ष २०८०/८१ मा २१६ जनाले भौचर प्राप्त गरेका थिए भने २०८१/८२ मा ५२१ जनाले १०० भन्दा बढी अङ्क जम्मा गरेका छन् । उनीहरूलाई क्रमशः जेठसम्म भौचर वितरण गरिने घिमिरेले जानकारी दिए ।
सौराहा भेन्चर्स प्रालिद्वारा सञ्चालित सेभ सुपरमार्केट २०७९ वैशाखदेखि सञ्चालनमा आएको हो । सेभमा सस्तो र सुपथ मूल्यमा खाद्यान्न, लत्ताकपडा, किचन र घरायसी सबै प्रकारका सामान उपलब्ध छन् । ग्राहकको सुविधा र सन्तुष्टिलाई प्राथमिकता दिँदै सेभ सुपरमार्केटले आफ्नो सेवालाई थप प्रभावकारी बनाउने प्रयास जारी राखेको छ । सेभ सुपरमार्केटले आगामी दिनमा पनि यस्ता ग्राहकमैत्री योजनाहरू ल्याउने प्रतिबद्धता जनाएको छ ।
काठमाडौँ । एसियन कप छनोटका क्रममा मलेसियासँग हार व्यहोरेको नेपालले सो नतिजा उल्ट्याउन औपचारिक निवेदन दिएको छ ।
साउदी अरेबियामा सन् २०२७ मा हुने एसिएन कप छनोट प्रक्रियाअन्तर्गत ‘२–०’ले नेपाल पराजित भएको थियो । सो छनोट प्रतियोगितमा भाग लिने मलेसियन खेलाडी प्रतिबन्धित भएसँगै विश्व फुटवल नियामक संस्था ‘फिफा’समक्ष नेपालले निवेदन दिएको अखिल नेपाल फुटबल सङ्घ (एन्फा)का प्रमुख कार्यकारी अधिकृत इन्द्रमान तुलाधरले जानकारी दिए ।
गत महिना ‘फिफा’ले मलेसियाको राष्ट्रिय फुटवल टोलीमा सङ्लग्न सात जना विदेशी खेलाडीलाई एक वर्षका लागि प्रतिबन्ध लगाउँदै फुटबल सङ्घ (एफएएम)लाई चार लाख ४० हजार अमेरिकी डलर जरिवाना गरेको अन्तरराष्ट्रिय समाचार एजेन्सी ‘एएफपी’ले जनाएको छ ।
यसरी प्रतिबन्धित खेलाडीमध्येका एक ‘हेक्टर हेभल’ले मलेसियाको ‘जोहोर’मा सम्पन्न छनोट खेलमा नेपालका विरुद्ध पहिलो गोल गरेका थिए ।
हामीले उक्त खेलमा अयोग्य खेलाडी खेलेको विषयमा ‘फिफा’सँग सम्पर्क गरिसकेका छौँ । त्यसैले नतिजा उल्ट्याउनुपर्छ भन्ने हाम्रो माग हो, सोहीबमोजिम निवदेन दिएका हौँ । एन्फाका प्रमुख कार्यकारी अधिकृत इन्द्रमान तुलाधरले भने ।
मलेसियाका तर्फबाट खेलेका ती सात खेलाडीले आफ्ना मलेसियाली पुर्खाको दाबी गर्न नक्कली कागजात प्रयोग गरेको फिफाको प्रारम्भिक अनुसन्धानबाट देखिएको छ । फिफाका अनुसार तिनीहरूमध्ये कसैको पनि आमाबाबु वा हजुरबुबा मलेसियामा नजन्मेको ‘एएफपी’ले जनाएको छ ।
यसैबीच मलेसियाको फुटवल सङ्घले सो सम्बन्धमा जानाजानी कुनै पनि गलत काम नगरेको स्पष्ट गर्दै खेलाडीहरूको योग्यतासम्बन्धी निर्णय ‘कानुनी प्रक्रियाअनुसार’ नै भएको भन्ने दावी गरेको छ ।
प्रतिबन्धित ती सात खेलाडी गत जुनमा भियतनामविरुद्ध भएको खेलमा पनि सहभागी भएको र उक्त एसिएन कप छनोट खेलमा मलेसियाले ४–० को विजय हासिलसमेत गरेको एएफपीले जनाएको छ ।
हालसम्म चार खेल खेलिसकेको नेपाल कुनै पनि अङ्क प्राप्त गर्न नसकेर समूह ‘एफ’को अन्तिम स्थानमा रहेको छ । मलेसिया १२ अङ्कका साथ शीर्ष स्थानमा छ भने भियतनाम नौ अङ्कसहित दोस्रो र लाओस तीन अङ्क प्राप्त गरी तेस्रो स्थानमा रहन सफल भएको छ ।
काठमाडौँ । आइसिसी टी–२० विश्वकप एसिया तथा इष्ट एसिया पेसिफिक छनोटमा नेपालले ओमानलाई ३८ रनले पराजित गरेको छ ।
ओमानको अल अमिरतस्थित ओमान क्रिकेट एकेडेमी टर्फ–१ मा भर्खरै सम्पन्न खेलमा नेपालले दिएको १५२ रनको लक्ष्य पछ्याएको ओमानले २० ओभरमा नौ विकेट गुमाएर ११३ रन बनायो ।
ओमानका लागि विनायक शुम्लाले १९ बलमा सर्वाधिक ३२ रन बनाए । यस्तै, मोहम्मद नदीमले २५ रन बनाए । नेपालका लागि गुल्शन झाले तीन विकेट लिँदा नन्दन यादव र सोमपाल कामीले समान दुई÷दुई विकेट लिए । सन्दीप लामिछानेले एक विकेट लिए ।
त्यसअघि घरेलु टोलीविरुद्ध टस जितेर पहिला ब्याटिङ रोजेको नेपालले निर्धारित २० ओभरमा नौ विकेट गुमाउँदै १५१ रनको योगफल बनाएको थियो । नेपालका लागि कुशल भुर्तेलले ५१ बलमा सात चौका र एक छक्कासहित सर्वाधिक ६९ रनको योगदान दिए । आसिफ शेखले २० बलमा दुई चौका र एक छक्कासहित २४ रनको योगदान गरे । गुल्शन झाले दुई छक्कासहित १८ रन जोडे भने आदिल आलमले १६ रन बनाए ।
ओमानका लागि नदीम खानले चार विकेट लिए भने शुफिया मेहमुद र जितेन रामानन्दीले समान दुई/दुई विकेट लिए ।
यसअघि नै टी–२० विश्वकपमा स्थान बनाइसकेको नेपाल आठ अङ्क बटुल्दै उपाधि नजिक पुगेको छ । नेपाल अङ्क तालिकाको शीर्ष स्थानमा उक्लिएको छ । दोस्रो स्थानमा रहेको ओमानको छ अङ्क छ ।
भरतपुर । भरतपुर महानगरपालिका वडा नं–२७, धर्मपुरमा कारको ठक्करबाट घाइते भएका पैदलयात्रीको मृत्यु भएको छ ।
बुद्धनगरबाट अमृतचोक जाँदै गरेको बा १६ च १४२ नम्बरको कारको ठक्करबाट घाइते भरतपुर–२७ बस्ने ५७ वर्षीय नवराज पौडेल क्षेत्रीको पुरानो मेडिकल कलेज (सिएमएस), भरतपुरमा उपचार गरी घरमा लगिएकोमा निजको मृत्यु भएको हो ।
कार र कार चालक भरतपुर–६, इन्द्रपुरी बस्ने ३४ वर्षीय विनोद पौडेललाई प्रहरीले नियन्त्रणमा लिएको छ भने शवको पोस्ट मार्टमपश्चात् आफन्तले बुझिलगेको प्रहरीले जनाएको छ ।
भरतपुर । भरतपुर महानगरपालिका वडा नं–२, देवकोटा चोकनजिकै कारको ठक्करबाट गम्भीर घाइते पैदलयात्रीको उपचारका क्रममा अस्पतालमा मृत्यु भएको छ ।
प्रदेश ३–०१–०२२ च ८१७५ नम्बरको कारको ठक्करबाट गम्भीर घाइते भएका भरतपुर–२ बस्ने ५८ वर्षीय रणबहादुर विकको नयाँ मेडिकल कलेज, मनकामना हस्पिटल हुँदै न्युरो हस्पिटल बाँसबारी काठमाडौँमा उपचार गरिएकामा बुधबार राति २३ः११ बजे मृत्यु भएको हो ।
कार र कार चालक भरतपुर–५ बस्ने ४० वर्षीय भुवन अधिकारी जिल्ला प्रहरी कार्यालय चितवनको नियन्त्रणमा रहेको प्रहरीले जनाएको छ ।
रत्ननगर । रत्ननगर वडा नं–१ मा बकुलहरमा रात्रिकालीन बजार सञ्चालन हुने भएको छ । वडा कार्यालय र रात्रिकालीन बजार व्यवस्थापन समितिको संयुक्त पहलमा कार्तिक १० गतेदेखि बजार सञ्चालनमा ल्याइने बुधबार आयोजित पत्रकार सम्मेलनमा जानकारी दिइएको हो ।
पत्रकार सम्मेलनमा वडाध्यक्ष कुलप्रसाद सापकोटाले कार्तिक १० गतेदेखि प्रत्येक सोमबार बजार सञ्चालन हुने बताए । उनले बजार मुख्य राजमार्ग र वडा कार्यालयको सडकबाट सेभ सुपरमार्केट प्रवेश गर्ने सडकमा रहने जानकारी दिए । ‘यो बजारले स्थानीय व्यवसायीहरुलाई थप अवसर प्रदान गर्ने छ’, उनले भने, ‘बजारले स्थानीय उत्पादनको प्रवद्र्धनमा सहयोग गर्ने छ ।’
बजार व्यवस्थापन समितिका संयोजक पुष्पराज श्रेष्ठले बजारमा ५० भन्दा बढी स्टलहरु रहने बताए । बजार दिउँसो ४ बजेदेखि राति १० बजेसम्म सञ्चालन हुनेछ । स्थानीय उत्पादन, दैनिक उपभोग्य खाद्यान्न, रेस्टुरेन्ट, लत्ताकपडालगायतका स्टलहरु राख्ने योजना बनाएको उनले जानकारी दिए । रात्रिकालीन बजारले आर्थिक गतिविधि बढाउन सहयोग गर्ने उनको भनाइ छ ।
कार्यक्रममा रत्ननगर उद्योग वाणिज्य संघका अध्यक्ष शंकर गिरीले रत्ननगरमा पहिलोपटक रात्रिकालीन बजार सञ्चालन हुन लागेकोमा खुसी व्यक्त गरे । उनले अन्य वडाहरुमा पनि यस्ता बजार सञ्चालन गर्न सकिने विचार राख्दै संघबाट आवश्यक सहयोग गर्ने प्रतिबद्धता जनाए । ‘यो पहलले नगरपालिकाको समग्र आर्थिक विकासमा योगदान पु¥याउने छ’, उनले भने, ‘हामी यसलाई सफल बनाउन सहयोग गर्न तयार छौँ ।’
पत्रकार सम्मेलनमा कार्यपालिका सदस्य राम रिमाल, वडाका टोलका अध्यक्षहरु, स्थानीय व्यवसायीलगायतको उपस्थिति थियो ।
काठमाडौँ । एएफसी यू–१७ महिला एसियन कप छनोटको आफनो पहिलो खेलमा नेपालले तुर्कमेनिस्तानसँग बराबरी खेलको छ ।
थाइल्याण्डको चोनबुरी स्टेडियममा आज भएको समूह एफअन्तर्गतको खेलमा नेपाल र तुर्कमेनिस्तानबीचको खेल गोलरहित बराबरीमा सकियो ।
यससँगै दुवै टोलीले समान एक÷एक अङ्क बाँडेका छन् । यस बराबरी खेलसँगै नेपालको एएफसी महिला यू–१७ एसियन कप फुटबलमा पुग्ने सम्भावना कमजोर बनेको छ ।
नेपालले अब समूहको दोस्रो खेल यही असोज ३१ गते थाइल्याण्डसँग खेल्नेछ । थाइल्याण्डले पहिलो खेलमा तुर्कमेनिस्तानलाई १७–० को फराकिलो अन्तरले पराजित गरेको थियो । थाइल्याण्ड तीन अङ्कसहित तालिकाको शीर्ष स्थानमा छ ।
त्यसैगरी एक अङ्क जोडेको नेपाल दोस्रो स्थानमा छ भने दुई खेल खेलिसकेको तुर्कमेनिस्तानको एक अङ्क मात्र छ । तुर्कमेनिस्तान छनोटबाट बाहिरिसकेको छ ।
काठमाडौँ । जेनजी आन्दोलनका क्रममा सुरक्षाकर्मीको हतियार लुटपाट गरी प्रदर्शन गर्ने एक जनालाई प्रहरीले पक्राउ गरेको छ ।
पक्राउ पर्नेमा ललितपुर महानगरपालिका–२६ सुनाकोठीका सम्राट भन्ने राजु परियार रहेको जिल्ला प्रहरी परिसर काठमाडौँका प्रवक्ता एवं प्रहरी उपरीक्षक पवनकुमार भट्टराईले जानकारी दिए ।
उनले भने, “गत भदौ २४ गते भएको प्रदर्शनका क्रममा तोडफोड तथा आगजनी गर्ने कार्यमा संलग्न रही सुरक्षाकर्मीले प्रयोग गर्ने एसएलआर बोकेर सिंहदरबार मूलद्वार अगाडिलगायतका विभिन्न स्थानमा सार्वजनिक सम्पत्ति तोडफोड तथा आगजनी गरी क्षति पुर्याएको अभियोगमा परियारलाई पक्राउ गरिएको हो ।”
पक्राउ परेका परियारबिरुद्ध मुलुकी अपराध संहिता, २०७४ को दफा २८५ बमोजिम आपराधिक उपद्रव गर्न नहुने समेतको कसुरमा काठमाडौँ जिल्ला अदालतबाट बुधबार पाँचको म्याद थप गरी अनुसन्धान सुरू गरिएको प्रवक्ता भट्टराईले बताए । साथै, निजको यसअघि पनि विभिन्न मितिमा बैंकिङ कसूर तथा ठगी कसूरजस्ता आपराधिक गतिविधिमा संलग्नता रहेको देखिएको प्रहरीले जनाएको छ ।
महोत्तरी । महोत्तरीको जलेश्वर नगरपालिका–४ स्थित धान खेतमा बुधबार दिउँसो एक नवजात शिशु फेला परेको छ ।
जिल्ला प्रहरी कार्यालयका प्रहरी नायब उपरीक्षक शैलेन्द्र भट्टका अनुसार दिउँसो करिब २ः०० बजे भार्गवसर पोखरी नजिकैको धानखेतमा अन्दाजी १५/१६ दिनको पुरुष शिशु जीवितै फेला परेको हो ।
जीउमा हल्का निलो रङ्गको लुगा लगाएको र गुलाबी रङ्गको कपडामा बेरिएको अवस्थामा रहेको उक्त शिशुलाई वनमा घाँस काट्न गएका स्थानीयहरुले धानखेतमा देखेपछि प्रहरीलाई जानकारी गराएका थिए ।
प्रहरीले उक्त शिशुलाई तत्काल स्वास्थ्य परीक्षणको लागि प्रादेशिक अस्पताल जलेश्वर लगिएका छ भने शिशु पूर्णरुपमा स्वस्थ र सुरक्षित रहेको जनाइएको छ ।
शिशु कसको हो भन्ने सम्बन्धमा प्रहरीले अनुसन्धान अगाडि बढाएको छ । धानखेतमा कि छाडेको भन्ने सम्बन्धमा जिल्लाका सबै प्रहरी युनिटमा खोजतलासका लागि जानकारी गराइएको प्रनाउ भट्टले बताए ।
काठमाडौँ । नेपालले अर्को वर्ष भारत र श्रीलङ्कामा आयोजना हुने टि–२० आइसिसी विश्वकप, २०२६ का लागि छनोट भएको छ । ओमानमा जारी एसिया एण्ड इएपी छनोटमा शीर्ष तीनमा परेसँगै नेपाल विश्वकपका लागि छनोट भएको हो ।
जारी प्रतियोगिताको ‘सुपर सिक्स’मा बुधबार युएईले सोमाओलाई ७७ रनले पराजित गरेसँगै नेपालले विश्वकपमा स्थान सुरक्षित गरेको हो । यससँगै नेपालले लगातार दोस्रो तथा समग्रमा तेस्रो पटक विश्वकपमा पुग्न सफल भएको हो । यसअघि नेपालले सन् २०१४ र २०२४ को विश्वकप खेलेको थियो ।
गणितीय समीकरणअनुसार यदि सामोआले युएईलाई हराएको भए विश्वकपमा पुग्न नेपाललाई थप दुई अङ्कको आवश्यक पर्दथ्यो । तर, खेल युएईले जित निकालेसँगै नेपालको विश्वकप यात्रा सहज बनेको हो ।
साथै, ओमानले पनि विश्वकपमा स्थान पक्का गरेको छ । आजै सम्पन्न अर्को खेलमा कतारले जापानलाई तीन विकेटले हराएसँगै ओमान पनि विश्वकपमा पुगेको हो । नेपाल र ओमानले हाल तीन खेलबाट ६ अङ्क जोडेका छन् ।
युएईको चार अङ्क रहँदा जापान र कतारको समान दुई अङ्क छ । अब अन्तिम खेलमा युएईले जापानको सामना गर्दैछ । उक्त खेलपछि विश्वकपमा पुग्ने तेस्रो टोलीको टुङ्गो लगाउने छ ।
चितवन । पूर्वी चितवनको रत्ननगरमा रहेको किसान दाना उद्योगको पर्खाल भत्किँदा तीन जनाको मृत्यु भएको छ भने अन्य दुई जना घाइते भएका छन् । रत्ननगर नगरपालिका–१२ शान्तिकुञ्ज टोलमा रहेको दानाको ४ नम्बर भित्तो बुधबार बिहान ९ः५० बजे भत्किएको थियो ।
भित्तो भत्किँदा उद्योगमा काम गर्ने पाँच जना घाइते भएका थिए । उनीहरूमध्ये तीन जनाको उपचारका क्रममा मृत्यु भएको हो ।
मृत्यु हुनेमा खैरहनी नगरपालिका–२ का ४५ वर्षीय सुमरा दराई, गोरखा घर भई हाल रत्ननगर नगरपालिका–१२ बस्ने ४५ वर्षीय रमेश दमाई र सोही स्थानका ४५ वर्षीय कमल गुरुङ रहेको जिल्ला प्रहरी कार्यालय चितवनका प्रहरी नायब उपरीक्षक रवीन्द्र खनालले जानकारी दिए । उनीहरूको चितवन मेडिकल कलेजमा उपचारका त्रममा मृत्यु भएको हो ।
यस्तै, घाइते हुनेमा पर्सा घर भई हाल रत्ननगर नगरपालिका–१२ बस्ने ३९ वर्षीय जीतेन्द्र महतो र ४० वर्षीय अकजप्रसाद थारु रहेका छन् । घाइते दुवैको सोही अस्पतालमा उपचार भइरहेको छ भने अवस्था मध्यम रहेको खनालले जानकारी दिए ।
चितवन । जेनजी प्रदर्शनका क्रममा घाइते भएका बिरामीलाई लक्षित गर्दै राज्यले भैपरी खर्च उपलब्ध गराउन लागेको छ । सोहीअनुसार प्रदर्शनका क्रममा जिल्ला र जिल्ला बाहिर भएका झडपमा परेका जिल्लावासीलाई भैपरी खर्च उपलब्ध गराउन थालिएको हो ।
जिल्ला प्रशासन कार्यालयका सहायक प्रमुख जिल्ला अधिकारी चूडामणि शर्मा गौतमका अनुसार गृह मन्त्रालयबाट प्राप्त पत्रका आधारमा भैपरी खर्च र परिचयपत्र वितरणको काम थालिएको छ ।
कार्यालयले एक सूचना जारी गर्दै प्रदर्शनका क्रममा घाइते भई अस्पतालमा उपचार गराएका बिरामीले टिकट÷पुर्जी ÷डिस्चार्ज कागजात÷उपचार खर्चको बिल भर्पाइ, नेपाली नागरिकताको प्रमाणपत्र (सक्कल), फोटो दुई थान र घाइतेको नाममा रहेको बैंक खाता खुल्ने चेकको प्रतिलिपि लिएर जिल्ला प्रशासन कार्यालयमा सम्पर्क गर्न भनिएको छ ।
परिचयपत्रको अभिलेखमा हस्ताक्षर र औँठाछाप गर्नुपर्ने भएकाले घाइते स्वयम् उपस्थित हुन उहाँले आग्रह गर्नुभयो । यो परिचयपत्र प्राप्त गरेका व्यक्तिले राज्यबाट विभिन्न किसिमका सुविधा प्राप्त गर्नसक्ने छन् ।
चितवन जिल्ला स्थायी ठेगाना भएर अन्य जिल्लामा घाइते भएकालाई समेत यस कार्यालयबाट भैपरी खर्च र परिचयपत्र वितरण गरिने उनले जानकारी दिए ।
उनका अनुसार गत भदौ २३ र २४ गते भएको जेनजी प्रदर्शनमा चितवनमा १२३ जना घाइते भएको विवरण कार्यालयसँग छ । गृह मन्त्रालयले चितवनसहित अन्य जिल्लामा भएका घाइतेहरु १४२ जनामा नामावलीसहित भैपरी खर्चबापत रु २० हजारका दरले खर्च पठाएको उनले बताए ।
प्रदर्शनका घाइतेहरूको नामावली छुटेको अवस्था रहेको भए पुनः गृह मन्त्रालयमा पठाउने गरी काम गरिएको सहायक प्रमुख जिल्ला अधिकारी गौतमले बताए । अहिले राज्यले प्रारम्भिक चरणमा भैपरी खर्च र परिचयपत्रको व्यवस्था गरेको जनाउँदै उनले जेनजी प्रतिनिधिहरूको उपस्थितिमा दुवै काम गरिने उल्लेख गरे ।
काठमाडौँ । ओमानमा जारी आइसिसी पुरुष ट्वान्टी-२० विश्वकप एसिया एण्ड इस्ट एसिया प्यासिफिक छनोटको सुपर सिक्सअन्तर्गतको आफ्नो दोस्रो खेलमा नेपालले कतारलाई पाँच रनले पराजित गर्दै विजयी भएको छ ।
ओमानको अल अमिरतस्थित ओमान क्रिकेट एकेडेमी टर्फ-१ मा आज भएको खेलमा नेपालले कतारलाई पाँच रनले पराजित गर्दै सुपर सिक्समा लगातार दोस्रो जित दर्ता गराएको हो । आइतबार भएको पहिलो खेलमा नेपालले संयुक्त अरब इमिरेट्स (युएई)लाई एक रनले हराउँदै रोमाञ्चक जित हासिल गरेको थियो ।
नेपालले दिएको १४८ रनको लक्ष्य पछ्याएको कतार १९ दशमलव पाँच ओभरमा १४२ रनमा अलआउट भयो । कतारका लागि ओपनर इमाल लियानागेले ३५ बलमा सर्वाधिक ५५ रन बनाए । त्यस्तै जुबेर अलीले ५२ रन बनाए । नेपालका लागि सन्दीप लामिछानले पाँच विकेट लिए । त्यस्तै नन्दन यादवले दुई र दीपेन्द्रसिंह ऐरीले एक विकेट लिए ।
त्यसअघि टस हारेर पहिला ब्याटिङको निम्तो पाएको नेपालले निर्धारित २० ओभरमा नौ विकेट गुमाएर १४७ रनको योगफल बनाएको थियो । नेपालका लागि कप्तान रोहित पौडेलले सर्वाधिक ५८ रनको योगदान दिए ।
त्यस्तै, दीपेन्द्रसिंह ऐरीले २६ रन बनाए भने गुल्शन झाले १६ रन जोडे । यता कतारका लागि कप्तान मिर्जा बेग र डानियल लुइसले समान तीन÷तीन विकेट लिए भने मुहम्मद असिमले १ विकेट लिए ।
नेपालले समूह ‘बी’को विजेताका रूपमा सुपर सिक्सको यात्रा तय गरेको हो । समूह चरणमा नेपालले कुवेत र जापानलाई हराएको थियो ।
तेल अभिव । इजरायलले अझै जीवित रहेको विश्वास गर्ने २२ जना बन्धकमध्ये एकमात्र गैर–इजरायली नेपाली नागरिक विपीन जोशी पनि रहेका छन् । उनको कथा अहिले पनि इजरायल र नेपाल दुवै देशमा पीडा र आशाको प्रतीक बनेको छ ।
सन् २०२३ अक्टोबर ७ मा हमासद्वारा इजरायलमा गरिएको विनाशकारी आक्रमणपछि दुई वर्ष लामो युद्ध सुरु भएको थियो । हमासको उक्त आक्रमणमा करिब एक हजार दुई सय जनाको मृत्यु भयो र २५१ जना अपहरणमा परे ।
गाजाको स्वास्थ्य मन्त्रालयका अनुसार सो लडाइँले हालसम्म ६७ हजारभन्दा बढी प्यालेस्टिनीहरूको ज्यान लिइसकेको छ । त्यसमा झण्डै आधा महिला र बालबालिका रहेका छन् । हाल गाजाको जनसङ्ख्याको करिब ९० प्रतिशत विस्थापित भइसकेको अनुमान गरिएको छ ।
गाजामा हाल ४८ जना बन्धकहरू रहेका छन् । तिनमा अघिल्ला युद्धका एक सैनिकको शव पनि समावेश छ । इजरायली अधिकारीहरूले कम्तीमा २५ जना बन्धक मरेको पुष्टि गरेका छन्, तर बाँकी २० जनामध्ये कति जीवित छन् भन्ने अझै स्पष्ट छैन । तिनै बन्धकमध्ये एक जना नेपाली विद्यार्थी विपिन जोशी पनि छन् । उनलाई जीवित रहेको विश्वास गरिएको छ ।
चौबिस वर्षीय नेपाली युवा विपीन जोशी आक्रमण हुनुभन्दा एक महिनाअघि मात्र आफ्नो जन्मस्थान नेपालबाट इजरायल पुगेका थिए । उनी कृषि अध्ययनका लागि विद्यार्थी आदानप्रदान कार्यक्रममा सहभागी हुन गाजाको सीमामा रहेको किबुट्ज अलुमिममा कार्यरत थिए ।
कार्यक्रमका १७ जना नेपाली विद्यार्थीमध्ये १० जनाको हमासको आक्रमणका क्रममा मृत्यु भएको थियो । उनीहरू बम आश्रयमा लुकेका थिए र हमलाको क्रममा फ्याँकिएका जीवित ग्रेनेडहरूबाट बाँच्न सफल भए पनि विपीन जोशी घाइते भएर अपहरणमा परेका थिए ।
विपीनका परिवारका अनुसार उनी गाजामा जीवित रहनुभएको हुनसक्छ भन्ने विश्वास अझै बलियो छ । उनकी १७ वर्षीया बहिनी पुष्पा जोशीले आफ्ना दाजुको रिहाइका लागि अहोरात्र प्रयास गरिरहेका छन् ।
अधिकारीहरू र कूटनीतिक निकायहरूसँग भेट गरी दाजुको रिहाइका लागि आवाज उठाउन सकियोस् भनेर उनी पश्चिम नेपालको आफ्नो गाउँबाट प्रत्येक हप्ता काठमाडौँ आउन आठ–आठ घण्टाको बस यात्रा गरे ।
गत अगस्टमा जोशी परिवारले राष्ट्रपति आइज्याक हर्जोगलाई भेट्न र तेल अभिवको ‘होस्टेज स्क्वायर’ मा बन्धक परिवारहरूले आयोजना गर्ने प्रदर्शनमा सहभागी हुन इजरायल यात्रा पनि गरेको थियो । उनीहरूले नेपाल सरकार र अन्तर्राष्ट्रिय समुदायसँग पनि जोशीको उद्धारका लागि सक्रिय भूमिका खेल्न आग्रह गर्दै आएका छन् ।
विपीन जोशी अहिले पनि गाजामा जीवित रहेको विश्वास इजरायली अधिकारीहरूले राखेका छन् । उनका साथीहरूले विपीन अध्ययनशील, मिलनसार र सहयोगी स्वभावका युवा रहेको बताएका छन् । विपीनले आफ्नो भविष्य कृषि विकासमा योगदान गर्ने सपनासँग इजरायल यात्रा गरेका थिए ।
इजरायलले युद्धविराम सुरु भएपछि बाँकी रहेका बन्धकहरूलाई ७२ घण्टाभित्र रिहा गरिने आशा व्यक्त गरेको छ । यसको बदलामा करिब दुई हजार प्यालेस्टिनी कैदीलाई रिहा गर्ने तयारी भइरहेको छ ।
विपीनको परिवार भने आशाको झिल्को निभ्न नदिई, दाजु–छोरा फर्किने दिनको प्रतीक्षा गर्दै अझै पनि प्रतीक्षामा छ । परिवारका अनुसार ‘विपीन फर्किनुभयो भने त्यो केवल हाम्रो परिवारको जित होइन, यो नेपाल र मानवताकै जित हुनेछ ।’
इजरायलले अझै जीवित रहेको विश्वास गर्ने २२ जना बन्धकहरूको नामावली यस्तो छ :
मातान एङ्ग्रेस्ट (२२), गली बर्मन (२८), जिव बर्मन (२८), एल्काना बोबोट (३६), रोम ब्रास्लावस्की (२१), निम्रोद कोहेन (२१), अरिएल कुनियो (२८), डेविड कुनियो (३५), एव्यातार डेविड (२४), गाइ गिलबोआ–दलाल (२४), मक्सिम हार्किन (३७), इटन होर्न (३८), विपीन जोशी (२४), सेगेव काल्फोन (२७), बार कुपरस्टीन (२३), ओमरी मिरान (४८), एटान मोर (२५), तामिर निमरोदी (२०), योसेफ–चेइम ओहाना (२५), एलोन ओहेल (२४), अविनातन ओर (३२) र मातान जाङ्गाउकर (२५) । (रासस/एपी)
भरतपुर । निजी विद्यालयहरूको छाता संगठन प्याब्सन चितवन र उच्च शिक्षालय तथा माध्यमिक विद्यालय संघ (हिसान)ले शिक्षा विकास तथा समन्वय इकाइ चितवनलाई विद्युतीय तथा अन्य सामग्री हस्तान्तरण गरेको छ । हिसान चितवनका अध्यक्ष दीपेन्द्र ढकालले ती सामग्री हस्तान्तरण गरेका हुन् ।
आइतबार शिक्षा विकास तथा समन्वय इकाइ चितवनमा आयोजित एक कार्यक्रममा प्याब्सन चितवन र हिसान चितवनका प्रतिनिधिले डेल ब्राण्डको कम्प्युटर एक थान, ‘थ्री इन वान’ ब्रदर ब्राण्डको प्रिन्टर एक थान र स्टिल दराज एक थान हस्तान्तरण गरिएको हो ।
गत भदौ २३ र २४ गते जेन–जी आन्दोलनमा चितवनका थुप्रै सरकारी कार्यालयहरूमा आगजनी तथा तोडफोड गरिएपछि सेवाग्राहीलाई छरितो सेवा प्रदान गर्ने उद्देश्यले यसअघि नै प्याब्सन चितवनले जिल्ला प्रशासन कार्यालयमार्फत रु। ११ लाख मूल्यबराबरका १० थान कम्प्युटर र प्रिन्टर सहयोग गरेको थियो ।
शिक्षा विकास तथा समन्वय इकाइ चितवनका कार्यालय प्रमुख लक्ष्मण देवकोटाले प्याब्सन चितवनका अध्यक्ष मदन पुरीलाई गरेको आग्रहबमोजिम हिसान चितवनका सचिव दिनेश पुरी र प्याब्सन चितवनका कोषाध्यक्ष नवराज पौडेलको सक्रियतामा ती सामग्री हस्तान्तरण गरिएको प्याब्सन चितवनले जनाएको छ ।
शिक्षाजस्तो संवेदनशील क्षेत्रमा विविध आन्दोलनलगायतका क्रियाकलापबाट सिर्जित हुने अवस्थाले ठूलो हानि पु¥याउने हुनाले सहयोग जुटाएर ती सामग्री प्रदान गरिएको कोषाध्यक्ष पौडेलले जानकारी दिए । ‘विद्यालयहरूको तालुकदार अड्डा भएको र आफूहरूको बारम्बार काम परिरहने हुनाले ती सामग्री हस्तान्तरण गरेका हौँ’, कोषाध्यक्ष पौडेलले भने ।
प्याब्सन चितवनका उपाध्यक्ष कृष्ण भट्ट, सचिव दयानिधि अर्याल, हिसान चितवनका उपाध्यक्ष प्रदीप पौडेललगायतको उपस्थिति रहेका कार्यक्रममा हस्तान्तरित सामग्री ग्रहण गर्दै समन्वय इकाइका कार्यालय प्रमुख देवकोटाले सँगसँगै पुनर्निमाणमा जुट्न र सेवाग्राहीलाई छरितो सेवा प्रवाह गर्न आफूहरू प्रतिबद्ध रहेको बताए । आग्रह गरेबमोजिमका सामग्री पाएकोमा खुसी व्यक्त गर्दै उनले प्याब्सन चितवन र हिसान चितवनलाई धन्यवाद ज्ञापन गरेका थिए ।
– अधिवक्ता रमेश काफ्ले
जनकवि धरणीधर कोइरालाको भनाइमा साहित्य समाजको ऐना हो । जसमा समाजका बहुआयामिक पक्षहरू अनुभव, विचार, भावना, कल्पना र जीवनका विविध पक्षहरूलाई सौन्दर्यपूर्ण र सृजनात्मक भाषामा अभिव्यक्त गरिएको हुन्छ । वरिष्ठ पत्रकार वसन्त पराजुलीद्वारा लिखित उपन्यास ‘बखान’ले पनि नेपालको राजनीतिक विकासक्रम र खासगरी चितवनको राजनीतिका अतिरिक्त सामाजिक, आर्थिक, पर्यापर्यटन, वातावरणका अतिरिक्त बसाइँसराइ र यसका प्रभावहरूलाई अत्यन्त सरल, सहज किसिमबाट उजागर गर्न सफल भएको छ ।
व्यक्तिव्यक्ति मिलेर समाजको निर्माण भएको हुन्छ भने समाजले व्यक्तित्व निर्माण गर्दछ । समाजको सदस्यको रूपमा व्यक्तिले अनेकौँ भूमिका निर्वाह गरेको हुन्छ । जब कुनै व्यक्तिले समाजलाई कसरी अगाडि बढाउने र समाजको परिवर्तनमार्फत नयाँ संसारको परिकल्पना गर्दछ त्यसलाई नै वास्तवमा नेता मानिन्छ । नेता त्यो हो, जसले असामान्य परिस्थितिमा सामान्य तरिकाले असामान्य समस्याको सामान्य समाधान निकाल्न सक्छ । सामान्य परिस्थितिमा जो कसैले पनि काम गर्न सक्छ तर सामान्य नागरिकले गरेभन्दा भिन्न र सहज तरिकाले जुनसुकै समस्याको पनि हल गर्न सकेमात्रै व्यक्ति वास्तविक नेता ठहरिन्छ । यसलाई पुस्तौँपुस्तासम्म सफल नेतृत्वदायी व्यक्तिका रूपमा सम्झिन्छ ।
भनिन्छ, इतिहास जित्नेहरूको मात्र लेखिन्छ र हारेकाहरूको खोजी तथा लेखन साहित्यका विभिन्न विधाहरूबाट प्रस्फुटन भएको हुन्छ । बखानसिंह गुरुङ राजनीतिक नेताको अतिरिक्त एक सामाजिक अभियन्ताका रूपमा उक्त कालखण्डमा स्थापित व्यक्ति हुन् । बखानसिंह सफल भए वा भएनन् उहाँले जिते वा जितेनन् छुट्टै बहसको बिषय होला तर उहाँको जीवनभरको लडाइँ विचार आदर्शले जितेका कारण नै अहिलेको पुस्ताले प्रजातन्त्र ९लोकतन्त्र०को भरपूर उपयोग गर्न पाएको छ । जीवनको उतराद्र्धमा राजनीतिक रूपमा नेपाली कांग्रेसको मूलधार छाडेकाले कांग्रेसको इतिहासमा उहाँको नाम छाया परे पनि वा पारिए पनि उहाँको समग्र जीवन र त्याग तपस्यालाई नयाँ पुस्ताका माझ सशक्त रूपमा उजागर गरिदिन बखान उपन्यास सफल भएको छ ।
जीवनका घटनाहरूका बारेमा प्रत्यक्ष संलग्न भई सूचना सङ्कलन गरी जीवन इतिहास तयार पारिन्छ । बखानसिंह गुरुङको जीवनका विविध पक्षहरूलाई कल्पना र यथार्थको संयोजनद्वारा पराजुलीले सिङ्गो बखानको सृजना गरेको पाइन्छ । पराजुलीले आफैँ बखानसिंह गुरुङसँग साक्षात्कार गर्न पक्कै पाएनन् होला तर उनको जीवनीका बारेमा अध्ययन, अनुसन्धान गरी नाति पात्र खडा गरी हजुरबुबाकै डायरीबाट लेखिएका विषय प्रसङ्गको रूपमा जुन परिदृष्य खडा गरी लमजुङबाट राजनीतिक यात्राको सुरुआतसँगै चितवनको बसाइँसराइ, गुरुङ समुदायको प्रचलनहरू, चितवनको कांग्रेस राजनीति, भारतमा निर्वासित जीवन, पारिवारिक अवस्था, थारू समुदायका रीतिरिवाज, परम्परा, संस्कारहरूलाई सशक्त रूपमा देखाउन सफल भएका छन् ।
जीवन इतिहासले व्यक्तिको व्यक्तिगत ऐतिहासिक पक्षको अध्ययन गर्दछ । एउटा व्यक्तिको जीवनकहानीबाट नै समाजको समग्र इतिहासको प्रतिनिधित्व गर्न वा गराउन सक्नुपर्दछ जुन कुरामा स्रष्टा पराजुली सफल भएका छन् । समाजशास्त्र, मानवशास्त्र, राजनीतिशास्त्र, मनोविज्ञानको अनुसन्धान पद्धतिमा जीवन इतिहास सशक्त माध्यमका रूपमा रहे पनि पराजुलीले साहित्यको माध्यमबाट उक्त पद्धतिलाई अवलम्बन गरेका छन् । कुनै पनि घटनाको सुरुआत वा सृजना हुनुमा विगतमा भए÷गरेका घटना प्रक्रिया, सामाजिक, सांस्कृतिक अवस्था, राजनीतिक र भौगोलिक धरातलको अत्यन्त महत्त्वपूर्ण भूमिका रहेको हुन्छ । यसैले आजको विद्यमान समाज र संस्कृति जान्नका लागि वा विश्लेषण गर्नका लागि विगतको सामाजिक संरचना, प्रभाव र परिवर्तनलाई बुझ्नु जरुरी छ ।
आजको नयाँ पुस्ताले आफ्नै संस्कृति बिर्सँदै गएको अवस्था रहेको छ । गुरुङ, थारू, नेवारलगायतका जातजातिको रैथाने भाषा, शब्दावली, परम्परा, संस्कारहरूलाई उपन्यासकार पराजुलीले उपन्यासमा जीवन्त रूपमा प्रस्तुत गरेका छन् । थारू समुदायमा फागुपूर्णिमामा गाइने फगुवा गीत, नेवार समुदायको गाईजात्रा र रामायण निकाल्ने परम्परा तथा गुरुङ समुदायको मृत्यु संस्कार, देवघाटको महत्व र सोमेश्वरको आध्यात्मिक पक्षजस्ता विषयहरूको गहिराइमा पुगेर गरिएको प्रस्तुति सोही समुदायका नयाँ पुस्तालाई मात्र होइन समाज र संस्कृतिको ज्ञान लिन चाहने अध्येताहरूका लागि समेत महत्त्वपूर्ण स्रोतका रूपमा रहन सक्ने अवस्था रहेको छ ।
कुनै समयमा घटेका वास्तविक घटना नै पछि गएर इतिहास बन्दछन् । सरल, प्रभावकारी र जीवन्त भाषामा लेखिएको यस उपन्यासमा बखानसिंह र उहाँको परिवारलाई पात्रको रूपमा लिई जन्मदेखि मृत्युपर्यन्त सम्पूर्ण पक्षको अध्ययन र जानकारी प्रस्तुत गरिएको छ । चितवनको वर्तमान समाजको स्वरुप किन, कसरी, कहिलेबाट, केकस्तो आर्थिक, सामाजिक राजनीतिक, सांस्कृतिक, पृष्ठभूमिबाट विकसित भएको भन्ने विषयलाई बखान उपन्यासले प्रष्ट पारेको छ । कार्यकारण सम्बन्ध र प्रभावलाई सुक्ष्म रूपमा एक पात्रको माध्यमबाट विश्लेषण गरिएको छ । पहाडबाट बसाइँसराइका आयामहरू, निकुञ्ज स्थापनाकालका जटिलताहरू, चितवनको बस्ती विकासका विविध पक्षहरूलाई प्रष्टसँग देखाइएको छ । कसैको विचार, भावना, दृष्टिकोणलाई काल्पनिक पात्र खडा गरी प्रस्तुति गरिए पनि पराजुलीको बखान उपन्यासमा कुन कुरा वास्तविक तथ्य हो र कुन काल्पनिकता हो भनी छुट्याइ हेर्न मुस्किल रहेको छ ।
नेपालमा सहकारी अभियानलाई सुरुआत गराउने व्यक्तिको सीमित परिचय पाएका बखानसिंह गुरुङका राजनीतिक सामाजिक पाटाहरूलाई समेत केलाउने प्रयत्न गरिएको छ । बखान उपन्यासले नयाँ लेखकहरू तथा अध्येताहरूलाई समाजमा गुमनाम हुन पुगेका व्यक्तित्वहरूको खोज, अनुसन्धानमा प्रेरित गरेको छ । जुन घटनालाई अवलोकन गर्न वा प्रत्यक्ष साक्षात्कार गर्न सकिँदैन त्यस्ता घटनाहरूलाई वैयक्तिक अध्ययनबाट उजागर गर्न सकिन्छ । यस खालका पढ्नमा सरल कृतिहरूबाट समाज र राजनीतिको इतिहास खोजतर्फ नयाँ पुस्तालाई आकर्षित गराउने कुरामा कुनै सन्देह हुन सक्दैन ।
राजनीति भनेको राज्य सरकार वा राजनीतिक दलमात्र होइन । एउटा परिवार र समुदाय र त्यसभित्र रहेका परिवार र समुदायको सर्वाङ्गिण विकासका लागि गरिने व्यवहार, शक्तिसम्बन्ध, निर्देशन, आदर्श तथा कार्यप्रणालीहरू सबैलाई राजनीतिक संस्थाको रूपमा मान्नुपर्ने हुन्छ । तत्कालीन चितौने समाजको शक्ति संरचना, राजनीतिक, सामाजिक जीवन र द्वन्द्वलाई आदिवासी थारू समुदायका माध्यमबाट उजागर गर्न खोजिएको छ ।
एउटै कृतिका माध्यमबाट गुरुङ, नेवार, थारू, बाहुनलगायत समुदायको सामाजिक, सांस्कृतिक पक्षहरूको उजागर गर्नुका साथै राजनीति, वन्यजन्तु र पर्यापर्यटनको महत्व, बसाइँसराइ र त्यसको प्रभाव, तत्कालीन राजा महेन्द्रको राजनीतिक तथा वैयक्तिक पारिवारिक जीवन, चितवनको बस्ती विकास, देवघाट सोमेश्वर नारायणीजस्ता पवित्र तीर्थस्थलहरूको परिचय, चीन र भारतसँगको नेपालको भूराजनीतिक धरातलीय अवस्थाका सम्बन्धका बारेमा खोज विश्लेषण गरिएको छ र त्यसमा सशक्त तरिकाबाट साहित्यिक लेपन लगाइएको छ ।
उपन्यास भन्नासाथ मायाप्रेमका सुखान्त र दुःखान्तका पक्षहरूमा बढी पाठकको ध्यान जानु स्वाभाविक हो । स्रष्टा पराजुलीले यस उपन्यासमा हात्ती, गैडाजस्ता जनावरको सहवास वा यौनक्रिडालाई प्रस्तुत गरी त्यो मिठास दिने प्रयास गरिएको छ । कताकता हात्ती, गैडाको उदाहरण दिई प्राकृतिक रूपमा नै पोथीभन्दा भाले शक्तिशाली हुन्छ भन्ने सन्देश दिन खोजेको आभास पनि उपन्यासमा पाइन्छ । बहुविवाह गरी चितवन र काठमाडौँमा दुई घरबार बसालेका पात्र बखानसिंह गुरुङबाट सो कार्यको बचाउ गर्न खोजिएको छ ।
गुरुङ समुदायको मृत्यु संस्कारबाट विषयवस्तुको उठान गरी थारू समुदायको भताही संस्कारबाट उपन्यासको सांस्कृतिक पाटोलाई बिट मार्न खोजिएको छ । उपन्यासको पछिल्लो भाग पढ्दै जाँदा भने साहित्यिक उपन्यासभन्दा पनि वैयक्तिक जीवनी पढेको आभास बढी हुन्छ । उपन्यासले गुरुङ परिवारको महत्त्वपूर्ण पात्र मनकुमारीको देहान्तसम्म पुगे पनि स्वयं बखानसिंह गुरुङको अन्त कहिले र कसरी भयो तथा सर्वस्वहरणमा परेको सम्पत्तिको पुनः प्राप्ति भयोरभएन, रुग्ण अवस्थामा रहेको सहकारीलाई कसरी पुनर्संरचना गरियो भन्ने कुराको जानकारी अधुरै छाडेको छ । गुरुङले दुईपटकसम्म न्याय तथा कानुनमन्त्रीको जिम्मेवारी लिएको देखिन्छ । उहाँले मन्त्री जीवनमा गरेका कार्य वा चितवनको न्यायिक इतिहासमा तत्कालीन नेतृत्वको कुनै भूमिका रह्यो वा रहेन भन्ने विषयमा समेत मौनता रहेको पाइन्छ । चितवनले नसम्झेको पात्र बखानसिंह गुरुङलाई पुराना पुस्तामाझ स्मरण गराउन र नयाँ पुस्तामाझ परिचित गराउन सफल प्रस्तुत बखान उपन्यासको ‘कभर डिजाइन’ वा कहीँकतै बखानसिंह गुरुङको वास्तविक तस्बिर पनि राखिदिएको भए विषयगत रूपमा अझै जीवन्त हुन सक्थ्यो होला ।
रत्ननगर । रत्ननगरका उद्योगी व्यवसायीहरुले मुलुकको व्यवस्था परिवर्तनका लागि हुने आन्दोलनमा निजी क्षेत्र निसानामा पर्ने गरेको भन्दै चिन्ता व्यक्त गरेका छन् । उनीहरुले परिर्वतनको नाममा भएको जेनजी आन्दोलनमा समेत निजी क्षेत्रले ठूलो नोक्सानी व्यहोर्नु परेको भन्दै मुलुकमा लगानीको वातावरण नरहेको बताएका हुन् ।
रत्ननगर उद्योग वाणिज्य संघको २६औँ वार्षिक साधारण सभामा बोल्दै अगुवा व्यवसायीहरुले व्यवस्था परिवर्तनका नाममा हुने साना–ठूला आन्दोलनमा निजी क्षेत्र आक्रमणको सिकार बन्ने गरेको बताए । परिवर्तनको नाममा भएको जेनजी आन्दोलनमा समेत निजी क्षेत्रले ठूलो नोक्सानी व्यहोर्नु परेको भन्दै उनीहरुले मुलुकमा लगानीको वातावरण नरहेको बताए ।
कार्यक्रमका प्रमुखअतिथि नेपाल उद्योग वाणिज्य महासंघका वरिष्ठ उपाध्यक्ष अन्जन श्रेष्ठले व्यवस्था परिवर्तनका लागि हुने आन्दोलनमा निजी क्षेत्र सधैँ निसानामा पर्ने गरेको बताए । व्यवस्था परिवर्तन भए पनि अवस्था परिवर्तन हुन नसकेको भन्दै उनले जेनजी आन्दोलनले पनि निजी क्षेत्रलाई क्षति गरेको बताए । देशमा विद्यमान अनिश्चितता चिर्न निजी क्षेत्र सहकार्य गर्न तयार रहेको उनको भनाइ थियो ।
महासंघका उपाध्यक्ष सुरजकृष्ण बैद्यले जेनजी आन्दोलनपछि उत्पन्न परिस्थितिले निजी क्षेत्र निराश रहेको भन्दै थप लगानीको वातावरणको सम्भावना हराउँदै गएको बताए । सरकारले लगानी सुरक्षाको ग्यारेन्टी गर्न नसकेको भन्दै उनले राज्यले कर लिएअनुसार दायित्व पूरा गर्न नसकेको बताए ।
चितवनका प्रमुख जिल्ला अधिकारी गणेश अर्यालले उच्च मनोबलका साथ लगानी गर्न निजी क्षेत्रलाई आग्रह गर्दै सुरक्षाको ग्यारेन्टी सरकारले गर्ने बताए । जेनजी आन्दोलन मानवसिर्जित विपत्ति रहेको भन्दै उनले यसको असर धेरै समय नरहने बताए । ‘हामी सुरक्षा दिन तयार छौँ’, उनले भने, ‘तपाईंहरु उच्च मनोबलका साथ व्यवसाय अगाडि बढाउनुस् ।
कार्यक्रममा रत्ननगर उद्योग वाणिज्य संघले व्यावसायिक सुरक्षा, पर्यटन विकास, कर प्रणालीमा सुधार र पूर्वाधार निर्माणमा लगानीलाई केन्द्रित गरी विभिन्न मागहरु गरेको छ । संघका अध्यक्ष शंकर गिरीले सुरक्षा र स्थिरताको ग्यारेन्टी, कर प्रणालीको सरलीकरण, पूर्वाधारमा लगानी पर्यटन प्रवद्र्धन र सुरक्षामा जोड, वित्तीय राहत र सहयोगका लागि सरकारसँग माग गरिएको बताए ।
संघले चितवनको पर्यटकीय नगरी सौराहा र समग्र चितवनलाई पर्यटन क्षेत्र घोषणा, सौराहामा एक साधनस्रोतसम्पन्न पर्यटन प्रहरी वृत्त स्थापना, पर्यटन तेस्रो प्रमुख सेवा उद्योगमा पर्ने भएकाले पर्यटन व्यवसायलाई उद्योगसरह मान्यता प्रदान गर्न तथा पर्यटन क्षेत्रको विविधीकरण र विस्तारका लागि विज्ञहरु नियुक्त गरी दिगो पर्यटकीय क्षेत्र विकाससँगै विस्तारका लागि आवश्यक नीति, कार्यक्रम र कानुन तर्जुमा गर्नुपर्ने माग गरेको छ ।
रत्ननगर उद्योग वाणिज्य संघको अग्रसरतामा स्थापना भएको बकुलहर रत्ननगर अस्पताल प्रादेशिक अस्पतालमा दैनिक एक हजार ५०० भन्दा वढी बिरामीको चाप रहेको भन्दै संघले उक्त अस्पतालमा आवश्यक विशेषज्ञ चिकित्सक, कर्मचारी र आवश्यक उपकरणहरुको पर्याप्त व्यवस्थापन गर्न माग गरेको छ ।
चितवनको प्रमुख उद्योगको रुपमा रहेकोे माछा, केरा, पोल्ट्री, मह, च्याउ, दुग्ध, तरकारीको उत्पादन र बजार प्रवद्र्धनका लागि सरकारबाट कृषि, सडक तथा सिंचाइ पूर्वाधारका साथै बजार पूर्वाधार र सूचना प्रविधि विकासमा सहुलियत ऋण उपलब्ध गराउन, भारततर्फबाट हुने अवैध कृषि पैठारीमा कडाइ, क्वारेन्टाइन तथा विषादी परीक्षणको व्यवस्था गर्न, खाद्य स्वच्छता मापदण्ड निर्धारण गर्न र कृषि बिमामा सहुलियतका कार्यक्रमहरु अगाडि बढाउन माग गरिएको संघका अध्यक्ष गिरीले बताए ।
कार्यक्रममा संघका महासचिव उपेन्द्र शर्मा आचार्यले प्रगति प्रतिवेदन तथा कोषाध्यक्ष विनोद घिमिरेले आर्थिक प्रतिवेदन प्रस्तुत गरेका थिए । संघका वरिष्ठ उपाध्यक्ष निराजन खनालले धन्यवाद मन्तव्य राखेको उक्त कार्यक्रममा नेपाल उद्योग वाणिज्य महासंघ बागमती प्रदेश समितिका उपाध्यक्ष गुणराज श्रेष्ठ, उद्योग वाणिज्य संघ–चितवनका अध्यक्ष सुमनकुमार श्रेष्ठ, लेखनाथ उद्योग वाणिव्य संघकी अध्यक्ष जानुका पराजुलीलगायतले मन्तव्य राखेका थिए । कार्यक्रम संघका महासचिव आचार्यले सञ्चालन गरेका थिए ।
काठमाडौँ । आइसिसी टी–२० विश्वकप एसिया एण्ड इस्ट एसिया प्यासिफक छनोटमा नेपालले जापानलाई हराउँदै समूह विजेताका रूपमा सुपर सिक्समा प्रवेश गरेको छ ।
ओमानको अल अमेरतस्थित ओमान क्रिकेट एकेडेमी टर्फ–१ मा आज सम्पन्न समूह ‘बी’ अन्तर्गतको अन्तिम खेलमा नेपालले जापानलाई पाँच विकेटले पराजित गर्दै विजयकी भएको हो ।
प्रतियोगितामा लगातारको दोस्रो जितसँगै नेपालले दुई खेलमा चार अङ्क जोडेको छ । पराजित जापान पनि समान खेलबाट दुई अङ्कका साथ उपविजेताका रूपमा सुपर सिक्समा प्रवेश गरेको छ ।
जापानले प्रस्तुत गरेको एक सय ३२ रनको लक्ष्य पछ्याएको नेपालले १८ ओभरमा पाँच विकेट गुमाउँदै लक्ष्य पूरा गरेको छ । नेपालका लागि आसिफ शेखले सर्वाधिक ३८ रनको योगदान दिए ।
त्यसैगरी, गुल्सन झाले अविजित २८ रन बनाए भने कुशल भुर्तेलले २१, कप्तान रोहितकुमार पौडेलले १८ र दीपेन्द्रसिंह ऐरीले अविजित १४ रन बनाए । जापानका लागि शोम स्लाटले दुई विकेट लिए भने सबौरिश रविचन्द्रन र डेक्लन सुजुकी म्याककोम्बले समान एकएक विकेट लिए ।
त्यसअघि टस हारेर पहिला ब्याटिङको निम्तो पाएको जापानले निर्धारित २० ओभरमा आठ विकेट गुमाउँदै एक सय ३१ रनको योगफल बनाएको थियो । जापानका लागि कप्तान केन्डल काडोवाकी फ्लेमिङले ४६ बलमा पाँच चौका र तीन छक्काको मद्दतले सर्वाधिक ६० रनको योगदान दिए । इसाम रहमानले ३१ र बेन्जामिन इटो डेभिसले १७ रन बनाए ।
नेपालका लागि गुल्शनकुमार झा र सन्दीप लामिछानेले समान दुई/दुई विकेट लिए भने सोमपाल कामी र नन्दन यादवले समान एक/एक विकेट लिएका थिए ।
चितवन । विश्व स्तन क्यान्सर सचेतना महिनाको अवसरमा चितवन मेडिकल कलेज (सिएमसी)को भगिनी संस्था ‘सिएमसी क्यान्सर इन्स्टिच्युट’ले निःशुल्करूपमा स्तन क्यान्सरको परीक्षण सुरू गरेको छ ।
हरेक वर्ष ‘अक्टोबर’ महिनामा विभिन्न कार्यक्रमसहित विश्व स्तन क्यान्सर सचेतना महिनाको रुपमा मनाइने गरेको सन्दर्भमा सो इन्स्टिच्युटले यसरी निःशुल्क स्वास्थ्य परीक्षण थालनी गरेको जनाएको छ ।
सिएमसीसम्बद्ध सो इन्स्टिच्युटले आज यहाँ पत्रकार सम्मेलन आयोजना गरी स्तन (ब्रेष्ट) क्यान्सरसम्बन्धी जनचेतना जगाउने, समयमै रोगको पहिचान र उपचार गर्ने, स्तन क्यान्सरबाट हुने धनजनको क्षति न्यूनीकरण तथा नियन्त्रण गर्न सघाउन पु¥याउने उद्देश्यले निःशुल्क रुपमा स्वास्थ्य परीक्षण सुरू गरेको स्पष्ट गरेको छ ।
सिएमसीका प्रमुख कार्यकारी अधिकृत प्रताप देवकोटाले ‘अक्टोबर’ महिनामा स्तन क्यान्सरको परीक्षण गर्न आउनेहरुलाई बहिरङ्ग सेवाअन्तर्गतको टिकट निःशुल्क गरिएको जानकारी दिँदै सामाजिक उत्तरदायित्वलाई समेत दृष्टिगत गरी अस्पतालले जनचेतनामूलक कार्यक्रमसहित यसरी निःशुल्क सेवा प्रदान गरेको बताए ।
उनले भने, “तालिमप्राप्त स्वास्थ्यकर्मीबाट स्तनमा गाँठागुँठी छ, छैन भन्ने पहिचान गरी स्वास्थ्य परीक्षण गरिन्छ । शङ्कास्पद देखिएका बिरामीलाई थप परीक्षणको समेत व्यवस्था मिलाइएको छ । विशेष उपकरणमार्फत स्तनको क्यान्सर भए,नभएको पत्ता लगाउने परीक्षण विधि ‘मेमोग्राम’ र भिडियो एक्सरेतर्फ ५० प्रतिशत छूट दिने उनले जानकारी दिनु ।”
स्तन आफैँले छामेर समेत गाँठागुँठी छ, छैन पत्ता लगाउन सकिन्छ भन्दै अस्पतालका मेडिकल अङ्कोलोजिष्ट डा सुदीप थापाले स्तनमा गाँठागुँठी छन् भने एकपटक राम्रोसँग परीक्षण गर्न सुझाव दिए । विशेषगरी ३० वर्षमाथिका महिलाले हरेक वर्ष कम्तीमा एकपटक स्तनको परीक्षण गर्नुपर्ने उनका सुझाव थियो ।
डा थापाले भने, “क्यान्सर रोगको हकमा जति छिटो पहिचान गर्न सकियो उति छिटो निको हुन्छ । यसको निको हुने दर पनि उच्च रहेको छ, नियमित परीक्षण गर्न र समस्या देखिए समयमै उपचार गरी सुरक्षित रहन सबैसँग अनुरोध छ । स्तन क्यान्सरको नियमित जाँचसहित पहिचन र उपचारका पक्षमा सक्दो सहयोग गर्न सिएमसी अस्पताल तयार छ ।”
सिएमसी अस्पतालका क्यान्सर रोग विशेषज्ञ डा सुवास ठाकुरले शल्यक्रिया, केमो थेरापी र रेडियो थेरापी गरी तीन विधिबाट क्यान्सर रोगको उपचार गर्न सकिने बताए ।
स्तन क्यान्सर पहिचान भइसकेपछि तीनवटै विधाका चिकित्सकहरुको छलफलका आधारमा कुनै एक विधि अपनाएर उपचार प्रक्रिया सुर हुने उनले स्पष्ट गरे ।
यस वर्ष “हरेक कथा अद्वितीय छ, हरेक यात्राको अर्थ छ”, भन्ने नाराका साथ विश्व स्तन क्यान्सर सचेतना महिनाका रुपमा विभिन्न कार्यक्रम गरी मनाइने भएको पत्रकार सम्मेलनमा बताइयो ।
चितवन । सौराहामा जेनजी आन्दोलनको प्रभाव र बाढीपहिरोका कारण भटाभट पर्यटकले बुकिङ रद्द गरेपछि निरास भएका पर्यटन व्यवसायी यतिबेला उत्साहित छन् ।
युनिक वाइल्ड रिसोर्टमा बुधबार ३० जना तेस्रो मुलुकका पर्यटक आउँदै गरेको भन्दै सञ्चालक गुणराज थपलियाले खुसी व्यक्त गरे । गत वर्षहरुमा यतिबेला पर्यटकले भरिभराउ हुने सौराहामा यस वर्ष दसैँभरको सुनसानपछि पर्यटक आउन थालेसँगै होटल व्यवसायीहरुमा केही उत्साह थपिएको छ ।
यहाँको अत्यन्तै राम्रो पर्यटकीय मौसममा पनि पर्यटक नआएपछि सौराहा सुनसान रहेको थियो । क्षेत्रीय होटल सङ्घका उपाध्यक्षसमेत रहेका थपलियाले मङ्गलबारदेखि आन्तरिक र बाह्य पर्यटक आउन थालेको बताए । उनले भने, “दसैँको समयमा पाँच प्रतिशत हाराहारी मात्र पर्यटक भएकामा बिस्तारै सङ्ख्या बढ्दै गएको छ ।” अहिले ३० प्रतिशत हाराहारी पर्यटक पुगेको उनको भनाइ छ । गत वर्ष यो समयमा सौराहामा ८० प्रतिशत हाराहारी पर्यटक पुग्ने गर्दथे ।
क्षेत्रीय होटल सङ्घका अध्यक्ष ओम पाण्डेले आफ्नो होटल ल्याण्डमार्कसहित होटलहरुमा पर्यटक आउन थालेको बताए । जेनजी आन्दोलनअघि नेपाल आएका पर्यटक सडक राम्रो भएसँगै सौराहा आउन थालेको उनी बताउँछन् । नेपालीहरु न्यून भए पनि विदेशीको सङ्ख्या बढ्दो छ । उनले भने, “बुकिङ राम्रो नभए पनि सोझै आउनेहरु वढ्न थालेका छन् ।” साह्रै न्यून पर्यटक रहेकामा केही आउन थालेपछि आफूहरुमा आशा जगाएको पाण्डे बताउँछन् ।
जङ्गल सफारी लजका सञ्चालक सुमन घिमिरे क्रमशः पर्यटक आउन थालेको बताउँछन् । तिहारसँगै स्वदेशी पर्यटकको सङ्ख्या बढ्ने अनुमान उनको छ । उनी भन्छन्, “आन्तरिक तथा बाह्य पर्यटक क्रमशः बढ्ने हामीले अपेक्षा गरेका छौँ ।” निकुञ्जभित्रको जङ्गल सफारीसमेत खुलेकाले यहाँ आउने पर्यटक बढेको उनले बताए । चितवन आउन चाहने पर्यटकका लागि सबैतिरका सडक सञ्जाल राम्रो भएको भन्दै उहाँले बिदाका दिनमा पर्यटकको आगमन बढ्ने बताए ।
होटल भिष्टाका सञ्चालक रमेश सिलवाल बुधबार मात्रै १४ जना टेलिफोन गरेर सौराहा आउँदै गरेको बताउँछन् । विभिन्न माध्यमबाट बुझ्ने क्रम सुरु भएकाले अब पर्यटक बढ्नेमा आफू विश्वस्त रहेको उनको भनाइ छ । सौराहाका पर्यटन व्यवसायी दीपेन्द्र खतिवडा रेष्टुराँहरुमा पर्यटकको आगमन बढेको बताउँछन् हात्ती सफारी गर्नेहरु पनि क्रमशः बढ्दै गएको उनको भनाइ छ ।
विगत वर्षहरुमा दसैँको समयमा हात्ती चढ्नेहरुका लागि पु¥याउन मुस्किल हुने गरेको भए पनि यस वर्ष दसैँभर सुनसान अवस्थामा रहेको उनले बताए । चितवन राष्ट्रिय निकुञ्ज घुम्न आउने पर्यटक बस्नका लागि सौराहा आउने गर्दछन् । उनीहरु निकुञ्ज र सामुदायिक वनमा सफारी गर्ने गर्दछन् । दुर्लभ वन्यजन्तु एक सिङ्गे गैँडा, पाटे बाघलगायतका जनावार हेर्न उनीहरु रुचाउँछन् । यो निकुञ्ज सफारीका लागि विश्वमा नै परिचित छ ।
चितवन । चितवनमा जापानिज इन्सेफ्लाइटिसका कारण मृत्यु हुनेको संख्या छ पुगेको छ । साउनयता हालसम्म उनीहरुको मृत्यु भएको हो ।
जनस्वास्थ्य कार्यालयका अनुसार मृत्यु हुनेमा दुई जना भरतपुर महानगरपालिका, एक जना खैरहनी नगरपालिका, दुई जना राप्ती नगरपालिका र एक कालिका नगरपालिकाका रहेका छन् । पछिल्लो पटक खैरहनी वडा नम्बर ४ की महिलाको यो रोगका कारण मृत्यु भएको कार्यालयका किट नियन्त्रक राम केसीले जानकारी दिए ।
जिल्लामा हालसम्म १७ जनामा यो रोगको सङ्क्रमण देखा परेको छ । त्यसमध्ये १० महिला हुन भने सात पुरुष रहेका छन् । उनीहरुमध्ये तीन जना १५ वर्षमुनिका, पाँच जना १५ देखि ६० वर्षभित्रका र नौ जना ६० वर्षमाथिका रहेका छन् । सङ्क्रमितमध्ये १५ जनाले खोप नलगाएको र दुई जनाले खोप लगाएको अवस्था अस्पष्ट रहेको केसीले जानकारी दिए ।
सङ्क्रमितमध्ये सात जना भरतपुरभित्रका रहेका छन् । मृत्यु भएकामध्ये एक ८९ वर्षका, अर्का एक जना ८१ वर्षका र दुई जना ७० वर्षका रहेका छन् । एक जना ३९ वर्षीय र अर्का एक जना ४२ वर्षका रहेको उनले जानकारी दिए ।
यो रोग क्युलेक्स जातको पोथी लामखुट्टेको टोकाइबाट सर्ने कीटजन्य सरुवा रोग हो । यो लामखुट्टे घर बाहिर बस्न रुचाउने, घर बाहिर नै टोक्ने, साँझ र बिहान बढी सक्रिय हुने गर्दछ । यो लामखुट्टेले सुँगुर, बङ्गुर, हाँसजस्ता पशुपक्षीलाई टोक्यो भने सर्दछ । धानखेतीमा समेत यस लामखुट्टेले अण्डा पारेर लार्भा बनाउने गरेको कार्यालयका प्रमुख दिनेश रुपाखेतीले जानकारी दिए ।
-अधिवक्ता रमेश काफ्ले
-एलएलएम (वाणिज्य कानुन र अपराध शास्त्र)
जेनजी आन्दोलनसंगै नेपालका केही अदालतहरुमा आगजनी,लुटपाट र तोडफोडका कारण यथावस्थामा काम गर्न सक्ने अवस्था रहेको छैन । आम नागरिकहरुको आश्थाको धरोहरको रुपमा रहेको न्यायालयमाथिको आक्रमणले अदालतमा रहेका महत्वपुर्ण अभिलेखहरु, मुद्दाका फाइलहरु र भौतिक संरचनाहरु समेत ध्वस्त भएका छन । आगलागीले अदालतका भवन र त्यसमा रहेका महत्वपुर्ण अभिलेखहरु, उपकरणहरु तथा संरचनात्मक सामग्रीहरुमा ब्यापक क्षति पुगेको छ । यस घटनाले न्याय प्रशासनको दैनिकीमा ठूलो अवरोध ल्याएको मात्र होइन आधुनिक प्रबिधि-आधारित न्यायिक संचालनको लागि बाटो खुला गरेको छ ।
अदालतमा हुने बेथितिका अतिरिक्त त्यहाँका असुबिधाहरुलाइ कसरी समाधान गर्न सकिन्छ भन्नेमा जोड दिएर पुनर्निमाणको प्रक्रिया सुरु हुनुपर्दछ । नेपालमा हाल जति अदालतहरु तोडफोड र क्षति भएका छन ती अदालतहरुलाइ नमुना अदालतको रुपमा स्मार्टकोर्टको अबधारणामा आधारित भइ पुनर्निर्माणको योजना बन्नुपर्दछ । स्मार्टकोट भनेको कम्प्युटरकृत गर्नु मात्र होइन भन्नेमा समेत सबै सरोकारवालाहरु सचेत रहनु पर्दछ । ९० को दशकको अन्ततिर चिनका अदालतहरुमा ब्यापक क्षति भइ अदालतको अभिलेखहरु हराउनुको साथै नष्ट भएको पाइन्छ । सोही क्षतिबाट चिनले आज बिश्वमा नबिनत प्रबिधिहरुको प्रयोग सहित रोबोटिक अदालतसम्मको प्रयोगबाट ४० दिनभित्र मुद्दाको किनारा लगाउन सक्ने प्रगति गर्न सफल भएको छ भने भारतले बिभिन्न उच्च अदालतहरुलाइ नमुनाको रुपमा स्मार्टकोर्टको रुपमा बिकास गर्दै गएको छ ।
नेपालले जसरी सञ्चार तथा बैकिङ क्षेत्रमा पछिल्ला बर्षहरुमा प्रबिधिमैत्री हुन सकेको छ त्यसै गरी अदालती अभ्यास र न्यायिक पहुँचमा समेत प्रबिधि मैत्री बिकास गर्न सकिने संभावना बढेको छ । अधिकाँश नेपालीका हातहातमा स्मार्ट डिजिटल मोबाइल ल्यापटप र इन्टरनेटको सहज पहुँच पुगेको अवस्थामा न्यायिक प्रक्रियालाइ समेत प्रबिधि मैत्री बनाइ न्यायिक कार्यबिधिमा पारदर्शिता र प्रभावकारिता बृद्धि गरी आम समुदायको सहज पहुँच बृद्धि गर्न सकिन्छ । जसरी बैकिङ कारोबार हरेक नागरिकले सहज रुपमा आफ्नो साथमा रहेको डिभाइसबाट गरिरहेका छन त्यसै गरी न्यायिक प्रक्रियामा पनि अनलाइन सहभागिता बृद्धि गर्न सकिन्छ । जसबाट अन्ततः राज्य र सेवाग्राहीको दुबैको समय र स्रोतको उच्चतम वचत हुन सक्दछ ।
बिपत्तिपछिको पुर्नर्निमाण प्रक्रिया सुरु हुदा आशा र सुधारको प्रतिक बन्नु पर्दछ । बिपत्तिपछिको पुनर्निर्माणमा तत्कालिक अल्पकालीक र दीर्घकालीक योजना बनाइ अगाडि बढ्नु जरुरी हुन्छ । पुनर्निर्माणको योजना स्मार्ट र सुरक्षित न्यायालय को अवधारणामा केन्द्रित हुनुपर्दछ । जसअन्तर्गत पुरानो संरचनाको सट्टा नयाँ भवनमा डिजिटल प्रणाली अग्नीसुरक्षा प्रबिधि क्लाउड आधारित अभिलेख ब्यवस्थापन र हरित उर्जाको प्रयोग गरिनुपर्दछ । पर्यावरणमैत्री संरचनाहरु जसमा हरित उर्जा ( सौर्य प्यानल) र उर्जा-सक्षम भवन डिजाइन मार्फत वातावरणीय स्वच्छता कायम राख्न सकिन्छ ।
आगलागीले क्षति पुर्याए पनि त्यसले सुधार र नबिनताको बाटो खोलिदिएको छ। भरखरै कम्प्युटर प्रणालीमा मात्र प्रबेश गरेको र क्षति भएका अदालतहरुमा तत्कालका लागि बिगतमा फैसला भएका र चालु अवस्थामा रहेका मुद्दाहरुको ब्यवस्थापन, सर्वोच्च अदालतको सर्भर र वेवसाइटको सञ्चालन मुख्य बिषयको रुपमा रहेको छ । सर्वोच्च अदालतले त्रिपाल मुनिबाट नै ईजलास सञ्चालन गरेबाट र क्षतिग्रस्त अदालतमा समेत बन्दीप्रत्यक्षीकरण लगायतका निबेदनमा सुनुवाइ गरिएबाट जस्तोसुकै अवस्थामा पनि न्यायको ढोका बन्द हुदैन भन्ने सन्देश दिन सफल भएको छ । तत्कालकालागि ईजलाश र फाँट, कम्प्युटर,फर्निचर र सामग्रीहरुको ब्यवस्थापन गर्नु जरुरी रहेको छ । सहभागीमुलक तरिकाबाट सबै सरोकारवालाहरुको सामुहिक प्रयत्नबाट अदालतको न्यायिक प्रक्रियालाइ सञ्चालन गरिनुपर्ने आबश्यकता रहेको भएता पनि दीर्घकालमा नेपालमा स्मार्टकोर्ट निर्माणको क्रममा निम्न कार्यहरु गर्न सकिन्छ ।
- मुद्दाको इ-फाइलिङः-
अहिलेसम्मको अभ्यासमा अदालतको सहजताको लागि फिराद वा प्रतिउत्तरको सफ्टकपी लिने गरिएको छ । जसलाइ कार्यबिधि कानुनले समेत समेटेको छ । सर्वोच्च अदालतले भरखरै मात्र इ-फाइलिङको लागि फर्म दर्ताको आह्वान गरेको थियो । यद्धपि अहिलेको न्यायिक प्रणालीमा इ-फाइलिङ हुन सकेको छैन । कानुन ब्यवसायीले आफ्नो ल फर्म वा उपयुक्त स्थानबाट मुद्दाका फिराद प्रतिउत्तर वा निबेदनहरु दर्ता गर्न सकिएमा अदालतमा ठूलो मात्रामा भौतिक उपस्थिति कम गराउछ वा यसले समय र श्रोतको वचत गराउनुको साथै अदालतको वातावरण थप शान्त र प्रभावकारी बन्न सक्दछ । कानुन ब्यवसायीले प्रमाण कागजहरु समेत स्क्यान गरी पेस गरेमा अदालतमा अभिलेखीकरणकालागि समेत सहज हुन्छ । जसलाइ अदालतले सजिलै प्रिन्ट गरी फाइल खडा गर्न सक्ने अवस्था रहन्छ भने अदालतबाट मुद्दाका सरोकारवालाले सजिलै मुद्दामा पेस भएका प्रमाण कागजहरु लिन सक्ने अवस्था रहन्छ । डिजिटल युगमा प्रबेश गरेसंगै अदालतले इ-फाइलिङ लाइ समेत महत्वपुर्ण प्रक्रियाको रुपमा लिनुपर्ने हुन्छ । फाइलहरु र मुद्दा अभिलेखहरुलाइ क्लाउडमा सुरक्षित राख्ने ब्यवस्था गरिनुपर्दछ । जसले आगलागी वा प्राकृतिक विपतबाट हुन क्षति घटाउदछ ।
- अनलाइन मार्फत म्याद र तारेख लिन सकिने ब्यवस्थाः-
अहिले सर्वोच्च अदालत वा उच्च अदालतको अनलाइन तारेख लिन समेत जिल्ला अदालत नै जानु पर्ने अवस्था रहेको छ । यदि सम्बन्धित पक्षहरुलाइ आधिकारिक रुपमा अदालतको प्रबिधिभित्र छिराउन सकियो भने त्यसबाट सजिलै तारेख लिने ब्यवस्था गराउन सकिन्छ । मुलुकी संहिताहरुमा अनलाइन इमेल जस्ता माध्यमहरुको प्रयोग गरी म्याद तामेली हुन सक्ने कानुनी ब्यवस्था रहेपनि हालसम्म त्यसको प्रभावकारी कार्यान्वयन हुन सकेको छैन जसलाइ अदालती अभ्यासबाट नै कार्यान्वयनमा ल्याइ प्रभावकारी बनाइनु पर्दछ । नागरिकताको वतनलाइ नै आधिकारिक वतन मानि म्याद तामेल गरिएमा बैधता प्राप्त गर्ने भन्ने बर्तमान बिधिशास्त्रीय ब्याख्या कदाचित समय सान्दर्भिक हुन सकेको छैन । अध्ययन रोजगारी वा अन्य कारणले अल्पकालीन वा दीर्घकालीनरुपमा आफ्नो थातथलोबाट तिब्ररुपमा बसाइ सराइ भइरहेको बर्तमान अवस्थाका कारण अधिकाँश मानिसहरु आफ्नो नागरिकताको वतन भन्दा फरक स्थानमा रहेका छन । त्यसकारण अहिलेको बदलिदो परिबेशमा पक्षहरुलाइ इमेलबाट म्याद वा सुचना जारी गरिनु नै उपयुक्त बिकल्प हुन सक्दछ ।
- श्रब्यदृष्य प्रबिधिबाट साक्षी परिक्षणः-
मुलुकी देवानी संहिताहरुमा श्रब्यदृष्य प्रबिधिको प्रयोग गरी साक्षी परिक्षण गर्न सकिने कानुनी ब्यवस्था रहे संगै अधिकाँश अदालतमा सो किसिमको प्रबिधि जडान पनि गरिएको थियो । यद्धपि हालसम्म यसको प्रभावकारी कार्यान्वयन हुन सकेको छैन । भारतमा कर्नाटक उच्च अदालतले २००३ बाट नै श्रब्यदृष्य सामग्रीको प्रयोग गरी साक्षी परिक्षण सुरुवात गरेको थियो भने हाल अधिकाँश अदालतहरुमा श्रब्यदृष्य प्रबिधिको प्रयोगबाट साक्षी परिक्षण गर्ने गरिन्छ । इन्टरनेटको सहज पहुँचमा रहेका साक्षीहरुलाइ श्रब्यदृष्य प्रबिधिको माध्यमबाट बकपत्र गराइ सो को चुस्त दुरुस्त अभिलेखीकरणको सुरुवात तत्कालै देखि गर्न सकिन्छ । ब्यस्त रहने दक्ष जनशक्ति वा बिशेषज्ञहरुलाइ समेत साक्षीको रुपमा अदालतमा भौतिक रुपमा नै उपस्थित हुनुपर्ने र नीजहरुको अधिक समय र श्रोत खर्च गर्नुपर्ने बर्तमान अवस्थाले ठूलो समस्या र चुनौती समेत सिर्जना गरेको छ । यस अवस्थामा श्रब्यदृष्य प्रबिधि (Digital examination of witness) को प्रयोग गर्न सकेमा सरुवा भइ अन्य जिल्लामा पुगेका वा बिदेशमा रहेका वा पटक पटक आदेश गर्दा पनि उपस्थित हुन नसकेका साक्षीहरुको सजिलै परिक्षण गराइ न्यायिक प्रक्रियालाइ सहज बनाउन सकिन्छ ।
- बहश र फैसला ब्यवस्थापनः-
सञ्चार प्रविधि र इन्टरनेटको तीव्र विकाससँगै न्याय प्रशासन पनि डिजिटल रूपान्तरण तर्फ अघि बढिरहेको छ। अब अदालतमा मुद्दा बहस (hearing) र फैसला (judgment) कागजी भन्दा बढी अनलाइन प्रणालीमार्फत सञ्चालन र व्यवस्थापन हुन जरुरी रहेको छ ।
यसले न्याय सेवामा सहजता, पारदर्शिता र द्रुतता ल्याउन सहयोग पुर्याउदछ । न्यायाधीश, वकिल, पक्षकार तथा अदालत अधिकारीहरूले इन्टरनेटमार्फत भिडियो कन्फरेन्स वा डिजिटल प्लेटफर्म प्रयोग गरी मुद्दा सुनुवाइ गर्ने प्रक्रिया हो। Zoom, Microsoft Teams, Google Meet जस्ता भिडियो कन्फरेन्सिङ सफ्टवेयर हरुको प्रयोगबाट अदालती अभ्यासलाइ सहज बनाउनुको साथै कानुन ब्यवसायीको कार्यबोझलाइ समेत कमी ल्याउन सक्दछ । यसका अतिरिक्त अदालतमा भएको बहश कारागारमा रहेका कैदी बन्दीहरु वा देशभित्र वा देश बाहिर रहेका मुद्दाका सरोकारवाला पक्षहरुले समेत सुन्न र आफ्ना कुरा राख्न सक्ने ब्यवस्था गर्न सकिन्छ । कोभिड-१९ को बन्दाबन्दीको समयमा सुरु भएको अनलाइन बहशलाइ अझै प्रभावकारी ढंगबाट निरन्तरता दिन सकेमा यसले समय र खर्चमा वचत ल्याउन सक्दछ । बिशेष गरी महामारी वा आपतकालमा पनि न्यायको सहज पहुँचलाइ यसले सुनिश्चित गर्न सक्दछ । बहशलाइ सुरक्षित रुपमा रेकर्डिङ प्रणालीमा सुरक्षित गर्न सकेमा पछि प्रमाणका रुपमा हेर्न र सहज ग्रहण गर्न सकिन्छ । जसले गर्दा पारदर्शिता र न्यायमा पहुँच सुनिश्चित गर्दछ । मिशिल अध्ययनकालागि बिभिन्न एआइ टुल्सहरुको प्रयोग गर्न सकिन्छ । जसले गर्दा मुद्दाका तथ्यहरुको संक्षेपीकरण प्रयुक्त कानुन र सम्बद्ध नजिरहरुको प्राप्ती सजिलै हुन सक्दछ । प्रबिधिको प्रयोग संगै एआइको प्रयोगले न्यायाधिशमा छिटो र सहज किसिमबाट फैसला गर्न र पुर्ण पाठ तयार पार्नमा सहयोग पुर्याउदछ । अदालती न्यायिक प्रक्रियामा डिजिटल माध्यमहरु अत्यन्तै आबश्यक र प्रभावकारी भएता पनि न्यायाधिशले फैसला गर्दा भने न्यायिक मनको प्रयोग गर्नु जरुरी हुन्छ । न्याय भनेको अंकगणितिय सूत्र जस्तो हुन नसक्ने हुँदा न्यायधिशमा ब्रह्म ज्ञानको प्रयोग हुनु नितान्त जरुरी हुन्छ । जहाँ कानुनी दफाहरु बोल्न सक्दैनन वा पर्याप्त हुदैनन त्यहाँ विबेकको प्रयोग ( Balance between legal duty & moral responsibility) गरिनुपर्दछ । जसरी पनि न्याय परोस भन्ने अन्तरह्दयको भाव प्राबिधिक किसिमका फैसलाबाट मात्र हुन सक्दैन । तसर्थ प्रबिधिलाइ साधनको रुपमा लिइ मानवीयताको उच्चतम प्रयोग पनि न्याय सम्पादनमा हुनु जरुरी हुन्छ ।
- अभिलेख ब्यवस्थापनः-
अदालतमा हरेक दिन सयौं मुद्दा दर्ता, सुनुवाइ र फैसला हुन्छन्। यी सबै कागजी अभिलेखका रूपमा राख्दा स्थानको कमी, फाइल हराउने जोखिम, खोज्न कठिनाइ र दीर्घकालीन संरक्षणमा समस्या आउँछ। यी समस्या समाधान गर्न डिजिटल अभिलेखीकरण प्रणाली (Digital Archiving System) अत्यावश्यक हुन गएको छ । डिजिटल अभिलेखीकरण भन्नाले अदालतका मुद्दासम्बन्धी सबै कागजात, प्रमाण, फैसला, आदेश आदि सामग्रीलाई इलेक्ट्रोनिक रूपमा (डिजिटल फर्म्याटमा) सुरक्षित राख्ने र व्यवस्थापन गर्ने प्रक्रिया हो। यसले अदालतको पुरानो र नयाँ अभिलेखलाई स्क्यान, स्टोर, व्यवस्थापन, खोजी र पुनःप्रयोग गर्न सजिलो बनाउँछ। यसकालागि सबै पुराना र हालका मुद्दा फाइलहरू सङ्कलन गरिन्छ। फाइलहरू क्रमबद्ध गरी वर्गीकरण (Civil, Criminal, Writ, Appeal आदि) गर्ने र हरेक कागजातलाई उच्च-गुणस्तरको स्क्यानर प्रयोग गरेर PDF वा TIFF फर्म्याटमा रूपान्तरण गर्न सकिन्छ । स्क्यानिङमा स्पष्टता, हस्ताक्षरहरु समेत स्पष्ट देखिनुपर्छ। प्रत्येक फाइलसँग सम्बन्धित विवरण सही रुपमा इन्ट्री गर्नु जरुरी हुन्छ जस्तो कि मुद्दा नम्बर मिति पक्षहरूको नाम विषय अदालतको नाम फैसला मिति दस्तावेजको प्रकार (रिट, फैसला, आदेश आदि) लाइ बर्गिकरण गरी राख्न सकेमा स्क्यान गरिएका कागजात र Metadata लाई Court Management Software मा अपलोड गर्न सकिन्छ । सामान्यत Case Management Information System (CMIS) Judicial Information System (JIS) e-Court Portal जस्ता प्रणालीमा आवद्ध गर्न सकेमा जस्तोसुकै बिपत्तिमा पनि अदालती कागजातहरु वा अभिलेखहरु सुरक्षित रहन सक्दछन । स्क्यान भएको कागजातलाई खोज्न मिल्ने टेक्स्टमा रूपान्तरण गर्नकालागि High-speed Document Scanner वा Optical Character Recognition (OCR) फाइल भण्डारणका लागि। Database Management System (DBMS) दस्तावेज सुरक्षित राख्नकालागि Digital Signature / Encryption Tools र दीर्घकालीन संरक्षणका लागि Cloud Storage or Data Center Backup आदिको प्रयोग गर्न सकिन्छ । अभिलेखहरूलाई cloud storage वा government data center मा राख्ने र नियमित रूपमा backup लिने र access control (password/biometric login) प्रयोग गर्नु अनिवार्य गरिएमा अभिलेखलाइ दीर्घकालसम्म सुरक्षित राख्न सहयोग पुग्दछ । यस अवस्थामा प्रयोगकर्ताले विषय, मिति, अदालत, वा मुद्दा नम्बर टाइप गरेर सजिलै पुरानो फाइल हेर्न सक्छ र यो प्रणालीले वकिल, अनुसन्धानकर्ता र न्यायाधीशलाई तुरुन्तै पहुँच दिन सक्दछ । यदि यसरी डिजिटल माध्यमबाट अभिलेख सुरक्षित गर्न सकियो भने फाइल हराउने संभावना कम हुन्छ भने स्थान र समय दुबैको वचत हुन्छ । मुद्दा खोजी गर्न सजिलो हुनुको साथै अदालतको पारदर्शिता र दक्षता बढ्नुको साथै अनुसन्धानकर्ता वकिल र नीतिनिर्माताहरुलाइ समेत सरल पहुँच हुन सक्दछ ।
- तहसिल ब्यवस्थापन
न्याय पाएको अनुभुति त्यतिबेला मात्र हुन सक्दछ जतिबेला फैसलाको सही र प्रभावकारी कार्यान्वयन हुन सक्दछ । अदालतको तहशिल शाखालाइ न्याय प्रशासनको मुटुको रुपमा लिने गरिन्छ । जहाँ फैसला कार्यान्वयन, राजस्व असुली, बिगो अशुली चलन, आदेश कार्यान्वयन, जरिवाना व्यवस्थापन लगायतका महत्वपूर्ण कार्यहरू गरिन्छ । हालसम्म यी सबै काम कागजी प्रणालीमा हुने गरेका छन । जसले समय, श्रम र पारदर्शितामा समस्या सिर्जना गरेको छ ।
अदालतहरूमा डिजिटल तहशिल व्यवस्थापन प्रणाली (Digital Tahasil Management System) अपनाउने हो भने सम्पूर्ण कामलाई स्वचालित र पारदर्शी बनाउँछ सहयोग पुग्दछ । मुद्दा दर्ता र फाइलको प्रारम्भिक अभिलेख राख्ने मुद्दा दर्ता दस्तुर (Court Fees) असुली र रसीद जारी कम्प्युटर प्रणालीबाट गर्ने जरिवाना, मुआब्जा वा बक्यौता असुली बैकिङ प्रणालीबाट गर्ने राजस्व लेखा (Revenue Record) राख्ने। अदालत शुल्क, दस्तुर वा जरिवाना e-payment gateway (Connect IPS, e-Sewa, Khalti आदि) बाट तिर्न सकिने हुनु पर्दछ । स्वचालित रसीद प्रणाली (Digital Receipt Generation) र सबै लेनदेन अदालतको Financial Management System मा स्वतः रेकर्ड हुने तथा सम्बन्धित निकायमा रकम निकासा वा जम्मा गर्ने कार्य बैकिङ प्रणालीबाट गरिएमा तहशिल शाखा अत्यन्त प्रभावकारी र चुष्त दुरुष्त हुन सक्दछ । ब्यक्तिको दायित्वमा रहेको जरिबाना वा अन्य शुल्क अदालतमा बुझाउदा पनि प्रहरीको रेकर्डमा रहने र प्रहरीले सोही लगतका आधारमा मानिस पक्राउ गर्ने जस्ता बर्तमानका गम्भिर त्रुटीहरुलाइ हटाउनु पर्दछ । ब्यक्तिको जरिबाना लगायतको रेकर्ड अदालतका अतिरिक्त प्रहरी तथा स्थानीय निकायहरुमा सजिलै रहन सक्ने तथा अदालतबाट उक्त लगत हट्नासाथ सबै ठाउँमा स्वतः हट्न सक्ने अवस्था हुनु पर्दछ । फैसला कार्यान्वयनको सिलसिलामा कुन कर्मचारीले कहिले के कार्य गर्यो भन्ने विवरण स्वतः रेकर्ड हुने हो भने भ्रष्टाचार नियन्त्रण र उत्तरदायित्व (Accountability) सुनिश्चित हुन सक्दछ । डिजिटल तहशिल ब्यवस्थापनकालागि डिजिटल दर्ता (E-Registration) ( मुद्दा र कागजात दर्ता अनलाइन प्रणालीमा) स्वचालित शुल्क गणना (Auto Calculation) (दस्तुर वा जरिवाना प्रणालीले आफैं गणना गर्छ) भुक्तानी (E-Payment) (रकम अनलाइन तिर्ने र डिजिटल रसीद प्राप्त गर्ने) रेकर्डिङ (Archiving) (सबै फाइलहरू डिजिटल रूपमा सुरक्षित भण्डारण) र रिपोर्टिङ (Reporting) (दैनिक, साप्ताहिक वा वार्षिक राजस्व विवरण स्वचालित रूपमा तयार) गर्न सकियो भने अदालतको पारदर्शिता र जवाफदेहिताको बिकास गर्दछ । यसो गर्न सकिएमा राजस्व असुलीमा पारदर्शिता काम छिटो, शुद्ध र व्यवस्थित, फाइल हराउने सम्भावना न्यून हुनुका साथै कर्मचारी र सेवाग्राही दुवैका लागि समय र श्रम बचत हुन जान्छ । नियन्त्रण, अनुगमन र लेखा परीक्षण समेत सजिलो हुन जान्छ ।
- स्वचालित सुरक्षा र निगरानी प्रणालीः-
अदालत न्याय प्रशासनको मुख्य अङ्ग हो जहाँ नागरिकका मौलिक अधिकार र कानुनी हकहितको सुरक्षा गरिन्छ। यस्तो संवेदनशील स्थानमा सुरक्षा र शान्ति सुनिश्चित गर्न आधुनिक प्रविधिको प्रयोग अत्यावश्यक बन्दै गएको छ। यही सन्दर्भमा स्वचालित सुरक्षा र निगरानी प्रणाली अर्थात् Automated Security and Surveillance System को प्रयोग विश्वका धेरै न्यायालयहरूमा भइरहेको छ र नेपालका अदालतहरू पनि क्रमशः यसतर्फ उन्मुख छन्। अदालतलाइ स्वचालित सुरक्षा प्रणालीमा लैजानकालागि CCTV क्यामेरा नेटवर्कले अदालत भवन, प्रवेशद्वार, पार्किङ, कोर्टरूम र फाइल कोठामा स्थापित निगरानी क्यामेरा जसले २४ घण्टा भिडियो रेकर्ड राख्छ। Face Recognition System ले आगन्तुक र कर्मचारीको अनुहार स्क्यान गरेर प्रवेश नियन्त्रण गर्ने प्रविधि, जसले अनधिकृत प्रवेश रोक्छ। Biometric Access Control ले न्यायाधीश, रजिष्ट्रार र कर्मचारीको फिंगरप्रिन्ट वा कार्ड स्क्यानिङ प्रणालीबाट प्रवेश नियन्त्रण गर्न सक्छ भने Metal Detector र Baggage Scanner ले हतियार वा हानिकारक वस्तु प्रवेश गर्न नपाओस् भनेर सुरक्षाकर्मीलाई सहयोग गर्ने यन्त्रहरू रहेका हुन्छन।Alarm र Emergency Response System ले कुनै पनि असामान्य गतिविधि पत्ता लाग्दा तुरुन्तै सूचना दिने र सम्बन्धित निकायलाई सक्रिय पार्ने स्वचालित सिग्नल प्रणालीको काम गर्दछ । Central Monitoring Room सबै क्यामेराको गतिविधि एकै ठाउँबाट हेर्ने, रेकर्ड राख्ने र विश्लेषण गर्ने नियन्त्रण कक्षको रुपमा काम गर्न सक्दछ । आधुनिक सेन्सर र अग्नि नियन्त्रण उपकरणहरुको प्रयोगले सुरक्षाको स्तर बढ्न सक्दछ ।
यस पुनर्निर्माणले अदालतलाइ केवल पुन सञ्चालनमा ल्याउने मात्र होइन भविष्यको लागि अझ सशक्त पारदर्शी र दक्ष न्यायिक न्यायिक प्रणाली निर्माण गर्ने दिशामा अगाडि बढाउनेछ । यसै गरी e-library, Paperless research र Digital legal awareness हुन सकेमा Magic of technology in judiciary हुन सक्दछ । इन्टरनेट र पर्याप्त बिजुलीको समस्या प्रविधि प्रयोगमा दक्षताको कमी साइबर सुरक्षा र गोपनीयताको जोखिम र ग्रामीण क्षेत्रका नागरिकको पहुँचमा कठिनाई यसमा चुनौतीका बिषयहरु रहेका छन । संबेदनशिल डाटाको मोडिफेकेसन हुन सक्ने जोखिम पनि उत्तिकै रहन सक्दछ । बेरोजगारी समस्या बढ्दै गएको अवस्थामा उच्चतम प्रबिधिको प्रयोगले मानिसलाइ अझै बेरोजगारी बृद्धि गर्न पनि सक्दछ । तथापि यी चुनौतीहरुलाइ आत्मसात गरी अगाडि नबढी नहुने समयको बाध्यता पनि हो । संकटबाट सिर्जनाको अवसर खोज्ने देशभरका न्यायालयहरुलाइ डिजिटल रुपान्त्रणको दिशामा अगाडि बढ्न प्रेरणा दिनेछ ।
- सर्वोच्च अदालतको वेवसाइटमा परिमार्जन
सर्वोच्च अदालतको वेवसाइटमा रहेको न्यायिक प्रक्रियाको सिमित पहुँचलाइ बिस्तार र बृद्धि गरिनु पर्दछ । हालसम्म सर्वोच्च अदालतको वेवसाइट मार्फत देशभरका सबै अदालतको पेसी सुची र आदेशहरुको अवस्थालाइ हेर्न, कानुन पत्रिका पढ्न र केही पछिल्ला फैसलाहरु पढ्न मात्र पाउने अवस्था रहेको छ । मुद्दाको प्रक्रियागत जानकारी सम्म प्रदान भएपनि आदेशहरु हालसम्म अपलोड हुन सकेको छैन । मुद्दामा भएका आदेशहरु र महत्वपुर्ण कागजातहरु समेत वेवसाइटमा राखिनुपर्दछ । हालसम्म यस पेजमा आदालतका कर्मचारीहरुकालागि र आम सर्वसाधारणकालागि फरक फरक पहुँच रहेको छ । त्यसमा सुधार गरी मुद्दा दर्ता हुँदा नै मुद्दाका पक्षहरु वा सम्बन्धित कानुन ब्यवसायीहरुलाइ बिशेष पासवर्ड प्रदान गरी मुद्दामा भएका आदेश डाउन लोड गर्न सक्ने प्रमाणकागज फैसलाहरु समेत लिन सकिने तथा कतिपय निबेदनहरु समेत अनलाइन मार्फत दिन सकिने बनाउन सकिन्छ ।
साराँशः
संकटले अवसर ल्याउँछ — अदालतहरूमा स्मार्ट प्रविधिको प्रयोगले न्यायलाई छिटो, पारदर्शी र सर्वसुलभ बनाउँछ। “स्मार्टकोर्ट” को कार्यान्वयनले नेपालको न्याय प्रशासनलाई नयाँ युगतर्फ अघि बढाउनेछ। नेपालको न्यायिक प्रणालीमा आधुनिक प्रविधि र डिजिटल रूपान्तरणको आवश्यकता र सम्भावनाबारे आबश्यक कदम चाल्ने मौका यही नै हो । हालैका सामाजिक अशान्ति र विपत्तिका कारण अदालतका संरचना तथा अभिलेखमा भएको क्षतिलाई अवसरका रूपमा लिँदै “स्मार्ट कोर्ट” को अवधारणामा आधारित पुनर्निर्माणको आवश्यकता औंल्याएको छ। स्मार्ट कोर्टले डिजिटल अभिलेखीकरण, इ-फाइलिङ, अनलाइन म्याद र तारेख प्रणाली, श्रव्यदृश्य साक्षी परीक्षण, अनलाइन बहस र फैसला व्यवस्थापन, स्वचालित तहशिल र सुरक्षा प्रणाली जस्ता प्रविधिहरूको प्रयोगमार्फत न्यायिक पारदर्शिता, दक्षता र पहुँच बढाउने लक्ष्य राख्छ। यस अवधारणाले अदालतमा समय, स्रोत र श्रमको बचत गर्न, सेवाग्राहीलाई छिटो र सहज न्याय प्रदान गर्न र न्यायिक प्रशासनलाई सुरक्षित, पारदर्शी र उत्तरदायी बनाउने अपेक्षा राख्दछ। यद्यपि प्रविधि प्रयोगमा दक्ष जनशक्तिको कमी, साइबर सुरक्षा र गोपनीयताको चुनौती, ग्रामीण क्षेत्रको पहुँचजस्ता अवरोधहरू विद्यमान छन्। तथापि, यी चुनौतीहरूलाई स्वीकार्दै विपत्तिबाट सिर्जनाको अवसर खोज्दै न्याय प्रणालीलाई भविष्यमुखी “डिजिटल रूपान्तरण” तर्फ अघि बढाउने दिशामा हामी अगाडि बढ्नु जरुरी रहेको छ । नेपालमा पछिल्ला समयमा भएका आन्दोलन, आगलागी र तोडफोडजस्ता घटनाले धेरै अदालतहरूको भौतिक संरचना, अभिलेख र उपकरणहरूमा ठूलो क्षति पुर्याएका छन्। तर यिनै विपत्तिहरूले न्याय प्रशासनलाई आधुनिक प्रविधिको सहायताले पुनर्निर्माण र रूपान्तरण गर्ने अवसर पनि दिएका छन्। अबको युग “स्मार्टकोर्ट” — अर्थात् प्रविधि–मैत्री, पारदर्शी, सुरक्षित र द्रुत न्यायिक प्रणालीको युग हो। स्मार्टकोर्टको लक्ष्य केवल अदालतका भवन पुनर्निर्माण गर्नु होइन; डिजिटल प्रविधि, हरित उर्जा, स्वचालित सुरक्षा, अभिलेखीकरण र अनलाइन सुनुवाइ प्रणालीमार्फत सम्पूर्ण न्यायिक प्रक्रियालाई प्रभावकारी र जनमुखी बनाउनु हो।
चितवन । जिल्ला कारागार कार्यालय चितवनबाट भागेका कैदीबन्दीमध्ये अझै १५६ जना फर्किएका छैनन् । कारागार कार्यालयले असोज २० गतेसम्म कारागार नफर्किए कारबाही हुने भन्दै सूचना जारी गरे पनि हालसम्म उनीहरू नफर्किएको कार्यालयले जनाएको छ ।
कार्यालयका प्रमुख रवीन्द्रप्रसाद ढुङ्गानाले तोकिएको समयभित्र ५७८ जना कैदीबन्दी फर्किएका छन् । जसमध्ये ५३९ जना पुरुष र ३७ जना महिला रहेका छन् । उनीहरूसँग दुई जना नाबालक पनि फर्किएका छन् । भागेका कैदीबन्दीमध्ये ६० जनाको परिवारसँग सम्पर्क हुन सकेको र अरुको हकमा परिवारसँग सम्पर्क भए पनि नफर्किएको उनले बताए ।
‘जेनजी’ आन्दोलनका क्रममा भदौ २५ गते यस कारागारबाट ७४२ जना कैदीबन्दी भागेका थिए । उनीहरूलाई पटक–पटक सूचना जारी गरी सम्पर्कमा आउन भनिएको थियो ।
यहाँबाट भागेका आठ जना कैदीबन्दीमध्ये चारजना भैरहवा कारागार, धादिङ, सुर्खेत, बागलुङ र नुवाकोट कारागारमा एक÷एकजना पुगेका छन् ।
यस्तै, कारागार कार्यालय चितवनमा पनि विभिन्न जिल्लाबाट भागेका २१ जना कैदीबन्दी आएका कार्यालय प्रमुख ढुङ्गानाले बताए । कारागारले तोकेको समयसम्म सम्पर्कमा नआएकालाई अब कारागार ऐन र प्रचलित कानुनअनुसार कारबाही गरिने उनले बताए ।
यस्तै, फरार रहेका कैदीबन्दीलाई लुकाउने, आश्रय दिने गरेको पाइएमा आश्रय दिने व्यक्तिलाई समेत कसूरदार ठानी कारबाही गरिने जनाइएको छ ।
काठमाडौँ । विपद् न्यूनीकरण परिषद्को १९औँ बैठकले प्राकृतिक विपद्मा परी बेपत्ता भएकाको खोज तथा उद्धारलाई निरन्तरता दिने निर्णय गरेको छ । सो निर्णयसँगै उक्त कार्यमा खटिन गृह मन्त्रालय र सबै सुरक्षा निकायलाई निर्देशन दिएको छ ।
अवरुद्ध सडक खुलाउन, अव्यवस्थित यातायातलाई सहज बनाउन भौतिक पूर्वाधार तथा यातायात मन्त्रालय, प्रदेश सरकार र स्थानीय तहबीच समन्वय गरी तत्काल व्यवस्था मिलाउने निर्णय समेत बैठकले गरेको छ ।
खानेपानी, विद्युत् र सञ्चार सेवा अवरुद्ध भएका स्थानमा सम्बन्धित निकायले यथाशीघ्र पुनःसञ्चालन गर्ने व्यवस्था मिलाउने निर्णय गरिएको छ । राहत सामग्री वितरणमा दोहोरोपन हुन नदिन स्थानीय तहमार्फत एकीकृत प्रणाली अपनाइ वितरण गर्ने नीति तय गरिएको छ ।
मृतक र बेपत्ता परिवारलाई प्रचलित कानुनअनुसार राहत उपलब्ध गराउन गृह मन्त्रालयमार्फत प्रक्रिया अघि बढाउने तथा घाइतेको निःशुल्क उपचार सुनिश्चित गर्न स्वास्थ्य तथा जनसङ्ख्या मन्त्रालयले आवश्यक व्यवस्था मिलाउने निर्णय गरिएको छ ।
महामारी फैलिन सक्ने सम्भावनालाई मध्यनजर गरी खानेपानी मन्त्रालयले सुरक्षित पानी आपूर्तिको तयारी र स्वास्थ्य मन्त्रालयले जनचेतना, स्वास्थ्य शिविर र मनो–सामाजिक सहयोग कार्यक्रम सञ्चालन गर्ने निर्णय गरिएको छ ।
घरबारविहीन भएका नागरिकका लागि स्थानीय तहसँगको सहकार्यमा लाभग्राही पहिचान गरी अस्थायी आवास निर्माण प्रक्रिया सुरु गर्ने तथा मापदण्ड २०८१ बमोजिम अनुदान रकमको पहिलो किस्ता तुरुन्त उपलब्ध गराउने व्यवस्था मिलाइने भएको छ ।
बैठकले स्वास्थ्य सेवा, सरसफाइ र औषधि आपूर्तिमा विशेष ध्यान दिन स्वास्थ्य मन्त्रालयलाई निर्देशन दिएको छ । साथै, शिक्षा मन्त्रालयलाई प्रभावित विद्यालय परिसरमा अस्थायी आवासका लागि स्थान उपलब्ध गराउन आग्रह गरेको छ ।
उद्धार र राहत सामग्री वितरणमा सक्रिय भूमिका निर्वाह गरेका सुरक्षा निकाय तथा स्वयंसेवी संस्थाको योगदानप्रति आभार व्यक्त गर्दै मनोवैज्ञानिक सहयोगका लागि स्वास्थ्य मन्त्रालयअन्तर्गतको मानसिक स्वास्थ्य शाखालाई स्थानीय तहसँग समन्वयमा कार्यक्रम सञ्चालन गर्न निर्देशन गरिएको छ ।
बैठकमा असोज १७ गतेदेखि हालसम्मको वर्षा र त्यसबाट देशभरमा भएका क्षति, उद्धार तथा पुनःस्थापनाको अवस्थाबारे विस्तृत समीक्षा गरिएको थियो ।
काठमाडौँ । महिला टि–२० अन्तर्राष्ट्रिय शृङ्खलाको चौथो खेलमा नेपाल विजयी भएको छ । मलेसियामा आज भएको खेलमा नेपालले मलेसियालाई छ विकेटले पराजित गरेको हो । योसँगै नेपाल र मलेसियाबीचको पाँच खेलको शृङ्खलामा २–२ को बराबरी भएको छ ।
यसअघि भएको पहिलो खेलमा नेपाल तीन रनले पराजित भएको थियो भने दोस्रो खेलमा मलेसियालाई छ विकेटले हराएको थियो । तेस्रो खेलमा नेपाल १३ रनले पराजित भएको थियो ।
आज मलेसियाले दिएको एक सय १२ रनको लक्ष्य पछ्याएको नेपालले १७ दशमलव ३ ओभरमा चार विकेट गुमाउँदै पूरा ग¥यो । नेपालको लागि कप्तान इन्दु बर्माले ३९ बलमा ४८ रनमा अविजित रहिन् । त्यस्तै रुबिना क्षेत्रिले २३ बलमा २३ रन बनाइन् ।
मलेसियाको लागि नुर दानिया स्युहादा, आइना हमिजा र माहिरा इजातीले समान एकएक विकेट लिए ।
त्यसअघि टस जितेर पहिले ब्याटिङ गरेको मलेसियाले निर्धारित २० ओभरमा पाँच विकेट गुमाएर एक सय ११ रन बनाएको थियो । उसका लागि मास एलिसाले अविजित ५६ रन बनाइन् । माहिराले १८ तथा नुर दानियाले १५ रन बनाएकी थिइन् ।
नेपालकी कविता कुँवरले तीन विकेट लिइन भने पूजा महतो र कविता जोशीले समान एक एक विकेट लिए । शृङ्खलाको अन्तिम खेल भोलि हुनेछ ।
तस्बिर सौजन्यः नेपाल क्रिकेट सङ्घ
चितवन । राजधानी फर्कने यात्रुसँग बढी भाडा लिएको गुनासोपछि स्थानीय प्रशासनले अनुगमन गरी बढी भाडा लिने सवारीसाधनका चालक र धनीलाई कारबाही गरेको छ ।
प्रमुख जिल्ला अधिकारी गणेश अर्यालको नेतृत्वमा अनुगमनमा गएको सुरक्षा निकायका प्रमुखसहितको टोलीले उनीहरुलाई कारबाही गरेको हो ।
जिल्ला ट्राफिक प्रहरी कार्यालयका प्रमुख प्रहरी निरीक्षक गायत्री शर्माका अनुसार नारायणगढको पुलचोक, पोखरा बसपार्क र आँपटारीमा प्रमुख जिल्ला अधिकारी अर्याल, प्रहरी उपरीक्षक गोविन्द पुरी, राष्ट्रिय अनुसन्धान कार्यालयका प्रमुख सुरेश तिवारीसहितको टोलीले सडकमा जाँच गरी कारबाही गरेको हो ।
सो क्रममा बढी भाडा लिने ६ जनालाई नियन्त्रणमा लिइएको छ । यात्रुलाई बढी भाडाको टिकट दिएर चलानीमा कम रकम उल्लेख गरेर ठगी गरेकालाई कारबाही गरिएको हो । सो क्रममा २५ माइक्रोबसले उठाएको बढी भाडा फिर्ता समेत गरिएको प्रहरी निरीक्षक शर्माले बताए ।
प्रमुख जिल्ला अधिकारी अर्यालयका अनुसार चलानीबिना यात्रु लिएर हिँडेका सवारी चालक र बढी भाडा असुल गरेकालाई सचेत गराइएको, भाडा फिर्ता गराइएको, जरिवाना लगाइएको र नियन्त्रणमा लिइएको छ । अटेर गरेकालाई पक्राउ गरी कालोबजारी ऐनअन्तर्गत कारबाही प्रक्रिया अघि बढाइएको उहाँले जानकारी दिए । चितवन हुँदै काठमाडौँतर्फ गुड्ने सवारीसाधनमा अनुगमन गरिएको हो ।
दसैँ मानेर काठमाडौँ फर्किनेको चाप बढेपछि यातायात व्यवसायीले उनीहरुबाट चर्को भाडा असुल्ने गरेको गुनासो सुनेपछि नियमित रुपमा अनुगमन गर्न थालिएको प्रहरी उपरीक्षक पुरीले बताए ।
भरतपुर । भरतपुर महानगरपालिका वडा नं–१, भतेरी जंगलस्थित नारायणगढ–मुग्लिन सडकखण्डमा कारको ठक्करबाट घाइते एक महिलाको उपचारका क्रममा मृत्यु भएको छ । दुर्घटनामा दुई मोटरसाइकल चालक घाइते भएका छन् ।
नारायणगढबाट मुग्लिनतर्फ जाँदै गरेको बागमती प्रदेश ०१–०३३ च २६२७ नम्बरको कारले विपरीत दिशाबाट आउँदै गरेको ग २३ प ३०९२ र बागमती प्रदेश ०६–००१ प ९३९१ नम्बरको मोटरसाइकललाई ठक्कर दिएको थियो ।
दुर्घटनामा बागमती प्रदेश ०६–००१ प ९३९१ नम्बरको मोटरसाइकलपछाडि सवार ४५ वर्षीया रेखाकुमारी पौडेलको नयाँ मेडिकल कलेज भरतपुरमा उपचारका क्रममा मृत्यु भएको हो ।
सोही मोटरसाइकलका चालक गोरखाको भीमसेन थापा गाउँपालिका वडा नं–१ बस्न ५६ वर्षीय खड्कप्रसाद पौडेल र ग २३ प ३०९२ नम्बरको मोटरसाइकल चालक कास्कीको पोखरा महानगरपालिका वडा नं–११ बस्ने ३६ वर्षीय राजु आचार्यको नयाँ मेडिकल कलेजमा उपचार भइरहेको प्रहरीले जनाएको छ ।
कार चालक धनुषाको मिथिला नगरपालिका–१० बस्ने ३७ वर्षीय राम नारायणलाई नियन्त्रणमा लिइएको प्रहरीले जनाएको छ ।
काठमाडौँ । नेपालका लागि रुसी संघका राजदूत अलेक्सेई अलेक्सेयेभिच नोभिकोभले आफ्नो छैठौँ वर्षको कार्यकाल सफलतापूर्वक पूरा गर्दै नेपालबाट बिदाइ लिएका छन् ।
एक दशकभन्दा बढीको समय नेपालमा बिताएपछि उनले यस देशलाई ‘दोस्रो घर’को रूपमा उल्लेख गर्दै गहिरो भावनात्मक सन्देशमार्फत् आफ्नो बिदाइ घोषणा गरेका छन् ।
राजदूतले नेपाललाई केवल एक कूटनीतिक पोस्ट नभई, स्मृतिहरू, मित्रता र नेपाली जनताको संस्कृति तथा परम्पराप्रतिको सम्मानले भरिएको जीवनको मह¤वपूर्ण हिस्सा भएको बताए ।
‘नेपालले मलाई आत्मीक शान्ति र अद्भुत शक्तिबीचको सन्तुलन देखायो’, राजदूतले भने, ‘यहाँको सादगीमा बुद्धिमत्ता छ, विनम्रतामा बल र कठिनाइँमा पनि गरिमा छ ।’
रुस–नेपाल सम्बन्धको मजबुत विकास
राजदूतले आफ्नो कार्यकालमा रुस–नेपाल सम्बन्धको स्थिर र गहिरो विकास भएको उल्लेख गरे । कूटनीतिक सम्बन्ध परम्परागत सीमाभन्दा बाहिर बढ्दै शिक्षा, विज्ञान, संस्कृति, ऊर्जा, मानवीय आदानप्रदान र क्षेत्रीय सहकार्यसम्म फैलिएको उनले बताए ।
सिस्टर–सिटी (दाजुभाइ नगरपालिका) कार्यक्रमहरूलाई उनले उल्लेखनीय सफलता मान्दै ‘रुसी र नेपाली नगरपालिकाबीचको प्रत्यक्ष सम्पर्कले नागरिकस्तरमा आपसी समझदारी र साझेदारी बढाएको छ’, उनले भने ।
शिक्षा र जनस्तरको सम्बन्धमा विशेष जोड
राजदूतको कार्यकालमा रुसी विश्वविद्यालयहरूमा नेपली विद्यार्थीको संख्या उल्लेखनीयरूपमा वृद्धि भएको छ । उनले शिक्षा क्षेत्रमा बढ्दो सहयोगलाई दुई राष्ट्रबीचको मैत्रीको मेरुदण्डको रूपमा चित्रण गरे ।
‘नेपाली विद्यार्थीहरू केवल डिग्री लिएरमात्र फर्कंदैनन्, उनीहरू रुसको संस्कृति, इतिहास र जीवनशैलीको प्रत्यक्ष अनुभव लिएर फर्किन्छन् र यी युवाहरू नै हाम्रो मित्रताको साँचो दूत हुन्’, उनले भने ।
रुसी हाउस काठमाडौँमार्फत आयोजित चलचित्र महोत्सव, भाषा प्रतियोगिता, साङगीतिक कार्यक्रम र प्रदर्शनीहरूले नेपाली समाजमा रुसप्रति चासो र समझदारी थपिएको राजदूतको भनाइ थियो ।
कूटनीतिक सहकार्य र साझा मूल्यहरू
राजदूतले अन्तर्राष्ट्रिय मञ्चहरूमा नेपालले अपनाएको तटस्थ, शान्तिपूर्ण, असंलग्न परराष्ट्र नीति र संयुक्त राष्ट्रसंघमा रुसले प्रस्तुत गरेका प्रस्तावहरूमा नेपालले दिएको समर्थनप्रति कृतज्ञता व्यक्त गरे ।
‘नेपालको सन्तुलित र स्वतन्त्र नीति केवल कूटनीतिक दृष्टिकोण मात्र होइन, नैतिक दृष्टान्त पनि हो’, उनले भने, ‘नेपालले देखाएको मार्गदर्शनले आजको विभाजित विश्वमा निष्पक्षता र संवादको सम्भावना देखाउँछ ।’
व्यक्तिगत भावनाहरूसहितको बिदाइ
राजदूतले नेपाली सरकारी निकाय, स्थानीय प्रशासन, व्यापारी, विद्वान, कलाकार, पत्रकार र रुसको समुदायका साथै कूटनीतिक सहकर्मीहरूप्रति आभार प्रकट गरे ।
‘म के सबैभन्दा बढी मिस गर्नेछु भने त्यो हो– यहाँका मानिसहरू’, उनले भने, ‘काठमाडौँ उपत्यकाको बिहानको प्रकाश, चाडपर्वहरूको उत्साह र हिमाली गाउँहरूको शान्त गरिमा, यी सबै मेरो हृदयमा सदैव रहनेछन् ।’
बिदाइ सन्देशको अन्त्यमा उनले भने, ‘म बिदा भन्न चाहन्न । म भन्छु– फेरि भेटौँला । म फर्किनेछु– सायद राजदूतको रूपमा होइन, तर सदैव मित्रको रूपमा ।’
चितवन । सडकमार्गमा सस्यामा परेका यात्रुको व्यवस्थापनसहित उनीहरूलाई गन्तव्यसम्म पुर्याउन चितवनका प्रमुख जिल्ला अधिकारी गणेश अर्याल अहोरात्र ‘फिल्ड’मै खटिरहेको देखिन्छन् ।
जिल्लास्थित कर्मचारी संयन्त्रका प्रमुखका हैसियतले कार्यकक्षमा बसी निर्देशन दिनेभन्दा ‘फिल्ड’ मै पुगी आवश्यक निर्देशनसहित तथा सहजीकरण गर्न उनी व्यस्त देखिन्छन् ।
जिल्लाका प्रमुख राजमार्गको पहिरो हटाउने, पहिरोमा अलपत्र परेका यात्रुलाई गन्तव्यसम्म पुग्नका लागि सहजीकरण गर्नुका साथ खाना, पानी तथा औषधिको व्यवस्था गर्ने तथा छिमेकी जिल्लाका आफ्ना समकक्षीसँग समन्वय गरी यातायात तथा यात्रुको व्यवस्थापन गर्ने काममा प्रमुख जिल्ला अधिकारी अर्याल अहोरात्र खटिरहेका छन् ।
