रत्ननगर । रत्ननगर नगरपालिका वडा नं–१०, त्रिनेत्र पेट्रोल पम्पअगाडि पूर्व–पश्चिम राजमार्गमा बलेरोको ठक्करबाट मोटरसाइकल चालक गम्भीर घाइते भएका छन् ।
भरतपुरबाट टाँडीतर्फ आउँदै गरेको बा १५ च ८५४ नम्बरको बलेरोले विपरीत दिशातर्फ जाँदै गरेको ना ४४ प ३०९५ नम्बरको मोटरसाइकललाई ठक्कर दिँदा मोटरसाइकल चालक भरतपुर–२६ बस्ने ३१ वर्षीय सुशील रिमाल घाइते भएका हुन् ।
टाउको र अनुहारको भागमा चोट लागी गम्भीर घाइते रिमालको नयाँ मेडिकल कलेज (सिएमसी), भरतपुरमा उपचार भइरहेको र बलेरो चालक राप्ती–३ बस्ने २६ वर्षीय आकाश मुक्तान जिप्रका चितवनको नियन्त्रणमा रहेको प्रहरीले जनाएको छ ।
