भरतपुर । इच्छाकामना गाउँपालिका–६ स्थित जलबिरे झरनानजिक कार दुर्घटना हुँदा एक भारतीय नागरिकको मृत्यु भएको छ ।
दुर्घटनामा कार चालक भारतको पश्चिम बंगालस्थित कालिम्पोङ निवासी ४१ वर्षीय सायन्तन गायेनको मृत्यु भएको हो । कारमा चालक एक्लै सवार भएका प्रहरीले जनाएको छ ।
बुधबार दिउँसो करिब २ः३० बजे भारतको पश्चिम बंगाल राज्यको नम्बर प्लेट भएको डब्लुबी ०२ एपी ३४५८ नम्बरको कार अनियन्त्रित भई जलबिरे झरना नजिकैको खोलामा खसेको थियो । मृतकको साथबाट फेला परेको राहदानीका आधारमा उनको पहिचान खुलेको प्रहरीले जनाएको छ ।