सडक तथा यातायात, अस्पताल, होटल व्यवस्थापकलगायत सरोकार भएका निकाय तथा अधिकारीसँगको सहयोग र सहकार्यमा यात्रुलाई यथाशक्य राहत दिन प्रयास गरिएको उनले स्पष्ट गरे ।
यसै सन्दर्भमा नारायणगढ–मुग्लिन सडकखण्डको तुइन खोलामा पहिरो खसेर लामो समयसम्म अलपत्र परेका यात्रुलाई स्थानीय सामाजिक तथा व्यावसायिक सङ्घसंस्थासँग समन्वय गरी खाना, पानी र औषधि उपचारको व्यवस्था गर्न सफल भएको प्रमुख जिल्ला अधिकारी अर्याल बताउँछन् ।
सडकमा गाडी रोकिएपछि बजारको अभावमा पिउने पानी र खानाको अभाव यात्रुले झेल्नुपरेको जानकारी पाउनासाथ खाना, पानी र औषधिको व्यवस्था गरिएको उनले स्पष्ट गरे ।
पहिरोका कारण सडकमा लामो समयसम्म अलपत्र परेका यात्रुलाई पानी बढ्दै गर्दा देखिएका चितवनका प्रमुख जिल्ला अधिकारी अर्याल गत शुक्रबारदेखिको वर्षाका कारण भएको विपद् व्यवस्थापनका क्रममा निरन्तर फिल्डमा छन् ।
गत साता तुइन खोलाको पहिरो हटाउन र यात्रुलाई राहत दिन अहोरात्र फिल्डमै खटिएका अर्यालले भने, “यसैबीच एक दिन सबै व्यवस्था मिलाउँदै जाँदा रातिको १२ः०० बजे छ । त्यहीँ खाना खाएर सडकका कर्मचारीलाई उत्प्रेरणा दिन रातभर तुइनखोलामै बसेँ । स्वयम् म आफैँ त्यहाँ उपस्थित भएपछि सडकका कर्मचारी साथीलाई ऊर्जा मिल्यो, निरन्तर पहिरो आइरहे पनि सडक तथा यातायात व्यवस्थापन गर्न सफल भयौँ ।”
पहिरो पन्छाउने उपकरण जुटाउनेदेखि इन्धन हाल्ने, विद्युत्को व्यवस्थालगायत काममा प्रमुख जिल्ला अधिकारी अर्याल खटिरहेको देखिन्छन् । मुग्लिनबाट तनहुँहुँदै तुइन खोला वारीसम्म आएका यात्रुलाई नेपाल प्रहरीको बसमार्फत भरतपुरसम्म निःशुल्क ल्याउन उनले अगुवाइ गरे । त्यसो त अलपत्र परेका यात्रुलाई व्यवसायीको सहकार्यमा खाना र पानी मात्रै होइन, चिकित्सक र औषधिसमेतको व्यवस्था गरिदिए।
भरतपुर अस्पताल, चितवन मेडिकल कलेज, कलेज अफ मेडिकल साइन्सेस, जिल्ला जनस्वास्थ्य कार्यालय र मुग्लिनतर्फ इच्छाकामना गाउँपालिकाको सहयोगमा औषधोपचारको व्यवस्था उनले गरे । उनले भने, “पाँच ठाउँमा क्याम्प गरेर अलपत्र यात्रुको स्वास्थ्योपचार ग¥यौँ ।”
प्रमुख जिल्ला अधिकारी जिल्लास्थित सुरक्षा निकायका प्रमुखसँग आफैँ फिल्डमा खटिएकाले सोचेभन्दा छिटो सडक खुलाउन सफल भएको सर्वसाधारण बताउँछन् । तुइन खोलाको पहिरो पन्छाउन सक्दानसक्दै आएको अविरल वर्षात्ले जिल्लामा समस्या थपिए । ती समस्याको समाधानमा उनी प्रत्यक्ष रुपमा लागे ।
अर्यालका अनुसार अन्यत्र सडक बन्द भइरहँदा यहाँका सडक सञ्चालनमा थिए । उनकै पहलमा तनहुँ र धादिङका प्रमुख जिल्ला अधिकारीसहित सुरक्षा निकायका प्रमुखको उपस्थितिमा कुरिनटारमा बैठक बसेर राजमार्ग व्यवस्थापनको काम भयो । पहिरो गएको स्थानमा सवारीसाधन रोकिँदा हुनसक्ने जोखिमलाई मध्यनजर गर्दै सुरक्षित स्थानको खोजी गरी सवारीसाधन रोक्ने व्यवस्था मिलाइएको थियो । अर्यालका अनुसार पहिरोको जोखिम उच्च नभएसम्म सवारीसाधन सञ्चालन गरेर यात्रुलाई सहजीकरण गरिएको छ ।
शनिबार रातको समयमा सडक बन्द गरेपछि अलपत्र परेका यात्रुलाई प्रमुख जिल्ला अधिकारी अर्यालले स्थानीय होटलमा ७५ प्रतिशत छुटको व्यवस्था गरे । उनका अनुसार होटल व्यवसायी सङ्घ चितवन र क्षेत्रीय होटल सङ्घको उपस्थितिमा बैठक बसेर यो व्यवस्थापन गरिएको हो ।
आज बिहान मात्रै भरतपुर विमानस्थलमा अलपत्र परेका यात्रुलाई अर्यालले व्यवसायीसँग समन्वय गरी बसको व्यवस्था मिलाएर गन्तव्यतर्फ पठाएका छन् । उनले भने, “गुनासो आएपछि म विमानस्थल पुगेँ, धेरैलाई जानैपर्ने बाध्यता देखियो, विमानमा सम्भव नभएपछि बस खोजेर उहाँहरु आफैँले भाडा तिर्नेगरी काठमाडौँ पठाउन सुरु गरेका छौँ ।”
अर्यालले विपद्को यो समयमा कुनै समस्या भएमा चितवनस्थित प्रशासन कार्यालय वा प्रमुख जिल्ला अधिकारीलाई सोझै सम्पर्क गर्न आग्रह गर्दै विपद्को समयमा सेवा गर्ने अवसर दिन सम्बद्ध सबैसँग अनुरोध गरेका छन् ।
उनले भने, “समग्रमा नागरिकलाई दुःख पर्दा राज्य छ है, मर्नु पर्दैन भन्ने अनुभूति दिनेगरी काम गर्यौँ, राहत उद्धार एवं सहयोगपछि भुक्तभोगीजनबाट स्वःस्फूर्त रुपमा व्यक्त वाणीले आफूलाई काम गर्न थप हौसला मिलेको छ । प्रमुख जिल्ला अधिकारीका हैसियतले यसरी जनताको सेवा गर्न पाउँदा खुसी छु, सेवाग्राही एवं आमजनताकै पक्षमा काम गरिरहने प्रतिबद्धता व्यक्त गर्दछु ।”
काठमाडौँ । पछिल्लो दुई दिनमा विपद्का घटनामा परी देशभर ४० जनाको मृत्यु भएको छ । बाढीपहिरो, चट्याङ तथा सवारी दुर्घटनामा परी १३ जना घाइते भएका सशस्त्र प्रहरी बल नेपालले जनाएको छ ।
विपद्का घटनामा परी ११ जना बेपत्ता भएका छन् । बाढीपहिरोबाट इलाम जिल्लामा मात्रै २८ जनाको मत्यु र दुई जना गम्भीर घाइते भएको सशस्त्र प्रहरीले जनाएको छ ।
इलामको सूर्योदय नगरपालिकामा पाँच, इलाम नगरपालिकामा छ, देउमाई नगरपालिकामा दुई, फाकफोकथुम गाउँपालिकामा एक, माङ्सेबुङ गाउँपालिकामा तीन, माइजोगमाई गाउँपालिकामा आठ र सन्दकपुर गाउँपालिकामा तीन जनाको मृत्यु भएको सशस्त्र प्रहरी बलका सहप्रवक्ता शैलेन्द्र थापाले जानकारी दिए ।
यसैगरी बाढीपहिरोमा परी उदयपुरमा दुई, रौतहटमा तीन, रसुवामा चार र काठमाडौँमा एक जनाको मृत्यु भएको छ ।
खोटाङ, भोजपुर, रौटहट र मकवानपुरमा चट्याङबाट आठ जना घाइते भएका छन् । पाँचथरमा सवारी दुर्घटनामा छ जनाको मृत्यु भएको छ, भने छ जना घाइते भएका छन् ।
काठमाडौँ । जल तथा मौसम विज्ञान विभागले मुलुकका अधिकांश स्थानमा परेको भारी वर्षादेखि अतिभारी वर्षाका कारण हालसम्म देशभरका पाँच जलमापन केन्द्रमा जलसतहले खतराको तह पार गरेको छ । पूर्वका अन्य चार जलमापन केन्द्रमा भने जलसतहले सतर्कता तह पार गरेको विभागले जनाएको छ ।
विभागको तथ्याङ्कमा आज मध्याह्न १२ः३० बजेसम्म धनकुटास्थित अरुण नदी जलमापन केन्द्रले दिएको जानकारीअनुसार जलसतहले खतराको तह पार गरेर ११ दशमलव २३ मिटर पुगेको छ । उक्त केन्द्रमा ११ मिटर जलसतहलाई खतराको तह मानिन्छ ।
यसैगरी, धनकुटास्थित त्रिवेणीको तामोर नदी मापन केन्द्रमा १० मिटर खतराको तह रहेकामा ११ दशमलव ४७ मिटर जलसतह पुगेको छ । सुनसरीस्थित सप्तकोसी चतराको जलसतह सात दशमलव १३ मिटर पुगेको छ । उक्त स्टेशनको खतरा तह भने सात मिटर रहेको छ ।
त्यस्तै, सुनसरी खोलाको जलमापन केन्द्रमा जलसतह ८१ दशमलव ८८ मिटर पुगेको छ । उक्त केन्द्रमा ८१ दशमलव आठ मिटर जलसतहलाई खतराको तह मानिन्छ । इलामको मैनाचुलीस्थित कन्काई नदी जलमापन केन्द्रमा जलसतह पाँच दशमलव ६१ मिटर पुगेको छ । उक्त केन्द्रको जलसतहको खतरा तह भने चार दशमलव तीन मिटर रहेको छ ।
सिन्धुलीको खुर्कोटस्थित सुनकोसी जलमापन केन्द्र, धनकुटाको मुलघाटस्थित तमोर नदी, इलामको पुवाखोला र इलामकै चिसापानीस्थित माइखोला जलमापन केन्द्रमा भने जलसतहले सतर्कता तह पार गरेको विभागको तथ्याङ्कमा उल्लेख छ ।
विभागका जलविद् विनोद पराजुलीले पूर्वका नदीहरूमा बाढीको खतरा बाँकी रहेको र मुलुकका अन्य नदीमा जलसतह सामान्य रहेको जानकारी दिए । बाढीबाट हुनसक्ने सम्भावित धनजनको क्षति न्यूनीकरण गर्नका लागि मोबाइल एसएमएसमार्फत जनमानसलाई सचेत गराइएको उनको भनाइ छ ।
काठमाडौँ । हाल देशभर बङ्गालको खाडीबाट आएको जलवाष्प युक्त हावा (मनसुनी वायु)को प्रभाव रहँदा देशभर साधारणतया वर्षा हुने भएको छ ।
जल तथा मौसम विज्ञान विभाग, मौसम पूर्वानुमान महाशाखाका अनुसार कोशी र मधेस प्रदेशका अधिकांश स्थानहरुमा पूर्ण बदली रही बागमती, लुम्बनी प्रदेशमा साधारणतया बदली र बाँकी भू–भागहरुमा आंशिक बदली रहने छ ।
कोशी र मधेस प्रदेशका धेरै स्थानहरूमा तथा बाँकी प्रदेशका पहाडी र तराई भू–भागका केही स्थानहरूमा मेघगर्जन/चट्याङसहित मध्यम वर्षाको सम्भावना रहेको महाशाखाद्वारा जारी मौसम बुलेटिनमा उल्लेख छ । साथै कोशी र मधेस प्रदेशका एक दुई स्थानमा भारी वर्षाको सम्भावना छ ।
महाशाखाका अनुसार आज कोशी, मधेस, बागमती प्रदेशलगायत देशका पहाडी भू–भागमा साधारणतया बदली रही बाँकी भू–भागमा आंशिक बदली रहने छ ।
कोशी, मधेस, बागमती प्रदेशलगायत देशका पहाडी भू–भागका केही स्थानहरू र बाँकी भू–भागका थोरै स्थानहरूमा मेघगर्जन/चट्याङसहित मध्यम वर्षाको सम्भावना रहेको छ । कोशी प्रदेशका पहाडी भू–भागका एक–दुई स्थानमा भारी वर्षा सम्भावना रहेको महाशाखाले जनाएको छ ।
चितवन । अविरल वर्षापछि पहिरोको जोखिमका कारण रोकिएका अत्यावश्यक साना सवारीसाधनलाई गन्तव्यतर्फ लाग्न अनुमति दिइएको छ ।
शनिबार साँझ ६ः०० बजेदेखि नारायणगढ–मुग्लिन सडकखण्ड र पृथ्वी राजमार्गको चितवनतर्फको सडकमा सवारी साधान आवागमन बन्द गरिएको थियो । जिल्ला प्रहरी कार्यालका प्रवक्ता प्रहरी नायब उपरीक्षक रवीन्द्र खनालका अनुसार नारायणगढ–मुग्लिन सडकखण्ड र पृथ्वी राजमार्गको चितवन खण्डतर्फको सडकमा ठाउँठाउँमा पहिरोसँगै ढुङ्गा झरेको छ । ती ढुङ्गा र साना पहिरोहरु पन्छाएर अत्यावश्यक हलुका सवारीसाधन गन्तव्यतर्फ पठाइएको हो ।
शुक्रबार साँझदेखि परेको वर्षातले सडकमा पहिरोको जोखिम रहेकाले लामो दूरीका सवारीसाधन रोकिएका छन् । उहाँका अनुसार काठमाडौँ जाने सवारीसाधनलाई ट्राफिक व्यवस्थापन एवं आपत्कालीन अवस्थामा सवारी रोक्ने योजनाअनुसार इच्छाकामना गाउँपालिकाको फिस्लिङ, कुरिनटार र मुग्लिन, भरतपुर महानगरपालिकाको जुगेडी, रामनगर, आँपटारी, पोखरा बसपार्क, बाइपास रोड, केन्द्रीय बस ट्रमिनल, गोन्द्राङ एवं पूर्वी चितवनको शान्ति चोक टाँडी, चौबिसकोठी खैरहनी, डडुवा बजार भण्डारा, लोथर बजार लोथरमा सवारीसाधन रोकिएको छ ।
धादिङ, तनहुँलगायतका जिल्लाहरुमा समेत पहिरो एवं ढुङ्गा खसेर सडक अवरोध भएको उनले जानकारी दिए । सडकको अवरोध नहट्दासम्म र मौसमको प्रतिकुलताअनुसार जिल्लाका विभिन्न विभिन्न स्थानमा रहेका ‘होल्डिङ सेन्टर’मा रहेका सवारीसाधनलाई यथास्थानमा रहनसमेत प्रहरीले आग्रह गरेको छ । अवस्था हेरेर ती साधन पार गराइने उनले जानकारी दिए ।
पाटन । दण्डहीनतालाई प्रोत्साहन र प्रतिशोधको राजनीति नगर्न नेपाली कांग्रेसले आग्रह गरेको छ ।
पार्टीका मुख्य सचिव कृष्णप्रसाद पौडेलले मङ्गलबार प्रेस विज्ञप्ति जारी गर्दै गृह मन्त्रालयबाट यही असोज ९ गते जारी गरिएको विज्ञप्ति र सोही विज्ञप्तिका आधारमा गरिएको परिपत्रले संविधानवाद, कानुनी राज्य र विधिको शासनमाथि प्रश्न उठाउने भन्दै पीडितलाई आतङ्कित गर्ने काम भएको उल्लेख गरे । सप्रमाण भेटिएका अपराधीहरूलाई उन्मुक्ति दिँदै जाने नीति नेपाली जनताका लागि कदापि स्वीकार्य नहुने पनि विज्ञप्तिमा उल्लेख छ ।
“भदौ २३ गते जेनजी पुस्ताले आह्वान गरेको शान्तिपूर्ण प्रदर्शनको आवरणमा आफ्नो कुत्सित मनसाय पूरा गर्ने विभिन्न आपराधिक समूहले २४ गते बिहानैदेखि अकल्पनीय ढङ्गको आतङ्क सिर्जना गर्ने राष्ट्रव्यापी हिंसा, तोडफोड, लुटपाट र आगजनीका घटना घटाउन थाले, जसबाट हरेक क्षेत्रका निजी तथा सार्वजनिक संरचना तोडफोड, आगजनी र लुटपाट गरी ध्वस्त बनाइए । २३ र २४ गते दुई दिनमा सुरक्षकर्मीसहित ७६ जनाभन्दा बढीको ज्यान गइसकेको छ । सयौँ घाइते छन् । राष्ट्रलाई खर्बौंको क्षति भएको छ । यस अकल्पनीय र दुःखद् घटनाको जति निन्दा गरे पनि कमै हुन्छ”, विज्ञप्तिमा भनिएको छ ।
उक्त प्रदर्शनका क्रममा भएका घटनाको छानविन गर्न सरकारले न्यायिक छानबिन आयोग गठन गरेको कुरा स्वागत योग्य रहेको र त्यसले निष्पक्ष काम गर्नुपर्ने कांग्रेसको आग्रह छ ।
“प्रदर्शनको आवरणमा गरिएको नियोजित र निर्देशित रूपमा योजनाबद्ध आगजनी गर्ने, राजनीतिक दल र दल विषेशका नेतामाथि बदलापूर्ण प्रतिशोध लिने उद्देश्यले आक्रमण गर्ने, कार्यालय तोडफोड, लुटपाट र आगजनी गर्ने, सुरक्षाकर्मीको हातहतियार बोकेर लुट्ने अनि बर्दी लगाई हातहतियार बोकेर आतङ्क फैलाउँदै हिँडेका अवस्थामा देखिएका भेटिएका व्यक्तिउपर प्रचलित कानुनबमोजिम कुनै खोजतलास नगर्ने, कानुनी कारबाही नगर्ने भन्ने आसयको गृह मन्त्रालयबाट जारी गरिएको विज्ञप्ति र सोही विज्ञप्तिका आधारमा गरिएको परिपत्रले संविधानवाद, कानुनी राज्य र विधिको शासनमा प्रश्न उठेको छ”, विज्ञप्तिमा जनाइएको छ ।
घटनाको छानबिन प्रारम्भ नहुँदै राजनीतिक दलका नेता तथा कार्यकर्तामाथि पूर्वाग्रही र प्रतिशोधपूर्ण रूपमा काम हुन थालेको भन्दै आयोगलाई नभएको क्षेत्राधिकारविहीन कार्य गर्न गराउन नहुनेमा जोड दिइएको छ ।
काठमाडौँ । जल तथा मौसम विज्ञान विभागले असोज १७ गतेबाट मनसुन थप सक्रिय हुने जानकारी दिँदै सावधानी अपनाउन अनुरोध गरेको छ ।
विभागले मङ्गलबार राति दोस्रो दसैँ विशेष मौसम बुलेटिन जारी गरी बङ्गालको खाडीबाट विकसित भएको न्यून चापीय प्रणालीका कारण नेपालमा असोज १७ गतेबाट मनसुन थप सक्रिय भई देशका धेरै ठाउँमा वर्षा हुने जानकारी गराएको छ ।
विभागकी मौसमविद् विनु महर्जनले भने, “हालको मौसम विश्लेषणअनुसार नेपालमा मनसुनी वायुको प्रभाव केही कमजोर रहे पनि बङ्गालको खाडीमा विकसित न्यून चापिय प्रणाली भारतको ओरिसाबाट जमिनको भू–भाग हुँदै प्रवेश गरी मध्य भारततर्फ क्रमशः सर्ने भएको छ । त्यो नेपालमा प्रवेश गर्न लागेको र यही १७ गते यहाँ आइपुग्ने हुँदा मनसुन थप सक्रिय हुने सम्भावना देखिएको छ ।”
उनले न्यून चापिय प्रणालीका कारण नेपालमा जलवाष्पयुक्त मनसुनी वायु प्रवेश गरी असोज १७ (एकादशी)का दिनबाट देशका विभिन्न भूभाग खास गरी कोशी, मधेश, बागमती, गण्डकी र लुम्बिनी प्रदेशसम्म मनसुनी गतिविधि सक्रिय हुने सम्भावना देखिएको बताए ।
“तसर्थ, नेपालमा यस वर्षको दसैँ अवधिभर मनसुनी वायुको प्रभाव रहिरहने छ । हाल नेपालमा मनसुनी वायुको प्रभाव र स्थानीय वायु विकसित हुँदा नेपालमा मौसम वदली भइरहेको छ”, उनले भने ।
असोज १७ (एकादशी)मा कोशी, बागमती, गण्डकी र लुम्बिनी प्रदेशका पहाड र तराई भू–भागका केही स्थानमा तथा बाँकी प्रदेशका थोरै स्थानमा हल्कादेखि मध्यम वर्षाको सम्भावना रहेको जनाइएको छ । साथै कोशी, बागमती, गण्डकी र लुम्बिनी प्रदेशका एक–दुई स्थानमा भारी वर्षाको पनि सम्भावना रहेको छ ।
असोज १८ गते कोशी, मधेश, बागमती, गण्डकी र लुम्बिनी प्रदेशका धेरै स्थानमा तथा बाँकी प्रदेशका केही स्थानमा हल्कादेखि मध्यम वर्षाको सम्भावना रहेको छ । यस्तै, कोशी, मधेश, बागमती, गण्डकी र लुम्बिनी प्रदेशका थोरै स्थानमा भारीदेखि धेरै भारी वर्षाको सम्भावना रहेको छ ।
असोज १९ गते कोशी, मधेश, बागमती, गण्डकी र लुम्बिनी प्रदेशका धेरै स्थानमा तथा बाँकी प्रदेशका थोरै स्थानमा हल्कादेखि मध्यम वर्षाको सम्भावना रहेको छ । कोशी, मधेश, बागमती र गण्डकी प्रदेशका थोरै स्थानमा भारीदेखि धेरै भारी वर्षा र एक–दुई स्थानमा अतिभारी वर्षाको सम्भावना रहेको विभागले जनाएको छ ।
दसैँको अन्तमा मनसुन सक्रियसमेत हुने सम्भावना रहेकाले सम्भावित वर्षाका कारण भू–क्षय, बाढी, पहिरोका साथै सडक तथा हवाई यातायातसमेत प्रभावित हुन सक्ने देखिएको विभागले जनाएको छ । मौसमको अध्यावधिक जानकारी लिई आवश्यक सतर्कता अपनाउनु हुन सबैमा अनुरोध गरिएको छ ।
चितवन । कारागार कार्यालय चितवनले फरार कैदीबन्दीलाई सम्पर्कमा आउन आग्रह गरेको छ । कार्यालयले एक सूचना जारी गर्दै गत भदौ २५ गते कारागार कार्यालयबाट बाहिर निस्किएका कैदीबन्दीलाई यही असोज २० गतेसम्म सम्पर्कमा आउन आग्रह गरको हो ।
कारागारले तोकेको समयसम्म सम्पर्कमा नआएमा कारागार ऐन, २०७९ र प्रचलित कानुन अनुसार कारबाही गरिने सूचनामा उल्लेख छ ।
कार्यालयका प्रमुख रवीन्द्रप्रसाद ढुङ्गानाद्वारा जारी सूचनामा फरार रहेका कैदीबन्दीलाई लुकाउने, आश्रय दिने गरेको पाइएमा आश्रय दिने व्यक्तिलाईसमेत कसुरदार ठानी कारबाही गरिने जनाइएको छ ।
कैदीबन्दी कतै रहेको जानकारी भए नजिकको प्रहरी कार्यालयलमा जानकारी गराएर सहयोग गरिदिनसमेत सूचनामा भनिएको छ ।
कारागार कार्यालयबाट गत भदौ २५ गते सात सय ४२ कैदीबन्दी भागेका थिए । जसमध्ये पाँच सय ६१ जना कारागारको सम्पर्कमा आएका छन् भने अन्य जिल्लामा रहेका कारागारमा आठजना सम्पर्कमा आएका छन् । साथै अन्य जिल्लाबाट भागेका १७ जना कैदीबन्दी यस कारागारमा सम्पर्कमा रहेको उनले जानकारी दिए ।
काठमाडौँ । गत भदौ २३ र २४ मा भएको ‘जेनजी’ प्रदर्शनका क्रममा भएका घटनासम्बन्धी जाँचबुझ आयोगले नेपाल कम्युनिस्ट पार्टी (एमाले)का अध्यक्ष तथा पूर्वप्रधानमन्त्री केपी शर्मा ओलीलगायत पाँच जनालाई विदेश भ्रमणमा रोक लगाएको छ ।
आयोगको बैठकले अनुसन्धानको दायरामा रहेको जनाउँदै पाँच जनालाई विदेश भ्रमणमा रोक लगाउने निर्णय गरेको हो ।
आयोगले आइतबार जारी गरेको विज्ञप्तिमा पूर्वगृहमन्त्री रमेश लेखक, पूर्वगृह सचिव गोकर्णमणि दुवाडी, पूर्वराष्ट्रिय अनुसन्धान विभाग प्रमुख हुतराज थापा र काठमाडौँका पूर्वप्रमुख जिल्ला अधिकारी छविलाल रिजाललाई पनि विदेश भ्रमणमा रोक लगाउने निर्णय भएको उल्लेख छ ।
आयोगले भनेको छ, “भाद्र २३ र २४ गतेका घटनाको छानबिन तथा जाँचबुझको सिलसिलामा अनुसन्धानको दायरामा रहेको हुँदा निजहरूको विदेश भ्रमण रोक लगाउन आवश्यक कारबाही गर्नहुन तथा छानबिनका लागि कुनै पनि समयमा आयोगमा उपस्थित हुनुपर्ने हुँदा आयोगको स्वीकृतिबेगर काठमाडौँ उपत्यका छाड्न नपाउने व्यवस्था गर्न गराउनका लागि सम्बन्धित निकायमा पत्राचार गर्ने ।”
यसैगरी गत भदौ २३ र २४ गतेको घटनाको छानबिन गरी प्रतिवेदन पेस गर्न बनेको जाँचबुझ आयोगको काम प्रभावकारी रूपमा सम्पादन गर्न विज्ञसहितको जनशक्ति आवश्यक देखिएकाले त्यसको व्यवस्थापनका लागि गृह मन्त्रालयमा लेखी पठाउने निर्णय गरेको पनि विज्ञप्तिमा उल्लेख छ ।
चितवन । नेपाल तेक्वान्दो संघको अध्यक्षमा दीपराज गुरूङ चयन भएका छन् । चितवनको सौराहामा आइतबार सम्पन्न संघको पाँचौ अधिवेशनले गुरूङको नेतृत्वमा १९ सदस्यीय कार्यसमिति चयन गरेको हो ।
संघको उपाध्यक्षमा नन्दकुमार राई, दिलबहादुर ओली, भानुबहादुर चन्दलाई चयन गरिएको छ भने कोषाध्यक्षमा कासिम मियाँलाई निरन्तरता दिइएको छ ।
यसैगरी सदस्यमा कोशिस खड्का, रवि थापा, मदन केसी, नन्दा बस्याल, गुरुप्रसाद गौतम, कुमार लामा घिसिङ, सुमन पराजुली, टीकाप्रसाद लिम्बू, श्रीमान थापामगर, रामचन्द्र श्रेष्ठ, विजयकुमार न्यौपाने, बब्लु शिवाकोटी, प्रेमबहादुर भण्डारी र हेमन्त डांगी चयन भएका छन् । चन्द, बस्याल र श्रेष्ठ राष्ट्रिय खेलकुद परिषद्का बोर्ड सदस्य हुन् ।
यता सदस्यमा निर्वाचित डाँगीलाई नवनिर्वाचित अध्यक्ष गुरूङले महासचिवमा मनोनीत गरेका छन् । निर्वाचित सदस्य मध्येबाट अध्यक्षले महासचिव निर्वाचित गर्न सक्ने प्रावधान संघको विधानमा छ ।
निर्वाचित पदाधिकारी र सदस्यलाई प्रमुख निर्वाचन अधिकृत सरोज पोखरेलले शपथ ग्रहण गराएका थिए भने निर्वाचन अधिकृत चन्द्र राई, सानुबाबु केसी, निवर्तमान अध्यक्ष प्रकाश शमशेर राणालगायतले प्रमाणपत्र वितरण गरिएको नेपाल तेक्वान्दो संघ जिल्ला शाखा चितवनका अध्यक्ष शैलेश श्रेष्ठले जानकारी दिए ।
रत्ननगर । रत्ननगर वडा नं–६ स्थित बछौली नारी चेतना बचत तथा ऋण सहकारीको २७औँ वार्षिक साधारण सभा गरिएको छ । संस्थाकी अध्यक्ष भागीरथीकुमारी घिमिरेको अध्यक्षतामा भएको कार्यक्रम वडाध्यक्ष किरण महतोले उद्घाटन गरेका थिए ।
सो अवसरमा संस्थाकी अध्यक्ष घिमिरेले वार्षिक प्रतिवेदन, व्यवस्थापक शारदा विडारीले वित्तीय विवरण, सचिव शान्ता अधिकारी पराजुलीले प्रगति प्रतिवेदन, लेखा सुपरीवेक्षण समितिकी संयोजक प्रमिलाकुमारी ढकालले आन्तरिक लेखापरीक्षण प्रतिवेदन प्रस्तुत गरेकी थिइन् ।
कार्यक्रममा ज्येष्ठ सेयर सदस्य एक जना, सेयर वृद्धि गर्ने सदस्य तीन जना, उत्कृष्ट बाल बचतकर्ता ६ जना, सानो बाल बचतकर्ता एक जना, उत्कृष्ट बाल कारोबारी तीन जना, असल ऋणी ११ जना, सर्वोत्कृष्ट कारोबारी एक जना, एसइईमा उत्कृष्ट अङ्क ल्याउने बाल बचतकर्ता २३ जनालाई सम्मान गरिएको छ ।
कार्यक्रमका प्रमुखअतिथि वडाध्यक्ष महतोले महिलाहरुले सञ्चालन गरेको बछौली नारी चेतना साकोसले स्थानीयस्तरमा आर्थिक विकास र महिलाको जीवनस्तर उकास्ने काममा मह¤वपूर्ण भूमिका खेलेको बताए । उत्कृष्ट सहकारीको रुपमा पहिचान बनाएको उक्त सहकारीले गरिबी निवारणलाई प्राथमिकता राखेर लगानी गर्नुपर्नेमा उनको जोड थियो ।
संस्थाकी अध्यक्ष घिमिरेले नीति, विधि र प्रविधिलाई आत्मसात् गरी संस्थाको कारोबारलाई अगाडि बढाएको बताइन् । सो सहकारीले आर्थिक वर्ष २०८१/०८२ मा ५६ लाख ६९ हजार १६५ रूपैयाँ मुनाफा गरेको छ । तीन करोड ९४ लाख ११ हजार ३०५ रूपैयाँ आम्दानी गरेको सो संस्थाले तीन करोड ३७ लाख ४२ हजार १४० रूपैयाँ खर्च कटाएर ५६ लाख ६९ हजार १६५ रूपैयाँ मुनाफा भएको संस्थाकी व्यवस्थापक विडारीले जानकारी दिइन् ।
३५ करोड ९४ लाख ४८ हजार कुल सम्पत्ति रहेको सो सहकारीले २७ करोड ७६ लाख ३९ हजार ऋण लगानी गरेको छ । २८ करोड ९६ लाख ७७ हजार बचत सङ्कलन गरेको सो सहकारीले एक करोड ७३ लाख दुई हजार रूपैयाँ जगेडा कोषमा राखेको छ । चार हजार दुई जना सेयर सदस्य रहेको सो सहकारीले एक हजार ३६४ जनालाई ऋण लगानी गरेको छ ।
संस्थाकी उपाध्यक्ष पवित्रादेवी घिमिरेले स्वागत मन्तव्य राखेको उक्त कार्यक्रम सचिव शान्ता अधिकारी पराजुलीले सञ्चालन गरेकी थिइन् । यसअघि सो सहकारीले सेवा केन्द्रकेन्द्रित इकाइ सभासमेत गरेको संस्थाकी सञ्चालक समिति सदस्य सरस्वती चालिसेले जानकारी दिइन् ।
रत्ननगर । रत्ननगर वडा नं–१३ स्थित जयमंगला दुग्ध उत्पादक सहकारी संस्थाको २९औँ वार्षिक साधारण सभा गरिएको छ ।
वडा नं–१३ का वडाध्यक्ष पोटबहादुर घिमिरे प्रमुखअतिथि रहेको उक्त कार्यक्रममा संस्थाका उपाध्यक्ष तथा चितवन जिल्ला दुग्ध उत्पादक सहकारी संघका अध्यक्ष किशोर बगालेले दुईवटा विधामा प्रथम हुँदै पुरस्कार प्राप्त गरेका छन् । बगालेले सबैभन्दा बढी दूध बिक्री र घाँसमा आधारित पशुपालनमा अन्य किसानहरुलाई पछि पार्दै प्रथम भएका हुन् ।
सबैभन्दा बढी दूध बिक्री गर्नेतर्फ बगाले प्रथम हुँदा सविनप्रसाद खनाल द्वितीय र कोपिला श्रेष्ठ तृतीय भएका छन् । घाँसखेतीतर्फ बगाले नै प्रथम हुँदा सविनप्रसाद खनाल द्वितीय र मनु रेग्मी कोइराला तृतीय भएका छन् । गुणस्तरतर्फ गाईको दूधमा रामलाल श्रेष्ठ र भैँसीको दूधमा शान्ता दुवाडी उत्कृष्ट हुँदै पुरस्कृत भएका छन् ।
संस्थाले वृद्ध सेयर सदस्य भुवनी शंकर कँडेल, शंकरबहादुर गिरी, उत्कृष्ट विद्यार्थीहरु जस्विन रानाभाट र विवेक भट्ट, कर्मचारी प्रोत्साहनतर्फ व्यवस्थापक जनकराज पन्त, सहव्यवस्थापक सरोज भट्टराई, कार्यालय सहायकहरु कृष्णकुमार श्रेष्ठ र अर्जुन शर्मा पौडेललाई सम्मान गरिएको छ ।
कार्यक्रममा संस्थाका अध्यक्ष शिवप्रसाद भट्टले वार्षिक प्रतिवेदन र नीति तथा कार्यक्रम, लेखा समिति संयोजक गोविन्दप्रसाद खनालले आर्थिक तथा लेखापरीक्षण प्रतिवेदन प्रस्तुत गरेका थिए ।
साधारण सभाले दुग्ध किसानको रकमबाट ७ प्रतिशत कट्टा गर्ने र ७ प्रतिशत संस्थाले थपेर हुन आउने १४ प्रतिशत रकमबाट वार्षिकरुपमा किसानलाई १० प्रतिशत बोनस प्रदान गर्ने र बाँकी रहेको ४ प्रतिशत रकम पाँच वर्षपछि पेन्सनको रुपमा प्रदान गर्ने प्रस्ताव पारित गरेको संस्थाका अध्यक्ष भट्टले जानकारी दिए ।
कार्यक्रममा वडा नं–१२ का वडाध्यक्ष सुन्दरमणि सुवेदी, चितवन जिल्ला दुग्ध उत्पालक सहकारी संघका सचिव कल्याण अधिकारी, रत्ननगर नगरपालिका सहकारी शाखा प्रमुख अर्जुन पंगेनी, अग्रज महिला विकास बचत तथा ऋण सहकारी संस्थाकी अध्यक्ष मीना बुढाथोकीलगायतले मन्तव्य राखेका थिए ।
२४९ जना सेयर सदस्य रहेको सो सहकारीले वार्षिक ६ लाख १२ हजार ३५० लिटर दूध सङ्कलन गर्दै आएको छ । व्यवस्थापक पन्तले सञ्चालन गरेको उक्त कार्यक्रममा उपाध्यक्ष किशोर बगालेले सञ्चालन गरेका थिए ।
भरतपुर । पत्रकार तथा लेखक वसन्त पराजुलीद्वारा लेखिएको उपन्यास ‘बखान’माथि शनिबार भरतपुरमा समीक्षा गर्दै सम्मान गरिएको छ ।
तमू ह्युल छोँज धीँ गुरूङ राष्ट्रिय परिषद् चितवनले आयोजना गरेको कार्यक्रममा समीक्षकहरुले उपन्यासले समग्र नेपाली समाजको चित्रण गरेको बताएका छन् । विशेषगरी, गुरूङ समुदायको इतिहास, संस्कृति र राजनीतिक भूमिकालाई उजागर गर्दै गहिरो प्रभाव पार्न सफल भएको समीक्षक गणेशबहादुर गुरूङले बताए ।
‘गुरूङ समुदायका लागि एउटा मह¤वपूर्ण दस्तावेज नै बनेको छ’, उनले भने, ‘किनकि सत्यतथ्यमा आधारित यस्ता पुस्तकहरु बिरलै पढ्न पाइन्छ ।’ यो उपन्यास केवल गुरूङ समुदायका लागिमात्रै नभई गैरगुरूङ समुदायका पाठकहरुका लागि पनि केही नयाँ पक्ष उजागर गर्ने कृति भएको उनले बताए । उनले उपन्यासमा देखिएको संवेदनशीलता र यथार्थ चित्रणको प्रशंसा गरे ।
अर्का समीक्षक एवम् पत्रकार विनोदबाबु रिजालले पुस्तकलाई ‘ऐतिहासिक दस्तावेज’ भएको संज्ञा दिए । उपन्यासभित्रको प्रमुख पात्र बखानसिंह गुरूङले राज्यबाट पाउनुपर्ने सम्मान नागरिक तहबाट पाएको उनले बताए । ‘कम्तीमा नागरिकको तर्फबाट वसन्त पराजुलीले उपन्यास लेखेर एकपटक सम्मान दिने प्रयास भएको छ’, उनी भन्छन्, ‘यो सम्मान राज्यले दिनुपर्ने थियो ।’
गुरूङ संस्कृतिमा गहिरो सरोकार राख्ने कवि एवम् समीक्षक माया कोन्मे गुरूङले उपन्यासको भौगोलिक पृष्ठभूमिमा केही त्रुटि भए पनि त्यसले समग्र कथाको प्रभावमा असर नपरेको बताइन् । गोरखा, तनहुँ, चितवन र नरकटियागञ्ज बखानको मुख्य भूगोल भएको हुँदा भूगोलको विषयमा अझ ध्यान दिनुपर्ने देखिएको उनले बताइन् । ‘लेखकले चितवनलाई चिनाउने उद्देश्यले केही कल्पनात्मक प्रसङ्गहरु पनि जोडिदिनुभएको छ, जुन उपन्यासको शैलीअनुरुप स्वीकार्य छन्’, उनी भन्छिन् ।
समीक्षकहरुको प्रतिक्रिया सुनिसकेपछि लेखक वसन्त पराजुलीले उपन्यास भएको हुँदा कतिपय प्रसङ्ग काल्पनिक हुने बताए । उनले उपन्यासमार्फत चितवनको विगतलाई केलाउने क्रममा उपन्यासको प्रमुख पात्र वखानसिंह गुरूङलाई चितवन चिनाउन आवश्यक स्थानहरुको भ्रमण गराइएको प्रसङ्ग सुनाए । ‘कतिपय स्थानमा मुख्य पात्रलाई नपु¥याइँदा चितवनको परिचय अधुरो रहन्थ्यो । उपन्यास अधुरो रहन्थ्यो’, उनी भन्छन्, ‘त्यसकारण वास्तविकतामा केही कल्पनाशीलता पनि मिसिएको छ ।’
वखानसिंह गुरूङलाई मुख्य पात्रको रुपमा उभ्याइँदा गुरूङ संस्कार, संस्कृति र चालचलनलाई पनि समेट्न आवश्यक पर्ने हुँदा ती विषयलाई पनि उपन्यासमा समेट्ने प्रयास गरिएको उनको भनाइ छ । उपन्यास लेखेकै आधारमा चितवनका गुरूङहरुको संस्था तमू ह्युल छोँज धीँले गरेको सम्मानप्रति कृतज्ञ रहेको उनले बताए । ‘चितवनको गुरूङ समुदायबाट प्राप्त गरेको यो माया र सम्मान मेरा लागि अविस्मरणीय छ’, उनले भने ।
कार्यक्रममा उपन्यासको समग्र पक्षमाथि छलफल गरिएको थियो । तमू ह्युल छोँज धीँ चितवनकी अध्यक्ष विमलादेवी गुरूङको अध्यक्षतामा भएको कार्यक्रममा तमू ह्युल छोँज धीँ चितवनका पूर्वअध्यक्ष एवम् सल्लाहकार पदमबहादुर गुरूङ, विपश्यना आचार्य एवम् लेखक अक्कलध्वज गुरूङ, तमू ह्युल छोँज धीँका केन्द्रीय सदस्यहरु तुलाराम गुरूङ, नारायणसिंह गुरूङलगायतले पनि आफ्ना विचार राखेका थिए ।
नेपाल पत्रकार महासंघ चितवनका अध्यक्षसमेत रहेका लेखक पराजुलीलाई तमू ह्युल छोँज धीँ चितवनले गुरूङ संस्कारअनुसार दही–अक्षता र सेता फेटासँगै सम्मानपत्र प्रदान गरेको थियो ।
-राजेन्द्र आचार्य
चितवन । चितवनका प्रमुख पर्यटक गन्तव्यहरू मुख्य याममै एकाएक सुनसान देखिएका छन्। विशेषगरी सौराहा, मेघौली र पटिहानीजस्ता स्थानहरूमा पर्यटकहरूको आवागमन झिनो देखिँदा स्थानीय पर्यटन व्यवसायीहरू चिन्तित भएका छन् ।
विशेष गरी पर्यटन प्रवर्द्वन गर्ने निकाय पर्यटन कार्यालय सौराहासँगै व्यवसायीहरूको साझा संस्था क्षेत्रीय होटल संघ नेपाल सौराहाले काम नगर्दा यहाँको पर्यटन क्षेत्र थप मारमा परेको व्यवसायीहरूको गुनासो छ । सरकारी निकाय र व्यवसायी संस्था व्यक्तिगत, गुट र राजनीतिक हावी हुँदा कोठे कार्यक्रम गरी सरकारी बजेट सिध्याउन यी दुई संस्थामा राजनीति हावी भएको एक होटल व्यवसायीले दुखेसो पोखे ।
उनले भने, ‘उहाँहरू अहिलेको विषम परिस्थितिमा पर्यटन उकास्नेभन्दा गुट भेला, स्वागतमा मात्र व्यस्त देखिनुहुन्छ ।’ यहाँ सबै व्यवसायीलाई समेटी समान दृष्टिकोण नबनाउदा सौराहा क्षेत्रको पर्यटन धराप बनाउन सक्रिय भएको अनुभूति भएको उनले बताए ।
आर्थिक वर्षको तुलनामा यस वर्ष चितवन राष्ट्रिय निकुञ्जमा आउने पर्यटकको सङ्ख्या करिब २५ प्रतिशतले घटेको छ। पयर्टन कार्यालयमा आएको बजेट अनावश्यक फजुल कार्यक्रममा खर्च गरेका कारण व्यवसायीहरू पर्यटन कार्यालयका प्रमुख नै सुरूवा गर्न माग गरिरहेका छन् । यो प्रवृत्तिसँगै होटल, होमस्टे, रेस्टुरेन्ट तथा सफारी सञ्चालन व्यवसायहरूमा आम्दानीमा ठूलो गिरावट आएको व्यवसायीहरूको गुनासो छ ।
‘अब त खाना खर्च पनि तिर्न गाह्रो भयो’, सौराहाका होटल व्यवसायी तथा पूर्वअध्यक्ष सुमन घिमिरे भन्छन्, ‘कोठा बुकिङ शून्य छ, पर्यटक आउँदैनन् ।’
व्यवसायीहरूले मुख्य समस्याको रूपमा नारायणगढ–मुग्लिन सडकको जर्जर अवस्था आएको रेवान सौराहाका पूर्वअध्यक्ष गोकर्ण गिरीले बताए ।
लगातार हुने निर्माण तथा मर्मत कार्यका कारण आवागमन अवरुद्ध हुने गरेको छ, जसले देशी तथा विदेशी पर्यटकलाई चितवन पुग्न हतोत्साहित बनाइरहेको छ ।
चितवन पर्यटन परिषद्का अनुसार, आवागमनको असुविधा, प्रचारको कमी, र पर्यटक गतिविधिहरूको विविधता नहुनु पनि चितवनको पर्यटनमा आएको गिरावटको मुख्य कारण हुन् ।
पर्यटन क्षेत्र संकटमा पर्दा पनि स्थानीय र प्रदेश सरकारको चासो नदेखिएको व्यवसायीहरूको आरोप छ। ‘सरकारको सहयोगबिना अब पर्यटन व्यवसाय उकास्न सकिन्न’, चितवनका पर्यटन विज्ञ विश्व सुवेदी बताउँछन् ।
चितवनको पर्यटन पुनर्जीवनका लागि सडक र यातायात पूर्वाधार सुधार, अन्तर्राष्ट्रियस्तरमा प्रचार‑प्रसार, जंगल सफारीबाहेक अन्य विविध गतिविधि विकास र घरेलु पर्यटक लक्षित छूट र प्याकेज कार्यक्रमजस्ता महत्त्वपूर्ण कदमहरू चाल्नु आवश्यक रहेको उनी बताउँछन् ।
भरतपुर । नारायणगढ–मुग्लिन सडकखण्डअन्तर्गत तुइन खोलामा पहिरोमा फसेका यात्रुहरुलाई लक्षित गर्दै निःशुल्क बस सेवा सञ्चालन गरिएको छ । नेपाल प्रहरीले विगत दुई दिनदेखि पहिरोबाट रोकिएका यात्रुहलाई लक्षित गर्दै निःशुल्क बस सेवा सुरू गरेको हो ।
जिल्ला प्रहरी कार्यालयका प्रमुख प्रहरी उपरीक्षक गोविन्द पुरीका अनुसार मङ्गलबारदेखि पहिरोले रोकिएका यात्रुहरुलाई बस सेवा सुरू गरिएको हो । प्रहरी स्कुल शान्तिपुरका दुईवटा बसले निःशुल्क सेवा दिइरहेको उनले जानकारी दिए ।
तनहुँतर्फको बाटो हुँदै पाँच किलोको पुलसम्म आएका यात्रुहरुलाई लक्षित गरेर बस सेवा सञ्चालनमा ल्याइएको हो । उनले भने,“पहिरोका कारण हिँड्दै आएका यात्रुलाई भरतपुरसम्मका लागि निःशुल्क बससेवा सञ्चालनमा ल्याएका हौँ ।” पहिरोका कारण लामो समयसम्म सडक खुल्ने सम्भावना नभएपछि अलपत्र परेका वा हिँड्दै आएका यात्रुलाई निःशुल्क बसको व्यवस्था गरिएको उनले जानकारी दिए ।
पाँच किलोमा यात्रु जम्मा भएपछि प्रहरीले खबर गरेर बस पठाउने गरेको छ । सुरूको दिन पहिरो खसेको स्थानबाटै यात्रुहरु ल्याइएको भए पनि आजदेखि पाँचकिलोबाट यात्रुलाई ल्याउन थालिएको हो । सडक अवरूद्ध भएपछि यात्रुहरुले पैदल हिँडेर वैकल्पिक मार्ग अपनाउनुपरेको छ ।
पहिरो समय–समयमा खसेकाले पन्छाउन कठिन भएको हो । शुक्रबारसम्ममा पहिरो पन्छ्याइ सक्ने अनुमान गरिएको छ । गत शुक्रबार खसेको पहिरो पन्छ्याएर सडक सञ्चालनमा ल्याइएको भए पनि पुनः मङ्गलबार पहिरो खसेर सडक अवरूद्ध भएको छ । बुधबार पनि बिहानैदेखि पहिरो पन्छ्याउने काम भएको थियो ।
भरतपुर । नारायणगढ–मुग्लिन सडकअन्तर्गत मङ्गलबार तुइन खोलामा खसेको ठूलो पहिरो पन्छाउने क्रम जारी छ । आज बेलुकासम्म पहिरो सकेसम्म बिहीबार बेलुकीसम्म पहिरो पन्छाएर सक्ने लक्ष्य राखिए पनि त्यो सम्भावना अत्यन्तै न्यून छ । मङ्गलबार दिउँसो ४ः३० बजे खसेको पहिरो बुधबार बिहानबाट पन्छाउन थालिएको हो ।
ठूलो पहाड नै सडकमा खसेकाले पन्छाउन समय लागेको सडक डिभिजन भरतपुरका इन्जिनियर अर्जुन घिमिरेले जानकारी दिए । उनका अनुसार सडकमा करिब १५ हजार घनमिटर पहिरो खसेको छ । बुधबार बेलुका पाँचवटा मेसिनले एकैपटक पहिरो पन्छाउने काम गरेको थियो । सडकको १६० मिटर भाग पहिरोले पुरिएको थियो ।
डिभिजन सडक कार्यालय भरतपुरका प्रमुख नारायण लामिछानेका अनुसार पहिरो पन्छाउन दुईवटा लोडर, एउटा स्काभेटर र एउटा भ्याकुलोडर परिचालन गरिएको छ । दमौलीबाट अर्काे एउटा स्काभेटर मगाइएको छ ।
प्रमुख लामिछानेले पहिरोको तस्बिर हेर्दामाथिबाट अरु थप ठूलो पहिरो झर्ने सम्भावना कम भए तापनि माथिबाट झर्न बाँकी केही ढुङ्गाहरु पूर्णरुपमा झरिनसकेकाले अझै साना तथा मझौला पहिरो खस्न सक्ने सम्भावना रहेको बताए ।
सो ठाउँमा गत शुक्रबारदेखि निरन्तर पहिरो खसिरहेको छ । समय समयमा पहिरो पन्छाएर केही सवारी आवागमन गराइएको भए पनि मङ्गलबार साँझबाट ठप्प भएको छ । सडक रोकिएसँगै ठूलो सङ्ख्यामा सवारीसाधन लाममा छन् । यात्रुवाहक सवारीसाधन भने फर्काएर वैकल्पिक मार्गतर्फ लागेका छन् । मालवाहक सवारीसाधन लाममा छन् ।
पछिल्लोपटक सडक ठप्प भएको ३८ घन्टाभन्दा बढी भएको छ । यसअघि लगातार ४५ घन्टा बन्द भएर सडक खुलेको थियो । यसपालि तुइन खोला पहिरोले धेरै दुःख दिएको छ । सडक विस्तारका क्रममा पहाड थर्किएर कमजोर भएकाले यो ठाउँमा जतिबेला पनि पहिरो खस्ने जोखिम छ ।
पोखरा–काठमाडौँ सडकमा पनि प्रभाव
मुग्लिन–नारायणगढ खण्डको तुइन खोला क्षेत्रमा गएको पहिरोको प्रभाव पोखरा–काठमाडौँ सडकखण्डमा पनि पर्ने गरेको छ ।
उक्त पहिरोका कारण मुग्लिनखण्डमा सवारीसाधनको अत्याधिक चाप बढ्न थालेसँगै त्यसको प्रभाव पोखरा–काठमाडौँआवतजावत चल्ने सवारीसाधनमा परेको पृथ्वीराजमार्ग बस सञ्चालक कम्पनी लिमिटेडका अध्यक्ष ऐनकुमार साईले जानकारी दिए ।
उक्त पहिरोका कारण सडकमा सवारीसाधनको जाम हुन थालेपछि यात्रुहरुलाई समयमा नै गन्तव्यमा पु¥याउन नसकिएको उनले बताए । “मुग्लिन–नारायणगढ खण्डमा सडक यातायात प्रभावित भएसँगै नेपालका पश्चिमी क्षेत्रमा जाने सवारीसाधन पोखरा हुँदै जान थालेका कारण पनि सवारीसाधनको चाप अत्याधिक छ”, उनले भने ।
पोखरा–काठमाडौँ खण्डमा पृथ्वीराजमार्ग बस सञ्चालक कम्पनीअन्तर्गत नियमित ४०० को सङ्ख्याका यात्रुवाहक सवारीसाधनले सेवा दिइरहेको उनले जानकारी दिए । दसैँको टीकाको दिन नजिकिँदै गर्दा ठूलो सङ्ख्यामा सर्वसाधारण आवतजावत गर्ने भए पनि सडक अवरूद्ध हुँदा आवतजावतमा कठिनाइ भएको उनले बताए ।
चितवन । गीतकार हरिभक्त बुढाथोकीको शब्द, भीम बिसीको संगीत, मेलिना राई र टेक बिसीको स्वारमा रहेको” जोवनै ढल्की गएसी” उक्त गीत हरिभक्त बुढाथोकी युट्युब च्यानलबाट सार्वजनिक गरिएको छ ।
सलोन बस्नेत, टेक बिसी र बिनिता ओलिको संयुक्त अभिनयमा बनेको उक्त म्युजिक भिडियोको छायांकन नवराज उप्रेती, सम्पादन विवेक सुनार, भिडियो सृगार मिलन विश्वकर्मा, नित्य निर्देशक विशाल कैने, सहायक निर्देशन सुमन बस्नेत तथा निर्देशन सान थापाले गरेका हुन् ।
गीतकार हरिभक्त बुढाथोकी नेपाली साहित्य र समाजसेवाको क्षेत्रमा अग्रणि भूमिकामा पुग्नुभएको एउटा उदाहरणीय नाम हो । एक दर्जनभन्दा बढी पुस्तकका लेखक, साथै ५ विविध विधामा सोधपत्रसमेत लेखिएका अब्बल व्यक्ति हुन् हरिभक्त बुढाथोकी । साथै, नेपालीमा ड्राइभिङ्गसम्बन्धी पुस्तकका पहिलो लेखक तथा ड्राइभिङ्गसम्बन्धी पत्रिकाका पहिलो सम्पादक र प्रकाशकका साथै तेरथुम जिल्लाका पहिलो नाटककारबाट चिनिएका व्यक्ति हुन् ।
उनको पहिलो नाटक हो बसन्त कोपिला । यसैले साहित्यकार हरिभक्त बुढाथोकी नाटककार, उपन्यासकार, गीतकार, कथाकार आदिमा समेत निकै अब्बल मानिन्छन् ।
“८६ वर्षीय गीतकार हरिभक्त बुढाथोकीका यसअघि प्यारो बाबा, बुढेसकाल, संघर्ष, नजर लाग्ला नि, नजरमा नजर मिलेपछि, मुटुमै गाँसेको साइनो, दुरी मलाई हुनु छैन, जिन्दगी हौ तिमी मेरो, डार्लिङ्ग, मलाई हार्न दिँदैन जस्ता आधुनिक तथा विविध गीतहरूका साथै पतञ्जलि योग गान तथा रोटरी गान र गीत जस्ता दर्जनौँ चर्चित गीतहरू प्रकाशित भैसकेका छन् ।
समाजसेवी हरिभक्त बुढाथोकी सामाजिक तथा शैक्षिक क्षेत्रमा प्रसस्त निस्वार्थ लगानीहरू गरेका उदाहरणहरू प्रशस्त नै भेटिएका छन् ।
चितवन । नेपाली सङ्गीत बजारमा नयाँ गीत ‘सम्झनाका पल’ सार्वजनिक भएको छ । गीतमा राज टाइगरको शब्द, वसन्ती लामाको सङ्गीत र गायक विवेक डोङको स्वर रहेको गीतको भिडियो सार्वजनिक भएको हो । आफ्नो प्रेमिकाको मृत्यु र सम्झनाका भावलाई समेटिएको यस गीतलाई स्रोता-दर्शकले सकारात्मक प्रतिक्रिया दिएका छन् ।
गोविन्द सोनीको मिक्सिङरमास्टरिङ, विशाल योञ्जनको रेकर्डिङ रहेको गीतलाई मुर्चुंगा स्टुडियोमा रकर्ड गरिएको हो । अडियो तथा भिडियो दुवैलाई सदिक्षा फिल्मले प्रस्तुत गरेको छ ।
अमर ओलीको निर्देशन रहेको भिडियोमा सूर्य कुमार र रविना कार्कीको अभिनय देख्न सकिन्छ । ज्ञानकुमारको कट्टेलको सम्पादन तथा रंग संयोजन पदम सुवेदी, मेकअप आर्टिष्ट मिरा लामा र पोस्ट-प्रोडक्सन सदिक्षा फिल्मस्ले गरेको हो ।
गीतको भिडियोलाई सदिक्षा फिल्मस् युटुबमार्फत हेर्न सकिन्छ । सङ्गीतप्रेमीहरूले गीतलाई जीवनका भावुक क्षण सम्झाउने सिर्जना भन्दै प्रशंसा गरेका छन् ।
खैरहनी । खैरहनी नगरपालिका वडा नं–९, बैरहनीमा मोटरसाइकलले साइकलयात्रीलाई ठक्कर दिँदा दुई जना घाइते भएका छन् ।
बागमती प्रदेश ०३०४ प ९४०१ नम्बरको मोटरसाइकलले साइकललाई ठक्कर दिँदा राप्ती बस्ने ८२ वर्षीय हस्त गिरी र मोटरसाइकलपछाडि सवार ३२ वर्षीया सुकुमाया प्रजा घाइते भएका छन् ।
घाइतेहरुको पुरानो मेडिकल कलेज (सिएमएस), भरतपुरमा उपचार भइरहेको र मोटरसाइकल चालक राप्ती–९ बस्ने ३३ वर्षीय ध्रुव चेपाङ इलाका प्रहरी कार्यालय, खैरहनीको नियन्त्रणमा रहेको प्रहरीले जनाएको छ ।
भरतपुर । भरतपुर महानगरपालिका वडा नं–१९, मुखिया चोकमा ट्रयाक्टर र मोटरसाइकल एकापसमा ठक्कर खाँदा मोटरसाइकल चालक गम्भीर घाइते भएका छन् ।
ना ५ त ६४९ नम्बरको ट्रयाक्टर र विपरीत दिशातर्फबाट जाँदै गरेको ना ३३ प ९१२६ नम्बरकोे मोटरसाइकल ठोक्किँदा मोटरसाइकल चालक भरतपुर–१७ बस्ने ४५ वर्षीय सञ्जय थापामगर गम्भीर घाइते भएका हुन् ।
घाइतेको नयाँ मेडिकल कलेज (सिएमसी), भरतपुरमा उपचार भइरहेको र उपचारमा ट्रयाक्टर धनी संलग्न रहेको प्रहरीले जनाएको छ ।
चितवन । विश्व चर्चित गजलकार गुलाम अली खानका तीन पुस्ता उस्ताज गुलाम अली, छोरा आमिर गुलाम अली र नाति नाजिर आमिर गुलाम अलको स्वर रहेको नेपाली गजल गीत ‘गजल उनकै गीत उनकै’ सार्वजनिक गरिएको छ ।
मनोज खड्काको शब्द रहेको गीतमा संगीत मिलन मोक्तानले दिएका छन् । गीतको एरेन्ज किरण खरेलले गरेका हुन् । गीतमा अन्तर्राष्ट्रिय नेपाली मोडल दीपक घिमिरे र बर्षा कुँवर (मिसेस ब्युटीक्विन नेपाल २०२५’को अभिनय छ ।
केही दिनअगाडि एक साङ्गीतिक कार्यक्रममा नेपाल आएका गुलाम अलीले नेपाली आफ्ना नेपाली स्रोता तथा दर्शकका लागि यो गीत दिएको कार्यक्रममा संगीतकार मिलन मोक्तानले बताए ।
गीतले एक व्यक्तिले आफूलाई मनपरेको केहीको विषयमा आफ्नो मनमा उब्जिएको भावना व्यक्त गरेका छन् । भिडियो पनि त्यस्तै कथा बुनिएको छ । जसमा रोमान्टिक जोडीको रुपमा दीपक र वर्षा प्रस्तुत भएका छन् ।
मिलन मोक्ताङको निर्देशन रहेको भिडियोमा सुवास लोकेन्द्र्रको छायाङ्कन र अर्जुन खड्काको सम्पादन रहेको छ ।
रत्ननगर । रत्ननगर नगरपालिका वडा नं–६ का वडा सदस्य गोपीकृष्ण विडारीले वडा कार्यालयलाई कार्यालय सञ्चालनका लागि उपकरण सहयोग गरेका छन् । वडा सदस्यको हैसियतमा आफूले पाएको सेवासुविधाबापतको रकमबाट विडारीले ल्यापटप एक थान, स्क्यानर एक थान र एउटा प्रिन्टर सहयोग गरेका हुन् ।
वडाध्यक्ष किरण चौधरी, कार्यपालिका सदस्य बबिता चौधरीको रोहवरमा वडा सदस्य विडारीले वडा सचिव पद्मराज सापकोटालाई उपकरण हस्तान्तरण गरेका हुन् ।
‘आगलागीबाट कार्यालयमा भएका सम्पूर्ण सामान खरानी भए’, विडारीले भने, ‘उपकरणको अभावले कार्यालय सञ्चालनमा समस्या परेपछि सहयोग गरेको हुँ ।’ वडावासीलाई सेवा प्रदान गर्नु स्थानीय सरकारको दायित्व रहेको भन्दै उनले उपकरणको अभावमा सेवा प्रभावित हुन नहुने तर्क गरे ।
सोही अवसरमा वडाध्यक्ष चौधरीले मासिक सेवासुविधाबापतको रकमबाट कार्यालयका लागि वडा सदस्यले गरेको सहयोग उदाहरणीय रहेको बताए ।
जेनजी प्रदर्शनकारीले गरेको आगजनी र तोडफोडका कारण कार्यालयमा भएका सबै उपकरण जलेर नष्ट भएका छन् । आगलागी भएको भवन सरसफाइ गरी कार्यालय सञ्चालन गरिएको छ । आर्थिक अभावका कारण कार्यालय भवन पुनर्निर्माणको काम सुरू हुन सकेको छैन ।
चितवन । नारायणगढ–मुग्लिन सडकखण्डअन्तर्गत इच्छाकामना गाउँपालिका–६, तुइनखोलामा फेरि ठूलो पहिरो खसेको छ ।
पहिरोका कारण सडक दुईतर्फी अवरुद्ध भएको छ । आज दिउँसो ४ः५५ बजे ठूलो पहिरो गएको र त्यसपछि पनि निरन्तर पहिरो खसिरहेकाले पन्छाउन कठिन भएको डिभिजन सडक कार्यालय चितवनका प्रमुख नारायण लम्सालले जानकारी दिए ।
उनले भने, “पहिरो झर्ने क्रम नरोकिँदा पहिरो पन्छाउन कठिन भएको छ ।” गत शुक्रबार पनि सोही स्थानमा पहिरो खसेर सडक अवरुद्ध भएको थियो ।
सोमबार मात्रै दुईतर्फी सडक सञ्चालनमा ल्याइएकामा मंगलबार पुनः पहिरो जाँदा सडक अवरुद्ध भएको छ । पहिरो पन्छाउन लामो समय लाग्ने भएकाले वैकल्पिक मार्ग प्रयोग गर्न लम्सालले आग्रह गरे ।
चितवन । चितवनका विभिन्न अस्पतालमा उपचारका लागि आएका बिरामीमध्ये ६ जनामा औलो रोगको सङ्क्रमण देखिएको छ । चालु आर्थिक वर्षको साउनयता उनीहरूमा यो रोगको सङ्क्रमण देखिएको हो ।
जिल्ला जनस्वास्थ्य कार्यालयका अनुसार यो रोगको सङ्क्रमण भेटिनेमा तीन जना भरतपुर महानगरपालिकाका छन् भने दुई जना खैरहनी नगरपालिकाका र एक जना राप्ती नगरपालिकाका छन् ।
सङ्क्रमित ३४ देखि ४४ वर्ष उमेर समूहका रहेका कार्यालयका प्रमुख दिनेश रुपाखेतीले जानकारी दिए । उनका अनुसार विभिन्न देशमा र नेपालका विभिन्न जिल्लामा रोजगारीका सिलसिलामा गएर फर्किएकामा यो रोगको सङ्क्रमण देखिएको हो ।
“भारतबाट आएका चार, दक्षिण कोरियाबाट फर्किएका एक र सुनसरीबाट फर्किएका एक जनामा औलो रोगको सङ्क्रमण देखिएको हो”, प्रमुख रुपाखेतीले भने ।
जिल्लामा गत आर्थिक वर्षमा १० जनामा औलो रोगको सङ्क्रमण देखिएको थियो । विगत चार वर्षदेखि जिल्लामा नै रहेका व्यक्तिमा यो रोगको सङ्क्रमण नदेखिएको उनले बताए । औलो रोग पोथी लामखुट्टेले टोक्दा सर्ने गर्दछ ।
रत्ननगर । रत्ननगर नगरपालिका वडा नं-१६ अन्तर्गत पर्ने पिठुवा प्रहरी चौकी भवनको पुनर्निर्माण कार्य तीव्र गतिमा अगाडि बढेको छ ।
भवन निर्माण कार्यलाई प्रभावकारी ढङ्गले अघि बढाउन गोपाल श्रीमलको संयोजकत्वमा पुरुषोत्तम लामिछाने, लालबहादुर लामा, मधु बोगटी र रश्मी काप्री सदस्य रहने गरी पाँच सदस्यीय भवन निर्माण समिति गठन गरिएको छ ।
सो समितिको संरक्षण वडाध्यक्ष हेमराज थापाले गरेका छन् । भवन पुनर्निर्माणका लागि विभिन्न संघसंस्था र स्थानीय व्यक्तिहरूले आवश्यक सामग्री तथा आर्थिक सहयोग निरन्तर प्रदान गर्दै आएका छन् ।
यसै क्रममा भवनमा आवश्यक पर्ने जिप्सन रोटरी क्लब अफ रत्ननगरले उपलब्ध गराएको छ भने छानाका लागि आवश्यक पर्ने जस्तापाता कुन्हा इन्टरनेसनल अर्गेनिक फर्टिलाइजर म्यानुफ्याक्चरिङ इन्डस्ट्री प्रालिले उपलब्ध गराएको वडाध्यक्ष थापाले जानकारी दिए ।
उनका अनुसार स्थानीय समुदाय, संघसंस्था तथा उद्योग व्यवसायीको थप सहयोग जुटाउँदै भवन निर्माण कार्यलाई छोटो समयमा सम्पन्न गर्ने लक्ष्य लिइएको छ ।
रत्ननगर । रत्ननगर वडा नं–३, शान्तिचोकमा नवदुर्गा पूजा समारोहको सोमबार घटस्थापनाका अवसरमा उद्घाटन गरिएको छ । बडादसैँको अवसरमा शान्तिज्योति युवा समाजले नवदुर्गा पूजा समारोह आयोजना गरेको हो ।
समाजका अध्यक्ष अशोक भुसालको अध्यक्षतामा भएको कार्यक्रमको वडाध्यक्ष सोहेन्द्रराज खरेलले उद्घाटन गरेका थिए । बडादसैँको अवसरमा घटस्थापनादेखि नवरात्रसम्म सामूहिकरुपमा पूजाआराधना गर्ने उद्देश्यले पूजा समारोह गरिएको अध्यक्ष भुसाललले जानकारी दिए ।
समाजसेवी आमा समूह सहआयोजक रहेको सो पूजा समारोहमा नेपाली समुदायको संस्कृतिसँग जोडिएको पहिलो ठूलो चाडमा बडादसैँ मनाउँदा पुज्नुपर्ने देवीदेवताको मूर्ति स्थापना गरी पूजा मण्डप बनाइएको छ । बिहान–बेलुका भजनकीर्तनसहित नवदुर्गा भवानीको पूजाआराधना गर्न सकिने अध्यक्ष भुसालको भनाइ छ ।
कार्यक्रमका प्रमुखअतिथि खरेलले शान्तिज्योति युवा समाजले समाजप्रतिको दायित्व पूरा गर्न कुनै कसर बाँकी नराखेको बताए । गरिबहरुको उपचारका लागि आर्थिक सहयोग सङ्कलनदेखि धर्म–संस्कृति संरक्षणमा युवा समाजले महत्त्वपूर्ण भूमिका खेल्दै आएको उनले बताए ।
कार्यक्रममा वडाका निवर्तमान अध्यक्ष गुप्तनाथ भट्टराई (गोविन्द), रत्ननगर उद्योग वाणिज्य संघका अध्यक्ष शंकर गिरी, पतञ्जलि योग समिति चितवनका उपाध्यक्ष राजु भट्टराई, ज्येष्ठ नागरिक समन्वय समिति नगर अध्यक्ष छविलाल घिमिरे, समाजसेवी बलराम खनाल, नारी जागरण केन्द्रकी अध्यक्ष विमला सुवेदी खनाल, साहित्यकार राजेन्द्र घायल, समाजसेवी तथा आमा समूहकी अध्यक्ष सिर्जना रेग्मीलगायतले मन्तव्य राखेका थिए ।
कार्यक्रममा शान्तिज्योति युवा समाजले एसइईमा उत्कृष्ट अङ्क ल्याएकी सम्पदा श्रेष्ठलाई नगद पुरस्कारसहित सम्मान गरेको थियो ।
रत्ननगर । जेनजी आन्दोलनका क्रममा ध्वस्त भएको इलाका प्रहरी कार्यालय रत्ननगरको सरसफाइपछि रंगरोगनको काम जारी छ । रत्ननगर उद्योग वाणिज्य संघले सबै पक्षसँग छलफल गरेर पुनर्निर्माणको काम सुरू गरेको हो । संघले समिति नै बनाएर निर्माणको काम गरिरहेको छ ।
प्रहरी कार्यालय हाम्रै सम्पत्ति हो भनेर यसलाई पहिलेकै अवस्थामा ल्याउने गरी काम भइरहेको संघका अध्यक्ष शंकर गिरीले जानकारी दिए । ‘उद्योगी, व्यवसायीलगायत आमनागरिकलाई प्रहरीको सहयोग आवश्यक पर्छ, दुःखका बेलामा हातेमालो गर्ने प्रयास हो । उनले भने, ‘दसैँअगाडि नै यसलाई पहिलेकै अवस्थामा ल्याउने गरी काम भएको छ ।’
उनका अनुसार न्यूनतम खर्चमा काम सक्ने योजना रहेको छ । खर्चको व्यवस्थापन रत्ननगरकै उद्योगी, व्यवसायीसँग सहयोग जुटाएर गरिएको उनले बताए । अहिले रंग लगाउने काम भइरहेको र यसलगत्तै झ्यालढोकाको काम सुरू हुने छ । आगलागीबाट भित्र रहेका सबै कागजात र फर्निचर जलेर नष्ट भएका छन् । कार्यालयको मुद्दा शाखा पूर्णरुपमा नष्ट भएको छ । कार्यालय परिसरभित्र रहेको मुख्य प्रशासनिक भवन, आवास, क्यान्टिन, भान्सा सबै भवनमा क्षति पुगेको छ । कार्यालयका सवारीसाधन र मोटरसाइकल पनि आगजनीपछि पूर्णरुपमा नष्ट भएका छन् ।
इलाका प्रहरी कार्यालय रत्ननगरमा आइतबारदेखि नयाँ कार्यालय प्रमुख प्रहरी नायब उपरीक्षक (डिएसपी) सुवास भट्टले कमान्ड सम्हालेका छन् । उनले यहाँका व्यवसायीको सहयोगबाट कार्यालय छिट्टै पहिलेकै अवस्थामा आउने विश्वास व्यक्त गरेका छन् । यसअघि जेनजी आन्दोलनका क्रममा यहाँको कमान्ड रञ्जन अवाले सम्हाल्दै आएका थिए ।
डिएसपी भट्टले जिरो अवस्थाबाट काम सुरू गर्नुपर्ने भएकाले केही अप्ठ्यारो भए पनि यहाँका स्थानीय सरकारलगायत सरोकारवालाको साथ र सहयोगमा आफू अघि बढ्ने प्रतिबद्धता व्यक्त गरे । कार्यालय पुनर्निर्माणसँगै शान्ति सुरक्षाका सवालमा कोही कसैसँग सम्झौता नगरी कार्य सम्पादन गर्ने उनको भनाइ छ ।
काठमाडौँ । इमेज टेलिभिजनका समाचार प्रमुख जगदीश खरेल अन्तरिम सरकारको सञ्चार तथा सूचना प्रविधि मन्त्रीमा नियुक्त भएका छन् ।
प्रधानमन्त्री सुशीला कार्कीले आइतबार साँझ उनलाई सञ्चारमन्त्रीमा नियुक्त गरेकी हुन् । पत्रकार खरेलले सञ्चार माध्यममा २५ वर्ष बढी काम गरेको लामो अनुभव छ ।
उनले इमेज टेलिभिजनमा समाचार वाचनका साथै हटसिट कार्यक्रमसमेत चलाउँदै आएका थिए ।
नवनियुक्त सञ्चारमन्त्री खरेललाई सोमबार राष्ट्रपति कार्यालय शीततल निवासमा एक समारोहबीच राष्ट्रपति रामचन्द्र पौडेलले पद तथा गोपनीयताको सपथ गराएका छन् ।
भरतपुर । इच्छाकामना गाउँपालिका वडा नं–५, तुइनखोला मुग्लिन नारायणगढ सडकखण्डमा सडकमाथिबाट सुख्खा पहिरोका कारण अवरुद्ध बनेको सडक हाल एकतर्फी सञ्चालनमा आएको छ ।
सो क्षेत्रमा सुख्खा पहिरो जोखिम कायमै रहेकोले मानवीय सुरक्षालाई मध्यनजर गर्दै आइतबार रातको ९ः०० बजेदेखि सोमबार बिहान ५ः०० बजेसम्म सवारी आवागमन बन्द गरिएको जिल्ला सुरक्षा समिति चितवनले जनाएको छ ।
चितवन । जिल्ला प्रशासन कार्यालय चितवनले नागरिकतासहित अत्यावश्यक सेवा सञ्चालन गरेको गरेको छ । गत भदौ २४ गते जेनजीद्वारा गरिएको प्रदर्शनका क्रममा आगजनीका हुँदा क्षति भई बन्द गरिएका सेवाहरू आइतबारदेखि सुरू गरिएको हो ।
प्रमुख जिल्ला अधिकारी गणेश अर्यालका अनुसार आइतबारदेखि नयाँ नागरिकता, प्रतिलिपि, नाबालक परिचयपत्र निर्माणलगायत सेवा सुरू गरिएको हो । भरतपुर महानगरपालिकाका हार्दिक न्यौपाने र सविन महतोलाई प्रमुख जिल्ला अधिकारी अर्यालले नागरिकता प्रदान गरी सेवा प्रारम्भ गरेका हुन् ।
उनले भने, “प्रदर्शनपछि उठेर सेवामा लागेका छौँ । हामी उठ्यौँ, उठेर सबै जुट्यौँ, जसका कारण सेवा प्रारम्भ अन्य जिल्लाको भन्दा चाँडो गर्न सक्यौँ ।” जेनजी प्रदर्शनका क्रममा आगलागी गरिएका भवनको सरसफाइ गरेर सीमित कोठाबाट सेवा प्रवाह गरिएको उनले जानकारी दिए । योसँगै केही दिनभित्र राष्ट्रिय परिचयपत्रको कामसमेत सञ्चालन गर्ने तयारी भइरहेको कार्यालयले जनाएको छ ।
यसैबीच, सघन सहरी तथा भवन निर्माण कार्यालय चितवनले आगलागीबाट जिल्लाका सरकारी कार्यालयमा भएको क्षतिको निरीक्षण गर्नुका साथै भवनहरूको अवस्थाबारे अध्ययन सुरू गरेको छ ।
जिल्लामा रहेका सरकारी कार्यालय कतिमा काम गर्न सक्ने अवस्था छ वा छैन भन्ने बारेमा जानकारी लिँदै यसको लागत सङ्कलन तयार पारिने कार्यालयका प्रमुख झपटबहादुर कार्कीले बताए ।
कार्यालयले अध्ययनसँगै प्रत्येक कार्यालयमा तीनवटा स्टिकर टाँस गर्नेछ । रातो, पहेँलो र हरियो रङका स्टिकर टाँस गरिने उनले बताए । रातो रङको स्टिकर टाँस गरिएको भवनमा काम गर्न नसकिने, पहेँलो टाँस गरिएका ठाउँमा मर्मत गरेर काम गर्नुपर्ने र हरियो टाँस गरिएका ठाउँमा काम गर्न सकिने भन्ने हुन्छ । उनले भने, “प्रदर्शनका क्रममा क्षति भएका भवनहरूको वास्तविक विवरण सङ्कलन गरेर विभागमा पठाइने छ ।”
भरतपुर । भरतपुर महानगरपालिका वडा नं–२० स्थित वडा कार्यालयअगाडि मोटरसाइकल र स्कुटर एकापसमा ठोक्किँदा चार जना घाइते भएका छन् ।
भरतपुरबाट चनौलीतर्फ आउँदै गरेको ना २८ प ४१४४ नम्बरको मोटरसाइकल र बागमती प्रदेश ०६–००३ प ५३३३ नम्बरको स्कुटर ठोक्किँदा दुवै चालक र दुई पैदलयात्रीसमेत घाइते भएका छन् ।
दुर्घटनामा स्कुटर चालक भरतपुर–२० बस्ने १७ वर्षीय रञ्जितकुमार रामदान, मोटरसाइकल चालक लमजुङ घर भई हाल भरतपुर–२ बस्ने ३६ वर्षीय शुुकबहादुर क्षेत्री, पैदलयात्री तनहुँ घर भई हाल भरतपुर–२ बस्ने ३० वर्षीय नवराज भुजेल र पैदलयात्री सोही ठाउँ बस्ने ३२ वर्षीय श्यामबहादुर भुजेल घाइते भएका हुन् ।
घाइतेहरुको नयाँ मेडिकल कलेज (सिएमसी), भरतपुरमा उपचार भइरहेको र दुवै सवारीसाधन नियन्त्रणमा रहेको प्रहरीले जनाएको छ ।
इच्छाकामना । इच्छाकामना गाउँपालिका वडा नं–३, चुम्लिङटारस्थित पृथ्वी राजमार्ग सडकखण्डमा दुई मोटरसाइकल एकापसमा ठोक्किँदा दुई जना घाइते भएका छन् ।
काठमाडौँबाट मुग्लिनतर्फ जाँदै गरेको ग २१ प ९७५७ नम्बरको मोटरसाइकल र सोही दिशाबाट आउँदै गरेको बागमती प्रदेश ०२–०४६ प ७२८७ नम्बरको मोटरसाइकल एकापसमा ठोक्किएर दुर्घटना भएको हो ।
दुर्घटनामा ग २१ प ९७५७ नम्बरका मोटरसाइकल चालक गुल्मीको मुसिकोट–५ बस्ने २८ वर्षीय यादव गैरे र मोटरसाइकलपछाडि सवार तनहुँको व्यास नगरपालिका वडा नं–४ बस्ने २७ वर्षीया अस्मिता खनाल घाइते भएका हुन् ।
घाइतेहरुको इच्छाकामना ट्रमा सेन्टरमा उपचार भई थप उपचारको लागि पोखरा लगिएको रहेको र बागमती प्रदेश ०२–०४६ प ७२८७ नम्बरका मोटरसाइकल चालक तनहुँको व्यास व्यास नगरपालिका वडा नं–४ बस्ने ३१ वर्षीय विराट भट्टराई प्रहरीको नियन्त्रणमा रहेको प्रहरीले जनाएको छ ।
काठमाडौँ । गत भदौ २३ र २४ गते जेनजीद्वारा गरिएको प्रदर्शनमा सहिद भएका परिवार र घाइतेहरूले सहिदको रगत र घाइतेको योगदानमाथि खेलबाड नहोस् भन्ने चाहना रहेको बताएका छन् ।
आज संवाद डबलीमा आयोजित कार्यक्रममा सहभागीहरूले भ्रष्टाचार र कुशासन अन्त्यका लागि दिइएको बलिदान खेर नजाओस् भन्नेमा जोड दिएका हुन् । उनीहरूले सहिदले कसैलाई सत्तामा पुर्याउनभन्दा पनि समाजमा व्यप्त भ्रष्टाचार र कुशासन अन्त्यका लागि बलिदान दिएका बताए ।
प्रदर्शनमा घाइते भएका अछामका आदित्य रावलले आफूहरूले कसैलाई कुर्सीमा पुर्याउनका लागि प्रदर्शन नगरेको बताए । उनले सरकारले सहिद परिवार र घाइतेको जीविकोपार्जनबारे ठोस् कार्ययोजना बनाउनुपर्नेमा जोड दिए ।
घाइते गुल्मीका गोकर्ण विष्ट, हुम्लाका सुरेश ऐडीले आफूहरू त्रासको वातावरणमा बसेको बताउँदै घाइतेको उपचारसँगै भयरहित वातावरण बनाउन सरकारसँग आग्रह गरे । घाइते प्रकाश विष्टकी दिदी दुर्गा विष्टले आफ्ना भाइहरूको रगत खेर नजाओस् भनेर कामना गरे । घाइतेका आफन्त सरस्वती रावलले घाइतेहरू अस्पतालको शय्यामा आफ्नो योगदान खेर जाने अवस्था आउँछ कि भन्ने चिन्तामा रहेका बताए ।
जेनजी अगुवा सुप्रिया नेपालीले राजनीतिक स्थिरताका लागि आफूहरूले प्रदर्शन गरेको बताए । उनले विज्ञसहितको सहभागितामा मन्त्रिपरिषद् विस्तार, पूर्णसमानुपातिक निर्वाचन प्रणाली, शिक्षा, स्वास्थ्यलगायत सेवा निःशुल्क, २०४६ यता उच्च तहमा पुगेका राजनीतिज्ञ र प्रशासकको सम्पत्ति छानबिनलगायत माग जेनजीको रहेको जानकारी दिए ।
कार्यक्रममा जेनजी प्रदर्शनका अगुवा प्रकाश रावलले गत भदौ २३ गतेको प्रदर्शन देशको मुहार फेर्न र सकारात्मक परिवर्तनका लागि भएको धारणा राखे ।
चितवन । नारायणगढ–मुग्लिन सडकखण्डको इच्छाकामना गाउँपालिका–५ स्थित तुइन खोलामा ठूलो पहिरो खस्दा यातायात अवरुद्ध बनेको छ । शुक्रबार साँझ ६ः०० बजेदेखि निरन्तर खसेको पहिरोले १०० मिटर सडक ढाकेको छ ।
डिभिजन सडक कार्यालय चितवनका प्रमुख नारायण लामिछानेका अनुसार रातभर पटक–पटक गरी खसेको पहिरोले करिब १०० मिटर सडक ढाकेको हो । उनका अनुसार झण्डै १०० मिटर माथिबाट पहिरो झरेको हो । निरन्तर पहिरो खसिरहेकाले रातको समयमा पहिरो पन्छाउन सकिएको थिएन ।
दुवैतर्फबाट एक–एक वटा लोडरले पहिरो पन्छाउने काम थालेका छन् । नारायणगढतर्फ सेती दोभान क्याम्पमा रहेको एउटा स्काभेटर पनि पठाइएको लामिछानेले बताए । पहिरो ठूलो भएको र ढुङ्गा झरिरहेकाले थप पहिरो खसेकाले ३६ घन्टादेखि सडक अवरुद्ध बनेको छ ।
पहिरो खसेको ठाउँ मुग्लिनबाट २ दशमलव ५ किलोमिटर नारायणगढतर्फ पर्दछ । केही दिनअघि सडकमाथिबाट खसेको ढुङ्गाले लागेर बसमा सवार एक जना यात्रुको मृत्यु भएको थियो । शुक्रबार साँझ साढे ६ बजेदेखि अवरूद्ध भएको सडक सुचारू गर्न शनिबार साँझ ६ः४० बजेसम्म पहिरो पन्छाउने काम गरिएको थियो ।
साँझको समयमा पहिरो खसेको देख्न नसकिने भएकाले शनिबार पहिरो हटाउने कार्य स्थगित गरिएको थियो । आइतबार बिहान ६ बजेदेखि नै पहिरो हटाउने काम सुरू गरिने सडक डिभिजन भरतपुरका इन्जिनियर अर्जुन घिमिरेले जानकारी दिए ।
यसैबीच, सडक डिभिजन भरतपुरका सूचना अधिकारी इन्जिनियर कृष्ण आचार्यले वैकल्पिक सडक प्रयोग गर्न आग्रह गरेका छन् ।
रत्ननगर । रत्ननगर वडा नं–२, टाँडीमा रहेको पेवा बचत तथा ऋण सहकारी संस्थाले एक आर्थिक वर्षमा झन्डै दुई करोड मुनाफा आर्जन गर्न सफल भएको छ ।
शनिबार सम्पन्न १३औँ वार्षिक साधारण सभामा प्रस्तुत गरिएको आर्थिक प्रतिवेदनमा आर्थिक वर्ष २०८१-०८२ मा एक करोड ९८ लाख ५० हजार मुनाफा देखिएको छ । ५ करोड ५६ लाख ८७ हजार आम्दानी गरेको सो सहकारीले ३ करोड ३५ लाख ५० हजार खर्च कटाएर एक करोड ९८ लाख ५० हजार मुनाफा गर्न सफल भएको हो ।
एक अर्ब ६८ करोड २७ लाख २२ हजार बचत सङ्कलन गरेको सो सहकारीले ३२ करोड ऋण लगानी गरेको छ । ५ करोड ६० लाख ६४ हजार सेयर पुँजी रहेको सो सहकारीले जगेडा कोषमा ३ करोड ३८ लाख ७ हजार, अन्य कोषमा १ करोड ५७ लाख ११ हजार र कर्जा जोखिम कोषमा १ करोड ६० लाख ८८ हजार रूपैयाँ राखेको छ ।
सहकारीका ज्येष्ठ सेयर सदस्य जीवनाथ लामिछाने प्रमुखअतिथि रहेको सो कार्यक्रममा संस्थाका अध्यक्ष नवराज तिमिल्सेनाले नीति तथा कार्यक्रम, सचिव बालकृष्ण दाहालले प्रगति प्रतिवेदन, कोषाध्यक्ष अरूण शिवाकोटीले अनुमानित बजेत तथा आर्थिक प्रतिवेदन, लेखा सुपरीवेक्षण समितिका संयोजक माधव खतिवडाले आन्तरिक तथा बाह्रय लेखापरीक्षण प्रतिवेदन प्रस्तुत गरेका थिए ।
साधारण सभामा बाल बचतकर्ता ८ जना, ज्येष्ठ सेयर सदस्य ६ जना, उत्कृष्ट कर्मचारीको रुपमा जुना श्रेष्ठ, उत्कृष्ट बचतकर्ता ८ जना, उत्कृष्ट उद्यमी ८ जना र सामाजिक क्षेत्रका क्रियाशील साहित्यकार तथा गजलकार कमल अर्याल र स्काइराइडर स्कुललाई सम्मान गरिएको छ ।
साधारण सभामा बोल्दै संस्थाका अध्यक्ष तिमिल्सेनाले संस्थाले नीति, विधि र प्रविधिलाई आत्मसात् गर्दै सेयर सदस्यहरुको हितमा काम गरिरहेको बताए ।
कार्यक्रममा संविधानसभाका सदस्य शेषनाथ अधिकारी, वडाध्यक्षहरु पोटबहादुर घिमिरे, राजन घिमिरे, होमनाथ रानाभाट, जिल्ला सहकारी संघका वरिष्ठ उपाध्यक्ष प्रेमनाथ दुवाडी, चितवन जिल्ला बचत तथा ऋण सहकारी संघका कोषाध्यक्ष गोविन्दप्रसाद भट्टराई, पेवाका संस्थापक अध्यक्ष दुर्गाप्रसाद पौडेल, स्काइराइडर स्कुलका निर्देशक दुर्गा पुरी, साहित्यकार कमल अर्याललगायतले मन्तव्य राखेका थिए ।
संस्थाका उपाध्यक्ष डा. मधुसूदन लामिछानेले स्वागत मन्तव्य राखेको उक्त कार्यक्रम सचिव दाहालले सञ्चालन गरेका थिए । २०६९ सालमा स्थापना भएको सो सहकारीमा ३ हजार ९३१ सेयर सदस्य रहेको संस्थाका व्यवस्थापक किशोर भट्टराईले जानकारी दिए ।
रत्ननगर । रत्ननगर नगरपालिकामा भदौ २४ गतेको जेनजी आन्दोलनका क्रममा आगजनी तथा तोडफोड हुँदा २२ करोड ६८ लाख २१ हजार ४९८ रुपैयाँबराबरको क्षति भएको छ ।
आन्दोलनका क्रममा नगरपालिकाको भवन, १६वटै वडा कार्यालयका भवन, सवारीसाधन, फर्निचर, विद्युतीय उपकरण र अन्य सामग्रीमा ठूलो क्षति पुगेको नगरप्रमुख प्रलाद सापकोटाले जानकारी दिए ।
नगरप्रमुख सापकोटाका अनुसार नगरपालिकाको दुईवटा भवन र वडा कार्यालयका भवनमा गरी १० करोड ७५ लाख रुपैयाँको क्षति भएको छ । यस्तै, १० वटा चारपाङ्ग्रे सवारीसाधनमा तीन करोड ४४ लाख रुपैयाँ, दुई वटा मोटरसाइकल र एक थान स्कुटरमा ११ लाख ३० हजार रुपैयाँ बराबरको क्षति भएको छ ।
आन्दोलनकारीले कार्यालयका फर्निचरमा पनि ठूलो क्षति पु¥याएका छन् । फर्निचरमा पाँच करोड ५८ लाख ६ हजार ५५३ रुपैयाँ र विद्युतीय उपकरणमा तीन कराड २३ लाख ८५ हजार ५४५ रुपैयाँको क्षति भएको छ । अन्य सामग्रीमा १० लाख रुपैयाँबराबरको क्षति आकलन गरिएको नगरप्रमुख सापकोटाले बताए ।
आन्दोलनका कारण नगरपालिकाको सम्पत्तिमा भएको यो ठूलो क्षतिले स्थानीय प्रशासन र जनप्रतिनिधिलाई चिन्तित बनाएको छ । क्षतिको पूर्ण विवरण सङ्कलन र मूल्याङ्कनको काम भने जारी रहेको नगरपालिकाले जनाएको छ ।
रत्ननगरका जनप्रतिनिधि र कर्मचारीहरु जलेका सामग्री हटाउँदै सरसफाइमा जुटिरहेका छन् । सरभर छिटो नगरवासीलाई सेवा दिनेगरी कार्यालय सञ्चालन गर्न सबैले जिम्मेवारीपूर्वक लागिपरेको प्रशासन शाखा प्रमुख सबिता अर्यालले बताइन् ।
सौराहा । नेपाल तेक्वान्दो संघ चितवनको अध्यक्षमा शैलेश श्रेष्ठ सर्वसम्मत चयन भएका छन् ।
रत्ननगरको सौराहामा सम्पन्न संघको तेस्रो अधिवेशनले श्रेष्ठको नेतृत्वमा आठ सदस्यीय पदाधिकारी सर्वसम्मत चयन भएका हुन् । जसको उपाध्यक्षमा धनबहादुर दराई, कोषाध्यक्षमा प्रदीप श्रेष्ठ, सदस्यहरुमा सुरज पौडेल, विक्रम श्रेष्ठ, रञ्जन तामाङ, सोमराज दराई र सुस्मिता थापा चयन भएका हुन् ।
संघका निवर्तमान अध्यक्ष गोपाल श्रेष्ठको अध्यक्षता एवम् चितवन खेलकुद विकास समितिका अध्यक्ष राजन कार्कीको प्रमुख आतिथ्यतामा सम्पन्न कार्यक्रममा रत्ननगर नगरपालिका वडा नं–५ का अध्यक्ष बालकृष्ण चापागाईं, रत्ननगर–६ का वडाध्यक्ष किरण महतो, रत्ननगर–८ का वडाध्यक्ष एवम् रत्ननगर खेलकुद विकास समितिका संयोजक कृष्ण चौधरी नेपाल तेक्वान्दो संघका केन्द्रीय सदस्य बब्लु सिवाकोटी, प्रशिक्षक रोशन खानलगायतको उपस्थिति रहेको थियो ।
निर्वाचन समितिका संयोजक अधिवक्ता दीवाकर अर्यालले नवनिर्वाचित पदाधिकारीलाई पद तथा गोपनीयताको सपथ ग्रहण गराएका थिए । अध्यक्षमा निर्वाचित भएपछि श्रेष्ठले आफूले सबैलाई समेटेर पृथक ढङ्गबाट अगाडि बढ्ने बताएका छन् ।
रत्ननगर । रत्ननगर नगरपालिका वडा नं–१२ लाई कार्यालय सञ्चालनका लागि उपकरण सहयोग गरिएको छ ।
नवलपुर–८, गैँडाकोटस्थित बिकु बचत तथा ऋण सहकारी संस्थाले कम्प्युटर सेट एक थान र प्रिन्टर एक थान तथा सिद्धि सङ्कलन बहुउद्देश्यीय सहकारी संस्था र जमुनापुर हेल्प सोसाइटीले कम्प्युटर एक थान वडा कार्यालयलाई प्रदान गरेका हुन् ।
वडा कार्यालयमा आयोजित एक औपचारिक कार्यक्रमका बीच बिकु बचतको स्वागत सेवा केन्द्र संयोजक रामचन्द्र दुवाडी र सिद्धि सङ्कलन बहुउद्देश्यीय सहकारी संस्थाका अध्यक्ष राजेन्द्रकुमार थापा र जमुनापुर हेल्प सोसाइटीका सचिव विनोद अधिकारीले वडाध्यक्ष सुन्दरमणि सुवेदीलाई उपकरण हस्तान्तरण गरेका हुन् ।
सो अवसरमा वडाध्यक्ष सुवेदीले जेनजी प्रदर्शनकारीले गरेको आगजनीका कारण वडा कार्यालय पूर्णरुपमा ध्वस्त रहेको भन्दै कार्यालय सञ्चालनका लागि संघसंस्थाले दिएको सहयोग स्वीकारिएको बताए ।
कार्यक्रममा पञ्चकन्या सामुदायिक वनका कार्यसमिति सदस्य भरत पाण्डेले सामुदायिक वनले वडा कार्यालयको पुनर्निर्माणका लागि २० क्युफिट काठ उपलब्ध गराउने निर्णय भएको जानकारी दिए । वडा नं–१० लाई १५ क्युफिट, वडा नं–११ लाई २५ क्युफिट र वडा नं–१३ लाई १५ क्युफिट काठ उपलब्ध गराउने निर्णय भएको उनले बताए ।
वडा सचिव शंकरबहादुर गिरीले सञ्चालन गरेको उक्त कार्यक्रममा सो वडाका संस्थापक अध्यक्ष वीरबहादुर पाख्रिन, कार्यपालिका सदस्य चन्द्रकला पनेरुलगायतले मन्तव्य राखेका थिए ।
उपकरण हस्तान्तरण कार्यक्रममा कार्यपालिका सदस्य सुकमाया विक, बिकु बचतका सेवा केन्द्र व्यवस्थापन उपसमिति सदस्य भरत पाण्डे, कर्जा विभाग प्रमुख पूर्णप्रसाद सापकोटा, मानवीय स्रोत विकास प्रमुख मदन सापकोटा, नारायणी क्षेत्रीय प्रमुख सुरज लौडारीसहित टोल विकास संस्थाका अध्यक्षहरुको उपस्थिति रहेको थियो ।
रत्ननगर । सामाजिक सुरक्षा भत्ता प्राप्त गर्ने व्यक्तिहरूले अब आफ्नो परिचयपत्र असोज मसान्तसम्म नवीकरण गर्न सक्ने भएका छन् । सरकारले सामाजिक सुरक्षा नियमावली संशोधन गरी यो व्यवस्था लागू गरेको रत्ननगर नगरपालिकाको सामाजिक सुरक्षा तथा पञ्जीकरण उपशाखा प्रमुख रामप्रसाद बस्ताकोटीले जानकारी दिए ।
यसअघि परिचयपत्र नवीकरणको अन्तिम मिति भदौ मसान्तसम्म तोकिएको थियो । तर, चालू आर्थिक वर्ष २०८२/०८३ का लागि सामाजिक सुरक्षा (तेस्रो संशोधन) नियमावली, २०८२ अनुसार असोज मसान्तसम्म नवीकरण गर्दा पनि मान्य हुने व्यवस्था गरिएको बस्ताकोटीले बताए ।
सामाजिक सुरक्षा भत्ता त्रैमासिकरूपमा वितरण हुँदै आएको छ । भत्ता ज्येष्ठ नागरिक, एकल महिला, अपाङ्गता भएका व्यक्ति, दलित, लोपोन्मुख जातजाति र बालबालिकालाई लक्षित गरी प्रदान गरिन्छ । भत्ता प्राप्त गर्न परिचयपत्र अनिवार्य छ र यसको समयमै नवीकरण गर्नुपर्ने प्रावधान छ ।
परिचयपत्र नवीकरणका लागि भत्ता प्राप्त गर्ने व्यक्ति स्वयम् उपस्थित हुनुपर्ने प्रावधान छ । तर, आफैँ उपस्थित हुन नसक्ने बालबालिकाको हकमा निवेदनका आधारमा सम्बन्धित वडा कार्यालयबाट नवीकरण गर्न सकिनेछ । यस्ता विवरण स्थानीय तहले अद्यावधिक गर्नुपर्ने नियम रहेको छ ।
परिचयपत्र नवीकरण समयमै नगरेमा भत्ता प्राप्त नहुने बस्ताकोटीले बताए । ‘नवीकरण नगर्दा भत्ता रकम रोकिन्छ, त्यसैले तोकिएको समयसीमाभित्रै नवीकरण गर्न सबैलाई अनुरोध छ’, उनले भने ।
असोज मसान्तसम्मको यो समयसीमा थपिएसँगै लाभग्राहीहरूलाई नवीकरणका लागि थप समय प्राप्त भएको छ । सामाजिक सुरक्षा भत्ता बैंकिङ प्रणालीमार्फत वितरण गरिँदै आएको छ ।
भरतपुर । निजी विद्यालयहरूको छाता सङ्गठन प्याब्सन चितवनले नयाँ पुस्ता (जेनजी) आन्दोलनका क्रममा ध्वस्त पारिएका जिल्लास्थित कार्यालयहरूको सेवा प्रवाहलाई सहज र छरितो बनाउन बिहीबार विद्युतीय उपकरणहरू हस्तान्तरण गरेको छ ।
प्याब्सन चितवनले जिल्ला प्रशासन कार्यालय चितवनमार्फत १० थान कम्प्युटर र १० थान प्रिन्टर हस्तान्तरण गरेको हो । जिल्लास्थित प्याब्सनआबद्ध स्कुलहरूबाट उठाइएको रकमबाट ती सामग्री खरिद गरिएको प्याब्सन चितवनले जानकारी दिएको छ ।
‘युवाहरूको उकुसमुकस र देशमा सुशासन कायम गराउने हुटहुटीबाट सिर्जित आन्दोलनले जिल्लाका अधिकांश कार्यालयहरू ध्वस्त भएको र जिल्लामा छरितो सेवा प्रवाहका सहज होस् भनेर सहयोग गरिएको हो,’ प्याब्सन चितवनका अध्यक्ष मदन पुरीले बताए ।
‘भदौ २३ र २४ गतेको आन्दोलनबाट सिर्जित परिस्थितिपश्चात सेवाग्राही नागरिकले सकेसम्म कम पीडा भोग्नु परोस् भनेर हामी प्रमुख जिल्ला अधिकारीसँग सल्लाह गरी ती सामग्री प्रदान गरेका हौँ’, पुरीले भने । प्रशासनको आग्रहबमोजिम हस्तान्तरण गरिएका सामग्रीमा टुबेल्थ जेनको आई–५ कम्प्युटर १० थान, ब्रदर ब्रान्डको एल–२३२० ड्युप्लेक्स (डबल साइड प्रिन्ट गर्न मिल्ने) थ्री इन वान प्रिन्टर १० थान र २२ इन्चको एलइडी मोनिटर १० थान रहेका छन् । ती कम्प्युटरमा ८ जिबी ¥याम र ५१२ जिबीको एसएडी लगाइएको प्याब्सन चितवनले जनाएको छ ।
प्याब्सन चितवनका कोषाध्यक्ष युवराज पौडेलको सक्रियता एवम् नेतृत्वमा प्याब्सन रकम सङ्कलन गरेर प्रदान गरिएको कम्प्युटर र प्रिन्टर प्रतिसेटको मूल्य एक लाख १० हजार हुन आउँछ भने सहयोग गरिएको सबै सेटको मूल्य एघार लाख रुपैयाँ पर्ने प्याब्सन चितवनले जानकारी दिएको छ । ‘देश दुखेको बेला मलम लगाउने प्रयासस्वरुप सहयोग गरेका हौँ,’ कोषाध्यक्ष पौडेलले भने ।
अध्यक्ष पुरीद्वारा हस्तान्तरित सामग्री ग्रहण गर्दै प्रमुख जिल्ला अधिकारी गणेश अर्यालले सामग्रीका लागि धन्यवाद ज्ञापन गरेका थिए । उनले भने, ‘नागरिकलाई छरितो सेवा प्रवाह गर्न चितवन प्रशासन प्रतिबद्ध छ, हामी घटनाको तेस्रो दिनबाटै सेवामा जुटिसकेका छौँ ।’
कतिपय जिल्ला प्रशासन कार्यालयहरूले दसैँअघि सेवा प्रवाह गर्न सकिँदैन भनेर सूचना निकालिरहेको अवस्थामा आफूहरू भने तत्कालै सेवा प्रवाहमा जुटिसकेको बताए । ‘आन्दोलनका नाममा ढुङ्गा हान्न उक्साउने र ढुङ्गा हान्नेलाई चाहिएको सेवा तुरुन्तै दिन सकियो भने त्यो ‘इँटको जवाफ फूलले दिएजस्तै हुन्छ’, उनले भने ।
प्रजिअ अर्यालले ध्वंसमा परेका चितवनका कार्यालयहरूमध्ये केही कार्यालयहरू सञ्चालनमा आइसकेको र मालपोत कार्यालयबाहेक अन्य सबै कार्यालयहरू छिट्टै सञ्चालनमा आउने बताए । आन्दोलनका क्रममा निकै संयमित भएको र मानवीय क्षति हुन नदिन आफूहरू पछि हटेको बताए । उनले भौतिक संरचनाको क्षति विस्तारै पूर्ति हुने तर मानवीय क्षति अपूरणीय हुने भएकोले आफूहरू पछि हटेको बताए ।
प्याब्सन चितवनका सचिव दयानिधि अर्यालले सञ्चालन गरेको सामग्री हस्तान्तरण कार्यक्रममा जिल्लास्थित सुरक्षा निकायका प्रमुखहरू नेपाल प्रहरीका एसपी गोविन्द पुरी, नेपाली सेनाका गणपति दिनेश लामा, सशस्त्र प्रहरीका एसपी, राष्ट्रिय अनुसन्धानका उपनिर्देशक, निजी विद्यालयका प्रिन्सिपल एवम् सञ्चालकहरूको सहभागिता रहेको थियो ।
भरतपुर । भरतपुर महानगरपालिका वडा नं–५, त्रिवेणी चोक सवारी दुर्घटनामा घाइते भएकी एक महिलाको उपचारका क्रममा मृत्यु भएको छ ।
भदौ ३१ गते ९ः३० बजे ट्राफिक चोकदेखि त्रिवेणी चोकतर्फ आउँदै गरेको ना २६ प २०५९ नम्बरको मोटरसाइकलले पैदलयात्री भरतपुर–५ बस्ने ५० वर्षीया देवी रेग्मी गम्भीर घाइते भएकी थिइन् ।
उनको नयाँ मेडिकल कलेज (सिएमसी), भरतपुरमा उपचार भइरहेकोमा असोज १ गते बेलुकी ४ः५५ बजे मृत्यु भएको प्रहरीले जनाएको छ ।
कालिका । कालिका नगरपालिका वडा नं–५, वडा कार्यालय चोकमा स्कुटर र मोटरसाइकल एकापसमा ठक्कर खाँदा दुवै चालक घाइते भएका छन् ।
खानेपानी चोकबाट विराट चोकतर्फ जाँदै गरेको ना ३५ प ३०४० नम्बरको स्कुटर र विपरीत दिशाबाट आउँदै गरेको बागमती प्रदेश ०६–००२ प २५६३ नम्बरको मोटरसाइकल दुर्घटनामा स्कुटर चालक कालिका–५ बस्ने ३१ वर्षीय कृष्ण तामाङ र मोटरसाइकल चालक सोही ठाउँ बस्ने २१ वर्षीय सुरज रेग्मी घाइते भएका हुन् ।
दुवै घाइतेको पुरानो मेडिकल कलेज (सिएमएस), भरतपुरमा उपचार भइरहेको प्रहरीले जनाएको छ ।
-अमृत वस्ती
पृष्ठभूमि
‘एक जुगमा एकदिन एकचोटि आउँछ, उलटपुलट उथलपुथल हेरफेर ल्याउँछ…’ कविवर गोपालप्रसाद रिमालको यो शब्द नेपालको राजनीतिक इतिहासमा पटक–पटक चरितार्थ भएको छ र फेरि एकपटक यो शब्द चरितार्थ भएको छ । के साँच्चै भाद्र २३ र २४ को युवा विद्रोह त्यही सामाजिक सञ्जालमाथिको निषेध मात्र थियो ? होइन भने यो विद्रोहको आधारभूमि के थियो ? के यो विद्रोहले नेपालको राजनीतिक, आर्थिक र सामाजिक अवस्थामा आमूल परिवर्तन गर्ला ? अवस्था सामान्यकरण हुँदै गर्दा यो विद्रोहले कुन अवसर गुमायो ? आज आमचासोको विषय यही रहेको छ र यो लेखमा यसै विषयमाथि छोटो चर्चा गर्ने प्रयास गरिएको छ ।
२००७ सालको क्रान्ति, २०१७ सालको क्रान्ति, २०४६ सालको पहिलो जनआन्दोलन, २०५२ सालदेखिको दशवर्षे माओवादी जनयुद्ध र त्यसको जगमा भएको २०६२-०६३ को दोस्रो जनआन्दोलन । प्रत्येक क्रान्तिले राजनैतिक परिवर्तन ल्याएको छ तर त्यसले आमजनताको दैनिकीमा खास परिवर्तन ल्याउन सकेन । नेपालमा कहीँ न कहीँ हरेक क्रान्तिपछि प्रतिक्रान्ति भएको छ । जनताको उल्लास चाहनाहरु हेर्दा हेदै निराशामा परिणत भएका छन् । २०४६ सालपछिको २०४७ सालको नेपालको संविधान विश्वकै उत्कृट पनि भनिएको थियो । तर, त्यसको मसी सुक्न नपाउँदै तत्कालीन माओवादीले २०५२ सालमा जनयुद्ध सुरू गर्यो जसमा सत्र हजार नेपालीले ज्यानको बलिदान दिनुपर्यो । २०७२ को संविधान झनै संविधानसभाले बनाएको जनताको संविधान भनिएको थियो । तर, त्यसले आमजनताको दैनिकीमा कुनै परिवर्तनको आभाष दिन सकेन । हिजो जनताको घरमा, पायल चप्पल लगाएर सिल्भरको थालमा भात खाने नेताहरु रातारात आलिसान भवनमा बस्ने, प्राडो–पजेरोमा हिँड्ने, आफूलाई राजा महाराजा घोषित गरे । तर, जनताको दैनिकी हिजोभन्दा आज विकराल बन्दै गयो । भ्रष्टाचार कुशासनको जरा यति झाङ्गियो कि कर्मचारीतन्त्र, नेतातन्त्रले मागेको कुन रकम नियम संगत हो कुन भ्रष्टाचार हो जनतालाई बुझ्न गाह्रो हुँदै गयो ।
के हो जेनजी ?
सन् १९९७ देखि २०१२ सम्म जन्मेको पुस्तालाई समाजशास्त्रीहरुले पुस्ता जेड वा जी (जेनेरेसन जेड) नामाकरण गरेका छन् । आजको समयमा यो पुस्ता १३ देखि २८ वर्ष उमेर समूहको रहेको छ । विसं २०७८ को राष्ट्रिय जनगणनाको तथ्याङ्कअनुसार नेपालमा १० देखि २९ वर्षसम्मको जनसंख्या एक करोड ११ लाख १८ हजार ६ सय अर्थात् कुल जनसंख्याको ३८.१२ प्रतिशत रहेको छ । जेनजी पुस्ता जनसंख्याको सबैभन्दा उत्पादनशील उमेर समूह हो, सबैभन्दा विद्रोही उमेर समूह हो । विश्वमा नै यो पुस्ता डिजिटलमैत्री रहेको छ । बाहिरी समाजभन्दा स्क्रिनमा रमाउने पुस्ता हो । विशेषतः यो भन्दा पहिलाको पुस्ता एक्स र वाईभन्दा राजनैतिक चेतना कम भएको पुस्ता मानिए तापनि उनीहरुमा डिजिटल माध्यमबाट नै विश्वका हरेक खबरमा सचेत छ । विश्वका कुन मुलुक कसरी सञ्चालनमा छन्, कुन मुलुकमा के भइरहेको छ सामाजिक सञ्जालको माध्यमबाट जानकारी लिइरहेका छन् । वास्तवमा सुशासन भनेको के हो ? नेपालमा भइरहेको के छ ? उनीहरु यो विषयमा सामाजिक सञ्जालबाट नै खबरदारी गरिरहेका थिए ।
धेरै मानिसहरुको बुझाइ छ केपी ओली सरकारले सामाजिक सञ्जाल बन्द गरिदिएका कारण यो आन्दोलन भएको हो । सामान्यरुपमा यो नजर गलत छैन तर यो आन्दोलन अहिले जुन जेनजी मुभमेन्ट भनिएको छ । यसको पछाडि लामो समय र धेरै कारणहरु छन् । यो पुस्ता देश र जनताले आज जुन दयनीय अवस्था भोगिरहेको छ, त्यसको एकमात्र कारण भनेको देशको नेतृत्व गर्ने राजनैतिक दल, नेता र कार्यकर्ता र कर्मचारी हुन् भन्ने मान्दछन् । देश विकास नहुनु सुशासन कायम गर्न नसक्नु राजनीतिक दल, नेता र कार्यकर्ता र कर्मचारीतन्त्रको मात्र कारण नहोला तर उनीहरुको भूमिका प्रधान नै हो । यसमा कुनै र कसैको विमत्ति छैन ।
यो आन्दोलनको पृष्ठभूमि हेर्न हामीले कम्तीमा २०६२-०६३ को आन्दोलनमा पुग्नु पर्दछ । २०६२-०६३ को आन्दोलनको बेलाको समयमा यो पुस्ताको पहिलो पङ्क्ति ६ देखि ८ वर्षका थिए । उनीहरुलाई अरु थाहा नभए पनि देश भीषण आन्दोलनमा छ भन्ने जानकारी पक्कै थियो । कतिपय उनीहरु माओवादी, सेना, प्रहरीको दमनबाट पिल्सिएका थिए, पीडित थिए । कतिपयले अभिभावक, आफन्त गुमाएका थिए । त्यसपछिको परिवर्तनले नेपाललाई कायापलट गर्छ भन्ने कुरा अभिभावक, आफन्तको छलफल हाउभाउबाट पक्कै थाहा थियो । तर, त्यसको १२ वर्ष देश सङ्क्रमणकालबाट नै गुज्रियो । बल्ल–बल्ल २०७२ मा संविधान बन्यो त्यसपछि झनै अस्थिरताको माहोल बन्यो ।
देशमा सुशासन कायम होला भन्ने आश दिनदिनै निराशामा परिणत भयो । २०७२ को संविधानअनुसारको पहिलो चुनावबाट बनेको सरकारले नै देशलाई अस्थिरतामा धकेल्यो । प्रतिनिधसभा विघटन भनेको छ, आन्दोलन भनेको छ । जताततै कुशासन छ । युवा देश छाड्न आतुर छन् । घूस नदिईकन नागरिकतादेखि पासपोर्ट बनाउन सकेको छैन । विदेश जान श्रम स्वीकृति लिनदेखि शिक्षाको लागि नो अब्जेक्सन लिनसमेत घूस खुवाउनुपर्ने बाध्यता छ । विदेश जान हिँड्यो विमानस्थलमा समेत घूस खुवाउनुपर्ने, आफ्नो देश फर्केर आयो सानो सानो आवश्यकताको सामानमा पनि सरकारले आँखा गाड्ने । घरमा अभिभावकको कुरा पनि यस्तै यस्तै सुन्ने, समाजमा निस्क्यो उही समस्या । राजमार्गको यात्रामा निस्कियो बाटोको अवस्था झनै दयनीय छ । एउटा राजमार्ग निर्माण गर्न दसौँ वर्ष लागेको छ ।
जनताको दैनिकी भयाभह अवस्थामा पुग्दासमेत राजनीतिक दल र नेतृत्वमा चेत आएको देखिएन । उनीहरु केवल राजनीतिक स्वार्थ पूरा गर्नको लागि आरोप-प्रत्यारोप गर्नेबाहेक केही गरेनन् । सरकारमा भएकाको ध्यान सरकार जोगाउन र प्रतिपक्षको ध्यान सरकारमा जान नै आफ्नो शक्ति लगाए । यस्ता साना ठूला कारणले यो पुस्ताको दिल दिमागमा विद्रोहको ज्वारभाटा उम्लिरहेको थियो । जति पनि विसंगति थिए, सामाजिक सञ्जालमा नै पोखिरहेका थिए । एक्कासि सरकारले त्यही असहमतिका शब्द लेख्ने सामाजिक सञ्जाल एकाएक बन्द गरेपछि उनीहरुलाई अब अन्याय सहन हुँदैन भन्ने लाग्यो र सडकमा आए । यो आन्दोलन हुन कम्तीमा पनि २० वर्षको पृष्ठभूमि रहेको छ । केपी ओलीले केवल ट्रिगर दबाएका मात्र हुन्, बारुद भरिएको दुई दशकदेखिको हो ।
नेपालमा भएको यो नै पहिलो आन्दोलन हो जसमा कुनै नेतृत्व थिएन र आन्दोलनकारीको सामाजिक सञ्जाल खुलाउने र भ्रष्टाचार अन्त्य गर्ने भन्ने भन्दा अरु माग पनि थिएन । केपी ओलीको सरकारको राजीनामा पनि थिएन । तर, यी युवाहरुको आन्दोलनमा घुसपैठ भएको सत्य हो । विद्यालय, कलेजको पोसाकमा संसद् भवन छिर्न खोज्ने पक्कै आन्दोलनकारी थिएनन्, घुसपैठ गर्नेहरु थिए । उनीहरु को को थिए नेपाली जनतालाई पक्कै थाहा छ । कोही व्यवस्थाविरोधी थिए, कोही सरकारविरोधी थिए र कोही विध्वंशमा आनन्द लिने खालका थिए । केही विदेशी शक्तिहरु पनि हुन सक्छन् । यो आगोको रापमा पेट्रोल छर्कने कामचाहिँ सरकारको चरम् दमन र पहिलो दिनको १९ जनाको नरसंहार थियो ।
अझै पनि यो जनआन्दोलन थियो कि, कुनै विद्रोह थियो कि, हत्याहिंसा लुटपाट, आगजानी थियो कि कसैले भन्न सकेको छैन । साँच्चै आन्दोलन वा विद्रोह मात्र थियो भने सिंहदरबार, सर्वाेच्च अदालत, जिल्ला अदालतहरु, राष्ट्रपति निवासमा आगजानी हुँदैन थियो । व्यक्ति व्यक्तिका घर छानीछानी जलाउने, निजी व्यवसाय र प्रतिष्ठानमाथि लुटपाट र आगजानी हुँदैन थियो । आन्दोलन वा विद्रोहमा सानातिना र कहिलेकाहीँ ठूलै भए पनि तोडफोड, आगजनी हुन्छ तर नेपालको जस्तो सम्पूर्ण सरकारी, सार्वजनिक सम्पति, व्यक्तिका निजी मल, पसल, घर लुटपाट तोडफोड, आगजनी हुँदैन । यसमा संगठित तत्त्वको घुसपैठ छैन भनियो भने अन्याय हुन जान्छ । यद्यपि यो छानबिनकै विषय हो ।
पृष्ठभूमि जे भए पनि, आन्दोलनकारी जो भए पनि र घुसपैठ जसले गरे पनि केही हदसम्म देशको शासनले एउटा बाटो तयार गरेको छ । केही हदसम्म सर्वमान्य सुशीला कार्कीको नेतृत्वमा चुनावी अन्तरिम सरकार गठन भएको छ । चार सदस्यीय मन्त्रिपरिषद्मा अन्य तीनजना आफ्नो विषयमा सफलता हासिल गरेका पात्रहरु नै छन् यसमा असन्तुष्ट हुनुपर्ने कारण केही छैन ।
छुटेका कुरा
यो सरकार भनेको युवा विद्रोहको जगमा बनेको सरकार हो । यही नै यसको वैधानिकता हो । तर, सरकार बन्दै गर्दा यो अन्तरिम चुनावी सरकार बनेको छ । र, यसले गर्ने भनेको यही संविधानभित्र रहेर गर्ने प्रतिनिधिसभाको नै चुनाव हो । हिजो सरकार स्थिर बन्न नसकेको यही संविधानमा रहेको चुनावी प्रणलीले हो । यही विद्रोहको आँधीबेहरीको बेला पूर्ण समानुपातिक प्रतिनिधिसभा र प्रत्यक्ष कार्यकारी त्यो प्रधानमन्त्री होस् वा राष्ट्रपतिको मद्दा पनि सम्बोधन गर्न सकेको भए राम्रो हुने थियो । यसमा सुझबुझपूर्ण निर्णयको खाँचो थियो तर त्यो पार भइसकेको छ ।
अबको बाटो
यो आन्दोलनमा कोही नेतृत्व थिएन । भोलि चुनावमा जाँदा पनि युवाहरु समूह–समूहमा जाने हो भने फरि यीनै राजनीतिक दलहरुको हातमा नै शासन सत्ता पुग्ने सम्भावना रहेको हुँदा जेनजी विद्रोहको मुद्दा यसै हराउने सम्भावना रहन्छ । अब युवाहरुले आफ्नो मुद्दा लिएर एकत्रित भएर आगामी चुनावमा जाने वातावरण तयार गर्नु पर्दछ या कि फेरि यही पुराना दलहरु सत्तामा पुग्न नसकून् । युवाहरु सत्तामा पुगेर यो संविधानलाई परिमार्जन गर्न आवश्यक छ । भएका राम्रा दफाहरु कायम राख्दै चुनाव प्रणली, शासकीय प्रणाली, संघीय प्रणालीजस्ता कुराहरु जसले छिटो छिटो सरकार परिवर्तन गर्ने र सरकारको साधारण खर्चको गुणात्मक वृद्धि गरेको छ त्यस्ता दफाहरु परिमार्जन आवश्यक छ । देशले प्रसव पीडा भोगेको छ, यसले आगामी पुस्ताजी, अल्फा र बेटाको पनि भविष्य सुखद होस् । रोजीरोटीकै लागि देश छाड्ने बाध्यता कसैको नहोस्, जय जेनजी !
