रत्ननगर । “हाम्रो पुस्तकालय, हाम्रो भविष्य” भन्ने नारासहित १८औँ राष्ट्रिय पुस्तकालय दिवसको अवसरमा झुवानी सामुदायिक पुस्तकालयले सार्वजनिक स्थल सरसफाइ गरेको छ ।
झुवानी सामुदायिक पुस्तकालयको प्राङ्गणमा आयोजित कार्यक्रममा पुस्तकालयका अध्यक्ष अनिल अर्यालले पुस्तकालय मात्र पुस्तक पढ्ने स्थल नभई समाजलाई सचेत बनाउने थलोको काम गर्ने भएकाले यस प्रकारका कार्यक्रमले पुस्तकालयप्रतिको आकर्षण र जिम्मेवारीलाई थप बल मिल्ने बताए ।
रत्ननगर नगरपालिका वडा नं–५ का वडा अध्यक्ष बालकृष्ण चापागाईंले पुस्तकालयको सक्रियता प्रशंसनीय रहेको उल्लेख गर्दै सरसफाइ, ज्ञान र संस्कृतिको विकास पुस्तकालयसँग गाँसिएको भन्दै स्थानीय तहबाट पनि पुस्तकालयको स्तरवृद्धि र पुस्तकप्रतिको पहुँच विस्तारका लागि सहयोग गर्ने प्रतिबद्धता जनाए ।
पुस्तकालय परिसरवरिपरि सरसफाइ तथा दीप प्रज्वलन गरी दिवस मनाइएको थियो ।
