भरतपुर । भरतपुर महानगरपालिका वडा नं-१०, स्याउलीबजारस्थित रोकिराखेको ट्रकमा ठोक्किँदा मोटरसाइकलमा सवार दुई जना घाइते भएका छन् ।
कारागारबाट हाकिम चोकतर्फ जाँदै गरेको हाल नम्बर नखुलेको मोटरसाइकल बागमती प्रदेश ०३-००१ ख ३६२० नम्बरको ट्रकमा ठोक्किँदा चालक भरतपुर-१२ बस्ने ३२ वर्षीय सागर पौडेल र मोटरसाइकलपछाडि सवार नुवाकोट घर भई हाल भरतपुर ९ बस्ने ३२ वर्षीय सुन्दर श्रेष्ठ घाइते भएका हुन् ।
चालकले मोटरसाइकल घटनास्थलबाट अन्यत्र राखी अस्पताल गएकाले खोजतलास कार्य भइरहेको र ट्रक चालक भरतपुर-१० बस्ने ३३ वर्षीय सुरेश कँडेल प्रहरीको सम्पर्कमा रहेको जिल्ला प्रहरी कार्यालय चितवनले जनाएको छ ।