X: @jiamritbabu
चितवन । जेनजी प्रदर्शनका क्रममा चितवनका अधिकांश स्थानीय निकायसहित तिनका जनप्रतिनिधि समेत निसानामा परेका छन् । स्थानीय जनप्रतिनिधिहरूका अनुसार यही भदौ २३ र २४ गते भएको प्रदर्शनका क्रममा घुसपैठ भई स्थानीय तहका भौतिक संरचनामाथि तोडफोड तथा आगजनी भएको हो । गाउँटोलमै रही जनताको सेवा गरिरहेका जनप्रतिनिधिहरूमाथि अमानवीय ढङ्गबाट आक्रमण गर्ने प्रयास भएकामा दुःख व्यक्त गरिएको छ ।
यसै सन्दर्भमा कालिका नगरपालिकाका प्रमुख विनोद रेग्मी विशेषगरी जनप्रतिनिधिहरूको घर–परिवारमाथि समेत आक्रमण गर्ने क्रममा आफूमाथि अमानवीय व्यवहार भएको, आक्रोशित भीडबाट जोगिनका लागि पदबाट राजीनामा समेत दिनुपरेको र परिस्थिति सहज बन्दै गएको अवस्थामा अब क्षतिग्रस्त संरचनाको निर्माणसहित नगरवासीको सेवा गर्न सक्रिय हुनुपरेको बताउँछन् ।
प्रमुख रेग्मीले भने, ‘श्रीमती र छोरीलाई घर छाडेर भाग भनी दुई वर्षीय छोरो च्यापेर घर पछाडिको धानबारीमा लुकेर बाँच्न सफल भयौँ । हामी भागेपछि एक हुल मानिस नाराबाजी गर्दै घर तोडफोडमा उत्रिए । सक्ने जति फोरेर उनीहरू फर्किए ।’
दूधे बालकलाई लिएर धानबारीमा कतिबेर बस्ने ? कहिले जान्छन्, फेरि के हुन्छ भन्ने भएपछि छोरालाई छिमेकीको घरमा छोडेर पुनः आफू धानबारीमा गई बसेको उनले सुनाए । पुनः आक्रमणकारी आएर घरमा थप क्षति गरेको उनले सुनाए । आक्रमणका क्रममा केही साथीहरूले मेरो घर जोगाउन कोसिस गरेको बताउँदै उनले भने, ‘छोरी र श्रीमतीमाथि अपशब्द प्रयोग गर्ने, छोरालाई काट्छु भनेको सुनियो । भीड अराजक र उदण्ड बन्यो । प्रहरी, सेना, सीडीओ, पार्टी कतैतिर पनि सम्पर्क हुन सकेन । आकाश खसेकोजस्तो परिस्थिति भयो ।’
घटना विवरण सुनाउँदै प्रमुख रेग्मीले भने, ‘सुरुवाती क्षणमा वडा कार्यालयहरू हान्ने, जनप्रतिनिधिलाई मार्ने, काट्ने भन्ने ‘म्यासेज’हरू आए । तँ भाग, यसो गर, उसो गर भन्ने ‘म्यासेज’ आए ।’ सल्लाह र छलफल गर्न सम्पर्क गर्न खोज्दा कसैसँग सम्पर्क हुन नसकेको भन्दै उनले भने, ‘परिस्थितिले च्याप्दै–च्याप्दै ल्यायो । केही समयभित्र घटना हुँदैछ, नगरपालिका हान्दैछन्, वडा कार्यालय हान्दैछन् भन्दाभन्दै हान्न थालिहाले । सोधौँ कसलाई सोधौँ, भेटौँ कसलाई भेटौँ । अत्यन्त अप्ठ्यारो स्थितिको सामना गर्न बाध्य भयौँ ।’
ठुलो सङ्ख्यामा मानिसहरू हातमा खुँडा, खुकुरी, भाला बोकी भय र त्रासको वातावरण सिर्जना गर्ने प्रयास भएको नगरप्रमुख रेग्मीले बताए । उनले भने, ‘एउटा बाढी नै आएको अवस्था भयो । घरमा हेर्दा के कुरा जोगाउने भन्ने भयो । के लिएर जाने, कहाँ जाने ? कसले आश्रय दिन्छ त्यो बेलामा । दुई चार ठाउँमा फोन गरेँ, जिउ ज्यानका खतरा भएकाले बाहिर हिँड्ने उपयुक्त समय नभएको सुझाव आयो, विलखबन्दमा परेँ ।’
निकै भावुक हुँदै उनले कतैतिरबाट कुनै सहारा नपाएपछि आफूले बाध्य भएर पार्टी छोडेको स्ट्याटस फेसबुकमा लेखेको स्पष्ट पारे । उनले भने, ‘दुई घण्टाभित्र निर्णय गरिनस् भने तेरो घर जलाउँछौँ तँलाई पनि जलाउँछौँ भनेर धम्की आयो । घर र परिवार जोगाउनका लागि पार्टी परित्याग गरेको एउटा ‘स्ट्याटस’ लेखेर हुन्छ भने किन नलेख्ने भनेर पार्टी छोडेको ‘स्ट्याटस लेखेँ ।’ त्यतिबेला मैले परिवार जोगाउनका लागि घरजग्गा नै नामसारी गर्दे भनेको भए पनि गरिदिनुपर्ने परिस्थिति थियो । नगरप्रमुख रेग्मीले अगाडि थपे, ‘मेरो परिवार बच्छ भने, म जे गर्न पनि तयार थिएँ । त्यो तत्कालीन परिस्थितिमा गर्नुपर्ने अवस्था थियो । अहिले त्यो स्ट्याटस ‘डिलिट’ गरेँ, म पार्टीमै छु ।’
उनले भने, ‘परिस्थिति मैले भोगेको छु । इस्टमित्र नातागोताले पनि बास दिने परिस्थिति भएन । जुन कुरा मलाई परेको छ, त्यो मैले व्यक्त गर्न सक्दिन । पीडादायी अवस्था बन्यो ।’ एमालेहरूलाई खोजीखोजी काटीकाटी मार्ने भन्ने हल्ला फैलिएको भन्दै उनले आगो, लगाउँछन्, मार्छन्, काट्छन् भनेपछि परिस्थिति जटिल बनेको बताए ।
आन्दोलनकारीले उनको घरमा तोडफोड गर्दा झन्डै रु ६ लाख ५० हजार बराबरको क्षति भएको छ । त्यसो त उनले नेतृत्व गरेको कालिका नगरपालिकाको वडा नं १ देखि ७ सम्मका सबै वडा कार्यालय जलेर नष्ट भएका छन् । वडा नं ८ र ९ मा पनि तोडफोड भएको छ । नगर सभा हल पूर्ण रूपमा जलेर क्षति भएको छ । अहिले भइरहेको भाडाको घरमा तोडफोड र केही सामान कार्यालय बाहिर ल्याएर जलाइएको छ ।
कार्यालय प्रयोजनका लागि बन्दै गरेको नयाँ भवन तोडफोड भएको छ । नयाँ भवन अगाडि रहेको तीन वटा सवारीसाधन र दुई वटा मोटरसाइकल जलेर नष्ट भएका छन् । डोजर, ग्रेडर, टिपर, बोलेरो र जेसिबी तोडफोड गरिएको छ । अहिले नगरपालिका अस्तव्यस्त बनेको छ । यकिन तथ्याङ्क आइनसके पनि झन्डै रु ८० करोड हाराहारी क्षति भएको आकलन गरिएको प्रमुख रेग्मी बताउँछन् । मोटरसाइकलमा सबै वडा पुगेर नगरवासीलाई सेवा दिनबाट नचुक्ने वाचा र प्रतिबद्धतासहित सबै ठाउँसम्म पुगिरहेको उनी बताउँछन् ।
जिल्लाको स्थानीय तहहरूमध्ये उत्कृष्ट काम भएको भनिएको नगरपालिकामा जेनजी प्रदर्शनका क्रममा अपूरणीय क्षति पुगी असह्य पीडा व्यहोर्नु परेको भन्दै कालिका नगरपालिकाका प्रमुख रेग्मी सो घटनाबाट पाठ सिकी नगरवासीको सहयोग र सहकार्यमा पुनर्निर्माण अभियानमा जुट्ने प्रतिबद्धता व्यक्त गर्छन् ।
#नारायण अधिकारी/रासस
रत्ननगर । जेनजी आन्दोलनका क्रममा आगजनीबाट क्षतिग्रस्त भएको रत्ननगर नगरपालिका कार्यालयमा सरसफाइ सुरू भएको छ । नगरका जनप्रतिनिधि र कर्मचारीहरुले आइतबारदेखि संयुक्तरुपमा सरसफाइ थालेका हुन् ।
नगरपालिकाका दुईवटै भवनमा आगजनीबाट क्षति पुगेको छ भने सेवाग्राहीलाई विश्रामका लागि निर्मित अपाङ्गमैत्री संरचना पूरै जलेर खरानी भएको छ । सो विश्रामस्थल सञ्चालनमा नआउँदै सखाप भएको हो । बाँस, खबटा, खर, खडाई र काठको प्रयोग गरी निर्मित सो संरचना वातानुकूलित र वृद्धवृद्धा तथा अपाङ्गता भएकालाई विश्राम गर्न बनाइएको थियो ।
आगजनीबाट भवनभित्र रहेका कागजात, फर्निचर, विभिन्न विद्युतीय उपकरण, राजस्व तथा जिन्सी शाखाका सम्पूर्ण सामग्री नष्ट भएका छन् । यस्तै विभिन्न सवारीसाधन, जेनेरेटरलगायतका सामान कबाडीमा परिणत भएको छ ।
रत्ननगर नगरपालिकाका नगरप्रमुख प्रलाद सापकोटाले शनिबार स्थानीय सरकारलाई पुरानै अवस्थामा फर्काउने गरी काममा जुट्न जनप्रतिनिधि र कर्मचारीलाई आग्रह गरेका थिए ।
उनले नगरको विकास र नगरवासीको हितमा काम गर्न कत्ति पनि विचलित नभईकन नयाँ ऊर्जा र हिम्मतका साथ नगरको चौतर्फी विकासमा लाग्ने प्रतिबद्धता जनाएका छन् । उनले नगरप्रमुखको हैसियतमा आफूले पाउने तलब र भत्ताबापतको रकम पनि नगरपालिका र वडा कार्यालयको पुनर्निर्माणमा लगाउने घोषणा गरिसकेका छन् ।
सरसफाइमा नगर उपप्रमुख एवम् न्यायिक समितिका संयोजक यादवप्रसाद पाठक हातमा पञ्जा लगाएर आफैँ सरसफाइमा जुटेका छन् । उनीसहित प्रशासन शाखा प्रमुख सबिता अर्याल, विभिन्न शाखाका प्रमुख, कर्मचारी, नगर प्रहरीलगायतले जलेका सामग्री हटाउँदै सरसफाइमा तल्लीन भएका छन् । सरसफाइमा उपप्रमुख आफैँ खटिएपछि कर्मचारीहरु सुरक्षा मापदण्ड अपनाउँदै आआफ्नो श्रमदान गरिरहेका छन् ।
नगरपालिकाको दुवै भवनसँगै मह¤वपूर्ण कागजात जलेर नष्ट भएपछि सेवा प्रवाहमा कठिनाइ भएको र नगरपालिकाको सरसफाइको काम सकिएपछि सेवा सुरू गरिने प्रमुख प्रशासकीय अधिकृत प्रकाश खनालले जानकारी दिए । नगरपालिकाले क्षतिको विवरण सङ्कलन थालेको छ ।
नगरपालिका परिसरमा जलेका फर्निचर, विद्युतीय उपकरण र सवारीसाधन सबै कबाडीमा परिणत भएका छन् । भवनको सरसफाइ, मर्मत, रङ्गरोगन र आवश्यक सामग्रीहरुको प्रबन्ध गर्दा कार्यालय पूर्णरुपमा सञ्चालनमा आउन दसैँअगाडि सम्भव हुने देखिँदैन ।
नगरपालिकाको ज्येष्ठ नागरिक तथा पञ्जीकरण उपशाखा र स्वास्थ्य शाखा भने जोगिएको छ । यी दुई शाखामार्फत प्रदान हुने सेवाचाहिँ छिटै सञ्चालन हुनेछ । ज्येष्ठ नागरिक तथा पञ्जीकरणको काम सुरू गर्न समस्या नभए पनि सरसफाइलगायत भवन मर्मतलगायतका कामले गर्दा सेवा सञ्चालन गर्न केही समय लाग्ने उपशाखा प्रमुख रामप्रसाद बस्ताकोटी बताउँछन् ।
यस्तै, नगरपालिकाका १६ वटै कार्यालयमा सरसफाइ थालिएको छ । जनप्रतिनिधि, कर्मचारीलगायतले सरसफाइको काम थालेका छन् । रत्ननगर–१ का सचिव महेश सुवेदीले वडा कार्यालय सरसफाइ भइरहेको र ज्येष्ठ नागरिक तथा पञ्जीकरणको काम भने बकुलहर माविअगाडिको कार्यालयबाट भइरहेको जानकारी दिए ।
रत्ननगर–१ का वडाध्यक्ष कुलप्रसाद सापकोटा दसैँअगाडि सेवा सञ्चालन हुन कठिन रहेको बताउँछन् । आगजनीबाट भवनको छतसमेतमा क्षति भएकाले मर्मतमै समय लाग्ने उनको भनाइ छ ।
इच्छाकामना । इच्छाकामना गाउँपालिका वडा नं–६, नाम्सी पुलस्थित सडकमाथिबाट खसेको ढुङ्गा लागेर बसमा सवार एक महिलाको मृत्यु भएको छ ।
मुग्लिन–नारायणगढ सडकखण्डस्थित तनहुँबाट नारायणगढतर्फ जाँदै गरेको ग २ ख १८३६ नम्बरको बसमा सवार लमजुङको घले गाउँपालिका वडा नं–३ बस्ने ४६ वर्षीया ऐश्वर्या कामी गम्भीर घाइते भएकी थिइन् ।
सडकमाथिबाट खसेको ढुङ्गा बसको ढोकाबाट छिरेर कामीको अनुहार र टाउकोमा चोट लागेको थियो । घाइते महिलाको पुरानो मेडिकल कलेज (सिएमएस), भरतपुरमा उपचारका क्रममा मङ्गलबार बेलुकी ७ः२० बजे डाक्टरले मृत घोषणा गरेका हुन् ।
घटनाबारे मृतकका छोरी पूर्णकुमारी कामीलाई खबर भइसकेको र बस तथा चालक तनहुँको म्याग्दे गाउँपालिका वडा नं–२ बस्ने ३५ वर्षीय तेजकुमार शाही जिल्ला प्रहरी कार्यालय चितवनको नियन्त्रणमा रहेको प्रहरीले जनाएको छ ।
चितवन । चितवन कारागारबाट एकसिङ्गे गैँडासँग सम्बन्धित मुद्दाका कैदीबन्दी फरार भएपछि संरक्षणमा चुनौती देखिएको छ । कारागारमा रहेका सोसम्बन्धी मुद्दाका ४८ कैदीबन्दीमध्ये २६ जना मात्र फर्किएका छन् ।
भदौ २५ गते बिहान भागेका कैदीबन्दीमध्ये हालसम्म ४०९ जना फर्किएका छन् । जसमा २६ जना गैँडासँग सम्बन्धित मुद्दाका हुन् । कारागारमा जम्मा ७४४ जना कैदीबन्दी थिए । तीमध्ये दुई जनाबाहेक अरू सबै भागेका थिए । कारागारका प्रमुख रवीन्द्रप्रसाद ढुङ्गानाका अनुसार सबैलाई फर्कन टेलिफोन गरिएको छ । जसमध्ये ६० जना सम्पर्कमा छैनन् ।
गैँडासँग सम्बन्धित कैदीबन्दी भागेपछि चितवन राष्ट्रिय निकुञ्जले सुरक्षा संयन्त्रलाई चुस्त बनाएको छ । सूचना अधिकारी अविनाश थापा मगरका अनुसार भागेकाहरुको सूची बनाएर सो क्षेत्रमा निगरानी बढाइएको छ ।
गैँडा तस्करीमा लागेकाहरु पटके समेत भएकाले निकुञ्जले सुरक्षा चुनौतीका रुपमा लिएको छ ।
चितवन । चितवनमा जापानिज इन्सेफ्लाइटिसका कारण पाँच जनाको मृत्यु भएको छ । सङ्क्रमित १६ जनामध्ये उनीहरुको मृत्यु भएको हो । जनस्वास्थ्य कार्यालय चितवनका अनुसार पछिल्लोपटक भदौ २३ गते एक जनाको मृत्यु भएको थियो ।
कार्यालयका प्रमुख दिनेश रुपाखेतीका अनुसार मृत्यु हुनेमा राप्ती नगरपालिकाका ४२ वर्षीया महिला रहेकी छन् । जिल्लामा यसअघि मृत्यु हुनेमा भरतपुर महानगरपालिका–२२ का ७० वर्षीय वृद्ध, कालिका नगरपालिका–५ का ८९ वर्षीय वृद्ध, राप्ती नगरपालिका–१२ की ७० वर्षीया वृद्धा र भरतपुर महानगरपालिका–१२ की ८१ वर्षीया वृद्धा रहेका थिए । उनीहरुको साउनयता मृत्यु भएको हो । गत आर्थिक वर्षमा चितवनमा देखिएका तीन जना सङ्क्रमितमध्ये एक जनाको मृत्यु भएको थियो ।
जापानिज इन्सेफ्लाइटिस भरतपुर महानगरपालिका, कालिका नगरपालिका, राप्ती नगरपालिका, खैरहनी नगरपालिका र माडी नगरपालिकाका व्यक्तिमा देखिएको छ ।
यो रोग क्युलेक्स जातको पोथी लामखुट्टेको टोकाइबाट सर्ने कीटजन्य सरुवा रोग हो । यो लामखुट्टे घरबाहिर बस्न रुचाउने, घरबाहिर नै टोक्ने, साँझ र बिहान बढी सक्रिय हुने गर्दछ । यो लामखुट्टेले सुँगुर, बङ्गुर, हाँसजस्ता पशुपक्षीलाई टोक्यो भने सर्दछ । धानखेतीमा समेत यस लामखुट्टेले अण्डा पारेर लार्भा बनाउने गरेको कार्यालयका प्रमुख दिनेश रुपाखेतीले जानकारी दिए ।
चितवन । चितवन जिल्ला अदालतले आजदेखि सीमित सेवा सञ्चालन गरेको छ । जेनजी आन्दोलनका क्रममा क्षतिग्रस्त भएको अदालतले सामान्य सेवाहरू सुरू गर्न लागेको हो ।
कार्यालयका सूचना अधिकारी अमृत विश्वकर्माका अनुसार आजदेखि बन्दीप्रत्यक्षीकरण निवेदनमा कारबाही गरिने, म्याद थप, जरुरी पक्राउ पुर्जीसहितका सेवा सञ्चालन गर्न लागिएको हो । उनले भने, “एउटा कोठाबाट दिन सकिने सामान्य सेवाहरू आजदेखि सुरू गरिएको छ ।” अदालतले यही भदौ २४ गतेदेखि आन्दोलनका कारण सेवा दिन सकेको थिएन ।
अन्य नियमित सेवा, मुद्दा सुनुवाइलगायत काम कारबाही अर्को सूचना जारी गरेर जानकारी दिइने उनले बताए । प्रदर्शनकारीले आगजनी गर्दा अदालत भवन पूर्ण रूपमा क्षति भएको छ । अदालतको भौतिक संरचनासहित महत्त्वपूर्ण मिसिल, सर्भरलगायतमा क्षति पुगेको छ । उनले भने, “संरचना बन्दै जाँदा सेवा विस्तार र थप गर्दै लगिनेछ ।”
तीन सय ३४ कैदीबन्दी फर्किए
यसैगरी जिल्ला कारागार भरतपुरबाट भागेका कैदीबन्दीहरू फर्किने क्रम जारी रहेको छ । हालसम्म ३३४ जना कैदीबन्दी फर्किएका छन् । १५ जना अन्य कारागारका समेत यहाँ सम्पर्कमा आएका छन् ।
कारागार कार्यालयका प्रमुख रवीन्द्रप्रसाद ढुङ्गानाका अनुसार यहाँबाट गएका ७४२ जनामध्ये ५० जनाबाहेक अरू सम्पर्कमा छन् । आएकामध्ये ३० महिला हुन् भने ३०४ जना पुरुष हुन् । महिलासँग दुई जना आश्रित बालबालिका समेत आएका छन् । कारागारमा ४६ जना महिला तथा ६९२ जना पुरुष कैदीबन्दी भागेका थिए । अन्य दुई जना भने भागेका थिएनन् । उनीहरूसँग चार जना आश्रित बालबालिका रहेको उनले जानकारी दिए ।
यस कार्यालयबाट भागेकामध्ये चार जना रूपन्देही कारागारमा र एक जना तनहुँ कारागारको सम्पर्कमा आएको उनले जानकारी दिए ।
चितवन । जेनजी पुस्ताको आन्दोलनको क्रममा चितवन जिल्लाका ७९ सरकारी कार्यालयमा क्षति भएको छ । निजी क्षेत्रका १७ व्यावसायिक र निजी घरमा क्षति पुगेको छ ।
प्रमुख जिल्ला अधिकारी गणेश अर्यालका अनुसार क्षति पुगेका कार्यालयको मूल्याङ्कनका लागि सहायक प्रमुख जिल्ला अधिकारी चिरञ्जीवी शर्माको संयोजकत्वमा सात सदस्यीय टोली परिचालन गरिएको छ । जिल्ला प्रशासन कार्यालयसहित सरकारी कार्यालय, महानगरपालिका, नगरपालिका, गाउँपालिका, वडा कार्यालय आगलागी र तोडफोडबाट क्षतिग्रस्त भएका छन् ।
उनका अनुसार तथ्याङ्क लिने काम भइरहेकाले यकिन तथ्याङ्क आउन केही समय लाग्ने छ । सो क्रममा तीन पार्टी कार्यालयमा क्षति पुगेको छ । नेपाली कांग्रेस, नेकपा (एमाले) र नेकपा (माओवादी केन्द्र)का कार्यालयमा तोडफोड र आगजनी भएको छ ।
नेता, जनप्रतिनिधि, पूर्व जनप्रतिनिधि, पत्रकार, सञ्चारगृहमा तोडफोड र आगजनी भएका छन् । निजी घरहरुमा भएको तोडफोडको सङ्ख्या यकिन तथ्याङ्क आइनसकेको उनले जानकारी दिए । जलेर कार्यालय ध्वस्त भएका कार्यालय सरसफाइ गर्न थालिएको छ । ती कार्यालय परिसरमा बसेर कर्मचारीले मिल्नेजति सेवा दिन थालेको प्रमुख जिल्ला अधिकारी अर्यालले बताए ।
उनले भने “ सक्ने सेवा दिने, नसक्ने सेवाका बारेमा सूचना दिने गरिएको छ ।”
कैदीबन्दी फर्किने क्रम जारी
यसैगरी जिल्ला कारागार भरतपुरबाट भागेका कैदीबन्दी फर्किने क्रम जारी रहेको छ । हालसम्म तीन सय जना कैदीबन्दी फर्किएका छन् । १४ जना अन्य कारागारकासमेत यहाँ सम्पर्कमा आएका छन् ।
कारागार कार्यालयका प्रमुख रवीन्द्रप्रसाद ढुङ्गानाका अनुसार यहाँबाट गएका सात सय ५० जनामध्ये ५० जना बाहेक अरु सम्पर्कमा छन् । आएकामध्ये २७ महिला हुन् भने बाँकी पुरुष हुन् । कारागारमा ४६ महिला कैदीबन्दी थिए ।
चितवन । चितवन राष्ट्रिय निकुञ्जले पर्यटकीय सडकको मर्मत थालेको छ । नेपालीको महान् पर्व विजयादशमी अघि जीप सफारी खोल्ने गरी सडक तथा पुल मर्मत र झाडी पन्छ्याउने कामलाई तीव्रता दिइएको हो ।
निकुञ्जका सूचना अधिकारी अविनाश थापामगरका अनुसार अहिले सडक मर्मतको काम भइरहेको छ । उनले भने, “जीप सफारीका लागि ९० किलोमिटर सडक मर्मतको काम भइरहेको छ ।”
सो सडक क्षेत्रमा भएको झाडी पन्छ्याउने काम पनिसँगै गरिएको उनले जानकारी दिए । सौराहादेखि कुजौली घाटसम्मको जिप सफारी गरिने सडक मर्मतको काम सुरु गरिएको उनले जानकारी दिए ।
निकुञ्जले गत असार १६ गतेदेखि बन्द गरेको जिप सफारी चाडपर्वमा आउने पर्यटक लक्षित गर्दै सञ्चालनको तयारी गरेको हो । निकुञ्जभित्रको जिप सफारी बन्द भए पनि सामुदायिक वनमा भने बन्द गरिएको छैन । मगरका अनुसार अहिले ९० किलोमिटर सडकभित्र पर्ने पुल मर्मत, सडकका अवरोध हटाउने काम भइरहेको छ ।
निकुञ्जभित्र जिप सफारीबाट पर्यटकले डुमरिया, लामि ताल, तमोर ताल, घडीयाल प्रजनन केन्द्र, बाघ मचान, सुखिभार, भिम्ले, टाइगर टप्स, बागमारा, खोरीया मुहान हुँदै देवी तालसम्म वन्यजन्तु अवलोकन गर्ने गर्दछन् । चितवन र नवलपरासी आउने पर्यटकको मुख्य आकर्षक निकुञ्ज सफारी हो । यहाँ दुर्लभ एकसिङ्गे गैँडा, पाटे बाघलगायत वन्यजन्तु अवलोकन गर्न स्वदेशी तथा विदेशी पर्यटक आउने गर्दछन् ।
चितवन । जेनजी प्रदर्शनका क्रममा भरतपुर महानगरपालिकामा रु दुई अर्बभन्दा बढीको क्षति भएको आकलन गरिएको छ । यही भदौ २४ गते महानगर कार्यालय र वडा कार्यालयमा आक्रमण गरिएको थियो ।
महानगरपालिकाका प्रमुख प्रशासकीय अधिकृत लक्ष्मीप्रसाद पौडेलका अनुसार क्षतिको विवरण सङ्कलन भइरहेको जानकारी दिँदै प्रारम्भिक रुपमा रु दुई अर्बभन्दा बढीको क्षति आकलन गरिएको छ । प्रदर्शनका क्रममा भरतपुर महानगरपालिकाको कार्यालय आगलागीबाट पूर्णरुपमा क्षतिग्रस्त भएको छ । महानगरको स्वास्थ्य र कृषि कार्यालयमा सामान्य क्षति पुगेको छ ।
महानगरपालिकाका २९ मध्ये २० वटा वडामा क्षति पुगेको छ । वडा नं। २, ९, ११, १२, २०, २५, २७, २८ र २९ बाहेकका कतिपय वडामा पूर्ण रुपमा क्षति पुगेको छ भने कतिपयमा आंशिक क्षति भएको छ ।
पौडेलका अनुसार २६ वटा गाडी, पाँच वटा मोटरसाइकल र एउटा स्कुटर जलेर नष्ट भएका छन् । जलेका गाडीमध्ये दुई वटा दमकल, एउटा ग्रेडर, दुई वटा कम्प्याक्टर, एउटा ब्रुमर, पानी बोक्ने गाडी एक र सेफ्टी ट्यांकी सफाई गाडी एउटा रहेका छन् ।
महानगरपालिकाका गाडीमध्ये प्रमुख, उपप्रमुख र प्रमुख प्रशासकीय अधिकृत चढ्ने गाडी बाहिर राखिएकाले सुरक्षित रहेका छन् । त्यस्तै दुईवटा जेसिवि, एउटा कम्प्याक्टर, एउटा दमकल र एउटा ट्याक्टर सुरक्षित रहेको उनले जानकारी दिए ।
महानगरपालिकाका बरिष्ठ शाखा अधिकृत झलककुमार श्रेष्ठका अनुसार स्टोरमा रहेका के कति सामान जलेका छन् भन्ने बारेमा तथ्याङ्क लिने काम भइरहेको छ । कार्यालयमा प्रयोग हुने फर्निचर, कम्युटर, टेलिभिजन, इन्भर्टर, ब्याट्री, कागजपत्रलगायतका सामग्री जलेर नष्ट भएका छन् । उनका अनुसार महानगरवासीलाई वितरणका लागि ल्याइएको दुई हजार थान विद्युतीय चुल्हो जलेर र चोरी भएका छन् ।
यसका अतिरिक्त अन्य सामग्रीहरु समेत चोरी भएका छन् । महानगरपालिका जलाउने र तोडफोड गर्ने समूहले महानगर प्रमुख रेनु दाहाल र उपप्रमुख चित्रसेन अधिकारीको घरसमेत जलाएर पूर्णरुपमा क्षति पु¥याएका छन् । यस्तै महानगरपालिकाका विज्ञ सल्लाहकार सुरेशचन्द्र अधिकारीको घर जलाउने र लुटपाट भएको छ ।
प्रमुख प्रशासकीय अधिकृत पौडेलले सेवाग्राहीहरुका सिफारिस र अत्यावश्यक काम आजैबाट गर्न लागिएको बताए । जे सकिन्छ ती सेवाहरु दिन थालेको उनले बताए । क्षतिको मूल्याङ्कन गरेर मर्मत थालिने उनले बताए ।
काठमाडौँ । नेपालको अन्तरिम सरकारको प्रधानमन्त्री पदमा सुशीला कार्की नियुक्त भएकामा संयुक्त राज्य अमेरिकाले स्वागत गरेको छ ।
काठमाडौँस्थित अमेरिकी दूतावासले आज विज्ञप्तिमार्फत गत हप्ताको दुःखद् घटनाहरूपछिको शान्तिपूर्ण समाधान भन्दै स्वागत गरेको हो । लोकतान्त्रिक समाधानप्रतिको प्रतिबद्धताका लागि राष्ट्रपति रामचन्द्र पौडेल र युवा नेताहरूको प्रशंसा गर्दै दूतावासले दुःखद् समयमा नेपालसँग शोकमा साथमै रहेको उल्लेख गरेको छ ।
“हामी नेपाली सेना र प्रधानसेनापति अशोकराज सिग्देललाई सङ्क्रमणलाई सहज बनाउँदै शान्तिपूर्ण नागरिक सरकार र व्यवस्था पुनस्र्थापित गर्न मह¤वपूर्ण भूमिका निर्वाह गरेकामा सम्मान गर्दछौँ ” विज्ञप्तिमा उल्लेख छ ।
संयुक्त राज्य अमेरिकाले अन्तरिम सरकारले आगामी महिनाहरूमा नयाँ निर्वाचनको तयारी गर्ने क्रममा नेपालसँग सहकार्य गर्न तयार रहेकोे जनाएको छ । राष्ट्रपति पौडेलले पूर्वप्रधानन्यायाधीश कार्कीलाई यही भदौ २७ गते अन्तरिम सरकारको प्रधानमन्त्रीमा नियुक्त गरेका हुन् ।
यसैबीच, भारतका प्रधानमन्त्री नरेन्द्र मोदीले नवनियुक्त प्रधानमन्त्री सुशीला कार्कीलाई बधाई दिएका छन् । भारतको मणिपुरमा आयोजित कार्यक्रमलाई सम्बोधन गर्ने क्रममा उनले प्रधानमन्त्रीमा सुशीला कार्कीको नियुक्तिलाई लिएर महिला सशक्तीकरणको उदाहरण भनेका छन् ।
सम्बोधनको क्रममा उनले भने,‘मलाई विश्वास छ नेपालमा शान्ति, स्थिरता र समृद्धिको मार्ग प्रशस्त गर्नु हुनेछ । नेपालको पहिलो महिला प्रधानमन्त्रीका रुपमा सुशीलाजी आउनु महिला सशक्तीकरणको मह¤वपूर्ण उदाहरण हो, आज नेपालका यस्ता हरेक व्यक्तिको सरहाना गर्छु, जसले यो अस्थिरताको माहोलमा पनि लोकतान्त्रिक मूल्यलाई सर्वोपरी राखेका छन् ।’ आइतबार बिहान उनले सामाजिक सञ्जालमार्फत पनि नवनियुक्त प्रधानमन्त्री कार्कीलाई बधाई दिइसकेका थिए ।
यस्तै, प्रधानमन्त्री सुशीला कार्कीलाई चीनले बधाई ज्ञापन गरेको छ । आइतबार चिनियाँ विदेश मन्त्रालयका प्रवक्ताले एक विज्ञप्ति प्रकाशन गर्दै नेपालको अन्तरिम सरकारको प्रधानमन्त्री बनेकामा कार्कीलाई बधाई दिएको हो ।
चिनियाँ विदेश मन्त्रालयले विज्ञप्तिमार्फत भनेको छ, “चीन र नेपालबीच लामो समयदेखिको मित्रता छ । चीनले सधैँझैँ नेपाली जनताले स्वतन्त्र रूपमा रोजेको विकासको बाटोको सम्मान गर्छ ।”
ग्लोबल टाइम्सका अनुसार, प्रवक्ताले अगाडि भने, “हामी पञ्चशीलको सिद्धान्तलाई बढावा दिन, विभिन्न क्षेत्रमा आदानप्रदान र सहयोग अभिवृद्धि गर्न र द्विपक्षीय सम्बन्धलाई थप अगाडि बढाउन नेपालसँग काम गर्न तयार छौँ ।”
‘जेनजी’ प्रदर्शनकारीको मागबमोजिम पूर्वप्रधानन्यायाधीश कार्कीलाई अन्तरिम सरकारको प्रमुख बनाइएको हो ।
भरतपुर । सामाजिक सञ्जालमाथि लगाइएको प्रतिबन्ध तथा भ्रष्टाचारविरुद्ध जेनजी समूहको नाममा भएको आन्दोलनका कारण बन्द रहेका चितवनका शैक्षिक संस्थाहरू आइतबारदेखि सञ्चालनमा आउने भएका छन् ।
शनिबार भरतपुरमा बसेको कार्यालय प्रमुखहरुको वैठकले आइतबारदेखि शैक्षिक संस्था सञ्चालन गर्ने निर्णय गरेको हो । जिल्लामा शान्ति सुरक्षाको स्थिति सामान्यीकरण हुँदै गएकोले सम्पूर्ण विद्यालय आइतबारदेखि पूर्ववतरूपमा सञ्चालन गर्न भरतपुर महानगरपालिका शैक्षिक प्रशासन महाशाखाले एक सूचना जारी गरी विद्यालय सञ्चालन गर्न अनुरोध गरेको छ ।
निजी तथा आवासीय विद्यालय अर्गनाइजेसन नेपाल (प्याब्सन) को भरतपुर महानगर कमिटीले एक सूचना जारी गरी आइतबारदेखि विद्यालय सञ्चालन हुने जानकारी दिएको छ । सूचनामा भनिएको छ– ‘देशैभरि धनजनको ठूलो क्षति हुनेगरी भएको आन्दोलनको कारण भदौ २४ गतेदेखि बन्द रहेका विद्यालयहरू सरोकारवाला सबैको सल्लाह, सुझाव तथा समन्वयमा सुरक्षित वातावरण सिर्जना गरी भदौ २९ गते आइतबारबाट पठनपाठन सुचारु गर्ने सहमति भएकोले विद्यालयका गतिविधिहरू यथावतरूपमा सञ्चालन गर्न अनुरोध गर्दछौँ ।’
अकल्पनीय मानवीय तथा भौतिक क्षति पुर्याएको जेनजी आन्दोलनका कारण विद्यालय बन्द रहँदा अभिभावकहरूमा असमञ्जस्यता पैदा भएको थियो भने कतिपय विद्यालयले अनलाइन कक्षा चलाउने तयारी गरेका थिए ।
प्रमुख जिल्ला अधिकारी (सिडिओ) गणेश अर्यालसहित जनपद प्रहरी, सशस्त्र प्रहरी, अनुसन्धान र नेपाल आर्मीसहितको जिल्ला सुरक्षा संयन्त्र, सरोकारवाला विद्यालय, चितवन–उद्योग वाणिज्य संघ, यातायात व्यवसायी र निर्माण व्यवसायीसमेतको बैठक आइतबारबाट विद्यालयसहित सबै उद्योग व्यवसाय सुचारु गर्ने निर्णय गरेको प्याब्सन चितवनका कोषाध्यक्ष युवराज पौडेलले जानकारी दिए ।
कुनै कारणवस विद्यालयलगायत कुनै पनि व्यवसाय सञ्चालन हुन नसके स्पष्टीकरण मागिने प्रमुख जिल्ला अधिकारी अर्यालले बताए । ‘हामी सुरक्षा दिन तयार छौँ, निर्धक्क भएर पूर्ववतरुपमा काममा फर्किनुहोस्’, प्रजिअ अर्यालले भने ।
रत्ननगर । पूर्वी चितवनको रत्ननगर नगरपालिकाले आगजनीबाट भएको क्षतिको विवरण संकलन र सेवा सञ्चालनको लागि आवश्यक तयारीमा जुट्ने निर्णय गरेको छ ।
शनिबार बसेको १७२औँ कार्यपालिका बैठकले तोडफोड र आगजनीको घटनप्रति दुःख व्यक्त गर्दै आन्दोलनका क्रममा घाइतेहरुको शीघ्रस्वास्थ्य लाभको कामना तथा ज्यान गुमाएकाहरु प्रति श्रद्धाञ्जली प्रकट गरेको छ ।
नगरपालिका पूर्णरुपमा ध्वस्त रहेको बेला तत्काल कार्यालय सञ्चालन गर्न सक्ने अबस्था नरहेको निष्कर्ष निकाल्दै आवश्यक तयारीमा जुट्ने निर्णय गरेको छ । नगरपालिका र वडा कार्यालयमा आगजनीबाट भएको क्षतिको विवरण संकलन गर्ने र सकेसम्म छिट्टै कार्यालय सञ्चालन गर्ने गरी उपकरण र सामग्रीहरुको व्यवस्थापन गर्ने, जनप्रतिनिधि र कर्मचारीहरुले कार्यालय सरसफाइ गर्ने निर्णय भएको प्रमुख प्रशासकीय अधिकृत प्रकाश खनालले जानकारी दिए ।
कार्यपालिका बैठकमा जेनजी आन्दोलनमा सहभागी भएर नगरपालिका र वडा कार्यालयमा आजगनी र तोडफोडमा केही कर्मचारीहरु समेत संलग्न रहेको भन्दै वडा अध्यक्ष तथा कार्यपालिका सदस्यहरुले त्यस्ता कर्मचारीको पहिचान गरी तत्काल बरखास्त गर्न माग गरेका छन् । बैठकले आन्दोलनमा सहभागी भएका कर्मचारीको पहिचान गरी सेवाबाट बर्खास्त गर्ने निर्णय गरेको छ ।
कार्यपालिका बैठकले नगरपालिका नै ध्वस्त हुने गरी गरिएको आगजनी र तोडफोडको घटना केलाउदै स्थानीय कार्यालय सञ्चालन कहिलेबाट गर्ने भन्ने निर्णय अर्को कार्यपालिका बैठकले गर्ने निर्णय गरेको छ ।
कार्यपालिका बैठकमा नगरप्रमुख प्रलाद सापकोटा, उपमेयर यादब प्रसाद पाठक तथा वडाध्यक्षहरुले जेन्जी आन्दोलनले निम्त्याएको परिस्थिति र अबको निकासको बारेमा धारणा राखेका थिए ।
जेन्जी आन्दोलनका कारण रत्ननगर नगरपालिकाका दुईवटै प्रशासनिक भवन तथा १६ वटै वडा कार्यालयमा तोडफोड र आगजनी गरिएको छ । आगजनीबाट नगरपालिकाका सबै सवारीसाधन र महत्त्वपूर्ण कागजात जलेर नष्ट भएका छन् ।
रत्ननगर । रत्ननगर नगरपालिकाका नगरप्रमुख प्रलाद सापकोटाले बाँकी रहेको कार्यकालको मासिक सेवा सुविधाबापतको रकम पुनर्निमाणमा योगदान गर्ने घोषणा गरेका छन् ।
शनिबार सम्पन्न १७२औँ कार्यपालिका बैठकमा बोल्दै उनले नगरप्रमुखको हैसियतमा आफूले पाउने तलब र भत्ताबापतको रकम नगरपालिका र वडा कार्यालयको पुनर्निमाणमा लगाउने घोषणा गरेका हुन् । नगरको विकास र नगरवासीको हितमा काम गर्ने आफ्नो इच्छाशक्तिबाट आफू विचलित नरहेको भन्दै उनले नयाँ ऊर्जा र हिम्मतका साथ नगरको चौतर्फी विकासमा क्रियाशील रहने प्रतिबद्धता जनाए ।
उनले स्थानीय सरकारलाई पुरानै अवस्थामा फर्काउने गरी काममा जुट्न जनप्रतिनिधि र कर्मचारीलाई आग्रह गरेका छन् । जेनजी आन्दोलनका क्रममा नगरपालिका र वडा कार्यालयमा तोडफोड र आगजनी भएपछि बसेको कार्यपालिका बैठकले विभिन्न निर्णय गरेको छ । आगजनीबाट भएको क्षतिको विवरण संकलन र सेवा सञ्चालनको लागि आवश्यक तयारीमा जुट्ने निर्णय गरेको छ ।
बैठकले तोडफोड र आगजनीको घटनप्रति दुःख व्यक्त गर्दै आन्दोलनका क्रममा घाइतेहरुको शीघ्रस्वास्थ्य लाभको कामना तथा ज्यान गुमाएकाहरु प्रति श्रद्धाञ्जली प्रकट गरेको छ । नगरपालिका पूर्णरुपमा ध्वस्त रहेको बेला तत्काल कार्यालय सञ्चालन गर्न सक्ने अवस्था नरहेको निष्कर्ष निकाल्दै आवश्यक तयारीमा जुट्ने निर्णय गरेको छ ।
नगरपालिका र वडा कार्यालयमा आगजनीबाट भएको क्षतिको विवरण संकलन गर्ने र सकेसम्म छिट्टै कार्यालय सञ्चालन गर्ने गरी उपकरण र सामग्रीहरुको व्यवस्थापन गर्ने, जनप्रतिनिधि र कर्मचारीहरुले कार्यालय सरसफाइ गर्ने निर्णय भएको प्रमुख प्रशासकीय अधिकृत प्रकाश खनालले जानकारी दिए ।
कार्यपालिका बैठकमा जेनजी आन्दोलनमा सहभागी भएर नगरपालिका र वडा कार्यालयमा आजगनी र तोडफोडमा केही कर्मचारीहरुसमेत संलग्न रहेको भन्दै वडाध्यक्ष तथा कार्यपालिका सदस्यहरुले त्यस्ता कर्मचारीको पहिचान गरी तत्काल बरखास्त गर्न माग गरेका छन् ।
बैठकले आन्दोलनमा सहभागी भएका कर्मचारीको पहिचान गरी सेवाबाट बर्खास्त गर्ने निर्णय गरेको छ । कार्यपालिका बैठकले नगरपालिका नै ध्वस्त हुनेगरी गरिएको आगजनी र तोडफोडको घटना केलाउँदै स्थानीय कार्यालय सञ्चालन कहिलेबाट गर्ने भन्ने निर्णय अर्को कार्यपालिका बैठकले गर्ने निर्णय गरेको छ ।
कार्यपालिका बैठकमा नगरप्रमुख प्रलाद सापकोटा, उपप्रमुख यादवप्रसाद पाठक तथा वडाध्यक्षहरुले जेनजी आन्दोलनले निम्त्याएको परिस्थिति र अबको निकासको बारेमा धारणा राखेका थिए । जेनजी आन्दोलनका कारण रत्ननगर नगरपालिकाका दुईवटै प्रशासनिक भवन तथा १६ वटै वडा कार्यालयमा तोडफोड र आगजनी गरिएको छ । आगजनीबाट नगरपालिकाका सबै सवारीसाधन र महत्त्वपूर्ण कागजात जलेर नष्ट भएका छन् ।
काठमाडौँ । सुशीला कार्की नेपालको इतिहारमा पहिलो महिला प्रधानमन्त्री बनेकी छन् । नेपालमा न्यायालय स्थापना भएको ६५ वर्षभन्दा लामो इतिहासमा पहिलो महिला प्रधानन्यायाधीश बनेकी उनी शुक्रबार नेपालको पहिलो महिला प्रधानमन्त्री नियुक्त भएकी हुन् । उनलाई राष्टपति रामचन्द्र पौडेलले अन्तरिम सरकारको प्रधानमन्त्री नियुक्त गरेका हुन् ।
उनी प्रधानन्यायाधीश बन्न लाग्दा नयाँ संविधान जारी भएको लामो समय भएको थिएन र त्यतिबेला न्यायपालिकामा उच्च अदालत गठनलगायतका प्रशासनिक चुनौतीहरू पनि रहेका थिए। त्यसबाहेक सर्वोच्च अदालतमै पनि वर्षौँदेखिका विचाराधीन मुद्दाको सङ्ख्या उच्च रहेका र न्यायाधीशको सङ्ख्या न्यून भएका बेला उनी न्यायपालिकाको नेतृत्वमा पुगेकी थिइन्।
यी विभिन्न कारणले उनीमाथि चुनौती अत्यन्तै रहेको उनका पूर्ववर्तीहरूले पनि बताएका थिए। केही विवादबाहेक उनको कार्यकालमाथि आम सर्वसाधारणले भने त्यति प्रश्न उठाएका थिएनन्। तर अहिले भने अनुमान नगरिएको परिस्थितिमाझ निकै प्रतिकूल अवस्थामा उनी अन्तरिम सरकारको नेतृत्वमा पुगेकी छन् ।
विराटनगरमा जन्मिएकी ७३ वर्षीया उनले भारतको बनारस हिन्दू विश्वविद्यालय र नेपालमा त्रिभुवन विश्वविद्यालयमा अध्ययनपश्चात वकालत पेशामा प्रवेश गरेकी हुन्। ती दिनमा महिलाले कानुन पढ्नु र वकालत गर्ने भन्ने कुरा असामान्य रहेको बताइन्छ। तीन दशकभन्दा लामो समयमा विराटनगर र धरानमा सक्रिय वकालत गरेपछि उनी न्यायाधीशका रूपमा सिधै सर्वोच्च अदालत प्रवेश गरेकी थिइन् । तत्कालीन प्रधानन्यायाधीश रामप्रसाद श्रेष्ठले ुसुशीला कार्कीमा क्षमता देखेर नै सर्वोच्च अदालतको न्यायाधीशमा सिफारिस गरेका थिए ।
न्यायाधीशका रूपमा कांग्रेस नेता जेपी गुप्ता बहालवाला सञ्चारमन्त्री रहेकै बेला भ्रष्टाचार मुद्दामा दोषी ठहर गरेपछि सुशीला कार्कीको चर्चा हुन थालेको थियो।अख्तियार दुरुपयोग अनुसन्धान आयोगका तत्कालीन प्रमुख लोकमानसिंह कार्कीविरुद्धको मुद्दामा फैसला पुनरावलोकन गर्न भनी दिएको निवेदनमा सुशीला कार्कीले मुद्दा ब्यूँतिने गरी निस्सा हुने आदेश दिएकी थिइन्। त्यसपछिको उनी बाहेकका तीन न्यायाधीशको पूर्ण इजलासले लोकमानसिंह कार्की पदमुक्त हुने निर्णय गरेको थियो। सुशिला कार्कीले लोकमान सिंह कार्कीको मुद्दाको पुनरावलोकन हुने भनेर ब्यूँताइदिने निर्णयले त्यतिबेला खुबै चर्चा पाएको थियो।
उनीमाथि महिलामाथि सकारात्मक विभेद गरेर न्याय सम्पादन गर्ने गरेको भन्ने आरोपहरू पनि लाग्ने गरेका थिए। संसदमा उनीविरुद्ध तत्कालीन सत्ता गठबन्धन (नेपाली कांग्रेस र माओवादी केन्द्र)का सांसदहरूले महाभियोग प्रस्ताव दर्ता गरेलगत्तै उनी प्रधानन्यायाधीशको पदबाट निलम्बनमा परेकी थिइन्। तर सर्वोच्चकै आदेशबाट उक्त महाभियोग प्रस्ताव निष्प्रभावी भन्दै तत्कालीन न्यायाधीश चोलेन्द्र शमशेर राणाले अन्तरिम आदेश दिएका थिए।
न्यायाधीश नियुक्त गर्दा उनले राजनीतिक व्यक्तिलाई ठाउँ दिएको र निस्पक्ष निर्णय गर्न नसकेको भन्ने उनीमाथि आरोप लागेको थियो।
खिलराज रेग्मी प्रधानन्यायाधीश रहेकै बेला मन्त्रिपरिषद् अध्यक्ष बन्न गएको विषयमा सुशीला कार्की र तत्कालीन प्रधानन्यायधीश कल्याण श्रेष्ठले अन्तरिम संविधानको मर्म विपरित रेग्मीलाई मन्त्रीपरिषदको अध्यक्ष बनाएको राय दिएका थिए।
त्यतिबेला बहालवाला प्रधानन्यायाधीश कार्यपालिका प्रमुख भएर गएको भन्दै त्यो शक्तिपृथकीकरणको सिद्धान्तविपरीत हुने भन्दै आलोचनाहरू भएका थिए। सुशीला कार्कीको त्यही निर्णयलाई उल्लेख गर्दै अहिले उनी अन्तरिम सरकारको नेतृत्व गर्न जाँदा कतिपय मानिसहरूले उनको आलोचना पनि गरेका छन्। तर केहीले भने बहालवाला प्रधानन्यायाधीश कार्यपालिका प्रमुख हुन जानु र अवकाश पाइसकेपछि आन्दोलनकारीहरूको मागको विशिष्ट परिस्थितिमा अन्तरिम सरकारको प्रमुख बन्नु फरक भएको तर्क गरेका छन्।
समर्थन र विवाद दुवैका प्रसंगका माझ पनि भ्रष्टाचारविरुद्ध कडा सन्देश दिने छविका कारण कठिन परिस्थितिका बेला समाधानको बाटो देखाइदिने भूमिकामा रहेर काम गर्न उनका सामु लागि सम्भवतस् अहिलेसम्मकै सबैभन्दा ठूलो चुनौती र अवसर रहेको छ ।
(बिबिसी नेपाली सेवा)
काठमाडौँ । पूर्वप्रधानन्यायाधीश सुशीला कार्की अन्तरिम सरकारको पहिलो महिला प्रधानमन्त्री बनेकी छन् ।
नेपालमा न्यायालय स्थापना भएको ६५ वर्षभन्दा लामो इतिहासमा पहिलो महिला प्रधानन्यायाधीश बनेकी उनी शुक्रबार नेपालको पहिलो महिला प्रधानमन्त्री नियुक्त भएकी हुन् । उनलाई राष्टपति रामचन्द्र पौडेलले अन्तरिम सरकारको प्रधानमन्त्री नियुक्त गरेका हुन् ।
राष्ट्रपति कार्यालयमा शुक्रबार साँझ भएको सहमतिसँगै कार्कीको ९ः०० बजे शपथ हुँदैछ । यो सँगै उनी देशको पहिलो महिला नेतृत्वको रुपमा बागडोर सम्हाल्न पुगेकी हुन् । कार्कीले पहिलो महिला प्रधानन्यायाधीश बनेर इतिहास रचेकी थिइन् ।
प्रधानन्याधीशबाट अवकाशको करिब आठ वर्षपछि कार्यपालिकाको नेतृत्व गर्ने पहिलो महिला सरकार प्रमुखको इतिहास पनि रचेकी हुन् ।
न्यायपालिकामा रहँदा हक्की र इमान्दार स्वभावका कारण उनी चर्चामा आएकी हुन् । यसपटक सामाजिक सञ्जाल बन्दको विरोधमा उत्रिएका जेनजीहरूको आन्दोलनपछि देशका तीनवटै अङ्ग ध्वस्त भएका थिए भने प्रधानमन्त्री केपी शर्मा ओलीले राजीनामा दिनुपरेको थियो ।
प्रधानमन्त्रीको राजीनामालगत्तै प्रधानसेनापतिसमेतको सहभागीतामा राष्ट्रपति रामचन्द्र पौडेलले नयाँ सरकार गठनको प्रक्रिया अघि बढाएका थिए ।
कार्कीले जेनजीको प्रदर्शनका दौरान भएको क्षतिग्रस्त संरचनाबाट मुलुकलाई नेतृत्व प्रदान गरेर अबको निर्वाचनपछि आउने नयाँ जनप्रतिनिधिलाई सत्ता हस्तान्तरण गर्नेछिन् ।
भरतपुर । चितवनको भरतपुर महानगरपालिकाका उपप्रमुखको घर जलाउँदा ग्यास पड्किएर एक जनाको मृत्यु भएको छ ।
जेनजी समूहको प्रदर्शनका क्रममा यही भदौ २४ गते दिउँसो उपप्रमुख चित्रसेन अधिकारीको घरमा आगो लगाउँदा ग्यास सिलिन्डर पड्किएर गम्भीर घाइते भएका भरतपुर–२१ का १९ वर्षीय सरोज गुरूङको उपचारका क्रममा आज मृत्यु भएको हो ।
ग्यास पड्किएर गुरूङको टाउको, छाती र पेटमा चोट लागेको थियो । उनको पुरानो मेडिकल कलेज भरतपुरमा उपचार भइरहेको थियो । आगलागीबाट उपप्रमुख अधिकारीको घर पूर्णरूपमा क्षतिग्रस्त भएको जिल्ला प्रहरी कार्यालय चितवनका प्रमुख एवं प्रहरी उपरीक्षक गोविन्द पुरीले जानकारी दिए ।
यस्तै, पूर्वी चितवनको भण्डारामा खानेपानी ट्याङ्कीको चेम्बरमा डुबेर एक जनाको मृत्यु भएको छ । आज बिहान राप्ती नगरपालिका–७ सिक्सग्रुपस्थित अमृतपानी खानेपानी तथा सरसफाइ समितिको चेम्बरभित्र स्थानीय ४० वषीय कमल घलेको डुबेर मृत्यु भएको जिल्ला प्रहरी कार्यालयले जनाएको छ ।
काठमाडौँ । जेनजीका नाममा भएको प्रदर्शनका क्रममा देशभरका विभिन्न कारागार र प्रहरी कार्यालयबाट भागेका झण्डै १५ हजार कैदीबन्दी र थुनुवामध्ये बिहीबार राति ८ः०० बजेसम्म एक हजार ५६७ जनालाई नियन्त्रणमा लिइएको छ ।
नेपाल प्रहरीका केन्द्रीय प्रवक्ता, प्रहरी नायब महानिरीक्षक विनोद घिमिरेका अनुसार नियन्त्रणमा लिइएकाहरुलाई सम्बन्धित कारागार र थुनुवा कक्षमा राखिएको छ । यसरी नियन्त्रणमा लिइएकामा कैदीबन्दी एक हजार ५०९ जना र थुनुवा ५८ जना रहेका छन् ।
अझै १२ हजार ५३३ जना कैदीबन्दी फरार रहेका पनि प्रवक्ता घिमिरेले बताउनुभयो । उहाँले ७९५ जना थुनुवा पनि फरार रहेकाले खोजी जारी रहेको बताए ।
आजै प्रहरी प्रधान कार्यालयले यसरी फरार भएकालाई सम्बन्धित कारागार र प्रहरी कार्यालयहरुमा सम्पर्कमा आउन सार्वजनिक अनुरोध गरिसकेको छ । उनीहरु सबै आगजनी तोडफोड गरी फरार भएका थिए ।
काठमाडौँ । काठमाडौँ उपत्यकाको जनजीवन क्रमशः सामान्य बन्दै गएको छ । अन्य सुरक्षा निकायका समन्वयमा नेपाली सेनाले सुरक्षाको नेतृत्व लिएपछि अहिले काठमाडौँ उपत्यका सहित देशभर नै जनजीवन सामान्यतर्फ अघि बढेको हो ।
आन्दोलनरत जेनजी पुस्ताका प्रतिनिधिहरु वार्ताका लागि प्रतिनिधि छनोट गरेर जाने तयारीमा रहेका छन्भने विभिन्न सङ्घ–सङ्गठनहरुले समस्याको समाधान निकाल्न आह्वान गरिरहेका छन् ।
जेनजीका प्रतिनिधिहरु सडकमा सरसफाइ अभियानमा निस्किएका देखिएको छ । आगजनी गरिएका कार्यालयका कर्मचारीहरु पनि ससरफाइ, कागजात सङ्कलन क्षति भएको संरचना व्यवस्थापन र निर्माणमा पनि सक्रिय भएका छन् । कार्यालय सञ्चालनका लागि आवश्यक कामहरु गरिरहेका छन् ।
सेनाले पनि निषेधाज्ञा तथा कर्फ्यू आदेशलाई क्रमबद्ध खुकुलो बनाउँदै निरन्तरता दिइरहेको छ ।
आज बिहान ६ देखि ९ बजेसम्म आवतजावत र खाद्यान्न खरिदका लागि सहजीकरण गरिएको छभने आज साँझ ५ बजे ७ बजेसम्मका लागि पनि खुला गरिएको सैनिक जनसम्पर्क तथा सूचना निर्देशनालयले सूचना जारी गरी जानकारी दिएको छ ।
सैनिक जनसम्पर्क तथा सूचना निर्देशनालयका अनुसार निषेधाज्ञा भदौ २६ गतेको बिहान १० देखि बेलुकी ५ बजेसम्म लागू हुनेछ । कर्फ्यू भने भदौ २६ गते बेलुकी ७ देखि भदौ २७ गते बिहान ६ बजेसम्मका लागि जारी गरिएको छ ।
काठमाडौँ उपत्यका तथा जिल्लाहरुमा अहिले नेपाली सेनाको नेतृत्वमा अन्य सुरक्षा निकायसँगको समन्वयमा शान्तिसुरक्षा प्रभावकारी बनाइएको छ । उपत्यकामा अत्यावश्यक कामका लागि हिँड्डुलमा कुनै समस्या देखिएको छैन । तर अनावश्यक रुपमा हिँड्ने तथा भेला हुने कार्यलाई पूर्ण रुपमा निषेध गरिएको छ ।
निषेधाज्ञा तथा कर्फ्यू समय अत्यावश्यक सेवाका एम्बुलेन्स, शववाहन, दमकल, स्वास्थ्यकर्मी, सुरक्षाकर्मी र सञ्चारकर्मीका साथै, खाद्यान्न, इन्धन, दूध, तरकारी, पानी र औषधि ओसारपसार गर्ने सवारीसाधनहरू सञ्चालन गर्न सकिने सेनाले जानकारी दिएको छ ।
उक्त समयमा सरकारी कार्यालय, बैङ्क तथा वित्तीय संस्थालगायत सार्वजनिक संस्थानमा कार्यरत कर्मचारीले आफ्नो परिचयपत्र देखाई कार्यालयसम्म आवतजावत गर्न सक्ने छन् ।
यस्तै, आन्तरिक तथा अन्तरराष्ट्रिय उडानका यात्रुहरूले आफ्नो उडानको टिकट देखाई विमानस्थलसम्म आवतजावत गर्न पनि सक्ने सेनाले स्पष्ट गरेको छ ।
उपत्यकामा आवश्यक सहायताका लागि नजिकमा रहेका सुरक्षाकर्मीहरूसँग समन्वय गर्न अनुरोध पनि गरिएको छ ।
काठमाडौँ । सर्वोच्च अदालतले यही भदौ २९ गतेदेखि नियमित सुनुवाइ गर्ने भएको छ । अदालतले बन्दी प्रत्यक्षीकरणका निवेदन पनि सोही दिनदेखि नै दर्ता गर्ने जनाएको छ ।
प्रधानन्यायाधीश प्रकाशमानसिंह राउतको अध्यक्षतामा भएको आकष्मिक बैठकले उक्त निर्णय गरेको हो । बैठकले यही भदौ २३ र २४ मा भएका घटनाप्रति दुःख व्यक्त गर्दै मृतकहरूप्रति श्रद्धाञ्जली अर्पण र घाइतेहरूको शीघ्र स्वास्थ्यलाभको कामना गरेको छ ।
सर्वोच्चले जारी गरेको विज्ञप्तिमा आन्दोलनका क्रममा सर्वोच्चसहित देशभरका अदालतमा आगजनी, ढुङ्गामुढा, तोडफोड र लुटपाट हुँदा भवन, उपकरण, सवारीसाधन तथा ऐतिहासिक दस्तावेजहरूमा क्षति भएको जनाउँदै देशको न्यायिक इतिहाससँग सम्बन्धित महत्वपूर्ण अभिलेखहरू करिब नष्ट हुन पुगेकामा गहिरो पीडा प्रकट गरिएको छ ।
“जे जस्तो अवस्था र परिस्थिति भए पनि न्यायको मार्गमा अविचलित र दृढ रहदै आमनागरिकको न्यायप्रतिको अपेक्षालाई सम्बोधन गर्न यथाशीघ्र अदालतहरु सञ्चालनमा ल्याउने प्रतिबद्धता व्यक्त गर्दछौँ,” विज्ञप्तिमा भनिएको छ ।
बैठकले भदौ २३ र २४ गतेका घटनामा ज्यान गुमाएकाहरुप्रति दुःख व्यक्त गर्दै शोकाकूल परिवारजनमा हार्दिक समवेदना प्रकट गरेको छ । साथै, घाइतेको शीघ्र स्वास्थ्य लाभको कामना गरेको छ ।
काठमाडौँ । त्रिभुवन अन्तर्राष्ट्रिय विमानस्थलको हवाई उडान नियमित रुपमा सञ्चालन भइरहेको छ ।
विमानस्थलका महाप्रबन्धक हंशराज पाण्डेका अनुसार बुधबार साँझदेखि नै विमानस्थलको उडान नियमितरुपमा सञ्चालन भइरहेको छ । “विगतका दिनहरुमा जस्तै आन्तरिक र अन्तर्राष्ट्रिय उडान सामान्य रुपमा सञ्चालन भइरहेको छ । यात्रु आवागमनलाई सहज तुल्याउन सुरक्षा निकायसँग समन्वय गरिएको छ”, उनले भने ।
विमानस्थलको हालको उडान तालिका भन्दा उडान थप्नसक्ने अवस्था नरहेको र विगतकै क्षमतामा हवाई उडान नियमित गरिने विमानस्थलले जनाएको छ ।
काठमाडौँ उपत्यकामा निषेधाज्ञा जारी रहेकाले हवाई यात्रुलाई परिचय खुल्ने कागजातका आधारमा आवतजावतमा सहजीकरण गरिएको छ । नेपाल पर्यटन बोर्डले सटल बसको व्यवस्था गरी विदेशी पर्यटकलाई गन्तव्यमा पु¥याइने जनाएको छ । यता वायुसेवा कम्पनीले पनि आफ्ना यात्रुलाई विभिन्न व्यवस्था गरेर गन्तव्य लगिरहेको विमानस्थलले जनाएको छ ।
निजी क्षेत्रका हवाई कम्पनी बुद्ध एयरका सूचना अधिकारी दीपेन्द्रकुमार कर्णका अनुसार आज बिहानदेखि नियमित रुपमा उडानहरु भइरहेका छन् । काठमाडौँ र बाहिरका गन्तव्यमा दुई तीन दिनदेखि रोकिएका यात्रुलाई लैजानुपर्नेछ ।
‘जेनजी पुस्ता’का कारण विषम परिस्थिति उत्पन्न भए पनि यही भदौ २४ गतेदेखि त्रिभुवन अन्तर्राष्ट्रिय विमानस्थल बन्द गरिएको थियो । विमानस्थल सुरक्षा समितिको बैठकको निर्णय अनुसार बुधबार दिउँसो ३ः३० बजेदेखि त्रिभुवन अन्तर्राष्ट्रिय विमानस्थलको उडान पुनः थाल्ने निर्णय गरिएको थियो । बुधबार साँझदेखि नै आन्तरिक र अन्तर्राष्ट्रिय दुवै उडान सञ्चालन भइरहेका छन् ।
विमानस्थलले हवाई उडानका लागि विमानस्थल आवागमन गर्ने यात्रुले आ–आफ्नो वायुसेवा कम्पनीसँग सम्पर्क गरी उडान समयको जानकारी लिएर विमानस्थल आउन अनुरोध गरेको छ । साथै यसरी आवतजावत गर्दा आधिकारिक हवाई टिकट र परिचय खुल्ने कागजात साथमा लिई आउन समेत भनिएको छ ।
त्रिभुवन अन्तर्राष्ट्रिय विमानस्थल भएर दैनिक तीनसयभन्दा बढी उडान हुन्छ । यसमध्ये आन्तरिकतर्फ दुई सय ५० भन्दा बढी र अन्तरराष्ट्रियमा दैनिक १०० हाराहारी उडान हुन्छ । विमानस्थल बिहान ६ः०० बजेदेखि राति १३ः०० बजेसम्म सञ्चालन हुँदै आएको छ । आन्तरिकतर्फ १२ हेलिकप्टर कम्पनीसहित २१ वायुसेवा कम्पनीले सेवा दिइरहेका छन् । अन्तर्राष्ट्रियतर्फ तीन नेपालीसहित ३० हवाई कम्पनीले उडान भर्दै आएका छन् ।
काठमाडौँ । जेनजी पुस्ताका नाममा भएको हिंसात्मक प्रदर्शनमा घाइते भएका तीन जना प्रहरीको मृत्यु भएको छ ।
नेपाल प्रहरीका केन्द्रीय प्रवक्ता, प्रहरी नायब महानिरीक्षक विनोद घिमिरेले आज उनीहरूको मृत्यु पुष्टि भएको जानकारी दिए ।
उनले महाराजगञ्ज प्रहरी वृत्तमा कार्यरत प्रहरी सहायक निरीक्षक मिलन राई र प्रहरी जवान उत्तम थापा तथा कोटेश्वरका प्रहरी जवान अमृत गुरुङको उपचारका क्रममा आज मृत्यु भएको जानकारी दिए ।
यो सँगै उक्त आन्दोलनमा मृत्यु हुनेको सङ्ख्या २२ पुगेको छ । यसअघि यही भदौ २३ गते भएको जेनजी पुस्ताको आन्दोलनमा १९ जनाको मृत्यु भएको थियो । अन्य ४०० बढी घाइते भएका थिए ।
यसैबीच उनले अहिलेसम्म देशभरका विभिन्न कारागारबाट १३ हजार ५०० बढी कैदी तथा ५०० जति थुनुवा पनि फरार भएका जानकारी दिए । तीमध्ये केहीलाई भने पक्राउ गरिएको उनले बताए ।
रत्ननगर । रत्ननगर नगरपालिकाले सोमबार काठमाडौँलगायत देशभरका सहरमा जेनजी पुस्ताको प्रदर्शनका क्रममा भएको दुखद् घटनामा ज्यान गुमाएका नागरिकप्रति शोक व्यक्त गर्दै दुईदिने शोक बिदा घोषणा गरेको छ ।
नगरपालिकाले जारी गरेको सूचनाअनुसार, भदौ २४ र २५ गते नगरपालिकाअन्तर्गतका सबै वडा कार्यालय, स्वास्थ्य संस्था (अत्यावश्यक सेवाबाहेक), शैक्षिक संस्था तथा सम्पूर्ण संघसंस्थाहरुमा शोक बिदा रहने छ ।
नगरप्रमुख प्रलाद सापकोटाद्वारा हस्ताक्षरित सूचनामा भनिएको छ, “काठमाडौँलगायत विभिन्न स्थानमा भएको प्रदर्शनका क्रममा ठूलो सङ्ख्यामा नागरिकको ज्यान गएको घटनाले हामीलाई अत्यन्त मर्माहत बनाएको छ । मृतकका परिवारप्रति गहिरो समवेदना र सहानुभूति व्यक्त गर्दै घाइतेहरुको शीघ्र स्वास्थ्य लाभको कामनासहित उपचारको व्यवस्था मिलाउन नेपाल सरकारसँग अपिल गर्दछौँ ।”
नगरपालिकाले लोकतन्त्रमा शान्तिपूर्ण प्रदर्शन गर्न पाउने नागरिकको अधिकारप्रति आफ्नो प्रतिबद्धता दोहोर्याउँदै यो विषम परिस्थितिमा संयमता, धैर्यता र शान्ति कायम गर्न सबैमा अपिलसमेत गरेको छ ।
चितवन । चितवनका संस्थागत विद्यालयहरू मंगलबार बन्द गरिएको छ । मंगलबार निजी विद्यालयहरूको छाता संगठन प्याब्सन चितवन र संस्थागत विद्यालय अभिभावक संघ, चितवनले संयुक्त अपिल जारी गर्दै विद्यालय बन्द रहने घोषणा गरेको हो ।
प्याब्सन चितवनका अध्यक्ष मदन पुरी र संस्थागत विद्यालय अभिभावक संघ, चितवनका अध्यक्ष सूर्यकान्त न्यौपानेद्वारा हस्ताक्षरित अपिलमा भनिएको छ– ‘भदौ २३ गते काठमाडौँलगायत विभिन्न सहरहरूमा भएका प्रदर्शनका क्रममा ठूलो सङ्ख्यामा विद्यार्थी तथा सर्वसाधारणको निधन भएकोप्रति हामी गहिरो दुःख व्यक्त गर्दछौँ, घाइतेहरूको शीघ्र स्वास्थ्यलाभको कामना गर्दै दिवङ्गत विद्यार्थी तथा सर्वसाधारणप्रति भावपूर्ण श्रद्धाञ्जली व्यक्त गर्दछौँ साथै मृतकका परिवारजनप्रति गहिरो समवेदना व्यक्त गर्दछौँ ।’
जारी गरिएको अपिलमा आफ्ना बाबुनानीहरूलाई घरमै सुरक्षित र संयमित राख्न अभिभावकसँग अनुरोध गरिएको छ भने घाइतेहरूको उपचारमा कुनै कमि हुन नदिन र वार्ताको माध्यमबाट यथाशीघ्र समस्याको समाधान निकाल्न आग्रह गरिएको छ ।
महानगरका विद्यालय दुई दिन बन्द
यसैबीच, भरतपुर महानरपालिकाको शैक्षिक प्रशासन महाशाखाले एक सूचना जारी गर्दै यस विषम परिस्थितिमा भरतपुर महानगरभित्रका सामुदायिक, संस्थागत र मन्टेस्वरीलगायतका सम्पूर्ण शैक्षिक संस्था बन्द गर्न निर्देशन दिएको छ ।
सूचनामा ‘पछिल्लो समय विकसित घटनाक्रमलाई मध्यनजर गर्दै भरतपुर महानगरपालिकाभित्रका सम्पूर्ण सामुदायिक, संस्थागत, मन्टेस्वरीलगायतका सम्पूर्ण शिक्षण संस्था भदौ २४ र २५ गते दुई दिन बिदा हुने व्यहोरा निर्देशानुसार जानकारी गराइन्छ ।’
चितवन । ‘जेनजी’ पुस्ताको नाममा भएको प्रदर्शनका क्रममा हालसम्म मुलुकभर १९ जनाको मृत्यु भएको छ । स्वास्थ्य तथा जनसङ्ख्या मन्त्रालयले हालसम्म तीन सय ४७ जना घाइते भएको जनाएको छ ।
मन्त्रालयका अनुसार सिभिल अस्पतालमा उपचार गर्ने क्रममा तीन जनाको मृत्यु भएको छ भने एक सय जनाको उपचार भइरहेको छ । यस्तै, वीर अस्पतालमा छ जनाको उपचार भइरहेको छ । राष्ट्रिय ट्रमा सेन्टरमा ५९ जना उपचाररत छन् भने उपचारका क्रममा आठ जनाको मृत्यु भएको छ ।
यसैगरी, बानेश्वरस्थित एभरेष्ट अस्पतालमा एक सय दुई जना घाइतेको उपचार भइरहेको र तीन जनाको मृत्यु भइसकेको जानकारी प्रपात् भएको मन्त्रालयले जनाएको छ । आठ जनालाई अन्यत्र रेफर गरिएको छ ।
यस्तै, पाटन स्वास्थ्य विज्ञान प्रतिष्ठानमा चार जनाको उपचार भइरहेको छ । काठमाडौँ मेडिकल कलेज शिक्षण अस्पतालमा ३७ जनाको उपचार भइरहेको छ भने उपचाररत दुई जनाको मृत्यु भएको छ । घाइतेमध्ये छ जनाको शल्यक्रिया गर्नुपर्ने अस्पतालले जनाएको मन्त्रालयले उल्लेख गरेको छ । यसैगरी, नर्भिक अस्पतालमा तीन जनाको उपचार भइरहेको छ ।
मन्त्रालयले त्रिवि शिक्षण अस्पतालमा १८ जनाको उपचार भइरहेको र एक जनाको मृत्यु भइसकेको जनाएको छ । काठमाडौँ उपत्यबाहिर गण्डकी मेडिकल कलेजमा एक जना, पोखरा स्वास्थ्य विज्ञान प्रतिष्ठानमा दुई जना, विराट मेडिकल कलेजमा चार जना, दमक अस्पतालमा सात जनाको उपचार भइरहेको पनि स्वास्थ्य मन्त्रालयले जानकारी दिएको छ ।
भरतपुर । भरतपुर महानगरपालिका वडा नं–३, बेलचोकस्थित बेवारिसे अवस्थामा भेटिएका अन्दाजी ८० वर्षीय वृद्धको मानवसेवा आश्रममा मृत्यु भएको छ ।
भदौ २० गते रत्ननगर–१३ बाट नामथर वतन नखुलेका आप्पा भनेर चिनिने वृद्धको उद्धार गरी भरतपुर–३, बेलचोकस्थित मानवसेवा आश्रममा ल्याइ राखेकोमा भदौ २२ गते बेलुकी ४ः३० बजे मृत्यु भएको प्रहरीले जनाएको छ ।
यसैगरी, भरतपुर–३, पुलचोकमा बेवारिसे अवस्थामा भेटिएकी २२ वर्षीया युवतीलाई वडा प्रहरी कार्यालय नारायणगढबाट खटिएको प्रहरी टोलीले उद्धार गरी भरतपुर अस्पताल लगेको थियो ।
धादिङको गजुरी घर बताउने अन्दाजी २२ वर्षीया सुस्मिता गुरूङ दाहिने खुट्टामा घाउ भई खुट्टा फुलिएर हिँडडुल गर्न नसक्ने अवस्थामा प्रहरीले उद्धार गरेको थियो । निजको आइतबार बेलुकी ९ः०० बजे उपचारका क्रममा मृत्यु भएको प्रहरीले जनाएको छ ।
भरतपुर । भरतपुर महानगरपालिका वडा नं-१०, स्याउलीबजारस्थित रोकिराखेको ट्रकमा ठोक्किँदा मोटरसाइकलमा सवार दुई जना घाइते भएका छन् ।
कारागारबाट हाकिम चोकतर्फ जाँदै गरेको हाल नम्बर नखुलेको मोटरसाइकल बागमती प्रदेश ०३-००१ ख ३६२० नम्बरको ट्रकमा ठोक्किँदा चालक भरतपुर-१२ बस्ने ३२ वर्षीय सागर पौडेल र मोटरसाइकलपछाडि सवार नुवाकोट घर भई हाल भरतपुर ९ बस्ने ३२ वर्षीय सुन्दर श्रेष्ठ घाइते भएका हुन् ।
चालकले मोटरसाइकल घटनास्थलबाट अन्यत्र राखी अस्पताल गएकाले खोजतलास कार्य भइरहेको र ट्रक चालक भरतपुर-१० बस्ने ३३ वर्षीय सुरेश कँडेल प्रहरीको सम्पर्कमा रहेको जिल्ला प्रहरी कार्यालय चितवनले जनाएको छ ।
रत्ननगर । रत्ननगर नगरपालिका, महिला बालबालिका तथा ज्येष्ठ नागरिक शाखाको आयोजनामा मानव बेचबिखनविरूद्धको १८औँ राष्ट्रिय दिवसका अवसरमा कानुनी सचेतनासम्बन्धी अन्तर्क्रिया गरिएको छ ।
कार्यक्रमका प्रमुखअतिथि कार्यवाहक नगरप्रमुख बालकृष्ण चापागाईंले सूचना प्रविधिको विकाससँगै मानव बेचबिखनको स्वरुप बदलिँदै गएको अवस्थामा समाजका हरेक तप्कामा मानिस सचेत हुनुपर्नेमा जोड दिए ।
मानव बेचबिखन तथा ओसारपसार एक जघन्य अपराध भएको बताउँदै यो सामाजिकरुपमा निन्दनीय र कानुनीरुपमा दण्डनीय भएकोले समाजको कलङ्कका रुपमा रहेको यस जघन्य अपराधको रोकथाम र नियन्त्रणका लागि तीनै तहका सरकार र राज्यका निकायहरुले सक्रियतापूर्वक काम गर्न जरूरी रहेको बताए ।
मानव बेचबिखन तथा ओसारपसारजस्तो जघन्य अपराधलाई जरैदेखि उन्मूलन गर्न, पीडितलाई उचित न्याय दिलाउन र पीडकलाई कानुनी दायरामा ल्याउन नसकिए यस दुष्चक्रमा परेर कैयौँ मानव बेचबिखनको सिकारमा पर्ने जोखिम रहेको उनले बताए । आफ्नो वडामा विद्यार्थीमार्फत जनसमुदायमा सचेतना फैलाउन विद्यालयहरुमा मानव बेचबिखन, लागू पदार्थ दुर्व्यसन न्यूनीकरणसम्बन्धी कार्यक्रम गर्दै आएको उनको भनाइ थियो ।
कार्यक्रममा इलाका प्रहरी कार्यालय रत्ननगरका प्रमुख डिएसपी रञ्जन अवाले आफ्नो कार्यालयमा दैनिक दुई–तीनवटा सामाजिक सञ्जालमार्फत हुने साइबर अपराध, यौन हिंसा, हनी ट्रयाप र ह्याकरमार्फत भइरहेका ठगीसम्बन्धी उजुरी पर्ने गरेको बताउँदै सामाजिक सञ्जालको प्रयोग गर्दा निकै चनाखो हुनुपर्नेमा जोड दिए ।
अहिले विदेशबाट सञ्चालित सामाजिक सञ्जालमार्फत हुने अपराध र ठगीका घटनामा अनुसन्धान गर्न कानुनी जटिलता रहेकोले सरकारले नियमनका लागि सामाजिक सञ्जाल नेपालमै दर्ता गरी सम्पर्क व्यक्ति तोक्नका लागि पछिल्लो कदम चालेको बताए ।
‘प्रहरीमा उजुरी परेपछि ३५ दिनभित्र घटनाको अनुसन्धान गरी अदालत पठाउनुपर्ने हुन्छ’, उनले भने, ‘नेपालमा कार्यालय नभएका सामाजिक सञ्जालमार्फत भएका घटनाको बारेमा पत्राचार गर्दा भारत, सिंगापुर हुँदै अमेरिकाबाट जवाफ आउँदा ३५ दिन कटिसकेको हुन्छ ।’ त्यसैले, सामाजिक सञ्जालहरु नियमन हुँदा कुनै घटनाको अनुसन्धान गर्दा सम्पर्क कार्यालय वा व्यक्तिबाट चाँडै रेस्पोन्स हुने उनले बताए ।
फेसबुक, म्यासेन्जर, इन्स्टाग्राम, ह्वाट्सएप, भाइबरजस्ता प्लेटफर्मको प्रयोग गरी अपराधीहरुले प्रेम सम्बन्ध गाँस्ने, व्यक्तिगत विवरण सङ्कलन गर्ने, चिठ्ठा परेको भन्दै प्रलोभन देखाउने, गोप्य अङ्गको भिडियो खिचेर बार्गेनिङ गर्ने, उपहार पठाइदिने भन्दै पैसा जम्मा गर्न लगाउने, बैंक एकाउन्टमार्फत रकम चोरी गर्नेजस्ता घटना भइरहेको भन्दै हरेक परिवारका सदस्य चनाखो हुनुपर्ने समय आएको उनले बताए । उनले चाडबाडको समयमा घरबाहिर जाँदा आफन्त वा छिमेकीको जिम्मा लगाउन सुझाव दिए ।
आफ्ना छोराछोरीले कस्ता सामाजिक सञ्जाल प्रयोग गरिरहेका छन्, कहाँ जान्छन्, कस्तो व्यक्तिको संगतमा छन् र आमाबाबुलाई ढाँटेर कस्तो गतिविधिमा लागेका छन् भन्ने कुरा अब सबैले जान्न आवश्यक रहेको उनले बताए । मोबाइलमा ‘लोकेसन ट्रयाक’ गरेर पनि यसबारे जानकारी राख्न आवश्यक भइसकेको उनले बताए ।
कार्यक्रममा उनले आफ्नो कार्यालयमा उजुरी परेका र प्रकाशमा आएका केही घटनाक्रमबारे उदाहरण प्रस्तुत गरेका थिए । उनले विभिन्न गिरोहले वैदेशिक रोजगारका नाममा गाउँका सीधासाधा युवा र युवतीलाई प्रलोभन देखाएर मानव तस्करी हुने गरेका दृष्टान्तसमेत प्रस्तुत गरे ।
यसैगरी, प्रमुख प्रशासकीय अधिकृत प्रकाश खनालले मानव बेचबिखन तथा ओसारपसार (नियन्त्रण) ऐन, २०६४ मा रहेका कानुनी प्रावधानबारे आफ्नो प्रस्तुति दिएका थिए । मानव बेचबिखनले डरलाग्दो रुप लिइरहेको भन्दै उनले चिन्ता प्रकट गरे । सुरूवातमा भारतका कोठीहरुमा चेलीबेटी बेचबिखन हुने गरेकोमा अहिले बालबालिका, युवा, महिला सबै जोखिममा रहेकोले मानव बेचबिखन भन्ने गरिएको उनले बताए ।
पहिले अशिक्षित र ग्रामीण क्षेत्रका युवतीहरु बेचबिखनमा पर्ने गरेकोमा अहिले शिक्षित र जानेबुझेकै मानिसहरु पनि दलालको फन्दामा पर्ने गरेको उनले बताए । नेपालबाट भिजिट भिसामार्फत दलालहरुले युएई, कुबेतलगायतका देशमा पु¥याउने गरेको र यसरी श्रम सम्झौताबिना अवैधरुपमा बिदेसिएकामध्ये २० प्रतिशत महिला यौन हिंसा र बेचविखनमा पर्ने गरेको उनले सुनाए ।
मानव बेचबिखनका घटनामा अपराधबाट हुने सजायभन्दा दलालहरुले लिने लाभ बढी रहेको अवस्था चित्रण गर्दै उनले समाजका हरेक वर्ग समूहमा यसबारे जनचेतना फैलाउन अपरिहार्य रहेको बताए । कोही पनि हिंसा र बेचबिखनमा नपरुन् भन्ने उद्देश्यले स्थानीय सरकारमा महिला, बालबालिका तथा ज्येष्ठ नागरिक शाखा र प्रहरी कार्यालयमा महिला सेल रहेकाले शङ्कास्पद व्यक्ति, गिरोह र अवैधरुपमा विदेश पठाउने दलालविरूद्ध जानकारी दिन सकिने उनको भनाइ थियो ।
कार्यपालिका सदस्य एवम् लक्षित वर्ग महिला व्यवस्थापन समितिका संयोजक बबिताकुमारी चौधरीको अध्यक्षतामा सम्पन्न कार्यक्रमको सहजीकरण तथा सञ्चालन महिला, बालबालिका तथा ज्येष्ठ नागरिक शाखाका प्रमुख दीपा घिमिरेले गरेकी थिइन् । कार्यक्रममा रत्ननगर नगरपालिकाका जनप्रतिनिधि, महिला समूह, आमा अमूह, बचत तथा सहकारी संस्था एवम् विभिन्न सामाजिक संघसंस्थामा आबद्ध २०० बढी महिलाको सहभागिता रहेको थियो ।
रत्ननगर । रत्ननगर-३ वडा कार्यालय र विपी कोइराला मेमोरियल क्यान्सर अस्पताल भरतपुरको संयुक्त आयोजनामा स्तन तथा पाठेघरको मुखको क्यान्सर जाँचसम्बन्धी स्वास्थ्य शिविर सम्पन्न भएको छ ।
शिविरको पहिलो दिन १०३ जनाको पाठेघरको मुखको क्यान्सर परीक्षण तथा ३० जनाको स्तन क्यान्सर परीक्षण गरिएको आधारभूत स्वास्थ्यकेन्द्र इन्चार्ज निर्दोषी घिमिरेले जानकारी दिइन् । शिविरमा एक जनामा पाठेघरको मुखको क्यान्सर पाइएको छ भने १२ जनामा पाठेघरको मुखमा सङ्क्रमण र महिनामारी समयमै नहुने १३ जनाको उपचार गरिएको छ ।
स्तनबाट पिप र रगत बग्ने समस्या भएका ३ जना, स्तनमा गठागुठी देखिएका ७ जना र स्तन दुख्ने समस्या भएका ६ जनाको उपचार गरिएको घिमिरेले बताइन् ।
वडाध्यक्ष सोहेन्द्रराज खरेलको अध्यक्षतामा भएको शिविर उद्घाटन कार्यक्रममा प्रमुखअतिथि विपी कोइराला मेमोरियल क्यान्सर अस्पताल सञ्चालक समिति सदस्य शिला अधिकारी रहेकी थिइन् । कार्यक्रममा अस्पतालका कार्यकारी निर्देशक डा. शिवजी पौडेल र उपनिर्देशक डा. उमेश नेपालको विशेष उपस्थिति थियो ।
सो अवसरमा प्रमुखअतिथि अधिकारीले क्यान्सरजस्तो प्राणघातक रोगबाट महिलाहरूलाई जोगाउन शिविर सञ्चालन गरिएको बताइन् । वडाध्यक्ष खरेलले स्तन र पाठेघरमा हुन सक्ने क्यान्सर रोकथामका लागि घरआँगनमै स्वास्थ्य सेवा पुर्याउने उद्देश्यले शिविर आयोजना गरिएको स्पष्ट पारे ।
शिविरमा प्रसूति रोग विशेषज्ञ डा. मञ्जु पाण्डे र स्तन शल्य चिकित्सक डा. अनुप भट्टचनको नेतृत्वमा चिकित्सकहरूको टोलीले महिलाहरूको परीक्षण गरेका थिए ।
आधारभूत स्वास्थ्यकेन्द्रमा सञ्चालित कार्यक्रममा वडा सदस्य शिव खनालले स्वागत मन्तव्य राखेका थिए । कार्यक्रममा वडा सदस्य बैसखनी थरुनी, महिला स्वास्थ्य स्वयंसेविका समन्वय समिति रत्ननगरकी अध्यक्ष मीना गिरी, लेखक तथा साहित्यकार कमल अर्याललगायत टोल विकास संस्थाका अध्यक्षहरूको सहभागिता थियो ।
रत्ननगर । रत्ननगर–१० मा रहेको जुनियर रेडक्रस सर्कल एकता शिशु निकेतनले आयोजना गरेको खुला रक्तदान कार्यक्रममा छ महिलासहित ४४ जनाले रक्तदान गरेका छन् ।
कार्यक्रमका प्रमुखअतिथि नेपाल रेडक्रस सोसाइटी चितवनका सभापति हरिप्रसाद पौडेलले चितवन स्वास्थ्य नगरीको रूपमा स्थापित भएको सन्दर्भमा एकता शिशु निकेतनले हरेक वर्ष आयोजना गर्ने रक्तदान कार्यक्रमको महत्त्वपूर्ण भूमिका रहेको बताए । उनले भने, “यो विद्यालयले विद्यार्थीहरूमा मानवताको भावना जगाउनुका साथै रेडक्रसका हरेक गतिविधिमा देखाएको सक्रियता र सहयोगप्रति हामी आभारी छौँ ।”
कार्यक्रममा विद्यालयका प्राचार्य तथा जुनियर रेडक्रस सर्कल एकता शिशु निकेतनका संरक्षक बालहरि देवकोटाले रेडक्रसका हरेक कार्यमा सहभागी हुन पाउनु गौरवको विषय भएको बताए । उनले आगामी दिनमा पनि रक्तदान र मानवसेवाका कार्यमा निरन्तर जोडिने प्रतिबद्धता व्यक्त गरे ।
जुनियर रेडक्रस सर्कल एकता शिशु निकेतनकी अध्यक्ष अर्जिना आचार्यको अध्यक्षतामा सम्पन्न कार्यक्रममा विजयराज खनाल, रेडक्रस उपशाखा रत्ननगरकी अध्यक्ष अनु गौतम, आशाबहादुर गुरूङ, कृष्ण आचार्यलगायतले मन्तव्य राखेका थिए ।
रत्ननगर । रत्ननगर नगरपालिका वडा नं–१ अन्तर्गत सिर्जना टोल सुधार समितिको पाँचौँ अधिवेशनले तिलक पौडेलको अध्यक्षतामा नयाँ कार्यसमिति चयन गरेको छ ।
नवनिर्वाचित कार्यसमितिको उपाध्यक्षमा एलिना पराजुली, सचिवमा डिल्लीप्रसाद आचार्य, सहसचिवमा देवी पौडेल र कोषाध्यक्षमा शंकर क्षेत्री चयन भएका छन् । यस्तै, सदस्यहरुमा दिल्लीप्रसाद सुवेदी, दिल्लीप्रसाद पौडेल र शर्मिला बिडा रहेका छन् ।
यस्तै,लेखनाथ पौडेलको संयोजकत्वमा कृष्णदेव गौतम र गोमा रेग्मी सदस्य रहने गरी लेखासमिति चयन गरिएको छ ।
रत्ननगर–१ का वडाध्यक्ष कुलप्रसाद सापकोटाको प्रमुख आतिथ्यता रहेको कार्यक्रममा ज्येष्ठ सदस्य देवदत्त उपाध्याय, रत्ननगर टोल अध्यक्ष कपिल श्रेष्ठ, सरस्वती टोलका अध्यक्ष टीकाराम ढकाल र जागृति टोलका अध्यक्ष विष्णु पौडेललगायतको सहभागिता रहेको थियो ।
नवनिर्वाचित अध्यक्ष तिलक पौडेलले टोल सुधार, सरसफाइ, पूर्वाधार विकास र सामुदायिक समृद्धिका लागि सक्रियतापूवर्क काम गर्ने प्रतिबद्धता व्यक्त गर्दै सबै टोलवासीलाई सहकार्य र समर्थनका लागि आग्रह गरे ।
रत्ननगर । रत्ननगर–१५ वडा कार्यालयले सुत्केरी र गर्भवती महिलालाई आइतबार पौष्टिक आहार वितरण गरेको छ । सो वडाले १० जना सुत्केरी र ६ जना गर्भवती गरी १६ जनालाई कुखुराको भाले, दुई किलो नौनी घ्यु, एक क्रेट अन्डा, एक किलो मह, मुङको दाल, चनालगायत सरसफाइका सामग्री प्रदान गरेको हो ।
आधारभूत स्वास्थ्य सेवाकेन्द्रमा आयोजित कार्यक्रममा वडाध्यक्ष आशिक तामाङले सुत्केरी र गर्भवती महिलालाई पौष्टिक आहारलगायतका सामग्री हस्तान्तरण गरेका हुन् ।
वडाध्यक्ष तामाङले सुरक्षित मातृत्व कार्यक्रमअन्तर्गत सुत्केरी आमा र शिशुको स्वास्थ्य सुरक्षा सुनिश्चित गर्न पौष्टिक आहार वितरण गरिएको बताए । उनले स्थानीय किसानले उत्पादन गरेका कुखुरा, अन्डा, नौनी घ्युलगायत सामग्री खरिद गरी वितरण गरिएको जानकारी दिए । यसबाट स्थानीय उत्पादनलाई पनि प्रोत्साहन गर्न टेवा मिल्ने उनले बताए ।
‘सुत्केरी र गर्भवतीको पोषण तथा स्वास्थ्य स्थानीय सरकारको जिम्मेवारी हो’, उनले भने, ‘पूर्वाधार निर्माण मात्र विकास होइन, नागरिकको स्वास्थ्य र सुरक्षा पनि उत्तिकै मह¤वपूर्ण छ ।’ माधवपुरवासीको सुखदुःखमा वडा कार्यालय सधैँ साथमा रहेको अनुभूति दिलाउन सो कार्यक्रम आयोजना गरिएको उनको भनाइ थियो ।
वडाले सुत्केरी र गर्भवतीलाई पौष्टिक आहारसँगै भ्याक्सिन, भिडियो एक्स–रे लगायतका आधारभूत स्वास्थ्यसेवा प्रदान गर्दै आएको छ । स्वास्थ्य सेवाकेन्द्रकी प्रमुख रोजिना गिरीका अनुसार विभिन्न चरणमा १५५ जना सुत्केरी र गर्भवती महिलालाई पोषण सामग्री वितरण गरिसकिएको छ ।
कार्यक्रममा वडा सदस्यहरू शिव तिवारी, इमप्रसाद पन्त, लीलादेवी पोखरेल, रुकमाया परियार, वडा सचिव नवराज तिवारी, सामुदायिक महिला स्वास्थ्य स्वय्सेविका लगायतको उपस्थिति थियो । वडा सदस्य रुकमाया परियारले स्वागत मन्तव्य राखेको कार्यक्रम स्वास्थ्य सेवाकेन्द्रकी प्रमुख रोगिना गिरीले सञ्चालन गरेकी थिइन् ।
चितवन । ओमप्रकाश गुरूङ निर्देशित चलचित्र ‘पुर्खाको थलो’ नारायणगढमा प्रदर्शन गरिएको छ । गुरूङ संस्कृतिमा आधारित नेपाली भाषाको चलचित्रलाई पोखरा र हङ्कङपछि चितवनमा प्रदर्शन गरिएको हो । चलचित्र हेर्न इन्द्रदेव सिनेमा आएका दर्शकले हल भरिभराउ थियो ।
अपेक्षाअनुसार दर्शकको उपस्थितिले चलचित्रकर्मीमा उत्साह थपिएको चलचित्रका बजार व्यवस्थापक एवम् कलाकार अमिर गुरूङले जानकारी दिए । सामाजिक कथावस्तुमा तयार भएको चलचित्रको कथावस्तु र प्रस्तुतीकरणमा सकारात्मक प्रतिक्रिया पाउँदा चलचित्रकर्मीमा हौसला थपिएको उनले बताए ।
चलचित्रको कथा लेखन र सम्पादनसमेत ओमप्रकाश गुरूङले नै गरेका छन् । मुनाल फिल्म प्रालिको ब्यानरमा निर्माण भएको आठौँ चलचित्र पुर्खाको थलोले देश छाडेर विदेश जाँदा देखिने गाउँले परिवेशलाई मुख्य कथा बनाएको छ । माया, प्रेम, द्वन्द्वजस्ता विषयलाई कलात्मक ढङ्गले प्रस्तुत गर्न निर्देशक सक्षम देखिएका छन् ।
कुविना गुरूङसँगै दिल घले, उत्तरबहादुर गुरूङ, खिमकुमारी गुरूङ र जोगमाया गुरूङको लगानी रहेको चलचित्रलाई पिटर गुरूङ, खेमेन्द्र गुरूङ र जलन गुरूङले खिचेका हुन् । गणेशमान घले, लक्ष्मी गुरूङ, ओमप्रकाश गुरूङ, डिबी गुरूङ, लालशोभा गुरूङ, गणेश गुरूङ, शुष्मा गुरूङ, उत्तरबहादुर गुरूङ, कविता गुरूङ, अमिर गुरूङ, खिमकुमारी गुरूङ, राजेन्द्र अधिकारी, गमबहादुर गुरूङ, जोया गुरूङ, सुनदेवी गुरूङलगायतका कलाकारहरुले चलचित्रमा अभिनय गरेका छन् ।
चलचित्र प्रदर्शन गर्न सहयोग गर्ने व्यक्ति तथा संघसंस्थालाई छोटो कार्यक्रम आयोजना गरेर सम्मान गरिएको थियो । साथै चलचित्र प्रदर्शनका लागि चितवन आएका निर्देशक ओमप्रकाश गुरूङलाई पनि चितवने गुरूङहरुले फेटा लगाएर सम्मान दिएका थिए ।
रत्ननगर । रत्ननगर नगरपालिका वडा नं–१, सौराहा चोकस्थित पूर्व–पश्चिम राजमार्गमा यात्रुवाहक बसको ठक्करबाट बालिकाको मृत्यु भएको छ ।
भरतपुरबाट खैरहनीतर्फ जाँदै गरेको ना ३ ख ५७३७ नम्बरको यात्रुवाहक बसको ठक्करबाट गम्भीर घाइते भएकी खैरहनी–८ बस्ने सिर्जना विकको ३ वर्षीया छोरी समीरा विकलाई उपचारका लागि नयाँ मेडिकल कलेज (सिएमसी) लगिएकोमा डाक्टरले मृत घोषणा गरेका हुन् ।
बस र चालक धादिङको रोराङ गाउँपालिका वडा नं–६ बस्ने ३३ वर्षीय कमल मगरलाई नियन्त्रणमा लिइएको इलाका प्रहरी कार्यालय रत्ननगरले जनाएको छ ।
नवलपुर (नवलपरासी)। नवलपरासी (बर्दघाट–सुस्तापूर्व) मा एक महिनाको अवधिमा जापानिज इन्सेफलाइटिसबाट तीनको मृत्यु भएको छ। गत साउन २० देखि हालसम्म जिल्लामा जापानिज इन्सेफलाइटिसबाट तीन जनाको मृत्यु भएको प्रदेश जनस्वास्थ्य कार्यालय नवलपुरले जनाएको छ।
कार्यालयका प्रयोगशाला प्राविधिक निरीक्षक डिल्लीराम तिवारीले जिल्लाको मध्यविन्दु नगरपालिका–१ पतवारीका ५२ वर्षीय पुरुष, बौदिकाली गाउँपालिका–२ की ४५ वर्षीया महिला र हुप्सेकोट गाउँपालिका–१ की १३ वर्षीया बालिकाको जापानिज इन्सेफलाइटिसका कारण मृत्यु भएको जानकारी दिए।
मृतकहरू बिरामी भएर उपचारका लागि भरतपुर जाँदा उनीहरूको ढाडको पानी झिकेर राष्ट्रिय जनस्वास्थ्य प्रयोगशाला टेकुमा पठाइएकामा त्यहाँबाट जापानिज इन्सेफलाइटिस भएको रिपोर्ट आएको उनले बताए। ‘संक्रमित बिरामी भएर अस्पतालमा जान्छन्, परीक्षणका लागि नमूना काठमाडौं पठाउनुपर्छ’, उनले भने, ‘नतिजा ढिला गरेर आउँछ, कतिपय अवस्थामा बिरामीको मृत्यु भइसक्छ।’
जापानिज इन्सेफलाइटिसबाट जिल्लामा हालसम्म १४ जना संक्रमित भएका जनाउँदै तिवारीले दुई जनाको गम्भीर अवस्थामा उपचार भइरहेको उल्लेख गरे। ‘सङ्क्रमित दुवै बिरामीको काठमाडौंमा उपचार भइरहेको छ’, उनले भने, ‘जापानिज इन्सेफलाइटिस संक्रमित व्यक्तिको सिधैँ मष्तिष्कमा असर गर्ने भएकाले उनीहरूको अवस्था गम्भीर बन्न थाल्छ।’
उनका अनुसार संक्रमण देखिएकामध्ये कावासोती नगरपालिकाका छ, मध्यविन्दु नगरपालिकाका चार र हुप्सेकोट गाउँपालिका, बौदिकाली गाउँपालिका, गैँडाकोट नगरपालिका र देवचुली नगरपालिकाका एक÷एक जना छन्।
‘संक्रमितमध्ये ९० प्रतिशतमा लक्षण देखिँदैन, लक्षण देखिएका बिरामीको स्वास्थ्यमा गम्भीर समस्या देखिन्छ’, उनले भने, ‘जापानिज इन्सेफलाइटिसबाट मृत्यु भएकाको छिमेकीको नमूना संकलन गर्दा तीन जनामा संक्रमण पुष्टि भए पनि उहाँहरूको अवस्था सामान्य छ।’ सङ्क्रमित तीनै जना स्वास्थ्यकर्मीको निगरानीमा घरमा बसिरहेको उनले जानकारी दिए।
प्रयोगशाला प्राविधिक निरीक्षक तिवारीका अनुसार जापानिज इन्सेफलाइटिस मस्तिष्कमा संक्रमण हुने ‘क्युलेक्स’ प्रजातिको लामखुट्टेको टोकाइबाट सर्ने एक किसिमको रोग हो। यो लामखुट्टे साँझपख तथा झिसमिसे बिहानीको समयमा बढी सक्रिय हुने गर्दछ। धानबाली, दलदल र पानी जम्ने स्थान लामखुट्टेको लागि उपयुक्त प्रजननस्थल भएकाले यस्ता क्षेत्रमा संक्रमणको जोखिम बढी हुने गरेको उनको छ।
जापानिज इन्सेफलाइटिस गम्भीर अवस्थामा पुग्यो भने मस्तिष्क सुन्निने, पक्षाघात हुने, बेहोस हुने, कोमामा जाने वा ३० प्रतिशतसम्म बिरामीको मृत्युसमेत हुनसक्ने निरीक्षक तिवारीले बताए। यो रोग हाँस, कुखुरालगायत चराचुरुङ्गी र सुँगर, बङ्गुरजस्ता जनावरलाई टोकेका संक्रमित लामखुट्टेले मानिसलाई टोकेमा सर्ने उनले जानकारी दिए।
तिवारीले यो रोग मानिसबाट मानिसमा भने नसर्ने बताए। जिल्लामा जापानिज इन्सेफलाइटिसबाट एक महिनामा तीन जनाको मृत्यु भएपछि कार्यालयबाट समुदायमा सचेतना फैलाउने काम भइरहेको उनले उल्लेख गरे।
टोलसुधार समिति, स्थानीय जनप्रतिनिधि, शिक्षक तथा विद्यार्थी एवं नागरिक समाजको सहकार्य र समन्वयमा यो रोग लाग्ने सम्भावना, जोगिने उपायलगायत विषयमा सचेतना फैलाइएको तिवारीले बताए। लामखुट्टेको टोकाइबाट जोगिन हाँस, कुखुरा तथा सुँगुर, बङ्गुर खोर, समुदायबाट टाढा राख्नुपर्ने, झुलको प्रयोग गर्नुपर्ने, लामो बाहुला भएका लुगा लगाउनुपर्ने, पानी जम्ने खाल्डाखुल्डी पुर्नुपर्ने उनको भनाइ छ।
गत आर्थिक वर्ष २०८१र८२ मा यस रोगबाट तीन जना संक्रमित भएकामा आव २०८०/८१ मा १२ जना संक्रमित हुँदा चार जनाको मृत्यु भएको प्रदेश जनस्वास्थ्य कार्यालय नवलपुरले जनाएको छ।
काठमाडौँ । आगामी कात्तिक १ बाट स्वास्थ्य बिमामा आबद्ध भएका विपन्न नागरिकहरूले आठ प्रकारका कडा रोगको एकीकृत सुविधा पाउने भएका छन् । हाल मुटु, मिर्गौला, क्यान्सर, पार्किन्सन्स, अल्जाइमर्स, स्पाइनल इन्जुरी, हेड इन्जुरी र सिकलसेल एनिमियाका बिरामीहरूले यो सुविधा पाउँदै आएका छन् ।
स्वास्थ्य तथा जनसङ्ख्या मन्त्रालयले सामाजिक स्वास्थ्य सुरक्षाका कार्यक्रमलाई एकद्वार प्रणालीमा आबद्ध गर्ने निर्णयअनुसार आगामी कात्तिकदेखि यो व्यवस्था लागू गर्न लागेको हो ।
एकीकृत सुविधा कार्यान्वयनका लागि मन्त्रालयले हाललै ‘विपन्न नागरिक औषधि उपचार कार्यक्रम सञ्चालन निर्देशिका, २०८० ९पहिलो संशोधन २०८२०’ स्वीकृत गरेको छ । संशोधित निर्देशिकाअनुसार विपन्न नागरिकले पाउँदै आएको उपचार सुविधाको सम्पूर्ण भुक्तानी स्वास्थ्य बिमा बोर्डमार्फत हुने व्यवस्था गरिएको थियो ।
मन्त्रालयका प्रवक्ता डा प्रकाश बुढाथोकीले यो सुविधा स्वास्थ्य बिमा प्रणालीमार्फत मात्र उपलब्ध हुने भएकाले हाल सेवा लिइरहेका वा नयाँ सेवा लिन चाहने सबै विपन्न नागरिकले अनिवार्यरूपमा स्वास्थ्य बिमामा आबद्ध हुनुपर्ने बताए ।
उनले भने, “हाल उपचाररत बिरामीहरूको सेवा निरन्तर होस् भनेर हामीले आउँदो असोज मसान्तभित्र बिमामा दर्ता भइसक्न अनुरोध गरेका छौँ । यो व्यवस्थाले छरिएर रहेका कार्यक्रमलाई एकद्वार प्रणालीमा ल्याई राज्यको स्रोतको सही उपयोग सुनिश्चित गर्नेछ ।”
यसका लागि हालका सेवाग्राहीलाई आउँदो असोज मसान्तभित्र बिमामा दर्ताको व्यवस्था मिलाउन निर्देशन दिँदै स्वास्थ्य बिमा बोर्ड र नर्सिङ तथा सामाजिक सुरक्षा महाशाखालाई पत्र पठाइएको प्रवक्ता बुढाथोकीले जानकारी दिए ।
काठमाडौँ । दूरसञ्चार सेवा प्रदायक कम्पनीले सरकारको निर्देशनअनुसार नेपालमा दर्ता नभएका सामाजिक सञ्जाल निष्क्रिय पारेका छन् । नेपाल टेलिकम, एनसेलले नेपाल दूरसञ्चार प्राधिकरणको पत्रपश्चात दर्ता नभएका सामाजिक सञ्जाल देशभर निष्क्रिय पारेका हुन् ।
नेपाल टेलिकमले एक सूचनामार्फत नेपालमा सूचीकरण नभई सञ्चालनमा रहेका सामाजिक सञ्जाल प्लेटफर्महरू निष्क्रिय गराउन पत्र लेखी आएकाले सोही निर्देशनबमोजिम त्यस्ता सामाजिक प्लेटफर्महरू हालका लागि बन्द गरिएको जनाएको छ ।
प्राधिकरणको पत्र र सर्वोच्च अदालतको आदेश, नेपाल सरकारको मन्त्रिपरिषद्को निर्णय र सञ्चार तथा सूचना प्रविधि मन्त्रालयको मन्त्रिस्तरीय निर्णयबमोजिम टेलिकमले उक्त निर्णय गरिएको टेलिकमले जनाएको छ ।
एनसेलले पनि सरकारको निर्देशनअनुसार आफ्नो नेटवर्कमा नेपालमा दर्ता नभएका सामाजिक सञ्जाल बन्द गरिएको जनाएको छ । प्राधिकरणले बिहीबार पत्राचार गर्दै विभिन्न २६ वटा सामाजिक सञ्जाल निष्क्रिय गराउन आग्रह गरेको थियो । त्यसमा फेसबुक, म्यासेन्जर, इन्टाग्राम, युट्युब, ह्वाटसएपलगायत सामाजिक सञ्जाल छन् ।
काठमाडौँ । विद्यालय शिक्षा विधेयकमा निजी क्षेत्र लगानी सुनिश्चत हुने गरी बनाउनुपर्नेमा जोड दिएका छन् ।
शिक्षा पत्रकार सञ्जाल (इजोन) ले आयोजना गरेको विद्यालय शिक्षा विधेयकका समस्या र समाधानका उपाय विषयक अन्तरक्रिया कार्यक्रमा निजी विद्यालयका सञ्चालकले विधेयकमा गैरनाफामूलुक बनाउने कुरा अमान्य भएको जनाउँदै लगानी सुरक्षित गर्नुपर्नेमा जोड दिए ।
उच्च विद्यालय तथा माध्यामिक विद्यालय सङ्घ नेपालका (हिसान) का कार्यवाहक अध्यक्ष युवराज शर्माले सबैलाई सम्बोधन गर्ने खालको विधेयक नआउने भन्दै विधेयकलाई निजी शिक्षण संस्थालाई कमजोर बनाउने नहुने बताए ।
उनले राज्यले निजी क्षेत्रलाई स्थान दिने देखिने पनि शिक्षा विधेयकले निजी लगानीका विद्यालयमा पनि असर गर्ने बताए । विधेयकले सामुदायिक विद्यालयको शिक्षा गुणस्तर हुन्छ भन्नेमा शङ्का उत्पन्न भएको बताए ।
उनले विधेयक शिक्षामा युगान्तकारी परिवर्तन खालको नभएको भन्दै अझ संशोधन गर्नुपर्ने बताए । उनले पाठ्यक्रम सुधारका कुरा विधेयकमा राख्नुपर्नेमा जोड दिए ।
उनले निजी विद्यालयलाई अझ उत्तरदायी बनाउँदै निजी विद्यालयको लगानी सुनिश्चित गर्नुपर्ने बताए । हिसानका कार्यवाहक अध्यक्ष शर्माले निजीले सामुदायिक विद्यालय व्यवस्थापन गर्ने कुरा विधेयकमा राख्नुपर्नेमा जोड दिए ।
निजी तथा आवासीय विद्यालय सङ्गठन (एनप्याव्सन) का अध्यक्ष कृष्ण अधिकारीले सरकारले शिक्षालाई धान्छ भने आफूहरुले अन्य व्यवसाय गर्ने बताए । उनले विधेयकमा निजी क्षेत्रको लगानी सुनिश्चित नगरे विद्यालय बन्दसम्मको आन्दोलन गर्ने जानकारी दिए ।
राष्ट्रिय निजी तथा आवासीय विद्यालय सङ्गठन नेपाल (एनप्याव्सन) का अध्यक्ष सुवास न्यौपानेले विधेयकले शिक्षाको गुणस्तर सुधार्न ध्यान नदिएको बताए । उनले अहिलेको २१औँ शताब्दिको शिक्षालाई मार्गदर्शन गर्न नसक्ने बताए । “हामीले सबै पैतृक लगानी गरेर निजी विद्यालय बनाएका छौँ । तर अहिले आएर विधेयकमा कम्पनी अन्तर्गत गैरनाफामूलुक भनेर निजी विद्यालयलाई परिभाषित गरिएको छ” उनले भने, “निजी विद्यालय गैरनाफामूलक बनाउने कुरा विधेयकमा अमान्य रहेको छ । यसलाई संशोधन गर्नुपर्दछ ।”
प्याब्सनका निवर्तमान डिके ढुङ्गानाले कम्पनी ऐन अनुसार दर्ता भएका विद्यालयलाई गैरनाफामूलक बनाउने नपाइने बताए । उनले निजी क्षेत्रको योगदान शिक्षामा धेरै रहेको भन्दै विधेयकका सम्बन्धमा राजनीतिक नेतासँगको भेटमा विधेयक संशोधनको आश्वासन पाएको बताए । इजोनका अध्यक्ष ईश्वरराज ढकालका अध्यक्षतामा सो कार्यक्रम सम्पन्न भएको थियो ।
काठमाडौँ । प्रतिनिधिसभाको आजको बैठकमा विपक्षी दलहरूले प्रधानमन्त्री केपी शर्मा ओलीको चीन भ्रमणका क्रममा चीनको सुरक्षा रणनीति (ग्लोबल सेक्युरिटी इनिसियटिभ)मा समर्थन गरेको विषयमा सरकारको धारणा माग गरेका छन् ।
बैठकको आकस्मिक समयमा विपक्षी दलका सांसदहरूले ग्लोबल सेक्युरिटी इनिसियटिभमा समर्थन गरेको र प्रमुख विकास साझेदार जापानले आत्मसमर्पण गरेको सम्झनामा आयोजित ‘परेड’मा नेपालको सहभागिता सम्बन्धमा सरकारको धारणा माग गरेका हुन् ।
प्रतिपक्षी दल नेपाल कम्युनिष्ट पार्टी (एकीकृत समाजवादी)का सांसद राजेन्द्रप्रसाद पाण्डेले चिनियाँ पक्षले ग्लोबल सेक्युरिटी इनिसियटिभ (जिएसआई)मा नेपालको समर्थन रहेको र भ्रमणदलमा सहभागी नेपाली अधिकारीको ‘होइन’ भने अभिव्यक्तिबारे सदनलाई स्पष्ट पार्नुपर्ने बताए ।
“चिनियाँ राष्ट्रपतिसँग प्रधानमन्त्री नेतृत्वको नेपाली प्रतिनिधिमण्डलको भेटपछि चिनियाँ पक्षले जारी गरेको वक्तव्यमा जिएसआईमा नेपालले समर्थन गर्छ भनेर उल्लेख गरिएको छ”, सांसद पाण्डेले भने, “प्रधानमन्त्रीको भ्रमण दलका नेता र मन्त्रीले यसमा नेपालको समर्थन छैन भन्दै आउनुभएको देखिन्छ । सत्य के हो यो प्रष्ट हुनुपर्छ ।”
सांसद पाण्डेले नेपालको प्रमुख विकास साझेदार जापानले आत्मसमर्पण गरेको अवसरलाई सम्झना गर्न आयोजित परेडमा प्रधानमन्त्रीले भाग लिनु नेपालले अङ्गीकार गर्दै आएको असंलगन परराष्ट्र नीति र पञ्चशीलको सिद्धान्तको विरोधमा भएको बताए । “यसबारे प्रधानमन्त्रीले संसद्मा उपस्थित भएर जानकारी गराउनुपर्छ”, उनले भने ।
उनले नेपालको भूभाग लिपुलेक नाकामार्फत सीमा व्यापार गर्नेसम्बन्धी भारत र चीनबीच हालै भएको समझदारीप्रति प्रधानमन्त्री ओलीले चिनियाँ राष्ट्रपतिसमक्ष असहमति राखेकामा धन्यवाद दिए । प्रधानमन्त्रीको आसन्न भारत भ्रमणका क्रममा पनि यसैगरी आपत्ति जनाउन उनले आग्रह गरे ।
“लिपुलेक कालापानी भारत र नेपालबीचको विषय भन्दै चीन पन्छिएको भन्ने विषय बाहिर आएको छ, हामीले सधैँभरि चीनलाई असल छिमेकी मानेका छौँ । भारत र नेपालको मात्र मामिला हो भनेर चीन पन्छिन मिल्दैन”, उनले भने ।
राष्ट्रिय प्रजातन्त्र पार्टीका सांसद धवलशमशेर जबराले प्रधानमन्त्री केपी शर्मा ओलीको चीन भ्रमणका क्रममा चीनको सुरक्षा रणनीतिमा सहमति जनाएको भन्ने बारेमा स्पष्ट पार्न सरकारको ध्यानाकर्षण गराए । “यो नेपालले अङ्गीकार गरेको असंलग्न परराष्ट्र नीतिबाट फरक हो, यदि नेपालले सोसम्बन्धी समर्थन गरेको भए आगामी दिनमा घातक परिणाम निम्तन सक्छ”, उनले भने, “प्रधानमन्त्रीले सदनमा आएर स्पष्ट पार्नुपर्छ ।”
राष्ट्रिय स्वतन्त्र पार्टी (रास्वपा) का सांसद अशोककुमार चौधरीले सामाजिक सञ्जाललाई व्यवस्थित गर्नुपर्नेमा आफूहरूको असहमति नरहेको उल्लेख गर्दै त्यस्ता माध्यमलाई नियमनमा ल्याउनुपर्ने बताए । “सामाजिक सञ्जाल बन्द गर्ने धम्की दिन हुँदैन, सामाजिक सञ्जाल नियमनसम्बन्धी न्यायालयको फैसला कार्यान्वयन गर्न कूटनीतिक प्रयास गर्नुपर्छ”, उनले भने ।
विपद् व्यवस्थापन र रोग नियन्त्रणमा सरकारको कमजोरी स्पष्ट भएको जनाउँदै सांसद चौधरीले वीरगञ्जमा फैलिएको हैजाको स्रोत पत्ता लगाउन नसक्नु विडम्बना भएको बताए । “वीरगञ्जमा हैजा फैलिएको डेढ हप्ता बितिसक्दा पनि स्रोत पत्ता लागेको छैन, जनता त्रासमा छन्, तर सरकार मौन छ”, उनले भने ।
सौराहा । मुलुकको प्रमुख पर्यटकीय गन्तव्यमध्ये चितवनको सौराहा एक हो । यहाँ आउने जो कोहीले सौराहाको आसपासमा साना गैँडा डुल्दै गरेको देख्न पाउँछन्। मानिससँगको सामीप्यतामा रमाउने यी गैँडाहरू वास्तवमा मानिसले नै पालेका हुन् ।
निकुञ्जका विभिन्न स्थानबाट घाइते भएका गैँडाका बच्चाको यहाँको राष्ट्रिय प्रकृति संरक्षण कोष तथा जैविक विविधता संरक्षण केन्द्रमा ल्याइएर उपचार र पालन–पोषण हुने गरेको छ। यही कारणले गर्दा यिनै गैँडाका बच्चा हाल सौराहतिर देखिरहेका छन्।
सौराहास्थित संरक्षण केन्द्रमा हाल ‘राम’ र ‘देव’ नाम गरेका गैँडाका दुई भाले केटाहरू (बच्चाहरू) हुर्किरहेका छन् । गैँडाका बच्चा प्रायः वैशाख–असारको ‘सिजन’मा जन्मिन्छ। प्रारम्भिक जीवनमा तिनीहरूले बाघ, भालुलगायत आक्रमणकारी र अकालको जोखिम भोग्नुपर्छ। हाल केन्द्रमा रहेका राम र देवको उमेर दुई वर्षभन्दा बढी भएको छ। यिनको पालन–पोषण कोषका कर्मचारी लालबहादुर महतरा लगायतले गर्दै आएका छन् ।
प्रकृति संरक्षण कोषका वरिष्ठ संरक्षण अधिकृत अनिल प्रसाईंका अनुसार ‘देव’ र ‘राम’ दुवैलाई बाघको आक्रमणबाट घाइते अवस्थामा उद्धार गरिएको थियो । देवलाई भरतपुरको देवनगरबाट विसं २०८० जेठ ३० गते उद्धार गरिएको हो । रामलाई सौराहाकै बाघमाराबाट विसं २०८० असार १ गते ल्याइएको थियो। उद्धारका समयमा यी दुवै गैँडाका बच्चा १५–२० दिनका मात्रै थिए। प्रसाईंले भने, ‘त्यसताका हामीले अत्यन्त दयनीय अवस्थामा भेटाएका थियौँ।’
रामलाई उद्धार गर्दा नजिकै एउटा माउ गैँडा मात्र देखिएको थियो, तर त्यसलाई रामकै माउ भन्ने पुष्टि गर्न नसकिएको उनले बताए। ‘आमाले बच्चा स्वीकार गरिन् कि गरेनन् वा त्यो बच्चा उसको हो कि होइन भन्ने पक्का भएन। घाइतेजस्तो पनि देखिएको थिएन। हामीले हात्तीको सहायताले बच्चालाई आमासँग मिलाउने प्रयास गर्दा माउ गैँडा भाग्यो। त्यसपछि रामलाई यहाँ ल्याएर हेर्दा देब्रे खुट्टा टुटेको पाइयो, बाघले टोकेर छाडेको रहेछ। अनि उपचार र पालन–पोषण गरिएको हो।’
त्यसैगरी, देवनगरबाट उद्धार गरिएको देवका चारवटै खुट्टाका हाड भाँचिएका थिए। बाँच्छ कि बाँच्दैन भन्ने शङ्का थियो। बाघले निकै घाइते बनाएका यो केटोको अवस्था हाल सुधार भएको छ।
केन्द्रका चिकित्सक डा अमिर सडौलाले यहाँ ल्याइएका गैँडाका बच्चा धेरैजसो बाघको आक्रमणमा परेका घाइते भएको पाइएको बताए । ‘यहाँ ल्याइएका गैँडाका बच्चामध्ये करिब ७० प्रतिशत बाघको आक्रमणमा परेर आउँछन्, बाँकी अन्य कारण वा भालेको आक्रमणका कारण घाइते हुने गर्छन। उनले भने, ‘यहाँ ल्याएपछि मानिसको जस्तै उपचार गरिन्छ। घाइते गैँडाको पिसाब र शौच सामान्य भएमा बाँच्ने सम्भावना बढी हुन्छ।’
गैँडाको स्वभाव अत्यन्त प्रतिरोधात्मक र प्राकृतिक रूपमा निको हुने क्षमता बढी हुने भएकाले सामान्यतया गैँडालाई विशेष उपचारको आवश्यकता कम पर्ने डा सडौलाको भनाइ छ। यहाँ हुर्काइएका केही गैँडाहरू अन्य देशमा उपहारस्वरूप पठाइएको र केही गैँडाहरू प्राकृतिक जङ्गलमा पुनःस्थापन गरिएका छन्। पुष्पा र अञ्जलीलाई कोशी टप्पु वन्यजन्तु आरक्षमा, बाङ्गे, बिरु, पूजा र माइला नामक गैँडालाई काठमाडौंस्थित सेन्टर चिडियाखाना पठाइएको छ। यस्तै, ब्युटी र जङ्गेलाई अष्ट्रियाको भियना चिडियाखाना तथा सोल्टीलाई चीनको शाङ्घाई चिडियाखाना पठाइएको छ।
वरिष्ठ संरक्षण अधिकृत प्रसाईंका अनुसार, पछिल्लो चार दशकदेखि कोषले बाघ, गैँडालगायत घाइते वन्यजन्तुहरूको उद्धार, उपचार तथा संरक्षण गर्दै आएको छ। हालसम्म २० वटा गैँडाका बच्चा उद्धार गरिएकामध्ये १३ वटा जीवित रहन सफल भएका छन्। गैँडा चार वर्षपछि वयस्क हुने हुँदा वयस्क भएपछि व्यवस्थापन गरिने उनले बताए।
हाल केन्द्रमा रहेका राम र देवलाई प्राकृतिक वातावरणसँग घुलमिल हुने अभ्यास गराइँदैछ। उनीहरू प्रायः निकुञ्ज तथा सौराहा आसपासको क्षेत्रमा घुम्ने गर्छन्, जसले यहाँ आउने पर्यटकका लागि आकर्षणको केन्द्र बनाउँछ। छवटा गैँडाका बच्चालाई दैनिक रूपमा पालनपोषण गरी हुर्काइ सकेका केन्द्रका वन्यजन्तु प्राविधिक लालबहादुर महतरा यी गैँडाको स्याहारमा संलग्न छन्।
उनले आफ्नै सन्तानजस्तै माया गरेर गैँडाका बच्चाहरूलाई दूध एवं आहार खुवाउने गर्छन्। ‘बच्चा अवस्थामा दुई–दुई घण्टाको अन्तरालमा दूध खुवाउनुपर्ने हुन्छ भने अलि ठूला भएपछि मकैको कुँडो र अन्य आहार दिन सुरु गरिन्छ,’ महतराले भने, ‘मैले हासम्म देव, राम, पूजा, माइला, पुष्पा र अञ्जली नामक गैँडाहरू हुर्काइसकेको छु। यहाँ ल्याउँदा हिँड्नसमेत नसक्ने अवस्थाका देव र राम पनि बिस्तारै तङ्ग्रिँदै छन्।’
यहाँ संरक्षण गरिने गैँडाका बच्चालाई सुरुमा दैनिक करिब दुई केजीसम्म ल्याक्टोजिन दूध दिइन्छ र बच्चा ठूलो हुँदै गएपछि दूधको मात्रा क्रमशः बढाउँदै मकैलगायत अन्य आहार पनि खुवाइने कोषका चिकित्सक डा सडौलाले बताए। उनका अनुसार, सामान्य गाई–भैँसीको दूध गैँडाका बच्चाले पचाउन सक्दैन किनभने त्यसको फ्याट र प्रोटिन संरचना गैँडाको पेटसँग मेल खाँदैन। त्यसैले बच्चा अवस्थामा खानपानमा विशेष ख्याल राख्न आवश्यक हुने भनाइ छ ।
बच्चाहरूका बचपनमै बढी कुरा सिक्ने भएकाले माउको माया र साथबाट वञ्चित हुँदा उनीहरू प्राकृतिक वातावरणसँग सहजै घुलमिल हुन नसक्ने भएकाले सोहीअनुसार आफूहरूले व्यवस्थापन गर्ने गरेको वरिष्ठ संरक्षण अधिकृत प्रसाईंको भनाइ छ ।
उनले भने, ‘कोशीमा लगिएका गैँडालाई पनि त्यही उद्देश्यका लागि नयाँ बासस्थानमा लगिएको हो। माउ गैँडासँग हुँदा बच्चाले खान, हिँड्न र शत्रुबाट जोगिने सीप सिक्छ, तर मानव संरक्षणमा हुर्काइएका यिनीहरूले आमा गैँडाको मार्गदर्शन नपाउने भएकाले, अन्य गैँडाको हूलसँग घुलमिल हुन केही कठिनाइ हुन्छ।’
काठमाडौँ । नवनियुक्त प्रहरी महानिरीक्षक चन्द्रकुवेर खापुङले बिहीबार दर्ज्यानी चिह्न लगाएका छन् । सिंहदरबारस्थित गृह मन्त्रालयमा आयोजित समारोहबीच गृहसचिव गोकर्णमणि दुवाडीले उनलाई दर्ज्यानी चिह्न लगाइदिएका हुन् ।
सो अवसरमा गृहसचिव दुवाडीले सरकारले क्षमता, कार्यदक्षता, जेष्ठतालगायत आधारमा प्रहरीको सर्वोच्च पदमा खापुङलाई नियुक्त गरी जिम्मेवारी प्रदान गरेको बताए । मुलुकमा शान्ति, सुव्यवस्था र सुशासन कायम गर्न, अपराध नियन्त्रण गर्न र सामाजिक न्याय कायम गर्न प्रहरीको अहम भूमिका रहेको उनले बताए ।
“आम नागरिकलाई सुरक्षित छु भन्ने महसुश गराउनु नै हामी सबैको कर्तव्य हो । आम नागरिकको नजिक रहेर उनीहरुको सुखदुःखको साथी बन्न सक्नु प्रहरीको प्रभावकारीताको मापन पनि हो । नेपाल प्रहरीको साख अझ बढी राम्रो बनाउन सफल हुनुहोस्”, सचिव दुवाडीले भने, “सकल दर्जाका प्रहरी कर्मचारीको मनोबल उच्च बनाइ प्रहरी सङ्गठनको उद्देश्य पुरा गर्न सफल हुनेमा आशावादी छौँ ।”
समाजमा आपराधिक गतिविधि चुनौती बन्दै गएको उल्लेख गर्दै सचिव दुवाडीले भने, “अपराधका नयाँ नयाँ श्रृङ्खला बढिरहेका छन् । सबै अपराधका गतिविधि नियन्त्रण गरी समाजमा न्याय स्थापना गर्न जरुरी छ ।”
त्यसैगरी नवनियुक्त प्रहरी महानिरीक्षक खापुङले आफूले सकेको राम्रो गर्ने बताए । “सकेको राम्रो गर्छु तर, नराम्रो गर्ने छैन”, उनले भने, “सकल दर्जाको हित र संस्थागत सुधारलाई प्राथमिकतामा राखेको छु ।”
अपराध अनुसन्धानमा चुनौती रहेको उल्लेख गर्दै नवनियुक्त महानिरीक्षक खापुङले कृत्रिम बुद्धिमत्ता (एआई), साइबर अपराध, क्रिप्टोसम्बन्धी अपराधसहित अन्तर्राष्ट्रियस्तरका अपराध नियन्त्रण गर्न प्रहरीको क्षमता विस्तार गर्नुपर्नेमा जोड दिए । तेह्रथुमको गाउँबाट सुरु भएको आफ्नो यात्रा प्रहरी महानिरीक्षकसम्म पुगेको स्मरण गर्दै उनले प्रहरीलाई प्रविधि र स्रोत–साधनले सम्पन्न बनाउन आवश्यक रहेको बताए ।
काठमाडौँ । सञ्चार तथा सूचनाप्रविधि मन्त्रालयले मन्त्रालयमा सूचीकृत भएकाबाहेक सम्पूर्ण समाजिक सञ्जाल प्लेटफर्महरु क्रमशः निष्क्रिय गर्ने प्रक्रिया सुरू गर्ने भएको छ ।
यसका लागि मन्त्रालयले दूरसञ्चार तथा इन्टरनेट सेवाको नियामक निकाय नेपाल दूरसञ्चार प्राधिकरणलाई निर्देशन दिइसकेको जनाएको छ । आज मन्त्रालयमा बसेको मन्त्रीस्तरीय बैठकले गरेको निर्णयानुसार नेपालमा सूचीकरण हुन नआएका सामाजिक सञ्जाल प्लेटफर्मलाई तत्काल निष्क्रिय बनाउने निर्णय गरेको हो । सर्वोच्च अदालतको आदेश र मन्त्रिपरिषद्को यही भदौ ९ गते निर्णय कार्यान्वयन गर्न मन्त्रालयले सो प्रक्रिया थालेको हो ।
सञ्चारमन्त्री पृथ्वीसुब्बा गुरुङका अनुसार सरकारले पटक–पटक सूचना जारी गरी जानकारी गराउँदा पनि प्लेटफर्मले अटेरी गरेको हुँदा यस्तो बाध्यात्मक अवस्था आएको हो । “हाम्रो उद्देश्य सधैँलाई बन्द गर्न खोजिएको होइन, उनीहरु सम्पर्कमा आउना साथ पुनः सुचारु हुनेछ”, उनले भने, “सूचीकृत भइसकेका र प्रक्रियामा रहेकालाई बन्द गरिएको छैन ।”
मन्त्रालयका प्रवक्ता गजेन्द्रकुमार ठाकुरले हालसम्म टिकटक, भाइबर, विटक, निम्बज र पोपो लाइभ सूचीकृत भइसकेका तथा टेलिग्राम र ग्लोबल डायरी सूचीकृत हुने प्रक्रियामा रहेको जानकारी दिए । “मन्त्रालयले गरेको एक अध्ययनअनुसार नेपालमा हाल २५ वटा जति सामाजिक सञ्जाल प्लेटफर्म बढी सक्रिय रुपमा प्रयोग भएका छन्”, उनले भने, “तर, कति वटा बन्द हुन्छन् यकिन छैन ।”
काठमाडौँ । सञ्चार तथा सूचना प्रविधिमन्त्री पृथ्वीसुब्बा गुरूङले आजसम्म सूचीकृत हुन नआएका सामाजिक सञ्जाललाई निष्क्रिय हुने बताएका छन् ।
सञ्चार तथा सूचना प्रविधि मन्त्रालयमा आज पत्रकारहरुसँग कुरा गर्दै मन्त्री गुरूङले सूचीकृत हुन नआएका सामाजिक सञ्जाललाई निष्क्रिय गराउन नेपाल दूरसञ्चार प्राधिकरणलाई निर्देशन दिइसकेको बताए ।
सर्वोच्च अदालतले प्रधानन्यायाधीशसहितको बृहत पूर्ण इजलासले अदालतको अवहेनासम्बन्धी मुद्दामा २०८० वैशाख १२ मा स्वदेशी तथा विदेशी उत्पतिका अनलाइन तथा सामाजिक सञ्जाल प्लेटफर्महरुलाई सञ्चालन पूर्व अनिवार्य सम्बन्धित निकायमा सूचीकरण गर्न नेपाल सरकारको नाममा आदेश दिएको थियो ।
उक्त आदेश पालना गर्दै मन्त्रिपरिषद्को यही भदौ ९ गतेको बैठकले नेपालमा सामाजिक सञ्जाल सञ्चालन गर्ने इच्छुक व्यक्ति, कम्पनी वा संस्थाले सूचीकृत हुन आव्हान गरेको थियो । नेपाल सरकारले जारी गरेको सामाजिक सञ्जालको प्रयोग व्यवस्थित गर्न बनेको निर्देशिका–२०८० बमोजिम सञ्चार तथा सूचना प्रविधि मन्त्रालयमा आफ्नो प्लेटफर्मको सूचीकरणका लागि सोही निर्देशिकाका अनुसूची १ बमोजिमको ढाचाँमा तोकिएको कागजातहरु संलग्न गरी ७ दिनभित्र निवेदन दिन भनेको थियो ।
मन्त्रालयले निवेदन दिँदा इच्छुक व्यक्ति, कम्पनी वा संस्थाले नेपालभित्र सम्पर्क विन्दु, आवासीय गुनासो सुन्ने अधिकारी, स्वनियम परिपालनको निगरानी अधिकारीसमेत तोक्ने सार्वजनिक सूचना प्रकाशन गरिएको थियो ।
मन्त्री गुरूङले भने, “तोकिएको समयभित्र सूचीकृत गर्न नआउने सामाजिक सञ्जाललाई नेपालभित्र निष्क्रिय गराउन र सूचीकरण गरेको क्षणदेखि पुनःसक्रिय गराउन नेपाल दूरसञ्चार प्राधिकरणलाई निर्देशन दिइसकेको छ ।”
मन्त्री गुरूङले करिब २५ वटा सामाजिक सञ्जाल सूचीकृत हुन आउनुपर्ने र सूचीकृत गर्नका लागि कुनै पनि खर्च नलाग्ने बताए । उनले सिधा कुरा डटकमको मुद्दामा अदालतले फैसला गर्दा सबै सामाजिक सञ्जालहरु सञ्चार मन्त्रालयमा दर्ता हुनुपर्ने र दर्ता भएर सञ्चालन दर्ता हुन नआएमा गैरकानुनीरुपमा सञ्चालन हुन नदिन भनेको छ ।
“सात दिनभित्र दर्ता गर्न आउनु भनेका थियौँ, त्यो मिति आजसम्म थियो, आजकै मितिदेखि सामाजिक सञ्जाल निष्क्रिय गराउँछौँ”, मन्त्री गुरूङले भने, “मुलुकमा कर तिरेको छ कि छैन भनेर सूचीकृत गर्न खोजेको होइन, सामाजिक सञ्जालका कारण भएको अपराधीकरण, सामाजिक सांस्कृतिक क्षेत्रमा खलल पार्ने खालको काम गरेको छ, पैसा तिर्ने कुरा आएको छैन ।”
रत्ननगर । स्काइराइडर आवासीय माध्यमिक विद्यालयले जिल्लास्तरीय अन्तरविद्यालय ब्याडमिन्टन प्रतियोगितामा उत्कृष्ट नतिजा ल्याउने विद्यार्थीहरूलाई सम्मान गरेको छ ।
जिल्ला ब्याडमिन्टन संघले भदौ १४ र १५ गते आयोजना गरेको प्रतियोगितामा स्काइराइडरबाट सहभागी पाँच जना विद्यार्थीले उत्कृष्ट प्रदर्शन गरेका थिए । विद्यालयमा आयोजित सम्मान कार्यक्रममा उनीहरूलाई सम्मान गरिएको विद्यालयका प्राचार्य मदन पुरीले जानकारी दिए ।
प्रतियोगितामा तीन उमेर समूहमा खेलाइएको थियो । १३ वर्षमुनिको छात्रतर्फ युसफ गुरूङले प्रथम र ग्याब्रियल लामाले द्वितीय स्थान हासिल गरे । छात्रातर्फ पूर्वी ताम्राकारले प्रथम र अनुष्का भारतीले द्वितीय स्थान प्राप्त गरे । यस्तै, १५ वर्षमुनिको उमेर समूहको छात्रतर्फ पनि युसफ गुरूङ प्रथम र ग्याब्रियल लामा द्वितीय भए । छात्रातर्फ पूर्वी ताम्राकारले पुनः प्रथम स्थान हासिल गरिन् । १७ वर्षमुनिको छात्रातर्फ सुदिप्ती श्रेष्ठले तृतीय स्थान प्राप्त गरेको विद्यालयका अतिरिक्त क्रियाकलाप प्रमुख रमेश पुरीले बताए ।
सम्मान कार्यक्रममा रत्ननगर नगरपालिकाका उपप्रमुख यादवप्रसाद पाठक प्रमुखअतिथिको रूपमा उपस्थित थिए। कार्यक्रममा रत्ननगर १३ का वडाध्यक्ष पोटबहादुर घिमिरे, जिल्ला ब्याडमिन्टन संघका उपाध्यक्ष किरण लामा, रत्ननगर नगर खेलकुद समितिका सहसंयोजक सौगात भुजेल, विद्यालयका निर्देशक दुर्गाकुमार पुरी, सहायक प्राचार्य नारायणप्रसाद श्रेष्ठ, केशवराज पाठकलगायतको सहभागिता रहेको थियो।
चितवन । चितवनको रत्ननगर-६, बछौली घर भई हाल अस्ट्रेलिया बस्दै आएका आरजु गिरीको गजल भिडियो नेपाली गजलबहार युट्युब च्यानलमार्फत सार्वजनिक भएको छ ।
गजल भिडियोमा गायिका तथा सङ्गीतकार बबिना भट्टराईले स्वर र सङ्गीत दिएकी छन् । गजलमा लालकाजी श्रेष्ठको एरेन्ज रहेको छ । स्टुडियो साउण्ड मिलमा रेकर्ड भएको गजल ‘को हौ तिमी’ वरिष्ठ ध्वनि इन्जिनियर महेश्वरमान राजभण्डारीले रेकर्ड तथा मिक्सिङ मास्टरिङ गरेका छन् ।
एजे अजुले निर्देशन गरेका गजल ‘को हौ तिमी’को भिडियो सम्पादन अनिल विष्ट प्युठानीले गरेका हुन् । भिडियोमा बबिना आफैँ फिचर्ड भएकी छिन् । ‘को हौ तिमी’ गजलको भिडियोमा प्रिया नगरकोटीले शृङ्गारसहित भुवन गन्धर्व तबला, सञ्जीव बराइली गितारमा रहेर बबिनाको गायनलाई गजलमय बनाएका छन् ।
गायिका तथा सङ्गीतकार बबिना भट्टराईले गजल ‘को हौ तिमी’ सार्वजनिक भएकोमा खुसी साट्दै भन्छिन्, ‘आरजु गिरीका गहिरो दार्शनिक भाव बोकेको यो गजललाई यहाँहरु सबैले मन पराइदिने अपेक्षा राखेकी छु, गजल सुनेर तथा हेरेर गजलको बारेमा आफ्नो अमूल्य सल्लाह, सुझाव दिन पनि मेरा दर्शक तथा स्रोताहरुलाई अनुरोध गर्दछु ।’
गजलकार आरजु गिरीले गायिका तथा सङ्गीतकार बबिना भट्टराईप्रति कृतज्ञ हुँदै प्रतिक्रिया जनाएका छन् । उनले भनेका छन्, ‘म कसरी खुसी व्यक्त गरौँ अलमलमा परेको छु । यो मीठो साथको लागि हाम्रो युगको सशक्त गायिका एवम् सङ्गीतकार आदरणीय बबिनाजी एवं सम्पूर्ण टिमलाई हार्दिक धन्यवाद ज्ञापन गर्दछु ।’
भरतपुर । गुरूङ संस्कृतिमा आधारित नेपाली भाषाको चलचित्र ‘पुर्खाको थलो’ चितवनमा पनि प्रदर्शन हुने भएको छ । पोखरा र हङ्कङमा प्रदर्शन भइसकेको चलचित्रलाई चितवनमा पनि प्रदर्शन गर्न लागेको निर्माण पक्षले जनाएको छ ।
यही भदौ २१ गते शनिबार नारायणगढस्थित इन्द्रदेव सिनेमामा बिहान ११ बजे विशेष प्रदर्शन गर्न लागेको चलचित्रको बजार व्यवस्थापक एवम् कलाकार अमिर गुरूङ (बन्दीपुरे ठागु)ले जानकारी दिए ।
‘अहिले चलचित्रको प्रचारप्रसारसँगै दर्शकलाई हलसम्म बोलाउने काममा तीव्रता दिइरहेका छौँ’, बुधबार नारायणगढमा भएको पत्रकार भेटघाटका क्रममा उनले भने, ‘यसअघि प्रदर्शनमा दर्शकले दिएको प्रतिक्रियाको आधारमा पनि चितवनको प्रदर्शन सफल हुने हामीले अपेक्षा गरेका छौँ ।’
ओमप्रकाश गुरूङको लेखन, निर्देशन तथा सम्पादनमा तयार भएको चलचित्र मुनाल फिल्म प्रालिको ब्यानरमा निर्माण गरिएको हो । मुनालको यो आठौँ चलचित्र हो । पछिल्लो समय बिदेसिने प्रवृत्तिको विकास हुँदै जाँदा गाउँघरमा देखिएको सामाजिक परिवर्तनलाई चलचित्रको मुख्य कथावस्तु बनाइएको छ । माया, प्रेमसँगै सामाजिक परिवेशमा निर्माण भएको चलचित्रले गुरूङ समुदायको संस्कृतिलाई जोडेर बोल्ने प्रयास गरेको छ ।
कुविना गुरूङसँगै दिल घले, उत्तरबहादुर गुरूङ, खिमकुमारी गुरूङ र जोगमाया गुरूङको लगानीमा तयार भएको चलचित्रमा पिटर गुरूङ, खेमेन्द्र गुरूङ र जलन गुरूङले छायाङ्कन गरेका छन् । चलचित्रमा गणेशमान घले, लक्ष्मी गुरूङ, ओमप्रकाश गुरूङ, डिबी गुरूङ, लालशोभा गुरूङ, गणेश गुरूङ, शुष्मा गुरूङ, उत्तरबहादुर गुरूङ, कविता गुरूङ, अमिर गुरूङ, खिमकुमारी गुरूङ, राजेन्द्र अधिकारी, गमबहादुर गुरूङ, जोया गुरूङ, सुनदेवी गुरूङलगायतका कलाकारहरुले अभिनय गरेका छन् ।
गुरूङ संस्कृतिमा आधारित चलचित्र उद्योगमा छोटो समयमै प्रभाव छोड्न सफल ओमप्रकाश गुरूङ लामो समयपछि पर्दामा पुनर्आगमन भएका हुन् । उनले यसअघि नै तीनवटा चलचित्र निर्देशन गरिसकेका छन् ।
चलचित्रमा गमबहादुर गुरूङ (गोरे)को र विनोद रसाइलीले संगीत संयोजन गरेका छन् । नृत्य निर्देशन भने नेत्रबहादुर गुरूङले गरेका छन् ।
रत्ननगर । रत्ननगर नगरपालिका वडा नं-१५ मा रहेको माधवपुर माध्यमिक विद्यालयमा बुधबार निःशुल्क आँखा जाँच शिविर सम्पन्न भएको छ ।
लायन्स क्लब अफ चितवन टाइगर्सको आयोजना, वडा कार्यालयको सहयोग र नेपाल नेत्रज्योति संघ, भरतपुर आँखा अस्पतालको प्राविधिक सहकार्यमा आयोजित उक्त शिविरमा ४४२ जना विद्यार्थीको आँखा जाँच गरिएको छ।
लायन्स क्लब अफ चितवन टाइगर्सका उपाध्यक्ष तथा कार्यक्रम संयोजक विवेक लामिछानेका अनुसार, वरिष्ठ नेत्र सहायक आयुष पौडेलको नेतृत्वमा पाँच जनाको टोलीले आँखा जाँच गरेको थियो । शिविरमा ९ जना विद्यार्थीलाई चस्मा वितरण गरिएको र ६ जनालाई थप उपचारका लागि अस्पताल रिफर गरिएको छ ।
दुई दिनसम्म चलेको शिविरमा मंगलबार २५२ जना विद्यार्थीको आँखा जाँच गरिएको क्लबका अध्यक्ष शालिकराम बास्तोलाले जानकारी दिए । शिविरको उद्घाटन वडा नं-१५ का वडाध्यक्ष आशिक तामाङले गरेका थिए ।
कार्यक्रममा बोल्दै वडाध्यक्ष तामाङले शिविरले दृष्टिसम्बन्धी समस्या र विशेषगरी बालबालिकाको आँखासम्बन्धी समस्याको समाधानमा महत्त्वपूर्ण योगदान पुर्याउने बताए । “हाम्रो वडाले जनताको स्वास्थ्यलाई सधैं प्राथमिकतामा राखेको छ। यो शिविरले स्थानीय बासिन्दालाई गुणस्तरीय आँखा उपचारमा सहज पहुँच प्रदान गरेको बताए ।
कार्यक्रममा वडा सदस्य सुकमाया परियार, विद्यालयका प्रधानाध्यापक रमेश भट्ट, विद्यालय व्यवस्थापन समितिका सदस्य मदन भुजेल, क्लबका संस्थापक अध्यक्ष ओमलाल सापकोटा, डिष्ट्रिक ३२५ आर का क्लष्टर चिफ शिव पुरीलगायतको उपस्थिति थियो । संस्थाका सचिव मुक्तिनाथ सुवेदीले कार्यक्रम सञ्चालन गरेका थिए भने संयोजक विवेक लामिछानेले स्वागत मन्तव्य राखेका थिए ।
रत्ननगर । रत्ननगर नगरपालिका सामाजिक सुरक्षा तथा पञ्जीकरण उपशाखाको आयोजनामा ‘नवीकरण व्यवस्थापन तथा विवरण अद्यावधिकसम्बन्धी प्रयोगशाला तालिम’ नगर सभाहलमा सम्पन्न भएको छ ।
कार्यक्रममा रत्ननगर नगरपालिकाका प्रमुख प्रशासकीय अधिकृत प्रकाश खनालले स्थानीय सरकार सञ्चालन ऐन–२०७४, कार्यविधि–२०७७ ले प्रत्याभूत गरेका कानुन, सामाजिक सुरक्षा ऐन–२०७५, सामाजिक सुरक्षा (पहिलो संशोधन) ऐन–२०७९ ले निर्दिष्ट गरेका कानुन र चुनौतीका बारेमा प्रस्तुतीकरण दिएका थिए ।
उनले सामाजिक सुरक्षा भत्ता पाउने व्यक्तिको नाम कस्तो अवस्थामा अभिलेखबाट हटाउने भन्ने विषयमा पनि प्रष्ट पारेका थिए । भत्ता पाउने व्यक्ति अन्यत्र बसाइँ गरी गएमा, असहाय एकल महिलाले विवाह गरेमा, ऐनबमोजिम भत्ता पाउन योग्य नभएमा, मृत्यु भएमा अभिलेखबाट हटाउनुपर्ने र कुनै सरकारी वा सार्वजनिक पदमा बहाल रहेमा, सरकारी संस्थाबाट पारिश्रमिक, निवृत्तभरण वा अवकाश सुविधा पाइरहेका व्यक्तिको हकमा भत्ता(दोहोरो सुविधा) दिन नमिल्ने प्रष्ट पारे ।
यस्तै, विवरण ढाँटी सामाजिक सुरक्षा भत्ता लिएमा, गलत विवरण पेस वा सिफारिस गरेमा ऐनबमोजिम कसूर गरेको मानिने र कारबाही हुने पनि उनले जानकारी दिए ।
यस्तै, सामाजिक सुरक्षा तथा पञ्जीकरण शाखा प्रमुख रामप्रसाद बस्ताकोटीले नवीकरण तथा विवरण अद्यावधिकसम्बन्धी प्रस्तुतीकरण तथा प्रणालीगत समस्याका विषयमा प्रयोगात्मक अभ्यासबारे प्रस्तुति दिएका थिए ।
कार्यक्रममा रत्ननगरका १६ वटै वडामा कार्यरत वडा सचिव र कम्प्युटर अपरेटर गरी ४४ जनाको सहभागिता रहेको थियो ।
रत्ननगर । रत्ननगर नगरपालिका वडा नं-१६ अन्तर्गत आर्थिक वर्ष २०८२-०८३ को वडा बजेटबाट सञ्चालन हुने भद्रकाली मन्दिर ज्येष्ठ नागरिक मिलन केन्द्र मर्मत योजना कार्यान्वयनका लागि उपभोक्ता तथा अनुगमन समिति गठन गरिएको छ ।
जगन्नाथ नेपालको अध्यक्षतामा उपभोक्ता समिति गठन गरिएको छ । जसको सचिवमा प्रमिला थापा, कोषाध्यक्षमा कमला नेपाल, सदस्यहरुमा अनिता कार्की, गायत्री ढकाल, रमिला पन्त, सपना खनाल रहेका छन् ।
यस्तै, प्रेमराज बुढाथोकीको संयोजकत्वमा अनुगमन समिति गठन गरिएको छ । सदस्यहरुमा पदम खड्का, गोपाल श्रीमल, गोवर्धन सिग्देल र सावित्री नेपाल रहेका छन् ।
रत्ननगर-१६ का वडाध्यक्ष हेमराज थापाले समितिको सक्रियता र सहभागितामा योजना समयमै सम्पन्न गरी ज्येष्ठ नागरिकहरूको मिलन केन्द्र सुरक्षित, व्यवस्थित र उपयोगी हुनेमा आफू विश्वस्त रहेको बताए । कार्यक्रममा वडा सदस्यहरु तथा वडावासीहरुको सहभागिता रहेको थियो । 
चितवन । सङ्घीय संसद्मा पेस भएको विद्यालय शिक्षा विधेयकविरुद्ध आन्दोलित निजी विद्यालयहरूका संगठन प्याब्सन, एनप्याब्सन, हिसान, अपिनलगायतका संस्थाले बुधबार विरोधस्वरूप खबरदारी सभाको आयोजना गरेका छन् । भरतपुरको चौबिसकोठी चोकमा भएको सभामा चितवनका सम्पूर्ण पालिकास्थित निजी विद्यालयहरूमा कार्यरत प्रधानाध्यापक, शिक्षक-शिक्षिका तथा कर्मचारीहरूको सहभागिता रहेको थियो ।
निजी विद्यालयहरू बन्द हुनेगरी ल्याउन खोजिएको ऐनले निजी विद्यालयहरूको घाँटी निमोठिने र यो ऐन लगानीमैत्री नरहेको भन्दै साउन २९ गतेदेखि निरन्तर आन्दोलनमा रहेका निजी विद्यालयहरूमा नियमित कक्षाहरू भने सञ्चालनमै छन् । विधेयकमा समावेश भएको १५ प्रतिशत पूर्ण छात्रवृत्ति र गैरनाफामूलक शब्द तथा उच्च शिक्षाको छात्रवृत्तिमा भएको विभेदलगायतका विषयमा आपत्ति जनाउँदै निजी विद्यालयहरु आन्दोलनमा छन् ।
मेट्रो प्याब्सन भरतपुरका अध्यक्ष मीनराज बस्ताकोटीले निजी विद्यालयको मर्का बुझिदिन राजनीतिक दलका प्रतिनिधि, सांसद्हरू, सञ्चारकर्मी तथा अभिभावक सबैलाई आग्रह गरे । कक्षाकोठामा हुनुपर्ने शिक्षक सडकमा उत्रिनुपरेको भन्दै उनेले आफूहरूको यो वाध्यतालाई कमजोरी नठान्न आग्रह गरे । कम्पनी ऐनअनुसार नियमबमोजिम कर तिर्ने विद्यालयहरूलाई गैरनाफामूलक भनिनु आफैँमा विरोधाभास रहेको उनको भनाइ थियो ।
हिसान चितवनका अध्यक्ष दीपेन्द्र ढकालले निजी विद्यालयहरूले १० प्रतिशत छात्रवृत्ति उपलब्ध गराइरहेको र विद्यालयमा उत्पादन नहुने र विद्यालयले पनि किन्नुपर्ने वस्तुहरू पोसाक, पुस्तक, खाना तथा प्रयोगशालालगायतका शुल्कमा छात्रवृत्ति प्रदान गर्न नसकिने बताए । राज्यले चाहेजस्तो छात्रवृत्ति उपलब्ध गराउन बाँकी विद्यार्थीले बढी शुल्क तिर्नुपर्ने अवस्था आउने बताउँदै उनले ‘एउटा छोराको गाँस काटेर अर्को छोरा पढाउन नसकिने’ बताए ।
यस्तै, प्याब्सन बागमती प्रदेश सल्लाहकार टीकाराम चपाईंले समाजवादउन्मुख भनिएको हाम्रो संविधानले स्वास्थ्य, शिक्षालगायतका आधारभूत आवश्यकतालाई निःशुल्क भनिए पनि व्यवहारतः त्यस्तो नभएको बताए । उनले भने, ‘राज्यले आफ्ना कर्तव्य पूरा गरोस्, हामी सरकारले भनेजस्तो गर्न तयार छौँ ।’ संविधानले व्यक्तिगत सम्पत्तिको अधिकार प्रत्याभूत गरेकोमा सरकार त्यसको बर्खिलाप हुनेगरी कार्य गर्न उद्यत रहेको भन्दै उनले आफूहरूको लगानी फिर्ता गरिए आफूहरू सरकारले भनेजस्तो गर्न तयार रहेको बताए ।
‘कम्पनी ऐनअनुसार काम गर भनिएको छ, लगानी गर भनिएको छ तर फाइदाचाहिँ खान पाउँदैन भनिएको छ’, उनले भने, ‘योचाहिँँ बाँदरले आफ्नो घर नबनाउने र अरूको घर पनि भत्काइदिएजस्तै हो’, उनले भने । आफूहरूको आग्रहलाई कमजोरी नठान्न चेतावनी दिँदै उनले भने, ‘सरकारको यो कदम उद्यमशीलताविरोधी छ ।’ उच्च शिक्षाको ४५ प्रतिशत छात्रवृत्तिमा संस्थागत विद्यालयका विद्यार्थीलाई विभेद गरिएको बताउँदै उनले यो ऐनले धेरै क्षेत्रमा असर पु¥याउने भएकोले विरोधमा ऐक्यबद्धता जनाउन आग्रह गरे ।
प्याब्सन केन्द्रीय समिति प्रतिनिधि कीर्तिनिधि अर्यालले शिक्षा क्षेत्रलाई तहसनहस पारेर समृद्धि नआउने भन्दै बताउँदै कानुन निर्माणको तहमा पुगेका निजी स्कुल पढेका माननीयहरूले त्यसलाई बिर्सिएको बताए । निजी विद्यालयले विश्वव्यापीरूपमा स्पर्धा गर्ने जनशक्ति निर्माण गरेको ९० प्रतिशत नतिजा दिएको बताए । उनले उच्च शिक्षाका लागि सरकारले उपलब्ध गराउने ४५ प्रतिशत छात्रवृत्तिमा निजी विद्यालयका विद्यार्थीलाई स्पर्धाबाट वञ्चित गरेर सरकार नै दुईथरि शिक्षाको अभ्यास गरेको बताए । उच्च शिक्षाको छात्रवृत्ति क्षमता र दक्षताको आधारमा हुनपर्ने उनको माग थियो ।
आन्दोलनमा सहभागी विद्यालयका प्रधानाध्यापकहरूको तर्फबाट विरोध कार्यक्रमलाई सम्बोधन गर्दै डेजी इग्ङ्लिस स्कुलका प्रिन्सिपल प्रेमराज रिमालले निजी विद्यालयहरूले अभिभावकका जायज मागलाई सौहार्दपूर्ण सम्बोधन गर्ने र निजी विद्यालयप्रति देखिएको अभिभावकको आकर्षण नै निजी विद्यालय अब्बल रहेको प्रमाण भएको बताए । आफूहरूले पनि नारायणी नमुना माविजस्ता स्कुलहरूबाट सिक्ने मौका पाएको बताउँदै आफूहरू साझेदारीका लागि तयार रहेको बताए ।
