काठमाडौँ । इमेज टेलिभिजनका समाचार प्रमुख जगदीश खरेल अन्तरिम सरकारको सञ्चार तथा सूचना प्रविधि मन्त्रीमा नियुक्त भएका छन् ।
प्रधानमन्त्री सुशीला कार्कीले आइतबार साँझ उनलाई सञ्चारमन्त्रीमा नियुक्त गरेकी हुन् । पत्रकार खरेलले सञ्चार माध्यममा २५ वर्ष बढी काम गरेको लामो अनुभव छ ।
उनले इमेज टेलिभिजनमा समाचार वाचनका साथै हटसिट कार्यक्रमसमेत चलाउँदै आएका थिए ।
नवनियुक्त सञ्चारमन्त्री खरेललाई सोमबार राष्ट्रपति कार्यालय शीततल निवासमा एक समारोहबीच राष्ट्रपति रामचन्द्र पौडेलले पद तथा गोपनीयताको सपथ गराएका छन् ।
