रत्ननगर । रत्ननगर नगरपालिका वडा नं–८, चित्रसारीस्थित भित्री सडक खण्डमा स्कुटरको ठक्करबाट पैदलयात्री वृद्धा घाइते भएकी छन् ।
चित्रसारीबाट टाँडीतर्फ जाँदै गरेको ना २० प ३६९२ नम्बरको स्कुटरको ठक्करबाट पैदलयात्री रत्ननगर–८ बस्ने ७० वर्षीया उजेली अधिकारी घाइते भएकी हुन् ।
घाइते वृद्धाको पुरानो मेडिकल कलेज भरतपुरमा उपचार भइरहेको र उपचारमा निजकी बुहारी मीना अधिकारी संलग्न रहेकी छन् ।
स्कुटर प्रहरीले नियन्त्रणमा लिएको छ भने नामथर, वतन नखुलेका स्कुटर चालक फरार रहेकाले खोजतलास कार्य भइरहेको जनाएको छ ।