उनले आफूहरूको यो लडाइँ निजी शिक्षण संस्थाको मात्र नभएको र सरकार लाखौँ बालबालिकाको भविष्य बर्बाद पार्न उद्यत रहेको आरोप लगाए । उच्च शिक्षाको ४५ प्रतिशत छात्रवृत्तिमा कक्षा ६ देखि १० सम्म सामुदायिक विद्यालयमै पढेको हुनुपर्ने विभेदकारी नीतिले योग्य विद्यार्थी वञ्चित हुनुपर्ने अवस्था रहेको बताउँदै उनले निजी विद्यालयले बालबालिकाको सिर्जनात्मक सीपमा लगानी गरिरहेको बताए ।
‘शुल्क लिन नपाउने, जबर्जस्ती छात्रवृत्ति दिनुपर्ने अनि सरकारले भनेजस्तो सुविधासम्पन्न भवन, प्रयोगशाला, खेलमैदान र कक्षाकोठा पनि बनाउनुपर्ने’ भन्ने कुरा आफैँमा विरोधाभासपूर्ण छ । उनले आफूहरूलाई सक्काउने हो भने सरकारले सामुदायिक विद्यालयको नतिजा राम्रो बनाउन चुनौती दिए ।
धन्यवाद मन्तव्य व्यक्त गर्दै प्याब्सन चितवनका अध्यक्ष मदन पुरीले आफूहरूले शिक्षामा गरेको लगानी अवैध नभएको बताउँदै उनले यो वैध सेवामूलक व्यवसाय गर्नबाट वञ्चित गरिनु नहुने बताए । उनले भने, ‘नीति निर्माताहरूको अर्कमण्यताले ११ वटै युनिभर्सिटीहरू खाली छन्, अब सरकारले माध्यमिक शिक्षाका लागि पनि नैनीताल, दार्जीलिङलगायतका भारतीय सहरमा नेपाली विद्यार्थी लखेट्ने खेल खेल्दैछ ।’
उनले निजी विद्यालयले राम्रो नतिजा दिँदादिँदै पनि राज्यबाट सौतेलो व्यवहार हुने गरेको आरोप लगाए । अध्यक्ष पुरीले अब हुने काठमाडौँकेन्द्रित आन्दोलनमा सबैको सक्रिय सहभागिताको लागि आह्वान गरे । भदौ २५ गतेदेखि केन्द्रीकृत आन्दोलनको तयारीमा रहेका निजी विद्यालयहरूले विद्यालयको पठनपाठनलाई भने असर नगर्ने गरी कार्यक्रम सञ्चालन गरिरहेका छन् ।
कालिका । कालिका नगरपालिका वडा नं–५ मा दिगो आर्थिक विकासमा टेवा पु¥याउने उद्देश्यका साथ सातदिने मौसमी तथा बेमौसमी तरकारीखेती तालिम सुरू भएको छ ।
करुणा ट्रस्टको साझेदारी र स्थानीय सरकारको समन्वयमा एडवान नेपालद्वारा सञ्चालित दलित तथा सीमान्तकृत महिलाहरुको जीविकोपार्जन तथा आर्थिक सुधार परियोजनाअन्तर्गत सो तालिम सञ्चालन गरिएको हो ।
नेपाल दलित महिला उत्थान संघका उपाध्यक्ष तीर्थकुमार विकको अध्यक्षतामा भएको कार्यक्रममा प्रमुखअतिथि कालिका नगरपालिका वडा नं–५ का वडाध्यक्ष दीपकबहादुर भट्टराईले महिलाहरु आत्मनिर्भर बन्न यस तालिमले मह¤वपूर्ण भूमिका खेल्ने बताए । उनले कृषि क्षेत्रमा आधुनिक ज्ञान र प्रविधि उपयोग गर्दै आत्मनिर्भर बन्ने समय आएको उल्लेख गरे ।
यसैगरी, वडा सदस्य जलेश्वर महतोले यस प्रकारका तालिमले महिलाहरुलाई स्वरोजगारमा जोड्ने बताए ।
प्रशिक्षक शिवराज पौडेलले व्यावहारिकरुपमा मौसमी तथा बेमौसमी तरकारीखेती कसरी गर्ने भन्ने बारेमा सिकाइ प्रदान गरिने जानकारी दिए । समूह अध्यक्ष अनिता चौधरीले महिलाहरुलाई उद्यमशील बनाउन तालिमले मह¤वपूर्ण आधार तयार गर्ने धारणा राखिन् ।
सामाजिक परिचालिका कमला पन्थीले सञ्चालन गरेको तालिममा १६ महिलाको सहभागिता रहेको छ ।
सौराहा । पर्यटकीय याम प्रारम्भ हुनलागेसँगै सौराहाका पर्यटन व्यवसायी पूर्वतयारीमा जुटेका छन् । बिदामा गएका कर्मचारी पनि काममा फर्कन थालेका छन् ।
गत वर्ष पर्यटक नआउँदा खिन्न सौराहास्थित होटल भिष्टाका सञ्चालक रमेश सिलवाल यो वर्ष पर्यटक आउनेमा आफू आशावादी रहेको बताउँछन् ।
जङ्गल सफारी लजका सञ्चालक सुमन घिमिरे पनि यतिबेला होटलको सरसफाइ, रङ्गरोगन, मर्मतसम्भारमा नै व्यस्त छन् । क्षेत्रीय होटल सङ्घका पूर्वअध्यक्ष घिमिरे आफूजस्तै अन्य व्यवसायी सरसफाइमा जुटेका बताउँछन् ।
रेस्टुरेन्ट एण्ड बार एसोसिएसनका पूर्वअध्यक्ष दीपेन्द्र खतिवडाका अनुसार सौराहाका ८० वटा रेस्टुरेन्ट छन् । ती सबै पर्यटकको प्रतीक्षामा छन् । यो वर्ष पर्यटक आगमन गत वर्षको भन्दा अधिक हुने अपेक्षासहित आफूहरु तयारीमा जुटेको उनले बताए । सौराहामा एक सय २० भन्दा बढी होटल छन् । ती होटलमा आठ हजार हाराहारी कोठा छन् ।
क्षेत्रीय होटल सङ्घका अध्यक्ष ओम पाण्डे हाल सौराहामा नगन्य पर्यटक छन् । आगामी महिना पर्यटक बढ्नेमा उनी विश्वस्त छन् । जङ्गल सफारीका लागि प्रख्यात चितवन राष्ट्रिय निकुञ्जको प्रवेशद्वारमा सौराहा भएकाले स्वदेशी र विदेशी पर्यटकको आगमनको प्रतीक्षामा रहेका व्यवसायी धामाधम भौतिक पूर्वाधार पनि निर्माण गरिरहेका छन् ।
गोरखा । काठमाडौँबाट गोरखाको आरुघाट सोतीतर्फ आउँदै गरेको रात्रिबस दुर्घटना हुँदा २१ जना घाइते भएका छन् ।
बा ०१–००६ ख ४१३१ नम्बरको बस मंगलबार बिहान भीमसेन थापा गाउँपालिका–३, टारीफाँटमा दुर्घटना हुँदा बसमा सवार २२ जनामध्ये २१ जना घाइते भएका जिल्ला प्रहरी कार्यालयका प्रहरी निरीक्षक ध्रुवप्रसाद शर्माले जानकारी दिए ।
घाइतेहरूको अवस्था सामान्य रहेको र घटनाबारे थप अनुसन्धान भइरहेको छ ।
चितवन । मोडल रिहान शंकरले ‘जानी बेलैमा’ बोलको नयाँ गीत सार्वजनिक गरेका छन् । गीतमा सम्झना भण्डारी र मोहन खड्काले स्वर दिएका छन् भने लय र शब्द सिर्जना संगीत परियारले गरेका हुन् ।
गीतका शब्दहरुले नेपाली युवायुवतीको वास्तविकता बोल्छन् भने स्वरले त्यसलाई थप जीवन्त बनाएको छ । भिडियोको निर्देशन चर्चित निर्देशक निसान बानियाँले गरेका छन् । भिडियोमा रिहान शंकर र आयुष्मा कार्कीले अभिनय गरेका छन् । दुवै कलाकारको भावपूर्ण अभिनयले गीतलाई अझ प्रभावकारी बनाएको छ ।
भिडियो छायाङ्कन सुरेश श्रेष्ठले गरेका हुन् भने सम्पादन दीपक विष्टले गरेका छन् । दृश्य, कथा र भावनात्मक प्रस्तुतिका कारण भिडियो निकै आकर्षक बनेको छ । गीतलाई रिहान शंकरको युट्युब च्यानलमार्फत सार्वजनिक गरिएको हो ।
चितवन । चितवन राष्ट्रिय निकुञ्जको हात्ती प्रजनन तथा तालिम केन्द्र खोरसोरमा जन्मिएका दुई हात्तीका छावालाई कतार पठाइने भएको छ । प्रजनन केन्द्रमा हुर्किएर तालिमपछि सौराहा हात्तीसारमा लागिएका रुद्रकली र खगेन्द्र प्रसादलाई कतार पठाउन लागिएको हो ।
राष्ट्रिय निकुञ्ज तथा वन्यजन्तु संरक्षण विभागका प्रवक्ता डा हरिभद्र आचार्यका अनुसार दुई महिनाभित्रमा हात्ती पठाउने गरी काम भइरहेको छ । उनले भने, “हात्ती राख्ने खोर निर्माणको प्रक्रिया अघि बढाइएको छ । खोर बनेपछि हात्ती पठाउँछौ ।” भैरहवा विमानस्थलबाट पठाइने भएकाले खोर निर्माणपछि दाउन्नेको बाटोको अवस्था हेरेर चार्टर कार्गो विमानमार्फत हात्ती पठाइने उनले बताए । कतारको चिडियाखानामा राख्नका लागि यी हात्ती पठाउन लागिएको हो । रुद्रकली ७ वर्ष र खगेन्द्रप्रसाद ६ वर्षका छावा हुन् । राष्ट्रिय प्रकृति संरक्षण कोषले खोर निर्माणको काम अघि बढाएको छ ।
कोषका वरिष्ठ संरक्षण अधिकृत अनिल प्रसाईंका अनुसार कोष र नेपालका लागि कतार राजदूतावासका बीचमा खोर निर्माण गरी भैरहवा विमानस्थल पुर्याएर जहाज चढाउनेसम्मको कामका लागि सम्झौता भइसकेको छ । उनका अनुसार ‘कोटेसन’ मार्फत खोर निर्माणका लागि प्रक्रिया अघि बढाइएको छ । उनले भने, “दसैँअघि सम्ममा खोर बनाउने गरी तयारी गरेका छौँ ।”
राष्ट्रिय प्रकृति संरक्षण कोष सौराहाले हात्तीको नाप गरी हात्ती राख्न खोर निर्माणको प्रक्रिया अघि बढाएको हो । खोरसहित ट्रकमा राखेर सौराहाबाट अन्तरराष्ट्रिय विमानस्थल लुम्बिनी लगिनेछ । लुम्बिनीबाट कार्गो विमानमा राखी कतार लगिनेछ । खगेन्द्र र रुद्रको बाबु जङ्गली भाले हात्ती रोनाल्डो भएको हात्ती प्रजनन केन्द्रका प्रमुख मनिपुरण चौधरी बताउँछन् । खगेन्द्रको आमा कोशी कली हुन् भने रुद्रकी आमा पूजा कली हुन् । हात्ती प्रजनन केन्द्र खोरसोरमा रहेका पोथी हात्ती जङ्गली भाले हात्ती रोनाल्डो, ध्रुवे, गोविन्देजस्ता शक्तिशाली हात्तीसँगको सहवासमा गर्भवती हुने गर्दछन् ।
यसअघि नेपालले विभिन्न मित्रराष्ट्रलाई एक सिङ्गे गैँडा, हात्तीलगायत वन्यजन्तु उपहारस्वरूप प्रदान गर्दै आएको छ । दुई देशबीचको सम्बन्ध बलियो बनाउन र नेपालको जैविक विविधताको महत्व अन्तरराष्ट्रियस्तरमा परिचित गर्न वन्यजन्तु उपहार दिँदै आइएको छ ।
विसं २०४४ सालमा भारतबाट १६, म्यानमार दुई र थाइल्यान्डबाट दुई गरी २० वटा हात्तीबाट स्थापना गरिएको हात्ती प्रजनन केन्द्रले अहिलेसम्म ६८ वटा हात्तीलाई जन्म दिई सकेको छ । यहाँ ६१ वटालाई तालिम दिइएको केन्द्रले जनाएको छ । यहाँ जन्मिएकामध्ये ६ वटाको मृत्यु भएको छ । यहाँ जन्मिएका हात्ती उपहार दिन लागिएको यो पहिलो हो ।
यसअघि नेपालले सन् १९८५ देखि हालसम्म विभिन्न देशलाई २६ वटा गैँडा, १० वटा घडियाल गोही, एक ब्वाँसो र दुई चितुवा उपहार दिइसकेको तथ्याङ्क छ । तत्कालीन राष्ट्रपति विद्यादेवी भण्डारीको कतार भ्रमणका क्रममा विसं २०७५ सालमा नेपालले कतारलाई हात्ती उपहार दिने प्रतिबद्धता जनाएको थियो ।
चितवन । चितवनका विभिन्न अस्पतालमा उपचारका लागि आएका बिरामीमध्ये ८९ जनामा स्क्रब टाइफसको सङ्क्रमण देखिएको छ । साउनयता अस्पतालमा आएका बिरामीमध्ये एक हजार ८०१ जनाको नमुना परीक्षणका क्रममा उनीहरूमा यो रोगको सङ्क्रमण देखिएको हो ।
सङ्क्रमितमध्ये भरतपुर महानगरपालिकाका–३ जना, खैरहनी नगरपालिकाका १७, माडी नगरपालिकाका एक जनामा, रत्ननगर नगरपालिकाका २४, राप्ती नगरपालिकाका सात, कालिका नगरपालिकाका १२ र इच्छाकामनाका ३ जनामा स्क्रब टाइफसको सङ्क्रमण देखिएको जनस्वास्थ्य कार्यालय चितवनका किट नियन्त्रक राम केसीले जानकारी दिए । उनका अनुसार सङ्क्रमितमध्ये २२ जना जिल्ला बाहिरका रहेका छन् ।
स्क्रब टाइफस रोग मुसाको कानमा वा अन्य जीवजन्तुमा हुने सङ्क्रमित किर्नाले मानिसलाई टोकेपछि सर्ने गर्दछ । स्क्रब टाइफसमा मानिसलाई उच्च ज्वरो आउने, आँखा रातो हुने, खोकी, वान्ता, पेट दुखाइ र पखालाले सताउने, श्वास फेर्न समस्या हुने, टाउको, जोर्नी र मांसपेशी दुख्ने, बिमिरा देखिने, टोकेको ठाउँमा कहिलेकाहीँ कालो दागजस्तो लक्षण देखिने गर्दछ ।
स्क्रब टाइफसबाट बच्न खेत, झाडी वा वनजङ्गलमा जाँदा लामो बाहुला भएको कपडा र उपयुक्त जुत्ता लगाउने तथा शरीरको खुला भागमा कीटनाशक मलमको प्रयोग गर्ने, घर वरिपरिका खेताबारीमा घाँस धेरै बढ्न नदिने र वातावरण सफा राख्नेलगायत उपाय अपनाउनुपर्ने किट नियन्त्रक केसीले बताए ।
चितवन । गायिका तथा मोडल रिया खत्रीको नयाँ एकल म्युजिक भिडियो सार्वजनिक भएको छ ।
सोमबार सार्वजनिक गरिएको ‘कोशेली केरा चाहिन्छ’ नामक गीतमा रिया खत्री र कलाकार विश्वास नेपालको स्वर रहेको छ । गीतमा राजेश नेपाल बबिनको शब्द रहेको छ भने विश्वास नेपालले सङ्गीत दिएका छन् । भिडियोको निर्देशन निर्देशक प्रकाश भट्टले गरेका छन् । गीतमा गायिका रिया खत्रीसँगै मोडल लोमस शर्माले अभिनय गरेका छन् ।
गायिका तथा मोडल खत्रीले विगतमा जस्तै आफ्नो कोशेलीलाई दर्शकले मन पराउने विश्वास व्यक्त गरेका छन् । उनले हालसम्म एक दर्जनभन्दा बढी म्युजिक भिडियोमा स्वर र अभिनय गर्दै नेपाली साङ्गीतिक क्षेत्रमा आफ्नो पहिचान बनाएकी छन् ।
रत्ननगर । सामुदायिक सेवा प्रतिष्ठान भक्तपुरका प्रतिनिधि प्रेम भट्टले रत्ननगर नगरपालिकाको स्वास्थ्य संस्थाका लागि पाँच थान बिरामी बेड हस्तान्तरण गरेका छन् ।
बिरामी बेड हस्तान्तरण कार्यक्रममा नगरप्रमुख प्रलाद सापकोटा, उपप्रमुख यादवप्रसाद पाठक, प्रमुख प्रशासकीय अधिकृत प्रकाश खनाल, वडाध्यक्षहरु, कार्यपालिका सदस्यहरु, स्वास्थ्य शाखा प्रमुख माधवप्रसाद पौडेललगायतको उपस्थिति रहेको थियो ।
सो अवसरमा नगरप्रमुख सापकोटाले स्वास्थ्य संस्थालाई अतिआवश्यक पर्ने बिरामी बेड हस्तान्तरण गरेकोमा सामुदायिक सेवा प्रतिष्ठान भक्तपुर र प्रेम भट्टप्रति आभार व्यक्त गरे । कार्यक्रमको सहजीकरण स्वास्थ्य शाखाका सहसंयोजक वासुदेव सापकोटाले गरेका थिए ।
रत्ननगर । नेपाल रेडक्रस सोसाइटी चितवनले बालमैत्री कक्ष (चाइल्ड फ्राइन्डली स्पेस) सहितका सामग्री रत्ननगर नगरपालिका–५ अन्तर्गत रहेको नगरस्वास्थ्यकेन्द्र टरौलीलाई हस्तान्तरण गरेको छ ।
कार्यक्रममा रेडक्रस चितवनका सभापति हरिप्रसाद पौडेल, रत्ननगर–५ का अध्यक्ष बालकृष्ण चापागाईं, रेडक्रस चितवनका मन्त्री राममणि खनाल, रत्ननगर नगरपालिकाका स्वास्थ्य शाखाका प्रमुख माधवप्रसाद पौडेल, सहसंयोजक वासुदेव सापकोटा, नगरस्वास्थ्यकेन्द्र टरौलीका प्रमुख गोविन्द शर्मालगायतको उपस्थिति रहेको थियो ।
कार्यक्रमको समन्वय कार्यक्रम संयोजक प्रदीप सुवेदीले गरेका थिए भने सञ्चालन रेडक्रस उपशाखा बछौलीका कोषाध्यक्ष दीपेन्द्र श्रेष्ठले गरेका थिए ।
सो अवसरमा बोल्दै रेडक्रस चितवनका सभापति हरिप्रसाद पौडेलले बालबालिकाको मानसिक स्वास्थ्य र खेलमैत्री वातावरण सृजना गर्नु आजको आवश्यकता रहेको बताए । यसले उनीहरूको आत्मविश्वास र क्षमतामा वृद्धि गर्ने विश्वास पौडेलले व्यक्त गरे ।
यस्तै, रत्ननगर–५ का वडाध्यक्ष बालकृष्ण चापागाईंले यस प्रकारको कार्यक्रमले स्थानीय बालबालिकालाई प्रत्यक्ष फाइदा पु¥याउने भएकाले यसलाई थप प्रभावकारी बनाउन सबै पक्ष एकजुट हुनुपर्ने बताए ।
उनले बालबालिकाको स्वास्थ्यलाई प्राथमिकतामा राख्दै स्वास्थ्य उपचारसँगै उनीहरूको मानसिक र सामाजिक विकासलाई अघि बढाउने गरी बालमैत्री कक्षा सञ्चालन गर्नु मह¤वपूर्ण रहेको बताए ।
उनले यसबाट बालबालिकालाई सुरक्षित, रमाइलो र सिकाइमैत्री वातावरण दिनुका साथै उनीहरूको सम्पूर्ण विकासमा सहयोग पुग्ने र बालमैत्री कक्षाको माध्यमबाट बालबालिकाको उपचारलाई सहज बनाउन मद्दत पुग्ने विचार व्यक्त गरे ।
यस्तै, स्वास्थ्य शाखा प्रमुख माधवप्रसाद पौडेलले यस कार्यक्रमबाट बालमैत्री कक्षाले बालबालिकाको स्वास्थ्य, मनोविज्ञान र सिकाइलाई सन्तुलित बनाउने बताए ।
रेडक्रस चितवनका मन्त्री राममणि खनालले रेडक्रसले समुदायको स्वास्थ्य र सामाजिक सशक्तीकरणका लागि निरन्तर योगदान गर्दै आएको बताउँदै बालबालिकालाई मानसिक स्वास्थ्य, मनोसामाजिक सशक्तीकरण र खेलकुदमैत्री वातावरण सिर्जना गर्न आवश्यक सामग्रीहरु स्वास्थ्यकेन्द्रलाई उपलब्ध गराइएको बताए ।
यस कार्यक्रम सुरू भएसँगै बालबालिकाको स्वास्थ्य, मानसिक विकास र अधिकार प्रवद्र्धनमा सकारात्मक योगदान पुग्ने नगरस्वास्थ्यकेन्द्र टरौलीका प्रमुख गोविन्द शर्माले बताए ।
खैरहनी । खैरहनी-८, पर्सा बजारमा रहेको शैक्षिक परामर्शदाता संस्था टिम कन्सल्टको आयोजनामा मल्टी डेस्टिनेसन एजुकेसन फेयर-२०२५ सम्पन्न भएको छ ।
खैरहनी नगरपालिका वडा नं-८ का वडाध्यक्ष शंकर कँडेलको प्रमुख आतिथ्यता एवम् टिम ग्लोबलका सिइयो हेमन्त कँडेलको अध्यक्षतामा सम्पन्न कार्यक्रममा पर्सा शाखा प्रमुख राजकुमार सिलवालले स्वागत मन्तव्य राखेका थिए ।
कार्यक्रममा २५ भन्दा बढी कलेज र युनिभर्सिटीका प्रतिनिधि, आइडिपी, ब्रिटिस काउन्सिलका प्रतिनिधि, बैंक तथा बित्तीय संस्थाहरुका प्रतिनिधिसँग विद्यार्थीहरुले कलेज तथा युनिभर्सिटीको विशेषता, शैक्षिक ऋण र छात्रवृत्तिको बारेमा प्रत्यक्षरुपमा छलफल गरेका टिम कन्सल्टका पर्सा शाखा प्रमुख सिलवालले जानकारी दिए ।
३०० भन्दा बढी विद्यार्थीको सहभागिता रहेको कार्यक्रममा विद्यार्थीहरुले खेलको मज्जासमेत लिएका थिए । सहभागी विद्यार्थीहरुलाई आकर्षक गिफ्ट, मुभी टिकट, एयर बर्ड, स्मार्ट वाच र मोबाइल चार्जर प्रदान गरिएको थियो ।
कार्यक्रममा सहभागी विद्यर्थीहरुले यस्ता कार्यक्रमले आफूहरुको अन्योलता हटाइ सही गन्तव्य, कलेज र युनिभर्सिटी चयन गर्न सहज भएको बताएका छन् । विगत डेढ दशकदेखि सेवा प्रदान गर्दै आएको टिम कन्सल्टले काठमाडौँ, पर्सा, नारायणगढ, सिड्नी र लन्डन कार्यालयबाट सेवा प्रदान गर्दै आएको छ ।
रत्ननगर । अर्पण बचत तथा ऋण सहकारी संस्था लिमिटेड र रेडियो अर्पण १०४.५ मेगाहर्जले आयोजना गरेको कार्यक्रममा १४ महिलासहित १०७ जनाले रक्तदान गरेका छन् ।
रत्ननगर नगरपालिका वडा नं–१ का वडाध्यक्ष एवम् नगर प्रवक्ता कुलप्रसाद सापकोटाको प्रमुख आतिथ्यता एवम् अर्पण बचत तथा ऋण सहकारी संस्था लिमिटेडका अध्यक्ष मोहदत्त पौडेल ‘सुरज’को अध्यक्षतामा भएको कार्यक्रममा १०७ जनाले रक्तदान गरेको कार्यक्रम संयोजक टुकानाथ आचार्यले जानकारी दिए ।
कार्यक्रममा रेडियो अर्पणका उपाध्यक्ष एवम् अर्पण साकोसका पूर्वअध्यक्ष यमन भुसालले रक्तदान कार्यक्रमको औचित्यमाथि प्रकाश पारेका थिए ।
कार्यक्रमलाई हौसला दिन उपस्थित भएका रत्ननगर नगरपालिकाका नगरप्रमुख प्रलाद सापकोटाले अर्पण साकोसले सामाजिक उत्तरदायित्वको भूमिका निर्वाह गरेकोमा खुसी व्यक्त गर्दै नगरपालिका सहकार्य गर्न सदैव तयार रहेको बताए ।
कार्यक्रमका प्रमुखअतिथि वडाध्यक्ष सापकोटाले अर्पणको सामाजिक भूमिकाको प्रशंसा गर्दै सामाजिक संस्थाले बेला बखतमा आयोजना गर्ने रक्तदान कार्यक्रमबाट रगतको अभावपूर्ति हुने गरेको बताए ।
कार्यक्रमको समापन गर्दै सभाध्यक्ष एवम् अर्पण सोकोसका अध्यक्ष मोहदत्त पौडेल ‘सुरज’ले सेवा शुभारम्भको अवसरमा आफूहरुले रक्तदानजस्तो पुनित कार्य गरेको र यसको लागि विभिन्न स्थानबाट गरिएको सहयोगका साथै रक्तदाता महानुभावले देखाएको उपस्थितिले आगामी दिनमा थप उल्लेख्य कार्य गर्न प्रेरित गरेको बताए ।
चितवन । चितवन उद्योग संघको अध्यक्षमा मदन घिमिरे निवार्चित भएका छन् । संघको १८ औँ अधिवेशनले घिमिरेलाई चयन गरेको हो ।
कार्यसमितिको उपाध्यक्षहरुमा गजेन्द्र अधिकारी, ताराबहादुर कार्की, गोपालप्रसाद गैरे, दिनुपकुमार बराल, परमेश्वर भण्डारी, विशाल चापागाईं चयन भएका छन् । यस्तै, कार्यसमिति सदस्यहरुमा सुवासचन्द्र गौतम, प्रतिभा श्रेष्ठ, अन्तोष बमजन, खिलप्रसाद घिमिरे, जीताराम महतो, रामहरि कँडेल, सुरेन्द्र कार्की, ओमकार कँडेल, आनन्द पौडेल, सृजना सोती, अश्विन गोले, शेषमणि भट्टराई, प्रकाश पौडेल, अनुजराज पन्त, दिपेश श्रेष्ठ, ई. प्रदीप पौडेल, सरिता खनाल पौडेल र भरत दवाडी चयन भएका छन् ।
नवनिर्वाचित अध्यक्षलाई गभर्निङ काउन्सिलका उपाध्यक्षबाट र नवनिर्वाचित पदाधिकारी एवम् सदस्यहरुलाई निवनिर्वाचित अध्यक्षले सपथ खुवाएका थिए ।
चितवन उद्योग संघ तथा चितवन औद्योगिक विकास साकोसको संयुक्तरुपमा आयोजित साधारण सभाको संघतर्फ चितवन उद्योग संघका कार्यवाहक अध्यक्ष मदन घिमिरेले अध्यक्षको प्रतिवेदन, चितवन उद्योग संघका कार्यकारी निर्देशक गणेश सिलवालले संघको वार्षिक प्रगति प्रतिवेदन प्रस्तुत गरेका थिए । संघका उपाध्यक्ष एवम् आर्थिक, योजना तथा निर्माण विभाग प्रमुख गजेन्द्र अधिकारीले आव ०८१-०८२ को लेखा परीक्षण प्रतिवेदन प्रस्तुत गरेका थिए ।
यस्तै, साकोसतर्फ चितवन औद्योगिक विकास साकोसका कार्यवाहक अध्यक्ष मदन घिमिरेले आव ०८१-०८२ को वार्षिक प्रगति प्रतिवेदन, सचिव सरिता खनाल पौडेलले आव ०८१-०८२ को सचिवको प्रतिवेदन, कोषाध्यक्ष परमेश्वर भण्डारीले आव ०८१-०८२ को आर्थिक प्रतिवेदन तथा ०८२-०८३ को प्रस्तावित नीति कार्यक्रम तथा बजेट, लेखा सुपरीवेक्षण समितिका सदस्य दण्डपाणि भट्टले आव ०८१-०८२ को लेखा सुपरीवेक्षण समितिको प्रतिवेदन प्रस्तुत गरेका थिए ।
संघ तथा साकोसतर्फ प्रस्तुत गरिएका प्रतिवेदनमाथिर छलफल तथा अनुमोदनसमेत गरिएको थियो ।
रत्ननगर । गायन रियालिटी शो ‘नेपाल आइडल’ सिजन-६ को उपाधि सिन्धुपाल्चोककी गंगा सोनामले जितेकी छन् । यद्यपि, चितवनकी चेली दर्शना गान्धारीले पनि आफ्नो उत्कृष्ट प्रस्तुतिले दर्शकको मन जित्दै सेकेन्ड रनरअपको स्थान हासिल गरेकी छन् । दर्शकको भोटको आधारमा विजेता घोषणा गरिएको यस आइडलमा दर्शनाले ५ लाख रूपैयाँ नगदसहित विभिन्न उपहार प्राप्त गरिन् ।
विजेता गंगा सोनामले उपाधि ट्रफी, २५ लाख रूपैयाँ नगद र विभिन्न उपहार जितेकी छन् । फिनालेमा गंगासँगै दर्शना गान्धारी, अभिनय खाती (दार्जिलिङ), बबिता थापा मगर (सिक्किम) र मृनल मानन्धर (काठमाडौँ) उपाधिका लागि प्रतिस्पर्धामा थिए ।
चितवनकी दर्शनाले आफ्नो सुमधुर स्वर र आत्मविश्वासपूर्ण प्रस्तुतिले प्रतियोगिताभर दर्शक र निर्णायकको प्रशंसा बटुलेकी थिइन् । उनलाई उपाधिका लागि बलियो दावेदार मानिएको थियो ।
योसँगै गंगा सोनाम नेपाल आइडलको दोस्रो महिला विजेता बनेकी छन् । यसअघि सिजन-३ मा सज्जा चौलागाईंले पहिलो महिला विजेताको इतिहास रचेकी थिइन् । चितवनकी दर्शनाले भविष्यमा थप अवसरहरू प्राप्त गर्ने अपेक्षा गरिएको छ । उनको यो उपलब्धिले चितवनवासीलाई गर्वको अनुभूति गराएको छ ।
रत्ननगर । “हाम्रो पुस्तकालय, हाम्रो भविष्य” भन्ने नारासहित १८औँ राष्ट्रिय पुस्तकालय दिवसको अवसरमा झुवानी सामुदायिक पुस्तकालयले सार्वजनिक स्थल सरसफाइ गरेको छ ।
झुवानी सामुदायिक पुस्तकालयको प्राङ्गणमा आयोजित कार्यक्रममा पुस्तकालयका अध्यक्ष अनिल अर्यालले पुस्तकालय मात्र पुस्तक पढ्ने स्थल नभई समाजलाई सचेत बनाउने थलोको काम गर्ने भएकाले यस प्रकारका कार्यक्रमले पुस्तकालयप्रतिको आकर्षण र जिम्मेवारीलाई थप बल मिल्ने बताए ।
रत्ननगर नगरपालिका वडा नं–५ का वडा अध्यक्ष बालकृष्ण चापागाईंले पुस्तकालयको सक्रियता प्रशंसनीय रहेको उल्लेख गर्दै सरसफाइ, ज्ञान र संस्कृतिको विकास पुस्तकालयसँग गाँसिएको भन्दै स्थानीय तहबाट पनि पुस्तकालयको स्तरवृद्धि र पुस्तकप्रतिको पहुँच विस्तारका लागि सहयोग गर्ने प्रतिबद्धता जनाए ।
पुस्तकालय परिसरवरिपरि सरसफाइ तथा दीप प्रज्वलन गरी दिवस मनाइएको थियो ।
भरतपुर । नेपाल आयल निगमले पेट्रोलियम पदार्थको मूल्य घटाएको छ । निगम सञ्चालक समितिको बैठकले आइतबार रातिदेखि लागू हुने गरी डिजेल÷मट्टितेलमा प्रतिलिटर चार रुपैयाँ, इवाई इन्धन (आन्तरिकतर्फ) मा एक रुपैयाँ र हवाई इन्धन अन्तरराष्ट्रियतर्फ प्रतिकिलोलिटर अमेरिकी डलर सातले घटाएको हो ।
पेट्रोल तथा एलपी ग्यासको बिक्री मूल्य भने यथावत् राखिएको छ । नयाँ बिक्री मूल्यअनुसार डिजेल÷मट्टितेलको खुद्रा बिक्री मूल्य प्रतिलिटर क्रमशः १४२ रुपैयाँ ५० पैसा, १४४ रुपैयाँ र १४५ रुपैयाँ तोकिएको छ ।
यस्तै, आन्तरिकतर्फको हवाई इन्धनको मूल्य प्रतिलिटर १२७ रुपैयाँ तोकिएको छ । हवाई इन्धन अन्तरराष्ट्रियतर्फ काठमाडौँका लागि प्रतिकिलोलिटर अमेरिकी डलर ९६६ निर्धारण गरिएको निगमले जनाएको छ ।
इन्डियन आयल कर्पोरेसनबाट मूल्य घटेर आएकाले नेपाली बजारमा मूल्य समायोजन गरिएको निगमले स्पष्ट पारेको छ ।
भरतपुर । चितवनको पहाडी क्षेत्रमा जमिनको मूल्य बढ्दै गएपछि चेपाङ समुदायको बाहुल्यता भएका सो क्षेत्रमा विचौलियाहरुले प्रलोभनमा पारी जमिन खरिद गर्न थालेका छन् । खानी, प्राकृतिक सुन्दरतालगायत कारणले जमिनको महत्त्व बढ्दै गएका कारण विचौलियाहरुले जमिन खरिदबिक्री गर्न थालेका हुन् ।
चेपाङ समुदायसँग आफ्नो नाममा थोरै जमिनमात्रै हुने नेपाल चेपाङ सङ्घका केन्द्रीय अध्यक्षसमेत रहेका संविधानसभा सदस्य गोविन्दराम चेपाङले बताए । उनले २० प्रतिशत चेपाङसँग मात्रै आफ्नो नाममा जमिन भएको जनाउँदै बाँकी ८० प्रतिशत ऐलानी र अरुको जमिनमा खेती गरी जीविकोपार्जन गर्ने गरिएको उल्लेख गरे ।
पछिल्लो समय जिल्लाको पहाडी क्षेत्रमा घडेरी किन्ने लहर चलेको छ । खानी, प्राकृतिक सुन्दरता, अनुकूल मौसमलगायत कारणले ग्रामीण क्षेत्रका जमिनको मूल्य बढ्दै गएको सङ्घका केन्द्रीय अध्यक्ष चेपाङले बताए । तराईमा बढ्दो गर्मी र नजिकै पहाडमा शीतलताले पाइने भएकाले पनि पहाडी क्षेत्रमा जमिनको मूल्य बढेको उनको भनाइ छ ।
उनका अनुसार पछिल्लो समय दुई जनाको जमिन प्रलोभनमा पारेर ठगी गरिएको भन्दै सङ्घमा निवेदन परेको छ । यसका अतिरिक्त ‘तिम्रो जमिनमा आफैँ बस्न र खेती गर्न पाउँछौँ’ भन्दै प्रलोभनमा पारेर जग्गा पास गर्ने प्रचलन बढ्दो रहेको उनले बताए ।
“चेपाङ समुदायको बाहुल्यता रहेको चितवन, मकवानपुर र धादिङमा मात्रै ४४ ठाउँमा खानी दर्ता भएको तथ्याङ्क छ । कालिका नगरपालिका–९ मा मात्रै नौ वटा चुनढुङ्गा खानी दर्ता भएका छन्”, सङ्घका अध्यक्ष चेपाङले भने ।
सङ्घका महासचिव शन्तबहादुर चेपाङले विचौलियाले यहाँ जमिनको प्रचलित मूल्यभन्दा धेरै सस्तोमा किनबेच गर्ने गरेको पाइएको बताए । उनले भने, “एक वर्षमा फिर्ता हुन्छ भन्दै पास गर्नेहरु पनि भेटिएका छन् । तर ती जमिन तीन–चार तहमा बिक्री भएर गइसकेको फेला परेका छौँ ।”
सङ्घका चेपाङका अनुसार चितवनमा ३५ हजार ६३७ जनसङ्ख्या यो समुदायको छ भने देशभर ८४ हजार ३६४ छ । चितवनको कालिका नगरपालिका–८, ९, १० र ११, राप्ती नगरपालिका–१०, ११, १२ र १३, इच्छाकामना गाउँपालिकाका–१, २ र ६ वडामा चेपाङ जातिको बाहुल्यता छ ।
गोरखाको गण्डकी र शहीद लखन गाउँपालिका, मकवानपुरको राक्सिराङ, मनहरी र कैलाश गाउँपालिकामा चेपाङको बाहुल्यता छ । यस्तै धादिङको बेनिघाट रोराङ, थाक्रे र गजुरीमा चेपाङ बसोवास रहेको उनले जानकारी दिए ।
सङ्घ चितवनका अध्यक्ष भीमबहादुर चेपाङले खानी क्षेत्रमा चेपाङको जमिन भएको भन्दै विचौलिया र ठेकेदार बसेर जमिनको मूल्य तोक्ने, चेपाङ समुदायसँग सस्तो मूल्यमा किनबेच गर्ने गरेका बताए । उनले भने, “यो यो ठाउँमा खानी छ भनेर पत्ता लगाउँछन्, बाहिरै बसेर जग्गाको कारोबार गर्दछन् ।”
यो समस्या बढ्दै गएमा चेपाङ भूमिहीन बन्नेक्रम अझै थपिने उनको भनाइ छ । राज्यले भूमिहीन हुनेगरी जग्गा बेच्दै गर्दा यस कार्यलाई विपन्न समुदायलाई ठगिनबाट बचाउनुपर्ने उनको माग छ । रासस
रत्ननगर । रत्ननगर नगरपालिकाको आयोजनामा आर्थिक वर्ष २०८२/०८३ को लागि कार्यसम्पादन सम्झौता कार्यक्रम सम्पन्न भएको छ ।
रत्ननगर नगरपालिकाका नगरप्रमुख र प्रमुख प्रशासकीय अधिकृतबीच तथा प्रमुख प्रशासकीय अधिकृत र शाखा प्रमुख एवम् वडा सचिवबीच कार्यसम्पादन सम्झौता भएको हो ।
आर्थिक वर्ष २०८२/०८३ मा गर्नुपर्ने कार्यसम्पादन सम्झौता हस्तान्तरण गर्दै नगरप्रमुख प्रलाद सापकोटाले कार्यसम्पादन छिटोछरितो ढङ्गले सम्पन्न गर्नुपर्छ भन्ने मान्यताका साथ जिम्मेवारीअनुसार सबै कर्मचारीले आआफ्नो भूमिका निर्वाह गर्न आग्रह गरे ।
नगरप्रमुख सापकोटाले नगरपालिकाले सम्पादन गर्ने कामकारबाही पेपरलेस हुनुपर्ने भएकाले सचिवहरु कम्प्युटरमा दक्ष बन्न सके सेवाग्राहीले छिटो सेवा पाउने भएकाले अनिवार्य कम्प्युटरको ज्ञान लिन अनुरोध गरे ।
यस्तै, प्रमुख प्रशासकीय अधिकृत प्रकाश खनालले विभिन्न विभागीय प्रमुख एवम् वडा सचिवहरुलाई कार्यसम्पादन सम्झौता हस्तान्तरण गर्दै नगरप्रमुखले दिएको लक्ष्यअनुसार सम्झौतामा उल्लेख भएका बुँदाहरु विद्यमान कानुन एवम् स्थानीय सरकार सञ्चालन ऐन–२०७४ अनुसार कार्यान्वयन गर्न निर्देशन दिए । उनले कर्मचारीहरुले गर्ने कार्यसम्पादन मूल्याङ्कनका आधारमा पुरस्कृत र कारबाही हुने बताए ।
प्रशासन शाखा प्रमुख सबिता अर्यालले सञ्चालन गरेको कार्यक्रममा नगर शिक्षा अधिकारी नारायणप्रसाद वाग्ले, लेखा अधिकृत प्रदीप पौडेल, स्टोर शाखा प्रमुख डिम्मेश्वरी पौडेल, वडा सचिवको तर्फबाट वासुदेव रिजाललगायतले प्रमुख प्रशासकीय अधिकृतले प्रदान गरेको जिम्मेवारी पूरा गर्ने प्रतिबद्धता व्यक्त गरेका थिए ।
चितवन । छवि वैरागी घिमिरेको नयाँ उपन्यास ‘विविशारा’ लोकार्पण गरिएको छ । काठमाडौँको अनामनगरमा शनिबार आयोजित विशेष कार्यक्रममा लेखक अमर न्यौपाने, समालोचक अनुपमा रेग्मी, लेखक छवि वैरागी घिमिरेलगायतले पुस्तक लोकार्पण गरे ।
बालमनोविज्ञानमा आधारित रहेर आम भुइँमान्छेको यथार्थमा केन्द्रित रहेको उपन्यासमा सामाजिक विभेददेखि मायाप्रेम र मानिस मात्र नभई अन्य प्राणी पनि कसरी अनाथ बन्न सक्छन् भन्ने विषयवस्तु समेटिएको समालोचक रेग्मीले जनाइन् ।
‘यो पुस्तक यति सुललित किसिमले लेखिएको छ,’ उनले भनिन्, ‘पढ्दै जाँदा पुस्तक छाड्नै मन लाग्दैन, कतिखेर सक्कियो, त्यो पनि पत्तै हुन्न ।’
समाजमा मानिस मात्र नभएर यहाँका प्राणीहरु पनि कसरी अनाथ बन्छन् भन्ने विषयलाई पनि बडो मार्मिक किसिमले प्रस्तुत गरिएको उनले बताइन् । ‘पुस्तक पढिरहँदा म थुप्रै ठाउँमा भावुक बनेकी छु,’ समालोचक रेग्मीले भनिन्, ‘यो पुस्तक तपाईंहरुलाई पढ्न म ढुक्कसाथ सिफारिस गर्न सक्छु ।’
कार्यक्रममा लेखक अमर न्यौपानेले उपन्यास ‘विविशारा’ लेखक छवि वैरागी घिमिरे जस्तै रहेको रोचक टिप्पणी गरे । उपन्यास पढ्दा कतै पनि झिजोलाग्दो नभएको र एकदुई बसाइमै पढिसकिने गरी उत्कृष्ट बनेको उनको भनाइ छ ।
‘उपन्यास विविशाराले मलाई एक किसिमको साहित्यिक स्वाद दियो,’ उनले भने, ‘यसको भाषाशैली र प्रस्तुतिले मलाई असाध्यै छोयो । पुस्तकहरुको संसारमा यसले आफूलाई पृथक् किसिमले उभ्याउने मेरो विश्वास छ ।’
लामो समयको खोज, अनुसन्धान र साधनापछि उपन्यास ‘विविशारा’ प्रकाशनमा ल्याएको लेखक छवि वैरागी घिमिरेले बताए । साहित्यकार बाबु त्रिपाठीले पनि पुस्तक पढेपछि समाजमा कति किसिमका अनाथ हुने रहेछन् भनेर सोच्न बाध्य बनाउने बताए ।
के छ विविशारामा ?
कुनै–कुनै कथाव्यथा भोग्नेलाई मात्र होइन, देख्ने–सुन्नेलाई पनि सहन गाह्रो हुन्छ । यो नियतिको प्रहारले मरणासन्न बनेको निर्दोष भुइँमान्छेको त्यस्तै कथा हो, जसमाथि नियतिभन्दा ठूलो प्रहार मान्छेबाट हुन्छ । अझ भनौं, दैवीप्रकोप, बालश्रम, यौनशोषण र सामाजिक विभेदको मुक्का खाएर ढल्दा पनि सङ्घर्षको राँको बोकेर हिँडिरहेको हिम्मतिलो विपनको कथा हो ।
संसारमा अलौकिक प्रेम अझै मरेको छैन; विश्वास गर्न सकियो भने त्योभन्दा मजबुत अर्को खुसीको जीवन पनि छ भन्ने विषयलाई उपन्यासले आफ्नो मूल कथ्य बनाएको छ ।
यो घटनाभित्रको घटना पनि हो । उपन्यास पढिरहँदा लाग्छ— जीवन मात्र एक्लो छ । यहाँ यस्ता पात्रहरुको कोलाज छ, जो कोही नभएर अनाथ त छन् नै, सबथोक भएर अनाथ बनिरहेका पनि यहीँ छन् ।
को हुन् छवि वैरागी ?
छवि वैरागी घिमिरे सशक्त छन्दकवि एवम् आख्यानकार हुन् । रेडियो सञ्चारकर्मीका रुपमा एक दशक काम गरिसकेका घिमिरे हाल एक दर्जन हाराहारी साहित्यिक संस्थाको नेतृत्वदायी भूमिकामा छन् । साधकका रुपमा समेत परिचित उनका दर्जन हाराहारीमै विभिन्न साहित्यिक कृति प्रकाशित छन् ।
उनको पछिल्लो कृति किनारीकृत माइली चम्पू खण्डकाव्य चर्चित छ । विविशारा उनको दोस्रो उपन्यास हो । पुस्तक फिनिक्स बुक्सले प्रकाशन गरेको हो ।
रत्ननगर । रत्ननगर-१० मा रहेको श्री सौजन्य बचत तथा ऋण सहकारी संस्था लिमिटेडको १४ औँ वार्षिक साधारण सभा सम्पन्न भएको छ । साधारण सभाको उद्घाटन कालिका नगरपालिकाका नगरप्रमुख एवम् सहकारीका संस्थापक अध्यक्ष विनोद रेग्मीले औपचारिक कार्यक्रमबीच गरेका थिए ।
साधारण सभामा चालू आर्थिक वर्षको नीति तथा कार्यक्रम प्रस्तुत गर्दै संस्थाका अध्यक्ष धर्मध्वज लम्सालले आर्थिक कारोबारसँगै शेयर सदस्यको आर्थिक विकास, सामाजिक उत्तरदायित्व र संस्थागत विकासलाई प्राथमिकतामा राखेर योजना बनाइने बताए । गत वर्षको घाटालाई परिपूर्ति गर्दै यस वर्ष संस्थाले नाफा आर्जन गरेको भन्दै उनले सम्पूर्ण शेयर सदस्यलाई धन्यवाद दिए ।
कार्यक्रममा अध्यक्ष लम्सालले प्रगति प्रतिवेदन, कोषाध्यक्ष सबिता आचार्यले आर्थिक प्रतिवेदन र लेखा समिति संयोजक लीलानाथ अर्यालले लेखा प्रतिवेदन प्रस्तुत गरेका थिए । गत वर्ष २ लाखभन्दा बढी घाटा व्यहोरेको सहकारीले यस आर्थिक वर्षमा २० लाख ८५ हजार ९८७ रुपैयाँ नाफा आर्जन गरेको र गत वर्षको घाटा परिपूर्ति गरी १८ लाख ५१ हजार ६२२ रुपैयाँ खुद नाफा गरेको अर्यालले बताए ।
संस्थाको शेयर पुँजी ८९ लाख ७९ हजार २०० रुपैयाँ र बचत २ करोड ३ लाख ६० हजार ४११ रुपैयाँ रहेको सचिव अनिता अर्यालले जानकारी दिइन् । यस वर्ष संस्थाको कुल खर्च ४५ लाख ५९ हजार रुपैयाँ भएको उनले बताइन् ।
सो अवसरमा प्रमुखअतिथि नगरप्रमुख रेग्मीले सहकारीले विधि, नियम र कानुनको पालना गरी कार्य गर्नुपर्नेमा जोड दिए । उनले आर्थिकरूपमा कमजोर शेयर सदस्यहरूको पहिचान गरी उनीहरूमा लगानी गर्न र सहकारीको विकासका लागि शेयर सदस्यहरूले पनि मेहनत गर्नुपर्ने बताए ।
रत्ननगर । रत्ननगर-१२ मा रहेको पञ्चकन्या हाइट चिसापानी टोल विकास संस्थाले २४ जना ज्येष्ठ नागरिकलाई सम्मान गर्दै धार्मिक जिप सफारी आयोजना गरेर उदाहरणीय कार्य गरेको छ । संस्थाले टोलका ज्येष्ठ नागरिकलाई मायाको चिनो, सहज हिँडडुलका लागि लौरोलगायत सामग्री प्रदान गरी सम्मान गरेको हो ।
कार्यक्रममा ज्येष्ठ नागरिकलाई रत्ननगरका प्रमुख धार्मिकस्थलहरूको भ्रमण गराउँदै जिप सफारी आयोजना गरिएको संयोजक सुवास घिमिरेले बताए । सोही अवसरमा संस्थाले वडा नं १२ का दुई उत्कृष्ट विद्यार्थी विवेक शर्मा (कक्षा १२) र अञ्जली घिमिरे (स्नातक तह)लाई पनि सम्मान गरेको छ ।
कार्यक्रमका प्रमुखअतिथि वडा नं-१२ का वडाध्यक्ष सुन्दरमणि सुवेदीले टोलले सामाजिक सन्देशमूलक कार्यक्रम आयोजना गरेकोमा खुसी व्यक्त गरे । उनले भने, “जबसम्म हामीले अग्रज आमाबुबालाई सम्मान गर्न सक्दैनौँ, तबसम्म हामीले चाहेजस्तो समाज निर्माण गर्न सकिँदैन।” वडा कार्यालय ज्येष्ठ नागरिकको सहयोगका लागि सधैँ तयार रहेको उनले प्रतिबद्धता जनाए ।
टोल विकास संस्थाका अध्यक्ष विकासनाथ घिमिरेको सभापतित्वमा सम्पन्न कार्यक्रममा भागवत वाचिका विदूषी विमला वली, मेलमिलाप संयोजक भरत पाण्डे, विभिन्न टोलका अध्यक्षहरूलगायतको उपस्थिति थियो । कार्यक्रमको सञ्चालन प्रशान्त गुरूङले गरेका थिए ।
कालिका । सपना भिलेज सोसल इम्प्याक्ट र कालिका नगरपालिकाको लागत साझोदारीमा कालिका–१ का २०० घरधुरीमा बायोमास चुलो वितरण गरिएको छ ।
कालिका–१ का वडाध्यक्ष सन्तवीर स्याङ्दानको अध्यक्षतामा भएको कार्यक्रममा सपना भिलेज सोसल इम्प्याक्टका बोर्ड अफ डाइरेक्टर वर्षा पुरीको प्रमुख आतिथ्यता तथा इम्प्याक्टका प्रोग्राम डाइरेक्टर सुजन बस्नेतको विशिष्ट आतिथ्यता रहेको थियो ।
वडा सदस्य सरस्वती खत्रीले स्वागत मन्तव्य राखेको कार्यक्रममा सिर्जनशील टोल विकास संस्थाका अध्यक्ष रघुनाथ सापकोटाले मन्तव्य व्यक्त गरेका थिए ।
सपना भिलेज, स्थानीय उपभोक्ता तथा नगरपालिकाको साझेदारीमा वडा नं–१ मा २०० घरधुरीलाई चुलो वितरण गरिएको सपना भिलेजका अध्यक्ष ध्रुव गिरीले जानकारी दिए । उनका अनुसार यसअघि सो वडामा ७९ घरधुरीमा बायोमास चुलो वितरण गरिएको थियो ।
धुवाँ कम गर्ने चुलो स्थानीयवासीले राम्रोसँग प्रयोग गर्दै आएको र स्वास्थ्यमा समेत सुधार आउनुका साथै दाउराको बचत हुने उनले बताए । उनले धुवाँ कम गर्ने चुलोले करिब ८० प्रतिशतसम्म धुवाँ घटाउने र थोरै दाउराबाट पनि खाना पकाउन सकिने भएकाले यसको माग बढ्दो रहेको बताए ।
वडाका कर्मचारी रेखा अम्गाईंले सञ्चालन गरेको कार्यक्रममा वडा सदस्यहरु जीवन लामा, ओमकार खड्का, वडा सचिव रामबहादुर लुवार, समाजसेवी भरत पोखरेल, तिलक थापा मगरलगायतको सहभागिता रहेको थियो ।
रत्ननगर । रत्ननगर उद्योग वाणिज्य संघले आन्दोलनरत निजी विद्यालयका सञ्चालक र शिक्षकहरुको आन्दोलनप्रति ऐक्यबद्धता जनाउँदै प्रस्तावित शिक्षासम्बन्धी विधेयक संशोधन गर्न माग गरेको छ ।
संघले विज्ञप्ति जारी गरी विधेयकमा प्रस्तावित गैरनाफामूलक र पूर्ण छात्रवृत्तिसम्बन्धी व्यवस्था निजी तथा आवासीय विद्यालयहरुको अस्तित्व, लगानी र भविष्यप्रति सशङ्कित हुने अवस्था सिर्जना गर्ने भन्दै संशोधन गर्न माग गरेको हो ।
संघका अध्यक्ष शंकर गिरीद्वारा हस्ताक्षरित विज्ञप्तिमा निजी विद्यालयहरुले लिएको शुल्कबाट पूर्वाधार निर्माणमा ठूलो रकम खर्च हुने गरेको तर लगानीअनुसार मुनाफाको सुनिश्चितता नहुने हो भने शिक्षामा भविष्यमा निजी क्षेत्र निरूत्साहित हुने अवस्था आउने उल्लेख गरिएको छ ।
विज्ञप्तिमा भनिएको छ, “निजी विद्यालयको स्तरअनुसार शुल्क निर्धारण हुने भएकाले सामुदायिक र निजी विद्यालयले समान छात्रवृत्ति दिनुपर्ने व्यवस्था व्यावहारिक छैन ।”
त्यसैगरी, २०७७ मा संशोधन गरिएको छात्रवृत्ति ऐनले सामुदायिक विद्यालयमा मात्र अध्ययन गरेका विद्यार्थीलाई उच्च शिक्षा तथा प्राविधिक तालिम परिषद्अन्तर्गत छात्रवृत्ति पाउने व्यवस्था गरेको विषयलाई संघले विभेदकारी भनेको छ ।
यसले शिक्षा प्राप्त गर्ने संवैधानिक समान अधिकारको उल्लङ्घन गर्ने संघको भनाइ छ । निजी क्षेत्रले नेपालको विद्यालय शिक्षामा करिब ३४ प्रतिशत योगदान पुर्याउँदै आठ खर्ब रूपैयाँबराबरको लगानी र पाँच लाखभन्दा बढीलाई रोजगारी सिर्जना गरेको भन्दै संघले राष्ट्रको सीमित लगानीबीच पनि गुणस्तर कायम गर्न निजी तथा आवासीय विद्यालयले महत्त्वपूर्ण योगदान दिइरहेको जनाएको छ ।
संघले संघीय संसद्मा प्रतिनिधित्व गर्ने दल, सांसद् र सरोकारवालालाई जिम्मेवार बन्न आग्रह गर्दै नेपाल उद्योग वाणिज्य महासंघको पहलमा विभेदकारी प्रावधान हटाई विद्यालय शिक्षा ऐन, २०८२ समन्यायिक सामाजिक न्याय र गुणस्तरीय शिक्षासहित पारित गर्न माग गरेको छ ।
रत्ननगर । गोरखा रत्ननगर सम्पर्क समाजको वार्षिक साधारण सभा तथा प्रथम अधिवेशनले वेदप्रसाद पाण्डेको अध्यक्षतामा नयाँ कार्यसमिति चयन गरेको छ ।
समाजको उपाध्यक्षमा युवराज पाण्डे, सचिवमा सूर्यमणि ढकाल, सहसचिवमा भरत पाण्डे, कोषाध्यक्षमा पूर्णमान श्रेष्ठ रहेका छन् । यस्तै, सदस्यहरूमा रामकृष्ण लम्साल, समिता सिंखडा, कमला श्रेष्ठ, ज्योति गुरूङ र महेशप्रसाद ढकाल निर्वाचित भएका छन् ।
बागमती प्रदेश, चितवन क्षेत्र नम्बर १ (ख) का प्रदेशसभा सदस्य कृष्णप्रसाद शर्मा खनालको प्रमुख आतिथ्यता एवम् रत्ननगर १० का वडाध्यक्ष कलाधर पौडेलको विशेष आतिथ्यता रहेको थियो ।
कार्यक्रममा नवनिर्वाचित अध्यक्ष पाण्डेले रत्ननगरमा रहेका सम्पूर्ण गोर्खालीहरूलाई एकताबद्ध गरी सामाजिक कार्यमा अगाडि बढ्ने प्रतिबद्धता व्यक्त गरे ।
रत्ननगर । लेखक कमल अर्यालको नयाँ कृति ‘सिलायात्रा’ सार्वजनिक भएको छ । चितवनका ऐतिहासिक तथा धार्मिक क्षेत्रबारे अनुसन्धान गरेर तयार पारिएका ११ वटा लेख समावेश गरिएको सो कृतिमा तथ्य, इतिहास र भावनाको सिला खोज गरिएको लेखक अर्यालले बताए ।
लेखक अर्यालले चितवनको पूर्वी क्षेत्रका ऐतिहासिक, धार्मिक र पुरातात्त्विक महत्त्व बोकेका स्थलहरूको अध्ययन सामग्री ‘सिलायात्रा’मा समेटिएको बताए ।
रत्ननगर वाङ्मय प्रतिष्ठान एवम् वाल्मीकि साहित्य सदनका अध्यक्ष रामबाबु घिमिरे, प्रमुखअतिथि वरिष्ठ साहित्यकार केदारनाथ खनाल, चितवन साहित्य परिषद्का अध्यक्ष जगन्नाथ पण्डित, समीक्षक कपिल अज्ञात र उदय अधिकारीले पुस्तकको एकैसाथ विमोचन गरेका हुन् ।
समीक्षक कपिल अज्ञातले ‘सिलायात्रा’लाई खोजमूलक कृति भन्दै अर्यालको गद्य लेखन सशक्त देखिएको टिप्पणी गरे । उनले भने, “अर्यालले अनुसन्धानमार्फत चितवनका ऐतिहासिक, धार्मिक तथा पुरातात्त्विक सामग्री संकलन गर्नुभएको छ । यसले उहाँको साहित्यिक यात्रालाई सहज बनाएको छ ।”
कार्यक्रममा साहित्यकार तिलकराज शर्माले स्वागत मन्तव्य राखेका थिए भने उदय अधिकारी, डा. चेतराज रेग्मी लगायतले समीक्षात्मक टिप्पणी गरेका थिए । सो अवसरमा जगन्नाथ पण्डित, रामेश्वर रिजाल, टिएन अर्यालले शुभकामना मन्तव्य व्यक्त गरेका थिए ।
सो अवसरमा कवि तथा गजलकार राजेन्द्र घायल, यमुना अधिकारी न्यौपाने, समिता पौडेल न्यौपाने, प्रेम कँडेल, अशोक भुसाललगायतले रचना वाचन गरेका थिए ।
कालिका । बन्जारा बन्जाडे समाज नेपाल जिल्ला कार्यसमिति चितवनको सातौँ वार्षिक साधारण सभा शनिबार गरिएको छ ।
कालिका नगरपालिका वडा नं–६, खोलेसिमलमा आयोजित उक्त साधारण सभाको वडाध्यक्ष टीकाराम रेग्मीले उद्घाटन गरेका थिए । सो अवसरमा संस्थाका अध्यक्ष रमेश बन्जाराले भावी कार्ययोजना तथा कार्यप्रगति प्रतिवेदन तथा कोषाध्यक्ष सुशीला बन्जाराले आर्थिक तथा लेखापरीक्षण प्रतिवेदन प्रस्तुत गरेका थिए ।
कार्यक्रममा संस्थाका अध्यक्ष बन्जाराले समाजले जिल्लाभित्र रहेका बन्जारा परिवारलाई आइपर्ने समस्या समाधान, बचत सङ्कलन र ऋण लगानी, प्रोत्साहन र सम्मानलगायतका काम गर्दै आएको बताए ।
संस्थाले अहिलेसम्म १० लाख ३४ हजार १६० रूपैयाँ आम्दानी गरेकोमा ९ लाख ४९ हजार ऋण लगानी गरेको र बाँकी रकम बन्जारा परिवारका सदस्यहरु बिरामी हुँदा उपचार खर्चस्वरुप सहयोग गरिएको अध्यक्ष बन्जाराले जानकारी दिए ।
यसैबीच, साधारण सभाको अवसरमा समाजले भरतपुर सामुदायिक हस्पिटलसँग उपचारमा छूटसम्बन्धी सम्झौता गरेको छ । औषधिसहित उपचारमा १५ प्रतिशत छूट दिने गरी अस्पतालसँग सम्झौता गरिएको हो ।
सम्झौता पत्रमा अस्पतालका प्रबन्ध निर्देशक दीपेन्द्र बास्तोला र समाजको तर्फबाट अध्यक्ष रमेश बन्जाराले हस्ताक्षर गरेका छन् । अस्पतालले उपलब्ध गराएको कार्ड लिएर अस्पताल जाने बिरामीले छूट पाउने व्यवस्था गरिएको छ ।
समाजका लेखा संयोजक देवीप्रसाद बन्जाराले सञ्चालन गरेको उक्त कार्यक्रममा बरिष्ठ डाक्टर सुनिलमणि पोखरेल, भरतपुर सामुदायिक हस्पिटलका कार्यकारी निर्देशक रघुनाथ सापकोटालगायतले मन्तव्य राखेका थिए । समाजका अध्यक्ष बन्जाराको अध्यक्षतामा भएको कार्यक्रममा उपाध्यक्ष तेजप्रसाद बन्जाराले स्वागत मन्तव्य राखेका थिए ।
चितवन । नेपाली कांग्रेसका नेता कैलाश कोइरालाको कविता सङ्ग्रह ‘प्रेम शङ्कु’को विमोचन गरिएको छ । नेपाली कांग्रेसका नेता डा शशाङ्क कोइरालाले एक कार्यक्रममा उक्त पुस्तकको विमोचन गरे ।
माया, प्रेम र राजनीतिसँग सम्बन्धित रहेर लेखिएको कविता सङ्ग्रह सार्वजनिक गरिएको लेखक कोइरालाले बताए । उनका अनुसार उक्त सङ्ग्रहमा ५५ वटा कविता समावेश छन् । यसअघि उनका राजव्यूह र शास्त्र उपन्यास प्रकाशित भइसकेका छन् । राजनीतिक क्षेत्रमा क्रियाशील कोइरालाले आफ्नो फुर्सदको समयलाई लेखन क्षेत्रमा लगाएको बताए ।
कांग्रेसका नेता डा कोइरालाले कवितासङ्ग्रहको प्रशंसा गर्दै आगामी दिनमा लेखन क्षेत्रमा सक्रियताका साथ लाग्न लेखक कोइरालालाई शुभकामना दिए । पार्टीलाई कसरी अगाडि लैजानुपर्छ भनेर आफूले खाका बनाएको बताउँदै उनले बिपी कोइरालाले बनाएको विधानअनुसार पार्टी सभापतिका लागि मात्र निर्वाचन हुनपर्ने धारणा राखे ।
नेपाली कांग्रेस चितवनका सभापति राजेश्वर खनाल, बागेश्वरी आध्यात्मिक परिषद्का संरक्षक शैलेन्द्र पिया, बालकुमारी क्याम्पसका पूर्वक्याम्पस प्रमुख चिरञ्जीवी श्रेष्ठ, साहित्यकार सृजन अविरल, सूर्य अधिकारीलगायत वक्ताले कवितासङ्ग्रहका बारेमा आ–आफ्नो धारणा राखेका थिए । लेखक कोइराला नेपाली कांग्रेस बागमती प्रदेश कार्यसमिति सदस्यसमेत हुन् ।
ललितपुर । नेपाली कांग्रेस पुस्तकालय तथा पार्टी अध्ययन स्रोत केन्द्र विभागले लेखक वसन्त पराजुलीको उपन्यास बखानमाथि परिचर्चा कार्यक्रम आयोजना गरेको छ ।
कांग्रेस केन्द्रीय कार्यालय सानेपा ललितपुरमा शनिबार आयोजित परिचर्चा कार्यक्रममा सहभागी कांग्रेस नेता एव लेखक साहित्यकारहरुले ऐतिहासिक पात्र बखानसिंह गुरूङले प्रजातान्त्रिक आन्दोलन, सहकारी अभियान एव चितवनको बस्ती विकासमा पुर्याएको योगदानमा आधारित भएर उपन्यास लेखिएको भन्दै प्रशंसा गरेका थिए ।
कार्यक्रममा नेपाली कांग्रेसका सांसद् एवम् पूर्वमन्त्री दिलेन्द्रप्रसाद बडुले आफूले उपन्यास पढ्न नभ्याए पनि बखानसिंह गुरूङको संघर्षको बारेमा जानकार रहेको भन्दै ऐतिहासिक विषयलाई उपन्यासमार्फत उजागर गरेकोमा लेखक पराजुलीलाई बधाई दिए । उनले युवा पुस्ताहरुले ऐतिहासिक विषयबस्तुमा गहिरो अध्ययन गरेर पुस्तकको माध्यमबाट समाजलाई योगदान दिनुपर्नेमा जोड दिए ।
यस्तै, कांग्रेस केन्द्रीय सदस्य एवम् पुस्तकालय तथा अध्ययन स्रोत केन्द्रका प्रमुख अजयबाबु शिवाकोटीले ऐतिहासिक पात्र बखानसिंह गुरूङको संघर्षको गाथामा पराजुलीले उपन्यास तयार पारेको भन्दै आफू नेतृत्वको विभागले यस्तै इतिहास बोकेका विषयबस्तु्हरुको अध्ययन, अनुसन्धानमा धेरै काम गरिरहेको जानकारी दिए ।
कांग्रेस नेता एवम् विश्लेषक शंकर तिवारीले बखानसिंह गुरूङको जीवनीमा आधारित उपन्यासबाट कांग्रेसको नेतृत्वमा पटक पटक भएको संघर्ष, २०३८ सालमा गुरूङ मन्त्री बन्दा कानुन, न्याय तथा भूमिसुधार मन्त्री नै रोज्नुको कारणजस्ता विषय खोजीको अर्को पाटो भएको उल्लेख गरेका थिए ।
लेखक, साहित्यकार ठाकुर बेल्वासेले उपन्यास पाउनेबित्तिकै कस्तो होला के होला भन्दै पाटा पल्टाउँदा आफ्नो ध्यान एकाकार भएको भन्दै पराजुलीले नेपाली साहित्यलाई उत्कृष्ट उपन्यास दिएको बताए । उनले यस्लाई इतिहासको दस्तावेजभन्दा पनि उपन्यासकै रुपमा ग्रहण गर्नुपर्नेमा जोड दिए ।
साहित्यकार एवम् प्राध्यापक एलबी क्षेत्रीले २०१८ सालमा चितवनमा पञ्चायतविरुद्ध भएको संघर्षको विषय उपन्यासमा समेटिएको भन्दै त्यसबारे कांग्रेसले अझै खोजबिन गर्नुपर्ने सुझाव दिए ।
बखानसिंह गुरूङकी पनातिनी जानुका गुरूङले कतिपय प्रसङ्ग उपन्यासमा समेटिन बाँकी रहेको भन्दै कांग्रेसले आफ्ना बाजेको उचित मूल्याङ्कन गर्न नसकेको गुनासो गरिन् । उपन्यासकार पराजुलीले आफूले बखानसिंह गुरूङको ऐतिहासिक तथ्यमा केन्द्रित भई उपन्यास तयार पारेको जानकारी दिँदै पछिल्लो समय राजनीतिक वृत्तमा व्यापक बहस सिर्जना गर्न सफल भएकोमा सबैप्रति आभार व्यक्त गरे ।
सौराहा । निकुञ्ज जिप सफारी सौराहाको अध्यक्षमा पर्यटन व्यवसायी ॠषिराम तिवारी चयन भएका छन् । शनिबार सम्पन्न १७ औँ वार्षिक साधारण सभा तथा नवौँ अधिवेशनले तिवारीको नेतृत्वमा नयाँ समिति चयन गरेको हो ।
यस्तै, समितिको सचिवमा कुमार जोशी र विजय गिरी, कोषाध्यक्षमा कृष्ण भट्ट र टीका गिरी चयन भएका छन् । यसैगरी सदस्यहरुमा अनिल शिवाकोटी, आशिष रेग्मी, तारा लामा श्रेष्ठ, पुरुषोत्तम श्रेष्ठ तथा लेखा समिति संयोजकमा विनोद तिमिल्सिना र सदस्यमा यौवनकुमार पराजुली चयन भएका छन् ।
संस्थाका संस्थापक अध्यक्ष नरेश गिरीको प्रमुख आतिथ्यता रहेको कार्यक्रममा संस्थाका शेयर सदस्यहरु,सौराहाका पर्यटन व्यवसायीलगायतको उपस्थिति रहेको थियो ।
चितवन राष्ट्रिय निकुञ्जअन्तर्गतका कसरा, देवी ताल, टाइगर टप्स, टेम्पल टाइगर, नवलपरासी, अमलटारी, माडीलगायतका क्षेत्रहरुमा जिप सफारी गराइँदै आएको छ । सो संस्थामा १६ वटा जिप सफारीको लागि सञ्चालनमा छन् ।
संस्थाका निर्वतमान अध्यक्ष हरिकृष्ण रेग्मीको अध्यक्षता रहेको कार्यक्रम संस्थाका कोषाध्यक्ष एवम् पर्यटन व्यवसायी गोकर्ण गिरीले सञ्चालन गरेका थिए ।
रत्ननगर । अर्पण बचत तथा ऋण सहकारी संस्था लिमिटेडले १६ औँ स्थापना दिवसको अवसरमा यही भदौ १६ गते रक्तदान कार्यक्रम गर्ने भएको छ । रेडियो अर्पण १०४.५ मेगाहर्जको संयुक्त सहकार्यमा आयोजना गरिएको रक्तदान कार्यक्रम बिहान ७ः३० बजेदेखि अर्पण साकोसको प्राङ्गढमा सुरू हुने छ ।
संस्थाले पत्रकार सम्मेलनमार्फत रक्तदान कार्यक्रम गर्नुको उद्देश्य र तयारीको बारेमा जानकारी दिएको हो । संस्थाले कारोबार सुरू गरेको दिनलाई आधार मानेर सामाजिक उत्तरदायित्व निर्वाह गर्ने क्रममा रक्तदान कार्यक्रम आयोजना गरिएको संस्थाका अध्यक्ष सुरज पौडेलले जानकारी दिए ।
कार्यक्रममा १०० युनिट रगत संकलन गर्ने गरी तयारी गरिएको अध्यक्ष पौडेलको भनाइ छ । “रक्तदान : जीवनदान” भन्ने मूल नाराका साथ आयोजना गरिएको यस कार्यक्रममा स्थानीय बासिन्दा, सहकारी सदस्य, युवा तथा विभिन्न सामाजिक संघ–संस्थाहरूको उल्लेखनीय सहभागिता रहने अपेक्षा गरिएको कार्यक्रम संयोजक टुकानाथ अर्यालले बताए । मेडिकल सिटीको रुपमा परिचित चितवनमा भइरहने रगतको अभावलाई मध्येनजर गरी कार्यक्रम आयोजना गरिएको उनको भनाइ छ ।
संस्थाका सचिव महेश पाण्डेले सञ्चालन गरेको पत्रकार सम्मेलनमा संस्थाका पूर्वअध्यक्ष यमन भूषाल, उपाध्यक्ष रामकुमार बजगाईं, सदस्यहरु आयुषचन्द्र श्रेष्ठ र ध्रुवराज लामिछानेको सहभागिता रहेको थियो ।
रत्ननगर । रत्ननगर नगरपालिका स्वास्थ्य शाखाको आयोजनामा किटजन्य रोग तथा जापानिज इन्सेफलाइटिस (जेई) रोगसम्बन्धी सचेतनामूलक कार्यक्रम रत्ननगर–१२, सालघारीमा सम्पन्न भएको छ ।
रत्ननगर–१२ का वडाध्यक्ष एवम् आधारभूत स्वास्थ्यकेन्द्रका व्यवस्थापन समितिका अध्यक्ष सुन्दमणि सुवेदीको अध्यक्षतामा भएको कार्यक्रममा स्वास्थ्य शाखा प्रमुख माधवप्रसाद पौडेलले स्वागत तथा किटजन्य रोगबारे प्रकाश पारेका थिए । उनले रत्ननगर–१२ का एक महिलामा जापानिज इन्सेफलाइटिसको सङ्क्रमण देखिएपछि सालघारीलाई लक्षित गरी सचेतनामूलक कार्यक्रम आयोजना गरिएको बताए ।
उनले यस वर्ष रत्ननगरमा १६ जनामा डेंगु सङ्क्रमण र २३ जनामा स्क्रब टाइफसको सङ्क्रमण पुष्टि भएको बताए । चितवनमा जापानिज इन्सेफलाइटिसको सङ्क्रमणबाट चार जनाको मृत्युसमेत भइसकेको अवस्थामा यो रोगको जोखिमबारे सबै सचेत हुनुपर्नेमा जोड दिए ।
यस्तै, जनस्वास्थ्य कार्यालय चितवनका किटजन्य रोगको फोकल पर्सन भेक्टर कन्ट्रोल निरीक्षक राम केसीले गत वर्ष रत्ननगरमा ९१० जनामा डेंगु र १३० जनामा स्क्रब टाइफसको सङ्क्रमण देखिएको जानकारी दिँदै अहिले जापानिज इन्सेफलाइटिसको जोखिमसमेत बढेको बताए । उनले असारदेखि कात्तिकसम्म किटजन्य रोगको सिजन भएकाले सरसफाइ र लामखुट्टेको टोकाइबाट जोगिनुपर्ने बताए ।
आधारभूत स्वास्थ्यकेन्द्र आधारभूत रत्ननगर–१२ का इन्चार्ज कार्यक्रममा कार्यपालिका सदस्य चन्द्रकला पनेरुले स्वास्थ्य नै ठूलोे धन भएकाले सरसफाइ र खानपिनमा ध्यान दिन आग्रह गरिन् ।
कार्यक्रममा जनस्वास्थ्य अधिकृत नरभूपाल काफ्ले, वडा सचिव शंकर गिरी, व्यवस्थापन समिति सदस्य जनकराज पन्त, भीमसेन पौडेल, नरबहादुर श्रेष्ठ, सन्तबहादुर लामा, नगर स्वास्थ्यकेन्द्र जिरौनाका इन्चार्ज दुर्गा श्रेष्ठलगायतको सहभागिता रहेको थियो ।
हिरा लामा
अध्यापनको सिलसिलामा पश्चिम चितवनको रामपुर र शारदानगरमा करिब १० वर्ष बिताएँ । समयको त्यो अवधिमा थोर बहुत राजनीतिको कुरा चल्दा बेला बखतमा आउने एउटा नाम थियो- बखानसिंह गुरुङ । जुन नाम म सानो हुँदा ठूलो दाइहरुबाट पनि सुन्ने गर्थेँ । पछि बखान सहकारीको कुराहरु सुन्नमा आए । बखानसिंहको बारेमा अलि धेरै थाहा पाउँदै गएँ अनि लाग्यो बखानसिंहको बारेमा कसैले बायोग्राफी वा उपन्यास लेखोस् !
सकेसम्म आफन्तबाटै होस् ! वा शारदानगरका कुनै लेखकले । एकदुई जनालाई सम्झेँ पनि । यो वि.स.२०७० /२०७१ को समय थियो । र केही समय अघि सामाजिक संजालमार्फत थाहा पाएँ – ” बखान ” उपन्यास लिएर वसन्तजी आउँदै रहेछन् । निकै खुशी लाग्यो र चितवन पुगेको भोलिपल्ट उपन्यास लिन सम्पूर्ण किताबमा पुगेँ ।
” बखान ” दुई बसाइमा सकेछ । कहिँ कतै नअल्झेर पढियो । मतलब अल्छी लागेन पढ्दै गर्दा । एक पछि अर्को घटना / अध्याय पढ्दै जाँदा पट्यार लागेन । ” बखान बा ” र उहाँको छोराहरुले गरेको प्रजातान्त्रिक आन्दोलनको लागि गरेको संघर्ष र बलिदानी अभूतपूर्व छ । सलाम छ ! यो परिवारलाई !
” बखान ” पढ्दै गर्दा मैले सुनेका दुइवटा कुराहरू यसमा आउँछ कि आउँदैन ? भनेर पनि पढ्न बसेको थिएँ । एउटा “हो कि हो कि ! जसरी आयो , अर्को आएन ।
आएको कुरा :
त्यो बेलामा बिपी भारतमा थिए । अनि पार्टीको काम विशेषले सुवर्ण शम्शेर वा अरु नै कोहिलाई बिपीले एउटा चिठी पठाए । बिपीले हल्कारालाई भने , ” यो चिठी जसको नाममा छ , उनैलाई दिनु ! गुरुङलाई नदिनु ! ” बिपीको यस्तो निर्देशन आए पछि हुन्छ भनेर उनी नेपाल लागे । तर बाटोमा उनले त्यो पत्र खोलेर हेरे । त्यसमा ” अरु जो भए पनि हुन्छ तर गुरुङ अघि बढेमा हामीलाई राम्रो हुँदैन ! ” लेखेको देखे । यो देखेर हल्कारा छाँगाबाट खसेको जस्तो भयो ! यो कुरा मैले २०६७ तिर सुनेको हुँ । “
त्यो पत्रमा ” गुरुङ ” भनेको व्यक्ति सायद बखानसिँह गुरुङ नै होला । “बखान ” मा २०१५ सालको चुनावमा बखानसिँह निर्वाचनमा उठ्न खोज्ने तर पार्टी उनलाई उठ्न नदिने प्रसङ्ग छ ! यो प्रसङ्गले सायद त्यो कुरा पुष्टि हुन्छ । अर्को कुरा ” बखान” मा बन्दीपुरको आक्रमण पश्चात् प्रजातान्त्रिक आन्दोलनकारीहरुले बन्दीपुर कब्जा गरेर जनसरकार घोषणा गर्छ । त्यहाँ धेरै जनजातिहरुले शहादत प्राप्त गर्छ तर जनसरकारको गभर्नर तथा प्रधानमन्त्री , अर्थमन्त्री ,न्याय मन्त्री ,शिक्षा मन्त्री , उध्योग तथा वाणिज्य मन्त्री , स्वास्थ , कृषि मन्त्री सबै गैर जनजातिहरु नाम सार्वजनिक हुन्छन् अनि रक्षा मन्त्रीमा बखानलाई अनुरोध गरेका छन् । सायद सेनामा भएर होला यदि बखान बा सेनामा नभएको भए ???
बिपी लगायत नेपाली काङ्ग्रेस जनजाती प्रती उति उदार छैन भनेको सुनेको त्यो कुरा बखान पढे पछि हो जस्तो लाग्यो ।
समयको पाइला अघि बढ्दै जाँदा बिपी र बखा बीच मतभेद अझ बढ्दै जान्छ । र पछि बखान सुवर्ण समशेरतिर नजिकिन थाल्छ्न् । पार्टी प्रती असन्तुष्टहरु मिलेर ३८ से समुह स्थापना गर्छन् । २०३७ को निर्वाचनमा बखान उम्मेदवार हुन्छन् र जित्छ्न् पनि । र जितेको दिनदेखि बखान ” निलो रङ ” बाट “पहेलो रङ ” तिर सर्छन् ! र सुर्य बहादुर थापाको मन्त्री मण्डलमा भूमीसुधार तथा न्याय तथा कानुन मन्त्री बन्छन् !
नआएको कुरा :
टाइगर टप्स होटलको प्रसङ्ग !
टाईगर टप्स ! यो ऎतिहासिक होटल सायद २०२०/२१ तिरबाट सुरु भएको होला । कतै पढेको थिएँ । [ हालमा यो होटल बन्द छ । यो होटल बन्द भएको करीब १०,१२ वर्ष
भयो होला ] ।
राजा महेन्द्रको सिकार खेल्ने शौख , उस्तै शोख भएको एक अमेरिकी सङ्ग चिनजान , उनले मेघौली क्षेत्रमा भाडामा जमीन लिएर एउटा होटल खोल्ने प्रस्ताब महेन्द्रलाई राख्नु , महेन्द्रले स्वीकार गर्नु , दुबै सिकार खेल्न जानू , पछि महेन्द्रको अन्तिम समयमा दुबै सङ्गै बसेर खानपिन गर्नु , मुटुको व्यथा लाग्नु , नेपाल र भारतबाट डाक्टर बोलाउनु र महेन्द्रको मृत्यु हुनु र उक्त अमेरिकी नागरिक नेपाल छोड्नु । उनी जन्मले भारतीय हुनु ! महेन्द्रको मृत्युमा अनेकौं शङ्का उठ्नु !
यो प्रसङ्ग भने “बखान” मा आएन । महेन्द्रको मृत्यु एउटा रहस्य भएर रहेको छ – खासगरी भारतीय डाक्टर उनको उपचार गर्न आउनु र उपचार सफल नहुनु र उक्त अमेरिकी नागरिक होटल छोडेर गएपछि नेपाल नआउनु ! अनि विभिन्न थरिका कन्स्पिरेसी थ्योरी आउनु !
” बखान” मा वसन्तजीले बखानसिँह गुरुङको जीवनीलाई आख्यानमा ढालेका छन् । तत्कालीन राणाशासन र पञ्चायतकालीन राजनीतिक दबाव बिच प्रजातान्त्रिक लडाइँमा आफ्ना दुई जवान छोराहरु गुमाएको कथा छ । बलिदान , दुःख , पीडा, र बस्ती विकासका कथा पस्किएका छन् । उनले बखानसिंहद्वारा स्थापित नेपालको पहिलो सहकारी संस्था, भूमि विकास, थारु र नेवारी संस्कृति र विविध सामाजिक र ऐतिहासिक पाटोहरूलाई पनि समेटेका छन् ।
यति मात्र नभएर उपन्यासमा राजा महेन्द्रको निधन, चितवन निकुञ्ज स्थापनामा राजाको भूमिका , गुरुङ समुदायको संस्कृति र मलेरियासँगको संघर्ष आदि घटनाहरू कलात्मक रूपमा प्रस्तुत गरिएको छ । यस बाहेक पढिसकेपछि मलाई लागेका एक दुई कुरा राख्न चाहेँ ।
लेखकले मुख्य पात्र बखान बाको चरित्र विकासमा अलि समय नदिएको हो कि ! जस्तो लाग्यो । बखान बाको चरित्र विकासमा अझ समय दिएर गहिरो सङ्ग स्थापित गर्न सकेको भए उपन्यास अझ बलियो हुन्थ्यो । बखान बा भित्रको मनोवैज्ञानिक द्वन्द , पार्टी सङ्गको कन्फ्लिक्ट , उनको समस्या र कमजोरी अलि पातलो गरि आयो कि भन्ने लागेको हो मलाई ! उसो त जीवनीलाई आख्यानमा ढाल्नु कम चुनौती होला र !?!
त्यस्तै देवघाट , सोमेश्वरगढी , उपरदाङगढी , हात्ती , गैडा प्रजननका जस्ता प्रसङ्गहरु छोट्याएर आएको भए राम्रो हुन्थ्यो कि ! यसो गर्दा पाठकको लागि कथा प्रवाहमा सहजता आउने थियो कि !
र अर्को कुरा बखान बाकी कान्छी श्रीमती मनकुमारी सङ्गको राणा दरबारमा आकस्मिक भेट अनि बिछोड ! यो कथाले उपन्यासको अन्तमा पक्कै पनि मनलाई अचेट्छ जस्तो सुरु मै लागेको हो , त्यस्तै भयो । मनकुमारी सङ्गको बखान बाको त्यो दृश्यले पाठकलाई चरप्पै समात्छ ! त्यस्तै मलेरियाको संघर्समा उनलेे आफ्नो नाति गुमाउने प्रसङ्ग पनि निक्कै मर्मस्पर्शी छन् ।
“बखान”मा राजनीति, क्रान्ति, समाज विकास मात्र छैन । यसमा प्रेम छ । धैर्यता छ । त्याग र समर्पण पनि छ ।
” बखान ” चितवनको माटोले दिएको एउटा राम्रो कृति हो । यो चितवनबासीको मात्र नभएर अब सबैको बनेको छ ।
बखानले तपाईंलाई गोर्खा , तनहुँ , चितवनको सौराहा , पदमपुर( पुरानो ) , बखानपुर , भुवनबस्ती , काठमाडौँ, ठोरी , माडी , नरकटियागन्ज जस्ता ठाउँहरुमा घुमाउँछ ।
“बखान”लाई धेरै बधाई ! बखान बा र बाका दुबै छोराहरु जो प्रजातान्त्रिक आन्दोलनमा सहादत प्राप्त गरे , उहाँहरुलाई श्रद्धा सुमन अर्पण छ !
सौराहा । पूर्वी चितवनको पर्यटकीय नगरी सौराहामा ३५ करोड रुपैयाँको लागतमा रोयल जङ्गल भिल्लाज होटल सञ्चालनमा आएको छ । रत्ननगरका पर्यटन व्यवसायी माधव भट्टराईले ३५ करोड रुपैयाँको लगानीमा सो होटल सञ्चालनमा ल्याएका हुन् ।
सौराहामा स्तरीय होटल सञ्चालन गर्ने सोच पहिलेदेखि नै रहेको उल्लेख गर्दै सञ्चालक माधव भट्टराईले विगत चार वर्षदेखि होटल निर्माणमा जुटेको र अहिले आफ्नो सोच सार्थक भएको बताए ।
“हामीले स्वदेशी र विदेशी पर्यटकलाई लक्षित गरी यो होटल सञ्चालनमा ल्याएका हौँ,” सञ्चालक भट्टराईले भने, “हाम्रो उद्देश्य केवल होटल सञ्चालन गर्ने मात्र होइन, सौराहाको संस्कृति, प्राकृतिक सम्पदा र आतिथ्यतालाई प्रवर्द्धन गर्नु पनि हो ।”
होटलमा २७ वटा सुविधासम्पन्न कोठा, आकर्षक बगैँचा, राप्ती नदी र चितवन राष्ट्रिय निकुञ्जको मनोरम दृश्य अवलोकन गर्न सकिने सुविधा रहेको छ । होटलका कोठाहरू ५ हजार ५०० देखि १० हजार ५०० रुपैयाँसम्मका छन् । होटलमा उच्चस्तरीय सुविधा, सम्मेलन कक्ष, मनोरञ्जनका लागि अत्याधुनिक पूर्वाधार र अतिथिहरूको सहज आवासको व्यवस्था गरिएको प्रबन्ध निर्देशक साकार भट्टराईले जनाएका छन् । उनका अनुसार होटलले करिब ५० जनालाई रोजगारी प्रदान गरेको छ ।
होटलको उद्घाटन कार्यक्रममा सञ्चालकका बुबा वरिष्ठ समाजसेवी एवम् राजनीतिक व्यक्तित्व नन्दप्रसाद भट्टराईले होटल अब नाति पुस्ताले सम्हाल्ने बताउँदै व्यावसायिक सफलताको शुभेच्छा व्यक्त गरे ।
कार्यक्रममा रत्ननगर-६ का वडाध्यक्ष किरण महतो, रत्ननगर-७ का वडाध्यक्ष सजना महतो, क्षेत्रीय होटल संघ चितवनका अध्यक्ष ओमप्रकाश पाण्डे, रेवानका अध्यक्ष ध्रुव गिरीलगायतले शुभकामना व्यक्त गरेका थिए ।
सौराहामा स्तरीय होटलहरू थपिने क्रम जारी छ । यहाँका पुराना व्यवसायीले होटलहरूको स्तरोन्नति गरिरहेका छन् भने बाहिरी जिल्लाबाट आएका व्यवसायीहरूले पनि उच्चस्तरीय होटल सञ्चालनमा ल्याएका छन् ।
सौराहामा थपिएको रोयल जङ्गल भिल्लाजले सौराहाको पर्यटकीय आकर्षणलाई थप उजागर गर्ने र आन्तरिक तथा बाह्य पर्यटकलाई गुणस्तरीय सेवा प्रदान गर्दै स्थानीयलाई रोजगारी सिर्जना गर्ने विश्वास लिइएको छ ।
मलेखु । कतै पिच, कतै ढलान झट्ट हेर्दा कस्तो राम्रो सडक बनेछ भन्ने लाग्न सक्छ । तर, ठाउँठाउँमा पहिरो, धुलो, हिलो र खाल्डाखुल्डीले दिने सास्तीले फेरि यात्रुले देखेजस्तो रहेनछ भन्ने अनुभूति गर्छन् ।
विस्तारको क्रममा रहेको पृथ्वीराजमार्गमा पानी परेको बेला कतिखेर कहाँनेर पहिरोले बाटो थुनिने हो पत्तो हुँदैन । डोजरले खारिएका भित्ताबाट झर्ने ढुङ्गामुढाबाट जोगिन धौधौ पर्छ ।
काठमाडौँदेखि धादिङ सम्मको माइक्रोबस चालक विकास श्रेष्ठ भन्छन्, “हिजोआज त सडकको खाल्डोमा भन्दा आँखा पहिरो झर्ने ठाउँमा पुर्याउनुपर्छ ।”
बुधबारदेखि यस क्षेत्रमा निरन्तर पानी परिरहेको छ । ठाउँ ठाउँमा स(साना पहिरोले सडक थुनिने र सञ्चालन हुने क्रम चलिरहेको छ । घण्टौँ कुर्नुपर्ने गरी भने सडक थुनिएको छैन । त्रिभुवन राजपथको नागढुङ्गा–नौबिसे सडक खण्ड र पृथ्वी राजमार्गको नौबिसे–मुग्लिन सडक खण्ड बर्खा लागेसँगै जोखिमपूर्ण छ ।
सडक फराकिलो बनाउन काटिएका भित्ताबाट खसेको स–साना पहिरोले अधिकांश सडक हिलाम्मे र धुलाम्मे हुने गरेको छ । आधा काम गरेर बाँकी रहेको स्थानका खाल्डाखुल्डीले साना ठूला सबै सवारी साधन गुडाउन गाह्रो छ । जिल्ला प्रहरी कार्यालयका प्रहरी नायब उपरीक्षक सुवास हमाल भन्छन्, “पृथ्वी राजमार्ग यतिबेला जोखिमपूर्ण छ । तर, हिँड्नै नसक्ने अवस्थाको छैन ।”
पहिरो र गेग्रानले सडक छियाछिया छ । सडकमा हरेकले चालक होसियार भएर ट्राफिक नियमको पालना गर्ने होभने मात्र सम्भावित दुर्घटनाबाट जोगिन सकिन्छ ।
मोटरसाइकल र स्कुटरलाई यो सडक पार गर्न निकै कष्ट छ । घाम लागेको बेला अधिकांश स्थान धुलाम्मे हुन्छ । पानी पर्यो भने त्यही धुलो लेदोमा परिणत भएर चिप्लो हुने गर्छ ।
“कहीँकतै असहज अवस्था सिर्जना नहोस्, विपद् नपरोस्, परिहालेछ भने धनजनको क्षति हुन नदिन चौबिसै घण्टा हामी खटिरहेका छौंँ”, जिल्ला ट्राफिक प्रहरी कार्यालय गजुरीका प्रहरी निरीक्षक सुरज श्रेष्ठले भने ।
नागढुङ्गा नौबिसे क्षेत्रका पहिरो पूर्ण रूपले थामिएका छैनन् । कृष्णभीरदेखि मुग्लिनसम्मको सडकमा जुनकुनै ठाउँमा जुनकुनै बेला पहिरो झर्न सक्ने जोखिम छ ।
नागढुङ्गादेखि मुग्लिनसम्म ९६ किलोमिटर राजमार्गमा हरेक समय कही न कही सडक एकतर्फी बन्छ । निर्माणधीन पुल र सवारी एकतर्फी हुनसक्ने साँघुरा स्थानको दुबैतर्फ प्रहरी तैनाथ गरेर चालकलाई सजग गराइरहेको श्रेष्ठले जानकारी दिए ।
नागढुङ्गाको चेकपोष्ट पृथ्वी राजमार्गमा दैनिक कति सवारी काठमाडौँ भित्रिन्छन् र कति बाहिरिन्छन् यकिन तथ्याङ्क छैन । सामान्य अवस्थामा दैनिक १३ हजार र चाडपर्वको बेला २० हजारसम्म सवारी आउजाउ हुने प्रहरीको अनुमान छ ।
हेटौँडा । बागमती प्रदेशका मुख्यमन्त्री इन्द्रबहादुर बानियाँले स्वास्थ्य क्षेत्रलाई प्रदेश सरकारले उच्च प्राथमिकता दिएर काम गरिरहेको बताएका छन् ।
मदन भण्डारी स्वास्थ्य विज्ञान प्रतिष्ठान र हेटौँडा अस्पतालको अवलोकन तथा अन्तर्क्रिया कार्यक्रममा सहभागी हुँदै मुख्यमन्त्री बानियाँले राजनीतिक विचारभन्दा माथि उठेर काम गरिरहेको बताए ।
स्वास्थ्य जस्तो संवेदनशील क्षेत्रलाई प्रदेश सरकारले गम्भीरतापूर्वक लिएको भन्दै त्यसका लागि आवश्यक बजेट तथा स्रोतको कमी हुन नदिने उनको भनाइ थियो । “पैसाको अभावका कारणले प्रतिष्ठानको कुनै पनि काम रोकिँदैन, तपाईंहरू ढुक्क हुनुहोस्,” मुख्यमन्त्री बानियाँले भने, “यो प्रदेशको गौरवको आयोजना हो, यसलाई द्रुत गतिमा अघि बढाउन सरकार पूर्ण प्रतिबद्ध छ।”
मुख्यमन्त्री बानियाँले नेपाली कांग्रेस प्रतिपक्षमा रहँदा प्रदेश सभाबाट सर्वसम्मतरुपमा मदन भण्डारी स्वास्थ्य विज्ञान प्रतिष्ठान ऐन पारित भएको स्मरण गर्दै स्वास्थ्य क्षेत्रमा कुनै पनि प्रकारको राजनीतिक गर्न नहुने धारणा व्यक्त गरे । उनले प्रदेशकै गौरवको योजनाका रुपमा रहेको प्रतिष्ठानलाई द्रुत गतिमा अघि बढाउनुपर्नेमा जोड दिए ।
प्रतिष्ठानका विभिन्न शैक्षिक कार्यक्रमहरू विभिन्न स्थानमा छरिएर सञ्चालन हुँदा व्यवस्थापनमा कठिनाइ भएको भन्दै मुख्यमन्त्री बानियाँले एकै छानामुनि, एकीकृत भवनबाट सञ्चालन गर्न आग्रह गरे । यसका लागि आवश्यक भौतिक संरचना निर्माणमा प्रदेश सरकारले पूर्ण सहयोग गर्ने उनले प्रतिबद्धता व्यक्त गर ।
प्रतिष्ठानका कुलपतिसमेत रहेका मुख्यमन्त्री बानियाँले स्वीकृत भएको २०० शैय्याको अस्पताल सञ्चालनका लागि आवश्यक तयारी तत्काल सुरू गर्नसमेत निर्देशन दिए । निर्माणाधीन बेसिक साइन्स भवनको काममा भएको ढिलासुस्तीप्रति चासो व्यक्त गर्दै उनले तोकिएको समयमा र सम्झौताअनुसार काम नगर्ने निर्माण कम्पनीलाई कानुनअनुसार कडा कारबाही गरिने चेतावनी दिए ।
प्रतिष्ठानको विकासमा कुनै राजनीतिक बाधा अवरोध आउन नदिने उल्लेख गर्दै मुख्यमन्त्री बानियाँले प्रदेश सरकारको स्वास्थ्यसम्बन्धी गौरवको आयोजना भएकाले यसलाई द्रूत गतिमा अघि बढाइने बताए । प्रतिष्ठानका छरिएर रहेका शैक्षिक कार्यक्रमलाई एकै ठाउँमा सञ्चालन गर्न आगामी १० महिनाभित्र एकीकृत पूर्वाधार निर्माण गरिने र निर्माणाधीन हेटौँडा अस्पताल भवन निर्माण तत्काल अघि बढाउने उनले बताए ।
काठमाडौँ । देशमा जापानिज इन्सेफलाइटिसको सङ्क्रमण बढ्दै गएको स्वास्थ्य सेवा विभाग परिवार कल्याण महाशाखा बालस्वास्थ्य तथा खोप शाखाले जनाएको छ ।
शाखाप्रमुख डा अभियान गौतमका अनुसार हाल १०३ जनामा जापानिज इन्सेफलाइटिस पुष्टि भएको र २० जनाको मृत्यु भएको छ ।
डा गौतमले जापानिज इन्सेफलाइटिसको सङ्क्रमण खोप नलगाएका मानिसमा बढी भेटिएको बताए । सत्तरी प्रतिशतभन्दा बढी १५ वर्षभन्दा माथिको उमेर समूहका बिरामीको मृत्यु भएको छ । सङ्क्रमणबाट झापा, मोरङ, तेह्रथुम, बारा, सिन्धुली, अर्घाखाँची, प्यूठान, दाङ, बर्दिया, कैलाली, रौतहट, नवलपरासीपूर्व, चितवन र नवलपरासी पश्चिममा मृत्यु भएको हो ।
स्वास्थ्यकर्मीहरुका अनुसार क्युलेक्स प्रजातिको लामखुट्टेको टोकाइबाट जापानिज इन्सेफलाइटिस हुने गर्छ । यसले मस्तिष्कमा गम्भीर सङ्क्रमण भई बिरामीको मृत्यु हुने गरेको छ ।
चितवन । नेपाली हास्य क्षेत्रका सम्मानित व्यक्तित्व हरिवंश आचार्यले भूमिका निर्वाह गरेको चर्चित पात्र ‘हरिबहादुर’ पुनः दर्शकमाझ आउने भएको छ ।
उनले टेलिशृङ्खला र रङ्गमञ्चमा निर्वाह गरेको उक्त पात्रले समाजका विकृति र विसङ्गतिमाथि व्यङ्ग्य प्रहार गर्दै दर्शकको मन जितेको थियो । यो पात्र धेरैका लागि बाल्यकालको अभिन्न हिस्सा बनेको छ । लामो समयदेखि सानो पर्दा र रङ्गमञ्चमा हराइरहेका ‘हरिबहादुर’ नामक पात्रलाई अब दर्शकले ठूलो पर्दा अर्थात् चलचित्रमा देख्न पाउनेछन् ।
गएको वैशाखमा प्रदर्शन भएको चलचित्र ‘भूठान’ मा गम्भीर पात्रमा देखिएका अभिनेता आचार्यले आगामी चलचित्र ‘हरिबहादुरको जुत्ता’ मार्फत दर्शकलाई हँसाउन र मनोरञ्जन प्रदान गर्न ‘हरिबहादुर’ बनेर प्रस्तुत हुनेछन् ।
चलचित्रको श्रव्यदृश्य (टिजर) सार्वजनिक गर्दै उनले समसामयिक विषयमा रमाइलो चलचित्र तयार भएको बताए । आचार्यले भने, “भूठान चलचित्रमा काम गरेपछि त्यस्तै किसिमको भूमिका मात्र गर्छ कि भन्ने पनि रहेछ, तर म सबै किसिमको पात्रमा काम गर्न चाहन्छु । ‘हरिबहादुरको जुत्ता’ मा मलाई रमाइलो पात्र निर्वाह गर्दै गरेको देख्न सक्नुहुनेछ ।”
अभिनेता आचार्यले नै पटकथा तथा संवाद लेखेको चलचित्रको ‘कन्सेप्ट’ का विषयमा चर्चा भएपछि चलचित्रको स्वरूप लिएको रहेछ । “मैले सरोज भाइ (गायक सरोज ओली)लाई चलचित्रको विषय सुनाएको थिएँ, उहाँ नै निर्माणमा अग्रसर भएपछि चलचित्र तयार भएको छ । यसले पर्दामा देखिने पात्रसँग दर्शकलाई जोड्छ भन्नेमा विश्वत छु”, उनले भने ।
अभिनेता आचार्यले उक्त चलचित्र आउँदो दसैँलाई लक्षित गर्दै असोज १३ गते प्रदर्शन हुने जानकारी दिए ।
निर्देशक दीपेन्द्रकुमार खनालको निर्देशनमा तयार भएको यस चलचित्रमा अभिनेता आचार्यसँगै स्वस्तिमा खड्का, प्रकाश सपुत, हरिहर शर्मा, दिव्य देव, किरण केसी, राजाराम पौडेल, सीता न्यौपाने, कमलमणि नेपाललगायतका कलाकारले अभिनय गरेका छन् ।
गायकद्वय सरोज ओली र मोहितवंश आचार्यले निर्माण गरेको चलचित्रमा कृष्णबहादुर थापाले छायाङ्कन, नकुल खड्काले सम्पादन, वसन्त सापकोटा, दीपक शर्मा र प्रकाश सपुतले सङगीत सिर्जना गरेका छन् ।
रत्ननगर । रत्ननगर-५ मा रहेको जनकौली मध्यवर्ती सामुदायिक वनमा पर्यटन प्रवर्द्धनका लागि जीप सफारी सुरू भएको छ। बुधबार वनको कार्यालय परिसरमा आयोजित औपचारिक कार्यक्रममा बागमती प्रदेशका पूर्वअर्थमन्त्री जगन्नाथ थपलियाले जीप सफारीको उद्घाटन गरे । उद्घाटनकै दिन बागमती प्रदेशका कृषिमन्त्री मधुसूदन पौडेलले जीप सफारीमार्फत वनको अवलोकन गरे ।
उद्घाटन समारोहमा बागमती प्रदेशका पूर्ववनमन्त्री कृष्णप्रसाद सिलवाल, रत्ननगर नगरपालिकाका उपमेयर यादवप्रसाद पाठक, चितवन राष्ट्रिय निकुञ्जका वरिष्ठ संरक्षण अधिकृत डा. गणेश पन्त, रत्ननगर-५ का वडाध्यक्ष बालकृष्ण चापागाईंसहित विभिन्न राजनीतिक दलका नेताहरूको उपस्थिति थियो ।
सो अवसरमा वनका अध्यक्ष जोगेन्द्र महतोले सौराहानजिकै रहेको यो वन स्थापना भएको २२ वर्षपछि जीप सफारी सुरू गरिएको बताए । उनले पर्यापर्यटनमार्फत स्थानीय समुदायको जीवनस्तर उकास्ने उद्देश्य रहेको उल्लेख गर्दै सौराहा भ्रमणमा आउने स्वदेशी तथा विदेशी पर्यटकलाई जीप सफारीमार्फत वन्यजन्तु अवलोकन गराउने योजना रहेको बताए । जीप सफारीबाट पर्यटकले एकसिंगे गैंडा, बाघ, जंगली हात्ती, भालु, चितुवा, चित्तल, जरायोजस्ता दुर्लभ वन्यजन्तु अवलोकन गर्न सक्नेछन् ।
१०६ हेक्टर क्षेत्रफलमा फैलिएको यो सामुदायिक वन २०६० सालमा स्थापना भएको हो । करिब दुई हजार उपभोक्ता रहेको वनमा पर्यापर्यटन विकासका लागि २०६६ सालमा डुङ्गा सञ्चालन सुरू गरिएको सचिव नारायण चौधरीले जानकारी दिए । जीप सफारीका लागि व्यवस्थित रुट तयार गरिएको छ । साढे ४ किलोमिटरको दूरीमा डेढदेखि दुई घन्टासम्म पर्यटकलाई सफारी गराइनेछ। प्रारम्भिक चरणमा बिहान-बेलुका ७-७ गरी दैनिक १४ वटा जीप सञ्चालन हुने चौधरीले बताए ।
उद्घाटन समारोहका प्रमुखअतिथि पूर्वअर्थमन्त्री थपलियाले मध्यवर्ती क्षेत्रमा सुरक्षा र सन्तुलन कायम राख्दै जीप सफारीलाई अवसरको रूपमा लिई उचित व्यवस्थापनका साथ सञ्चालन गर्नुपर्ने बताए ।
उनले सौराहालाई बाढीको जोखिमबाट जोगाउन लोथरदेखि सौराहासम्म बलियो ड्याम निर्माणको काम सुरू भएको जानकारी दिए । ३५ वर्षअघि बनेको ड्याम जीर्ण भएको उल्लेख गर्दै उनले आफू मन्त्री हुँदा १८ करोड रुपैयाँ विनियोजन गरेर पुनर्निर्माणको काम सुरू गरेको बताए ।
काठमाडौँ । राष्ट्रिय परिचयपत्र तथा पञ्जीकरण विभागले बालबालिका, आफ्नो हेरचाह आफैँ गर्न नसक्ने अशक्त, असहाय वा ९० वर्षभन्दा माथिको ज्येष्ठ नागरिकका हकमा राष्ट्रिय परिचयपत्र नभए पनि सेवा लिन कुनै बाधा नपर्ने प्रावधानको पुनःस्मरण गराएको छ ।
विभिन्न स्थानीय तहले परिचयपत्र अनिवार्य रहेको भन्दै सेवा प्रवाहमा कठिनाइ भएको बताउँदै आएपछि विभागले उक्त प्रावधान स्मरण गराएको हो ।
सामाजिक सुरक्षा भत्ता प्राप्त गर्ने प्रयोजनका लागि ज्येष्ठ नागरिकले दुःख पाएको तथा अशक्तलाई पनि अनिवार्य रुपमा राष्ट्रिय परिचयपत्र नम्बर आवश्यक रहेको भन्ने गुनासो पछि विभागले थप स्पष्ट पारेको हो ।
सरकारले २०८१ असार २० गते नेपाल राजपत्रमा सूचना प्रकाशित गरी विभिन्न सार्वजनिक सेवामा राष्ट्रिय परिचयपत्र वा राष्ट्रिय परिचयपत्र नम्बर अनिवार्य गरेको थियो ।
सामाजिक सुरक्षा भत्ता, बिमा निवृत्तिभरण, राजस्व, सवारी चालक अनुमतिपत्र, कम्पनी दर्ता, बैंकिङ तथा वित्तीय सेवा, टेलिफोन तथा सिमकार्ड, सामाजिक सुरक्षा कोष र घरजग्गा कारोबारमा परिचयपत्र अनिवार्य गरिएको छ ।
विभिन्न स्थानीय तह, सेवा प्रदायक निकायबाट अशक्त तथा ज्येष्ठ नागरिकलाई राष्ट्रिय परिचयपत्र नम्बर माग गरिएको र सोका लागि कष्टपूर्वक सेवा इकाइमा पुग्न परेको भन्ने सूचना र गुनासो प्राप्त भएकाले विभागले सोमबार एक सूचनामार्फत स्पष्ट पारेको विभागका निर्देशक मुकेशकुमार केशरीले जानकारी दिए ।
भरतपुर । विपी कोइराला मेमोरियल क्यान्सर अस्पतालमा शल्यक्रियाको विस्तारित सेवा पुनः सुरूवात गरिएको छ ।
अस्पतालका कार्यकारी निर्देशक डा शिवजी पौडेलका अनुसार बिरामीको चाप बढ्दै गएपछि नियमित समयभन्दा अतिरिक्त समयमा शल्यक्रिया सेवा थालिएको हो । नियमितभन्दा अतिरिक्तमा केही शुल्क बढी लाग्ने भए पनि पालो कुर्न नचाहने र आर्थिक रुपमा केही सक्षम बिरामीलाई लक्षित गरेर सेवा थालनी गरिएको हो । यसबाट विपन्न अन्य बिरामीका लागि पनि सहज हुने उनले जानकारी दिए ।
गत आइतबार आन्द्राको क्यान्सरको शल्यक्रिया गरिएको कन्सल्टेन्ट सर्जिकल अङ्कोलोजिष्ट डा ज्ञानप्रसाद पोखरेलले बताए । सोमबार नाक, कान, घाँटीको शल्यक्रिया यसै सेवाअन्तर्गत गरिएको छ । अस्पतालमा नियमित शल्यक्रिया गर्नुपर्ने बिरामीले दुई महिनासम्म पालो कुर्नुपर्ने हुन्छ । डा पोखरेलले विस्तारित सेवामार्फत उपचार गर्न पाएसँगै बिरामीलाई धेरै राहत हुने बताए ।
अस्पतालमा न्यूरो (नसा), हेड एण्ड नेक (नाक–कान–घाँटी), थोरासिस (छाती) जिआई (पेट) ब्रेस्ट (स्तन), युरोलोजि (मूत्रासय), गाइनोलोजी (पाठेघर), अर्थाेपेडिक्स (हाडजोर्नी), प्लास्टिक शल्यक्रिया हुने गर्दछ । तीमध्ये प्लाष्टिकबाहेकका सबै शल्यक्रिया विस्तारित सेवामा हुनेछन् ।
कार्यकारी निर्देशक डा पौडेलले देशभरमा क्यान्सरको उपचार हुने बिरामीमध्ये ६० प्रतिशत यसै अस्पतालमा हुने गरेको बताए । उनका अनुसार सन् २०२३ मा अस्पतालमा पाँच हजार ३७४ वटा शल्यक्रिया गरिएका छन् । अघिल्लो वर्ष चार हजार शल्यक्रिया गरिएको थियो ।
सन् २०२३ मा बहिरङ्ग सेवामा एक लाख ७२ हजार ५६ बिरामीको उपचार गरिएको छ । अघिल्लो वर्ष यो सङ्ख्या एक लाख ६२ हजार थियो । सन् २०२४ को तथ्याङ्क आइनसके पनि निरन्तर बिरामीको सङ्ख्या बढ्दै गएपछि चापलाई ध्यानमा राखेर अस्पतालले विस्तारित सेवा सुरू गरेको हो ।
रत्ननगर । रत्ननगर नगरपालिकाले ‘नेपाल आइडल सिजन–६’ को फाइनलमा पुगेकी चितवनकी चेली दर्शना गान्धारीलाई सफलताको शुभकामनासहित हौसला प्रदान गरेको छ ।
‘नेपाल आइडल सिजन–६’ को टप फाइभमा पर्न सफल भएकी नवप्रतिभा दर्शनालाई प्रमुख प्रशासकीय अधिकृत प्रकाश खनाल, वडाध्यक्ष किरण महतो, सजना महतो, कार्यपालिका सदस्य राम रिमाल, सुशासन समितिका संयोजक धीरेन्द्रप्रसाद घिमिरे, लेखा अधिकृत प्रदीप पौडेल, राजस्व शाखा प्रमुख लीलानाथ अर्याललगायतले खादा लगाएर शुभेच्छा प्रकट गरेका हुन् ।
चितवनकी चेलीलाई स्थानीय सरकारको हैसियतले साथ, प्रयास र हौसला प्रदान गर्न सो कार्यक्रम राखिएको रत्ननगर कला मन्दिरका अध्यक्षसमेत रहेका कार्यपालिका सदस्य राम रिमालले बताए ।
गायिका दर्शनाले लामो समयसम्मको प्रयास र सङ्घर्षबाट उत्कृष्ट पाँचमा पुग्न सफल भएको भन्दै रत्ननगर नगरपालिकाबाट पाएको शुभेच्छाबाट आफूमा हौसला थपिएको बताइन् ।
रत्ननगर । नेपाल सरकारले पूर्वी चितवनको खैरहनीसहित देशका २३ जिल्लामा नयाँ इलाका प्रशासन कार्यालय स्थापना गर्ने निर्णय गरेको छ ।
गृह मन्त्रालयका सूचना अधिकारी तथा सहायक प्रवक्ता रवीन्द्र आचार्यले चितवनको खैरहनीसहित देशका २३ स्थानमा इलाका प्रशासन कार्यालय राख्ने निर्णय भएको जानकारी दिए । उनका अनुसार, सोमबार बसेको मन्त्रिपरिषद् बैठकले गृह मन्त्रालयको प्रस्ताव स्वीकृत गर्दै यो निर्णयलाई प्रशासन समितिमा पठाएको छ । प्रशासन समितिले अब कार्यान्वयन प्रक्रिया अगाडि बढाउने छ ।
गृह मन्त्रालयका अनुसार यी २३ इलाका प्रशासन कार्यालय स्थापना गर्ने योजना मन्त्रालयको वार्षिक बजेटमा समावेश छ । यसका लागि आवश्यक भौतिक संरचना निर्माण र कर्मचारी व्यवस्थापनका लागि दरबन्दी सिर्जना प्रक्रिया सुरू हुनेछ । अर्थ मन्त्रालयले बजेट निकासा गरेपछि कार्यालय स्थापनाको कामले गति लिने बताइएको छ ।
यी कार्यालयहरू जनसंख्या, भौगोलिक सुगमता र सेवा पहुँचमा देखिएको असमानता समाधान गर्न स्थापना गर्न लागिएको मन्त्रालयले जनाएको छ। मन्त्रालयले आगामी दिनमा थप इलाका प्रशासन कार्यालयहरू स्थापना गर्ने दीर्घकालीन योजना पनि बनाएको छ ।
नयाँ कार्यालयहरू स्थापना हुने स्थानहरूमा चितवनको खैरहनी, ताप्लेजुङको सिरिजङ्गा, खोटाङको हलेसी, ओखलढुङ्गाको घोराखोरी, सिरहाको सुखीपुर, धनुषाको धनुषाधाम, सर्लाहीको बलरा, पर्साको पोखरिया, सिन्धुलीको दुधौली, काठमाडौँको टोखा, डोल्पाको धो, मुगुको खत्याड, कालिकोटको रास्कोट, बाजुराको कोल्टी, बझाङको देउरा, अछामको साफेबगर, डोटीको बिपीनगर, दार्चुलाको गोकुलेश्वर, बैतडीको मेलौली, सङ्खुवासभाको हेदङ्गवा, रुपन्देहीको गैडहवा, तनहुँको भिमाद र अर्घाखाँचीको सितगङ्गा रहेका छन् ।
चितवन । जनस्वास्थ्य कार्यालय चितवनले चितवनमा हैजासम्बन्धी सतर्कता अपनाउन अनुरोध गरेको छ । सो कार्यालयले सोमबार सूचना जारी गर्दै चितवन हैजाको उच्च जोखिममा रहेकाले सतर्कता अपनाउन अनुरोध गरेको हो ।
पर्सा र चितवन जिल्लाबीच दैनिक आवतजावत तथा उपचारको लागि बिरामीको आवागमन हुने भएकाले जिल्लामा हैजाको सङ्क्रमण फैलिने जोखिम रहेकाले सतर्कता अपनाउन अनुरोध गरिएको कार्यालयका प्रमुख दिनेश रुपाखेतीले जानकारी दिए । वीरगन्जमा हैजाले महामारीको रुपमा लिएको छ । अहिलेसम्म यस रोगबाट विरगञ्ज महानगरपालिका वडा नं.-३, ११, १२, १३ र १६ का १९४ जना बिरामी परेका छन् भने दुई जनाको मृत्यु भइसकेको छ ।
हैजाको प्रकोप समुदायस्तरमै फैलिएपछि वीरगन्ज महानगरपालिकाले सम्पूर्ण शैक्षिक संस्था दुई दिनका लागि बन्द गर्ने निर्णयसमेत गरेको छ । गर्मी समय, दूषितपानी, फोहोर र मानिसहरुको बढी आवतजावत हुने ठाउँमा हैजाको प्रकोप हुने भएकाले चितवनवासीलाई उच्च सतकर्ता अपनाउन कार्यालयले अनुरोध गरेको हो ।
हैजा एक सङ्क्रमण रोग हो । जुन प्रायः दूषित पानी, फोहोर वातावरण र अस्वच्छ खानपानका कारण फैलिन्छ । उमालेको वा फिल्टर गरिएको मात्र सुरक्षित पानी पिउन र राम्ररी पकाएर मात्र खाना खाएमा बच्न सकिने कार्यालयले जारी गरेको सूचनामा उल्लेख छ ।
साथै, कार्यालयले बाँकी खाना राम्रोसँग ढाकेर राख्ने, पुनः तताएर मात्र प्रयोग गर्ने, साबुनपानीले हात राम्ररी धोएरमात्र खाने, खुल्ला ठाउँमा दिसा पिसाब नगर्ने, बाटो छेउमा खुलेआम राखिएका तथा सरसर्ती पकाएका खाद्यपदार्थ सेवन नगर्न अनुरोध गरेको छ ।
हैजा लागेको व्यक्तिमा अचानक बारम्बार पातलो पखाल लाग्ने, बान्ता हुने, शरीर कमजोर हुने, खुट्टा बाउँडिने कमजोर महसुस हुनेजस्ता लक्षण देखिने बताइएको छ । यस्ता लक्षण देखिएमा तुरुन्त नजिकको स्वास्थ्य संस्था वा स्वास्थ्यकर्मीलाई सम्पर्क गर्नसमेत अनुरोध गरिएको छ ।
यसैबीच, भरतपुर अस्पतालले पनि सतकर्ता अपनाउन अनुरोध गरेको छ । यस रोग छिटो फैलने भएकाले घर, छिमेक टोलमा सरसफाइमा ध्यान दिन तथा पानीको मुहान र स्रोतमा ध्यान दिन अस्पतालले अनुरोध गरेको हो । तारन्तार पातलो दिशा हुने, वान्ता हुने, शरीर कमजोर भएमा स्वास्थ्य संस्थामा जानसमेत अनुरोध गरेको छ ।
कालिका । कालिका नगरपालिका वडा नं-७ मा रहेको जुटपानी प्रहरी चौकीमा प्रहरी निरीक्षक मनिष श्रेष्ठले जिम्मेवारी सम्हालेका छन् ।
श्रेष्ठलाई नगरप्रमुख विनोद रेग्मी, उपप्रमुख विमला तामाङ, जिल्ला प्रहरी कार्यालय चितवनका प्रमुख प्रहरी उपरीक्षक गोविन्द पुरी, इलाका प्रहरी कार्यालय टाँडीका प्रमुख प्रहरी नायब उपरीक्षक रञ्जन अवा, वडाध्यक्षहरू, विभिन्न राजनीतिक दलका प्रतिनिधि तथा सरोकारवालाको उपस्थितिमा पदस्थापन गरिएको हो ।
शान्ति–सुरक्षाको आवश्यकता र स्थानीयको मागअनुसार कालिका नगरपालिकाको पहलमा सो चौकीलाई इलाका प्रहरी कार्यालयमा स्तरवृद्धि गर्ने प्रक्रिया अघि बढाइएको छ । अबदेखि प्रस्तावित इलाका प्रहरी कार्यालयको जिम्मेवारी प्रहरी निरीक्षक स्तरका अधिकृतले निर्वाह गर्नेछन्।
४६ वर्षअघि स्थापना भएको कालिका नगरपालिकाको जुटपानी प्रहरी चौकी अब इलाका प्रहरी कार्यालयमा स्तरवृद्धि हुने भएको छ ।
इलाका प्रहरी कार्यालयका लागि आवश्यक मापदण्ड पूरा गर्ने प्रक्रिया सुरू भइसकेको र यसले कालिका क्षेत्रमा शान्तिसुरक्षा थप प्रभावकारी हुने अपेक्षा गरिएको नगरप्रमुख रेग्मीले बताए ।
प्रहरी निरीक्षक मनीष श्रेष्ठले जुटपानी चौकीको कमान्ड सम्हालेका छन् । उनी इलाका प्रहरी कार्यालय रत्ननगर टाँडीबाट जुटपानी चौकीमा सरूवा भएका हुन् । हाल चौकीमा १० जना प्रहरी खटिएका छन् । सोही चौकीमा अस्थायी ट्राफिक प्रहरी पोस्टसमेत रहेको छ, जहाँ एक जना प्रहरी कार्यरत रहेका छन् ।
रत्ननगर । रत्ननगर नगरपालिकाले बर्दघाट नगरपालिकाबाट सरुवा भई आएका प्रमुख प्रशासकीय अधिकृत प्रकाश खनाललाई २७औँ प्रमुख प्रशासकीय अधिकृतका रुपमा स्वागत गरेको छ ।
नयाँ हाकिम खनाललाई ढाकाटोपी र माला लगाएर नगरमा स्वागत गरिएको हो । यस्तै, हालै मात्र राक्सिराङ गाउँपालिका, मकवानपुरबाट सरुवा भई आएका लेखा अधिकृत प्रदीप पौडेललाई पनि कार्यक्रममा स्वागत गरिएको थियो ।
कार्यक्रममा नगरप्रमुख प्रलाद सापकोटाले रत्ननगर नगरपालिकामा काम गर्न कुनै पनि दबाब र प्रभाव नरहेको प्रष्ट पार्दै ढुक्क भएर कार्यसम्पादन गर्न प्रमुख प्रशासकीय अधिकृतलाई आग्रह गरे ।
रत्ननगर नगरपालिका गत वर्ष स्थानीय तह संस्थागत क्षमता स्वमूल्याङ्कन (लिजा)मा देशभर तेस्रो र यो वर्ष दशौँ स्थानमा रहेको बताउँदै नगरप्रमुख सापकोटाले आफ्नो सीप, क्षमता र अनुभव जनसेवा प्रवाहमा लगाउन अनुरोध गरे ।
यस्तै, नगरउपप्रमुख यादवप्रसाद पाठकले आफूहरु निर्वाचित भएर आएदेखि तेस्रो प्रशासकीय अधिकृतका रुपमा खनालको स्वागत गर्दै विधि पालन गरी संस्थागत विकासलाई ध्यान दिन आग्रह गर्दै नगरवासीलाई छिटोछरितो सेवा प्रवाह गर्न जोड दिए । उनले हुन सक्ने काम समयमै गर्न र कानुनले गर्न नहुने भनेको काम नगर्न सुझाव दिए ।
कार्यक्रममा प्रमुख प्रशासकीय अधिकृत खनालले कानुन तथा तोकिएका जिम्मेवारी पूरा गर्न आफ्नो प्रमुख दायित्व रहेको र समग्र कार्यपालिकाको मार्गनिर्देशनमा रही नगरवासीका चाहना र आवश्यकता चाहना पूरा गर्ने बताए ।
उनले समग्र नगरबाट प्रदान हुने सेवा प्रवाह चुस्तदुरुस्तनतिजामुखी प्रविधिमैत्री बनाउँदै विकास व्यवस्थापन तथा आकस्मिक व्यवस्थापनमा पारदर्शिता, जवाफदेहितासहित सुशासन कायम गर्न अहोरात्र लाग्ने प्रतिबद्धता व्यक्त गरे ।
प्रशासन शाखा प्रमुख सबिता अर्यालले सञ्चालन गरेको कार्यक्रममा नगरप्रवक्ता एवम् रत्ननगर–१ क वडाध्यक्ष कुलप्रसाद सापकोटाले स्वागत मन्तव्य व्यक्त गरेका थिए । सो अवसरमा १७औँ नगरसभाबाट पारित आर्थिक वर्ष २०८२/०८३ को वार्षिक नगर विकास योजना पुस्तिका (रातो किताब)को लोकार्पण गरिएको थियो ।
कार्यक्रममा नगरशिक्षा अधिकारी नारायणप्रसाद वाग्ले, वडाध्यक्षहरु, कार्यपालिका सदस्यहरु, विभिन्न शाखाका प्रमुखलगायतको सहभागिता रहेको थियो ।
रत्ननगर । रत्ननगर नगरपालिका स्वास्थ्य शाखाको आयोजनामा साउन महिनाको मासिक समीक्षा तथा प्रगति विवरणबारे छलफल तथा जेई सङ्क्रमणसम्बन्धी अभिमुखीकरण कार्यक्रम सम्पन्न भएको छ ।
कार्यक्रममा १६ वटै वडाका आधारभूत स्वास्थ्यकेन्द्र प्रमुख तथा स्वास्थ्यचौकी प्रमुखहरुले आआफ्नो वडामा भए–गरेका स्वास्थ्यसम्बन्धी अद्यावधिक विवरण प्रस्तुत गरेका थिए ।
सो अवसरमा सामाजिक विकास समितिका संयोजक सोहेन्द्रराज खरेलले स्वास्थ्यसम्बन्धी प्रगति विवरण समयमै अद्यावधिक गर्न र नगरवासीलाई उत्कृष्ट सेवा प्रवाह गर्न स्वास्थ्यकर्मीहरुलाई सुझाव दिए ।
उनले स्वास्थ्यकर्मी साथीहरुको लगाव, क्षमता र अनुभवका कारण स्वास्थ्य क्षेत्रमा रत्ननगरको नतिजा परिणाममुखी रहेको र आगामी दिनमा पनि आपसी सहयोग र राय लिई स्वास्थ्यसेवाका सूचकहरुको अद्यावधिक गर्न आग्रह गरे ।
स्वास्थ्य शाखा प्रमुख एवम् जनस्वास्थ्य अधिकृत माधवप्रसाद पौडेलले स्वास्थ्यकर्मीहरुले प्रस्तुत गरेको प्रगति विवरणबारे समीक्षा गर्दै कमिकमजोरी सुधार गरी अगाडि बढ्न सबै स्वास्थ्यकर्मीहरुमा आग्रह गरे ।
सो अवसरमा जनस्वास्थ्य कार्यालय चितवनका तथ्याङ्क अधिकृत इन्द्रमणि भण्डारीले स्वास्थ्यकर्मीहरुलाई आपसी सहयोग र समन्वय गरी रजिस्टरमा विवरण अद्यावधिक गर्न सुझाव दिए । उनले स्वास्थ्यकर्मीहरुले प्रस्तुत गरेको प्रगति विवरणमाथि समीक्षा गर्दै आवश्यकीय सहजीकरण गरेका थिए ।
सो अवसरमा समग्र स्वास्थ्य संस्थाहरुको अवस्था र सुधार गर्नुपर्ने विषयहरु समेटिएको माग पत्र पिठुवा स्वास्थ्यचौकी इन्चार्ज नरहरि श्याम शर्माले सामाजिक विकास समितिका संयोजक सोहेन्द्रराज खरेलसमक्ष पेस गरे ।
कार्यक्रमका अध्यक्षसमेत रहेका संयोजक खरेलले स्वास्थ्य संस्था र स्वास्थ्यकर्मीहरुको तर्फबाट राखिएको माग पत्रका सम्बन्धमा आगामी कार्यपालिका बैठकमा प्रस्तुत गरी सम्बोधन गर्ने प्रतिबद्धता व्यक्त गरे ।
कार्यक्रममा किटजन्य रोगबारे सचेतना तथा जेई सङ्क्रमणसम्बन्धी अभिमुखीकरण गरिएको थियो । बकुलहर रत्ननगर अस्पतालका डा. सन्देश रौनियारले अभिमुखीकरण कार्यक्रममको सहजीकरण गरेका थिए ।
चितवन । भरतपुर–७, कृष्णपुरस्थित अङ्कुरम् एकेडेमीमा शनिबारदेखि सुरू भएको दोस्रो संस्करणको तीनदिने ‘अङ्कुरम्– नमुना संयुक्त राष्ट्रसंघ कार्यक्रम’ सम्पन्न भएको छ ।
काठमाडौँसहित नवलपुर र चितवनका १८ संस्थागत र पाँच सामुदायिक विद्यालयका २४८ जना विद्यार्थीको सहभागिता रहेको नमुना अभ्यास कार्यक्रमबाट राष्ट्रसंघका छवटा कमिटीमार्फत अनुसन्धान गरिएका छ विषयमा छलफलपश्चात सङ्कल्प पारित गरिएको छ । नमुना कार्यक्रमका महासचिव अर्जुन जी शर्माले छ विषयका संकल्प ग्रहण गरिएको बताए ।
नमुना कार्यक्रमको समापन सत्रलाई सम्बोधन गर्दै प्रमुखअतिथि भरतपुर महानगरपालिका वडा नं ७ का वडाध्यक्ष राजेन्द्रमणि काफ्ले यस्ताखाले रचनात्मक कार्यक्रमले विद्यार्थीको समग्र विकासमा टेवा पुग्ने बताए । ‘विश्वव्यापीरूपमा स्पर्धा गर्नसक्ने योग्य नागरिक बनाउनका लागि यस्ता किसिमका कार्यक्रम अत्यन्तै फलदायी हुने उनको जिकिर थियो । ‘बाबुनानीहरूको अध्ययन, अनुसन्धान र प्रस्तुतीकरण वास्तवमा सराहनीय तथा अनुकरणीय छ’, उनले भने ।
अभिभावकीय भूमिका निर्वाह गर्दै सामुदायिक विद्यालयहरूमा यस्ताखाले रचनात्मक कार्यक्रमको लागि समन्वय गरिदिन प्रमुखअतिथि काफ्लेले आग्रह गरे ।
कार्यक्रमबाट संयुक्त राष्ट्रसंघ मानवअधिकार परिषद्का सभापति अविप्श्या कार्की र उपसभापति स्नेह कर्माचार्य नेतृत्वको कमिटीले ‘सामूहिक बसाइँसराइको समयमा मानवअधिकारको संरक्षण : विदेशीप्रति घृणा, नजरबन्द र सिमानाको हरियारीकरण’ विषयमा अध्ययन तथा अनुसन्धान गरी संकल्प प्रस्ताव पारित गरेको छ । सो कमिटीले ‘हिरासतको मानवीय विकल्पहरूलाई प्रवर्द्धन गर्ने, सेवाहरूमा पहुँचमार्फत आप्रवासी अधिकारहरूको सुरक्षा गर्ने र सीमा सुरक्षालाई कहिल्यै पनि हतियार बनाउनु हुँदैन’ भन्ने तथ्यमा जोड दिइएको प्रस्ताव पास गरेको छ ।
त्यसैगरी संयुक्त राष्ट्रसंघीय सुरक्षा परिषद्का सभापति प्रिसा न्यौपाने र उपसभापति युरिका पौडेलको कमिटीले ‘सशस्त्र द्वन्द्वग्रस्त क्षेत्रका नागरिकको सुरक्षा’ विषयमा अध्ययन, अनुसन्धान र छलफल गरेको थियो । उक्त कमिटीले ‘शरणार्थीहरूको लागि सुरक्षित क्षेत्रहरू स्थापना गर्ने, द्वन्द्वग्रस्त क्षेत्रहरूमा खाना, पानी र शिक्षाको पहुँच सुनिश्चित गर्ने, अन्तर्राष्ट्रिय मानवीय कानुनको पालना गर्ने र नागरिक जीवनको रक्षा गर्न विश्वव्यापी सहयोगलाई सुदृढ पार्ने विषयमा अध्ययन, अनुसन्धान र छलफल गरी पारित भएको छ ।
त्यसैगरी दिमिसा विष्ट र अनाघा श्रेष्ठ सभापति तथा उपसभापति रहेको संयुक्त राष्ट्र संघीय वातावरण कार्यक्रमअन्तर्गत ‘प्लाष्टिक प्रदूषणको सम्बोधन र विश्वव्यापी ऊर्जा संकटको अन्त्यका लागि क्रियाशीलता’ विषयमा अध्ययन, अनुसन्धान र बहस भई प्लास्टिक प्रयोगलाई चरणबद्धरूपमा निरुत्साहित गर्दै नवीकरणीय ऊर्जालाई तीव्र पार्ने र विश्वव्यापी सहयोगलाई प्रवर्द्धन गर्ने प्रस्ताव पास गरिएको छ ।
युएनकै अर्को कमिटी संयुक्त राष्ट्रसंघीय बाल कोषका सभापति एवम् उपसभापति शुभांशराज केसी र विशाल सापकोटाको कमिटीले ‘युद्धग्रस्त क्षेत्रमा बालकालिकाको सुरक्षा’ विषयमा अध्ययन, अनुसन्धान र बहस गरी ‘बालसैनिक भर्तीको निन्दा गर्दै शिक्षा, स्वास्थ्यसेवा र मनोसामाजिक सहयोगमा मानवीय पहुँच सुनिश्चित गर्दै युद्धबाट प्रभावित बालबालिकाको संरक्षण र पुनर्स्थापनाको लागि बलियो विश्वव्यापी सहयोगको लागि आह्वान गर्ने प्रस्ताव पास गरेको छ ।
त्यसैगरी विश्व स्वास्थ्य संगठनको नेतृत्व गरेका सभापति सिर्जना लम्साल र उपसभापति रुपेश घिमिरेको कमिटीले ‘नसर्ने रोगहरू र मानसिक स्वास्थ्य : विश्वव्यापी स्वास्थ्यसेवामा समानताको वकालत’ विषयमा बहस गरी संकल्प पास गरेको छ । उक्त कमिटीले पास गरेको संकल्पअनुसार ‘ बृहत्तर मानसिक स्वास्थ्य सेवा, स्वास्थ्य सेवामा समान पहुँच र सोसम्बन्धी जागरूकता कार्यक्रमहरूलाई सुदृढ पार्न आह्वान’ गर्नेछ ।
त्यस्तै, संयुक्त राष्ट्रसंघीय शैक्षिक, वैज्ञानिक तथा साँस्कृतिक संगठनका सभापति आकर्षा सापकोटा र उपसभापति सौर्य पौडेलको कमिटीले ‘विज्ञान शिक्षा र सांस्कृतिक संरक्षणमार्फत जलवायु परिवर्तनको सामना गर्ने’ एजेन्डासँग जलवायु परिवर्तन शिक्षालाई एकीकृत गर्ने, आदिवासी ज्ञानको संरक्षण गर्ने र वैज्ञानिक सहकार्यलाई प्रवर्द्धन गर्नेगरी प्रस्ताव पारित गरेको छ ।
सामाजिक उत्तरदायित्वअन्तर्गत यो वर्ष आयोजित नमुना कार्यक्रम–२.० मा पाँचवटा सामुदायिक विद्यालयहरू प्रेमबस्ती मावि प्रेमबस्ती, राष्ट्रिय मावि कृष्णपुर, लक्ष्मी मावि लंकू, नारायणी नमुना मावि र मोहन मावि भरतपुरका विद्यार्थीहरूलाई निःशुल्करूपमा सहभागी गराइएको कार्यक्रमका सल्लाहकार प्राचार्य सुमन पौडेलले जानकारी दिए ।
कार्यक्रममा महासचिव शर्मा, उपमहासचिव रीताकुमारी उपाध्याय, सल्लाहकार सुमन पौडेल, निर्देशक सरला पौडेललगायतले सम्पूर्ण कमिटीका उत्कृष्ट प्रतिनिधि, न्युज एजेन्सी, अन्तर्राष्ट्रिय प्रेस प्रतिनिधिलगायतलाई प्रमाणपत्र र मायाको चिनो वितरण गरेका थिए । तीनदिने कार्यक्रम अवधिभर उत्कृष्टता प्रदर्शन गरेका सिर्जन रेग्मीलाई ‘सबैभन्दा सक्रिय समिति सदस्य’को रूपमा र ‘उत्कृष्ट समिति सदस्य’को रूपमा सक्षम सुवेदीलाई पहिचान गरी पुरस्कृत गरिएको थियो ।
रत्ननगर । आयुर्वेद औषधि उत्पादन केन्द्र रत्ननगरले चालु आर्थिक वर्षमा नौ प्रकारका औषधि उत्पादन गरी दर्ताका लागि सिफारिसको तयारी गरेको छ । केन्द्रले गत आर्थिक वर्षदेखि औषधि उत्पादनको काम सुरू गरेको हो ।
गत आवमा १० प्रकारका औषधि सिफारिस गरेकामा यस वर्ष नौवटा सिफारिस गर्ने तयारी गरेको कार्यालयका प्रमुख डा. सुरेश महर्जनले जानकारी दिए । उनका अनुसार गत वर्ष सिफारिस गरिएका सबै औषधि चुर्ण (धुलो) छन् । यस वर्ष आठ ‘ट्याबलेट’ र एक भष्म औषधि व्यवस्था विभागमा दर्ताका लागि सिफारिस गर्ने तयारी गरेको हो ।
गत वर्ष सिफारिस गरिएका औषधिमा अश्वगन्ध चुर्ण, आमलकी चुर्ण, सितोपलादी चुर्ण, अविपत्तिकर चुर्ण, बिल्वादी चुर्ण, हिङ्ग्वाष्टक चुर्ण, महासुदर्शन चुर्ण, पुस्यानुग चुर्ण, त्रिफला चुर्ण, निम्बादी चुर्ण छन् ।
यस वर्ष सिफारिस गर्न लागिएको औषधिमा खदिरादि बटी, गन्धक रसायन, महाशङ्ख बटी, चन्द्रप्रभा बटी, कैशोर गुग्गुलु, योगराज गुग्गुलु, महायोगराज गुग्गुलु, सर्पगन्धाघन बटी र टङ्कण भष्म छन् ।
बागमती प्रदेश सरकारको अनुमति र संघीय सरकारको मापदण्डमा रहेर औषधि उत्पादन गर्दै आइएको उनले जानकारी दिए । अहिले केन्द्रले २३ औषधि उत्पादनलाई प्राथमिकतामा राखेर काम गर्दै आएको छ ।
उनले भने, “हामीले प्रदेश सरकारबाट एक सय १९ औषधि उत्पादनका अनुमति पाइसकेका छौँ ।” तर, अहिले सरकारले प्राथमिकतामा राखेका २३ औषधि उत्पादन गर्ने तयारी गरिरहेको उनले जानकारी दिए । सरकारले अत्यावश्यकभित्र राखेका औषधि उत्पादन गरेर निःशुल्क उपलव्ध गराउने तयारी गरिएको छ ।
सरकारले जारी गरेको कुशल औषधि उत्पादन अभ्यास निर्देशिका २०८२ अनुसार औषधि उत्पादन र सिफारिस गरिएको उनले बताए । बागमती प्रदेशभित्र रहेका जिल्ला आयुर्वेद स्वास्थ्य केन्द्रमा औषधि पुर्याउने गरी काम गरिएको उनले जानकारी दिए ।
भरतपुर । नेपाल पत्रकार महासंघ चितवनका अध्यक्ष वसन्त पराजुलीद्वारा लिखित उपन्यास ‘बखान’को आइतबार एक समारोहबीच गृह विमोचन गरिएको छ ।
बखान सहकारी संस्था लिमिटेडको आयोजना गरेको कार्यक्रममा बागमती प्रदेश सरकारकी सहकारी तथा गरिबी निवारण मन्त्री विनु रायमाझी पौडेल, नेपाल पत्रकार महासंघका वरिष्ठ उपाध्यक्ष दीपक आचार्य, बखानसिंहका नाति चन्द्रध्वज गुरूङलगायतले संयुक्तरूपमा सो कृतिको विमोचन गरिएको हो ।
बखान सहकारी उपन्यासका मुख्य पात्र बखानसिंह गुरूङले स्थापना गरेको नेपालकै पहिलो सहकारी संस्था हो । बखान बहुउद्देश्यीय सहकारी संस्था चितवन स्थापना गराउँदा स्थानीयलाई अन्न तथा औजारहरु खरिदमा सहयोग गरेको संस्था पनि हो ।
राजनैतिक र सामाजिक व्यक्तित्व बखानसिंह गुरूङलाई मुख्य पात्र बनाइएको यो उपन्यासले चितवनको बस्ती विकासको चरण, चितवनका धर्म–सस्कृति तथा स्थानहरुको विवरण उपन्यासमा बखान गरिएको छ । सो अवसरमा बोल्दै मन्त्री रायमाझी पौडेलले उपन्यासले सहकारीलाई राष्ट्रिय र अन्तर्राष्ट्रियरूपमा चिनाउन सहयोग पुग्ने बताइन् ।
कार्यक्रममा नेपाल पत्रकार महासंघका वरिष्ठ उपाध्यक्ष दीपक आचार्यले पराजुलीद्वारा लिखित उपन्यासले बखानसिंह गुरूङको उच्च योगदानको मूल्याङ्कन गरेको बताए । ‘बखानसिंहको इतिहासलाई उपन्यासमा सजीव तरिकाले चित्रण गरिएको छ’, उनले थपे, ‘ओझेलमा परेका एक मह¤वपूर्ण व्यक्तिलाई पराजुलीले उजागर गर्ने काम गर्नुभएको छ ।’
विसं २०३९ सालमा कानुन तथा न्याय र भूमिसुधार मन्त्री बनेका गुरूङका दुई छोरा शहीद हुन् । सो अवसरमा गुरूङका नाति चन्द्रध्वज गुरूङले बाजे बखानसिंह गुरूङको राजनैतिक यात्रा र सँगै परिवारले भोगेका पीडाका बारेमा बोलेका थिए ।
संस्थाका अध्यक्ष देवी थापामगरको सभापतित्वमा भएको कार्यक्रममा सहकारीका प्रमुख सल्लाहकार एवम् नेपाली कांग्रेस चितवनका पूर्वसभापति तोपमानसिंह गुरूङ, बखान सहकारीद्वारा सञ्चालित सङ्ग्रहालयका संयोजक सोम भण्डारी, सहकारीका सञ्चालक रामशरण गैरेलगायतले सहकारीले गर्नुपर्ने काम पराजुलीले गरेको भन्दै आभार प्रकट गरे ।
पुस्तकका लेखक पराजुलीले उपन्यास यथार्थ घटनामा टेकेर र काल्पनिक जलप लगाइएको कृति भएको बताए । उनका अनुसार नेपालको तराई क्षेत्रमा भएको बसाइँसराइ र बस्ती विकासको ऐतिहासिक पाटोलाई समेटेर लेखिएको यो बखान पुस्तकले चितवनको सामाजिक तथा राजनीतिक घटनाक्रमलाई जीवन्तरूपमा प्रस्तुत गरेको छ । यसले विसं २००७ देखि २०४० सालसम्मका मुख्य राजनीतिक घटनाक्रमलाई न्याय दिने प्रयास गरेको पराजुलीले बताए ।
बखान पुस्तकको मुख्य पात्रका रूपमा बखानसिंह गुरूङलाई लिइएको छ, जो प्रजातन्त्रका लागि जीवनभर लड्दा पनि ओझेलमा परेका एक योद्धा हुन् । बखानसिंहले प्रजातन्त्रको आन्दोलनमा दुई जना छोरा गुमाउनुपरेको र घरसमेत गुमाएको मार्मिक कथा यसमा समेटिएको छ ।
यो पुस्तकले इतिहास, राजनीति, संस्कृति र विकासको पाटोलाई जोडेर चितवनको एउटा मह¤वपूर्ण समयकालको दस्तावेजका रूपमा आफूलाई उभ्याएको पराजुलीले बताए । पराजुलीका यसअघि कुमाता, मोम्चो र ड्रिमी आइज प्रकाशित भइसकेका छन् । पराजुली नेपाल पत्रकार महासंघ चितवन शाखाका अध्यक्षसमेत रहेका छन् ।
झुवानी । रत्ननगर–५ मा रहेको झुवानी माविका विद्यार्थी, अभिभावक तथा स्थानीयलाई लक्षित गरी आइतबार २०० जनाको निःशुल्क स्वास्थ्य परीक्षण गरिएको छ ।
परोपकार आयुर्वेद अस्पताल, भरतपुर–१०, चितवनको सहयोगमा आयोजित कार्यक्रमका प्रमुखअतिथि वडाध्यक्ष एवम् विद्यालय व्यवस्थापन समितिका अध्यक्ष बालकृष्ण चापागाईंले विद्यार्थीहरूको स्वास्थ्य शिक्षासँग जोडिएको विषय भएकाले विद्यालयस्तरमै स्वास्थ्य परीक्षण कार्यक्रम सञ्चालन हुनु अत्यन्तै लाभदायक रहेको बताए ।
उनले विद्यालयलाई केवल शिक्षा दिने स्थान मात्र नभई स्वास्थ्य, सचेतना र सामाजिक सन्देश प्रवाह गर्ने केन्द्रको रूपमा पनि अगाडि बढाउनुपर्नेमा जोड दिए ।
यस्तै, आयुर्वेद अस्पतालका सञ्चालक विराट रेग्मीले समुदायलाई स्वास्थ्यसेवामा जोड्ने उद्देश्यले कार्यक्रम आयोजना गरिएको जानकारी दिए । समाजसेवी हरिप्रसाद पन्तले विद्यालयमा गरिएको यस किसिमको पहलले स्थानीय अभिभावक र विद्यार्थीलाई ठूलो लाभ पुग्ने विश्वास व्यक्त गरे ।
कार्यक्रममा विद्यालय व्यवस्थापन समिति सदस्य केशवप्रसाद भट्ट, प्रधानाध्यापक नवीनचन्द्र भट्टराई, विद्यालय नर्स प्रियंका अधिकारीको आतिथ्यता रहेको थियो । सो अवसरमा परोपकार आयुर्वेद अस्पतालका सञ्चालक विराट रेग्मी, व्यवस्थापक लोकराज अवस्थी, डा. सृष्टि भट्टराई, सहियता खातुन तथा समाजसेवी हरिप्रसाद पन्तलगायतले स्वास्थ्य जाँच तथा परामर्शसेवा प्रदान गरेका थिए ।
कार्यक्रममा सहभागीहरूलाई निःशुल्क स्वास्थ्य परीक्षणसँगै आवश्यक परामर्श तथा औषधिसमेत प्रदान गरिएको थियो ।
भरतपुर । मोती जयन्तीको अवसरमा शनिबार भरतपुरमा आयोजित कार्यक्रममा गजल मञ्च चितवनले ‘द्वारिका नेपाल स्मृति गजल पुरस्कार–२०८२’ गजलकार राजु आचार्य ‘दीप’लाई प्रदान गरेको छ । वरिष्ठ साहित्यकार केशवराज आमोदीमार्फत आचार्यलाई २५ हजार राशिसहित दोसल्ला र सम्मानपत्रद्वारा पुरस्कृत गरिएको हो ।
कार्यक्रममा पुरस्कृत स्रष्टाको विषयमा गजल मञ्च चितवनका सदस्य प्रवीण सन्नाटाले चर्चा गरेका थिए । विसं २०४० साल मङ्सिर २६ गते चितवनको इच्छाकामना गाउँपालिका वडा नं–१, हात्तीवाङमा जन्मिएका राजु २०५७ सालदेखि शिक्षण पेसामा संलग्न छन् । त्यसबाहेक साहित्यको गजल विधामा पनि उनले सशक्त ढङ्गले कलम चलाउँदै आएका छन् ।
सन्नाटाका अनुसार हाल माडीस्थित जनकल्याण माध्यमिक विद्यालयमा ज्ञानको ज्योति बाँडिरहेका आचार्यले विद्यार्थी जीवनबाटै साहित्यमा रूचि जगाउँदै आए पनि पहिलोपटक २०६० सालमा गजलकृति प्रकाशित गरेर नेपाली गजल लेखनको यात्रामा औपचारिकरुपमा पाइला चालेका थिए । त्यसयता निरन्तररुपमा गजलसँगै कविता, मुक्तक तथा गीत लेखनमा कलम चलाइरहेका छन् ।
स्रष्टामाथिको चर्चापछि साहित्यकार केशवराज आमोदीले आदि गजलकार मोतीराम भट्टबारे चर्चा गरेका थिए । नेपाली साहित्यको गजल विधालाई डो¥याउँदै आजसम्म गजल साहित्यलाई जीवन्त तुल्याउनमा मोतीराम भट्टकै योगदान अतुलनीय रहेको उनले बताए ।
चितवनको गजल लेखनमा स्वर्गीय द्वारिका नेपाल स्मृति पुरस्कारले प्रोत्साहन प्रदान गर्दै आएको गजल मञ्च चितवनका अध्यक्ष रामकृष्ण अनायासले बताए । गजल मञ्च चितवनले २०७९ सालमा स्थापना गरेको पुरस्कारबाट यसअघि विनोद अनुज, कमल अर्याल धादिङ्गे र मुक्त उदासलाई पुरस्कृत गरिसकेको छ । उक्त पुरस्कार भने डिला खरेलले स्थापना गरिदिएका हुन् ।
स्वर्गीय नेपालको गजल मञ्च चितवनको अध्यक्ष रहेकै समयमा अकल्पनीय निधन भएको थियो । लामो समयदेखि शिक्षण पेसालाई मूल पेसाको रुपमा अपनाउँदै आएका स्वर्गीय नेपाल करिब दुई दशकदेखि पत्रकारितामा पनि सक्रिय थिए ।
भरतपुर । बोस्टन इन्टरनेसनल कलेजले विद्यार्थीहरुलाई उद्यमशील बनाउन विभिन्न कार्यक्रममार्फत प्रोत्साहन गर्दै आएको छ । पछिल्लो समय नवप्रवर्तनमा सफल उद्यमीको अनुभव आदानप्रदान गर्ने उद्देश्यले प्यानल छलफल गर्न थालिएको छ । विश्व उद्यमी दिवसको अवसरमा नवउद्यमीहरुलाई बोलाएर छलफल गरिएको थियो ।
वृक्ष अर्गानिक्सका सह–संस्थापक पुरूषोत्तम अधिकारीले बोस्टनको सहयोगका कारण आफूहरुले विश्वविद्यालय अनुदान आयोगबाट अनुदान प्राप्त गर्न सकेको बताए । वृक्ष अर्गानिक्सलाई आयोगले ११ लाख रूपैयाँ अनुदान दिएको छ । नेपाल नवप्रवर्तनको मामलामा धेरै पछाडि रहेको भन्दै उनले युवाहरुले अवसरलाई समात्न सक्नुपर्ने बताए । बोस्टनमा इन्क्युबेसन सेन्टर स्थापना हुन सके विद्यार्थीलाई उद्यमशील बन्न प्रेरणा मिल्ने उनले विश्वास व्यक्त गरे ।
बेटर हेल्थ क्लिनिककी संस्थापक मेलिना अधिकारीले परीक्षामा फेल हुनुलाई सबै कुरा गुमेको रुपमा हेर्न नहुने बताइन् । ‘हार्नु भनेको धेरै कुरा सिक्दै अर्काे चरणको प्रतिस्पर्धामा जानु हो । मैले कोभिडअगाडि सुरू गरेको व्यवसाय कोभिड महामारीका बेला टिकाउन मुस्किल प¥यो, कोभिड सकिएपछि व्यवसायलाई धेरै राम्रोसँग अगाडि बढाउन सकेँ ।’
आफू बोस्टनकै पूर्वविद्यार्थी भएको बताउँदै उनले उद्यमी भएर समुदायलाई सेवा गर्ने उद्देश्यले हेल्थ क्लिनिक खोलेको बताइन् । पछिल्लो समय हेल्थ केयरमा अवसर बढ्दै गएको उनले बताइन् ।
नेपाल कलेज अफ इन्फर्मेसन टेक्नोलोजी सहायक प्राध्यापक समुद्र पौडेलले नवीनतम प्रविधिको भरपूर प्रयोग गरी व्यवसाय सञ्चालन गर्नुपर्ने बताए । नेपालमा नीति नियमको अभावका कारण नवउद्यमीहरुलाई व्यवसायको क्षेत्र बढाउन समस्या परिरहेको भन्दै उनले युवाले इतिहासलाई सही पहिचान गर्न सक्नुपर्ने बताए । अबको समय युवाहरुलाई उद्यमशीलतामा आकर्षित गर्ने समय भएको उनको भनाइ थियो ।
आर्टमायाकी सह–संस्थापक पलक जलानले देशका लागि योगदान गर्न सक्नुलाई नै आफूले सफलता मानेको बताइन् । युवाले आफ्नो भिजन राख्नुपर्ने भन्दै उनले त्यसपश्चात् आत्मविश्वास आफैँ प्राप्त हुने बताइन् । कार्यक्रमको मध्यस्थकर्तामा बोस्टन इन्टरनेसनल कलेजको स्नातक कार्यक्रम निर्देशक पुष्पराज अधिकारी रहेका थिए ।
भरतपुर । नेपाल पत्रकार महासंघ चितवनका अध्यक्ष एवम् लेखक वसन्त पराजुलीको नयाँ कृति ‘बखान’ शनिबार राजधानीमा एक भव्य समारोहबीच लोकार्पण गरिएको छ ।
शिखा बुक्सद्वारा प्रकाशित बखान तथ्य–घटनामा आधारित एक गैर–आख्यान हो, जसलाई लेखकले अध्ययन र जीवन्त अनुभूतिको सेतुका रूपमा प्रस्तुत गरेका छन् । पुस्तकले ऐतिहासिक व्यक्तित्व स्व. बखानसिंह गुरूङको जीवनलाई केन्द्रमा राखेको छ ।
लेखक पराजुलीले २००७ सालको परिवर्तनदेखि पञ्चायतसम्मको राजनीतिक यात्रा, नेपाली कांग्रेसको संघर्ष, विपी कोइरालाको समाजवादका चरण र गुरूङले आफ्ना दुई छोराको निधनले भोगेको पीडालाई मार्मिक ढङ्गले पुस्तकमा उतारेका छन् ।
समारोहका प्रमुखअतिथि नेपाली कांग्रेसका महामन्त्री विश्वप्रकाश शर्माले अन्य इतिहासका पुस्तकमा उल्लेख नभएका घटनाक्रमलाई पराजुलीले पुस्तकमार्फत उजागर गर्न सफल भएको टिप्पणी गरे । बखानसिंह गुरूङको उच्च योगदानलाई पुस्तकले इतिहासमा सजीव बनाएको महामन्त्री शर्माको भनाइ थियो ।
यस्तै, कांग्रेसका सह–महामन्त्री जीवन परियारले महत्त्वपूर्ण योगदान पुर्याएका बखानसिंह गुरूङलाई पार्टीले औपचारिक सम्मान गर्नुपर्ने धारणा राखे ।
कार्यक्रममा बखानसिंह गुरूङकी पनातिनी जानुका गुरूङले आफ्ना बाजेलाई उच्च मूल्याङ्कन गर्दै उनलाई राष्ट्रको शहीद घोषणा गर्नुपर्ने माग राखिन् ।
समारोहमा नेपाली कांग्रेस चितवनका सभापति राजेश्वर खनाल, साहित्यकार अमर न्यौपाने, विश्लेषक शंकर तिवारी, शिखा बुक्सका प्रकाशक पुष्पराज पौडेल, साहित्यकार श्रीओम श्रेष्ठ ‘रोदन’ लगायतका वक्ताले ‘बखान’बाट नयाँ इतिहासका कालखण्डबारे महत्त्वपूर्ण जानकारी मिल्ने उल्लेख गरे ।
साहित्यकार न्यौपानेले पुस्तकमाथि चर्चा गर्दै राजनीतिक परिवर्तनका क्रममा धेरै पुस्तकले छुटाएका घटनाक्रमलाई ‘बखान’ले समेट्न सफल भएको बताए ।
पुस्तकका लेखक तथा पत्रकार पराजुलीले बखानसिंह गुरूङको योगदानलाई साहित्यको माध्यमबाट आकार दिन खोजेको उल्लेख गर्दै पुस्तकको मूल्याङ्कन पाठकको हातमा रहेको स्पष्ट पारे ।
पुस्तक सार्वजनिक कार्यक्रममा साहित्यकार, पत्रकार, समाजसेवी, प्रबुद्ध वर्ग, प्राध्यापक, शिक्षक तथा विद्यार्थीहरूको सहभागिता रहेको थियो ।
यसअघि लेखक पराजुलीका कुमाता, मोम्चोलगायत चार कृति प्रकाशित भइसकेका छन् । विगत साढे दुई दशकदेखि लगातार पत्रकारितामा सक्रिय छन् । हाल उनी चितवनमै रहेर गोरखापत्र दैनिकमा आवद्ध रही पत्रकारितालाई निरन्तरता दिइरहेका छन् ।
बखानभित्र के छ ?
