राप्ती । राप्ती नगरपालिका वडा नं–६, पडरियास्थित भित्री सडकखण्डमा मोटरसाइकलको ठक्करबाट तीन बालबालिका घाइते भएका छन् ।
भण्डारादेखि पडरियातर्फ जाँदै गरेको ना ३७ प ७११६ नम्बरको पैदलयात्री बच्चाहरूलाई ठक्कर दिँदा राप्ती–६ बस्ने ६ वर्षीया करिश्मा प्रजा, ६ वर्षीया आशिमा चौधरी र ६ वर्षीय निर महतो घाइते भएका हुन् ।
दुर्घटनामा गम्भीर घाइते करिष्मा प्रजाको पुरानो मेडिकल कलेज (सिएमसी) भरतपुरमा, आशिमा चौधरी र निर महतोको स्थानीय मेडिकलमा उपचार भइरहेको छ । मोटरसाइकल चालक राप्ती–१० बस्ने २९ वर्षीय सुरेश मोक्तान इलाका प्रहरी कार्यालय, भण्डाराको नियन्त्रणमा रहेको प्रहरीले जनाएको छ ।
