रत्ननगर । रत्ननगर नगरपालिका वडा नं–९, गणेश चोकस्थित पूर्व–पश्चिम राजमार्गमा मोटरसाइकलले साइकलयात्रीलाई ठक्कर दिँदा दुई जना घाइते भएका छन् ।
भरतपुरबाट टाँडीतर्फ आउँदै गरेको प्रदेश ३–०३–००१ प ५२१६ नम्बरको मोटरसाइकलको ठक्करबाट साइकलयात्री गोरखा घर भई हाल रत्ननगर–९ बस्ने ३४ वर्षीय यमबहादुर चेपाङ र मोटरसाइकलपछाडि सवार खैरहनी–८ बस्ने २२ वर्षीया सुप्रिया क्षेत्री घाइते भएका हुन् ।
दुवै घाइतेको पुरानो मेडिकल कलेज, भरतपुरमा उपचार भइरहेको र मोटरसाइकल चालक रत्ननगर–३ बस्ने ४९ वर्षीय विक्रम चौधरी जिल्ला प्रहरी कार्यालय चितवनको नियन्त्रणमा रहेको प्रहरीले जनाएको छ ।