नेपालको तराई क्षेत्रमा भएको बसाइँसराइ र बस्ती विकासको ऐतिहासिक पाटोलाई समेटेर लेखिएको यो बखान पुस्तकले चितवनको सामाजिक तथा राजनीतिक घटनाक्रमलाई जीवन्त रूपमा प्रस्तुत गरेको छ। यसले २००७ देखि २०१० सालसम्मका मुख्य राजनीतिक घटनाक्रमलाई न्याय दिने प्रयास गरेको छ, जसले इतिहासलाई साहित्यिक आयाममा बुझ्न मद्दत गर्छ।
बखान पुस्तकको मुख्य पात्रका रूपमा बखानसिंह गुरुङलाई लिइएको छ, जो प्रजातन्त्रका लागि जीवनभर लड्दा पनि ओझेलमा परेका एक योद्धा हुन्। बखानसिंहले प्रजातन्त्रको आन्दोलनमा दुई जना छोरा गुमाउनुपरेको र घरसमेत गुमाएको मार्मिक कथा यसमा समेटिएको छ। उनका बारेमा खासै लेख-रचना नभएको सन्दर्भमा गाउँघरमा चलेका किंवदन्ती र परिवारका सदस्यबाट प्राप्त जानकारीलाई आधार बनाएर यस उपन्यासको रचना गरिएको देखिन्छ। यसले इतिहासमा हराएका पात्रहरूलाई पुनर्जीवन दिएर उनीहरूको योगदान उजागर गर्ने प्रयास गरेको छ।
लेखक पराजुलीले ऐतिहासिक तथ्यलाई आधार मानेर त्यसभित्र तथ्यपरक जलप लगाएका छन्। बखान पुस्तकमा चितवनको २०१३ सालपछिको विकासको तीव्र गतिलाई पनि समावेश गरिएको छ। नारायणी खगेरी सिँचाइ आयोजना, रामपुर क्याम्पस, नारायणघाट-मुग्लिन सडकजस्ता पूर्वाधारहरूको निर्माण र शिक्षा तथा स्वास्थ्य क्षेत्रमा भएको विकासले तत्कालीन चितवनको समग्र चित्र प्रस्तुत गर्छ। यसरी बस्ती विकासमा बखानसिंह गुरुङले खेलेको महत्त्वपूर्ण भूमिकालाई पनि यसले चित्रण गरेको छ।
बखान पुस्तक लेख्नका लागि विभिन्न व्यक्ति, पत्रकार तथा संस्थाहरूले दिएको सहयोगप्रति लेखक पराजुलीले आभार व्यक्त गरेका छन्।
यसबाट यो बखान पुस्तक धेरैको सहयोग र अनुसन्धानको प्रतिफल भएको बुझ्न सकिन्छ। लेखक पराजुलीले पाठकलाई नै आफ्नो सबैभन्दा ठूलो सम्पत्ति मानेका छन् र प्रतिक्रियाको अपेक्षा राखेका छन्, जसले लेखक-पाठकबीचको गहिरो सम्बन्धलाई दर्शाउँछ।
समग्रमा, यो पुस्तकले इतिहास, राजनीति, संस्कृति र विकासको पाटोलाई जोडेर चितवनको एउटा महत्त्वपूर्ण समयकालको दस्तावेजका रूपमा आफूलाई उभ्याएको छ।
वीरगञ्ज । पर्सा जिल्लाको वीरगञ्जमा झाडापखालाको लक्षण देखापरेका दुई जना बिरामीको शनिबार मृत्यु भएको छ ।
नारायणी अस्पताल, वीरगञ्जका प्रवक्ता डा उदयनारायण सिंहले उपचारको क्रममा झाडापखालाको लक्षण देखापरेका एक जना बिरामीको शनिबार मृत्यु भएको जानकारी दिए । उनले बिरामीको हैजाको परीक्षण गर्न नपाउँदै मृत्यु भएको बताए ।
यस्तै, वीरगञ्ज हेल्थ केयरमा उपचाररत अर्का एक बिरामीको शुक्रबार मृत्यु भएको बताइएको छ । स्वास्थ्य कार्यालयले झाडापखालाका कारण मृत्यु भए पनि हैजा थियो वा थिएन भन्नेबारे जाँच भइनसकेको जनाएको छ ।
‘डेडिकेटेड बेड’ छुट्याएर उपचार गरिने
जिल्ला स्वास्थ्य सङ्कट व्यवस्थापन समितिले हैजा र झाडापखालाका बिरामीलाई यहाँका सबै अस्पतालमा ‘डेडिकेटेड बेड’ छुट्याएर उपचार गर्न निर्देशन दिएको छ ।
निमित्त प्रमुख जिल्ला अधिकारी सुमनकुमार कार्कीको अध्यक्षतामा आज बसेको बैठकले हैजाको सङ्क्रमण बढेको अवस्थामा उपचारका लागि पर्याप्त रूपमा ‘डेडिकेटेड बेड’ छुट्याई उपचार गर्न र जनशक्ति व्यवस्थापन गर्न सबै अस्पताललाई निर्देशन दिएको हो ।
बैठकले झाडापखाला रोकथामका लागि सबै सरोकार भएका निकायको समन्वयमा जनचेतनामूलक घरदैलो कार्यक्रम सुुरु गर्ने निर्णय गरेको निमित्त प्रजिअ कार्कीले जानकारी दिए ।
यस्तै, सरसफाइ प्रवर्द्धनका लागि स्वास्थ्यकर्मी, स्वास्थ्य स्वयंसेविकासहित सरोकारवाला निकायलाई प्रभावकारी परिचालन गर्न वीरगञ्ज महानगरपालिकालाई अनुरोध गरेको पनि उनले बताए ।
झाडापखाला, हैजाका लागि जिम्मेवार मानिएको भिब्रिओ कोलेरा जीवाणु रोकथामका लागि सुरक्षा निकाय, स्थानीय तह, राजनीतिक दल, पेसागत सङ्घसंस्था, नेपाल रेडक्रस सोसाइटी, गैरसरकारी संस्थालगायतको समन्वयमा आवश्यक सामग्रीको व्यवस्थापन गरी जागरण अभियानसमेत सञ्चालन गरिने जनाइएको छ ।
वीरगञ्ज । वीरगञ्ज महानगर-१२ स्थित मुर्लीको नयाँ टोलमा हैजाका बिरामी भेटिएका छन् । वीरगञ्ज महानगर, स्वास्थ्य कार्यालय पर्साकालगायत निकायका टोली शुक्रबार रातिदेखि नै परिचालन भएका छन् ।
वीरगञ्ज महानगरका प्रमुख राजेशमान सिंहले हैजाका बिरामी भेटिएको थाहा पाउनेबित्तिकै प्रभावित क्षेत्रमा स्वास्थ्यकर्मी परिचालन गरेको जानकारी दिए । वीरगञ्ज महानगरका अनुसार मुर्ली टोलका ३० भन्दा धेरैमा झाडापखालाको कारणले एकैपटक वीरगञ्जको तराई हस्पिटलमा भर्ना भएका थिए ।
सो अस्पतालले ठूलो सङ्ख्यामा बिरामी आएपछि वीरगञ्ज महानगरलाई खबर गरेको थियो । नारायणी अस्पताल वीरगञ्ज र स्वास्थ्य कार्यालय पर्साको समन्वय गरिएको परीक्षणका क्रममा तीन जना बिरामीमा हैजाको जीवाणु भित्रियो कोलेरा पाइएको थियो ।
वीरगञ्ज महानगर स्वास्थ्य शाखा प्रमुख राजु शाहले तीन जना बिरामीमा हैजाको सङ्क्रमण देखिएकोमध्ये एक जना किशोरको स्वास्थ्य अवस्था गम्भीर रहेको जानकारी दिए । सङ्क्रमितमध्ये १६ वर्षीय किशोर, २४ वर्षीय युवक र २४ वर्षीय महिला रहेका छन् ।
यस्तै, मुर्ली टोलका घरहरूमा प्रयोग भइरहेको पिउने पानीको नमूना थप परीक्षणका लागि काठमाडौंको टेकुस्थित प्रयोगशालामा पठाइएको बताइएको छ । महानगरका अनुसार हैजा फैलन नदिन र स्थानीयलाई सर्तक बनाउन शुक्रबार रातिदेख नै स्वास्थ्यकर्मीहरूको टोली घरघरमा पुगेर जनचेतना फैलाउने काम गर्दै आइरहेका छन् । स्वास्थ्य कार्यालय पर्साका जनस्वास्थ्य अधिकृत जयमोद ठाकुर विगत १० वर्षपछि वीरगञ्जमा हैजाको प्रकोप देखापरेको बताए ।
महानगर प्रमुख सिंहले हैजा एक गम्भीर सङ्क्रामक रोग भएकाले यसको रोकथाममा कुनै पनि प्रकारको लापर्वाही नगर्न सबैलाई अनुरोध गरेका छन् ।
नारायणी अस्पताल वीरगञ्जका प्रवक्ता डा उदयनारायण सिंहले नारायणी अस्पतालको आकस्मिक विभागमा पनि झाडापखालामा गम्भीर प्रकृतिका बिरामीको उपचार भइरहेको जानकारी दिए । “यो हैजा हुनसक्ने सम्भावना छ । नआत्तिकन आफूले पिउनेपानी उमालेर वा निर्मलीकरण गरेर पिउन अनुरोध गर्दछु”, उनले भने ।
मानव सभ्यताको प्रारम्भदेखि नै परिवारलाई समाजको आधार मानिएको छ । त्यस परिवारको केन्द्रमा उभिएको पिताको भूमिकालाई सर्वोच्च स्थानमा राखिएको छ । वैदिक सनातन धर्ममा पितालाई केवल जन्म दिने व्यक्तिका रुपमा मात्र नभई सम्पूर्ण अस्तित्वको आधार, जीवनको पहिलो गुरू र साक्षात् देवताको रुपमा पूजा गरिन्छ । पिताको अतुलनीय मह¤वलाई सम्मान गर्न, उहाँको त्याग र समर्पण सम्झन, र सन्तानले पितृऋणबाट मुक्त हुनका लागि विभिन्न पर्व तथा अनुष्ठानहरुको व्यवस्था गरिएको छ । तीमध्ये कुसेऔँसी जसलाई गोकर्ण औँसी वा पितृ औँसी पनि भनिन्छ । अतः यो एक प्रमुख पर्व हो जसले पिता र सन्तानबीचको पवित्र सम्बन्धलाई पुनर्जीवित गर्छ ।
कुसेऔँसीलाई केवल धार्मिक अनुष्ठानका रुपमा मात्र होइन दार्शनिक, सांस्कृतिक, ऐतिहासिक र वैज्ञानिक दृष्टिकोणबाट पनि मह¤वपूर्ण पर्वका रुपमा हेरिन्छ । सनातन धर्मका मूल ग्रन्थहरु जस्तैः वेद, उपनिषद्, स्मृति र पुराणहरुले पिताको महिमालाई अत्यन्त उच्च स्थानमा राखेका छन् । पितालाई साक्षात् धर्म, स्वर्ग, र परम तपस्याको प्रतीक मानिन्छ । ऋग्वेदले पितालाई जीवनको संरक्षक र सृष्टिको आधार मान्छ भने यजुर्वेदमा उहाँलाई ज्ञान र विवेकको स्रोत मानिएको छ । शतपथ ब्राह्मणमा पितालाई अग्निको रुपमा चित्रित गरिएको छ, जसले परिवारलाई प्रकाश, न्यानोपन र शक्ति प्रदान गर्छ । पिता घरको आधार हुन्, जसले प्रत्येक सदस्यलाई सुरक्षा र दिशा दिन्छ । शतपथ शुक्ल यजुर्वेदको एउटा साहित्यसँग सम्बन्धित छ । यसको नाम “शतपथ” त्यसकारण परेको हो कि यसमा सयभन्दा बढी पथ (पाठ वा मार्ग) उल्लेख गरिएको छ । यो ग्रन्थ वैदिक धर्मका प्राचीन अभ्यास र जीवन मूल्यहरु बुझ्नका लागि मह¤वपूर्ण स्रोत मानिन्छ ।
“पिता स्वर्गः पिता धर्मः पिता हि परमं तपः ।
पितरि प्रीतिमापन्ने सर्वा देवाः प्रीयन्ति हि ।।”
यस संस्कृत श्लोकले पिता केवल पारिवारिक सदस्य मात्र नभई साक्षात् देवता रहेको स्पष्ट पार्छ । सन्तानले पिताको सेवा र सम्मान गर्दा सम्पूर्ण देवताहरु प्रसन्न हुन्छन्, जसले जीवनमा आध्यात्मिक उन्नति र मोक्षको मार्ग खोल्छ । मनुस्मृतिअनुसार पिता अन्य सबै सम्बन्धभन्दा माथि मानिन्छन् । पिताले सन्तानलाई दिएको जीवन, ज्ञान र संस्कारको ऋणलाई ‘पितृऋण’ भनिन्छ, जुन केवल भौतिक नभई नैतिक, बौद्धिक र आध्यात्मिक पनि हो । यो ऋण सन्तानले आजीवन सेवा, सम्मान र उहाँले देखाएको मार्गमा हिँडेर मात्र चुक्ता गर्न सक्छ ।
कुसेऔँसीको नामकरणमा प्रमुख भूमिका निर्वाह गर्ने ‘कुश’ हिन्दुधर्ममा अत्यन्त पवित्र वनस्पति मानिन्छ । यसको प्रयोग यज्ञ, हवन, पूजा, श्राद्ध र तर्पणमा अनिवार्य मानिन्छ । पौराणिक कथाअनुसार भगवान् विष्णुले वराह अवतार लिएर पृथ्वीलाई समुद्रबाट निकाल्दा उहाँको शरीरबाट झरेका रोमकूपहरु नै कुशका रुपमा उत्पन्न भएका थिए । त्यसैले, कुशलाई विष्णुको स्वरुप मानिन्छ ।
गरूड पुराणमा भनिएको छ कि कुशको प्रयोगले पुण्य प्राप्त हुन्छ र पाप नष्ट हुन्छ ।
‘अस्मिन् कुशासनं यज्ञेषु सम्यक् स्थापयेत् ।
यस्यां तर्पणं कृत्वा पुण्यं प्राप्नोति नरः ।।’
यसले धार्मिक कर्मकाण्ड र पूजा विधिको मह¤व पुष्टि गर्छ ।
कुश केवल धार्मिक मात्र नभई वैज्ञानिक दृष्टिले पनि मह¤वपूर्ण छ । यसमा प्राकृतिक एन्टी–सेप्टिक गुण हुन्छ, जसले हावामा रहेका हानिकारक जीवाणु नष्ट गर्छ । यसको स्थिर संरचनाले ध्यान र पूजा गर्दा शरीरको मुद्रालाई सही राख्छ । यसले भूमिको नकारात्मक ऊर्जा रोक्ने र सकारात्मक ऊर्जा प्रवाह बढाउने काम गर्छ । साथै, पारिस्थितिक दृष्टिले कुशले माटोको उर्वरता बढाउँछ, कटाव रोक्छ र प्राकृतिक सन्तुलन कायम राख्छ ।
कुसेऔँसी भाद्र महिनाको कृष्णपक्षको औँसीमा पर्दछ । यस दिन सन्तानले जीवित पितालाई सम्मान र आशीर्वाद लिन्छन् भने दिवंगत पिताका लागि तर्पण र श्राद्ध गर्छन् । यस दिनको मुख्य अनुष्ठानहरुमा कुशको छेदन गरी सङ्कलन, पिताको सम्मान र दर्शन, पितृतर्पण र दान समावेश हुन्छ । सूर्योदयअघि पवित्र नदी, तलाउ वा वनबाट मन्त्र उच्चारण गर्दै कुश सङ्कलन गरिन्छ । कुशछेदन मन्त्र :
‘ॐ विरञ्चिना सहोत्पन्नः परमेष्ठिनिसर्गतः ।
नुद सर्वाणि पापानि दर्भ स्वस्तिकरो भव ।।’
सन्तानले पितालाई मीठो भोजन खुवाउने, उपहार दिने र चरण स्पर्श गरी आशीर्वाद लिन्छन् । यसले पिता–सन्तानको सम्बन्धलाई अझ प्रगाढ बनाउँछ । दिवंगत पिताका लागि कुशको आसनमा बसेर तर्पण, श्राद्ध र दान–पुण्य गरिन्छ । पितृतर्पण गर्दा प्रयोग हुने मन्त्रहरुले पितृहरुको आत्मालाई शान्ति र सन्तानलाई पुण्य प्राप्त हुने विश्वास रहिआएको छ ।
कुसेऔँसीको परम्परा वैदिक कालदेखि चलिआएको मानिन्छ । रामायणमा राम र सीता कुशको आसनमा बसेर विवाहका अनुष्ठान सम्पन्न गरेका थिए । महाभारतमा पाण्डव र कौरवले कुशको प्रयोग गरी युद्धअघि पितृतर्पण र यज्ञ गरेका थिए । गरूड पुराण र विष्णु पुराणले पितृतर्पण र श्राद्धको मह¤व विस्तारपूर्वक वर्णन गरेका छन् । प्राचीन नेपाल र भारतमा राजाहरुले विशेष पूजा, दान र अनुष्ठानहरु गरेर राज्य र प्रजा दुवैमा धर्म, शान्ति र समृद्धि स्थापना गर्थे ।
आधुनिक समाजमा कुसेऔँसीले अझ मह¤व राख्छ । व्यस्त जीवनशैलीका कारण पारिवारिक सम्बन्ध कमजोर हुँदै गएको अवस्थामा यस पर्वले पिता र सन्तानबीचको भावनात्मक सम्बन्ध मजबुत बनाउँछ । मनोवैज्ञानिक दृष्टिले पितासँग समय बिताउँदा, उनको आशीर्वाद लिँदा र सम्मान गर्दा मानसिक शान्ति, सकारात्मक ऊर्जा र तनाव कम हुन्छ । कुशको प्रयोग, यज्ञ र हवनमा ध्यान केन्द्रित गर्न मद्दत गर्छ, जसले शरीर र मन दुवैमा स्थिरता ल्याउँछ ।
कुसेऔँसी केवल धार्मिक पर्व होइन, यसले परिवारलाई एकताबद्ध बनाउँछ, नयाँ पुस्तालाई संस्कार र सामाजिक मूल्य सिकाउँछ । पिताको योगदान र त्याग सम्झाउन मद्दत गर्छ । यसले सन्तानमा पितृऋणको महसुस गराउँछ र जीवनभर पिताप्रति श्रद्धा र सेवा गर्न प्रेरणा दिन्छ ।
सांस्कृतिक दृष्टिले कुसेऔँसीले टाढा–टाढा रहेका सन्तानलाई आफ्ना पितासँग जोड्छ । विद्यालय, कलेज वा विदेशमा रहेका युवाहरु पनि यस दिन घर फर्कन्छन्, जसले पारिवारिक सम्बन्ध मजबुत बनाउँछ । सामाजिक दृष्टिले यस पर्वले समुदायमा एकता र सहयोगको भावना विकास गर्छ ।
वैज्ञानिक दृष्टिले पनि यस पर्वको मह¤व कम छैन । पितासँग समय बिताउँदा मानसिक स्वास्थ्यमा सुधार हुन्छ, पारिवारिक सम्बन्ध सुदृढ हुन्छ र भावनात्मक स्थिरता बढ्छ । कुशको प्रयोग, पवित्र स्थानमा अनुष्ठान र ध्यानले शरीर र मस्तिष्क दुवैमा सकारात्मक प्रभाव पार्छ ।
पिताको सेवा र सम्मान गर्नु जीवनको एक गहिरो दार्शनिक अभ्यास हो । यसले सन्तानलाई जीवनका नैतिक, आध्यात्मिक र सामाजिक मूल्य सिकाउँछ । कुसेऔँसीले पिताको त्याग, परिश्रम र जीवनभरको योगदानलाई स्मरण गराउँछ । यसले पितालाई भगवान्को रुपमा हेर्ने सनातन धर्मको मूल भावनालाई जीवन्त राख्छ ।
अन्ततः, कुसेऔँसी पिता–सन्तान सम्बन्धको गहिराइ, पितृऋणको बन्धन, धार्मिक पुण्य, मानसिक स्थिरता, सामाजिक संरचना र आधुनिक वैज्ञानिक दृष्टिकोणलाई सँगसँगै जोड्ने पर्व हो । यसले पिताको सम्मान, सेवा र आशीर्वाद प्राप्त गर्नु जीवनको सर्वोच्च पुण्य हो भन्ने सन्देश दिन्छ ।
चितवन। ‘पितृदेवो भवः’अर्थात् जन्म दिने बाबुलाई देवता समान मानेर कुसे औँसीका दिन बाबुको मुख हेर्ने पर्व आज देशभर मनाइन्छ । बाबुप्रति आदर सम्मानका साथ मीठो खाना र राम्रो लगाउन दिने परम्परा रहेको छ । त्यसो त बाबु गुमाएकाहरूले भने धार्मिक तीर्थस्थलमा गई तर्पण, सिदा दान र श्राद्ध गर्ने परम्परा छ ।
पवित्र तीर्थस्थल देवघाट धाममा रहेका वृद्धाश्रमका ‘बा’हरू भने दाता पर्खेर बसेका छन् । जीवनको उत्तरार्धमा पुगेका बा र आमाहरू प्रायः परिवारबाट हेलत्तिएर यहाँ आएका छन् । कतिपय आफ्नो साहारा कोही नभए पनि आश्रय लिन यहाँ आइपुगेका छन् । जहाँ हरेक वर्षमा आउने आमा खुवाउने दिन (माता तीर्थ औँसी) र कुशे औँसी अर्थात् बाबुको मुख हेर्ने दिन त्यहाँ बस्ने वृद्ध बा र आमाहरू भने कोही दाता आएर बा आमाको सम्मान देला भनेर पर्खिरहेका छन् ।
देवघाट गाउँपालिका–५ मा रहेको देवघाट समाज कल्याण केन्द्र वृद्धाश्रममा रहेका बाहरूको अवस्था अझै दयानीय छ । नुवाकोटबाट आएर बसेका ७५ वर्षीय कृष्णप्रसाद भट्ट आफन्त भए पनि चाडपर्वमा नसम्झँदा मन अमिलो भएर आउने गरेको बताउँछन् । औँसीको दिन भएका दुई भाइ छोराले समेत सम्पर्क नगर्दा आफन्त भन्ने रहेनछन् भन्ने भान भएको उनले बताए ।
श्रीमतीको निधनपछि छोराहरूलाई आफ्नो खुट्टामा उभिने बनाएर छाडेका भट्ट छोराहरूको सम्झनामा निकै निरास बन्ने गर्छन् । उनले भने, ‘वृद्धावस्थामा निकै समस्या हुँदोरहेछ, छोराहरूको साहरा चाहिने समयमा उनीहरूनै सम्पर्कमा छैनन् कसरी साहारा पाउनु ।’ अहिले त भगवान्को भरोसामा जीवनलाई छाडेको उनको भनाइ छ । उनले थपे, ‘अहिले त जो सम्झेर आउँछन् तीनै छोराछोरी हुन् ।’ अहिले आश्रममा आएर जस्ले बा भन्छ र मीठो खान दिन्छ तीनै छोराछोरी हु जस्तो लाग्ने गरेको उनले बताए । उनी विगत आठ वर्षदेखि यही आश्रममा आश्रय लिएर बस्दै आएका छन् ।
दुई पटकसम्म वैवाहिक सम्बन्धमा बाँधिएर पनि श्रीमती र छोरा/छोरी नभएपछि निकै उदास भएर आश्रममा दिन काट्दै आएका छन् । भरतपुर महानगरपालिका–६ गीतानगरका ८६ वर्षीय शमशेरबहादुर विश्वकर्मा । उनको वैवाहिक जीवन सफल हुन नसकेपछि उनी आश्रममा आएर बस्न थालेका हुन् । जन्मिएका छोराछोरीहरू नबचेपछि श्रीमतीले पनि उनलाई छाडेर गए । एक्लो जीवन बिताउनका लागि आश्रममा आएका विश्वकर्मा अहिले आश्रममा आउने जति सबैलाई छोराछोरीको रूपमा लिंदै आएका छन् ।
‘आफ्ना त छैनन् । जो आउँछ त्यसैलाई छोराछोरीको रूपमा लिनुपर्ने बाध्यता छ’, उनले सुनाए, ‘बाबुको मुख हेर्ने दिन जो आउँछ त्यो नै आफ्नो छोराछोरीजस्ता लाग्छ उहाँले सुनाउनुभयो । बा खुवाउने दिन भन्छन् आफ्नो त कोही छैन जसले दिन्छ त्यही छोराछोरी हुन् ।’
बागलुङबाट आएर देवघाट समाज कल्याण केन्द्र वृद्धाश्रममा बस्दै आएका ७७ वर्षीय मणिरत्न पौडेल अविवाहित छन् । उनका भाइ र बहिनी बागलुङमा नै छन् । आफूलाई विवाह गर्न मन नलागे पनि वृद्धावस्थामा कोही आइदिएहुन्थ्यो भन्ने आभास हुने गरेको उनले सुनाए । परिवारका सदस्य नहुँदा चिन्ता नभए पनि अहिले कसैले बा भनेर बोलायो भने पनि मन फुलेर आउने गरेको सुनाउँदै उनले भने, ‘जसले आफूलाई बा भन्छ त्यसको दुःख जति मलाइनै परोस् भनेर भन्ने गरेको छु । सबै आफ्नै हुन् । जसले बा भन्छन् सबै सन्तान आफ्नै हुन् ।’
देवघाट क्षेत्र विकास समितिको क्षेत्राधिकारभित्र तीन वटा आश्रममा ८० जना वृद्धवृद्धा रहेका छन् । यस क्षेत्रमा रहेको कल्पबासमा ३० जना कल्पबासी र १० वटा आश्रममा आश्रित वृद्धवृद्धाहरूको हरेक वर्ष आउने चाडपर्व यस्तै हुने गरेको छ । क्षेत्र विकास समितिका कार्यकारी निर्देशक सदन बरालका अनुसार देवघाट समाज कल्याण केन्द्र वृद्धाश्रममा अहिले ३५ जना वृद्धवृद्धा रहेका छन् । जसमा १७ जना वृद्ध र १८ जना वृद्धा रहेका छन् । उनीहरूको व्यवस्थापनमा दाताहरूको भर पर्नुपरेको उनले बताए ।
सुरुआती समयमा समाज कल्याण कार्यालयबाट केही बजेट आए पनि अहिले बजेट नहुँदा भवन मर्मतदेखि आश्रितहरूको दैनिकीमा समेत दाताको भर पर्नुपरेको उनको भनाइ छ । उनले भने, ‘जन्मोत्सव, वैवाहिक उत्सव, पितृकार्यलगायतमा सहयोग गर्ने दाताको भरमा अहिले दैनिकी चलाउनुपरेको छ ।’ सरकारी कुनै पनि निकायबाट बजेट प्राप्त नहुँदा अहिले दाता खोज्नुपर्ने अवस्था आएको उनले बताए ।
क्षेत्र विकास समितिका अध्यक्ष डा ईश्वरीराज लौडारीले असहाय वृद्धवृद्धाको बसोबास, खानपानी र उपचारको व्यवस्था गरिएको भए पनि बजेट पर्याप्त हुन नसकेको बताए । दाताहरूको सहयोगमा भए पनि यहाँ रहेका वृद्धवृद्धाको उचित व्यवस्थापन गर्न सकिएको भन्दै उनले कुनै कमीकमजोरी नहोस् भन्ने गरी काम गरिएको बताए । उनले भने, ‘समस्याका बीच पनि वृद्धवृद्धाहरूको स्वभावअनुसार सेवा दिएका छौँ । यसलाई निरन्तर राख्न सक्नुपर्छ ।’
चितवन । भरतपुर–७, कृष्णपुरस्थित अङ्कुरम् एकेडेमीमा दोस्रो संस्करणको त्रिदिवसीय ‘अङ्कुरम् : नमुना संयुक्त राष्ट्रसंघ कार्यक्रम’ शनिबारदेखि सुरू भएको छ । काठमाडौँ, नवलपुर र चितवनलगायतका १८ विद्यालयका २४८ जना विद्यार्थीको सहभागिता रहेको कार्यक्रममा संयुक्त राष्ट्र संघका छवटै कमिटीको प्रतिनिधित्व रहेको छ ।
कार्यक्रमको उद्घाटन गर्दै भरतपुर–६ का वडाध्यक्ष राजेन्द्रमणि काफ्लेले विल्कुलै नयाँ किसिमको कार्यक्रममा सहभागी हुन पाउँदा खुशी लागेको बताए । उनले भने, ‘यस्ता रचनात्मक क्रियाकलापले विद्यार्थीको सर्वाङ्गीण विकासमा टेवा पुग्छ,’ विद्यार्थीहरू विश्वव्यापीरूपमा प्रतिस्पर्धा गर्न सक्षम हुन्छन् ।’
संयुक्त राष्ट्रसंघका छवटै कमिटीको प्रतिनिधित्व गर्दै सुरु भएको कार्यक्रममा संयुक्त राष्ट्रसंघ मानव अधिकार परिषद्का सभापति बूढानिलकण्ठ स्कुल काठमाडौँकी छात्रा अविश्या कार्की र उपसभापति अङ्कुरम् एकेडेमीकी स्नेह कर्माचार्य नेतृत्वको कमिटीले ‘सामूहिक बसाइँसराइँको समयमा मानवअधिकारको संरक्षण ः विदेशीप्रति घृणा, नजरबन्द र सिमानाको हरियारीकरण’ विषयमा अध्ययन तथा अनुसन्धान गरी संकल्प प्रस्ताव पारित गर्नेछ ।
त्यसैगरी संयुक्त राष्ट्रसंघीय सुरक्षा परिषद्का सभापति अङ्कुरम् एकेडेमीकी प्रिसा न्यौपाने र उपसभापति युरिका पौडेलको कमिटीले ‘सशस्त्र द्वन्द्वग्रस्त क्षेत्रका नागरिकको सुरक्षा’ विषयमा अनुसन्धान गर्नेछ भने अङ्कुरम् एकेडेमीकै दिमिसा विष्ट र अनाघा श्रेष्ठ सभापति तथा उपसभापति रहेको संयुक्त राष्ट्र संघीय वातावरण कार्यक्रमअन्तर्गत ‘प्लाष्टिक प्रदूषणको सम्बोधन र विश्वव्यापी ऊर्जा संकटको अन्त्यका लागि क्रियाशीलता’ विषयमा अध्ययन, अनुसन्धान र बहस हुने कार्यक्रम छ ।
युएनको अर्को कमिटी संयुक्त राष्ट्रसंघीय बाल कोषका सभापति एवम् उपसभापति क्रमशः शुभांशराज केसी र विशाल सापकोटा रहेका छन् । उनीहरुको कमिटीले ‘युद्धग्रस्त क्षेत्रमा बालकालिकाको सुरक्षा’ विषयमा बहस गर्नेछ ।
विश्व स्वास्थ्य संगठनको नेतृत्व गरेका अङ्कुरम् एकेडेमीका सिर्जना लम्साल र रुपेश घिमिरे क्रमशः सभापति र उपसभापति रहेका छन् भने उनीहरूको कमिटीले ‘नसर्ने रोगहरू र मानसिक स्वास्थ्य ः विश्वव्यापी स्वास्थ्यसेवामा समानताको वकालत’ विषयमा बहस गरी संकल्पपत्र प्रस्तुत गर्ने कार्यक्रम रहेको छ ।
त्यसैगरी, संयुक्त राष्ट्रसंघीय शैक्षिक, वैज्ञानिक तथा साँस्कृतिक संगठनको सभापतिको भूमिका अङ्कुरम् एकेडेमीका आकर्षा सापकोटा र उपसभापतिको भूमिका सौर्य पौडेलले निर्वाह गरिरहेको कमिटीमा ‘विज्ञान शिक्षा र साँस्कृतिक संरक्षणमार्फत जलवायु परिवर्तनको सामना’ विषयमा बहस हुँदैछ । कार्यक्रममा अन्तर्राष्ट्रिय प्रेस संयोजकको भूमिकामा रहेका कक्षा १० का विद्यार्थी अनिश बरालको नेतृत्वमा १० जनाको कमिटी रहेको छ । उक्त कमिटीले छवटै कमिटीमा बहस गरिएका विषयबाट आएको संकल्प प्रस्तावमाथि प्रश्न गर्ने कार्यक्रम छ महासचिव अर्जुन जी शर्माले जानकारी दिए ।
उद्घाटन कार्यक्रममा नमुना संयुक्त राष्ट्रसंघ कार्यक्रमका महासचिव अर्जुन जी शर्मा, उपमहासचिव रीताकुमारी उपाध्याय र कार्यक्रमका सल्लाहकार प्राचार्य सुमन पौडेल, विद्यालयका आवासीय निर्देशक नईम चौधरी र निर्देशक सरला पौडेललगायतको उपस्थिति रहेको थियो ।
चितवन । स्क्रब टाइफसबाट शनिबार चितवनमा एक महिलाको मृत्यु भएको छ । भरतपुर अस्पतालमा उपचारका क्रममा बर्दघाट नगरपालिका–१३ की ३६ वर्षीया महिलाको मृत्यु भएको हो ।
अस्पतालका प्रवक्ता डा रामप्रसाद सापकोटाका अनुसार यही भदौ ४ गते उनी अस्पतालमा भर्ना भएकी थिइन् । उनी छारे रोगबाट पनि पीडित थिइन् ।
यसैबीच, यहाँस्थित जनस्वास्थ्य कार्यालयका प्रमुख दिनेश रुपाखेतीका अनुसार जिल्लाका विभिन्न अस्पतालमा उपचारका लागि आएका बिरामीमध्ये ७३ जनामा स्क्रब टाइफस देखिएको छ ।
चितवनका ५८ जना यो रोगबाट पीडित छन् । एक हजार ५३० जनाको परीक्षण गरिएकामा ७३ जनामा सङ्क्रमण पुष्टि भएको हो ।
चितवन । अघिल्ला वर्षहरुमा झैँ यस वर्ष पनि बिएचएम एवं बिआइटीएम दुबैमा आरम्भ कलेज चितवन प्रथम हुन सफल भएको छ । भरतपुरमा रहेको आरम्भ कलेजले स्थापनाको छोटो समयमा नै उत्कृष्ट नतिजा ल्याएर आफूलाई अब्बल कलेज साबित गरिरहेको छ ।
सेमेस्टर परीक्षाको नतिजामा चितवन प्रथम भइसकेको आरम्भ कलेज तेस्रो वर्षमा प्रवेश गर्दै गर्दा त्रिविको बिएचएमतर्फ नेपाल पाँचौँ, नेपाल चौथो हुँदै अहिले नेपाल तेस्रो बन्न सफल भएको हो । यो नतिजालाई हेर्दा आरम्भ कलेजको यात्रा अब गोल्डमेडलतिर अगाडि बढिरहेको पाइन्छ ।
त्रिभुवन विश्वविद्यालयबाट सम्बन्धन प्राप्त यस कलेजले व्यवस्थापन संकायतर्फ ब्याचलर अफ इन्फरमेसन टेक्नोलोजी म्यानेजमेन्ट (बिआइटीएम) र ब्याचलर अफ होटेल म्यानेजमेन्ट (बिएचएम) को पढाई संचालन गरेको छ । यस वर्ष बिएचएमको पहिलो सेमेस्टरकोे परीक्षामा कलेजको दोस्रो ब्याचका छात्र सबिन श्रेष्ठ ३.९८ जिपिएसहित चितवन जिल्ला प्रथम र त्रिवि तेस्रो भएका छन् । सोही परीक्षामा सोही सुप्रिया घर्ती क्षेत्रीले जिपिए ३.९७ र छात्र अञ्जल लामाले जिपिए ३.९४ ल्याएका छन् । उक्त परीक्षामा आरम्भ कलेजबाट जिपिए ३.८ भन्दा माथि १३ जना, ३.६ भन्दा माथि १२ जना र ३.२ भन्दा माथि २२ जनाले ल्याएका छन् ।
कलेज स्थापनाको वर्ष पहिलो सेमेस्टरको परीक्षामा बिएचएमकी छात्रा ङवाङ बम्जन तामाङ ३.९२ जिपिए ल्याएर नेपाल पाँचौँ र चितवन प्रथम भएकी थिइन् । दोस्रो सेमेस्टरको परीक्षामा पनि उनले जिपिए ३.९४ ल्याई नेपाल चौथो र चितवन दोस्रो भएकी थिइन् ।
बिआइटीएमतर्फ यस वर्षको पहिलो सेमेस्टरको परीक्षामा पनि कलेजको नतिजा राम्रो आएको छ । कलेजकी छात्रा सेजल खड्की ३.८४ जिपिएसहित जिल्ला प्रथम भएकी छन् । उक्त परीक्षामा सौरभ पौडेलले ३.८०, अमन महतोले ३.७८, आरम्भ पौडेलले ३.७७, क्रिस्टिना सुनारले ३.७५ र एलिस गुरुङले ३.७४ जिपिए ल्याएका छन् । जिपिए ३.६ भन्दा माथि १०जना, ३.४ भन्दा माथि १४ जना र ३.२ भन्दा माथि ११ जनाले नतिजा ल्याएका छन् ।
चारवर्षे स्नातक तहको पाठ्यक्रममा आधारित बिएचएम र बिआइटीएम विषयमा वर्षका दुई सेमेस्टरका दरले कुल आठ सेमेस्टर पढाई हुने प्राचार्य सुरज शिवाकोटीले जानकारी दिए । माध्यमिक शिक्षा परीक्षा (एसइई) मा कम्तीमा डी ग्रेड (एक दशमलव आठ जिपिए) ल्याएका विद्यार्थीले १२ कक्षा सकेपछि सिम्याट परीक्षा उत्तीर्ण गरेर सहजै भर्र्ना हुन पाउने उनले बताए । कलेज स्थापनादेखि अहिलेसम्मको नतिजाले आफूहरु निकै उत्साहित भएको र अबको यात्रा आफ्ना विद्यार्थीलाई त्रिवि प्रथम बनाएर स्वर्णपदक दिलाउने रहेको प्राचार्य शिवाकोटीले बताए । उनले बिएचएमको अन्तिम वर्षका दुई वटा सेमेस्टरमा इन्टर्नसीपको व्यवस्था गरिएको र त्यस्तो इन्टर्नसीपका लागि अमेरिकामा ४३ वटा पाँचतारे होटेलसँग सहकार्य गरिरहेको कम्पनीसँग सहकार्य गरिरहेको नेपाली कम्पनीसँग आरम्भले सम्झौता गरिसकेको प्राचार्य शिवाकोटीले जानकारी दिए ।
आरम्भ कलेजको बिएचएमका विभागीय प्रमुख दीपेन्द्र सुवेदी कलेजले क्रमशः नतिजामा सुधार गर्दै त्रिवि प्रथम हुने दिशामा अगाडि बढिरहेको बताए । उनले अहिलेको नतिजाको क्रमलाई हेर्दा भावी दिनमा सहजै त्रिवि प्रथम हुने सम्भावना रहेको दाबी गरे । कलेजको बिआइटीएमका विभागीय प्रमुख झविलाल भुसालले कलेज स्थापनाकै वर्ष र यस वर्ष पनि बिआइटीएमका विद्यार्थीले जिल्ला प्रथम भएकाले भावी दिनमा त्रिविकै उच्च स्थानमा नतिजा ल्याउन सक्ने प्रशस्त सम्भावना रहेको बताए । उनले आरम्भ कलेजमा बिआइटीएमतर्फ त्रिविको पाठ्यक्रमका अतिरिक्त आर्टिफिसियल इन्टिेलिजेन्सी, साइबर सेक्युरिटी, मेसिन लर्निङलगायत विषयमा पढाइ भइरहेको विभागीय प्रमुख भुसालले जानकारी दिए ।
शैक्षिक नेतृत्व लिँदै आरम्भ
आरम्भ कलेजले त्रिभुवन विश्वविद्यालयबाट बिएचएमतर्फ ६६ र बिआइएमतर्फ ६६ गरी कुल १३२ जना विद्यार्थी पढाउन अनुमति पाएको छ । देशको मध्यभागमा रहेको चितवनको केन्द्रभाग भरतपुरमा २०८० साल भदौ महिनाबाट आरम्भ कलेजले आफ्नो सेवा आरम्भ गरेको थियो । भरतपुर महानगरपालिका वडा नम्बर ११, नहरचोक नजिकै रहेको आरम्भ कलेजको स्थापना चितवनका पाँच र काठमाडौँका पाँच जना शिक्षाप्रेमीले २०७९ सालमा गरेका हुन् । कलेजको व्यवस्थापन र संचालनमा संलग्न व्यक्तिहरु दुई दशकभन्दा बढी शैक्षिक क्षेत्रमा काम गरिसकेका अनुभवी छन् । शिक्षकहरु पनि अनुभवी र ऊर्जावान छन् ।
व्यवस्थापन संकाय अन्तर्गतका बिआइएम र बिएचएम शैक्षिक कार्यक्रमले प्रविधि र होटल व्यवस्थापनमा विद्यार्थीहरुलाई पूर्णरुपमा योग्य, सक्षम र सफल तुल्याउने प्राचार्य शिवाकोटी बताउँछन् । उनले भने, ‘व्यावहारिक, सैद्धान्तिक र समयसापेक्ष अन्तर्राष्ट्रिय स्तरको सीप प्रक्षेपण गराई यस क्षेत्रका उद्योगहरुका लागि एक प्रमुख विकल्प बनाउने हुँदा यस संस्थाको समाजमा अलग पहिचान हुने र यसले चितवनको शैक्षिक नेतृत्व लिने कुरामा समेत हामी विश्वस्त छौँ ।’
दस हजार वर्गफुटमा फैलिएको पाँचतले आरम्भ कलेजका सबै कक्षाकोठा पूर्ण वातानुकुलित छन् । दस हजार वर्गफुटकै अर्को भवन छ । कलेजमा सेमिनार हल, ल्याब र पुस्तकालय छन् । फुटसल, बास्केटबल र स्वीमिङ पुल निर्माणको योजना रहेको प्राचार्य शिवाकोटीले जानकारी दिए । इन्टर्नसीपका लागि स्थानीय र अन्तर्राष्ट्रिय तहमा पहल भइरहेको उनले बताए । उनले भने, ‘पढ्दै कमाउँदै भन्ने कलेजको लक्ष्य छ । अहिलेको समय सूचना प्रविधिसहितको व्यवस्थापनको हो । त्यसैले विद्यार्थीहरुसामु आरम्भ कलेज एउटा अवसरका रुपमा आएको छ ।’
आरम्भ कलेज संचालक समितिका अध्यक्ष सुरेन्द्र सुवेदी काठमाडौँ मोडल कलेजका प्राचार्यसमेत हुन् । आरम्भ कलेजले विद्यार्थीहरुलाई मनोवृत्ति, सीप र ज्ञानको सम्मिश्रणबाट शिक्षा दिने उनको दाबी छ । चितवनमा उच्चशिक्षा लिन चाहनेलाई काठमाडौँ वा विदेश जान नपरोस् भन्ने उद्देश्यले भरतपुरमा कलेज संचालनमा ल्याइएको अध्यक्ष सुवेदीले बताए । कलेजले शैक्षिक, नैतिक पक्षसँगै अतिरिक्त क्रियाकलाप अन्तर्गत विद्यार्थीहरुको बौद्धिक र शारीरिक विकासका लागि खेलकुद, साहित्य र सिर्जनात्मक कार्यक्रमहरु अगाडि सारेको उनले जानकारी दिए ।
भरतपुर । एरा प्रोडक्सनको व्यानरमा सञ्चारकर्मी कमला जोशी निर्माता रहेको चलचित्र ‘चिट्ठी’ को आधिकारिक ट्रेलर ओएसआर डिजिटल युट्युब च्यानलमार्फत सार्वजनिक गरिएको छ ।
कमेडी, हरर र सस्पेन्सको मिश्रणमा बनेको यो चलचित्र आउँदो भाद्र २० गतेदेखि देशव्यापी प्रदर्शनमा आउने भएको छ । चलचित्रलाई कुबेर डिष्ट्रिब्युसन बितरण गर्ने भएको छ ।
निर्देशक माधव राज खरेलको लेखन र निर्देशनमा तयार भएको चलचित्रमा अर्गानिक कमेडियन रुपमा चर्चा कमाएका खड्ग बहादुर पुन ‘खबपु’, संजीत भण्डारी, गोपाल ढकाल ‘छन्दे’, नबराज थापा, प्रबण भुषाल, मुस्कान लामा, कञ्चन चालिसे, मोहन निरौला, शान्तिप्रिय, श्रीदेव भट्टराई, नम्रता खरेल, राजन थापा, रश्मी भट्ट, मुना निरौला, कविन्द्र त्रिपाठी, पुरुषोत्तम सानु, सोमा खत्री, प्रल्हाद खरेल, डेभिल सिंह राजपुत, समिर लामा, राजु कार्की र रज्जु गुरुङलगायत कलाकारहरूको अभिनय रहेको छ ।
कमेडी–हरर र सस्पेन्ससहित प्रस्तुत गरिएको यस चलचित्रमा सामाजिक सन्देशलाई मनोरञ्जनसँगै पस्कने प्रयास गरिएको निर्माण पक्षले जनाएको छ ।
यसअघि पनि ‘टुटेको तारा’ र ‘सिन्दुरको रङ’ गीतहरु सार्वजनिक भईसकेका छन् भने ट्रेलरले दर्शकमाझ थप उत्सुकता जगाएको छ । निर्माण पक्षको विश्वास छ “चिट्ठी’ मा कलाकारहरूको दमदार अभिनय, मौलिक कथा र आकर्षक प्रस्तुति रहेको छ ।”
चितवन । आन्तरिक राजस्व कार्यालयले नयाँ करदातालाई आयकर, अन्तशुल्क, मूल्य अभिवृद्धि कर(भ्याट)बारे जानकारी दिन सुरू गरेको छ । कार्यालयले चालू आर्थिक वर्ष सुरू भएपछि कार्यालयमा दर्ता भएका करदातालाई शिक्षा दिन थालेको हो ।
कार्यालयका प्रमुख पुण्यविक्रम खड्काका अनुसार आर्थिक ऐन २०८२ ले गरेका व्यवस्थाबारे करदातालाई शिक्षा दिन सुरू गरिएको हो । व्यवसायीलाई आयकर, अन्तशुल्क, मूल्य अभिवृद्धि करबारे जानकारी दिइएको छ । उनले भने, “बिलबिजकको प्रयोग, करसम्बन्धी ‘पोर्टल’ सञ्चालनबारे सिकाएका छौँ ।”
उक्त कार्यालयमा गत आर्थिक वर्षमा दुई हजार ३२५ व्यवसाय दर्ता भएका थिए भने चालु आवको पहिलो महिनामा ३५७ व्यवसाय दर्ता भएका छन् ।
चालू आवको पहिलो महिनामा रु १५ लाख ३३ हजार ९११ राजस्व सङ्कलन भएको छ । गत आवमा रु २५ अर्ब नौ करोड सात लाख ३२ हजार सङ्कलन भएको थियो ।
चितवन । चितवनको संघीय अस्पताल भरतपुर अस्पतालबाट एक वर्षमा पाँच हजार २८३ जनाले निःशुल्क उपचार सेवा लिएका छन् । अस्पतालको सामाजिक सेवा एकाइमार्फत उनीहरुले यो सेवा लिएका हुन् ।
गत आर्थिक वर्षमा गरिब तथा विपन्न नागरिकको प्रारम्भिक चरणको आकस्मिक उपचार र लक्षित वर्गको उपचारमा गरी उनीहरुले निःशुल्क वा छुटमा उपचार सेवा पाएका हुन् । रु चार करोड छ लाख ९५ हजार १० बराबरको सेवा प्रदान गरिएको अस्पतालका सूचना अधिकारी गोपाल पौडेलले जानकारी दिए ।
इकाइका प्रमुख रामहरि ढकालका अनुसार लक्षित वर्गमा चेपाङ्, बोटे, मुसहर, माझी, असाहाय र वेवारिसेहरु पर्ने गर्दछन् । उनीहरुले सो वर्षमा तीन हजार ४९ जनाले सेवा लिएको उनले जानकारी दिए । उनीहरुले रु तीन करोड ३३ लाख ७६ हजार ३५८ बराबरको सेवा लिएको ढकालले बताए ।
त्यसैगरी अस्पतालको गरिब तथा विपन्न नागरिकको प्रारम्भिक चरणको आकस्मिक उपचार सेवाबाट दुई हजार २३४ जना लाभान्वित भएको उनले बताए । आकस्मिक सेवामा गरिएको उपचारमा रु ७३ लाख ८१ हजार ६५२ खर्च भएको अस्पतालले जनाएको छ ।
अस्पतालका मेडिकल सुपरिटेण्डेन्ट प्राडा। कृष्णप्रसाद पौडेलले यस एकाइबाट मन्त्रालयले विनियोजित गरेको बजेटभन्दा दोब्बर खर्च गरी लक्षित वर्गलाई सहयोग गरिएको बताए । सामाजिक सेवा एकाइबाहेक पनि धेरै बिरामीको निःशुल्क उपचार गरिएको जनाउँदै डा पौडेलले निःशुल्क उपचार गराउनुपर्ने धेरैजसो बिरामी भरतपुर अस्पतालमा आउने गरेको बताए ।
लक्षित समूहसँगै अन्य बिरामीको समस्या र अवस्थाअनुसार निःशुल्क वा आंशिक छुटमा सेवा दिने गरिएको उनले जानकारी दिए । देशका विभिन्न जिल्लाबाट बिरामी आउने भरतपुर अस्पतालमा पछिल्लो समय दैनिक दुई हजारभन्दा बढी बिरामी उपचारका लागि यस अस्पतालमा आउने गरेका छन् ।
रत्ननगर । राष्ट्रिय प्रजातन्त्र पार्टी (राप्रपा) चितवन क्षेत्र नं-१ क्षेत्रीय समितिको आयोजनामा बिहीबार हरितालिका तीज तथा जितिया पर्वको शुभकामना आदानप्रदान र दरखाने कार्यक्रम गरिएको छ । क्षेत्रीय अध्यक्ष बलराम खनालको अध्यक्षतामा आयोजित उक्त कार्यक्रमको उद्घाटन केन्द्रीय सदस्य रामहरि कँडेलले गरेका थिए ।
कार्यक्रमको उद्घाटन सत्रमा बोल्दै नेताहरूले देशप्रतिको चिन्ता व्यक्त गरे । गणतन्त्रको अव्यवस्थित अवस्थाले भ्रष्टाचार र बेथिति चरम सीमामा पुगेको भन्दै उनीहरूले देशलाई माया गर्ने शक्तिहरू एकजुट हुनुपर्नेमा जोड दिए । कार्यक्रमका प्रमुखअतिथि कँडेलले ठूला दलहरूको रवैयाका कारण मुलुक संकटमा परेको बताए । जनता सचेत हुनुपर्ने समय आएको उल्लेख गर्दै उनले सत्ताको गलत क्रियाकलापलाई निरुत्साहित गर्नुपर्ने धारणा राखे ।
क्षेत्रीय अध्यक्ष खनालले गणतन्त्रको चेपमा मुलुक फसेको भन्दै महिला शक्तिहरू एकजुट भएर राष्ट्र जोगाउन लाग्नुपर्ने बताए । बढ्दो भ्रष्टाचार र बेथितिका कारण मुलुक संकटमा रहेको उल्लेख गर्दै उनले जनताले सचेतना अपनाउनुपर्नेमा जोड दिए ।
कार्यक्रममा राप्रपाका बागमती प्रदेश कोषाध्यक्ष माधव भट्टराई, जिल्ला अध्यक्ष रुद्र ढकाल, बागमती प्रदेश ‘क’ समितिका अध्यक्ष सुशील चौधरी, ‘ख’ समितिका अध्यक्ष हरिशरण भट्टराई, रत्ननगर नगर समितिका अध्यक्ष सन्तोष लामा, खैरहनी समितिका कार्यवाहक अध्यक्ष कृष्ण तिवारी, राप्ती समितिका अध्यक्ष मीरा बर्तौला, राष्ट्रिय प्रजातान्त्रिक महिला संगठन रत्ननगरकी अध्यक्ष मीना प्रधानलगायतको उपस्थिति थियो ।
कार्यक्रमको सञ्चालन नेता श्याम पोखरेलले गरेका थिए भने क्षेत्रीय उपाध्यक्ष मन्जु बर्तौलाले स्वागत मन्तव्य राखेकी थिइन् ।
सोही अवसरमा महिलाहरूबीच नृत्य प्रतियोगिता पनि आयोजना गरिएको थियो। प्रतियोगितामा रञ्जिता श्रेष्ठ प्रथम, सरिता श्रेष्ठ द्वितीय, किलिना मगर र क्रिष्टिना मगर तृतीय भए । पार्वती मगर र दुर्गा नेपालले सहजीकरण गरेको उक्त प्रतियोगिताको निर्णायकमा विमला थापामगर र हरिकला परियार रहेका थिए ।
रत्ननगर । रत्ननगर नगरपालिका र भरतपुर अस्पतालबीच गरिब तथा विपन्न नागरिकको उपचार सहायतासम्बन्धी सम्झौता भएको छ ।
नगरभित्र अलपत्र परेका, गरिब तथा विपन्न नागरिकलाई रोगको निदान तथा औषधि उपचारमा सहयोग गर्ने उद्देश्यले नगरप्रमुख प्रलाद सापकोटा र भरतपुर अस्पतालका मेसु प्राडा कृष्णप्रसाद पौडेलबीच स्वास्थ्य उपचारसेवा उपलब्ध गराउने सम्झौतापत्रमा हस्ताक्षर भएको छ ।
रत्ननगर नगरपालिकाको नगरसभाबाट आर्थिक वर्ष २०८२–०८३ को वार्षिक स्वीकृत कार्यक्रमअनुसार चितवन जिल्लाभित्र रहेका अलपत्र गरिब तथा विपन्न नगरवासीको रोगको निदान तथा औषधि उपचारको कार्यक्रम कार्यान्वयनका लागि सो सम्झौता भएको हो ।
सम्झौताअनुसार प्रथम पक्ष (नगरपालिका)ले उपचारका लागि पठाउँदा नगरप्रमुख, कार्यवाहक नगरप्रमुख वा दुवैको अनुपस्थितिमा प्रमुख प्रशासकीय अधिकृतले गरिब तथा विपन्न बिरामीको सिफारिससहित पठाउनपर्ने सर्त राखिएको छ ।
नगरपालिकाले प्रमाणित गरेको सिफारिसबमोजिम न्यूनतम एक हजार रुपैयाँदेखि २५ हजार रुपैयाँसम्म उपचारमा छूट हुनेछ । भरतपुर अस्पतालले सिफारिस भइआएका बिरामीलाई अस्पतालमा भएसम्मका छूट उपलब्ध गराउनुपर्ने सम्झौतामा उल्लेख छ । बिमा नगरेका, बिमा रकम सकिएका तथा सरकारका अन्य निःशुल्क कार्यक्रममा नसमेटिएका नागरिकहरुले यो सुविधा प्राप्त गर्नेछन् ।
सम्झौतामा दोस्रो पक्ष अर्थात भरतपुर अस्पतालले उपचार सेवा प्राप्त गरेका हरेक बिरामीको छुट्टाछुट्टै विद्युतीय अभिलेख राख्ने छ । यसरी बिरामीले प्राप्त गरेको उपचार सेवाको विवरणसहित अस्पतालले त्रैमासिकरुपमा माग गर्न सक्नेछ । र, सोही मागबमोजिम नगरपालिकाले रकम भुक्तानी गर्ने सम्झौता गरिएको छ ।
भदौ ५ गतेदेखि लागू भएको यो सुविधा आवश्यकताअनुसार प्रत्येक आर्थिक वर्षको साउन मसान्तभित्र नवीकरण गरिने छ । सम्झौताको साक्षीका रुपमा नगर उपप्रमुख यादवप्रसाद पाठक, निमित्त प्रमुख प्रशासकीय अधिकत दीपा घिमिरे र भरतपुर अस्पतालका शाखा अधिकृत तुलसीराम आचार्यले हस्ताक्षर गरेका छन् ।
नगरप्रमुख सापकोटाले सरकारी अस्पतालमै गुणस्तरीय उपचार र स्वास्थ्यसेवा प्राप्त हुने भएकाले नगरपालिकाले बकुलहर रत्ननगर अस्पताल र भरतपुर अस्पतालसँग सम्झौता गरी नागरिकको उपचार पाउने हक सुनिश्चित गरेको बताए ।
रत्ननगर । रत्ननगरस्थित आयुर्वेद तथा वैकल्पिक चिकित्सालयले बालबालिकालाई स्वर्णविन्दु खुवाएको छ । चिकित्सालयले बिहीबार ३९० जना बालबालिकालाई स्वर्णविन्दु प्राशन गराएको हो । जसमा २१४ जना बालक र १७६ जना बालिका रहेका छन् ।
यो कार्यक्रम २१ महिनाअघिदेखि रत्ननगरमा सञ्चालनमा छ । चिकित्सालयकी प्रमुख डा. कोपिला अधिकारीले यो कार्यक्रमले बिहीबार राष्ट्रिय मान्यता प्राप्त गरेको बताउँदै खुसी व्यक्त गरिन् । उनले स्वर्णविन्दु प्राशनले बालबालिकाको रोग प्रतिरोधक क्षमता वृद्धि, बुद्धि र स्मरणशक्तिको विकास, पाचन प्रणालीमा सुधार, शारीरिक शक्ति र आयु वृद्धि गर्नुका साथै समग्र शारीरिक र मानसिक स्वास्थ्य प्रवर्द्धनमा महत्त्वपूर्ण योगदान पुर्याउने बताइन् ।
स्वर्णविन्दु जडीबुटी, घिउ र थोरै मात्रामा सुनको भस्म मिसाएर बनाइने आयुर्वेदिक औषधि हो । यो औषधि प्रत्येक महिनाको पुष्य नक्षत्रको दिन बालबालिकालाई खुवाउने प्रक्रियालाई स्वर्ण प्राशन विधि भनिन्छ ।
डा. अधिकारीका अनुसार ६ महिनादेखि ५ वर्षसम्मका बालबालिकालाई महिनामा एकपटक यो औषधि खुवाइन्छ, जसले उनीहरूको स्वास्थ्य र बौद्धिक क्षमता अभिवृद्धिमा सहयोग पुर्याउँछ ।
रत्ननगर आयुर्वेद तथा वैकल्पिक चिकित्सालयले यो कार्यक्रमलाई निरन्तरता दिँदै थप बालबालिकालाई समेट्ने योजना बनाएको छ । स्थानीय अभिभावकहरूले पनि यो कार्यक्रमले आफ्ना बालबालिकाको स्वास्थ्यमा सकारात्मक प्रभाव पारेको बताएका छन् ।
चितवन । जेठ मसान्तबाटै वस्तीमा नदी पस्ने चिन्ताले सताउने नारायणी तटका भरतपुरवासी अहिले ढुक्क छन् । यस वर्ष ३० वर्षयताकै उच्च वर्षा हुने अनुमान गरिए पनि तटीय क्षेत्रका नागरिक चिन्तित देखिँदैनन् ।
नारायणी तटबन्ध निर्माण भएपछि स्थानीयहरू र स्थानीय सरकार भरतपुर महानगर पनि ढुक्क देखिन्छ । वर्षायाम सुरु भएसँगै स्थानीय सरकार राहत र उद्धारमा जुट्नुपर्ने अवस्था थियो । तर, अहिले राहत र उद्धारमा जानु परेको छैन ।
यसरी यहाँका स्थानीहरू बर्सातको समयमा पनि चैनसँग सुत्न पाएको भने धेरै भएको छैन । ४ वर्षअघि शिलान्यास गरी सुरु भएको आयोजना तटीय क्षेत्रको मुख्य प्रभावित क्षेत्रमा तटबन्ध कार्य सम्पन्न भएपछि अवस्था फेरिएको हो ।
भरतपुरको ९ वटा वडा १, ३, ४, १६, १७, १८, २६, २७ र २८ हुँदै नारायणी नदी बग्ने गर्दछ । नारायणी नदीका जोखिम स्थानहरूमा तटबन्धको कार्य सम्पन्न भइसकेको नारायणी नदी नियन्त्रण कार्यालयका सिनियर डिभिजनल इन्जिनियर प्रकाश लम्सालले जानकारी दिए । अहिले नदीले कटान गरिरहेको स्थानहरूमा मर्मतको काम भने भइरहेको उनको भनाइ छ ।
भरतपुर महानगर प्रमुख रेनु दाहालले तटीय क्षेत्रमा बस्ने नागरिकका लागि मेगा प्रोजेक्ट तटबन्धले १ लाख बढी लाभान्वित भएको बताइन् । महानगरमा निर्वाचित भएर आएपछि हजारौं आयोजना निर्माण भएका छन्, तर, एक नम्बर प्रोजेक्ट नारायणी तटबन्ध नै हो–महानगर प्रमुख दाहालले भनिन् । सुरक्षित भरतपुर निमार्णको जग नारायणी तटबन्ध हो, उनले भनिन्,’ ‘सबैभन्दा प्रभावकारी आयोजना तटबन्ध भएको छ। नदी उकास भएको छ, पर्यटकीय करिडोर निर्माण भएको छ । १०० वर्षको लागि ढुक्क हुने वातावरण तटबन्धले गरेको छ ।’
भरतपुर महानगरले वर्षा सुरु हुन साथ विपत र उद्धारमा जुट्नुपर्ने अवस्था थियो । तटबन्ध निर्माणले जन धनको सुरक्षाको ग्यारेण्टी गरिदिएको छ । भरतपुर महानगरपालिका प्रमुख दाहालले निर्वाचनको समयमा गरेको बाँचा पुरा गर्न पाएकोमा खुसी व्यक्त गरिन् ।
भरतपुर दुई ठूूला नदी र राष्ट्रिय निकुञ्जले घेरिएकोले यहाँका जनताका लागि बरदान र अभिशाप दुवै भए पनि यसको सही सदुपयोग गर्न महानगरले तटबन्ध निर्माण गरेको उनको भनाइ छ । भरतपुर यही नदी र निकुञ्जका कारण पर्या–पर्यटनको देशकै प्रमुख पर्यटकीय केन्द्र रहेको प्रमुख दाहालले बताइन्
नारायणी तटबन्धको ५ वटा प्याकेज रामघाट–काभ्रेघाट ५ किमी, गाँजीपुर–हिरापुर ५ किमी, सिसई–बेलुवा ५ दशमलव ७ किमी, बेलुवा–मेघौली गोलाघाट ३ दशमलव ५, नारायणी पुलदेखि उत्तरतर्फ ७०० मिटर, सेतीदेवि सामुदायिक वनमा ४०० मिटर, मझुवा खण्डमा ४६० मिटर गरी २१ किमी तटबन्ध भएको छ ।
पुलचोकदेखि गोलाघाटसम्म ३५ किमी रहेको छ । तटबन्धको कार्य भरतपुरसँगै नवलपुरमा पनि भइरहेको छ । महानगरपालिकाले नारायणी तटबन्धको कार्य सम्पन्न गरेसँगै अब राप्ती नदीको तटबन्धमा कदम चाल्ने बताएको छ ।
रत्ननगर । रत्ननगर नगरपालिकामा आर्थिक वर्ष २०८१/८२ मा १११ जोडीले सम्बन्धविच्छेद गरेका छन् ।
नगरपालिकाको सामाजिक तथा पञ्जीकरण उपशाखाका प्रमुख रामप्रसाद बस्ताकोटीका अनुसार १६ वडामध्ये वडा नम्बर १४ मा सबैभन्दा धेरै अर्थात् १६ जोडीले सम्बन्धविच्छेद गरेका छन् भने वडा नम्बर ३ मा सबैभन्दा कम दुई जोडीले यस्तो निर्णय लिएका छन् ।
सम्बन्धविच्छेदको तथ्याङ्कअनुसार वडा नम्बर १ मा ८, वडा नम्बर २ मा १०, वडा नम्बर ४ मा ३, वडा नम्बर ५ मा ३, वडा नम्बर ६ मा ४, वडा नम्बर ७ मा ४, वडा नम्बर ८ मा ४, वडा नम्बर ९ मा ३, वडा नम्बर १० मा ८, वडा नम्बर ११ मा ११, वडा नम्बर १२ मा ११, वडा नम्बर १३ मा ९, वडा नम्बर १४ मा १६, वडा नम्बर १५ मा १० र वडा नम्बर १६ मा ५ जोडीले सम्बन्धविच्छेद गरेका छन् ।
यसैगरी, यो अवधिमा नगरपालिकामा अन्य घटना दर्तामा ९५२ जनाको जन्मदर्ता भएको छ, जसमा ४४१ महिला र ५११ पुरुष छन् । जन्मदर्तामा वडा नम्बर १२ अगाडि छ, जहाँ ९१ जनाको जन्मदर्ता भएको छ, जबकि वडा नम्बर २ मा सबैभन्दा कम २७ जनाको जन्मदर्ता भएको छ ।
मृत्युदर्तातर्फ ४७६ घटना दर्ता भएका छन् । वडा नम्बर १२ मा ४९ जनाको मृत्युदर्ता भएको छ भने वडा नम्बर ८ मा सबैभन्दा कम २१ जनाको मृत्युदर्ता भएको छ ।
विवाहदर्तातर्फ ६२३ जोडीले विवाह दर्ता गराएका छन् । वडा नम्बर १२ मा ५८ जोडीको विवाहदर्ता भएको छ भने वडा नम्बर २ मा सबैभन्दा कम २३ जोडीले विवाह दर्ता गरेका छन् ।
बसाइँसराइको तथ्याङ्कमा रत्ननगरमा आउनेको सङ्ख्या जानेको भन्दा धेरै छ । एक वर्षमा ५३५ परिवार (१,७३१ जना) रत्ननगरमा बसाइँ सरेर आएका छन् भने २०७ परिवार (५४८ जना) बाहिर गएका छन् ।
रत्ननगर । ब्लड डोनर्स सोसाइटी नेपालले रत्ननगरका रमेश नेपाललाई केन्द्रीय सदस्य पदमा नियुक्त गरेको छ। सोसाइटीको विधान, नियमावली तथा कार्यकारी समिति बैठकको निर्णयअनुसार नेपाललाई केन्द्रीय सदस्यमा नियुक्ति गरिएको हो ।
रक्तदानजस्तो मानवसेवामूलक कार्यलाई प्रभावकारी, व्यवस्थित र देशव्यापी बनाउने उद्देश्यले नेपालको सामाजिक सेवाप्रतिको समर्पण, दीर्घ अनुभव र प्रतिबद्धतालाई मूल्याङ्कन गर्दै उनलाई यो जिम्मेवारी प्रदान गरिएको संस्थाले जनाएको छ ।
ब्लड डोनर्स सोसाइटी रत्ननगरका अध्यक्षसमेत रहेका नेपालले आफ्नो कार्यकालमा संस्थाप्रति निष्ठा, आस्था र कर्तव्यपरायणताका साथ जिम्मेवारी निर्वाह गर्ने प्रतिबद्धता व्यक्त गरेका छन् । नियुक्तिसँग सम्बन्धित थप कार्यविधि र जिम्मेवारीबारे आगामी बैठकमा जानकारी गराइने सोसाइटीले बताएको छ ।
खैरहनी । पूर्वी चितवनको प्रतिष्ठित सामुदायिक कलेज भुनावीशंकर कलेजले माध्यमिक तहको शिक्षा पूरा गरी विश्वविद्यालय तहको अध्ययन गर्न आएका विद्यार्थीहरूलाई स्वागत गर्दै अभिमुखीकरण कार्यक्रम आयोजना गरेको छ ।
विभिन्न विद्यालयबाट विद्यालय शिक्षा पूरा गरी स्नातक तहमा व्यवस्थापन र शिक्षा सङ्कायमा अध्ययन गर्ने विद्यार्थीहरूको लागि अभिमुखीकरण कार्यक्रम आयोजना गरिएको हो ।
कार्यक्रममा कलेजमा अध्यापन भइरहेको व्यवस्थापनतर्फ बिबिएस र शिक्षातर्फ अङ्ग्रेजी, नेपाली, गणित, जनसंख्या र स्वास्थ्य विषय एवम् अन्य प्रस्तावित विषयको बारेमा जानकारी दिइएको थियो । अभिमुखीकरणकै सिलसिलामा व्यवस्थापन तथा शिक्षा सङ्कायका कार्यक्रम प्रमुखद्वय राजु चौधरी र तेजप्रसाद तिमल्सिनाले ती विषयले भविष्यमा जीवन पद्दतिसँग कसरी प्रभाव पार्छन् भन्ने विषयमा सहजीकरण गरेका थिए ।
कलेजका अङ्ग्रेजी विषयका प्राध्यापक के.एन. सिलवालले विद्यार्थीहरूलाई स्वागत गर्दै कलेजले ज्ञान, सीप र व्यवहारको समन्वय गर्न सक्ने दक्ष नागरिक उत्पादनमा स्थापनादेखि प्रयत्नशील रहेको र कलेजबाट उत्पादित विद्यार्थीहरू स्वदेश तथा विदेशमा उच्चकोटीको रोजगारीमा रहेको धारणा राखे ।
कार्यक्रममा व्यवस्थापन समितिका सदस्य रामेश्वर पोखरेलले आफ्नै घरआँगनमा रहेको सर्वसुलभ मूल्यमा गुणस्तरीय शिक्षा प्राप्त गर्न भुवानीशंकर कलेज उत्कृष्ट छनोट हुने धारणा राखे ।
सहायक कलेज प्रमुख चेतराज रेग्मीले कलेजमा नगर, प्रदेश र विश्वविद्यालय अनुदान आयोगबाट उपलब्ध हुने छात्रवृत्तिको विवरण प्रस्तुत गर्नुका साथै संसारभरका सफल मानिसहरूको तथ्याङ्क प्रस्तुत गर्दै उनीहरूको विषय र पठनस्थान छनोटले जीवनमा महत्त्वपूर्ण भूमिका खेल्ने विचार व्यक्त गरे ।
कार्यक्रमका प्रमुखअतिथि कलेज सञ्चालक समितिका अध्यक्ष अमृत मैनालीले विद्यार्थीहरूलाई बधाई तथा शुभकामना दिँदै स्थानीयको सक्रियतामा सञ्चालित भुवानीशंकर कलेज उन्नत शैक्षिककेन्द्र रहेको र यसको जगेर्नामा सबै स्थानीयहरूको निरन्तर सहयोगको उच्च प्रशंसा गरे ।
कलेज प्रमुख नवराज भट्टराईले भुवानीशंकर कलेज पूर्वी चितवनमा सर्वलुलभ शुल्कमा प्रविधिमैत्री ढङ्गबाट गुणस्तरीय शिक्षा प्रदान गरी असल नागरिक उत्पादनमा प्रतिबद्ध रहेको बताए । उनले कक्षा ११ देखि स्नात्तकोत्तरसम्मको अध्यापन हुने यस कलेजमा निकट भविष्यमा बिबिए, बिएएलएलबी, बिआइटी र बिएचएमजस्ता सेमेष्ट प्रणालीका विषयहरू सञ्चालन हुने जानकारी दिए ।
खैरहनी । खैरहनी नगरपालिका वडा नं-१० स्थित कठार माविका विद्यार्थीलाई वडाध्यक्ष कुलप्रसाद भुसालले क्यालकुलेटर प्रदान गरेका छन् ।
खैरहनी-१३ का वडाध्यक्ष भुसालले सो विद्यालयका १९० जना विद्यार्थीलाई एक एक थान क्यालकुलेटर दिएका हुन् । भुसालले यसअघि आफ्नै वडाका विद्यार्थीलाई क्यालकुलेटर दिइसकेका छन् ।
वडाध्यक्ष भुसालले अध्यक्ष भएबापत प्राप्त गर्ने सुविधा, भत्ताले कठार माविको कक्षा ८ देखि १२ सम्मका विद्यार्थीलाई क्यालकुलेटर प्रदान गरेका हुन् ।
विद्यालयमा आयोजित एक कार्यक्रमबीच क्यालकुलेटर प्रदान गर्दै अध्यक्ष भुसालले सरकारबाट प्राप्त हुने सुविधाबापतको रकम विद्यार्थीको सिकाइलाई सघाउ पुर्याउने उद्देश्यका साथ प्रदान गरेको बताए ।
“कतिपय विद्यार्थी क्यालकुलेटर किन्ने अवस्थामा छैनन्, यो सहयोग ठूलो पनि होइन”, अध्यक्ष भुसालले भने, “शिक्षण सिकाइमा सघाउन मद्दत हुने अपेक्षासहित शैक्षिक सामग्रीको रूपमा रहेको क्यालकुलेटर विद्यार्थीलाई उपहार स्वरुप दिएको हुँ ।”
“विकास भनेको पिच बाटो, ढल भवन निर्माण गर्नु होइन, सबैभन्दा ठूलो विकास मानवीय स्रोत साधनको हो”, अध्यक्ष भुसालले थपे, “समाजको एउटा सामाजिक नागरिक र आफ्नो जिम्मेवारीअनुसार सक्ने सहयोग गरेको छु, यसलाई अन्यथा नसोच्न आग्रह गर्दछु ।”
नगरपालिकाबाट प्राप्त गर्ने रकम सकेसम्म घर नलैजानेमा आफू प्रतिबद्ध रहेको भन्दै उनले आफूमा कुनै महत्त्वकांक्षा नरहेको बताए ।
विद्यालयका प्रधानाध्यापक अर्जुनप्रसाद सिलवालले अध्यक्ष भुसालले गरेको सहयोग व्यक्तिगतरुपमा सानो देखिए पनि शिक्षण सिकाइमा ठूलो अर्थ राख्ने भन्दै धन्यवाद दिए ।
आफ्नो विद्यालयमा गरिब, विपन्न समुदायका बालबालिका अध्ययन गर्दै आएको भन्दै प्रधानाध्यापक सिलवालले भौतिक संरचना सन्तोषजनक रहे पनि अन्य कुराहरुको अभाव रहेको बताए ।
वडाध्यक्ष भुसालले आफ्नो सुविधाबापतको रकम गरिब, विपन्न समुदायमा छात्रवृत्ति, शैक्षिक पोसाक, खाद्यान्नलगायतका सामान पनि सहयोग गर्दै आएका छन् ।
भरतपुर । लागूऔषध ट्रामाडोलसहित सात जना चितवनबाट पक्राउ परेका छन् । भरतपुर महानगरपालिका–९, पारस बसपार्कस्थित न्यू धौलागिरि थकाली भान्साघर एण्ड लजबाट मङ्गलबार १७ हजार ४०० क्याप्सुल ट्रामाडोलसहित सात जना पक्राउ परेको जिल्ला प्रहरी कार्यालय चितवनका सूचना अधिकारी रवीन्द्र खनालले जानकारी दिए ।
पक्राउ पर्नेमा माडी नगरपालिका–१ बस्ने २४ वर्षीय अनिष श्रेष्ठ, कालिका नगरपालिका–५ बस्ने २१ वर्षीय शान्ति गुरूङ, पर्साको ठोरी गाउँपालिका–२, टाउन बस्ने २१ वर्षीय विनायक तामाङ, भञ्ज्याङ बस्ने २५ वर्षीय सूर्य लामा, सोही ठाउँ बस्ने १८ वर्षीय प्रदीप लामा, २४ वर्षीय प्रदीप न्यौपाने र भारतको बिहार राज्य पश्चिम चम्पारण बस्ने २४ वर्षीय आर्यन कुमार रहेका छन् ।
पक्राउ परेकाहरुमाथि लागूऔषधसम्बन्धी कसुरमा थप अनुसन्धान भइरहेको खनालले बताए । थप अनुसन्धानका लागि चितवन जिल्ला अदालतबाट सात दिनको म्याद लिइएको उनले जानकारी दिए ।
प्रहरीले एक हजार ७४० पत्ता लागूऔषध ट्रामाडोल बरामद गरेको हो । एउटा पत्तामा १० क्याप्सुल हुन्छ । चितवन लागूऔषध कारोबार तथा ओसारपसारको ‘ट्रान्जिट पोइन्ट’ बन्दै गएको छ ।
भरतपुर । जिल्ला प्रहरी कार्यालय चितवनले साउन महिनाको उत्कृष्ट प्रहरीमा प्रहरी निरीक्षक प्रतीक सिंहलाई घोषणा गरेको छ ।
उनले डुम्रे बजारमा सुनचाँदीका गरगहना चोरी गरेर मुग्लिन बजारमा लुकेर बसेका व्यक्तिहरूलाई नियन्त्रणमा लिई अन्दाजी मूल्य २२ लाख रुपैयाँबराबरको सुनको गरगहना र धनमाल फेला पारेर अनुसन्धानका लागि इलाका प्रहरी कार्यालय आँबुखैरेनी पठाएका थिए ।
यस्तै, घोप्टे भिर, पानीधारा र रिद्धिखोलामा एकैपटक पहिरो खसेर सडक आवतजावत बन्द भएको अवस्थामा सम्बन्धित निकायहरूसँग समन्वय गरेर प्रहरी परिचालन गरी ट्राफिक व्यवस्थापन मिलाइ समयमै बाटो खुलाएका थिए ।
यस्तै, इच्छाकामना गाउँपालिका वडा नं ५,स्थित तीन नम्बर पुलबाट मानसिक सन्तुलन ठीक नभएकी महिलाले आत्महत्या गर्ने प्रयास गरेकोमा निजलाई सकुशल उद्धार गरी सम्बन्धित आफन्तको जिम्मा लगाइ पठाइएको र सुख्खा पहिरो आइ मुग्लिन नारायणगढ सडकखण्डको विभिन्न स्थानमा सडक अवरुद्ध हुँदा आवश्यक समन्वय गरी उक्त पहिरो हटाइ सडकमा सवारीसाधन सञ्चालन गर्न सफल भएका थिए ।
सङ्गठनको नीति निर्देशनअनुसार दिइएको जिम्मेवारी वफादार, लगनशील र अनुशासित भई प्रशंसनीय एवं उत्कृष्ट ढङ्गबाट कार्यसम्पादन गरेका कारण उनलाई साउन महिनाका उत्कृष्ट प्रहरी घोषणा गरिएको जिल्ला प्रहरी कार्यालय चितवनले जनाएको छ ।
सम्पादित उत्कृष्ट कार्यको कदरस्वरुप ‘महिनाको उत्कृष्ट प्रहरी’ घोषणा गर्ने अभिप्रायले तयार पारिएको ‘उत्कृष्ट प्रहरी छनोट कार्यविधि-२०७७’ बमोजिम उनलाई उत्कृष्ट प्रहरी घोषणा गरिएको हो ।
भरतपुर । लायन्स क्लब अफ चितवन राइजले तीजको अवसरमा देवघाटको गार्गी कन्या गुरुकुलमा भोजन गराएको छ ।
संस्थापक अध्यक्ष नारायणप्रसाद अधिकारीले क्लबको नयाँ नेतृत्वको पदस्थापनको अवसर पारेर खाना खुवाएको क्लबका अध्यक्ष शिरिष पन्तले बताए । उनले आफ्नो कार्यकालमा सामाजिक कामलाई अघि बढाएर जनहितमा केन्द्रित गर्ने प्रतिबद्धता जनाए ।
कार्यक्रममा लायन्स क्लब अन्तर्राष्ट्रिय डिस्ट्रिक ३२५–आरका गर्भनर नवराज सापकोटाले लायन्स क्लबको कार्यक्रम सामाजिक विकासमा केन्द्रित रहेको बताउँदै आवश्यकताको आधारमा अघि बढ्ने बताए ।
यस्तै, संस्थापक अध्यक्ष अधिकारीले विश्वव्यापी सञ्जालमा जोडिएको लायन्सले सामाजिक काममा अग्रणी भूमिका निर्वाह गरेको बताए ।
गुरुकुलका महासचिव रामप्रसाद वस्तीले सबैको साथ र सहयोगबाट गुरुकुल सञ्चालन गरिएको जानकारी दिए । कार्यक्रममा निवर्तमान गर्भनर दीनानाथ न्यौपाने, प्रथम गर्भनर प्रभाकर पण्डित, द्वितीय गर्भनर दीपेन्द्र खतिवडा, पूर्वगर्भनर सिद्धार्थलाल चुके, क्याबिनेटका कोषाध्यक्ष विकास पौडेल लगायतको उपस्थिति रहेको थियो ।
चितवन । जापानिज इन्सेफलाइटिसबाट सन् २०२५ को हालसम्म ११ जनाको निधन भएको छ। स्वास्थ्य सेवा विभाग परिवार कल्याण महाशाखा, बाल स्वास्थ्य तथा खोप शाखा प्रमुख डा. अभियान गौतमले हालसम्म ६३ जनामा जापानिज इन्सेफलाइटिस देखिएको र ११ जनाको मृत्यु भइसकेको बताए ।
उनका अनुसार तेह्रथुम, बारा, मोरङ, झापा, नवलपरासी पश्चिम, कैलाली, प्युठान र अर्घाखाँचीका एक/एक जना तथा चितवन तीन जनाको मृत्यु भएको छ । मृत्यु भएकामध्ये आठ वर्षका एक जना, १७ वर्षका एक जना र ४० वर्षभन्दामाथिका नौ जना रहेका छन् ।
शाखा प्रमुख डा. गौतमका अनुसार घरमा नै रहेका ३० प्रतिशत र अस्पताल जाँदाजाँदै २७ प्रतिशतमको मृत्यु भएको छ। सन् २०२४ मा जापानिज इन्सेफलाइटिस्बाट २५ जनाको निधन भएको थियो भने ८६ जनामा सङ्क्रमण भएको थियो।
उनले जापानिज इन्सेफलाइटिस् खोप नलगाएकाहरूमा धेरै सङ्क्रमण देखिएको बताए । ‘हालसम्म २४ जिल्लामा ५० वटा स्थानीय तहमा यसको देखिएको छ । २४ वटा स्थानीय तहलाई उच्च जोखिमको रूपमा लिइएको छ। यो रोग विशेष गरी साउनदेखि कात्तिकसम्म बढी देखिन्छ,’ डा. गौतमले भने।
उनका अनुसार नेपालमा ८२ प्रतिशत बालबालिकालाई जापानिज इन्सेफलाइटिसविरुद्धको खोप लगाइ सकिएको छ।
चिकित्सकहरूका अनुसार जापानिज इन्सेफलाइटिस मस्तिष्कमा सङ्क्रमण हुने क्युलेक्स प्रजातिको लामखुट्टेको टोकाइबाट सर्ने एक प्रकारको गम्भीर रोग हो । यो लामखुट्टे साँझपख तथा झिसमिसे बिहानीको समयमा बढी सक्रिय हुने गर्दछ । धानबाली, दलदल र पानी जम्ने स्थान लामखुट्टेको लागि उपयुक्त प्रजननस्थल भएकाले यस्ता क्षेत्रमा सङ्क्रमणको जोखिम बढी हुने गरेको बताइन्छ ।
जापानिज इन्सेफलाइटिस गम्भीर अवस्थामा पुग्यो भने मस्तिष्क सुन्निने, पक्षाघात हुने, बेहोस हुने, कोमामा जाने वा ३० प्रतिशतसम्मको मृत्युसमेत हुनसक्ने डा गौतमले बताए । यो रोग जुनसुकै उमेरका मानिसलाई लाग्न सक्ने भए पनि धेरैजसो १५ वर्षमुनिका बालबालिकामा देखिने गर्दछ ।
यो रोग सङ्क्रमित हाँस, कुखुराजस्ता चराचुरुंगी र सुँगर(बङ्गुरजस्ता जनावरलाई टोकेका सङ्क्रमित लामखुट्टेले मानिसलाई टोकेमा सर्ने गर्दछ। यो रोग मानिसबाट मानिसमा भने सर्दैन ।
पेरिस । युक्रेन विवादको समाधानका लागि भइरहेका वार्ताका क्रममा रूसले मंगलबार आफ्नो सुरक्षा र युक्रेनमा रहेका रुसी भाषी समुदायका अधिकारहरू सुनिश्चित गर्ने कुनै पनि शान्ति सम्झौता आवश्यक हुने बताएका छन् ।
यसैबीच, अमेरिकी राष्ट्रपति डोनाल्ड ट्रम्पसँग युक्रेनी राष्ट्रपति भोलोदिमिर जेलेन्स्की र युरोपेली नेताहरूको सोमबार वासिङ्टनमा भएको बैठकपछि शान्ति वार्ताको सम्भावनाप्रति आशा जागेको छ । ट्रम्पले रूसी राष्ट्रपति भ्लादिमिर पुटिनसँग टेलिफोन संवाद पनि गरेका थिए ।
तर, रूसले युक्रेनमा जारी द्वन्द्वको समाधान गर्दा ‘रूसको सुरक्षा चासो’ सम्मान गर्नुपर्ने स्पष्ट पारेको छ । रूसका विदेश मन्त्री सेर्गेइ लाभरोभले दुई राष्ट्रपतिबीच हुने सम्भावित भेट ‘धेरै नै व्यवस्थित र सावधानीपूर्वक’ तयार पारिनुपर्ने बताए । यदि जेलेन्स्की र पुटिनबीच प्रत्यक्ष वार्ता हुन्छ भने त्यो तीन वर्षअघि सुरू भएको यो जटिल द्वन्द्वको पहिलो महत्त्वपूर्ण संवाद हुनेछ ।
युद्धमा हजारौँ मानिसहरूको ज्यान गइसकेको छ र अहिलेको अवस्था स्थिर हुँदै जाँदा पनि पूर्ण शान्ति टड्कारो देखिएको छैन । ट्रम्पले वार्तामार्फत युद्ध समाप्त गर्ने प्रयास गरिरहेका छन् भने युरोपेली नेताहरूले पनि यसमा सक्रियता देखाइरहेका छन् ।
लाभरोभले रुसी टेलिभिजनलाई दिएका अन्तर्वार्तामा युक्रेनमा बसोबास गर्ने रुसी भाषी समुदायका अधिकारहरूको संरक्षण नभएसम्म कुनै सम्झौता स्वीकार्य नहुने बताए ।
यसैबीच, फ्रान्स र बेलायतको संयुक्त पहलमा किएभका करिब ३० साझेदार राष्ट्रहरूको भर्चुअल बैठक आयोजना गरिएको थियो । फ्रान्सेली राष्ट्रपति इम्यानुएल माक्रोँले यसलाई ‘विस्तृत जानकारी आदानप्रदानका लागि’ आयोजना गरिएको बताए र जेनेभामा वार्ता हुनसक्ने सम्भावनाको संकेत गरे । माक्रोँले युक्रेनको डोनबास क्षेत्रमा केही भूभागबारे दबाबको विषयमा युरोपेली चासो व्यक्त गरे ।
किएभमा सामान्य जनताले वार्ताप्रति मिश्रित भावना राखेका छन् । ३२ वर्षका एक गोदाम कर्मचारी अन्तोनले भने,“मूल समस्या पुटिन नै हुन् । उनी वार्ता चाहँदैनन् र ट्रम्पलाई पनि अवस्था कसरी सम्हाल्ने थाहा छैन ।”
तर, मस्कोमा केही नागरिकले शान्तिपूर्ण समाधानका लागि आशा व्यक्त गरेका छन् । २३ वर्षीय व्याचेस्लाभले भने,“हामी पारस्परिक लाभका आधारमा सहमत हुन सक्ने आशा राख्छौँ ।” उनले थपे, “यो वार्ता युद्धको सुरूदेखि नै भएको भए राम्रो हुने थियो ।”
ट्रम्पले अलास्कामा पुटिनसँग भएको भेटपछि सोमबार सामाजिक सञ्जालमार्फत पनि पुटिनलाई जेलेन्स्कीसँग वार्ताको तयारी गर्न फोन गरेको जानकारी दिएका छन् । उनले दुई राष्ट्रपतिबीच त्रिपक्षीय शिखर बैठक गर्ने योजना रहेको उल्लेख गरे ।
जर्मन चान्सलर फ्रेडरिक मर्जले पुटिनले आगामी दुई हप्ताभित्र जेलेन्स्की सँग द्विपक्षीय वार्ता गर्न सहमति जनाएका जानकारी दिए । जेलेन्स्कीले आफू प्रत्यक्ष भेटका लागि तयार रहेको बताउँदै वासिङ्टनको वार्ता युद्ध अन्त्यतर्फ एक महत्त्वपूर्ण कदम भएको बताए ।
अमेरिका र युरोपेली राष्ट्रहरूबीच युक्रेनलाई १०० अर्ब अमेरिकी डलरको हतियार सहायता उपलब्ध गराउने योजना छ भने जेलेन्स्कीले आगामी १० दिनभित्र सुरक्षा ग्यारेन्टीका औपचारिक सम्झौताहरू हुने बताए ।
अन्त्यमा, युरोपेली नेताहरूले ट्रम्पको पुटिनप्रतिको सम्भावित रुचि र व्यवहारप्रति चासो व्यक्त गरेका छन्, जसले वार्ताको सफलतालाई अझै चुनौतीपूर्ण बनाइरहेको छ । एएफपी
चितवन । ब्लक ब्लस्टर चलचित्र ‘एन्जिला’ का दुई बालकलाकार इनोभ गुरुङ र नमीक्षा मगरको ‘रोधीघर’ शीर्षकको म्युजिक भिडियो सार्वजनिक भएको छ ।
चलचित्र एन्जिलामा यी बालकलाकारहरूको उत्कृष्ट अभिनय देख्न सकिन्छ । चलचित्र क्षेत्रमा निकै नै सम्भावना बोकेका यी दुई बाल कलाकारले आफ्नो गुरुङ र मगर समुदायको भेषभूषामा सजिएर कौडा नृत्य प्रस्तुत गरेका छन् ।
बाल कलाकार इनोभ गुरुङले कार्टुन क्रुजबाट नृत्य प्रशिक्षण लिएका हुन् भने एक्टिङमा गिरिराज घिमिरेलाई आफ्नो गुरुको रुपमा लिन्छन् उनी । पढाइमा पनि उनी जेहेनदार विद्यार्थीको रूपमा चिनिन्छन् । उनी भन्छन् – ‘पढाई सँगसँगै नाटक गर्न र हेर्न, भ्रमण गर्न, किताब पढ्न र नृत्य गर्न मनपर्छ । मलाई भविष्यमा एउटा कुशल कलाकार बन्न मन छ ।’
इनोभ गुरुङले हालसम्म थुप्रै टिभी सिरियल, लघु चलचित्र, स्टेज कार्यक्रम र चलचित्रहरूमा आफ्नो कला प्रदर्शन गरिसकेका छन् । पदम साधना कुलुङ र विजय मगरको शब्द रहेको यस गीतमा साहिल स्वयंले सङ्गीत दिएका छन् ।
साहिल लिम्बू र रोजिना बस्नेतको स्वरमा सजिएको यस गीतको भिडियो विजय मगरले निर्देशन गरेका छन् । म्युजिक भिडियो सनम तामाङ र उनको टिमले खिचेको हो भने सनमले सम्पादन गरेका छन् । म्युजिक भिडियोमा सुमिन गुरुङ, सिबु पाण्डे र चाहना मगरले पनि अभिनय गरेका छन् ।
भिडियोमा निर्देशक विजय मगरले बाल्यकालको प्रेम कथालाई जीवन्त बनाएका छन् । जसमा सुमिन गुरुङ र चाहना मगरलाई रोमान्टिक प्रेमी जोडीको रूपमा प्रस्तुत गरिएको छ िभिडियोमा सन्जिला सुमित्राको कोरियोग्राफी रहेको छ ।
रत्ननगर । जिल्ला प्रशासन कार्यालय, चितवनको परिसरमा गैँडाको माउ बच्चाको मूर्ति अनावरण गरिएको छ । रत्ननगर उद्योग वाणिज्य संघले निर्माण गरेको सो मूर्तिको प्रमुख जिल्ला अधिकारी प्रकाश पौडेल र संघका अध्यक्ष शंकर गिरीले संयुक्तरुपमा अनावरण गरेका हुन् ।
प्रमुख जिल्ला अधिकारी पौडेलले प्रशासन कार्यालय परिसरमा निर्माण गरिएको एकसिङ्गे गैँडाको मूर्तिले जिल्लाको पहिचानलाई थप स्थापित गराउन सहयोग पुग्ने बताए । उनले निजी क्षेत्रले एउटा उदाहरणीय कामको सुरूवात गरेको भन्दै आगामी पुस्ताका लागि पनि सिकाइको विषय बन्न सक्ने बताए ।
संघका अध्यक्ष गिरीले जिल्लाको पर्यटन विकासका लागि सकारात्मक सन्देश प्रवाह गर्नका लागि जिल्ला प्रशासन कार्यालय परिसरभित्र गैँडाको मूर्ति निर्माण गरिएको जानकारी दिए । उनले चितवन जिल्लाको पहिचानको रुपमा स्थापित एकसिङ्गे गैँडाको मूर्ति प्रशासन कार्यालयमा स्थापना गर्दा जिल्लाप्रतिको माया जागृत हुनुका साथै यसले सफारी पर्यटनको विकासमा थप टेवा पुग्ने विश्वास व्यक्त गरे ।
संघका वरिष्ठ उपाध्यक्ष निराजन खनालले संघले सामाजिक उत्तरदायित्व वहन गर्दै जिल्ला प्रशासन कार्यालय परिसरमा गैँडाको मूर्ति निर्माण गरेको बताए ।
कार्यक्रममा सहायक प्रमुख जिल्ला अधिकारी चिरञ्जीवी शर्मा, जिल्ला प्रहरी कार्यालय प्रमुख गोविन्द पुरी, भरतपुर महानगरपालिका वडा नं–१० का वडाध्यक्ष परमेश्वर खनाल, नेपाल उद्योग वाणिज्य महासंघका सदस्य अनिलकृष्ण श्रेष्ठ, संघका संस्थापक अध्यक्ष हरिशरण पाठक, पूर्वअध्यक्षहरु गोपालराज कर्माचार्य, केशवनारायण श्रेष्ठ, नारायणकाजी श्रेष्ठ, राजेन्द्रकुमार श्रेष्ठ, ज्ञानबहादुर विसुराल, संघका उपाध्यक्ष रामशरण नेपाल, कार्यसमिति सदस्य रघुनाथ भट्टेलगायतको उपस्थिति रहेको थियो ।
कार्यक्रमको सञ्चालन संघका महासचिव उपेन्द्र शर्मा आचार्यले गरेका थिए ।
कालिका । कालिका नगरपालिका वडा नं–३ मा रहेको जनहित राष्ट्रिय माध्यमिक विद्यालयमा अध्ययनरत सम्पूर्ण बालबालिकाका लागि छात्रवृत्ति तथा पोसाक वितरण गरिएको छ । नेपाल दलित महिला उत्थान संघ (एडवान)ले छात्रवृत्ति तथा पोसाक सहयोग गरेको हो ।
विद्यालय व्यवस्थापन समितिका अध्यक्ष नरेश वाइवाको अध्यक्षतामा भएको कार्यक्रममा कालिका–३ का वडाध्यक्ष वीरेन्द्र तामाङ प्रमुखअतिथि रहेका थिए । सो अवसरमा प्रमुखअतिथि तामाङले एडवानले महिला सशक्तिकरण र विपन्न बालबालिकाको लागि खेलेको भूमिका प्रशंसनीय रहेको बताए ।
कार्यक्रममा एडवानकी अध्यक्ष विन्दु परियार, सामाजिक सहजकर्ता कमला पन्थी, सुनिता दरै, शिक्षक अभिभावक संघका अध्यक्ष सीता तामाङ, प्रधानाध्यापक भरतराज रेग्मीलगायतले मन्तव्य व्यक्त गरेका थिए ।
कार्यक्रममा शिक्षक अभिभावक संघका सल्लाहकार संयोजक रत्नलाल घलान, सल्लाहकार पदमबहादुर तामाङ, पूर्वजिशिअ एवम् समावेशी शिक्षा विज्ञ रमाकान्त शर्मा, व्यवस्थापन समितिका सदस्य सीता थापामगर, सहायक प्रधानाध्यापक कमला पाण्डे, शिक्षकहरु कल्पना पाठक, मनकुमारी थापामगर, डिल्लीप्रसाद पौडेल, सरस्वती तामाङ, सन्तोषी लामिछाने, राजु पराजुली, अर्चना बोम्जन, सुमिना मगर, केमी शर्मिला घलान वाइवा, तुलीमाया दोङलगायतको सहभागिता रहेको थियो ।
यस्तै, एडवानले आधारभूत विद्यालय कालिका–३ मा पनि विद्यालय पोसाक वितरण गरेको छ ।
विद्यालय व्यवस्थापन समितिका कार्यवाहक अध्यक्ष दीननाथ अर्यालको अध्यक्षता एवम् कालिका–३ का वडाध्यक्ष वीरेन्द्र तामाङको प्रमुख आतिथ्यतामा भएको कार्यक्रममा एडवानकी अध्यक्ष विन्दु परियारले बालबालिकालाई पोसाक वितरण गरेकी हुन् ।
कार्यक्रममा शिक्षक अभिभावक संघका अध्यक्ष सोविता न्यूरे, अभिभावक एवम् शिक्षकहरुको सहभागिता रहेको थियो ।
भरतपुर । विद्युत व्यवसायी संघ चितवनको आयोजनामा हरितालिका तीजको अवसरमा शुभकामना आदान–प्रदान तथा सांस्कृतिक कार्यक्रम सम्पन्न गरिएको छ ।
संघका अध्यक्ष विष्णुप्रसाद चालिसेको अध्यक्षतामा भरतपुर–४ स्थित चितवन फुड मार्ट पार्टी प्यालेसमा आयोजित कार्यक्रममा संघका संस्थापक अध्यक्ष वामदेव शर्मा (घिमिरे) प्रमुखअतिथि रहेका थिए ।
कार्यक्रममा संघका निवर्तमान अध्यक्ष नवराज सुवेदी, पूर्वअध्यक्ष एवं सल्लाहकारहरू, कार्यसमिति सदस्यहरू, विद्युत व्यवसायी महिला समूहकी अध्यक्ष रीतादेवी सुवेदी, संघका सदस्यहरूको उल्लेखनीय सहभागिता रहेको थियो ।
कार्यक्रमको संयोजन संघका तृतीय उपाध्यक्ष खगराज अधिकारीले गरेका थिए भने सञ्चालन सचिव नारायण वंशीले गरेका थिए ।
सो अवसरमा सहभागी दिदीबहिनीहरूले तीज गीतमा नाचगान तथा दर खाएर उल्लासपूर्वक पर्व मनाएका थिए । उपस्थित सबैले एकापसमा तीजको शुभकामना आदान–प्रदान गर्दै नेपाली नारीहरूको संस्कृतिको जगेर्ना गर्नुपर्नेमा जोड दिएका थिए । विद्युत व्यवसायी संघ–चितवनले हरेक वर्षजस्तै यस वर्ष पनि तीज विशेष कार्यक्रम आयोजना गरेको हो ।
वासिङ्टन । युक्रेनका राष्ट्रपति भोलोदिमर जेलेन्स्कीले युद्ध अन्त्य गर्न आफ्ना रूसी समकक्षी भ्लादिमिर पुटिनसँग प्रत्यक्ष भेट गर्न इच्छुक रहेको बताएका छन् ।
ह्वाइट हाउसमा अमेरिकी राष्ट्रपति डोनाल्ड ट्रम्प र धेरै युरोपेली नेताहरूसँगको वार्तापछि पत्रकारहरूसँग कुरा गर्दै जेलेन्स्कीले करिब साढे तीन वर्षअघि मस्कोको आक्रमणपछि पहिलोपटक पुटिनसँग आमनेसामने हुन तयार रहेको बताए ।
‘मैले पुष्टि गरेँ, र सबै युरोपेली नेताहरूले मलाई समर्थन गरे, हामी पुटिनसँग द्विपक्षीय बैठकका लागि तयार छौँ’, शिखर सम्मेलनपछि जेलेन्स्कीले भने । रुसले लगातार प्रगति गरिरहेकाले जेलेन्स्की अहिले युद्ध अन्त्यका लागि क्षेत्र हस्तान्तरण गर्न दबाबमा छन् । ह्वाइट हाउसको बैठकअघि, ट्रम्पले युक्रेनलाई क्रिमिया त्याग्न र नाटोमा सामेल हुने आफ्नो लक्ष्य छोड्न दबाब दिएका थिए ।
यी दुवै पुटिनका प्रमुख माग हुन् । तर जेलेन्स्कीले ट्रम्पलाई युद्धको अवस्थाबारे स्पष्ट चित्र प्रस्तुत गर्न सक्षम भएका थिए । उनले ओभल अफिसमा ट्रम्पसँग एक्लै भेट गरेका थिए । यो हाम्रो बैठकहरूमध्ये सबैभन्दा राम्रो थियो, जेलेन्स्कीले आफ्नो कार्यालयले जारी गरेको विज्ञप्तिमा भने, ‘मैले नक्सामा समेत सबै अमेरिकी सहकर्मीहरूलाई युद्धको मैदानको अवस्थाबारे धेरै कुरा देखाउन सकेँ ।’
युक्रेनलाई क्षेत्रीय छूट दिनुभन्दा बरु शिखर सम्मेलन सुरक्षा ग्यारेन्टीको व्यवस्थामा केन्द्रित भएको फ्रान्सेली राष्ट्रपति इमानुएल म्याक्रोनले पत्रकारलाई जानकारी दिए । ट्रम्पले पनि ‘संयुक्त राज्य अमेरिकासँगको समन्वयमा विभिन्न युरोपेली देशहरूले ग्यारेन्टी प्रदान गर्ने’ बताएका थिए ।
जेलेन्स्कीले भने, संयुक्त राज्य अमेरिका युक्रेनका लागि सुरक्षा ग्यारेन्टीमा सहयोग गर्ने, समन्वय गर्ने र सहभागी हुने देशहरूमध्ये एक होस् भन्ने स्पष्ट सङ्केत दिन्छ भन्ने महत्त्वपूर्ण छ । उनका अनुसार ती योजनाहरू अर्को हप्ता वा दस दिनभित्र कुनै न कुनै रूपमा औपचारिक हुनेछन् । एएफपी/रासस
काठमाडौँ । प्यालेस्टिनी सशस्त्र समूह हमास गाजामा युद्धविराम र इजरायली बन्धकहरूको रिहाइको नयाँ प्रस्तावमा सहमत भएको छ ।
हमासले युद्धविराम र बन्धक मुक्ति सम्झौताका लागि क्षेत्रीय मध्यस्थकर्ताहरूले ल्याएको पछिल्लो प्रस्ताव स्वीकार गरेको हो ।
कतारको पहलमा तयार पारिएको गाजा युद्धविराम र इजरायली बन्धकहरूको रिहाइको नयाँ प्रस्तावमा हमासले स्वीकार गरेको अन्तर्राष्ट्रिय सञ्चारमाध्यम बिबिसीले बताएको छ ।
हमासले इजरायलका बाँकी रहेका करिब ५० मध्ये आधा बन्धकहरूमध्ये २० जीवित रहेको हुनसक्ने उल्लेख गरेको छ । ती बन्धकहरुलाई दुई चरणमा मुक्त गर्नेछ ।
प्रारम्भिक ६० दिनको युद्धविराम अवधिमा बन्धकहरू रिहा गरिनेछ । त्यस अवधिमा स्थायी युद्धविरामबारे वार्ता अघि बढाइने बिबिसीले जनाएको छ ।
तर, यो प्रस्तावमा इजरायलले कुनै प्रतिक्रिया दिएको छैन । प्रधानमन्त्री बिन्यामिन नेतन्याहूको कार्यालयले गत साता इजरायलले सबै बन्धकहरू एकैपटक मुक्त नगरी कुनै सम्झौता स्वीकार नगर्ने बताएका थिए ।
भरतपुर । चितवनबाट प्रकाशित हुने ‘न्यूजप्रवाह साप्ताहिक’ पत्रिकाको पाँचौँ वार्षिकोत्सव सोमबार मनाइएको छ । बि एण्ड बि मिडिया नेटवर्क प्रालिद्वारा सञ्चालित कार्यक्रमको उद्घाटन गर्दै सूचना पुनरावेदन समिति बागमती प्रदेशका अध्यक्ष हरिप्रसाद अधिकारीले अहिलेको परिस्थितिमा पत्रिका प्रकाशन गर्नु फलामको चिउरा चपाएजस्तै भएको बताए ।
देशमा हरेक व्यवसाय धरासायी भएको अहिलेको विषम परिस्थितिमा पत्रिकालाई नियमित गर्नु निकै ठूलो साहस भएको उनको भनाइ थियो ।
कार्यक्रममा बि एण्ड बि नेटवर्क प्रालिका अध्यक्ष तथा प्रबन्ध निर्देशक बबिलाल तामाङले ‘न्यूजप्रवाह साप्ताहिक’ पत्रिकाको बारेमा प्रकाश पारेका थिए । उनले पाठकवर्ग, विज्ञापनदाता, शुभचिन्तक महानुभावहरु, पत्रिकासँगै जोडिएका सबैलाई धन्यवाद तथा आभार प्रकट गरेका थिए ।
विसं २०७८ साल भाद्र २ गतेदेखि पत्रिकाको प्रकाशन आरम्भ भएको हो । जिल्लाबाट प्रकाशित उक्त साप्ताहिक पत्रिका प्रेस काउन्सिल नेपालबाट ग वर्गमा वर्गीकरण भएको छ भने तामाङ समुदायबाट यो नै पहिलो भएको दाबी गरिएको छ ।
कार्यक्रममा अध्यक्ष तामाङले प्रमुख अतिथि हरिप्रसाद अधिकारीलाई सम्मान स्वरुप मायाको चिनो प्रदान गरेका थिए । कार्यक्रममा नेपाल पत्रकार महासंघ चितवनका उपाध्यक्ष दिपेन्द्र अधिकारी, न्यूजप्रवाह साप्ताहिकका सम्पादक मेकना तामाङ, तामाङ पत्रकार संघ संघीय सदस्य राजेश रुम्बा लामा, नेपाल आदिवासी जनजाति पत्रकार महासंघ (फोनिज) अध्यक्ष तुलमान गुरुङ, एस एण्ड पी कम्पनीका सञ्चालक सूर्यप्रसाद श्रेष्ठलगायतले शुभकामना मन्तव्य दिएका थिए ।
कार्यक्रममा फोनिज चितवनका उपाध्यक्ष उर्गेन तामाङ, तामाङ पत्रकार संघ चितवनका कार्यवाहक अध्यक्ष सन्तोष तामाङ, चितवनका पोष्टका सहसम्पादक केशव भट्टराई, पत्रकार रोहिणी त्रिपाठी, विना तामाङ, एस एण्ड पी कम्पनीका सञ्चालक निर्मला प्रधानलगायत विभिन्न मिडियाका पत्रकारहरु लगायतको उपस्थिति रहेको थियो ।
चितवन । बिपी कोइराला मेमोरियल क्यान्सर अस्पतालको भवनहरूको २५ वर्षपछि नक्सापास (अभिलेखीकरण) गरिएको छ । अस्पतालका २९ वटा भवनको एकैपटक नक्सापास गरिएको हो ।
विसं २०४९ मा शिलान्यास गरेर काम थालिएको अस्पताल विसं २०५६ बाट नियमित सञ्चालनमा आएको थियो । हाल पेट स्क्यान र बोनम्यारो प्रत्यारोपणका लागि भवन निर्माण गर्दा वातावरणीय प्रभाव मूल्याङ्कन गर्नुपर्ने भएपछि भरतपुर महानगरपालिकामा भवनहरूको अभिलेखीकरण गरिएको हो ।
अस्पतालका कार्यकारी निर्देशक डा शिवजी पौडेलका अनुसार भवन निर्माणको क्रममा कुनै पनि भवनको नक्सा पास नरहेकाले सबैको नक्सा बनाएर अभिलेखीकरण गरिएको हो । नक्सा बनाउन रु २२ लाख हाराहारी खर्च भएको छ । अभिलेखीकरणका लागि महानगरपालिकामा रु एक करोड ७८ लाख राजस्व बुझाएको उनले बताए ।
यी अस्पताल भवन चीन सरकारले निर्माण गरिदिएको हो । पछिल्लो समय केही भवन भने नेपाल सरकारले निर्माण गरेको थियो । बोनम्यारो प्रत्यारोपणका लागिसमेत चीन सरकारले भवन, उपकरण र जनशक्ति व्यवस्थापन सहयोग गर्दैछ ।
दीर्घकालिन प्रभावका महत्त्वपूर्ण काम भइरहेको उनले बताए । भवनहरूको अभिलेखीकरण भएसँगै अन्य महत्त्वपूर्ण कामअघि बढेको उनको भनाइ छ । जिल्लामा सरकारीस्तरमा जिल्ला प्रशासन कार्यालय र क्यान्सर अस्पतालका भवन मात्रै महानगरमा अभिलेखीकरण भएका छन् । धेरैजसो सरकारी कार्यालय भवन अभिलेखीकरण भएका छैनन् ।
रत्ननगर । नेपाल कम्युनिस्ट पार्टी (माओवादी केन्द्र) रत्ननगरको आयोजनामा दुईदिने प्रशिक्षक प्रशिक्षण (स्कुलिङ) कार्यक्रम सोमबारदेखि रत्ननगरमा सुरू भएको छ ।
माओवादी केन्द्र रत्ननगर कमिटीका अध्यक्ष मेघनाथ पौडेलको अध्यक्षतामा भएको कार्यक्रमको उद्घाटन प्रमुखअतिथि जिल्ला इन्चार्ज तथा केन्द्रीय सदस्य घनश्याम दाहालले गरेका थिए ।
कार्यक्रममा प्रदेश कोषाध्यक्ष सङ्गीता भट्टराई, नगर इन्चार्ज एवम् प्रदेश सदस्य पूर्णबहादुर अम्गाईं (सुबोध), रत्ननगर–१२ का वडाध्यक्ष सुन्दरमणि सुवेदी, दीपक शाही, ऋषिराम चापागाईं, सरोज भण्डारी, निवर्तमान अध्यक्ष श्याम बराल, नगर उपाध्यक्ष गणेश पौडेल, जीवनलाल श्रेष्ठ, विष्णु पोख्रेललगायतको उपस्थिति रहेको थियो ।
नगर सचिव मोहन भट्टराईले सञ्चालन गरेको प्रशिक्षक प्रशिक्षण कार्यक्रममा दर्शनशास्त्र, राजनीति, अर्थशास्त्र, वैज्ञानिक समाजवाद र पार्टी कार्यदिशा, संगठन र नेतृत्व, सत्ता सञ्चालन र उत्पादन, कम्युनिस्ट आन्दोलनको इतिहास (विश्व र नेपाल), संगठन सञ्चालन पद्धति (बैठक, माइन्युट र प्रतिवेदन), प्रशिक्षण पद्धति र कला, प्रभावकारी निर्वाचन परिचालन कला तथा सामाजिक सञ्जाल र संगठन (एआई÷आइटी) लगायतका विषयमा प्रशिक्षण गरिने नगर उपाध्यक्ष गणेश पौडेलले जानकारी दिए ।
कार्यक्रममा नगर कमिटी सदस्य तथा पार्टीका वडा कमिटीका अध्यक्षहरु तथा सचिवहरुको सहभागिता रहेको छ । कार्यक्रममा सूर्य सुवेदी ‘पथिक’, ऋषिराम चापागाईं र होमप्रसाद भट्टले प्रशिक्षण दिनेछन् ।
काठमाडौँ । परराष्ट्रमन्त्री डा. आरजु राणा देउवाले हमास समूहको नियन्त्रणमा रहेका विपिन जोशीको रिहाइका लागि सरकारले अधिकतम कूटनीतिक पहल जारी राखेको बताएकी छन् ।
सामाजिक सञ्जालमार्फत सोमबार उनले परराष्ट्रमन्त्रीमा नियुक्त भएपछि आफूले सरकारका तर्फबाट यो मुद्दालाई प्राथमिकतामा राखेर काम सुरू गरेको बताएकी छन् । ‘यो एक वर्ष म उपस्थित भएका राष्ट्रसङ्घीय महासभादेखि अन्तर्राष्ट्रिय मञ्च, विभिन्न द्विपक्षीय तथा बहुपक्षीय बैठक तथा भेटवार्तामा सबैसँग विपिनको रिहाइका लागि विशेष आग्रह गरेकी छु । निरन्तर यो प्रयास भइरहेको छ’, मन्त्री डा राणाले उल्लेख गरेकी छन् ।
यसैगरी, गत असोजमा दोहामा आयोजित ‘एसियन कोअपरेसन डाइलग’ (एसिडी) सम्मेलनमा सम्बोधन र त्यसपछिका साइडलाइन भेटहरूमा पनि उनले सो विषय उठाएकी थिइन् ।
इजरायल र हमासबीच युद्धविरामको तयारी भएपछि त्यसमा संलग्न र सम्बद्ध देशका विदेशमन्त्रीहरूसँग फोनमा र ती देशका नेपालस्थित राजदूतसँग भेटेरै डा राणाले विपिनको रिहाइका लागि सहयोग गर्न आग्रह गरेकी थिइन् ।
विपिनको रिहाइका लागि नेपाल सरकारले कूटनीतिक प्रयासलाई निरन्तर रूपमा जारी राखेको बताउँदै मन्त्री डा राणाले इजरायल सरकार र हमासबीच युद्धविरामको गृहकार्य सुरु भएपछि तथा अमेरिकी राष्ट्रपति डोनाल्ड ट्रम्पले हमासलाई बन्दीहरू रिहा गर्न दबाब दिएपछि आफ्नो कूटनीतिक पहललाई थप सक्रिय बनाएको स्मरण गरेकी छन् ।
उनले गत माघमा कतारका विदेश राज्यमन्त्री डा मोहम्मद बिन अब्दुलाजिज अल‐खुलाइफीसँग फोनवार्ता गरी पहिलो चरणमै बिपिनको रिहाइका लागि आग्रह गरेकी थिइन् । खुलाइफी शान्तिवार्ताका प्रमुख वार्ताकार एवं मध्यस्थकर्ता हुन् ।
यस्तै, इजरायलका विदेशमन्त्री गिडियन सारसँग पनि फोनवार्ता गरी मन्त्री डा राणाले सोही आग्रह गरेकी थिइन् । त्यस क्रममा उनले हमासले अपहरण मुक्त गर्न लागेका भनिएका व्यक्तिहरूको पहिलो चरणमा नै विपिनको रिहाइका लागि इजरायल सरकारले पहल गरिदियोस् भन्ने आग्रह गरेकी थिइन् ।
यसैगरी, इजिप्टका विदेशमन्त्री डा. बदर अब्देल–अति तथा इरानी विदेशमन्त्रीसँग फोनवार्ता गरी विपिनको रिहाइका लागि विशेष पहल गरिदिन नेपाल सरकारका तर्फबाट मन्त्री डा. राणाले आग्रह गरेकी थिइन् । आफ्नो शल्यक्रियाका लागि बैंककमा रहँदा मन्त्री डा राणाले त्यहीबाट इजिप्टका विदेशमन्त्रीसँग पनि फोनवार्ता गरेकी थिइन् ।
उनले मध्यपूर्वको शान्तिका लागि पहल गरिरहेका टर्कीका राष्ट्रपति रेसेप तैयप एर्दोगान र इजिप्टका राष्ट्रपति अब्देल फत्ताह सइद हुुसैन खालिलसँग पनि गत फागुनमा प्रधानमन्त्री केपी शर्मा ओलीले फोनमार्फत ध्यानाकर्षण गराएको जानकारी दिइन् ।
मन्त्री डा. राणाले नेपाल सरकारले यो मुद्दालाई प्राथमिकतामा राखेर हरसम्भव प्रयासमा जुटिरहेको बताउँदै विपिनको रिहाइमा लागिपरेको इजरायल सरकार, इजरायली नागरिक, त्यहाँ रहेका नेपाली एवं विश्व समुदायलाई विशेष धन्यवाद ज्ञापन गरेकी छन् ।
हमास समूहको नियन्त्रणमा रहेका विपिन जोशीको शीघ्र रिहाइको पहलमा परराष्ट्र मन्त्रालयले कुनै कसर बाँकी नराखी काम गरिरहेको र यो नेपाल सरकारको दायित्व भएकमो उनको भनाइ छ । हाल परराष्ट्र मन्त्रालयको परामर्शमा र इजरायल सरकारको सहयोगमा विपिनकी आमा र बहिनी इजरायल पुगेका भन्दै मन्त्री राणाले इजरायली राष्ट्रपतिसँग भेटगरी विपिनको रिहाइको अपिल गरेको जानकारी पनि गराएकी छन् ।
भरतपुर । गायिका गंगा सुवेदीको गीत ‘बाबाको मायाले भक्कानिन्छ मन’ सार्वजनिक भएको छ । कम्पोजर एरेन्जर, साथै गीतको भावलाई शब्दमा ढाल्न र गीतको बीचमा स्वर भर्ने कार्य राजेन्द्र बजगाईंले गरेका छन् । उनले लिरिक्सलाई पूर्णता दिन पनि महत्त्वपूर्ण सहयोग गरेका छन् ।
यो गीत केवल सिर्जना मात्र होइन, सुवेदी परिवारले भोगेको गहिरो पीडा र जीवनका कठोर अनुभूतिहरूको दस्तावेज हो । गंगाको बुबा २०८० साल फागुन २५ गते अकस्मात् संसारबाट बिदा भए । त्यो क्षणले परिवार र गंगाको सम्पूर्ण जीवनमा उतारचढाव ल्याइदियो । घरको मूल आधार, परिवारको भरोसा, सङ्घर्षको प्रेरणा श्रोत बुबाको वियोगपछि सुवेदी परिवार अत्यन्तै विक्षिप्त बनेको स्मरण गंगाले गरेकी छिन् ।
यस वर्षको बाबाको मुख हेर्ने दिनको अवसरमा स्वर्गीय बुबालाई उपहार स्वरूप सम्झनास्वरुप गंगाले ‘बाबाको मायाले भक्कानिन्छ मन’ गीत आफ्नै युट्युब च्यानलबाट सार्वजनिक गरेकी छिन् । साङ्गीतिक क्षेत्रमा गंगाको यो पहिलो सिर्जना हो । जीवनको सबैभन्दा पिडादायी समयमा छचल्किएका शब्दहरू गीतमा उतारिएको छ ।
चितवन । नेपाल शैक्षिक परामर्श संघ (इक्यान) चितवनको आयोजनामा पहिलो जेएलसिटी जापानी भाषा स्पीच कन्टेस्ट–२०८२ आइतबार भरतपुरस्थित होटल नारायणी ल्यान्डमार्कमा सम्पन्न भएको छ ।
प्रतियोगितामा विभिन्न शैक्षिक संस्थाका विद्यार्थीहरूले जापानी भाषामा आफ्नो वक्तृत्वकला प्रस्तुत गरेका थिए । प्रतियोगितामा बान्जाई एजुकेसनल कन्सल्टेन्सीका विद्यार्थी समीर श्रेष्ठ प्रथम, हेल्पफुल एजुकेसनल इन्स्टिच्युटका विद्यार्थी दीपसन पाण्डे द्वितीय र इमेज इन्स्टिच्युटका विद्यार्थी प्रदीप कँडेल तृतीय भएका छन् । यस्तै, सान्त्वना पुरस्कार सेन्ट्रल कलेज अफ भोकेसनलका विद्यार्थी संकृति क्षेत्रीले प्राप्त गरेकी छन् ।
कार्यक्रमको सभापतित्व नेपाल शैक्षिक परामर्श संघ (इक्यान) चितवनका अध्यक्ष दीपकचन्द्र भट्टराईले गरेका थिए । प्रमुखअतिथिका रूपमा नेपाल शैक्षिक परामर्श संघका केन्द्रीय अध्यक्ष शेषराज भट्टराई उपस्थित भएका थिए भने विशिष्टअतिथिमा नेपाल शैक्षिक परामर्श संघका केन्द्रीय महासचिव दीपकराज भुसाल तथा केन्द्रीय प्रथम सचिव भवनाथ हुमागाईं सहभागी भएका थिए ।
कार्यक्रमको सञ्चालन विशाल थापा र ऋषि कँडेलले संयुक्तरूपमा गरेका थिए भने कार्यक्रमको प्रतियोगीहरुको व्यवस्थापन उज्ज्वल आचार्यले गरेका थिए । कार्यक्रमको संयोजन प्रज्ज्वल पौडेलले गरेका थिए ।
नेपाल शैक्षिक परामर्श संघ चितवनका अनुसार यस किसिमका कार्यक्रमहरूले विद्यार्थीहरूलाई जापानी भाषा सिक्न थप प्रेरणा दिने, सांस्कृतिक आदानप्रदानलाई प्रोत्साहित गर्ने र युवा प्रतिभा उजागर गर्ने उद्देश्य लिएको छ ।
चितवन । वरिष्ठ गीतकार एवं साहित्यकार प्रेमविनोद नन्दनको ९१ वर्षको उमेरमा निधन भएको छ । लामो समयदेखि श्वासप्रश्वासलगायतका रोगबाट पीडित रहेका नन्दनको आइतबार राति साढे ९ बजेतिर उपचारका क्रममा भरतपुरस्थित चितवन मेडिकल कलेज शिक्षण अस्पतालमा निधन भएको हो ।
नन्दनले लेखेका गीतहरुमा नातिकाजी, शम्भुजित बाँस्कोटा, गोपाल योञ्जनलगायतका संगीतकारले संगीत र आशा भोस्ले, सुरेश वार्कर, नगत अजिज, उदीतनारायण, दिपा झा, प्रेमध्वज प्रधान, शिव शंकर, प्रसाद श्रेष्ठलगायतका गायक गायिकाहरूले स्वर दिइसकेका छन् ।
नन्दनका झटारो, अञ्जली, सपनीवाट ब्यूझेर, विपनीका पाइलाहरु, ऐना भित्रको आकाश गिती संग्रह, सिद्धार्थको ग्रह त्याग लघु काब्य र पत्रम पुष्पम कविता संग्रह २०७७ प्रकाशित छन् ।
उनले छिन्नलता गीत पुरस्कार २०५४, चिसाप प्रतिभा पुरस्कार २०५२, चिसाप कृष्णकुमारी गुरुङ पुरस्कार २०६४, नारायणी प्रज्ञा पुरस्कार २०७८, राष्ट्रिय स्रष्टा सम्मान २०७७ लगायतका सम्मान तथा पुरस्कार प्राप्त गरेका थिए ।
नन्दन गीत, गजल र कविता लेखनमा सक्रिय थिए । चार गीतिसङ्ग्रह, एक लघु काव्य र एक कविता सङ्ग्रह प्रकाशित छन् । विसं २०११ सालमै ‘झटारो’ गीतिसङ्ग्रह प्रकाशन गरेका उनका गीत नेपाली चलचित्रमा पनि समावेश छन् ।
दर्जनौँ गीतहरु चलचित्र क्षेत्रमा ख्याती प्राप्त छन् । उनका गीतिसङ्ग्रहहरु अञ्जली (२०२३), सपनीबाट ब्यूँझेर (२०२३), बिपनीका पाइलाहरु (२०५२), ऐना भित्रको आकाश (२०६३), सिद्धार्थको गृह त्याग लघुकाव्य (२०७४) र पत्रम पुष्पम (कवितासङ्ग्रह) २०७७ प्रकाशित भएका छन् । यस्तै, राष्ट्रिय गान छनोटका क्रममा उनको गीत उत्कृष्ट १० भित्र पर्न सफल भएको थियो ।
उनले लामो समय बागिश्वरी, दोभान, मारुनी, गोधुुलीलगायतका साहित्यिक पत्रिकाहरु पनि सम्पदान गरेका थिए । अनौपचारिक शिक्षा आर्जन गरेर गीतसंगीत र साहित्यमा लागेका हुन् ।
नन्दनलाई राष्ट्रकवि माधव घिमिरे नेपाली साहित्यका ‘गोलसिमल’ भन्ने गरेका थिए । विसं १९९२ साल जेठ १९ गते तनहुँको बन्दीपुरमा जन्मिएका नन्दन बसाइँ सरेर नारायणगढमा बस्दै आएका थिए ।
चितवनको पुरानो सांस्कृतिक संस्था नारायणी कलामन्दिर र दर्जनौँ साहित्यिक संघसंस्थामा नेतृत्व गरिसकेका नन्दन छिन्नलता गीत पुरस्कार, नारायणी प्रज्ञा पुरस्कारलगायतका पुरस्कार र सम्मानबाट सम्मानित स्रष्टा हुन् ।
नन्दनको अन्त्येष्टि सोमबार नै देवघाटमा गरिनेछ । उनको पार्थिव शरीरलाई बिहान ९ बजेदेखि नारायणी कला मन्दिरमा राखेर श्रद्धाञ्जली दिने कार्यक्रम तय गरिएको छ । उनका श्रीमती, तीन छोरा र तीन छोरी छन् ।
चितवन । गत एक वर्षमा विभिन्न अपराधमा संलग्न ८६ बालबालिकालाई प्रहरीले पक्राउ गरेको छ । विभिन्न आठ मुद्दामा १० वर्षदेखि १८ वर्ष उमेर समूहका ती बालबालिका पक्राउमा परेका हुन् ।
जिल्ला प्रहरी कार्यालय चितवनका प्रमुख प्रहरी उपरीक्षक गोविन्द पुरीका अनुसार सार्वजनिक कसूर/अभद्र व्यवहारमा २६, चोरी मुद्दामा २२, लागूऔषध मुद्दामा २१, ज्यानमार्ने उद्योगमा सात, जबरर्जस्ती करणीमा पाँच, जबरजस्ती करणी उद्योगमा दुई, सवारी ज्यान मुद्दामा दुई र साइबर क्राइममा एकजना बालक पक्राउ गरी कारबाही गरिएको हो । प्रमुख पुरीका अनुसार पछिल्ला दिनमा विभिन्न किसिमका अपराधमा बालबालिकाको प्रयोग बढ्न थलेको छ ।
विशेषगरी चोरी र लागुऔषध मुद्दामा बालबालिकाको प्रयोग बढी हुन थालेको हो । उनले भने, “बालबालिकालाई सामान्य पैसा दिएर अपराधमा सहभागी गराउन थालेका छन् ।” लागूऔषध ओसारपोसारमा बालबालिकाको प्रयोग हुँदै आएको छ । सार्वजनिक कसूर÷अभद्र व्यबहारसमेत बालबालिकालाई प्रयोग गर्ने गरेको उनले बताए ।
चोरीमा बालबालिकालाई प्रयोग गरी ठूलाले कमाउने गर्दछन् । उनले भने, “चोरीका मुद्दामा तराईमूलबाट बच्चा लिएर आउने र चोरी गर्न लगाउने गरेको पाइएको छ । यस्ता कतिपय मुद्दामा चोरी गर्न लगाउनेलाई समेत पक्राउ गरी कारबाही गरिएको छ ।”
कालिका । कालिका नगरपालिका वडा नं–३, शान्ति चोकमा स्कुटरले साइकललाई ठक्कर दिँदा तीन जना घाइते भएका छन् ।
मिलन चोकबाट जनहित स्कुलतर्फ जाँदै गरेको बागमती प्रदेश ०२–०४० प १०११ नम्बरको स्कुटरले सोही दिशातर्फ जाँदै गरेको साइकललाई ठक्कर दिँदा दुर्घटना भएको हो ।
