भरतपुर । भरतपुर महानगरपालिका वडा नं–९, केन्द्रीय बसपार्कपछाडि ना ५८ प ४६२६ नम्बरको मोटरसाइकल र ना ५६ प ६३१५ नम्बरको मोटरसाइकल एकापसमा ठोक्किँदा तीन जना घाइते भएका छन् ।
दुर्घटनामा ६३१५ नम्बरको मोटरसाइकल चालक भरतपुर–९ बस्ने १८ वर्षीय अनुराग रामदाम, मोटरसाइकलपछाडि सवार निजका हजुरबुबा ७० वर्षीय लक्ष्मण विक र ४६२६ नम्बरको मोटरसाइकल चालक गोरखा घर भई हाल भरतपुर–१४ बस्ने २० वर्षीय विकास भुजेल घाइते भएका हुन् ।
घाइते नाति–बाजेको समिट हेल्थ केयर अस्पताल भरतपुरमा उपचार भइरहेको छ भने भुजेलको भरतपुर सरकारी अस्पतालमा उपचार भइरहेको प्रहरीले जनाएको छ ।
