खैरहनी । खैरहनी नगरपालिका वडा नं–१, तरकारी चोकस्थित पूर्व–पश्चिम महेन्द्र राजमार्गमा बुधबार बिहान २ः३० बजे बसको ठक्करबाट अर्को बसका सहचालक घाइते भएका छन् ।
पश्चिमबाट पूर्वतर्फ जाँदै गरेको ना ८ ख ८१८० नम्बरको बसका सहचालक काभ्रेको दोलालघाट बस्ने ३५ वर्षीय विक्रम माझीलाई विपरीत दिशाबाट आउँदै गरेको प्रदेश १–०५–००१ ख ०१०३ नम्बरको बसले ठक्कर दिएको हो ।
घाइते माझीको बकुलहर रत्ननगर अस्पताल, टाँडीमा उपचार भइरहेको र उपचारमा बस चालक भुपेन्द्र चौधरी संलग्न रहेका छन् । ठक्कर दिने बस र बस चालक जिल्ला प्रहरी कार्यालय चितवनको नियन्त्रणमा रहेको प्रहरीले जनाएको छ ।