दुर्घटनामा साइकलयात्री कालिका–३ बस्ने ४५ वर्षीय मानबहादुर गुरूङ, स्कुटर चालक कालिका–६ बस्ने ३० वर्षीया सविना लामिछाने र स्कुटरपछाडि सवार सोही ठाउँ बस्ने ३५ वर्षीया अम्बिकाकुमारी थापा घाइते भएका हुन् ।
स्कुटर चालकको नारायणी सामुदायिक हस्पिटल भरतपुरमा उपचार भइरहेको छ भने गुरूङ र थापाको एलाइभ हस्पिटल भरतपुरमा उपचार भइरहेको छ । दुवै सवारीसाधन प्रहरी बिट पदमपुरको नियन्त्रणमा रहेको प्रहरीले जनाएको छ ।
भक्तपुर । बागमती प्रदेशको स्वास्थ्य मन्त्रालयले प्रदेशभित्रका १३ जिल्लाका पत्रकारका लागि निःशुल्क स्वास्थ्य बिमा लागू गर्ने भएको छ ।
आज भक्तपुरमा सञ्चारकर्मीलाई यसबारे जानकारी दिँदै प्रदेशका स्वास्थ्यमन्त्री किरण थापाले प्रदेशभित्रका सबै पत्रकारलाई निःशुल्क स्वास्थ्य बिमामा समेट्ने गरी बिमा कार्यक्रम लागू गरिने उल्लेख गरे ।
मन्त्री थापाले भने, “पत्रकारहरूको स्वास्थ्यप्रति हामी गम्भीर भएका काम गरिरहेका छौँ, त्यसैले प्रदेशका १३ वटै जिल्लाका पत्रकारलाई स्वास्थ्य बिमाभित्र समेटेर बिमाबापतको प्रिमियम शुल्क प्रदेश सरकारले व्यहोर्ने गरी कार्यक्रम लागू गर्ने भएका हाैँ, त्यसका लागि बजेटको व्यवस्था गरिसकेका छौँ ।”
उनले पत्रकार स्वास्थ्य बिमाका लागि मन्त्रालयले रु २० लाखको बजेट चालु आर्थिक वर्षका लागि व्यवस्था गरेको जानकारी दिँदै यसका लागि कार्यविधि तयार भइरहेको बताए । बिमाको प्राविधिक पक्षलाई सरल, पारदर्शी र डिजिटलमैत्री बनाउँदै पत्रकारलाई पाँच जनाको परिवार मानेर समूहमा आबद्ध गराएर बिमाको प्रिमियम सरकारले तिर्नेगरी व्यवस्था गर्ने तयारी भएको उनले बताए ।
मन्त्री थापाले पत्रकारको स्वास्थ्य सुरक्षामा बिमाले दीर्घकालीन रूपमा सुधार ल्याउने विश्वास व्यक्त गरे । उनले स्वास्थ्य क्षेत्र सुधार गर्ने योजनाका रूपमा ‘मेरो स्वास्थ्य, मेरो जिम्मेवारी, एक घण्टा मेरो लागि’ अभियान, ‘एक जिल्ला, एक स्वस्थ सहर’ र ‘एक स्थानीय तह, एक नमूना स्वास्थ्य संस्था’ कार्यक्रम पनि यसैवर्षदेखि सञ्चालन हुने जानकारी दिए ।
मन्त्री थापाले १३ जिल्लाका १३ प्रादेशिक अस्पताल मात्रै नभइ अब दूरदराजका विकट क्षेत्रका नागरिकलाईसमेत सहज स्वास्थ्य सेवाको पहुँच पुर्याएर आमनागरिकले सरकार गाउँगाउँ पुगेको महसुस गर्नेगरी कार्ययोजना अगाडि बढाइएको बताए । स्वास्थ्य सामग्री, औषधि, उपकरण लिएर आफैँ गाउँगाउँ पस्ने गरेको भन्दै उनले जनताले परिवर्तनलाई अनुभूति गर्नेगरी सबैले काम गर्नुपर्नेमा जोड दिए ।
रत्ननगर । पूर्वी चितवनको रत्ननगरमा अखिल नेपाल महिला संघ (अनेमसंघ) रत्ननगर नगर कमिटीको आयोजनामा तीज तथा जितिया पर्वको अवसरमा दर खाने र शुभकामना आदानप्रदान कार्यक्रम सम्पन्न भएको छ।
रत्ननगर-१ स्थित हरिहर ब्याङ्केटमा आयोजित कार्यक्रम नेकपा (एमाले)का केन्द्रीय सदस्य तथा बागमती प्रदेश संसदीय दलका नेता जगन्नाथ थपलियाले उद्घाटन गरेका थिए ।
कार्यक्रममा वक्ताहरूले महिला दिदीबहिनीहरूको सक्रियताले मात्र एमालेलाई पुरानो सशक्त अवस्थामा फर्काउन सकिने बताउँदै पार्टी निर्माणमा जुट्न आग्रह गरे । एमाले कमजोर भए देश कमजोर हुने भन्दै उनीहरूले ‘सुखी नेपाली, समृद्ध नेपाल’को परिकल्पना साकार पार्न आगामी निर्वाचनमा एमालेको जित अपरिहार्य रहेकोमा जोड दिए ।
कार्यक्रमका प्रमुखअतिथि थपलियाले रत्ननगरमा महिला दिदीबहिनीहरूको उत्साहजनक सहभागिताले एमालेको प्रभाव थप बलियो बन्दै गएको अनुभव भएको बताए । उनले नयाँ भनिएका राजनीतिक दलहरूले जनतालाई झुटा आश्वासन दिइरहेको आरोप लगाउँदै आगामी २०८४ को निर्वाचनमा एमालेले सबै तहमा जित हासिल गर्ने दाबी गरे ।
“तीजमा महिलाहरूले निराहार व्रत बसेर कठिन परिस्थितिको सामना गरेजस्तै, हरेक तहमा मेहनत र लगनशीलताका साथ पार्टी निर्माणमा जुटेमा एमालेलाई कसैले घेराबन्दी गर्न सक्दैन”, उनले भने ।
कार्यक्रममा एमाले केन्द्रीय सदस्य प्रभा बरालले देशका हरेक परिवर्तनमा महिलाहरूको प्रमुख योगदान रहेको उल्लेख गर्दै महिलाहरूको सहभागिता बिना कुनै पनि परिवर्तन सम्भव नभएको बताइन् । उनले पूर्वराष्ट्रपति विद्या भण्डारीले देशहितमा जारी अध्यादेशहरूमा निर्वाह गरेको नेतृत्वदायी भूमिकाको स्मरण गराउँदै महिलाहरूलाई थप सक्रिय हुन प्रेरित गरिन् ।
यस्तै, एमाले चितवन जिल्ला अध्यक्ष कमल पाठकले चौतर्फी घेराबन्दीका बीच पनि एमाले आफ्नै गतिमा अगाडि बढिरहेको बताउँदै कुनै पनि शक्तिले एमालेलाई कमजोर बनाउन नसक्ने दाबी गरे ।
पार्टी जिल्ला उपसचिव ज्वाला पुरी वनले निर्वाचनमा महिलाहरू निर्णायक शक्ति रहेको भन्दै एमालेलाई संरक्षण र सशक्तीकरण गर्न आग्रह गरिन् ।
कालिका । महिलाहरूको महान् पर्व तीजको अवसरमा कालिका–१ स्थित चतुर्मुखी सामुदायिक वन उपभोक्ता समूहले आइतबार तीज विशेष गीत प्रतियोगिता सम्पन्न गरेको छ ।
संस्थाका अध्यक्ष हरिकुमार गुरूङको अध्यक्षतामा भएको कार्यक्रममा प्रमुखअतिथि कालिका नगरपालिकाकी उपप्रमुख विमला तामाङले तीज पर्वले नेपाली समाज र संस्कृतिलाई जोड्न र आफन्तजनलाई भावनात्मक सम्बन्ध कायम गर्न मद्दत पुग्ने बताइन् । यस्तै, महिला सशक्तीकरण, अधिकार र सामाजिक न्यायका निम्ति मह¤वपूर्ण भूमिका खेल्ने भएकाले संस्कृतिका नाममा बढिरहेको विकृतिलाई पनि निरुत्साहित गर्नुपर्नेमा जोड दिइन् ।
कार्यक्रममा विशिष्टअतिथिहरु कालिका–१ का वडाध्यक्ष सन्तवीर स्याङ्तान र पदमपुर सबडिभिजन वन कार्यालयका बालकृष्ण खनाल, सामुदायिक वन महासंघ वन उपभोक्ता समूहकी अध्यक्ष विष्णुकुमारी सापकोटा लालीगुरास टोल विकास संस्थाका अध्यक्ष कृष्णप्रसाद घिमिरे, संस्थाका पूर्वअध्यक्ष सरोज गुरूङलगायतले मन्तव्य राखेका थिए ।
वन, वन्यजन्तु तथा वातावरण संरक्षणको सन्देशसहित आयोजना गरिएको प्रतियोगितामा गडुवा टोल विकास संस्थाले प्रथम स्थान हासिल गर्दै नगद १० हजार रुपैयाँ र प्रमाणपत्र प्राप्त गरेको छ । यस्तै, लालीगुराँस टोल द्वितीय भई ७ हजार रुपैयाँ नगदसहित प्रमाणपत्र र सगरमाथा टोल विकास संस्था तृतीय भई ५ हजार रुपैयाँ नगद र प्रमाणपत्र प्राप्त गरेको छ ।
सान्त्वनातर्फ सिन्धुपाल्चोक टोल विकास संस्था र कामना टोल विकास संस्थाले जनही एक÷एक हजार रुपैयाँ नगद र प्रमाणपत्रसहित पुरस्कृत भए ।
प्रतियोगिताको निर्णायकमा गायक दशरथ सापकोटा र गायिका जुना डल्लाकोटी रहेका थिए । कार्यक्रम सञ्चालनको कार्यालय सचिव बुद्धि बमजनले गरेका थिए ।
चितवन । कुनै समय भरतपुरमा कालोपत्रे सडक हेर्न नारायणगढ बजार नै पुग्नु पर्दथ्यो । अहिले भने यहाँका भरतपुरको स्वरुप नै फेरिएको छ । भरतपुरको १ देखि २९ वडा पुग्न ३० मिनेट मात्रै छुट्याए पुग्ने भएको छ । सडक सञ्जालले सबै स्थानलाई जोडेको छ ।
भरतपुर महानगरपालिकामा आठ वर्षको अवधिमा एक हजार ६५ किमि सडक कालोपत्रे भएको छ । यी सडकहरू ६ मिटरदेखि १६ मिटर चौडाइसम्मका छन् । यसबाहेक संघ र प्रदेश सरकारमार्फत करिब २०० किमि सडक थप बनेका छन् ।
महानगर प्रमुख रेनु दाहालको नेतृत्वमा पहिलो कार्यकालमा ६२२ किमि सडक कालोपत्रे गरिएको थियो । दोस्रो कार्यकालका तीन वर्षमा थप ४४२ किमि सडक बनेको छ । यही गतिमा कालोपत्रे सडक निर्माण भए दोस्रो कार्यकालको अन्त्यसम्म ७३५ किमिभन्दा बढी सडक बन्ने छ ।
‘विकासको पहिलो आधार सडक नै हो’, उनले भनिन्, ‘कतिपयले कालोपत्रे गरेर विकास होइन भनेको सुनिन्छ । सडकले नै अन्य विकासलाई जोड्छ । समयको बचत हुन्छ । ट्रान्सपोर्टेसनमा लाग्ने लागत घटेर जान्छ । सबै क्षेत्रलाई सहज बनाउँछ ।’
महानगरले अहिले सडकलाई हरियालीसहित सौन्दर्यकरण गर्ने नीति लिएको छ । निर्माण भएका सडकको दाया–बाया वृक्षरोपण गर्ने कार्यलाई निरन्तरता दिइरहेको छ ।
भरतपुरको पुल्चोकदेखि गोन्द्राङसम्म, बाइपास सडक, हुलाकी सडक, प्रचण्डपथ र चक्रपथ निर्माणका लागि सङ्घीय सरकारसँग पहलमा निर्माण भइसकेको छ ।
महानगरभित्र मङ्गलपुर–शिवनगर, पार्वतीपुर–शुक्रनगर हुँदै तेलौलीसम्म २१ किलोमिटर प्रचण्डपथ सङ्घीय सरकारको बजेटमा निर्माण भएको छ ।
महानगरको चक्रपथ ८८ किलोमिटर छ । सडक बनाउने मात्रै होइन, सौन्दर्यीकरणका लागि पनि ध्यान दिइएको छ । हाल महानगरभित्रका मुख्य सडकको ८० किलोमिटर क्षेत्रमा स्मार्ट सडकबत्ती जडान गरिसकेको छ । बाँकी एक सय ५० किलोमिटर सडक क्षेत्रमा स्मार्ट लाइट जडानको कार्य अन्तिम चरणमा पुगेको छ ।
रत्ननगर । हरितालिका तिजको अवसरमा रत्ननगर–१६, पिठुवामा आयोजना गरिएको बृहत् तीज गीत प्रतियोगिता शनिबार सम्पन्न गरिएको छ । “सफा, सुन्दर र समृद्ध वडा, स्वस्थ जीवन आजको आवश्यकता” भन्ने शीर्षकमा आयोजित प्रतियोगितामा वडाभित्रका विभिन्न टोल विकास संस्था तथा संघसंस्थाबाट ११ वटा समूहले प्रतिस्पर्धा गरेका थिए ।
प्रतियोगितामा जौबारी टोल विकास संस्थाले प्रथम स्थान हासिल गर्दै नगद २० हजार रुपैयाँ प्राप्त गरेको छ। त्यस्तै, भानु मेमोरियल आवासीय माध्यमिक विद्यालय द्वितीय हुँदै १५ हजार रुपैयाँ प्राप्त गरेको छ भने खैरेटी टोल विकास संस्था तृतीय स्थानमा रही १० हजार रुपैयाँ प्राप्त गरेको छ ।
सान्त्वना पुरस्कारतर्फ वनदेवी टोल विकास संस्था, हात्ती गाडी टोल विकास संस्था र नमुना कुँवर टोल विकास संस्थाले जनही ५ हजार रुपैयाँ प्राप्त गरेका छन् । त्यस्तै, उत्कृष्ट नृत्यतर्फको उपाधि पनि जौबारी टोल विकास संस्थाकी आयुष्मा बजगाईंले जितेकी छन् ।
प्रतियोगिताको उद्घाटन सत्रमा कार्यक्रम संयोजक पुरुषोत्तम लामिछानेले कार्यक्रमसम्बन्धी विस्तृत जानकारी प्रस्तुत गरेका थिए । कार्यक्रममा पिठुवा साना किसान कृषि सहकारी संस्थाका अध्यक्ष विष्णु भण्डारी कट्टेल, पिठुवा सामुदायिक सिकाइ केन्द्रका अध्यक्ष नेत्र घिमिरे, राप्रपाका वडाध्यक्ष डिल्ली गौतम, पिठुवा खानेपानी तथा सरसफाइ उपभोक्ता संस्थाका अध्यक्ष हरिकुमार श्रेष्ठ लगायतले शुभकामना मन्तव्य राखेका थिए ।
वडाध्यक्ष हेमराज थापाको अध्यक्षतामा सम्पन्न कार्यक्रममा रत्ननगर–१५ का वडाध्यक्ष आशिक तामाङ, वडा सचिव मञ्जु पौडेल, जनजागृति माध्यमिक विद्यालयका व्यवस्थापन समितिका अध्यक्ष मुकुन्द अधिकारी, पिठुवा गरिबी निवारण साना किसान कृषि सहकारी संस्थाका अध्यक्ष दिनेश घलान, सामाजिक व्यक्तित्व जयन्द्रकुमार श्रेष्ठ, वडास्तरीय जेष्ठ नागरिक समन्वय समितिका अध्यक्ष प्रेमप्रसाद पन्त, सातकन्या सामुदायिक वनका अध्यक्ष रामहरि पनेरु, भद्रकाली माविका प्रधानाध्यापक चिरञ्जीवी खनाललगायतको सहभागिता रहेको थियो ।
वडा सदस्य रीता विकले स्वागत मन्तव्य राखेको कार्यक्रममा उपहार कोइरालाले स्वागत नृत्य प्रस्तुत गरेकी थिइन् भने उद्यमी महिलाद्वय मुना कोइराला र सन्तोषी पौडेलले कार्यक्रम सञ्चालन गरेका थिए ।
कार्यक्रमका अध्यक्षसमेत रहेका वडाध्यक्ष हेमराज थापाले वडालाई वातावरणमैत्री वडा घोषणा गर्ने योजनाअनुरूप तीज गीत प्रतियोगिता आयोजना गरिएको जानकारी दिए । उनका अनुसार आवश्यक सूचकहरू पूरा गर्दै निकट भविष्यमा वडा वातावरणमैत्री वडा घोषणा गर्ने तयारी भइरहेको छ ।
काठमाडौँ । कारागार व्यवस्थापन विभागले सहकारी ठगी मुद्दामा रुपन्देही कारागारको थुनामा रहेका राष्ट्रिय स्वतन्त्र पार्टी (रास्वपा) सभापति रवि लामिछानेलाई नक्खु कारागारमा सरुवा गरेको छ ।
शनिबार साँझ उनलाई जहाजमार्फत त्रिभूवन विमानस्थल ल्याइएको र त्यहाँबाट नक्खु कारागार लगिएको विभागका सूचना अधिकारी सन्देशप्रसाद जोशीले जानकारी दिए ।
कारागार सरुवाका लागि सभापति लामिछानले दिएको निवेदनका आधारमा शुक्रबार विभागले नक्खु कारागार सार्ने निर्णय गरेको थियो । उक्त निर्णय विभागले शुक्रबार राति नै रुपन्देही कारागारमा पठाएको थियो । सोही आधारमा उनलाई कारागार सरुवा गरिएको जोशीले बताए ।
सुरक्षा संवेदनशीलतालाई ध्यानमा राखेर उनलाई जहाजमार्फत त्रिभूवन अन्तर्राष्ट्रिय विमानस्थल र त्यहाँबाट आवश्यक सुरक्षा व्यवस्थाका साथ गाडीमा नक्खु लगिएको हो । लामिछानेलाई ल्याउन लागिएपछि समर्थक र कार्यकर्ता नक्खु कारागार क्षेत्र र विमानस्थल क्षेत्रमा उपस्थिति भएका थिए ।
भीड बढी भएकाले उनको सुरक्षालाई ध्यानमा राखेर विमानस्थल आयल निगमको बाटो भएर विमानस्थलबाट नक्खु लगिएको प्रहरीले जनाएको छ ।
भरतपुर । बागमती प्रदेश सरकारको सहकारी तथा गरिबी निवारण मन्त्री बिनु रायमाझी पौडेलले समस्याग्रस्त सहकारीको अध्ययन गरी समस्या समाधानका लागि प्रदेश सरकार लाग्ने बताएकी छन् ।
नेपाली कांग्रेस चितवनले आयोजना गरेको बधाई तथा शुभकामना कार्यक्रममा बोल्दै उनले समस्या ग्रस्त सहकारीको अध्ययनका लागि विज्ञ टोली बनाएर काम गर्ने बताइन् । बागमती प्रदेश सरकारले सहकारीको समस्या समाधानका लागि विशेष पहल गर्ने उनले बताइन् । समस्याग्रस्त सहकारीको अध्ययन गरी त्यस्ता सहकारीका बचतकर्ताको बचत फिर्ता गर्नेगरी काम गरिने उनले बताइन् । उनले भनिन्, “समस्याग्रस्त सहकारीका बचतकर्ताहरुको बचत फिर्ता गर्नेगरी अध्ययन गरेर काम गछौँ ।”
नेपाली कांग्रेस चितवनका सभापति राजेश्वर खनालको अध्यक्षतामा सम्पन्न कार्यक्रममा सहकारीको समस्या समाधान गर्ने जिम्मेवारी कांग्रेसको काँधमा रहेको बताइएको थियो । सभापति खनालले समस्याग्रस्त सहकारीको समस्या औँल्याएर समस्या समाधानका लागि लाग्नुपर्ने बताए । अहिले देशभर यो समस्या रहेको बताउँदै उनले समस्या समाधानका लागि बागमती प्रदेशबाट महत्त्वपूर्ण काम हुनुपर्नेमा जोड दिए ।
कार्यक्रममा नेपाली कांग्रेसका नेता तथा कार्यकर्ताहरुको सहभागिता रहेको थियो । कार्यक्रमअघि नवनियुक्त मन्त्री पौडेलले विपी कोइराला मेमोरियल क्यान्सर अस्पतालमा रहेको विपीको शालिकमा माल्यार्पण गरेकी थिइन् ।
यस्तै, शनिबार उनलाई भरतपुर–१, देवद्धार देवघाटधाममा रहेको वागीश्वरी आध्यात्मिक परिषद् योगीनरहरिनाथ आश्रमले पनि बधाई तथा सम्मान कार्यक्रमको आयोजना गरी सम्मान गरेको छ ।
परिषद्का केन्द्रीय सदस्य एवम् परिषद्बाट सञ्चालित समावेशी गुरुकुलका संयोजकसमेत रहेकी मन्त्री पौडेललाई परिषद् परिवारले सम्मान गरेको हो । आश्रम परिसर वागीश्वरीमा भएको सो कार्यक्रमलाई सम्बोधन गर्ने क्रममा मन्त्री पौडेलले आध्यात्मिक परिषदबाट सञ्चालित, गौशाला गुरुकुल, प्राकृतिक चिकित्सालगायतका प्रकल्पहरुले ऐतिहासिक भूमि बागीश्वरीको संरक्षण अभियानमा टेवा पुगेको बताउँदै यस्ता महत्त्वपूर्ण क्षेत्रको संरक्षणमा लागिपर्ने बताइन् ।
सो अवसरमा बोल्दै परिषद्का संरक्षक ईमा माता (नागकन्या)ले राष्ट्रगुरु योगी नरहरिनाथले मातृशक्तिलाई सदैव अगाडि बढाउन लाग्ने विगत सम्झिइन् । उनले नवनियुक्त मन्त्री पौडेलले गुरुदेवको समाज रुपान्तरणको अभियान पछ्याएकोमा खुसी व्यक्त गर्दै समावेशी गुरुकुलले नै समाजका विभेद चिर्न सहयोग पुग्ने बताइन् ।
परिषद्का अध्यक्ष अशोक पोखरेलले परिषद्का केन्द्रीय सदस्य एवं परिषद्बाट सञ्चालित समावेशी गुरुकुलका संयोजक मन्त्रीजस्तो गरिमामय स्थानमा पुग्न सक्नु गौरवको क्षण भएको बताए । उनले मन्त्री पौडेलले राजनीतिसँगै यस्ता भूमिहरु चिनाउने अभियानलाई पनि सँगसँगै डो¥याउन सकेको भन्दै खुसी व्यक्त गरे ।
गुरुकुलका प्राचार्य खिमनाथ चालिसेले सहजीकरण गरेको कार्यक्रममा नेपाली कांग्रेस चितवनका पार्टी सभापति राजेश्वर खनाल, परिषद्का संरक्षकहरु शान्तप्रसाद पोखरेल, शैलेन्द्र पिया, उपाध्यक्ष सुकमाया भुजेल, महासचिव दुर्गाप्रसाद भण्डारी, परिषद् सहसचिव मित्रराज केसी, कोषाध्याक्ष रीना कोइरालालगायतको उपस्थिति रहेको थियो ।
कार्यक्रममा मन्त्री पौडेलले गुरुकुलका बटुकको लागि स्टेसनरी सहयोग गरेकी छन् । सो गुरुकुलमा सबै जातजातिका समावेशी विद्याथीहरु आवासीय सुविधाका साथ अध्ययन गर्दै आएका छन् ।
रत्ननगर । राधामाधव समिति नेपालको आयोजना एवम् सामुदायिक महिला स्वास्थ्य स्वयम्सेविका समन्वय समिति रत्ननगरको समन्वयमा श्रीकृष्ण जन्माष्टमीको अवसर पारेर बकुलहर रत्ननगर अस्पतालका बिरामीहरुलाई फलफूल तथा नवजात शिशुलाई न्यानो कपडा वितरण गरिएको छ ।
राधामाधव समिति नेपालका अध्यक्ष हरिशरण पाठकको अध्यक्षता एवम् रत्ननगर–२ का वडाध्यक्ष राजेन्द्रप्रसाद घिमिरेको प्रमुख आतिथ्यता रहेको कार्यक्रममा बकुलहर रत्ननगर अस्पतालका मेसु डा. मदन ज्ञवाली, रत्ननगर नगरपालिकाका स्वास्थ्य शाखा प्रमुख माधवप्रसाद पौडेल, नर्सिङ प्रमुख अम्बिका पौडेल, कार्यपालिका सदस्य राजेन्द्र हमाल, बकुलहर रत्ननगर अस्पतालका जनस्वास्थ्य शाखाका प्रमुख नारायणप्रसाद ढुङ्गानालगायतको उपस्थिति रहेको थियो ।
सामुदायिक महिला स्वास्थ्य स्वयम्सेविका समन्वय समिति रत्ननगरका संयोजक रीना गिरीले स्वागत मन्तव्य व्यक्त गरेको कार्यक्रमको सञ्चालन स्वयंसेविका मीना पौडेलले गरेकी थिइन् । कार्यक्रममा स्वास्थ्यकेन्द्रका इन्चार्ज, स्वास्थ्यकर्मीहरु, अस्पतालका डाक्टर तथा नर्स एवम् स्वास्थ्य स्वयंसेविकाहरुको सहभागिता रहेको थियो ।
अस्पतालका आकस्मिक र अन्य वार्डहरुका बिरामीहरुलाई फलफूल, जुस र नवजात शिशुलाई न्यानो कपडा वितरण गरिएको थियो ।
रत्ननगर । रत्ननगर नगरपालिका स्वास्थ्य शाखाको आयोजनामा डेंगु सचेतना तथा लामखुट्टेको बासस्थान खोज र नष्ट गर अभियान रत्ननगर–२ स्थित बकुलहर रत्ननगर अस्पताल परिसरबाट सुरू गरिएको छ ।
कार्यक्रममा डेंगु रोगबारे जानकारी दिँदै स्वास्थ्य शाखा माधवप्रसाद पौडेलले बकुलहर रत्ननगर अस्पताल परिसरबाट सुरू भएको यो अभियान प्रत्येक दुई साताको एक दिन शुक्रबार पारेर १६ वटै वडाका लामखुट्टेको बासस्थान खोज र नष्ट गर अभियान सञ्चालन हुने बताए ।
उनले रोग लाग्नुअगावै सचेतना र घर वरपरको सरसफाइ गर्दै लामखुट्टेको वृद्धि विकास रोक्नेतर्फ सबै नगरवासी लाग्नुपर्ने र यस अभियानमा सामुदायिक महिला स्वास्थ्य स्वयम्सेविकाहरुको भूमिका महत्त्वपूर्ण रहेको उल्लेख गरे ।
यस्तै, बकुलहर रत्ननगर अस्पतालका मेसु डा. मदन ज्ञवालीले समाजलाई आक्रान्त पार्ने चुनौतीका रुपमा डेंगु रोग रहेकोले सबै तहका सरकारले हातेमालो गर्दै लामखुट्टेको चक्रलाई तोड्दै अभियान सफल पार्न आग्रह गरे ।
रत्ननगर–२ का वडाध्यक्ष राजेन्द्रप्रसाद घिमिरेले डेंगु नियन्त्रणका लागि दिनहुँ ‘खोज र नष्ट गर’ अभियान सञ्चालन गर्न आवश्यक रहेको बताए । आफू विगतमा डेंगुबाट पीडित भएकाले यसको पीडा भोगेको अनुभव सुनाउँदै हरेक घर, टोल, समुदाय र स्वास्थ्य संस्थाको समन्वयमा दैनिकरुपमै अभियान सञ्चालन गर्नुपर्ने र त्यसका लागि आफ्नो वडाको साथ सहयोग रहने बताए ।
अभियानमा १६ वटै वडाका स्वास्थ्यकर्मी, महिला स्वास्थ्य स्वयंसेविकाहरुको सहभागिता रहेको थियो । नगरपालिकाले १६ वटै वडामा माइकिङ गरी नगरवासीलाई सचेतना प्रदान गरिएको स्वास्थ्य शाखा प्रमुख पौडेलले जानकारी दिए । अभियानअन्तर्गत अस्पताल क्षेत्र, टाँडी बजारलगायतका स्थानमा लामखुट्टेको बासस्थान नष्ट गरिएको थियो ।
भरतपुर । लोकप्रिय गायिका विष्णु माझीको तीज गीत ‘म त नराउरी’ सार्वजनिक भएको तीन दिनमै युट्युबमा ३० लाख ३० हजारभन्दा बढीपटक हेरिएको छ । तीज पर्वको छेको पारेर बुधबार सार्वजनिक भएको सो गीतमा १ लाख ६९ हजार बढीले प्रशंसायुक्त टिप्पणी गरेका छन् ।
तीज पर्वको परम्परा र मौलिकतालाई पछ्याएका कारण गायिका माझीको गीतलाई दर्शकस्रोताले रुचाएका हुन् । गत वर्ष पनि उनको तीज गीत ‘आइन आमा यो तीजमा‘’ ले सार्वजनिक भएको दुई दिन नबित्दै युट्युबमा ३० लाख बढी ‘भ्यूज’ बटुलेको थियो ।
माझीले विगत दुई दशकयता बर्सेनि तीज गीत सार्वजनिक गर्दै आएकी छन् । कतिपयले त विष्णु माझीको गीत आएपछि बल्ल तीज आएको आभास दिने गरेको टिप्पणीसमेत गर्छन् । तीजमात्र नभएर उनका हरेक लोकदोहोरी गीत सफल छन् ।
सुन्दरमणि अधिकारीको रचना र सङ्गीत रहेको गीत ‘म त नराउरी‘’ मा लैङ्गिक असमानताले निम्ताएको नारी वेदनालाई उठान गरिएको छ । गीतमा कुनै बेला नेपाली समाजमा व्याप्त छोरा र छोरीबीचको विभेदको मर्मस्पर्शी कथा छ । गीतले भन्छ–
‘दाइ र भाइले पिपलगेडी खाको
मैले छाम्दा गोजी रित्तै भाको‘’
गीतको म्युजिक भिडियोमा ललिता पौडेललगायत कलाकारको अभिनय रहेको छ । विगत केही वर्षदेखि कतिपय तीज गीत विवादमा तानिँदै आएकामा गायिका माझीको गीतले भने तीज गीतको मूल मर्मलाई समात्न सफल भएको छ । महिलाको संवेदना र मनोविज्ञान गीतमा मुखरित भएको छ । गीतमा मौलिकताको झल्को दिएको छ । यतिबेला हरेक ठाउँमा उनकै गीत घन्किरहेको छ ।
भरतपुर । लोकप्रिय गायिका मेलिना राईको स्वरमा नयाँ गीत ‘छड्के तिलहरी’ सनराइज म्युजिक युट्युबमार्फत सार्वजनिक गरिएको छ । गीतको शब्द सुधा मरहट्ठाले लेखेका हुन् भने सङ्गीत तथा एरेञ्ज किरण कँडेलको रहेको छ । गीतको निर्माणमा अनुराग परिहारको विशेष योगदान रहेको छ ।
भिडियोमा अस्मिता रन्पाल, विपना शर्मा, तुलराम परियार, दिनेश मुस्कान र विमला श्रेष्ठको अभिनय देख्न सकिन्छ। दिनेश मुस्कानको निर्देशनमा तयार भएको भिडियोको छायाङ्कन प्रकाश खड्काले गरेका हुन् । सम्पादन र कलर मिलन विश्वकर्माले गरेका छन् ।
गीतले परम्परागत नेपाली आभूषण ‘छड्के तिलहरी’लाई सांस्कृतिक र भावनात्मक कथामा बाँधेर प्रस्तुत गरेको छ। लोकधुन र आधुनिक शैलीको संयोजन भएको यस गीतमा प्रेम, गाउँघरको जीवनशैली र संस्कृतिको मिठास दर्शाइएको छ ।
‘छड्के तिलहरी’ सार्वजनिक भएको केही घन्टामै दर्शकहरूबाट सकारात्मक प्रतिक्रिया पाइरहेको छ ।
भरतपुर । विचाराधीन विद्यालय शिक्षा विधेयकमा समावेश केही बुँदामा आपत्ति जनाउँदै आन्दोलनको तयारी गरिरहेको निजी विद्यालयहरूको छाता संगठन प्याब्सनले चितवनका प्रमुख जिल्ला अधिकारी, जिल्ला समन्वय समिति चितवन र शिक्षा समन्वय इकाइ चितवनमा ज्ञापन पत्र बुझाएको छ ।
प्याब्सन चितवनका अध्यक्ष मदन पुरी नेतृत्वको निजी विद्यालय सञ्चालकहरूको एक टोलीले शुक्रबार आफ्ना मागहरू समेटिएको ज्ञापन पत्र बुझाउँदै सरकारको ध्यानाकर्षण गराएको हो ।
ज्ञापन पत्र बुझाउँदै अध्यक्ष पुरीले शिक्षा निःशुल्क गर्ने नाममा सरकारले हचुवाका भरमा ल्याउन लागेको विधेयक लगानीमैत्री नभएको र यसले निजी विद्यालयलाई तहस–नहस बनाउने बताउँदै सरकारले आफ्ना जायज माग पूरा नगरे आन्दोलनमा जानुको विकल्प नरहेको बताए ।
उनले भने, ‘वार्षिक ७.२ प्रतिशत जिडिपीमा योगदान पुर्याइरहेको र चार लाख रोजगारी सिर्जना गरिरहेको क्षेत्रलाई सरकारले अर्घेलो व्यवहार गरेको छ’, उनले भने, ‘निरन्तर बदलिने नीतिले निजी विद्यालयहरू अस्थिरता अन्योलपूर्ण वातावरणमा काम गर्न बाध्य हुनुपरेको छ ।’ उनले राज्यको काम नियमन गर्ने हो तर राज्यले नियन्त्रण गर्न खोजेको आरोप लगाए ।
प्रमुख जिल्ला अधिकारीलगायतलाई बुझाइएको ज्ञापन पत्रमा उल्लेख भएअनुसार विचाराधीन विधेयकमा भएको ‘निजी विद्यालयलाई क्रमशः गैरनाफामूलक बानइनेछ’ भन्ने वाक्यांशप्रति प्याब्सनको चर्को आपत्ति रहेको छ । व्यक्तिगत एवम् समूहगतरूपमा लगानी गरी सञ्चालन गरिएका निजी विद्यालयलाई सरकारीकरण गर्न दुई आर्थिक वर्षको सम्पूर्ण बजेटले पनि भ्याउने अवस्था छैन, यस्तोमा सरकारले हचुवाका भरमा विद्यालयलाई गैरनाफामूलक बनाउन असम्भव रहेको छ ।
विधेयकमा समावेश भएको ‘निजी विद्यालयले १५ प्रतिशत पूर्णछात्रवृत्ति दिनुपर्ने प्रावधानप्रति पनि प्याब्सन चितवनले आपत्ति जनाएको छ । ज्ञापन पत्रमा माग गरिएअनुसार अहिले चलिरहेको १० प्रतिशत कायम गर्नुपर्ने र छात्रवृत्तिमा मासिक शुल्क, भर्ना शुल्क र वार्षिक शुल्क मात्र समावेश गरिनुपर्ने माग राखेको छ । प्याब्सन चितवनका कोषाध्यक्ष युवराज पौडेलका अनुसार विधेयकमा व्यवस्था भएअनुसारको छात्रवृत्ति लागू हुँदा शुल्क वृद्धि गर्नुपर्ने बाध्यता आइपर्ने र र अहिलको अवस्थामा शुल्क वृद्धि गर्दा अभिभावकलाई थप मार पर्नेछ ।
ज्ञापन पत्र बुझ्दै प्रमुख जिल्ला अधिकारी प्रकाश पौडेलले विधेयक विचाराधीन नै रहेकोले अहिले नै आत्तिनपर्ने अवस्था नरहेको र यो अहिले अनुसन्धानकै अवस्थामा रहेको बताएका थिए । त्यस्तै, जिल्ला समन्वय समिति चितवनका एक सदस्यले सरकारले निजी विद्यालयका जायज माग पूरा गर्ने विश्वास व्यक्त गरेका थिए । त्यसैगरी शिक्षा समन्वय इकाइ चितवनका प्रमुख लक्ष्मण देवकोटाले जायज मागहरूप्रति आफू ऐक्यबद्ध रहेको बताएका थिए ।
पालिकागतरूपमा देशभर रहेका प्याब्सन कार्यालयले बिहीबार सम्बन्धित पालिकाहरूमा ज्ञापन पत्र बुझाएका थिए भने शुक्रबार देशभरका जिल्ला प्रशासन कार्यालयमार्फत् ज्ञापन पत्र बुझाइएको अध्यक्ष पुरीले जानकारी दिए ।
उनले भने, ‘हामीले विनम्रतापूर्वक सरकारसमक्ष आफ्ना जायज माग राखेका छौँ, सरकार वार्ताको माध्यमबाट समाधान खोज्न चाहन्छ भने हामी वार्तामा बस्न तयार छौँ, तर बलपूर्वक विधेयक पास गर्न खोजिए आन्दोलनको विकल्प छैन ।’
भरतपुर । गायक गणेश थापाको स्वरमा आधारित नयाँ कृष्ण भजन सार्वजनिक गरिएको छ। भक्तिभावले भरिएको यस भजनमा शब्द अभिषेक सिटौलाले लेखेका हुन् भने संगीत बिपिन घिमिरेले दिएका छन् ।
भजनमा धार्मिक आस्थालाई समेट्दै परम्परागत र आधुनिक संगीत संयोजन गरिएको छ। गीतको एरेञ्ज पुरूषोत्तम सुवेदीले गरेका छन् । कोरस गायनमा अनूमा चौधरी, शिला प्रधान, कुमार केसी र बिपिन घिमिरे सहभागी छन् ।
नेपाली मौलिक बाजा मादल र खैंजडी पोषण घर्ती मगरले बजाएका छन् भने बाँसुरीमा रत्न बी.के. र सारंगीमा मनिष गन्धर्वको वादन रहेको छ। गिटार बिकाश सुनारले सम्हालेका छन् । गीतको रेकर्डिङ, मिक्सिङ तथा माष्टरिङ कुमार केसीले गरेका हुन्। सम्पूर्ण अडियो ‘फिल स्टुडियो’मा तयार गरिएको हो ।
भिडियो निर्देशन जीवन शाहीले गरेका छन् भने छायांकन र सम्पादन सुशील डाँगीको रहेको छ। भजनको निर्माण सबला थापाले गरेकी हुन् ।
निर्माण टिमका अनुसार श्रीकृष्णको महिमा र भक्तिभाव प्रस्तुत गर्ने उद्देश्यले तयार गरिएको यस भजनले विशेषगरी हिन्दू धर्मावलम्बीहरूमा आध्यात्मिक प्रेरणा जगाउने विश्वास गरिएको छ ।
श्रीकृष्ण जन्माष्टमी हिन्दू सभ्यतामा विशेष महत्व राख्ने पर्व हो। यो पर्वले केवल धार्मिक भावनालाई मात्र जागृत गर्दैन, यसले ऐतिहासिक, सामाजिक र दार्शनिक दृष्टिले पनि गहिरो सन्देश दिन्छ। द्वापर युगमा कंशको बन्दीगृहमा जन्मिएका कृष्णको जीवन यात्रा असाधारण रह्यो। मथुराको अत्याचारी राजा कंश आफ्नै बहिनी र उनको सन्तानको शत्रु बनेको अवस्थामा वसुदेव र देवकीका छोरा कृष्ण जन्मिए। जन्मेको क्षणदेखि नै उनको जीवन जोखिमपूर्ण र संघर्षमय थियो। कंशले देवकीका सबै सन्तानलाई मारिरहेको समयमा कृष्णलाई सुरक्षित राख्न वसुदेवले यमुना नदी पार गरेर गोकुल पुर्याए। त्यहाँ यशोदा र नन्दको स्नेह र माया पाएर कृष्ण हुर्किए। यसरी उनको बाल्यकाल आम ग्वालबालसँग बित्यो।
क्षितिज विक्रम खनाल
गोकुलमा हुर्किँदै गर्दा कृष्णको जीवन कथामा रमाइलोपन र गम्भीरता दुवै पाइन्छ। बाल्यकालमा उनले माखन चोरी गरेका, ग्वालिनीहरूसँग खेल्दै बाँसुरी बजाएका, साथीहरूलाई रमाइलो गराएका कथा प्रचलित छन्। तर यी रमाइला कथाभित्र पनि गहिरो शिक्षा लुकेको छ। उदाहरणका लागि, गोवर्धन पर्वत कान्छी औंलाले उठाएको कथा केवल चमत्कार मात्र होइन, दम्भी इन्द्रको करप्रणालीविरुद्ध जनतालाई संगठित गर्ने आन्दोलन पनि हो। यसले जनतालाई संगठित भएर अन्यायविरुद्ध उठ्न सकिन्छ भन्ने दृष्टान्त प्रस्तुत गर्दछ। यसरी बाल्यकालमै कृष्णले साहस, नेतृत्व र संगठनको शक्ति देखाएका थिए।
वयस्क भएपछि कृष्णले मथुरामा कंशको वध गरेर अत्याचारको अन्त्य गरे। तर यहाँ उल्लेखनीय कुरा के हो भने, उनले आफैंलाई राजा घोषणा गरेनन्। बरु, कंशकै पिता उग्रसेनलाई फेरि गद्दीमा बसालिदिए। यसबाट कृष्णले नेतृत्वको असली स्वरूप देखाए। नेतृत्व पद वा शक्ति प्राप्ति होइन, जिम्मेवारी, आदर्श र त्याग हो भन्ने शिक्षा उनले आफ्नो व्यवहारबाट दिए। आजको समाजमा जहाँ धेरैजसो नेता स्वार्थका लागि कुर्सीमा टाँसिन्छन्, त्यहाँ कृष्णको यो दृष्टिकोण प्रेरणादायी छ।
महाभारतको युद्ध कृष्णको जीवनको अर्को महत्वपूर्ण अध्याय हो। पाण्डव र कौरवबीचको संघर्ष केवल राजगद्दीको लडाइँ थिएन, यो धर्म र अधर्मबीचको निर्णायक टक्कर थियो। अर्जुन आफ्ना आफन्तहरूसँग युद्ध गर्नुपर्ने अवस्थामा निराश भएका बेला कृष्णले दिएको उपदेश नै भगवद्गीता हो। गीता आज केवल हिन्दू धर्मग्रन्थ मात्र होइन, विश्व दर्शनको महान् ग्रन्थ मानिन्छ। यसले कर्मयोग, भक्तियोग, ज्ञानयोगका सिद्धान्त प्रस्तुत गर्दछ। कृष्णले भनेका थिए—कर्तव्य पालना गर, परिणामको मोह नगर। यो सन्देश आज पनि जीवनलाई सरल, अर्थपूर्ण र संतुलित बनाउन उपयोगी छ। आधुनिक प्रतिस्पर्धा र तनावले ग्रस्त मानिसका लागि गीता नै मानसिक शान्तिको आधार बन्न सक्छ।
कृष्णको जीवनलाई सामाजिक दृष्टिले हेर्दा पनि उनी अद्वितीय देखिन्छन्। संस्कृतको ‘कृष्’ धातुबाट बनेको कृष्ण शब्दको अर्थ जोत्नु, खन्नु, खेती गर्नु हुन्छ। यस हिसाबले कृष्ण कृषक संस्कृतिका आरम्भकर्ता मानिन्छन्। ग्वालाको रूपमा उनले पशुपालनलाई सम्मान दिलाए, दुग्धजन्य उत्पादनलाई मूल्यवान् बनाए। उनले अन्नधान्यको महत्व बुझाए, सञ्चय र उत्पादनलाई व्यवस्थित गरे। यसरी कृषक, पशुपालक र श्रमिकलाई समाजमा प्रतिष्ठा दिने कार्य उनले गरे। आज पनि हाम्रो समाजमा श्रमलाई दोस्रो दर्जामा हेर्ने प्रवृत्ति छ, तर कृष्णले श्रमलाई गौरव दिलाएका थिए। यस अर्थमा उनी केवल भगवान् होइनन्, श्रमिक वर्गका अभिभावक पनि हुन्।
कृष्णको वर्ण कालो थियो। तर उनी आकर्षक थिए। उनको कालो वर्णले तत्कालीन समाजमा विद्यमान सुन्दरताको परिभाषा बदलिदियो। त्यतिबेला गोरालाई मात्र सुन्दर मान्ने प्रवृत्तिलाई कृष्णले उल्टाइदिए। यसरी उनले विविधतालाई स्वीकार्ने दृष्टि समाजलाई दिए। आधुनिक समाजमा अझै पनि जात, भाषा, धर्म, लिङ्ग र वर्णका आधारमा भेदभाव हुने गरेको छ। कृष्णको जीवनले सिकाउँछ—सुन्दरता र मूल्य आन्तरिक गुण र कर्ममा हुन्छ, बाह्य स्वरूपमा होइन। यो दृष्टिकोण आज पनि अत्यन्त सान्दर्भिक छ।
श्रीकृष्णको जीवनसँग जोडिएको अर्को बहसिलो पक्ष हो—उनका श्रीमतीहरूको कथा। कतिपयले यसलाई नकारात्मक दृष्टिले हेर्छन्, बहुविवाहको दोष लगाउँछन्। तर यथार्थमा भौमासुरले अपहरण गरेका हजारौँ युवतीलाई कृष्णले उद्धार गरेर पुनःस्थापित गरेका थिए। त्यस समयमा समाजले यस्ता महिलालाई स्वीकार नगर्ने स्थिति थियो। कृष्णले भने उनीहरूलाई सम्मानका साथ आश्रय दिए। यसलाई केवल विवाहको प्रसङ्ग होइन, सामाजिक पुनःस्थापनाको जिम्मेवारीको रूपमा बुझ्नुपर्छ। आज पनि महिला हिंसा, अपहरण वा बेचबिखनका पीडितलाई समाजले सजिलै स्वीकार गर्दैन। यस्तो अवस्थामा कृष्णको उदाहरणले हामीलाई गहिरो शिक्षा दिन्छ—मानवताको पहिलो कर्तव्य पीडितलाई आत्मसात् गर्नु हो।
कृष्णको जीवन कला, संगीत र प्रेमसँग पनि गहिरो रूपमा जोडिएको छ। उनले मुरली बजाए, रासलीला गरे, वनमालीको प्रतीकमार्फत सौन्दर्यलाई सम्मान दिए। यसरी उनले जीवनलाई कलात्मक बनाए। उनले देखाए—जीवन केवल संघर्ष मात्र होइन, प्रेम, रमाइलो र सौन्दर्य पनि हो। यही कारण कृष्णलाई पूर्ण व्यक्तित्व मानिन्छ। युद्धका बेलामा अर्जुनलाई योग शिक्षा दिने कृष्ण शान्त समयमा मुरली बजाएर गाउँलाई रमाइलो बनाउँथे। यो जीवनको सन्तुलन हो, जुन आजको समाजले पनि सिक्नुपर्ने कुरा हो।
आज हामी आधुनिक समाजमा छौँ। विज्ञान, प्रविधि र विकासको दौड भए पनि समाजमा असमानता, अन्याय, भ्रष्टाचार, हिंसा र विभाजन अझै छन्। यस्तो अवस्थामा कृष्णको जीवन र शिक्षाको महत्व अझ बढ्छ। कंश र इन्द्रविरुद्ध लडेजस्तै हामीले पनि शोषण र अन्यायविरुद्ध आवाज उठाउनुपर्छ। गोवर्धन पर्वत उठेजस्तै जनता संगठित भए जुनसुकै शक्तिशालीलाई पनि परास्त गर्न सकिन्छ। कृषक कृष्णको आदर्शले हामीलाई श्रम र उत्पादनलाई सम्मान गर्न सिकाउँछ। कृष्णको कालो वर्णले विविधतालाई आत्मसात् गर्न प्रेरणा दिन्छ। अपहृत युवतीलाई आश्रय दिने मानवीयता आजका पुनःस्थापनाका प्रयाससँग मेल खान्छ। गीता हाम्रो जीवनलाई मार्गदर्शन गर्न सक्ने दार्शनिक आधार हो। यी सबै शिक्षाले हामीलाई केवल धार्मिक विश्वास नभई सामाजिक चेतना र नैतिक जीवनशैली दिन्छ।
श्रीकृष्ण जन्माष्टमी पर्व मनाउँदा हामी केवल मन्दिरमा फूल, धुप र नैवेद्य चढाएर मात्र नबसौँ। त्यो श्रद्धा अधूरो हुन्छ यदि हामीले कृष्णको जीवनबाट शिक्षा लिएनौँ भने। कृष्णले देखाएका गुणहरू—साहस, नेतृत्व, त्याग, संगठन, श्रमप्रतिको सम्मान, विविधताको स्वीकृति, प्रेम र कला, मानवताको उदारता—यी सबैलाई हामीले व्यवहारमा उतार्नुपर्छ। यदि हामीले यी गुणलाई आत्मसात् गर्न सक्यौँ भने हाम्रो जीवन मात्र होइन, हाम्रो समाज पनि न्यायपूर्ण, समावेशी र समृद्ध बन्न सक्छ।
यस अर्थमा श्रीकृष्ण केवल भक्तका भगवान् मात्र होइनन्, सम्पूर्ण मानवका गुरु हुन्। उनको जीवन दर्शनले हामीलाई सिकाउँछ—धर्म भनेको अनुष्ठान मात्र होइन, सत्य, न्याय र प्रेममा आधारित जीवन हो। कृष्णलाई अन्धविश्वासका रूपमा होइन, शिक्षाको स्रोतका रूपमा बुझौं। उनको जीवन आदर्शलाई आत्मसात् गरेर हामी आफैँ पनि आफ्नो क्षेत्रमा कृष्ण बन्न सकौँ। यही हो श्रीकृष्ण जन्माष्टमीको वास्तविक महत्त्व।
भक्तपुर । चक्रे मिलन भनेर चिनिने मिलन गुरूङ रु एक लाख १० हजार धरौटी बुझाएर रिहा भएका छन् । ज्यान मार्ने उद्योगसम्बन्धी मुद्दामा भक्तपुर जिल्ला अदालतका न्यायाधीश रामप्रसाद न्यौपानेको इजलासले शुक्रबारै धरौटीमा छाड्न आदेश दिएको थियो ।
२०८१ भदौ १० गते मध्यपुर थिमि–२, दिव्यश्वरी प्लानिङस्थित तावा रेस्टुरेन्टमा मनीष रायमाझीमाथि खुकुरी प्रहार गरेको अभियोगमा प्रहरीले चक्रे मिलनलाई पक्राउ गरी मुद्दा चलाएको थियो ।
यही साउन १५ गते जन्मदिन मनाइरहँदा काठमाडौँको महाराजगञ्जस्थित साम्बाला होटलबाट मध्यराति चक्रे मिलन पक्राउ परेका थिए । प्रहरीले उनलाई ज्यान मार्ने उद्योगसम्बन्धी मुद्दामा प्रहरी वृत्त थिमिमार्फत सरकारी वकिलको कार्यालय भक्तपुरमा साउन २३ गते बयान गराएको थियो ।
शुक्रबार नै बकपत्र र थुनछेक बहस सकिएपछि अदालतले धरौटीमा छाड्न आदेश दिएको हो ।
बागमती । बागमती प्रदेशमा मन्त्रिपरिषद् विस्तार गरिएको छ । मुख्यमन्त्री इन्द्रबहादुर बानियाँले शुक्रबार नेपाली कांग्रेसबाट पाँच जनालाई मन्त्री नियुक्त गरी मन्त्रीपरिषद् विस्तार गरेका हुन् ।
मुख्यमन्त्री बानियाँले सामाजिक विकास मन्त्रीमा कञ्चनचन्द्र बादे, आर्थिक मामिला तथा योजना मन्त्रीमा प्रभा चामाङ, युवा तथा खेलकुद मन्त्रीमा उर्मिला केसी नेपाल, संस्कृति तथा पर्यटन मन्त्रीमा सुरेश श्रेष्ठ र सहकारी तथा गरिबी निवारण मन्त्रीमा बिनु रायमाझीलाई नियुक्त गरेका हुन् । नवनियुक्त मन्त्रीहरूलाई एक समारोहबीच प्रदेश प्रमुख दीपकप्रसाद देवकोटाले सपथग्रहण गराए ।
यही साउन २० गते मुख्यमन्त्रीमा नियुक्त भएका बानियाँले सोही दिन नौ सदस्यीय मन्त्रिपरिषद् गठन गरेका थिए । यसअघि मुख्यमन्त्री बानियाँको सिफारिसमा कांग्रेसबाट शिवराज अधिकारी बिना विभागीयमन्त्री र कृष्णा तामाङ खानेपानी, ऊर्जा तथा सिंचाइ मन्त्री बनेका थिए ।
मन्त्री अधिकारीलाई आन्तरिक मामिला तथा कानून मन्त्रालयको जिम्मेवार दिइएको छ । यस्तै, मुख्यमन्त्री बानियाँले नेपाल कम्युनिस्ट पार्टी (एमाले)का तर्फबाट मधुसूदन पौडेललाई कृषि तथा पशुपक्षी विकास मन्त्री, डा दिनेशचन्द्र देवकोटालाई भौतिक पूर्वाधार विकासमन्त्री, भरत केसीलाई वन तथा वातावरण मन्त्री, जयराथ थापालाई श्रम तथा यातायात मन्त्री, बिन्दु श्रेष्ठलाई उद्योग, वाणिज्य, भूमि तथा प्रशासनमन्त्रीमा नियुक्त गरेका थिए ।
रत्ननगर । रत्ननगर नगरपालिका वडा नं–१६ वडा कार्यालय तथा पिठुवा स्वास्थ्यचौकीको संयुक्त आयोजनामा डेंगु सचेतना तथा लामखुट्टेको बासस्थान खोज र नष्ट अभियान सुरू भएको छ ।
अभियानमा वडाध्यक्ष हेमराज थापाले डेंगु रोग लाग्न नदिन बच्न लामखुट्टेको टोकाइबाट बच्नु नै एकमात्र विकल्प रहेकाले लामखुट्टेको बासस्थान नै नष्ट गर्नेतर्फ लाग्नुपर्नेमा जोड दिए ।
कार्यक्रममा पिठुवा स्वास्थ्यचौकीका इन्चार्ज नरहरि श्याम शर्माले डेंगु रोगको लक्षण, रोकथामका उपायहरूबारे जानकारी गराएका थिए । उनले स्थानीयस्तरमा लामखुट्टेको प्रजननस्थल खोजी गरी नष्ट गर्ने अभियान हरेक दुई हप्ताको शुक्तबार सञ्चालन गरिने बताए ।
वडा सचिव मञ्जु पौडेलले सञ्चालन गरेको कार्यक्रममा वडा सदस्यहरु रीता विक, सरिता गुरुङ, चीजकुमार श्रेष्ठ, ज्ञानेन्द्र रेग्मी, वनदेवी टोल विकास संस्थाका अध्यक्ष रामचन्द्र दवाडी, वनदेवी आमा समूहका अध्यक्ष अप्सरा दाहाल, हात्तीगाडे टोल विकास संस्थाका अध्यक्ष गीता गिरी, वडाअन्तर्गतका विभिन्न राजनीतिक दल, महिला स्वास्थ्य स्वयंसेविका तथा वडावासीहरूको सक्रिय सहभागिता रहेको थियो ।
रत्ननगर । नेपाली कांग्रेस रत्ननगर कार्यसमितिको आयोजनामा नेपाली हिन्दु नारीहरुको महान् पर्व हरितालिका तीज तथा थारु महिलाहरुको जितिया पावनीको अवसरमा दरखाने तथा उद्यमशील महिला सम्मान कार्यक्रम रत्ननगर–१ निपनीस्थित होटल स्टारमा सम्पन्न भएको छ ।
कांग्रेस रत्ननगर कार्यसमितिका कार्यवाहक सभापति कमलनाथ अधिकारीको सभापतित्वमा सम्पन्न कार्यक्रममा नगर सचिव तथा कार्यक्रम संयोजक अनिता अर्यालले स्वागत मन्तव्य राखेकी थिइन् ।
कार्यक्रमका प्रमुखअतिथि नेपाली कांग्रेसकी केन्द्रीय सदस्य अन्जनी श्रेष्ठले नेपाली कांग्रेसले महिला सशक्तीकरण, समावेशीकरण र महिला अधिकारको मुद्दालाई जोड दिँदै आएको र पार्टीमा नेतृत्व गर्ने अवसर प्रदान गरेको बताइन् । नारीहरु सशक्तरुपमा एकजुट हुनसके मात्रै राज्यबाट अधिकार प्राप्त हुने उनको भनाइ थियो ।
रत्ननगरमा कांग्रेसका महिला दिदीबहिनीहरुको उत्साहजनक उपस्थिति हेर्दा कांग्रेसको लोकप्रियता अझै बढेको अनुभूति भएको उनले बताइन् । नेतृ श्रेष्ठले जहाँ महिलाको सम्मान र कदर हुन्छ त्यहाँ विकास र समृद्धि पनि हुने भन्दै महिला दिदीबहिनीहरुको उत्साहजनक उपस्थितिमा उद्यमी महिलालाई सम्मान गरेकोमा कांग्रेस रत्ननगर कार्यसमितिप्रति आभार प्रकट गरिन् ।
कार्यक्रममा कांग्रेस चितवनका सभापति राजेश्वर खनाल, पूर्वजिल्ला सभापति जीतनारायण श्रेष्ठ, संविधानसभा सदस्य सावित्रीदेवी चौधरी, कांग्रेस नगर सभापति एवम् रत्ननगर नगरपालिकाका नगरप्रमुख प्रलाद सापकोटालगायतले मन्तव्य राखेका थिए । कार्यक्रममा नेपाल महिला संघ जिल्ला समितिका कोषाध्यक्ष रीता काप्रीले तीज गीत प्रस्तुत गरेकी थिइन् ।
कार्यक्रममा, कांग्रेस चितवनका उपसभापतिद्वय राजीव न्यौपाने, शालिग्राम शर्मा, सीता रिजाल, दिनेश अधिकारीलगायत, बागमती प्रदेश कार्यसमिति सदस्यहरु, महासमिति सदस्यहरु, क्षेत्रीय सभापति गोविन्द गौतम, महाधिवेशन प्रतिनिधि, जनप्रतिनिधिलगायतको उपस्थिति रहेको थियो ।
कार्यक्रममा उद्यमशीलता, आत्मनिर्भरता र समुदायको आर्थिक सशक्तीकरणमा पु¥याएको योगदानको कदर गर्दै १७ महिला तथा संस्थालाई ‘उद्यमशील महिला सम्मान’ गरिएको थियो ।
सम्मानित हुनेहरुमा विष्णु लामा, फूलमाया श्रेष्ठ, पवित्रा श्रेष्ठ, तारा अर्याल, विद्या खत्री, उषामाया चौधरी, सरस्वती चौधरी, भगवती भट्ट लामिछाने, सरला भट्ट, चण्डिका ढकाल, गोमादेवी अधिकारी, कोपिला श्रेष्ठ, विष्णुमाया तामाङ, विविमाया घलान, प्रगतिशील महिला उद्यमी समूह, सिद्धि गणेश महिला दुना टपरी उद्योग र सियोन फुड एण्ड फ्रोजन प्रोडक्ट इन्डस्ट्रिज रहेका छन् ।
कार्यक्रममा करिब दुई हजारको संख्यामा महिला सहभागी भएका थिए । उनीहरुले एकापसमा नाचगान गरी रमाइलो गर्दै दर खाएका थिए । 
भरतपुर । दुग्ध उत्पादक सहकारीले दूधको भुक्तानी नपाएको गुनासो गरेका छन् । केन्द्रीय दुग्ध उत्पादक सहकारी सङ्घको चितवनमा सम्पन्न ३१औँ सञ्चालक समिति बैठकले दूधको भुक्तानी नपाएमा आगामी भदौ ४ गतेदेखि चरणबद्ध आन्दोलन गर्ने चेतावनीसमेत दिएका छन् ।
दुग्ध उत्पादक सहकारीले भुक्तानी नपाउँदा किसानलाई समेत भुक्तानी गर्न नसकिएको जनाउँदै आन्दोलन गर्ने चेतवनी दिएका हुन् । सङ्घका अध्यक्ष अम्बरबहादुर कुँवरले भदौ ४ गते जिल्ला सहकारी सङ्घका अध्यक्षहरुको भेला आयोजना गर्ने र सोही भेलाले थप निर्णय लिने बताए ।
अहिले देशभरका दुग्ध उत्पादकले सरकारी र निजी क्षेत्रबाट गरी रू चार अर्ब बढी भुक्तानी पाउन बाँकी रहेको उनले जानकारी दिए । पटक–पटक वार्ता र छलफल गर्दासमेत भुक्तानी पाउने सम्भावना नदेखेपछि आन्दोलनमा जुट्नु परेको उनले बताए । उनका अनुसार दुग्ध विकास बोर्डको रू एक अर्ब र निजी क्षेत्रबाट रू तीन अर्ब भुक्तानी पाउनुपर्ने छ । सरकारसँग भएको वार्तापछिको ११ बुँदे सहमति कार्यान्वयनमा नआएको भन्दै सङ्घले आन्दोलनको तयारी गरेको हो ।
बैठकपछि बिहीबार पत्रकार सम्मेलनको आयोजना गर्दै सङ्घले दुग्ध उत्पादक किसानको रकम तिर्ने र नतिर्ने उद्योगको वर्गीकरण गरेर सार्वजनिक गर्नेसम्मका कार्यक्रम गरिने सङ्घका महासचिव राम आचार्यले जानकारी दिए । उनले भने “कतिपय उद्योगले भुक्तानी गरिरहेका छन् । त्यस्ता उद्योग र भुक्तानी नगर्ने उद्योगको वर्गीकरण गरेर भुक्तानी पाउनुपर्ने रकमसहित सार्वजनिक गछौंँ ।”
पटक–पटकका छलफलबाट निकास नआएको भन्दै उनले एक सातासम्म भुक्तानी बाँकी भएका उद्योगलाई भुक्तानी गर्नसमेत आग्रह गरे । सङ्घका उपाध्यक्ष भागिरथ तिमिल्सिनाले दूध बेचेर घरगृहस्थी सञ्चालन गर्ने किसानलाई उद्योगीले अपहेलित गरेकाले आन्दोलनमा जाने तयारी गरिएको बताए ।
उनका अनुसार दुग्ध विकास बोर्ड र निजी उद्योगले सामान बिक्री भएपछि भुक्तानी दिने भनेर बताए पनि लामो समयदेखिको भुक्तानी बाँकी रहेको बताए । दुग्ध विकास बोर्डले गत माघ महिनादेखिको भुक्तानी दिन बाँकी रहेको छ, भने निजी क्षेत्रको मङ्सिरदेखिको भुक्तानी दिन बाँकी रहेको छ ।
सङ्घका सचिव थानेश्वर सापकोटाले विभिन्न बाहनामा किसानको दूधको भुक्तानी उद्योगीले नदिएको भन्दै आक्रोश व्यक्त गरे । यही अवस्था रहे दुग्ध उत्पादक किसान समस्यामा पर्ने भन्दै सरोकारवालाले समस्या समाधानमा चासो दिनुपर्ने बताए । सरकार र निजी क्षेत्र उदासीन बन्दा दुग्ध उत्पादक किसान समस्यामा रहेको उनको भनाइ छ ।
चितवन । विपी कोइराला मेमोरियल क्यान्सर अस्पतालमा बोनम्यारो प्रत्यारोपण गर्ने तयारी गरेको छ । यसका लागि चिनियाँ सात सदस्यीय टोली बिहीबार चितवन आएको छ ।
अस्पतामा बोनम्यारो प्रत्यारोपणका लागि चीन सरकारले भवन, आवश्यक उपकरण र जनशक्ति व्यवस्थापनमा समेत सहयोग गर्दैछ । नेपाल सरकार र चीन सरकारकाबीचमा यससम्बन्धी सम्झौता भइसकेको छ । अस्पतालका कार्यकारी निर्देशक डा शिवजी पौडेलका अनुसार सो विज्ञ टोलीले बोनम्यारो प्रत्यारोपण गर्नका लागि अस्पतालका आवश्यक पर्ने अन्य सहायक विभागको अध्ययन गर्ने छ ।
सघन उपचार कक्ष, रेडिएसन अङ्कोलोजी, प्रयोगशाला, मेडिकल अङ्कोलोजीलगायतका विभागको अहिलेको अवस्था र यसबाट बोनम्यारो प्रत्यारोपणमा हुनसक्ने सहयोगका बारेमा टोलीले अध्ययन गर्नेछ । कार्यकारी निर्देशक डा पौडेलका अनुसार चीनबाट नियमित रुपमा यहाँ आउने चिकित्सक टोलीको यसअघिको १५औँ टोलीका प्रमुख चाहु क्वीमिङ्गको नेतृत्व सात जना विज्ञ चिकित्सक सहभागी छन् । चिनियाँ टोलीलाई अस्पतालमा स्वागत गर्दै सञ्चालक समितिका अध्यक्ष डा विजय न्यौपानेले यथासक्य छिटो काम सम्पन्न गरेर बिरामीलाई सेवा दिने वातावरण निर्माण गरिदिन आग्रह गरे ।
अस्पतालका कार्यकारी निर्देशक डा पौडेलका अनुसार हालको प्रशासनिक भवननजिकै बोनम्यारो प्रत्यारोपणका लागि आधुनिक दुई तले भवन निर्माण गरिने छ । यस कामका लागि स्वास्थ्य तथा जनसङ्ख्या मन्त्रालयबाट आवश्यक सम्पूर्ण प्रक्रिया पूरा गरी वातावरणीय प्रभाव मूल्याङ्कनका लागि वन तथा वातावरण मन्त्रालयमा फाइल पुगेर अन्तिम चरणको काम भइरहेको छ । उनले भने “सम्भवत अबको एक दुई सातामा यो काम सम्पन्न हुन्छ ।”
यसका लागि अस्पतालमा रहेका २९ वटा भवनको अभिलेखीकरण गरी नक्शा पास गरेको छ । भरतपुर महानगरपालिकालाई रू एक करोड ७८ लाख राजस्व बुझाएर नक्शा पास गरी अभिलेखीकरण गरिएको हो । वातावरणीय प्रभाव मूल्याङ्कनको काम सम्पन्न भएपछि चिनियाँ तर्फबाट निर्माणको काम थालिने छ ।
ढिलोमा तीन वर्षभित्रमा बोनम्यारो प्रत्यारोपणको काम सुरू हुने चिनियाँ टोलीले जानकारी दिएको पौडेलले बताए । सुरूमा चार शय्याको विभाग बन्नेछ । यसबाट एक वर्षमा ५० जना हाराहारीको बोनम्यारो प्रत्यारोपण गर्न सकिने मेडिकल अङ्कोलोजी विभागका प्रमुख डा गुरूशरण साहले बताए ।
रत्ननगर । रत्ननगर–१, निपनीमा रहेको ज्ञानसुधा टेक्निकल (जिएसटी) कलेजले बिहीबार बिबिए कार्यक्रमअन्तर्गत लन्चप्याड सेलेब्रेटिङ सक्सेस चार्टिङ फ्युचर्स प्रोगाममा प्रतिभा पलायनले पार्ने असर र प्रतिभाले प्राप्त गर्ने लाभका सन्दर्भमा छलफल गरेको छ ।
स्थानीय शिक्षालाई विश्वव्यापी सफलतामा रुपान्तरण गर्ने उद्देश्यले होटल स्टार निपनीमा आयोजित सो कार्यक्रममा ब्रेन ड्रेन टु ब्रेन गेन टर्निङ लोकल एजुकेसन इन्टु ग्लोबल एक्सेस शीर्षकमा प्यानल डिस्कसन गरिएको थियो ।
प्यानल डिस्कसनमा प्यानलिस्टहरु न्यू क्यापिटल कलेजका प्राचार्य तथा हिसानका केन्द्रीय सदस्य भूपेन्द्र धिताल, स्काइराइडर स्कुलका प्राचार्य तथा प्याब्सन चितवनका अध्यक्ष मदन पुरी र नेपाल आदर्श शिक्षा सदनका अध्यक्ष आइपी लामिछानेले प्रतिभा पलायनले पार्ने असर र प्रतिभाले प्राप्त गर्ने लाभका सन्दर्भमा बिस्तृत छलफल गरेका थिए ।
ई. सागर कार्कीले सहजीकरण गरेको कार्यक्रममा प्यानलिस्ट भूपेन्द्र धितालले शैक्षिक अवसरका रुपमा अमेरिकामा अध्ययन गरे पनि स्वदेशमै साढे तीन दशक शिक्षण यात्रामा आफूले सफलता हासिल गरेको बताए । आफूलाई शिक्षण पेसाप्रति गर्व महसुस भएको र जीवनमा प्राप्त गर्नुपर्ने सबै प्रकारका सफलता हासिल गरे पनि पिएचडी गर्ने हुटहुटीचाहिँ मनभित्र रहेको उनले बताए ।
यस्तै, अर्का प्यानलिस्ट आइपी लामिछानेले अध्ययन गर्न र शैक्षिक सफलता हासिल गर्न उमेरले नछेक्ने बताउँदै पाको उमेरमै आफूले स्नातकोत्तर हासिल गरेको बताए । नेपालमै शिक्षा हासिल गरेका जनशक्ति विश्वभर रहेको र विभिन्न विश्वविद्यालयहरुमा ख्याति कमाएको उल्लेख गरे । उनले शैक्षिक परामर्श केन्द्रका बोर्डहरु घरघरमा झुन्डिरहँदा नेपालमै रहेका विश्वविद्यालयका बारेमा प्रचार हुन नसकेको उल्लेख गरे ।
यसैगरी, अर्का प्यानलिस्ट मदन पुरीले आफ्नो बाल्यकाल सुखद नरहे पनि बाँकी यात्रामा पछाडि फर्केर हेर्न नपरेको बताए । उनले नेपाल माविदेखि शहीद स्मृति बहुमुखी क्याम्पस हुँदै २०५३ सालमा एमबिए उत्तीर्ण गरेको स्मरण गर्दै शैक्षिक सफलता हासिल गर्न चाहनेका लागि नेपालमै भविष्य उज्ज्वल रहेको उल्लेख गरे ।
प्याब्सन चितवनका अध्यक्षका हैसियतले चितवनलाई शैक्षिक हब बनाउने उद्देश्यले काम गरिरहेको बताउँदै आफ्नै बारीको हिरा चिन्न नसकेर असंख्य मानिसहरु भौँतारिइरहेको बताए । मेहनत, लगनशिलता र लक्ष्य बोकेर हिँड्नेका लागि स्वदेशमै भविष्य रहेको उनको भनाइ थियो ।
फोब्स कलेजका प्राचार्य तथा जिएसटी कलेजका अध्यक्ष हरिशरण पाठकको प्रमुख आतिथ्यतामा सम्पन्न कार्यक्रममा कलेजका प्रबन्ध निर्देशक ई. दिवस मैनालीले यस कार्यक्रमबाट विद्यार्थीहरूमा नयाँ उत्साह र प्रेरणा प्रदान गरेको बताए ।
प्यानलिस्टहरुले नेपालबाट हुने ब्रेन ड्रेन रोक्ने र स्थानीय शैक्षिक स्रोत तथा प्रतिभालाई देशको विकासमा प्रयोग गर्ने उपायबारे आआफ्ना अनुभव र दृष्टान्तसहित कार्यक्रममा प्रस्तुत गरेका जिएसटी कलेजका प्राचार्य राजकुमार दाहालले जानकारी दिए ।
लाइभ म्युजिक विथ स्न्याक्ससहित आयोजित कार्यक्रममा पूर्वी चितवनका विभिन्न कलेजमा अध्ययनरत कक्षा १२ उत्तीर्ण भएका विद्यार्थीहरुलाई सम्मान तथा मायाको चिनो प्रदान गरिएको एमविए कार्यक्रम प्रमुख सौगात गुरूङले बताए ।
जिएसटी कलेजले पूर्वी चितवनमा नै पहिलोपटक नयाँ शैक्षिक सत्रका लागि यसै वर्षदेखि चार वर्षीय बिबिए कार्यक्रम सुरू गरेको छ । सुदूरपश्चिम विश्वविद्यालयबाट सम्बन्धन प्राप्त जिएसटी कलेजले बिबिए अध्ययन गर्न चाहने विद्यार्थीहरुका लागि दुई सेक्सनमा ६६ सिट कोटाको बिबिए कार्यक्रम सञ्चालनमा ल्याएको हो ।
राप्ती । राप्ती नगरपालिका वडा नं–६, पडरियास्थित भित्री सडकखण्डमा मोटरसाइकलको ठक्करबाट तीन बालबालिका घाइते भएका छन् ।
भण्डारादेखि पडरियातर्फ जाँदै गरेको ना ३७ प ७११६ नम्बरको पैदलयात्री बच्चाहरूलाई ठक्कर दिँदा राप्ती–६ बस्ने ६ वर्षीया करिश्मा प्रजा, ६ वर्षीया आशिमा चौधरी र ६ वर्षीय निर महतो घाइते भएका हुन् ।
दुर्घटनामा गम्भीर घाइते करिष्मा प्रजाको पुरानो मेडिकल कलेज (सिएमसी) भरतपुरमा, आशिमा चौधरी र निर महतोको स्थानीय मेडिकलमा उपचार भइरहेको छ । मोटरसाइकल चालक राप्ती–१० बस्ने २९ वर्षीय सुरेश मोक्तान इलाका प्रहरी कार्यालय, भण्डाराको नियन्त्रणमा रहेको प्रहरीले जनाएको छ ।
रत्ननगर । रत्ननगर नगरपालिकाले नगरवासीको शान्ति सुरक्षा र अमनचैन कायम राख्ने उद्देश्यले इलाका प्रहरी कार्यालय, रत्ननगरलाई तीन थान पल्सर (१२५ सिसी) मोटरसाइकल हस्तान्तरण गरेको छ ।
नगरपालिकाले बुधबार एक समारोहबीच ती मोटरसाइकल हस्तान्तरण गरेको हो । कार्यक्रममा नगरप्रमुख प्रलाद सापकोटाले जिल्ला प्रहरी कार्यालय चितवनका प्रहरी प्रमुख प्रहरी उपरीक्षक गोविन्द पुरी र इप्रका रत्ननगरका प्रहरी प्रमुख प्रहरी नायब उपरीक्षक रञ्जन अवालाई मोटरसाइकलको चाबी हस्तान्तरण गरेका हुन् ।
समारोहलाई सम्बोधन गर्दै नगरप्रमुख सापकोटाले नागरिकको नजिकको सरकार स्थानीय सरकार रहेकाले नागरिकलाई सुरक्षाको अनुुभूति दिलाउँदै विभिन्न आपराधिक गतिविधि नियन्त्रणका लागि प्रहरीसँग समन्वय गरी अगाडि बढेको बताए ।
उनले पूर्वी चितवन लागूऔषधको हब बन्दै गएकोले आपराधिक गतिविधिसमेत हुन सक्ने अवस्थालाई मध्यनजर गरी घर–घरमा शान्ति सुरक्षा प्रदान गर्न सहयोग पुग्ने उद्देश्यले मोटरसाइकल प्रदान गरिएको बताए ।
रत्ननगरमा करिब एक लाख आठ हजार जनसंख्या रहेको र विभिन्न जिल्लाबाट बसाइँसराइ गरी आउने क्रम पनि उत्तिकै बढेकोले सुरक्षा चुनौती थपिँदै गएको र पूर्वपश्चिम राजमार्गमा दुर्घटनासमेत बढिरहेको सन्दर्भमा नगरपालिकाले प्रदान गरेको मोटरसाइकलबाट प्रहरीलाई आवश्यकता परेको ठाउँसम्म पुग्न सहज हुने विश्वास व्यक्त गरे ।
समारोहमा प्रमुख प्रहरी उपरीक्षक गोविन्द पुरीले प्रहरी कार्यालयलाई मोटरसाइकलको आवश्यकता महसुस गरी हस्तान्तरण गरेकोमा खुसी व्यक्त गर्दै विकास र स्रोतसाधनबाट प्रहरीलाई काम गर्न हौसला मिल्ने बताए ।
नेपालकै मध्यभागमा रहेको चितवनमा थुप्रै खालका अपराध हुने र हुन सक्ने अवस्थालाई आकलन गरी स्थानीय सरकारहरुसँग समन्वय गर्दै अगाडि बढ्ने विश्वास व्यक्त गर्दै उनले पर्यटकीय क्षेत्र सौराहामा विश्वभरका पर्यटकको आगमन हुने भएकाले यस क्षेत्रमा शान्ति सुरक्षाका कार्यलाई भरोसायोग्य बनाउन जिल्ला प्रहरी कार्यालय चितवनले ७४ प्रहरी युनिटमार्फत सक्रियतापूर्वक काम गरिरहेको उल्लेख गरे ।
यस्तै, इलाका प्रहरी कार्यालय, रत्ननगरका प्रहरी प्रमुख प्रहरी नायब उपरीक्षक रञ्जन अवाले राजमार्गको बेल्सीदेखि टिकौली जंगलको बीच भागसम्म रत्ननगरको कार्यक्षेत्रभित्र रहेको र यस क्षेत्रमा दुर्घटनालाई मध्यनजर गर्दै तीनवटा प्रहरी बिट स्थापना गरी काम गर्दै आएको बताए ।
दुर्घटना, चोरी तस्करी, अपराध र लागूऔषध नियन्त्रणका लागि प्रहरी परिचालन गर्न नगरपालिकाले प्रदान गरेको मोटरसाइकल अत्यन्त उपयोगी हुने विश्वास व्यक्त गर्दै उनले भने, ‘तीनवटा मोटरसाइकल माग गर्दा एउटा त अवश्य पाइएला भनेर मेयरसाबसँग प्रस्ताव गरेको थिएँ, उहाँले तीनवटै पास गर्नुभयो ।’ यसबाट पनि स्थानीय सरकार र जनप्रतिनिधिहरु शान्ति सुरक्षाको सवालमा संवेदनशील रहेको पुष्टि भएको उनले बताए ।
उनले आवश्यक प्रविधि, उपकरण, सवारीसाधन र भौतिक विकास भएमात्रै प्रहरीको मनोबल उच्च हुने बताउँदै इलाका प्रहरी कार्यालय रत्ननगरको भौतिक विकास र कार्यालय रहेको जग्गा प्रहरीको नाममा चाँडै ल्याउनका लागि पनि आवश्यक समन्वय गरिदिन नगरपालिकासँग माग गरे ।
नगर उपप्रमुख यादवप्रसाद पाठकले स्वागत मन्तव्य व्यक्त गरेको कार्यक्रमको सञ्चालन तथा सहजीकरण प्रशासन शाखा प्रमुख सबिता अर्यालले गरेकी थिइन् । कार्यक्रममा रत्ननगर उद्योग वाणिज्य संघका अध्यक्ष शङ्कर गिरीले शान्ति सुरक्षा, बजार व्यवस्थापन, पार्किङलगायतका काममा आफ्नो संघले नगरपालिका र प्रहरीसँग समन्वयात्मक भूमिका निर्वाह गर्दै आएको बताए ।
कार्यक्रममा ट्राफिक प्रहरी कार्यालय चितवनका प्रमुख प्रहरी निरीक्षक गायत्रीराज शर्मा, रत्ननगरका प्रहरी निरीक्षक मनीष श्रेष्ठ, वडाध्यक्षहरु, कार्यपालिका सदस्यहरु, पत्रकारलगायतको उपस्थिति रहेको थियो ।
रत्ननगर । पूर्वी चितवनको रत्ननगरमा अखिल नेपाल महिला संघ (क्रान्तिकारी) रत्ननगर नगरसमितिको आयोजनामा तीज तथा जितिया पर्वको अवसरमा विशेष शुभकामना आदानप्रदान कार्यक्रम सम्पन्न भएको छ ।
कार्यक्रमका प्रमुखअतिथि अखिल नेपाल महिला संघ (क्रान्तिकारी) केन्द्रीय महासचिव एवम् भरतपुर महानगरपालिकाकी मेयर रेनु दाहाल रहेकी थिइन् ।
यस्तै, कार्यक्रमको विशिष्ट अतिथिहरूमा माओवादी केन्द्रका केन्द्रीय सदस्य एवम् जिल्ला इन्चार्ज घनश्याम दाहाल ‘अविनाश’, केन्द्रीय सदस्य कञ्चन खनाल र प्रदेश कोषाध्यक्ष सङ्गीत भट्टराई तथा अतिथिहरूमा प्रदेश सचिवालय सदस्य पूर्णबहादुर अमगाईं ‘सुबोध’, दीपक शाही सुरेश, अखिल नेपाल महिला संघ (क्रान्तिकारी) जिल्ला अध्यक्ष शर्मिला गोले र नेकपा (माओबादी केन्द्र) रत्ननगर नगरसमितिका अध्यक्ष मेघनाथ पौडेल लगायत रहेका थिए ।
अखिल नेपाल महिला संघ (क्रान्तिकारी) रत्ननगरकी अध्यक्ष चन्द्रकला पनेरुको अध्यक्षतामा भएको कार्यक्रममा सञ्चालन सचिव चन्द्रकला पौडेलले गरेकी थिइन् भने स्वागत मन्तव्य उपाध्यक्ष सीता नेपालले गरेकी थिइन् ।
कार्यक्रममा दिदीबहिनीहरूले आफ्नै रचनामा आधारित मौलिक तीज गीतहरू तथा थारु समुदायको परम्परागत झाम्टा नृत्य प्रस्तुत गरेका थिए । सांस्कृतिक विविधता, मौलिकता र उत्साहपूर्ण सहभागिताले कार्यक्रमलाई थप रमाइलो बनाएको थियो ।
५०० जनाभन्दा बढी महिला दिदीबहिनीहरूको उपस्थितिमा सम्पन्न कार्यक्रममा महिला एकता, सांस्कृतिक संरक्षण र सामाजिक सन्देश दिएको अध्यक्ष चन्द्रकला पनेरुले जानकारी दिइन् ।
चितवन । चितवनमा पशुचौपायमा देखिएको लम्पी स्किनरोग नियन्त्रणका लागि खोप अभियान सुरू गरिने भएको छ । आगामी भदौ १ देखि साताव्यापी खोप अभियान सञ्चालन गर्न लागिएको हो ।
बागमती प्रदेश सरकारको सहयोगमा खोप अभियान सञ्चालन गर्न लागिएको पशुसेवा कार्यालयले जनाएको छ । कार्यालयकी सूचना अधिकारी डा. सविना मिश्रका अनुसार प्रदेश सरकारबाट प्राप्त खोप सातै स्थानीय तहमा वितरण गरी पशुलाई लगाइने छ । प्रदेश सरकारले १३ जिल्लामा अभियानको रूपमा लम्पी स्किनविरुद्धको खोप अभियान सञ्चालन गर्न लागेको जनाइएको छ ।
जिल्लामा दुई हजार डोज खोप बाँकी छ । अभियानका लागि थप १० हजार डोज खोप प्रदेशबाट आउँदै छ । उनले भनिन् “अहिले १२ हजार डोज खोप लगाउँदै छाँै ।” सातै स्थानीय तहमा गाईभैँसीमा यो खोप लगाइने छ । रोग लागिसकेका, गोठमा रोग देखिएका पशुलाई खोप नलगाइने उनले जानकारी दिइन् । स्थानीय तहमा खोपकर्ता नियुक्त गरी पठाउने तयारी गरिएको छ ।
जिल्लामा हालसम्म ६१ हजार ७९९ पशुमा लम्पी स्किनविरुद्ध खोप लगाइ सकिएको छ । भरतपुर महानगरपालिकामा १४ हजार ८९६, खैरहनी नगरपालिकामा आठ हजार २००, राप्ती नगरपालिकामा १४ हजार ५००, रत्ननगरमा आठ हजार ६०० पशुमा खोप लगाइएको छ ।
माडी नगरपालिकामा दुई हजार ८००, कालिका नगरपालिकामा नौ हजार ९७८, इच्छाकामना गाउँपालिकामा दुई हजार ८२५ पशु चौपायमा लम्पी स्किनविरुद्धको खोप लगाइसकिएको छ । उनका अनुसार जिल्लामा हालसम्म एक हजार ११६ गाईभैँसीमा यो रोग देखिएको छ । कार्यालयका तथ्याङ्कअनुसार हालसम्म ४५ गाईगोरु लम्पी स्किनका कारण मरिसकेका छन् ।
गर्मीयाममा लामखुट्टे, झिङ्गालगायतका कारण यो रोगको प्रकोप देखिने गरेको मिश्रले जानकारी दिइन् । गाईभैँसीमा यो रोग देखापरेमा उच्च ज्वरो आउने, दानापानी कम खाने, दूध उत्पादन घटाउने, छालामा एकदेखि पाँच सेन्टिमिटरको साह्रो गोलो गिर्खा देखिने, ओठ, मुख र नाकभित्र घाउ देखिने, आँखा र नाकबाट अत्यधिक मात्रामा तरल पदार्थ आउने, ¥याल काढ्ने, लिम्फनोड सुक्नेजस्ता लक्षण देखा पर्दछन् ।
सङ्क्रमित गाईबस्तुको ओसारपसारबाट, सामुदायिक चरन क्षेत्र तथा दाना एवं पानी खाने ठाउँबाट, प्राकृतिक वा कृत्रिम गर्भाधानबाट यो रोग सर्ने गरेको कार्यालयले जनाएको छ । यो रोग लाग्न नदिन खोप लगाउने, विश्वसनीय स्रोतबाट गाईभैँसी खरिद गर्ने, गोठलाई झिङ्गा, लामखुट्टे तथा अन्य कीराबाटमुक्त राख्ने, सरसफाइमा ध्यान दिने र आवश्यकतानुसार कीट विकर्षकको प्रयोग गर्नुपर्ने उनले बताइन् ।
रत्ननगर नगरपालिका पशुपक्षी शाखाका डा. लसता श्रेष्ठका अनुसार गोठ–गोठमा पुगेर सेवा प्रवाह गर्दा प्राविधिकबाटै रोग सर्न सक्ने जोखिमका कारण पशुसेवा शाखा तथा सेवाकेन्द्रहरुबाटै कृषकहरुलाई औषधि वितरण गर्ने गरिएको छ । उनका अनुसार हालसम्म लम्पी स्किनबाट प्रभावित ७३२ गाईभैँसीलाई सेवा दिइएको छ ।
रत्ननगर नगरपालिकाले गोठ–गोठमा भेटेरिनरी र खेतखेतमा कृषि प्राविधिक सेवा सञ्चालन गर्दै आएको छ । पालिकाका १६ वटै वडामा महिनाको एकपटक विज्ञसहितको प्राविधिक टोली किसानको खेत र गोठमै पुगेर बाली र पशुको उपचार गर्नेगरी सेवा सञ्चालन गर्ने गरिएको पशुपक्षी शाखाका प्रमुख कृषिविज्ञ प्रवीन लामाले बताए ।
रत्ननगर । रत्ननगर–१, निपनीस्थित जिएसटी कलेजको आयोजनामा बिबिए कार्यक्रमअन्तर्गत लन्चप्याड सेलेब्रेटिङ सक्सेस चार्टिङ फ्युचर्स कार्यक्रम हुने भएको छ ।
स्थानीय शिक्षालाई विश्वव्यापी सफलतामा रुपान्तरण गर्ने उद्देश्यसहित सो कार्यक्रमको आयोजना गरिएको हो । उक्त कार्यक्रमअन्तर्गत ब्रेन ड्रेन टु ब्रेन गेन टर्निङ लोकल एजुकेसन इन्टु ग्लोबल एक्सेस शीर्षकमा प्यानल डिस्कसन सञ्चालन हुनेछ ।
रत्ननगर–१, निपनीस्थित होटल स्टारमा साउन २९ गते बिहीबार बिहान ११ः३० बजेदेखि सञ्चालन हुने प्यानल डिस्कसन कार्यक्रममा प्यानलिस्टका रुपमा न्यू क्यापिटल कलेजका प्राचार्य तथा हिसानका केन्द्रीय सदस्य भूपेन्द्र धिताल, स्काइराइडर स्कुलका प्राचार्य तथा प्याब्सन चितवनका अध्यक्ष मदन पुरी र नेपाल आदर्श शिक्षा सदनका अध्यक्ष आइपी लामिछाने रहने छन् भने कार्यक्रमको सहजीकरण ई. सागर कार्कीले गर्नेछन् ।
सो प्यानल डिस्कसनमार्फत नेपालबाट हुने ब्रेन ड्रेन रोक्ने र स्थानीय शैक्षिक स्रोत तथा प्रतिभालाई देशको विकासमा प्रयोग गर्ने उपायबारे बृहत् अन्तक्र्रिया हुने कलेजका प्राचार्य राजकुमार दाहालले बताए । लाइभ म्युजिक विथ स्न्याक्ससहितको सो कार्यक्रममा पूर्वी चितवनका विभिन्न कलेजमा अध्ययनरत हाल कक्षा १२ उत्तीर्ण भएका विद्यार्थीहरुलाई सम्मान गरिने प्राचार्य दाहालले जानकारी गराए ।
जिएसटी कलेजले पूर्वी चितवनमा नै पहिलोपटक नयाँ शैक्षिक सत्रका लागि यसै वर्षदेखि चार वर्षीय बिबिए कार्यक्रम सुरू गरेको छ । सुदूरपश्चिम विश्वविद्यालयबाट सम्बन्धन प्राप्त जिएसटी कलेजले बिबिए अध्ययन गर्न चाहने विद्यार्थीहरुका लागि दुई सेक्सनमा ६६ सिट कोटाको बिबिए कार्यक्रम सञ्चालनमा ल्याएको हो ।
रत्ननगर । पूर्वी चितवनको रत्ननगर–४ मा रहेको न्यू क्यापिटल कलेजको २५औँ वार्षिकोत्सवको अवसरमा मङ्गलबार पूर्वी चितवन विद्यालयस्तरीय चित्रकला र वक्तृत्वकला प्रतियोगिता सम्पन्न भएको छ ।
प्रतियोगितामा चित्रकलातर्फ सगरमाथा स्कुलका विनय रेग्मी र वक्तृत्वकलातर्फ बैरिया माध्यमिक विद्यालयकी छात्रा आदीति आचार्य प्रथम भएका छन् ।
कलेजका अतिरिक्त क्रियाकलाप प्रमुख डा. ताराप्रसाद ढुङ्गानाका अनुसार चित्रकला प्रतियोगितामा हिमालयन इङ्ग्लिस स्कुलका एन्ड्रिन बिके द्वितीय, पञ्चकन्या विद्या मन्दिरका नैन गुरूङ तृतीय र पदमपुर शिक्षा निकेतनकी सबिता बरामले सान्त्वना स्थान हासिल गरे ।
यस्तै, वक्तृत्वकला प्रतियोगितामा लाइसियम मोडल स्कुलकी रहिसा अधिकारी द्वितीय, आदर्श विद्या आश्रमकी खुसी बर्तौला तृतीय र सैनिक आवासीय महाविद्यालयकी ऋषिका पौडेलले सान्त्वना स्थान प्राप्त गरे । विजेताहरुलाई क्रमशः पाँच, तीन, दुई र एक हजार पुरस्कारसहित ट्रफी र प्रमाणपत्र प्रदान गरिएको डा. ढुङ्गानाले बताए ।
कार्यक्रममा रत्ननगर प्याब्सनका अध्यक्ष भुवनसिंह थापा प्रमुखअतिथिका रूपमा सहभागी थिए । कलेजका प्राचार्य भूपेन्द्र धितालले स्वागत मन्तव्य राख्दै कार्यक्रमबारे जानकारी गराएका थिए । चित्रकला प्रतियोगितामा पूर्वी चितवनका ३३ विद्यालयबाट ५९ विद्यार्थी र वक्तृत्वकला प्रतियोगितामा ३४ विद्यालयबाट ५४ विद्यार्थीले सहभागिता जनाएको प्राचार्य धितालले बताए ।
चित्रकला प्रतियोगिताको निर्णायकमा प्रमिश कँडेल र वक्तृत्वकला प्रतियोगिताको निर्णायकमा शहीद स्मृति बहुमुखी क्याम्पसका पूर्वक्याम्पस प्रमुख प्रा. कृष्णप्रसाद सुवेदी तथा भुवानीशङ्कर कलेजका क्याम्पस प्रमुख दीपक गौतम रहेका थिए । चित्रकला प्रतियोगिताको संयोजक अमित भुसाल र वक्तृत्वकला प्रतियोगिताको संयोजक विष्णुप्रसाद सापकोटा थिए ।
रत्ननगर । चितवनको पर्यटकीय नगरी सौराहामा मंगलबार हात्तीलाई वनभोज खुवाइएको छ । १४औँ विश्व हात्ती दिवसको अवसर पारेर यहाँका ६० वटा हात्तीलाई मिष्ठान्न भोजनको रुपमा वनभोज खुवाइएको हो ।
युनाइटेड हात्ती सञ्चालन सहकारी संस्थाले आयोजना गरेको सो कार्यक्रममा हात्तीलाई लामबद्धरुपमा राखेर उखु, गाँजर, बन्दा, सुन्तला, ड्रागन, स्याउ, फर्सीलगायत विभिन्न खानेकुरा खुवाइएको संस्थाका अध्यक्ष दीपेन्द्र खतिवडाले जानकारी दिए । हात्तीको पर्वको रुपमा लिएर सौराहाका व्यवसायीहरुले हात्ती दिवस मनाएका हुन् ।
चितवन राष्ट्रिय निकुञ्जका वरिष्ठ संरक्षण अधिकृत डा. गणेश पन्तले हात्तीलाई केक खुवाएर हात्ती वनभोजको उद्घाटन गरेका थिए ।
एक दिन भए पनि सबै प्रकारका खानेकुरा एकै समयमा सबै हात्तीलाई खुवाउँदा मनोरञ्जन हुनुका साथै हात्तीले पनि सबै खानाको स्वाद लिन पाउने भएकाले वनभोज कार्यक्रम राखिएको संस्थाका अध्यक्ष खतिवडाले बताए । ‘जसरी हामी वनभोज खान जाँदा रमाउँछौँ’, त्यसरी नै हात्तीलाई मनपर्ने खानेकुरा खुवाउँदा हात्ती पनि खुसी हुन्छन्’, उनले भने, ‘राम्रो खुवाउने र स्याहार गर्नुपर्छ भन्ने सन्देश पनि हो यो ।’
उनले हात्तीलाई काम मात्र लगाउने होइन पालनपोषण पनि गर्ने गरिन्छ भन्ने सन्देश वनभोजले दिने बताए । धेरै हात्तीले एकै ठाउँमा खाना खाँदा रौनकता बढेको र पर्यटकले रमाउँदै दृश्यावलोकन गरेको उनले बताए । मानिस र जनावरबीचको सम्बन्ध राम्रो बनाउन वनभोज महत्त्वपूर्ण रहेको अध्यक्ष खतिवडाले बताए ।
कार्यक्रममा चितवन राष्ट्रिय निकुञ्जका बरिष्ठ संरक्षण अधिकृत डा. गणेश पन्तले जंगली हात्ती र निजी हात्तीको अन्तरसम्बधले हात्ती संरक्षणमा भूमिका खेलिरहेको भन्दै उनले पर्यटनमा प्रयोग भएका निजी हात्ती संरक्षणमा निकुञ्ज जिम्मेवार रहेको बताए ।
कार्यक्रममा राष्ट्रिय पक्षीरोग अन्वेषण प्रयोगशाला भरतपुरका प्रमुख डा. विजयकुमार श्रेष्ठ, रत्ननगर–५ का वडाध्यक्ष बालकृष्ण चापागाईँ, रत्ननगर–७ का वडाध्यक्ष सजना महतोलगायतले मन्तव्य राखेका थिए ।
संस्थाका अध्यक्ष खतिवडाको अध्यक्षतामा भएको उद्घाटन कार्यक्रममा संस्थाका उपाध्यक्ष तथा कार्यक्रम संयोजक शम्भुप्रसाद मालीले स्वागत मन्तव्य राखेका थिए । नेपालमा करिब ४०० को हाराहारीमा हात्ती रहेको अनुमान छ ।
चितवनमा सरकारी ६० वटा र निजी स्तरमा ४५ वटा हात्तीहरु छन् । राष्ट्रिय प्रकृति संरक्षण कोष सौराहा, बाघमारा, चित्रसेन, कुमरोज सामुदायिक वन, क्षेत्रीय होटल संघ चितवन सौराहा, रेवान सौराहा, ग्रीन सोसाइटी नेपाल र रत्ननगर वडा नं–४, ५, ६, ७ र ८ वडा कार्यालयको सहयोगमा हात्ती दिवस मनाइएको हो ।
कार्यक्रममा बाघमारा, कुमरोज र चित्रसेन मध्यवर्ती सामुदायिक वनका नवनिर्वाचित कार्यसमितिलाई सम्मान गरिएको थियो ।
भरतपुर । जबर्जस्ती करणीको मुद्दामा सफाइ पाएको भोलिपल्टै आरोपितसँग बसेर जन्मदिन मनाएको आरोपमा इलाका प्रहरी कार्यालय रत्ननगर टाँडीका प्रहरी निरीक्षक (इन्स्पेक्टर) मनीष श्रेष्ठलाई विभागीय कारबाही सिफारिस गरिएको छ । इन्स्पेक्टर श्रेष्ठ आरोपितको अनुसन्धान अधिकृत थिए ।
जिल्ला प्रहरी कार्यालय सप्तरी परिसरस्थित डिएसपी निवासमा जन्मदिन मनाएको फोटो सार्वजनिक भएपछि उनलाई चितवन पठाइएको थियो । छानबिन समितिले त्यसै घटनामा मुछिएका डिएसपी जीतेन्द्र बस्नेतलाई भने कारबाहीबाट उन्मुक्ति दिएको छ ।
मधेश प्रदेश प्रहरी कार्यालय जनकपुरले प्रहरी उपरीक्षक (एसपी) नारायण रञ्जितकारको नेतृत्वमा तीन सदस्यीय छानबिन टोली गठन गरेको थियो । समितिले छानबिन गरेर प्रतिवेदन डिआइजीलाई बुझाएको हो ।
बलात्कार मुद्दामा जिल्ला अदालत सप्तरीबाट गत ४ जेठमा सफाइ पाएका राजविराज नगरपालिका–६ का आकाश आदर्शले भोलिपल्टै मुद्दाको अनुसन्धान अधिकृत रहेका प्रहरी निरीक्षकको ‘बर्थ डे सेलिब्रेसन’ गरेका थिए । जसमा डिएसपी बस्नेत, प्रहरी निरीक्षक श्रेष्ठ, अर्का प्रहरी निरीक्षक उदयकुमार राई तथा एकदिनअघि सफाइ पाएका आकाश आदर्शसहित सहभागी थिए ।
खैरहनी । खैरहनीको नापी कार्यालयका कार्यालय प्रमुखमाथि अज्ञात समूहले कालोमोसो दलेका छन् । कार्यालय प्रमुख ई. शालिग्राम लम्सालमाथि अज्ञात समूहले उनकै कार्यकक्षमा प्रवेश गरी मङ्गलबार दिउँसो कालोमोसो दलेका हुन् ।
आफूलाई नेकपा बहुमतको कार्यकर्ता बताउने दुई जनाले कार्यकक्षभित्र पसेर आक्रमण गरेको लम्सालले बताए । मुखमा मास्क लगाएका दुई जना व्यक्तिले हातमा झुन्ड्याएको झोलामा ल्याएको कालो पदार्थ उनलाई फालेको सिसिटिभी क्यामेरामा देखिएको छ । कालोमोसो दलेर जाने क्रममा उनीहरुले नेकपा बहुमत पार्टी जिन्दावाद भन्दै निस्किएका थिए ।
पूर्वी चितवनका विभिन्न ठाउँमा कित्ताकाट गर्दा घुस लिएको, कित्ताकाट गर्न नमिल्ने जग्गालाई पनि कित्ताकाट गरेर भू–माफियालाई सहयोग गरेको, सेवाग्राहीसँग रकम लिने गरेकोलगायतका आरोप लगाइएको छ ।
घटनालगत्तै कार्यालयका सम्पूर्ण सेवाहरु बन्द भएका छन् । राष्ट्रसेवकमाथि भएको आक्रमणको विरोध र दोषी उपर कारबाहीको माग गर्दै कर्मचारीहरुले कार्यालयका सम्पूर्ण सेवाहरु बन्द गरेका हुन् । कार्यालयका कर्मचारीले संयुक्त विज्ञप्ति जारी गर्दै दोषीलाई कानुनी कारबाही नभएसम्म कार्यालयको सेवा अवरूद्ध हुने जनाएका छन् ।
घटनालगत्तै घटनास्थल पुगेका जिल्ला प्रहरी कार्यालय चितवनका कार्यालय प्रमुख प्रहरी उपरीक्षक गोविन्द पुरीले सिसिटिभीको सहयोगमा घटनामा संलग्नहरुको पहिचान गरेर खोजी कार्य तीव्र बनाएको बताए । उनले घटनामा संलग्नहरुलाई कानुनी कारबाही गर्ने प्रतिबद्धता व्यक्त गरे ।
रत्ननगर । सम्पूर्ण किताब नारायणगढको आयोजनामा ‘पठन संस्कृति अभियान’ कार्यक्रमअन्तर्गत रत्ननगरको स्काइराइडर आमाविमा पुस्तकहरुको समीक्षा गरिएको छ ।
कार्यक्रममा कक्षा ८, ९ र १० का २५ जना विद्यार्थीले २५ वटा विभिन्न पुस्तकको समीक्षात्मक टिप्पणी प्रस्तुत गरेका थिए । कार्यक्रममा निर्जला मैनालीले ‘आमाको मुटु’ पुस्तकको समीक्षा प्रस्तुत गरिन् । यस्तै, आरोही बगालेले ‘ड्रिमी आइज’, आज्ञा पण्डितले ‘आनन्दको भण्डार’, दृष्टि आलेले ‘उल्लू राजा’, एलेस आचार्यले ‘मार्क जुकरबर्ग’, क्रिस्टिना सापकोटाले ‘डेमोन आइ’, निधि लामिछानेले ‘बास्ना आउने बाँसुरी’, मञ्जिल देवकोटाले ‘कुमाता’ र निर्भीक श्रेष्ठले ‘नमोनमः’ पुस्तकको समीक्षा प्रस्तुत गरेका थिए ।
यसैगरी, विपना धमलाले ‘निर्णय’, युक्ता ढकालले ‘सनेस’, सन्दर्भ बरालले ‘दासता मुक्ति’, कृति गिरीले ‘खलंगामा हमला’, प्रमिशा पौडेलले ‘अमेरिकाको इतिहास’, सुयसा बोगटीले ‘मारी खोलाको ढुङ्गा’, रेश्मा श्रेष्ठले ‘नोर’, आकाश पौडेलले ‘शरणार्थी’, प्रियंशा तिवारीले ‘दशगजामा उभिएर’, प्रशंसा पुरीले ‘बेपत्ता सिपाही’ र नम्रता लामिछानेले ‘छुई’ पुस्तकको टिप्पणी प्रस्तुत गरेका थिए ।
यस्तै, अनुगमन शर्मा पोखरेलले ‘बेस क्याम्प’, क्षितिज रानाभाटले ‘ग्रहण’, प्रज्ञा पनेरुले ‘लकडाउन’, सूर्यांशी खनालले ‘स्पोउट अन रक’ र स्नेहा आचार्यले ‘द अदर क्विन’को समीक्षा सुनाएका थिए । आज्ञा पण्डितले स्लाइडमार्फत ‘आनन्दको भण्डार’ पुस्तकको आकर्षक प्रस्तुति दिएकी थिइन् भने क्रिस्टिना सापकोटाले ठूलो चार्टमा उपशीर्षकसहित ‘डेमोन आइ’को समीक्षा प्रस्तुत गरेकी थिइन् ।
कार्यक्रममा कवि तथा निबन्धकार भूपिन प्रमुखअतिथिका रूपमा सहभागी भएका थिए । उनले विद्यार्थीको समीक्षात्मक प्रस्तुति विशेष र प्रशंसनीय रहेको बताउँदै विद्यार्थीले विभिन्न पुस्तक पढेर सिकेको ज्ञान उत्कृष्टरूपमा प्रस्तुत गरेको देखेर आफू दङ्ग परेको प्रतिक्रिया दिए । निरन्तर पढ्ने यात्रा कायम राख्न उनले विद्यार्थीहरुलाई हौसला प्रदान गरे ।
कार्यक्रममा अतिथिका रूपमा सहभागी विनोदबाबु रिजालले विद्यार्थीको प्रस्तुति उत्कृष्ट रहेको बताउँदै अतिरिक्त पुस्तक पढ्ने बानीले चेतनाको विकाससँगै जीवन सहज हुने विचार व्यक्त गरे ।
विद्यालयका प्रधानाध्यापक मदन पुरीले विद्यालयले पहिलेदेखि नै पठन संस्कारलाई प्राथमिकता दिएको उल्लेख गर्दै विद्यार्थीलाई निरन्तर पढ्न र पछिल्लो कक्षाका विद्यार्थीलाई पठन संस्कृतिको अभियानमा सहभागी गराउन आग्रह गरे । उनले रत्ननगरभित्रका सम्पूर्ण सामुदायिक विद्यालयमा नगरपालिकासँगको समन्वयमा पुस्तक उपलब्ध गराएर पठन संस्कृति कार्यक्रम सञ्चालन गर्ने प्रतिबद्धता जनाए ।
सम्पूर्ण किताबका सञ्चालक तथा पठन संस्कृतिका अभियन्ता लेखराम सापकोटाले विद्यार्थीमा पढ्ने बानीको विकास गरी उनीहरूलाई हरेक क्षेत्रमा सक्षम बनाउनु अभियानको उद्देश्य रहेको बताए । कार्यक्रमको सहजीकरण शिक्षक नवराज तिमिल्सिनाले गरेका थिए भने संयोजन रमेश पुरीले गरेका थिए ।
रत्ननगर । रत्ननगर नगरपालिकाले ‘उज्यालो रत्ननगर अभियान’अन्तर्गत मुख्य राजमार्ग र बजार क्षेत्रलाई आकर्षक तथा सुरक्षित बनाउन जडान गरिएका आधुनिक सडक बत्तीहरूको सोमबार सफल परीक्षण गरिएको छ।
नगरप्रमुख प्रलाद सापकोटा, उपमेयर यादवप्रसाद पाठक, प्रमुख प्रशासकीय अधिकृत सुकदेव लम्साल र वडाध्यक्षहरूको उपस्थितिमा निपनी चोकदेखि टाँडी चोकसम्मको डिभाइडरमा जडान गरिएका ७२ वटा पोलमा १४४ वटा सडक बत्तीको परीक्षण गरिएको हो । यी बत्तीहरूले चोक र आसपासका क्षेत्रलाई उज्यालो र झलमल्ल बनाएको छ ।
नगरप्रमुख सापकोटाले यो अभियानमार्फत नगरवासीलाई सुरक्षित र उज्यालो वातावरण प्रदान गर्ने प्रतिबद्धता पूरा गर्न लागिएको बताए । “हामीले रत्ननगरलाई सुरक्षित र सुन्दर बनाउने वाचा गरेका थियौँ । डिभाइडरमा जडान गरिएका बत्तीहरूको सफल परीक्षण भएको छ र मुख्य चोकहरूमा हाइ(मास्ट लाइट जडानको काम पनि तीव्र गतिमा अघि बढिरहेको छ । केही दिनभित्रै यी सबै काम सम्पन्न हुनेछन्”, उनले भने । यो परियोजना रत्ननगरको विकास र समृद्धिका लागि कोसेढुङ्गा साबित हुने उनको विश्वास छ ।
उपप्रमुख यादवप्रसाद पाठकका अनुसार, निपनी चोक, बकुलहर चोक, सौराहा चोक र टाँडी चोकमा १६ मिटर उचाइका चारवटा हाइ(मास्ट लाइट जडान गरिनेछ। त्यस्तै, शान्ति चोक, जयमङ्गला चोक, दोबाटो चोक र गैँडाचोकमा १० मिटर उचाइका मिनी(मास्ट लाइट जडान हुनेछन् । “यी बत्तीहरूले चोक र आसपासका क्षेत्रलाई उज्यालो बनाउनुका साथै रातको समयमा आवतजावतलाई सुरक्षित र सहज बनाउनेछ”, पाठकले भने ।
नगरपालिकाका इन्जिनियर पंकज गिरीका अनुसार, यो परियोजनाको कुल लागत दुई करोड ८६ लाख १८ हजार १७५ रुपैयाँ रहेको छ। निर्माण कार्य तोकिएको समयभित्र सम्पन्न गरी अबको केही दिनमा सबै बत्ती सञ्चालनमा ल्याउने लक्ष्य रहेको उनको भनाइ छ । “हामी रत्ननगरका सडकलाई उज्यालो बनाउने कार्य समयमै सम्पन्न गर्न प्रतिबद्ध छौँ”, उनले थपे ।
‘उज्यालो रत्ननगर अभियान’ले नगरको सौन्दर्य वृद्धि गर्नुका साथै रातको समयमा सडक दुर्घटना र आपराधिक गतिविधिहरू न्यूनीकरणमा महत्त्वपूर्ण योगदान पुर्याउने अपेक्षा गरिएको छ ।
रत्ननगर । रत्ननगर–१६ लाई वातावरणमैत्री वडा घोषणा गर्ने अभियानअन्तर्गत वातावरणमैत्री स्थानीय शासन वडा समन्वय समिति गठन गरिएको छ ।
वडाध्यक्ष हेमराज थापाको अध्यक्षतामा गठित समितिका सदस्यहरुमा सरिता गुरूङ, रीता विक, चीचकुमार श्रेष्ठ, ज्ञानेन्द्र रेग्मी, चिरन्जीवी खनाल, विजय पुरी, रामहरि पनेरु, डिल्लीप्रसाद गौतम र सदस्य सचिवमा वडा सचिव मञ्जु पौडेल रहेका छन् । यस्तै, आमन्त्रित सदस्यहरुमा पिठुवा स्वास्थ्यचौकीका इन्चार्ज नरहरि श्याम शर्मा, पिठुवा सामुदायिक सिकाइ केन्द्रका अध्यक्ष नेत्रप्रसाद घिमिरे र अस्थायी पिठुवा चौकीका इन्चार्ज ताकेश्वर राई रहेका छन् ।
कार्यक्रमको सहजीकरण रत्ननगर नगरपालिकाका रेन्जर राजेश शर्माले गरेका थिए । उनले वातावरणमैत्री वडा घोषणा गर्नुको उद्देश्य तथा अपेक्षित उपलब्धिको बारेमा जानकारी गराएका थिए । रेन्जर शर्माले घरपरिवारदेखि टोल, वडा तथा नगरमा वातावरणमैत्री शासनलाई स्थापित गरी स्वच्छ सुन्दर र वातावरणमैत्री समाजको सृजना गर्न सहयोग गर्ने उद्देश्यले अभियान सुरू गरिएको बताए ।
नगरपालिकाको योजना प्रक्रियामा वातावरण, जलवायु परिवर्तन, विपद् जोखिम न्यूनीकरण तथा व्यवस्थापनसम्बन्धी विषयहरूलाई मूलप्रवाहीकरण गर्न सहयोग गर्नुका साथै सेवा प्रवाह र विकास निर्माण पद्धतिलाई वातावरणमैत्री बनाउन सहयोग पुग्ने उनले बताए ।
अभियानबाट वातावरणमैत्री दिगो विकासका लागि समुदायको माध्यमबाट घरपरिवार तहलाई जिम्मेवार बनाउन प्रोत्साहित गरी वातावरण संरक्षण, आधारभूत स्वास्थ्य तथा सरसफाइ, फोहोरमैला व्यवस्थापन, जैविक विविधताको संरक्षण, जलवायु परिवर्तन अनुकुलन र विपद् व्यवस्थापनसम्बन्धी विषयहरुलाई स्थानीयकरण गर्न सहज हुनेछ ।
यस्तै, जलवायु अनुकुलन तथा न्यूनीकरण, विपद् व्यवस्थापन, वातावरण संरक्षण तथा फोहोर मैला व्यवस्थापनका सन्दर्भमा घरपरिवार तहसम्मको काम, कर्तव्य, र जिम्मेवारी तथा हासिल गर्नुपर्ने नतिजाको सम्बन्धमा स्पष्ट पार्नका लागि सो अभियान मह¤वपूर्ण हुने उनले बताए ।
वडाध्यक्ष हेमराज थापाले वडालाई वातावरणमैत्री बनाई भविष्यमा चितवनकै नमुना वडा बनाउने प्रतिबद्धता व्यक्त गरे ।
चितवन । भरतपुरको विकासमा आम नगरवासीले प्रशंसासँगै ध्यानाकर्षण र सुझाव दिएका छन् । महानगरको आर्थिक वर्ष २०८१/८२ को तेस्रो चौमासिक सार्वजनिक सुनुवाइमा सहभागी अधिकांश महानगरवासीले विकासको मोडलमा भरतपुरले देखाएको फड्कोको प्रशंसासँगै ध्यानाकर्षण र सुझावमा जोड दिएका हुन् ।
सार्वजनिक सुनुवाइका क्रममा वडाबासीले महानगरबाट प्राप्त गर्ने सेवाको अझै जनमुखी बनाउन सुझाव दिएका छन् । उनीहरुले महानगरको विकास निर्माण र सेवाप्रवाहबाट सन्तुष्ट रहेको बताएका छन् । कार्यक्रमको सहजीकरण गरेको अग्रीम मिडिया नेटवर्क चितवनले सार्वजनिक गरेको प्रतिवेदनमा महानगरका वडा र महानगर कार्यालयमा आउने सेवाग्राहीसँग सर्वेक्षणमा सो कुरा बताइएको छ ।
२९ वटाका ५ सय जना बढीमा गरिएको सेवा सर्वेक्षणमा ६० प्रतिशत नगरवासी सन्तुष्ट, ३५ प्रतिशतले ठीकै र ५ प्रतिशत नगरवासीले असन्तुष्टि व्यक्त गरेको उल्लेख गरेका छन् ।
सो अवसरमा गौतमबुद्ध क्रिकेट रङ्गशाला, नारायणी तटबन्ध, सिटीहल, खानेपानी, हरियाली सडक, पुङ्गी तथा केरुङ्गा ड्रेन, महानगरीय प्रशासकीय भवन, शवदाह गृह, महानगरीय चक्रपथ, ओपन जु, फोहरमैला व्यवस्थापन लगायतका गौरवका आयोजनामा भरतपुर महानगरपालिकाले काम गरेको जानकारी दिएको छ ।
सार्वजनिक सुनुवाइ कार्यक्रममा नागरिकले सडक, बत्ती, विद्युत्, ढल निर्माण, कृषि उपजको बजारीकरण, शिक्षा, स्वास्थ्यलगायतका सुशासनका विषयमा महानगर प्रमुख रेनु दाहालप्रति प्रश्न राखेका थिए । उनीहरुले सबै वडामा वैज्ञानिक तबरबाट बजेट विनियोजन गर्न माग गर्दै असार मसान्तभन्दा अगाडि नै विकास निर्माणका काम गर्न सुझाव दिएका छन् ।
कार्यक्रमलाई सम्बोधन गर्ने क्रममा भरतपुर महानगरपालिका प्रमुख रेनु दाहालले महानगरमा साझेदार निकाय, संघीय सरकार र प्रदेश सरकारद्वारा सञ्चालित विकास निर्माणका कामहरूमा गुणस्तर लगायत कुनै पनि कुरामा गुनासो नआउने गरी काम गर्न निर्देशन दिएकी छन् ।
उनले महानगर अब विकास र समृद्धिका बाटाहरुसँगै आर्थिक विकासका लागि जनमुखी काममा थप सक्रिय बनेको स्पष्ट पारिन् । यस चौमासिक प्रगति समीक्षामा नगरबासीको रचनात्मक सुझाव र विकासमा तीव्र चासो रहेको बताउँदै उनले यसलाई मनन गरेर अगाडि बढ्ने प्रतिबद्धता व्यक्त गरिन् ।
कार्यक्रममा बोल्दै भरतपुर महानगरका उपप्रमुख चित्रसेन अधिकारीले महानगर योजनावद्ध र सन्तुलित विकासको नीतिलाई अवलम्बन गर्दै दिगो र आत्मनिर्भर विकासको पक्षमा काम अगाडि बढाइरहेको बताए । शिक्षा, स्वास्थ्य, कृषि, पर्यटन, सामाजिक सुरक्षा र सुशासन कायम गर्दै अगाडि बढिरहेको बताउँदै उनले यसलाई कायम गर्न महानगरबासीको रचनात्मक सुझाव र खबरदारी निरन्तर रहनुपर्ने बताए ।
कार्यक्रममा चौमासिक प्रगति प्रतिवेदन पेस गर्दै महानगरका प्रमुख प्रशासकीय अधिकृत लक्ष्मीप्रसाद पौडेलले आर्थिक वर्ष २०८१÷८२ को विनियोजित ५ अर्ब ४९ करोड २ लाख ६३ हजार रहेकोमा रु ४ अर्ब ३ करोड ५४ लाख खर्च भएको उल्लेख गरे । यो बजेटको ७३ दशमलव ५ प्रतिशत हो । जसमध्ये चालुतर्फ ८५ प्रतिशत र पुँजीगततर्फ ६२ प्रतिशत खर्च भएको छ ।
यसैगरी महानगरले आर्थिक वर्ष २०८१/०८२ मा एक अर्ब ३६ करोड ९१ लाख ६८ हजार रुपैयाँ राजस्व संकलन गरेको छ ।
भरतपुर । मेरो किसान लिमिटेडले भरतपुर–२२, पटिहानीमा करिब ४० करोड रुपैयाँको लागतमा अत्याधुनिक कृषि प्रशोधन उद्योग र कोल्ड स्टोर निर्माण सुरू गरेको छ । सोमबार शिलान्यास गरिएको सो परियोजना आगामी पुस १५ गतेभित्र सम्पन्न गर्ने लक्ष्य राखेको छ ।
कम्पनीका संस्थापक तथा म्यानेजिङ डाइरेक्टर अविनाश सिलवालका अनुसार उद्योगमा तोरीको तेल, टमाटर केचप, बेसार, अदुवाको सुठो, अलैँची, कोदो, फापर, मह, कफीलगायत २५ भन्दा बढी कृषि उपजको प्रशोधन गरिने छ ।
कच्चा पदार्थ चितवनका किसानसहित देशका स्थानीय उत्पादकबाट सङ्कलन गरिने र प्रशोधित वस्तु देशव्यापी वितरणसँगै अन्तर्राष्ट्रिय बजारमा निर्यात गर्ने योजना रहेको उनको भनाइ थियो ।
अत्याधुनिक कोल्ड स्टोरमार्फत तरकारी तथा फलफूल दीर्घकालसम्म संरक्षण गरी काठमाडौँ, पोखरालगायत ठूला सहर र विदेशमा आपूर्ति गर्ने सुविधा पनि रहनेछ ।
कोभिड–१९ महामारीको समयमा स्थापना भएको मेरो किसान लिमिटेडले छोटो अवधिमा मोबाइल एपमार्फत ४० हजारभन्दा बढी उपभोक्ता र तीन सयभन्दा बढी व्यावसायिक घरानासँग प्रत्यक्ष व्यापारिक सम्बन्ध स्थापित गरेको छ ।
साथै, देशभरका पाँच सयभन्दा बढी व्यावसायिक कृषकसँग दीर्घकालीन सम्झौता गरेर उत्पादन, सङ्कलन, प्रशोधन र वितरणको सम्पूर्ण चक्रमा सक्रिय रहँदै आएको छ ।
बीउदेखि बजारसम्मको प्रतिबद्धतासहित कम्पनीले यस परियोजनामार्फत किसानको आम्दानी वृद्धि, कृषि उत्पादनको मूल्य अभिवृद्धि, खाद्य सुरक्षा मजबुत बनाउन र नेपालको कृषि निर्यात क्षमतामा योगदान दिने लक्ष्य राखेको छ ।
भरतपुर । ‘प्राथमिक उपचार हाम्रो सरोकार’ भन्ने मूलनाराका साथ स्थापित ‘योगदान राष्ट्रको लागि’ नामक संस्थाको भरतपुर महानगर कार्यसमिति गठन भएको छ । हरेक जिम्मेवार नागरिकले समय मिलेसम्म सामाजिक कार्यमा योगदान दिनुपर्छ भन्ने उद्देश्यले सो समिति गठन गरिएको हो ।
लक्ष्मी रिजालको अध्यक्षतामा नौ सदस्यीय कार्यसमिति गठन गरिएको हो । जसको उपाध्यक्षमा घनश्याम ढकाल, सचिवमा इन्दिरा बराल, कोषाध्यक्षमा सरस्वती ढुङ्गाना, सहसचिवमा मीना पौडेल रहेका छन् । यस्तै, सदस्यहरुमा पुरुषोत्तम पाठक, निर्मला पौडेल, आशा श्रेष्ठ र सुनिल कुँवर रहेका छन् ।
कार्यक्रममा एकराज पाठक, ऋतु गिरी, के.एन. सिलवाललगायतका सामाजिक व्यक्तित्वहरुको उपस्थिति रहेको थियो ।
संस्थाका केन्द्रीय अध्यक्ष ओम उप्रेती ‘योगदान राष्ट्रको लागि’ नामक संस्थाका परिकल्पनाकार हुन् । यस संस्थाले विभिन्न जनसरोकारका विषयमा समाजको हित हुने काम गर्दै आएको छ ।
विशुद्ध समाजसेवा, स्वास्थ्यसेवा र परोपकारका कार्य गर्ने उद्देश्यले महानगर कार्यसमिति गठन भएको र यस संस्थाले समाजमा सकारात्मक सन्देश प्रवाह गर्दै सामाजिक कार्य र सरल जीवन अगाडि बढाउने गरी काम गर्ने सदस्य सुनिल कुँवरले जानकारी दिए ।
भरतपुर । प्रेमको यात्रा कहिलेकाहीँ फूलजस्तै सुगन्धित लाग्छ तर अन्त्यमा त्यही प्रेमले काँडाले जस्तै पीडादायी घाउ दिन्छ । प्रेमको यात्रामा प्रेम थोरै, निराशा, विरह, वेदना, आँसु, वियोग धेरै सहन पर्छ । माया, प्रेममा मिलनभन्दा पनि निराशाको खेल हुन्छ भन्ने भावको गीत भो यो मायाले व्यक्त गरेको छ ।
गीतले प्रेममा टुटेका आशा र एक्लोपनको बन्धन बोलेको छ । नारायण सुवेदी ‘आभास’को स्वर तथा समीप आचार्यको शब्द र संगीतमा सार्वजनिक भएको गीत “भो यो माया” ले यही यथार्थलाई हृदयस्पर्शी ढंगले प्रस्तुत गरेको अनुभूति गीत हेर्दा तथा सुन्दा महसुस हुन्छ । उदयराज पौडेलको एरेञ्जमेन्ट, किशोर थापाको मिक्सिङ,मास्टरिङ र मोनिस चाम्लिङको रेकर्डिङले गीतलाई पूर्णता दिएको छ । साथै, सरंगीमा हेमन्त रसाइली र बाँसुरीमा रत्न विकेको बेजोड वाद्य संयोजनले गीतमा मौलिकता थपेको छ ।
भिडियोतर्फ कलाकारहरु किरण तामाङ र ललिता थापाले प्रेम र पीडाको मार्मिक कथा प्रस्तुत गरेका छन् । कर्ण बहादुर खड्काको छायांकन, सुन्दर क्षेत्रीको सम्पादन र मीना बुढाथोकी सावित्रीको निर्देशनले यो भिडियोलाई उत्कृष्ट कलाकृति बनाएको छ ।
गीतकार आचार्यले गीतमा कहिले मायालुको छायाँमा नै हराउने, कहिले त्यहि मायामा छलकपट भेटिने, कहिले बाटो विराएर भौतारिने त कहिले मायामा गरिएका बाचा बन्धनमा दरार आउने जस्ता अवस्थाहरूलाई बिम्ब र प्रतीकमार्फत उजागर गरेका छन् । गीतमा प्रेममा धोका पाएको पात्रको पीडालाई भावनात्मक रूपमा व्यक्त गरिएको छ जसले श्रोतालाई प्रेमको मीठाससँगै त्यसले ल्याउने पीडा र विछोडको गहिरो यथार्थमा डुबाउँछ।
भरतपुर । महाकाव्यकार खेमनाथ दाहालको राष्ट्रिय भावको गीत ‘बुद्धको देश नेपाल’ विमोचन गरिएको छ । काठमाडौँमा आइतबार एक विशेष समारोहबीच नेपाल संस्कृत विश्वविद्यालयका कुलपति प्राडा कुलप्रसाद कोइरालाको प्रमुख आतिथ्यता र वरिष्ठ पत्रकार, साहित्यकार पुरुषोत्तम दाहालको सभापतित्वमा उक्त गीतको भिडियो स्विच अन गरेर विमोचन गरिएको हो ।
कीर्तिमानी संगीतकार सन्तोष श्रेष्ठको स्वर र संगीत रहेको यो गीत महाकाव्यकार दाहालको ‘श्वेतपत्र’ महाकाव्यबाट साभार गरिएको हो । राजु कार्कीको संगीत संयोजन, एसबी मुस्कानको संगीत सञ्चयक, प्रकाश मिश्रको संगीत सम्पादक रहेको गीतलाई अकस्टिक स्टुडियोमा रेकर्डिङ गरिएको हो ।
राजन खरेलको छायांकन एवं दृश्य सम्पादन रहेको गीतको भिडियोमा खेमनाथ दाहाल, उषा दाहाल, सन्तोष श्रेष्ठ र कृष्ण भुसाललाई फिचरिङ गरिएको छ । गीतको दृश्य सम्पादन कक्ष कलिउड हब रहेको छ । गीतको भिडियो संगीतकार एवं गायक सन्तोषको अफिसियल युट्युब च्यानलमार्फत सार्वजनिक गरिएको छ ।
चितवन । नेपाल कम्युनिष्ट पार्टी (माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ ले सरकारमा जाने विषय आफूहरूको प्राथमिकतामा नरहेको बताएका छन् ।
