रत्ननगर । पञ्चकन्या माध्यमिक विद्यालय जयमंगलामा शिक्षक विद्यार्थी पुनर्मिलन कार्यक्रम गरिएको छ ।
विसं २०२४ सालदेखि २०३० सम्मका पञ्चकन्या राप्रावि, निमावि र माविका तत्कालीन शिक्षक तथा विद्यार्थीबीच पुनर्मिलन भएको हो ।
रत्ननगर–१४ स्थित गुरू लेखनाथ कट्टेलको निवासमा आयोजित कार्यक्रममा विष्णुप्रसाद अर्याल, डिल्लीराम घिमिरे (कपिल), तीर्थराज न्यौपाने, भीष्मराज न्यौपाने, त्रिलोचन निर्मल पौडेल, हरिहर अधिकारी, सूर्यप्रसाद भट्टराई, गोपीप्रसाद अधिकारी, डा. विजयराज न्यौपाने, रामहरि आचार्यलगायतको सहभागिता रहेको थियो ।
कार्यक्रममा पञ्चकन्या माविमा अध्ययन गरेका पूर्वशिक्षक तथा विद्यार्थीहरुले विभिन्न भूमिकामा रहेर समाजमा गर्दै आएको योगदानबारे चर्चा गर्नुका साथै आगामी दिनमा गर्न सकिने गतिविधिका बारेमा छलफल गरिएको पूर्वशिक्षक तीर्थराज न्यौपानेले जानकारी दिए ।
