भरतपुर । भरतपुर महानगरपालिका वडा नं–३, बेलचोकस्थित बेवारिसे अवस्थामा भेटिएका अन्दाजी ८० वर्षीय वृद्धको मानवसेवा आश्रममा मृत्यु भएको छ ।
भदौ २० गते रत्ननगर–१३ बाट नामथर वतन नखुलेका आप्पा भनेर चिनिने वृद्धको उद्धार गरी भरतपुर–३, बेलचोकस्थित मानवसेवा आश्रममा ल्याइ राखेकोमा भदौ २२ गते बेलुकी ४ः३० बजे मृत्यु भएको प्रहरीले जनाएको छ ।
यसैगरी, भरतपुर–३, पुलचोकमा बेवारिसे अवस्थामा भेटिएकी २२ वर्षीया युवतीलाई वडा प्रहरी कार्यालय नारायणगढबाट खटिएको प्रहरी टोलीले उद्धार गरी भरतपुर अस्पताल लगेको थियो ।
धादिङको गजुरी घर बताउने अन्दाजी २२ वर्षीया सुस्मिता गुरूङ दाहिने खुट्टामा घाउ भई खुट्टा फुलिएर हिँडडुल गर्न नसक्ने अवस्थामा प्रहरीले उद्धार गरेको थियो । निजको आइतबार बेलुकी ९ः०० बजे उपचारका क्रममा मृत्यु भएको प्रहरीले जनाएको छ ।
