रत्ननगर । सामुदायिक सेवा प्रतिष्ठान भक्तपुरका प्रतिनिधि प्रेम भट्टले रत्ननगर नगरपालिकाको स्वास्थ्य संस्थाका लागि पाँच थान बिरामी बेड हस्तान्तरण गरेका छन् ।
बिरामी बेड हस्तान्तरण कार्यक्रममा नगरप्रमुख प्रलाद सापकोटा, उपप्रमुख यादवप्रसाद पाठक, प्रमुख प्रशासकीय अधिकृत प्रकाश खनाल, वडाध्यक्षहरु, कार्यपालिका सदस्यहरु, स्वास्थ्य शाखा प्रमुख माधवप्रसाद पौडेललगायतको उपस्थिति रहेको थियो ।
सो अवसरमा नगरप्रमुख सापकोटाले स्वास्थ्य संस्थालाई अतिआवश्यक पर्ने बिरामी बेड हस्तान्तरण गरेकोमा सामुदायिक सेवा प्रतिष्ठान भक्तपुर र प्रेम भट्टप्रति आभार व्यक्त गरे । कार्यक्रमको सहजीकरण स्वास्थ्य शाखाका सहसंयोजक वासुदेव सापकोटाले गरेका थिए ।