चितवनका पत्रकारहरुसँग कुराकानी गर्दै उनले सरकारले गरेका कामको विरोध गर्दा माओवादीलाई सरकार चाहिएको जसरी अर्थ्याउन खोजिएको भन्दै अहिले नै सरकारमा जाने कुनै सोच नरहेको उनको भनाइ थियो । सरकार परिवर्तनका विषयमा सोधिएको प्रश्नमा अध्यक्ष प्रचण्डले भने, “यो सरकारले राम्रो काम गरिरहेको छैन । त्यस विषयमा कुरा उठाउँदा सरकार चाहिएको जसरी बुझ्नु हुँदैन । हामीलाई सरकार चाहिएको छैन । त्यस विषयमा हामीले कुनै चासो राखेका छैनौँ ।”
माओवादी केन्द्रले भदौ तेस्रो साताबाट विगतमा स्थगन भएको अभियानलाई पुनः सुरू गर्ने र त्यसपछि पुनः केन्द्रीय समितिको बैठक बसेर नयाँ एजेण्डासहित अघि बढ्ने उनको भनाइ थियो । “त्यसैले हाल सरकारभन्दा जनताका कुरा सुन्नतर्फ पार्टीलाई केन्द्रित गरिरहेका छौँ । जनताको गुनासो र ती गुनासा समाधानका लागि अभियान पुनः सञ्चालन गर्न लागिएको हो”, अध्यक्ष दाहालले भने ।
हालै सम्पन्न स्थायी समिति बैठकबाट पार्टी एकताबद्ध भएको भन्दै उनले बैठकले गरेका निर्णय कार्यान्वयनमा आउने बताए । फरक प्रसङ्गमा उनले निर्माणाधीन गौतमबुद्ध अन्तरराष्ट्रिय क्रिकेट रङ्गशालाको निरीक्षण गरेको र त्यहाँ द्रूतगतिमा काम अघि बढाउनुपर्ने आवश्यकता महसुस भएको उल्लेख गरे ।
चितवन । नेपाल नेत्रज्योति सङ्घ चितवनले ठोरीमा सञ्चालन गरेको भरतपुर आँखा अस्पताल ठोरीमा ९० प्रतिशत बिरामी भारतीय हुने गरेका छन् । भारतीय सीमाबाट १०० किलोमिटर टाढादेखि आँखा उपचारका लागि त्यहाँ बिरामी आउने गरेका हुन् ।
भरतपुर आँखा अस्पताल ठोरीका इञ्चार्ज अङ्कीत श्रीवास्तवका अनुसार गत आर्थिक वर्षमा बहिरङ्ग सेवामा १६ हजार २८४ जनाले आँखाको उपचार गरेकामध्ये १४ हजार १८ जना भारतीय नागरिक थिए । गत वर्ष ८३९ जनाको आँखाको शल्यक्रिया गरिएको थियो । अघिल्लो आर्थिक वर्षमा १५ हजार जनाले सेवा लिएका थिए ।
अस्पतालमा विशेष गरी भारतको पश्चिमी चम्पारणबाट बिरामी आउने गरेको उनले जानकारी दिए । सो क्षेत्रका बिरामीले नजिक, सहज र सस्तो उपचार ठोरीमा पाउने गरेका छन् । भरतपुर आँखा अस्पताल सञ्चालक समितिका कार्यवाहक अध्यक्ष तेजेन्द्र खड्काले बहिरङ्ग (ओपिडी) सेवा लिनेले रु ८० को टिकटमा परीक्षण गर्न पाएको बताए ।
भारतीय क्षेत्रका बिरामी अधिकांश मोतियाबिन्दु र आँखाको नानीको चोटपटकको समस्या लिएर आउने गर्दछन् । ती बिरामीको आवश्यकताअनुसार शल्यक्रिया गर्नुपर्दा कम शुल्कमा उच्चस्तरको उपचार हुने भएकाले भारतीय बिरामीसमेत बढ्दो क्रममा रहेको उनको भनाइ छ । भारतीय क्षेत्रका ती बिरामीले नेपालको ठोरीमा उपचार नपाउँदा गोरखपुर पुग्नुपर्ने हुन्छ । भरतपुर आँखा अस्पतालले दाताहरुकोसमेत सहयोग पाउने हुँदा कम शुल्कमा उपचार सेवा दिन सकेको खड्काले बताए ।
कतिपय बिरामीलाई थप सेवा दिनुपर्दा भरतपुर आँखा अस्पताल ल्याएर उपचार गर्ने गरिएको छ । कतिपय समयमा भरतपुरबाट विभिन्न विषयका विज्ञ चिकित्सक गएर ठोरीमा नै पनि उपचार गर्ने गरिएको छ । भरतपुर आँखा अस्पतालले विभिन्न जिल्लाका २५ ठाउँबाट सेवा दिँदै आएको छ ।
चितवन । आइपिओ जारी गर्ने तयारीमा रहेको दाउन्ने एग्रो फार्म लिमिटेडले एक वर्षमा रु ११ करोड ११ लाख ४२ हजार अण्डा उत्पादन गरेको छ । गत आर्थिक वर्षमा कम्पनीले पाँच लाख २९ हजार २५० पेटी अण्डा उत्पादन गरेर बिक्री गरेको हो ।
कम्पनीको आज सम्पन्न साधारणसभा कम्पनीका अध्यक्ष विनोद पोखरेलले दैनिक एक हजार चार सय ५० पेटी अण्डा उत्पादन हुँदै आएको बताए । कम्पनीले नवलपरासीको (सुस्ता–त्रिवेणी पूर्व) विनयी त्रिवेणी गाउँपालिका वडा नं ३ को सर्दीमा करिब ११ बिघामा फैलिएको फार्ममा कुखुरापालन गर्दै आएको छ । फार्ममा अहिले चार लाख कुखुरा रहेका छन् । निकट भविष्यमै छ लाख कुखुरा पु¥याउने लक्ष्य लिइएको अध्यक्ष पोखरेलले बताए ।
कम्पनीले गत आर्थिक वर्षमा रु आठ करोड १५ लाख ९० हजार नौ नाफा गरेको छ । कम्पनीले गत आर्थिक वर्षमा प्रतिशेयर रु १८.३७ आम्दानी गरेको थियो । अध्यक्ष पोखरेलले पेश गरेको प्रगति प्रतिवेदनमा आर्थिक वर्ष २०८०÷८१ मा प्रतिशेयर रु ३.६४ आम्दानी गरेको कम्पनीले यसवर्ष प्रतिशेयर आम्दानी बढाएको छ । आर्थिक वर्ष २०८०÷८१ मा कम्पनीले रु दुई करोड ६३ लाख नाफा गरेको थियो । त्यसवर्ष कम्पनीको चुक्ता पूँजी रु २७ करोड रहेकोमा गत आर्थिक वर्षमा चुक्ता पूँजी बढेर रु ५० करोड पुगेको छ ।
साधारणसभाले कम्पनीको २०८१/८२ को आर्थिक तथा प्रगति प्रतिवेदन सर्वसम्मत रुपमा पारित गरेको छ । त्यस्तै विशेष प्रस्तावअन्तर्गत प्रारम्भिक सार्वजनिक आह्वान (आइपिओ) मा जानका लागि सबै कानुनी प्रक्रिया पूरा गरेकोले सोसम्बन्धी प्रस्ताव सर्वसम्मत रुपमा अनुमोदन गरेको छ ।
कार्यक्रममा कम्पनीका संस्थापक अध्यक्ष रघुनाथ भट्ट, सञ्चालक हेमराज बडाल, डा अनन्त दाहाल, डा आशिष पोखरेल, वित्तीय सल्लाहकार ऋषिराम चालिसे, आध्यान्त फण्ड म्यानेजमेन्टका अध्यक्ष मनोज पौडेल, शेयरधनीका तर्फबाट माधवप्रसाद अर्यालले आफ्नो धारणा राखेका थिए ।
यसैगरी कम्पनीका प्रमुख कार्यकारी अधिकृत विजयप्रसाद पौडेल र कम्पनी सचिव सुरेन्द्रनाथ रेग्मीले आर्थिक प्रतिवेन र कम्पनीका बारेमा जानकारी दिएका थिए । साधारण सभाका अवसरमा संस्थापक अध्यक्ष रघुनाथ भट्ट र पूर्वसञ्चालक द्रोणप्रसाद लामिछाने र हिमालय पौडेललाई सम्मान गरिएको थियो ।
भरतपुर । चितवन जिल्ला बहुउद्देश्यीय सहकारी संघ लिमिटेडले आर्थिक वर्ष २०८२/०८३ को वार्षिक रणनीतिक योजना एवम् बजेट निर्माणसम्बन्धी दुईदिने कार्यशाला गोष्ठी बन्दीपुरमा सम्पन्न गरेको छ ।
संघका अध्यक्ष भीष्मप्रसाद खनालको अध्यक्षता एवम् दुग्ध विकास बोर्ड, बागमती प्रदेशका कार्यकारी उपाध्यक्ष हरिप्रसाद पौडेलको प्रमुख आतिथ्यतामा भएको गोष्ठीमा संघका संस्थापक अध्यक्ष तथा प्रमुख सल्लाहकार दिनेशकुमार चुके, मुक्तिनाथ कृषि कम्पनीका बागमती प्रदेश प्रमुख अनोज अधिकारी, संघका पदाधिकारी एवम् सञ्चालक सदस्यहरू, सल्लाहकारहरू एवं संघमा आवद्व सदस्य संस्थाका अध्यक्ष एवं प्रतिनिधिहरूको सहभागिता रहेको थियो ।
योजना तथा बजेट निर्माणका सम्बन्धमा प्रमुखअतिथि पौडेलले सहजीकरण गरेका थिए भने अनोज अधिकारीले मुक्तिनाथ कृषि कम्पनीले सहकारीहरूसँग कसरी सहकार्य गर्दै आएको छ भन्ने विषयमा प्रकाश पार्दै कम्पनीले गर्दै आएका गतिविधिहरूका बारेमा जानकारी गराएका थिए ।
संस्थापक अध्यक्ष चुकेले सम्भावित व्यावसायिक योजना पेस गरेको गोष्ठीमा छलफलपश्चात् सञ्चालक सदस्य श्यामबन्धु पोखरेलले आर्थिक वर्ष २०८२/०८३ को कार्यक्रम तथा बजेटको प्रस्ताव प्रस्तुत गरेका थिए । कार्यक्रमको सञ्चालन सञ्चालक सदस्य रामजी पौडेलले गरेका थिए ।
भरतपुर । एसोसिएसन अफ कन्सल्टिङ इन्जिनियर्स चितवनले आयोजना गरेको फुटसल प्रतियोगिताको उपाधि एसोसिएसन अफ कन्सल्टिङ इन्जिनियर्स चितवन ‘ए’ले हात पारेको छ ।
प्रतियोगिताको निर्धारित समयमा प्रतिस्पर्धी ‘ए’ र एसोसिएसन अफ कन्सल्टिङ इन्जिनियर्स चितवन ‘ई’ले एक–एक गोल गरेपछि पेनाल्टी सुटआउटबाट प्रतियोगिताको विजेता छनोट गरिएको थियो ।
सुटआउटमा ‘ए’ ले ६ गोल गर्दा ‘ई’ ले ५ गोल गरेको थियो । एसिई ‘ई’ लाई हराउँदै एसिई ‘ए’ विजयी भएको हो । विजयी भएसँगै एसिई ‘ए’ले ४५ किलोको खसी, ट्रफि र प्रामाणपत्र प्राप्त गरेको छ । उपविजेता समूहले प्रमाणपत्र र मायाको चिनो प्राप्त गरेका छन् । प्रतियोगितामा चितवनका १७ र गैँडाकोटको एउटा समूह सहभागी भएको थियो । सो अबसरमा म्यान अफ दी म्याच, सर्वाधिक गोलकर्ता, उत्कृष्ट गोल रक्षक एवम् उत्कृष्ट खेलाडीलाई सम्मान गरिएको थियो ।
एसोसिएसन अफ कन्सल्टिङ इन्जिनियर्स चितवनका अध्यक्ष विष्णु अधिकारीले पुरस्कार तथा सम्मान पत्र प्रदान गरेका थिए ।
उद्घाटन सत्रमा भरतपुर महानगरका उपप्रमुख चित्रसेन अधिकारीले खेल क्षेत्रले सबै विधाका व्यक्तिहरुलाई एकीकृत गरेर लैजान मद्दत पु¥याएको बताए । खेल क्षेत्रको विकासले मात्र राष्ट्रको गरिमा बढ्ने भन्दै उनले खेलले मानव स्वास्थ्यलाई समेत स्वस्थ राख्न टेवा पुग्ने बताए । उनले खेल क्षेत्रको विकासका लागि महानगरपालिकाले ठूलो लगानी गरेको बताए ।
महानगरका प्रमुख प्रशासकीय अधिकृत लक्ष्मीप्रसाद पौडेलले खेल क्षेत्रको विकासका लागि सहज वातावरण बनाउन स्थानीय सरकार लागि परेको बताए । खेलले सबैको हित गर्ने उनको भनाइ थियो । कन्सल्टिङ इन्जिनियर तथा विभिन्न कार्यालयका इन्जिनियर र सव इन्जिनियरहरुको शारीरिक कसरतका लागि आयोजना गरिएको मैत्रीपूर्ण फुटसल प्रतियोगितामा चितवन र नवलपरासीको गैँडाकोटका गरी १८ वटा टिमको सहभागिता रहेको थियो ।
एसोसिएसन अफ कन्सल्टिङ इन्जिनियर्स चितवनका अध्यक्ष अधिकारीले राष्ट्र निर्माणमा समर्पित इन्जिनियरहरुको मैत्रीपूर्ण प्रतियोगिताले भाइचारा सम्बन्ध बढाउन सहयोग पुग्ने बतए । कार्यक्रमका संयोजक ई. खेमविक्रम थापा काउछा, एसोसिएसनका सचिव ई. आकाश शर्मालगायतले बोलेका थिए ।
रत्ननगर । ब्रिज इन्टरनेसनल एजुकेसनल कन्सल्टेन्सीले चितवनको रत्ननगरमा आइतबार शाखा विस्तार गरेको छ । उच्च शिक्षाका लागि विद्यार्थीहरुलाई विदेशी विश्वविद्यालयमा अध्ययनका लागि परामर्श तथा सहजीकरण गर्दै आएको यस कन्सल्टेन्सीले रत्ननगरमा शाखा शुभारम्भ गरेको हो ।
शाखाको उद्घाटन रत्ननगर उद्योग वाणिज्य संघका अध्यक्ष शंकर गिरीले रिबन काटेर गरेका थिए । कार्यक्रममा प्रमुखअतिथिका रुपमा उपस्थित गिरीले कन्सल्टेन्सीहरुको बढ्दो प्रतिस्पर्धामा ब्रिजले आफ्नो सेवामार्फत छुट्टै पहिचान बनाउने विश्वास व्यक्त गरे ।
उनले विद्यार्थीहरुलाई सही परामर्श प्रदान गर्दै विदेशमा अध्ययनका लागि पठाउने कार्यमा जोड दिन आग्रह गरे । उनले शाखाको सफलताका लागि शुभकामना दिए ।
‘कन्सल्टेन्सीहरुको भीडमा ब्रिजले आफ्नो सेवा र गुणस्तरबाट अलग पहिचान बनाउन सक्छ’, उनले भने, ‘विद्यार्थीहरुको भविष्यलाई ध्यानमा राखेर सही मार्गदर्शन गर्नु आवश्यक छ ।’
रत्ननगर शाखाकी प्रमुख कृषा लम्साल घिमिरेले कार्यक्रममा बोल्दै ब्रिजले उच्च शिक्षाका लागि विभिन्न देशहरुमा विद्यार्थीहरु पठाउने गरेको जानकारी दिइन् । ब्रिजले बेलायत, अस्ट्रेलिया, डेनमार्क, क्यानडा, अमेरिका र युरोपका विभिन्न देशहरुमा विद्यार्थीहरुलाई सहजीकरण गर्दै आएको उनले बताइन् । ‘हामी विद्यार्थीहरुको आवश्यकताअनुसार सही गन्तव्य र विश्वविद्यालय छनोट गर्न सहयोग गर्छौं’, उनले भनिन् ।
घिमिरेले ब्रिजका विदेशमा चारवटा शाखा र नेपालका मुख्य सहरहरुमा १५ वटा शाखा सञ्चालनमा रहेको जानकारी दिइन् । विसं २०७२ मा स्थापना भएको यस कन्सल्टेन्सीले आफ्नो सेवालाई थप सुलभ र प्रभावकारी बनाउँदै आगामी दिनमा थप शाखा विस्तार तथा विद्यार्थीकेन्द्रित कार्यक्रमहरु सञ्चालन गर्ने योजना रहेको उनले बताइन् ।
कार्यक्रममा संस्थाका संस्थापक प्रज्वल गिरी, शाखा संयोजक सुशील न्यौपाने, व्यवस्थापक प्रमुख रुपेश थापा, अस्ट्रेलियाका शाखा प्रबन्धक सनिश महर्जन, प्रमुख कार्यकारी भुवन गिरी, ग्राम्पियन्स कलेज मेलबर्न अस्ट्रेलियाका कार्यकारी प्रमुख वासुदेव मरहट्ठालगायतको उपस्थिति थियो । कार्यक्रमको सञ्चालन सन्दर्भ खनालले गरेका थिए ।
रत्ननगर । रत्ननगर–१, निपनीमा रहेको ज्ञानसुधा टेक्निकल कलेज (जिएसटी) कलेजले नयाँ शैक्षिक सत्रका लागि चार वर्षीय बिबिए कार्यक्रम सुरू गरेको छ । सुदूरपश्चिम विश्वविद्यालयबाट सम्बन्धन प्राप्त जिएसटी कलेजले बिबिए अध्ययन गर्न चाहने विद्यार्थीहरूका लागि दुई सेक्सनमा ६६ सिट कोटाको बिबिए कार्यक्रम सञ्चालनमा ल्याएको हो ।
क्याम्पस प्रमुख राजकुमार दाहालले यो कलेज पूर्वी चितवनमा बिबिए कार्यक्रम सञ्चालन गर्ने पहिलो शैक्षिक संस्था रहेको र यसमा २०५३ सालदेखि विभिन्न कलेजमा प्राध्यापनरत अनुभवी प्राध्यापकहरु रहेको बताए ।
आफ्नै भवनमा वातानुकुलित वातावरणमा पढाइ हुने यस कलेजले पूर्वी चितवनका चार पालिकालाई लक्षित गरी यातायातको सुविधासहित सबै वर्गका विद्यार्थीलाई पहुँचयोग्य बनाउने लक्ष्य लिएको छ ।
कलेजले रोजगारी सुनिश्चितताका लागि बैंक, व्यावसायिक संस्था, सूचना प्रविधि, बहुर्राष्ट्रिय कम्पनी, प्रशासनलगायतका संस्थाहरुसँग समझदारी गरेको छ । चार वर्षीय बिबिए कार्यक्रम अध्ययनका लागि प्याकेजमा ६ लाख ७५ हजार रुपैयाँ शुल्क तोकिएको छ । जसमध्ये पहिलो २० जना जेहेनदार, द्वन्द्वपीडित, विपन्न वर्गका विद्यार्थीलाई विशेष छात्रवृत्ति प्रदान गरिने क्याम्पस प्रमुख दाहालले जानकारी दिए । उनका अनुसार कलेजले मेधावी विद्यार्थीहरुलाई प्रोत्साहनका लागि एक करोड रुपैयाँ बराबरको छात्रवृत्ति घोषणा गरेको छ ।
शिक्षामा उत्कृष्टता, व्यावसायिक दक्षता र रोजगारीको अवसरलाई जोड दिँदै जिएसटीले विद्यार्थीहरूलाई विश्वस्तरीय व्यवस्थापन शिक्षाको अवसर प्रदान गर्ने लक्ष्य लिएको क्याम्पस प्रमुख दाहालले बताए । उनले विद्यार्थीहरूलाई सैद्धान्तिक र व्यावहारिक शिक्षाको संयोजनमार्फत बजारको मागअनुरूप प्रतिस्पर्धी र सक्षम बनाउने लक्ष्यका साथ अगाडि बढेको बताए ।
यस्तै, कलेजका प्रबन्ध निर्देशक ई. दिवस मैनालीले देशमा बसेर केही हुँदैन भन्ने भाष्यलाई गलत साबित गर्दै देशमा नै केही छ र गर्न सकिन्छ भन्ने उदाहरण जिएसटी कलेजले प्रस्तुत गर्ने विश्वास व्यक्त गरे ।
कलेजका अध्यक्ष हरिशरण पाठकले विद्यार्थीहरुलाई प्राविधिक ज्ञानसहित ‘डिग्री विथ स्किल’को विकास गर्ने गरी कलेज स्थापना गरिएको बताए । कलेजले यही साउन २९ गते कलेज परिसरमा लन्चप्याड सेलिब्रेटिङ सक्सेस, चार्टिङ फ्युचर नामक कार्यक्रम आयोजना गरेको छ ।
सो कार्यक्रममा कक्षा १२ को परीक्षा उत्तीर्ण भएका विद्यार्थीहरुलाई सम्मानका साथ भविष्य निर्माण गर्ने अवसरबारे जानकारी दिने कार्यक्रम रहेको बिबिए कार्यक्रम विभागका प्रमुख सौगात गुरूङले जानकारी दिए ।
भरतपुर । इच्छाकामना गाउँपालिकाबाट यस वर्षको एसइई परीक्षा दिने तयारीमा रहेका सबै विद्यार्थीलाई एक्सपर्ट एजुकेसन एण्ड भिजा सर्भिसेज चितवनले क्याल्कुलेटर दिँदै छ ।
स्थापना दिवसमा मनाइने ‘एक्सपर्ट डे’ को अवसरमा एक्सपर्टले उक्त गाउँपालिकाका ८ वटै माध्यमिक विद्यालयका कक्षा १० अध्ययनरत सबै विद्यार्थीलाई क्याल्कुलेटर सहयोग गर्न लागेको हो ।
साउन २३ गते परेको स्थापना दिवसको अवसरमा एक्सपर्टले आयोजना गरेको विशेष समारोहमा दुईवटा माध्यमिक विद्यालयलाई क्याल्कुलेटर दिइसकेको छ भने बाँकी छ वटा विद्यालयलाई छिट्टै हस्तान्तरण गरिने एक्सपर्ट चितवनका निर्देशक डिल्लीराम अधिकारीले जानकारी दिए ।
उक्त समारोहमा निर्देशक अधिकारीसँगै प्रमुख अतिथि नेपाल पत्रकार महासंघका केन्द्रीय वरिष्ठ उपाध्यक्ष दीपक आचार्यले राष्ट्रिय माध्यमिक विद्यालय हात्तीबाङलाई सत्ताइस थान र माध्यमिक विद्यालय रानीखोलालाई बीस थान क्याल्कुलेटर हस्तान्तरण गरे ।
त्यसबाहेक सर्वशान्ति माध्यमिक विद्यालय कुरिनटारलाई एक सय चार थान, त्रिवेणी वराह माध्यमिक विद्यालय मुग्लिङलाई सैँतीस थान, जनप्रिय माध्यमिक विद्यालय काउलेलाई चौबिस थान, माझगाउँ माध्यमिक विद्यालयलाई नौ थान, माध्यमिक विद्यालय ढुङ्ग्रेलाई तेइस थान र राष्ट्रिय माध्यमिक विद्यालय गर्दासलाई सैँतीस थान क्याल्कुलेटर सम्बन्धित विद्यालयलाई दिइने छ ।
“छिट्टै ती स्थानमा गएर हरेक विद्यार्थीको हातमा पर्ने गरी दिइने छ”, एक्सपर्ट चितवन रिजनका बिजनेस डेभलपमेन्ट म्यानेजर विनोदबाबु रिजालले भने– “व्यावसायिक सामाजिक उत्तरदायित्वअन्तर्गत एक्सपर्टले हरेक वर्ष सामुदायिक विद्यालयलाई गर्ने सहयोगको यो निरन्तरता हो ।”
इच्छाकामनाभर कक्षा दशमा अध्ययन गर्ने कुल विद्यार्थी दुई सय एकासी जना छन् । विकट क्षेत्रमा अध्ययनरत उनीहरूमध्ये अधिकांशको आर्थिक अवस्था कमजोर छ । “विपन्नताकै कारण त्यस क्षेत्रका विद्यार्थीलाई क्याल्कुलेटर किन्नसमेत अप्ठ्यारो हुने गरेको सुनिएको छ”, एक्सपर्टका निर्देशक अधिकारीले भने– “त्यही सहज होस् भनेर सहयोग गरेका हौँ ।”
कार्यक्रमका प्रमुखअतिथि आचार्यले एक्सपर्टले गरेको सामाजिक क्रियाकलाप प्रशंसनीय भएको बताए । उनले कार्यक्रमको उद्घाटन पनि जेहेन्दार विद्यार्थीलाई छात्रवृत्ति दिएर गरेका थिए । कविलास माध्यमिक विद्यालयमा कक्षा नौमा अध्ययनरत सुजिता गुरुङलाई नगद पाँच हजार रुपैयाँ, स्कुल झोला, शैक्षिक सामग्री, स्कुल ड्रेस, खेलकुद ड्रेस, छाता, क्याल्कुलेटरलगायत सामग्री प्रदान गरेर कार्यक्रमको उद्घाटन गरिएको थियो ।
“कार्यक्रम उद्घाटन गर्ने शैली नै मन प¥यो”, उनले भने– “शिक्षामा गरिएको सहयोग नै सबैभन्दा उत्तम सहयोग हो ।”
सहयोग पाएपछि राष्ट्रिय मावि हात्तीबाङका प्रधानाध्यापक लोकबहादुर मगरले भने– “दूरदराजका विद्यार्थीका लागि यो सानो सहयोग नै ठूलो हुन्छ । उनीहरूमा नगद खर्च गरेर शैक्षिक सामग्री किन्ने ल्याकत हुँदैन । त्यसैले यसले ठूलो अर्थ राख्छ ।” त्यस्तै रानीखोलाका प्रधानाध्यापक अर्जुन मगरले ग्रामीण क्षेत्रका विद्यार्थीलाई हरेक सानो सहयोगको पनि अर्थ ठूलो हुने बताए । एक्सपर्ट एजुकेसन सन् २००३ मा स्थापना भएको हो । यसले स्थापनाको २२ वर्ष पूरा गरेको छ ।
कालिका । कालिका नगरपालिकाले २०८१ सालको माध्यमिक शिक्षा परीक्षामा १२ कक्षा उत्तीर्ण भएका १३९ जना विद्यार्थीलाई सम्मान कार्यक्रम गरेको छ ।
यसवर्ष कालिका नगरपालिकाले नगरभित्रबाट १२ कक्षा उत्तीर्ण भएका सबै विद्यार्थीहरुलाई सम्मान गरेको हो । कार्यक्रमको संयोजन नगरपालिकाको शिक्षा, युवा तथा खेलकुद शाखाले गरेको थियो ।
कालिका नगरपालिकाका नगरप्रमुख विनोद रेग्मीले नगरकै शैक्षिक गुणस्तर वृद्धिका लागि भएका विविध कार्यक्रममध्ये सम्मान कार्यक्रम पनि एउटा मह¤वपूर्ण कार्यक्रम भएको बताए । विद्यार्थी सम्मान कार्यक्रममा नगरप्रमुख रेग्मीले विद्यार्थी, शिक्षक, अभिभावक, विद्यालय व्यवस्थापन समिति, कर्मचारी र सिङ्गो समाजले सफल उत्पादन गरेका कलिला विद्यार्थीहरुलाई सम्मान गरेर उनीहरुको हौसला वृद्धिका लागि एउटा नयाँ इँटा थपिएको बताए ।
नगरप्रमुख रेग्मीले १२ पास भएका विद्यार्थीहरुलाई आफ्नो मातृभूमि, आफू जन्मेका ठाउँ र पढेको गाउँको नाम राख्ने गरी अघि बढ्न सुझाव दिएका थिए ।
‘तपाईंहरु नै हो भोलिका वडा सदस्य, वडाध्यक्ष, नगरप्रमुख, मन्त्री, प्रधानमन्त्री अथवा राष्ट्रको उच्च पदमा पुग्ने कर्मचारी, अथवा देशभक्त जनशक्ति’, नगरप्रमुख रेग्मीले भने, ‘जहाँ पुगे पनि यो नगरको माटो नबिर्सनू, भोलि तपाईंलाई प्राप्त भएको ज्ञान, सीप, जाँगर र दक्षता यो नगरले अवश्य खोज्ने छ । त्यतिबेला म जन्मेको ठाउँ, हुर्केको गाउँ भनेर आफ्नो ज्ञान, सीप र जाँगर बाँड्नु, मेरो यहाँहरुलाई यही अनुरोध छ ।’
‘हजारौँ माइलको यात्रा पनि पहिलो पाइलाबाट सुरू हुन्छ, विद्यार्थीहरुको पहिलो पाइला सुरू भयो’, उनले भने, ‘हजारौँ माइल पार गर्नुहुने छ, आफ्नो लक्ष्यमा निरन्तर लाग्नुहोला, शुभकामना छ ।’
कालिका नगरपालिकाले शैक्षिक गुणस्तर बढाउन विद्यालयस्तरका कार्यक्रमलाई अघि बढाएको छ । यसअघि नगरपालिकाले विद्यालयलाई प्रविधिमैत्री बनाउन कम्प्युटर, प्रिन्टरलगायतका सामग्री हस्तान्तरण गरेको थियो ।
विद्यालयको वार्षिकोत्सव तथा अभिभावक दिवस हुन सकिरहेको थिएन, नगरपालिकाले हरेक विद्यालयले वार्षिकोत्सव तथा अभिभावक दिवस मनाउनका लागि अनिवार्य गरेको छ । नगरपालिकाको पहलमा अतिरिक्त कक्षाहरु थपिएका छन् भने विद्यालयमा हरित कार्यक्रम लागू भइरहेको छ ।
सम्मान कार्यक्रममा सामाजिक विकास समितिका संयोजक मकरमान श्रेष्ठले नगरपालिकाले सम्मान गरेर विद्यार्थीहरुलाई थप हौसला, प्रेरणा दिएको बताए । उनले आगामी दिनमा विद्यार्थीहरुको उज्ज्वल भविष्यको कामना गरेका थिए ।
कार्यक्रम शिक्षा युवा तथा खेलकुद शाखा प्रमुख चन्द्रादेवी शर्माले विद्यार्थीहरुमा थप हौसला वृद्धि गर्न सम्मान कार्यक्रम राखेको बताइन् । नगर सम्मान कार्यक्रमको सञ्चालन नगरका सूचना अधिकारी प्रकाशचन्द्र पौडेलले गरेका थिए ।
कार्यक्रममा नगर प्रवक्ता तथा वडा नं–२ का अध्यक्ष लक्ष्मण पौडेल, अन्य वडाध्यक्ष, पालिका सदस्य, कर्मचारी, अभिभावकलगायत विद्यार्थीहरुको सहभागिता रहेको थियो ।
रत्ननगर । महिला लघुवित्त वित्तीय संस्था लिमिटेड, टाँडी शाखाले रत्ननगर–४, भोकाहा निवासी स्व. सञ्जुकुमारी चौधरीका श्रीमान् राजुराम महतोलाई मृत्यु दाबी बिमा रकम हस्तान्तरण गरिएको छ ।
रत्ननगर–४ की चौधरीले २०७४ फागुन ६ गते महिला लघुवित्तको सदस्यता लिएकी थिइन् । सो लघुवित्तको टाँडी शाखाको केन्द्र नं–२८ बाट सदस्यता लिएकी चौधरीले नियमित बचत तथा कर्जा कारोबार गर्दै आएकी थिइन् । उनको २०८१ चैत १४ गते मृत्यु भएको थियो ।
संस्थाको सामाजिक उत्तरदायित्व कार्यक्रम तथा बिमा दाबी योजनाअन्तर्गत स्व. चौधरीका श्रीमान् राजुराम महतोलाई राहतस्वरुप ४ लाख १८ हजार रूपैयाँ मृत्यु दाबी बिमा रकम हस्तान्तरण गरिएको छ ।
बिमा रकम हस्तान्तरण कार्यक्रममा रत्ननगर–४ का वडाध्यक्ष रामकुमार चौधरी, शाखा कार्यालय टाँडीका कार्यालय प्रमुख बोधेन्द्र विसी, कर्मचारी लोकेन्द्र चौलागाईं, मौसमप्रसाद पौडेल तथा केन्द्रमा आबद्ध सदस्यहरुको उपस्थिति रहेको थियो ।
सो अवसरमा वडाध्यक्ष चौधरीले संस्थाले गरेका यस्ता सामाजिक उत्तरदायित्वका कार्यक्रमहरु अनुकरणीय र समुदायमैत्री रहेको उल्लेख गर्दै आगामी दिनमा पनि यस्ता कार्यक्रमलाई निरन्तरता दिनुपर्ने बताए । उनले कर्जा लिएपछि मिनाहा हुन्छ, तिर्नुपर्दैन भन्नेजस्ता अराजक सोचप्रति आपत्ति जनाउँदै हरेक सदस्य आफ्नो उत्तरदायित्वप्रति इमानदार बन्नुपर्नेमा जोड दिए ।
उनले संस्थाबाट लिएको कर्जा नियमित तिर्नुपर्ने र त्यसबाटै लघुवित्तको प्रभावकारिता टिक्ने भएकाले अनावश्यक भ्रमबाट मुक्त रहँदै संस्था र सदस्यहरु जिम्मेवार भएर लाग्नुपर्ने बताए ।
कालिका । कालिका नगरपालिकामा तीनदिने मनसुनपूर्व विपद् व्यवस्थापन सचेतना कार्यक्रम गरिएको छ । कालिका नगरपालिकाको वन वातावरण तथा विपद् व्यवस्थापन समितिको आयोजनामा मनसुनपूर्व विपद् व्यवस्थापन सचेतना कार्यक्रम गरिएको हो ।
लुमन्ती संस्थाको सहयोगमा सञ्चालित कार्यक्रममा कालिका नगरपालिका वडा नं–१, २, ३, ४, ६ र ७ का वडास्तरीय विपद् व्यवस्थापन समितिका सदस्यहरु सहभागी थिए ।
कार्यक्रममा टोल विकास संस्था तथा प्रभावित समुदाय, बाल सञ्जाल तथा स्काउटका विद्यार्थीहरुसमेत सम्मिलित थिए । गत वर्ष कालिका नगरपालिकामा बाढीका कारण तीन जनाको ज्यान गएको थियो ।
कार्यक्रमका प्रमुखअतिथि नगरप्रमुख विनोद रेग्मीले विगतका वर्षहरुमा मनसुनजन्य विपद् आइपरेको र यसपटक यस्ता क्षति दोहोरिन नदिनका लागि पूर्वतयारीअन्तर्गत सचेतना कार्यक्रम गरिएको बताए ।
मनसुनजन्य विपद् पूर्वतयारीका लागि स्थानीय तह, सरोकारवाला निकाय र समुदायलाई सुसूचित गर्दै आवश्यक तयारीका कार्यहरु गर्न प्रोत्साहन गर्ने हिसाबले कार्यक्रम आयोजना गरिएको हो ।
कार्यक्रमको अध्यक्षता वन वातावरण तथा विपद् व्यवस्थापन समिति सभापति तथा वडा नं–३ का अध्यक्ष वीरेन्द्र तामाङले गरेका थिए । कार्यक्रमको सञ्चालन वन वातावरण शाखा प्रमुख राजेश कोइरालाले गरेका थिए ।
कार्यक्रममा नगर उपप्रमुख विमला तामाङ, नगर प्रवक्ता तथा वडा नं–२ का अध्यक्ष लक्ष्मण पौडेल, वडा नं–१ का अध्यक्ष सन्तवीर स्याङ्दान, वडा नं–४ का अध्यक्ष मकरमान श्रेष्ठलगायतले विपद्बाट जोगिन सबैभन्दा पहिला यसको व्यवस्थापन गर्न आवश्यक रहेको औँल्याए ।
भरतपुर । सानिमा रिलायन्स लाइफ इन्स्योरेन्स र नारायणी सामुदायिक हस्पिटल प्रालि चितवनबीच स्वास्थ्य उपचार सेवामा सहुलियतसम्बन्धी सम्झौता पत्रमा हस्ताक्षर सम्पन्न भएको छ ।
सानिमा रिलायन्स लाइफ इन्स्योरेन्सको तर्फबाट प्रमुख कार्यकारी अधिकृत शिवनाथ पाण्डे र अस्पतालको तर्फबाट कार्यकारी अध्यक्ष डा. भक्तमान श्रेष्ठले सम्झौता पत्रमा हस्ताक्षर गरेका हुन् ।
सानिमा रिलायन्स लाइफ इन्स्योरेन्ससँग आवद्ध, देशभरका बिमित, अभिकर्ता, कर्मचारीहरुले उपचारमा १० प्रतिशतसम्म सहुलियतको व्यवस्थासहित सम्झौता भएको कम्पनी क्षेत्र प्रबन्धक इशा प्रधानले जानकारी दिइन् ।
इन्स्योरेन्स कम्पनीसँग सहकार्य गरी स्वास्थ्य सहुलियत दिन पाउँदा अस्पताल प्रशासन खुसी रहेको र आवश्यकताअनुसार थप सहयोग गर्न सकिने अध्यक्ष डा. भक्तमान श्रेष्ठले बताए । सम्झौता हस्ताक्षर गरेकै मितिबाट लागू भई दुई वर्ष अवधिसम्म कायम हुनेछ ।
क्षेत्र प्रबन्धक इशा प्रधानको समन्वयमा भएको सम्झौता कार्यक्रममा अस्पतालका कार्यकारी निर्देशक विष्णु कुँवर, म्यानेजर अरूण लम्साल, इन्स्योरेन्स कम्पनीका मार्केटिङ अफिसर प्रदीप पराजुलीको उपस्थिति रहेको थियो ।
भरतपुर । राष्ट्रिय युवा संघ नेपाल कपको उपाधि भरतपुर महानगर कमिटीले जितेको छ । शुक्रबार भएको उपाधि भिडन्तमा कालिका नगर कमिटीलाई हराउँदै भरतपुर च्याम्पियन बनेको हो ।
कृष्णपुरको मैदानमा भएको खेलमा भरतपुर टाइब्रेकरमा ४-२ ले विजयी भयो । त्यसअघि निर्धारित समयको खेल गोलरहित बराबरीमा सकिएको थियो । निर्धारित समयमा भरतपुरले कालिकालाई दबाबमा राखे पनि गोल गर्न नसकेपछि खेल टाइब्रेकरमा धकेलिएको हो । जसमा भरतपुर ४-२ ले विजयी भयो । भरतपुरका गोलकिपर मनोज गुरूङ प्लेयर अफ दी म्याच भए ।
उपाधि विजेता भरतपुरले ट्रफीसहित एक लाख रुपैयाँ प्राप्त गरेको छ । यस्तै उपविजेता कालिकाले ५० हजारमा चित्त बुझाएको छ । भरतपुरका गोलकिपर मनोज गुरूङ प्लेयर अफ दी सिरिज भए । उनले ६ हजार रुपैयाँ प्राप्त गरे।
यस्तै भरतपुरकै समीर श्रेष्ठ उत्कृष्ट स्ट्राइकर, कालिकाका सौजन खड्का उत्कृष्ट डिफेन्डर तथा कालिकाकै अमन तामाङ उत्कृष्ट गोलरक्षक बने । उनीहरुले जनही ३-३ हजार प्राप्त गरे । राष्ट्रिय युवा संघ भरतपुर महानगर कमिटीले आयोजना गरेको प्रतियोगितामा ८ टोली सहभागी थिए ।
रत्ननगर । रत्ननगर नगरपालिका वडा नं-५ का ज्येष्ठ नागरिकहरुलाई शुक्रबार पौष्टिक आहार, सम्मान तथा स्वास्थ्य परीक्षण गरिएको छ ।
वडा कार्यालयसँगको सहकार्यमा सिर्जनशील सामुदायिक सिकाइ केन्द्रले ७५ वर्षमाथिका १४१ जना ज्येष्ठ नागरिकलाई पौष्टिक आहार, सम्मान तथा स्वास्थ्य परीक्षण गरेको हो । नगर स्वास्थ्यकेन्द्र टरौलीमा आयोजित कार्यक्रममा वडाध्यक्ष बालकृष्ण चापागाईं, केन्द्रका अध्यक्ष मीनप्रसाद सापकोटा र वडा सदस्य निलु शर्मा खतिवडाले पौष्टिक आहार वितरण तथा सम्मान गरिएका थिए । सम्मानित ज्येष्ठ नागरिकलाई नगर स्वास्थ्यकेन्द्रमा स्वास्थ्य परीक्षण गरी औषधिसमेत प्रदान गरिएको थियो ।
सो अवसरमा बोल्दै कार्यक्रमका प्रमुखअतिथि वडाध्यक्ष चापागाईंले वडा कार्यालयले ज्येष्ठ नागरिकलक्षित कार्यक्रम सञ्चालन गरिरहेको भन्दै निःशुल्क एम्बुलेन्स, ३२ प्रकारका रोगको निःशुल्क परीक्षण गर्दै औषधिसमेत प्रदान गर्दै आएको बताए ।
उनले ज्येष्ठ नागरिकको आर्शीवादले वडाको विकास र नागरिकको जीवनस्तर उकास्ने काम गर्ने ऊर्जा थपिएको बताए ।
केन्द्रका सदस्य बद्रिप्रसाद रिजालले स्वागत मन्तव्य राखेको उद्घाटन कार्यक्रम केन्द्रकी कर्मचारी रविता चौधरीले सञ्चालन गरेकी थिइन् । नगर स्वास्थ्यकेन्द्रमा आउन नसकेका ज्येष्ठ नागरिकहरुलाई घरघरमै पुगेर पौष्टिक आहार, सम्मान तथा स्वास्थ्य परीक्षण गरिएको थियो ।
चितवन । एक्सपर्ट एजुकेसन एन्ड भिसा सर्भिसेस चितवनले ‘एक्सपर्ट शिक्षा पत्रकारिता पुरस्कार–२०२५ ’ पत्रकार शान्ता अधिकारीलाई प्रदान गरेको छ ।
एक्सपर्टले आफ्नो गरिमामय २२औँ वार्षिकोत्सवको अवसरमा २५ हजार १११ रुपैयाँ राशीको शिक्षा पत्रकारिता पुरस्कार अधिकारीलाई प्रदान गरेको हो । वार्षिकोत्सव समारोहका प्रमुखअतिथि नेपाल पत्रकार महासंघका कार्यवाहक अध्यक्ष दीपक आचार्य, पत्रकार महासंघ चितवनका अध्यक्ष वसन्त पराजुली, एक्सपर्ट चितवनका अध्यक्ष घनानाथ अर्याल, निर्देशक डिल्लीराम अधिकारीले पत्रकार अधिकारीलाई पुरस्कार हस्तान्तरण गरेका हुन् ।
पुस्कार ग्रहण गर्दै पत्रकार अधिकारीले यो पुरस्कारले पत्रकारितामा जिम्मेवारीको भारी थपिएको बताइन् । उनले सम्मानका लागि एक्सपर्टलाई धन्यवाद दिँदै पत्रकारितामा थप क्रियाशिलता बढाउने प्रतिबद्धता जनाइन् ।
नेपाल पत्रकार महासंघका कार्यवाहक अध्यक्ष आचार्यले शैक्षिक परामर्श संस्थाले पत्रकारहरुको योगदानलाई कदर गर्दै पुरस्कार स्थापना गर्नु सकारात्मक रहेको बताए । उनले यस्ता सम्मानले पत्रकारहरुलाई थप जिम्मेवार र क्रियाशिलता देखाउन पनि प्रोत्साहन मिल्ने बताए । उनले पछिल्लो समय मिडिया क्षेत्र नै संकटमा पर्दै गइरहेको भन्दै पत्रकारहरु पनि जोखिमपूर्ण रहेको अवस्थामा रहेको बताए ।
कार्यक्रममा भरतपुर–१० का वडाध्यक्ष परमेश्वर खनालले शैक्षिक परामर्श क्षेत्रमा एक्सपर्टले सराहनीय काम गरेको भन्दै सामाजिक कार्यमा पनि उत्तिकै सक्रिय भएकोमा धन्यवाद दिए । उनले कुनै पनि विद्यार्थी दुःख नपाउने वातावरण बनाउनमा सबै सजग हुनुपर्ने बताउँदै एक्सपर्टले नेपालका विश्वविद्यालयहरुमा पनि बाहिरका विद्यार्थीलाई आकर्षित बढाउन जोड दिए ।
नेपाल पत्रकार महासंघ चितवनका अध्यक्ष वसन्त पराजुलीले पत्रकारिता क्षेत्रलाई प्रोत्साहन गर्न एक्सपर्टले पुरस्कार स्थापना गरेकोमा धन्यवाद दिए । उनले शैक्षिक परामर्श दिने संस्थाहरु वैधानिकरुपमा सञ्चालन हुनुपर्नेमा जोड दिए ।
एक्सपर्ट चितवनका निर्देशक डिल्लीराम अधिकारीले सबैको साथ र सहयोगबाट एक्सपर्ट यो स्थान आइपुगेको भन्दै सबैमा धन्यवाद दिए । उनले पत्रकारिता क्षेत्रलाई हौसला दिन नै पुरस्कार स्थापना गरिएको भन्दै पछिल्लो समय साहित्यिक क्षेत्रलाई पनि प्रोत्साहन गर्न पुरस्कार घोषणा गरिएको बताए ।
कार्यक्रममा भरतपुर हाइट टोलविकास संस्थाका संस्थापक अध्यक्ष शिवराज गिरी, एक्सपर्ट प्रेप चितवनका प्रिन्सिपल प्रचण्ड हमाललगायतले मन्तव्य व्यक्त गरेका थिए ।
कार्यक्रमको आधारभूत तह उत्तीर्ण परीक्षा–२०८१ मा कक्षा ८ बाट प्रथम हुन सफल कविलास मावि, भरतपुर–२९ की कक्षा ९ अध्ययनरत विद्यार्थी सुजिता गुरुङलाई छात्रवृत्ति तथा शैक्षिक सामग्री हस्तान्तरण गर्दै समद्घाटन गरिएको थियो । कार्यक्रम एक्सपर्ट चितवनका अध्यक्ष घनानाथ अर्यालको अध्यक्षतामा सम्पन्न भएको थियो ।
रत्ननगर । न्यू क्यापिटल कलेज, रत्ननगरले हरितालिका तीज र आफ्नो रजत जयन्तीको अवसरमा “नारी चेतना र तीज : शिक्षाले देखाएको उज्यालो बाटो” विषयक तीज गीत -नाच प्रतियोगिता आयोजना गर्ने भएको छ ।
पूर्वी चितवनस्तरीय प्रतियोगिता आगामी भदौ ६ गते बिहान १०ः०० बजे कलेज प्राङ्गणमा हुन लागेको क्याम्पस प्रमुख भूपेन्द्र धितालले जानकारी दिए । यस कार्यक्रमले तीजको सांस्कृतिक महत्त्वलाई उजागर गर्दै नारी चेतनालाई प्रोत्साहन गर्ने लक्ष्य राखेको उनले बताए ।
क्याम्पस प्रमुख धितालका अनुसार प्रतियोगितामा सहभागी समूहले अधिकतम ७ जनाको टोलीमा १० मिनेटभित्र मौलिक पोसाक, गीत र नृत्य प्रस्तुत गर्नुपर्नेछ । गीतमा राजनीतिक वा व्यक्तिगत आक्षेप समावेश गरिए त्यस्तो समूहलाई अयोग्य मानिने नियम बनाइएको छ । आयोजकले वाद्यवादनको व्यवस्था गर्नेछ भने मूल्याङ्कन गीत, प्रस्तुति, मौलिकता, लय, भाव र अनुशासनका आधारमा गरिनेछ ।
प्रतियोगितामा प्रथम, द्वितीय, तृतीय र सान्त्वना स्थान हासिल गर्ने समूहले क्रमशः १७ हजार, १३ हजार, १० हजार र ५ हजार रुपैयाँ पुरस्कार प्राप्त गर्नेछन् । क्याम्पस प्रमुख धितालले इच्छुक महिला, दिदीबहिनी तथा आमा समूहलाई साउन ३० गतेसम्म कलेजमा टोली दर्ता गराइसक्न अनुरोध गरेका छन्।
कार्यक्रममा तीज गीत-नाचसँगै दर खाने व्यवस्थासमेत गरिएको छ, जसले सहभागीहरूलाई सांस्कृतिक उत्सवको रमझममा रम्ने अवसर प्रदान गर्नेछ। यो कार्यक्रम आयोजनाले तीजको परम्परागत उत्साहलाई जीवन्त राख्दै शिक्षाको माध्यमबाट नारी सशक्तीकरण र चेतनाको सन्देश प्रवाह गर्ने अपेक्षा गरिएको छ ।
चितवन । साउन यता चितवनका विभिन्न अस्पतालमा उपचारका लागि आएका बिरामीमध्ये २६ जनामा डेंगुको सङ्क्रमण देखिएको छ । चालु आर्थिक वर्षको २१ दिनमा सो संख्यामा डेंगुको सङ्क्रमण देखिएको हो ।
जनस्वास्थ्य कार्यालय चितवनका जनस्वास्थ्य अधिकृत अंशु पोखरेलका अनुसार ९५० जनाको परीक्षणका क्रममा उनीहरुमा डेंगुको सङ्क्रमण देखिएको हो । सङ्क्रमितमध्ये २० जना चितवनका हुन भने ६ जना जिल्ला बाहिरका रहेका छन् । भरतपुर महानगरपालिकाका आठ, रत्ननगर नगरपालिकाका छ तथा खैरहनी र कालिका नगरपालिकाका तीन–तीन जनामा डेंगुको सङ्क्रमण देखिएको हो । सङ्क्रमितमा नौ पुरुष र ११ महिला रहेका उनले जानकारी दिइन् ।
वर्षा हुने र घाम लाग्दा लामखुट्टेका लागि अनुकूल वातावरण बन्ने भएकाले विशेष गरी साउन, भदौ र असोजमा डेंगुको सङ्क्रमण देखिने गर्दछ । यो रोग एडिस जातको पोथी लामखुट्टेको टोकाइबाट सर्ने गर्दछ । यो लामखुट्टेले प्रायः बिहान र बेलुकाको समयमा टोक्ने जनस्वासथ्य कार्यालयका प्रमुख दिनेश रुपाखेतीले जानकारी दिए ।
यो लामखुट्टेले प्लास्टिक, टिनका डब्बा, ड्रम, थोत्रा वा पुराना टायर, गमला, कुलरलगायतमा जम्मा भएको सफा पानी, खुल्ला पानीको ट्याङ्की, आदिमा फूल पार्ने गर्दछ । यो रोग लाग्दा आँखाको गेडी तथा टाउको धेरै दुख्ने, शरीर कट्कटी दुख्ने, जोर्नी, हड्डी तथा मांशपेशी दुख्ने, शरीरमा विविरा आउने र रक्तस्राव हुने, उच्च ज्वरो आउने जस्ता लक्षण देखा पर्छ । डेंगु ज्वरोबाट बच्ने मुख्य उपाय लामखुट्टेको टोकाइबाट बच्नु हो । यस्तै आफू बस्ने ठाउँ वरिपरी फालिएका खाली बट्टा, अलकत्रा वा मट्टितेलका खाली ड्रम, पुराना टायर आदिमा पानी जम्न दिन हुँदैन ।
४० जनामा स्क्रब टाइफस
सोही अवधिमा जिल्लाका विभिन्न अस्पतालमा उपचारका लागि आएका बिरामीमध्ये ४० जनामा स्क्रब टाइफसको सङ्क्रमण देखिएको छ । प्रमुख पोखरेलका अनुसार सङ्क्रमितमध्ये ३१ जना चितवनका हुन भने नौ जना जिल्ला बाहिरका छन् । स्क्रब टाइफस एक प्रकारको सरुवा रोग हो । जुन मुसामा पाइने माइट (किर्नाजस्तो देखिने कीरो) को टोकाइबाट मानिसमा सर्छ ।
यो रोग मानिसबाट मानिसमा सर्दैन । कार्यालय प्रमुख रुपाखेतीका अनुसार स्क्रब टाइफस ओरेन्टिया सुसुगामुसी नामक जीवाणुबाट सर्छ । माइट प्रायः झाडी, खेतबारी, वनजङ्गल, वा घरवरिपरिको फोहर क्षेत्रमा पाइन्छ । रोग नियन्त्रण गर्न खेतबारी, वनजङ्गल वा घाँस काट्न जाँदा पूरै शरीर ढाक्ने कपडा लगाउन, सकेसम्म जुत्ता प्रयोग गर्न, घाँसबारी वा चउरमा गुन्द्री वा दरी ओछ्याएर मात्र बस्न तथा भूइँमा सुत्न वा बस्न नहुने उनले जानकारी दिए ।
रोग लागेका व्यक्तिलाई उच्च ज्वरो (१०४ डिग्री फरेनहाइटभन्दा बढी) आउने, अत्यधिक पसिना आउने, आँखा रातो हुने, झाडापखाला लाग्ने, शरीरका मुख्य अङ्ग प्रभावित हुने, तथा कीराले टोकेको ठाउँमा रातो दाग देखिने तथा पछि कालो दाग बस्छ ।
चितवन । नेपाली चलचित्र `सावन´को शुभ मुहूर्त गरिएको छ । रत्ननगर-१, निपनीस्थित श्री गायत्री हरिहर मन्दिरमा सो चलचित्रको शुभ मुहूर्त गरिएको हो ।
सो चलचित्रमा कपिल मगर, आइसा गौतम र विनिशा शर्मा आचार्यको मुख्य अभिनय रहेको छ। त्यस्तै,लक्ष्मण नेपाल, कृष्ण थापा, मुस्कान काप्री, पुजन लामिछाने, विजय चपाईं, गोमा रिजाल, शोभा पाण्डेलगायतको अभिनय रहेको छ।
गोज्बम्स फिल्मसको ब्यानरमा निर्माण गर्न लागिएको चलचित्रलाई कलाकार कपिल मगरले निर्माण गर्ने भएका हुन् । यसअघि मगरले लिलि र चितवन डायरिज चलचित्रमा काम गरेका छन् ।
कलाकार मगर विगत पाँच वर्षअघिदेखि चलचित्र तथा म्युजिक भिडियो निर्माणमा सक्रिय रहँदै आएका छन् । चलचित्रलाई आभाष रानाले निर्देशन गरेका हुन् । रेहान मियाको कथा तथा संवाद रहेको सो चलचित्रमा विजय चपाईं र रवि कोइरालाको छायाङ्कन रहनेछ ।
चलचित्रको चितवनमा विभिन्न रमणीय स्थान मायाटार, दियालो बंगला, माडी, सौराहा, गोलाघाटलगायतका क्षेत्रमा छायाङ्कन गरिनेछ । आशिक प्रजापतिको सङ्गीत रहेको उक्त चलचित्रलाई रेहान मियाँले सम्पादन गरेका हुन् ।
युवायुवतीको संघर्ष र सफलताको कथालाई आधार बनाएर निर्माण हुन लागेको सो चलचित्रको छायाङ्कन साउन अन्तिम साताबाट हुने निर्माण पक्षले बताएको छ ।
भरतपुर । भरतपुर अस्पताल प्रसूति सेवामा देशकै अग्रणीमध्येमा एक मानिन्छ । काठमाडौँको प्रसूति गृहपछि सबैभन्दा बढी प्रसूति सेवा दिने अस्पताल हो यो ।
वार्षिक १६ हजारसम्मले सेवा लिएको यस अस्पतालमा हाल अन्य स्थानीय तहमै प्रसूति सेवा विस्तार भएकाले सेवाग्राहीको सङ्ख्यामा केही कमी आए पनि गत वर्ष अस्पतालमा आठ हजार ३१८ गर्भवतीले प्रसूति सेवा लिए ।
जसमध्ये चार हजार ३८३ जना (५२.४५ प्रतिशत) को सामान्य प्रसूति (नर्मल डेलिभरी), तीन हजार ७६७ जना (४५.२८ प्रतिशत) को शल्यक्रिया (सिजेरियन डेलिभरी) र १८८ जना (२.२६ प्रतिशत) को जटिल प्रसूति गराइएको थियो ।
अस्पतालले स्तनपान गराउन र परामर्शका लागि छुट्टै कक्ष सञ्चालनमा ल्याएको छ । हरेक वर्षको अगस्ट १ देखि ७ तारिखसम्म विश्व स्तनपान सप्ताह मनाइन्छ । सो सप्ताहको उद्देश्य आमाको दूधको मह¤वबारे जनचेतना फैलाउनु, स्तनपानसम्बन्धी मिथ्या धारणा हटाउनु र आमा तथा नवजात शिशुको स्वास्थ्य प्रवद्र्धन गर्नु हो ।
यसवर्ष विश्व स्तनपान सप्ताहको नारा, ‘स्तनपानलाई प्राथमिकता दिऔँः दिगो समर्थन प्रणाली निर्माण गरौँ’ भन्ने छ । पहिलो छ महिनामा पूर्ण स्तनपानलाई बढावा दिन र आमाका लागि सुरक्षित सहयोगी वातावरण बनाउन जोड दिइएको छ ।
अस्पतालमा सुत्केरी आमाहरुलाई स्तनपानका लागि परामर्श र दूध सङ्कलन सेवा उपलब्ध गराइँदै आएको अस्पतालका प्रमुख मेडिकल सुपरिन्टेन्डेन्ट प्रा डा कृष्णप्रसाद पौडेलले बताए । उनले भने, “हामी यहाँ जन्मने बच्चाहरुले आमाकै दूध खाउन् भन्ने चाहन्छौँ । केही आमाले आधुनिक जीवनशैली र भ्रमका कारण स्तनपान नगर्ने प्रवृत्ति देखिए पनि यो पूर्ण रुपमा गलत हो ।”
अस्पतालले भविष्यमा ‘मिल्क बैंक’ विस्तार गर्ने योजना बनाएको छ । अस्पतालकी स्तनपान परामर्श कक्ष तथा ल्याक्टेसन म्यानेजमेन्ट युनिटमा काउन्सिलरको रुपमा कार्यरत सकुन्तला ढकालले स्तन गाँनिएका वा बच्चाले राम्ररी दूध नचुसेका आमाहरुको सल्लाह र उपचार गरिने बताए । उनका अनुसार यहाँ विशेष मेसिनको प्रयोगबाट दूध निकालिने र आवश्यकताअनुसार भण्डारण वा सिधै प्रयोग गरिने व्यवस्था छ । उनले भने, “कतिपय नयाँ आमाहरु दूध चुसाउन अप्ठ्यारो मान्नुहुन्छ, हामी उहाँहरुलाई यसको महत्त्व र बच्चा स्वस्थ हुने कुरा बुझाउँछौँ, अनि उहाँहरु सहमत हुनुहुन्छ ।”
अस्पतालका वरिष्ठ बालरोग विशेषज्ञ डा खेमराज पौडेलका अनुसार नवजात शिशुको शारीरिक तथा मानसिक विकासका लागि स्तनपान अत्यन्त आवश्यक छ । उनले आमाको दूधमा पाइने सम्पूर्ण पोषकतत्त्वहरुले कुपोषण हटाउने र रोग प्रतिरोधात्मक क्षमता बढाउने बताए ।
-अमृता अनमोल
एउटी महिला आमा बन्नु आफ्ना लागि सन्तान जन्माउनु मात्र होइन, देशका लागि नयाँ नागरिक जन्माउनु पनि हो । त्यसैले गर्भवती र सुत्केरीको सुरक्षाप्रति राज्यले जिम्मेवारी बोध गर्नेगरी काम गर्नुपर्छ । राज्यले गर्भवती र सुत्केरीका हरेक जटिलतालाई सहजै उपचार र अपनत्व लिनेगरी सेवामा पहुँच र गुणस्तर बढाउनु पर्छ ।
आमा सुरक्षित हुनका लागि सुरक्षित रूपमा गर्भवती र प्रसूति हुनुपर्छ । राज्यले नै स्वस्थ गर्भवतीले सुरक्षित शिशु जन्माउने वातावरण तयार गर्नुपर्छ । गर्भवती र नवजात शिशुको सेवालाई स्वास्थ्य मात्र होइन, अधिकारमुखी दृष्टिबाट पैरवी गर्नुपर्छ । यसले मात्रै मातृ मृत्युदर घटाउन र सुरक्षित आमा बन्न सघाउन सक्नेछ ।
गर्भवती सुत्केरी हुने सन्दर्भमा भनिने यौटा उखान छ, ‘बाँचे आमा मरे काल ।’ हुन पनि गर्भवती र सुत्केरी समय महिलाका लागि अत्यन्त संवेदनशील समय हो । यही संवेदनशीलता र जोखिम देखेर बुढापाकाले यो उखान बनाएका हुन् । तर, अहिले पनि गर्भवती र प्रसूति हुँदाका जोखिम कम भने भएका छैनन् । लुम्बिनी प्रदेशमा यो जोखिम अझ बढी छ ।
लुम्बिनीमा आमा बन्दा ज्यान गुमाउने महिलाको सङ्ख्या अन्य स्थानको तुलनामा बढी छ । देशभरमा मातृ मृत्युदर घटेको छ । राष्ट्रिय जनगणना २०७८ अनुसार देशमा प्रतिएक लाख जीवित आमा बन्दा एक सय ६१ जनाको मृत्यु हुन्छ । तर, लुम्बिनीमा प्रतिएक लाख आमामध्ये दुई सय सात जनाले ज्यान गुमाउँछन् । यो मातृ मृत्युदर अन्य प्रदेशको तुलनामा बढी हो । जबकि सबैभन्दा विकट मानिने कर्णाली प्रदेशमा मातृ मृत्युदर एक सय ७२ छ । पहाड र हिमाल रहेको गण्डकी प्रदेशमा एक सय ६१ छ । अर्को हिमाली जिल्ला रहेको कोशी प्रदेशमा एक सय ५७ छ । मधेशमा एक सय ४०, सुदूरपश्चिममा एक सय ३० र बाग्मतीमा जम्मा ९८ छ ।
मातृ मृत्यु उच्च हुनुका कारण धेरै छन् । ज्यान गुमाउनेमा धेरै कुपोषण, उच्च रक्तचाप, मधुमेह, थाइराइड, मुटुको समस्या भएका महिला पर्ने गर्दछन् । यस्ता महिला गर्भवती र सुत्केरी हुँदा धेरै जटिलता हुने र मृत्युको मुखमा पुग्ने चिकित्सकहरू बताउँछन् । लुम्बिनी प्रदेशमा स्वास्थ्य संस्था टाढा भएकाले स्वास्थ्य संस्थामा लैजादा लैजादै, एक अस्पतालले ‘रेफर’ गरेपछि अर्को विशेषज्ञ अस्पतालमा छिटो नपुग्दा वा अलमलिँदा बाटोमै मृत्यु हुने आमाहरू धेरै छन् । परिवारले स्वास्थ्य संस्था लैजानेबारे निर्णय लिन ढिलाइ गर्दा र घरमै बच्चा जन्माउँदा पनि धेरैको सुत्केरी हुने क्रममा मृत्यु भएको छ ।
स्वास्थ्य मन्त्रालयको तथ्याङ्कअनुसार लुम्बिनीमा प्रसूति हुनुपूर्व वा प्रसूतिपछि अत्यधिक रक्तश्रावले सबैभन्दा बढी २३ प्रतिशत सुत्केरीको मृत्यु हुने गरेको छ । यसलाई पोस्टपार्टम हेमोरोज भनिन्छ । सुत्केरी भएपछिको सङ्क्रमण, गर्भावस्थामा उक्त रक्तचाप र असुरक्षित प्रसूति तथा गर्भपतनले गर्दा यसो हुने गर्दछ । गर्भावस्थामा स्वास्थ्यमा ख्याल गर्ने हो भने यस्तो मृत्यु घटाउन सकिन्छ । यद्यपि, लुम्बिनी प्रदेशमा मातृ मृत्युका खास कारण पत्ता लगाउने एवं पत्ता लागेका कारण रोक्न अपेक्षा अनुसारका काम भएका पाइँदैनन् ।
कुपोषण लुम्बिनी प्रदेशका महिलामा देखिएको अर्को ठूलो समस्या हो । स्वास्थ्य तथा जनसाङ्ख्यिक सर्वेक्षणअनुसार १५ देखि ४९ वर्षका महिलामा धेरै रक्तअल्पता हुनेमा लुम्बिनी दोस्रो स्थानमा पर्दछ । मधेशका ५२ प्रतिशत महिलामा कुपोषण छ भने लुम्बिनीमा ४४ प्रतिशतमा छ । पन्ध्रदेखि ४९ वर्ष उमेरका महिलामध्ये मधेशमा सबैभन्दा बढी २९ प्रतिशत दुब्लो (ख्याउटे) छन् । यसपछि क्रमशः कर्णाली र लुम्बिनी आउँछन् ।
कर्णालीका २२ र लुम्बिनीका १९ प्रतिशत महिला ख्याउटे छन् । लुम्बिनी स्वास्थ्य निर्देशनालयको अध्ययन प्रतिवेदनअनुसार कम उमेरमा विवाह गर्ने, कम उमेरमा बच्चा जन्माउने आमा र तिनका शिशु सबैभन्दा बढी कुपोषित छन् । कतिपय पोषणयुक्त खाना खान नसक्ने, केही खाने र खुवाउने तरिका नमिल्दा पनि लुम्बिनीमा धेरै महिला र बालबालिकामा कुपोषण देखिएको हो । कुपोषित महिला गर्भवती हुँदा निजका जटिलता बढ्ने र प्रसूतिका बेला मृत्युको मुखमा पुग्ने गरेका छन् ।
लुम्बिनी प्रदेशमा आमा बन्ने महिलाको सहजताका लागि चार सय छ वटा बर्थिङ सेन्टर सञ्चालनमा छन् । आमा बन्दा सजिलो होस् भनेर सबै बर्थिङ सेन्टरमा २४सैँ घण्टा प्रसूति सेवा उपलब्ध छ । बाइस वटा अस्पतालमा गर्भवतीको निःशुल्क शल्यक्रिया हुन्छ । गर्भमा जटिलता हुनेका लागि ती अस्पतालले शल्यक्रिया सहितको निःशुल्क सेवा दिन्छन् । लुम्बिनी, भेरी र राप्ती विशेषज्ञ सेवासहितका अस्पताल हुन् ।
प्रदेशका १२ जिल्लामा ८४ जना नर्स अल्ट्रासाउण्ड सेवासहित घरदैलोमा खटेका छन् । यति हुँदा पनि लुम्बिनीमा मातृ मृत्युदर घटेको छैन । कतिपय स्वास्थ्य संस्थामा प्रसूति गराउने आवश्यक उपकरण छैनन् । उपकरण हुनेमा दक्ष जनशक्ति छैनन् । प्रसूति हुने महिलाका परिवार मात्र होइन, स्वास्थ्यकर्मीले पनि पूर्वतयारी नगर्दा पनि आमा मृत्युको मुखमा धकेलिएका छन् । स्वास्थ्य संस्था पुगे पनि नजिकमा विशेषज्ञ अस्पताल नहुँदा र त्यस्ता अस्पताल जाँदा हुने ढिलाइले पनि धेरै आमाहरूले ज्यान गुमाएका छन् । कतिपय अवस्थामा चिकित्सकको असावधानी छ । यसले गर्दा विशेषज्ञ अस्पताल पुगेका महिलाले पनि मृत्युको मुखमा पुगेका छन् ।
उसो त, जोखिममा परेका दुर्गमका गर्भवती तथा सुत्केरी महिलालाई तत्काल अस्पताल ल्याउन राष्ट्रपति महिला उत्थान कार्यक्रमअन्तर्गत सरकारले निःशुल्क हवाई सेवा दिने गरेको छ । त्यसमा लुम्बिनी प्रदेशका रुकुम, रोल्पा, प्युठान, अर्घाखाँची, पाल्पा र गुल्मीका केही स्थान छनोट भएका छन् । तर, अस्पतालसँग सम्झौता नहुँदा जोखिमका सुत्केरीलाई पनि निःशुल्क हेलिकोप्टर सेवा दिएर उद्धार गर्न कठिनाइ हुँदै आएको छ । कतिपय स्वास्थ्य संस्थामा दरबन्दी अनुसार प्रसूति विज्ञ तथा नर्सिङ कर्मचारी पनि आवश्यक मात्रामा छैनन् । अस्पतालमा भौतिक पूर्वाधार कमजोर हुँदा पनि सहज प्रसूति सेवा पाएका छैनन् । यसले मातृ मृत्यु घटाउन चुनौती थपेको छ ।
लुम्बिनी प्रदेश सरकारले गर्भवतीलाई स्वास्थ्य स्वास्थ्य संस्था जान निःशुल्क एम्बुलेन्सको व्यवस्था गर्न हरेक पालिकामा रु ६० हजार र जिल्ला तहका अस्पताललाई ‘रेफर’ गर्दा एम्बुलेन्स व्यवस्था गर्न भन्दै रु दुई लाख पठाउने गरेको छ । जिल्ला तहका अस्पतालबाट विशेषज्ञ अस्पताल लैजानुपर्ने गर्भवती र सुत्केरीलाई एम्बुलेन्स सेवा उपलब्ध गराउन रु दुई लाख दिइन्छ । सङ्घीय सरकारले गर्भ परीक्षणलाई बढाउन नियमित गर्भजाँच गर्नेलाई रु सात सय र स्वास्थ्य संस्थामा प्रसूति हुन जानेलाई यातायात खर्चबापत रकम दिने गरेको छ ।
विकट स्थानका स्थानीय तहमा गर्भवती महिलाको घरघरमै परीक्षण थालिएको छ । यद्यपि, लुम्बिनी प्रदेशमा जोखिम मोलेर घरमा प्रसूति हुने गर्भवती धेरै छन् । उपचारमा जान ढिलाइ गर्ने गर्भवतीको सङ्ख्या पनि उल्लेख्य छ । यसले पनि मातृ मृत्युदर घटाउन नसकिएको हो ।
सुरक्षित आमा बन्नुमा महिलाको मात्र भूमिका हुँदैन । पति र निजका परिवारको पनि ठूलो भूमिका हुन्छ । मातृ मृत्युदर घटाउन घरपरिवारमा गर्भवती र सुत्केरीप्रति अपनत्वबोध हुनुपर्छ । गर्भवती हुँदादेखि सुत्केरी अवस्थामा महिलाको खानपान र रेखदेखमा परिवारले ध्यान दिनुपर्छ । जोखिमता आउन नदिन र आए तत्काल उपचारमा लैजान तम्तयार हुनुपर्छ । पोषिला र तागतिला खानेकुरा खाने वातावरण सिर्जना गरिदिनुपर्छ । गर्भ परीक्षणका लागि कम्तीमा आठपटक स्वास्थ्य संस्था पु¥याउनुपर्छ ।
नेपालको संविधानले महिलालाई सुरक्षित मातृत्व तथा प्रजनन् स्वास्थ्यसम्बन्धी हक दिएको छ । सेवालाई सुरक्षित, गुणस्तरीय, सर्वसुलभ तथा पहुँचयोग्य बनाउन सुरक्षित मातृत्व तथा प्रजनन् अधिकार ऐन, २०७५ लागू भएको छ । यसले गर्भवती हुने वा नहुने रोज्न पाउनेदेखि राज्यबाट सुरक्षित मातृत्व सेवा पाउनुपर्ने अधिकारलाई समेटेको छ ।
भरपर्दो सेवा दिनुपर्ने राज्यको कर्तव्य हो । सुरक्षित आमा बन्न गर्भवतीसँगै महिलाको परिवारलाई सही परामर्श दिनुपर्छ । गर्भवती र सुत्केरीको रेखदेख र उपचारमा परिवारलाई अभिमुखीकरण गरिनुपर्छ । राज्यले महिलाको गर्भमा शिशु रहेदेखि जन्मिने बेलासम्म रेखदेख गर्ने, शारीरिक र मानसिकरूपमा परामर्शसहितको सेवा दिने दक्ष प्रसूतिकर्मी अर्थात् ‘मिडवाइफ’को सङ्ख्या बढाउनुपर्छ । मातृमृत्यु धेरै भएको लुम्बिनी प्रदेशका लागि छुट्टै कार्यक्रम ल्याउनुपर्छ । रासस
सञ्चार तथा सूचना प्रविधिमन्त्री पृथ्वीसुब्बा गुरूङ पछिल्लो एक वर्षमा हालसम्म नेपाल, जापान, स्वीट्जरल्यान्ड र चीन गरी चारवटा अन्तर्राष्ट्रियस्तरको सम्मेलनमा सहभागी भएका छन् ।
खासगरी सूचना प्रविधिको क्षत्रसँग सम्बन्धित सम्मेलनहरुमा उनको उपस्थिति कति प्रभावकारी रह्यो, नेपालका पक्षमा के कस्ता पहलहरु हुन सके ? भन्ने विषयमा नेपाल सरकारका प्रवक्तासमेत रहेका मन्त्री गुरूङसँग गरिएको अन्तर्वार्ता :
१) केही महिनाअघि एसिया प्यासिफिक टेलिकम्युनिटी (एपिटी)ले मार्च ३१ देखि अप्रिल ४ सम्म ३४ औँ एपिटी वारलेस ग्रुप (एडब्लुजी–३४) आयोजना गर्यो । यस्ता अन्तर्राष्ट्रियस्तरका कार्यक्रमले नेपालको विकासमा कस्तो प्रभाव पारेको महसुस गर्नुभएको छ ?
एपिटी टेलिकम्युनिटी एसिया प्रशान्त क्षेत्रमा काम गर्ने एउटा बृहत् अन्तर्राष्ट्रिय संस्था हो । यसको मुख्य कार्य क्षेत्र भनेको एसिया क्षेत्रको टेलिकम्युनिटीको अनुगमन (रेगुलेट) गर्ने हो । एसिया प्यासिफिक क्षेत्रमा टेलिकममा के के भइरहेको र नेपालको अवस्था के छ भनेर बुझ्नका लागि यो संस्था महत्त्वपूर्ण छ । यो कार्यक्रमले एउटा त काठमाडौँलाई एक्सप्लोर गर्नु थियो भने अर्को टेलिकम्युनेकसनको क्षेत्रमा नेपालले के गर्दैछ ? नेपालका समस्याहरु कहाँ छन् भनेर अध्ययन गरिएको थियो । यस्ता प्रवर्द्धनात्मक कार्यक्रमले अन्तरराष्ट्रिय सहकार्य र सम्बन्ध विस्तारमा पनि मद्दत गर्छ ।
२) जापानको टोकियोमा सम्पन्न एसिया–प्यासिफिक टेलिकम्युनिटी मिनिस्ट्रियल मिटिङ (एपिटी–एमएम २०२५) कार्यक्रम नेपालका लागि कत्तिको उपयोगी रह्यो ?
जापानको टोकियोमा गत मे २९, ३० र ३१ मा भएको एसिया प्यासिफिक टेलिकम्युनिटीको मन्त्रिस्तरीय बैठक सूचना प्रविधि, टेलिकमको क्षेत्रमा कसरी एकीकृत भएर जाने, कसरी सहकार्य गर्ने भन्ने विषयमा ध्यानकेन्द्रित थियो । पछिल्लो समय संसारभरि नै ‘डिजिटल डिभाइड’ एकदमै डरलाग्दो समस्या भएर गइरहेको छ । कसरी ‘डिजिटल डिभाइड’लाई कम गर्ने भन्ने कुरा सबैको चासोको विषय बन्यो । बैठकमा विभिन्न देशका मन्त्रीहरुले आ–आफ्ना देशका समस्याहरु र प्रगतिका कुराहरु पनि राख्नुभएको थियो ।
दोस्रो कुरा यो विषयलाई दिगो विकास लक्ष्यसँग पनि जोडिएको छ । दिगो विकासमा सूचना प्रविधि क्षेत्र र टेलिकमको के भूमिका हुनसक्छ ? भनेर त्यहाँ छलफल भएको थियो । त्यस्तै समानताको वातावरण कसरी निर्माण गर्ने भन्ने पनि चासोको विषय रह्यो । कोही पनि व्यक्ति इन्टरनेट र सूचना प्रविधिको पहुँचबाट टाढा नहोस् भन्ने मुख्य नारा हो । त्यो नारालाई पनि हामीले मन्त्रिस्तरीय बैठकको महत्त्वपूर्ण एजेन्डा बनाएका थियौँ ।
एपिटीमा नेपालले आफ्नो कुरा राख्यो । त्यस सम्मेलनमा नेपालले यो वर्षभरिमा प्रत्येक नागरिकका घर–घर र कुना कुनामा ‘फोर जी’ मोबाइलको पहुँच विस्तार गर्न लागेको जानकारी गराइयो । यद्यपि त्यसका लागि हाम्रा धेरै चुनौतीहरु छन् । यो वर्षचाहिँ ‘फाइभ जी’ प्रविधि प्रारम्भ गर्दैछौँ । सुरूमा काठमाडोँ र पोखरा सञ्चालन हुनेछ । त्यसका लागि हामीले डिजिटल साक्षरता अभियान स्कुलदेखि सुरू गर्ने भनेका छौँ । आइसिटी ल्याब र स्मार्ट बोर्डहरु स्थापना गर्ने कुराहरु एपिटीले पनि सहयोग गर्नुपर्यो भनेर माग गरेका छौँ ।
३) सहयोगको आग्रह गर्दा उहाँहरुको प्रतिक्रिया कस्तो पाउनुभयो ?
एकदमै सकारात्मक हुनुहुन्छ । हामीले सूचना प्रविधिको विकास गर्नुअघि चाहिने आधार पूर्वाधार हो । सूचना प्रविधिको क्षेत्रको विकास गर्न हामी कहाँ कुनै पूर्वाधार नै छैन । यसको लागि मैलेचाहिँँ सबै सहभागी राष्ट्रहरुसमक्ष नेपालमा लगानी गर्न आउनुहोस् भनेर अुनरोध गरेको छु । उहाँहरु सहयोगको लागि सकारात्मक हुनुहुन्छ । त्यस मन्त्रिस्तरीय बैठकमा ३७ देशका मन्त्रीहरु सहभागी थिए । नेपालमा सूचना प्रविधि क्षेत्रको विकासका लागि भौतिक पूर्वाधार जर्यरी छ । यसमा तपाईंहरुले लगानी र अन्य सहयोग गर्न पनि सक्नुहुनेछ भनेर भनेको छु ।
४) नेपालमा सूचना प्रविधि क्षेत्रको विकासका लागि मुख्य समस्याहरु के रहेको पाउनु भएको छ ?
हामी कहाँ सूचना प्रविधिसम्बन्धी दक्ष जनशक्तिको पनि अभाव छ । सूचना प्रविधिसम्बन्धी कुनै काम थालनी गर्नुपर्यो वा डाटा सेन्टर नै खोल्नुपर्यो भने पनि सक्षम जनशक्ति छैन । ‘फाइभ जी’ नेटवर्क सुरू गर्नकै लागि पनि अनुसन्धानात्मक समूह बनाउनका लागि जनशक्तिकै अभाव छ । भवनमात्रै बनाएर भएन, त्यहाँ काम गर्ने जनशक्ति चाहियो । नेपालमा दक्ष जनशक्ति निर्माणको लागि विदेशी सरकार र सङ्घसंस्थाहरुले आवश्यक तालिम उपलब्ध गराएर सहयोग गर्न सक्छन् । त्यसैले म आफू सहभागी भएका जति पनि अन्तर्राष्ट्रिय सम्मेलन, बैठकहरु छन्, त्यहाँ नेपालमा सूचना प्रविधि क्षेत्रको विकासका लागि सहयोगको आह्वान गरेको छु । एपिटीका पदाधिकारीहरु, त्यहाँका महासचिव डा माशानोरी कोण्डोसँग कुरा गर्दा उहाँहरु जनशक्तिको विकास गर्ने र साक्षरताको अभियानमा सघाउने विषयमा प्रतिबद्ध देखिनुभएको छ । जापान भ्रमणका क्रममा त्यहाँका सूचना प्रविधिमन्त्री र सूचना प्रविधि क्षेत्रमा काम गर्ने अन्य संस्थाहरुसँग पनि यिनै कुराहरु भएका छन् । नेपालमा बहत् एकिकृत खालको डाटा सेन्टर निर्माण गर्ने योजनामा सहकार्य गर्न उनीहरु सकारात्मक छन् ।
५) जेनेभामा भएको ‘वल्र्ड समिट अन द इन्फरमेसन सोसाइटी (डब्लुएसआइएस) प्लस २० हाइलेभल इभेन्ट २०२५’ कार्यक्रममा नेपाललाई ‘डिजिटाइजेसन’ गर्ने सम्बन्धमा केही छलफल भयो कि ?
जेनेभामा भएको अन्तर्राष्ट्रिय इन्टरनेसनल टेलिकम्युनिकेसन युनियनको सम्मेलन अझै महत्त्वपूर्ण हो । संयुक्त राष्ट्र सङ्घले समेत संसारभरिका टेलिकम्युनिकेसन संस्थाहरुको साझा सङ्गठनको रुपमा यस संस्थालाई मान्यता दिएको छ । ‘वर्ल्ड समिट अन द इन्फरमेसन सोसाइटी (डब्लुएसआइएस) प्लस २० हाई–लेभल इभेन्ट २०२५’ कार्यक्रममा विभिन्न देशका मन्त्रीहरु, विज्ञहरु, वैज्ञानिकलगायत उच्चस्तरीय व्यक्तिहरुको सहभागिता थियो । त्यहाँ पनि हामीले महत्त्वपूर्ण रुपमा आफ्ना कुरा उठायौँ । हामीले उठाएका कुराहरु त्यहाको आयोजक कमिटीले प्राथमिकतामा राखेको छ । त्यहाँ प्रस्ताव गरिएका विभिन्न ४२ वटा शीर्षकमध्ये २७ वटा विषय नेपालले उठान गरेका विषयसँग मेल खान्छन् । त्यस कार्यक्रममा नेपालको मध्यपहाडी लोकमार्गको आसपासका चिसो ठाउँ (जहाँ जलविद्युत् आयोजना पनि रहेको होस्)मा ‘डाटा सेन्टर’ बनाउन आग्रह गरेको छु । यहाँ हुँदा चिसाउनका लागि अतिरिक्त विद्युत् प्रयोग गर्नु पनि नपर्ने, विद्युत् खपत पनि बढ्ने र बिजुलीको लागि प्रशारण लाइन बनाइराख्नु पनि नपर्ने हुँदा डाटा सेन्टर स्थापना गर्न उपयुक्त हुने तर्क राखेको छु । यसो हुन सकेमा नेपाल सूचना प्रविधिको ‘हब’को रुपमा विकास हुनसक्छ । आगामी डिसेम्बरमा हुन गइरहेको बैठकमा पनि मलाई आमन्त्रण गरिएको छ । त्यस बैठकमा यी नीतिहरुलाई स्वीकृत गर्ने एजेण्डा रहेको छ ।
इन्टरनेटको पहुँच अब मानवअधिकारको रुपमा स्थापित भएको छ । सन् २०१६ को राष्ट्रसङ्घीय महासभाले इन्टरनेटको पहुँच अब जनताको मौलिक अधिकार हो भनेर निर्णय गरेको छ । त्यसमा हरेक नागरिकले इन्टरनेट पहुँच पाउनुपर्छ भन्ने ठूलो नारा चलेको छ । तसर्थ, नेपाल पनि हरेक नागरिकमा इन्टरनेट पहुँच वृद्धि गर्ने अभियानमा निरन्तर छ । अर्को नेपालको ३५ हजार माध्यमिक विद्यालयमा हामीले डिजिटल साक्षरता अभियान सुरू गरेका छौँ । यो अभियानमा सूचना प्रविधिजस्ता अन्तर्राष्ट्रिय संस्थाले सहयोग गरिदिनुपर्यो भनेको छु । स्कुलहरुमा सूचना प्रविधि पूर्वाधारमा सहयोग गर्नेदेखि जनस्तरमा साक्षरता दिनेसम्मको कार्यमा सूचना प्रविधिले हातेमालो गर्नसक्छ भनेर आह्वान गरेको छु । यसै क्रममा महासचिव (डोरिन बोगदान मार्टिन)सँग पनि भेट्ने अवसर मिल्यो । उहाँलाई भेट्दा पनि मैले आफ्नै ‘जिओ–स्याटलाइट’ स्थापना गर्ने कुरा राखेको छु ।
६) नेपालको आफ्नै स्याटलाइट स्थापना गर्ने कुरा भएको थियो, यसमा के कस्ता तयारीहरु भएका छन् ?
नेपालको क्षेत्रफल यो भूगोल मात्रै होइन, जति भूगोलको अधिकार छ, त्यति नै आकाशको क्षेत्रफलमा पनि नेपालको सार्वभौम अधिकार छ । हामी माथिको आकाशको पनि हामीले प्रयोग गर्ने अधिकार छ । सम्माननीय प्रधानमन्त्री केपी शर्मा ओलीको निरन्तर पहलपछि मात्र अहिले हाम्रो आकाशको निश्चित ‘स्याटलाइट स्लट’ प्राप्त गर्ने अवस्थामा पुगेका छौँ । जुन हाम्रो लागि महच्त्वपूर्ण उपलब्धि हो । जेनेभामा भएको इन्टरनेसनल टेलिकम्युनिकेसन युनियनको सम्मेलनमा पहिलोपटक टेलिकम्युनिकेसन र सूचना प्रविधि जस्तो अन्तर्राष्ट्रिय सम्मेलनमा मैले स्याटलाइटबारे कुरा राखेको थिएँ ।
हामी यो वर्ष स्याटलाइटको आधारभूत र नीतिगत कुरा सबै तयार गर्ने भनेका छौँ । पहिला एउटा कम्पनीलाई नेपाल दूरसञ्चार प्राधिकरणद्वारा सम्भाव्यता अध्ययन गर्न दिइएको रहेछ । त्यहाँ केही काम हुन नसकेको स्थिति रहेछ । रु पाँच÷छ करोडमा हुने काम रु २४ करोडमा दिएको र त्यो पनि कुनै राम्रो रिपोर्ट ल्याउन नसकेको अवस्था रहेछ । कस्तो रिर्पोट चाहिन्छ त्यो पनि भन्न नसकेको अवस्था रहेछ । त्यसैले अहिले हामीले जे जति भयो भयो अब त्यसलाई रोकेर नयाँ थालनीबाट स्याटलाइट सरूु गर्ने भनेका छौँ । अहिले हामी नेपालको अक्षांश र देशान्तरसँग मिल्ने गरि सेटलाइट अर्विटल स्लट प्राप्त गरेका छौँ ।
७) हालै चीनको सङ्घाइमा सम्पन्न भएको ‘वर्ल्ड एआई कन्फ्रेन्स २०२५ हाइलेभल–मिटिङ अन ग्लोबल एआई गर्भनेन्स’ मा पनि तपाईंको सहभागिता रह्यो । त्यहाँको अनुभव कस्तो रह्यो ?
चीनको सङ्घाइमा हालै सम्पन्न वर्ल्ड एआई कन्फ्रेन्स २०२५ हाइलेभल–मिटिङ अन ग्लोबल एआई गर्भनेन्समा नेपाल लगायत विभिन्न देशका मन्त्रीहरुको सहभागिता रहेको थियो । अत्यन्त उच्च सम्मानका साथ नेपाललाई स्थान दिइएको थियो । त्यस अवसरमा चीनका प्रधानमन्त्री ली चीयाङले एआईसम्बन्धी राख्नुभएको अवधारणा निकै महत्त्वपूर्ण थियो । एआईको प्रयोग, विकास र साझेदारीमा कसैको मोनोपोली नहोस भनेर आबद्ध अन्तर्राष्ट्रिय संस्थाहरुमा सचेतनाको आह्वान गरिएको थियो ।
चीनका प्रधानमन्त्री चियाङले एआईको प्रयोग, यसको विकास, यसको अनुसन्धानका बारेमा विस्तृत जानकारी गराउनुभयो । एआईको प्रयोग एकथरि पश्चिमा देशहरुले एकलौटि गर्न खोजेको पनि उल्लेख गर्नुभयो । धनी देशले यसको प्रयोग गरेर अघि बढ्दै जाने, गरिब देशले धेरै प्रयोग गर्न नपाउने परिस्थिति निर्माण हुँदैछ । यसले एआईको प्रयोगमा पनि धनी र गरिबबीचको खाडल देखिनेछ । त्यसको लागि दीर्घकालीन आर्थिक विकास र स्थायित्वका लागि यो एकदमै खतरा हो । यसले असमानता पैदा गर्ने हुँदा संसारमा एआईको विकास र कार्यान्वयनको लागि समन्वयात्मक विकास संयन्त्रको आवश्यकता रहेकामा उहाँले जोड दिनुभएको थियो । एआई सबैको लागि भन्ने उहाँको धारणा थियो । जुन कुराले नेपालजस्तो मुलुकलाई प्रत्यक्ष लाभ हुने कुरा अनुभव गरेँ ।
८) एआईसम्बन्धी असमानता हटाउने चीनको अवधारणामा नेपाललाई कसरी फाइदा पुग्छ ?
चीनका प्रधानमन्त्री चीयाङले भने जस्तै सबैका लागि एआई हुनुपर्ने धारणा पूरा गर्न विकासोन्मुख देशलाई ठूला देशले सहयोग गर्नु पर्छ । मैले त्यहाँ पनि यो कुरा उठाएको छु । एआईको विकाससँगै हामीलाई एआईको प्रयोग गर्ने जनशक्तिको विकासका लागि सहयोग गर्नु भनेको छु । त्यहाँको विश्वविद्यालयहरुमा हाम्रा विद्यार्थीलाई अध्ययन अनुसन्धानको अवसर प्राप्त हुनसक्छ । नेपालमै आएर आवश्यक तालिमको व्यवस्था र लगानी हुनसक्छ अथवा यहाँका संस्थाहरुले नेपालका संस्थाहरुलाई आर्थिक तथा सीपको सहयोग पनि गर्नसक्ने भनेको छु ।
दोस्रो कुरा हामी डिजिटल नेपाल फ्रेमवर्क भाग दुई कार्यान्वयन गर्दैछौँ । त्यो प्रयोग गर्दा शिक्षा, स्वास्थ्य, पर्यटन, कृषि, वातावरण, उद्योग, विपद् व्यस्थापनमा चाँडो कसरी गर्ने भन्ने कुरामा पनि डिएनएफ २.० अन्र्तगत एआईको प्रयोग गर्ने भनेका छौँ । कृषिमा आधुनिकीकरण कसरी गर्ने भन्ने कुरा गरेका छौँ । उनीहरुको सहयोगको कुरा विस्तार गर्ने सम्भावना देखिन्छ । डिएनएफ २.० मार्फत हामीले हरेक क्षेत्रमा स्मार्ट माध्यम अपनाएर काम गर्न सक्छौँ । नेपालले इ–गर्भनेन्सलाई बढी जोड दिएको, डाटा सेन्टरको निर्माण गर्ने, ‘नलेज पार्क’ बनाउन खोजेको कुराहरु उठाएको थिएँ । यी कुराहरुमा चीनले चासो देखाएको छ । पछिल्लो समय चीनले धेरै काम एआईमार्फत गराएको छ । गाउँलाई नै एआइसिटी बनाएको रहेछ । घर–घरमा औषधि पुर्याउनेदेखि विपद् व्यवस्थापनसम्मका काम एआईले नै गरेको रहेछ । एआई सोसाइटीको कल्पना त्यहाँ गज्जबले देख्न पाएँ ।
९) चीनको नवीनतम् समृद्धि देखेपछि तपाईंले कस्तो महसुस गर्नुभयो ?
देश विकासका लागि सूचना प्रविधि मुख्य आधार हो भन्ने चीनबाट सिक्न सकिन्छ । चीनको समृद्धि देखेपछि विकासका लागि ‘भिजेनरी’ सरकार र ‘भिजेनरी’ नेतृत्वको आवश्यक रहेको महसुस गरेँ । योसँगै विकासको तीब्रताका लागि स्थायी सरकार हुनु अति महत्त्वपूर्ण कुरा रहेछ । त्यो सरकारको काम गर्ने कर्मचारीतन्त्र उत्तिकै सबल र सक्षम हुनु पर्यो । एउटा देश समृद्ध हुन, शासन व्यवस्था कायम गर्न, कर्मचारीतन्त्र र कुशल नेतृत्वले अहम भूमिका खेल्ने रहेछ ।
हामीले यहाँ ‘फाइभ जी’ टेक्नोलोजी सुरू गर्ने भन्दै आइरहेको पनि लामो समय भयो । तर, छिमेकी मुलुक चीनमा ‘सिक्स जी’को अनुसन्धान भइरहेको छ । हामी निकै पछाडि छौँ जस्तो लाग्यो । तर, मैले ‘फाइभ जी’लाई यो वर्ष काठमाडौँ र पोखराबाट सुरू गर्ने योजना बनाएको छु । सम्भवतः आगामी माघ, फागुन महिनातिर ‘फाइभ जी’ शुभारम्भ गर्ने छौँ । अब एआई प्रयोग गर्न जानिएन भने हामी विकासका हिसाबले अरुभन्दा निकै पछि परिन्छ । अबको युग एआईको युग हो । जुन चीनको एआई समृद्धि अवलोकन गरेपछि मलाई अझै नजिकबाट त्यसको महत्त्व महसुस भयो ।
१०) सञ्चार तथा सूचना प्रविधि मन्त्रालयले एआईको नीति नै मस्यौदा गर्दैछ नि ?
सूचना प्रविधि क्षेत्रको विकासका लागि हामीलाई सबैभन्दा पहिले नीति आवश्यक छ । नीतिको आधारमा त्यसको ऐन कानुनको जरूरी पर्छ । नेपाल अहिले त्यही चरणमा छ । यो आर्थिक वर्ष सबै कानुन, ऐन, नीति निर्माणका कार्यहरु सकाउने तयारीमा छौँ । नीति र कानुन नभई कार्यान्वयन कसरी हुन्छ ? दोस्रो कुरा नीति र कानुन बनाएपछि कार्यान्वयन गर्नको लागि त्यसको पूर्वाधार चोहियो । ‘डाटा सेन्टर, रिर्सच सेन्टरहरु, नलेज पार्क’लगायत सूचना प्रविधिका पूर्वाधार निर्माण गर्नुपर्छ । तेस्रोमा जनचेतनाको अभियान पनि सँगै लानुपर्छ । अहिले एआई नीति मन्त्रालयले मस्यौदा गरिरहेको छ । छिटै यसलाई पारित गराउने तयारीमा छौँ ।
११) नेपाललाई सूचना प्रविधि ‘हब’को रुपमा स्थापित गर्न सरकारले के कस्ता पहलहरु गर्दैछ ?
मैले अघि पनि भने । पहिलो कुरा त स्थायी सरकार हुनुपर्छ । होइन भने एउटा सरकारले ल्याएको ‘भिजन’लाई मन्त्रीहरु परिवर्तन भएको खण्डमा पनि त्यो निरन्तरता दिनुपर्छ । सरकारपिच्छे मन्त्री फेरिने र मन्त्रीसँगै ‘भिजन’ फेरिने परिपाटीले गर्दा यो मुलुकमा विकासले मूर्तरुप लिन नसकेको हो । त्यसैले स्थायी सरकार बनाउनुपरेको हो । जुन अहिले हामीसँग छ । चीनको विकास हेर्दा स्थायी सरकार विकासको मूल आधार हुनसक्ने महसुस भयो । अर्को कुरा सूचना प्रविधि ‘हब’ बनाउन त्यसका लागि आवश्यक पर्ने भौतिक संरचना निर्माण गर्नुपर्छ । सञ्चार मन्त्रालयले यो वर्ष सूचना प्रविधि ‘हब’को विकासका लागि पूर्वाधार बनाउने कार्यमा जोड दिएको छ ।
१२) अन्त्यमा, एकीकृत कार्यालय व्यवस्थापन प्रणाली (जिआइओएमएस)बारे तपाईंको निकै जोड देखिन्छ । यसबारे केही प्रकाश पारिदिनुहुन्छ कि ?
इ–गर्भनेन्सको महत्त्वपूर्ण पाटो भनेकै एकीकृत कार्यालय व्यवस्थापन प्रणाली (जिआइओएमएस) हो । धेरै महत्वकाक्षी भइयो भने पूरा गर्न सकिँदैन भनेर हामी योजना बनाउनै डराउँछौँ । थोरै लक्ष्यमै सीमित हुने परिपाटीले गर्दा विकासले फड्को मार्न नसकेको हो जस्तो लाग्छ । मन्त्रालयमा कर्मचारीहरुलाई धेरै पटक भन्ने गर्छु कि सपना ठूलो देखौँ भनेर । केन्द्रदेखि स्थानीय स्तरसम्मका सबै कार्यालयहरु, नेपाल सरकारको मन्त्रालय, विभाग, निकायहरुमा जिआइओएमसको प्रणाली जडान गर्नुपर्यो भन्नेमा जोड दिएको छु । हाम्रो वेबसाइटहरुमा पनि एकरुपता जरुरी छ । हामी हाल जिआइओएमएस नेपालभर बनाउने अभियानमा छौँ । यो भयो भने, मुलुकमा सुशासन कायम गर्ने, जनताको सेवा छिटोछरितो बनाउने, राजस्व वृद्धि गर्नेजस्ता कुराहरुमा निकै ठूलो उपलब्धि प्राप्त हुनेछ ।
रत्ननगर । विश्व स्तनपान सप्ताह रत्ननगरमा जनचेतनामूलक कार्यक्रमसहित मनाइएको छ । विश्व स्वास्थ्य संगठन र युनिसेफको आह्वान्मा सन् १९९२ देखि हरेक वर्ष अगस्ट १ देखि ७ सम्म यो सप्ताह मनाइन्छ । रत्ननगर आयुर्वेद तथा वैकल्पिक चिकित्सालयले साउन १६ गतेदेखि २२ गतेसम्म आमाको दूधको महत्त्वबारे सचेतनासहित विभिन्न कार्यक्रम गरेको छ ।
चिकित्सालयकी प्रमुख डा. कोपिला अधिकारीका अनुसार, यो सप्ताहको मुख्य उद्देश्य स्तनपानको महत्त्व उजागर गर्दै यससम्बन्धी गलत धारणा हटाएर र आमा तथा शिशुको स्वास्थ्य प्रवर्द्धन गर्नु हो । “स्तनपानले शिशुको शारीरिक र मानसिक विकासमा महत्त्वपूर्ण भूमिका खेल्छ”, डा. अधिकारी भन्छिन्, “यसले आमालाई स्तन र पाठेघरको क्यान्सर, सुत्केरीपछिको मनोरोग र गर्भनिरोधको जोखिमसमेत कम गर्छ ।” उनले शिशु जन्मेको एक घन्टाभित्रै स्तनपान सुरू गर्न र पहिलो ६ महिनासम्म पूर्ण स्तनपान गराउनुपर्नेमा जोड दिइन् ।
रत्ननगर आयुर्वेद चिकित्सालयले आमा समूह र स्वास्थ्यकर्मीहरूलाई लक्षित गरी अभिमुखीकरण कार्यक्रम निरन्तर सञ्चालन गरिरहेको छ । डा. अधिकारीका अनुसार, गत आर्थिक वर्षमा बकुलहर रत्ननगर अस्पताल, कालिका–९ को शक्तिखोर, रत्ननगर–१ को खोपकेन्द्र र भरतपुर अस्पतालमा यस्ता कार्यक्रम सञ्चालन भएका छन् । जसमा २७० महिलाले सहभागिता जनाएका छन् ।
यी कार्यक्रमले स्तनपानको वैज्ञानिक जानकारी, व्यावहारिक सीप, चुनौती र समाधानका उपायबारे जानकारी प्रदान गरेको छ । यस्ता प्रयासले मातृ समूहमार्फत समुदायमा जनचेतना फैलाउन र शिशु तथा आमाको स्वास्थ्य सुधारमा महत्त्वपूर्ण योगदान पुर्याएको उनको भनाइ छ ।
आयुर्वेद तथा वैकल्पिक चिकित्सा विभागले देशभरका आयुर्वेद चिकित्सालय, जिल्ला स्वास्थ्यकेन्द्र र औषधालयमार्फत ६ महिनासम्मका सुत्केरी आमालाई निःशुल्क दुग्धवर्धक आयुर्वेदिक औषधि वितरण गर्दै आएको छ । डा. अधिकारीले देशका ७५३ पालिकामा सामुदायिक महिला स्वास्थ्य स्वयंसेविकामार्फत “स्तनपायी आमालाई दुग्धवर्धक आयुर्वेद औषधि वितरण” कार्यक्रम लागू गर्न सकिने बताइन् ।
उनले स्तनपान गराइरहेका आमाहरूलाई दूध, घ्यु, खिर, गुड, मुसुरोको दाल, हरियो सागसब्जी, फलफूल र तातो झोलिलो पौष्टिक आहार खान सुझाव दिएकी छन् । शारीरिक श्रम, मानसिक तनाव, अनिद्रा वा पोषणको कमीले दूध कम हुने जोखिमलाई ध्यानमा राख्दै डा. अधिकारीले शतावरी चूर्ण, ज्वानो, मेथी सुप, मिश्रीको पानी र मनतातो पानी नियमित सेवन गर्नसमेत सुझाएकी छन् ।
विश्व स्तनपान सप्ताहले रत्ननगरमा आमाको दूधको अपरिहार्यता र यसले आमा–शिशुको स्वास्थ्यमा पुर्याउने दीर्घकालीन फाइदाबारे सचेतना जगाएको छ । आयुर्वेद चिकित्सालयको सक्रियताले आमाहरूलाई स्तनपानप्रति प्रोत्साहित गर्नुका साथै स्वस्थ र सशक्त पुस्ता निर्माणमा महत्त्वपूर्ण योगदान दिएको छ । यो अभियानले स्थानीय समुदायमा सकारात्मक प्रभाव पार्दै शिशु र आमाको स्वस्थ भविष्य सुनिश्चित गर्न ठोस कदम चालेको छ ।
रत्ननगर । रत्ननगर नगरपालिका वडा नं–१६ को कार्यालय र पिठुवा स्वास्थ्यचौकीको संयुक्त आयोजनामा रत्ननगर–१६ अन्तर्गत सामुदायिक तथा संस्थागत विद्यालयमा अध्ययनरत किशोरीहरुको लागि रक्तअल्पता परीक्षण कार्यक्रम सुरू गरिएको छ ।
भानु मेमोरियल आमाविका प्राचार्य इन्द्रबहादुर अधिकारीको अध्यक्षता एवम् रत्ननगर–१६ का वडाध्यक्ष हेमराज थापाको प्रमुख आतिथ्यतामा भएको कार्यक्रममा वडा सदस्यहरु रीता विक, सरिता गुरूङ, चीजकुमार श्रेष्ठ, ज्ञानेन्द्र रेग्मी, वडा सचिव मञ्जु पौडेल, स्वास्थ्यचौकी व्यवस्थापन समितिका सदस्य डोलकुमार थापालगायतको उपस्थिति रहेको थियो ।
कार्यक्रममा रक्तअल्पताको समस्याबारे प्रकाश पार्दै पिठुवा स्वास्थ्यचौकीका इन्चार्ज नरहरि श्याम शर्माले नेपालमा रक्तअल्पताको दर उच्च रहेको बताउँदै २१ प्रतिशत किशोरी र ११ प्रतिशत किशोरमा रक्तअल्पताको समस्या रहेको जानकारी दिए ।
उनले ३२ प्रतिशत किशोरकिशोरीमा न्यून पोषणको समस्या रहेको र ४८ प्रतिशत किशोर र ४३ प्रतिशत किशोरीहरुले न्यूनतम खाद्य विविधता भएको आहार लिइरहेको बताए । विशेषगरी किशोरीहरुमा हुने कुपोषणको समस्याले पछि उनीहरुबाट जन्मिने बालबालिकामा पनि दीर्घकालीन असर पर्ने उनले बताए ।
किशोरावस्थामा हुने रक्तअल्पताको समस्यालाई सम्बोधन गर्न सरकारले आव २०७२÷०७३ देखि विद्यालयहरुमा आइरन तथा फोलिक एसिड खुवाउने कार्यक्रम सञ्चालन गरेको छ । यस्तै, विद्यालय नजाने किशोरीहरुका लागि स्वास्थ्य संस्था तथा महिला स्वास्थ्य स्वयंसेविकामार्फत साप्ताहिकरुपमा आइरन चक्की खुवाउने कार्यक्रम लागू गरेको थियो ।
विद्यालयहरुमा आइरन तथा फोलिक एसिड खुवाउने कार्यक्रम सञ्चालन भए पनि विद्यालयहरुमा अध्ययनरत किशोरीहरुको लागि रक्तअल्पता परीक्षण कार्यक्रम भने पहिलोचोटि सञ्चालन गरिएको पिठुवा स्वास्थ्यचौकीका इन्चार्ज शर्माले जानकारी दिए ।
रक्तअल्पता देखिएका किशोरीहरुलाई समयमै उपचार गर्न सहज होस् भन्ने उद्देश्यले यो कार्यक्रम सञ्चालन गरिएको उनले बताए । उनले पालिकाका सबै वडाहरुमा यो कार्यक्रम सञ्चालन गर्न आवश्यक रहेको पनि उनको भनाइ थियो । रक्तअल्पता परीक्षण कार्यक्रममा स्वास्थ्यचौकीका स्वास्थ्यकर्मीहरुले सहजीकरण गरेका थिए ।
भरतपुर । भरतपुर महानगरपालिकाले संस्थागत विद्यालयको कक्षा ११ मा अध्ययनरत विद्यार्थीलाई छात्रवृत्ति वितरण गरेको छ । यस वर्षका लागि ४३८ विद्यार्थीले पूर्ण छात्रवृत्ति पाएका छन् । यो अहिलेसम्मकै सबैभन्दा धेरै संख्या हो ।
महानगरले कक्षा ११ मा अध्ययनरत विद्यार्थीलाई अनलाइन आवेदन माग गरी शिक्षा ऐन तथा भरतपुर महानगरको छात्रवृत्ति व्यवस्थापन कार्यविधिअनुसार छात्रवृत्तिमा छनोट गरेको हो ।
भरतपुर महानगरपालिकाका प्रमुख रेनु दाहालले संघीय छात्रवृत्ति ऐनका आधारमा छात्रवृति वितरण गरिएको स्पष्ट पारिन् । छात्रवृत्तिमा कुनै पनि भनसुनमा एक जना विद्यार्थी पनि छनोट नगरिएको उनको भनाइ थियो ।
वितरणलाई पारदर्शी बनाउन विद्यार्थीको क्षमता र योग्यताका आधारमा कक्षा १२ सम्म पढ्नका लागि छात्रवृत्ति वितरण गरिएको बताए । ‘शिक्षा क्षेत्रमा सबैको पहुँच पुर्याउनका लागि वैज्ञानिक ढङ्गले छात्रवृत्ति वितरणको काम गरिएको छ’, उनले भनिन् ।
भरतपुर महानगरपालिकाका उपप्रमुख चित्रसेन अधिकारीले एसइईमा ल्याएको नतिजाजस्तै ११ कक्षामा पनि निरन्तरता दिन विद्यार्थीलाई आग्रह गरे । महानगरका प्रमुख प्रशासकीय अधिकृत लक्ष्मीप्रसाद पौडेलले संविधानले शिक्षामा गरेको ग्यारेन्टीअनुसार नै पूर्ण छात्रवृत्ति प्रदान गरिएको जानकारी दिए ।
शैक्षिक प्रशासन महाशाखा प्रमुख सुभाषचन्द्र आचार्यका अनुसार २९ संस्थागत विद्यालयबाट छात्रवृत्ति दिइएको हो । छात्रवृत्ति पाएकामध्ये विज्ञानतर्फ ३३० र अन्य १०८ जना छन् ।
छात्रवृत्ति पाउनेमा जेहेन्दारतर्फ १६२, गरिब तथा विपन्नतर्फ १६२, आदिवासी जनजातितर्फ ५३, दलिततर्फ २६, अपाङ्गता भएका १३, जनआन्दोलनका घाइते तथा सहिदका सन्ततितर्फ १३ जना छन् । गत वर्ष महानगरले २६६ जनालाई छात्रवृति दिएको थियो ।
महानगरपालिकाले दिएको तथ्याङ्कअनुसार छात्रवृत्तिका लागि एक हजार १६१ जनाले आवेदन दिएका थिए । विज्ञान संकायतर्फ ८७७ र अन्य संकायका लागि २८४ आवेदन परेको थियो ।
कालिका । कालिका नगरपालिकाका नगरप्रमुख विनोद रेग्मी र जिल्ला प्रहरी कार्यालय चितवनका प्रमुख प्रहरी उपरीक्षक (एसपी) गोविन्द पुरीले प्रहरी चौकी जुटपानीको संयुक्त अनुगमन गरेका छन् ।
अनुगमनका क्रममा कालिका–७ मा रहेको प्रहरी चौकी जुटपानीमा प्रहरी निरीक्षक दरबन्दी, प्रहरीको दैनिक गतिविधि, समस्या, स्थानीयसँग प्रहरीको समन्वयलगायतका विषयमा एसपी पुरीसँग नगरप्रमुख रेग्मीले छलफल गरेका थिए ।
एसपी पुरीले कालिका नगरपालिकामा छिट्टै प्रहरी निरीक्षकको दरबन्दीसहित इलाका प्रहरी कार्यालयका रुपमा प्रहरी चौकीको स्तरोन्नति गरिने बताएका छन् ।
नेपाल प्रहरीको इतिहास गर्व गर्न लायक रहेको उल्लेख गर्दै एसपी पुृरीले सीमित साधन स्रोतका बाबजुद पनि शान्ति सुरक्षा कायम गर्न, अपराध अनुसन्धान एवम् विपद्को समयमा उद्धार गर्न, जोखिमबाट बचाउन नेपाल प्रहरीले निर्वाह गरेको भूमिका महत्त्वपूर्ण रहेको उल्लेख गरे ।
कालिका नगरपालिकामा शान्ति सुरक्षाको सुदृढीकरणका लागि लामो समयदेखि स्थानीय जनप्रतिनिधिहरूले इलाका प्रहरी कार्यालय स्थापना गर्न माग राख्दै आएका थिए ।
सो अवसरमा नगरप्रमुख रेग्मीले हप्ता दस दिनमा प्रहरी चौकी जुटपानीमा प्रहरी निरीक्षक आउने जानकारी दिए । उनले भने, “प्रहरी अधिकृत आउँदा न्यूनतम पूर्वाधार निर्माण, गाडी मर्मत, अन्य अफिसमा आवश्यक पर्ने सामग्रीहरू नगरपालिकाले सहयोग गर्नेछ ।” धेरै वर्षको प्रयासपछि सफल हुने चरणमा पुगेकोमा नगरप्रमुख रेग्मीले खुसी व्यक्त गरे ।
गत साउन १४ गते नेपाल प्रहरीका महानिरीक्षक (आइजिपी) दीपक थापा र कालिका नगरपालिकाका नगरप्रमुख विनोद रेग्मीबीच भरतपुरमा महत्त्वपूर्ण भेटवार्ता भएको थियो । भेटका क्रममा नगरप्रमुख रेग्मीले कालिका नगरपालिकामा इन्स्पेक्टरको दरबन्दीसहित प्रहरी चौकी स्थापनाको विषयमा चासो राखेका थिए ।
प्रहरी चौकी अनुगमनका क्रममा उपप्रमुख विमला तामाङ, नगरका प्रवक्ता तथा कालिका–२ का वडा अध्यक्ष लक्ष्मण पौडेल, कालिकाका शाखा अधिकृत प्रकाशचन्द पौडेल, इलाका प्रहरी कार्यालय रत्ननगर टाँडीका कार्यालय प्रमुख प्रहरी नायब उपरीक्षक (डिएसपी) रञ्जन अवा, प्रहरी चौकी जुटपानी, खोलेसिमल प्रहरी बिट, प्रहरी चौकी पदमपुरका प्रहरी प्रमुख र प्रहरीहरुको सहभागिता रहेको थियो ।
बागमती । बागमती प्रदेशका मुख्यमन्त्री इन्द्रबहादुर बानियाँले जनतालाई न्याय, शान्ति र विकासको अनुभूति हुने गरी काम गर्ने प्रतिबद्धता व्यक्त गरेका छन् ।
नेपाली कांग्रेस बागमती प्रदेश समितिद्वारा हेटौँडामा बुधबार आयोजित स्वागत तथा बधाई कार्यक्रम उनले उत्तरदायी, जिम्मेवार र पारदर्शी भई जनतालाई न्याय, शान्ति र विकासको अनुभूति दिलाउने गरी काम गर्ने बताए ।
राजनीति घाटा नाफाको व्यापार नभई सेवा, धर्म भएकाले आफू जनताको सेवामा समर्पित भई लागेको जनाउँदै मुख्यमन्त्री बानियाँले सत्य, न्याय र इन्साफ गरिब निमुखाको पक्षमा उत्तरदायी, जिम्मेवार, पारदर्शी र जवाफदेही भएर सक्रिय रहने प्रतिबद्धता समेत व्यक्त गरे ।
गरिब, विपन्न समुदायको पीडालाई आफूले नजिकबाट बुझेको बताउँदै मुख्यमन्त्री बानियाँले आफू मुख्यमन्त्री हुँदा प्राप्त हुने तलब भत्ताबाट आफ्नो निर्वाचन क्षेत्रका गरिब र विपन्न परिवारका घर निर्माण गरिने घोषणा समेत गरे ।
कार्यक्रममा कांग्रेसका नेता तथा कार्यकर्ताले मुख्यमन्त्री तथा कांग्रेसबाट मन्त्री भएका बिनाविभागीयमन्त्री शिवराज अधिकारी र खानेपानी, ऊर्जा तथा सिंचाइमन्त्री कृष्णकुमार तामाङलाई स्वागत तथा सम्मान गरेका थिए ।
सरकारको प्रवक्तामा तामाङ
यसैबीच बागमती प्रदेश सरकारको प्रवक्ताको जिम्मेवारी खानेपानी, ऊर्जा तथा सिंचाइमन्त्री कृष्णकुमार तामाङलाई दिइएको छ ।
प्रदेशका नवनियुक्त मुख्यमन्त्री इन्द्रबहादुर बानियाँ नेतृत्व सरकारको आज बसेको पहिलो मन्त्रिपरिषद् बैठकले मन्त्री तामाङलाई प्रवक्ताको जिम्मेवारी दिएको हो । बैठकले प्राकृतिक विपत्तीका कारण हुनसक्ने जोखिमलाई मध्यनजर गर्दै सरकारी निकायलगायत अन्य सङ्घसंस्थालाई आन्तरिक मामिला तथा कानुन मन्त्रालयमार्फत समन्वयकारी ढङ्गले परिचालन गरिने निर्णय गरेको छ ।
प्रदेशभित्र उद्धार, राहत र प्रतिकार्यका लागि उच्चस्तरीय एकीकृत संयन्त्र बनाउने निर्णय गरिएको छ । प्रवक्ता तामाङका अनुसार संयन्त्रमा आन्तरिक मामिला तथा कानुनमन्त्री संयोजक एवं सम्बन्धित प्रशासनिक निकायका प्रमुखहरु सदस्यको रुपमा रहेनछन् । संयन्त्रलाई तयारी अवस्थामा राखी आवश्यक सामग्री तत्काल उपलब्ध गराउने निर्णय भएको उनले जानकारी दिए ।
त्यसैगरी प्रदेशभित्र बाढीपहिरो जस्ता प्राकृतिक विपत्तीको कारण बासस्थान गुमेकालाई अस्थायी बसोबासको प्रबन्ध मिलाउने निर्णय भएको मन्त्री तामाङले बताए ।
विपत्तीबाट क्षतिग्रस्त भएका सडकको सङ्घीय सरकारको भौतिक पूर्वाधार मन्त्रालय तथा सम्बन्धित स्थानीय तहसँगको सहकार्यमा तत्काल मर्मत गरी सवारी आवागमनको प्रबन्ध मिलाउने निर्णय बैठकले गरेको छ ।
बैठकले प्रदेशसभाबाट पारित गरेको सङ्कल्प प्रस्तावलाई कार्यान्वयन गर्न सम्बन्धित मन्त्रालयलाई निर्देशन दिने निर्णय गरेको छ । प्रदेशभित्र रहेका अतिविपन्न सीमान्तकृत समुदाय, वनकरियाको उचित बासस्थानलाई उच्च प्राथमिकता दिने निर्णय भएको मन्त्री तामाङले बताए । कूल ९३ जना मात्र भएका वनकरिया मकवानपुरको मनहरी गाउँपालिकामा मात्र बसोवास गर्ने सीमान्तकृत तथा लोपोन्मुख जाति हो । आफ्नै नाममा जग्गा नभएका कारण सरकारी आवासको सुविधाबाट यो समुदाय वञ्चित भएको छ ।
मुख्यमन्त्री बानियाँले आफ्नो मासिक पारिश्रमिकबाट आफ्नो निर्वाचन क्षेत्रभित्र रहेको एउटा अति सीमान्तकृत परिवारलाई घर निर्माण गरी हस्तान्तरण गर्ने घोषणा गरेको सरकारका प्रवक्ता तामाङले बताए ।
आर्थिक अवस्थाको कारण स्वास्थ्य क्षेत्रमा उच्च शिक्षा अध्ययन गर्न चाहने जेहेन्दार विद्यार्थीलाई निश्चित मापदण्डको आधारमा छात्रवृत्ति उपलब्ध गराउने निर्णय बैठकले गरेको प्रवक्ता तामाङले जानकारी दिए ।
भरतपुर । लोकप्रिय गायिका रचना रिमालले नयाँ तीज गीत “ए बाबा मलाई नर्सिङ पढाइदेऊ” बजारमा ल्याएकी छन् ।
भरतपुर महानगरपालिका वडा नं–७, कृष्णपुर निवासी हरिप्रसाद भुसालको शब्द रचना रहेको समसामयिक यस गीतमा गोविन्द अनेकले सङ्गीत दिएका छन् । जनस्वास्थ्य विज्ञ हरिप्रसाद भुसाल लेखनमा समेत सक्रिय रहेका छन् ।
केही दोहोरो अर्थमा अश्लील लाग्ने शब्दहरु समेटिएका तीज गीतहरुले समाजमा नराम्रो असर पारिरहेको अवस्थामा हालको समसामयिक अवस्थालाई समेटेर भुसालले यो गीत रचना रिमालको स्वरमा बजारमा ल्याएका छन् ।
गोविन्द अनेकको युट्युब च्यानलमार्फत् सार्वजनिक गरिएको उक्त गीतमा छोरीले नर्सिङ पढेर सजिलै अमेरिका, क्यानडा, अस्ट्रेलिया जस्ता विकसित मुलुकमा गएर छिट्टै धन कमाउन सकिन्छ र सम्पन्न हुन सकिन्छ भन्ने भावसहित नर्सिङ पढ्न बुबासँग अनुरोध गरिरहेको कथावस्तु प्रस्तुत गरिएको छ । खास गरी अमेरिका बस्नेहरुले विवाहको लागि नेपाली नर्सहरु मन पराउने हुनाले पनि नर्स पढेर सजिलै अमेरिका जान सकिने कथाबस्तु गीतले बोकेको छ ।
हालको परिस्थितिअनुसारको विषय बस्तुमा तयार गरिएको उक्त गीतको भिडियोसमेत सार्वजनिक भएको छ । भिडियोमा मुख्य कलाकारका रूपमा संजना गुरुङले अभिनय गरेकी छन् भने रचनाकार भुसालकी छोरी सिमरन भुसालको समेत सशक्त अभिनय रहेको छ ।
गीतको छायाङ्कन बुद्ध थापाले गरेका हुन् भने निर्देशन र कोरियोग्राफी मुकेश नेपालीले गरेका छन् । भिडियोलाई नवीन घर्तीमगरले सम्पादन गरेका हुन् । तीजको मौलिक भावनासँगै शिक्षा र विदेशमा अवसरको चाहना जोडिएको यस गीतले समसामयिक सामाजिक यथार्थ झल्काउने कोसिस गरेको छ ।
राप्ती, २१ साउन । राप्ती नगरपालिका वडा नं–६, हर्दीस्थित पूर्व-पश्चिम राजमार्गमा कारको ठक्करबाट पैदलयात्री पुरुष गम्भीर घाइते भएका छन् ।
भण्डारादेखि खैरहनीतर्फ जाँदै गरेको बागमती प्रदेश ०१ ०३१ च ५५५१ नम्बरको कारले पैदलयात्री मकवानपुरको कैलाश गाउँपालिका वडा नं–७ घर भई हाल राप्ती–६, हर्दीमा डेरा गरी बस्ने बस्ने ५० वर्षीय नवीन चेपाङ गम्भीर घाइते भएका हुन् ।
घाइते चेपाङको पुरानो मेडिकल कलेज (सिएमएस), भरतपुरमा उपचार भइरहेको छ । उपचारमा निजका छोरा रवि चेपाङ संलग्न रहेका छन् ।
कार र चालक रूपन्देहीको बुटवल उपमहानगरपालिका वडा नं–१३ बस्ने ५१ वर्षीय बाबुराम अर्याल इलाका प्रहरी कार्यालय, भण्डाराको नियन्त्रणमा रहेको प्रहरीले जनाएको छ ।
भरतपुर । यसवर्ष कक्षा १२ को परीक्षामा चितवनका ११ जनाले ३.९६ जिपिए ल्याएका छन् । विद्यालयहरुले सार्वजनिक गरेको विवरणअनुसार चितवनका ११ जना विद्यार्थीले ३.९६ जिपिए ल्याएका हुन् ।
विद्यालयहरुले सार्वजनिक गरेको विवरणअनुसार विज्ञानतर्फ भरतपुरको अरोमा कलेजबाट तीन विद्यार्थीले ३.९६ जिपिए ल्याएका छन् । यस्तै, भरतपुरको अर्किड कलेजबाट दुई जनाले ३.९६ जिपिए ल्याएका छन् । वाल्मीकि शिक्षा सदनबाट एक जना विद्यार्थीले ३.९६ जिपिए ल्याएका छन् ।
यस्तै, विज्ञानतर्फ भरतपुर–९ को गुरूकुल कलेजबाट एक जना विद्यार्थीले ३.९६ जिपिए ल्याएका छन् । यस्तै, रतननगरको न्यू क्यापिटल कलेजबाट दुई जनाले ३.९६ जिपिए ल्याएका छन् । रत्ननगरकै स्काइराइडर आमाविबाट एक जना विद्यार्थीले ३.९६ जिपिए ल्याएका छन् । यस्तै, डेजी आमावि खैरहनीका एक जनाले ३.९६ जिपिए ल्याएका छन् ।
चितवनबाट कति विद्यालय र कति विद्यार्थी कक्षा १२ को परीक्षामा सहभागी भए भन्ने तथ्याङ्क शिक्षा विकास तथा समन्वय इकाइ भरतपुरमा नरहेकोले परीक्षा बोर्डले जिल्लागत विवरण सार्वजनिक गरेपछि यकिन तथ्याङ्क आउने छ ।
अरोमा कलेजबाट एन्जेलिसा गुरूङ, प्रनिश रानाभाट, र प्रसिद्ध बगालेले ३.९६ जिपिए ल्याएको विद्यालयले जनाएको छ । भरतपुरको वाल्मीकि शिक्षा सदनबाट विज्ञानतर्फ अमन पौडेलले ३.९६ जिपिए ल्याएका छन् । भरतपुर–९ को गुरूकुल कलेजबाट विज्ञानतर्फका विद्यार्थी असीम कँडेलले ३.९६ जिपिए ल्याएका छन् ।
यस्तै, रत्ननगरमा रहेको न्यू क्यापिटल कलेजका दुई जना विद्यार्थीले ३.९६ जिपिए ल्याएका छन् । क्यापिटलका प्रज्ज्वलदेव पाण्डे र विवेक शर्माले ३.९६ जिपिए प्राप्त गरेका हुन् । यसैगरी, स्काइराइडर आवासीय माध्यमिक विद्यालयबाट सौरभ सुवेदीले ३.९६ जिपिए ल्याएका छन् । यसैगरी, डेजी आमावि खैरहनीका विद्यार्थी डेजीका करुण भट्टले ३.९६ जिपिए ल्याएका छन् ।
मकवानपुर। नेपाली कांग्रेस बागमती प्रदेश संसदीय दलका नेता इन्द्रबहादुर बानियाँ बागमती प्रदेशको मुख्यमन्त्री नियुक्त भएका छन् । प्रदेश प्रमुख दीपक प्रसाद देवकोटाले संविधानको धारा १६८ को उपधारा २ बमोजिम मंगलबार बानियाँलाई मुख्यमन्त्रीमा नियुक्त गरेका हुन्।
बाँनियाले सोमबार नेपाली काँग्रेस र नेकपा एमालेका ६४ सांसदको समर्थनसहित मुख्यमन्त्री बन्नका लागि दाबी प्रदेश प्रमुखसमक्ष पेश गरेका थिए ।
यसैबीच, बागमती प्रदेशका नवनियुक्त मुख्यमन्त्री इन्द्रबहादुर बानियाँले पद तथा गोपनीयताको शपथ लिएका छन् । मंगलबार दिउँसो मुख्यमन्त्रीमा नियुक्त बानियाँलाई हेटौँडास्थित प्रदेश प्रमुखको कार्यालयमा एक समारोहबीच प्रदेश प्रमुख दीपकप्रसाद देवकोटाले पद तथा गोपनियताको शपथग्रहण गराएका हुन् ।
प्रदेश प्रमुख देवकोटाले संविधानको धारा १६८ को उपधारा २ बमोजिम बानियाँलाई मुख्यमन्त्रीमा नियुक्त गरेका हुन् । नेपाली कांग्रेस र नेकपा (एमाले)का ६४ जना प्रदेशसभा सदस्यहरूको हस्ताक्षरसहित बानियाँले सोमबार प्रदेश प्रमुख देवकोटासमक्ष मुख्यमन्त्रीको दाबी पेश गरेका थिए ।
मुख्यमन्त्री बानियाँले एमालेबाट छ जना र कांग्रेसबाट दुई जना गरी आठ सदस्यीय मन्त्रिपरिषद् विस्तार गरेका छन् । बानियाँको सिफारिसमा आठ जना मन्त्रीले पद तथा गोपनीयताको शपथ लिएका छन् ।
मुख्यमन्त्री बानियाँको सिफारिसमा एमालेका मधुसूदन पौडेल कृृषि तथा पशुपक्षी विकासमन्त्री, डा दिनेशचन्द्र देवकोटा भौतिक पूर्वाधार विकासमन्त्री, जयराम थापा श्रम रोजगार तथा यातायातमन्त्री, भरतबहादुर केसी वन तथा वातावारणमन्त्री, किरण थापा स्वास्थ्यमन्त्री र विन्दु श्रेष्ठ उद्योग, वाणिज्य, भूमि तथा प्रशासनमन्त्रीमा नियुक्त भएका छन् ।
यस्तै, कांग्रेसबाट कृष्णकुमार तामाङ खानेपानी, ऊर्जा तथा सिँचाइमन्त्री र शिवराज अधिकारी बिनाविभागीय मन्त्रीमा नियुक्त भएका छन् । नवनियुक्त मन्त्रीहरूलाई प्रदेश प्रमुख देवकोटाले पद तथा गोपनीयताको शपथग्रहण गर्राए ।
बानियाँ को हुन् ?
