रत्ननगर । ब्लड डोनर्स सोसाइटी नेपालले रत्ननगरका रमेश नेपाललाई केन्द्रीय सदस्य पदमा नियुक्त गरेको छ। सोसाइटीको विधान, नियमावली तथा कार्यकारी समिति बैठकको निर्णयअनुसार नेपाललाई केन्द्रीय सदस्यमा नियुक्ति गरिएको हो ।
रक्तदानजस्तो मानवसेवामूलक कार्यलाई प्रभावकारी, व्यवस्थित र देशव्यापी बनाउने उद्देश्यले नेपालको सामाजिक सेवाप्रतिको समर्पण, दीर्घ अनुभव र प्रतिबद्धतालाई मूल्याङ्कन गर्दै उनलाई यो जिम्मेवारी प्रदान गरिएको संस्थाले जनाएको छ ।
ब्लड डोनर्स सोसाइटी रत्ननगरका अध्यक्षसमेत रहेका नेपालले आफ्नो कार्यकालमा संस्थाप्रति निष्ठा, आस्था र कर्तव्यपरायणताका साथ जिम्मेवारी निर्वाह गर्ने प्रतिबद्धता व्यक्त गरेका छन् । नियुक्तिसँग सम्बन्धित थप कार्यविधि र जिम्मेवारीबारे आगामी बैठकमा जानकारी गराइने सोसाइटीले बताएको छ ।
