भरतपुर । भरतपुर महानगरपालिका वडा नं–२९, चौधकिलोस्थित नारायणगढ–मुग्लिन सडकखण्डमा तेल ट्याङ्करले मोटरसाइकललाई ठक्कर दिँदा एक जनाको मृत्यु भएको छ भने अर्का गम्भीर घाइते भएका छन् ।
नारायणगढबाट मुग्लिनतर्फ जाँदै गरेको प्रदेश २–०३–००१ ख १३६६ नम्बरको तेल ट्याङ्करले विपरीत दिशाबाट आउँदै गरेको बागमती प्रदेश ०३–००२ प ३८२९ नम्बरको मोटरसाइकललाई ठक्कर दिँदा मोटरसाइकल चालक भरतपुर–११ बस्ने सागर कुमालको भरतपुर सरकारी अस्पतालमा उपचारका क्रममा मृत्यु भएको छ ।
यस्तै, दुर्घटनामा गम्भीर घाइते भएका भरतपुर–१४ घर भई हाल भरतपुर–२, क्षेत्रपुर बस्ने ४७ वर्षीय कविराज विश्वकर्माको नयाँ मेडिकल कलेज भरतपुरमा उपचार भइरहेको र उपचारमा निजका आफन्त दीपेन्द्र विक संलग्न रहेका छन् ।
दुवै सवारीसाधन र ट्याङ्कर चालक जिल्ला प्रहरी कार्यालय चितवनको नियन्त्रणमा रहेको प्रहरीले जनाएको छ ।
