भरतपुर । भरतपुर महानगरपालिका वडा नं–१, रामनगरस्थित प्रदेश ट्राफिक कार्यालयअगाडि स्कुटरले पैदलयात्रीलाई ठक्कर दिँदा दुई जना घाइते भएका छन् ।
ठिमुराबाट आँपटारीतर्फ जाँदै गरेको ना ६४ प ५३९६ नम्बरको स्कुटरको ठक्करबाट पैदलयात्री भरतपुर–१ बस्ने ६० वर्षीया ईश्वरी श्रेष्ठ र स्कुटर चालक भरतपुर–२, क्षेत्रपुर बस्ने २१ वर्षीय विवेक परियार घाइते भएका हुन् ।
दुवै घाइतेको एलाइभ हस्पिटल भरतपुरमा उपचार भइरहेको र स्कुटर नियन्त्रणमा रहेको इलाका प्रहरी कार्यालय, रामनगरले जनाएको छ ।