इन्द्रबहादुर बानियाँ नेपाली राजनीतिमा लामो समयदेखि सक्रिय, खरो स्वभावका र स्पष्ट धारणा राख्ने नेताका रूपमा परिचित नाम हो । पार्टीभित्र निरन्तर संगठित रुपमा अगाडि बढ्दै आएका बानियाँ अहिले बागमती प्रदेशको मुख्यमन्त्री नियुक्त भएका हुन् ।
उनको राजनीतिक यात्रा, सामाजिक सक्रियता र नेतृत्व क्षमताले उनलाई प्रदेश राजनीतिमा अग्रपंक्तिको नेतृत्वमा पुर्याएको छ।
२०२७ साल भदौं १५ गते मकवानपुरको हर्नामाडी-४, दियावतीमा जन्मनु भएका बानियाँ हाल हेटौँडा–५ सानोपोखरा र ललितपुरको धापाखेल-१ मा बसोबास गर्दै आएका बानियाँले आफ्नो राजनीतिकयात्रा २०४४ सालमा सुरु गरे। त्यसपछि २०५१ सालमा नेपाली कांग्रेसको महाधिवेशन प्रतिनिधिका रूपमा सहभागी भए ।
२०५२ सालमा नेपाल विद्यार्थी संघ मकवानपुर जिल्ला सहसचिव, २०५५ सालमा नेपाल तरुण दलमकवानपुरका सचिव र २०५६ सालमा तरुण दलजिल्ला अध्यक्ष बने। सोही वर्षदेखि नेपाली कांग्रेसको महासमिति सदस्यको जिम्मेवारीमा रहँदै आएका छन्।
२०५८ सालमा पार्टीको जिल्ला सदस्य बनेका बानियाँ २०६४ सालमा पहिलो संविधानसभा सदस्य निर्वाचनमा भने पराजित भए। २०७० मंसिर ४ गतेको दोस्रो संविधान सभा निर्वाचनमा प्रत्यक्षतर्फबाट निर्वाचित भए।
बानियाँ २०७२ सालेदेखि २०७९ सम्म नेपाली कांग्रेस मकवानपुरको जिल्ला सभापतिको भूमिकामा रहेका थिए। बानियाँ २०७४ सालमा संस्कृति, पर्यटन तथा नागरिक उड्ययन राज्यमन्त्री नियुक्त भए। सोही वर्ष नै गृह राज्यमन्त्रीको जिम्मेवारी सम्हाले।
२०७४ मंसिर २१ गते सम्पन्न प्रदेशसभा निर्वाचनमा मकवानपुर क्षेत्र नं-१ (ख) बाट प्रत्यक्ष निर्वाचित भई प्रदेशसभा प्रवेश गरे। त्यसपछि २०७४ पौष ३ गते काँग्रेस बागमती प्रदेश संसदीय दलको नेतामा सर्वसम्मत रूपमा चयन भए ।
२०७८ सालमंसिर २० गतेदेखि हालसम्म नेपाली काँग्रेस बागमती प्रदेश सभापति छन्। बाँनिया २०७९ मंसिर ७ गते प्रदेश सभा सदस्यमा पुनःनिर्वाचित भए। २०८२ साउन १४ गते उनी नेपाली कांग्रेस बागमती प्रदेश संसदीय दलको नेतामा निर्वाचित भए।
राजनीतिक जीवनसँगै उनी सामाजिक क्षेत्रमा पनि उत्तिकै क्रियाशील रहेका छन्। मकवानपुर उद्योग वाणिज्य संघ र मकवानपुर निर्माण व्यवसायी संघका सल्लाहकार, त्रिखण्डेश्वर महादेव संरक्षण तथा पर्यटन विकास समितिको अध्यक्ष, मकवानपुर बहुमुखी क्याम्पसको कार्यसमिति सदस्य र छात्रवृत्ति समितिको संयोजकको जिम्मेवारी सम्हाली सकेका छन्।
बानियाँ स्पष्ट विचार र खरो अभिव्यक्तिका लागि चिनिने नेता हुन्। आफ्नै दलका मुख्यमन्त्रीविरुद्ध अविश्वासको प्रस्ताव ल्याएर नेतृत्व परिवर्तन गराउन सफल बन्नु उनको राजनीतिक परिपक्वताको प्रमाण हो। संगठन निर्माण, जनसम्पर्क र लोकतान्त्रिक अभ्यासमा उनको पकड बलियो छ।
चितवन । नारायणगढ–मुग्लिन सडकखण्डका अधिकांश भाग भित्तो खनेर बनाइएको र विस्तार गरिएको हुँदा सधैँ पहिरो र ढुङ्गा खस्ने जोखिम हुने गर्दछ । समयसमयमा पहिरो र ढुङ्गा खसेर भएका मानवीय क्षति धेरै छन् ।
पछिल्ला वर्षहरूमा सडक विस्तार, पुल निर्माण र पहिरो रोकथामको काम भएसँगै पहिलेको तुलनामा जोखिम कम हुने भए पनि ढुङ्गा खस्ने समस्या भने रहेको छ । डिभिजन सडक कार्यालय भरतपुरका इञ्जिनियर अर्जुन घिमिरेका अनुसार सबैभन्दा बढी समस्या देखिएको तुइन खोलामा ठूलो ढुङ्गा झारिएको छ । सँगै साना ढुङ्गा झारिएको भए पनि अझै सो क्षेत्र जोखिमपूर्ण रहेको उनको भनाइ छ ।
उनले भने, “यो ठाउँमा रकनेटिङ गर्नका लागि छलफल भइरहेको छ”, झण्डै १६ मिटर माथिबाट अत्यन्तै जोखिममा रहेको ठूलो ढुङ्गालाई लङबुम एक्साभेटरको सहयोगमा गरिएको हो । सोही सडकको लामो बालुवा पुल आसपास क्षेत्रमा ढुङ्गा खस्ने जोखिम छ । सोही क्षेत्रमा ढुङ्गा खसेर केही समयअघि एक जना चालकको मृत्यु पनि भएको थियो । घिमिरेका अनुसार सडकको सात सय मिटर जति क्षेत्रमा जोखिम बढी छ । सो क्षेत्रको केही भित्तो काटिएको थियो ।
यस्तै जोखिम जलवीरेमा छ । झण्डै एक सय मिटर क्षेत्रमा साना ढुङ्गा खस्ने जोखिम रहेको हो । नाम्सी पुल क्षेत्रमा भित्तो काटिएको हुँदा ढुङ्गा खस्ने जोखिम छ । एक सय मिटर जति क्षेत्र जोखिममा रहेको घिमिरेले जानकारी दिए ।
तुइन खोला नजिकैको क्षेत्र पनि जोखिममा छ । साठ्ठी मिटर हाराहारी क्षेत्रमा ढुङ्गा खस्ने जोखिम छ । सो क्षेत्रमा सडक विस्तार गर्दा हल्का भित्तो काटिएको थियो । केही वर्षअघि यो सडक विस्तार गर्दा ठाउँठाउँमा भित्तो काटिएको थियो । ती क्षेत्रमा रकनेटिङ, वायो इञ्जिनियरिङलगायत प्रविधि प्रयोग गरेर पहिरो र ढुङ्गा खस्ने समस्या रोकथाम गरिएको हो ।
घिमिरेले भने, “पहिले रोकथामको काम गरेका ठाउँमा समस्या छैन, नयाँ ठाउँमा समस्या देखिएको छ ।” ती समस्या समाधानका लागि कार्यालयले विभागमा लेखी पठाएको छ ।
कार्यालय प्रमुख नारायण लामिछानेले जोखिम बढी देखिएका ठाउँमा रकनेटिङलगायतका काम गर्नुपर्ने आवश्यकता औँल्याए । विभागसँग परामर्श गरेर काम अघि बढाइने उनको भनाइ छ । वर्षात्को समयमा सडक जोखिमपूर्ण भएकाले यात्रा गर्दा सावधानी अपनाउनुपर्ने उनको सुझाव छ ।
कार्यालयले ढुङ्गा र पहिरो खस्न सक्ने जोखिम भएकाले मुग्लिनमा एउटा लोडर तयारी अवस्थामा राखेको छ । यस्तै सेतीदोभानमा लोडर, जेसिभी एक्साभेटर, ट्रकटेलर, टिप्पर तयारी अवस्थामा राखेको छ । उनका अनुसार नाली बन्द हुन नदिन मिनी एक्साभेटर र आवश्यक जनशक्ति सडकमा नियमित परिचालन गरिएको छ ।
भरतपुर । बहुविवाहलाई कानुनी मान्यता दिने गरी प्रस्तावित मस्यौदामा उल्लेखित प्रावधानको विरोध गर्दै चितवनमा विभिन्न संघसंस्था तथा महिला अधिकारकर्मीहरुले सरकारको ध्यानाकर्षण गराएका छन् ।
मंगलबार जिल्लाका ५३ वटा संघसंस्थाले संयुक्तरुपमा सहायक प्रमुख जिल्ला अधिकारी चिरञ्जीवी शर्मालाई ध्यानाकर्षण पत्र हस्तान्तरण गर्दै सरकारको ध्यानाकर्षण गराएका हुन् ।
चितवनस्थित यौनजन्य हिंसाविरुद्धको साझा अभियान, नेपाल पत्रकार महासंघ, सञ्चारिका समूह , चितवन सक्रिय महिला प्रतिष्ठान, मञ्जुश्री असहाय संरक्षण केन्द्र, हाम्रो भरोसा नेपाल, आदर्श नारी विकास केन्द्र, चेली नेपाल, आफन्त नेपाल, महिला सशक्तीकरण तथा परिवर्तनशील संस्था नेपाल, सहिद स्मृति प्रतिष्ठान नेपाल, सामुदायिक सेवा केन्द्र भरतपुर, नेपाल परिवार नियोजन संघ, आदर्श गृहलगायतले संयुक्तरुपमा बहुविवाहलाई कानुनी मान्यता दिने प्रावधानको विरोध गर्दै ध्यानाकर्षण गराएका हुन् ।
ध्यानाकर्षण पत्रमा नेपाल सरकार कानुन मन्त्रालयले संशोधनका लागि तयार गरेको मुलुकी अपराध संहिता २०७४, मुलुकी देवानी संहिता २०७४ तथा सम्बद्ध कार्यविधिका व्यवस्थाहरुप्रति गम्भीर ध्यानाकर्षण भएको जानकारी गराइएको छ ।
‘बहुविवाहलाई संस्थागत मान्यता दिने गरी मुलुकी अपराध संहिता, २०७४ को दफा १७५ मा संशोधन गर्न प्रस्तावित मस्यौदामा उल्लेख भएका प्रावधानप्रति हामी अत्यन्त गम्भीर छौँ । यो व्यवस्था पारित भएमा नेपालको सामाजिक, सांस्कृतिक तथा लैङ्गिक समानतामा आधारित मूल्य, मान्यता र सविधांनको मूल भावनामाथि प्रहार गर्ने गम्भीर सम्भावना देखिन्छ’, पत्रमा भनिएको छ ।
यस्तै, ध्यानाकर्षण पत्रमा भनिएको छ, ‘नेपालको संविधान २०७२ को धारा १८ (लैङ्गिक समानता) र धारा ३८ (महिलाको हक) ले स्पष्टरुपमा महिलालाई विभेदबाट जोगाउने र सम्मानपूर्वक जीवनयापनको अधिकार प्रदान गरेको छ । त्यस्तै, बहुविवाहलाई हाल प्रचलित मुलुकी अपराध संहिता, २०७४ अन्तर्गत दण्डनीय फौजदारी अपराधको रुपमा लिइएको छ ।
बहुविवाहजस्तो अपराधिक अभ्यासले महिला र बालबालिकामाथि मानसिक, सामाजिक, आर्थिक र भावनात्मक हिंसा सिर्जना गर्ने तथ्यले पुष्टि गरिसकेको छ । यस्तो अभ्यासलाई कानुनी मान्यता दिनु संविधानको भावना र नेपालले पक्ष राष्ट्रका रुपमा हस्ताक्षर गरेका अन्तर्राष्ट्रिय सन्धिहरुको उल्लङ्घन हो । यसले समाजमा विद्यमान लैङ्गिक असमानतामा झनै गहिरो खाडल सिर्जना गर्नेछ ।’
सामाजिक अपराधलाई प्रोत्साहन गर्ने कदमलाई तुरुन्त सच्याउन भन्दै उनीहरुले विभिन्न मागसहित ध्यानाकर्षण पत्र हस्तान्तरण गरेका हुन् ।
रत्ननगर । स्काइराइडर आवासीय माध्यमिक विद्यालय, रत्ननगरका विद्यार्थी सौरभ सुवेदीले कक्षा १२ को परीक्षामा जिल्लामै सर्वोत्कृष्ट नतिजा हासिल गरेका छन् ।
उनले ३.९६ जिपिए प्राप्त गर्दै उत्कृष्ट नतिजा हासिल गरेका हुन् । विद्यालयका अनुसार, कक्षा १२ को परीक्षामा सहभागी विद्यार्थीहरूले समग्रमा उत्कृष्ट नतिजा ल्याएका छन् ।
जसअनुसार, ३.६१ देखि ४.०० जिपिए ल्याउने विद्यार्थीको संख्या ७१ जना रहेको छ । यस्तै, ३.२१ देखि ३.६० जिपिए ल्याउने विद्यार्थीको संख्या १७०, २.८१ देखि ३.२० जिपिए ल्याउने विद्यार्थीको संख्या ८१ र २.४१ देखि २.८० जिपिए ल्याउने विद्यार्थीको संख्या २८ रहेको छ।
विद्यालयले विद्यार्थीहरूको मिहिनत, शिक्षकहरूको मार्गदर्शन र अभिभावकहरूको सहयोगले यो सफलता सम्भव भएको बताएको छ । यो नतिजाले स्काइराइडर आवासीय माध्यमिक विद्यालयको शैक्षिक गुणस्तर र उत्कृष्टताप्रतिको प्रतिबद्धतालाई थप पुष्टि गरेको विद्यालयका अध्यक्ष दुर्गा पुरीले बताए ।
रत्ननगर । रत्ननगर–१, निपनीमा रहेको जिएसटी कलेजले नयाँ शैक्षिक सत्रका लागि चार वर्षीय बिबिए कार्यक्रम सुरू गरेको छ ।
क्याम्पस प्रमुख राजकुमार दाहालले यो कलेज पूर्वी चितवनमा बिबिए कार्यक्रम सञ्चालन गर्ने पहिलो शैक्षिक संस्था भएको बताए । शिक्षामा उत्कृष्टता, व्यावसायिक दक्षता र रोजगारीको अवसरलाई जोड दिँदै जिएसटीले विद्यार्थीहरुलाई विश्वस्तरीय व्यवस्थापन शिक्षाको अवसर प्रदान गर्ने लक्ष्य लिएको क्याम्पस प्रमुख दाहालले बताए ।
सुदूरपश्चिम विश्वविद्यालयबाट सम्बन्धन प्राप्त जिएसटी कलेजले व्यवसाय अध्ययनमा रूचि राख्ने विद्यार्थीहरुका लागि ६६ सिट कोटासहित बिबिए कार्यक्रम सञ्चालनमा ल्याएको हो ।
कलेज उद्घाटन वर्षलाई विशेष बनाउन एक करोड रुपैयाँबराबरको छात्रवृत्ति योजना घोषणा गरिएको छ, जसले आर्थिकरुपमा कमजोर तर जेहेनदार विद्यार्थीहरुलाई उच्च शिक्षा प्राप्त गर्ने अवसर प्रदान गर्नेछ । साथै, पहिलो २० जना भर्ना हुने विद्यार्थीहरुका लागि विशेष छूटको व्यवस्था गरिएको छ, जसले सीमित स्रोत भएका विद्यार्थीहरुलाई गुणस्तरीय शिक्षामा पहुँच सुनिश्चित गर्नेछ ।
क्याम्पस प्रमुख दाहालले जिएसटीले शत्प्रतिशत रोजगारीको ग्यारेन्टीसहित विद्यार्थीहरुलाई व्यावसायिक दुनियाँसँग जोड्ने प्रतिबद्धता व्यक्त गरे । ‘हामी विद्यार्थीहरुलाई किताबी ज्ञानमा मात्र सीमित राख्दैनौँ, सह–पाठ्यक्रम गतिविधिहरु र उद्योगहरुसँगको सहकार्यमार्फत उनीहरुलाई प्रतिष्ठित व्यापारिक संस्था र बहुर्राष्ट्रिय कम्पनीहरुसँग जोड्छा’ैँ, उनले भने । यसले विद्यार्थीहरुलाई सैद्धान्तिक र व्यावहारिक शिक्षाको संयोजनमार्फत बजारको मागअनुरुप प्रतिस्पर्धी र सक्षम बनाउने लक्ष्य राखेको छ ।
जिएसटी कलेजको स्थापनाले पूर्वी चितवनका युवाहरुलाई स्थानीयस्तरमै विश्वस्तरीय व्यवस्थापन शिक्षा प्राप्त गर्ने अवसर सिर्जना गरेको छ । क्याम्पस प्रमुख दाहालले यो पहलले क्षेत्रीय शैक्षिक असमानता हटाउन र युवाहरुको सपना साकार पार्न मह¤वपूर्ण भूमिका खेल्ने विश्वास व्यक्त गरे । ‘हाम्रो लक्ष्य विद्यार्थीहरुलाई विश्व बजारमा प्रतिस्पर्धा गर्न सक्षम बनाउनु हो’, उनले थपे ।
गुणस्तरीय शिक्षा, अनुभवी प्राध्यापकहरु र आधुनिक शिक्षण विधिमार्फत जिएसटी कलेजले विद्यार्थीहरुलाई सशक्त बनाउने योजना बनाएको छ । भर्ना प्रक्रिया र अन्य विवरणका लागि कलेजले चाँडै प्रवेश परीक्षाको मिति सार्वजनिक गर्ने जनाएको छ । यो कलेज पूर्वी चितवनको रत्ननगरमा स्थापना हुनुले शैक्षिक क्षेत्रमा नयाँ उत्साह थप्दै व्यवसाय अध्ययनमा रूचि राख्ने युवाहरुका लागि अन्यत्र जानुपर्ने बाध्यता हटेको छ ।
चितवन । चितवन राष्ट्रिय निकुञ्जमा रहेका चार हात्तीले छावा जन्माएका छन् । विसं २०८१ चैतदेखियता ती हात्तीले छावा जन्माएका हुन् ।
निकुञ्जका सूचना अधिकारी अविनाश थापामगरका अनुसार विसं २०८१ चैत ८ गते रिमझिम कलीले दीपगज, विसं २०८२ असार २८ गते लोकतन्त्रकलीले बेदगज, असार ३० गते तीर्थमानकलीले बिभ्रकली र साउन ७ गते तमोरकलीले रामप्रितगज जन्माएका हुन् ।
निकुञ्जले सञ्चालन गरेको हात्ती प्रजनन केन्द्र खोरसोरमा रहेका हात्तीले छावा जन्माएका हुन् । हात्तीले गर्भधारण गरेको १८ देखि २२ महिनामा बच्चा जन्माउने गर्दछ । खोरसोरमा अब चितवनकली गर्भवती रहेको उनले जानकारी दिए । चितवनकलीले अबको दुई तीन महिनामा छावा जन्माउने उनले बताए ।
अहिले खोरसोरमा रहेका छ वटा छावालाई तालिम दिइएको छ भने सात वटालाई तालिम दिन बाँकी रहेका छन् । अहिले निकुञ्जका विभिन्न स्थानमा गरी ५८ वटा हात्ती रहेका छन् ।
हात्तीले बच्चा जन्माउन लामो समय लाग्ने भएकाले जन्मिएका छावालाई विशेष रूपमा हेर्ने गरिएको छ । छावाको न्वारन विधिपूर्वक गरिने गरिन्छ । प्रजनन केन्द्रमा हुर्किएर तालिम दिएपछि हात्तीलाई निकुञ्जका विभिन्न सुरक्षापोष्टमा पठाउने गरिन्छ ।
काठमाडौँ । राष्ट्रिय परीक्षा बोर्डले कक्षा १२ को नतिजा प्रकाशित गरेको छ । सोमबार साँझ प्रकाशित नतिजाअनुसार नियमिततर्फ ६१ दशमलव १७ र आंशिकतर्फ ३६ दशमलव ४९ प्रतिशत विद्यार्थी उत्तीर्ण भएका छन् ।
गत वैशाख २१ गतेदेखि सञ्चालन गरिएको परीक्षामा नियमिततर्फ तीन लाख ९६ हजार ३४७ परीक्षार्थी सहभागी भएकामा दुई लाख ४२ हजार ७६५ विद्यार्थीले ग्रेड प्राप्त गरेका छन् । यसमा ३८ दशमलव ८३ विद्यार्थीले ‘ननग्रेड’ प्राप्त गरेका बोर्डले जनाएको छ ।
यस्तै, आंशिकतर्फ एक लाख १४ हजार ६४० विद्यार्थी सहभागी भएकामा ४१ हजार ८४० ले ग्रेड प्राप्त गरेका छन् । समग्रमा कुल पाँच लाख ११ हजार ५२५ परीक्षार्थीमध्ये दुई लाख ८४ हजार ३०५ जनाले ग्रेड प्राप्त गरेका बोर्डका अध्यक्ष महाश्रम शर्माले जानकारी दिए । यस्तै, नियमिततर्फ ११ र आंशिकतर्फ छ गरी १७ जनाको परीक्षा रद्द गरिएको छ ।
ननग्रेड आएका विद्यार्थीको ग्रेडवृद्धि परीक्षा आगामी भदौ २८ र २९ गते सञ्चालन हुने बोर्डले जनाएको छ ।
काठमाडौँ । अधिवक्ताहरूले बहुविवाहलाई कानुनी मान्यता दिन नहुनेमा जोड दिएका छन् । काठमाडौँमा आयोजित साक्षात्कारमा वरिष्ठ अधिवक्ताहरू रामनारायण बिडारी, दिनेश त्रिपाठी र बालकृष्ण न्यौपानेले बहुविवाह गर्न पाउने गरी विधेयकमा व्यवस्था गर्न नहुनेमा जोड दिए ।
वरिष्ठ अधिवक्ता बिडारीले महिलालाई दमन हुने प्रकारको कुनै पनि कानुन ल्याउन नहुने बताए । उनले भने, “लोग्नेमान्छेले मायाप्रेममा पारेर अर्की महिलासँग सम्बन्ध गरेर गर्भाधान गराएछ भने त्यस्तो गर्भाधानबाट जन्मिएकी बच्चा भएकी आमालाई स्वास्नी कायम हुनेछ भनेर लेखेछ । यस्तो कानुन बनाएछन् । यसले समाज भाँड्छ, नारीलाई दमन गर्छ ।”
वरिष्ठ अधिवक्ता त्रिपाठीले बहुविवाहलाई मान्यता दिनेगरी ल्याउन लागिएको कानुन निन्दनीय रहेको भन्दै लोकतान्त्रिक समाजमा यस्तो प्रकारको कानुनको कल्पना पनि गर्न नसकिने बताए । “बहुविवाह अर्को ठूलो सामाजिक भ्रष्टाचार हो, यो निन्दनीय छ । सभ्य समाजमा बहुविवाह हुन सक्दैन, लोकतान्त्रिक समाजमा यसको परिकल्पना पनि गर्न सकिँदैन । यस्तो कानुनको मस्यौदा तयार हुँदैछ भन्ने सुनिएको छ, यसको चौतर्फी विरोध गरिनुपर्छ ।”
वरिष्ठ अधिवक्ता न्यौपानेले राजनीतिक दलहरूले आफ्ना कार्यकर्ताहरु मुद्दा मामिलामा परेपछि उनीहरूलाई उन्मुक्ति दिन यस्तो बहुविवाह गर्न पाउने कानुन ल्याउन खोजिएको हुनसक्ने आरोप लगाए ।
कालिका । कालिका नगरपालिकाले नगरवासीलाई मनसुनजन्य विपद्को समयमा उच्च सतर्कता अपनाउन आग्रह गरेको छ । मनसुनी वर्षाले नगरपालिका क्षेत्रभित्रका विभिन्न खोलानालाहरुमा जलप्रवाह बढ्न गई मानवीय तथा भौतिक क्षतिहरु हुन सक्ने भएकाले उच्च सतर्कता अपनाउन नगरपालिकाले नगरवासीमा आग्रह गरेको छ ।
प्रमुख प्रशासकीय अधिकृत देवराज चौलागाईंले विज्ञप्ति जारी गरी वर्षा सुरू भएको हुनाले विपद्जन्य घटना बाढीपहिरो जान सक्ने सम्भावना रहेकोले खोला तथा नदी तटीय क्षेत्र वा भिरालो जोखिमयुक्त क्षेत्रमा बसोवास गर्नेहरु मनसुन अवधिभर अझ उच्च सतर्कता अपनाएर आफ्नो जीउधनको सुरक्षामा चनाखो भइदिन नगरवासीलाई अनुरोध गरेका हुन् ।
उच्च सतर्कता अपनाउँदाअपनाउँदै कुनै प्रकारको विपद्को घटना घटेमा नजिकका प्रहरी चौकीहरु, श्री सिंहनाथ गढ, नगरप्रमुखसहित जनप्रतिनिधिहरु, वातावरण तथा विपद् व्यवस्थापन समिति, विपद् फोकल पर्सन, विपद् व्यवस्थापन शाखा, नगर प्रहरीलगायतका ठाउँमा जानकारी गराउन नगरवासीमा अनुरोध गरिएको छ ।
नगरपालिकाले विपद्जन्य घटनाबाट बच्न र बचाउनमा खटिएका सबै संयन्त्रहरुको मोबाइल नम्बर पनि सार्वजनिक गरेको छ । मनसुनसँग सम्बन्धित बाढी, डुबान, भूक्षय, भारी वर्षा, चट्याङ र आकस्मिक बाढीका घटना हुन सक्ने जोखिम बढेको हुनाले कहीँकतै कुनै घटना हुनासाथ तत्काल खबर गर्न पालिकाले आग्रह गरेको छ ।
गत वर्ष कालिकामा मनसुनजन्य बाढीका कारण एक बालकको मृत्यु भएको थियो । भौतिक क्षतिहरु समेत भएका थिए । चितवनमा मनसुनजन्य क्षतिको मारमा बर्सेनि कालिका नगरपालिका परिरहेको छ ।
तथ्याङ्कअनुसार नेपालमा विगत १० वर्षको अवधिमा मनसुनजन्य विपद्का घटना तीव्ररुपमा बढेको पाइन्छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणको तथ्याङ्कअनुसार २०७२ सालदेखि २०८१ सम्म मनसुनजन्य विपद्का घटनामा दुई हजार ३१७ जनाको मृत्यु भएको छ ।
भरतपुर । ‘मौलिक लोक संस्कृतिको पहिचान : स्रष्टालाई प्रोत्साहन र सम्मान’ भन्ने मूल नाराका साथ लक्की मिडिया हाउस चितवनको आयोजनामा लक्की सांस्कृतिक साँझ–२०८२ कार्यक्रम सम्पन्न भएको छ ।
लक्की मिडिया हाउसका महाप्रबन्धक तथा कार्यक्रम संयोजक हरि कार्की ‘लक्की’ले ‘लक्की इलेक्ट्रोनिक्स लक्की सांस्कृतिक साँझ–२०८२’मा नेपाली लोकदोहोरी क्षेत्रकी चर्चित गायिका सरिता गुरूङ श्रेष्ठलाई सम्मान गरिएको बताए ।
नेपाली लोकदोहोरी क्षेत्रमा अतुलनीय योगदान दिएबापत चर्चित लोकदोहोरी गायिका श्रेष्ठलाई सम्मान गरिएको थियो । नेपाली लोकदोहोरी क्षेत्रमा विगत लामो समयदेखि लागेकी गायिका श्रेष्ठको दर्जनौँ लोकगीतमा आवाज दिएर कुशल गायिकाको रूपमा चिनिएकी छन् । गायिका श्रेष्ठले यसअघि पनि धेरै नै तीजका गीतमा मीठो आवाज दिएर आफ्ना कोसेलीहरू दर्शक, स्रोतामाझ पस्किसकेकी छन् । गायिका श्रेष्ठ खासगरी मेला महोत्सवबाट दोहोरी गायिकाको रूपमा स्थापित बनेकी हुन् ।
नेपाली लोक दोहोरी क्षेत्रकी वरिष्ठ लोकदोहोरी गायिका सुमन थापामगर, गायिका सरिता गुरूङ श्रेष्ठ, गायिका सम्झना श्रेष्ठ, राधिका रिमाल ढकाल, आकृति घिमिरे पौडेललगायतले गीत गाएका थिए । ‘लक्की इलेक्ट्रोनिक्स लक्की सांस्कृतिक साँझ–२०८२’ मा दर्शकहरुले भरपुर मनोरञ्जन लिएका थिए ।
कार्यक्रममा भरतपुर वडा नं–७ का वाद्यवादन समूह र सङ्गीतको पुरानो बाजा मुरलीको धुन बजाएर कृष्णप्रसाद पंगेनीले ‘लक्की सांस्कृतिक साँझ–२०८२’ कार्यक्रममा आएका अतिथिहरुलाई स्वागत गरेका थिए ।
लक्की मिडिया हाउस चितवनका निर्देशक इन्दिरा पन्तको अध्यक्षतामा भएको कार्यक्रममा प्रमुखअतिथिमा भरतपुर महानगरपालिका वडा न–७ का वडाध्यक्ष राजेन्द्रमणि काफ्ले, विशिष्टअतिथिमा रक्तदान कार्यक्रम सहजीकरण समितिको जिल्ला संयोजक रेडक्रस अभियन्ता कृष्णप्रसाद ढकाल, पिस जोन इङ्ग्लिस स्कुलका प्राचार्य मुक्तिनाथ अधिकारी, साप्ताहिक सञ्जाल नेपाल चितवनका अध्यक्ष सूर्य बराल र लक्की मिडिया हाउसका महाप्रबन्धक एवम् कार्यक्रम संयोजक हरि कार्की ’लक्की’ रहेका थिए ।
लक्की मिडिया हाउसका महाप्रबन्धक एवम् कार्यक्रम संयोजक कार्कीले, ‘लक्की इलेक्ट्रोनिक्स लक्की सांस्कृतिक साँझ– २०८२’ सफल पार्न साथ सहयोग गर्ने चर्चित गायिकाहरु, दर्शक, विज्ञापनदाता, पत्रकारलगायत सम्पूर्ण शुभचिन्तकहरुमा धन्यवाद व्यक्त गरेका थिए । सांस्कृतिक साँझ कार्यक्रममा लोकदोहोरी तथा तीजका गीतहरु गाएर गायिकाहरुले प्रस्तुति दिएका थिए ।
चितवन । नेपाली कांग्रेसका सभापति शेरबहादुर देउवाले स्व. पृथ्वीमान गुरूङले पार्टीमा त्याग, समर्पण र बलिदानी दिएको बताएका छन् ।
स्व. गुरूङको नवौँ दिनको पुण्यतिथिका अवसरमा नेपाली कांग्रेस चितवनले गुरूङको निवासमा आइतबार आयोजना गरेको श्रद्धाञ्जली सभामा सभापति देउवाले गुरूङ निष्ठावान् नेता भएको बताए ।
गण्डकी प्रदेशका पूर्वप्रमुख एवं नेपाली कांग्रेस चितवनका पूर्वसभापति गुरूङमा क्रान्तिकारीपन रहेको भन्दै सभापति देउवाले गुरूङले छोडेर गएका काम सबै मिलेर पूरा गर्नुपर्ने बताए । उनले भने, “उहाँ मेरो पुरानो साथी हो । उहाँले छोडेर गएका काम हामी सबै मिलेर गर्नुपर्छ ।” जिल्लामा गुरूङले पु¥याएको योगदान मह¤वपूर्ण रहेको सभापति देउवाको भनाइ थियो ।
सो अवसरमा नेपाली कांग्रेसका पूर्वउपसभापति गोपालमान श्रेष्ठले राजनैतिक यात्रा सुरू गर्दैगर्दा विश्वेश्वरप्रसाद कोइरालाले गुरूङजस्ता युवा आफूहरुसँग भएको भन्दै तारिफ गरेको स्मरण गरे । अबको निर्वाचनमा गठबन्धन नहुने भन्दै उनले सबै क्षेत्रमा कांग्रेसले जित हासिल गरेर गुरूङप्रति सच्चा श्रद्धाञ्जली अर्पण गर्नुपर्ने बताए ।
नेपाली कांग्रेसका पूर्वमहामन्त्री डा शशाङ्क कोइरालाले मृत्युपछि परिचय हुने गरेको भन्दै पृथ्वीमानको इतिहास लिपिबद्ध गराउन आग्रह गरे । कांग्रेस नेता मीन विश्वकर्माले गुरूङसँग कांग्रेसको निष्ठावान् चित्र र चरित्र रहेको बताए ।
गण्डकी प्रदेशका मुख्यमन्त्री सुरेन्द्रराज पाण्डेले एक वर्ष आफूले सँगै काम गरेको स्मरण गर्दै गुरूङले आफूलाई नेता–कार्यकर्ताको शिर झुकाउन नपर्नेगरी काम गर्न सुझाव दिने गरेको बताए ।
सो अवसरमा नेपाली कांग्रेस चितवनका सभापति राजेश्वर खनालले पूर्वसभापति गुरूङको निधनपछि पार्टीले उनलाई योगदानको उच्च सम्मान व्यक्त गर्दै विभिन्न कार्यक्रम गरिरहेको बताए । गुरूङको यही साउन १० गते निधन भएको थियो ।
हेटौँडा । बाग्मती प्रदेशका मुख्यमन्त्री बहादुरसिंह लामाले आइतबार पदबाट राजीनामा दिएका छन् । हेटौँडास्थित मुख्यमन्त्री तथा मन्त्रिपरिषद्को कार्यालयमा पत्रकार सम्मेलन आयोजना गरी उनले राजीनामा दिएका हुन् ।
पत्रकार सम्मेलनलगत्तै राजीनामा बुझाउन आइतबार साँझ हेटौँडास्थित प्रदेश प्रमुखको कार्यालयमा पुगे पनि प्रदेश प्रमुख दीपकप्रसाद देवकोटा त्यहाँ नरहेकाले त्यसै फर्किएका छन् । सोमबार प्रदेश प्रमुख हेटौँडा आएपछि उनलाई नै राजीनामा पत्र बुझाउने मुख्यमन्त्री लामाले जानकारी दिएका छन् ।
यही साउन १४ गते भएको पार्टी संसदीय दलको नेतामा पराजित भएपछि पार्टी सभापति शेरबहादुर देउवाको निर्देशनमा मुख्यमन्त्री लामाले पदबाट राजीनामा दिएका हुन् ।
पत्रकार सम्मेलनमा मुख्यमन्त्री लामाले पार्टीभित्रको बृहत् छलफलपश्चात् राजनीतिक मूल्य, मान्यता स्थापित गर्न उचित ठानेर पार्टी सभापतिले आपसी समझदारीमा सरकार सञ्चालन गर्नेगरी मार्ग प्रशस्त गर्न आफूले राजीनामा दिन लागेको बताए । उनले नवनिर्वाचित पार्टी संसदीय दलका नेता इन्द्रबहादुर बानियाँको नेतृत्वमा सहमति र सहकार्य गरेर अगाडि बढ्ने प्रतिबद्धता व्यक्त गरे ।
मुख्यमन्त्रीका रुपमा आफूलाई सहयोग गर्ने सबैप्रति धन्यवाद ज्ञापन गर्दै मुख्यमन्त्री लामालेतहगत सरकार र प्रदेशसभामा प्रतिनिधत्व गर्ने सबै दलसँग प्रभावकारी समन्वयमार्फत प्रदेशवासीको विकास र समृद्धिको आकाङ्क्षा पूरा गर्ने दिशातर्फ सरकारउन्मुख रहेको उल्लेख गरे । गत वर्षको बाढी र पहिरोबाट सिर्जित विपद्को सामना र पुनर्निर्माणमा सीमित स्रोत र साधनको बाबजुद प्रदेशको बलियो उपस्थिति जनाएको उनको जिकिर थियो ।
आफूले इमान्दारितापूर्वक काम गरे पनि प्रदेश सरकार अचानक ढाल्ने प्रपञ्चले स्थिरता र स्थायित्वको प्रतिबद्धतामाथि प्रश्न उठेको मुख्यमन्त्री लामाको भनाइ छ ।
“यस्तै षडयन्त्र र प्रपञ्च परम्पराका रूपमा स्थापित भएमा र अन्य प्रदेशमा पनि यस्ता कार्य सुरु भएमा देश कता जान्छ ? यो घटनाले गम्भीर प्रश्न मात्रै होइन लोकतान्त्रिक गणतन्त्रमाथि नै खतराको आशङ्का जन्माएको छ”, उनले भने,“संविधानले त मलाई मुख्यमन्त्रीमा अझै सुरक्षित नै गरेको थियो, तर पार्टीभित्रको बृहत्तर छलफलपश्चात् विधि, पद्धति मूल्य र मान्यता स्थापित गर्नु उचित ठानेर र पार्टी सभापतिको आग्रहमा मार्ग प्रशस्त गर्न मुख्यमन्त्री पदबाट राजीनामा दिन लागेको हुँ ।”
भरतपुर । चितवन राष्ट्रिय निकुञ्जका पूर्वसंरक्षण अधिकृत रामप्रित यादवको सम्मानमा ‘तमोरकली’ नामक हात्तीले जन्माएको छावाको नाम ‘रामप्रितगज’ राखिएको छ ।
खोरसोरस्थित हात्ती प्रजनन तथा तालिम केन्द्रमा आइतबार भएको न्वारनमा छावाको नाम ‘रामप्रितगज’ राखिएको हो । चितवन राष्ट्रिय निकुञ्जका प्रमुख संरक्षण अधिकृत डा गणेश पन्तले चितवन निकुञ्जको संरक्षणमा स्थापनाकालदेखि नै योगदान दिएका रामप्रितको सम्मानमा रामप्रितगज नामाकरण गरिएको बताए ।
“विभिन्न संरक्षणकर्मीको सम्मानमा हात्तीको छावा नामकरण गर्दै आइहेका छौँ, यसपटक चितवन निकुञ्जको संरक्षणमा सुरूदेखि नै योगदान दिएका संरक्षणकर्मीको सम्मानमा नामाकरण गरेका हौँ”, उनले भने ।
चितवन निकुञ्ज स्थापनाकालमा यादव रेञ्जर पदमा रहेर संरक्षणमा खटिएका थिए । उनले निकुञ्जको प्रमुख संरक्षण अधिकृतसमेत भएर काम गरिसकेका छन् । यादव हाल अवकाश भइसके पनि संरक्षणको क्षेत्रमा सक्रिय छन् ।
उनकै उपस्थितिमा हात्तीको नामकरण गरिएको हो । सो क्रममा यादवले भने, “मैले सुरूदेखि यो निकुञ्जको संरक्षणमा सक्रिय हुन पाएँ, मैले के–कति गर्नसकेँ भन्ने अरुले मूल्याङ्कन गर्नुहुनेछ, मेरो सम्मानमा हात्तीको नामकरण हुँदा गर्व महसुस भएको छ ।”
‘रामप्रितगज’ तमोरकली हात्तीको तेस्रो सन्तान हो । रामप्रितगजको जन्म यही साउन ७ गते भएको हो । यसलाई ‘रोनाल्डो’ नामक हात्तीको सन्तान मानिएको छ ।
यहाँ जन्मिने भाले छावाको नामको पछाडि ‘गज’ र पोथी हात्तीको नामको पछाडि ‘कली’ राख्ने प्रचलन छ । चालु आर्थिक वर्ष २०८२/८३ मा जन्मिएको यो पहिलो छावा हो । गत आव २०८१/८२ मा पाँच वटा छावाको जन्म भएको हात्ती प्रजनन केन्द्रका प्रमुख मनपुरन चौधरीले जानकारी दिए ।
हाल यस प्रजनन केन्द्रमा नौ वटा ठूला हात्ती, छ वटा तालिम प्राप्त हात्ती र सात वटा तालिम नगरेका गरी २२ वटा हात्ती छन् । प्रजनन केन्द्र र निकुञ्जभित्रका विभिन्न पोस्टमा गरी हाल ५८ वटा हात्ती छन् ।
विसं २०४४ मा स्थापना भएको प्रजनन केन्द्र तथा तालिम केन्द्रमा २०५० सालदेखि बच्चा जन्मिन सुरु भएको हो । हालसम्म यस केन्द्रमा ६९ वटा बच्चा जन्मिएका छन् । जसमध्ये छ वटा हात्ती विभिन्न कारणले मरिसकेका छन् ।
चितवन । विभिन्न अपराधिक कार्यमा संलग्न रही फरार एक हजार ५०८ जना अभियुक्तलाई जिल्ला प्रहरी कार्यालयले पक्राउ गरी कानुनी दायरामा ल्याएको छ ।
कार्यालयका प्रमुख प्रहरी उपरीक्षक गोविन्द पुरीका अनुसार गत आर्थिक वर्षमा एक हजार ७६५ मुद्दामा उनीहरूलाई पक्राउ गरी कारबाही गरिएको हो । ती मुद्दामा एक हजार ८९२ जना अभियुक्त रहेका छन् ।
उनका अनुसार यस वर्ष परेका मुद्दामा एक हजार ६९६ जना पुरुष, एक सय ७१ महिला र समलिङ्गी एक जना संलग्न रहेका छन् । तीमध्ये विदेशी नागरिक २४ जना रहेका छन् । तेइस जना पुरुष र एक महिला विदेशी रहेको उनले जानकारी दिए ।
पक्राउ पर्नेमा कर्तव्य ज्यानसम्बन्धी मुद्दा, सवारी ज्यान, लागुऔषध, जबर्जस्ती करणी, बाल यौन दुरुपयोग, मानव बेचबिखन तथा ओसारपसार, अभद्र व्यवहार, आत्महत्या, चोरी, जुवा, ठगी, विद्युतीय अपराध, बैंकिङ कसुर रहेका छन् ।
कार्यालयले फैसला कार्यान्वयनतर्फ गत आवमा पाँच सय ८३ जनालाई पक्राउ गरी अदालतमा बुझाएको छ । उनीहरूबाट एक सय २७ वर्ष छ महिना तीन दिन कैद र रु दुई करोड ५८ लाख ७९ हजार ४१९ जरिवाना असुल गरिएको छ । फैसला कार्यान्वयनका लागि एक हजार ८०७ जना पक्राउ गरी कानुनी दायरामा ल्याउन बाँकी रहेको उनले जानकारी दिए ।
राप्ती (लोथर) । नेपाल आयल निगम लिमिटेडले पेट्रोलियम पदार्थको आपूर्ति, भण्डारण र वितरण कार्यलाई सहज बनाउन बाराको अमलेखगन्जदेखि चितवनको लोथरसम्म पाइपलाइन विस्तार गर्ने कार्य अघि बढाएको छ ।
निगमले शुक्रबार लोथरमा परियोजनाको फिल्ड कार्यालय स्थापना गरी दोस्रो चरणको पेट्रोलियम पाइपलाइन विस्तारको कार्य शुभारम्भ गरेको हो । राप्ती नगरपालिका वडा नं–१ लोथरस्थित २३ बिगाहा १२ कठ्ठा जमिनमा आधुनिक सुविधासम्पन्न ग्रीन फिल्ड टर्मिनल निर्माण गर्न लागेको निगमले जनाएको छ ।
तत्कालीन प्रधानमन्त्री पुष्पमकल दाहाल ‘प्रचण्ड’ भारत भ्रमणको क्रममा विसं २०८० साल जेठ १८ गते भारतीय प्रधानमन्त्री नरेन्द्र मोदीसँग अमलेखगन्ज–लोथर पेट्रोलियम पाइपलाइन र लोथरमा भण्डारण गृहसहित आधुनिक सुविधासम्पन्न डिपो निर्माण गर्ने समझदारी पत्रमा हस्ताक्षर भएको थियो । सो समझदारी कार्यान्वयनका लागि दुवै देशका सरकारीस्तरका पेट्रोलियम कम्पनीले आपसी सम्झौता गरी निर्माण कार्य गर्ने उल्लेख गरेका थिए ।
सोही समझदारीअनुसार गत असोज १७ गते इन्डियन आयल कर्पोरेसन (आइओसी) र नेपाल आयल निगमबीच बिटुबी सम्झौता भएको थियो । सम्झौताअनुसार निर्माण कार्य सुरू भएको ५४ महिनामा परियोजना सञ्चालनमा ल्याउने उल्लेख गरिएको छ । इन्डियन आयल कर्पोरेसनले सो परियोजनाको विस्तृत अध्ययन प्रतिवेदन (डिपिआर)समेत तयार पारिसकेको छ ।
भारतको मोतिहारीदेखि बाराको अमलेखगन्जसम्म ६९ किलोमिटर अन्तरदेशीय पेट्रोलियम पाइपलाइन परियोजना विसं २०७६ सालदेखि सञ्चालनमा आएको हो । सुरूवातको चरणमा डिजेल र मट्टितेल पाइपलाइनमार्फत आयात गरिएकामा केही समयअघिदेखि पेट्रोलियम पदार्थ पनि पाइपलाइनबाटै आपूर्ति गरिएको छ ।
सो परियोजना निर्माण भएपछि नेपालका पश्चिमी र उत्तरी क्षेत्रमा पेट्रोलियम पदार्थको आपूर्ति सजह हुने निगमले जनाएको छ । विसं २०२७ सालमा देशभर पेट्रोलियम पदार्थको आपूर्ति, भण्डारण र वितरण कार्यका लागि निगमको स्थापना भएको थियो ।
निगमले आइओसीको मोतिहारी डिपोमा रहेको पम्प हाउसबाट लोथरसम्म पाइपलाइनका लागि पेट्रोलियम पदार्थ पम्पिङ गर्ने व्यवस्था गरिने जनाएको छ । निगमका अनुसार अमलेखगन्ज–लोथर ६२ किलोमिटर दूरीमा १० दशमलव ७५ इन्च ब्यासको पाइपलाइन बिच्छयाइने छ ।
परियोजना प्रमुख इन्जिनियर प्रदीपकुमार यादवले पेट्रोलियम पाइपलाइन विस्तार परियोजना साउन १६ गतेदेख सुरूवात भएको बताउँदै शनिबारदेखि नै सडक निर्माण र आइओसीसँग समन्वय गरी आगामी तीन वर्षभित्र निर्माण सम्पन्न गरी सञ्चालनमा ल्याइने जानकारी दिए ।
प्रमुख इन्जिनियर यादवले पाइपलाइन परियोजनाबाट पेट्रोलिमय पदार्थ ढुवानी गर्दा वातावरणीय प्रभाव न्यून हुनुका साथै पेट्रोलियम पदार्थको चोरी तथा मिसावटमा पनि कमी आउने बताए । उनले सो परियोजनामा स्थानीयवासीलाई रोजगारीको व्यवस्था हुने बताए ।
निगमका उपनिर्देशक रामहरि निरौलाले निर्धारित समयमै परियोजना सम्पन्न हुने बताउँदै ट्र्याङ्करबाट इन्धन ढुवानी गर्ने समय विस्तारै हट्दै जाने बताए ।
राप्ती नगरपालिका वडा नं–१ का वडाध्यक्ष सिद्धलाल स्याङ्तानले चितवनकै गौरवको परियोजना यस क्षेत्रमा कार्यान्वयनमा आएकोमा खुसी व्यक्त गर्दै भने, ‘यो परियोजना राप्ती नगरपालिकाको मात्रै नभई चितवनकै गौरव हो, परियोजना सफलतापूर्वक कार्यान्वयनबाट यस क्षेत्रका स्थानीयको आर्थिक आयआर्जन र जीविकोपार्जनमा पनि सहज हुनेछ ।’ यस परियोजनालाई सफल पार्न राप्ती नगरपालिकाले सबै किसिमका सहयोग गर्न तत्पर रहेको उनले बताए ।
निगमका सहायक प्रबन्धक अनुपम पराजुलीले पाइपलाइनबाट २७३ किलोलिटर प्रतिघन्टाको गतिमा तेल आपूर्ति गर्न सकिने जानकारी दिए । पूर्व–पश्चिम राजमार्गको समानान्तर पाइपलाइन निर्माण गरिनेछ । ६२ किलोमिटर लामो पाइपलाइनमा जुनसुकै समय नियमितरूपमा ३२ सय किलोलिटर इन्धन भण्डारण भइरहेको हुनेछ । पाइपलाइनबाट वार्षिक २० मिलियन टन इन्धन ढुवानी गर्न सकिने सहायक प्रबन्धक पराजुलीले जानकारी दिए ।
लोथरमा १६० वर्गमिटरको क्षेत्रफलमा पाइपलाइन स्टेसन निर्माण हुनेछ । सो स्टेसनमा पेट्रोल भण्डारणका लागि ११ हजार किलोलिटर क्षमताका तीनवटा भर्टिकल ट्याङ्क निर्माण हुनेछ । यस्तै, डिजेल भण्डारणका लागि १५ हजार ५०० किलोलिटर क्षमताका तीनवटा, मट्टितेल भण्डारणका लागि ८०० किलोलिटर क्षमताका दुईवटा र हवाई इन्धनका लागि तीन हजार ६०० किलोलिटर क्षमताका तीनवटा ट्याङ्क निर्माण गरिने निगमले जनाएको छ । लोथरमा बन्ने नयाँ डिपोमा कुल ९१ हजार ९०० किलोलिटर पेट्रोलियम पदार्थ भण्डारण हुनेछ । यसबाहेक दुईवटा ट्रान्समिक्स ट्याङ्क निर्माण गरिनेछ ।
आइओसीले तयार पारेको विस्तृत परियोजना प्रतिवेदनअनुसार पाइपलाइनसहित भण्डारण गृह निर्माण लागत १४ अर्ब नौ करोड ६० लाख रुपैयाँ लाग्ने अनुमान गरिएको छ । जसमा लोथर पाइपलाइन निर्माणका लागि चार अर्ब २८ करोड ८० लाख रुपैयाँ र लोथरमा निर्माण हुने भण्डारणसहितको ग्रीन फिल्ट टर्मिनलको लागि ९ अर्ब ८० करोड ८० लाख लागत अनुमान तयार गरिएको छ ।
पाइपलाइन परियोजना विस्तारको कार्य सुरू भएपछि लोथरका स्थानीय हर्षित भएका छन् । सो परियोजना निर्माणबाट यस क्षेत्रका स्थानीयको जीविकोपार्जनमा सहज तथा स्थानीय उत्पादनको खपत र रोजगारी सिर्जनालगायत क्षेत्रमा सहयोग पुग्ने वडाध्यक्ष सिद्धलाल स्याङ्तानको भनाइ छ ।
रत्ननगर । बकुलहर रत्ननगर प्रादेशिक अस्पतालका मेडिकल सुपरिटेन्डेन्ट डा. मदन ज्ञवाली सम्मानित भएका छन् ।
बागमती प्रदेश सरकार, स्वास्थ्य मन्त्रालयद्वारा आयोजित बागमती प्रदेश पूर्णखोप घोषणा तथा बागमती डिजिटल हेल्थ शुभारम्भ कार्यक्रमको अवसरमा डा. ज्ञवालीलाई स्वास्थ्यसेवाको क्षेत्रमा उल्लेखनीय योगदान पुर्याएबापत सम्मान गरिएको हो ।
समारोहमा प्रधानमन्त्री केपी शर्मा ओलीले बागमती प्रदेशका स्वास्थ्यमन्त्री किरण थापामगरको सहभागितामा डा. ज्ञवालीलाई प्रमाणपत्रसहित सम्मान गरेका थिए ।
बागमती प्रदेश सरकारले डा. ज्ञवालीबाट स्वास्थ्यसेवामा थप प्रशंसनीय र उत्कृष्ट कार्यसम्पादनको अपेक्षा गर्दै बधाइ तथा शुभेच्छा प्रकट गरेको छ ।
रत्ननगर । नेपाल सरकारले व्यक्तिगत घटना दर्ताको प्रमाणपत्रमा रहेका नाम, थर, उमेर लगायतका विवरणमा त्रुटि भएमा एकपटकका लागि सच्याउन सकिने नयाँ व्यवस्था लागू गरेको छ । ऐन संशोधनमार्फत राष्ट्रिय परिचयपत्र तथा पञ्जीकरण ऐन, २०७६ मा गरिएको संशोधनले यो सुविधा प्रदान गरेको हो ।
रत्ननगर नगरपालिका सामाजिक सुरक्षा तथा पञ्जीकरण उपशाखा प्रमुख रामप्रसाद बस्ताकोटीले नयाँ व्यवस्थाले व्यक्तिगत विवरणमा भएको त्रुटि सच्याउन सहज हुने बताए । विवरण सच्याउन चाहने व्यक्तिले सम्बन्धित स्थानीय पञ्जिकाधिकारीको कार्यालय अर्थात् वडा कार्यालयमा तोकिएको ढाँचामा निवेदन दिनुपर्नेछ ।
उनले निवेदनसँगै आवश्यक कागजात र प्रमाणहरू पेस गर्नुपर्ने बताए । यो व्यवस्था साउन १४ गतेदेखि लागू भए पनि विभागबाट आधिकारिक परिपत्र आउन बाँकी रहेको उनले जानकारी दिए ।
यसअघि व्यक्तिगत घटना दर्तामा भएको त्रुटि, विशेषगरी जन्मदर्तामा बच्चाको नाम, थर, उमेर वा अन्य विवरण दर्ता भएको एक वर्षभित्रमात्र सच्याउन सकिने प्रावधान रहेको थियो । यो व्यवस्थाले धेरैलाई असुविधा भएको गुनासो आएको थियो । नयाँ संशोधनले भने उमेर वा अन्य अवस्थाको कुनै सीमा नराखी जोसुकैले पनि एकपटक विवरण सच्याउन सक्ने सुविधा प्रदान गरेको छ ।
यो प्रक्रियाअन्तर्गत सच्याइएको विवरणको जानकारी स्थानीय पञ्जिकाधिकारीले राष्ट्रिय परिचयपत्र तथा पञ्जीकरण विभागलाई अनिवार्यरूपमा उपलब्ध गराउनुपर्ने व्यवस्था पनि गरिएको छ । यसले व्यक्तिगत विवरणको अद्यावधिक र एकरूपता कायम गर्न सहयोग पुग्ने विश्वास लिइएको छ ।
यो नयाँ व्यवस्थाले विशेषगरी प्रशासनिक त्रुटि वा अन्य कारणले प्रमाणपत्रमा गलत विवरण परेका व्यक्तिहरूलाई ठूलो राहत प्रदान गर्ने अपेक्षा गरिएको छ । साथै, राष्ट्रिय परिचयपत्रसँग सम्बन्धित विवरणहरूको एकीकरण र डिजिटल अभिलेखीकरणमा समेत यो व्यवस्थाले सकारात्मक योगदान पु¥याउने बस्ताकोटीले बताए ।
नागरिकहरूले यो सुविधा उपयोग गर्न स्थानीय वडा कार्यालयमा सम्पर्क गरी आवश्यक प्रक्रिया र कागजातबारे जानकारी लिन सक्नेछन् । यो व्यवस्थाले व्यक्तिगत दस्तावेजको शुद्धता र विश्वसनीयता कायम गर्न महत्त्वपूर्ण भूमिका खेल्ने अपेक्षा गरिएको छ ।
रत्ननगर । रत्ननगर नगरपालिका स्वास्थ्य शाखाको आयोजनामा ‘स्तनपानलाई प्राथमिकता दिऔँ : सहयोगी वातावरण निर्माण गरौँ’ भन्ने नाराका साथ ३३औँ विश्व स्तनपान सप्ताह रत्ननगर–१६ स्थित पिठुवा स्वास्थ्यचौकीमा सुरू भएको छ ।
रत्ननगर–१६ का वडाध्यक्ष एवम् स्वास्थ्यचौकी सञ्चालन तथा व्यवस्थापन समितिका अध्यक्ष हेमराज थापाको अध्यक्षतामा भएको कार्यक्रममा स्वास्थ्य शाखाका प्रमुख जनस्वास्थ्य अधिकृत माधवप्रसाद पौडेल, नर्सिङ अधिकृत अम्बिका पौडेल, विद्यालय नर्स वन्दना सापकोटा, सिअनमी अधिकृत गीता रायमाझीले स्तनपानको मह¤वका विषयमा प्रकाश पारेका थिए ।
कार्यक्रममा ६ महिनासम्म आमाको दूधमात्रै खुवाउनुपर्ने र दूधको प्रतिस्थापनमा बजारमा पाइने प्याकेट र बट्टाको दूध पूर्णरुपमा प्रतिबन्ध लगाउनुपर्ने बताइएको थियो ।
पिठुवा स्वास्थ्यचौकीका इन्चार्ज नरहरि श्याम शर्माले सञ्चालन तथा सहजीकरण गरेको कार्यक्रमको समापन गर्दै वडाध्यक्ष थापाले रत्ननगर नगरपालिकाले गर्भावस्थादेखि नै स्वास्थ्यसेवा प्रदान आएको र कुनै पनि नागरिकको उपचार नपाएका कारण ज्यान जाने स्थिति नरहेको बताए ।
उनले ज्यान बिग्रन्छ भनेर स्तनपान गराउनु हुँदैन भन्ने भ्रमबाट मुक्त हुन जरूरी रहेको बताउँदै पिठुवा स्वास्थ्यचौकीमा स्तनपान कक्ष स्थापना गर्ने प्रतिबद्धता जनाए ।
कार्यक्रममा वडा सदस्य चीजकुमार श्रेष्ठ, ज्ञानेन्द्र रेग्मी, सरिता गुरूङ, रिता विक, वडा सचिव मञ्जु पौडेल, स्वास्थ्यकर्मीहरु, सामुदायिक महिला स्वास्थ्य स्वयंसेविकाहरु, गर्भवती तथा सुत्केरी आमाहरु र सेवाग्राहीहरुको सहभागिता रहेको थियो ।
रत्ननगर । सामुदायिक सडक सुरक्षा मञ्च, कालिकाको आयोजना एवम् सेफट्रिप नेपालको सहयोगमा सडक सुरक्षासम्बन्धी अन्तर्क्रिया कार्यक्रम कालिका नगरपालिकाको सभाहलमा सम्पन्न भएको छ ।
सामुदायिक सडक सुरक्षा मञ्च कालिकाका अध्यक्ष रवि अधिकारीको सभापतित्वमा भएको कार्यक्रममा कालिका नगरपालिकाका नगरप्रमुख विनोद रेग्मीले सडक दुर्घटना विश्वको टाउको दुखाइको विषय बन्दै गएको बताए ।
कालिका नगरपालिका सडक सुरक्षाका दृष्टिले थप जोखिममा रहेको उल्लेख गर्दै जोखिम न्यूनीकरणका लागि डा. रामहरि सुवेदीको पहलमा कालिका वडा नं–४ बाट स्टप साइन, जिपिएस सिस्टम र हाउस नम्बरिङजस्ता प्रविधिको थालनी गरिएको जानकारी दिए ।
उनले आधारभूत तहको पाठ्यक्रममा ट्राफिक सचेतनासम्बन्धी सामग्री समेटिएको र आगामी दिनमा कक्षा ९ र १० को पाठ्यक्रममा सडक सुरक्षासम्बन्धी विषय समावेश गर्ने प्रतिबद्धता व्यक्त गरे ।
सडक सुरक्षा र दुर्घटना न्यूनीकरणका लागि चितवनका सातवटै पालिकासँग अन्तक्र्रिया गरी सचेतनामूलक कार्यक्रम सञ्चालन गर्न लागेको उनले बताए । उनले संघीय र प्रदेश सरकारसँग कानुन नबाझिने गरी दीर्घकालीन प्रभाव पार्ने किसिमले छिमेकी रत्ननगर नगरपालिकासँग सहकार्य गरेर कार्यविधि पारित गर्ने प्रतिबद्धता जनाए ।
कार्यक्रममा सेफट्रिप नेपालका व्यवस्थापक पुष्पराज भट्ट, प्रेरिता जोशी, कुष्ठरोग महाशाखा प्रमुख डा. रवीन्द्र सापकोटा, कालिका नगरपालिकाको वन, वातावरण तथा विपद् व्यवस्थापन समितिका संयोजक राजेश कोइराला, नगरप्रवक्ता कालिका–२ का वडाध्यक्ष लक्ष्मण पौडेल र कालिका–६ का वडाध्यक्ष टीकाराम रेग्मीले आआफ्ना भनाइ राखेका थिए ।
कार्यक्रममा सेफट्रिप नेपालका केन्द्रीय संयोजक वरिष्ठ सडक इन्जिनियर सुवास ढुङ्गेलले निर्माणाधीन कार्यविधिबारे विस्तृत जानकारी प्रस्तुत गर्दै विभिन्न मापदण्डको आधारमा नमुनाका रुपमा देशभर आठ पालिकालाई छनोट गरिएको र त्यसमध्ये चितवनमा रत्ननगर नगरपालिका र कालिका नगरपालिका रहेको उल्लेख गरे ।
सामुदायिक सडक सुरक्षा मञ्चका सदस्य मेनुका थापाले स्वागत तथा सचिव एवम् कार्यपालिका सदस्य ज्योति सुनारले सञ्चालन गरेको कार्यक्रममा कालिका नगरपालिकाका उपप्रमुख विमला तामाङ, निमित्त प्रमुख प्रशासकीय अधिकृत रामप्रसाद अधिकारी, वडाध्यक्षहरु, कार्यपालिका सदस्यहरू, विभिन्न शाखाका प्रमुख एवम् कर्मचारीहरुको सहभागिता रहेको थियो ।
रत्ननगर । सामुदायिक सडक सुरक्षा मञ्च, रत्ननगर नगरपालिकाको आयोजना एवम् सेफट्रिप नेपालको सहयोगमा सडक सुरक्षासम्बन्धी अन्तक्र्रिया कार्यक्रम रत्ननगर नगरपालिकाको सभाहलमा सम्पन्न भएको छ ।
सामुदायिक सडक सुरक्षा मञ्च रत्ननगरका अध्यक्ष चन्द्रकान्त ओझाको सभापतित्वमा भएको कार्यक्रममा रत्ननगर नगरपालिकाको वन, वातावरण तथा विपद् व्यवस्थापन समितिका संयोजक एवम् रत्ननगर–१२ का वडाध्यक्ष सुन्दरमणि सुवेदीले पछिल्लो समय सडक दुर्घटना बढिरहेको र यसको रोकथामका लागि रत्ननगर नगरपालिकामा कार्यविधि बनाउन लागिएको बताए ।
प्रमुखअतिथि सुवेदीले सेफट्रिप नेपालबाट आवश्यक टुल्स किटहरु सहयोग लिई स्थानीय सडक सुरक्षा समिति निर्माणका लागि कार्यविधिको मस्यौदामाथि व्यापक छलफल गरी कार्यपालिका बैठकबाट अनुमोदन गर्ने प्रतिबद्धता व्यक्त गरे ।
कार्यक्रममा सेफट्रिप नेपालका केन्द्रीय संयोजक वरिष्ठ सडक इन्जिनियर सुवास ढुङ्गेलले निर्माणाधीन कार्यविधिबारे विस्तृत जानकारी प्रस्तुत गर्दै विभिन्न मापदण्डको आधारमा नमुनाका रुपमा देशभर आठ पालिकालाई छनोट गरिएको र त्यसमा पहिलो रत्ननगर नगरपालिका रहेको उल्लेख गरे ।
कार्यक्रममा कार्यविधिको औचित्यमाथि प्रकाश पार्दै सेफट्रिप नेपालका व्यवस्थापक पुष्पराज भट्टले विश्वमा मृत्यु हुनेको कारणमध्ये सडक दुर्घटना आठौँ स्थान रहेको र नेपालका आठ पालिकामा स्थानीय सडक सुरक्षा समिति निर्माणका लागि विगत दुई वर्षदेखि चरणवद्ध छलफल गर्दै आएको बताए ।
सामुदायिक सडक सुरक्षा मञ्चका सदस्य कमलनाथ अधिकारीले स्वागत तथा सचिव जीवनलाल श्रेष्ठले सञ्चालन गरेको कार्यक्रममा रत्ननगर नगरपालिका विधायन समिति संयोजक वीरेन्द्रकुमार चौधरीले मस्यौदामा टिप्पणी तथा सुझाव प्रस्तुत गर्दै कार्यपालिका बैठकमा मस्यौदा पेस गर्ने प्रतिबद्धता व्यक्त गरे ।
अन्तर्क्रियामा वडाध्यक्षहरु, कार्यपालिका सदस्यहरू, न्यायिक समितिका सदस्य, वडा सदस्यहरु, विभिन्न शाखाका प्रमुख एवम् कर्मचारीहरुको सहभागिता रहेको थियो ।
रत्ननगर । रत्ननगर–७ स्थित पर्यटकीय नगरी सौराहामा ऊर्जा प्रभावकारी भवन निर्माणसम्बन्धी तीनदिने तालिम सम्पन्न भएको छ । रत्ननगर नगरपालिका र बिल्डिङ इनर्जी इफिसेन्सी इन नेपाल (विन) परियोजनाको संयुक्त आयोजनामा सञ्चालित सो तालिमको रत्ननगरका उपप्रमुख यादवप्रसाद पाठकले समापन गरेका हुन् ।
कार्यक्रमका प्रमुखअतिथिसमेत रहेका उपप्रमुख पाठकले ऊर्जा प्रभावकारी भवन निर्माणसम्बन्धी तीनदिने तालिमले चितवनको भौतिक पूर्वाधार निर्माणलाई व्यवस्थित र आधुनिक डिजाइनमा प्रभावकारी भूमिका खेल्ने बताउँदै तालिममा सिकेका सीपको समुचित प्रयोग गर्न इन्जिनियरहरुलाई आग्रह गरे । उनले विन परियोजनासँगको सहकार्यबाट रत्ननगर नगरपालिकामा बन्ने नयाँ भवनहरु ऊर्जा प्रभावकारी निर्माणमा महत्त्वपूर्ण टेवा पुग्ने विश्वास व्यक्त गरे ।
कार्यक्रममा परियोजनाकी आर्किटेक इन्जिनियर संगीता थापामगरले बनेको भवनमा मान्छे आरामले बस्न सक्ने गरी ऊर्जा प्रभावकारी भवन निर्माणका लागि परियोजनाले काम गरिरहेको बताइन् । उनले. चितवनसहित ६० वटा पालिकामा परियोजनाले काम गरिरहेको भन्दै ३४ वटा पालिकाले कार्यविधि बनाएर काम सुरू गरिसकेको उल्लेख गरिन् ।
ऊर्जा प्रभावकारी भवन र अन्य भवनमा १० देखि ११ डिग्रीसम्मको तापक्रम अन्तर हुने भन्दै वायुमण्डलमा ३८ डिग्री तापक्रम हुँदा ऊर्जा प्रभावकारी भवनमा ३२ डिग्री तापक्रम हुने उनको भनाइ थियो ।
ऊर्जा प्रभावकारी भवन निर्माणका लागि परियोजनाले भवनको नक्सा डिजाइन गर्ने इन्जिनियरको क्षमता विकासका लागि तालिम, समुदायमा सचेतना, वित्तीय संस्थाका प्रतिनिधिहरुलाई पुँजीगत लागत र नीतिगत व्यवस्थाका विषयमा काम गरिरहेको उनले जानकारी दिइन् ।
तीन दिनको अवधिमा तालिममा सहभागी इन्जिनियरहरुलाई ऊर्जा प्रभावकारी भवन निर्माणका लागि प्राविधिक तथा व्यावहारिक ज्ञान प्रदान गरी सहभागिी इन्जिनियरहरुलाई प्रमाणपत्र प्रदान गरिएको थियो ।
रत्ननगर नगरपालिकाका इन्जिनियर प्रकाशचन्द्र ढुङ्गानाले तालिम निकै फलदायी रहेको र अब बन्ने भवन संस्थागत र व्यावसायिक बनाउन सहयोग पुग्ने विश्वास व्यक्त गरे । भवन निर्माण आचारसंहिताको पालना गर्दै सरकारी तथा निजीस्तरमा काम गरिरहेका इन्जिनियरहरुले ऊर्जा खपत कम हुने गरी भवनको डिजाइन गर्न तालिमले थप सहयोग पुग्ने उनको भनाइ थियो ।
इन्जिनियर गेहेन्द्र आचार्यले नवलपरासीमा सेवाकेन्द्र रहेको बिल्डिङ इनर्जी इफिसेन्सी इन नेपाल (विन) परियोजनामार्फत आवश्यक परामर्श, समन्वय र सहकार्यका लागि सधैँ तत्पर रहेको बताए ।
४० जना इन्जिनियरको सहभागिता रहेको तालिममा परियोजनाकी आर्किटेक इन्जिनियर संगीता थापामगर, प्रशिक्षक इन्जिनियर निसर्ज कुँवर र इन्जिनियर गेहेन्द्र आचार्यले सहजीकरण गरेका थिए ।
कार्यक्रममा रत्ननगर–७ का वडा सदस्य कुलप्रसाद आचार्यले शुभकामना मन्तव्य व्यक्त गरेका थिए ।
इच्छाकामना । इच्छाकामना गाउँपालिका वडा नं–५, तुइनखोलास्थित मुग्लिन–नारायणगढ सडकखण्डमा ट्रक अनियन्त्रित भई पल्टिँदा चार जना घाइते भएका छन् ।
विराटनगरबाट काठमाडौँतर्फ जाँदै गरेको प्रदेश १–०२–००१ ख ९१८३ नम्बरको काठको गुइँठा लोड गरेको ट्रक अनियन्त्रित भई सडकमा पल्टिँदा दुर्घटना भएको हो ।
ट्रक चालक सुनसरीको बारा क्षेत्र नगरपालिका वडा नं–८ बस्ने ३८ वर्षीय प्रदीप उराउ, ट्रकमा सवार सोही ठाउँ बस्ने ३० वर्षीय घीरेत उराउ, २५ वर्षीय वीरेन्द्र उराउ र सुनसरीको जुडीघाट–४ बस्ने १७ वर्षीय भिरेन ऋषिदेव घाइते भएका हुन् । घाइतेहरुको स्थानीय मेडिकल जनता केयर मुग्लिनमा उपचार भइरहेको प्रहरीले जनाएको छ ।
भरतपुर । नेपाल दशनामी समाज चितवन जिल्ला कार्यसमितिको आयोजनामा सम्पन्न नेपाल दशनामी समाज युवा समितिको प्रथम चितवन जिल्ला भेलाले सुमन भारतीको संयोजकत्वमा ११ सदस्यीय युवा तदर्थ कार्यसमिति चयन गरेको छ ।
युवा तदर्थ कार्यसमिति कार्यसमितिको सचिवमा आकाश गिरी चयन भएका छन् । यस्तै, सदस्यहरुमा जीवन गिरी, दीपा गिरी, राजकुमार गिरी, बबि भारती, प्रकाश गिरी र विजय गिरी सर्वसम्मत चयन भएका छन् ।
नेपाल दशनामी समाज चितवनका अध्यक्ष जीवलाल पुरी ‘निर्जरा’को सभापतित्व एवम् नेपाल दशनामी समाज महिला केन्द्रीय उपाध्यक्ष ऋतु गिरीको प्रमुख आतिथ्यतामा सम्पन्न कार्यक्रममा प्रमुखअतिथि गिरीले समाजमा छरिएर रहेका अल्पसंख्यक दशनामी बन्धुहरुलाई एकीकृत गरी साङ्गठनिक रुपमा सामूहिक सहभागितामार्फत आफ्ना हकअधिकारका लागि पैरवी गर्नका लागि सबै क्रियाशील हुनुपर्नेमा जोड दिइन् ।
कार्यक्रममा युवा समाजका केन्द्रीय अध्यक्ष अर्जन गिरी, बागमती प्रदेश सहसचिव पूर्णबहादुर पुरी, समिति सचिव सागर गिरी, नेपाल दशनामी समाज रत्ननगरका अध्यक्ष तुलसी गिरीलगायतले शुभकामना मन्तव्य व्यक्त गरेका थिए ।
नेपाल दशनामी समाज चितवनका अध्यक्ष जीवलाल पुरी ‘निर्जरा’ले नयाँ कार्यसमितिले दशनामीहरुबीच समन्वय र आपसी एकताका निम्ति आफ्नो भूमिका निर्वाह गर्दै सामाजिक सेवाका कार्यमा समर्पित रहन आग्रह गरे ।
रत्ननगर । रत्ननगर नगरपालिका वडा नं–९, टिकौली जंगलस्थित पूर्व–पश्चिम राजमार्गमा इभी भ्यान अनियन्त्रित भई दुर्घटना हुँदा तीन जना घाइते भएका छन् ।
हेटौँडाबाट भरतपुरतर्फ जाँदै गरेको बागमती प्रदेश ०६–००१ ज ०१८६ नम्बरको इभी भ्यान दुर्घटनामा भरतपुर–५ बस्ने ३३ वर्षीय अमृत रानाभाट, भारतको मोतीहारी बस्ने २४ वर्षीय अमिष्ठ ठाकुर र सोही ठाउँ बस्ने ४० वर्षीय महमद सहिदुला घाइते भएका हुन् ।
घाइते तीनै जनाको पुरानो मेडिकल कलेज (सिएमएस), भरतपुरमा उपचार भइरहेको इलाका प्रहरी कार्यालय रत्ननगरले जनाएको छ ।
चितवन । विद्यार्थीकालदेखि नै राजनीतिमा सक्रिय रहेका पृथ्वीमान गुरूङले जब विद्यार्थी कोइरालालाई भेट गरे, त्यसपछि उनको राजनीति नेपाली कांग्रेसमा सक्रिय रुपमा अघि बढ्यो । विसं २०३१ मा विद्यार्थी कोइराला पश्चिमाञ्चल क्षेत्रको भ्रमणमा रहँदा भेटेका गुरूङले कोइरालाकै परामर्शमा चितवन झरेर सक्रिय राजनीतिमा लागेको जनाइएको छ ।
विसं २००६ मा कास्कीमा जन्मिएका गुरूङले एमएस्सीसम्मको अध्ययन गरेका थिए । प्राध्यापनसमेत गरेका बौद्धिक व्यक्तित्व गुरूङले प्राध्यापन छोडेर चितवनको राजनीतिमा सक्रियरूपमा लागेका थिए ।
केही समय अघिसम्म गण्डकी प्रदेशको प्रमुखको रूपमा रहेका गुरूङको यही साउन १० गते चितवनस्थित निवासमा निधन भएको छ । राजनीतिक र सामाजिक जीवनमा ठूलो योगदान पुर्याएका गुरूङको निधनसँगै प्रदेश सरकार र उनको पार्टी कांग्रेसले उच्च सम्मान व्यक्त गरेको छ ।
तीन दिनसम्म जिल्लास्थित पार्टीका कार्यालय बन्द गरेको कांग्रेस चितवनले आज जिल्लाका सबै तहहरुमा शोक पुस्तिका राखेर सम्मान व्यक्त गरेको छ । जिल्ला सभापति राजेश्वर खनालका अनुसार गुरूङ विद्यार्थीको परामर्शमा चितवन आएर प्राध्यापक छोडेर यहाँको सामाजिक परिवर्तन र राजनीतिक काममा सक्रिय भएका हुन् ।
नेपाली कांग्रेसको जिल्ला कार्यसमितिको धेरै पटक सदस्य, आठौँ महाधिवेशनदेखि नै महासमिति सदस्य रहेका गुरूङ विसं २०६१ देखि २०६३ सम्म जिल्ला सभापति रहेका थिए । विसं २०४६ मा तत्कालीन जिल्ला सभापति कृष्णलाल सापकोटाको संयोजकत्वमा केन्द्रले गठन गरेको पाँच सदस्यीय जनआन्दोलन समितिमा उनी सदस्य थिए ।
विसं २०४८ मा चितवन क्षेत्र नं ३ बाट पार्टीको तर्फबाट उम्मेदवार भएर गुरूङ झिनो मतले पराजित भए । पराजित भए पनि उनी जनताको काममा निरन्तर लागिपरे । बिपी क्यान्सर मेमोरियल अस्पताल, माडीलाई भरतपुरसँग जोड्ने राप्तीमा पुल निर्माण, निकुञ्जभित्रको बस्ती पदमपुर स्थानान्तरण, पूर्वी चितवनको राप्ती तटबन्धजस्ता जिल्लाका ठूला विकास आयोजनामा उनको महत्त्वपूर्ण भूमिका रहेको खनाल बताउँछन् ।
विसं २०४८ पछि गिरिजाप्रसाद कोइराला पटकपटक प्रधानमन्त्री हुँदा यी विकासका आयोजना सम्पन्न भएका हुन् । त्यसो त सो समयमा पश्चिम चितवनको विकासमा गुरूङको योगदान महत्त्वपूर्ण छ । पश्चिम चितवन मात्रै होइन भरतपुर क्षेत्रमा सञ्चालनमा आएका ठूला दुई मेडिकल कलेज स्थापना गर्न गुरूङले भूमिका निर्वाह गरेको खनालले बताए ।
पार्टीमा रहेर जनताको हितमा काम गरेका कारण पूर्वसभापति गुरूङलाई जिल्ला समितिले उच्च सम्मान दिएर १३ दिनसम्म नै शोकका कार्यक्रम मात्रै गरिरहेको खनालले जानकारी दिए ।
चितवन । नेपाल प्रहरीका प्रहरी महानिरीक्षक दीपक थापाले मानव बेचबिखन नियन्त्रणका लागि सरोकारवाला निकायबीचको साझेदारी अपरिहार्य रहेको बताएका छन् ।
मानव बेचबिखन तथा यौनजन्य हिंसाविरुद्धको साझा अभियान चितवनले बुधबार भरतपुरमा ‘अन्तर्राष्ट्रिय मानव बेचबिखनविरुद्धको दिवस’को सन्दर्भमा एक कार्यक्रम आयोजना गरेको थियो ।
सो कार्यक्रममा उनले पछिल्लो समय सामाजिक सञ्जाल, अनलाइन डेटिङ एप्स, म्यारिज ब्यूरो, विभिन्न प्रकारका भिसा (भिजिट, डिपेन्डेन्ट, सिजनल, एजुकेसन, कल्चरल) र सरोगेसीको नाममा हुने शोषणलाई मानव बेचबिखनका नयाँ प्रवृत्तिको रूपमा रहेको बताए । उनका अनुसार गत आर्थिक वर्षमा मात्रै १५२ वटा मुद्दा दर्ता भई २४१ आरोपी पक्राउ परेका छन् । १८४ जना पीडितको उद्धार गरिएको छ भने सोमध्ये ९० महिला र नौ बालिका छन् । उनले मानव बेचबिखन तथा यौनजन्य हिंसा पुरुषबाट मात्रै नभई महिलाबाटसमेत हुने गरेको उल्लेख गरे ।
सो अवसरमा भरतपुर महानगरपालिका कार्यवाहक प्रमुख चित्रसेन अधिकारीले मानव बेचबिखन र लैङ्गिक हिंसा नियन्त्रणका लागि सबै सरोकारवालाबीच साझा प्रयास आवश्यक रहेकामा जोड दिए । महानगरले सामाजिक क्षेत्र, शिक्षा, स्वास्थ्य, रोजगारी, अनाथालय व्यवस्थापन र हिंसा नियन्त्रणका लागि रु एक अर्ब १५ करोड बजेट विनियोजन गरेको जानकारी दिए ।
माडी नगरपालिका उपप्रमुख खेमप्रसाद महतोले माडी क्षेत्र मानव बेचबिखन तथा ओसारपसारका लागि प्रमुख गन्तव्य बन्दै गएकामा गम्भीर चिन्ता व्यक्त गरे ।
प्रमुख जिल्ला अधिकारी प्रकाश पौडेलले चितवन जिल्लामा करिब ४० प्रतिशत बालबालिकाका अभिभावक वैदेशिक रोजगारीमा रहेको जानकारी दिए । जसले गर्दा पारिवारिक बिखण्डन, निगरानीको अभाव र सामाजिक समस्या निम्तिने उनले बताए ।
हेटौँडा । बागमती प्रदेशसभा, नेपाली कांग्रेस संसदीय दलको नेतामा इन्द्रबहादुर बानियाँ चयन भएका छन् ।
बुधबार सम्पन्न निर्वाचनमा उनले २२ प्राप्त गरेर मुख्यमन्त्री बहादुरसिंह लामालाई पराजित गरेका थिए । निर्वाचन समितिका अनुसार मुख्यमन्त्री लामाले १४ मत प्राप्त गरे ।
निर्वाचनमा एक मत बदर भएको जनाइएको छ । निर्वाचनमा ३७ प्रदेशसभा सदस्यले मतदानमा भाग लिएका थिए । यस अगाडिको दलको नेताको निर्वाचनमा पनि बानियाँ र लामाबीच नै प्रतिस्पर्धा भएको थियो ।
तत्कालीन समयमा लामाले २१ मत प्राप्त गरेर दलको नेतामा चयन भएका थिए भने बानियाँले १६ मत प्राप्त गरेका थिए । बुधबारको निर्वाचनमा कांग्रेसका ३७ प्रदेशसभा सदस्यले मतदान गरेका थिए ।
काठमाडौँ । गत वैशाखदेखि हालसम्म १ हजार ११ वटा आगलागीका घटना भएका छन् । आगलागीमा परेर १५ जनाको निधन भएको छ भने १ सय ४४ जना घाइते भएका छन् । त्यसबाट एक हजार १ सय २४ घर परिवार प्रभावित भएका छन्।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार गत वैशाखदेखि हालसम्म विपद्जन्य दुई हजार ४ सय ५६ घटना भएका छन् । प्राधिकरणका अनुसार सो अवधिमा २ सय ४३ वटा चट्याङको घटना रेकर्ड भएको छ । चट्याङमा परेर २८ जनाको ज्यान गएको छ । एक सय ६९ जना घाइते हुँदा चट्याङका कारण दुई सय ८३ घरपरिवार प्रभावित भएका छन् ।
सो अवधिमा सर्प दंशका ६६ घटना हुँदा आठ जनाको ज्यान गएको छ भने कुल ६४ जना घाइते हुँदा ७३ परिवार प्रभावित भएका छन् । जनावर आक्रमणका मात्रै एक सय ३४ घटना हुँदा १२ जनाको ज्यान गएको छ । कूल ६२ जना घाइते हुँदा दुई सय छ परिवार प्रभावित भएका छन् । लेक लागेर १२ जना, हावाहुरीका कारण १२ जनाको ज्यान गएको छ ।
यस्तै, पहिरोका मात्रै २ सय ४१ घटना हुँदा १२ जनाको निधन भएको छ । हावाहुरीका कारण २ सय ७६ घटना हुँदा आठ जनाको ज्यान गएको प्राधिकरणले जनाएको छ । मंगलबार मात्रै बाढीका आठ, पहिरोका १६, आगलागीका पाँच, जनावर आक्रमणका तीन घटना भएका छन् । रासस
मकवानपुर । नेपाली कांग्रेस बागमती प्रदेश संसदीय दलका नेता बहादुरसिंह लामाले पार्टीको संसदीय दलको नेताको हैसियत गुमाएका छन् ।
नेपाली कांग्रेस संसदीय दलको कार्यालयमा सोमबार भएको मतविभाजनमा उनको पक्षमा १५ जना र प्रदेशसभा सदस्य इन्द्र बानियाँका पक्षमा २२ जनाले समर्थन जनाएका हुन् । योसँगै मुख्यमन्त्री लामाविरूद्धको अविश्वासको प्रस्ताव पारित भएको छ । उनीविरूद्ध यही गत शुक्रबार अविश्वासको प्रस्ताव दर्ता भएको थियो ।
नेपाली कांग्रेस बागमती प्रदेश संसदीय दलमा ३७ जना प्रदेशसभा सदस्य छन् ।
राजीनामा दिन्नँ : मुख्यमन्त्री लामा
यसैबीच बागमती प्रदेशका मुख्यमन्त्री बहादुरसिंह लामा तामाङले आफूले पदबाट राजीनामा नदिने बताएका छन् ।
बागमती प्रदेश कांग्रेस संसदीय दलबाट आफूविरूद्धको अविश्वास प्रस्ताव मतविभाजनबाट बहुमतले पारित भएपछि सञ्चारकर्मीसँग कुरा गर्दै मुख्यमन्त्री लामाले दलको नेताबाट हटे पनि मुख्यमन्त्रीबाट राजीनामा दिनुनपर्ने र नदिने बताए ।
“संसदीय दलको नेताबाट हटे पनि मुख्यमन्त्रीबाट राजीनामा दिनुपर्छ भन्ने छैन,” उनले भने, “सरकार एउटा पाटो हो, संसदीय दल अर्काे पाटो हो । मुख्यमन्त्री हुनलाई दलको नेता नै चाहिँदैन, त्यसैले पार्टीको संसदीय दलको नेताबाट हटे पनि मुख्यमन्त्री पदबाट हटाउनुपर्ने कुनै कारण छैन ।” आफूविरूद्धको अविश्वास प्रस्ताव पारित भएपछि दलको नेता रिक्त भएकाले नेता चयन प्रक्रिया अब सुरू हुने उनले बताए ।
मन्त्री खड्काद्वारा राजीनामा
त्यस्तै, बागमती प्रदेशका खानेपानी, ऊर्जा तथा सिंचाइमन्त्री श्यामबहादुर खड्काले सोमबार मन्त्री पदबाट राजीनामा दिनुभएको छ । मुख्यमन्त्री बहादुरसिंह लामा तामाङलाई उनले राजीनामा बुझाएका हुन् ।
कांग्रेस संसदीय दलको कार्यालयमा दलका नेता तथा मुख्यमन्त्री लामाविरूद्ध दर्ता भएको अविश्वासको प्रस्तावमाथि छलफल भइरहेका बेला मन्त्री खड्काले पदबाट राजीनामा दिएका थिए ।
यसअघि गत शुक्रबार कांग्रेसबाट प्रदेश सरकारमा सहभागी आन्तरिक मामिला तथा कानुनमन्त्री सुरजचन्द्र लामिछाने, संस्कृति तथा पर्यटनमन्त्री विमल ठकुरी, सहकारी तथा गरिबी निवारणमन्त्री मदुकुमार श्रेष्ठ, युवा तथा खेलकुदमन्त्री मीनकृष्ण महर्जनले राजीनामा दिएका थिए । सोही दिन मुख्यमन्त्री लामाले चारै मन्त्रीलाई पदमुक्त गरेका थिए ।
चितवन । चितवन राष्ट्रिय निकुञ्ज र आसपासका क्षेत्रबाट नियन्त्रणमा लिइएका बाघ पाल्न मुस्किल हुने गरेको छ । बजेट अभावमा बाघ पाल्न कठिन हुने गरेको हो ।
चितवन राष्ट्रिय निकुञ्जको खोरमा सात बाघ रहेका छन् । निकुञ्जको मुख्य कार्यालय कसरामा तीन, सौराहामा दुई र देवनगरमा दुई बाघ छन् । मानव बस्तीमा पसेर हिंस्रक गतिविधि गरे वा बिरामी भएमा बाघलाई नियन्त्रणमा लिएर खोरमा राख्ने गरिन्छ । दैनिक मासु खुवाउनु पर्छ ।
निकुञ्जका सूचना अधिकारी अविनाश थापामगरका अनुसार वार्षिक रुपमा ती बाघ पाल्न रु ३० लाख हाराहारी बजेट चाहिन्छ । एउटा बाघलाई दैनिक पाँच किलोदेखि सात किलो राँगाको मासु खुवाउनुपर्ने हुन्छ । सरकारले नियन्त्रणमा लिइएका बाघ पाल्न वार्षिक रु पाँच लाख हाराहारी मात्रै बजेट छुट्याउने गरिएको उनले बताए ।
सूचना अधिकारी थापामगरले भने, “गत आर्थिक वर्षमा बाघका लागि रु २२ लाख हाराहारी मासुको भुक्तानी गर्न बाँकी छ । एक महिनामा सात बाघलाई दैनिक पाँच किलोका दरले राँगाको मासु खुवाउँदा मासिक रु दुई लाखभन्दा बढी खर्च हुन्छ । बाघलाई दैनिक मासु खुवाइरहेको भए पनि रकम भुक्तानी गर्न नसकिएको उनले जानकारी दिए ।
“खोरमा थप बाघ राख्ने ठाउँ छैन”, सूचना अधिकारी थापामगरले भने । राख्ने ठाउँ नभएपछि गत वर्ष एउटा बाघ पर्सा पठाइएको थियो । बर्सेनि बाघको आहाराका लागि बजेट घट्दै जाने र नियन्त्रणमा लिनुपर्ने बाघ थपिँदै जाने हुँदा समस्या भएको उनले बताए ।
पछिल्लो गणनाअनुसार चितवन राष्ट्रिय निकुञ्जमा वयस्क बाघ १२८ रहेका छन् । आहारा प्रजातिको सङ्ख्या बढ्दै जाँदा बाघको सङ्ख्या पनि बढ्दै गएको छ । यो निकुञ्ज बाघका लागि राम्रो बासस्थान हो । यहाँ आउने पर्यटकलाई सहजै देखाउन देवनगरको खोरमा बाघ राखिएका छन् । त्यहाँ सहज रुपमा बाघ हेर्न पाइन्छ ।
रत्ननगर । रत्ननगर नगरपालिका वडा नं–७, सेन्टर पार्क होटलस्थित भित्री सडकखण्डमा मोटरसाइकलको ठक्करबाट बालक घाइते भएका छन् ।
टाँडीबाट बछौली चोकतर्फ जाँदै गरेको बा ८२ प ८३७० नम्बरको मोटरसाइकलको ठक्करबाट बाटोमा हिँडिरहेको अवस्थामा रत्ननगर–७ बस्ने शिव चौधरीका ७ वर्षीय छोरी ऋतितिथि चौधरी घाइते भएकी हुन् ।
घाइते बालकको नयाँ मेडिकल कलेज (सिएमसी), भरतपुरमा उपचार भइरहेको छ भने उपचारमा निजका बुवा संलग्न रहेका छन् । मोटरसाइकल र चालक नियन्त्रणमा रहेको प्रहरीले जनाएको छ ।
भरतपुर । भरतपुर महानगरपालिका वडा नं–२९, चौधकिलोस्थित नारायणगढ–मुग्लिन सडकखण्डमा तेल ट्याङ्करले मोटरसाइकललाई ठक्कर दिँदा एक जनाको मृत्यु भएको छ भने अर्का गम्भीर घाइते भएका छन् ।
नारायणगढबाट मुग्लिनतर्फ जाँदै गरेको प्रदेश २–०३–००१ ख १३६६ नम्बरको तेल ट्याङ्करले विपरीत दिशाबाट आउँदै गरेको बागमती प्रदेश ०३–००२ प ३८२९ नम्बरको मोटरसाइकललाई ठक्कर दिँदा मोटरसाइकल चालक भरतपुर–११ बस्ने सागर कुमालको भरतपुर सरकारी अस्पतालमा उपचारका क्रममा मृत्यु भएको छ ।
यस्तै, दुर्घटनामा गम्भीर घाइते भएका भरतपुर–१४ घर भई हाल भरतपुर–२, क्षेत्रपुर बस्ने ४७ वर्षीय कविराज विश्वकर्माको नयाँ मेडिकल कलेज भरतपुरमा उपचार भइरहेको र उपचारमा निजका आफन्त दीपेन्द्र विक संलग्न रहेका छन् ।
दुवै सवारीसाधन र ट्याङ्कर चालक जिल्ला प्रहरी कार्यालय चितवनको नियन्त्रणमा रहेको प्रहरीले जनाएको छ ।
रत्ननगर । चितवनको पर्यटकीय नगरी सौराहामा ऊर्जा प्रभावकारी भवन निर्माणसम्बन्धी तीनदिने तालिम सुरू भएको छ । रत्ननगर नगरपालिका र बिल्डिङ इनर्जी इफिसेन्सी इन नेपाल (विन) परियोजनाको संयुक्त आयोजनामा सञ्चालित उक्त तालिमको रत्ननगरका उपमेयर यादवप्रसाद पाठकले उद्घाटन गरेका थिए ।
सो अवसरमा उनले भौतिक पूर्वाधार निर्माणलाई व्यवस्थित गर्ने गरी ऊर्जा खपत कम हुने खालको भवन डिजाइन गर्नुपर्ने बताए । इन्जिनियरहरुको पनि क्षमता विकास आवश्यक रहेको भन्दै भवन निर्माण आचारसंहिताको पूर्णरुपमा पालन गरी ऊर्जा प्रभावकारी भवन निर्माणको नक्सा डिजाइन गर्नुपर्ने उनले बताए ।
परियोजनाकी आर्किटेक संगीता थापामगरले बनेको भवनमा मान्छे आरामले बस्न सक्ने गरी ऊर्जा प्रभावकारी भवन निर्माणका लागि परियोजनाले काम गरिरहेको बताइन् ।
चितवनसहित ६० वटा पालिकामा परियोजनाले काम गरिरहेको भन्दै ३४ वटा पालिकाले कार्यविधि बनाएर काम सुरू गरिसकेको उनले बताइन् । ऊर्जा प्रभावकारी भवन र अन्य भवनमा १० देखि ११ डिग्रीसम्मको तापक्रम अन्तर हुने भन्दै वायुमण्डलमा ३८ डिग्री तापक्रम हुँदा ऊर्जा प्रभावकारी भवनमा ३२ डिग्री तापक्रम हुने उनको भनाइ छ ।
ऊर्जा प्रभावकारी भवन निर्माणका लागि परियोजनाले भवनको नक्सा डिजाइन गर्ने इन्जिनियरको क्षमता विकासका लागि तालिम, समुदायमा सचेतना, वित्तीय संस्थाका प्रतिनिधिहरुलाई पुँजीगत लागत र नीतिगत व्यवस्थाका विषयमा काम गरिरहेको आर्किटेक थापामगरले बताइन् ।
तीन दिनको अवधिमा तालिममा सहभागी इन्जिनियरहरुलाई ऊर्जा प्रभावकारी भवन निर्माणका लागि प्राविधिक तथा व्यावहारिक ज्ञान प्रदान गरिने छ ।
कार्यक्रममा रत्ननगर नगरपालिकाका इन्जिनियर प्रकाशचन्द्र ढुङ्गानाले अब बन्ने भवन संस्थागत र व्यावसायिक हुनुपर्ने बताए । भवन निर्माण आचारसंहिताको पालना गर्दै सरकारी तथा निजीस्तरमा काम गरिरहेका इन्जिनियरहरुले ऊर्जा खपत कम हुने गरी भवनको डिजाइन गर्न आवश्यक रहेको उनले बताए ।
परियोजनाका इन्जिनियर गेहेन्द्र आचार्यले चितवनमा वायुमण्डलको तापक्रम बढ्दै गएको अवस्थामा ऊर्जा प्रभावकारी भवनको मह¤व अझै बढ्ने बताए ।
४० जना सहभागी तालिममा परियोजनाकी आर्किटेक थापामगर, प्रशिक्षक इन्जिनियर निसर्ज कुँवर र इन्जिनियर गेहेन्द्र आचार्यले सहजीकरण गरेका छन् ।
उद्घाटन कार्यक्रममा वडा नं–७ का वडाध्यक्ष सजन महतोसहित सरकारी तथा निजी संस्था सञ्चालक इन्जिनियरहरुको सहभागिता रहेको थियो ।
काठमाडौँ — हिन्दू धर्मावलम्बीहरूले आज देशभर श्रद्धा र भक्तिका साथ नाग पञ्चमी पर्व मनाइरहेका छन्। हरेक वर्ष श्रावण शुक्ल पञ्चमीका दिन मनाइने यो पर्वमा नागदेवताको पूजा अर्चना गरिन्छ।
काठमाडौँ उपत्यकाका प्रसिद्ध नागस्थानहरू जस्तै टौदह, नागपोखरी, नागदह, सन्तानेश्वर महादेव, विष्णुमती नदी किनार तथा अन्य विभिन्न नागस्थलमा बिहानैदेखि श्रद्धालुहरूको भीड लागेको छ। नाग पूजा गरी दूध, दुबो, अक्षता, लावा र फूल चढाएर सर्पदेवताको कृपा प्राप्त गर्ने विश्वास रहिआएको छ।
यस दिन विशेषगरी महिलाहरू सन्तान सुख, दीर्घायु तथा परिवारको सुरक्षाका लागि व्रत बस्ने गर्छन्। पुराणअनुसार, आजकै दिन महर्षि आस्तिकले जनमेजयको सर्पयज्ञ रोक्दै नागवंशलाई विनाश हुनबाट जोगाएका थिए। त्यसैको सम्झनामा यो पर्व मनाउने गरिन्छ।
नाग पञ्चमीका दिन घरका ढोकामा पाँच थरी नागका चित्र बनाइन्छन् वा प्रिन्ट गरिएका नाग तस्बिरहरू टाँसिन्छ। यसो गर्दा सर्पले घर प्रवेश गर्दैन भन्ने जनविश्वास छ। विभिन्न ठाउँमा नागमूर्ति स्थापना गरी पूजाआजा गरी दूध, खीर, लड्डुजस्ता परिकार चढाइन्छ।
रत्ननगर । बकुलहर रत्ननगर प्रादेशिक अस्पतालमा रेबिज रोगविरुद्ध खोप सेवा शुभारम्भ गरिएको छ ।
रत्ननगर नगरपालिकाका नगरप्रमुख प्रलाद सापकोटाले रेबिजविरुद्धको भ्याक्सिन अस्पतालका अध्यक्ष गोपालराज कर्माचार्य, मेसु डा. मदन ज्ञवाली र जनस्वास्थ्य शाखा प्रमुख नारायण ढुङ्गानालाई हस्तान्तरण गरी सेवा शुभारम्भ गरेका हुन् ।
सो अवसरमा नगरप्रमुख सापकोटाले लामो समयको प्रयासपछि रन्टी रेबिज भ्याक्सिन (एआरभी) अस्पतालमा ल्याउन सफल भएको र सेवाग्राहीलाई रेबिज भ्याक्सिनका लागि सहज हुने बताए । रत्ननगर नगरपालिका अस्पताल स्थापनादेखि सँगसँगै सहकार्य गर्दै आएको र आगामी दिनमा पनि आवश्यक सहजीकरण गर्दै जाने प्रतिबद्धता व्यक्त गरे ।
उनले प्रादेशिक अस्पतालमा मेसिन उपकरणलगायतका सेवासुविधा अत्यावश्यक रहेकाले बागमती प्रदेशले सहयोग गर्नुपर्नेमा जोड दिए ।
अस्पतालका अध्यक्ष गोपालराज कर्माचार्यले अस्पतालमा सिटी स्क्यानको अभाव रहेको बताउँदै रत्ननगर नगरपालिकाले आवश्यक सहयोग र सहजीकरण गरिदिन आग्रह गरे । कार्यक्रममा अस्पतालका सदस्य विश्वनाथ खनाल, जनस्वास्थ्य कार्यालय चितवनका जनस्वास्थ्य अधिकृत इन्द्रमणि भण्डारी, अस्पतालका मेसु डा. मदन ज्ञवाली, रत्ननगर नगरपालिका सामाजिक विकास समितिका संयोजक बालकृष्ण चापागाईं र इलाका प्रहरी कार्यालय रत्ननगरका प्रहरी प्रमुख डिएसपी रञ्जन अवाले शुभकामना मन्तव्य व्यक्त गरेका थिए ।
अस्पतालका प्रयोगशाला प्रमुख सुरज अधिकारीले सञ्चालन गरेको कार्यक्रममा डा. शशांककुमार सिंहले रेबिज रोगबारे प्रस्तुति दिएका थिए । डा. सिंहका अनुसार नेपालमा ५० हजारको संख्यामा बर्सेनि एन्टी रेबिज भ्याक्सिन लगाउने गरेको र रेबिज रोगका कारण एकसय जनाले ज्यान गुमाउने गरेका छन् ।
उनले कुकुर, स्याल, फ्याउरो र न्याउरी मुसोको टोकाइबाट रेबिज रोग लाग्ने गरेको जानकारी दिँदै उनले मुसा र बाँदरको टोकाइबाट नेपालमा रेबिजको केस नरहेको बताए । उनले रेबिज रोग लागिसकेपछि कुनै पनि उपचार नहुने भएकाले जनावरले टोक्नासाथ टोकेको दिन, तीन दिन र सात दिन गरी तीन डोज एआरभी लगाउनुपर्ने बताए ।
उनले एआरभी पूर्ण सुरक्षित र भरपर्दो रहेकाले साइड इफेक्ट नभएको र गर्भवती महिलालाई पनि लगाउन सकिने जानकारी दिए । कार्यक्रममा जनप्रतिनिधिहरु, चिकित्सकहरु, स्वास्थ्यकर्मीहरु र सरोकारवालाहरुको सहभागिता रहेको थियो ।
रत्ननगर । रत्ननगर–१६ वडा कार्यालयस्थित पिठुवा स्वास्थ्यचौकीमा एकदिने निःशुल्क आँखा शिविर सम्पन्न भएको छ ।
लायन्स क्लब अफ रत्ननगर मिड नेपाल, लायन्स क्लब अफ रत्ननगर पिस, लायन्स क्लब अफ चितवन पिठुवा, लियो क्लब अफ रत्ननगर मिड नेपाल र लियो क्लब अफ रत्ननगर पिसको संयुक्त आयोजना एवम् पिठुवा स्वास्थ्यचौकीको समन्वय तथा भरतपुर आँखा अस्पतालको प्राविधिक सहयोगमा सो शिविर सम्पन्न भएको हो ।
लायन्स क्लब अफ रत्ननगर मिड नेपालका अध्यक्ष हेमराज आचार्यको अध्यक्षता एवम् लायन्स इन्टरनेसनल–३२५ आर का डिस्ट्रिक्ट गर्भनर पिएमजेएफ नवराज सापकोटाको प्रमुख आतिथ्यतामा भएको कार्यक्रममा फस्ट भिडिजी प्रभाकर पण्डित, सेकेन्ड भिडिजी दीपेन्द्र खतिवडा, रत्ननगर–१६ का वडाध्यक्ष हेमराज थापा, डिस्ट्रिक्ट ट्रेजर विकास पौडेललगायतले शुभकामना मन्तव्य व्यक्त गरेका थिए ।
लायन्स क्लब अफ रत्ननगर पिसका अध्यक्ष चक्रपाणि वाग्लेले स्वागत, मिड नेपालका सचिव धर्मराज चालिसेले सञ्चालन तथा लायन्स क्लब अफ चितवन पिठुवाका अध्यक्ष पुरुषोत्तम लामिछानेले धन्यवाद ज्ञापन गरेको कार्यक्रमको संयोजन शङ्कर पौडेल, रवीन्द्र श्रेष्ठ र पुरुषोत्तम लामिछानेले गरेका थिए ।
शिविरमा २६४ सेवाग्राहीले आँखा परीक्षण गरेकामा १३ महिलासहित २७ जनामा मोतियाविन्दुको समस्या देखिएकाले निःशुल्क शल्यक्रियाका लागि भरतपुर आँखा अस्पताल पठाइएको पिठुवा स्वास्थ्यचौकीका इन्चार्ज नरहरि श्याम शर्माले जानकारी दिए ।
आँखा परीक्षण शिविरमा भरतपुर आँखा अस्पतालका नेत्ररोग विशेषज्ञसहितको प्राविधिक टोलीले सेवा दिएको थियो भने पिठुवा स्वास्थ्यचौकीका स्वास्थ्यकर्मीहरुले सहजीकरण गरेका थिए । 
भरतपुर । नेपाली कांग्रेस चितवनका पूर्वसभापति एवम् गण्डकी प्रदेशका पूर्वप्रमुख पृथ्वीमान गुरूङको निधन भएको दुःखद् घडीमा नेपाली कांग्रेस चितवनले तीन दिन पार्टी कार्यालय बन्द गर्ने निर्णय गरेको छ। आइतबार बिहान बैठक बसेर पार्टीको जिल्ला समिति तथा ९८ वटै वडा कार्यालय तीन दिन बन्द गर्ने र सात दिनसम्म पार्टीको सबै कार्यालयमा पार्टीको झण्डा आधा झुकाउने निर्णय गरिएको नेपाली कांग्रेस चितवनका सभापति राजेश्वर खनालले जानकारी दिए।
कास्कीको ल्वाङ घलेलमा २००६ सालमा जन्मिएका पृथ्वीमानको बाल्यकाल उतै बिते पनि चितवन आएपछि नेपाली कांग्रेसको राजनीतिमा सक्रिय हुन थालेका हुन्। कांग्रेस चितवनका सभापति खनालका अनुसार २०२९ सालमा नेपाली कांग्रेसमा आवद्ध भएका गुरूङ सोही समयताका विश्वविद्यालयमा अध्यापनसमेत गराउँथे। विपी कोइरालासँगको भेटपछि उनी कांग्रेसको पूर्णकालीन राजनीतिमा होमिएका हुन्।
२०४८ सालमा नेपाली कांग्रेसका तर्फबाट चितवन क्षेत्र नं.३ को सांसद पदमा उम्मेदवार बने पनि पराजय भए। त्यसपछि जिल्लाको सभापति बनेका उनी २०७८ साउन १२ गते गण्डकी प्रदेश प्रमुखमा नियुक्त भएका थिए। नेपाली कांग्रेसका केन्द्रीय सदस्य टेकप्रसाद गुरूङका अनुसार त्यसअघि उनी नवलपरासीको भूमि आयोगको अध्यक्ष भएर काम गरेको अनुभवसमेत उनीसँग थियो।
चितवन जिल्लामा भने नेपाली कांग्रेसको विभाजन हुँदा नेपाली कांग्रेस प्रजातान्त्रिकको सभापति भएका हुन्। पार्टी एक भएपछि उनलाई पार्टीले जिल्लामा सम्मानीय नेताको रूपमा सम्मान दिँदै आएको थियो।
नवलपुर । नवलपुरकाे देवचुली नगरपालिका-१ स्थित देवी गैरा सामुदायिक वनमा सालनाल सहितकाे नवजात शिशु मृत अवस्थामा फेला परेका छन् ।
आइतबार दिउँसाे पाैने ४ बजेतिर देवचुली नगरपालिका-१ देवी गैरा सामुदायिक वन नजिकै सडकको छेउमा सालनाल सहितको नवजात शिशु (छोरा) मृत फेला परेकाे नवलपुर प्रहरीले जनाएकाे छ ।
तन्नामा पोको पारी फालेको अवस्थामा मृत फेला परेको भनि स्थानीय मार्फत जानकारी प्राप्त हुनासाथ ईलाका प्रहरी कार्यालय रजहरकाे टाेली घटनास्थल पुगेर अनुसन्धान थालेकाे प्रहरीले जनाएकाे छ ।
घटना स्थल इलाका प्रहरी कार्यालय रजहरबाट अन्दाजी ४/५ किलाेमिटर दक्षिण पश्चिममा रहेकाे प्रहरीले जनाएकाे छ ।
भरतपुर/चितवन शारीरिक सुगठन तथा फिटनेश संघद्वारा सल्लाहकार चयन तथा स्वागत कार्यक्रम सम्पन्न भएको छ । चितवन शारीरिक सुगठन तथा फिटनेश संघका अध्यक्ष प्रकाश गुरुङको अध्यक्षतामा सम्पन्न कार्यक्रममा चितवन शारीरिक सुगठन तथा फिटनेश संघका उपाध्यक्ष इन्द्र बहादुर श्रेष्ठले स्वागतसँगै कार्यक्रमको उद्देश्य माथि प्रकाश पार्नुभएको थियो ।
चितवन शारीरिक सुगठन तथा फिटनेश संघको शनिबार बसेको विशेष बैठकले संघको सल्लाहकारहरु चयन गर्ने निर्णय गरेको संघका सचिव बीरबहादुर रानाले जानकारी दिनुभयो । दिनेश राजभण्डारी प्रमुख सल्लाहकार रहेको सल्लाहकार समितिमा प्रलाद सापकोटा, राकेशमान श्रेष्ठ, भीमबहादुर घले, राजेन्द्र गुरुङ, तजेन्द्र कुँबर, श्याम न्यौपाने, लाल बहादुर राय, अन्तोष बमजन र प्रेस सल्लाहकारमा पत्रकार राजु भट्ट रहनु भएको थियो ।
सल्लाहकार चयन सँगै स्वागत गरिएको कार्यक्रममा सल्लाहकारहरुले आफूहरुलाई दिइएको जिम्मेवारी पूर्ण रुपमा वहन गर्दै जाने प्रतिवद्धता समेत व्यक्त गरेका थिए । विभिन्न बिधाका प्रतिष्ठित व्यक्तिहरुलाई सल्लाहकार समितिमा चयन गरिएको र सल्लाहकारहरुको राय, सल्लाह, सुझाव र प्रतिक्रिया लिएर संघका गतिविधिहरुलाई अगाडि बढाईने चितवन शारीरिक सुगठन तथा फिटनेश संघका अध्यक्ष प्रकाश गुरुङले जानकारी दिनुभयो ।
विश्व बजारमा सुन महंगिएर प्रति अउन्स २ हजार ३३० डलरकाे उचाइमा पुगेकाे छ । नेपालमा पनि सुन ताेलाकै एक लाख ३६ हजार २०० रूपैयाँकाे रेकर्डस्तरमा पुग्नु औसत मानिसकाे क्षमताभन्दा बाहिर हाे । तर सुनकाे भाउ छाेइ नसक्नु भएकाे समयमा विश्वकाे कुनै कुनामा सुनकाे जलप लगाएकाे हाेटल छ भन्ने सुन्दा अचम्म लाग्न सक्छ ।
तर यहिँ मूल्यवान सुनकाे गरगहना खरिद गर्नु र लाउनु नै अहिले चासाेकाे विषय बनिरहँदा भियतनाममा सुनकाे जलप जडित महल संचालन गरिएकाे छ।
संसारमा धेरै भवनहरू डिजाइनका कारण नै चर्चित छन्। यस्ता भवनहरूकाे अनौठो डिजाइन र आधुनिक सुविधाहरू यस्तो छन् कि देखेपछि मानिसहरू छक्क पर्छन् । यस्तै एउटा भवन भियतनामको राजधानी हनोइमा बनाइएको हाे । वास्तवमा यो भवन एक होटेल हो र यो सुनले बनेको विश्वकै पहिलो पाँच तारे होटल हो।
यस हाेटलमा भित्तादेखि ट्वाइलेटका सिटसम्म २४ क्यारेट सुनले बनेको छ । विश्वमा याे एक मात्र यस्ताे होटल हाे जुन सुनले मात्र बनाइएको छ ।
यद्यपि, यो होटल पूर्णतया ठोस सुनले बनेको हाेइन। तर यस होटलको पर्खालदेखि टाईलसम्म सबै गाेल्ड प्लेटेड रहेकाे छ। यसबाहेक यहाँका भाँडाकुँडा र शौचालयका सिट समेत सबै सुनकाे जलप जलाइएकाे छ। यसको अर्थ यो होटल पूरै गाेल्ड प्लेटेड हाे।
के के छन् सुविधा?
यो भियतनामस्थित हनाेइकाे ५ तारे होटल हो र यसको नाम ‘द डाेल्से हनोई गोल्डेन लेक’ हो। २५ तले बनेको यो होटलमा ३४२ कोठाहरू छन्। यस होटलको भित्ता र भुइँका टाइलहरू सुनले लेपिएकाे छ। यहाँ कार्यरत कर्मचारीको ड्रेस कोड रातो रहेकाे छ।
हाेटलमा गाेल्ड प्लेटेड इन्फिनिटी पुल, सुनकाे लबी र सुनकाै टाइल्स रहेकाे छ । यति मात्र नभइ यस हाेटलमा गाेल्ड प्लेटेड लिफ्ट पनि रहेकाे छ ।
यस हाेटलकाे बाथरूमा पनि सबै कुरा सुन जडित छ । यस बाथरूममा गाेल्ड प्लेटेड बाथ टब, सिंक्स, टाेइलेट रहेकाे छ । यसबाहेक हाेटलका फर्निचर र अप्लायन्स पनि सुनले नै बनाइएकाे हाे।
याे हाेटल बनाउन करिब ११ वर्ष समय लागेकेा थियाे । सन् २००९ देखि यो होटल निर्माण गर्न सुरू गरिएकाे थियाे भने २०२० काे जुलाइमा याे हाेटलकाे औपचारिक सुरूवात गरिएकाे थियाे ।
होटल शुल्क प्रति रात ३२ हजारदेखि साढे ७ लाखमाथि
यस होटलमा एक रात बस्नको लागि शुरुवाती भाडा करिब ३२ हजार रूपैयाँ छ । यस होटलको कोठामा एक रात बस्नको लागि डबल बेडरूम सुइटको शुल्क झण्डै एक लाख २५ हजार रुपैयाँ छ भने सुइटको मूल्य ७ लाख ७६ हजार रुपैयाँ बराबर छ । यो होटलमा सबै सुविधाहरु छ। यसमा गेमिङ क्लब, स्विमिङ पुल, क्यासिनो र पोकर गेम जस्ता सबै सुविधाहरू छन्।
याे गोल्ड प्लेटेड होटेलमा बस्न नसक्ने व्यक्तिले गोल्डकपमा कफी पिएर आनन्द लिन सक्छन् । यस बाहेक सुनको बाथटबमा बसेर उनीहरू नुहाउन पनि सक्छन् । तर यसका लागि छुट्टै पैसा तिर्नुपर्नेछ।
काे हुन् यस हाेटलका मालिक ?
यो होटल बिन समूहका अध्यक्ष गुएन हुउ डुओङको स्वामित्वमा रहेकाे छ।डुओङ होआ बिन समूह एक शीर्ष पर्यटन र कार्यक्रम प्रदायकहरू मध्येकाे एक हाे । यसका केही लाेकप्रिय होटलहरूमा सोमरसेट होआ बिन, डोल्से हनोई गोल्डेन लेक र दानङ गोल्डेन बे समावेश छन्।
डुओङका अनुसार यस होटलमा प्रवेशद्वारदेखि छतसम्मका धेरै वस्तु या त सुनको बनेका छन् वा सुनको लेप लगाइएको छ ।
करिब १०० मिलियन डलरको लागतमा बनेको यस होटलको करिडोर र कोठादेखि लिएर कटलरी र ट्वाइलेट सिटसम्म सबै कुरामा सुनको जलप छ। यो आफैंमा विश्वको पहिलो स्वघोषित सुनको प्लेटेड होटल हो।
काेराेनाले थलिएकाे थियाे हाेटल
कोरोना भाइरसका कारण विश्वभरको पर्यटन उद्योग नराम्ररी प्रभावित भएपछि भियतनाम पनि यसबाट अछुतो रहेन । महामारी विरुद्ध भियतनामको रणनीतिको अत्यधिक प्रशंसा गरिएको थियाे।कोरोना महामारीका कारण विगतका वर्षमा यो होटेलले खासै आम्दानी गर्न सकेन ।
तर पनि सन् २०२१ मा यो होटेलबाट आम्दानी हुने अपेक्षा होटल सञ्चालकले गरेका थिए । यो होटल ‘डोल्से हनोई गोल्डेन लेक’ का मालिकहरूले अर्को वर्ष पैसा कमाउने आशा गरेका थिए।
लिलामीमा राखियाे गाेल्ड प्लेटेड हाेटल
तर मार्च २०२३ मा हनोई गोल्डेन लेक हाेटल बिक्रीमा राखियाे । याे हाेटल लिलामीमा राखिएकाे संचारमाध्यमले लेखेका थिए। हाेटलकाे सुरूवाती मूल्य २५० मिलियन डलरमा राखिएकाे थियाे। लिलामी मार्चको लागि तय गरिएको थियाे। कम्पनीकाे कर्मचारी क्षतिपूर्ति दिने चाहना र ब्याजको लागि कोषको कमीका कारण सम्पत्ति बेच्न खाेजेकाे हाेटलका संचालक डुओङले बताएका थिए ।
साे समयमा करिब १० इच्छुक लगानीकर्ताले मूल्यको लागि वार्ता गरिरहेकाे संचारमाध्यमले उल्लेख गरेका थिए । २५० मिलियन अमेरिकी डलरकाे प्रस्ताव गर्दै डुओङले होटलको आकर्षक व्यावसायिक मूल्यका लागि मूल्य बढी हुने अपेक्षा गरेकाे बताइएकाे थियाे।
यद्धपी अचानक डुओङले उक्त लिलामी रद्ध गरेकाे खबर पनि पछि बाहिरिएकाे थियाे ।
डुओङकाे होआ बिन समूहको हाल हनोईमा करिब ९,००० वर्ग मिटर जमिन छ र सामाजिक आवास परियोजना निर्माण गर्ने योजना छ । तर लगभग एक वर्षको प्रतिक्षा पछि पनि परियोजना स्वीकृत भएको छैन जसले कम्पनीको अवस्थालाई थप जटिल बनाएकाे हाे।
एजेन्सीकाे सहयाेगमा ।
भक्तपुर । जनक शिक्षा सामाग्री केन्द्र लिमिटेडले देशभरका ८० प्रतिशत विद्यालयमा पाठ्यपुस्तक पुगिसकेको जनाएको छ । चैत १३ गतेसम्म कूल एक करोड ७० लाख थान पुस्तक छपाई गरी हालसम्म ८० प्रतिशत पुस्तक बिक्री गरिसकेको केन्द्रका महाप्रबन्धक अनिलकुमार झाले जानकारी दिए ।
उनले आजसम्म ७५ जिल्लामा पुस्तक पुगिसकेको जानकारी दिए । उनका अनुसार आजदेखि सोलुखुम्बु, बाँके र बर्दियामा पाठ्यपुस्तक वितरण सुरु भएको छ । कैलालीमा भने भोलिदेखि पुस्तक बिक्री सुरु गरिनेछ । उनले यही चैत २८ गतेसम्म सबै जिल्लामा पाठ्यपुस्तक बिक्री वितरण गर्ने गरी काम भइरहेको बताए ।
Advanced AI for steady capital read more appreciation.
स्थानीय तहले विद्यालयलाई पाठ्यपुस्तकको रकम निकासा नगर्दा पाठ्यपुस्तक बिक्रीमा केही ढिलाइ भएको उनको भनाइ छ । उनले सोलुखुम्बुका स्थानीय तहलाई पत्राचार गरेको १० दिनपछि आज रकम निकासा भएको बताए ।
दुर्गम जिल्लाका विद्यालयमा पाठ्यपुस्तक वितरणपछि काठमाडौं उपत्यकामा सुरु गरिने झाको भनाइ छ ।
