खैरहनी । खैरहनी नगरपालिका वडा नं–९, बैरहनीमा मोटरसाइकलले साइकलयात्रीलाई ठक्कर दिँदा दुई जना घाइते भएका छन् ।
बागमती प्रदेश ०३०४ प ९४०१ नम्बरको मोटरसाइकलले साइकललाई ठक्कर दिँदा राप्ती बस्ने ८२ वर्षीय हस्त गिरी र मोटरसाइकलपछाडि सवार ३२ वर्षीया सुकुमाया प्रजा घाइते भएका छन् ।
घाइतेहरुको पुरानो मेडिकल कलेज (सिएमएस), भरतपुरमा उपचार भइरहेको र मोटरसाइकल चालक राप्ती–९ बस्ने ३३ वर्षीय ध्रुव चेपाङ इलाका प्रहरी कार्यालय, खैरहनीको नियन्त्रणमा रहेको प्रहरीले जनाएको छ ।
