चितवन । जेन्जी चितवन र सिस्टरहुड नेपालको आयोजनामा तीन वर्षीया बालिका गरिमा चौधरीको न्यायका लागि आज साँझ ५ः३० बजे चितवन जिल्ला प्रशासन कार्यालय अगाडि विरोध प्रदर्शन हुने भएको छ।
बाराको जीतपुरसिमरा उपमहानगरपालिका–१ की गरिमा चौधरीको बलात्कारपछि भएको हत्याको विरोधमा आयोजना गरिएको प्रदर्शनमा घटनाका दोषीलाई कडा कानुनी कारबाही गर्न र पीडित परिवारलाई न्याय दिलाउन माग गरिनेछ।
घटनाको विरोधमा देशभर आवाज उठिरहेका बेला चितवनमा पनि न्यायको माग गर्दै प्रदर्शन गर्न लागिएको हो।
