रत्ननगर । रत्ननगर नगरपालिका वडा नं–९, सिँचाइ टोलमा स्कुटर दुर्घटना हुँदा चालक पुरुष घाइते भएका छन् ।
भित्री सडकखण्डमा गणेश चोकबाट सिँचाइ टोलतर्फ आउँदै गरेको ना ५० प ९६९० नम्बरको स्कुटर अनियन्त्रित भई दुर्घटना हुँदा स्कुटर चालक खैरहनी–१ बस्ने ३२ वर्षीय विक्रम महतो गम्भीर घाइते भएका हुन् ।
शरीरको विभिन्न भागमा चोट अवस्था गम्भीर घाइते भएका महतोको भरतपुर सरकारी अस्पतालमा उपचार भइरहेको र उपचारमा निजकी बहिनी रोजी महतो संलग्न रहेको प्रहरीले जनाएको छ ।
