रत्ननगर । बकुलहर रत्ननगर प्रादेशिक अस्पतालका मेडिकल सुपरिटेन्डेन्ट डा. मदन ज्ञवाली सम्मानित भएका छन् ।
बागमती प्रदेश सरकार, स्वास्थ्य मन्त्रालयद्वारा आयोजित बागमती प्रदेश पूर्णखोप घोषणा तथा बागमती डिजिटल हेल्थ शुभारम्भ कार्यक्रमको अवसरमा डा. ज्ञवालीलाई स्वास्थ्यसेवाको क्षेत्रमा उल्लेखनीय योगदान पुर्याएबापत सम्मान गरिएको हो ।
समारोहमा प्रधानमन्त्री केपी शर्मा ओलीले बागमती प्रदेशका स्वास्थ्यमन्त्री किरण थापामगरको सहभागितामा डा. ज्ञवालीलाई प्रमाणपत्रसहित सम्मान गरेका थिए ।
बागमती प्रदेश सरकारले डा. ज्ञवालीबाट स्वास्थ्यसेवामा थप प्रशंसनीय र उत्कृष्ट कार्यसम्पादनको अपेक्षा गर्दै बधाइ तथा शुभेच्छा प्रकट गरेको छ ।
